(1)

Le Rialachán Tarmligthe (AE) Uimh. 1062/2014 ón gCoimisiún (2), leagtar síos liosta de shubstaintí gníomhacha atá ann cheana a bhfuil meastóireacht le déanamh orthu maidir lena bhformheas féideartha i dtaca lena n-úsáid i dtáirgí bithicídeacha. Áirítear clóiríd dé-eicildémheitiolamóiniam sa liosta sin.

(2)

Rinneadh meastóireacht ar chlóiríd dé-eicildémheitiolamóiniam i ndáil lena húsáid i dtáirgí bithicídeacha de chineál táirge 1 (táirgí bithicídeacha sláinteachais) agus de chineál táirge 2 (dífhabhtáin don láthair phríobháideacht agus don láthair phoiblí agus táirgí bithicídeacha eile), mar a shainmhínítear in Iarscríbhinn V a ghabhann le Treoir 98/8/CE ó Pharlaimint na hEorpa agus ón gComhairle (3), a chomhfhreagraíonn do chineálacha táirgí 1 agus 2 faoi seach mar a shainmhínítear in Iarscríbhinn V a ghabhann le Rialachán (AE) Uimh. 528/2012.

(3)

Ainmníodh an Iodáil mar Bhallstát is rapóirtéir agus chuir a húdarás inniúil meastóireachta tuarascálacha measúnachta mar aon lena chonclúidí faoi bhráid an Choimisiúin an 10 Meán Fómhair 2012. Agus an tuarascáil mheasúnachta curtha isteach, tionóladh pléití i gcruinnithe teicniúla a d’eagraigh an Ghníomhaireacht Eorpach Ceimiceán (“An Ghníomhaireacht”).

(4)

Leanann sé ó Airteagal 90(2) de Rialachán (AE) Uimh. 528/2012 go bhfuil meastóireacht le déanamh ar shubstaintí a bhfuil meastóireacht na mBallstát curtha i gcrích ina leith faoin 1 Meán Fómhair 2013 i gcomhréir le forálacha Threoir 98/8/CE.

(5)

I gcomhréir le hAirteagal 75(1) de Rialachán (AE) Uimh. 528/2012, ullmhaíonn an Coiste um Tháirgí Bithicídeacha an tuairim ón nGníomhaireacht maidir le hiarratais ar fhormheas substaintí gníomhacha. I gcomhréir le hAirteagal 7(2) de Rialachán Tarmligthe (AE) Uimh. 1062/2014, ghlac an Coiste um Tháirgí Bithicídeacha na tuairimí ón nGníomhaireacht (4) an 2 Nollaig 2021, ag féachaint do chonclúidí an údaráis inniúil mheastóireachta.

(6)

De réir na dtuairimí sin, táirgí bithicídeacha de chineálacha táirgí 1 agus 2 ina bhfuil clóiríd dé-eicildémheitiolamóiniam féadfar coinne a bheith leis go gcomhlíonfaidh siad na ceanglais a leagtar síos in Airteagal 5(1), pointí (b), (c) agus (d), arna léamh gcomhar le hAirteagal 10(1) de Threoir 98/8/CE, ar choinníoll go gcomhlíontar ceanglais áirithe maidir lena n-úsáid.

(7)

Agus tuairimí na Gníomhaireachta á gcur san áireamh, is iomchuí clóiríd dé-eicildémheitiolamóiniam a fhormheas mar shubstaint ghníomhach a bhfuiltear lena húsáid i dtáirgí bithicídeacha de chineálacha táirge 1 agus 2 faoi réir comhlíonadh coinníollacha áirithe.

(8)

Ba cheart tréimhse réasúnta a bheith ann sula bhformheasfar substaint ghníomhach ionas go mbeidh páirtithe leasmhara in ann na bearta ullmhúcháin is gá a dhéanamh chun na ceanglais nua a chomhlíonadh.

(9)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Tháirgí Bithicídeacha,