(1)

I gcomhréir leis an nós imeachta a leagtar síos in Airteagail 19 go 22 de Rialachán (AE) 2018/1877 (“an 11ú Rialachán Airgeadais CEF”), tá an Coimisiún le togra a thíolacadh faoin 15 Deireadh Fómhair 2020 lena sonrófar: (a) uasteorainn mhéid bhliantúil na ranníocaíochta le haghaidh 2022; (b) méid bliantúil na ranníocaíochta le haghaidh 2021; (c) méid na chéad tráthchoda den ranníocaíocht le haghaidh 2021; agus (d) réamhaisnéis tháscach neamhcheangailteach i dtaca leis na méideanna bliantúla a mheastar a bheidh sna ranníocaíochtaí le haghaidh na mblianta 2023-2024.

(2)

I gcomhréir le hAirteagal 46 den 11ú Rialachán Airgeadais CEF, tá meastacháin nuashonraithe an Bhainc Eorpaigh Infheistíochta (BEI) maidir le gealltanais agus íocaíochtaí faoi na hionstraimí a ndéanann sé bainistíocht orthu seolta ag BEI chuig an gCoimisiún.

(3)

Le hAirteagal 20(1) den 11ú Rialachán Airgeadais CEF, foráiltear go n‐ídeofar ar dtús, agus glaonna á ndéanamh ar ranníocaíochtaí, na méideanna dá bhforáiltear i gCistí Eorpacha Forbraíochta (EDFanna) roimhe seo. Dá bhrí sin, ba cheart glao ar chistí a dhéanamh faoin 10ú CEF do BEI agus faoin 11ú CEF don Choimisiún.

(4)

Le hAirteagal 55 den 11ú Rialachán Airgeadais CEF, foráiltear go bhfuiltear chun an chuid sin de ranníocaíochtaí na mBallstát dá dtagraítear i bpointe (a) d’Airteagal 1(2), pointe (a), den Chomhaontú sin, a bhaint as na méideanna ó thionscadail faoin 10ú CEF nó ó CEFanna a bhí ann cheana nár gealladh de réir Airteagal 1(3) den Chomhaontú idir Ionadaithe Rialtais Bhallstáit an Aontais Eorpaigh, ag teacht le chéile dóibh i dtionól den Chomhairle, maidir le maoiniú na cabhrach ón Aontas Eorpach faoin gcreat airgeadais ilbhliantúil le haghaidh na tréimhse 2014 go 2020, i gcomhréir le Comhaontú Comhpháirtíochta ACC-AE, agus maidir le leithdháileadh cúnaimh airgeadais le haghaidh na dTíortha agus na gCríoch Thar Lear a bhfuil feidhm ag Cuid a Ceathair den Chonradh ar Fheidhmiú an Aontais Eorpaigh maidir leo, agus go háirithe as na méideanna sin a shaortar de réir Airteagal 1(4) den Chomhaontú sin, ach amháin má chinneann an Chomhairle a mhalairt d’aon toil.

(5)

Le hAirteagail 152 agus 153 den Chomhaontú maidir le Ríocht Aontaithe na Breataine Móire agus Thuaisceart Éireann a bheith ag tarraingt siar as an Aontas Eorpach agus as an gComhphobal Eorpach do Fhuinneamh Adamhach (3), foráiltear go bhfuil an Ríocht Aontaithe chun leanúint de bheith ina páirtí in CEF go dtí go ndúnfar an 11ú CEF agus gach CEF eile roimhe sin atá fós gan dúnadh. Níltear chun sciar na Ríochta Aontaithe de chistí saortha ó thionscadail faoin 10ú CEF nó faoi CEFanna roimhe sin a athúsáid, áfach.

(6)

An 24 Deireadh Fómhair 2019, trí bhíthin Chinneadh (AE) 2019/1800 (4), ar bhonn togra ón gCoimisiún, rinne an Chomhairle uasteorainn mhéid bliantúil ranníocaíochtaí CEF na mBallstát le haghaidh 2021 a shocrú ag EUR 3 700 000 000 don Choimisiún agus ag EUR 300 000 000 do BEI,