1.   Bunaítear leis an Rialachán seo rialacha agus nósanna imeachta maidir le gníomhaíochtaí an Aontais ar a aontachais le hIonstraim na Ginéive de Chomhaontú Liospóin i dtaca le hAinmniúcháin Tionscnaimh agus Tásca Geografacha (“Ionstraim na Ginéive”).

2.   Chun críche an Rialacháin seo, cumhdaítear sa téarma “tásca geografacha” ainmniúcháin tionscnaimh de réir bhrí Ionstraim na Ginéive, lena n-áirítear ainmniúcháin tionscnaimh de réir bhrí Rialacháin (AE) Uimh. 1151/2012 agus (AE) Uimh. 1308/2013, chomh maith le tásca geografacha de réir bhrí Rialacháin (AE) Uimh.1151/2012, (AE) Uimh.1308/2013, (AE) Uimh. 251/2014 agus (AE) 2019/787.

1.   Ar aontachas an Aontais le hIonstraim na Ginéive agus ina dhiaidh sin, ar bhonn rialta, déanfaidh an Coimisiún, ina cháil mar Údarás Inniúil de réir bhrí Airteagal 3 d'Ionstraim na Ginéive, iarratais a chomhdú maidir le tásca geografacha a chlárú go hidirnáisiúnta, ar tásca iad atá faoi chosaint ag dlí an Aontais agus cláraithe faoin dlí sin, agus a bhaineann le táirgí ar de thionscnamh an Aontais iad de bhun Airteagal 5(1) agus (2) d'Ionstraim na Ginéive chuig Biúró Idirnáisiúnta na hEagraíochta Domhanda um Maoin Intleachtúil (“an Biúró Idirnáisiúnta”).

2.   Chun críche mhír 1, féadfaidh na Ballstáit a iarraidh ar an gCoimisiún tásca geografacha ar de thionscnamh a gcríche iad, agus atá cosanta agus atá cláraithe faoi dhlí an Aontais, a chlárú sa Chlár Idirnáisiúnta. Beidh iarrataí den saghas sin bunaithe ar:

3.   Ar bhonn na n-iarrataí sin, glacfaidh an Coimisiún gníomhartha cur chun feidhme lena liostófar na tásca geografacha dá dtagraítear i mír 1 den Airteagal seo. Glacfar na gníomhartha cur chun feidhme sin i gcomhréir leis an nós imeachta scrúdúcháin dá dtagraítear in Airteagal 15(2).

1.   Glacfaidh an Coimisiún gníomh cur chun feidhme d'fhonn a iarradh ar an mBiúró Idirnáisiúnta clárúchán táisc gheografaigh sa Chlár Idirnáisiúnta ar de thionscnamh Ballstáit é, a chealú in aon cheann de na himthosca seo a leanas:

2.   Déanfar an gníomh cur chun feidhme dá dtagraítear i mír 1 den Airteagal seo a ghlacadh i gcomhréir leis an nós imeachta scrúdúcháin dá dtagraítear in Airteagal 15(2).

3.   Tabharfaidh an Coimisiún fógra, gan mhoill, don Bhiúró idirnáisiúnta maidir leis an iarraidh ar chealú.

1.   Foilseoidh an Coimisiún aon chlárú idirnáisiúnta a dtugann an Biúró Idirnáisiúnta fógra ina leith de bhun Airteagal 6(4) d'Ionstraim na Ginéive ar clárú é:

2.   Déanfar an clárú idirnáisiúnta dá dtagraítear i mír 1 a fhoilsiú i Sraith C d'Iris Oifigiúil an Aontais Eorpaigh. Áireofar san fhoilsiú tagairt do chineál agus do thír thionscnaimh an táirge.

1.   Déanfaidh an Coimisiún measúnú ar aon chlárú idirnáisiúnta a mbeidh fógra ina leith tugtha ag an mBiúró Idirnáisiúnta de bhun Airteagal 6(4) d'Ionstraim na Ginéive maidir leis na tásca geografacha atá cláraithe sa Chlár Idirnáisiúnta agus nach Ballstát ina leith sin an Páirtí Conarthach Tionscnaimh, mar a shainmhínítear é faoi phointe (xv) d'Airteagal 1 d'Ionstraim na Ginéive, chun a chinneadh an áirítear leis inneachar éigeantach a leagtar síos le Riail 5(2) de na Comhrialacháin faoi Chomhaontú Liospóin agus faoi Ionstraim na Ginéive (“na Comhrialacháin”), agus na mionsonraí a bhaineann le cáilíocht, clú nó tréithe mar a leagtar síos iad i Riail 5(3) de na Comhrialacháin, agus chun a fhíorú an mbaineann an foilsiú dá dtagraítear in Airteagal 4 le táirge dá dtugtar cosaint ar leibhéal an Aontais dá thásca geografacha.

2.   Déanfar an measúnú dá dtagraítear i mír 1 laistigh de cheithre mhí ó dháta cláraithe an táisc gheografaigh sa Chlár Idirnáisiúnta agus, mar chuid de sin, ní áireofar ann measúnú ar aon fhorálacha sonracha eile de chuid an Aontais a bhaineann le táirgí a chur ar an margadh agus, go háirithe, le caighdeáin sláintíochta agus fíteashláintíochta, caighdeáin mhargaíochta nó le lipéadú bia.

1.   Laistigh de cheithre mhí ón dáta a bhfoilseofar an clárú idirnáisiúnta i gcomhréir le hAirteagal 4, féadfaidh údaráis Bhallstáit nó tríú Páirtí Conarthach nach é an Páirtí Conarthach Tionscnaimh é mar a shainítear faoi phointe (xv) d'Airteagal 1 d'Ionstraim na Ginéive, nó duine nádúrtha nó dlítheanach ag a bhfuil leas dlisteanach agus atá bunaithe san Aontas nó i dtríú Páirtí Conarthach nach é an Páirtí Conarthach Tionscnaimh é, féadfaidh siad freasúra a thaisceadh leis an gCoimisiún.

Beidh an freasúra i gceann de theangacha oifigiúla institiúidí an Aontais.

2.   Ní ghlacfar leis an bhfreasúra dá dtagraítear i mír 1 den Airteagal seo ach amháin i gcás ina dtaiscfear é laistigh den teorainn ama a leagtar amach i mír 1 den Airteagal seo agus i gcás ina mbeidh sé bunaithe ar cheann amháin nó níos mó de na forais seo a leanas:

3.   Déanfaidh an Coimisiún na forais atá leis an bhfreasúra a leagtar amach i mír 2 a mheasúnú i ndáil le críoch an Aontais nó le cuid di.

1.   I gcás, ar bhonn an mheasúnaithe arna dhéanamh de bhun Airteagal 5, go gcomhlíonfar na coinníollacha a leagtar síos san Airteagal sin agus nach bhfaighfear aon fhreasúra nó aon fhreasúra inghlactha, diúltóidh an Coimisiún, de réir mar is iomchuí, trí bhíthin gníomh cur chun feidhme, aon fhreasúra neamh-inghlactha a dhiúltú agus cinnfidh sé cosaint a dheonú don tásc geografach trí bhíthin gníomh cur chun feidhme. Glacfar an gníomh cur chun feidhme sin i gcomhréir leis an nós imeachta scrúdúcháin dá dtagraítear in Airteagal 15(2).

2.   I gcás, ar bhonn an mheasúnaithe arna dhéanamh de bhun Airteagal 5, nach gcomhlíontar na coinníollacha a leagtar síos san Airteagal sin nó go bhfaightear freasúra atá inghlactha mar a leagtar amach in Airteagal 6(2), cinnfidh an Coimisiún, trí bhíthin gníomh cur chun feidhme, an ndéanfaidh sé cosaint a dheonú do thásc geografach arna chlárú sa Chlár Idirnáisiúnta. Glacfar an gníomh cur chun feidhme sin i gcomhréir leis an nós imeachta scrúdúcháin dá dtagraítear in Airteagal 15(2). I ndáil le tásca geografacha lena gcumhdaítear táirgí nach dtagann faoi inniúlacht na gcoistí dá bhforáiltear in Airteagal 15(1), déanfaidh an Coimisiún an cinneadh an ndéanfaidh sé cosaint a dheonú a ghlacadh.

3.   Sa chinneadh maidir le tásc geografach a chur faoi chosaint i gcomhréir le mír 1 nó le mír 2 den Airteagal seo, leagfar amach raon feidhme na cosanta arna deonú agus féadfar a áireamh inti coinníollacha atá ag luí le hIonstraim na Ginéive agus go háirithe féadfar idirthréimhse shainithe a dheonú ina chomhair, mar a shonraítear sin in Airteagal 17 d'Ionstraim na Ginéive agus i Riail 14 de na Comhrialacháin.

4.   I gcomhréir le hAirteagal 15(1) d'Ionstraim na Ginéive, tabharfaidh an Coimisiún fógra don Bhiúró Idirnáisiúnta faoi dhiúltú éifeachtaí an chlárúcháin idirnáisiúnta lena mbaineann i gcríoch an Aontais, laistigh de bhliain amháin ón dáta a bhfaighfear an fógra maidir le clárú idirnáisiúnta i gcomhréir le hAirteagal 6(4) d'Ionstraim na Ginéive, nó, sna cásanna dá dtagraítear sa chéad mhír d'Airteagal 5 de Chinneadh (AE) 2019/1754 laistigh de dhá bhliain ón tráth a bhfaighfear an fógra sin.

5.   Féadfaidh an Coimisiún, ar a thionscnamh féin nó ar iarraidh chuí-réasúnaithe ó Bhallstát, ó thríú tír nó ó dhuine nádúrtha nó dlítheanach a bhfuil leas dlisteanach aige, diúltú ar tugadh fógra ina leith cheana don Bhiúró Idirnáisiúnta a tharraingt siar, go hiomlán nó go páirteach, trí bhíthin gnímh cur chun feidhme. Glacfar an gníomh cur chun feidhme sin i gcomhréir leis an nós imeachta scrúdúcháin dá dtagraítear in Airteagal 15(2).

Tabharfaidh an Coimisiún fógra gan mhoill don Bhiúró Idirnáisiúnta maidir le tarraingt siar den sórt sin.

1.   Beidh feidhm ag na gníomhartha cur chun feidhme arna nglacadh ag an gCoimisiún de bhun Airteagal 7 gan dochar d'aon fhorálacha sonracha de chuid an Aontais a bhaineann le táirgí a chur ar an margadh agus, go háirithe, le comheagrú margaí talmhaíochta, le caighdeáin sláintíochta agus fíteashláintíochta, agus le lipéadú bia.

2.   Faoi réir mhír 1, féadfaidh aon oibreoir leas a bhaint as na tásca geografacha arna gcosaint de bhun an Rialacháin seo, ar oibreoir é a bhfuil margú á dhéanamh aige ar tháirge i gcomhréir le clárú idirnáisiúnta na dtásc geografach sin.

1.   Féadfaidh an Coimisiún, ar a thionscnamh féin nó ar iarraidh chuí-réasúnaithe ó Bhallstát, ó thríú tír nó ó dhuine nádúrtha nó dlítheanach a bhfuil leas dlisteanach aige, éifeachtaí na cosanta san Aontas atá ag tásc geografach a neamhbhailíochtú, go hiomlán nó i bpáirt, trí bhíthin gnímh cur chun feidhme, i gceann amháin nó níos mó de na himthosca seo a leanas:

2.   Ní ghlacfar na gníomhartha cur chun feidhme dá dtagraítear i mír 1 den Airteagal seo i gcomhréir leis an nós imeachta scrúdúcháin dá dtagraítear in Airteagal 15(2), ach amháin i gcás inar tugadh deis do dhaoine nádúrtha nó d'eintitis dhlítheanacha amhail faoi mar a thagraítear dóibh i bpointe (ii) d'Airteagal 5(2) d'Ionstraim na Ginéive nó do na tairbhithe, mar a shainmhínítear iad i bpointe (xvii) d'Airteagal 1 d'Ionstraim na Ginéive, a gcearta a chosaint.

3.   I gcás nach bhfuil an neamhbhailíochtú faoi réir achomhairc a thuilleadh, tabharfaidh an Coimisiún fógra gan mhoill don Bhiúró Idirnáisiúnta faoi neamhbhailíochtú éifeachtaí chlárú idirnáisiúnta an táisc gheografaigh i gcríoch an Aontais i gcomhréir le pointe (a) nó (c) de mhír 1.

1.   Beidh cosaint táisc gheografaigh gan dochar do bhailíocht thrádmhairc roimhe seo ar leibhéal an Aontais, ar an leibhéal réigiúnach nó ar an leibhéal náisiúnta a ndéanfar iarratas ina leith nó a chlárófar de mheon macánta, nó a gheofar trína úsáid de mheon macánta i gcríoch Ballstáit, aontais réigiúnaigh Ballstát nó i gcríoch an Aontais.

2.   Ní chuirfear tásc geografach atá cláraithe sa Chlár Idirnáisiúnta faoi chosaint i gcríoch an Aontais más rud é, i bhfianaise an chlú agus na cáile atá ar thrádmharc, agus an mhéid ama atá sé in úsáid, gur cosúil go gcuirfeadh cosaint an táisc gheografaigh sin i gcríoch an Aontais an tomhaltóir ar míthreoir maidir le fíorchéannacht an táirge.

3.   Gan dochar do mhír 2 i gcás trádmharc a ndearnadh iarratas ina leith, nó a cláraíodh de mheon macánta, nó a fuarthas trína úsáid, agus má dhéantar foráil don fhéidearthacht sin sa dlí infheidhme, laistigh de chríoch Ballstáit, aontais réigiúnaigh Ballstát nó de chríoch an Aontais, roimh an dáta ar thug an Biúró Idirnáisiúnta fógra don Choimisiún maidir le foilsiú chlárú idirnáisiúnta an táisc gheografaigh, agus a sháródh a úsáid sin cosaint an táisc gheografaigh, féadfar leanúint ar aghaidh á úsáid agus á athnuachan le haghaidh an táirge lena mbaineann d'ainneoin cosaint a bheith tugtha don tásc geografach, ar choinníoll nach bhfuil aon fhorais ann chun an trádmharc a neamhbhailíochtú nó a chúlghairm faoi Rialachán (AE) 2017/1001 ó Pharlaimint na hEorpa agus ón gComhairle (9) ná faoi Rialachán (AE) 2015/2436 ó Pharlaimint na hEorpa agus ón gComhairle (10). I gcásanna den sórt sin, ceadófar úsáid an táisc gheografaigh agus úsáid an trádmhairc lena mbaineann ar aon.

1.   I ndáil le gach ainmniúchántionscnaimh ar de thionscnamh Ballstáit ar páirtí é i gComhaontú Liospóin é, le haghaidh táirge atá cosanta faoi cheann amháin de na Rialacháin dá dtagraítear in Airteagal 1 den Rialachán seo, roghnóidh an Ballstát lena mbaineann, ar bhonn iarraidh ó dhuine nádúrtha nó ó eintiteas dlítheanach dá dtagraítear i bpointe (ii) d'Airteagal 5(2) d'Ionstraim na Ginéive nó ag tairbhí mar a shainmhínítear é i bpointe (xvii) d'Airteagal 1 d'Ionstraim na Ginéive, nó ar a thionscnamh féin, cinneadh a dhéanamh ceann de na nithe seo a leanas a iarraidh:

Tabharfaidh an Ballstát lena mbaineann fógra don Choimisiún maidir leis an rogha dá dtagraítear sa chéad fhomhír faoin

Sna himthosca dá dtagraítear i bpointe (a) den chéad fhomhír, fíoróidh an Ballstát lena mbaineann, i gcomhordú leis an gCoimisiún, leis an mBiúró Idirnáisiúnta an bhfuil aon mhodhnuithe ann a bheidh le déanamh faoi Riail 7 (4) de na Comhrialacháin chun críche clárú faoi Ionstraim na Ginéive.

Údaróidh an Coimisiún don Bhallstát, trí bhíthin gníomh cur chun feidhme, chun foráil a dhéanamh do na modhnuithe riachtanacha agus chun fógra a thabhairt don Bhiúró Idirnáisiúnta. Glacfar an gníomh cur chun feidhme sin i gcomhréir leis an nós imeachta scrúdúcháin dá dtagraítear in Airteagal 15(2).

2.   I ndáil le gach ainmniúchántionscnaimh ar de thionscnamh Ballstáit é, ar páirtí conarthach é i gComhaontú Liospóin, le haghaidh táirge a thagann faoi raon feidhme ceann amháin de na Rialacháin dá dtagraítear in Airteagal 1(2) den Rialachán seo, ach nach bhfuil faoi chosaint aon cheann de na Rialacháin sin, déanfaidh an Ballstát lena mbaineann, ar bhonn iarrata ag duine nádúrtha nó ag eintiteas dlítheanach dá dtagraítear i bpointe (ii) d'Airteagal 5(2) d'Ionstraim na Ginéive nó ag tairbhí mar a shainmhínítear é i bpointe (xvii) d'Airteagal 1 d'Ionstraim na Ginéive, nó ar a thiosncnamh féin, cinneadh a dhéanamh ceann de na nithe seo a leanas a iarraidh:

Tabharfaidh an Ballstát lena mbaineann fógra don Choimisiún maidir leis an rogha dá dtagraítear sa chéad fhomhír, agus déanfaidh siad an iarraidh faoi seach a thaisceadh, faoin 14 Samhain 2022

Sna himthosca dá dtagraítear i bpointe (a) den chéad fhomhír, iarrfaidh an Ballstát lena mbaineann clárú idirnáisiúnta an t-ainmniúcháin tionscnaimh sin faoi Ionstraim na Ginéive, i gcás gur dhaingnigh an Ballstát sin Ionstraim na Ginéive nó gur aontaigh sé di de bhun an údaraithe dá dtagraítear in Airteagal 3 de Chinneadh (AE) 2019/1754 ón gComhairle, laistigh de bhliain amháin ó dháta clárúcháin an táisc gheografaigh faoin Rialachán is infheidhme. Beidh feidhm ag an tríú agus ag an gceathrú fomhír de mhír 1.

I gcás go ndiúltófar don iarraidh ar chlárú faoin Rialachán is infheidhme agus go mbeidh na leighis riaracháin agus bhreithiúnacha bainteacha ídithe, nó mura mbeidh an iarraidh ar chlárú faoi Ionstraim na Ginéive déanta de bhun an tríú fomhír den mhír seo, iarrfaidh an Ballstát lena mbaineann, gan mhoill, cealú chlárú an ainmniúcháintionscnaimh sin sa Chlár Idirnáisiúnta.

3.   I ndáil leis na hainmniúcháin tionscnaimh do tháirgí nach dtagann faoi raon feidhme ceann amháin de na Rialacháin dá dtagraítear in Airteagal 1(2) den Rialachán seo, nach dtugtar cosaint ar leibhéal an Aontais dá dtásca geografacha, féadfaidh Ballstát, ar páirtí cheana i gComhaontú Liospóin é, aon chlárú atá ann sa Chlár Idirnáisiúnta a choinneáil.

Féadfaidh an Ballstát sin tuilleadh iarratas a chur isteach ar ainmniúcháin tionscnaimh den sórt sin ar de thionscnamh a chríche iad a chlárú sa Chlár Idirnáisiúnta faoi Chomhaontú Liospóin má chomhlíontar na coinníollacha seo a leanas:

I gcás ina n-iarrfar tuilleadh faisnéise ón gCoimisiún maidir leis an bhfógra a dhéantar faoi phointe (a) den dara fomhír, is é an spriocdháta a bheidh ag an gCoimisiún chun gníomhú ná mí tar éis dó an fhaisnéis a iarradh a fháil.

Cuirfidh an Coimisiún aon fhógra a thabharfar faoi phointe (a) den dara fomhír in iúl do na Ballstáit eile láithreach.

1.   Féadfaidh na Ballstáit ar páirtithe iad i gComhaontú Liospóin roimh aontachas an Aontais le hIonstraim na Ginéive leanúint de chosaint a thabhairt d'ainmniúcháin tionscnaimh de thionscnamh tríú tír ar páirtí í an tríú tír i gComhaontú Liospóin trí bhíthin córas náisiúnta cosanta, le héifeacht ón dáta a ndéanfar páirtí conarthach den Aontas in Ionstraim na Ginéive, i ndáil le hainmniúcháin tionscnaimh arna gclárú faoin dáta sin faoi Chomhaontú Liospóin.

2.   I gcás na cosanta dá dtagraítear i mír 1:

3.   I gcás nach mbeidh ainmniúchán tionscnaimh de thionscnamh tríú tír cláraithe faoin Rialachán seo, nó nach ngabhtar ionad na cosanta náisiúnta i gcomhréir le pointe (a) de mhír 2, is ar an mBallstát lena mbaineann amháin a bheidh an fhreagracht as iarmhairtí cosanta náisiúnta den sórt sin.

4.   Is ar an leibhéal náisiúnta amháin a bheidh éifeachtaí ag na bearta arna ndéanamh ag na Ballstáit faoi mhír 1, agus ní bheidh aon éifeacht acu ar an trádáil laistigh den Aontas ná ar an trádáil idirnáisiúnta.

5.   Déanfaidh na Ballstáit dá dtagraítear i mír 1 aon fhógra a dhéanfaidh an Biúró Idirnáisiúnta faoi Chonradh Liospóin a tharchur chuig an gCoimisiún. Déanfaidh an Coimisiún an fógra sin a tharchur ansin chuig na Ballstáit eile go léir.

6.   Dearbhóidh na Ballstáit dá dtagraítear i mír 1 den Airteagal seo don Bhiúró Idirnáisiúnta nach féidir leo cosaint ainmniúcháin tionscnaimh a áirithiú do tháirge, a thagann faoi raon feidhme ceann amháin de na Rialacháin dá dtagraítear in Airteagal 1(2) den Rialachán seo, arna chlárú agus arna fhógairt faoi Chonradh Liospóin ón dáta ar a ndéanfar Páirtí Conarthach in Ionstraim na Ginéive den Aontas.

1.   Déanfaidh na coistí seo a leanas cúnamh a thabhairt don Choimisiún de réir bhrí Rialachán (AE) Uimh. 182/2011 i ndáil leis na táirgí seo a leanas:

2.   I gcás ina ndéanfar tagairt don mhír seo, beidh feidhm ag Airteagal 5 de Rialachán (AE) Uimh. 182/2011.