1.   Leis an Rialachán seo, bunaítear “Córas Eorpach um Fhaisnéis agus Údarú Taistil” (ETIAS) i gcomhair náisiúnaigh tríú tír atá díolmhaithe ón gceanglas víosa a bheith ina seilbh acu agus iad ag trasnú na dteorainneacha seachtracha (“an ceanglas víosa”) lena gcumasaítear a mheas an mbeadh riosca slándála, riosca inimirce neamhdhlíthiúla nó ardriosca eipidéime ann de dheasca na náisiúnaigh tríú tír sin a bheith ar chríoch na mBallstát. Chun na críche sin, tugtar isteach údarú taistil agus na coinníollacha agus na nósanna imeachta i dtaobh a eisiúna nó a dhiúltaithe.

2.   Leagtar síos sa Rialachán seo na coinníollacha faoina bhféadfaidh údaráis ainmnithe na mBallstát agus Europol sonraí arna stóráil i Lárchóras ETIAS a cheadú chun cionta sceimhlitheoireachta nó cionta coiriúla tromchúiseacha eile a thagann faoina n-inniúlacht a chosc, a bhrath agus a imscrúdú.

1.   Tá feidhm ag an Rialachán seo maidir leis na catagóirí seo a leanas de náisiúnaigh tríú tír:

2.   Níl feidhm ag an Rialachán seo maidir le:

1.   Chun críocha an Rialacháin seo, tá feidhm ag na sainmhínithe seo a leanas:

2.   Na téarmaí a shainmhínítear in Airteagal 2 de Rialachán (CE) Uimh. 45/2001, beidh an bhrí chéanna leo sa Rialachán seo a mhéid a dhéanann an Ghníomhaireacht Eorpach um an nGarda Teorann agus Cósta agus eu-LISA sonraí pearsanta a phróiseáil.

3.   Na téarmaí a shainmhínítear in Airteagal 4 de Rialachán (AE) 2016/679, beidh an bhrí chéanna leo sa Rialachán seo a mhéid a dhéanann údaráis na mBallstát sonraí pearsanta a phróiseáil chun na gcríoch a leagtar síos i bpointí (a) go (e) d’Airteagal 4 den Rialachán seo.

4.   Na téarmaí a shainmhínítear in Airteagal 3 de Threoir (AE) 2016/680, beidh an bhrí chéanna leo sa Rialachán seo a mhéid a dhéanann údaráis na mBallstát sonraí pearsanta a phróiseáil chun na gcríoch a leagtar síos i bpointe (f) d’Airteagal 4 den Rialachán seo.

1.   Déanfaidh an Ghníomhaireacht Eorpach chun bainistiú oibríochtúil a dhéanamh ar chórais mhórscála TF sa limistéar saoirse, slándála agus ceartais (“eu-LISA”) Córas Faisnéise ETIAS a fhorbairt agus déanfaidh sí bainistiú teicniúil an chórais sin a áirithiú.

2.   Is é a bheidh i gCóras Faisnéise ETIAS:

3.   Déanfaidh Lárchóras ETIAS, na NUInna, an tseirbhís gréasáin, an geata iompróra agus bonneagar cumarsáide ETIAS, a mhéid is féidir ó thaobh na teicneolaíochta de, comhpháirteanna crua-earraí agus comhpháirteanna bogearraí ó Lárchóras EES, ó Chomhéadain Aonfhoirmeacha Náisiúnta EES, ó sheirbhís gréasáin EES agus ó Bhonneagar Cumarsáide EES dá dtagraítear i Rialachán (AE) 2017/2226 a chomhroinnt agus a athúsáid.

4.   Déanfaidh an Coimisiún gníomhartha tarmligthe a ghlacadh i gcomhréir le hAirteagal 89 chun ceanglais na seirbhíse cuntais shláin dá dtagraítear i bpointe (g) de mhír 2 den Airteagal seo a shainiú.

1.   Bunaítear leis seo Láraonad ETIAS laistigh den Ghníomhaireacht Eorpach um an nGarda Teorann agus Cósta.

2.   Beidh Láraonad ETIAS oibríochtúil 24 huaire an chloig in aghaidh an lae, 7 lá na seachtaine. Beidh na freagrachtaí seo a leanas air:

3.   Foilseoidh Láraonad ETIAS tuarascáil bhliantúil ar ghníomhaíochtaí. Áireofar na nithe seo a leanas sa tuarascáil sin:

Cuirfear an tuarascáil bhliantúil ar ghníomhaíochtaí chuig Parlaimint na hEorpa, chuig an gComhairle agus chuig an gCoimisiún faoin 31 Márta an bhliain dar gcionn.

1.   Ainmneoidh gach Ballstát údarás inniúil i gcáil Aonad Náisiúnta ETIAS.

2.   Beidh Aonaid Náisiúnta ETIAS freagrach as an méid seo a leanas:

3.   Cuirfidh na Ballstáit acmhainní leordhóthanacha ar fáil d’Aonaid Náisiúnta ETIAS ionas gur féidir leo a gcúraimí a chomhlíonadh i gcomhréir leis na spriocamanna a leagtar amach sa Rialachán seo.

1.   Bunaítear leis seo Bord ETIAS um Scagadh a mbeidh feidhm chomhairleach aige laistigh den Ghníomhaireacht Eorpach um an nGarda Teorann agus Cósta. Beidh sé comhdhéanta d’ionadaí ó gach Aonad Náisiúnta ETIAS, ón nGníomhaireacht Eorpach um an nGarda Teorann agus Cósta, agus ó Europol.

2.   Rachfar i gcomhairle le Bord ETIAS um Scagadh ar na nithe seo a leanas:

3.   Eiseoidh Bord ETIAS um Scagadh tuairimí, treoirlínte, moltaí agus dea-chleachtais chun na gcríoch dá dtagraítear i mír 2. Nuair a bheidh moltaí á n-eisiúint aige, cuirfidh Bord ETIAS um Scagadh na moltaí arna n-eisiúint ag Treoirbhord ETIAS um Chearta Bunúsacha san áireamh.

4.   Tiocfaidh Bord ETIAS um Scagadh le chéile nuair is gá, agus ar a laghad dhá uair sa bhliain. Iompróidh an Ghníomhaireacht Eorpach um an nGarda Teorann agus Cósta costais agus seirbhísiú na gcruinnithe sin.

5.   Féadfaidh Bord ETIAS um Scagadh dul i gcomhairle le Treoirbhord ETIAS um Chearta Bunúsacha maidir le saincheisteanna sonracha a bhaineann le cearta bunúsacha, go háirithe maidir le príobháideacht, cosaint sonraí pearsanta agus neamh-idirdhealú.

6.   Glacfaidh Bord ETIAS um Scagadh rialacha nós imeachta ag an gcéad chruinniú a bheidh aige trí thromlach simplí a chuid comhaltaí.

1.   Bunaítear leis seo Treoirbhord ETIAS um Chearta Bunúsacha ag a mbeidh feidhm chomhairleach agus bhreithmheasa. Gan dochar dá n-inniúlachtaí faoi seach agus dá neamhspleáchas, beidh an Bord comhdhéanta d’Oifigeach um Chearta Bunúsacha na Gníomhaireachta Eorpaí um an nGarda Teorann agus Cósta, d’ionadaí ón bhfóram comhairleach maidir le cearta bunúsacha na Gníomhaireachta Eorpaí um an nGarda Teorann agus Cósta, d’ionadaí ón Maoirseoir Eorpach ar Chosaint Sonraí, d’ionadaí ón mBord Eorpach um Chosaint Sonraí a bunaíodh le Rialachán (AE) 2016/679 agus d’ionadaí ó Ghníomhaireacht an Aontais Eorpaigh um Chearta Bunúsacha.

2.   Déanfaidh Treoirbhord ETIAS um Chearta Bunúsacha breithmheasanna rialta agus eiseoidh sé moltaí do Bhord ETIAS um Scagadh maidir leis an tionchar ar chearta bunúsacha atá ag próiseáil na n-iarratas agus ag cur chun feidhme Airteagal 33, go háirithe maidir le príobháideacht, cosaint sonraí pearsanta agus neamh-idirdhealú.

Chomh maith leis sin, tacóidh Treoirbhord ETIAS um Chearta Bunúsacha le Bord ETIAS um Scagadh agus a chúraimí á bhfeidhmiú aige nuair a théann Bord ETIAS um Scagadh i gcomhairle leis maidir le saincheisteanna sonracha a bhaineann le cearta bunúsacha, go háirithe maidir le príobháideacht, cosaint sonraí pearsanta agus neamh-idirdhealú.

Beidh rochtain ag Treoirbhord ETIAS um Chearta Bunúsacha ar na hiniúchtaí dá dtagraítear i bpointe (e) d’Airteagal 7(2).

3.   Tiocfaidh Treoirbhord ETIAS um Chearta Bunúsacha le chéile nuair is gá, agus ar a laghad dhá uair sa bhliain. Iompróidh an Ghníomhaireacht Eorpach um an nGarda Teorann agus Cósta costais agus seirbhísiú na gcruinnithe sin. Tionólfar a chruinnithe ar áitribh na Gníomhaireachta Eorpaí um an nGarda Teorann agus Cósta. Cuirfidh an Ghníomhaireacht Eorpach um an nGarda Teorann agus Cósta rúnaíocht ar fáil do na cruinnithe sin. Glacfaidh Treoirbhord ETIAS um Chearta Bunúsacha rialacha nós imeachta ag an gcéad chruinniú a bheidh aige trí thromlach simplí a chuid comhaltaí.

4.   Iarrfar ar ionadaí amháin ó Threoirbhord ETIAS um Chearta Bunúsacha freastal ar chruinnithe de chuid Bhord ETIAS um Scagadh i gcáil chomhairleach. Beidh rochtain ag comhaltaí Threoirbhord ETIAS um Chearta Bunúsacha ar an bhfaisnéis agus ar na comhaid atá ag Bord ETIAS um Scagadh.

5.   Déanfaidh Treoirbhord ETIAS um Chearta Bunúsacha tuarascáil bhliantúil. Cuirfear an tuarascáil sin ar fáil go poiblí.

1.   Bunófar idir-inoibritheacht idir Córas Faisnéise ETIAS, córais faisnéise AE eile agus sonraí Europol chun gur féidir an fíorú dá dtagraítear in Airteagal 20 a dhéanamh.

2.   Na leasuithe ar na gníomhartha dlíthiúla lena mbunaítear córais faisnéise AE is gá iad lena n-idir-inoibritheacht le ETIAS a bhunú, chomh maith leis na forálacha comhfhreagracha a chur leis an Rialachán seo, déanfar iad in ionstraim dhlíthiúil faoi leith.

1.   Forchoimeádfar rochtain ar chóras faisnéise ETIAS go heisiach do chomhaltaí foirne cuí-údaraithe Láraonad ETIAS agus Aonaid Náisiúnta ETIAS.

2.   Déanfar an rochtain a bheidh ag údaráis teorann ar Lárchóras ETIAS i gcomhréir le hAirteagal 47 a theorannú do chuardaigh i Lárchóras ETIAS chun stádas údaraithe taistil taistealaí atá i láthair ag pointe trasnaithe teorann seachtraí a fháil agus do na sonraí dá dtagraítear i bpointe (a), pointe (c) agus pointe (d) d’Airteagal 47(2). Chomh maith leis sin, cuirfear na húdaráis teorann ar an eolas go huathoibríoch faoi na bratacha dá dtagraítear in Airteagal 36(2) agus (3) agus faoi na cúiseanna atá leis na bratacha.

I gcás, ar bhonn eisceachtúil, ina mbeidh, de réir na brataí, seiceáil ar an dara líne molta ag an teorainn nó ina bhfuil fíoruithe breise de dhíth chun seiceáil ar an dara líne a dhéanamh, beidh rochtain ag na húdaráis teorann ar Lárchóras ETIAS chun an fhaisnéis bhreise dá bhforáiltear i bpointe (e) d’Airteagal 39(1) nó i bpointe (f) d’Airteagal 44(6) a fháil.

3.   Déanfar an rochtain a bheidh ag iompróirí ar Chóras Faisnéise ETIAS i gcomhréir le hAirteagal 45 a theorannú d’iarratais a chur chuig Córas Faisnéise ETIAS chun stádas údaraithe taistil taistealaí a fháil.

4.   Déanfar an rochtain a bheidh ag údaráis inimirce ar Lárchóras ETIAS i gcomhréir le hAirteagal 49 a theorannú do stádas údaraithe taistil taistealaí atá i láthair ar chríoch an Bhallstáit a fháil agus do shonraí áirithe dá dtagraítear san Airteagal sin.

Déanfar an rochtain a bheidh ag údaráis inimirce ar Lárchóras ETIAS i gcomhréir le hAirteagal 65(3) a theorannú do na sonraí dá dtagraítear san Airteagal sin.

5.   Ainmneoidh gach Ballstát na húdaráis inniúla náisiúnta dá dtagraítear i mír 1, mír 2 agus mír 4 den Airteagal seo agus cuirfidh siad liosta de na húdaráis sin in iúl do eu-LISA gan mhoill, i gcomhréir le hAirteagal 87(2). Sonrófar sa liosta sin cad chuige a mbeidh rochtain ag foireann chuí-údaraithe gach údaráis ar na sonraí atá i gCóras Faisnéise ETIAS i gcomhréir le mír 1, mír 2 agus mír 4 den Airteagal seo.

1.   Déanfaidh iarratasóirí iarratas a chur isteach trí fhoirm iarratais ar líne a chomhlánú ar an suíomh gréasáin poiblí atá ar fáil chuige sin nó tríd an aip le haghaidh gléasanna móibíleacha, in am trátha roimh aon taisteal a bheartaítear, nó, más rud é go bhfuil siad i láthair ar chríoch na mBallstát cheana, sula rachaidh bailíocht údaraithe taistil atá ina seilbh acu cheana in éag.

2.   Féadfaidh sealbhóirí údaraithe taistil iarratas a chur isteach ar údarú taistil nua amhail ó 120 lá roimh dhul in éag an údaraithe taistil.

120 lá roimh dhul in éag an údaraithe taistil, cuirfidh Lárchóras ETIAS sealbhóir an údaraithe taistil sin ar an eolas, go huathoibríoch, tríd an tseirbhís ríomhphoist faoin méid seo a leanas:

3.   Déanfar gach fógra a thabharfar don iarratasóir chun críche a iarratas nó a hiarratas ar údarú taistil a sheoladh chuig an seoladh ríomhphoist a chuir an t-iarratasóir ar fáil san fhoirm iarratais dá dtagraítear i bpointe (g) d’Airteagal 17(2).

4.   Féadfar iarratais a bheith curtha isteach ag an iarratasóir nó ag idirghabhálaí tráchtála a bheidh údaraithe ag an iarratasóir an t-iarratas a chur isteach thar a cheann nó a ceann.

5.   Déanfaidh an Coimisiún, trí bhíthin gníomh cur chun feidhme, foirm a chruthú lena gceadaítear mí-úsáidí ó na hidirghabhálaithe tráchtála dá dtagraítear i mír 4 den Airteagal seo a thuairisciú. Cuirfear an fhoirm sin ar fáil tríd an suíomh gréasáin atá ar fáil chuige sin nó tríd an aip le haghaidh gléasanna móibíleacha dá dtagraítear i mír 1 den Airteagal seo. Seolfar foirmeacha comhlánaithe den sórt sin chuig Láraonad ETIAS a dhéanfaidh gníomhaíocht iomchuí, lena n-áirítear tuarascálacha rialta a chur chuig an gCoimisiún. Déanfar an gníomh cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 90(2).

1.   Tríd an suíomh gréasáin poiblí agus an aip le haghaidh gléasanna móibíleacha, cuirfear ar chumas náisiúnach tríú tír atá faoi réir an cheanglais i leith údarú taistil iarratas ar údarú taistil a thíolacadh, na sonraí is gá san fhoirm iarratais a sholáthar i gcomhréir le hAirteagal 17 agus an táille údaraithe taistil a íoc.

2.   Cuirfidh an suíomh gréasáin poiblí agus an aip le haghaidh gléasanna móibíleacha an fhoirm iarratais ar fáil saor in aisce agus go forleathan d’iarratasóirí agus beidh rochtain éasca acu uirthi. Tabharfar aird faoi leith ar inrochtaineacht an tsuímh gréasáin phoiblí agus na haipe le haghaidh gléasanna móibíleacha i gcás daoine atá faoi mhíchumas.

3.   Beidh an suíomh gréasáin poiblí agus an aip le haghaidh gléasanna móibíleacha ar fáil i ngach teanga oifigiúil de chuid na mBallstát.

4.   Sa chás nach ionann teanga oifigiúil nó teangacha oifigiúla na dtíortha a liostaítear in Iarscríbhinn II a ghabhann le Rialachán (CE) Uimh. 539/2001 agus na teangacha dá dtagraítear i mír 3, déanfaidh eu-LISA bileoga eolais, ina mbeidh faisnéis mhíniúcháin a bhaineann le ETIAS, leis an nós imeachta maidir le hiarratas a dhéanamh, le húsáid an tsuímh gréasáin phoiblí agus na haipe le haghaidh gléasanna móibíleacha chomh maith le treoir chéim ar chéim maidir le hiarratas a dhéanamh, a chur ar fáil ar an suíomh gréasáin poiblí agus ar an aip le haghaidh gléasanna móibíleacha i gceann amháin ar a laghad de theangacha oifigiúla na dtíortha dá dtagraítear. I gcás ina bhfuil níos mó ná teanga oifigiúil amháin ag aon tír den sórt sin, ní bheidh gá le bileoga eolais den sórt sin ach amháin sa chás nach ionann aon cheann de na teangacha sin agus na teangacha dá dtagraítear i mír 3.

5.   Cuirfidh an suíomh gréasáin poiblí agus an aip le haghaidh gléasanna móibíleacha in iúl d’iarratasóirí na teangacha a fhéadfar a úsáid chun an fhoirm iarratais a chomhlánú.

6.   Soláthróidh an suíomh gréasáin poiblí agus an aip le haghaidh gléasanna móibíleacha seirbhís cuntais d’iarratasóir lena gcuirfear ar chumas na n-iarratasóirí faisnéis bhreise nó doiciméadacht bhreise a sholáthar, más gá.

7.   Tríd an suíomh gréasáin poiblí agus an aip le haghaidh gléasanna móibíleacha, cuirfear iarratasóirí ar an eolas faoin gceart atá acu achomharc a dhéanamh faoin Rialachán seo má dhéantar údarú taistil a dhiúltú, a chúlghairm nó a neamhniú. Chuige sin, beidh faisnéis iontu maidir leis an dlí náisiúnta is infheidhme, an t-údarás inniúil, conas achomharc a thaisceadh, an teorainn ama i ndáil le hachomharc a thaisceadh agus faisnéis faoi aon chúnamh a fhéadfaidh an t-údarás náisiúnta cosanta sonraí a sholáthar.

8.   Tríd an suíomh gréasáin poiblí agus an aip le haghaidh gléasanna móibíleacha, cuirfear ar chumas iarratasóirí a léiriú go mbaineann cuspóir a dtréimhse fanachta atá beartaithe le forais dhaonnúla nó le hoibleagáidí idirnáisiúnta.

9.   Beidh an fhaisnéis dá dtagraítear in Airteagal 71 ar an suíomh gréasáin poiblí.

10.   Glacfaidh an Coimisiún, trí bhíthin gníomhartha cur chun feidhme, rialacha mionsonraithe le haghaidh oibriú an tsuímh gréasáin phoiblí agus na haipe le haghaidh gléasanna móibíleacha, agus maidir leis na caighdeáin cosanta sonraí agus na caighdeáin slándála is infheidhme maidir leis an suíomh gréasáin poiblí agus an aip le haghaidh gléasanna móibíleacha. Beidh na rialacha mionsonraithe sin bunaithe ar bhainistiú riosca a bhaineann le slándáil faisnéise agus ar phrionsabail na cosanta sonraí trí dhearadh agus mar réamhshocrú. Glacfar na gníomhartha cur chun feidhme sin i gcomhréir leis an nós imeachta scrúdúcháin dá dtagraítear in Airteagal 90(2).

1.   Cuirfidh gach iarratasóir isteach foirm iarratais chomhlánaithe lena n-áirítear dearbhú i ndáil le barántúlacht, iomláine, cruinneas agus iontaofacht na sonraí arna gcur isteach agus dearbhú i ndáil le fírinneacht agus iontaofacht na ráiteas arna ndéanamh. Cuirfidh gach iarratasóir in iúl freisin go dtuigeann sé nó sí na coinníollacha maidir le dul isteach dá dtagraítear in Airteagal 6 de Rialachán (AE) 2016/399 agus go bhféadfar iarraidh air nó uirthi na doiciméid tacaíochta ábhartha a sholáthar tráth gach dul isteach. Cuirfidh mionaoisigh isteach foirm iarratais a bheidh ríomhshínithe ag duine a fheidhmíonn údarás tuismitheora buan nó sealadach nó caomhnóireacht dhleathach.

2.   Soláthróidh an t-iarratasóir na sonraí pearsanta seo a leanas san fhoirm iarratais:

3.   Roghnóidh an t-iarratasóir a shlí bheatha reatha nó a slí bheatha reatha (grúpa poist) ó liosta réamhshocraithe. Déanfaidh an Coimisiún gníomhartha tarmligthe a ghlacadh i gcomhréir le hAirteagal 89 chun an liosta réamhshocraithe sin a leagan síos.

4.   Lena chois sin, tabharfaidh an t-iarratasóir freagraí ar na ceisteanna seo a leanas:

5.   Déanfaidh an Coimisiún gníomhartha tarmligthe a ghlacadh i gcomhréir le hAirteagal 89 lena sonrófar ábhar agus formáid na gceisteanna dá dtagraítear i mír 4 den Airteagal seo. Cuirfidh ábhar agus formáid na gceisteanna sin ar chumas na n-iarratasóirí freagraí soiléire, beachta a thabhairt.

6.   Sa chás ina dtabharfaidh an t-iarratasóir freagra dearfach ar aon cheann de na ceisteanna dá dtagraítear i mír 4, ceanglófar air nó uirthi freagraí a thabhairt ar roinnt ceisteanna réamhshocraithe breise ar an bhfoirm iarratais trí fhreagraí a roghnú as liosta réamhshocraithe d’fhreagraí. Déanfaidh an Coimisiún gníomhartha tarmligthe a ghlacadh i gcomhréir le hAirteagal 89 chun ábhar agus formáid na gceisteanna breise sin agus an liosta réamhshocraithe d’fhreagraí ar na ceisteanna sin a leagan síos.

7.   Is i gcarachtair aibítir na Laidine a líonfaidh an t-iarratasóir isteach na sonraí dá dtagraítear i mír 2 agus mír 4.

8.   Nuair a chuirfear isteach an fhoirm iarratais, baileoidh Córas Faisnéise ETIAS an seoladh IP ónar cuireadh isteach an fhoirm.

9.   Saineoidh an Coimisiún, trí bhíthin gníomhartha cur chun feidhme, na ceanglais maidir le formáid na sonraí pearsanta dá dtagraítear i mír 2 agus mír 4 den Airteagal seo atá le cur isteach san fhoirm iarratais chomh maith leis na paraiméadair agus na fíoruithe atá le cur chun feidhme chun comhlántacht an iarratais agus comhleanúnachas na sonraí sin a áirithiú. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá tagraítear in Airteagal 90(2).

1.   Íocfaidh an t-iarratasóir táille údaraithe taistil EUR 7 i gcás gach iarratais.

2.   Déanfar an táille údaraithe taistil a tharscaoileadh i gcás iarratasóirí faoi bhun 18 mbliana d’aois nó os cionn 70 bliain d’aois tráth a ndéantar an t-iarratas.

3.   Is in euro a ghearrfar an táille údaraithe taistil.

4.   Déanfaidh an Coimisiún gníomhartha tarmligthe a ghlacadh i gcomhréir le hAirteagal 89 maidir leis na modhanna íocaíochta agus an próiseas íocaíochta i dtaobh na táille údaraithe taistil agus i dtaobh athruithe ar mhéid na táille sin. Cuirfidh athruithe ar na méideanna san áireamh aon mhéadú ar na costais dá dtagraítear in Airteagal 85.

1.   Fíoróidh Córas Faisnéise ETIAS go huathoibríoch, tar éis iarratas a bheith curtha isteach, gur fíor an méid seo a leanas:

2.   Má chomhlíontar na coinníollacha i bpointí (a) agus (b) de mhír 1, measfar an t-iarratas a bheith inghlactha. Cruthóidh Lárchóras ETIAS comhad iarratais go huathoibríoch gan mhoill agus sannfar uimhir iarratais dó.

3.   Ar chruthú an chomhaid iarratais, déanfaidh Lárchóras ETIAS na sonraí seo a leanas a thaifeadadh agus a stóráil:

4.   Ar chruthú an chomhaid iarratais, cinnfidh Lárchóras ETIAS cibé acu an bhfuil comhad iarratais eile ag an iarratasóir cheana féin i Lárchóras ETIAS trí na sonraí dá dtagraítear i bpointe (a) d’Airteagal 17(2) a chur i gcomparáid leis na sonraí pearsanta sna comhaid iarratais atá stóráilte i Lárchóras ETIAS. I gcás den sórt sin, déanfaidh Lárchóras ETIAS an comhad iarratais nua a nascadh le haon chomhad iarratais atá ann cheana féin a cruthaíodh le haghaidh an iarratasóra chéanna.

5.   Ar chruthú an chomhaid iarratais, gheobhaidh an t-iarratasóir fógra láithreach tríd an tseirbhís ríomhphoist ina míneofar, tráth a mbeidh an t-iarratas á phróiseáil, go bhféadfar a iarraidh ar an iarratasóir faisnéis bhreise nó doiciméadacht bhreise a sholáthar nó, i gcúinsí eisceachtúla, teacht chun agallaimh. Áireofar an méid seo a leanas san fhógra:

Cuirfidh an fógra ar chumas an iarratasóra úsáid a bhaint as an uirlis fíoraithe dá bhforáiltear i bpointe (h) d’Airteagal 6(2).

1.   Déanfaidh Lárchóras ETIAS uathphróiseáil ar na comhaid iarratais chun amas nó amais a bhrath. Déanfaidh Lárchóras ETIAS scrúdú ar gach comhad iarratais ina aonar.

2.   Cuirfidh Lárchóras ETIAS na sonraí ábhartha dá dtagraítear i bpointí (a), (b), (c), (d), (f), (g), (j), (k) agus (m) d’Airteagal 17(2) agus in Airteagal 17(8) i gcomparáid leis na sonraí atá i dtaifead, comhad nó foláireamh atá cláraithe i Lárchóras ETIAS, in SIS, in EES, in VIS, in Eurodac, i sonraí Europol agus i mbunachair sonraí Interpol faoi DTGC agus TDAWN.

Go háirithe, fíoróidh Lárchóras ETIAS:

3.   Fíoróidh Lárchóras ETIAS ar thug an t-iarratasóir freagra dearfach ar cheann ar bith de na ceisteanna atá liostaithe in Airteagal 17(4) agus an é an rud nár thug an t-iarratasóir seoladh baile ach gur thug an t-iarratasóir díreach an chathair chónaithe agus an tír chónaithe, dá dtagraítear i bpointe (f) d’Airteagal 17(2).

4.   Cuirfidh Lárchóras ETIAS na sonraí ábhartha dá dtagraítear i bpointí (a), (b), (c), (d), (f), (g), (i), (j), (k) agus (m) d’Airteagal 17(2) agus in Airteagal 17(8) i gcomparáid leis na sonraí atá i liosta faire ETIAS dá dtagraítear in Airteagal 34.

5.   Cuirfidh Lárchóras ETIAS na sonraí ábhartha dá dtagraítear i bpointí (a), (c), (f), (h) agus (i) d’Airteagal 17(2) i gcomparáid leis na táscairí riosca sonracha dá dtagraítear in Airteagal 33.

6.   Cuirfidh Lárchóras ETIAS leis an gcomhad iarratais tagairt d’aon amas a fhaightear de bhun mhír 2 go mír 5.

7.   I gcás ina mbeidh na sonraí a taifeadadh sa chomhad iarratais ag comhfhreagairt do na sonraí a spreag amas de bhun mhír 2 agus mír 4, déanfaidh Lárchóras ETIAS, i gcás inarb ábhartha, an Ballstát nó na Ballstáit a shainaithint a rinne na sonraí a spreag an t-amas a iontráil nó a sholáthair agus déanfaidh sé an méid sin a thaifeadadh sa chomhad iarratais.

8.   Tar éis d’amas ar bith tarlú de bhun phointe mhír 2(j) agus mhír 4 agus i gcás nár sholáthair aon Bhallstát na sonraí a spreag an t-amas, sonróidh Lárchóras ETIAS arbh é Europol a chuir na sonraí isteach agus más ea déanfaidh sé an méid sin a thaifeadadh sa chomhad iarratais.

1.   I gcás nach dtuairiscítear leis an uathphróiseáil a leagtar síos in Airteagal 20(2) go (5) amas ar bith, déanfaidh Lárchóras ETIAS údarú taistil a eisiúint go huathoibríoch i gcomhréir le hAirteagal 36 agus tabharfaidh sé fógra don iarratasóir i gcomhréir le hAirteagal 38.

2.   I gcás ina dtuairisceofar leis an uathphróiseáil a leagtar síos in Airteagal 20(2) go (5) amas amháin nó roinnt amas, déanfar an t-iarratas a phróiseáil de réir an nós imeachta a leagtar síos in Airteagal 22.

3.   I gcás ina ndéanfaidh fíorú faoi Airteagal 22 a dheimhniú go bhfuil na sonraí atá ar taifead sa chomhad iarratais ag comhfhreagairt do na sonraí a spreag amas le linn na huathphróiseála de bhun Airteagal 20(2) go (5) nó i gcás ina bhfuil amhras ann fós maidir le céannacht an iarratasóra tar éis fioraithe den sórt sin, déanfar an t-iarratas a phróiseáil de réir an nós imeachta a leagtar síos in Airteagal 26.

4.   I gcás ina dtuairiscítear leis an uathphróiseáil faoi Airteagal 20(3) gur thug an t-iarratasóir freagra dearfach ar aon cheann de na ceisteanna a liostaítear in Airteagal 17(4), agus mura bhfuil aon amas eile ann, cuirfear an t-iarratas chuig Aonad Náisiúnta ETIAS an Bhallstáit atá freagrach le haghaidh uathphróiseáil láimhe mar a leagtar amach in Airteagal 26.

1.   I gcás ina dtuairiscítear leis an uathphróiseáil de bhun Airteagal 20(2) go (5) amas amháin nó roinnt amas, déanfaidh Lárchóras ETIAS Láraonad ETIAS a cheadú go huathoibríoch.

2.   Nuair a cheadaítear é, beidh rochtain ag Láraonad ETIAS ar an gcomhad iarratais agus ar aon chomhad iarratais nasctha atá ann, mar aon leis na hamais ar fad a spreagadh le linn uathphróiseála de bhun Airteagal 20(2) go (5) agus an fhaisnéis arna sainaithint ag Lárchóras ETIAS faoi Airteagal 20(7) agus (8).

3.   Fíoróidh Láraonad ETIAS an bhfuil na sonraí atá ar taifead sa chomhad iarratais ag comhfhreagairt d’aon cheann amháin nó do níos mó de na himthosca seo a leanas:

4.   I gcás nach bhfuil na sonraí ag comhfhreagairt dá chéile, agus nár tuairiscíodh amas ar bith eile le linn na huathphróiseála de bhun Airteagal 20(2) go (5), scriosfaidh Láraonad ETIAS an t-amas bréagach ón gcomhad iarratais agus eiseoidh Lárchóras ETIAS údarú taistil go huathoibríoch i gcomhréir le hAirteagal 36.

5.   I gcás ina gcomhfhreagraíonn na sonraí do shonraí an iarratasóra nó ina bhfuil amhras ann fós maidir le céannacht an iarratasóra, déanfar an t-iarratas a phróiseáil de láimh i gcomhréir leis an nós imeachta a leagtar síos in Airteagal 26.

6.   Cuirfidh Láraonad ETIAS an uathphróiseáil láimhe i gcrích laistigh de 12 uair an chloig ar a mhéid ón am a fuarthas an comhad iarratais.

1.   Chun críocha phointe (e) d’Airteagal 4, déanfaidh Lárchóras ETIAS comparáid idir na sonraí ábhartha dá dtagraítear i bpointí (a), (b) agus (d) d’Airteagal 17(2) agus na sonraí in SIS chun a chinneadh an bhfuil an t-iarratasóir faoi réir ceann ar bith de na foláirimh seo a leanas:

2.   I gcás ina dtuairiscítear leis an gcomparáid dá dtagraítear i mír 1 amas amháin nó roinnt amas, cuirfidh Lárchóras ETIAS fógra uathoibrithe chuig Lárionad ETIAS. Fíoróidh Lárionad ETIAS an gcomhfhreagraíonn sonraí pearsanta an iarratasóra do na sonraí pearsanta atá san fholáireamh a spreag an t-amas sin agus, i gcás ina ndeimhnítear comhfhreagras, cuirfidh Lárchóras ETIAS fógra uathoibrithe chuig Biúró SIRENE an Bhallstáit sin a chuir an foláireamh isteach. Fíoróidh Biúró SIRENE lena mbaineann arís eile an gcomhfhreagraíonn sonraí pearsanta an iarratasóra do na sonraí pearsanta atá san fholáireamh a spreag an t-amas agus déanfaidh sé aon ghníomhaíocht leantach is iomchuí.

Cuirfidh Lárchóras ETIAS fógra uathoibrithe freisin chuig Biúró SIRENE an Bhallstáit a d’iontráil an foláireamh a spreag amas in SIS le linn na huathphróiseála dá dtagraítear in Airteagal 20, i gcás, tar éis do Láraonad ETIAS fíorú a dhéanamh dá dtagraítear in Airteagal 22, ina raibh an foláireamh sin mar bhun le próiseáil láimhe an iarratais i gcomhréir le hAirteagal 26.

3.   Beidh na sonraí seo a leanas san fhógra a thugtar do Bhiúró SIRENE an Bhallstáit sin a d’iontráil an foláireamh:

4.   Cuirfidh Lárchóras ETIAS tagairt d’aon amas a fuarthas de bhun mhír 1 leis an gcomhad iarratais.

1.   I ndáil le náisiúnaigh tríú tír dá dtagraítear i bpointe © d’Airteagal 2(1), tuigfear gurb é atá i gceist leis an údarú taistil a shainmhínítear i bpointe (5) d’Airteagal 3(1) cinneadh, arna eisiúint i gcomhréir leis an Rialachán seo, ina léirítear nach bhfuil aon táscairí fíriciúla ná aon fhorais réasúnacha ann atá bunaithe ar tháscairí fíriciúla lena theacht ar an tátal go bhfuil riosca slándála ann nó go bhfuil ardriosca eipidéime ann i gcomhréir le Treoir 2004/38/CE de dheasca an duine sin a bheith ar chríoch na mBallstát.

2.   I gcás ina ndéanfaidh náisiúnach tríú tír dá dtagraítear i bpointe © d’Airteagal 2(1) iarratas ar údarú taistil, beidh feidhm ag na rialacha sonracha seo a leanas:

3.   Agus próiseáil á déanamh ar iarratas ar údarú taistil do náisiúnach tríú tír dá dtagraítear i bpointe © d’Airteagal 2(1), ní fhíoróidh Lárchóras ETIAS:

Ní bheidh feidhm ag na táscairí riosca sonracha maidir le riosca inimirce neamhdhlíthiúla arna gcinneadh de bhun Airteagal 33.

4.   Ní dhéanfar iarratas ar údarú taistil a dhiúltú ar fhoras riosca inimirce neamhdhlíthiúla dá dtagraítear i bpointe © d’Airteagal 37(1).

5.   I gcás ina dtuairiscítear, trí uathphróiseáil faoi Airteagal 20, amas a chomhfhreagraíonn d’fholáireamh um dhiúltú cead isteach agus fanachta dá dtagraítear in Airteagal 24 de Rialachán (CE) Uimh. 1987/2006 ó Pharlaimint na hEorpa agus ón gComhairle (39), fíoróidh Aonad Náisiúnta ETIAS bunús an chinnidh lenar iontráladh an foláireamh sin ina dhiaidh sin in SIS. I gcás ina mbaineann an bunús sin le riosca inimirce neamhdhlíthiúla, ní chuirfear an foláireamh sin san áireamh agus an t-iarratas á mheas. Déanfaidh Aontas Náisiúnta ETIAS de réir Airteagal 25(2) de Rialachán (CE) Uimh. 1987/2006.

6.   Beidh feidhm ag na rialacha seo a leanas freisin:

D’fhonn iarratas nua a éascú tar éis do thréimhse bhailíochta údaraithe taistil de chuid ETIAS dul in éag, féadfar an comhad iarratais a stóráil i Lárchóras ETIAS ar feadh tréimhse breise nach faide ná 3 bliana tar éis dheireadh thréimhse bhailíochta an údaraithe taistil ach sin i gcás, tar éis iarraidh ar thoiliú, ina dtoilíonn an t-iarratasóir go sainráite faoi shaoirse trí bhíthin dearbhú ríomhshínithe, agus sa chás sin amháin. Cuirfear iarrataí ar thoiliú i láthair ar bhealach soiléir is féidir a dhealú ó na hábhair eile, i bhfoirm intuigthe a bhfuil rochtain shimplí uirthi agus trí úsáid a bhaint as friotal soiléir simplí, i gcomhréir le hAirteagal 7 de Rialachán (AE) 2016/679.

Iarrfar an toiliú tar éis don fhaisnéis faoi Airteagal 15(2) bheith tugtha go huathoibríoch. Leis an bhfaisnéis a thugtar go huathoibríoch, cuirfear i gcuimhne don iarratasóir an cuspóir le sonraí a choinneáil ar bhonn na faisnéise dá dtagraítear i bpointe (o) d’Airteagal 71.

1.   Sainaithneoidh Lárchóras ETIAS an Ballstát atá freagrach as próiseáil láimhe na n-iarratas faoi Airteagal 26 (an “Ballstát atá freagrach”) mar a leanas:

Chun críocha phointe (a) agus phointe (c) den chéad fhomhír, amais arna spreagadh ag sonraí nár iontráil nó nár sholáthair Ballstát iad, ní chuirfear san áireamh iad chun an Ballstát atá freagrach a shainaithint. I gcás nach spreagann sonraí arna n-iontráil nó arna soláthar ag Ballstát an phróiseáil láimhe ar iarratas, is é Ballstát na chéad tréimhse fanachta atá beartaithe a bheidh ina Bhallstát atá freagrach.

2.   Sonróidh Lárchóras ETIAS an Ballstát atá freagrach sa chomhad iarratais. I gcás nach bhfuil Lárchóras ETIAS in ann an Ballstát atá freagrach dá dtagraítear i mír 1 a shainaithint, is é Lárionad ETIAS a shainaithneoidh é.

1.   I gcás inar tuairiscíodh leis an uathphróiseáil a leagtar síos in Airteagal 20(2) go (5) amas amháin nó roinnt amas, déanfaidh Aonad Náisiúnta ETIAS an Bhallstáit atá freagrach an t-iarratas a phróiseáil de láimh. Beidh rochtain ag Aonad Náisiúnta ETIAS sin ar an gcomhad iarratais agus ar aon chomhad iarratais nasctha atá ann, mar aon le haon amais a spreagadh le linn na huathphróiseála a leagtar síos in Airteagal 20(2) go (5). Cuirfidh Láraonad ETIAS Aonad Náisiúnta ETIAS an Bhallstáit atá freagrach ar an eolas i gcás inar aithníodh gur iontráil nó gur sholáthair Ballstát amháin eile nó roinnt Ballstát eile nó Europol na sonraí a spreag an t-amas de bhun Airteagal 20(2) nó (4). I gcás inar aithníodh gur iontráil nó gur sholáthair Ballstát amháin nó roinnt Ballstát na sonraí a spreag amas den sórt sin, sonróidh Láraonad ETIAS na Ballstáit lena mbaineann.

2.   Tar éis phróiseáil láimhe an iarratais, déanfaidh Aonad Náisiúnta ETIAS an Bhallstáit atá freagrach an méid seo a leanas:

3.   I gcás inar tuairiscíodh leis an uathphróiseáil a leagtar síos in Airteagal 20(2) amas, déanfaidh Aonad Náisiúnta ETIAS an Bhallstáit atá freagrach an méid seo a leanas:

4.   I gcás inar tuairiscíodh le huathphróiseáil faoi Airteagal 20(3) gur thug an t-iarratasóir freagra dearfach ar cheann de na ceisteanna dá dtagraítear in Airteagal 17(4), déanfaidh Aonad Náisiúnta ETIAS an Bhallstáit atá freagrach measúnú ar an riosca slándála nó an riosca inimirce neamhdhlithiúla agus cinnfidh sé cibé acu údarú taistil a eisiúint nó a dhiúltú.

5.   I gcás inar tuairiscíodh le huathphróiseáil faoi Airteagal 20(4) amas, déanfaidh Aonad Náisiúnta ETIAS an Bhallstáit atá freagrach measúnú ar an riosca slándála agus cinnfidh sé cibé acu údarú taistil a eisiúint nó a dhiúltú.

6.   I gcás inar tuairiscíodh le huathphróiseáil faoi Airteagal 20(5) amas, déanfaidh Aonad Náisiúnta ETIAS an Bhallstáit atá freagrach measúnú ar an riosca slándála, an riosca inimirce neamhdhlíthiúla nó an t-ardriosca eipidéime agus cinnfidh sé cibé acu údarú taistil a eisiúint nó a dhiúltú. Ní fhéadfaidh, in imthosca ar bith, Aonad Náisiúnta ETIAS an Bhallstáit atá freagrach cinneadh a dhéanamh go huathoibríoch ar bhonn amas atá bunaithe ar tháscairí riosca sonracha. Déanfaidh Aonad Náisiúnta ETIAS an Bhallstáit atá freagrach na rioscaí slándála, na rioscaí inimirce neamhdhlíthiúla agus na hardrioscaí eipidéime a mheas i ngach cás ar bhonn leithligh.

7.   Coinneofar i gCóras Faisnéise ETIAS taifid ar na hoibríochtaí próiseála sonraí ar fad do mheasúnuithe faoin Airteagal seo a dhéanfaidh Aonad Náisiúnta ETIAS an Bhallstáit atá freagrach nó a dhéanfaidh Aonaid Náisiúnta ETIAS na mBallstát lena ndeachthas i gcomhairle i gcomhréir le hAirteagal 28. Cruthófar agus iontrálfar na taifid sin go huathoibríoch sa chomhad iarratais. Léireofar iontu dáta agus am gach oibríochta, na sonraí a úsáideadh d’fhonn córais faisnéise AE eile a cheadú, na sonraí atá nasctha leis an amas a fuarthas agus ainm an bhaill foirne a rinne an measúnú riosca.

Déanfaidh an ball foirne a rinne an measúnú riosca a thaifeadadh sa chomhad iarratais torthaí an mheasúnaithe ar an riosca slándála, an riosca inimirce neamhdhlíthiúla nó an ardriosca eipidéime is cúis leis an gcinneadh údarú taistil a eisiúint nó a dhiúltú.

1.   I gcás ina measfaidh Aonad Náisiúnta ETIAS an Bhallstáit atá freagrach nach leordhóthanach an fhaisnéis a thug an t-iarratasóir san fhoirm iarratais le go mbeadh sé ar a chumas a chinneadh údarú taistil a eisiúint nó a dhiúltú, féadfaidh Aonad Náisiúnta ETIAS sin faisnéis bhreise nó doiciméadacht bhreise a iarraidh ar an iarratasóir. Déanfaidh Aonad Náisiúnta ETIAS an Bhallstáit atá freagrach faisnéis bhreise nó doiciméadacht bhreise a iarraidh arna iarraidh sin do Bhallstát lena ndeachthas i gcomhairle i gcomhréir le hAirteagal 28.

2.   Tabharfar fógra faoin iarraidh ar fhaisnéis bhreise nó doiciméadacht bhreise chuig an seoladh ríomhphoist teagmhála atá ar taifead sa chomhad iarratais tríd an tseirbhís ríomhphoist dá dtagraítear i bpointe (f) d’Airteagal 6(2). Sonrófar go soiléir san iarraidh ar fhaisnéis bhreise nó doiciméadacht bhreise an fhaisnéis nó an doiciméadacht nach mór don iarratasóir a sholáthar, chomh maith le liosta de na teangacha inar féidir an fhaisnéis nó doiciméadacht a chur isteach. Áireofar ar an liosta sin an Béarla, an Fhraincis nó an Ghearmáinis ar a laghad, ach amháin má áirítear air teanga oifigiúil de chuid na tríú tíre ar dhearbhaigh an t-iarratasóir gur náisiúnach é nó í dá cuid. I gcás ina n-iarrfar doiciméadacht bhreise, iarrfar freisin cóip leictreonach den doiciméadacht bhunaidh. Cuirfidh an t-iarratasóir an fhaisnéis nó an doiciméadacht bhreise faoi bhráid aonad náisiúnta ETIAS an Bhallstáit atá freagrach tríd an tseirbhís cuntais shláin dá dtagraítear i bpointe (g) d’Airteagal 6(2) laistigh de 10 lá ón dáta a bhfuarthas an iarraidh. Soláthróidh an t-iarratasóir an fhaisnéis nó an doiciméadacht sin i gceann amháin de na teangacha a shonraítear san iarraidh. Ní iarrfar ar an iarratasóir aistriúchán oifigiúil a sholáthar. Ní fhéadfar ach an fhaisnéis bhreise nó an doiciméadacht bhreise a iarraidh atá riachtanach chun measúnú a dhéanamh ar an iarratas ETIAS.

3.   Chun an fhaisnéis bhreise nó an doiciméadacht bhreise a iarraidh dá dtagraítear i mír 1, úsáidfidh Aonad Náisiúnta ETIAS an Bhallstáit atá freagrach liosta réamhshocraithe de roghanna. Déanfaidh an Coimisiún gníomhartha tarmligthe a ghlacadh i gcomhréir le hAirteagal 89 chun ábhar agus formáid an liosta réamhshocraithe de roghanna sin a leagan síos.

4.   Féadfaidh Aonad Náisiúnta ETIAS an Bhallstáit atá freagrach, i gcúinsí eisceachtúla amháin, mar rogha dheiridh agus tar éis an fhaisnéis nó an doiciméadacht bhreise a phróiseáil, cuireadh chun agallaimh a thabhairt don iarratasóir i dtír chónaithe an iarratasóra sa chonsalacht is gaire don áit ina bhfuil cónaí ar an iarratasóir, i gcás ina bhfuil amhras tromchúiseach ann fós maidir leis an bhfaisnéis nó leis an doiciméadacht a chuir an t-iarratasóir ar fáil. I gcás eisceachtúil, nuair is le leas an iarratasóra é, is ceadmhach an t-agallamh a dhéanamh i gconsalacht i dtír eile seachas tír chónaithe an iarratasóra.

I gcás inar faide ar shiúl ná 500 km an chonsalacht is gaire d’áit chónaithe an iarratasóra, tabharfar an deis don iarratasóir an t-agallamh sin a dhéanamh trí bhíthin cianmhodhanna cumarsáide fuaime agus físe lena n-áirithítear leibhéal iomchuí slándála agus rúndachta. I gcás inar lú ná 500 km an fad sin, féadfaidh an t-iarratasóir agus Aonad Náisiúnta ETIAS an Bhallstáit atá freagrach a chomhaontú go comhpháirteach úsáid a bhaint as modhanna den sórt sin de chumarsáid fuaime agus físe. I gcás ina n-úsáidtear modhanna den sórt sin de chumarsáid fuaime agus físe, is é Aonad Náisiúnta ETIAS an Bhallstáit atá freagrach nó, i gcás eisceachtúil, ceann de chonsalachtaí an Bhallstáit sin, a dhéanfaidh an t-agallamh. Áiritheoidh na cianmhodhanna cumarsáide fuaime agus físe leibhéal iomchuí slándála agus rúndachta.

Déanfar taifead sa chomhad iarratais cén fáth ar iarradh agallamh.

5.   Déanfaidh an Coimisiún, trí bhíthin gníomhartha cur chun feidhme, na riachtanais a shainiú maidir leis na modhanna cumarsáide fuaime agus físe dá dtagraítear i mír 4, lena n-áirítear maidir le cosaint sonraí agus le rialacha slándála agus rúndachta agus rialacha a ghlacadh maidir le tástáil agus na huirlisí oiriúnacha a roghnú i ndáil le hoibriú na modhanna sin.

Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá tagraítear in Airteagal 90(2).

6.   Déanfaidh Aonad Náisiúnta ETIAS an Bhallstáit atá freagrach cuireadh chun agallaimh a eisiúint don iarratasóir, tríd an tseirbhís ríomhphoist dá dtagraítear i bpointe (f) d’Airteagal 6(2), chuig an seoladh ríomhphoist teagmhála atá ar taifead sa chomhad iarratais. Déanfar an cuireadh chun agallaimh a eisiúint laistigh de 72 huaire an chloig ón am ar chuir an t-iarratasóir an fhaisnéis bhreise nó an doiciméadacht bhreise isteach de bhun mhír 2 den Airteagal seo. Beidh faisnéis ag gabháil leis an gcuireadh chun agallaimh ina luafar an Ballstát a d’eisigh an cuireadh, na roghanna dá dtagraítear i mír 4 den Airteagal seo, agus na sonraí teagmhála ábhartha. Déanfaidh an t-iarratasóir teagmháil le hAonad Náisiúnta ETIAS an Bhallstáit atá freagrach nó leis an gconsalacht a luaithe is féidir, ach tráth nach déanaí ná 5 lá ó eisíodh an cuireadh chun agallaimh, d’fhonn teacht ar chomhaontú faoi am agus dáta a bheadh oiriúnach don agallamh agus faoi cibé acu a dhéanfar cianagallamh nó nach ndéanfar. Déanfar an t-agallamh laistigh de 10 lá ón tráth ar tugadh an cuireadh.

Taifeadfaidh Lárchóras ETIAS an cuireadh chun agallaimh sa chomhad iarratais.

7.   I gcás nach bhfreastalaíonn an t-iarratasóir ar an agallamh i gcomhréir le mír 6 den Airteagal seo tar éis cuireadh chun agallaimh a eisiúint, diúltófar don iarratas i gcomhréir le pointe (g) le hAirteagal 37(1).Cuirfidh Aonad Náisiúnta ETIAS an Bhallstáit atá freagrach an méid sin in iúl don iarratasóir gan mhoill.

8.   Chun críche an agallaimh dá dtagraítear i mír 4, léireoidh Aonad Náisiúnta ETIAS an Bhallstáit atá freagrach na heilimintí a dtabharfaidh an t-agallóir aghaidh orthu. Bainfidh na heilimintí sin leis na cúiseanna ar iarradh an t-agallamh.

Is i dteanga Aonad Náisiúnta ETIAS an Bhallstáit atá freagrach a d’iarr an t-agallamh, nó sa teanga a roghnaigh sé le haghaidh thaisceadh na faisnéise breise nó na doiciméadachta breise, a dhéanfar an t-agallamh trí bhíthin cianmhodhanna cumarsáide fuaime agus físe a dhéanamh.

An t-agallamh a bheidh ar siúl i gconsalacht, déanfar é i dteanga oifigiúil de chuid an tríú tír ina bhfuil an chonsalacht suite, nó in aon teanga eile ar a gcomhaontóidh an t-iarratasóir agus an chonsalacht.

Tar éis an agallaimh sin, eiseoidh an t-agallóir tuairim ina mbeidh údar le haghaidh na moltaí a dhéanfaidh sé nó sí.

Cuirfear na heilimintí ar tugadh aghaidh orthu agus an tuairim i bhfoirm a thaifeadfar sa chomhad iarratais ar an lá céanna a dhéanfar an t-agallamh.

9.   Ar an bhfaisnéis bhreise nó an doiciméadacht bhreise a bheith curtha isteach ag an iarratasóir i gcomhréir le mír 2, taifeadfaidh agus stórálfaidh Lárchóras ETIAS an fhaisnéis nó an doiciméadacht sin sa chomhad iarratais. Faisnéis bhreise nó doiciméadacht bhreise a sholáthraítear le linn agallaimh i gcomhréir le mír 6, cuirfidh Aonad Náisiúnta ETIAS an Bhallstáit atá freagrach sa chomhad iarratais í.

Ní cheadófar an fhoirm a úsáideadh don agallamh agus ní cheadófar an fhaisnéis bhreise ná an doiciméadacht bhreise a taifeadadh sa chomhad iarratais ach amháin chun an t-iarratas a mheas, chun cinneadh a dhéanamh maidir leis an iarratas sin, chun nós imeachta achomhairc a bhainistiú agus chun iarratas nua ón iarratasóir céanna a phróiseáil.

10.   Leanfaidh Aonad Náisiúnta ETIAS an Bhallstáit atá freagrach ar aghaidh leis an scrúdú ar an iarratas ón nóiméad a soláthróidh an t-iarratasóir an fhaisnéis bhreise nó an doiciméadacht bhreise nó, i gcás inarb infheidhme, ó dháta an agallaimh.

1.   I gcás ina sainaithnítear gur iontráil nó gur sholáthair Ballstát amháin nó roinnt Ballstát na sonraí a spreag amas i gcomhréir le hAirteagal 20(7), tabharfaidh Láraonad ETIAS fógra d’Aonad Náisiúnta ETIAS an Bhallstáit nó na mBallstát lena mbaineann tar éis fíorú faoi Airteagal 22, rud a sheolfar próiseas comhairliúcháin eatarthu féin agus Aonad Náisiúnta ETIAS an Bhallstáit atá freagrach.

2.   Chun críche an chomhairliúcháin, beidh rochtain ar an gcomhad iarratais ag Aonaid Náisiúnta ETIAS na mBallstát lena ndeachthas i gcomhairliúchán.

3.   Déanfaidh Aonad Náisiúnta ETIAS na mBallstát lena ndeachthas i gcomhairle an méid seo a leanas:

Déanfaidh Aonad Náisiúnta ETIAS an Bhallstáit lena ndeachthas i gcomhairle an tuairim dhearfach nó dhiúltach a thaifeadadh sa chomhad iarratais.

4.   Féadfaidh Aonad Náisiúnta ETIAS an Bhallstáit atá freagrach dul i gcomhairle le hAonaid Náisiúnta ETIAS de chuid Bhallstáit amháin nó roinnt Ballstát tar éis freagra a fháil ó iarratasóir ar iarraidh ar fhaisnéis bhreise. I gcás inar iarradh an fhaisnéis bhreise sin thar cheann Ballstáit lena ndeachthas i gcomhairle de bhun Airteagal 27(1), rachaidh Aonad Náisiúnta ETIAS an Bhallstáit atá freagrach i gcomhairle le hAonad Náisiúnta ETIAS an Bhallstáit lena ndeachthas i gcomhairle tar éis don iarratasóir freagra a thabhairt ar an iarraidh sin ar fhaisnéis bhreise. I gcás den sórt sin, beidh rochtain ag Aonaid Náisiúnta ETIAS na mBallstát lena ndeachthas i gcomhairle ar an bhfaisnéis ábhartha bhreise nó an doiciméadacht ábhartha bhreise arna soláthar ag an iarratasóir tar éis iarraidh a fháil ó Aonad Náisiúnta ETIAS an Bhallstáit atá freagrach i ndáil leis an ábhar a bhfuiltear ag dul i gcomhairle leo ina leith. I gcás ina dtéitear i gcomhairle le roinnt Ballstát, áiritheoidh Aonad Náisiúnta ETIAS an Bhallstáit atá freagrach an comhordú eatarthu.

5.   Freagróidh Aonad Náisiúnta ETIAS na mBallstát lena ndeachthas i gcomhairle laistigh de 60 uair an chloig ó fhógra faoin gcomhairliúchán a thabhairt. Má tá loiceadh maidir le freagra a thabhairt faoin spriocdháta, measfar gurb ionann é sin agus tuairim dhearfach ar an iarratas.

6.   Le linn an phróisis comhairliúcháin sin, tarchuirfear an iarraidh ar chomhairliúchán agus na freagraí a fuarthas uirthi tríd an mbogearra dá dtagraítear i bpointe (m) d’Airteagal 6(2) agus cuirfear ar fáil iad d’Aonad Náisiúnta ETIAS an Bhallstáit atá freagrach.

7.   I gcás ina dtugann Aonad Náisiúnta ETIAS de chuid Ballstáit amháin ar a laghad lena ndeachthas i gcomhairle tuairim dhiúltach ar an iarratas, diúltóidh Aonad Náisiúnta ETIAS an Bhallstáit atá freagrach an t-údarú taistil de bhun Airteagal 37. Ní dochar an mhír seo d’Airteagal 44.

8.   I gcás inar gá, de dheasca fadhbanna teicniúla nó imthosca gan choinne, cinnfidh Lárionad ETIAS an Ballstát atá freagrach agus na Ballstáit lena rachfar i gcomhairle agus éascóidh sé na comhairliúcháin idir na Ballstáit dá dtagraítear san Airteagal seo.

1.   I gcás sainaithnítear gur sholáthair Europol na sonraí a spreag amas i gcomhréir le hAirteagal 20(8) den Rialachán seo, tabharfaidh Láraonad ETIAS fógra faoi, rud a sheolfar próiseas comhairliúcháin idir Europol agus Aonad Náisiúnta ETIAS an Bhallstáit atá freagrach. Déanfar comhairliúcháin den sórt sin i gcomhréir le Rialachán (AE) 2016/794 agus le Caibidil IV den Rialachán sin ach go háirithe.

2.   I gcás ina dtéitear i gcomhairle le Europol, déanfaidh Láraonad ETIAS sonraí ábhartha an chomhaid iarratais agus na n-amas a bhfuil gá leo chun críche an chomhairliúcháin a tharchur chuig Europol.

3.   In aon chás, ní bheidh rochtain ag Europol ar na sonraí pearsanta, dá dtagraítear i bpointe (h) d’Airteagal 17(2), a bhaineann le hoideachas an iarratasóra.

4.   I gcás ina dtéitear i gcomhairle le Europol i gcomhréir le mír 1, tabharfaidh sé tuairim réasúnaithe uaidh ar an iarratas. Cuirfear tuairim Europol ar fáil d’Aonad Náisiúnta ETIAS an Bhallstáit atá freagrach agus déanfaidh sé í a thaifeadadh sa chomhad iarratais.

5.   Féadfaidh Aonad Náisiúnta ETIAS an Bhallstáit atá freagrach dul i gcomhairle le Europol tar éis freagra a fháil ó iarratasóir mar gheall ar iarraidh ar fhaisnéis bhreise. I gcásanna den sórt sin, tarchuirfidh Aonad Náisiúnta ETIAS chuig Europol an fhaisnéis ábhartha bhreise nó an doiciméadacht ábhartha bhreise arna soláthar ag an iarratasóir i ndáil leis an iarraidh ar údarú taistil a dtéitear i gcomhairle le Europol ina leith.

6.   Freagróidh Europol laistigh de 60 uair an chloig ó fhógra faoin gcomhairliúchán a thabhairt. Má mhainníonn Europol freagra a thabhairt laistigh den spriocdháta, measfar gurb ionann é sin agus tuairim dhearfach ar an iarratas.

7.   Le linn an phróisis comhairliúcháin, tarchuirfear an iarraidh ar chomhairliúchán agus na freagraí uirthi tríd an mbogearra dá dtagraítear i bpointe (m) d’Airteagal 6(2) agus cuirfear ar fáil iad d’Aonad Náisiúnta ETIAS an Bhallstáit atá freagrach.

8.   I gcás ina dtugann Europol tuairim dhiúltach ar an iarratas agus ina gcinneann Aonad Náisiúnta ETIAS an Bhallstáit atá freagrach an t-údarú taistil a eisiúint, tabharfaidh sé údar cuí lena chinneadh agus cuirfidh sé an t-údar ar taifead sa chomhad iarratais.

9.   I gcás inar gá, de dheasca fadhbanna teicniúla nó imthosca gan choinne, cinnfidh lárionad ETIAS an Ballstát atá freagrach agus éascóidh sé na comhairliúcháin dá dtagraítear san Airteagal seo idir an Ballstát atá freagrach agus Europol.

1.   Déanfar cinneadh faoi iarratais tráth nach déanaí ná 96 uair an chloig tar éis iarratas atá inghlactha i gcomhréir le hAirteagal 19 a chur isteach.

2.   Ar bhonn eisceachtúil, i gcás ina dtugtar fógra faoi iarraidh ar fhaisnéis bhreise nó ar dhoiciméadacht bhreise, agus ina dtugtar cuireadh chun agallaimh don iarratasóir, déanfar an tréimhse a leagtar síos i mír 1 den Airteagal seo a fhadú. Déanfar cinneadh faoi iarratais den sórt sin tráth nach déanaí ná 96 uair an chloig tar éis don iarratasóir an fhaisnéis bhreise nó an doiciméadacht bhreise a chur isteach. I gcás ina dtugtar cuireadh chun agallaimh don iarratasóir dá dtagraítear in Airteagal 27(4), déanfar cinneadh faoin iarratas sin tráth nach déanaí ná 48 n-uaire an chloig tar éis don agallamh a bheith déanta.

3.   Sula rachaidh na spriocdhátaí dá dtagraítear i mír 1 agus mír 2 den Airteagal seo in éag, déanfar cinneadh i dtaobh an mhéid seo a leanas:

1.   Is éard a bheidh i rialacha ETIAS maidir le scagadh, algartam lenar féidir próifíliú a shainmhínítear i bpointe 4 d’Airteagal 4 de Rialachán (AE) 2016/679 a dhéanamh, trí chomparáid a dhéanamh i gcomhréir le hAirteagal 20 den Rialachán seo idir na sonraí atá ar taifead i gcomhad iarratais de chuid Lárchóras ETIAS agus táscairí riosca sonracha arna mbunú ag Láraonad ETIAS faoi mhír 4 den Airteagal seo go bhféadfadh riosca slándála, riosca inimirce neamhdhlithiúla nó ardriosca eipidéime a bheith ann. Cláróidh an Láraonad ETIAS rialacha ETIAS maidir le scagadh i Lárchóras ETIAS.

2.   Déanfaidh an Coimisiún gníomh tarmligthe a ghlacadh i gcomhréir le hAirteagal 89 chun rioscaí sonracha a bhaineann leis an tslándáil nó leis an inimirce neamhdhlíthiúil nó ardriosca eipidéime a shainiú tuilleadh ar bhonn na nithe seo a leanas:

3.   Sonróidh an Coimisiún, trí bhíthin gníomh cur chun feidhme, na rioscaí, a shainítear sa Rialachán seo agus sa ghníomh tarmligthe dá dtagraítear i mír 2 den Airteagal seo, ar a mbunófar na táscairí riosca sonracha dá dtagraítear i mír 4 den Airteagal seo. Déanfar an gníomh cur chun feidhme sin a ghlacadh i gcomhréir leis an nós imeachta scrúdúcháin dá tagraítear in Airteagal 90(2).

Déanfar athbhreithniú ar na rioscaí sonracha gach 6 mhí ar a laghad agus, i gcás inar gá, glacfaidh an Coimisiún gníomh cur chun feidhme nua i gcomhréir leis an nós imeachta scrúdúcháin dá dtagraítear in Airteagal 90(2).

4.   Ar bhonn na rioscaí sonracha arna gcinneadh i gcomhréir le mír 3, bunóidh Láraonad ETIAS sraith táscairí riosca sonracha a bheidh comhdhéanta de theaglaim de shonraí éagsúla lena n-áirítear ceann amháin nó níos mó díobh seo a leanas:

5.   Beidh na táscairí riosca sonracha spriocdhírithe agus comhréireach. I gcás ar bith, ní ar inscne an duine ná ar aois an duine amháin a bheidh siad bunaithe. Ina theannta sin, ní bheidh siad, i gcás ar bith, bunaithe ar fhaisnéis ina léirítear dath, cine, bunadh ciníoch nó sóisialta, airíonna géiniteacha, teanga, tuairimí polaitiúla nó eile, reiligiúin nó creideamh fealsúnach duine, duine a bheith ina bhall de cheardchumann, de mhionlach náisiúnta, maoin, breith, míchumas, nó claonadh gnéis.

6.   Déanfaidh Láraonad ETIAS na táscairí riosca sonracha a shainiú, a bhunú, a mheas ex ante, a chur chun feidhme, a mheas ex post, a athbhreithniú agus a scriosadh, tar éis dó dul i gcomhairle le Bord ETIAS maidir le Scagadh.

1.   Ar liosta faire ETIAS beidh faisnéis a bhaineann le daoine a bhfuil amhras fúthu go ndearna siad cion sceimhlitheoireachta nó cion tromchúiseach coiriúil eile nó go raibh siad páirteach i gcionta mar sin, nó a bhfuil táscairí fíriciúla nó forais réasúnacha ann lena chreidiúint, bunaithe ar an measúnú foriomlán a rinneadh ar an duine, go ndéanfaidh siad cion sceimhlitheoireachta nó cionta tromchúiseacha coiriúla eile. Beidh liosta faire ETIAS ina chuid de Lárchóras ETIAS.

2.   Bunófar liosta faire ETIAS ar bhonn faisnéis a bhaineann le cionta sceimhlitheoireachta nó le cionta tromchúiseacha coiriúla eile.

3.   Déanfaidh Europol, gan dochar do Rialachán (AE) 2016/794, nó na Ballstáit an fhaisnéis dá dtagraítear i mír 2 a iontráil i liosta faire ETIAS. Beidh gach eintiteas de chuid ETIAS nó an Ballstát lena mbaineann freagrach as na heilimintí sonraí uile a chuireann siad isteach. Sonrófar i liosta faire ETIAS, do gach mír sonraí, an dáta agus an t-am ar chuir Europol nó an Ballstát isteach í.

4.   Ar bhonn na faisnéise dá dtagraítear i mír 2, beidh liosta faire ETIAS comhdhéanta de shonraí ina mbeidh ceann amháin nó níos mó de mhíreanna seo a leanas:

Ach a leithéid a bheith le fáil, cuirfear na míreanna sonraí seo a leanas leis an míreanna gaolmhara atá comhdhéanta de cheann amháin ar a laghad de na míreanna sonraí a liostaítear thuas: an chéad ainm(neacha), áit bhreithe, tír bhreithe, inscne agus náisiúntacht.

1.   Sula n-iontrálann Europol nó Ballstát sonraí i liosta faire ETIAS:

2.   Cruthóidh eu-LISA uirlis shonrach chun críche an mheasúnaithe faoi phointe (b) de mhír 1.

3.   I gcás ina léireoidh fíorú faoi phointe © de mhír 1 go gcomhfhreagraíonn na sonraí d’fholáireamh a iontráladh in SIS, ní iontrálfar i liosta faire ETIAS iad. I gcás ina gcomhlíontar na coinníollacha maidir leis na sonraí a úsáid chun foláireamh a iontráil in SIS, tabharfar tús áite d’fholáireamh a iontráil in SIS.

4.   Beidh na Ballstáit agus Europol freagrach as cruinneas na sonraí dá dtagraítear in Airteagal 34(2) a iontrálann siad féin i liosta faire ETIAS agus as na sonraí sin a choinneáil cothrom le dáta.

5.   Go rialta, agus uair sa bhliain ar a laghad, athbhreithneoidh agus fíoróidh Europol cruinneas leanúnach na sonraí sin a d’iontráil sé i liosta faire ETIAS. Go rialta, agus uair sa bhliain ar a laghad, athbhreithneoidh agus fíoróidh na Ballstáit freisin cruinneas leanúnach na sonraí sin a d’ionráil siad i liosta faire ETIAS. Déanfaidh Europol agus na Ballstáit nós imeachta comhpháirteach a fhorbairt agus a chur chun feidhme chun comhlíonadh a gcuid freagrachtaí faoin mír seo a áirithiú.

6.   Tar éis athbhreithniú a dhéanamh, bainfidh na Ballstáit agus Europol eilimintí sonraí den liosta faire ETIAS i gcás ina gcruthaítear nach fíor i gcónaí na cúiseanna lenar iontráladh iad, nó i gcás ina bhfuil na heilimintí sonraí imithe i léig nó nach bhfuil siad cothrom le dáta.

7.   Déanfaidh eu-LISA liosta faire ETIAS agus an uirlis mheasúnaithe dá dtagraítear i mír 1 agus mír 2 den Airteagal seo a fhorbairt go teicniúil agus a óstáil. Déanfaidh an Coimisiún, trí bhíthin gníomhartha cur chun feidhme, sonraíochtaí teicniúla liosta faire ETIAS agus sonraíochtaí teicniúla na huirlise measúnaithe a bhunú. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 90(2).

1.   Más rud é go léirítear de bharr scrúdú ar iarratas de bhun na nósanna imeachta atá leagtha síos i gCaibidil III, IV agus V nach bhfuil aon táscairí fíriciúla ná aon fhorais réasúnacha bunaithe ar tháscairí fíorasacha ann lena cheapadh go bhfuil riosca slándála, riosca inimirce neamhdhleathaí nó ardriosca eipidéime ann de dheasca an duine a bheith ar chríoch na mBallstát, eiseoidh Lárchóras ETIAS nó Aonad Náisiúnta ETIAS an Bhallstáit atá freagrach údarú taistil.

2.   I gcás ina mbeidh amhras ann maidir le cúiseanna leordhóthanacha a bheith ann an t-údarú taistil a dhiúltú, beidh sé de rogha ag Aonad Náisiúnta ETIAS an Bhallstáit atá freagrach údarú taistil a eisiúint, lena n-áirítear tar éis agallaimh, ag a mbeidh bratach le moladh do na húdaráis teorann dul ar aghaidh le seiceáil ar an dara líne.

Is féidir le hAonad Náisiúnta ETIAS an Bhallstáit atá freagrach bratach den sórt sin a chur i gceangal freisin arna iarraidh sin ag Ballstát a ndeachthas i gcomhairle leis. Ní bheidh an bhratach sin le feiceáil ach ag na húdaráis teorann.

Bainfear an bhratach go huathoibríoch ach an tseiceáil a bheith déanta ag na húdaráis teorann agus an taifead dul isteach curtha in EES acu.

3.   Beidh sé de rogha ag aonad Náisiúnta ETIAS an Bhallstáit atá freagrach bratach a chur i gceangal lena léiriú do na húdaráis teorann agus d’údaráis eile ag a bhfuil rochtain ar na sonraí i Lárchóras ETIAS go ndearnadh measúnú ar amas sonrach a fuarthas agus an t-iarratas á phróiseáil agus gur fíoraíodh gur amas bréagach a bhí san amas sin nó gur léiríodh leis an bpróiseáil láimhe nach raibh forais le diúltú an údaraithe taistil.

4.   Déanfaidh an Coimisiún gníomhartha tarmligthe a ghlacadh i gcomhréir le hAirteagal 89 chun coimircí leordhóthanacha a bhunú trí rialacha agus nósanna imeachta a sholáthar chun coinbhleachtaí le foláirimh i gcórais faisnéise eile a sheachaint agus chun coinníollacha, critéir agus fad shannadh na mbratach a shainiú de bhun an Rialacháin seo.

5.   Beidh údarú bailí taistil ar feadh 3 bliana nó go dtí deireadh thréimhse bhailíochta an doiciméid taistil a cláraíodh i rith an phróisis iarratais, cibé acu is túisce, agus beidh sé bailí i leith chríoch na mBallstát.

6.   Ní thabharfar ceart uathoibríoch i dtaobh dul isteach nó i dtaobh fanachta do dhuine toisc údarú taistil a bheith i seilbh an duine sin.

1.   Diúltófar údarú taistil más rud é gur fíor an méid thíos faoin iarratasóir:

2.   Ina theannta sin, diúltófar údarú taistil má bhíonn amhras réasúnach nach beag ann, tráth a ndéantar an t-iarratas, faoi bharántúlacht na sonraí, faoi iontaofacht na ráiteas arna ndéanamh ag an iarratasóir, faoi na doiciméid tacaíochta arna soláthar nó faoi fhírinneacht na faisnéise iontu.

3.   Beidh an ceart chun achomhairc ag iarratasóirí ar diúltaíodh údarú taistil dóibh. Seolfar achomhairc sa Bhallstát a rinne an cinneadh i leith an iarratais agus i gcomhréir le dlí náisiúnta an Bhallstáit sin. Cuirfidh Aonad Náisiúnta ETIAS an Bhallstáit atá freagrach faisnéis ar fáil d’iarratasóirí maidir leis an nós imeachta achomhairc i gceann amháin de theangacha oifigiúla na dtíortha a liostaítear in Iarscríbhinn II a ghabhann le Rialachán (CE) Uimh. 539/2001 ar náisiúnach de chuid na tíre sin é an t-iarratasóir.

4.   Ní leanfaidh diúltú uathoibríoch iarratais nua as diúltú údaraithe taistil roimhe sin. Déanfar measúnú ar iarratas nua ar bhonn na faisnéise uile a bheidh le fáil.

1.   A luaithe a eiseofar údarú taistil, gheobhaidh an t-iarratasóir fógra láithreach tríd an tseirbhís ríomhphoist, lena n-áireofar:

2.   I gcás inar diúltaíodh údarú taistil, gheobhaidh an t-iarratasóir fógra láithreach tríd an tseirbhís ríomhphoist, lena n-áireofar:

3.   Déanfaidh an Coimisiún, trí bhíthin gníomhartha cur chun feidhme, foirm chaighdeánach a ghlacadh chun údarú taistil a dhiúltú, a neamhniú nó a chúlghairm. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá tagraítear in Airteagal 90(2).

1.   I gcás ina mbeidh cinneadh déanta údarú taistil a eisiúint, cuirfidh Lárchóras ETIAS nó, i gcás ina ndearnadh an cinneadh tar éis próiseáil láimhe dá bhforáiltear i gCaibidil IV, déanfaidh Aonad Náisiúnta ETIAS an Bhallstáit atá freagrach na sonraí seo a leanas a chur leis an gcomhad iarratais gan mhoill:

2.   Tabharfar de chumhacht don Choimisiún gníomhartha tarmligthe a ghlacadh i gcomhréir le hAirteagal 89 chun sainiú a dhéanamh ar an gcineál faisnéise breise a d’fhéadfaí a chur ann agus teanga agus formáidí na faisnéise sin, mar aon leis an méid is cúis leis na bratacha a bheith ann.

3.   I gcás ina mbeidh cinneadh déanta údarú taistil a dhiúltú, cuirfidh Aonad Náisiúnta ETIAS an Bhallstáit atá freagrach na sonraí seo a leanas leis an gcomhad iarratais:

4.   I dteannta na sonraí dá dtagraítear i mír 1 agus i mír 3, i gcás ina mbeidh cinneadh déanta údarú taistil a eisiúint nó a dhiúltú, déanfaidh Aonad Náisiúnta ETIAS an Bhallstáit atá freagrach na cúiseanna lena chinneadh deiridh a chur leis freisin, ach amháin más diúltú é an cinneadh sin atá bunaithe ar thuairim dhiúltach ó Bhallstát a ndeachthas i gcomhairle leis.

1.   Déanfar údarú taistil a neamhniú i gcás ina dtagann sé chun solais nár comhlíonadh na coinníollacha maidir lena eisiúint an tráth a eisíodh é. Déanfar an t-údarú taistil a neamhniú ar bhonn ceann amháin nó níos mó de na forais i dtaobh dhiúltú an údaraithe taistil a leagtar síos in Airteagal 37(1) agus (2).

2.   I gcás ina bhfuil fianaise ag Ballstát nár comhlíonadh na coinníollacha i dtaobh údarú taistil a eisiúint an tráth a eisíodh é, cuirfidh Aonad Náisiúnta ETIAS an Bhallstáit sin an t-údarú taistil ar neamhní.

3.   Beidh an ceart chun achomhairc ag duine ar cuireadh a údarú taistil ar neamhní. Seolfar achomhairc sa Bhallstát a rinne an cinneadh i leith an neamhní agus i gcomhréir le dlí náisiúnta an Bhallstáit sin. Cuirfidh Aonad Náisiúnta ETIAS an Bhallstáit atá freagrach faisnéis ar fáil d’iarratasóirí maidir leis an nós imeachta achomhairc. Cuirfear an fhaisnéis ar fáil i gceann amháin de theangacha oifigiúla na dtíortha a liostaítear in Iarscríbhinn II a ghabhann le Rialachán (CE) Uimh. 539/2001 ón gComhairle ar náisiúnach na tíre sin é an t-iarratasóir.

4.   I ndiaidh dó an measúnú riosca a dhéanamh, déanfaidh an ball foirne údar an chinnidh údarú taistil a neamhniú a thaifead sa chomhad iarratais.

1.   Déanfar údarú taistil a chúlghairm i gcás ina dtiocfaidh sé chun solais nach bhfuil na coinníollacha maidir lena eisiúint á gcomhlíonadh a thuilleadh. Déanfar an t-údarú taistil a neamhniú ar bhonn ceann amháin nó níos mó de na cúiseanna i dtaobh dhiúltú an údaraithe taistil a leagtar síos in Airteagal 37(1).

2.   I gcás ina bhfuil fianaise ag Ballstát nach bhfuil na coinníollacha i dtaobh údarú taistil a eisiúint á gcomhlíonadh a thuilleadh, déanfaidh Aonad Náisiúnta ETIAS an Bhallstáit sin an t-údarú taistil a chúlghairm.

3.   Gan dochar do mhír 2, i gcás ina n-eisítear foláireamh nua in SIS a bhaineann le diúltú cead isteach agus fanachta nua nó a bhaineann le doiciméad taistil ar tuairiscíodh gur cailleadh, gur goideadh, gur mí-leithghabháladh nó gur neamhbhailíodh é, cuirfidh SIS é sin in iúl do Lárchóras ETIAS. Fíoróidh Lárchóras ETIAS an gcomhfhreagraíonn an foláireamh nua sin d’údarú bailí taistil. Más amhlaidh an cás, aistreoidh Lárchóras ETIAS an comhad iarratais chuig Aonad Náisiúnta ETIAS an Bhallstáit a d’iontráil an foláireamh. I gcás inar eisíodh foláireamh nua um dhiúltú cead isteach agus fanachta, déanfaidh Aonad Náisiúnta ETIAS an t-údarú taistil a chúlghairm. I gcás ina bhfuil an t-údarú taistil nasctha le doiciméad taistil ar tuairiscíodh gur cailleadh, gur goideadh, gur mí-leithghabháladh nó gur neamhbhailíodh é in SIS nó in DTGC, déanfaidh Aonad Náisiúnta ETIAS an comhad iarratais a phróiseáil de láimh.

4.   Déanfar sonraí nua a chuirfear isteach i liosta faire ETIAS a chur i gcomparáid le sonraí na gcomhad iarratais i Lárchóras ETIAS. Fíoróidh Lárchóras ETIAS má chomhfhreagraíonn an eilimint nua sin d’údarú bailí taistil. Más amhlaidh an cás, aistreoidh Lárchóras ETIAS an comhad iarratais chuig Aonad Náisiúnta ETIAS an Bhallstáit a chuir an eilimint nua isteach nó, i gcás inar Europol a chuir an eilimint nua isteach, chuig Aonad Náisiúnta ETIAS Bhallstát na chéad tréimhse fanachta atá beartaithe mar a dhearbhaigh an t-iarratasóir i gcomhréir le pointe (j) d’Airteagal 17(2). Déanfaidh Aonad Náisiúnta ETIAS sin measúnú ar an riosca slándála agus cúlghairfidh sé an t-údarú taistil i gcás ina gcinneann sé nach gcomhlíontar a thuilleadh na coinníollacha chun é a dheonú.

5.   Maidir le taifead ar dhiúltú cead isteach a bhaineann le sealbhóir údaraithe taistil bailí a bhfuil údar cuí leis de bharr chúis B nó chúis I a liostaítear i gCuid B d’Iarscríbhinn V a ghabhann le Rialachán (AE) 2016/399, i gcás ina ndéantar é a iontráil in EES, aistreoidh Lárchóras ETIAS an comhad iarratais chuig Aonad Náisiúnta ETIAS an Bhallstáit a dhiúltaigh an dul isteach. Déanfaidh Aonad Náisiúnta ETIAS measúnú an gcomhlíontar na coinníollacha chun an t-údarú taistil a dheonú i gcónaí agus, mura gcomhlíontar, cúlghairfidh sé an t-údarú taistil.

6.   I ndiaidh dó an measúnú riosca a dhéanamh, déanfaidh an ball foirne taifead sa chomhad iarratais d’údar an chinnidh údarú taistil a chúlghairm.

7.   Beidh an ceart chun achomhairc ag duine a ndearnadh a údarú taistil a chúlghairm. Seolfar achomhairc sa Bhallstát a rinne an cinneadh i leith na cúlghairme agus i gcomhréir le dlí náisiúnta an Bhallstáit sin. Cuirfidh Aonad Náisiúnta ETIAS an Bhallstáit atá freagrach faisnéis ar fáil d’iarratasóirí maidir leis an nós imeachta achomhairc i gceann amháin de theangacha oifigiúla na dtíortha a liostaítear in Iarscríbhinn II a ghabhann le Rialachán (CE) Uimh. 539/2001 ón gComhairle ar náisiúnach de chuid na tíre sin é an t-iarratasóir.

8.   Féadfar údarú taistil a chúlghairm má iarrann an t-iarratasóir sin. Ní fhéadfar aon achomharc a dhéanamh i gcoinne cúlghairm den chineál sin ar údarú taistil arna iarraidh sin don iarratasóir. I gcás ina bhfuil an t-iarratasóir i láthair ar chríoch Ballstáit nuair a chláraítear an t-iarratas sin, tiocfaidh an chúlghairm i bhfeidhm nuair a bheidh an t-iarratasóir ag imeacht as an gcríoch agus an taifead dul isteach/imeachta comhfhreagrach á chruthú i gcomhréir le hAirteagail 16(3) agus 17(2) de Rialachán (AE) 2017/2226.

1.   I gcás inar cinneadh údarú taistil a neamhniú nó a chúlghairm, déanfaidh Aonad Náisiúnta ETIAS an Bhallstáit atá freagrach a neamhnigh nó a chúlghair an t-údarú taistil na sonraí seo a leanas a chur leis an gcomhad iarratais gan mhoill:

2.   Déanfaidh Aonad Náisiúnta ETIAS an Bhallstáit atá freagrach a neamhnigh nó a chúlghair an t-údarú taistil a chur in iúl sa chomhad iarratais freisin an foras nó na forais leis an neamhniú nó leis an gcúlghairm atá infheidhme in Airteagal 37(1) agus (2), nó cuirfidh Aonad Náisiúnta ETIAS in iúl gur cúlghaireadh an t-údarú taistil arna iarraidh sin don iarratasóir amhail faoi Airteagal 41(8).

1.   I gcás inar measadh go bhfuil iarratas inghlactha i gcomhréir le hAirteagal 19, féadfaidh an Ballstát a bhfuil sé beartaithe ag an náisiúnach tríú tír lena mbaineann taisteal chuige údarú taistil a bhfuil bailíocht chríochach theoranta aige a eisiúint go heisceachtúil, nuair a mheasann an Ballstát sin go bhfuil gá leis sin ar fhorais dhaonnúla i gcomhréir leis an dlí náisiúnta, ar chúiseanna leasa náisiúnta nó de bharr oibleagáidí idirnáisiúnta agus, d’ainneoin an mhéid seo a leanas:

Go ginearálta, ní beidh údaruithe den sórt sin bailí ach ar chríoch an Bhallstáit eisiúna. Mar eisceacht, áfach, féadfar iad a eisiúint le bailíocht chríochach lena gclúdaítear níos mó ná Ballstát amháin, faoi réir thoiliú gach Ballstáit den sórt sin trí Aonaid Náisiúnta ETIAS atá acu. I gcás ina bhfuil Aonad Náisiúnta ETIAS ag breathnú ar údarú taistil a eisiúint a bhfuil bailíocht chríochach theoranta aige lena gclúdaítear roinnt Ballstát, rachaidh an Ballstát atá freagrach i gcomhairle leis na Ballstáit sin.

I gcás inar iarradh nó inar eisíodh údarú taistil a bhfuil bailíocht chríochach theoranta aige sna himthosca dá dtagraítear i bpointe (a) den chéad fhomhír den mhír seo, ní chuirfear isteach dá thoradh sin ar an bpróiseas measúnaithe láimhe ar an iarratas, chun críocha údarú taistil nach bhfuil bailíocht chríochach theoranta aige.

2.   Chun críocha mhír 1, agus chun críocha dá dtagraítear ar an suíomh gréasáin agus san aip le haghaidh gléasanna móibíleacha féadfaidh an t-iarratasóir dul i dteagmháil le Láraonad ETIAS agus an uimhir iarratais atá aige agus an Ballstát a bhfuil sé beartaithe aige taisteal chuige a chur in iúl, mar aon lena chur in iúl gur ar fhorais dhaonnúla atá cuspóir an taistil bunaithe nó go bhfuil an taisteal sin nasctha le hoibleagáidí idirnáisiúnta. I gcás ina ndéantar teagmháil den sórt sin, cuirfidh Láraonad ETIAS Aonad Náisiúnta ETIAS an Bhallstáit ar chuige atá sé beartaithe ag an náisiúnach tríú tír taisteal ar an eolas faoi agus déanfaidh sé an fhaisnéis a thaifeadadh sa chomhad iarratais.

3.   Maidir le hAonad Náisiúnta ETIAS an Bhallstáit ar chuige atá sé beartaithe ag an náisiúnach tríú tír taisteal, féadfaidh sé faisnéis bhreise nó doiciméadacht bhreise a iarraidh ar an iarratasóir agus féadfaidh sé an spriocdháta a leagan ar laistigh de a bheidh an fhaisnéis bhreise nó an doiciméadacht bhreise le tíolacadh. Is tríd an tseirbhís ríomhphoist dá dtagraítear i bpointe (f) d’Airteagal 6(2), chuig an seoladh ríomhphoist teagmhála a thaifeadtar sa chomhad iarratais, a thabharfar fógraí den sórt sin faoin iarraidh sin; cuirfear in iúl inti liosta de theangacha inar féidir an fhaisnéis nó an doiciméadacht a thíolacadh. Áireofar ar an liosta sin an Béarla, an Fhraincis nó an Ghearmáinis ar a laghad, ach amháin má áirítear air teanga oifigiúil de chuid na tríú tíre ar dhearbhaigh an t-iarratasóir gur náisiúnach é dá cuid. Ní iarrfar ar an iarratasóir aistriúchán oifigiúil sna teangacha sin a sholáthar. Cuirfidh an t-iarratasóir an fhaisnéis nó an doiciméadacht bhreise faoi bhráid Aonad Náisiúnta ETIAS tríd an tseirbhís cuntais shláin dá dtagraítear i bpointe (g) d’Airteagal 6(2). Nuair a thaiscfear an fhaisnéis bhreise nó an doiciméadacht bhreise, taifeadfaidh agus stórálfaidh Lárchóras ETIAS an fhaisnéis nó an doiciméadacht sin sa chomhad iarratais. Ní cheadófar an fhaisnéis bhreise ná an doiciméadacht bhreise a taifeadadh sa chomhad iarratais ach amháin chun an t-iarratas a mheas nó chun cinneadh a dhéanamh maidir leis, chun nós imeachta achomhairc a bhainistiú nó chun iarratas nua ón iarratasóir céanna a phróiseáil.

4.   Ní bheidh údarú taistil a bhfuil bailíocht chríochach theoranta aige bailí ach ar feadh 90 lá ar a mhéid ó dháta an chéad dul isteach ar bonn an údaraithe sin.

5.   D’fhéadfadh na údaruithe taistil a eisítear faoin Airteagal seo a bheith faoi réir bratach faoi Airteagal 36(2) nó (3).

6.   I gcás ina n-eiseofar údarú taistil a bhfuil bailíocht chríochach theoranta aige, cuirfidh Aonad Náisiúnta ETIAS a d’eisigh an t-údarú sin na sonraí seo a leanas isteach sa chomhad iarratais:

I gcás ina n-eiseoidh Aonad Náisiúnta ETIAS údarú taistil, a mbeidh bailíocht chríochach theoranta aige, gan aon fhaisnéis ná doiciméadacht a bheith curtha isteach ag an iarratasóir, déanfaidh Aonad Náisiúnta ETIAS sin faisnéis nó doiciméadacht iomchuí a thaifeadadh agus a stóráil sa chomhad iarratais lena dtabharfar údar i leith an chinnidh sin.

7.   I gcás inar eisíodh údarú taistil a bhfuil bailíocht chríochach theoranta aige, gheobhaidh an t-iarratasóir fógra tríd an tseirbhís ríomhphoist, lena n-áireofar:

1.   Aeriompróirí, iompróirí ar muir agus iompróirí idirnáisiúnta a iompraíonn grúpaí thar tír i gcóiste, déanfaidh siad iarratas ar Chóras Faisnéise ETIAS d’fhonn a fhíorú má tá nó mura bhfuil údarú bailí taistil ag náisiúnaigh tríú tír atá faoi réir an cheanglais i dtaobh údarú taistil.

2.   Trí rochtain shlán ar an ngeata iompróra dá dtagraítear i bpointe (k) d’Airteagal 6(2), lena n-áirítear an fhéidearthacht réitigh theicniúla mhóibíleacha a úsáid, cuirfear ar a gcumas d’iompróirí an t-iarratas dá dtagraítear i mír 1 den Airteagal seo a dhéanamh sula rachaidh paisinéir ar bord. Cuirfidh an t-iompróir na sonraí atá sa chuid den doiciméad taistil atá meaisín-inléite ar fáil agus sonróidh sé an Ballstát dul isteach. De mhaolú air sin, i gcás idirthuras aerfoirt, ní bheadh ceanglas ar an iompróir a fhíorú an bhfuil údarú bailí taistil i seilbh an náisiúnaigh tríú tír.

Cuirfidh Córas Faisnéise ETIAS, tríd an ngeata iompróra, freagra “OK/NOT OK” ar fáil do na hiompróirí ina dtugtar le fios cibé acu an bhfuil údarú bailí taistil ag an duine nó nach bhfuil. I gcás inar eisíodh údarú taistil a bhfuil bailíocht chríochach theoranta aige i gcomhréir le hAirteagal 44, tabharfar san áireamh san fhreagra a chuirfidh Lárchóras ETIAS ar fáil an Ballstát/na Ballstáit ina bhfuil an t-údarú bailí mar aon leis an mBallstát dul isteach arna shonrú ag an iompróir. Féadfaidh iompróirí an fhaisnéis a sheoltar a stóráil mar aon leis an bhfreagra a fhaightear i gcomhréir leis an dlí is infheidhme. Ní mheasfar an freagra “OK/NOT OK” a bheith ina chinneadh cead isteach a údarú nó a dhiúltú i gcomhréir le Rialachán (AE) 2016/399.

Glacfaidh an Coimisiún, trí bhíthin gníomhartha cur chun feidhme, rialacha mionsonraithe maidir leis na coinníollacha a bhaineann le feidhmiú an gheata iompróra agus leis na rialacha cosanta sonraí agus slándála is infheidhme. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá tagraítear in Airteagal 90(2).

3.   Bunóidh an Coimisiún, trí bhíthin gníomhartha cur chun feidhme, scéim fíordheimhniúcháin a bheidh d’iompróirí amháin, d’fhonn rochtain a thabhairt ar an ngeata iompróra chun críocha mhír 2 den Airteagal seo do na baill chuí-údaraithe d’fhoireann na n-iompróirí. Agus an scéim fíordheimniúcháin á bunú, cuirfear san áireamh bainistiú riosca a bhaineann le slándáil faisnéise agus na prionsabail maidir le cosaint sonraí trí dhearadh agus mar réamhshocrú. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 90(2).

4.   Úsáidfidh an geata iompróra bunachar sonraí ar leith, a bheidh inléite amháin, a ndéanfar nuashonrú air go laethúil trí aisbhaint-aon-slí a dhéanamh ar an íos-fhothacar sonraí is gá arna stóráil de ETIAS. Beidh eu-LISA freagrach as slándáil an gheata iompróra, as slándáil na sonraí pearsanta atá ann agus as an bpróiseas lena mbainfear sonraí pearsanta agus lena gcuirfear isteach iad sa bhunachar sonraí ar leith, atá inléite amháin.

5.   Na hiompróirí ar muir dá dtagraítear i mír 1 den Airteagal seo, beidh siad faoi réir na bpionós dá bhforáiltear i gcomhréir le hAirteagal 26(2) den Choinbhinsiún lena ndéantar Comhaontú Schengen an 14 Meitheamh 1985 idir Rialtais Stáit Aontas Eacnamaíoch Benelux, Phoblacht Chónaidhme na Gearmáine agus Phoblacht na Fraince maidir le seiceálacha ag a gcomhtheorainneacha a dhíothú de réir a chéile a chur chun feidhme (“an Coinbhinsiún lena ndéantar Comhaontú Schengen a chur chun feidhme”) agus le hAirteagal 4 de Threoir 2001/51/CE ón gComhairle (40) nuair a bheidh náisiúnaigh tríú tír á n-iompar acu nach bhfuil údarú bailí taistil acu cé go bhfuil siad faoi réir cheanglas an údaraithe taistil.

6.   De mhaolú ar mhír 5 den Airteagal seo, nuair a tharlaíonn sé, i gcás an náisiúnaigh tríú tír chéanna, go bhfuil na hiompróirí dá dtagraítear i mír 1 den Airteagal seo cheana féin faoi réir na bpionós dá bhforáiltear i gcomhréir le hAirteagal 26(2) den Choinbhinsiún lena ndéantar Comhaontú Schengen a chur chun feidhme agus Airteagal 4 de Threoir 2001/51/CE, ní bheidh feidhm ag na pionóis dá dtagraítear i mír 5 den Airteagal seo.

7.   Chun críche mír 5 a chur chun feidhme nó chun aon díospóid fhéideartha a réiteach a d’eascródh as an mír sin a chur i bhfeidhm, coinneoidh eu-LISA logaí ar gach oibríocht próiseála sonraí a dhéanfaidh iompróirí ar an ngeata iompróra. Taispeánfaidh na logaí sin dáta agus am gach oibríochta, na sonraí a úsáideadh don iniúchadh, na sonraí a tharchuir an geata iompróra, agus ainm an iompróra atá i gceist.

Stórálfar logaí go ceann tréimhse 2 bhliain. Úsáidfear bearta iomchuí chun logaí a chosaint ar rochtain neamhúdaraithe.

8.   Má dhiúltaítear cead isteach do náisiúnaigh tríú tír, beidh sé d’oibleagáid ar aon iompróir a thug go dtí na teorainneacha seachtracha iad, san aer, ar muir agus ar talamh, freagracht láithreach a ghlacadh astu an athuair. Arna iarraidh sin ag na húdaráis teorann, beidh sé d’oibleagáid ar na hiompróirí na náisiúnaigh tríú tír a fhilleadh ar an tríú tír ónar iompraíodh iad, ar an tríú tír a d’eisigh an doiciméad taistil lenar thaistil siad, nó ar aon tríú tír eile a bhfuil sé cinnte go ligfear isteach inti iad.

9.   De mhaolú ar mhír 1, d’iompróirí a iompraíonn grúpaí thar tír i gcoiste, sa chéad 3 bliana tar éis do ETIAS dul i mbun oibríochtaí, beidh an fíorú dá dtagraítear i mír 1 roghnach agus ní bheidh feidhm ag na forálacha dá dtagraítear i mír 5 maidir leo.

1.   Sa chás nach bhfuil sé indéanta, ar chúiseanna teicniúla, an t-iarratas dá dtagraítear in Airteagal 45(1) a dhéanamh, de bharr gur chlis ar chuid ar bith de chóras faisnéise ETIAS, déanfar na hiompróirí a dhíolmhú ón oibleagáid a fhíorú má tá údarú bailí taistil ag taistealaí. I gcás ina mbraithfidh eu-LISA an cliseadh sin, tabharfaidh Láraonad ETIAS fógra faoi do na hiompróirí. Tabharfaidh sé fógra do na hiompróirí a luaithe a chuirfear an cliseadh ina cheart freisin. I gcás ina mbraithfidh na hiompróirí an cliseadh sin, féadfaidh siad fógra a thabhairt do Láraonad ETIAS faoi.

2.   Maidir leis na pionóis dá dtagraítear in Airteagal 45(5), ní fhorchuirfear ar iompróirí iad sna cásanna dá dtagraítear i mír 1 den Airteagal seo.

3.   I gcás nach bhfuil sé indéanta, ar chúiseanna teicniúla, tréimhse fhada a chaitheamh leis an gcuardach a dhéanamh dá dtagraítear in Airteagal 45(1), ar chúiseanna eile seachas gur chlis ar chuid ar bith de chóras faisnéise ETIAS, cuirfidh na hiompróirí lárionad ETIAS ar an eolas faoi sin.

4.   Déanfaidh an Coimisiún, trí bhíthin gníomh cur chun feidhme, mionsonraí na nósanna imeachta cúltaca dá dtagraítear san Airteagal seo a leagan síos. Déanfar an gníomh cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 90(2).

1.   Déanfaidh na húdaráis teorann inniúla i dtaobh seiceálacha a dhéanamh ag pointí trasnaithe na dteorainneacha seachtracha i gcomhréir le Rialachán (AE) 2016/399 Lárchóras ETIAS a cheadú agus iad ag úsáid na sonraí atá sa chuid den doiciméad taistil atá meaisín-inléite.

2.   Freagróidh Lárchóras ETIAS tríd an méid seo a leanas a thabhairt le fios:

3.   I gcás ina mbeidh an t-údarú taistil ag dul in éag laistigh de 90 lá ina dhiaidh sin, cuirfidh na húdaráis teorann sealbhóir an údaraithe taistil sin ar an eolas faoin méid atá fágtha den tréimhse bhailíochta, faoin bhféidearthacht iarratas a dhéanamh ar údarú taistil nua fiú agus é ag fanacht ar chríoch na mBallstát, agus faoin oibleagáid údarú bailí taistil a bheith ag duine ar feadh thréimhse iomlán an ghearrfhanachta. Soláthróidh an garda teorann an fhaisnéis sin tráth na seiceálacha teorann nó is féidir í a sholáthar trí bhíthin trealamh suiteáilte ag an bpointe trasnaithe teorann lena bhféadfaidh an náisiúnach tríú tír an uirlis fíoraithe dá dtagraítear in Airteagal 31 a cheadú. Ina theannta sin, cuirfear an fhaisnéis ar fáil ar an suíomh gréasáin poiblí dá dtagraítear in Airteagal 16. Déanfaidh Lárchóras ETIAS an fhaisnéis chéanna a sholáthar go huathoibríoch do shealbhóir údarú taistil tríd an tseirbhís r-phoist.

4.   I gcás ina bhfreagróidh Lárchóras ETIAS le bratach atá i gceangal leis an údarú taistil faoi Airteagal 36(2), déanfaidh na húdaráis teorann seiceáil ar an dara líne. Chun críocha seiceáil ar an dara líne, beidh údarás acu an fhaisnéis bhreise a cuireadh leis an gcomhad iarratais a cheadú i gcomhréir le pointe (e) d’Airteagal 39(1) nó le pointe (f) d’Airteagal 44(6).

I gcás ina bhfreagróidh Lárchóras ETIAS le bratach dá dtagraítear in Airteagal 36(3) agus i gcás ina mbeidh fíoruithe breise ag teastáil, d’fhéadfadh rochtain a bheith ag na húdaráis teorann ar Lárchóras ETIAS chun an fhaisnéis bhreise a fháil dá bhforáiltear i bpointe (e) d’Airteagal 39(1) nó i bpointe (f) d’Airteagal 44(6).

1.   I gcás nach bhfuil sé indéanta, ar chúiseanna teicniúla, an ceadú dá dtagraítear in Airteagal 47(1) a dhéanamh, de bharr gur chlis ar aon chuid de chóras faisnéise ETIAS, tabharfaidh Láraonad ETIAS fógra do na húdaráis teorann agus d’Aonaid Náisiúnta ETIAS na mBallstát.

2.   Sa chás nach mbeidh sé indéanta, ar chúiseanna teicniúla, an cuardach a dhéanamh dá dtagraítear in Airteagal 47(1) de bharr gur chlis ar an mbonneagar teorann náisiúnta i mBallstát, tabharfaidh na húdaráis teorann fógra do Láraonad ETIAS agus d’Aonaid Náisiúnta ETIAS na mBallstát. Cuirfidh Láraonad ETIAS an méid sin in iúl láithreach do eu-LISA agus don Choimisiún.

3.   Sa dá chás dá dtagraítear i mír 1 agus i mír 2 den Airteagal seo, leanfaidh údaráis teorann a gcuid pleananna teagmhasacha náisiúnta. I gcomhréir le Rialachán (AE) 2016/399, sa phlean teagmhasach náisiúnta féadfar na húdaráis teorann a údarú maolú ar an oibleagáid ar bhonn sealadach Lárchóras ETIAS dá dtagraítear in Airteagal 47(1) den Rialachán seo a cheadú.

4.   Glacfaidh an Coimisiún, trí bhíthin gníomhartha cur chun feidhme, samhlacha de phleananna teagmhasacha i gcomhair na gcásanna dá dtagraítear i mír 1 agus i mír 2 den Airteagal seo, lena n-áirítear na nósanna imeachta atá le leanúint ag na húdaráis teorann. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 90(2). Glacfaidh na Ballstáit a gcuid pleananna teagmhasacha náisiúnta trí úsáid na samhlacha de phleananna teagmhasacha mar bhonn, agus iad a oiriúnú de réir mar is gá ar an leibhéal náisiúnta.

1.   Chun a sheiceáil nó a fhíorú má tá na coinníollacha maidir le dul isteach nó fanacht ar chríoch na mBallstát á gcomhlíonadh agus chun bearta iomchuí a ghlacadh a bhaineann leis sin, beidh rochtain ag údaráis inimirce na mBallstát ar Lárchóras ETIAS agus úsáid á baint acu as na sonraí dá dtagraítear i bpointí (a) go (e) d’Airteagal 17(2).

2.   Ní cheadófar rochtain ar Lárchóras ETIAS faoi mhír 1 den Airteagal seo ach amháin i gcás ina gcomhlíontar na coinníollacha seo a leanas:

I gcás inar gá, déanfar comhlíonadh na gcoinníollacha dá dtagraítear i bpointe (a) agus i bpointe (b) den chéad fhomhír den mhír seo a fhíorú trí rochtain ar na logaí in EES, dá bhforáiltear faoi Airteagal 46 de Rialachán (AE) 2017/2226, a chomhfhreagraíonn don chuardach dá dtagraítear i bpointe (a) den chéad fhomhír den mhír seo agus don fhreagra dá dtagraítear i bpointe (b) den fhomhír sin.

3.   Freagróidh Lárchóras ETIAS trína thabhairt le fios an bhfuil údarú bailí taistil ag an duine agus, i gcás údarú taistil a bhfuil bailíocht chríochach theoranta aige, amhail a eisítear faoi Airteagal 44, an Ballstát (na Ballstáit) ina bhfuil an t-údarú bailí taistil. Tabharfaidh Lárchóras ETIAS le fios freisin an n-imeoidh an t-údarú taistil in éag laistigh de 90 lá ina dhiaidh sin agus an méid atá fágtha den tréimhse bhailíochta.

I gcás mionaoiseach, beidh rochtain freisin ag na húdaráis inimirce ar an bhfaisnéis a bhaineann le húdarás tuismitheora nó caomhnóir dlí an taistealaí dá dtagraítear i bpointe (k) d’Airteagal 17(2).

1.   Ainmneoidh na Ballstáit na húdaráis atá i dteideal iarraidh a dhéanamh na sonraí atá stóráilte i Lárchóras ETIAS a cheadú chun cionta sceimhlitheoireachta nó cionta coiriúla tromchúiseacha eile a chosc, a bhrath nó a imscrúdú.

2.   Ainmneoidh gach Ballstát lárphointe rochtana a mbeidh rochtain aige ar Lárchóras ETIAS. Fíoróidh an lárphointe rochtana go gcomhlíonfar na coinníollacha a leagtar síos in Airteagal 52 maidir le rochtain a iarraidh ar Lárchóras ETIAS.

Féadfaidh sé gur cuid den eagraíocht chéanna iad an t-údarás ainmnithe agus an lárphointe rochtana, ach sin a bheith ceadaithe faoin dlí náisiúnta, ach gníomhóidh an lárphointe rochtana go hiomlán neamhspleách ar na húdaráis ainmnithe agus a chúraimí faoin Rialachán seo á gcomhlíonadh aige. Beidh an lárphointe rochtana ar leithligh ó na húdaráis ainmnithe agus ní bhfaighidh sé treoracha uathu maidir le toradh an fhíoraithe a dhéanfaidh sé go neamhspleách.

Ag brath ar a struchtúir eagraíochtúla agus riaracháin, féadfaidh na Ballstáit níos mó ná lárphointe rochtana amháin a ainmniú chun a gceanglais bhunreachtúla nó a gceanglais dhlíthiúla eile a chomhlíonadh.

Tabharfaidh na Ballstáit fógra do eu-LISA agus don Choimisiún maidir lena n-údaráis ainmnithe agus lena lárphointe rochtana agus féadfaidh siad fógra eile a chur in ionad a bhfógra nó é a leasú tráth ar bith.

3.   Ar an leibhéal náisiúnta, coinneoidh gach Ballstát liosta de na haonaid oibríochta laistigh de na húdaráis ainmnithe atá údaraithe iarraidh a dhéanamh na sonraí atá stóráilte i Lárchóras ETIAS a cheadú tríd an lárphointe rochtana nó trí na lárphointí rochtana.

4.   Is í foireann chuí-chumhachtaithe na lárphointí rochtana agus í sin amháin a bheidh údaraithe rochtain a fháil ar Lárchóras ETIAS i gcomhréir le hAirteagal 51 agus le hAirteagal 52.

1.   Tíolacfaidh aonad oibríochta dá dtagraítear in Airteagal 50(3) iarraidh réasúnaithe, bíodh sí leictreonach nó i scríbhinn, do lárphointe rochtana dá dtagraítear in Airteagal 50(2) chun tacar sonrach sonraí atá stóráilte i Lárchóras ETIAS a cheadú. I gcás ina n-iarrtar na sonraí dá dtagraítear i bpointe (i) d’Airteagal 17(2) agus pointí (a) go (c) d’Airteagal 17(4) a cheadú, áireofar san iarraidh leictreonach nó i scríbhinn réasúnaithe údar cuí gur gá na sonraí sonracha sin a cheadú.

2.   Ar iarraidh ar rochtain a fháil, fíoróidh an lárphointe rochtana sin an gcomhlíontar na coinníollacha maidir le rochtain dá dtagraítear in Airteagal 52, lena n-áirítear a fhíorú má tugadh údar cuí le haon iarraidh ar cheadú na sonraí dá dtagraítear i bpointe (i) d’Airteagal 17(2) agus i bpointí (a) go (c) d’Airteagal 17(4).

3.   Má chomhlíontar na coinníollacha maidir le rochtain dá dtagraítear in Airteagal 52, próiseálfaidh an lárphointe rochtana sin an iarraidh. Déanfar na sonraí atá stóráilte i Lárchóras ETIAS arna rochtain ag an lárphointe rochtana a tharchur chuig an aonad oibríochta a rinne an iarraidh sa chaoi nach ndéanfar dochar do shláine na sonraí.

4.   I gcás práinne nuair is gá gar-riosca do bheatha duine a bhaineann le cion sceimhlitheoireachta nó le cion coiriúil tromchúiseach eile a chosc, déanfaidh an lárphointe rochtana an iarraidh a phróiseáil láithreach agus fíoróidh siad ex post ar comhlíonadh na coinníollacha uile dá dtagraítear in Airteagal 52 agus an raibh cás práinne ann. Déanfar an fíorú ex post gan moill mhíchuí agus i gcás ar bith tráth nach déanaí ná 7 lá oibre i ndiaidh an iarraidh a phróiseáil.

I gcás ina nochtann fíorú ex post nach raibh údar le ceadú nó rochtain na sonraí atá ar taifead i Lárchóras ETIAS, déanfaidh na húdaráis uile a fuair rochtain ar na sonraí na sonraí ar a raibh rochtain acu i Lárchóras ETIAS a léirscriosadh. Cuirfidh na húdaráis lárphointe rochtana ábhartha an Bhallstáit ina ndearnadh an iarraidh ar an eolas faoin léirscriosadh sin.

1.   Féadfaidh údaráis ainmnithe a iarraidh go gceadófar na sonraí atá stóráilte i Lárchóras ETIAS má chomhlíontar na coinníollacha go léir seo a leanas:

2.   Beidh ceadú Lárchóras ETIAS teoranta do chuardach a dhéanamh le ceann amháin nó níos mó de na hítimí de shonraí seo a leanas atá ar taifead sa chomhad iarratais:

3.   Féadfar Lárchóras ETIAS a cheadú leis na sonraí atá liostaithe faoi mhír 2 i gcomhcheangal leis na sonraí seo a leanas sa chomhad iarratais chun an cuardach a chúngú:

4.   Má dhéantar Lárchóras ETIAS a cheadú agus má bhraitear amas i gcoinne sonraí atá ar taifead i gcomhad iarratais, beidh rochtain ar na sonraí dá dtagraítear i bpointí (a) go (g) agus (j) go (m) d’Airteagal 17(2) mar atá ar taifead sa chomhad iarratais sin agus ar shonraí a iontráladh sa chomhad iarratais sin maidir le húdarú taistil a eisiúint, a dhiúltú, a neamhniú nó a chúlghairm i gcomhréir le hAirteagal 39 agus Airteagal 43. Ní thabharfar rochtain ar na sonraí dá dtagraítear i bpointe (i) d’Airteagal 17(2) agus i bpointí (a) go (c) d’Airteagal 17(4) atá ar taifead sa chomhad iarratais ach amháin más rud é go ndearna aonad oibríochtúil ceadú na sonraí sin a iarraidh go sainráite in iarraidh réasúnaithe leictreonach nó i scríbhinn a cuireadh isteach faoi Airteagal 51(1) agus go ndearna an lárphointe rochtana an iarraidh sin a fhíorú agus a fhormheas ar bhonn neamhspleách. Ní thabharfaidh ceadú Lárchóras ETIAS rochtain ar na sonraí a bhaineann leis an oideachas dá dtagraítear i bpointe (h) d’Airteagal 17(2).

1.   Chun críocha Airteagal 1(2), féadfaidh Europol iarraidh a dhéanamh na sonraí atá stóráilte i Lárchóras ETIAS a cheadú agus iarraidh réasúnaithe leictreonach a chur isteach chuig Láraonad ETIAS chun tacar sonrach sonraí atá stóráilte i Lárchóras ETIAS a cheadú. I gcás ina n-iarrtar na sonraí dá dtagraítear i bpointe (i) d’Airteagal 17(2) agus i bpointí (a) go (c) d’Airteagal 17(4) a cheadú, áireofar san iarraidh réasúnaithe leictreonach údar cuí gur gá na sonraí sonracha sin a cheadú.

2.   Beidh fianaise san iarraidh réasúnaithe gur comhlíonadh gach ceann de na coinníollacha seo a leanas:

3.   Beidh iarrataí Europol ar cheadú na sonraí atá stóráilte i Lárchóras ETIAS faoi réir fíorú roimh ré arna dhéanamh ag aonad speisialaithe ina mbeidh oifigigh chuí-chumhachtaithe Europol, lena scrúdófar ar bhealach éifeachtach tráthúil an gcomhlíonann an t-iarratas gach ceann de choinníollacha mhír 2.

4.   Má dhéantar Lárchóras ETIAS a cheadú agus má bhraitear amas i gcoinne sonraí atá stóráilte i gcomhad iarratais, beidh rochtain ar na sonraí dá dtagraítear i bpointí (a) go (g) agus (j) go (m) d’Airteagal 17(2) agus ar shonraí a cuireadh isteach sa chomhad iarratais maidir le húdarú taistil a eisiúint, a dhiúltú, a neamhniú nó a chúlghairm i gcomhréir le hAirteagal 39 agus Airteagal 43. Ní thabharfar rochtain ar na sonraí dá dtagraítear i bpointe (i) d’Airteagal 17(2) agus i bpointí (a) go (c) d’Airteagal 17(4) mar atá stóráilte sa chomhad iarratais ach amháin má rinne Europol ceadú na sonraí sin a iarraidh go sainráite. Ní thabharfaidh ceadú Lárchóras ETIAS rochtain ar na sonraí a bhaineann leis an oideachas dá dtagraítear i bpointe (h) d’Airteagal 17(2).

5.   I gcás ina ndéanann an t-aonad speisialaithe ina bhfuil oifigigh chuí-chumhachtaithe Europol an iarraidh a fhormheas, próiseálfaidh Láraonad ETIAS an iarraidh maidir le ceadú na sonraí atá stóráilte i Lárchóras ETIAS. Déanfaidh sé na sonraí a iarradh a tharchur chuig Europol ar dhóigh nach gcuirfear slándáil na sonraí sin i mbaol.

1.   Stórálfar gach comhad iarratais i Lárchóras ETIAS mar a leanas:

2.   D’fhonn iarratas nua a éascú tar éis dhul in éag thréimhse bhailíochta údaraithe taistil de chuid ETIAS, féadfar an comhad iarratais a stóráil i Lárchóras ETIAS ar feadh tréimhse breise nach faide ná 3 bliana tar éis dheireadh thréimhse bhailíochta an údaraithe taistil agus ní fhéadfar sin a dhéanamh ach amháin i gcás, tar éis iarraidh ar thoiliú, ina dtoilíonn an t-iarratasóir go sainráite faoi shaoirse trí bhíthin dearbhú ríomhshínithe. I gcomhréir le hAirteagal 7 de Rialachán (AE) 2016/679 ó Pharlaimint na hEorpa agus ón gComhairle, cuirfear iarrataí ar thoiliú i láthair ar bhealach soiléir is féidir a dhealú ó na hábhair eile, i bhfoirm intuigthe a bhfuil rochtain shimplí uirthi agus trí úsáid a bhaint as friotal soiléir simplí.

Iarrfar an toiliú tar éis do sholáthar uathoibríoch na faisnéise faoi Airteagal 15(2) a bheith déanta. Leis an bhfaisnéis arna soláthar go huathoibríoch, cuirfear i gcuimhne don iarratasóir an cuspóir le sonraí a choinneáil ar bhonn na faisnéise dá dtagraítear i bpointe (o) d’Airteagal 71 agus faoin bhféidearthacht toiliú a tugadh a tharraingt siar tráth ar bith.

Féadfaidh an t-iarratasóir a thoiliú nó a toiliú a tharraingt siar tráth ar bith, i gcomhréir le hAirteagal 7(3) de Rialachán (AE) 2016/679. Má dhéanann an t-iarratasóir an toiliú a tharraingt siar, déanfar an comhad iarratais a léirscriosadh go huathoibríoch ó Lárchóras ETIAS.

Déanfaidh eu-LISA uirlis a fhorbairt chun go gcuirfear ar chumas iarratasóirí a dtoiliú a thabhairt agus a tharraingt siar. Beidh rochtain ar an uirlis sin tríd an suíomh gréasáin tiomnaithe poiblí nó tríd an aip le haghaidh gléasanna móibíleacha.

Déanfaidh an Coimisiún gníomhartha tarmligthe a ghlacadh i gcomhréir le hAirteagal 89 chun an uirlis atá le húsáid ag na hiarratasóirí chun a dtoiliú a thabhairt agus a tharraingt siar a shainiú tuilleadh.

3.   Ar dhul in éag a thréimhse choinneála, déanfar an comhad iarratais a léirscriosadh go huathoibríoch ó Lárchóras ETIAS.

1.   Beidh sé d’oibleagáid ar Láraonad ETIAS agus ar Aonaid Náisiúnta ETIAS na sonraí a stóráiltear i Lárchóras ETIAS a nuashonrú agus a áirithiú go bhfuil siad cruinn. Ní bheidh sé de cheart ag Láraonad ETIAS agus Aonaid Náisiúnta ETIAS modhnú a dhéanamh ar shonraí arna n-iontráil go díreach san fhoirm iarratais ag an iarratasóir féin de bhun Airteagal 17(2), (3) nó (4).

2.   I gcás ina bhfuil fianaise ag Láraonad ETIAS go bhfuil na sonraí a chuir Lárchóras ETIAS ar taifead i Láraonad ETIAS míchruinn ó thaobh fíricí de nó gur próiseáladh sonraí i Lárchóras ETIAS de shárú ar an Rialachán seo, seiceálfaidh sé na sonraí lena mbaineann agus, más gá, leasóidh sé iad nó léirscriosfaidh sé iad gan mhoill ó Lárchóras ETIAS.

3.   I gcás ina bhfuil fianaise ag an mBallstát atá freagrach go bhfuil na sonraí atá ar taifead i Lárchóras ETIAS míchruinn ó thaobh fíricí de nó gur próiseáladh sonraí i Lárchóras ETIAS de shárú ar an Rialachán seo, seiceálfaidh a Aonad Náisiúnta ETIAS na sonraí lena mbaineann agus, más gá, leasóidh sé iad nó léirscriosfaidh sé iad gan mhoill ó Lárchóras ETIAS.

4.   I gcás ina bhfuil fianaise ag Láraonad ETIAS go bhfuil na sonraí atá stóráilte i Lárchóras ETIAS míchruinn ó thaobh fíricí de nó gur próiseáladh iad i Lárchóras ETIAS de shárú ar an Rialachán seo, déanfaidh sé teagmháil le hAonad Náisiúnta ETIAS an Bhallstáit atá freagrach laistigh de 14 lá. Má tá fianaise den sórt sin ag Ballstát eile seachas an Ballstát atá freagrach, rachaidh sé i dteagmháil le Láraonad ETIAS nó le hAonad Náisiúnta ETIAS an Bhallstáit atá freagrach, laistigh de 14 lá freisin. Seiceálfaidh Láraonad ETIAS nó Aonad Náisiúnta ETIAS an Bhallstáit atá freagrach cruinneas na sonraí agus dlíthiúlacht na próiseála orthu laistigh de 1 mhí amháin agus, más gá, leasóidh sé iad nó léirscriosfaidh sé iad gan mhoill ó Lárchóras ETIAS.

5.   I gcás ina bhfuil náisiúntacht Ballstáit faighte ag náisiúnach tríú tír nó ina dtagann sé nó sí faoi raon feidhme phointí (a) go (c) d’Airteagal 2(2), fíoróidh údaráis an Bhallstáit sin an bhfuil údarú bailí taistil ag an duine sin agus, nuair is ábhartha, léirscriosfaidh sé an comhad iarratais gan mhoill ó Lárchóras ETIAS. Is é an t-údarás a bheidh freagrach as an gcomhad iarratais a léirscriosadh:

6.   I gcás ina dtagann náisiúnach tríú tír faoi raon feidhme phointe (d), (e), (f) nó (l) d’Airteagal 2(2), féadfaidh sé nó sí a chur in iúl d’údaráis inniúla an Bhallstáit a d’eisigh an cead cónaithe, an víosa aonfhoirmeach nó an víosa fadfhanachta náisiúnta dá dtagraítear san Airteagal sin go bhfuil údarú bailí taistil aige nó aici agus féadfaidh sé nó sí a iarraidh go scriosfaí an comhad iarratais comhfhreagrach ó Lárchóras ETIAS. Fíoróidh údaráis an Bhallstáit sin an bhfuil údarú bailí taistil i seilbh an duine sin. Má dhearbhaítear go bhfuil údarú bailí taistil i seilbh an duine sin, déanfaidh Aonad Náisiúnta ETIAS an Bhallstáit a d’eisigh an cead cónaithe, an víosa aonfhoirmeach nó an víosa fadfhanachta náisiúnta an comhad iarratais a scriosadh gan mhoill ó Lárchóras ETIAS.

7.   I gcás ina dtagann náisiúnach tríú tír faoi raon feidhme phointe (g) d’Airteagal 2(2), féadfaidh sé nó sí údaráis inniúla an chéad Bhallstáit eile a rachaidh sé nó sí isteach ann ar an eolas faoin athrú sin. Rachaidh an Ballstát sin i dteagmháil le Láraonad ETIAS laistigh de theorainn ama 14 lá. Seiceálfaidh Láraonad ETIAS cruinneas na sonraí laistigh de 1 mhí amháin, agus, más gá, léirscriosfaidh sé an comhad iarratais ó Lárchóras ETIAS gan mhoill.

8.   Gan dochar do leigheas riaracháin nó neamhbhreithiúnach ar bith eile atá ar fáil, beidh fáil ag daoine aonair ar leigheas breithiúnach éifeachtach d’fhonn a áirithiú go ndéantar na sonraí atá stóráilte in ETIAS a leasú nó a léirscriosadh.

1.   Beidh feidhm ag Rialachán (CE) Uimh. 45/2001 maidir le próiseáil a dhéanann an Ghníomhaireacht Eorpach um an nGarda Teorann agus Cósta agus eu-LISA ar shonraí pearsanta.

2.   Beidh feidhm ag Rialachán (AE) 2016/679 maidir leis an bpróiseáil ar shonraí pearsanta a dhéanann Aonaid Náisiúnta ETIAS a mheasann na hiarratais, na húdaráis teorann agus na húdaráis inimirce.

I gcásanna ina ndéanann na húdaráis inniúla a mheasann na hiarratais chun críocha cionta sceimhlitheoireachta nó cionta coiriúla eile a chosc, a bhrath nó a imscrúdú sonraí pearsanta a phróiseáil ag Aonaid Náisiúnta ETIAS, beidh feidhm ag Treoir (AE) 2016/680.

I gcásanna ina ndéanann Aonad Náisiúnta ETIAS cinneadh maidir le húdarú taistil a eisiúint, a dhiúltú, a chúlghairm nó a neamhniú, beidh feidhm ag Rialachán (AE) 2016/679.

3.   Beidh feidhm ag Treoir (AE) 2016/680 maidir leis an bpróiseáil ar shonraí pearsanta a dhéanann údaráis ainmnithe na mBallstát chun críocha Airteagal 1(2).

4.   Beidh feidhm ag Rialachán (AE) 2016/794 maidir leis an bpróiseáil a dhéanann Europol ar shonraí pearsanta de bhun Airteagal 29 agus Airteagal 53.

1.   Meastar gur rialaitheoir sonraí i gcomhréir le pointe (d) d’Airteagal 2 de Rialachán (CE) Uimh. 45/2001 í an Ghníomhaireacht Eorpach um an nGarda Teorann agus Cósta maidir le próiseáil sonraí pearsanta i Lárchóras ETIAS. Maidir le bainistíocht um shlándáil faisnéise ar Lárchóras ETIAS, measfar gur rialaitheoir é eu-LISA.

2.   Maidir le próiseáil a dhéanann Ballstát ar shonraí pearsanta i Lárchóras ETIAS, measfar gur rialaitheoir é Aonad Náisiúnta ETIAS i gcomhréir le pointe (7) d’Airteagal 4 de Rialachán (AE) 2016/679. Beidh freagracht lárnach air as an bpróiseáil a dhéanann an Ballstát sin ar shonraí pearsanta i Lárchóras ETIAS.

1.   Measfar gur próiseálaí sonraí i gcomhréir le pointe (e) d’Airteagal 2 de Rialachán (CE) Uimh. 45/2001 é eu-LISA maidir le próiseáil sonraí pearsanta i gCóras Faisnéise ETIAS.

2.   Áiritheoidh eu-LISA go ndéanfar Córas Faisnéise ETIAS a oibriú i gcomhréir leis an Rialachán sin.

1.   Áiritheoidh eu-LISA, Láraonad ETIAS agus Aonaid Náisiúnta ETIAS slándáil na próiseála ar shonraí pearsanta de bhun an Rialacháin seo. Beidh eu-LISA, Láraonad ETIAS agus Aonaid Náisiúnta ETIAS ag comhoibriú ar chúraimí a bhaineann le slándáil sonraí.

2.   Gan dochar d’Airteagal 22 de Rialachán (CE) Uimh 45/2001, déanfaidh eu-LISA na bearta riachtanacha chun slándáil chóras faisnéise ETIAS a áirithiú.

3.   Gan dochar d’Airteagal 22 de Rialachán (CE) Uimh. 45/2001 agus Airteagal 32 agus Airteagal 34 de Rialachán (AE) 2016/679,glacfaidh eu-LISA, Láraonad ETIAS agus Aonaid Náisiúnta ETIAS na bearta is gá, lena n-áirítear plean slándála agus plean leanúnachais gnó agus plean athshlánaithe ó thubaiste, chun an méid seo a leanas a dhéanamh:

4.   Déanfaidh an Coimisiún, trí bhíthin gníomhartha cur chun feidhme, samhail de phlean slándála agus samhail de phlean leanúnachas gnó agus athshlánaithe ó thubaiste a ghlacadh. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 90(2). Déanfaidh Bord Bainistíochta eu-LISA, Bord Bainistíochta na Gníomhaireachta Eorpaí um an nGarda Teorann agus Cósta agus na Ballstáit na pleananna slándála, leanúnachais gnó agus athshlánaithe ó thubaiste le haghaidh eu-LISA, le haghaidh Láraonad ETIAS agus le haghaidh Aonaid Náisiúnta ETIAS, faoi seach, a ghlacadh. Bainfidh siad leas as na samhlacha sin de phleananna arna nglacadh ag an gCoimisiún mar bhonn, arna gcoigeartú de réir mar is gá.

5.   Cuirfidh eu-LISA Parlaimint na hEorpa, an Chomhairle, an Coimisiún, agus an Maoirseoir Eorpach ar Chosaint Sonraí ar an eolas faoi na bearta a dhéanfaidh sé de bhun an Airteagail seo.

1.   Maidir le haon imeacht a bhfuil tionchar aige, nó a bhféadfadh tionchar a bheith aige, ar shlándáil ETIAS, agus a d’fhéadfadh a bheith ina chúis le damáiste a dhéanamh do na sonraí a stóráiltear in ETIAS, nó le cailleadh na sonraí sin, measfar gur teagmhas slándála é, go háirithe i gcás ina bhféadfadh sé go bhfuarthas rochtain neamhúdaraithe ar shonraí nó i gcás ina ndearnadh infhaighteacht, sláine agus rúndacht sonraí a chur i mbaol nó ina bhféadfadh sé go ndearnadh infhaighteacht, sláine agus rúndacht sonraí a chur i mbaol.

2.   Déanfar teagmhais slándála a bhainistiú chun a áirithiú go dtabharfar freagairt thapa, éifeachtach agus iomchuí.

3.   Gan dochar d’fhógra a thabhairt faoi shárú sonraí pearsanta agus cur in iúl an tsáraithe sin de bhun Airteagal 33 de Rialachán (AE) 2016/679, Airteagal 30 de Threoir (AE) 2016/680, nó iad araon, cuirfidh na Ballstáit an Coimisiún, eu-LISA agus an Maoirseoir Eorpach ar Chosaint Sonraí ar an eolas faoi theagmhais slándála. I gcás ina dtarlaíonn teagmhas slándála maidir le Córas Faisnéise ETIAS, cuirfidh eu-LISA an Coimisiún agus an Maoirseoir Eorpach ar Chosaint Sonraí ar an eolas ina thaobh. Cuirfidh Europol an Coimisiún agus an Maoirseoir Eorpach ar Chosaint Sonraí ar an eolas i gcás teagmhas slándála a bhaineann le ETIAS.

4.   Déanfar faisnéis maidir le teagmhas slándála a bhfuil tionchar aige, nó a bhféadfadh tionchar a bheith aige, ar oibriú ETIAS nó ar infhaighteacht, sláine agus rúndacht na sonraí, a sholáthar don Choimisiún agus, i gcás ina mbeidh feidhm aige sin orthu, do Láraonad ETIAS, d’Aonaid Náisiúnta ETIAS agus do Europol. Déanfar teagmhais den sórt sin agus a thuairisciú freisin i gcomhréir leis an bplean bainistithe teagmhais a sholáthróidh eu-LISA.

5.   Comhoibreoidh na Ballstáit, an Ghníomhaireacht Eorpach um an nGarda Teorann agus Cósta, eu-LISA agus Europol i gcás ina dtarlódh teagmhas slándála.

1.   Gan dochar don cheart chun cúiteamh a fháil uaidh, ná do dhliteanas an rialaitheora nó an phróiseálaithe faoi Rialachán (AE) 2016/679, faoi Threoir (AE) 2016/680 agus faoi Rialachán (CE) Uimh. 45/2001:

Beidh Ballstát nó eu-LISA díolmhaithe óna dhliteanas faoin gcéad fhomhír, go hiomlán nó i bpáirt, má éiríonn leo a chruthú nárbh iad a bhí freagrach as an eachtra ba shiocair leis an damáiste.

2.   Más rud é go dteipeann ar Bhallstát a chuid oibleagáidí a chomhlíonadh faoin Rialachán seo agus gurb é sin is cúis le damáiste do Lárchóras ETIAS, is é an Ballstát sin a chuirfear faoi dhliteanas i leith an damáiste sin más rud é agus a mhéid nach ndearna eu-LISA nó Ballstát eile atá rannpháirteach i Lárchóras ETIAS bearta réasúnta chun an damáiste sin a sheachaint nó chun a thionchar a íoslaghdú.

3.   Is faoi dhlí náisiúnta an Bhallstáit arb é an cosantóir é a rialálfar éilimh ar chúiteamh a dhéanfar i gcoinne Ballstáit as an damáiste dá dtagraítear i mír 1 agus i mír 2. Is faoi réir na gcoinníollacha dá bhforáiltear sna Conarthaí a rialálfar éilimh ar chúiteamh a dhéanfar i gcoinne rialaitheora nó i gcoinne eu-LISA as an damáiste dá dtagraítear i mír 1 agus i mír 2.

1.   Gan dochar don cheart chun faisnéise in Airteagal 11 agus Airteagal 12 de Rialachán (CE) Uimh. 45/2001, cuirfear iarratasóirí a bhfuil a sonraí stóráilte i Lárchóras ETIAS ar an eolas, an tráth a bhaileofar a gcuid sonraí, faoi na nósanna imeachta maidir le cearta a fheidhmiú faoi Airteagal 13 go hAirteagal 16 de Rialachán (CE) Uimh. 45/2001 Uimh. agus faoi Airteagal 15 go hAirteagal 18 de Rialachán (AE) 2016/679. Tabharfar dóibh freisin ag an am céanna sonraí teagmhála oifigeach cosanta sonraí na Gníomhaireachta Eorpaí um an nGarda Teorann agus Cósta agus an Mhaoirseora Eorpaigh ar Chosaint Sonraí.

2.   Ar mhaithe lena gcearta a fheidhmiú faoi Airteagal 13 go hAirteagal 16 de Rialachán (CE) Uimh. 45/2001 agus faoi Airteagal 15 go hAirteagal 18 de Rialachán (AE) 2016/679, beidh sé de cheart ag aon iarratasóir dul i dteagmháil le Láraonad ETIAS nó le hAonad Náisiúnta ETIAS atá freagrach as a iarratas nó a hiarratas. Déanfaidh an t-aonad a bhfaighidh an iarraidh í a scrúdú agus tabharfaidh sé freagra uirthi a luaithe is féidir, laistigh de 30 lá ar a dhéanaí.

I gcás, mar fhreagairt ar iarraidh, ina bhfaighfear amach tar éis scrúdú go bhfuil na sonraí atá stóráilte i Lárchóras ETIAS míchruinn ó thaobh fíricí de nó gur taifeadadh go neamhdhleathach iad, déanfaidh Láraonad ETIAS nó Aonad Náisiúnta ETIAS an Bhallstáit atá freagrach na sonraí sin a cheartú nó a léirscriosadh i Lárchóras ETIAS gan mhoill.

I gcás, mar fhreagra ar iarraidh de bhun na míre seo, ina ndéanfaidh Láraonad ETIAS nó Aonad Náisiúnta ETIAS údarú taistil a leasú le linn a thréimhse bhailíocht, cuirfidh Lárchóras ETIAS i gcrích an uathphróiseáil a leagtar síos in Airteagal 20 lena chinneadh an spreagfaidh an comhad iarratais leasaithe amas de bhun Airteagal 20(2) go (5). I gcás nach dtuairiscítear amas ar bith de bharr na huathphróiseála, eiseoidh Lárchóras ETIAS údarú taistil leasaithe a mbeidh an bhailíocht chéanna aige agus a bhí ag an gceann bunaidh agus tabharfaidh sé fógra don iarratasóir. I gcás ina bhfuil amas amháin nó níos mó ina thoradh nó ina dtoradh ar an uathphróiseáil, i gcomhréir le hAirteagal 26, déanfaidh Aonad Náisiúnta ETIAS an Bhallstáit atá freagrach measúnú ar an riosca slándála, ar riosca na hinimirce neamhdhlíthiúla nó ar an ardriosca eipidéime i gcomhréir le hAirteagal 26. Ansin, cinnfidh sé cibé acu údarú taistil leasaithe a eisiúint nó gan é a eisiúint, nó, má chinneann sé nach bhfuil na coinníollacha maidir le deonú an údaraithe taistil á gcomhlíonadh a thuilleadh, déanfaidh sé an t-údarú taistil a chúlghairm.

3.   I gcás nach n-aontaíonn Láraonad ETIAS nó Aonad Náisiúnta ETIAS an Bhallstáit atá freagrach as an iarratas leis an maíomh go bhfuil na sonraí atá stóráilte i Lárchóras ETIAS míchruinn ó thaobh fíricí de nó gur taifeadadh go neamhdhleathach iad, glacfaidh Láraonad ETIAS nó Aonad Náisiúnta ETIAS an Bhallstáit atá freagrach cinneadh riaracháin á mhíniú i scríbhinn don duine lena mbaineann gan mhoill cén fáth nach bhfuil sé toilteanach na sonraí a bhaineann leis a cheartú ná a scriosadh.

4.   Sa chinneadh sin freisin, tabharfar faisnéis don duine lena mbaineann ina míneofar go bhféadfaí agóid a dhéanamh i gcoinne an chinnidh i ndáil leis an iarraidh dá dtagraítear i mír 2 agus, nuair is ábhartha, faisnéis ar conas caingean a thionscnamh nó gearán a dhéanamh os comhair na n-údarás inniúil nó na gcúirteanna agus aon chúnamh, lena n-áirítear ó na húdaráis mhaoirseachta náisiúnta inniúla.

5.   Pé iarraidh a dhéanfar de bhun mhír 2, beidh an fhaisnéis is gá inti chun an duine lena mbaineann a aithint. Is chun feidhmiú na gceart dá dtagraítear i mír 2 a chumasú a úsáidfear an fhaisnéis sin, agus chuige sin amháin, agus déanfar í a léirscriosadh láithreach ina dhiaidh sin.

6.   Coinneoidh Láraonad ETIAS nó Aonad Náisiúnta ETIAS an Bhallstáit atá freagrach taifead i bhfoirm doiciméad i scríbhinn go ndearnadh iarraidh dá dtagraítear i mír 2 agus i dtaobh conas ar tugadh aghaidh uirthi, agus cuirfidh sé an doiciméad sin ar fáil d’údaráis mhaoirseachta náisiúnta inniúla um chosaint sonraí gan mhoill agus tráth nach déanaí ná 7 lá tar éis an chinnidh chun sonraí a léirscriosadh nó a cheartú dá dtagraítear sa dara fomhír de mhír 2 nó an chinnidh dá dtagraítear i mír 3, faoi seach.

1.   Ní dhéanfar sonraí pearsanta atá stóráilte i Lárchóras ETIAS a aistriú chuig tríú tír, chuig eagraíocht idirnáisiúnta ná chuig aon pháirtí príobháideach, ná a sholáthar dóibh, cé is moite d’aistrithe chuig Interpol chun an uathphróiseála a dhéanamh dá dtagraítear i bpointí (b) agus (l) d’Airteagal 20(2) den Rialachán seo. Tá aistrithe sonraí pearsanta chuig Interpol faoi réir fhorálacha Airteagal 9 de Rialachán 45/2001.

2.   Sonraí pearsanta a bhfaighidh Ballstát nó Europol rochtain ó Lárchóras ETIAS orthu chun na gcríoch dá dtagraítear in Airteagal 1(2), ní dhéanfar iad a aistriú chuig tríú tír, eagraíocht idirnáisiúnta ná páirtí príobháideach ar bith ná ní chuirfear ar fáil dóibh iad. Beidh feidhm ag an toirmeasc seo freisin má dhéantar tuilleadh próiseála ar na sonraí sin ar an leibhéal náisiúnta nó idir na Ballstáit.

3.   De mhaolú ar Airteagal 49 den Rialachán seo, i gcás inar gá sin chun críche fillidh, féadfaidh rochtain a bheith ag na húdaráis inimirce ar Lárchóras ETIAS chun sonraí a aisghabháil atá le haistriú chuig tríú tír i gcásanna aonair ach amháin ar an gcoinníoll go gcomhlíontar na coinníollacha seo a leanas:

I gcás inar gá, déanfar comhlíonadh an dá choinníoll sin a fhíorú trí rochtain ar na logaí, dá bhforáiltear in Airteagal 46 de Rialachán (AE) 2017/2226, a chomhfhreagraíonn don chuardach dá dtagraítear i bpointe (a) den chéad fhomhír den mhír seo agus don fhreagra a chomhfhreagraíonn do phointe (b) den fhomhír sin.

I gcás ina gcomhlíontar na coinníollacha sin, beidh rochtain ag na húdaráis inimirce chun iarratas a dhéanamh ar Lárchóras ETIAS leis na sonraí ina n-iomláine dá dtagraítear i bpointí (a) go (e) d’Airteagal 17(2) den Rialachán seo, nó le cuid de na sonraí sin. I gcás ina gcomhfhreagraíonn comhad iarratais ETIAS do na sonraí sin, beidh rochtain ag na húdaráis inimirce ar na sonraí dá dtagraítear i bpointí (a) go (g) d’Airteagal 17(2) den Rialachán seo agus, i gcás mionaoiseach, pointe (k) de mhír 2 den Airteagal sin.

De mhaolú ar mhír 1 den Airteagal seo, ní fhéadfar na sonraí a gheobhaidh na húdaráis inimirce ó Lárchóras ETIAS a aistriú chuig tríú tír i gcásanna aonair, i gcás inar gá sin chun céannacht náisiúnach tríú tír a chruthú chun críche a bhfillidh agus chun na críche sin amháin, ach amháin ar an gcoinníoll go gcomhlíontar ceann amháin de na coinníollacha seo a leanas:

Ní fhéadfar na sonraí dá dtagraítear i bpointí (a), (b), (d), (e) agus (f) d’Airteagal 17(2) den Rialachán seo a aistriú ach amháin sa chás ina gcomhlíontar gach ceann de na coinníollacha seo a leanas:

4.   Ní dhéanfaidh aistrithe sonraí pearsanta chuig tríú tíortha de bhun mhír 3 dochar, go háirithe maidir le non-refoulement, dá gcearta siúd a iarrfaidh nó a dtabharfar dóibh cosaint idirnáisiúnta.

5.   De mhaolú ar mhír 2 den Airteagal seo, ní fhéadfaidh an t-údarás ainmnithe na sonraí dá dtagraítear in Airteagal 52(4) arna rochtain ó Lárchóras ETIAS ag na húdaráis ainmnithe, chun na gcríoch dá dtagraítear in Airteagal 1(2), a aistriú nó a chur ar fáil do thríú tír ach amháin i gcásanna aonair ina gcomhlíonfar na coinníollacha uile seo a leanas:

I gcás ina ndéantar aistriú de bhun na chéad fhomhíre den mhír seo, déanfar aistriú den sórt sin a dhoiciméadú agus cuirfear an doiciméadacht ar fáil, arna iarraidh sin, don údarás maoirseachta a bunaíodh i gcomhréir le hAirteagal 41(1) de Threoir (AE) 2016/680, lena n-áirítear dáta agus am an aistrithe, faisnéis faoin údarás inniúil a ghlac an t-aistriú, an bonn cirt a bhí leis an aistriú agus na sonraí pearsanta a aistríodh.

1.   Áiritheoidh gach Ballstát go ndéanfaidh an t-údarás maoirseachta a bunaíodh i gcomhréir le hAirteagal 51(1) de Rialachán (AE) 2016/679 faireachán neamhspleách ar dhlíthiúlacht na próiseála ar shonraí pearsanta de bhun an Rialacháin seo arna déanamh ag an mBallstát lena mbaineann, lena n-áirítear tarchur na sonraí sin chuig ETIAS agus as.

2.   Áiritheoidh gach Ballstát go mbeidh na dlíthe náisiúnta, na rialacháin náisiúnta agus na forálacha riaracháin náisiúnta arna nglacadh de bhun Threoir (AE) 2016/680, infheidhme freisin i dtaca le rochtain a thabhairt ar ETIAS do na húdaráis náisiúnta i gcomhréir le Caibidil X den Rialachán seo, lena n-airítear i dtaca lena gcearta siúd a ndéantar a gcuid sonraí a rochtain ar an gcuma sin.

3.   Is é an t-údarás maoirseachta arna bhunú i gcomhréir le hAirteagal 41(1) de Threoir (AE) 2016/680 a dhéanfaidh faireachán ar dhlíthiúlacht na rochtana a thabharfar do na Ballstáit ar shonraí pearsanta i gcomhréir le Caibidil X den Rialachán seo, lena n-áirítear tarchur na sonraí sin chuig ETIAS agus as. Beidh feidhm dá réir ag Airteagal 66(5) agus (6) den Rialachán seo.

4.   Áiritheoidh an t-údarás maoirseachta nó na húdaráis mhaoirseachta arna mbunú i gcomhréir le hAirteagal 51(1) de Rialachán (AE) 2016/679 go ndéanfar iniúchóireacht ar na hoibríochtaí próiseála sonraí a dhéanfaidh Aonad Náisiúnta ETIAS i gcomhréir le caighdeáin iniúchóireachta idirnáisiúnta ábhartha gach 3 bliana ar a laghad ó thús oibríochtaí ETIAS. Féadfar torthaí na hiniúchóireachta sin a chur san áireamh sna measúnuithe a dhéanfar faoi chuimsiú an tsásra a bunaíodh le Rialachán (AE) Uimh. 1053/2013 ón gComhairle (42). Gach bliain, foilseoidh an t-údarás maoirseachta arna bhunú i gcomhréir le hAirteagal 51(1) de Rialachán (AE) 2016/679 líon na n-iarrataí a fuarthas go ndéanfaí sonraí a cheartú, a chomhlánú nó a léirscriosadh, nó go ndéanfaí próiseáil sonraí a shrianadh, an beart a glacadh ina dhiaidh sin, agus líon na gceartúchán, na gcomhlánuithe, an léirscriosta agus na sriantaí próiseála a rinneadh de fhreagairt ar iarrataí ó na daoine lena mbaineann.

5.   Áiritheoidh na Ballstáit go mbeidh ag a n-údarás maoirseachta arna bhunú i gcomhréir le hAirteagal 51(1) de Rialachán (AE) 2016/679 a dhóthain acmhainní agus saineolais chun na cúraimí a leagtar air faoin Rialachán seo a chomhlíonadh.

6.   Soláthróidh na Ballstáit aon fhaisnéis a iarrfaidh an t-údarás maoirseachta arna bhunú i gcomhréir le hAirteagal 51(1) de Rialachán (AE) 2016/679. Soláthróidh siad, go háirithe, dó aon fhaisnéis maidir leis na gníomhaíochtaí a rinneadh i gcomhréir lena bhfreagrachtaí mar a leagtar síos iad sa Rialachán seo. Tabharfaidh na Ballstáit rochtain don údarás maoirseachta arna bhunú i gcomhréir le hAirteagal 51(1) de Rialachán (AE) 2016/679 ar a gcuid logaí agus ceadóidh siad dó rochtain a bheith aige tráth ar bith ar a gcuid áitreabh go léir a úsáidtear chun críocha ETIAS.

1.   Is é an Maoirseoir Eorpach ar Chosaint Sonraí a bheidh freagrach as maoirseacht a dhéanamh ar pé gníomhaíochtaí próiseála sonraí a dhéanfaidh eu-LISA, Europol agus an Ghníomhaireacht Eorpach um an nGarda Teorann a bhaineann le ETIAS agus as a áirithiú gur i gcomhréir le Rialachán (AE) Uimh. 45/2001 agus leis an Rialachán seo a dhéanfar na gníomhaíochtaí sin.

2.   Áiritheoidh an Maoirseoir Eorpach ar Chosaint Sonraí gur i gcomhréir le caighdeáin iniúchóireachta idirnáisiúnta ábhartha a dhéanfar iniúchadh, gach 3 bliana ar a laghad, ar ghníomhaíochtaí próiseála sonraí pearsanta eu-LISA agus Láraonad ETIAS. Seolfar tuarascáil ar an iniúchadh sin chuig Parlaimint na hEorpa, chuig an gComhairle, chuig an gCoimisiún, chuig eu-LISA, agus chuig na húdaráis mhaoirseachta. Tabharfar an deis do eu-LISA agus don Ghníomhaireacht Eorpach um an nGarda Teorann agus Cósta barúlacha a nochtadh sula nglacfar an tuarascáil ina leith.

3.   Soláthróidh eu-LISA agus Láraonad ETIAS an fhaisnéis a iarrfaidh an Maoirseoir Eorpach um Chosaint Sonraí, tabharfaidh sé rochtain dó nó di ar gach doiciméad agus ar na logaí dá gcuid agus ceadóidh sé rochtain dó nó di ag aon tráth ar gach áitreabh dá gcuid.

1.   Na húdaráis mhaoirseachta agus an Maoirseoir Eorpach ar Chosaint Sonraí, ag gníomhú dóibh araon laistigh de raon feidhme a n-inniúlachtaí féin faoi seach, déanfaidh siad comhar gníomhach le chéile faoi chuimsiú na bhfreagrachtaí acu. Áiritheoidh siad go ndéanfar maoirseacht chomhordaithe ar ETIAS agus ar na bonneagair náisiúnta teorann.

2.   Na húdaráis mhaoirseachta agus an Maoirseoir Eorpach ar Chosaint Sonraí, déanfaidh siad faisnéis ábhartha a mhalartú, cabhróidh siad le chéile chun iniúchóireachtaí agus cigireachtaí a dhéanamh, scrúdóidh siad aon deacrachtaí maidir le léirmhíniú nó cur i bhfeidhm an Rialacháin seo, déanfaidh siad measúnú ar aon fhadhbanna a bhaineann le feidhmiú maoirseachta neamhspleáiche nó a bhaineann le feidhmiú chearta na n-ábhar sonraí, ullmhóidh siad tograí comhchuibhithe i gcomhair réitigh chomhpháirteacha ar aon fhadhbanna, agus cuirfidh siad feasacht ar chearta cosanta sonraí chun cinn, de réir mar is gá.

3.   Chun críche mhír 2, tiocfaidh na húdaráis mhaoirseachta agus an Maoirseoir Eorpach ar Chosaint Sonraí le chéile faoi dhó sa bhliain ar a laghad faoi chuimsiú an Bhoird Eorpaigh um Chosaint Sonraí a bunaíodh le Rialachán (AE) 2016/679 (‘an Bord Eorpach um Chosaint Sonraí’). Is é an Bord sin a íocfaidh as costais na gcruinnithe sin agus glacfaidh an Bord eagrú na gcruinnithe sin mar chúram air. Glacfar rialacha nós imeachta ag an gcéad chruinniú. Déanfar modhanna oibre eile a fhorbairt i gcomhpháirt a chéile, de réir mar is gá.

4.   Seolfaidh an Bord Eorpach um Chosaint Sonraí comhthuarascáil ar na gníomhaíochtaí chuig Parlaimint na hEorpa, chuig an gComhairle, chuig an gCoimisiún, chuig an nGníomhaireacht Eorpach um an nGarda Teorann agus Cósta agus chuig eu-LISA gach re bliain. Sa tuarascáil sin, beidh caibidil ar gach Ballstát arna hullmhú ag údarás maoirseachta an Bhallstáit sin.

1.   Coinneoidh eu-LISA logaí ar gach oibríocht próiseála sonraí laistigh de Chóras Faisnéise ETIAS. Léireofar an méid seo a leanas sna logaí sin:

2.   Coinneoidh Láraonad ETIAS taifid i leith na mball foirne atá cuí-údaraithe chun na fíoruithe céannachta a dhéanamh.

Coinneoidh Aonad Náisiúnta ETIAS an Bhallstáit atá freagrach taifid ar an mball foirne atá cuí-údaraithe i dtaobh na sonraí a iontráil nó a aisghabháil.

3.   Coinneoidh eu-LISA logaí ar gach oibríocht próiseála sonraí a dhéantar laistigh de Chóras Faisnéise ETIAS lena mbaineann an rochtain a bheidh ag na húdaráis teorann dá dtagraítear in Airteagal 47 agus ag na húdaráis imirce dá dtagraítear in Airteagal 49. Léireofar sna logaí sin dáta agus am gach oibríochta, na sonraí a úsáideadh chun an cuardach a sheoladh, na sonraí a tharchuir Lárchóras ETIAS agus ainm na n-údarás teorann agus na n-údarás inimirce a dhéanann na sonraí a iontráil agus a aisghabháil.

Ina theannta sin, coinneoidh na húdaráis inniúla taifid ar na baill foirne atá cuí-údaraithe i dtaobh na sonraí a iontráil agus a aisghabháil.

4.   Ní fhéadfar na logaí sin a úsáid ach chun faireachán cosanta sonraí a dhéanamh ar inghlacthacht phróiseáil na sonraí agus chun slándáil agus sláine na sonraí a áirithiú. Úsáidfear bearta iomchuí chun na logaí sin a chosaint ar rochtain neamhúdaraithe. Scriosfar iad bliain amháin tar éis don tréimhse choinneála dá dtagraítear in Airteagal 54 a dhul in éag, mura mbeidh gá leo i gcomhair nósanna imeachta faireacháin ar cuireadh tús leo cheana.

Cuirfidh eu-LISA agus Aonaid Náisiúnta ETIAS na logaí sin ar fáil don Mhaoirseoir Eorpach ar Chosaint Sonraí agus do na húdaráis mhaoirseachta inniúla arna iarraidh sin faoi seach.

1.   Coinneoidh eu-LISA logaí ar na hoibríochtaí próiseála sonraí laistigh de Lárchóras ETIAS a bhaineann leis an rochtain a dhéanfaidh na lárphointí rochtana dá dtagraítear in Airteagal 50(2) chun críocha Airteagal 1(2). Léireofar sna logaí sin dáta agus am gach oibríochta, na sonraí a úsáideadh chun an cuardach a sheoladh, na sonraí a tharchuir Lárchóras ETIAS agus ainm bhaill foirne údaraithe na lárphointí rochtana a rinne na sonraí a iontráil agus a aisghabháil.

2.   Ina theannta sin, coinneoidh gach Ballstát agus Europol logaí ar na hoibríochtaí próiseála sonraí go léir laistigh de Lárchóras ETIAS a eascraíonn as iarrataí chun sonraí atá stóráilte i Lárchóras ETIAS a cheadú nó as rochtain ar shonraí atá stóráilte i Lárchóras ETIAS chun na gcríoch a leagtar síos in Airteagal 1(2).

3.   Léireoidh na logaí dá dtagraítear i mír 2 an méid seo a leanas:

4.   Ní úsáidfear na logaí dá dtagraítear i mír 1 agus mír 2 den Airteagal seo ach amháin chun inghlacthacht na hiarrata a sheiceáil, chun faireachán a dhéanamh ar dhlíthiúlacht na próiseála sonraí agus chun slándáil agus sláine na sonraí a áirithiú. Úsáidfear bearta iomchuí chun na logaí sin a chosaint ar rochtain neamhúdaraithe. Scriosfar na logaí sin bliain amháin tar éis don tréimhse choinneála dá dtagraítear in Airteagal 54 a dhul in éag, mura mbeidh gá leo i gcomhair nósanna imeachta faireacháin ar cuireadh tús leo cheana. An Maoirseoir Eorpach ar Chosaint Sonraí agus na húdaráis mhaoirseachta náisiúnta inniúla atá freagrach as faireachán a dhéanamh ar dhlíthiúlacht na próiseála sonraí agus as sláine agus slándáil na sonraí, beidh rochtain acu ar na logaí sin ar iarraidh uathu chun a ndualgais a chomhlíonadh. Beidh rochtain ag an údarás atá freagrach as inghlacthacht na hiarrata a sheiceáil ar na logaí sin freisin chun na críche sin. Seachas i gcás na gcríoch thuasluaite, déanfar sonraí pearsanta a léirscriosadh sna comhaid náisiúnta uile agus i gcomhaid Europol uile tar éis tréimhse aon mhí, ach amháin má bhíonn na sonraí sin de dhíth chun críocha an imscrúdaithe choiriúil shonraigh atá ar siúl ar iarr Ballstát nó Europol na sonraí ina leith. Ní ceadmhach a úsáid i gcomhair an fhaireacháin agus na meastóireachta dá dtagraítear in Airteagal 92 ach logaí ina bhfuil sonraí neamhphearsanta.

1.   Beidh Lárchóras ETIAS á óstáil ag eu-LISA ina chuid suíomhanna teicniúla agus cuirfidh sé na feidhmiúlachtaí atá leagtha síos sa Rialachán seo ar fáil i gcomhréir leis na coinníollacha a bhaineann le slándáil, infhaighteacht, cáilíocht agus luas de bhun mhír 3 den Airteagal seo agus Airteagal 74(1).

2.   Déanfar na bonneagair lena dtacófar leis an suíomh gréasáin poiblí, an aip mhóibíl le haghaidh gléasanna móibíleacha, an tseirbhís ríomhphoist, an tseirbhís cuntais shláin, an uirlis fíoraithe d’iarratasóirí, an uirlis um thoiliú d’iarratasóirí, an uirlis mheastóireachta do liosta faire ETIAS, geata an iompróra, an tseirbhís ghréasáin, na bogearraí chun na hiarratais a phróiseáil, an stór lárnach sonraí agus na réitigh theicniúla dá dtagraítear in Airteagal 92(8) a óstáil i suímh de chuid eu-LISA nó de chuid an Choimisiúin. Beidh na bonneagair sin scaipthe ó thaobh áite de chun na feidhmiúlachtaí atá leagtha síos sa Rialachán seo a chur ar fáil i gcomhréir leis na coinníollacha a bhaineann le slándáil, cosaint sonraí, slándáil sonraí, infhaighteacht, cáilíocht agus luas de bhun mhír 3 den Airteagal seo agus d’Airteagal 74(1). Déanfar an liosta faire ETIAS a óstáil ar shuíomh de chuid eu-LISA.

3.   Beidh eu-LISA freagrach as forbairt theicniúil chóras faisnéise ETIAS agus as aon fhorbairt theicniúil is gá chun idir-inoibritheacht a bhunú idir Lárchóras ETIAS agus na córais faisnéise dá dtagraítear in Airteagal 11, agus as iarratais ar bhunachair sonraí Interpol dá dtagraítear in Airteagal 12 a chumasú.

Is é eu-LISA a shaineoidh dearadh ailtireacht fhisiceach an chórais lena n-áirítear a bhonneagar cumarsáide mar aon leis na sonraíochtaí teicniúla agus an éabhlóid a thiocfaidh orthu agus na NUInna. Glacfaidh Bord Bainistíochta eu-LISA na sonraíochtaí teicniúla sin, faoi réir tuairim dhearfach ón gCoimisiún. Is é eu-LISA freisin a chuirfidh chun feidhme aon choigeartuithe is gá ar EES, SIS, Eurodac nó VIS a éiríonn as idir-inoibritheacht a bhunú le ETIAS.

Déanfaidh eu-LISA Lárchóras ETIAS, lena n-áirítear an liosta faire ETIAS, na NUInna, agus an bonneagar cumarsáide a fhorbairt agus a chur chun feidhme chomh luath agus is féidir tar éis theacht i bhfeidhm an Rialacháin seo agus tar éis don Choimisiún an méid a leanas a ghlacadh:

Is éard a bheidh san fhorbairt mionsaothrú agus cur chun feidhme na sonraíochtaí teicniúla, tástáil agus comhordú foriomlán an tionscadail. I dtaca leis an méid sin, leagfar na cúraimí seo a leanas freisin ar eu-LISA:

4.   Le linn chéim an deartha agus na forbartha, bunófar Bord Bainistíochta an Chláir ar a mbeidh 10 gcomhalta ar a mhéid. Ar an mBord sin beidh seisear comhaltaí a cheapfaidh Bord Bainistíochta eu-LISA as measc a chuid comhaltaí malartacha féin, Cathaoirleach Ghrúpa Comhairleach EES-ETIAS dá dtagraítear in Airteagal 91, comhalta a dhéanfaidh ionadaíocht ar eu-LISA a cheapfaidh a Stiúrthóir Feidhmiúcháin, comhalta a dhéanfaidh ionadaíocht ar an nGníomhaireacht Eorpach um an nGarda Teorann agus Cósta a cheapfaidh a Stiúrthóir Feidhmiúcháin agus comhalta amháin a cheapfaidh an Coimisiún. Na comhaltaí a cheapfaidh Bord Bainistíochta eu-LISA, toghfar iad as na Ballstáit sin atá faoi cheangal go hiomlán faoi dhlí an Aontais ag na hionstraimí reachtacha lena rialaítear forbairt, bunú, oibriú agus úsáid na gcóras mórscála TF uile atá á mbainistiú ag eu-LISA agus as a measc sin amháin, agus a bheidh rannpháirteach in ETIAS. Beidh cruinnithe rialta ag Bord Bainistíochta an Chláir — trí huaire in aghaidh na ráithe, ar a laghad. Áiritheoidh sé go ndéanfar bainistiú iomchuí ar chéim deartha agus forbartha ETIAS. Cuirfidh Bord Bainistíochta an Chláir tuarascáil i scríbhinn faoi bhráid Bhord Bainistíochta eu-LISA uair sa mhí maidir le dul chun cinn an tionscadail. Ní bheidh aon chumhacht cinnteoireachta ná aon sainordú aige chun ionadaíocht a dhéanamh thar ceann chomhaltaí Bhord Bainistíochta eu-LISA.

5.   Déanfaidh Bord Bainistíochta eu-LISA rialacha nós imeachta Bhord Bainistíochta an Chláir a bhunú lena n-áireofar go háirithe rialacha maidir leo seo a leanas:

Beidh an chathaoirleacht ag Ballstát atá faoi cheangal go hiomlán faoi dhlí an Aontais ag na hionstraimí reachtacha lena rialaítear forbairt, bunú, oibriú agus úsáid na gcóras mórscála TF uile atá á mbainistiú ag eu-LISA.

Is é eu-LISA a íocfaidh as gach costas taistil agus cothabhála a thabhóidh comhaltaí Bhord Bainistíochta an Chláir. Beidh feidhm mutatis mutandis ag Airteagal 10 de rialacha nós imeachta eu-LISA maidir leo. Déanfaidh eu-LISA rúnaíocht Bhord Bainistíochta an Chláir a áirithiú.

Tiocfaidh Grúpa Comhairleach EES-ETIAS dá dtagraítear in Airteagal 91 le chéile go rialta go dtí go gcuirfear tús le hoibríochtaí de chuid ETIAS. Tabharfaidh sé tuarascáil do Bhord Bainistíochta an Chláir tar éis gach cruinnithe. Cuirfidh sé saineolas teicniúil ar fáil chun tacú le cúraimí Bhord Bainistíochta an Chláir agus déanfaidh sé an obair leantach a bhaineann le hullmhacht na mBallstát.

1.   Tar éis do ETIAS dul i mbun oibríochtaí, beidh eu-LISA freagrach as bainistiú teicniúil Lárchóras ETIAS agus na NUInna. Beidh sé freagrach as aon tástáil theicniúil a bheidh de dhíth chun rialacha ETIAS maidir le scagadh a chur ar bun agus a uasdátú. Áiritheoidh sé, i gcomhar leis na Ballstáit, go mbeidh an teicneolaíocht is fearr a bheidh ar fáil in úsáid aige, faoi réir anailís costais is tairbhe. Ina theannta sin, is é eu-LISA a bheidh freagrach as bainistiú oibríochtúil an bhonneagair cumarsáide idir Lárchóras ETIAS agus na NUInna agus as an suíomh gréasáin poiblí, an aip le haghaidh gléasanna móibíleacha, an tseirbhís ríomhphoist, an tseirbhís cuntais shláin, an uirlis fíoraithe d’iarratasóirí, an uirlis um thoiliú d’iarratasóirí, an uirlis mheasúnaithe don liosta faire, an geata iompróra, an tseirbhís gréasáin, na bogearraí chun na hiarratais a phróiseáil, agus an stór lárnach sonraí dá dtagraítear in Airteagal 6.

Is éard a bheidh i mbainistiú teicniúil ETIAS na cúraimí go léir a theastaíonn chun Córas Faisnéise ETIAS a choinneáil ar bun 24 uair an chloig in aghaidh an lae, 7 lá na seachtaine i gcomhréir leis an Rialachán seo, go háirithe an obair chothabhála agus na forbairtí teicniúla is gá lena áirithiú go mbeidh an córas ag feidhmiú ar leibhéal atá sásúil ó thaobh na cáilíochta teicniúla de, go háirithe maidir le haga freagartha i ndáil le Lárchóras ETIAS a cheadú i gcomhréir leis na sonraíochtaí teicniúla.

2.   Gan dochar d’Airteagal 17 de Rialacháin Foirne Oifigigh an Aontais Eorpaigh a leagtar síos i Rialachán (CEE, Euratom, CEGC) Uimh. 259/68 ón gComhairle (43), cuirfidh eu-LISA rialacha iomchuí rúndachta gairmiúla nó oibleagáidí comhionanna rúndachta eile i bhfeidhm maidir lena chuid ball foirne ar fad ar gá dóibh oibriú le sonraí a stóráiltear i Lárchóras ETIAS. Beidh feidhm ag an oibleagáid sin chomh maith tar éis do na baill foirne sin imeacht as oifig nó scor den fhostaíocht nó tar éis fhoirceannadh a ngníomhaíochtaí.

3.   Nuair a dhéanann an Ghníomhaireacht comhar le conraitheoirí seachtracha i gcúraimí a bhaineann le ETIAS, déanfaidh sí faireachán géar ar gníomhaíochtaí na gconraitheoirí chun a áirithiú go mbeidh an conraitheoir i gcomhréir le gach foráil de chuid an Rialacháin seo, lena n-áirítear go háirithe slándáil, rúndacht agus cosaint sonraí.

4.   Is é eu-LISA freisin a dhéanfaidh cúraimí maidir le hoiliúint ar úsáid theicniúil chóras faisnéise ETIAS a chur ar fáil.

5.   Forbróidh eu-LISA sásra agus nósanna imeachta d’fhonn seiceálacha cáilíochta a dhéanamh ar na sonraí i Lárchóras ETIAS, agus déanfaidh sé iad a chothabháil, agus cuirfidh sé tuarascálacha rialta ar fáil do na Ballstáit agus do Láraonad ETIAS. Cuirfidh eu-LISA tuarascáil rialta ar fáil do Pharlaimint na hEorpa, don Chomhairle, agus don Choimisiún ina gcumhdaítear na saincheisteanna a tháinig chun cinn. Déanfaidh an Coimisiún, trí bhíthin gníomhartha cur chun feidhme, an sásra sin, na nósanna imeachta agus na ceanglais iomchuí maidir le comhlíonadh ó thaobh cáilíocht sonraí de a leagan síos agus a fhorbairt. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 90(2).

1.   Beidh an Ghníomhaireacht Eorpach um an nGarda Teorann agus Cósta freagrach as an méid seo a leanas:

2.   Sula dtabharfar údarás dóibh na sonraí atá stóráilte i Lárchóras ETIAS a phróiseáil, cuirfear oiliúint iomchuí ar bhaill foirne Láraonad ETIAS a bhfuil sé de cheart acu Lárchóras ETIAS a rochtain faoi shlándáil sonraí agus cearta bunúsacha, go háirithe faoi chosaint sonraí. Ina theannta sin, glacfaidh siad páirt in oiliúint a chuirfidh eu-LISA ar fáil faoi úsáid theicniúil chóras faisnéise ETIAS agus faoi cháilíocht sonraí.

1.   Beidh gach Ballstát freagrach as an méid seo a leanas:

2.   Úsáidfidh gach Ballstát próisis uathoibrithe chun iarratais a dhéanamh ar Lárchóras ETIAS ag na teorainneacha seachtracha.

3.   Sula dtabharfar údarás dóibh na sonraí atá stóráilte i Lárchóras ETIAS a phróiseáil, cuirfear oiliúint iomchuí ar bhaill foirne na nAonad Náisiúnta ETIAS a bhfuil sé de cheart acu Córas Faisnéise ETIAS a rochtain faoi shlándáil sonraí agus cearta bunúsacha, agus go háirithe cosaint sonraí.

Ina theannta sin, glacfaidh siad páirt in oiliúint a chuirfidh eu-LISA ar fáil faoi úsáid theicniúil chóras faisnéise ETIAS agus faoi cháilíocht sonraí.

1.   Áiritheoidh Europol próiseáil na n-iarratas dá dtagraítear i bpointe (j) d’Airteagal 20(2) agus in Airteagal 20(4) agus cuirfidh sé a chóras faisnéise féin in oiriúint dá réir.

2.   Is ar Europol a leagfar na freagrachtaí agus na cúraimí a bhaineann leis an liosta faire mar atá leagtha síos in Airteagail 35 (1), (2a), (4), (5) agus (6).

3.   Beidh Europol freagrach as tuairim a sholáthar tar éis iarraidh ar chomhairliúchán de bhun Airteagal 29.

4.   Beidh Europol freagrach as sonraí a bhaineann le cionta sceimhlitheoireachta nó cionta tromchúiseacha eile a fhaigheann Europol de bhun Airteagal 34(2) a chur i liosta faire ETIAS.

5.   Sula dtabharfar údarás dóibh aon cheann de na cúraimí dá dtagraítear in Airteagal 34 agus Airteagal 35, cuirfear oiliúint iomchuí ar bhaill foirne Europol faoi shlándáil sonraí agus cearta bunúsacha, go háirithe cosaint sonraí. Ina theannta sin, glacfaidh siad páirt in oiliúint a chuirfidh eu-LISA ar fáil faoi úsáid theicniúil chóras faisnéise ETIAS agus faoi cháilíocht sonraí.

1.   Ar feadh 6 mhí ón dáta a rachaidh ETIAS i mbun oibríochtaí, beidh úsáid ETIAS roghnach agus ní bheidh feidhm ag an gceanglas maidir le húdarú bailí taistil a bheith i seilbh duine. Féadfaidh an Coimisiún gníomh tarmligthe a ghlacadh i gcomhréir le hAirteagal 89 chun síneadh ama a chur leis an tréimhse sin ar feadh 6 mhí eile ar a mhéid, agus gan sin a bheith in-athnuaite ach 1 uair amháin.

2.   Le linn na tréimhse dá dtagraítear i mír 1, cuirfidh na Ballstáit náisiúnaigh tríú tír atá faoi réir an cheanglais i dtaobh údarú taistil ar an eolas agus iad ag trasnú na dteorainneacha seachtracha go mbeidh ceanglas orthu údarú bailí taistil a bheith acu tar éis don tréimhse 6 mhí a bheith dulta in éag. Chun na críche sin, scaipfidh na Ballstáit bileog eolais choiteann ar an gcatagóir taistealaithe sin. Cuirfear na bileoga sin ar fáil freisin i gconsalachtaí na mBallstát sna tíortha sin a gcuimsítear a gcuid náisiúnach faoi raon feidhme an Rialacháin seo.

3.   Beidh feidhm ag tréimhse chairde 6 mhí ó rachaidh in éag an tréimhse a shainítear i mír 1 den Airteagal seo. Le linn na tréimhse sin, beidh feidhm ag an gceanglas údarú bailí taistil a bheith i seilbh duine. Le linn na tréimhse cairde, ceadóidh na húdaráis teorann, ar bhonn eisceachtúil, do náisiúnaigh tríú tír atá faoi réir an cheanglais i dtaobh údarú taistil agus nach bhfuil údarú taistil acu dul trasna na dteorainneacha seachtracha i gcás ina gcomhlíonann siad na coinníollacha eile go léir atá leagtha síos in Airteagal 6(1) de Rialachán (AE) 2016/399 ar choinníoll go bhfuil siad ag trasnú teorainneacha seachtracha na mBallstát den chéad uair ó dheireadh na tréimhse dá dtagraítear i mír 1 den Airteagal seo. Cuirfidh na húdaráis teorann in iúl do náisiúnaigh tríú tír atá faoi réir an cheanglais i dtaobh údarú taistil go bhfuil ceanglas orthu údarú bailí taistil a bheith acu i gcomhréir le pointe (b) d’Airteagal 6(1) de Rialachán (AE) 2016/399. Chuige sin, scaipfidh na húdaráis teorann bileog choiteann eolais ar na taistealaithe sin ina dtabharfar le fios dóibh go bhfuil cead acu, ar bhonn eisceachtúil, na teorainneacha seachtracha a thrasnú gan an oibleagáid maidir le húdarú bailí taistil a bheith ina seilbh acu a chomhlíonadh, agus ina míneofar an oibleagáid sin. Féadfaidh an Coimisiún gníomh tarmligthe a ghlacadh i gcomhréir le hAirteagal 89 den Rialachán seo chun síneadh ama a chur leis an tréimhse sin ar feadh 6 mhí eile ar a mhéid.

Le linn na tréimhse cairde, ní chuirfear san áireamh aon dul isteach ar chríocha na mBallstát nach bhfeidhmíonn EES.

4.   Déanfaidh an Coimisiún, trí bhíthin gníomhartha cur chun feidhme, an dá bhileog eolais choiteanna dá dtagraítear i mír 2 agus mír 3 den Airteagal seo a tharraingt suas. Beidh na bileoga eolais sin soiléir simplí agus ar fáil i gceann amháin, ar a laghad, de theangacha oifigiúla gach tíre a gcuimsítear a gcuid náisiúnach faoi raon feidhme an Rialacháin seo. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá tagraítear in Airteagal 90(2).

5.   Le linn na tréimhse eatramhaí dá dtagraítear i mír 1 agus mír 2 den Airteagal seo, freagróidh Córas Faisnéise ETIAS iarratas an iompróra dá dtagraítear in Airteagal 45(2) trí fhreagra “OK” a chur chucu. Le linn na tréimhse cairde dá dtagraítear i mír 3 den Airteagal seo, cuirfear san áireamh, sa fhreagra a sheolfaidh Córas Faisnéise ETIAS ar iarratas an iompróra, cé acu an den chéad uair nó nach ea, ó chuaigh in éag an tréimhse dá dtagraítear i mír 1 den Airteagal seo, atá teorainneacha seachtracha na mBallstát á dtrasnú ag an náisiúnach tríú tír.

1.   Chun críocha tuairiscithe agus staitisticí agus chun na gcríoch sin amháin, agus gan cead iarratasóirí aonair a aithint, beidh rochtain ag foireann chuí-údaraithe údaráis inniúla na mBallstát, an Choimisiúin, eu-LISA, agus Láraonad ETIAS, ar na sonraí seo a leanas, d’fhonn iad a cheadú agus i gcomhréir leis na coimircí a bhaineann le neamh-idirdhealú dá dtagraítear in Airteagal 14:

2.   Chun críche mhír 1, déanfaidh eu-LISA stór lárnach a bhunú, a chur chun feidhme agus a óstáil ar a chuid suíomh teicniúil ina mbeidh na sonraí dá dtagraítear i mír 1, ar sonraí iad nach bhféadfaí duine a shainaithint dá mbíthin, ach a bhféadfadh na húdaráis dá dtagraítear i mír 1 a úsáid chun tuarascálacha agus staitisticí inoiriúnaithe a fháil d’fhonn feabhas a chur ar an tslándáil, ar an measúnú ar an riosca inimirce neamhdhleathaí, agus ardriosca eipidéime, chun feabhas a chur ar éifeachtúlacht na seiceálacha teorann, chun cuidiú le Láraonad ETIAS agus leis na hAonaid Náisiúnta ETIAS agus iarratais ar údarú taistil á bpróiseáil acu agus chun tacú le déanamh beartas imirce an Aontais ar bhonn fianaise. Beidh sa stór lárnach sin freisin staitisticí laethúla faoi na sonraí dá dtagraítear i mír 4. Is le slánrochtain trí TESTA a thabharfar rochtain ar an stór lárnach chun críocha tuairiscithe agus staitisticí, agus chun na gcríoch sin amháin; rialálfar an rochtain sin agus próifílí na n-úsáideoirí.

Glacfar rialacha mionsonraithe maidir le hoibriú an stór lárnach agus maidir leis na rialacha cosanta sonraí agus na rialacha slándála is infheidhme maidir leis an stór lárnach i gcomhréir leis an nós imeachta scrúdúcháin dá dtagraítear in Airteagal 90(2).

3.   Áireofar leis na nósanna imeachta a chuirfidh eu-LISA ar bun chun faireachán a dhéanamh ar fhorbairt agus ar fheidhmíocht chóras faisnéise ETIAS dá dtagraítear in Airteagal 92(1) go bhféadfar staitisticí a sholáthar ar bhonn rialta d’fhonn an faireachán sin a áirithiú.

4.   Gach ráithe, foilseoidh eu-LISA staitisticí ar chóras faisnéise ETIAS lena léireofar go háirithe líon agus náisiúntacht na n-iarratasóirí dár eisíodh nó dár diúltaíodh údarú taistil, lena n-áirítear forais an diúltaithe, agus líon agus náisiúntacht na náisiúnach tríú tír a ndearnadh a gcuid údaruithe taistil a neamhniú nó a chúlghairm.

5.   Ag ceann gach bliana, déanfar sonraí staidrimh a thiomsú i dtuarascáil bhliantúil don bhliain sin. Foilseofar an tuarascáil agus seolfar í chuig Parlaimint na hEorpa, chuig an gComhairle, chuig an gCoimisiún, chuig an nGníomhaireacht Eorpach um an nGarda Teorann, chuig an Maoirseoir Eorpach ar Chosaint Sonraí, agus chuig na húdaráis mhaoirseachta náisiúnta.

6.   Arna iarraidh sin don Choimisiún, cuirfidh eu-LISA ar fáil dó staitisticí maidir le gnéithe áirithe a bhaineann le cur chun feidhme an Rialacháin seo maille le staitisticí de bhun mhír 3.

1.   Is ar bhuiséad ginearálta an Aontais a thitfidh na costais a thabhófar i dtaca le Córas Faisnéise ETIAS a fhorbairt, i dtaca leis an mbonneagar teorann náisiúnta reatha a chomhtháthú agus a cheangal le NUI, i dtaca le NUI a óstáil, agus Láraonad ETIAS agus na hAonaid Náisiúnta ETIAS a bhunú.

Tabharfaidh eu-LISA aird ar leith ar an mbaol atá ann go n-ardóidh costais, agus a áirithiú go ndéantar rialú leordhóthanach ar chonraitheoirí.

2.   Is ar bhuiséad ginearálta an Aontais a thitfidh costais oibriúcháin ETIAS. Áireofar leis sin costais oibriúcháin agus chothabhála Chóras Faisnéise ETIAS, lena n-áirítear costais oibriúcháin agus chothabhála NUInna; costais oibriúcháin Láraonad ETIAS agus costais na foirne agus an trealaimh theicniúil (idir chrua-earraí agus bhogearraí) is gá chun cúraimí na nAonad Náisiúnta ETIAS a chomhlíonadh, mar aon leis na costais aistrithe dá dtagraítear in Airteagal 27(2) agus (8).

Ní chuirfear san áireamh na costais seo a leanas:

3.   Áireofar freisin ar chostais oibriúcháin ETIAS tacaíocht airgeadais do na Ballstáit as costais a thabhaigh siad agus seiceálacha teorann á n-oiriúnú agus á n-uathoibriú mar chuid de chur chun feidhme ETIAS. Ní rachaidh iomlán na tacaíochta airgeadais sin os cionn EUR 15 mhilliún le linn na chéad bhliana oibriúcháin, EUR 25 mhilliún le linn an dara bliana oibriúcháin, agus EUR 50 milliún le linn gach bliain oibriúcháin dá éis sin. Tabharfar de chumhacht don Choimisiún gníomhartha tarmligthe a ghlacadh i gcomhréir le hAirteagal 89 d’fhonn an tacaíocht airgeadais sin a shainiú.

4.   Tabharfar don Ghníomhaireacht Eorpach um an nGarda Teorann, do eu-LISA, agus do Europol maoiniú iomchuí bhreise agus an fhoireann dá mbeidh de dhíth orthu chun na cúraimí a chuirtear ar a n-iontaoibh faoin Rialachán seo a chomhlíonadh.

5.   Cistiú a úsáidfear ón imchlúdach dá dtagraítear i bpointe (b) d’Airteagal 5(5) de Rialachán (AE) Uimh. 515/2014 chun costais chur chun feidhme an Rialacháin seo dá dtagraítear i mír 1 go mír 4 den Airteagal seo a chumhdach, cuirfear chun feidhme é faoi bhainistiú neamhdhíreach le haghaidh na gcostas arna dtabhú ag eu-LISA agus ag an nGníomhaireacht Eorpach um an nGarda Teorann agus Cósta agus faoi bhainistiú comhroinnte le haghaidh na gcostas arna dtabhú ag na Ballstáit.

1.   Tabharfaidh na Ballstáit fógra don Choimisiún i dtaobh an údaráis a measfar gur rialaitheoir é agus dá dtagraítear in Airteagal 57.

2.   Tabharfaidh Láraonad ETIAS agus na Ballstáit fógra don Choimisiún agus do eu-LISA i dtaobh na n-údarás inniúil dá dtagraítear in Airteagal 13 a mbeidh rochtain acu ar chóras faisnéise ETIAS.

Trí mhí ó chuirfear tús le hoibríochtaí ETIAS i gcomhréir le hAirteagal 88, foilseoidh eu-LISA liosta comhdhlúite de na húdaráis sin in Iris Oifigiúil an Aontais Eorpaigh. Ina theannta sin, tabharfaidh na Ballstáit fógra don Choimisiún gan mhoill maidir le haon athruithe ar na húdaráis sin. I gcás ina ndéanfar athruithe den sórt sin, foilseoidh eu-LISA leagan comhdhlúite nuashonraithe den fhaisnéis sin uair sa bhliain. Coinneoidh an Coimisiún ar bun suíomh poiblí gréasáin, a nuashonrófar go leanúnach, ar a mbeidh an fhaisnéis sin.

3.   Tabharfaidh na Ballstáit fógra don Choimisiún agus do eu-LISA maidir leis na húdaráis atá ainmnithe acu agus maidir lena lárphointí rochtana, dá dtagraítear in Airteagal 50, agus tabharfaidh siad fógra gan mhoill maidir le haon athruithe i ndáil leis sin.

4.   Tabharfaidh eu-LISA fógra don Choimisiún maidir le cur i gcríoch rathúil na tástála dá dtagraítear i bpointe (e) d’Airteagal 88(1).

Déanfaidh an Coimisiún an fhaisnéis sin dá dtagraítear i mír 1 agus i mír 3 a fhoilsiú in Iris Oifigiúil an Aontais Eorpaigh. I gcás ina ndéanfar athruithe air, foilseoidh an Coimisiún leagan comhdhlúite nuashonraithe den fhaisnéis sin uair sa bhliain. Coinneoidh an Coimisiún ar bun suíomh poiblí gréasáin, a nuashonrófar go leanúnach, ar a mbeidh an fhaisnéis sin.

1.   Cinnfidh an Coimisiún an dáta a thosóidh ETIAS ag oibriú ar choinníoll go mbeidh na coinníollacha seo a leanas comhlíonta:

2.   Is é eu-LISA a dhéanfaidh an tástáil ar ETIAS dá dtagraítear i bpointe (e) de mhír 1 i gcomhar leis na Ballstáit agus le Láraonad ETIAS.

3.   Cuirfidh an Coimisiún torthaí na tástála arna déanamh de bhun phointe (e) de mhír 1 in iúl do Pharlaimint na hEorpa agus don Chomhairle.

4.   Foilseofar an cinneadh ón gCoimisiún dá dtagraítear i mír 1 in Iris Oifigiúil an Aontais Eorpaigh.

5.   Tosóidh na Ballstáit agus Láraonad ETIAS ag úsáid ETIAS ón dáta a chinnfidh an Coimisiún i gcomhréir le mír 1.

1.   Is faoi réir na gcoinníollacha a leagtar síos san Airteagal seo a thugtar an chumhacht don Choimisiún chun gníomhartha tarmligthe a ghlacadh.

2.   Déanfar an chumhacht chun gníomhartha tarmligthe a ghlacadh dá dtagraítear in Airteagal 6(4), Airteagal 17(3), (5) agus (6), Airteagail 18(4), 27(3), Airteagal 31, Airteagail 33(2), 36(4), 39(2), 54(2), Airteagal 83(1) agus (3) agus Airteagal 85(3) a thabhairt don Choimisiún go ceann tréimhse 5 bliana ó 9 Deireadh Fómhair 2018. Déanfaidh an Coimisiún, tráth nach déanaí ná 9 mí roimh dheireadh na tréimhse 5 bliana, tuarascáil a tharraingt suas maidir le tarmligean na cumhachta. Déanfar tarmligean na cumhachta a fhadú go hintuigthe go ceann tréimhsí comhfhaid, mura rud é go gcuireann Parlaimint na hEorpa nó an Chomhairle in aghaidh an fhadaithe sin tráth nach déanaí ná 3 mhí roimh dheireadh gach tréimhse.

3.   Féadfaidh Parlaimint na hEorpa nó an Chomhairle tarmligean na cumhachta dá dtagraítear in Airteagal 6(4), Airteagal 17(3), (5) agus (6), Airteagail 18(4), 27(3), Airteagal 31, Airteagail 33(2), 36(4), 39(2), 54(2), Airteagal 83(1) agus (3) agus Airteagal 85(3) a chúlghairm tráth ar bith. Déanfaidh cinneadh chun cúlghairm a dhéanamh deireadh a chur le tarmligean na cumhachta atá sonraithe sa chinneadh sin. Gabhfaidh éifeacht leis an lá tar éis fhoilsiú an chinnidh in Iris Oifigiúil an Aontais Eorpaigh nó ar dháta is déanaí a shonrófar sa chinneadh. Ní dhéanfaidh sé difear do bhailíocht aon ghníomhartha tarmligthe atá i bhfeidhm cheana.

4.   Roimh dó gníomh tarmligthe a ghlacadh, rachaidh an Coimisiún i mbun comhairliúchán le saineolaithe arna n-ainmniú ag gach Ballstát i gcomhréir leis na prionsabail a leagtar síos sa Chomhaontú Idirinstitiúideach maidir le Reachtóireacht Níos Fearr an 13 Aibreán 2016.

5.   A luaithe a ghlacfaidh sé gníomh tarmligthe, tabharfaidh an Coimisiún fógra, an tráth céanna, do Pharlaimint na hEorpa agus don Chomhairle faoi.

6.   Ní thiocfaidh gníomh tarmligthe a ghlactar de bhun Airteagail 6(4), Airteagal 17(3), (5) nó (6), Airteagal 18(4), 27(3), Airteagal 31, Airteagail 33(2), 36(4), 39(2), 54(2), Airteagal 83(1) nó (3) nó Airteagal 85(3) i bhfeidhm ach amháin mura mbeidh aon agóid curtha in iúl ag Parlaimint na hEorpa ná ag an gComhairle laistigh de thréimhse 2 mhí tar éis fógra faoin ngníomh sin a bheith tugtha do Pharlaimint na hEorpa agus don Chomhairle nó más rud é, roimh dhul in éag na tréimhse sin, go mbeidh Parlaimint na hEorpa agus an Chomhairle araon tar éis a chur in iúl don Choimisiún nach ndéanfaidh siad aon agóid. Déanfar an tréimhse sin a fhadú 2 mhí ar thionscnamh Pharlaimint na hEorpa nó na Comhairle.

1.   Tabharfaidh coiste cúnamh don Choimisiún. Beidh an coiste sin ina choiste de réir bhrí Rialachán (AE) Uimh. 182/2011.

2.   I gcás ina ndéanfar tagairt don mhír seo, beidh feidhm ag Airteagal 5 de Rialachán (AE) Uimh. 182/2011. I gcás nach dtugann an coiste aon tuairim, ní ghlacfaidh an Coimisiún an dréachtghníomh cur chun feidhme agus beidh feidhm ag an tríú fomhír d’Airteagal 5(4) de Rialachán (AE) Uimh. 182/2011.

1.   Áiritheoidh eu-LISA go mbeidh nósanna imeachta ann chun faireachán a dhéanamh ar fhorbairt chóras faisnéise ETIAS de réir cuspóirí a bhaineann le pleanáil agus costais agus chun faireachán a dhéanamh ar fheidhmiú ETIAS de réir cuspóirí a bhaineann le haschur teicniúil, cost-éifeachtúlacht, slándáil agus cáilíocht seirbhíse.

2.   Faoin 10 Aibreán 2019 agus gach 6 mhí dá éis le linn chéim forbartha chóras faisnéise ETIAS, cuirfidh eu-LISA tuarascáil faoi bhráid Pharlaimint na hEorpa agus na Comhairle faoin dul chun cinn atá déanta i ndáil le forbairt Lárchóras ETIAS, na NUInna agus an bhonneagair cumarsáide idir Lárchóras ETIAS agus na NUInna. Beidh faisnéis mhionsonraithe sa tuarascáil sin faoi na costais a tabhaíodh, mar aon le faisnéis faoi rioscaí ar bith a d’imreodh tionchar ar chostas foriomlán an chórais, costas a fhágfar ar bhuiséad ginearálta an Aontais i gcomhréir le hAirteagal 85.

Faoin 10 Aibreán 2019 agus gach 6 mhí dá éis le linn chéim forbartha chóras faisnéise ETIAS, cuirfidh Europol agus an Ghníomhaireacht Eorpach um an nGarda Teorann agus Cósta tuarascáil faoi bhráid Pharlaimint na hEorpa agus na Comhairle faoi staid reatha an ullmhúcháin do chur chun feidhme an Rialacháin seo lena n-áirítear faisnéis mhionsonraithe faoi na costais a tabhaíodh, mar aon le faisnéis faoi aon rioscaí a d’imreodh tionchar ar chostas foriomlán an chórais, costas a fhágfar ar bhuiséad ginearálta an Aontais i gcomhréir le hAirteagal 85.

Ach críoch curtha leis an bhforbairt, cuirfidh eu-LISA tuarascáil faoi bhráid Pharlaimint na hEorpa agus na Comhairle ina ndéanfar a mhíniú go mionsonrach cé mar a baineadh amach na cuspóirí, go háirithe i dtaca le pleanáil agus costas, agus ina dtabharfar údar maith i gcás inar imíodh óna raibh socraithe.

3.   Chun críocha na cothabhála teicniúla, beidh rochtain ag eu-LISA ar an bhfaisnéis is gá maidir leis na hoibríochtaí próiseála sonraí arna ndéanamh i gCóras Faisnéise ETIAS.

4.   Dhá bhliain tar éis do ETIAS dul i mbun oibríochtaí agus gach re bliain ina dhiaidh sin, cuirfidh eu-LISA tuarascáil ar fheidhmiú teicniúil chóras faisnéise ETIAS, lena n-áirítear slándáil ETIAS, faoi bhráid Pharlaimint na hEorpa, na Comhairle, agus an Choimisiúin, mar aon le sonraí staitistiúla a bhaineann le liosta faire ETIAS i gcomhréir leis an nós imeachta athbhreithniúcháin dá dtagraítear in Airteagal 35(5) agus (6).

5.   Trí bliana tar éis do ETIAS dul i mbun oibríochtaí agus gach 4 bliana ina dhiaidh sin, déanfaidh an Coimisiún meastóireacht ar ETIAS agus cuirfidh sé aon mholtaí is gá faoi bhráid Pharlaimint na hEorpa agus na Comhairle. Áireofar sa mheastóireacht sin:

Seolfaidh an Coimisiún an tuarascáil mheastóireachta chuig Parlaimint na hEorpa, chuig an gComhairle, chuig an Maoirseoir Eorpach ar Chosaint Sonraí agus chuig Gníomhaireacht an Aontais Eorpaigh um Chearta Bunúsacha.

6.   Tabharfaidh na Ballstáit agus Europol do eu-LISA, do Láraonad ETIAS agus don Choimisiún pé faisnéis is gá chun na tuarascálacha dá dtagraítear i mír 4 agus i mír 5 a dhréachtú. Ní chuirfidh an fhaisnéis sin modhanna oibre i gcontúirt ná ní bheidh faisnéis ar áireamh ann a nochtfaidh foinsí, baill foirne ná imscrúduithe na n-údarás ainmnithe.

7.   Soláthróidh eu-LISA agus Láraonad ETIAS don Choimisiún an fhaisnéis is gá chun na meastóireachtaí dá dtagraítear i mír 5 a dhéanamh.

8.   Agus urraim á tabhairt d’fhorálacha an dlí náisiúnta maidir le foilsiú faisnéise íogair, ullmhóidh gach Ballstát agus Europol tuarascálacha bliantúla maidir le héifeachtacht na rochtana ar shonraí atá stóráilte i Lárchóras ETIAS chun críocha fhorghníomhú an dlí, ina mbeidh faisnéis agus staitisticí faoi na nithe seo a leanas:

Cuirfear réiteach teicniúil ar fáil do na Ballstáit d’fhonn bailiú na sonraí sin a éascú de bhun Chaibidil IX chun staitisticí, dá dtagraítear sa mhír seo, a ghineadh. Déanfaidh an Coimisiún, trí bhíthin gníomhartha cur chun feidhme, sonraíochtaí an réitigh theicniúil sin a ghlacadh. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá tagraítear in Airteagal 90(2).