EUR-Lex Access to European Union law
This document is an excerpt from the EUR-Lex website
Document 32017R1951
Regulation (EU) 2017/1951 of the European Parliament and of the Council of 25 October 2017 amending Regulation (EU) No 99/2013 on the European statistical programme 2013-17, by extending it to 2020 (Text with relevance for the EEA and for Switzerland. )
Rialachán (AE) 2017/1951 ó Pharlaimint na hEorpa agus ón gComhairle an 25 Deireadh Fómhair 2017 lena leasaítear Rialachán (AE) Uimh. 99/2013 maidir le clár staidrimh Eorpach 2013-17, trína fhadú go 2020 (Téacs atá ábhartha maidir le LEE agus leis an Eilvéis )
Rialachán (AE) 2017/1951 ó Pharlaimint na hEorpa agus ón gComhairle an 25 Deireadh Fómhair 2017 lena leasaítear Rialachán (AE) Uimh. 99/2013 maidir le clár staidrimh Eorpach 2013-17, trína fhadú go 2020 (Téacs atá ábhartha maidir le LEE agus leis an Eilvéis )
OJ L 284, 31.10.2017, p. 1–11
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/12/2020; Arna aisghairm go hintuigthe ag 32021R0690
31.10.2017 |
GA |
Iris Oifigiúil an Aontais Eorpaigh |
1 |
RIALACHÁN (AE) 2017/1951 Ó PHARLAIMINT NA hEORPA AGUS ÓN gCOMHAIRLE
an 25 Deireadh Fómhair 2017
lena leasaítear Rialachán (AE) Uimh. 99/2013 maidir le clár staidrimh Eorpach 2013-17, trína fhadú go 2020
(Téacs atá ábhartha maidir le LEE agus leis an Eilvéis)
TÁ PARLAIMINT NA hEORPA AGUS COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh, agus go háirithe Airteagal 338(1) de,
Ag féachaint don togra ón gCoimisiún Eorpach,
Tar éis dóibh an dréachtghníomh reachtach a chur chuig na parlaimintí náisiúnta,
Ag féachaint don tuairim ó Choiste Eacnamaíoch agus Sóisialta na hEorpa (1),
Tar éis dóibh dul i gcomhairle le Coiste na Réigiún,
Ag gníomhú dóibh i gcomhréir leis an ngnáthnós imeachta reachtach (2),
De bharr an méid seo a leanas:
(1) |
Tá fianaise iontaofa ábhartha atá bunaithe ar staidreamh Eorpach tráthúil agus atá ar fáil go poiblí, ar staidreamh é is féidir a úsáid le haghaidh ceapadh beartais fíor-riachtanach chun dul chun cinn bheartais agus chláir an Aontais a thomhas agus chun meastóireacht a dhéanamh ar a n-éifeachtúlacht, go háirithe i gcomhthéacs Straitéis Eoraip 2020 a leagtar amach sa Teachtaireacht ón gCoimisiún an 3 Márta 2010 dar teideal “Eoraip 2020: Straitéis maidir le fás cliste, inbhuanaithe agus uileghabhálach” (Eoraip 2020) agus Chlár Oibre an Choimisiúin um Poist, Fás, Cothromaíocht agus Athrú Daonlathach. |
(2) |
Ba cheart go nglacfadh cur chuige cuimsitheach uile-Aontais a chuireann sonraí cruinne ar fáil chun cabhrú le próisis chomhtháthaithe breise san Aontas ag staidreamh Eorpach. |
(3) |
Is leas pobail tábhachtach infhaighteacht staidrimh chuimsithigh iontaofa Eorpaigh a rachaidh chun tairbhe do chinnteoirí, do thaighdeoirí agus don phobal i gcoitinne. |
(4) |
Ó thaobh inbhuanaitheacht agus dhlisteanacht an Aontais Eacnamaíoch agus Airgeadaíochta, is den tábhacht é cothromaíocht mhaith a bheith ann idir aidhmeanna eacnamaíocha agus sóisialta i gcomhthéacs an tSeimeastair Eorpaigh. Dá réir sin, is mó an bhéim a leagtar anois ar aidhmeanna sóisialta agus fostaíochta sa Seimeastar Eorpach, agus sna tuarascálacha tíre agus sna moltaí tír-shonracha araon déantar na dúshláin shóisialta agus fostaíochta a mheasúnú mar aon le hathchóiriú beartas bunaithe ar dhea-chleachtais a chur chun cinn. Chuige sin, tá tábhacht ar leith le staidreamh sóisialta. |
(5) |
Faoi Rialachán (CE) Uimh. 223/2009 ó Pharlaimint na hEorpa agus ón gComhairle (3), soláthrófar leis an gclár staidrimh Eorpach (an “clár”) an creat chun staidreamh ardchaighdeáin Eorpach a fhorbairt, a tháirgeadh agus a scaipeadh, agus leagfar amach ann príomhréimsí agus cuspóirí na ngníomhaíochtaí atá beartaithe ar feadh tréimhse a chomhfhreagraíonn do thréimhse an chreata airgeadais ilbhliantúil. Ba cheart an clár a chur chun feidhme trí ghníomhaíochtaí aonair staidrimh i gcomhréir le hAirteagal 14 de Rialachán (CE) Uimh. 223/2009. Ba cheart go mbeadh cláir oibre bhliantúla bunaithe ar an gclár. |
(6) |
Cé go mbeidh an creat airgeadais ilbhliantúil i bhfeidhm go 2020, ní chumhdaítear le Rialachán (AE) Uimh. 99/2013 ó Pharlaimint na hEorpa agus ón gComhairle (4) ach an tréimhse ó 2013 go 2017 amháin. Ba cheart, dá bhrí sin, an Rialachán sin a leasú gan mhoill chun an clár a fhadú go 2020 agus bearnaí staidrimh a líonadh i gcás inar gá go práinneach. |
(7) |
I gcomhthéacs Clár an Choimisiúin um Rialáil Níos Fearr, ba cheart tosú ar bheartais an Aontais a dhearadh, agus faireachán a dhéanamh orthu, ar bhonn fianaise iontaofa lena bhfuil bonn staidrimh láidir. Tá ról ar leith ag staidreamh Eorpach ina leith sin agus is féidir leo fíordhifríocht a dhéanamh, go háirithe i réimsí beartais ina mbeidh luach anailíseach bunaithe ar shonraí iontaofa agus ar fhreagrúlacht ríthábhachtach chun go mbeidh beartais rathúil. |
(8) |
Dá bhrí sin, tá staidreamh ardchaighdeáin ríthábhachtach chun torthaí níos fearr a bhaint amach agus chun cur le hEoraip níos fearr; ba cheart iarrachtaí níos mó a dhéanamh ar infheistíochtaí a spreagadh i staidreamh oifigiúil ar an leibhéal Eorpach agus ar an leibhéal náisiúnta araon. Ba cheart don chlár treoir a chur ar fáil freisin maidir le réimsí beartais tosaíochta maidir le forbairt acmhainne agus maidir leis an athbheartú tosaíochta leanúnach. Ina theannta sin, chun an cur chuige comhchuibhithe a áirithiú le linn cuspóirí an Rialacháin seo a bhaint amach, ba cheart comhar le heagraíochtaí idirnáisiúnta a neartú. |
(9) |
Ba cheart beart a dhéanamh chun dul i ngleic leis na bearnaí is práinní staidreamh, chun tráthúlacht a mhéadú agus chun tacú le tosaíochtaí polaitiúla agus le comhordú beartais eacnamaíoch tríd an Seimeastar Eorpach. Ba cheart don Choimisiún (Eurostat) réamh-mheastacháin nua daonra a sholáthar freisin i ndlúthchomhar leis na hinstitiúidí staidrimh náisiúnta, lena n-áirítear maidir le sreabha imirce, chun nuashonrú a dhéanamh ar an anailís ar na himpleachtaí sóisialta, eacnamaíocha agus buiséadacha a bheidh ag aosú an phobail agus ag neamhionannais eacnamaíocha. |
(10) |
Chun tacú le roghanna éifeachtúla ceaptha beartais, ba cheart táscairí a fhoilsiú go tráthúil. I gcomhréir le hAirteagal 12 de Rialachán (CE) Uimh. 223/2009, ba cheart go ndéanfadh an Coimisiún (Eurostat) cumarsáid phoiblí maidir le tráthúlacht, lena n-áirítear faisnéis ábhartha a chur ar fáil d'aon tráthúlacht neamhleor a d'fhéadfadh tarlú, mar ghné de cháilíocht an staidrimh. |
(11) |
Ba cheart cuntais trialach éiceachórais agus staidreamh athrú aeráide, lena n-áirítear iad siúd a bhaineann le hoiriúnú don athrú aeráide agus “loirg”, a fhorbairt tuilleadh agus tacair sonraí láithreacha á n-úsáid. Ceanglófar leis an Aontas Fuinnimh Eorpach agus le creat 2030 i gcomhair aeráide agus fuinnimh, arb é an aidhm atá leis geilleagar agus córas fuinnimh an Aontais a dhéanamh níos éifeachtúla, níos iomaíche, níos daingne agus níos inbhuanaithe, staidreamh nua a sholáthar ar thomhaltas fuinnimh, ar éifeachtúlacht fuinnimh, ar fhoinsí fuinnimh in-athnuaite, ar spleáchas fuinnimh agus ar shlándáil an tsoláthair, chomh maith le staidreamh ar an ngeilleagar ciorclach. |
(12) |
Ba cheart go lamhálfadh staidreamh ardcháilíochta arna fhorbairt, arna tháirgeadh agus arna scaipeadh faoin gclár, go háirithe staidreamh ar nuáil, taighde agus forbairt, staidreamh sóisialta, staidreamh comhshaoil mar aon le staidreamh fuinnimh agus iompair d'fhaireachán ar chuspóirí agus spriocanna Chlár Oibre 2030 don Fhorbairt Inbhuanaithe de chuid na Náisiún Aontaithe a bheith le socrú e ar leibhéal an Aontais agus ar leibhéal na mBallstát agus sa tslí sin rannchuidiú le baint amach na cuspóirí agus na spriocanna sin. |
(13) |
Ba cheart dul chun cinn a dhéanamh maidir le faisnéis cháilíochtúil agus chainníochtúil a fheabhsú ar cheart dó cur le huileghabhálacht na gcuntas náisiúnta agus dá réir sin meastacháin níos fearr ar an mbearna chánach agus ar sheachaint cánach a lamháil. |
(14) |
Is deis síneadh an chláir ar cheart a ghlacadh chun oiriúnuithe a dhéanamh chun na treoshuímh nua a léiriú, go háirithe i gcomhréir le Fís 2020 de chuid an Chórais Staidrimh Eorpaigh (CSE), chun na cuspóirí láithreacha, beartú tosaíochta leanúnach agus infhaighteacht na sonraí i gcomhthéacs ina bhfuil dúshláin thábhachtacha roimh an Aontas ó thaobh forbairt eacnamaíoch agus comhtháthú sóisialta a chomhlánú. Ba cheart gon-áiritheofaí leis comhoibriú leanúnach idir an Coimisiún (Eurostat) agus na hinstitiúidí staidrimh náisiúnta agus ba cheart go n-áiritheofaí leis comhráite rialta leis an gCoiste Comhairleach um Staidreamh Eorpach a bunaíodh le Cinneadh Uimh. 234/2008/CE ó Pharlaimint na hEorpa agus ón gComhairle (5). Ba cheart go n-áiritheofaí leis freisin an comhordú idir an Córas Staidrimh Eorpach (CSE) agus an Córas Eorpach Banc Ceannais. Ba cheart don Choimisiún (Eurostat) faireachán a dhéanamh ar chomhlíonadh Chód Cleachtais an Staidrimh Eorpaigh ag na Ballstáit (an Cód Cleachtais). |
(15) |
Tá sé tábhachtach go háirithe pócaí dífhostaíochta arda a thomhas, lena n-áirítear dífhostaíocht an aosa óig i réigiúin trasteorann. |
(16) |
Ba cheart go dtacódh méadú iomchuí ar an mbuiséad i gcomhair staidrimh ar leibhéal an Aontais leis na hathruithe sin ar an gclár agus an obair éifeachtacht leanúnach CSE trí luach breise suntasach agus torthaí suntasacha a thabhairt i gcás an fheabhais ar cháilíocht na sonraí trí thionscadail mhórscála, trí éifeachtaí giarála struchtúraí agus trí bharainneachtaí scála ar féidir leo córais staidrimh ar fud na mBallstát a fheabhsú. |
(17) |
Leagtar síos leis an Rialachán seo clúdach airgeadais le haghaidh an clár a fhadú chun an tréimhse ó 2018 go 2020 a chumhdach, atá le bheith ina ina phríomh-mhéidtagartha, de réir bhrí phointe 17 den Chomhaontú Idirinstitiúideach an 2 Nollaig 2013 idir Parlaimint na hEorpa, an Chomhairle agus an Coimisiún maidir le smacht buiséadach, maidir le comhar i gcúrsaí buiséadacha agus maidir le bainistíocht fhónta airgeadais (6), do Pharlaimint na hEorpa agus don Chomhairle le linn an nóis imeachta bhuiséadaigh bhliantúil. |
(18) |
Agus an clár á fhadú, ba cheart don Choimisiún (Eurostat) a bhreithniú ar leith a dhéanamh ar na hiarmhairtí ar Bhallstát a tharraingt siar ón Aontas. |
(19) |
Ós rud é nach féidir leis na Ballstáit cuspóir an Rialacháin seo, is é sin, an clár a fhadú chun an tréimhse ó 2018 go 2020 a chumhdach, a ghnóthú go leordhóthanach ag na Ballstáit ach gur fearr, de bharr scála agus éifeachtaí an ghnímh, é a ghnóthú ar leibhéal an Aontais, féadfaidh an tAontas bearta a ghlacadh i gcomhréir le prionsabal na coimhdeachta mar a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta, mar a leagtar amach san Airteagal sin, ní théann an Rialachán seo thar a bhfuil riachtanach chun an cuspóir sin a bhaint amach. |
(20) |
I gcomhréir le Rialachán (CE) Uimh. 223/2009, cuireadh an dréacht-togra le haghaidh an clár a fhadú chun an tréimhse ó 2018 go 2020 a chumhdach faoi bhráid an Choiste um an gCóras Staidrimh Eorpach (ESSC), an Choiste Comhairleach um Staidreamh Eorpach agus an Choiste um Staidreamh Airgeadaíochta, Airgeadais agus Chomhardú na nÍocaíochtaí a bunaíodh le Cinneadh Uimh. 2006/856/CE ón gComhairle (7), le go ndéanfaí réamhscrúdú air. |
(21) |
Ba cheart Rialachán (AE) Uimh. 99/2013 a leasú dá réir, |
TAR ÉIS AN RIALACHÁN SEO A GHLACADH:
Airteagal 1
Leasaítear Rialachán (AE) Uimh. 99/2013 mar a leanas:
(1) |
in Airteagal 1, cuirtear an mhír seo a leanas leis: “Fadófar an clár chun an tréimhse ó 2018 go 2020 a chumhdach.”; |
(2) |
cuirtear an méid seo a leanas in ionad Airteagal 3: “Airteagal 3 Raon feidhme Leis an Rialachán seo, soláthraítear an creat cláreagrúcháin i gcomhair fhorbairt, tháirgeadh agus scaipeadh staidrimh Eorpaigh, príomhréimsí agus cuspóirí na ngníomhaíochtaí atá beartaithe don tréimhse ó 2013 go 2020, i gcomhréir le hAirteagal 13 agus le hAirteagal 14 de Rialachán (CE) Uimh. 223/2009.”; |
(3) |
in Airteagal 7(1), cuirtear isteach an fhomhír seo a leanas: “Is é EUR 218,1 milliún a bheidh sa chlúdach airgeadais chun an clár seo a chur chun feidhme don tréimhse 2018 go 2020, arna chumhdach leis an gclárthréimhse 2014 go 2020.”; |
(4) |
cuirtear an méid seo a leanas in ionad Airteagal 9: “Airteagal 9 Cláir oibre bhliantúla Chun an clár a chur chun feidhme, glacfaidh an Coimisiún cláir oibre bhliantúla a shásóidh na ceanglais a leagtar síos in Airteagal 17 de Rialachán (CE) Uimh. 223/2009 agus a leagfaidh amach na cuspóirí atá á saothrú agus na torthaí lena bhfuiltear ag súil, i gcomhréir leis na cuspóirí ginearálta agus sonracha dá dtagraítear in Airteagal 4(1) agus (2) den Rialachán seo. Áiritheoidh an Coimisiún go mbeidh béim iomchuí ar ghníomhaíochtaí arb é is aidhm leo comhlíonadh an Chóid Cleachtais a chur chun cinn. Cuirfear gach clár oibre bliantúil in iúl do Pharlaimint na hEorpa chun críocha faisnéise.”; |
(5) |
cuirtear an méid seo a leanas in ionad Airteagal 13: “Airteagal 13 Leasanna airgeadais an Aontais a chosaint 1. Glacfaidh an Coimisiún bearta cuí chun a áirithiú, i gcás ina gcuirfear gníomhaíochtaí arna maoiniú faoin Rialachán seo chun feidhme, go ndéanfar leasanna airgeadais an Aontais a chosaint trí bhearta coisctheacha a chur chun feidhme i gcoinne na calaoise, an éillithe agus aon ghníomhaíochtaí neamhdhleathacha eile trí sheiceálacha éifeachtacha agus má thugtar neamhrialtachtaí faoi deara, trí na méideanna a íocadh go mícheart a ghnóthú agus, i gcás inarb iomchuí, trí phionóis éifeachtacha, chomhréireacha agus bhactha riaracháin agus airgeadais a chur i bhfeidhm. 2. Beidh sé de chumhacht ag an gCoimisiún nó ag a chuid ionadaithe agus ag an gCúirt Iniúchóirí iniúchadh a dhéanamh, ar bhonn doiciméad agus cigireachtaí ar an láthair, ar gach tairbhí deontais, conraitheoir agus fochonraitheoir a fuair cistí de chuid an Aontais faoin gclár. 3. Féadfaidh an Oifig Eorpach Frith-Chalaoise (OLAF) imscrúduithe a dhéanamh, lena n-áirítear seiceálacha agus cigireachtaí ar an láthair, i gcomhréir leis na forálacha agus na nósanna imeachta a leagtar síos i Rialachán (AE, Euratom) Uimh. 883/2013 ó Pharlaimint na hEorpa agus ón gComhairle (*1) agus i Rialachán (Euratom, CE) Uimh. 2185/96 ón gComhairle (*2) d'fhonn a shuí ar tharla calaois, éilliú nó aon ghníomhaíocht neamhdhleathach eile a dhéanfadh difear do leasanna airgeadais an Aontais i ndáil le comhaontú deontais nó le cinneadh deontais nó le conradh arna gcistiú faoin gclár. 4. Gan dochar do mhír 1, do mhír 2 agus do mhír 3, maidir le comhaontuithe comhair le tríú tíortha agus le heagraíochtaí idirnáisiúnta, le conarthaí, le comhaontuithe deontas agus le cinntí deontas de thoradh cur chun feidhme an Rialacháin seo, beidh forálacha iontu lena dtabharfar de chumhacht don Choimisiún, don Chúirt Iniúchóirí agus do OLAF go sainráite iniúchtaí agus imscrúduithe den sórt sin a dhéanamh, i gcomhréir lena n-inniúlacht faoi seach. 5. Gan dochar do mhír 1, do mhír 2 agus do mhír 3, i gcás ina ndéantar cur chun feidhme gníomhaíochta ar leith a sheachfhoinsiú nó a fho-tharmligean, go hiomlán nó go páirteach, nó inar gá conradh soláthair a dhámhachtain nó tacaíocht airgeadais a thabhairt do thríú páirtí ina leith, luafar sa chonradh, sa chomhaontú deontais nó sa chinneadh deontais an oibleagáid atá ar an gconraitheoir nó ar an tairbhí ceangal a chur ar aon tríú páirtí lena mbaineann glacadh go sainráite leis na cumhachtaí sin de chuid an Choimisiúin, na Cúirte Iniúchóirí agus OLAF. (*1) Rialachán (AE, Euratom) Uimh. 883/2013 ó Pharlaimint na hEorpa agus ón gComhairle an 11 Meán Fómhair 2013 maidir le himscrúduithe a dhéanann an Oifig Eorpach Frith-Chalaoise (OLAF) agus lena n-aisghairtear Rialachán (CE) Uimh. 1073/1999 ó Pharlaimint na hEorpa agus ón gComhairle agus Rialachán (Euratom) Uimh. 1074/1999 ón gComhairle (IO L 248, 18.9.2013, lch. 1)." (*2) Rialachán (Euratom, CE) Uimh. 2185/96 ón gComhairle an 11 Samhain 1996 maidir le seiceálacha agus cigireachtaí ar an láthair a dhéanann an Coimisiún chun leasanna airgeadais na gComhphobal Eorpach a chosaint i gcoinne na calaoise agus neamhrialtachtaí eile (IO L 292, 15.11.1996, lch. 2).”;" |
(6) |
Leasaítear Airteagal 15 mar a leanas:
|
(7) |
leasaítear an Iarscríbhinn a ghabhann le Rialachán (AE) Uimh. 99/2013 i gcomhréir leis an Iarscríbhinn a ghabhann leis an Rialachán seo. |
Airteagal 2
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh sé infheidhme ón 1 Eanáir 2018.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh in Strasbourg, an 25 Deireadh Fómhair 2017.
Thar ceann Pharlaimint na hEorpa
An tUachtarán
A. TAJANI
Thar ceann na Comhairle
An tUachtarán
M. MAASIKAS
(1) IO C 75, 10.3.2017, lch. 53.
(2) Seasamh ó Pharlaimint na hEorpa an 14 Meán Fómhair 2017 (nár foilsíodh fós san Iris Oifigiúil) agus cinneadh ón gComhairle an 9 Deireadh Fómhair 2017.
(3) Rialachán (CE) Uimh. 223/2009 ó Pharlaimint na hEorpa agus ón gComhairle an 11 Márta 2009 maidir le staidreamh Eorpach agus lena n-aisghairtear Rialachán (CE, Euratom) Uimh. 1101/2008 ó Pharlaimint na hEorpa agus ón gComhairle maidir le tarchur sonraí atá faoi réir rúndacht staidrimh chuig Oifig Staidrimh na gComhphobal Eorpach, Rialachán (CE) Uimh. 322/97 ón gComhairle maidir le Staidreamh Comhphobail, agus Cinneadh 89/382/CEE, Euratom ón gComhairle lena mbunaítear Coiste um Chláir Staidrimh na gComhphobal Eorpach (IO L 87, 31.3.2009, lch. 164).
(4) Rialachán (AE) Uimh. 99/2013 ó Pharlaimint na hEorpa agus ón gComhairle an 15 Eanáir 2013 maidir leis an gclár staidrimh Eorpach 2013-17 (IO L 39, 9.2.2013, lch. 12).
(5) Cinneadh Uimh. 234/2008/CE ó Pharlaimint na hEorpa agus ón gComhairle an 11 Márta 2008 lena mbunaítear an Coiste Comhairleach um Staidreamh Eorpach agus lena n-aisghairtear Cinneadh 91/116/CEE ón gComhairle (IO L 73, 15.3.2008, lch. 13).
(6) IO C 373, 20.12.2013, lch. 1.
(7) Cinneadh 2006/856/CE ón gComhairle an 13 Samhain 2006 lena mbunaítear an Coiste um staidreamh airgeadaíochta, airgeadais agus chomhardú na níocaíochtaí (IO L 332, 30.11.2006, lch. 21).
IARSCRÍBHINN
Leasaítear an Iarscríbhinn a ghabhann le Rialachán (AE) Uimh. 99/2013 mar a leanas:
(1) |
cuirtear an méid seo a leanas in ionad theideal na hIarscríbhinne: “Bonneagar staidrimh agus cuspóirí an chláir staidrimh Eorpaigh 2013 go 2020”; |
(2) |
leasaítear an réamhrá mar a leanas:
|
(3) |
i gCuspóirí, cuirtear an méid seo a leanas in ionad chuspóir 1:
|
(4) |
cuid I. Leasaítear Aschuir Staidrimh mar a leanas:
|
(5) |
leasaítear cuid II. Modhanna Táirgthe an Staidrimh Eorpaigh mar a leanas:
|
(6) |
I gcuid III Comhpháirtíocht' cuirtear isteach na fhleasc seo a leanas i ndiaidh an ceathrú fleasc den dara mír de chuspóir 1.4:
|