1.   I ndiaidh don Aontas cinneadh a dhéanamh a iarraidh ar an Airméin páirt a ghlacadh in oibríocht bainistíochta géarchéime an Aontais, déanfaidh an Airméin, agus an Comhaontú seo á chur chun feidhme aici, cinneadh a údaráis inniúil maidir lena rannpháirtíocht, lena n-áirítear an rannchuidiú atá beartaithe aici, a chur in iúl don Aontas.

2.   Cuirfidh an tAontas in iúl don Airméin go luath an ranníocaíocht is dócha a dhéanfaidh sí le costais chomhchoiteanna na hoibríochta a luaithe is féidir d’fhonn cuidiú leis an Airméin a tairiscint a fhoirmliú.

3.   An measúnú a dhéanfaidh an tAontas ar an rannchuidiú atá beartaithe ag an Airméin, déanfar é i gcomhairle leis an Airméin.

4.   Cuirfidh an tAontas in iúl don Airméin i scríbhinn toradh a mheasúnaithe agus a chinnidh maidir leis an rannchuidiú atá beartaithe ag an Airméin, d’fhonn rannpháirtíocht na hAirméine a áirithiú, i gcomhréir leis an gComhaontú seo.

5.   Beidh an rannchuidiú atá beartaithe ag an Airméin de bhun mhír 1, agus glacadh an Aontais leis de bhun mhír 4, mar bhonn do chur i bhfeidhm an Chomhaontaithe seo maidir le gach oibríocht shonrach bainistíochta géarchéime an Aontais.

6.   Féadfaidh an Airméin, ar a tionscnamh féin nó arna iarraidh sin don Aontas, agus tar éis comhairliúcháin idir na Páirtithe, rannpháirtíocht in oibríocht bainistíochta géarchéime an Aontais a tharraingt siar go hiomlán nó go páirteach tráth ar bith.

1.   Beidh baint ag an Airméin leis an gcinneadh ábhartha trína gcinnfidh an Chomhairle go seolfaidh an tAontas oibríocht bainistíochta géarchéime, agus le haon chinneadh eile lena gcinnfidh an Chomhairle síneadh a chur le hoibríocht bainistíochta géarchéime, i gcomhréir leis an gComhaontú seo agus le haon socruithe cur chun feidhme a cheanglaítear.

2.   Beidh rannchuidiú na Airméine le hoibríocht bainistíochta géarchéime an Aontais gan dochar d’uathriail chinnteoireachta an Aontais.

1.   Maidir le stádas an phearsanra a thugann an Airméin ar iasacht d’oibríocht shibhialtach bainistíochta géarchéime an Aontais agus stádas an phearsanra agus na bhfórsaí a rannchuidíonn sí le hoibríocht mhíleata bainistíochta géarchéime an Aontais, déanfar é a rialú leis an gcomhaontú ábhartha maidir le stádas na bhfórsaí nó an comhaontú ábhartha maidir le stádas an mhisin, má thugtar an comhaontú sin i gcrích, nó le haon socrú eile idir an tAontas agus an Stát nó na Stáit ina ndéantar an oibríocht. Cuirfear an méid sin in iúl don Airméin.

2.   Maidir le stádas an phearsanra a thugtar ar iasacht don cheanncheathrú nó d’eilimintí ceannasaíochta atá lonnaithe lasmuigh den Stát nó de na Stáit ina ndéantar oibríocht bainistíochta géarchéime an Aontais, rialófar é le socruithe idir an cheanncheathrú agus na heilimintí ceannasaíochta lena mbaineann agus údaráis inniúla na hAirméine.

3.   Gan dochar don chomhaontú maidir le stádas na bhfórsaí ná don chomhaontú maidir le stádas an mhisin dá dtagraítear i mír 1, feidhmeoidh an Airméin dlínse ar a phearsanra atá rannpháirteach in oibríocht bainistíochta géarchéime an Aontais. I gcás ina n-oibríonn fórsaí na hAirméine ar bord soithigh nó aerárthaigh Ballstáit den Aontas, féadfaidh an Ballstát sin dlínse a fheidhmiú faoi réir aon chomhaontuithe atá ann cheana nó a bheidh ann amach anseo, agus i gcomhréir lena dhlíthe agus lena rialacháin agus leis an dlí idirnáisiúnta.

4.   Beidh an Airméin freagrach as freagairt ar aon éilimh a bhfuil baint acu lena rannpháirtíocht in oibríocht bainistíochta géarchéime an Aontais ó aon bhall dá phearsanra nó maidir le haon bhall dá phearsanra agus beidh sé freagrach as aon chaingean a thabhairt, go háirithe caingean dlí nó caingean araíonachta, i gcoinne aon bhall dá phearsanra i gcomhréir lena dlíthe agus lena rialacháin.

5.   Comhaontaíonn na Páirtithe aon éileamh agus na héilimh uile, seachas éilimh chonarthacha, i gcoinne a chéile a tharscaoileadh maidir le díobháil do shócmhainní atá faoi úinéireacht ceachtar Páirtí nó atá á n-oibriú ag ceachtar Páirtí, nó maidir le cailleadh nó díothú na sócmhainní sin, nó maidir le díobháil nó bás pearsanra de chuid ceachtar Páirtí, ar éilimh iad a éiríonn as comhlíonadh a ndualgas oifigiúil i ndáil le gníomhaíochtaí faoin gComhaontú seo, ach amháin i gcás mórfhaillí nó mí-iompair thoiliúil.

6.   Geallann an Airméin go ndéanfaidh sí dearbhú maidir le tarscaoileadh éileamh i gcoinne aon Stát atá rannpháirteach in oibríocht bainistíochta géarchéime an Aontais ina bhfuil an Airméin rannpháirteach, agus go ndéanfaidh sí é sin agus an Comhaontú seo á shíniú aici.

7.   Geallann an tAontas go n-áiritheoidh sé go ndéanfaidh na Ballstáit dearbhú maidir le tarscaoileadh éileamh i gcás rannpháirtíocht na hAirméine amach anseo in oibríocht bainistíochta géarchéime an Aontais, agus go ndéanfaidh sé é sin agus an Comhaontú seo á shíniú aige.

1.   Déanfaidh an Airméin bearta iomchuí chun a áirithiú go ndéanfar faisnéis rúnaicmithe an Aontais a chosaint i gcomhréir le rialacha slándála na Comhairle chun faisnéis rúnaicmithe an Aontais a chosaint mar atá i gCinneadh 2013/488/AE ón gComhairle (1), agus i gcomhréir le treoir bhreise arna heisiúint ag údaráis inniúla, lena n-áirítear ag Ceannasaí Oibríochta an Aontais i gcás oibríocht mhíleata bainistíochta géarchéime an Aontais, nó ag Ceann Misin an Aontais i gcás oibríocht shibhialtach bainistíochta géarchéime an Aontais.

2.   I gcás ina dtabharfaidh na Páirtithe comhaontú i gcrích maidir le nósanna imeachta slándála chun faisnéis rúnaicmithe a mhalartú, beidh feidhm ag an gcomhaontú sin i gcomhthéacs oibríocht bainistíochta géarchéime an Aontais.

1.   Déanfaidh Poblacht na hAirméine an méid seo a leanas:

2.   Maidir le baill den phearsanra a thabharfaidh an Airméin ar iasacht d’oibríocht shibhialtach bainistíochta géarchéime an Aontais, cuirfidh údarás inniúil na hAirméine faoi scrúdú leighis iad, déanfaidh sé iad a vacsaíniú (de réir mar is gá) agus tabharfaidh sé deimhniú go bhfuil siad ábalta ó thaobh liachta de dá gcuid dualgas, agus soláthróidh an pearsanra cóip den deimhniú sin.

3.   Déanfaidh an pearsanra atá ar iasacht ón Airméin a ndualgais a chomhlíonadh agus iad féin a iompar agus aird á tabhairt ar leasanna oibríocht shibhialtach bainistíochta géarchéime an Aontais amháin, agus cloífidh siad, ag an am céanna, leis na caighdeáin iompair is airde a leagtar amach sna beartais is infheidhme maidir le hoibríochtaí sibhialtacha bainistíochta géarchéime an Aontais.

1.   Beidh an pearsanra uile a bheidh rannpháirteach in oibríocht shibhialtach bainistíochta géarchéime an Aontais i gcónaí faoi láncheannas a n-údarás náisiúnta.

2.   Aistreoidh na húdaráis náisiúnta an rialú oibríochtúil chuig Ceannasaí Oibríochtaí Sibhialtacha an Aontais.

3.   Is é Ceannasaí Oibríochtaí Sibhialtacha an Aontais a ghlacfaidh an fhreagracht maidir le hoibríocht shibhialtach bainistíochta géarchéime an Aontais agus a fheidhmeoidh ceannas agus rialú uirthi ar an leibhéal straitéiseach.

4.   Is é Ceann Misin an Aontais a ghlacfaidh an fhreagracht maidir le hoibríocht shibhialtach bainistíochta géarchéime an Aontais agus a fheidhmeoidh ceannas agus rialú uirthi ar leibhéal na n-oibríochtaí agus déanfaidh sé bainistiú uirthi ar bhonn laethúil.

5.   Beidh na cearta agus na hoibleagáidí céanna ag an Airméin agus a bheidh ag na Ballstáit sin den Aontas atá rannpháirteach san oibríocht, a mhéid a bhaineann le bainistiú laethúil na hoibríochta, i gcomhréir leis na hionstraimí dlíthiúla dá dtagraítear in Airteagal 2(1).

6.   Beidh Ceann Misin an Aontais freagrach as rialú araíonachta ar phearsanra oibríocht shibhialtach bainistíochta géarchéime an Aontais. I gcás inar gá, déanfaidh an t-údarás náisiúnta lena mbaineann gníomhaíocht araíonachta.

7.   Ceapfaidh an Airméin Pointe Teagmhála na nDíormaí Náisiúnta (‘NPC’) chun ionadaíocht a dhéanamh dá díorma náisiúnta in oibríocht shibhialtach bainistíochta géarchéime an Aontais. Tuairisceoidh an NPC do Cheann Misin an Aontais i dtaca le hábhair náisiúnta agus beidh sé freagrach as smacht a choinneáil ar an díorma ón Airméin ar bhonn laethúil.

8.   Is é an tAontas a dhéanfaidh an cinneadh deireadh a chur le hoibríocht shibhialtach bainistíochta géarchéime an Aontais, tar éis dul i gcomhairle leis an Airméin má tá an Airméin fós ag rannchuidiú leis an oibríocht sin ar an dáta sin.

1.   Gan dochar d’Airteagal 8, beidh an Airméin freagrach as na costais go léir a bhaineann lena rannpháirtíocht in oibríocht shibhialtach bainistíochta géarchéime an Aontais, cé is moite de na costais reatha, mar a leagtar amach i mbuiséad oibriúcháin na hoibríochta.

2.   I gcás báis, díobhála, caillteanais nó damáiste do dhaoine nádúrtha nó dlítheanacha ón Stát nó ó na Stáit ina ndéantar oibríocht shibhialtach bainistíochta géarchéime an Aontais, déanfar saincheisteanna dliteanais agus cúitimh fhéideartha arna n-íoc ag an Airméin a rialú de réir na gcoinníollacha a leagtar amach sa chomhaontú is infheidhme maidir le stádas an mhisin dá dtagraítear in Airteagal 3(1) nó aon fhorálacha infheidhme eile.

1.   Faoi réir mhír 4 den Airteagal seo agus d’ainneoin Airteagal 1(5), rannchuideoidh an Airméin le maoiniú an bhuiséid oibríochtúil maidir le hoibríocht shibhialtach bainistíochta géarchéime an Aontais lena mbaineann.

2.   Ríomhfar an ranníocaíocht dá dtagraítear i mír 1 ar bhonn ceachtar de na foirmlí seo a leanas, cibé acu is ísle:

3.   D’ainneoin mhíreanna 1 agus 2, ní dhéanfaidh an Airméin aon ranníocaíocht i leith mhaoiniú na liúntas per diem a íoctar le pearsanra Bhallstáit an Aontais.

4.   D’ainneoin mhír 1, déanfaidh an tAontas, i bprionsabal, an Airméin a dhíolmhú ó ranníocaíochtaí airgeadais le hoibríocht shibhialtach bainistíochta géarchéime áirithe dan Aontais i gcás:

5.   Faoi réir mhír 1, is idir údaráis inniúla na bPáirtithe a bheidh aon socrú maidir le ranníocaíochtaí a dhéanfaidh an Airméin le buiséad oibriúcháin oibríocht shibhialtach bainistíochta géarchéime an Aontais, agus áireofar ann, inter alia, forálacha maidir le:

1.   Déanfaidh Poblacht na hAirméine an méid seo a leanas:

2.   Déanfaidh an pearsanra atá ar iasacht ón Airméin a ndualgais a chomhlíonadh agus iad féin a iompar agus aird á tabhairt ar leasanna oibríocht mhíleata bainistíochta géarchéime an Aontais amháin, agus cloífidh siad, ag an am céanna, leis na caighdeáin iompair is airde a leagtar amach sna beartais is infheidhme maidir le hoibríochtaí míleata bainistíochta géarchéime an Aontais.

1.   Beidh na fórsaí agus an pearsanra uile a bheidh rannpháirteach in oibríochtaí míleata bainistíochta géarchéime an Aontais i gcónaí faoi láncheannas a n-údarás náisiúnta.

2.   Déanfaidh na húdaráis náisiúnta ceannas agus/nó rialú oibríochtúil agus oirbheartaíoch a bhfórsaí, a sócmhainní agus a bpearsanra a aistriú chuig Ceannasaí Oibríochta an Aontais, atá i dteideal a údarás a tharmligean.

3.   Beidh na cearta agus na hoibleagáidí céanna ag an Airméin agus a bheidh ag na Ballstáit sin den Aontas atá rannpháirteach san oibríocht, a mhéid a bhaineann le bainistiú laethúil oibríocht mhíleata bainistíochta géarchéime an Aontais, i gcomhréir leis na hionstraimí dlíthiúla dá dtagraítear in Airteagal 2(1).

4.   Féadfaidh Ceannasaí Oibríochta an Aontais, tar éis dul i gcomhairle leis an Airméin, a iarraidh, tráth ar bith, go dtarraingeofar siar an rannchuidiú ón Airméin.

5.   Ceapfaidh an Airméin Ionadaí Míleata Sinsearach chun ionadaíocht a dhéanamh dá díorma náisiúnta in oibríocht mhíleata bainistíochta géarchéime an Aontais.Rachaidh an tIonadaí Míleata Sinsearach i gcomhairle le Ceannasaí Fórsa an Aontais maidir le gach ábhar lena ndéantar difear don oibríocht, agus beidh sé freagrach as smacht a choinneáil ar an díorma ón Airméin ar bhonn laethúil.

1.   Gan dochar d’Airteagal 12, beidh an Airméin freagrach as na costais ar fad a bhaineann lena rannpháirtíocht in oibríocht mhíleata bainistíochta géarchéime an Aontais mura bhfuil na costais faoi réir cistiú comhchoiteann dá bhforáiltear sna hionstraimí dlíthiúla dá dtagraítear in Airteagal 2(1), agus i gCinneadh (CBES) 2015/528 ón gComhairle (2).

2.   I gcás báis, díobhála, caillteanais nó damáiste do dhaoine nádúrtha nó dlítheanacha ón Stát nó ó na Stáit ina ndéantar oibríocht mhíleata bainistíochta géarchéime an Aontais, déanfar saincheisteanna dliteanais agus cúitimh fhéideartha arna n-íoc ag an Airméin a rialú de réir na gcoinníollacha a leagtar amach sa chomhaontú is infheidhme maidir le stádas na bhfórsaí dá dtagraítear in Airteagal 3(1) nó aon fhorálacha infheidhme eile.

1.   Faoi réir mhír 3 den Airteagal seo agus d’ainneoin Airteagal 1(5), rannchuideoidh an Airméin le maoiniú na gcostas coiteann maidir le hoibríocht mhíleata bainistíochta géarchéime an Aontais lena mbaineann.

2.   Ríomhfar an ranníocaíocht dá dtagraítear i mír 1 ar bhonn ceachtar de na foirmlí seo a leanas, cibé acu is ísle:

I gcás ina n-úsáidtear an fhoirmle faoi phointe (b) agus nach gcuireann an Airméin pearsanra ach chuig ceanncheathrú na hoibríochta nó an fhórsa, is é cóimheas a pearsanra le líon iomlán phearsanra na ceanncheathrún faoi seach a úsáidfear. I gcásanna eile, is é cóimheas an phearsanra ar fad a chuirfidh an Airméin le pearsanra iomlán na hoibríochta an cóimheas a úsáidfear.

3.   D’ainneoin mhír 1, déanfaidh an tAontas, i bprionsabal, an Airméin a dhíolmhú ó ranníocaíochtaí airgeadais le hoibríocht mhíleata bainistíochta géarchéime áirithe an Aontais i gcás:

4.   Faoi réir mhír 1, is idir údaráis inniúla na bPáirtithe a bheidh aon socruithe maidir le ranníocaíochtaí a dhéanfaidh an Airméin leis na costais choiteanna, agus áireofar iontu, i measc nithe eile, forálacha maidir le:

1.   Tiocfaidh an Comhaontú seo i bhfeidhm an chéad lá den mhí tar éis an mhí ina dtabharfaidh na Páirtithe fógra dá chéile gur chuir siad i gcrích na nósanna imeachta inmheánacha dlíthiúla is gá chun go dtiocfaidh an Comhaontú seo i bhfeidhm.

2.   Déanfar an Comhaontú seo a athbhreithniú ar iarraidh ó cheachtar Páirtí.

3.   Féadfar an Comhaontú seo a leasú ar bhonn comhaontaithe i scríbhinn idir na Páirtithe. Tiocfaidh na leasuithe i bhfeidhm i gcomhréir leis an nós imeachta a leagtar síos i mír 1.

4.   Féadfaidh ceachtar Páirtí an Comhaontú seo a fhoirceannadh trí fhógra foirceanta i scríbhinn a thabhairt don Pháirtí eile. Beidh feidhm ag foirceannadh mar sin 6 mhí tar éis don Pháirtí eile fógra a fháil.