(1)

Cinneadh Uimh. 156/25/COL an 1 Deireadh Fómhair 2025 ó Údarás Faireacháin CSTE maidir le cabhair ad hoc do Drøbak Frogn Idrettsarena KF a neamhniú.

(2)

Ordú a thabhairt d’Údarás Faireacháin CSTE costais na n-imeachtaí a íoc.

—

Is cuideachta theoranta Ioruach é an t-iarratasóir, Fitness Group Nordic AS a oibríonn grúpa ionad aclaíochta faoin ainm EVO ar fud na hIorua agus an Limistéir Eorpaigh Eacnamaíoch. Oibríonn sé ionad aclaíochta in Drøbak freisin, díreach in aice leis an Bølgen Fitness a oibríonn an chuideachta bhardasach Drøbak Frogn Idrettsarena KF (‘DFI’).

—

De réir an iarratais, is ‘páirtí leasmhar’ é Fitness Group Nordic AS de réir bhrí Airteagal 1(h) de Chuid II de Phrótacal 3 den Chomhaontú idir Stáit CSTE maidir le hÚdarás Faireacháin agus Cúirt Bhreithiúnais a Bhunú.

—

Iarrann an t-iarratasóir go neamhneofar Cinneadh Uimh. 156/25/COL an 1 Deireadh Fómhair 2025 (an ‘cinneadh is ábhar agóide’) ó Údarás Faireacháin CSTE. Leis an gcinneadh is ábhar agóide, fuair Údarás Faireacháin CSTE gur státchabhair arna deonú go neamhdhleathach de réir bhrí Airteagal 61(1) de Chomhaontú LEE a bhí sa chabhair ad hoc a dheonaigh bardas Frogn do DFI chun caillteanais ionad aclaíochta DFI (an Bølgen Fitness) le haghaidh na mblianta 2021 agus 2022, arbh fhiú NOK 6,12 milliún (thart ar EUR 520 000) iad, a dhíol. Dá ainneoin sin, chinn Údarás Faireacháin CSTE go raibh an chabhair comhoiriúnach d’fheidhmiú Chomhaontú LEE de bhun Airteagal 61(3)(b) LEE mar bheart chun suaitheadh tromchúiseach sa gheilleagar arb í paindéim COVID-19 ba chúis leis a leigheas. Gan tús a chur leis an nós imeachta imscrúdaithe foirmiúil faoi Airteagal 4(4) de Chuid II de Phrótacal 3 den Chomhaontú idir Stáit CSTE maidir le hÚdarás Faireacháin agus Cúirt Bhreithiúnais a Bhunú, chinn Údarás Faireacháin CSTE gan agóid a dhéanamh faoi Airteagal 4(3) de.

—

Iarrann an t-iarratasóir go neamhneofar an cinneadh is ábhar agóide ar na pléadálacha seo a leanas: