—

Cinneadh Cur Chun Feidhme ón gCoimisiúin (AE) 2025/2334 an 19 Samhain a chur ar neamhní, lena n-eisiatar ó mhaoiniú an Aontais Eorpaigh caiteachas áirithe a thabhaíonn Ballstáit faoin gCiste Eorpach um Ráthaíocht Talmhaíochta (CERT) agus faoin gCiste Eorpach Talmhaíochta um Fhorbairt Tuaithe (CETFT, a mhéid a bhaineann le Ríocht na Spáinne agus lena n-eisiatar DHÁ MHILLIÚN, SEACHT GCÉAD NÓCHA A NAOI MÍLE, SEACHT GCÉAD OCHTÓ A SÉ EURO AGUS AON CENT AMHÁIN (EUR 2 799 786,01).

—

A ordú don Institiúid is cosantóir na costais a íoc.

A -

Seiceáil a bhaineann le gabháltas talmhaíochta á bhunú den chéad uair mar fheirmeoir atá i gceannas ar an ngabháltas.

Sa Chinneadh atá faoi chonspóid déantar léiriú mícheart ar fhorálacha Rialachán 1307/2013 (1) agus 639/2014 (2) trí léargas sriantach a ghlacadh ar an gcoincheap ‘feirmeoir óg’, agus dá bhrí sin cuirtear seiceálacha níos srianta i bhfeidhm orthu i dtaca lena gcur i gceannas ar ghabháltas. Tá an chéad saincheist seo roinnte ina bhfo-shaincheisteanna, mar a leanas, lena léirítear an sárú a rinne an Coimisiún leis an gcinneadh a glacadh.

B -

Seiceáil a bhaineann le comhlíonadh na gcoinníollacha a bhaineann le bunú den chéad uair ar ghabháltas talmhaíochta agus leis an dáta a cuireadh an t-iarratas aonair ar chabhair isteach.

Sárú ar Airteagail 30(11) agus 50(2) de Rialachán 1307/2013, agus ar Airteagail 28(4), 49 agus 50 de Rialachán 639/2014.

Sa Chinneadh atá faoi chonspóid déantar léiriú mícheart agus róshriantach ar na rialacha a leagtar amach i Rialacháin 1307/2013 agus 639/2014 ar an bhforas nach mór coinníollacha incháilitheachta maidir le ‘bunú den chéad uair’ mar fheirmeoir i gceannas ar ghabháltais agus maidir le ‘dul i mbun gníomhaíochta talmhaíochta den chéad uair’ a chomhlíonadh ar a dhéanaí ag tráth a chuirtear an t-iarratas ar chúnamh isteach. Is léir ó léamh comhcheangailte Airteagal 72(1) de Rialachán 1306/2013 agus Airteagal 15 de Rialachán Cur Chun Feidhme 809/2014 (3) nach féidir an t-iarratas a mheas mar iarratas iomlán go dtí go sroichtear an spriocdháta le haghaidh modhnú [leasú], agus, i bhfianaise na féidearthachta gabháltais a chur san áireamh nó a mhodhnú [leasú], i gcás bunú feirmeoirí óga, go dtí go sroichtear an dáta sin, ní fios le cinnteacht cén gabháltas a bhunófar, agus dá bhrí sin ní mór don spriocdháta don dáta bunaithe sin a bheith mar an gcéanna.