—

glacadh leis an achomharc i gcoinne an bhreithiúnais atá faoi achomharc,

—

seasamh leis an achomharc, an breithiúnas atá faoi achomharc a chur ar neamhní agus, dá bhrí sin, cinneadh Uachtarán Pharlaimint na hEorpa an 30 Eanáir 2024 maidir le ciapadh síceolaíoch an achomharcóra a chinneadh agus cinneadh Uachtarán Pharlaimint na hEorpa an 30 Eanáir 2024 lena bhforchuirtear iomardú ar an achomharcóir mar gheall ar a iompar arb ionann é agus ciapadh síceolaíoch a chur ar neamhní,

—

a ordú don pháirtí atá ag cur i gcoinne an achomhairc seo na costais a íoc agus an t-ordú go n-íocfaidh an Pharlaimint na costais ag an gcéad chéim a choimeád.

1.

Sárú ar na cearta chun cosanta agus ar an gceart chun dea-riaracháin, a ráthaítear in Airteagal 48(2) agus Airteagal 41(1) agus (2) den Chairt um Chearta Bunúsacha an Aontais Eorpaigh.

2.

Sárú ar phrionsabal na deimhneachta dlíthiúla agus ar an gceart chun cinneadh a fháil laistigh de thréimhse réasúnta ama, a chumhdaítear in Airteagal 41(1) den Chairt um Chearta Bunúsacha an Aontais Eorpaigh, mar gheall ar mhainneachtain cloí leis an teorainn ama nós imeachta a leagtar síos chun an cinneadh lena bhforchuirtear pionós a ghlacadh.