—

an breithiúnas faoi achomharc a chur ar neamhní;

—

breithiúnas deiridh a thabhairt sa díospóid a tugadh os comhair na Cúirte Ginearálta, ag seasamh leis an ordú atá á lorg ag an bParlaimint ag an gcéad chéim;

—

a ordú do Comi na costais uile na n-imeachtaí ag an gcéad chéim agus ar achomharc a íoc.

I.

Sárú ar an Rialachán Airgeadais (1), go háirithe Airteagal 98(5) agus Airteagal 101(2) go (4) den Rialachán sin, a bhaineann leis an nós imeachta aisghabhála. Rinne an Chúirt Ghinearálta roinnt mhaith earráidí dlí trí neamhaird a thabhairt ar nádúr oibiachtúil agus neamhchoinníollach an nós imeachta aisghabhála agus trí shaobhadh a dhéanamh ar fhorálacha ábhartha na reachtaíochta infheidhme, rud a d’fhág go raibh an oibleagáid suimeanna a íocadh go míchuí a aisghabháil faoi réir cur i bhfeidhm phrionsabal an toirmisc ar shaibhriú éagórach agus critéir shuibíochtúla a bhaineann le heolas an Chomhalta lena mbaineann (míreanna 158 go 171, chomh maith le 195, 203, 210, 211, 216, 227, 238, 255 agus 256 den bhreithiúnas atá faoi achomharc).

II.

Earráid i léiriú agus i bhfeidhmiú phrionsabal an toirmisc ar shaibhriú éagórach (míreanna 158 go 164, chomh maith le 195, 203, 210, 211, 216, 227, 238, 255 agus 256 den bhreithiúnas atá faoi achomharc).

III.

Sárú ag an gCúirt Ghinearálta ar theorainneacha a dlínse sa mhéid is gur rialaigh sí ultra petita trí phrionsabal an toirmisc ar shaibhriú éagórach a thabhairt isteach agus a chur i bhfeidhm as a stuaim féin (míreanna 158 go 171, chomh maith le 195, 203, 210, 211, 216, 227, 238, 255 agus 256).

IV.

Sárú ar an oibleagáid cúiseanna a lua, toisc go bhfuil an breithiúnas atá faoi achomharc curtha ó bhail ag réasúnaíocht fhrithfhráiteach, ós rud é nach gcomhfhreagraíonn cinntí na Cúirte Ginearálta ina réasúnaíocht do raon feidhme an neamhnithe a fógraíodh sa chuid oibríochtiúil den bhreithiúnais atá faoi achomharc (míreanna 228 go 238 agus 239 go 249 den bhreithiúnas atá faoi achomharc).