—

a dhearbhú de bhun Airteagal 277 CFAE nach bhfuil Airteagal 1(1), agus Airteagal 2(1) de Chinneadh (CBES) 2024/2643 (1) ón gComhairle agus Airteagal 2(3) de Rialachán (AE) 2024/2642 (2) ón gComhairle infheidhme maidir leis an iarratasóir;

—

Cinneadh (CBES) 2024/3174 (3) ón gComhairle a chur ar neamhní, a mhéid a liostaítear ainm an iarratasóra san Iarscríbhinn a ghabhann le Cinneadh (CBES) 2024/2643;

—

Rialachán Cur Chun Feidhme (AE) 2024/3188 (4) ón gComhairle a chur ar neamhní, a mhéid a liostaítear ainm an iarratasóra in Iarscríbhinn 1 a ghabhann le Rialachán (AE) 2024/2642;

—

a ordú do Chomhairle an Aontais Eorpaigh EUR 75 000 a íoc leis an iarratasóir as damáiste neamhábhartha;

—

a ordú do Chomhairle an Aontais Eorpaigh costais agus caiteachais iomlána na n-imeachtaí a iompar agus costais agus caiteachais iomlána an iarratasóra a íoc.

1.

An chéad saincheist dlí lena n-éilítear sárú ar an gceart chun cosaint bhreithiúnach éifeachtach agus ar an oibleagáid cúiseanna a lua; níl sé soiléir ón ráiteas ar chúiseanna go háírithe:

2.

An dara saincheist dlí lena n-éilítear neamhdhleathacht Chinneadh (CBES) 2024/2643 agus Rialachán (AE) 2024/2642, lena mbunaítear an réimeas beart sriantach agus na critéir liostála faoi na gníomhartha dlí atá faoi chonspóid; go háirithe, áitíonn an t-iarratasóir go dtéann an córas thar inniúlacht na Comhairle ag gníomhú di faoi Airteagal 29 CAE ar dhá bhealach ar a laghad:

Barr ar sin, a mhéid is atá na bearta sriantacha dírithe ar ghníomhartha ar cionta iad féin a dhéantar laistigh den Aontas agus ar féidir iad a phionósú mar sin faoi dhlíthe na mBallstát, sáraíonn na bearta sriantacha bunphrionsabail an cheartais aiceanta, atá cumhdaithe go háirithe in Airteagail 47 go 50 de Chairt um Chearta Bunúsacha an Aontais Eorpaigh (‘an Chairt’).

3.

An tríú saincheist dlí lena n-éilítear earráidí measúnaithe, ar cheithre bhealach:

Áitíonn an t-iarratasóir go sonrach, agus prionsabal ginearálta de dhlí na fianaise á chur i bhfeidhm, i gcás ina bhfuil roinnt modhanna cruthúnais ar fáil do na hinstitiúidí, go bhfuil sé d’oibleagáid orthu brath ar an modh is iontaofa. In aon chás, ní féidir leis an gComhairle a bheith ag brath ar ailt na meán mar gheall ar an easpa cumhachtaí imscrúdaithe i gcás ina bhfuil na fíricí ábhartha suite laistigh den Aontas, agus nach bhfuil an cásdlí atá bunaithe ar easpa cumhachtaí imscrúdaithe i dtríú tíortha a thugann údar maith le spleáchas ar fhaisnéis den sórt sin infheidhme.

4.

An ceathrú saincheist dlí lena n-éilítear sárú ar phrionsabal na comhréireachta agus ar chearta bunúsacha, go háirithe an ceart chun saol an teaghlaigh a urramú, arna chosaint ag Airteagal 7 den Chairt.

5.

Mar thaca leis an gcaingean ar chúiteamh, braitheann an t-iarratasóir go háirithe ar chlúdach sna meáin chumarsáide agus ar léiriú clúmhillteach den iarratasóir mar dhuine a bhfuil baint aici le duine a líomhnaítear go bhfuil baint aige le cion coiriúil tromchúiseach.