1)

An bhfuil breithiúnais Chúirt Bhreithiúnais an Aontais Eorpaigh i gCásanna C-620/17 agus C-362/18 le léiriú sa chaoi, má cheadaítear le dlí Ballstáit athbhreithniú a dhéanamh ar bhreithiúnas críochnaitheach ar bhonn rialú nua ó chúirt náisiúnta agus mar aon leis sin ón Alkotmánybíróság (an Chúirt Bhunreachtúil, an Ungáir), nach mór glacadh, ar bhonn sainordaitheach, leis an athbhreithniú a fhreaschuireann feidhm res judicata, de bhua phrionsabail an chomhionannais, na héifeachtachta agus an chomhair dhílis, chun comhlíonadh dhlí an Aontais, arna léiriú i mbreithiúnas ón gCúirt Bhreithiúnas, a áirithiú?

2)

Más rud é, ar bhonn an fhreagra ar an gcéad cheist, nach mór glacadh leis an athbhreithniú a fhreaschuireann feidhm res judicata, mar a chéile, chun comhlíonadh dhlí an Aontais, arna léiriú i mbreithiúnas ón gCúirt Bhreithiúnas, a áirithiú, an bhfuil feidhm ag na rialacha nós imeachta faoin dlí náisiúnta a bhaineann le hinghlacthacht an athbhreithnithe?

3)

An féidir le dlínse na cúirte náisiúnta, a áirithíonn cur i bhfeidhm aonfhoirmeach an dlí náisiúnta agus a fheidhmíonn ag an gcéim dheireanach, an méid seo a leanas a chuimsiú, de bhun Airteagal 267 CFAE, eadhon léiriú sriantach nó leathan ar bhreithiúnas ón gCúirt Bhreithiúnais lena léirítear dlí an Aontais, nó léiriú a dhéanann, trí imeacht ó líne léirithe roimhe sin, éifeacht an bhreithiúnais sin a bhaint, ar bhonn fhorálacha an dlí náisiúnta?

4)

An gcuirtear cosc le dlí an Aontais, de bhun Airteagal 267 CFAE, ar fhoráil de chuid Ballstáit — agus an féidir í a fhágáil, dá bhrí sin, gan feidhm — trína bhfuil an chúirt faoi cheangal ag cinneadh a bhfuil sé d’aidhm aige léiriú leanúnach an dlí a áirithiú, a rinne cúirt náisiúnta ag an gcéim dheireanach, fiú má mheasann sí nach ráthaítear leis na measúnuithe substainteacha atá sa chinneadh sin, i bhfianaise léiriú na Cúirte Breithiúnais, éifeachtacht dhlí an Aontais ná cosaint na gceart a bhronntar ar dhaoine aonair?