Iarraidh ar réamhrialú ó Tribunal judiciaire de Guéret (an Fhrainc) a taisceadh an 25 Samhain 2025 – CNP Caution SA v HU, céile VM, VM

(Cás C-760/25, CNP Caution)

(C/2026/1187)

Teanga an cháis: an Fhraincis

An chúirt a rinne an tarchur

Tribunal judiciaire de Guéret

Páirtithe sna príomhimeachtaí

Iarratasóir: CNP Caution SA

Cosantóirí: HU, céile VM, VM

An cheist a tharchuirtear:

I gcás ina bhfuil téarma éagórach sa chonradh iasachta, sa mhéid is go gceadaítear don iasachtóir aisíocaíocht luath na hiasachta a éileamh gan tréimhse réasúnta ama a thabhairt don iasachtaí chun an staid a thabhairt chun rialtachta, agus i gcás ina bhfuil an ráthóir gairmiúil tar éis fiach an phríomhfhéichiúnaí a íoc d’ainneoin nach bhfuil an fiach dlite agus iníoctha ós rud é go bhfuil an t-éileamh ar aisíocaíocht luath neamhbhailí (toisc gur dearbhaíodh é ar bhonn téarma éagórach), an bhfuil dlí náisiúnta a fhágann nach féidir an neamhbhailíocht sin a fhorfheidhmiú i gcoinne an ráthóra ghairmiúil nuair a fheidhmíonn sé a leigheas pearsanta i gcomhréir le dlí an Aontais?