a)

an bhfuil feidhm ag an Rialachán sin ó thaobh ama de, maidir le tréimhse iomlán an tsáraithe, fiú má bhaineann sé leis an tréimhse roimh an 11 Eanáir 2009;

b)

an bhfuil an Rialachán sin neamh-infheidhme, ó thaobh ama de, maidir le tréimhse iomlán an tsáraithe, fiú má bhaineann sé leis an tréimhse ón 11 Eanáir 2009 ar aghaidh; nó

c)

an bhfuil feidhm ag an Rialachán sin, ó thaobh ama de, maidir leis an tréimhse ón 11 Eanáir amháin? Más amhlaidh atá, conas ba cheart a chinneadh cad iad na himeachtaí atá cumhdaithe leis an Rialachán sin agus cad iad na cinn nach bhfuil?

Más freagra dearfach a thabharfar ar Cheist 2(a) nó (c), rud a chiallaíonn go bhfuil Rialachán An Róimh II infheidhme sa chás seo:

a)

damáiste a d'fhulaing páirtí díobhálaithe a cheannaigh na hearraí, a fuair ar cíos nó ar léas iad, a mbaineann an sárú ar an toirmeasc ar chairtéil leo (leoraithe) i dtír ar leith ó dhuine amháin nó níos mó de rannpháirtithe an chairtéil nó ó pháirti idirghabhálach amháin nó níos mó, amhail déileálaithe […];

b)

damáiste a d'fhulaing páirtí díobhálaithe a cheannaigh na hearraí, a fuair ar cíos nó ar léas iad, a mbaineann an sárú ar an toirmeasc ar chairtéil leo (leoraithe) i dtíortha eagsúla ó dhuine amháin nó níos mó de rannpháirtithe an chairtéil nó ó pháirtí idirghabhálach amháin nó níos mó, amhail déileálaithe […];

c)

damáiste a d'fhulaing úsáideoir seirbhísí iompair arna soláthar ag páirtí amháin nó níos mó a ghearr praghsanna níos airde le haghaidh na seirbhísí sin mar thoradh ar an sárú […];

d)

damáiste a d'fhulaing páirtí a mhaíonn gur bhain damáiste dó (freisin) de bharr an mhoille ar theicneolaíochtaí astaíochta nua a thabhairt isteach chun caighdeáin astaíochtaí Eorpacha a bhí ag éirí níos déine a chomhlíonadh, ar damáiste é freisin atá ina iarmhairt freisin ar an sárú agus arb é atá i gceist leis, inter alia, ídiú breosla níos airde agus costais tomhaltais eile níos airde, lena n-áirítear dolaí níos airde […]?

a)

An bhfuil Airteagal 6(3)(b) de Rialachán an Róimh II le léiriú sa chaoi, chun rogha aontaobhach dlí a dhéanamh, nach mór ní hamháin na coinníollacha atá leagtha síos san fhoráil sin a chomhlíonadh, ach freisin an coinníoll ar dá réir go mbaintear damáiste don pháirtí díobhálaithe i roinnt tíortha, agus an tír ina bhfuil a éileamh ar feitheamh san áireamh […]?

b)

An bhfuil Airteagal 6(3)(b) de Rialachán an Róimh II le léiriú sa chaoi nach bhfuil an fhéidearthacht maidir le rogha aontaobhach dlí a dhéanamh ar fáil ach amháin do pháirtithe díobháilaithe ar bhain damáiste dóibh, nó sa chaoi go bhfuil an fhéidearthacht seo ar fáil freisin d’éilitheoirí a bhfuil éilimh leantacha sannta orthu ag páirtithe díobháilaithe […]?