This document is an excerpt from the EUR-Lex website
Document 62024TN0058
Case T-58/24: Action brought on 6 February 2024 — Tiktok Technology v Commission
Cás T-58/24: Caingean arna tabhairt an 6 Feabhra 2024 – Tiktok Technology v an Coimisiún
Cás T-58/24: Caingean arna tabhairt an 6 Feabhra 2024 – Tiktok Technology v an Coimisiún
IO C, C/2024/2173, 25.3.2024, ELI: http://data.europa.eu/eli/C/2024/2173/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
![]() |
Iris Oifigiúil |
GA Sraith C |
C/2024/2173 |
25.3.2024 |
Caingean arna tabhairt an 6 Feabhra 2024 – Tiktok Technology v an Coimisiún
(Cás T-58/24)
(C/2024/2173)
Teanga an cháis: an Béarla
Páirtithe
Iarratasóir: Tiktok Technology Ltd (Baile Átha Cliath, Éire) (ionadaithe: E. Batchelor agus M. Frese, Dlíodóirí)
Cosantóir: an Coimisiún Eorpach
An t-ordú atá á lorg
Iarrann an t-iarratasóir ar an gCúirt Ghinearálta:
— |
go gcuirfí Cinneadh Cur Chun Feidhme C(2023) 8173 ón gCoimisiún an 27 Samhain 2023 lena gcinntear an táille mhaoirseachta is infheidhme do TikTok de bhun Airteagal 43(3) de Rialachán (AE) 2022/2065 ó Pharlaimint na hEorpa agus ón gComhairle (1) ar neamhní ina hiomláine; agus |
— |
a ordú don Choimisiún a chostais féin agus costais an iarratasóra maidir leis na himeachtaí seo a íoc. |
Saincheisteanna dlí agus príomhargóintí
Mar thaca leis an gcaingean, maíonn an t-iarratasóir sé shaincheist dlí.
1. |
An chéad saincheist dlí lena n-éilítear go sáraítear leis an gcinneadh atá faoi chonspóid Airteagal 43(5)(b) de Rialachán (AE) 2022/2065 ó Pharlaimint na hEorpa agus ón gComhairle (‘DSA’) trí mheánlíon faighteoirí gníomhacha in aghaidh na míosa (‘MAR’) a úsáid nach gcomhlíonann le sainmhíniú dlíthiúil DSA ar MAR in Aithris 77 agus Airteagal 3(p) DSA agus ina ionad sin modheolaíocht meastacháin a chur i bhfeidhm nach bhfuil bunús dlí bailí léi faoi Airteagal 43 DSA. |
2. |
An dara saincheist dlí lena n-éilítear go sáraítear leis an gcinneadh atá faoi chonspóid Airteagal 43(5)(c) DSA trí mhainneachtain teorainn táille 0,05 % de ghlanioncam an tsoláthraí (‘teorainn táille’) a chur i bhfeidhm don iarratasóir. |
3. |
An tríú saincheist dlí lena n-éilítear go sáraítear leis an gcinneadh atá faoi chonspóid Airteagal 43(5)(b) DSA trí táillí iarmharcacha a chur ar an iarratasóir. |
4. |
An ceathrú saincheist dlí lena n-éilítear go sáraítear leis an gcinneadh atá faoi chonspóid Airteagal 43(2) DSA toisc go bhforchuirtear táille maoirseachta bunaithe ar na costais lasmuigh de raon feidhme Airteagal 43(2) DSA. |
5. |
An cúigiú saincheist dlí lena n-éilítear go sáraítear leis an gcinneadh atá faoi chonspóid ceart cosanta an iarratasóra. Le cinneadh sealadach mhéid na táille maoirseachta bliantúla, níor tugadh aon deis don iarratasóir barúil a thabhairt ar na sonraí MAR a d’úsáid an Coimisiún ná ar ríomh na táillí iarmharach. |
6. |
An séú saincheist dlí lena n-éilítear go sáraítear leis an gcinneadh atá faoi chonspóid an dualgas cúiseanna a lua. Ní thugtar cúiseanna leordhóthanacha sa chinneadh atá faoi chonspóid maidir le costais an Choimisiúin a chumhdaítear leis an táille maoirseachta, ríomhanna an Choimisiúin maidir le MAR TikTok, sainaithint na soláthraithe a ríomh an teorainn táille, agus na cúiseanna le modheolaíocht choiteann a chur i bhfeidhm. |
(1) Rialachán (AE) 2022/2065 ó Pharlaimint na hEorpa agus ón gComhairle an 19 Deireadh Fómhair 2022 maidir le Margadh Aonair do Sheirbhísí Digiteacha agus lena leasaítear Treoir 2000/31/CE (an Gníomh um Sheirbhísí Digiteacha) (IO 2022 L 277, lch. 1).
ELI: http://data.europa.eu/eli/C/2024/2173/oj
ISSN 1977-107X (electronic edition)