Iarraidh ar réamhrialú ó Administrativen sad Sofia-grad (an Bhulgáir) a taisceadh an 11 Meán Fómhair 2024 – ‘Golf Bulgaria’ EOOD v Savet za elektronni medii

(Cás C-591/24, Golf Bulgaria)

(C/2024/6922)

Teanga an cháis: an Bhulgáiris

An chúirt a rinne an tarchur

Administrativen sad Sofia-grad

Páirtithe sna príomhimeachtaí:

Iarratasóir agus achomharcóir sa chás: ‘Golf Bulgaria’ EOOD

Cosantóir agus freagróir san achomharc: Savet za elektronni medii

An cheist arna tarchur

An gceadaítear le dlí an Aontais reachtaíocht náisiúnta lena gceadaítear don Bhallstát, trí phrionsabal ginearálta dlí, eadhon ‘an mhoráltacht’, a chur isteach sa dlí náisiúnta, bearta breise a thabhairt isteach, lena n-áirítear dliteanas a bhunú, ar bhonn phrionsabal na moráltachta, do sheirbhís sochaí faisnéise ar leith de réir bhrí Threoir 2010/13 (1) agus, más amhlaidh atá, cé mhéid nach gcuirtear srian, le cur i bhfeidhm an phrionsabail theibí sin mar bhonn do dhliteanas i leith sáruithe, ar an tsaoirse chun tuairimí a nochtadh faoi Airteagal 11 den Chairt um Chearta Bunúsacha an Aontais Eorpaigh?

(1)  Treoir 2010/13/AE ó Pharlaimint na hEorpa agus ón gComhairle an 10 Márta 2010 maidir le comhordú forálacha áirithe a leagtar síos le dlí, le rialachán nó le gníomhaíocht riaracháin sna Ballstáit agus a bhaineann le seirbhísí meán closamhairc a sholáthar (Treoir Sheirbhísí na Meán Closamhairc) (IO 2010 L 95, lch. 1).