Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62022TN0763

Cás T-763/22: Caingean arna tabhairt an 7 Nollaig 2022 – Kesaev v an Chomhairle

IO C 35, 30.1.2023, p. 78–79 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

30.1.2023   

GA

Iris Oifigiúil an Aontais Eorpaigh

C 35/78

Caingean arna tabhairt an 7 Nollaig 2022 – Kesaev v an Chomhairle

(Cás T-763/22)

(2023/C 35/98)

Teanga an cháis: an Ollainnis

Páirtithe

Iarratasóir: Igor Albertovich Kesaev (Usovo, an Rúis) (ionadaithe: R. Moeyersons agus A. De Jonge, Dlíodóirí)

Cosantóir: Comhairle an Aontais Eorpaigh

An t-ordú atá á lorg

Iarrann an t-iarratasóir ar an gCúirt Ghinearálta:

—

Cinneadh (CBES) 2022/1530 (1) ón gComhairle an 14 Meán Fómhair 2022 lena leasaítear Cinneadh 2014/145/CBES a bhaineann le bearta sriantacha i ndáil le gníomhaíochtaí lena mbaintear an bonn d’iomláine chríochach, de cheannasacht agus de neamhspleáchas na hÚcráine nó ar bagairt iad na gníomhaíochtaí sin ar an méid sin, arna chur chun feidhme ag Rialachán Cur Chun Feidhme (AE) 2022/1529 (2) ón gComhairle an 14 Meán Fómhair 2022 lena gcuirtear chun feidhme Rialachán (AE) Uimh. 269/2014 ón gComhairle a bhaineann le bearta sriantacha i ndáil le gníomhaíochtaí lena mbaintear an bonn d’iomláine chríochach, de cheannasacht agus de neamhspleáchas na hÚcráine nó ar bagairt iad na gníomhaíochtaí sin ar an méid sin, a chur ar neamhní, a mhéid a bhaineann leis an iarratasóir; síneadh na smachtbhannaí aonair i leith an iarratasóra a chur ar ceal agus an t-iarratasóir a bhaint den liosta in Iarscríbhinn 1 de Rialachán Uimh. 269/2014 (3);

—

a ordú don Chomhairle na costais a íoc.

Saincheisteanna dlí agus príomhargóintí

Tá an chaingean bunaithe ar na forais a leanas:

1.

An chéad saincheist dlí: Tá na cúiseanna chun an t-iarratasóir a chur ar an liosta smachtbhannaí mícheart de réir na bhfíoras nó ní bhaineann siad le hábhar.

—

An chéad chuid: Níl an t-iarratasóir gníomhach, go speisialta, sna hearnálacha gnó sin, ar foinse thábhachtach ioncaim do Chónaidhm na Rúise iad.

—

An dara cuid: Ní dhéanann an t-iarratasóir gníomhaíochtaí ná beartais lena mbaintear an bonn d’iomláine chríochach, de cheannasacht nó de neamhspleáchas na hÚcráine ná den chobhsaíocht ná den tslándáil san Úcráin, nó ar bagairt iad na gníomhaíochtaí sin ar an méid sin, a thacú ná a chur chun feidhme. Ní scairshealbhóir in JSC Detyarev Plant an t-iarratasóir.

—

An tríú cuid: Ní thugann an t-iarratasóir tacaíocht, go hábhartha ná ó thaobh airgeadais de, do Rialtas Chónaidhm na Rúise. Is cumann carthanachta atá neodrach ó thaobh na polaitíochta de iad Monolit Fonds agus ní hionann na boinn agus gradaim a bronnadh agus fianaise de thacaíocht ábhartha ná ó thaobh airgeadais de don Rialtas sin de Chónaidhm na Rúise.

—

An ceathrú cuid: Ní fhaigheann an t-iarratasóir aon tairbhe ó Rialtas Chónaidhm na Rúise. Ní fhaigheann an t-iarratasóir tairbhe eacnamaíoch ná tairbhe eile, trí Monolit Fonds ná trí shlí ar bith eile, ó Rialtas Chónaidhm na Rúise.

—

An cúigiú cuid: Tá na fíorais dá dtagraítear as dáta agus tar éis dul i léig agus ní bhaineann siad le hábhar ó thaobh na smachtbhannaí i gcoinne an iarratasóra (a shíneadh).

—

An séú cuid: Ní chomhlíonann an Chomhairle an dualgas cruthúnais atá uirthi. Ar aon chaoi, braitheann sí go hiomlán ar fhoinsí faisnéise atá claonta, míchruinn agus neamhdheimhnithe. Níl aon fhianaise oibiachtúil iontaofa maidir le líomhaintí na Comhairle.

2.

An dara saincheist dlí: Níor éisteadh an t-iarratasóir agus níor cuireadh ar an eolas i gceart é – sárú ar an gceart chun triail chóir a fháil.

3.

An tríú saincheist dlí: Sáraítear an Chairt um Chearta Bunúsacha an Aontais Eorpaigh tríd an t-iarratasóir a chur ar an liosta smachtbhannaí – Sárú ar Airteagail 6, 8, 16 agus 17, arna léamh i gcomhar le hAirteagal 52, den Chairt.

4.

An ceathrú saincheist dlí: Tá an téarmaíocht atá in úsáid i gCinneadh (CBES) Uimh. 2022/329 (4) chomh doiléir sin go ndéantar an Cinneadh a chur i bhfeidhm go treallach – Sárú ar phrionsabal na deimhneachta dlíthiúla.

5.

An cúigiú saincheist dlí: Tá na smachtbhannaí bunaithe ar idirdhealú. Ní fhorchuirtear smachtbhannaí ar dhaoine i gcásanna inchomparáide agus ní fhorchuirtear smachtbhannaí ar an iarratasóir ach toisc (1) gur duine saibhir é, (2) atá neodrach ó thaobh na polaitíochta de agus (3) gur fear gnó Rúiseach é.

6.

An séú saincheist dlí: Ní mór a ordú don Chomhairle na costais a íoc, ar aon chaoi, ós rud é go raibh an t-iarratasóir den tuairim go raibh air na himeachtaí seo a thionscnamh toisc nach bhfuil an Chomhairle tar éis tabhairt faoina iarraidh ar athbhreithniú.

(1)  IO 2022 L 239, lch. 149.

(2)  IO 2022 L 239, lch. 1.

(3)  Rialachán (AE) Uimh. 269/2014 ón gComhairle an 17 Márta 2014 maidir le bearta sriantacha i ndáil le gníomhaíochtaí lena mbaintear an bonn d’iomláine chríochach, de cheannasacht agus de neamhspleáchas na hÚcráine nó ar bagairt iad na gníomhaíochtaí sin ar an méid sin (IO 2014 L 78, lch. 6).

(4)  Cinneadh (CBES) 2022/329 ón gComhairle an 25 Feabhra 2022 lena leasaítear Cinneadh 2014/145/CBES a bhaineann le bearta sriantacha i ndáil le gníomhaíochtaí lena mbaintear an bonn d’iomláine chríochach, de cheannasacht agus de neamhspleáchas na hÚcráine nó ar bagairt iad na gníomhaíochtaí sin ar an méid sin (IO 2022 L 50, lch. 1).

Top