Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62022TN0307

    Cás T-307/22: Caingean arna tabhairt an 24 Bealtaine 2022 – A2B Connect agus páirtithe eile v an Chomhairle

    IO C 276, 18.7.2022, p. 17–17 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

    18.7.2022   

    GA

    Iris Oifigiúil an Aontais Eorpaigh

    C 276/17

    Caingean arna tabhairt an 24 Bealtaine 2022 – A2B Connect agus páirtithe eile v an Chomhairle

    (Cás T-307/22)

    (2022/C 276/24)

    Teanga an cháis: an Béarla

    Páirtithe sna príomhimeachtaí

    Iarratasóirí: A2B Connect BV (Purmerend, an Ísiltír), BIT BV (Ede, an Ísiltír), Freedom Internet BV (Amstardam, an Ísiltír) (ionadaí: L. Oranje, Dlíodóir)

    Cosantóir: Comhairle an Aontais Eorpaigh

    An t-ordú atá á lorg

    Iarrann na hiarratasóirí ar an gCúirt Ghinearálta:

    —

    Rialachán (AE) 2022/350 ón gComhairle an 1 Márta 2022 lena leasaítear Rialachán (AE) Uimh. 833/2014 a bhaineann le bearta sriantacha i bhfianaise ghníomhaíochtaí na Rúise i ndíchobhsú staid na hÚcráine (1) agus Cinneadh (CBES) 2022/351 ón gComhairle an 1 Márta 2022 lena leasaítear Cinneadh 2014/512/CBES a bhaineann le bearta sriantacha i bhfianaise ghníomhaíochtaí na Rúise i ndíchobhsú staid na hÚcráine (2) a chur ar neamhní de bhun Airteagal 263 CFAE; agus

    —

    a ordú don chosantóir na costais a íoc.

    Saincheisteanna dlí agus príomhargóintí

    Mar thaca leis an gcaingean, maíonn an t-iarratasóir trí shaincheist dlí.

    1.

    An chéad saincheist dlí, lena n-éilítear nach dtugtar le hAirteagal 29 CAE ná le hAirteagal 215 CFAE bunús dleathach don chinneadh a chonspóidtear ná don rialachán a chonspóidtear, faoi seach, agus/nó gur ghníomhaigh an cosantóir lasmuigh dá inniúlacht mar atá cumhdaithe sna Conarthaí, go háirithe Teideal V CAE.

    2.

    An dara saincheist dlí, lena n-éilítear go sáraítear leis an rialacháin a chonspóidtear agus an cinneadh a chonspóidtear Airteagal 11 agus Airteagal 52 den Chairt um Chearta Bunúsacha an Aontais Eorpaigh.

    3.

    An tríú saincheist dlí, lena n-éilítear go sáraítear leis an rialacháin a chonspóidtear agus an cinneadh a chonspóidtear Airteagal 41 den Chairt um Chearta Bunúsacha an Aontais Eorpaigh agus gurb ionann iad agus sárú ar rialacha dlí a bhaineann le cur i bhfeidhm na gConarthaí, go háirithe prionsabail ghinearálta an dea-riaracháin.

    (1)  IO 2022, L 65, lch. 1.

    (2)  IO 2022, L 65, lch. 5.

    Top