Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62022TN0087

    Cás T-87/22: Caingean arna tabhairt an 17 Feabhra 2022 – Hahn Rechtsanwälte v an Coimisiún

    IO C 165, 19.4.2022, p. 38–39 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
    IO C 165, 19.4.2022, p. 32–33 (GA)

    19.4.2022   

    GA

    Iris Oifigiúil an Aontais Eorpaigh

    C 165/32

    Caingean arna tabhairt an 17 Feabhra 2022 – Hahn Rechtsanwälte v an Coimisiún

    (Cás T-87/22)

    (2022/C 165/46)

    Teanga an cháis: an Ghearmáinis

    Páirtithe

    Iarratasóir: Hahn Rechtsanwälte PartG mbB (Bremen, an Ghearmáin) (ionadaí: K. Künstner, Dlíodóir)

    Cosantóir: An Coimisiún Eorpach

    An t-ordú atá á lorg

    Iarrann an t-iarratasóir ar an gCúirt Ghinearálta:

    —

    Cinneadh an Choimisiúin Eorpaigh C(202l) 9326 final an 7 Nollaig 2021 a neamhniú;

    —

    A ordú don Choimisiún Eorpach costais na n-imeachtaí a íoc.

    Saincheisteanna dlí agus príomhargóintí

    Bunaítear an t-iarratas ar thrí shaincheist dlí:

    1.

    An chéad saincheist: Cúis ar bith ann leis an diúltú faoi Airteagal 4(2) de Rialachán (CE) Uimh. 1049/2001 (1)

    —

    Níor léirigh an Coimisiún aon leasanna tráchtála, de réir bhrí Airteagal 4(2) de Rialachán (CE) Uimh. 1049/2001, ar fiú iad a chosaint i ndáil leis na páirtithe in imeachtaí cairtéil AT.40178 – Astaíochtaí ó ghluaisteáin agus níor thug sé faoi scrúdú ar bhonn cás ar chás.

    —

    Ní féidir leis an gCoimisiún brath ar an gcosaint maidir le himscrúduithe toisc go mbaineann sé le himscrúdú maidir le cairtéal a bhfuil clabhsúr curtha leis agus a raibh cinneadh críochnaitheach leis agus níor thug an Coimisiún faoi scrúdú ar bhonn cás ar chás ach an oiread.

    —

    Braitheann an Coimisiún ar an toimhde ghinearálta maidir le neamhnochtadh, cé nach gcomhlíontar na coinníollacha a leagtar síos leis an gcéad agus/nó an tríú fleasc d’Airteagal 4(2) de Rialachán (CE) Uimh. 1049/2001 agus cuirtear, mar thoradh air sin, an gaol idir riail agus eisceacht maidir leis an gceart rochtana bunoscionn, ar bhealach mídhleathach.

    2.

    An dara saincheist: Leas sáraitheach poiblí i nochtadh de réir bhrí Airteagal 4(2) de Rialachán (CE) Uimh. 1049/2001

    —

    Is go héagórach nár ghlac an Coimisiún leis go raibh leas sáraitheach poiblí de réir bhrí Airteagal 4(2) de Rialachán (CE) Uimh. 1049/2001 ann.

    —

    Is léir go raibh sárú ar leas an phobail sa chás seo, ós rud é gur bhain na comhaontuithe frithiomaíocha leis na feistí sáraithe i ngluaisteáin paisinéirí agus go raibh drochthionchar ag astaíochtaí ocsaíde nítrigine iomarcacha ar an tsláinte phoiblí, ar an gcomhshaol agus ar an aeráid.

    —

    De réir chinntí na Gníomhaireachta Eorpaí Comhshaoil (EEA), gach bliain sa Ghearmáin amháin cailltear tuairim is 12 800 duine mar thoradh ar aerthruailliú ó NO2.

    3.

    An tríú saincheist: Scrúdú sonrach ar bith ann maidir le rochtain pháirteach faoi Airteagal 4(2) de Rialachán (CE) Uimh. 1049/2001

    —

    Ní dhearna an Coimisiún scrúdú sonrach a dóthain cé acu an cóir, mar mhalairt, rochtain pháirteach a thabhairt ar an gcomhad i gcomhréir le hAirteagal 4(2) de Rialachán (CE) Uimh. 1049/2001.

    —

    Ní raibh aon scrúdú ann i dtaobh an bhféadtar beart is lú srian maidir leis an gceart rochtana a ghlacadh i leith an iarratasóra.

    (1)  Rialachán (CE) Uimh. 1049/2001 ó Pharlaimint na hEorpa agus ón gComhairle an 30 Bealtaine 2001 maidir le rochtain phoiblí ar dhoiciméid de chuid Pharlaimint na hEorpa, na Comhairle agus an Choimisiúin (IO 2001 L 145, lch. 43).

    Top