AN COIMISIÚN EORPACH

An Bhruiséil,5.5.2026

COM(2026) 180 final

TUARASCÁIL ÓN gCOIMISIÚN CHUIG PARLAIMINT NA hEORPA, CHUIG AN gCOMHAIRLE, CHUIG COISTE EACNAMAÍOCH AGUS SÓISIALTA NA hEORPA AGUS CHUIG COISTE NA RÉIGIÚN

Tuarascáil ar an mBeartas Iomaíochta 2025

{SWD(2026) 125 final}

Clár

1.    Réamhrá    

2. Le beartas iomaíochta nua-aimseartha simplithe, cumasaítear iomaíochas agus fás inbhuanaithe cuimsitheach    

Rialacha agus treoraíocht maidir le státchabhair a nuachóiriú agus a shimpliú.    

Nuachóiriú agus simpliú a dhéanamh ar na treoirlínte maidir le Cumaisc    

Rialacha agus treoraíocht in aghaidh trustaí a nuachóiriú agus a shimpliú.    

Treoirlínte i ndáil leis an Rialachán maidir le Fóirdheontais Eachtracha agus tuarascáil athbhreithnithe    

Tuarascáil athbhreithnithe ar an nGníomh um Margaí Digiteacha    

3. Déanann forfheidhmiú iomaíochta margaí iomaíocha, cothroma agus dea-fheidhmiúla a chosaint agus a éascú    

Rialú státchabhrach    

Forfheidhmiú in aghaidh trustaí    

Rialú cumasc    

Forfheidhmiú an Rialacháin maidir le Fóirdheontais Eachtracha    

Forfheidhmiú an Ghnímh um Margaí Digiteacha    

4. Tairbhí a bhaineann le forfheidhmiú na hiomaíochta do thomhaltóirí agus do shaoránaigh    

5. An beartas iomaíochta i gcomhthéacs Eorpach agus domhanda    

Comhar sa Ghréasán Eorpach Iomaíochta    

Caidreamh idirnáisiúnta - teagmháil a dhéanamh le comhpháirtithe ar fud an domhain    

6. Tacú leis an mbeartas iomaíochta trí chumarsáid agus abhcóideacht    

7. Caidreamh le hinstitiúidí eile de chuid an Aontais    

1. Réamhrá

Tá éiginnteacht mhór ann san Eoraip faoi láthair, éiginnteacht arb é an t-athrú aeráide, athruithe tobanna geopholaitiúla, agus éabhlóid thapa na margaí digiteacha is cúis léi. Tá dúshláin mhóra roimh an Aontas - agus go háirithe roimh gheilleagar an Aontais - lena n-éilítear freagairtí gasta ó lucht ceaptha beartas agus ó reachtóirí. Tá beartas iomaíochta an Aontais ann chun ár bhfolláine san Aontas a áirithiú trí chosaint a thabhairt dúinn ar shaobhadh iomaíochta a dhéanann dochar do leas an phobail. Is meabhrúchán é seo ar fhairsinge shainordú an chomórtais.

Leagtar amach i dtreoirlínte polaitiúla an Uachtaráin von der Leyen 1 fís an Choimisiúin chun freagairt do na dúshláin iomadúla atá roimh an Aontas. Cuid lárnach de shainordú 2025-2029 an Choimisiúin is ea an compás iomaíochais 2 , creat a ceapadh chun go mbeidh an tAontas in ann iomaíochas a fháil ar ais agus rathúnas inbhuanaithe a chinntiú. Leis an gComhaontú maidir le Tionsclaíocht Ghlan 3 , cuirtear an compás iomaíochais chun feidhme. I measc nithe eile, dírítear sa Chomhaontú maidir le Tionsclaíocht Ghlan ar an mbearna nuálaíochta 4 a dhúnadh, ar shlabhraí soláthair ríthábhachtacha a dhaingniú, ar dhícharbónú a ghiaráil, agus ar athléimneacht eacnamaíoch a fheabhsú.

Ó thús an Choimisiúin nua, chuaigh an Leas-Uachtarán Feidhmiúcháin Teresa Ribera i gceannas ar an bpunann iomaíochta agus sainordú aici lena ndírítear ar nuachóiriú, simpliú, forfheidhmiú láidir, agus aistriú glan, cóir agus iomaíoch a áirithiú. Is í an Ard-Stiúrthóireacht um Iomaíocht (AS um Iomaíocht) a chuireann an sainordú sin i bhfeidhm i réimse an chomórtais. Agus rialacha iomaíochta an Aontais á bhforfheidhmiú aige, leanann an Coimisiún de mheasúnuithe dinimiciúla a dhéanamh ar leas tomhaltóirí chun iomaíocht agus acmhainneacht nuálach chuideachtaí an Aontais a chosaint, agus an tráth céanna cuireann sé le hathléimneacht an Aontais agus le cuspóirí an aistrithe ghlais agus an aistrithe dhigitigh a bhaint amach.

Le linn 2025, thug an Coimisiún faoi obair shubstaintiúil a bhí ailínithe lena shainordú. Céim mhór ab ea glacadh Chreat Státchabhrach an Chomhaontaithe maidir le Tionsclaíocht Ghlan (CSCCTG) 5 , lena n-áirithítear tacaíocht mhear spriocdhírithe don aistriú glan agus don aistriú glas agus ilroinnt an mhargaidh aonair á seachaint an tráth céanna. Thairis sin, sheol an Coimisiún athbhreithniú ar na treoirlínte maidir le cumaisc chothrománacha agus neamhchothrománacha chun creat cuimsitheach, intuartha agus marthanach a sholáthar do gach cineál cumaisc agus do gach earnáil eacnamaíoch lena léirítear athruithe claochlaitheacha iomadúla sa gheilleagar, ón digitiú go dtí an domhandú. An tráth céanna, lean an Coimisiún de na rialacha in aghaidh trustaí a fhorfheidhmiú go fuinniúil in aghaidh mí-úsáidí suíomhanna ceannasacha ar an margadh agus cleachtais fhrithiomaíocha eile a chuireann srian ar iomaíocht éifeachtach maidir le praghas, rogha, cáilíocht agus nuálaíocht. Sa chomhthéacs sin, tá bailchríoch á cur ag an gCoimisiún ar a threoirlínte maidir le mí-úsáidí eisiatacha faoi Airteagal 102 CFAE. Chuidigh an Rialachán maidir le Fóirdheontais Eachtracha 6  le cur i gcoinne gníomhaíochtaí frithiomaíocha agus gníomhaíochtaí saofa margaidh a dhéanann gnólachtaí atá gníomhach san Aontas agus a fhaigheann fóirdheontais ó lasmuigh den Aontas. Thairis sin, forfheidhmíodh an Gníomh um Margaí Digiteacha 7 chun an t-iomaíochas digiteach a scaoileadh trí aghaidh a thabhairt ar iompraíocht éagórach geatóirí agus trí iniomaíocht an mhargaidh a áirithiú.

Le forfheidhmiú iomaíochta an Choimisiúin in 2025, athraíodh príomhluachanna an Aontais ina réaltachtaí inláimhsithe margaidh. Áirithíodh leis an obair sin go bhféadfadh iomaíocht a bheith ann ar théarmaí cothroma comhionanna, treisíodh deimhneacht dhlíthiúil do ghnólachtaí, agus cuireadh comhtháthú sa mhargadh aonair chun cinn. Thacaigh sé freisin le hiomaíochas an Aontais in earnálacha straitéiseacha, spreag sé fás inbhuanaithe cuimsitheach, agus chuir sé ar chumas tomhaltóirí agus cuideachtaí tairbhe níos mó a bhaint as buntáistí eacnamaíocha an mhargaidh aonair.

Tugtar forléargas gonta i dTuarascáil 2025 ar an mbeartas iomaíochta ar an gcaoi a bhfuil gníomhaíocht nithiúil déanta ag an gCoimisiún de thosaíochtaí polaitiúla 8 . Tá doiciméad inmheánach oibre ag gabháil leis an Tuarascáil ar an mbeartas iomaíochta, ina dtugtar cuntas cuimsitheach ar fhorbairtí beartais, ar fhorfheidhmiú agus ar phríomh-chásdlí an Aontais i réimse na hiomaíochta. Díríonn an Coimisiún na doiciméid sin chuig Parlaimint na hEorpa, chuig Comhairle an Aontais Eorpaigh (an Chomhairle), chuig Coiste Eacnamaíoch agus Sóisialta na hEorpa (CESE) agus chuig Coiste Eorpach na Réigiún (CnaR).

2. Le beartas iomaíochta nua-aimseartha simplithe, cumasaítear iomaíochas agus fás inbhuanaithe cuimsitheach

Iarrtar i sainordú 2024-2029 ón gCoimisiún go n-aistreofaí beartais an Aontais ó rialáil fhrithghníomhach go gníomhaíocht straitéiseach réamhghníomhach. Chun an cuspóir sin a bhaint amach agus rathúnas agus iomaíochas inbhuanaithe a ráthú, tá sé d’aidhm ag an gCoimisiún a áirithiú go mbeidh rialacha iomaíochta an Aontais nua-aimseartha, cuíchóirithe agus ailínithe le beartais eile an Aontais ionas go rannchuideoidh siad níos mó leis an aistriú glan agus digiteach.

In 2025, lean an Coimisiún de phríomhrialacha iomaíochta a nuachóiriú chun tacú le spriocanna beartais níos leithne an Aontais. Rinneadh rialacha a athbhreithniú agus a shimpliú, agus tá siad á n-athbhreithniú agus á simpliú i gcónaí, chun ualaí rialála agus costais chomhlíontachta a laghdú, chun treoraíocht a fheabhsú, chun intuarthacht a áirithiú, agus chun deimhneacht dhlíthiúil a mhéadú. Is é is aidhm do na hiarrachtaí sin infheistíochtaí criticiúla a dhreasú agus dlús a chur leo ar fud an Aontais.

Mar fhorfheidhmitheoir iomaíochta atá ar thús cadhnaíochta ar fud an domhain, ní mór don Choimisiún a áirithiú go bhfuil a rialacha iomaíochta nua-aimseartha agus go léiríonn siad athruithe ar an margadh. Tá sé sin ríthábhachtach do chlár oibre athbhreithnithe Choimisiún 2024-2029. Chun a áirithiú go leanfaidh an creat iomaíochta de bheith éifeachtach, tá athbhreithniú agus, i gcás inarb iomchuí, athmheas á dhéanamh ag an gCoimisiún ar a rialacháin, a fhógraí, a threoirlínte agus a theachtaireachtaí. Agus an méid sin á dhéanamh aige, tá na rialacha bunúsacha atá fós iontaofa á gcaomhnú ag an gCoimisiún, agus é ag freagairt an tráth céanna do dhúshláin chasta theicneolaíocha, eacnamaíocha agus gheopholaitiúla an lae inniu. Chun a áirithiú go rannchuideoidh an beartas iomaíochta le rathúnas, nuálaíocht agus rogha tomhaltóirí a chur chun cinn, d’iarr an Coimisiún aiseolas poiblí ar chomhaid iomadúla i gcomhairliúcháin phoiblí in 2025.

Rialacha agus treoraíocht maidir le státchabhair a nuachóiriú agus a shimpliú.

Ba thosaíocht straitéiseach é Creat Státchabhrach an Chomhaontaithe maidir le Tionsclaíocht Ghlan (CSCCTG)a ghlacadh in 2025. Tá CSCCTG ceaptha chun aistriú glan an Aontais a éascú ar an luas agus ar an scála is gá agus é mar chuspóir aige príomhghníomhaí domhanda a dhéanamh den Aontas i dteicneolaíochtaí glana úrscothacha. Tá níos mó i gceist leis an gcreat nua ná tacaíocht don dícharbónú a shimpliú agus a bhrostú - aithnítear ann gur infheisteoir straitéiseach é an Stát inár dtodhchaí ghlan-nialasach.Is uirlis é CSCCTG chun uaillmhianta aeráide a spreagadh, athléimneacht an mhargaidh aonair a neartú, agus a áirithiú go leanfaidh tionscal an Aontais de bheith iomaíoch ar fud an domhain. Baineann an tAontas an méid sin amach agus sláine an mhargaidh aonair á cosaint aige, saobhadh míchuí ar an iomaíocht á sheachaint, córais fuinnimh á ndéanamh níos cobhsaí, níos inacmhainne agus níos cothroime, agus torthaí cothroma mhargadh an tsaothair á gcur chun cinn an tráth céanna amhail pá cothrom, dálaí maithe oibre, oiliúint, agus aistriú chuig poist chothroma.

Chun tacú le huas-scálú príomhthionscal agus chun dlús a chur leis agus chun uathriail straitéiseach a fhorbairt - mar a cheanglaítear leis an Teachtaireacht i ndáil leis an gComhaontú maidir le Tionsclaíocht Ghlan - sheol an Coimisiún Mol Tacaíochta Dearaidh i mí Aibreáin 2025 i gcomhthéacs an Fhóraim Chomhpháirtigh Eorpaigh le haghaidh Tionscadail Thábhachtacha ar mhaithe le Leas na hEorpa i gCoitinne 12 . Oibríonn an Mol Tacaíochta Dearaidh go dlúth leis na Ballstáit chun forbairt tionscadal is iarrthóirí IPCEI a chuíchóiriú agus a luathú ó thús go deireadh. Ag deireadh 2025, bhí 4 thionscadal is iarrthóirí IPCEI á bhforbairt sa Mhol Tacaíochta Dearaidh 13 . Ó seoladh é, tá 12 mholadh foilsithe ag Fóram Comhpháirteach Eorpach maidir le Tionscadail Thábhachtacha ar mhaithe le Leas na hEorpa i gCoitinne rud a chuidíonn leis na Ballstáit bunú agus cur chun feidhme IPCEInna a chuíchóiriú, a shimpliú agus a bhrostú.

Chun dul i ngleic leis an ngéarchéim tithíochta, in 2025 glacadh rialacha nua maidir le státchabhair le haghaidh seirbhísí lena ngabhann leas eacnamaíoch ginearálta (SLEG) a bhaineann le tithíocht inacmhainne 14 , lena dtacaítear go díreach le cuspóirí sóisialta le haghaidh aistriú cuimsitheach cóir. Leis na rialacha nua, éascaítear tacaíocht na mBallstát do thithíocht inacmhainne atá tíosach ar fhuinneamh. Leis na rialacha athbhreithnithe atá níos soiléire, simplítear nósanna imeachta agus tugtar níos mó solúbthachta do na Ballstáit chun tacaíocht do thionscnaimh tithíochta sóisialta agus inacmhainne a mhaoiniú. Tá an t-athbhreithniú ina phríomhchuid de Plean Eorpach um Thithíocht Inacmhainne an Choimisiúin a glacadh i mí na Nollag 2025 15 .

I ngeilleagar sóisialta margaidh atá cóir agus cuimsitheach, ba cheart rochtain a bheith ag saoránaigh uile an Aontais ar tháirgí íocshláinte criticiúla. In 2025, sholáthar an Coimisiún treoraíocht do na Ballstáit maidir leis an gcaoi a bhfuil feidhm ag rialacha státchabhrach an Aontais maidir le tacaíocht phoiblí do tháirgí íocshláinte criticiúla 16 i gcomhthéacs an Ghnímh um Tháirgí Íocshláinte Criticiúla atá beartaithe 17 . Leis an nGníomh atá beartaithe, dhreasófaí cuideachtaí cógaisíochta an Aontais chun a slabhraí soláthair a éagsúlú agus borradh a chur faoin monaraíocht chógaisíochta san Aontas. Leis an treoraíocht, cuirtear in iúl do na Ballstáit conas rialacha an Aontais maidir leis an státchabhair a chur i bhfeidhm chun tacú le soláthar táirgí íocshláinte criticiúla.

In 2025, chuir an Coimisiún tús le hathbhreithniú mór ar an Rialachán Ginearálta maidir le Blocdhíolúine (RGBD) 18 i gcomhréir leis an gcompás iomaíochais agus leis an gComhaontú maidir le Tionsclaíocht Ghlan. Is uirlis thábhachtach simpliúcháin é RGBD toisc go laghdaíonn sé an t-ualach rialála ar na Ballstáit agus ar chuideachtaí agus go gceadaíonn sé cabhair a dheonú go caoithiúil gan formheas a fháil roimh ré ón gCoimisiún má chomhlíontar coinníollacha sonracha agus más fíorbheag é saobhadh na hiomaíochta sa mhargadh aonair.

Tá córas iompair éifeachtúil agus inbhuanaithe an Aontais ríthábhachtach chun aistriú glan, cóir agus iomaíoch a bhaint amach, rud a mhéadóidh an comhleanúnachas idir bonneagar fíor-riachtanach agus spriocanna dícharbónaithe. Is cur chun feidhme díreach an Chomhaontaithe maidir le Tionsclaíocht Ghlan agus Straitéis an Choimisiúin um an tSoghluaisteacht Inbhuanaithe agus Chliste é tiomantas an Choimisiúin do lóistíocht ghlas agus do líonraí éifeachtúla 19 . Chuige sin, lean an Coimisiún dá chuid oibre ar an Rialachán maidir le Blocdhíolúine Iompair (TBER) agus ar na treoirlínte maidir le státchabhair le haghaidh iompar de thalamh agus iompar ilmhódach. Tá sé beartaithe leis an Rialachán maidir le Blocdhíolúine Iompair agus leis na treoirlínte aistriú ó bhóthar go hiarnród a spreagadh agus iompar ilmhódach a dhreasú ar nós iarnróid agus uiscebhealaí intíre a chomhcheangal.

Leis na treoirlínte maidir le státchabhair faoin gcóras trádála astaíochtaí (CTA) 20 atá ann faoi láthair, ceadaítear do na Ballstáit státchabhair a thabhairt d’úsáideoirí áirithe atá dian ar leictreachas chun iad a chúiteamh as cuid de na costais arda leictreachais. Áirithítear leis na treoirlínte, a mbeidh feidhm acu go dtí 2030, go n-oibreoidh spriocanna aeráide an Choimisiúin, agus prionsabail iomaíocha an mhargaidh i gcomhar chun dícharbónú a spreagadh. In 2025, sheol an Coimisiún athbhreithniú 21 ar Threoirlínte CTA maidir le státchabhair agus ghlac sé, bunaithe ar na sonraí is déanaí atá ar fáil, nuashonruithe teicniúla 22 a bhaineann, i measc nithe eile, le fachtóirí astaíochta CO2, limistéir gheografacha agus áiríodh leo earnálacha tionsclaíocha breise atá incháilithe do chúiteamh. Rannchuidíonn na rialacha maidir le státchabhair le hathstruchtúrú agus nuachóiriú thionscail an Aontais agus a n-acmhainneachtaí táirgeachta.

Nuachóiriú agus simpliú a dhéanamh ar na treoirlínte maidir le Cumaisc

Ó bunaíodh é, bhí ról lárnach ag rialú cumasc an Aontais maidir leis an margadh aonair a mhúnlú, agus é ag feidhmiú mar ‘ionad ilfhreastail’ cuíchóirithe lena n-éascaítear go rathúil leathnú cuideachtaí, infheistíocht agus intuarthacht an mhargaidh ar fud an Aontais. Áirithíodh leis an gcreat sin rialú éifeachtach cumasc ina láimhseáiltear thart ar 90 % de na cumaisc atá beartaithe ar bhealach simplithe bliain ar bhliain, rud a chuireann fás eacnamaíoch chun cinn. In 2025, fuair an Coimisiún 384 fhógra maidir le cumaisc. Glacadh 325 chinneadh, agus formheasadh 97 % díobh gan choinníollacha. As na cinntí uile, glacadh 88 % díobh trí nós imeachta simplithe. D’údaraigh an Coimisiún 9 gcumasc ar tugadh fógra ina leith faoi réir gealltanas. Níor cuireadh toirmeasc ar aon chumasc beartaithe in 2025, agus níor tharraing na páirtithe a bhfuil fógra á thabhairt acu aon idirbheart siar le linn an imscrúdaithe dara céim. Chun a áirithiú go leanfaidh an creat láidir sin de bheith ina uirlis éifeachtach i ngeilleagar atá ag athrú go tapa, sheol an Coimisiún athbhreithniú mór ar a Threoirlínte maidir le Cumaisc in 2025. Cumhdaítear leis an nuashonrú fíor-riachtanach sin na treoirlínte maidir le cumaisc chothrománacha 23  (lena gcumhdaítear cumaisc i measc iomaitheoirí) agus na treoirlínte maidir le cumaisc neamhchothrománacha 24  (lena gcumhdaítear cumaisc sa slabhra soláthair agus margaí a bhfuil dlúthbhaint acu leo). Tá an t-athbhreithniú sin ailínithe le sainordú an Choimisiúin feabhas a chur ar an iomaíochas domhanda agus aghaidh a thabhairt go héifeachtach ar na dúshláin gheopholaitiúla atá ann faoi láthair agus a bheidh ann amach anseo.

Léiríonn an t-athbhreithniú forbairtí claochlaitheacha sa mhargadh a mbíonn tionchar acu ar dhinimic iomaíoch i roinnt mhaith margaí. Áirítear ar na réaltachtaí nua margaidh sin digitiú tapa, na buntáistí iomaíocha a bhaineann le méideanna ollmhóra sonraí digiteacha faoi chustaiméirí agus iomaitheoirí a rialú, agus an Intleacht Shaorga (IS). I measc na dtosca eile tá domhandú agus dícharbónú gheilleagar an Aontais. Cuireadh tús leis an athbhreithniú cuimsitheach le comhairliúchán poiblí 25 . I ndlúthchomhar le húdaráis iomaíochta náisiúnta an Aontais, shainaithin an Coimisiún roinnt tosca ábhartha amhail nuálaíocht, infheistíochtaí, athléimneacht agus acmhainneacht iomaíoch dhomhanda. Tá coinne leis na treoirlínte athbhreithnithe in 2026 agus léireofar iontu cleachtas athraitheach an Choimisiúin agus cásdlí chúirteanna an Aontais.

Rialacha agus treoraíocht in aghaidh trustaí a nuachóiriú agus a shimpliú.

Tá na rialacha in aghaidh trustaí chomh tábhachtach céanna nuair a théitear i ngleic le hiompar a shaobhann an margadh i ngeilleagar atá ag athrú go tapa. Chun a chinntiú go leanfaidh na rialacha in aghaidh trustaí de bheith éifeachtach amach anseo, tá athbhreithniú á dhéanamh ag an gCoimisiún faoi láthair ar a chroíchreat nós imeachta in aghaidh trustaí (Rialacháin 1/2003 agus 773/2004). Is é an aidhm atá ann feabhas a chur ar éifeachtacht an chreata nós imeachta in aghaidh trustaí, go háirithe nósanna imeachta a shimpliú, dlús a chur le himscrúduithe, agus ar bhonn níos ginearálta a áirithiú go n-oireann uirlisí forfheidhmiúcháin an Choimisiúin do luas tapa an athraithe i margaí nua atá ag teacht chun cinn. In 2025, sheol an Coimisiún glao ar fhianaise agus ceistneoir comhairliúcháin phoiblí chun aiseolas a bhailiú ó pháirtithe leasmhara maidir le roghanna chun athbhreithniú a dhéanamh ar na rialacha. Comhlánaíodh é sin le ceardlann ‘seiceála réadúlachta’ 26 i mí na Nollag 2025 chun tuilleadh plé a dhéanamh le páirtithe leasmhara maidir lena ndearcthaí ar na roghanna beartais éagsúla a leagtar amach sa ghlao ar fhianaise.

Leanadh den obair in 2025 ar threoirlínte nua Airteagal 102 maidir le mí-úsáidí eisiatacha. Tá athbhreithniú á dhéanamh ag an gCoimisiún faoi láthair ar na dréacht-treoirlínte, lena n-ionchorpraítear an t-aiseolas a fuarthas ó chomhairliúchán poiblí, ó cheardlann chomh maith le conclúidí atá le baint as breithiúnais ó chúirteanna an Aontais a eisíodh tar éis fhoilsiú na ndréacht-treoirlínte in 2024. Tá sé d’aidhm ag an gCoimisiún na treoirlínte a ghlacadh in 2026, lena n-áiritheofar go léireofar sa téacs críochnaitheach na breithiúnais chúirte is déanaí de chuid an Aontais a tugadh le linn an phróisis dréachtaithe.

Lean an Coimisiún dá athbhreithniú ar an Rialachán maidir le Blocdhíolúine Aistrithe Teicneolaíochta agus ar na treoirlínte a ghabhann leis in 2025. Tá athbhreithniú á dhéanamh ag an gCoimisiún ar an gcreat sin chun a chinntiú go mbeidh rialacha soiléire, simplí agus cothrom le dáta ag cuideachtaí maidir le comhaontuithe ceadúnúcháin teicneolaíochta atá ar son na hiomaíochta. Le creat athbhreithnithe an Rialacháin maidir le Blocdhíolúine Aistrithe Teicneolaíochta, a bhfuil coinne leis in 2026, éascófar scaipeadh teicneolaíochta, dreasófar T&F&N luathchéime agus, an tráth céanna, laghdófar costais chomhlíontachta agus ualaí riaracháin gaolmhara ar ghnólachtaí.

Treoirlínte i ndáil leis an Rialachán maidir le Fóirdheontais Eachtracha agus tuarascáil athbhreithnithe

Féachann an Rialachán maidir le Fóirdheontais Eachtracha 27 le hiomaíocht a áirithiú ar théarmaí cothroma agus comhionanna trí dhul i ngleic le fóirdheontais lena saobhtar an iomaíocht arna ndeonú ag tríú tíortha do chuideachtaí atá gníomhach sa mhargadh aonair. 28  

In 2025, chuaigh an Coimisiún i gcomhairle le páirtithe leasmhara maidir leis na dréacht-Treoirlínte i ndáil leis an Rialachán maidir le Fóirdheontais Eachtracha. I measc nithe eile, chuirfeadh na treoirlínte nua treoraíocht ar fáil maidir le saobhadh a chinneadh arb é fóirdheontas eachtrach is cúis leis agus maidir leis na critéir a chuirtear i bhfeidhm, agus maidir le cur i bhfeidhm na ‘tástála cothromúcháin’ (is é sin le rá éifeachtaí dearfacha fóirdheontas eachtrach a mheas in aghaidh a n-éifeachtaí saobhacha). Thairis sin, chumhdófaí leis na treoirlínte cumhacht an Choimisiúin cumaisc ‘faoi bhun na tairsí fógartha, tairiscintí poiblí agus na critéir a breithníodh a ghlaoch isteach. Leis na treoirlínte, sholáthrófaí soiléireacht i ndáil le cur i bhfeidhm an Rialacháin maidir le Fóirdheontais Eachtracha le haghaidh cuideachtaí atá i mbun comhchruinnithe agus nósanna imeachta soláthair phoiblí san Aontas.

Sonraítear sa Rialachán maidir le Fóirdheontais Eachtracha nach mór don Choimisiún tuarascáil a chur faoi bhráid Pharlaimint na hEorpa agus na Comhairle faoi mhí Iúil 2026. Chuige sin, rinne an Coimisiún comhairliúchán poiblí agus glao ar fhianaise in 2025 29 chun measúnú a dhéanamh ar chur chun feidhme agus ar fhorfheidhmiú an Rialacháin. Lorgaíodh aiseolas maidir le saincheisteanna oibríochtúla criticiúla, lena n-áirítear na costais a chuireann an Rialachán maidir le Fóirdheontais Eachtracha ar ghnólachtaí, na tairseacha fógartha, an tástáil chothromúcháin 30 , chomh maith le leibhéal castachta na rialacha, agus a n-éifeachtacht maidir le saobhadh sa mhargadh aonair a chosc.

Tuarascáil athbhreithnithe ar an nGníomh um Margaí Digiteacha

Is ionstraim don mhargadh aonair é an Gníomh um Margaí Digiteacha arb é is aidhm dó earnáil dhigiteach an Aontais a dhéanamh níos cothroime agus níos inchoimhlinte 31 . Tá feidhm ag an nGníomh um Margaí Digiteacha maidir le hardáin dhigiteacha mhóra a ainmnítear mar ‘gheatóirí’ 32 agus tá sé beartaithe leis cleachtais éagóracha margaidh a chosc agus inchoimhlinteacht an mhargaidh a mhéadú. Tá feidhm ag raon leathan oibleagáidí maidir le geatóirí ainmnithe, go háirithe idir-inoibritheacht ingearach agus chothrománach, féintosaíocht thoirmiscthe, agus rochtain a thabhairt d’úsáideoirí gnó ar shonraí criticiúla arna gcarnadh ag na hardáin dhigiteacha. Cuireann an Gníomh um Margaí Digiteacha deiseanna níos fearr ar fáil do chuideachtaí an Aontais agus do ghnólachtaí nach gnólachtaí an Aontais iad araon chun dúshlán na ngeatóirí a thabhairt. Cuireann dúshláin den sórt sin borradh faoin nuálaíocht agus, ar deireadh, méadaíonn siad rogha na dtomhaltóirí san Aontas (agus is dócha go rachaidh siad níos faide ná sin mar gheall ar éifeachtaí seach-iarmharta rialála agus eacnamaíocha).

Chun measúnú foirmiúil a dhéanamh ar thionchar luath an Ghnímh um Margaí Digiteacha agus ar a chumas aghaidh a thabhairt ar dhúshláin atá ag teacht chun cinn, amhail leathadh amach claochlaitheach seirbhísí atá cumhachtaithe ag an intleacht shaorga, rinne an Coimisiún comhairliúchán poiblí agus glao ar fhianaise in 2025. Lorgaíodh aiseolas leis an bpróiseas sin ó pháirtithe leasmhara maidir le héifeachtacht agus cur chun feidhme foriomlán an Ghnímh um Margaí Digiteacha agus maidir lena chumas aghaidh a thabhairt ar dhúshláin atá ag teacht chun cinn amhail leathadh amach tapa claochlaitheach seirbhísí atá cumhachtaithe ag an intleacht shaorga. Bunaithe ar an ionchur a fuarthas, tá an chéad tuarascáil athbhreithnithe á hullmhú ag an gCoimisiún, a chuirfear faoi bhráid Pharlaimint na hEorpa, na Comhairle agus CESE faoi mhí na Bealtaine 2026.

3. Déanann forfheidhmiú iomaíochta margaí iomaíocha, cothroma agus dea-fheidhmiúla a chosaint agus a éascú

Tá forfheidhmiú éifeachtach ríthábhachtach i gcónaí chun inchreidteacht agus sláine na rialacha iomaíochta a chosaint. In 2025, le forfheidhmiú láidir ar fud na n-ionstraimí uile - státchabhair, in aghaidh trustaí, rialú cumasc, an Rialachán maidir le Fóirdheontais Eachtracha, agus an Gníomh um Margaí Digiteacha - seasadh le sláine agus athléimneacht an mhargaidh aonair agus, i roinnt mhaith cásanna, athraíodh an fhís straitéiseach maidir le borradh a chur faoin aistriú glan, cóir agus iomaíoch go réadúlacht nithiúil an mhargaidh. Cruthaíonn forfheidhmiú na dálaí margaidh intuartha, trédhearcacha agus cothroma is gá chun é a dhéanamh níos éasca do chuideachtaí fás agus infheistíocht a dhéanamh sa mhargadh aonair agus níos faide i gcéin. Áirithítear leis an tiomantas sin don chothroime go leanfaidh an margadh aonair de bheith ina chothrom iomaíochta, rud a chruthóidh deiseanna nua gnó agus a thabharfaidh rochtain ar phríomh-ionchuir do na rannpháirtithe uile sa mhargadh, a bhfuil go leor acu ag brath ar fhorfheidhmiú an Choimisiúin chun dul san iomaíocht go rathúil. Trí ghníomhú i gcoinne cuideachtaí atá i mbun iompraíocht fhrithiomaíoch a d’fhéadfadh an margadh aonair a ilroinnt, cuidíonn forfheidhmiú iomaíochta an Aontais leis an damáiste eacnamaíoch a mhaolú nuair a bhíonn an tAontas buailte ag suaití eacnamaíocha seachtracha agus ag cur isteach geopholaitiúil.

Cruthaíonn forfheidhmiú iomaíochta an Choimisiúin breisluach AE. Agus tosaíocht á tabhairt dá bhearta forfheidhmiúcháin agus cinneadh á dhéanamh ar cheart imscrúduithe a thionscnamh ar a thionscnamh féin, tá an tionchar ar an margadh aonair ar cheann de na príomhchritéir. Agus cásanna ardtionchair á saothrú aici, úsáideann an Ard-Stiúrthóireacht um Iomaíocht a cuid acmhainní ganna chun tionchar a cuid idirghabhálacha ar son na hiomaíochta a uasmhéadú. Féadfaidh an Coimisiún cásanna áirithe a shaothrú freisin dá luach chun fasaigh a shocrú.

Rialú státchabhrach

Léirigh forfheidhmiú státchabhrach an Choimisiúin in 2025 an chaoi a dtacaíonn an beartas iomaíochta le haistrithe glana, córa agus iomaíocha gheilleagar an Aontais. Léiríonn na cásanna thíos an chaoi a ndearna na Ballstáit a bhfíseanna straitéiseacha a thiontú ina dtionscadail infheistíochta nithiúla.

Borradh a chur faoi fhoinsí fuinnimh in-athnuaite: D’údaraigh an Coimisiún don Fhrainc faoi CSCCTG EUR 11 bhilliún a infheistiú chun dlús a chur le húsáid fuinnimh in-athnuaite 33 . Tacaíonn an tionscadal 20 bliain seo le tógáil agus oibriú 3 cinn d’fheirmeacha gaoithe ar snámh amach ón gcósta. Deonaítear an cistiú tar éis próiseas tairisceana agus is i bhfoirm préimhe athraithí míosúla a bheidh sé, lena léirítear conas is féidir leis na rialacha nua infheistíocht phoiblí spriocdhírithe a éascú ar an luas agus ar an scála is gá le haghaidh claochlú inbhuanaithe.

Scéimeanna dícharbónaithe: Údaraíodh roinnt scéimeanna móra náisiúnta in 2025 chun dlús a chur leis an aistriú chuig geilleagar aeráidneodrach. Mar shampla, formheasadh scéim EUR 5 bhilliún de chuid na Gearmáine chun cabhrú le cuideachtaí atá faoi réir Chóras Trádála Astaíochtaí an Aontais a bpróisis táirgthe a dhícharbónú, rud a éilíonn sprioc laghdaithe astaíochtaí 90 % in aghaidh an tionscadail 34 . Thairis sin, formheasadh plean EUR 2,3 billiún na Fionlainne faoin gcreat sealadach géarchéime agus aistrithe le haghaidh bearta státchabhrach chun tacú le hinfheistíochtaí in earnálacha straitéiseacha agus chun próisis táirgthe a dhícharbónú 35 . Ina theannta sin, formheasadh scéim EUR 1,2 billiún de chuid na hÍsiltíre chun astaíochtaí gás ceaptha teasa saolré a laghdú, agus deonaíodh cistí trí phróiseas tairisceana iomaíoch lena dtugtar tús áite do na tairbhí comhshaoil is mó ar an gcostas is ísle 36 . D’fhormheas an Coimisiún freisin, faoi CSCCTG, scéim cabhrach de chuid na Spáinne chun an tionscal monaraíochta a dhícharbónú. Tacaíonn an scéim le leictriú, aistriú chuig hidrigin in-athnuaite nó ísealcharbóin, aisghabháil dramhtheasa, gabháil, stóráil agus úsáid carbóin, i raon leathan earnálacha. Is éard atá sa chabhair deontais dhíreacha a chinntear ar bhonn déiní cabhrach réamhshainithe. Tá an scéim ar oscailt do chuideachtaí de gach méid agus do shuiteálacha agus d’earnálacha laistigh agus lasmuigh den chóras trádála astaíochtaí 37 .

Acmhainneacht mhonaraíochta leordhóthanach i dteicneolaíochtaí glana a áirithiú: Údaraíodh 6 scéim náisiúnta ag a bhfuil buiséid iomlána EUR 6,7 billiún faoi CSCCTG in 2025, agus iad uile ag rannchuidiú le tagarmharc athléimneachta 40 % an Ghnímh um an Tionscal Glan-nialasachta a bhaint amach 38 . Mar shampla, formheasadh scéim de chuid na hUngáire dar luach EUR 4.1 billiún 39 agus scéim de chuid na hIodáile dar luach EUR 1.5 billiún 40 chun táirgeadh bunaithe ar theicneolaíocht ghlan-nialasach a dhreasú.

Borradh a chur faoi úsáid fuinnimh ghlais: In 2025, d’fhormheas an Coimisiún tacaíocht spriocdhírithe chun foinsí fuinnimh ghlais a fhorbairt. Formheasadh beart de chuid na hOstaire dar luach EUR 400 milliún chun tacú le táirgeadh hidrigine in-athnuaite trí uirlis ‘ceantanna mar sheirbhís’ an Bhainc Eorpaigh Hidrigine 41 . Thairis sin, údaraíodh scéim de chuid na Danmhairge dar luach EUR 36 mhilliún chun úsáid breosla eitlíochta inbhuanaithe a spreagadh chun dlús a chur le dícharbónú na hearnála eitlíochta 42 .

Soláthar slán fuinnimh: In 2025, d’fhormheas an Coimisiún roinnt bearta Státchabhrach arb é is aidhm dóibh a áirithiú go bhfuil acmhainneacht leordhóthanach ann chun leictreachas a tháirgeadh, a stóráil nó a ídiú go solúbtha, agus go bhfreastalaíonn táirgeadh leictreachais ar an éileamh a bhfuil coinne leis. Mar shampla, formheasadh cúlchiste straitéiseach leictreachais EUR 300 milliún de chuid na Sualainne chun slándáil an tsoláthair leictreachais a chosaint i gcásanna éigeandála 43 agus cúlchiste straitéiseach EUR 750 milliún de chuid na hEastóine chun tacú le slándáil an leictreachais 44 . Roghnófar na tionscadail a thairbheoidh den chabhair sa dá bheart trí phróiseas tairisceana iomaíoch atá trédhearcach agus neamh-idirdhealaitheach. Ina theannta sin, d’fhormheas an Coimisiún faoi CEEAG athchóiriú ar shásra acmhainneachta leictreachais uile-mhargaidh na Fraince 45 . Beidh sásra athdheartha na Fraince i bhfeidhm ar feadh deich mbliana le buiséad measta EUR 2 bhilliún in aghaidh na bliana, arb ionann é agus EUR 20 billiún san iomlán thar a thréimhse.

Fuinneamh núicléach-bhunaithe a chomhdhlúthú: In 2025, d’fhormheas an Coimisiún tacaíocht do thógáil agus d’oibriú gléasraí cumhachta núicléiche, rud a rannchuidíonn le dícharbónú na hearnála fuinnimh agus le slándáil an tsoláthair leictreachais. Tar éis grinn-imscrúdú a dhéanamh, údaraíodh beart tacaíochta de chuid na Beilge maidir le síneadh a chur le saolré 2 imoibreoir núicléacha, Doel 4 agus Tihange 3 46 . Ina theannta sin, d’fhormheas an Coimisiún bearta cabhrach don chéad ghléasra cumhachta núicléiche sa Pholainn 47 , ina mbeidh 3 imoibreoir núicléacha nua.

Tionscadal tábhachtach ar mhaithe le leas na hEorpa i gcoitinne - Tech4Cure 48 : In 2025, chun tacú le nuálaíocht cheannródaíoch in earnáil na sláinte, d’fhormheas an Coimisiún tionscadal tábhachtach eile ar mhaithe le leas na hEorpa i gcoitinne in earnáil na sláinte, Tech4Cure. Cuireann an tionscadal tábhachtach sin ar mhaithe le leas na hEorpa i gcoitinne ar chumas 5 Bhallstát (an Fhrainc, an Ungáir, an Iodáil, an tSlóvaic agus an tSlóivéin) suas le EUR 403 mhilliún de chistiú a sholáthar do 10 gcuideachta, rud a chuireann EUR 826 mhilliún breise d’infheistíochtaí príobháideacha ar fáil. D’éirigh le huaillmhian an Choimisiúin níos mó FBManna a bheith rannpháirteach i dtionscadail thábhachtacha ar mhaithe le leas na hEorpa i gcoitinne. In Tech4Cure, is FBManna iad 60 % de na cuideachtaí rannpháirteacha. Thairis sin, cruthaíonn sé éiceachóras níos leithne de thionscadail thábhachtacha ar mhaithe le leas na hEorpa i gcoitinne lena mbaineann comhpháirtithe comhlachaithe agus indíreacha. Cumasaíonn Tech4Cure taighde agus nuálaíocht trasteorann agus an chéad imscaradh tionsclaíoch de ghlúin nua feistí leighis ag a bhfuil ardréitigh dhigiteacha/IS nua chun tacú le coincheap an leighis thuarthaigh, choiscthigh agus phearsantaithe. Is é is aidhm don tionscadal seo cúram sláinte a dhéanamh níos fearr, níos tapúla agus níos saoire. Ina theannta sin, bhí Tech4Cure ina threoirthionscadal do thionscadail thábhachtacha ar mhaithe le leas na hEorpa i gcoitinne de chuid Mhol Tacaíochta Dearaidh, a seoladh in earrach 2025.

Forfheidhmiú in aghaidh trustaí

Lean an Coimisiún de roinnt imscrúduithe in aghaidh trustaí a shaothrú in 2025 in aghaidh cuideachtaí atá gníomhach in go leor margaí, rud a d’áirithigh nach mbaineann na cuideachtaí sin mí-úsáid as a gcumhacht sa mhargadh. Tugadh aird ar leith ar mhargaí digiteacha, a bhfuil gnéithe uathúla acu agus a bhfuil dúshláin ar leith ag baint leo mar gheall ar shamhlacha gnó atá i réim agus dinimic chasta an mhargaidh. Mar shampla, féadfaidh cuideachtaí sonraí nó teicneolaíocht a fháil chun bacainní iontrála a mhéadú nó chun sonraí iomaitheoirí a úsáid ar mhaithe leo féin, mar shampla i gcás ardáin dhigiteacha a bhfuil feidhm dhéach acu nó cuideachtaí atá ag gníomhú mar idirghabhálaí agus mar iomaitheoir araon.

Seirbhísí teicneolaíochta fógraíochta taispeána ar líne: Ghlac an Coimisiún cinneadh Google Adtech 49 in 2025. Baineann an cás le seirbhísí teicneolaíochta fógraíochta taispeána ar líne agus le cleachtais eile a bhaineann le sonraí. Ghearr an Coimisiún fíneáil EUR 2.95 billiún ar Google as mí-úsáid a bhaint as a cheannasacht sa mhargadh trí thús áite a thabhairt dá sheirbhísí teicneolaíochta fógraíochta taispeána ar líne féin chun dochair do sholáthraithe iomaíocha seirbhísí teicneolaíochta fógraíochta, fógróirí agus foilsitheoirí ar líne (‘féintosaíocht’). D’ordaigh an Coimisiún do Google deireadh a chur le cleachtais féintosaíochta agus bearta a chur chun feidhme a chuirfeadh deireadh leis na coinbhleachtaí leasa a bhaineann go dlúth le slabhra soláthair Google Adtech. A luaithe a chuirfear chun feidhme iad, beidh cuideachtaí a úsáideann teicneolaíocht Adtech de chuid Google in ann dul san iomaíocht agus nuáil a dhéanamh ar théarmaí cothroma comhionanna, agus beidh deiseanna níos fearr ag tomhaltóirí roghanna eolasacha a dhéanamh.

Uirlisí cumarsáide digití agus comhair: I gcás Microsoft Teams 50 , ghlac an Coimisiún le gealltanais ó Microsoft chun aghaidh a thabhairt ar ábhair imní iomaíochta maidir le ceangal frithiomaíoch Microsoft Teams le foirne bogearraí Microsoft Office 365 agus Microsoft 365 do chustaiméirí gnó. Faoi na gealltanais, ní mór do Microsoft Microsoft Teams a dhíchuachadh, is é sin le rá leaganacha de na foirne bogearraí sin a thairiscint gan Microsoft Teams a chur san áireamh ar phraghas laghdaithe. Thairis sin, ní mór do Microsoft ligean do chustaiméirí a bhfuil ceadúnais fhadtéarmacha acu aistriú chuig foirne bogearraí gan Microsoft Teams. Ar deireadh, ní mór do Microsoft idir-inoibritheacht le huirlisí cumarsáide iomaíocha a áirithiú agus úsáid réiteach bogearraí iomaíoch a éascú. Bhí na gealltanais sin fíor-riachtanach chun iomaíocht chóir a athbhunú agus chun an margadh a athoscailt do sholáthraithe eile uirlisí cumarsáide agus comhair san Aontas.

Gloine fhrithbhriste le haghaidh gléasanna leictreonacha láimhe: Rinne an Coimisiún ceangailteach ó thaobh dlí de na gealltanais a thug Corning 51 , cuideachta atá lonnaithe sna Stáit Aontaithe, faoi rialacha an Aontais in aghaidh trustaí. Réitítear leis na gealltanais na hábhair imní go bhféadfadh sé gur bhain Corning mí-úsáid as a cheannasacht trí chomhaontuithe soláthair eisiacha a thabhairt i gcrích le haghaidh gloine alúmanaisileacáite alcailí. Úsáidtear an ghloine fhrithbhriste sin le haghaidh fóin chliste agus gléasanna leictreonacha láimhe eile. Gheall Corning gach clásal eisiach déileála a tharscaoileadh agus gan ceanglais foinsithe a fhorchur a thuilleadh ar mhonaróirí buntrealaimh (OEManna) gléasanna leictreonacha láimhe nó cuideachtaí a chríochnaíonn gloine amh (críochnaitheoirí). Thairis sin, ní chuirfidh Corning de cheangal a thuilleadh ar OEManna ná ar chríochnaitheoirí níos mó ná 50 % dá n-éileamh faoi seach a cheannach ón gcuideachta. Leis na gealltanais, beidh sé níos éasca d’iomaitheoirí Corning rochtain a fháil ar an margadh, rud a dhaingneoidh nuálaíocht agus athléimneacht sa slabhra soláthair le haghaidh gléasanna leictreonacha láimhe.

Earraí tomhaltais ardleibhéil: In 2025, ghearr an Coimisiún fíneáil iomlán EUR 157 milliún ar Gucci, Chloé agus Loewe - 3 chuideachta atá gníomhach in earnáil na n-earraí tomhaltais ardleibhéil - as dul i mbun cothabháil praghsanna athdhíola ar fud roinnt Ballstát. 52  Chuir na 3 chuideachta srian le saoirse tráchtála a miondíoltóirí neamhspleácha ar líne agus fisiciúla chun a bpraghsanna féin a shocrú. Cumhdaíodh leis na srianta sin beagnach an raon iomlán táirgí a dhíol na 3 ghnólacht faoina n-ainmneacha branda faoi seach. I measc na dtáirgí bhí corpbheart, earraí leathair, bróga, agus oiriúintí faisin.Athdhearbhaítear leis an gcinneadh sin tiomantas an Choimisiúin dul i ngleic le cleachtais fhrithiomaíocha maidir le cothabháil praghsanna athdhíola, lena n-áirithítear go mbainfidh tomhaltóirí tairbhe as fíoriomaíocht praghsanna.

Freagraí neamhiomlána ar iarrataí ar fhaisnéis: Ghearr an Coimisiún fíneáil EUR 172 000 ar Eurofield SAS agus ar a iar-mháthairchuideachta, Unanime Sport SAS, as freagraí neamhiomlána ar iarrataí ar fhaisnéis a sholáthar i gcomhthéacs imscrúdú in aghaidh trustaí in earnáil na scraithe sintéisí (féar saorga) 53 . Mura n-urramaíonn gnólachtaí atá faoi imscrúdú ag an gCoimisiún a n-oibleagáidí dlíthiúla agus nós imeachta, d’fhéadfaí éifeachtacht imscrúdú an Choimisiúin a chur i mbaol. Ba é sin an chéad uair a ghearr an Coimisiún fíneáil ar chuideachta as faisnéis neamhiomlán a sholáthar in imscrúdú in aghaidh trustaí. Léiríonn an idirghabháil sin forairdeall agus diongbháilteacht mhéadaithe an Choimisiúin smachtbhannaí a fhorchur ar chuideachtaí atá faoi imscrúdú nach gcomhlíonann oibleagáidí nós imeachta.

Treoirlitreacha agus an chéad tuairim: Ní bhaineann cur i bhfeidhm na rialacha iomaíochta le forfheidhmiú ‘crua’ amháin, is é sin le rá dul i ndiaidh cuideachtaí a sháraigh na rialacha iomaíochta cheana féin. Le hidirghabhálacha ‘boga’ amhail treoirlitreacha a eisiúint, cuirtear ar chumas an Choimisiúin deimhneacht dhlíthiúil ex ante a thabhairt do chuideachtaí maidir lena gcomhlíontacht le rialacha in aghaidh trustaí. D’eisigh an Coimisiún dhá threoirlitir 54 in 2025. Baineann an chéad treoirlitir le gnólachtaí atá gníomhach san earnáil mótarfheithiclí 55 . Tugann an litir soiléireacht do chuideachtaí maidir le grúpa caibidlíochta ceadúnúcháin a chruthú chun ceadúnais a chaibidliú maidir le húsáid teicneolaíochtaí a chumhdaítear le bunphaitinní caighdeáin, agus é mar aidhm leis éifeachtúlacht i gceadúnú teicneolaíochtaí digiteacha a mhéadú. Meastar go rannchuideoidh na teicneolaíochtaí sin le dícharbónú na hEorpa agus leis an aistriú chuig spriocanna glan-nialasacha. Tacaíonn an treoirlitir seo le hiomaíochas earnáil mótarfheithiclí an Aontais agus cuireann sí leis an rogha atá ag tomhaltóirí. Baineann an dara treoirlitir le comhar i bhfoirm ceannach comhpháirteach agus sonraíochtaí teicniúla íosta a shocrú maidir le trealamh láimhseála coimeádán leictreach i gcríochfoirt chalafoirt 56 , lena soláthraítear soiléireacht bhreise maidir le tionscnamh inbhuanaitheachta chun an t-aistriú ó threalamh faoi thiomáint díosail go trealamh faoi thiomáint ceallraí a éascú. Ar deireadh, d’eisigh an Coimisiún a chéad tuairim faoin Rialachán maidir le comheagraíocht na margaí i dtáirgí talmhaíochta 57 . Baineann an tuairim seo le táirgeoirí fíona i réigiún Occitanie sa Fhrainc atá ag comhoibriú chun fíon a tháirgeadh go hinbhuanaithe. Leagtar síos sa chomhaontú praghsanna bunaithe ar chostas le haghaidh sé chineál fíonchaor a dhíoltar in idirbhearta bulcfhíona 58 . Shoiléirigh an Coimisiún go bhféadfadh comhordú praghsanna i measc táirgeoirí talmhaíochta a bheith comhoiriúnach le rialacha an Aontais in aghaidh trustaí, ar choinníoll go bhfuil géarghá leis an gcomhordú chun spriocanna sonracha inbhuanaitheachta a bhaint amach. Tugann an tuairim deimhneacht dhlíthiúil do tháirgeoirí fíona leanúint d’infheistíocht a dhéanamh i gcleachtais inbhuanaithe táirgthe fíona.

Áiríodh cairtéil i ngníomhaíochtaí forfheidhmiúcháin 2025 an Choimisiúin freisin - a mheastar a bheith ar na sáruithe is crua ar dhlí na hiomaíochta. Déantar achoimre thíos ar roinnt cinntí lena gcuirtear smachtbhannaí ar iompraíocht fhrithiomaíoch a bhfuil tionchar mór acu ar gheilleagar an Aontais agus a bhfuil éifeachtaí diúltacha díreacha inláimhsithe acu ar thomhaltóirí.

Athchúrsáil feithiclí a bhfuil a ré caite (FRC): Ghearr an Coimisiún fíneáil EUR 458 milliún san iomlán ar 15 mhórmhonaróir gluaisteán agus ar Chomhlachas Mhonaróirí Gluaisteán na hEorpa as páirt a ghlacadh sa chairtéal athchúrsála feithiclí 59 a bhfuil a ré caite (FRC) 60 . Le breis agus 15 bliana anuas, chomhaontaigh na monaróirí gluaisteán agus Comhlachas Mhonaróirí Gluaisteán na hEorpa gan díchóimeálaithe gluaisteán a íoc as FRCanna a phróiseáil toisc gur chomhaontaigh siad athchúrsáil FRCanna a mheas mar ghnó sách brabúsach. Chomhroinn comhaltaí an chairtéil faisnéis atá íogair ó thaobh na tráchtála de freisin, chomhordaigh siad a n-iompar i leith díchóimeálaithe, agus chomhaontaigh siad gan a nochtadh cé mhéad de FRC is féidir a athchúrsáil, a aisghabháil agus a athúsáid agus cé mhéad ábhair athchúrsáilte a úsáidtear i ngluaisteáin nua. Thacaigh an idirghabháil sin ón gCoimisiún go díreach le spriocanna an aistrithe ghlais trí shlabhra luacha na hathchúrsála a chosaint agus tríd an ngeilleagar ciorclach a spreagadh.

Seachadtaí bia agus grósaera ar líne: Ghearr an Coimisiún fíneáil iomlán EUR 329 milliún ar Delivery Hero agus Glovo 61 as cairtéal a oibriú idir mí Iúil 2018 agus mí Iúil 2022. Is éard a bhí i gceist leis an gcairtéal aontú gan fostaithe a chéile a phóitseáil, faisnéis tráchtála íogair a mhalartú, agus margaí geografacha sa Limistéar Eorpach Eacnamaíoch a roinnt. Ba é sin an chéad uair a ghearr an Coimisiún pionós ar chairtéal a rinne difear don mhargadh saothair trí shrian a chur leis an iomaíocht le haghaidh tallainne agus trí dheiseanna d’oibrithe a laghdú, rud a léirigh go gcuireann forfheidhmiú na hiomaíochta fás cuimsitheach chun cinn go gníomhach trí shaorghluaiseacht agus pá cothrom oibrithe ar fud an mhargaidh aonair a chosaint. Ba é sin an chéad uair freisin a thug an Coimisiún aghaidh ar scairsheilbh mhionlaigh a úsáid chun iompar iomaitheoirí a chomhordú.

Ceallraí tosaithe gluaisteán: Ghearr an Coimisiún fíneáil EUR 72 mhilliún san iomlán ar 3 mhonaróir ceallraí tosaithe gluaisteán agus ar an gcomhlachas trádála Eurobat as dul i mbun cairtéal fadtréimhseach maidir le ceallraí tosaithe gluaisteán 62 . Chomhaontaigh na monaróirí préimheanna a chruthú agus a fhoilsiú arna ríomh bunaithe ar phraghas ceannaigh luaidhe. D’aontaigh siad na préimheanna sin a úsáid sa chaibidlíocht praghsanna lena gcustaiméirí OEM faoi seach chun a áirithiú go gcoinneofaí an formhuirear a eascraíonn as sin ar leibhéal níos airde. Tháinig an Coimisiún ar an gconclúid go bhfuil sé neamhdhleathach do sholáthróirí formhuirir a chomhordú go rúnda chun iad a úsáid mar chaighdeán ar fud an tionscail.

Ina theannta sin, rinne an Coimisiún 3 chigireacht gan réamhfhógra ag áitreabh cuideachtaí a raibh amhras fúthu gur sháraigh siad na rialacha in aghaidh trustaí i roinnt tionscal: vacsaíní, deochanna neamh-mheisciúla, agus trealamh sciála. Tá sé ar cheann de na huirlisí forfheidhmiúcháin is tábhachtaí atá ar fáil don Choimisiún i réimse na hiomaíochta iniúchtaí gan réamhfhógra a dhéanamh. Tá cigireachtaí fíor-riachtanach chun fianaise a dhaingniú agus le forfheidhmiú éifeachtach a dhéanamh tá sé riachtanach nach bhfuil coinne leo. Cuireann siad ar chumas an Choimisiúin measúnú oibiachtúil a dhéanamh ar amhras, lena n-áirithítear go n-urramaítear na rialacha iomaíochta agus lena ndíspreagtar iompraíocht fhrithiomaíoch.

Rialú cumasc

In 2025, lean an Coimisiún de na rialacha maidir le cumasc a fhorfheidhmiú chun gnólachtaí agus tomhaltóirí a chosaint ar arduithe praghsanna, ach freisin ar mheath ar pharaiméadair thábhachtacha eile ó thaobh na hiomaíochta de amhail cáilíocht, rogha agus nuálaíocht i roinnt mhaith réimsí ríthábhachtacha de gheilleagar an Aontais. Le rialú cumasc, cuirtear cosc ar chomhchruinnithe a chuireann bac mór ar iomaíocht éifeachtach sa mhargadh inmheánach, as a n-eascraíonn, mar shampla, cumhacht iomarcach sa mhargadh, foriaimh mhargaidh, agus deireadh a chur le hiontrálaithe sa mhargadh, rud a thacaíonn le tosaíochtaí an Choimisiúin.

Tugtar achoimre thíos ar roinnt príomhchásanna a glacadh in 2025 as a n-eascraíonn cinntí maidir le himréiteach atá faoi réir gealltanas. Ina theannta sin, cuirtear dhá chás thábhachtacha i láthair a bhaineann le sáruithe féideartha ar an Rialachán um Chumaisc CE.

Bogearraí le haghaidh sliseanna: D’fhormheas an Coimisiún éadáil Ansys ag Synopsys go coinníollach 63 . Tá gníomhaíochtaí comhlántacha den chuid is mó ag na cuideachtaí atá lonnaithe sna Stáit Aontaithe, ach chinn an Coimisiún go méadódh an t-idirbheart comhchruinniú an mhargaidh agus go laghdódh sé an iomaíocht dhomhanda sna margaí chun na nithe seo a leanas a sholáthar: (i.) bogearraí optaice lena n-insamhlaítear iompar an tsolais i gcórais mhóra mhacrascála (mar shampla scáileáin nó ceannsoilse gluaisteáin); (ii.) bogearraí fótónaice lena n-insamhlaítear an chaoi a n-iompraíonn an solas é féin i gcórais optúla ar scála níos lú (ceamaraí digiteacha nó grianphainéil, mar shampla); agus (iii.) bogearraí anailíse ar ídiú cumhachta ar leibhéal aistrithe a chlárú, ar uirlis bogearraí í a úsáidtear ag céim luath den phróiseas deartha sliseanna chun ídiú cumhachta sliseanna a thomhas. Chun aghaidh a thabhairt ar na hábhair imní sin, thairg na páirtithe cumaisc a gcuid gníomhaíochtaí a dhífheistiú sna margaí achrannacha thuasluaite. Bhí na leigheasanna struchtúracha fíor-riachtanach chun cosc a chur ar dheireadh a chur le hiomaíocht éifeachtach agus chun sláine an tslabhra soláthair a chaomhnú sna margaí criticiúla ardteicneolaíochta sin.

Córais gníomhróra cobhsaitheora chothrománaigh bhearrtha le haghaidh aeraspáis: D’fhormheas an Coimisiún go coinníollach éadáil cuid de ghnó gníomhraithe Collins Aerospace ag Safran USA Inc. 64 (faoi rialú na cuideachta Francaí Safran S.A.) . Chinn an Coimisiún gur laghdaíodh go mór leis an gcumasc an iomaíocht sa mhargadh le haghaidh córais gníomhróra cobhsaitheora chothrománaigh bhearrtha, trí 2 phríomhsholáthróir a chomhcheangal. Chun na hábhair imní maidir le hiomaíocht a réiteach, thairg Safran a ghnó i gcórais gníomhróra cobhsaitheora chothrománaigh bhearrtha uile i Meiriceá Thuaidh a dhífheistiú.

Aerstruchtúir agus aerárthaí móra tráchtála: D’fhormheas an Coimisiún éadáil Spirit ag Boeing faoi réir coinníollacha 65 . Chinn an Coimisiún go raibh an baol ann go laghdódh an t-idirbheart atá beartaithe an iomaíocht in aerstruchtúir dhomhanda agus i margaí móra aerárthaí tráchtála go mór. Go háirithe, d’fhéadfadh Boeing soláthar aerastruchtúir Spirit do Airbus a shrianadh nó a dhéanamh níos measa agus d’fhéadfadh sé rochtain a fháil ar fhaisnéis Airbus atá íogair ó thaobh na tráchtála de. Chun aghaidh a thabhairt ar na hábhair imní sin, gheall Boeing gnólachtaí Spirit uile a sholáthraíonn Airbus a dhífheistiú chuig Airbus féin. Thairis sin, gheall Boeing Spirit AeroSystems Malaysia a dhífheistiú chuig Composites Technology Research Malaysia.

Coimeádáin pacáistithe alúmanaim agus claibíní le haghaidh bia fliuch do pheataí agus don duine: D’fhormheas an Coimisiún éadáil Aluflexpack ag Constantia, faoi réir coinníollacha 66 . Chinn an Coimisiún go laghdódh an t-idirbheart atá beartaithe an iomaíocht sa mhargadh chun coimeádáin agus claibíní alúmanaim steirilithe a sholáthar le haghaidh bia fliuch do pheataí agus don duine san Aontas, rud a d’fhágfadh go mbeadh praghsanna níos airde agus níos lú roghanna ann do chustaiméirí. Chun aghaidh a thabhairt ar ábhair imní an Choimisiúin, thairg Constantia gnó Aluflexpack le haghaidh bia fliuch do pheataí agus don duine a dhífheistiú ina iomláine in LEE.

Tarchuir cumasc faoi Airteagal 22 den Rialachán um Chumaisc CE: D’fhormheas an Coimisiún go coinníollach éadáil bheartaithe Boissons Heintz ag Brasserie Nationale 67 . Tharchuir Lucsamburg an cás chuig an gCoimisiún de bhun Airteagal 22 den Rialachán um Chumaisc toisc nach bhfuil córas náisiúnta maidir le rialú cumaisc aige. Leis an idirbheart bunaidh, thabharfaí le chéile 2 phríomhdháileoir mórdhíola deochanna Lucsamburg d’óstáin, do bhialanna agus do chaiféanna i Lucsamburg, rud a chuirfeadh iomaitheoirí níos lú faoi mhíbhuntáiste. Chun aghaidh a thabhairt ar na hábhair imní sin, gheall na páirtithe cumaisc formhór ghníomhaíochtaí dáileacháin deochanna Boissons Heintz a dhífheistiú chuig ceannaitheoir oiriúnach. Áirítear sa phacáiste leighis rogha don cheannaitheoir ainm, siopa ar líne, agus comhaontuithe allmhairiúcháin eisiacha Boissons Heintz a fháil. Ina theannta sin, chuir an Ostair agus an Ísiltír éadáil Downtown ag UMG 68 faoi bhráid an Choimisiúin faoi Airteagal 22 den Rialachán um Chumaisc CE. Bhí an t-idirbheart atá beartaithe in imscrúdú an dara céim ag deireadh 2025.

Sárú féideartha ar an oibleagáid neamhghníomhaíochta: Tá sé ríthábhachtach a áirithiú go n-urramóidh cuideachtaí cineál ex ante chóras an Aontais maidir le rialú cumasc chun iomaíocht éifeachtach a chaomhnú laistigh den mhargadh aonair. Chuige sin, d’eisigh an Coimisiún ráiteas agóidí do Vivendi, 71 inar cuireadh in iúl don chuideachta a réamhthuairim gur sháraigh sí an oibleagáid neamhghníomhaíochta in Airteagal 7(1) den Rialachán um Chumaisc CE - lena gceanglaítear nach gcuirfidh cuideachtaí cumasc chun feidhme sula bhformheasfar é - agus na coinníollacha a ghabhann leis an gcinneadh maidir le himréiteach cumaisc Vivendi/Lagardère 72 . Is é réamh-mheasúnú an Choimisiúin gur fheidhmigh Vivendi tionchar cinntitheach ar oibríochtaí meán Lagardère sular cuireadh an éadáil i gcrích.

Forfheidhmiú an Rialacháin maidir le Fóirdheontais Eachtracha

In 2025, lean an Coimisiún den Rialachán maidir le Fóirdheontais Eachtracha a fhorfheidhmiú go dian chun an tAontas a chosaint ar fhóirdheontais lena saobhtar an iomaíocht arna ndeonú ag tíortha nach Ballstáit den Aontas iad do chuideachtaí atá ag feidhmiú sa Mhargadh Aonair. D’fhéadfadh saobhadh den sórt sin teacht chun cinn i ndáil le haon ghníomhaíocht eacnamaíoch, agus go háirithe i gcomhchruinnithe agus i nósanna imeachta soláthair phoiblí. Tá an Rialacháin maidir le Fóirdheontais Eachtracha á chomhfhorfheidhmiú ag an Ard-Stiúrthóireacht um Iomaíocht agus ag an Ard-Stiúrthóireacht um an Margadh Inmheánach, Tionsclaíocht, Fiontraíocht agus FBManna (AS GROW) 73 . Tá sé ríthábhachtach an Rialachán a fhorfheidhmiú go réamhghníomhach - lena n-áirítear imscrúduithe féintionscnaimh - chun iomaíochas domhanda an Aontais a chaomhnú.

Le linn na bliana, rinne an Coimisiún imscrúdú, mar shampla, ar éadáil Covestro AG (soláthróir Gearmánach polaiméirí agus comhpháirteanna ardfheidhmíochta) ag Abu Dhabi National Oil Company PJSC (ADNOC), cuideachta ola náisiúnta Abu Dhabi. Tar éis grinn-imscrúdú a dhéanamh, thairg ADNOC gealltanais, a rinne an Coimisiún ceangailteach ó thaobh dlí ina dhiaidh sin i gcinneadh maidir le gealltanas 74 . Bhí na gealltanais sin fíor-riachtanach chun na héifeachtaí saofa ar an margadh aonair ó na fóirdheontais eachtracha a leigheas (ráthaíocht Stáit neamhtheoranta agus sochair chánach do ADNOC, chomh maith le méadú tiomanta caipitil ag ADNOC chuig Covestro). Dhéanfadh na fóirdheontais sin an iomaíocht a shaobhadh le linn an phróisis éadála agus le linn ghníomhaíochtaí margaidh an eintitis chomhcheangailte amach anseo. Ar an gcéad dul síos, gheall ADNOC an ráthaíocht Stáit neamhtheoranta a bhaint, trína airteagail chomhlachais a oiriúnú ionas nach n-imeoidh siad a thuilleadh ó ghnáthdhlí dócmhainneachta Aontas na nÉimíríochtaí Arabacha. Ar an dara dul síos, gheall ADNOC paitinní inbhuanaitheachta Covestro a roinnt leis na cuideachtaí sin atá ag brath go háirithe ar theicneolaíocht inbhuanaitheachta Covestro. Chinn an Coimisiún go leigheasfadh na gealltanais atá á dtairiscint go hiomlán agus go héifeachtach na héifeachtaí saofa ar an margadh aonair arb iad na fóirdheontais eachtracha is cúis leo. Is é cinneadh ADNOC/Covestro an dara cinneadh críochnaitheach ón gCoimisiún faoin Rialachán ó tháinig sé i bhfeidhm.

Thairis sin, in 2025, chuir an Coimisiún tús le himscrúdú domhain féintionscnaimh ar Nuctech 75 , cuideachta faoi úinéireacht na Síne atá gníomhach i monarú agus i ndíol córas braite bagairtí (scanóirí a úsáidtear, mar shampla, ag aerfoirt, i gcalafoirt agus ag teorainneacha). Bhí tásca ag an gCoimisiún gur deonaíodh fóirdheontais eachtracha do Nuctech, rud a chuir ar a chumas praghsanna agus coinníollacha a thairiscint nach bhféadfadh gníomhaithe eile sa mhargadh a mheaitseáil. Má dheimhnítear na hábhair imní iomaíocha sin san imscrúdú, féadfaidh an Coimisiún bearta sásaimh a fhorchur nó glacadh le gealltanais a thairgeann an chuideachta lena dtabharfaí aghaidh ar na hábhair imní.

Rinne an Coimisiún cigireacht gan réamhfhógra amháin freisin faoin Rialachán maidir le Fóirdheontais Eachtracha ag áitreabh cuideachta atá gníomhach san earnáil ríomhthráchtála 76 agus lean sé de bheith ag obair ar a réamh-athbhreithniú in earnáil an fhuinnimh gaoithe.

Forfheidhmiú an Ghnímh um Margaí Digiteacha

Cinntítear leis an nGníomh um Margaí Digiteacha gur féidir le cuideachtaí de gach méid dul san iomaíocht, rud a fheabhsaíonn tarraingteacht an mhargaidh aonair agus a chuireann deiseanna nua ar fáil do ghnólachtaí an Aontais agus do ghnólachtaí eachtracha araon 77 . Ó tháinig an Gníomh um Margaí Digiteacha i bhfeidhm, agus le linn 2025, tá tairbhí inláimhsithe agus praiticiúla ann do ghnólachtaí agus do thomhaltóirí araon mar thoradh ar a fhorfheidhmiú. Mar shampla, d’oscail forfheidhmiú an Gníomh um Margaí Digiteacha éiceachórais mhóibíleacha, rud a chuir ar chumas forbróirí aipmhargaí iomaíocha a thairiscint ar iOS agus iPadOS Apple. Thairis sin, is féidir eSIManna 78 a aistriú anois chuig fóin Android agus iPhone agus uathu, rud a áirithíonn idir-inoibritheacht iomlán. Tairgtear rogha-scáileán d’úsáideoirí freisin ionas gur féidir leo an brabhsálaí réamhshocraithe is fearr leo a roghnú go héasca ar ghléasanna iOS.

Is gné ríthábhachtach den Ghníomh um Margaí Digiteacha é an t-idirphlé rialála. In 2025, bhí idirphlé rialála ag an gCoimisiún le gach cuideachta a ainmníodh mar gheatóir. Is bealach éifeachtach é an cineál malartaithe sin chun fadhbanna a chosc sula dtarlaíonn siad, muinín a chothú idir na páirtithe lena mbaineann, agus comhlíonadh luath an Ghnímh um Margaí Digiteacha a spreagadh. Cuireann idirphlé rialála ar chumas an Choimisiúin iompraíocht geatóirí a threorú beagnach i ‘bhfíor-am’, seachas a bheith ag brath ar fhorfheidhmiú iomaíochta ex post amháin. In 2025, d’eagraigh an Coimisiún 6 cheardlann um chomhlíonadh teicniúil freisin 79 , rud a chuir ar chumas páirtithe leasmhara réitigh chomhlíontachta bheartaithe a phlé leis an gCoimisiún agus leis na geatóirí iad féin.

Ghlac an Coimisiún a chéad chinntí tar éis imeachtaí sonraíochta 80 . Le cinntí sonraíochta den sórt sin, soláthraítear treoraíocht shonrach maidir le comhlíonadh do na geatóirí ainmnithe. Sonraíodh i gcinntí sonraíochta an Choimisiúin an méid nach mór do Apple a dhéanamh chun idir-inoibritheacht éifeachtach gan uaim a áirithiú idir iOS, iPadOS agus córais oibriúcháin iomaíocha. Tá achomharc déanta ag Apple in aghaidh an dá chinneadh sonraíochta 81 .

Thairis sin, thug an Coimisiún 3 imscrúdú neamhchomhlíontachta i gcrích in 2025 82 . Tar éis idirphlé rialála cuiditheach, dhún an Coimisiún a imscrúdú ar ailtireacht rogha úsáideora 83 Apple nuair a chomhaontaigh an chuideachta a scáileán roghanna brabhsálaí a athrú, rud a d’fhág go raibh sé níos éasca d’úsáideoirí brabhsálaí réamhshocraithe nua a shocrú ar a ngutháin iPhone.

I gcás ar leith, chinn an Coimisiún gur sháraigh cleachtais frithstiúrtha Apple an Gníomh um Margaí Digiteacha agus d’fhorchuir sé fíneáil EUR 500 milliún 84 . D’fhorchuir an Coimisiún ordú stop agus scoir freisin lena gcuirtear d’oibleagáid ar Apple deireadh a chur leis na srianta teicniúla agus tráchtála uile maidir le stiúradh laistigh de 60 lá. Rinne Apple achomharc i gcoinne an chinnidh 85 . Ina dhiaidh sin, rinne an chuideachta athbhreithniú ar a téarmaí conarthacha maidir le dáileadh aipeanna ar iOS.

Thairis sin, chinn an Coimisiún gur sháraigh samhail fógraíochta ‘íoc nó toiligh' de chuid Meta an Gníomh um Margaí Digiteacha agus d’fhorchuir sé fíneáil EUR 200 milliún 86 agus d’fhorchuir sé ordú stop agus scoir lena gceanglaítear ar Meta an tsamhail a dhéanamh comhlíontach laistigh de 60 lá. Rinne Meta achomharc i gcoinne an chinnidh 87 . Tar éis idirphlé le Meta, thug an Coimisiún dá aire an gealltanas atá beartaithe ag Meta leagan malartach, saor in aisce dá líonraí sóisialta a thairiscint d’úsáideoirí san Aontas trí níos lú sonraí pearsanta agus fógraíocht nach bhfuil chomh spriocdhírithe céanna a úsáid.

Thairis sin, sheol an Coimisiún imeachtaí maidir le sárú féideartha ar an nGníomh um Margaí Digiteacha ag Google trí ábhar foilsitheoirí meán i dtorthaí cuardaigh a ísliú 88 . Díríonn imscrúdú an Choimisiúin go sonrach ar bheartas Google maidir le ‘mí-úsáid clú ar an suíomh’ lena gcinntear an gcomhlíonann a chur i bhfeidhm oibleagáidí an Ghnímh um Margaí Digiteacha.

Chuir an Coimisiún tús freisin le trí imscrúdú margaidh ar sheirbhísí néalríomhaireachta le linn 2025. In dhá imscrúdú margaidh, déantar measúnú ar cé acu ba cheart nó nár cheart Amazon agus Microsoft a ainmniú mar gheatóirí dá seirbhísí néalríomhaireachta, Amazon Web Services agus Microsoft Azure 89 . Scrúdaítear sa tríú himscrúdú margaidh an dtéann oibleagáidí an Ghnímh um Margaí Digiteacha i ngleic go héifeachtach le cleachtais a d’fhéadfadh teorainn a chur leis an iomaíochas agus leis an gcothroime in earnáil néalríomhaireachta an Aontais 90 .  

Ní dhearnadh aon ainmniú nua geatóra in 2025. Tháinig an Coimisiún ar an gconclúid, áfach, nár cheart seirbhís idirghabhála ar líne Facebook Marketplace de chuid Meta a ainmniú a thuilleadh mar gheatóir faoin nGníomh um Margaí Digiteacha 91 . Laghdaigh na hathruithe a rinne Meta ar Facebook Marketplace líon na n-úsáideoirí gnó ionas nár chomhlíon Facebook Marketplace tairseacha ainmniúcháin an Ghnímh um Margaí Digiteacha a thuilleadh.

4. Tairbhí a bhaineann le forfheidhmiú na hiomaíochta do thomhaltóirí agus do shaoránaigh     

Cruthaíonn forfheidhmiú an Choimisiúin i réimsí na ndlíthe in aghaidh trustaí agus na gcumasc tairbhí díreacha do shaoránaigh. Déanann an Ard-Stiúrthóireacht um Iomaíocht tionchar a forfheidhmithe a thomhas i réimsí na ndlíthe in aghaidh trustaí (cairtéil agus neamhchairtéil in aghaidh trustaí) agus an rialaithe cumasc ar roinnt bealaí.

Beart tábhachtach is ea ‘coigilteas díreach do chustaiméirí’, is é sin le rá éifeachtaí praghais díreacha dóchúla do chustaiméirí i margaí ina ndearna an Coimisiún idirghabháil. Bunaithe ar mhodh simplithe ECFE, measann an Ard-Stiúrthóireacht um Iomaíocht gurbh fhiú suim sa raon EUR 12,4 - 21,9 billiún an coigilteas díreach do chustaiméirí arna ghiniúint ag forfheidhmiú an Choimisiúin in aghaidh trustaí (cairtéil agus neamhchairtéil in aghaidh trustaí) agus forfheidhmiú cumasc in 2025. I dtéarmaí coibhneasta, shábháil forfheidhmiú iomaíochta thart ar EUR 60 - 100 in aghaidh na bliana do gach teaghlach san Aontas sa tréimhse 2012-2025.

Ní hé an Coimisiún forfheidhmitheoir aonair na rialacha iomaíochta de chuid an Aontais. Tá ról gníomhach ag a chomhpháirtithe sa Ghréasán Eorpach Iomaíochta freisin. In 2025, lean an Ard-Stiúrthóireacht um Iomaíocht agus údaráis iomaíochta náisiúnta rannpháirteacha laistigh den Ghréasán Eorpach Iomaíochta de bheith ag obair chun coigilteas breise do chustaiméirí arna ghiniúint ag gníomhaíocht forfheidhmiúcháin a rinne na húdaráis iomaíochta náisiúnta sin a thomhas. Le haghaidh na tréimhse 2020-2024, léirítear san anailís gur fiú raon EUR 18 - 30 billiún in aghaidh na bliana an coigilteas comhcheangailte custaiméirí. Ciallaíonn sé sin go ndéanann na húdaráis iomaíochta náisiúnta 50 % eile ar a laghad den choigilteas díreach sa bhreis ar an gcoigilteas a ghineann an Coimisiún. Comhfhreagraíonn méid iomlán an choigiltis dhírigh do chustaiméirí do thart ar EUR 100-160 in aghaidh an teaghlaigh in aghaidh na bliana don tréimhse sin.

Ní hamháin go mbíonn tionchar dearfach eacnamaíoch ag forfheidhmiú an bheartais iomaíochta ar an leibhéal micreacnamaíoch. Feidhmíonn sé freisin mar spreagadh tábhachtach don leas agus don fhás ar an leibhéal maicreacnamaíoch. Is féidir laghduithe measta ar phraghsanna a eascraíonn as idirghabhálacha beartais iomaíochta (go díreach agus go hindíreach, trí éifeachtaí díspreagtha) a úsáid chun feabhas a chur ar tháscairí feidhmíochta ar fud an gheilleagair maidir le hinfheistíocht, fostaíocht, praghsanna, táirgiúlacht agus ar deireadh thiar ar an olltáirgeacht intíre (OTI) 92 .

5. An beartas iomaíochta i gcomhthéacs Eorpach agus domhanda

Comhar sa Ghréasán Eorpach Iomaíochta

Le comhar i nGréasán Eorpach Iomaíochta, rannchuidítear le forfheidhmiú comhsheasmhach agus éifeachtach rialacha an Aontais in aghaidh trustaí, áirithítear comhtháthú forfheidhmiúcháin agus cuirtear cultúr coiteann iomaíochta chun cinn san Aontas.

Cuireann an Coimisiún agus údaráis iomaíochta náisiúnta an Aontais rialacha an Aontais in aghaidh trustaí (Airteagail 101 agus 102 CFAE) i bhfeidhm an tráth céanna. Sa Ghréasán Eorpach Iomaíochta, comhordaíonn siad gníomhaíochtaí forfheidhmiúcháin agus oibríonn siad i gcomhar le chéile chun a áirithiú go gcuirtear na rialacha sin i bhfeidhm ar bhealach éifeachtach comhsheasmhach ar fud na mBallstát uile agus chun cultúr iomaíochta coiteann de chuid an Aontais a chur chun cinn. Chuige sin, tá sé d’oibleagáid ar údaráis iomaíochta náisiúnta an méid seo a leanas a dhéanamh: (i.) an Coimisiún a chur ar an eolas faoi imscrúdú nua ag céim an chéad bhirt imscrúdaithigh fhoirmiúil; agus (ii.) fógra a thabhairt don Choimisiún faoi na cinntí náisiúnta atá beartaithe acu lena gcuirtear rialacha an Aontais in aghaidh trustaí i bhfeidhm.

In 2025, sheol an Coimisiún agus na húdaráis iomaíochta náisiúnta 154 imscrúdú nua agus thug na húdaráis iomaíochta náisiúnta fógra don Choimisiún faoi 71 chinneadh atá beartaithe. Bíonn cruinnithe rialta ag an gCoimisiún agus ag na húdaráis iomaíochta náisiúnta i meithleacha éagsúla chun plé a dhéanamh agus tuairimí a mhalartú maidir le himscrúduithe nua agus imscrúduithe atá ar siúl faoi láthair, forbairtí cásdlí, agus saincheisteanna éagsúla eile a bhaineann leis an mbeartas iomaíochta. In 2025, tionóladh 37 gcruinniú den Ghréasán Eorpach Iomaíochta.

Caidreamh idirnáisiúnta - teagmháil a dhéanamh le comhpháirtithe ar fud an domhain

Tá gníomhaíochtaí idirnáisiúnta an Choimisiúin i réimse na hiomaíochta tábhachtach chun Aontas níos iomaíche agus níos teanntásaí a chruthú, ós rud é go bhfuil an iliomad dúshlán geopholaitiúil os comhair an Aontais a d’fhéadfadh an domhan a ilroinnt go polaitiúil agus go heacnamaíoch. I measc nithe eile, tá an comhar idirnáisiúnta i réimse na hiomaíochta bunaithe ar mhuinín, ar chomhroinnt eolais agus ar mhalartú dea-chleachtas. Tá forfheidhmiú comhordaithe iomaíochta ar fud dlínsí níos tábhachtaí anois ná riamh. Ós rud é go n-aithnítear an tAontas go forleathan mar dhéantóir beartas iomaíochta agus mar fhorfheidhmitheoir atá ar thús cadhnaíochta ar fud an domhain, is féidir leis leas a bhaint as a chomhpháirtíochtaí chun ord idirnáisiúnta riailbhunaithe a chosaint. 

In 2025, rinne an Coimisiún a rannpháirtíocht le heagraíochtaí iltaobhacha a dhoimhniú, lean sé d’infheistíocht a dhéanamh i gcaidrimh dhéthaobhacha trí chomhaontuithe comhair agus trádála (go háirithe leis an Ríocht Aontaithe, le Ceanada, leis an tSeapáin agus leis an tSín), agus trína ghníomhaíochtaí comhair le tíortha san Afraic chun comhordú dhlí na hiomaíochta agus a fhorfheidhmiú a chothú. Lean an Coimisiún freisin dá rannpháirtíocht le tíortha is iarrthóirí (agus le tíortha is iarrthóirí ionchasacha) atá ag lorg ballraíochta san Aontas.

Eagraíochtaí iltaobhacha: Chuaigh an Coimisiún i dteagmháil le fóraim idirnáisiúnta amhail Coiste Iomaíochta na hEagraíochta um Chomhar agus Forbairt Eacnamaíochta (ECFE), Fóram Domhanda ECFE maidir le hIomaíocht, an Líonra Idirnáisiúnta um Iomaíocht (LII), agus Comhdháil na Náisiún Aontaithe ar Thrádáil agus Forbairt (UNCTAD). Díríodh san obair sin ar chóineasú domhanda a mhéadú maidir le príomhdhúshláin forfheidhmiúcháin, mar shampla iad siúd a eascraíonn as digitiú tapa, tionchar na hintleachta saorga, agus buaicphointe an aistrithe ghlais ar a ghníomhaíochtaí in ECFE, ba é príomhóráid an Leas-Uachtaráin Feidhmiúcháin Ribera 93 ag Fóram Domhanda ECFE maidir le hIomaíocht, áit a raibh an Coimisiún ar cheann de na príomhscrúdaitheoirí in Athbhreithniú Piaraí ECFE ar chreat iomaíochta na Céinia 94 . Sa LII, ceann de phríomhéachtaí an Choimisiúin in 2025 ba ea bailchríoch a chur ar a chomhchathaoirleacht ar Mheitheal an LII um chumaisc trí chaibidlí nuashonraithe a thabhairt maidir le héifeachtaí aontaobhacha agus comhordaithe do chleachtais mholta LII le haghaidh anailís ar chumaisc 95 .

Comhaontuithe Saorthrádála: Tá sé d’aidhm ag an gCoimisiún forálacha láidre maidir le beartas iomaíochta agus rialú fóirdheontais a chur san áireamh agus comhaontuithe saorthrádála á gcaibidliú aige. In 2025, tugadh caibidlíocht maidir le comhaontuithe saorthrádála i gcrích leis an Indinéis agus leanadh di leis an India, leis an Malaeisia, leis na hOileáin Fhilipíneacha, leis an Téalainn, agus le comhlachas de 5 thír in Oirthear agus i nDeisceart na hAfraice, ESA-5 mar a thugtar air 96 . Thairis sin, chuir an Coimisiún tús le caibidlíocht maidir le comhaontuithe saorthrádála le hAontas na nÉimíríochtaí Arabacha, lena n-áirítear caibidil maidir leis an mbeartas iomaíochta.

Comhaontuithe um chomhar iomaíochta agus socruithe eile: In 2025, lean an Coimisiún dá chomhar déthaobhach i réimse na hiomaíochta leis an Ríocht Aontaithe mar a fhoráiltear sa Chomhaontú Trádála agus Comhair idir an tAontas Eorpach agus an Ríocht Aontaithe 97 agus sa Chomhaontú um Tharraingt Siar 98 . Bhí rannchuidiú na hArd-Stiúrthóireachta um Iomaíocht leis an gcaibidlíocht idir an tAontas agus an Ríocht Aontaithe dírithe ar rialú, faireachán agus tuairisciú a dhéanamh ar scéimeanna fóirdheontais a d’fhéadfadh saobhadh iomaíochta a bheith ann sa Ríocht Aontaithe, agus ar reachtaíocht iomaíochta agus ar a forfheidhmiú. Rud atá tábhachtach, ghlac an Coimisiún tograí le haghaidh cinntí ón gComhairle chun an comhaontú um chomhar iomaíochta idir an tAontas agus an Ríocht Aontaithe a thabhairt i gcrích 99 . Thairis sin, lean an Coimisiún den chaibidlíocht maidir le comhaontú um chomhar iomaíochta idir an tAontas agus Ceanada, a bheartaítear a chur in ionad chomhaontú reatha 1999 100 . Lean an Coimisiún dá chomhar freisin le Coimisiún Cóir-Thrádála na Cóiré, le Coimisiún Cóir-thrádála na Seapáine, agus le Riarachán Stáit na Síne um Rialáil Margaidh, faoina gcomhaontuithe comhair faoi seach agus faoi shocruithe eile 101 . 

Comhar réigiúnach san Afraic Fho-Shahárach: In 2025, chomhoibrigh an Coimisiún le roinnt údaráis náisiúnta agus réigiúnacha san Afraic, amhail Aontas Eacnamaíoch agus Airgeadaíochta na hAfraice Thiar, Comhphobal na hAfraice Thoir, agus an Cómhargadh in Oirthear agus i nDeisceart na hAfraice. Is é an príomhchuspóir a gcreataí beartais a neartú - lena n-áirítear rialacha iomaíochta - agus tacú le comhtháthú eacnamaíoch ilchríochach agus réigiúnach san Afraic agus le cur chun feidhme Limistéar Saorthrádála Mór-roinne na hAfraice, lena gcuirfear cobhsaíocht agus rochtain ar an margadh ar fáil don Aontas agus do thíortha na hAfraice.

Méadú: I gcás na dtíortha is iarrthóirí 102 agus na dtíortha is iarrthóirí ionchasacha 103 , is é príomhchuspóir beartais iomaíochta an Choimisiúin tacú le creataí reachtacha a bhunú agus údaráis iomaíochta agus státchabhrach a chruthú a fheidhmíonn go maith agus atá neamhspleách go hoibríochtúil. Áirithítear leis sin gur féidir leis na tíortha sin taifid láidre forfheidhmiúcháin a fhorbairt, agus iad á n-ailíniú le creat mhargadh aonair an Aontais. In 2025, lean an Coimisiún d’fhaireachán a dhéanamh ar athchóirithe, ar fhorfheidhmiú agus ar chomhlíontacht fhoriomlán na dtíortha is iarrthóirí agus na dtíortha is iarrthóirí ionchasacha i gcomhréir le Teachtaireacht 2025 ón gCoimisiún maidir le Beartas an Aontais um Méadú 104 .

6. Tacú leis an mbeartas iomaíochta trí chumarsáid agus abhcóideacht

Comhlíonann gníomhaíochtaí cumarsáide agus abhcóideachta an Choimisiúin i réimse na hiomaíochta cuspóirí tábhachtacha - cultúr iomaíochta a chur chun cinn laistigh den Aontas agus níos faide i gcéin agus infheictheacht agus trédhearcacht ghníomhaíochtaí iomaíochta an Aontais a mhéadú chun a n-éifeacht dhíspreagthach a threisiú agus feasacht a mhéadú i measc tomhaltóirí agus saoránach maidir leis an gcaoi a dtéann forfheidhmiú iomaíochta chun tairbhe dóibh. Ní mór cuspóir agus tairbhí dhlí na hiomaíochta agus an fhorfheidhmithe a chur in iúl agus a léirshamhlú go héifeachtach do spriocghrúpaí éagsúla. Úsáideann an Coimisiún bealaí cumarsáide iomadúla le teachtaireachtaí difreáilte chun é sin a bhaint amach.

Sna meáin shóisialta, mhéadaigh an Ard-Stiúrthóireacht um Iomaíocht a raon feidhme agus a líon leantóirí go mór in 2025. Tá an Ard-Stiúrthóireacht um Iomaíocht gníomhach ar YouTube, X agus LinkedIn den chuid is mó. I measc nithe eile, dhírigh an Ard-Stiúrthóireacht um Iomaíocht ar a cainéal YouTube a fhorbairt. Óstálann an cainéal físeáin de bhainisteoirí sinsearacha ag labhairt ag comhdhálacha chomh maith leis an tsraith ‘Splanc-COMP’ ina míníonn oifigigh na hArd-Stiúrthóireachta um Iomaíocht cásanna ardphróifíle i bhfíseáin ghearra. D’eisigh an Ard-Stiúrthóireacht um Iomaíocht níos mó ná 130 preaseisiúint in 2025. Ar deireadh, mheall suíomh gréasáin na hArd-Stiúrthóireachta um Iomaíocht breis agus 12 mhilliún amharc.

Ba iad na himeachtaí a raibh an tionchar is mó acu na himeachtaí sin ina raibh an Leas-Uachtarán Feidhmiúcháin Ribera rannpháirteach. Le hidirphlé tábhachtach polaitiúil amhail an t-idirphlé cur chun feidhme maidir le tionscadail thábhachtacha ar mhaithe le leas na hEorpa i gcoitinne agus tithíocht inacmhainne, bhí an Leas-Uachtarán Feidhmiúcháin Ribera agus an Coimisiún in ann ionchur a bhailiú agus aiseolas a fháil atá ríthábhachtach chun an beartas iomaíochta a chur chun feidhme go héifeachtach i réimsí atá lárnach do thosaíochtaí an Choimisiúin.

Ghlac Ard-Stiúrthóir na hArd-Stiúrthóireachta um Iomaíocht páirt in go leor imeachtaí idirnáisiúnta in 2025. Thairis sin, d’eagraigh nó chomheagraigh an Ard-Stiúrthóireacht um Iomaíocht 5 sheiceáil réadúlachta chun ionchur teicniúil a bhailiú ó pháirtithe leasmhara 105 . 

7. Caidreamh le hinstitiúidí eile de chuid an Aontais

Tá beartas iomaíochta éifeachtach ag brath ar rannpháirtíocht leanúnach chuiditheach leis an gComhairle, le Parlaimint na hEorpa, le CESE agus le CnaR. Áirithítear leis an rannpháirtíocht sin go léiríonn gníomhaíochtaí an Choimisiúin i réimse na hiomaíochta cuspóirí níos leithne an Aontais freisin. Thairis sin, cuireann an t-idirphlé sin ar chumas an Leas-Uachtaráin Feidhmiúcháin Ribera punann na hiomaíochta a stiúradh i dtreo a chuireann leis an bhfás inbhuanaithe cuimsitheach agus leis an iomaíochas foriomlán.

I gcomhréir le treoirlínte polaitiúla an Uachtaráin von der Leyen agus leis an Teachtaireacht maidir le hEoraip níos simplí agus níos tapúla 106 , cuireann gach comhalta den Choláiste tuarascáil bhliantúil ar dhul chun cinn maidir le cur chun feidhme, simpliú agus forfheidhmiú 107 faoi bhráid na Comhairle, Pharlaimint na hEorpa, CESE agus CnaR. Is é is cuspóir don chleachtadh sin cuntasacht agus trédhearcacht a áirithiú maidir le cur chun feidhme agus simpliú dhlí an Aontais, próiseas atá lárnach do thiomantas Choimisiún von der Leyen ‘Eoraip níos simplí agus níos tapúla’. Is é an aidhm atá ann úinéireacht chomhroinnte a chruthú i measc institiúidí an Aontais chun éifeachtacht rialacha an Aontais a fheabhsú, ualaí rialála a laghdú, agus borradh a chur faoi iomaíochas an Aontais.

Cumhdaítear i dtuarascáil an Leas-Uachtaráin Feidhmiúcháin Ribera maidir le cur chun feidhme, simpliú agus forfheidhmiú na chéad 7 mí de 2025. Léirítear sa tuarascáil an tosaíocht a thugann an Leas-Uachtarán Feidhmiúcháin do chlár oibre cur chun feidhme agus simplithe an Choimisiúin. Déantar cur síos ann ar na hiarrachtaí a rinneadh chun an reachtaíocht atá ann cheana a athbhreithniú agus a shimpliú agus chun reachtaíocht nua a dhéanamh níos simplí agus níos éasca a chur chun feidhme. Tugtar samplaí sa tuarascáil d’iarrachtaí simplithe agus cur chun feidhme atá tugtha chun críche nó atá ar siúl faoi láthair, lena n-áirítear CSCCTG, RGBD maidir le státchabhair, cinneadh nuashonraithe SLEG maidir le tithíocht inacmhainne 108 , na treoirlínte maidir le Cumaisc Chothrománacha, na treoirlínte maidir le Cumaisc Neamhchothrománacha, Rialachán 1/2003, an Rialachán maidir le Fóirdheontais Eachtracha, agus an Gníomh um Margaí Digiteacha.

In 2025, ghlac an Leas-Uachtarán Feidhmiúcháin Ribera páirt go rialta i malartuithe tuairimí agus in idirphlé struchtúrtha i bParlaimint na hEorpa agus sa Chomhairle araon. I bParlaimint na hEorpa, tháinig sí os comhair an Choiste um Ghnóthaí Eacnamaíochta agus Airgeadaíochta (Coiste ECON); an Coiste um Thionsclaíocht, um Thaighde agus um Fhuinneamh; an Coiste um an Margadh Inmheánach agus um Chosaint an Tomhaltóra; an Coiste um Fhostaíocht agus um Ghnóthaí Sóisialta; an Coiste um an gComhshaol, um an Aeráid agus um Shábháilteacht Bia, agus an Coiste Speisialta um an nGéarchéim Thithíochta. Ina theannta sin, phléigh sí a tuarascáil bhliantúil 2025 ar dhul chun cinn maidir le cur chun feidhme, simpliú agus forfheidhmiú in idirphlé struchtúrtha le coiste ECON. Sa Chomhairle, ghlac an Leas-Uachtarán Feidhmiúcháin Ribera páirt i ndíospóireacht bheartais maidir le hiomaíochas tionscail.

Ar deireadh, in 2025, ghlac foireann na hArd-Stiúrthóireachta um Iomaíocht páirt i gcruinnithe a thionóil an rapóirtéir atá freagrach as an Tuairim ó CESE a dhréachtú maidir le Tuarascáil 2024 ón gCoimisiún ar an mbeartas iomaíochta. Leis an idirghníomhaíocht sin ar leibhéal ‘teicniúil’, cuireadh faisnéis chomhthéacsúil agus mínithe fíorasacha ar fáil don rapóirtéir agus dá fhoireann dréachtaithe. Leis an malartú tuairimí sin, rinneadh tuiscint an Choimisiúin ar pheirspictíochtaí na bhfostóirí, na bhfostaithe, na sochaí sibhialta agus na bpáirtithe leasmhara eile maidir le beartas iomaíochta a dhoimhniú freisin.

(1)

Rogha na hEorpa - Treoirlínte polaitiúla don chéad Choimisiún Eorpach eile 2024-2029 - Ursula von der Leyen - Iarrthóir ar Uachtarán an Choimisiúin Eorpaigh, 18.7.2024.

(2)

Teachtaireacht ón gCoimisiún chuig Parlaimint na hEorpa, chuig an gComhairle Eorpach, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste Eorpach na Réigiún - Compás Iomaíochais don Aontas Eorpach, (COM/2025/30 final), 29.1.2025

(3)

 Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún - An Comhaontú maidir le Tionsclaíocht Ghlan: Treochlár comhpháirteach don iomaíochas agus don dícharbónú (COM/2025/85 final), 26.2.2025.

(4)

I gcomparáid le mórgheilleagair eile ar domhan.

(5)

Teachtaireacht ón gCoimisiún - Creat le haghaidh bearta státchabhrach chun tacú leis an gComhaontú maidir le Tionsclaíocht Ghlan (Creat Státchabhrach an Chomhaontaithe maidir le Tionsclaíocht Ghlan (C/20025/3602), 25.6.2025.

(6)

 Rialachán (AE) 2022/2560 ó Pharlaimint na hEorpa agus ón gComhairle an 14 Nollaig 2022 maidir le fóirdheontais eachtracha lena saobhtar an margadh inmheánach, IO L 330, 23.12.2022, lch. 1.

(7)

Rialachán (AE) 2022/1925 ó Pharlaimint na hEorpa agus ón gComhairle an 14 Meán Fómhair 2022 maidir le margaí inchoimhlinte agus cothroma san earnáil dhigiteach agus lena leasaítear Treoracha (AE) 2019/1937 agus (AE) 2020/1828 (an Gníomh um Margaí Digiteacha), IO L 265, 12.10.2022, lch. 1.

(8)

 Féach freisin grafaic eolais Ard-Stiúrthóireacht um Iomaíocht ‘Sracfhéachaint ar 2025’ an 6.1.2026. Déantar achoimre sa ghrafaic eolais aonleathanaigh seo ar na príomhimeachtaí le linn ‘bliain bheartas iomaíochta 2025’ don Choimisiún. https://competition-policy.ec.europa.eu/document/download/43bc2a9e-7172-4163-bc7c-d4b1afadd150_ga?filename=2025_at_a_glance.pdf

(9)

 Rialachán (AE) Uimh. 651/2014 ón gCoimisiún an 17 Meitheamh 2014 ina ndearbhaítear go bhfuil catagóirí áirithe cabhrach comhoiriúnach leis an margadh inmheánach i gcur i bhfeidhm Airteagail 107 agus 108 den Chonradh, IO L 187, 26.6.2014, lch. 1.

(10)

 Teachtaireacht ón gCoimisiún – Treoirlínte maidir le státchabhair le haghaidh na haeráide, chosaint an chomhshaoil agus an fhuinnimh 2022, C/2022/481, IO C 80, 18.2.2022, lch. 1.

(11)

 Teachtaireacht ón gCoimisiún - Treoirlínte maidir le státchabhair réigiúnach 2021/C 153/01, IO C 153, 29.4.2021, lch. 1.

(12)

  https://competition-policy.ec.europa.eu/state-aid/ipcei/design-support-hub_ga  

(13)

  https://competition-policy.ec.europa.eu/state-aid/ipcei/joint-european-forum-ipcei_ga  

(14)

  https://competition-policy.ec.europa.eu/state-aid/legislation/sgei_ga

(15)

https://single-market-economy.ec.europa.eu/sectors/proximity-and-social-economy/social-economy-eu/affordable-housing-initiative_en

(16)

Treoraíocht i dtaca le cur i bhfeidhm rialacha maidir leis an státchabhair i gcomhthéacs an Ghnímh um Tháirgí Íocshláinte Criticiúla, 11.3.2025.

(17)

 Togra le haghaidh Rialachán ó Pharlaimint na hEorpa agus ón gComhairle lena leagtar síos creat chun infhaighteacht agus slándáil soláthair táirgí íocshláinte criticiúla a neartú mar aon le hinfhaighteacht agus inrochtaineacht táirgí íocshláinte leasa choitinn, agus lena leasaítear Rialachán (AE) 2024/795, COM(2025) 102 final, 11.3.2025.

(18)

 Rialachán (AE) Uimh. 651/2014 ón gCoimisiún an 17 Meitheamh 2014 ina ndearbhaítear go bhfuil catagóirí áirithe cabhrach comhoiriúnach leis an margadh inmheánach i gcur i bhfeidhm Airteagail 107 agus 108 den Chonradh, IO L 187, 26.6.2014, lch. 1.

(19)

Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún Straitéis um an tSoghluaisteacht Inbhuanaithe agus Chliste – iompar Eorpach a chur ar an mbóthar ceart don todhchaí, COM/2020/789 final, 9.12.2020. Is é atá sa Straitéis um an tSoghluaisteacht Inbhuanaithe agus Chliste treochlár an Choimisiúin chun córas iompair an Aontais a chlaochlú ina earnáil níos glaise, níos cliste agus níos athléimní, arb é is aidhm di laghdú 90 % a dhéanamh ar astaíochtaí iompair faoi 2050.

(20)

Teachtaireacht ón gCoimisiún - Treoirlínte maidir le bearta áirithe státchabhrach i gcomhthéacs an chórais um liúntais astaíochtaí gás ceaptha teasa a thrádáil tar éis 2021, C/2020/6400, IO C 317, 25.9.2020, lch. 5.

(21)

  https://ec.europa.eu/info/law/better-regulation/have-your-say/initiatives/14801-Technical-updates-of-the-Emissions-Trading-Scheme-ETS-State-aid-guidelines_ga?G-RB4EH5DG40=

(22)

  Teachtaireacht ón gCoimisiún lena leasaítear na treoirlínte maidir le bearta áirithe státchabhrach i gcomhthéacs an chórais um liúntais astaíochtaí gás ceaptha teasa a thrádáil tar éis 2021, IO C, C/2026/196, 5.1.2026.

(23)

Treoirlínte maidir leis an measúnú ar chumaisc chothrománacha faoin Rialachán ón gComhairle maidir le comhchruinnithe idir gnóthais a rialú, IO C 31, 5.2.2004, lgh. 5–18.

(24)

Treoirlínte maidir leis an measúnú ar chumaisc neamhchothrománacha faoin Rialachán ón gComhairle maidir le comhchruinnithe idir gnóthais a rialú, IO C 265, 18.10.2008, lgh. 6-25.

(25)

https://competition-policy.ec.europa.eu/mergers/review-merger-guidelines_ga

(26)

Tá seiceálacha réadúlachta mar chuid de bhosca uirlisí simpliúcháin an Choimisiúin. Cabhraíonn siad leis an gCoimisiún tuiscint a fháil ar an leibhéal teicniúil ar thaithí phraiticiúil na gcuideachtaí agus na gcleachtóirí a chuireann dlí an Aontais i bhfeidhm, mar shampla trí ualaí riaracháin agus scrogaill rialála a shainaithint. Úsáidtear an t-eolas a bhailítear ag ‘seiceálacha réadúlachta’ chun deiseanna a shainaithint chun an t-ualach riaracháin a shimpliú agus a laghdú.

(27)

 Tá an Ard-Stiúrthóireacht um Iomaíocht freagrach as rialacha an Rialacháin maidir le Fóirdheontais Eachtracha i ndáil le comhchruinnithe a fhorfheidhmiú agus tús a chur le nósanna imeachta féintionscnaimh lasmuigh de nósanna imeachta soláthair phoiblí, agus tá an Ard-Stiúrthóireacht um an Margadh Inmheánach, Tionsclaíocht, Fiontraíocht agus Fiontair Bheaga agus Mheánmhéide (AS GROW) freagrach as an Rialachán maidir le Fóirdheontais Eachtracha i gcomhthéacs an tsoláthair poiblí a fhorfheidhmiú.

(28)

 Leis an Rialachán maidir le Fóirdheontais Eachtracha, dúntar bearna rialála sa Mhargadh Aonair lena bhfágtar go ndéantar grinnscrúdú ar fhóirdheontais arna ndeonú ag na Ballstáit faoi rialacha an Aontais maidir le státchabhair, cé nach ndéantar seiceáil ar fhormhór na bhfóirdheontas arna ndeonú ag rialtais nach rialtais de chuid an Aontais iad. Faoin Rialachán maidir le Fóirdheontais Eachtracha, ní mór do chuideachtaí fógra a thabhairt faoi ranníocaíochtaí airgeadais a fuarthas ó údaráis phoiblí nach údaráis de chuid an Aontais iad le 3 bliana anuas, sula gcuirfidh siad comhchruinniú chun feidhme (is é sin le rá cumasc, éadáil, nó comhfhiontar) nó sula ndámhfar conradh i nós imeachta soláthair phoiblí san Aontas atá os cionn tairseacha fógartha áirithe. Leis an Rialachán maidir le Fóirdheontais Eachtracha, ceadaítear don Choimisiún athbhreithnithe féintionscnaimh a dhéanamh má léiríonn faisnéis gur ann d’fhóirdheontas eachtrach lena saobhtar an Margadh Aonair.

(29)

  https://ec.europa.eu/eusurvey/runner/FSR_ReviewReport2026

(30)

Agus an tástáil chothromúcháin á déanamh aige, ní mór don Choimisiún a chur san áireamh an bhfuil éifeachtaí dearfacha ag na fóirdheontais eachtracha lena saobhtar an margadh inmheánach atá á bhreithniú ar ‘fhorbairt na gníomhaíochta eacnamaíche fóirdheonaithe ábhartha ar an margadh inmheánach’ agus a mhéid atá éifeachtaí dearfacha ag na fóirdheontais sin. Ina theannta sin, ní mór don Choimisiún ‘scrúdú a dhéanamh ar éifeachtaí dearfacha níos leithne ó thaobh na gcuspóirí beartais ábhartha, go háirithe cuspóirí beartais an Aontais’ freisin.

(31)

Tá tuilleadh faisnéise faoin nGníomh um Margaí Digiteacha agus faoina fhorfheidhmiú le fáil i dTuarascáil Bhliantúil 2025 an Ghnímh um Margaí Digiteacha.

(32)

Faoin nGníomh um Margaí Digiteacha, is ardáin dhigiteacha mhóra iad ‘geatóirí’ ainmnithe a sholáthraíonn ‘croísheirbhísí ardáin’ mar a liostaítear sa Ghníomh um Margaí Digiteacha, mar shampla innill chuardaigh ar líne, aipmhargaí, nó seirbhísí teachtaireachtaí.

(33)

Cás SA.115764 - EPIP - Régime de soutien à trois parcs éoliens en mer, l’un au large du Sud de la Bretagne et deux autres en Méditerranée, 5.8.2025.

(34)

Cás SA.116065 - Förderprogramm Klimaschutzverträge - An dara ceant den scéim um chonarthaí cosanta aeráide, 24.3.2025.

(35)

Cás SA.114934 - TCTF - An t-acht um chreidmheas cánach le haghaidh infheistíochtaí móra áirithe ag díriú ar gheilleagar aeráidneodrach, 18.2.2025.

(36)

Cás SA.103901 - NL_KGG_RGG_VI_Nationale Investeringsmodule Klimaatprojecten Industrie (NIKI), 20.5.2025.

(37)

Cás SA.119880 - An Spáinn - CSCCTG/STA - Scéim cabhrach chun an tionscal monaraíochta a dhícharbónú.

(38)

Rialachán (AE) 2024/1735 ó Pharlaimint na hEorpa agus ón gComhairle an 13 Meitheamh 2024 maidir le creat beart a bhunú chun éiceachóras monaraíochta teicneolaíochta glan-nialasachta na hEorpa a neartú agus lena leasaítear Rialachán (AE) 2018/1724, 13.6.2024. Leis an nGníomh um an Tionscal Glan-nialasachta, cruthaítear creat rialála arb é is aidhm dó borradh a chur faoi iomaíochas thionscal agus theicneolaíochtaí an Aontais atá ríthábhachtach don dícharbónú. Príomhsprioc an Ghnímh um an Tionscal Glan-nialasachta is ea an tagarmharc athléimneachta 40 %. Sainordaítear leis gur cheart d’acmhainneacht mhonaraíochta an Aontais le haghaidh teicneolaíochtaí straitéiseacha glan-nialasachta 40 % ar a laghad de riachtanais imscartha bhliantúla an Aontais a chomhlíonadh faoi 2030.

(39)

Cás SA.120705 - CSCCTG - Cabhair chun acmhainneacht mhonaraíochta leordhóthanach i dteicneolaíochtaí glana a áirithiú, 17.12.2025.

(40)

Cás SA.120488 - An Iodáil - STA-CSCCTG - Creatscéim le haghaidh acmhainneacht mhonaraíochta a bhaineann le teicneolaíochtaí glana, 9.12.2025.

(41)

Cás SA.116277 - Rannpháirtíocht na hOstaire i gceant an Bhainc Eorpaigh Hidrigine, Förderung der Erzeugung von erneuerbarem Wasserstoff nicht biogenen Ursprungs, 10.3.2025.

(42)

Cás SA.102731 - Scéim cabhrach le haghaidh breoslaí eitlíochta inbhuanaithe san eitlíocht intíre, 29.7.2025.

(43)

Cás SA.112968 - An tSualainn - Cúlchiste straitéiseach leictreachais, 29.7.2025.

(44)

Cás SA.112459 - An Eastóin - Cúlchiste Straitéiseach Leictreachais, 28.10.2025.

(45)

Cás SA.117564 - An Fhrainc - Réforme du mécanisme de capacité, 22.12.2025.

(46)

Cás SA.106107 - An Bheilg - Síneadh saolré dhá imoibreoir núicléacha (Doel 4 agus Tihange 3).

(47)

Cás SA.109707 - An Pholainn - Bearta cabhrach don chéad ghléasra cumhachta núicléiche sa Pholainn.

(48)

Cásanna SA.113212 – an Fhrainc; SA.117899 – An Ungáir; SA.117859 – An Iodáil; SA.117793 – An tSlóvaic; SA.117849 - An tSlóivéin - Tionscadal tábhachtach ar mhaithe le leas na hEorpa i gcoitinne - Feistí leighis nuálacha agus bogearraí tacaíochta (IPCEI Tech4Cure).

(49)

Cás AT.40670 - Google - Cleachtais a bhaineann le teicneolaíocht fógraíochta agus sonraí, 5.9.2025.

(50)

Cás AT.40721 - Microsoft Teams - Cinneadh maidir le gealltanais, 12.9.2025; cás AT.40873 - Microsoft Teams II - Cinneadh maidir le gealltanais 12.9.2025.

(51)

Cás AT.40728 - Corning, 18.7.2025.

(52)

Cásanna AT.40840 - Gucci; AT.40880 - Chloé; agus AT.40881 - Loewe, iad uile an 14.10.2025.

(53)

Cás AT.40966 - Scraith shintéiseach (nós imeachta), 8.9.2025.

(54)

Arna eisiúint faoi Fhógra ón gCoimisiún 2022 maidir le treoir neamhfhoirmiúil a bhaineann le ceisteanna úra nó neamhréitithe maidir le hAirteagail 101 agus 102 den Chonradh ar Fheidhmiú an Aontais Eorpaigh a thagann chun cinn i gcásanna aonair (treoirlitreacha), OJ C 381, 4.10.2022, p.9. 

(55)

https://ec.europa.eu/competition/antitrust/cases1/202536/AT_40979_104.pdf

(56)

  https://ec.europa.eu/competition/antitrust/cases1/202536/AT_40976_98.pdf

(57)

An chéad tuairim maidir le comhoiriúnacht comhaontaithe inbhuanaitheachta le rialacha iomaíochta d’earnáil na talmhaíochta’ bunaithe ar Airteagal 210a de Rialachán (AE) Uimh. 1308/2013 lena mbunaítear comheagrú na margaí i dtáirgí talmhaíochta (‘an Rialachán maidir le CEM’).

(58)

Tuairim ón gCoimisiún maidir leis an iarraidh ar thuairim de bhun Airteagal 210a(6) de Rialachán (AE) Uimh. 1308/2013 ó Vignerons Coopérateurs de France - Comhaontú inbhuanaitheachta in earnáil an fhíona in Occitanie, 15.7.2025.

(59)

Is éard is feithicil a bhfuil a ré caite ann gluaisteán nach bhfuil oiriúnach lena úsáid a thuilleadh, mar gheall ar aois, caitheamh agus cuimilt, nó damáiste. Déantar na feithiclí sin a dhíchóimeáil agus a phróiseáil lena n-athchúrsáil, lena n-aisghabháil agus lena ndiúscairt.

(60)

Cás AT.40669 - Athchúrsáil feithiclí a bhfuil a ré caite, 1.4.2025.

(61)

Cás AT.40795 - Seirbhísí seachadta bia, 2.6.2025.

(62)

 Cás AT.40545 - Ceallraí tosaithe gluaisteán, 15.12.2025.

(63)

Cás M.11481- Synopsys/Ansys, 23.5.2025.

(64)

Cás M.11253 - Safran/Cuid de ghníomhaíochtaí gníomhrúcháin agus rialaithe eitilte Collins Aerospace, 17.6.2025.

(65)

 Cás M.11578 - Boeing/Spirit, 14.10.2025.

(66)

Cás M.11536 - Constantia/Aluflexpack, 6.5.2025.

(67)

Cás M.11485 - Brasserie Nationale/Boissons Heintz, 17.7.2025.

(68)

Cás M.11956 - UMG/Downtown, ar siúl (imscrúdú dara céim).

(69)

Cás M.11830 - Unicredit/Banco BPM, 19.6.2025.

(70)

Cás M.12052 - UniCredit/Banco BPM - Airteagal 21(4) - Réamh-mheasúnú, 14.7.2025.

(71)

  https://ec.europa.eu/commission/presscorner/detail/pl/ip_25_1867

(72)

Cás M.10433 - Vivendi/Lagardere, 8.11.2023.

(73)

Tá an Ard-Stiúrthóireacht um Iomaíocht freagrach as an Rialachán maidir le Fóirdheontais Eachtracha a fhorfheidhmiú i réimse na gcumasc. Ina theannta sin, tá sé de chumhacht ag an Ard-Stiúrthóireacht um Iomaíocht tús a chur le himscrúduithe féintionscnaimh chun dul i ngleic le saobhadh sa mhargadh aonair mar gheall ar fhóirdheontais eachtracha lasmuigh de nósanna imeachta soláthair phoiblí. Tá AS Grow (an Ard-Stiúrthóireacht um an Margadh Inmheánach, Tionsclaíocht, Fiontraíocht agus FBManna) freagrach as an Rialachán maidir le Fóirdheontais Eachtracha le haghaidh nósanna imeachta soláthair phoiblí maidir le fóirdheontais eachtracha a fhorfheidhmiú agus as tús a chur le himscrúduithe féintionscnaimh chun dul i ngleic le héifeachtaí saofa na bhfóirdheontas eachtrach i nósanna imeachta soláthair phoiblí.

(74)

Cás FS.100156- ADNOC/COVESTRO, 14.11.2025.

(75)

Cás FS.100068 - Nuctech, 11.12.2025

(76)

An 10.12.2025, dúirt urlabhraí de chuid an Choimisiúin ‘[gur] féidir linn a dheimhniú go ndearna an Coimisiún cigireacht gan réamhfhógra ar áitreabh cuideachta atá gníomhach san earnáil ríomhthráchtála san Aontas, faoin Rialachán maidir le Fóirdheontais Eachtracha.’

(77)

 Tá tuilleadh faisnéise faoin gcaoi a bhforfheidhmíonn an Coimisiún an Gníomh um Margaí Digiteacha le fáil i dTuarascáil Bliantúil 2025 maidir leis an nGníomh um Margaí Digiteacha. Beidh sé ar fáil anseo: https://digital-markets-act.ec.europa.eu/about-dma/dma-annual-reports_ga .

(78)

Is cárta SIM digiteach leabaithe é eSIM a fheidhmíonn mar chárta fisiciúil ach atá ionsuite go díreach sa ghléas. Cuireann sé sin deireadh leis an ngá atá le cárta fisiciúil a chur isteach, rud a fhágann gur féidir gníomhachtú níos tapúla agus aistriú níos éasca a dhéanamh idir pleananna íocaíochta teileafónaíochta soghluaiste.

(79)

  https://digital-markets-act.ec.europa.eu/events/workshops_ga

(80)

Déantar cinntí sonraíochta tar éis imeachtaí sonraíochta. Sa nós imeachta sin, téann an Coimisiún agus geatóir ainmnithe i mbun idirphlé rialála foirmiúil chun go mbeidh an Coimisiún in ann bearta nithiúla a shainaithint ar cheart don gheatóir iad a dhéanamh chun oibleagáid a leagtar síos in Airteagail 6 nó 7 den Ghníomh um Margaí Digiteacha a chomhlíonadh. Cás DMA.100203 - Airteagal 6(7) - Apple - iOS - SP - Gnéithe le haghaidh gléasanna fisiciúla nasctha, 19.3.2025; Cás DMA.100204 - Airteagal 6(7) - Apple iOS agus iPadOS - SP - Process, 19.3.2025.

(81)

Cás T-354/25 - Apple agus Apple Distribution International v an Coimisiún, 6.10.2025 agus Cás T-359/25 - Apple agus Apple Distribution International v an Coimisiún, 6.10.2025.

(82)

Baintear de thátal as cinneadh maidir le neamhchomhlíonadh, tar éis imscrúdú, go raibh geatóir neamhchomhlíontach le hoibleagáid an Ghnímh um Margaí Digiteacha. Ordaítear leis an gcinneadh maidir le neamhchomhlíonadh do na geatóirí éirí as an sárú agus deireadh a chur leis. Féadfaidh an Coimisiún fíneálacha a ghearradh i gcinneadh maidir le neamhchomhlíonadh. Cás DMA.100055 - Meta - Airteagal 5(2), 23.4.2025; Cás DMA.100109 - Apple - Seirbhísí idirghabhála ar líne - aipmhargaí - Appstore - Airteagal 5(4), 23.4.2025; CÁS DMA. 100185 - Apple - Córais oibriúcháin - iOS - Airteagal 6(3), 23.4.2025.

(83)

Cás DMA.100185 - Apple - Córais oibriúcháin - iOS - Airteagal 6(3), 23.4.2025.

(84)

Cás DMA.100109 - Apple - Seirbhísí idirghabhála ar líne - aipmhargaí - Appstore - Airteagal 5(4), 23.4.2025.

(85)

Cás T-438/25 Apple v an Coimisiún, 7.7.2025.

(86)

Cás DMA.100055 - Meta - Airteagal 5(2), 23.4.2025.

(87)

Cás T-435/25 Meta Platforms v an Coimisiún, 4.7.2025.

(88)

Cás DMA.100231 - Alphabet - Google Search - Beartas maidir le mí-úsáid clú ar an suíomh, 12.11.2025.

(89)

Cásanna DMA.100032 - Microsoft - seirbhísí néalríomhaireachta agus DMA.100033 - Amazon - seirbhísí néalríomhaireachta, 18.11.2025.

(90)

Cás DMA.100236 - Néalríomhaireacht - Airteagal 19, 18.11.2025.

(91)

Cás DMA.100044 - Meta - seirbhísí idirghabhála ar líne - marketplace, 23.4.2025.

(92)

Léiríonn litríocht eacnamaíoch go gcuireann forfheidhmiú iomaíochta - in éineacht le beartais mhargaidh eile atá fabhrach don iomaíocht (beartas margaidh aonair, beartas trádála) - le táirgiúlacht agus fás eacnamaíoch níos airde. Chun tagairtí a fháil, féach mar shampla ECFE (2014), Factsheet on competition and macro-economic outcomes. https://www.oecd.org/content/dam/oecd/en/publications/reports/2014/10/factsheet-on-competition-and-macro-economic-outcomes_24994985/660b93ab-en.pdf

(93)

  https://ec.europa.eu/commission/presscorner/detail/en/speech_25_2869

(94)

  https://www.oecd.org/en/events/2025/12/global-forum-on-competition-2025.html

(95)

  https://www.internationalcompetitionnetwork.org/portfolio/recommended-practices-for-merger-analysis/

(96)

Is iad Oileáin Chomóra, Madagascar, Oileán Mhuirís, na Séiséil agus an tSiombáib na 5 thír in Oirthear agus i nDeisceart na hAfraice (ESA-5). Ó 2012 i leith, tá comhaontú comhpháirtíochta eacnamaíche eatramhach ag na tíortha sin leis an Aontas Eorpach. Comhaontú eatramhach lena mbunaítear creat do chomhaontú comhpháirtíochta eacnamaíche idir stáit Oirthear agus Dheisceart na hAfraice, de pháirt amháin, agus an Comhphobal Eorpach agus a Bhallstáit, den pháirt eile, IO L 111, 24.4.2012, lch. 1.

(97)

 An Comhaontú Trádála agus Comhair idir an tAontas Eorpach agus an Comhphobal Eorpach do Fhuinneamh Adamhach, de pháirt, agus Ríocht Aontaithe na Breataine Móire agus Thuaisceart Éireann, den pháirt eile, IO L 149, 30.4.2021, lch. 10.

(98)

 Comhaontú maidir le Ríocht Aontaithe na Breataine Móire agus Thuaisceart Éireann a bheith ag tarraingt siar as an Aontas Eorpach agus as an gComhphobal Eorpach do Fhuinneamh Adamhach, IO C 384I, 12.11.2019, lgh. 1.

(99)

Togra le haghaidh Cinneadh ón gComhairle maidir le síniú, thar ceann an Aontais Eorpaigh, an Chomhaontaithe idir an tAontas Eorpach agus Ríocht Aontaithe na Breataine Móire agus Thuaisceart Éireann maidir le comhar i dtaca le cur i bhfeidhm a ndlíthe iomaíochta, COM/2025/232 final, agus Togra le haghaidh Cinneadh ón gComhairle maidir le tabhairt i gcrích, thar ceann an Aontais Eorpaigh, an Chomhaontaithe idir an tAontas Eorpach agus Ríocht Aontaithe na Breataine Móire agus Thuaisceart Éireann maidir le comhar i dtaca le cur i bhfeidhm a ndlíthe iomaíochta, COM/2025/233 final.

(100)

 Comhaontú idir na Comhphobail Eorpacha agus Rialtas Cheanada maidir le cur i bhfeidhm a ndlíthe iomaíochta, an Iris Oifigiúil L 175, an 10 Iúil 1999, lch. 50.

(101)

 Comhaontú idir an Comhphobal Eorpach agus Rialtas na Cóiré Theas maidir le comhar i leith gníomhaíochtaí frithiomaíocha, IO L 202, 4.8.2009, lch. 36; Comhaontú idir an Comhphobal Eorpach agus Rialtas na Seapáine maidir le comhar i leith gníomhaíochtaí frithiomaíocha - Miontuairiscí Comhaontaithe, IO L 183, 22.7.2003, lch. 12; Téarmaí Tagartha an Idirphlé maidir le Beartas Iomaíochta idir an tAontas Eorpach agus an tSín idir Ard-Stiúrthóireacht um Iomaíocht an Choimisiúin Eorpaigh ar thaobh amháin agus an Riarachán Stáit um Rialáil Margaidh de chuid Dhaon-Phoblacht na Síne ar an taobh eile, 44fa06fb-3f63-46cb-90c0-b7ff542b3043_en ; Meabhrán Tuisceana maidir le hidirphlé i réimse an chórais rialaithe státchabhrach agus an chórais chóir athbhreithnithe iomaíochta idir Ard-Stiúrthóireacht um Iomaíocht an Choimisiúin Eorpaigh agus Coimisiún Náisiúnta Dhaon-Phoblacht na Síne um Fhorbairt agus Athchóiriú, 73c7a2da-5a4f-4476-a455-7d63a73ee802_en .

(102)

 Tíortha ar bhronn an Chomhairle Eorpach stádas mar thír is iarrthóir orthu ar bhonn moladh ón gCoimisiún Eorpach: an Albáin, an Bhoisnia agus an Heirseagaivéin, an Mhacadóin Thuaidh, an Mholdóiv, Montainéagró, an tSeirbia, an tSeoirsia, an Tuirc agus an Úcráin.

(103)

 Iarrthóir ionchasach ar bhallraíocht AE: an Chosaiv.

(104)

  https://enlargement.ec.europa.eu/2025-communication-eu-enlargement-policy_ga . Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún, Teachtaireacht 2025 maidir le Beartas an Aontais Eorpaigh um Méadú, COM/2025/690 final, 4.11.2025.

(105)

Ba iad tithíocht shóisialta/inacmhainne na hábhair a bhain leis an tseiceáil réadúlachta in 2025; Ionstraimí cosanta trádála agus fóirdheontais eachtracha; (arna chomheagrú ag an Ard-Stiúrthóireacht um an Trádáil, ag an Ard-Stiúrthóireacht um Iomaíocht agus ag AS um an Margadh Inmheánach, Tionsclaíocht, Fiontraíocht agus FBManna); an Rialachán maidir le Blocdhíolúine Aistrithe Teicneolaíochta agus treoirlínte; Forfheidhmiú príobháideach na rialacha maidir le státchabhair, agus an t-athbhreithniú ar Rialachán 1/2003.

(106)

Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún - Eoraip níos simplí agus níos tapúla: teachtaireacht maidir le cur chun feidhme agus simpliú, com/2025/47 final, 11.02.2025.

(107)

https://commission.europa.eu/document/download/ba6e04fd-27f5-4723-93d4-747fa4f0a425_en?filename=RIBERA_APR_SPI_2025_45_GA.pdf  

(108)

Cinneadh ón gCoimisiún an 16.12.2025 maidir le cur i bhfeidhm Airteagal 106(2) den Chonradh ar Fheidhmiú an Aontais Eorpaigh maidir le státchabhair i bhfoirm cúiteamh seirbhíse poiblí arna dheonú do ghnóthais áirithe a gcuirtear ar a n-iontaoibh seirbhísí lena ngabhann leas eacnamaíoch ginearálta a oibriú agus lena n-aisghairtear Cinneadh 2012/21/E.