AN COIMISIÚN EORPACH

An Bhruiséil,17.12.2025

COM(2025) 989 final

2025/0419(COD)

Togra le haghaidh

RIALACHÁN Ó PHARLAIMINT NA hEORPA AGUS ÓN gCOMHAIRLE

lena leasaítear Rialachán (AE) 2023/956 a mhéid a bhaineann lena raon feidhme a leathnú chuig earraí iartheachtacha agus bearta frith-imchéimniúcháin

(Téacs atá ábhartha maidir le LEE)

{SEC(2025) 989 final} - {SWD(2025) 987 final} - {SWD(2025) 988 final} - {SWD(2025) 989 final}

MEABHRÁN MÍNIÚCHÁIN

1.COMHTHÉACS AN TOGRA

•Forais agus cuspóirí an togra

Tháinig Rialachán (AE) 2023/956 lena mbunaítear Sásra Coigeartaithe Carbóin ar Theorainneacha (‘an Rialachán maidir le SCCT’) 1 i bhfeidhm an 1 Deireadh Fómhair 2023. Áirithítear le SCCT nach mbainfear an bonn d’uaillmhian aeráide an Aontais mar gheall ar sceitheadh carbóin, rud a tharlaíonn nuair a aistríonn cuideachtaí atá bunaithe san Aontas táirgeadh earraí ar mór a lorg carbóin chuig tríú tíortha ag a bhfuil beartais aeráide nach bhfuil chomh dian céanna. Is féidir leis tarlú freisin nuair a chuirtear allmhairí atá níos saoire ach atá níos déine ar charbón in ionad tháirgí an Aontais. Dá bhrí sin, is é an toradh a bhíonn ar sceitheadh carbóin go n‑easáitítear astaíochtaí ón Aontas chuig tríú tíortha seachas an laghdú ar astaíochtaí carbóin domhanda a beartaíodh a bheith mar thoradh air. Tugann SCCT aghaidh ar an riosca sin trí earraí ag a bhfuil lorg mór carbóin agus a allmhairítear isteach san Aontas a chur faoi réir praghas carbóin atá coibhéiseach leis an bpraghas atá ar tháirgeoirí intíre faoi Chóras Trádála Astaíochtaí an Aontais Eorpaigh (‘CTA AE’) 2 . Tar éis idirthréimhse is infheidhme ó mhí Dheireadh Fómhair 2023, cuirfear tús leis an gcéad chéim eile de SCCT i mí Eanáir 2026, agus déanfar praghsáil carbóin ar astaíochtaí leabaithe allmhairithe a thabhairt isteach de réir a chéile.

Is é cuspóir foriomlán an togra reachtaigh éifeachtacht SCCT a neartú, agus ar an gcaoi sin astaíochtaí gás ceaptha teasa a laghdú agus an t‑athrú aeráide a chomhrac ar fud an domhain.

Chun cur chun feidhme éifeachtach SCCT a áirithiú, leasófar an Rialachán maidir le SCCT leis an togra chun aghaidh a thabhairt ar thrí phríomh-shaincheist. Ar an gcéad dul síos, leathnófar leis an togra raon feidhme SCCT chun aghaidh a thabhairt ar an mbaol sceite carbóin i gcás táirgí atá níos faide síos slabhra luacha na dtáirgí cruach agus alúmanaim atá faoi raon feidhme SCCT faoi láthair. Ar an dara dul síos, rachaidh an togra i ngleic le hiarrachtaí lena seachnaítear oibleagáid SCCT a chomhlíonadh. Ar an tríú dul síos, cuirfidh an togra feabhas ar na rialacha teicniúla maidir le hastaíochtaí a shannadh do leictreachas d’fhonn dícharbónú allmhairí leictreachais a spreagadh. I gcás inar gá, leis an togra cuirfear roinnt simplithe beaga agus feabhsuithe beaga ar chur i bhfeidhm an tsásra ar fáil freisin agus chun gurb ann do limistéar comhtháite SCCT le tíortha CSTE LEE.

Tá feidhm ag SCCT faoi láthair maidir le tacar teoranta earraí bunábhair, a liostaítear in Iarscríbhinn I a ghabhann leis an Rialachán maidir le SCCT (alúmanam, stroighin, leictreachas, leasacháin, hidrigin, agus iarann agus cruach). Is minic a úsáidtear na bunábhair sin mar ionchuir idirmheánacha chun earraí níos faide síos an slabhra luacha (táirgí iartheachtacha) a tháirgeadh. Bíonn dé-bhrú costais roimh tháirgeoirí an Aontais a tháirgeann na táirgí iartheachtacha sin, rud a spreagfadh athlonnú, agus dá bhrí sin bheadh an tAontas ag ‘onnmhairiú’ a astaíochtaí thar lear, rud a chuirfeadh éifeachtacht bheartas aeráide an Aontais ar neamhní. Ar an gcéad dul síos, le huaillmhian mhéadaithe aeráide an Aontais agus trí dheireadh a chur de réir a chéile le lamháltais saor in aisce faoi CTA AE, meastar go méadófar costas na n‑ábhar bunúsach a fhoinsítear ar bhonn intíre 3 . Ar an dara dul síos, le céimniú isteach céimnitheach SCCT, meastar go méadófar costas na n‑ábhar bunúsach allmhairithe atá laistigh dá raon feidhme. Mar thoradh ar an dé-bhrú costais sin, is ag dul i méid atá an bhearna idir na costais charbóin iomlána a bhíonn ar tháirgeoirí iartheachtacha intíre agus na costais charbóin ar tháirgeoirí tríú tír. Mar thoradh air sin, tá baol suntasach sceite carbóin ann maidir le táirgí iartheachtacha áirithe.

Agus an riosca sin á aithint aige, ceanglaítear ar an gCoimisiún le hAirteagal 30(3) den Rialachán maidir le SCCT táirgí iartheachtacha atá i mbaol sceite carbóin a shainaithint chun go bhféadfaí iad a chuimsiú faoi raon feidhme SCCT. Leagtar amach i bPlean Gníomhaíochta Eorpach an Choimisiúin maidir le Cruach agus Miotail 4 na cuspóirí maidir le raon feidhme SCCT a leathnú, ag díriú ar tháirgí iartheachtacha atá dian ar chruach agus ar alúmanam. I gcomhréir leis an gcuspóir sin agus bunaithe ar mheasúnú lena sainaithnítear na táirgí iartheachtacha is mó atá i mbaol sceite carbóin agus ina bhfuil sciar suntasach earraí SCCT, leathnófar leis an togra seo raon feidhme SCCT chuig táirgí iartheachtacha roghnaithe atá dian ar chruach agus ar alúmanam. Pléitear an fhéidearthacht leathnú chuig táirgí iartheachtacha in earnálacha SCCT eile a dhéanamh, eadhon iad siúd a bhaineann le stroighin, leasacháin agus hidrigin, sa tuarascáil athbhreithnithe ón gCoimisiún a leagtar amach faoi Airteagal 30(2) den Rialachán maidir le SCCT. Déanfar leathnú na n‑earraí sin a mheas in athbhreithniú reachtach amach anseo.

Sa Phlean Gníomhaíochta Eorpach maidir le Cruach agus Miotail, leagadh béim freisin ar a thábhachtaí atá sé aghaidh a thabhairt ar an riosca a bhaineann le SCCT a imchéimniú agus a sheachaint, rud a d’fhéadfadh an bonn a bhaint d’éifeachtacht SCCT maidir leis an mbaol sceite carbóin a chosc. Leis an gcreat forfheidhmiúcháin SCCT atá ann faoi láthair, cuirtear roinnt coimircí frith-imchéimniúcháin ar fáil cheana féin, lena n‑áirítear chun aghaidh a thabhairt ar rioscaí go ndéanfaí earraí a mhí-aicmiú agus a thearcdhearbhú. Mar sin féin, le linn na hidirthréimhse, chuir geallsealbhóirí éagsúla (lena n‑áirítear na húdaráis inniúla náisiúnta, na húdaráis chustaim, comhlachais ghnó, chomh maith le cuideachtaí aonair) ábhair imní in iúl nach bhfuil coimircí leordhóthanacha i Rialachán SCCT in aghaidh an riosca go ndéanfaí déine astaíochtaí a mhídhearbhú agus in aghaidh an riosca go mbeadh cleachtais mhí-úsáideacha ann. Tá forálacha sa togra atá dírithe ar aghaidh a thabhairt ar na rioscaí sin.

Is léir ón taithí a fuarthas le cur chun feidhme SCCT le linn na hidirthréimhse agus ón aiseolas ó gheallsealbhóirí go bhfuil na rialacha maidir le hallmhairí leictreachais ródhocht. Go háirithe, ní aithnítear go leordhóthanach sa chreat atá ann faoi láthair an dul chun cinn atá déanta ag táirgeoirí leictreachais nach táirgeoirí de chuid an Aontais iad maidir lena nginiúint leictreachais a dhícharbónú, agus ar an gcaoi sin t déantar trádáil i leictreachas ísealcharbóin a dhíspreagadh agus gan ach dreasachtaí teoranta a chur ar fáil do tháirgeoirí leictreachais tríú tír chun astaíochtaí a laghdú. Tá dhá phríomhchúis leis na heasnaimh sin. Ar an gcéad dul síos, i gcomhréir leis an Rialachán maidir le SCCT, ní léiríonn luachanna astaíochtaí réamhshocraithe 5 le haghaidh allmhairí leictreachais ach an táirgeadh leictreachais ó bhreoslaí iontaise. Dá bhrí sin, leis na luachanna réamhshocraithe sin d’fhéadfaí rómheastachán a dhéanamh ar chion carbóin leictreachais ó thríú tíortha a onnmhairíonn cumhacht réasúnta glan chuig an Aontas. Ar an dara dul síos, is léir maidir leis na coinníollacha atá le comhlíonadh chun astaíochtaí leictreachais iarbhír a dhearbhú gur deacair iad a chomhlíonadh sa chleachtas. Tá forálacha sa togra chun aghaidh a thabhairt ar na saincheisteanna sin.

Ar deireadh, leis an togra cuirfear feabhsuithe beaga ar chur i bhfeidhm an tsásra freisin, amhail síneadh a chur leis an bhféidearthacht atá ag na húdaráis inniúla náisiúnta ráthaíocht a iarraidh, a shoiléiriú go bhféadfaidh oibreoirí sonraí astaíochtaí fíoraithe a chomhroinnt le hoibreoirí eile, nó cuíchóiriú a dhéanamh ar an oibleagáid atá ar an dearbhóir SCCT údaraithe taifid a choinneáil.

•Comhsheasmhacht le forálacha beartais atá sa réimse beartais cheana

Rinne an Coimisiún athbhreithniú leathan ar SCCT freisin i gcomhréir le hAirteagal 30(2) den Rialachán maidir le SCCT. San athbhreithniú sin breithníodh an chaoi a d’oibrigh an sásra go dtí seo, rinneadh measúnú ar an gcaidreamh le tíortha i mbéal forbartha agus ar na tionchair ar na tíortha sin, lena n‑áirítear na tíortha is lú forbairt 8 , agus breithnítear na chéad chéimeanna eile a d’fhéadfadh a bheith ann. Rinneadh an fhéidearthacht SCCT a leathnú amach anseo chuig earnálacha eile CTA AE atá i mbaol sceite carbóin a mheas freisin san athbhreithniú, chomh maith le táirgí iartheachtacha in earnálacha eile (stroighin, leasacháin agus hidrigin) 9 . Ag an am céanna, tá sraith gníomhartha cur chun feidhme agus tarmligthe á nglacadh ag an gCoimisiún Eorpach ina leagfar amach na rialacha teicniúla maidir le feidhmiú SCCT ina raon feidhme reatha 10 .

•Comhsheasmhacht le beartais eile de chuid an Aontais

2.BUNÚS DLÍ, COIMHDEACHT AGUS COMHRÉIREACHT

•Bunús dlí

•Coimhdeacht (i gcás inniúlacht neamheisiach)

Le SCCT, cruthaítear creat coiteann aonfhoirmeach chun a áirithiú gurb ann do choibhéis idir an beartas praghsála carbóin a chuirtear i bhfeidhm i margadh inmheánach an Aontais agus an beartas praghsála carbóin a chuirtear i bhfeidhm ar allmhairí. Tá ríthábhacht le cur i bhfeidhm aonfhoirmeach SCCT chun nach mbeidh aon earra a scaoiltear i saorchúrsaíocht san Aontas faoi réir SCCT. Braitheann éifeachtacht SCCT ar chomhartha aonfhoirmeach faoi phraghas an charbóin a chuirtear i bhfeidhm go comhsheasmhach le haghaidh na n‑earnálacha ábhartha ar fud Bhallstáit uile an Aontais. Ceanglaítear cur i bhfeidhm aonfhoirmeach den sórt sin freisin leis na leasuithe atá beartaithe ar an Rialachán maidir le SCCT.

•Comhréireacht

Is é is aidhm don togra éifeachtacht an Rialacháin maidir le SCCT a neartú d’fhonn éifeachtacht agus sláine bheartais aeráide an Aontais a chaomhnú. An tráth céanna, ceapadh roghanna beartais d’fhonn teorainn a chur leis an tionchar ar an ualach riaracháin atá ar chuideachtaí, ar údaráis agus ar gheallsealbhóirí eile.

Leis an leathnú a beartaíodh ar raon feidhme SCCT chuig táirgí iartheachtacha atá dian ar chruach agus ar alúmanam, cuirtear le loighic an Rialacháin maidir le SCCT atá ann faoi láthair agus CTA AE, agus dírítear ar na táirgí agus ar na hearnálacha ina bhfuil na hastaíochtaí leabaithe is mó agus an baol sceite carbóin is airde. Ina theannta sin, mar a thuairiscítear i roinn 8.1 den mheasúnú tionchair a ghabhann leis an togra, rinneadh measúnú ar na roghanna beartais maidir leis an tionchar a d’fhéadfadh a bheith acu i dtéarmaí castachta agus ualach riaracháin. Rinneadh meastóireacht air sin trí úsáid a bhaint as tacar táscairí éifeachtúlachta agus comhréireachta, lena n‑áirítear na hastaíochtaí iomlána táirgthe agus allmhairiúcháin in aghaidh an chóid AC agus táscaire lena ngabhtar comhdhéanamh ábhartha táirgí iartheachtacha. Baineann breis astaíochtaí leabaithe le táirgí a bhfuil sciar níos airde d’ábhair bhunúsacha ina meáchan i gcoibhneas le meáchan iomlán an táirge agus dá bhrí sin is iad is mó atá i mbaol sceite de ghnáth. Thairis sin, baineadh úsáid as táscairí chun a áirithiú go gcuirtear castacht na slabhraí soláthair san áireamh freisin agus earraí á roghnú. Ar an mbonn sin, leathnaítear leis an togra raon feidhme SCCT chuig táirgí iartheachtacha roghnaithe atá dian ar chruach agus ar alúmanam ar bhealach a uasmhéadaíonn na sochair chomhshaoil trí astaíochtaí breise a chumhdach, agus a theorannaíonn an t‑ualach riaracháin agus castachtaí d’allmhaireoirí agus d’oibreoirí tríú tír, a mhéid is féidir.

Leis an togra maidir leis an riosca imchéimniúcháin agus seachanta, cruthaítear cothromaíocht idir na riachtanais chun éifeachtacht SCCT a áirithiú agus chun castacht agus ualach riaracháin an tsásra a theorannú. Baintear leas as cur chuige solúbtha agus spriocdhírithe, trí bhíthin gníomhartha cur chun feidhme agus tarmligthe, chun sainaithint a dhéanamh ar allmhairí atá i mbaol imchéimniúcháin nó cleachtais eile arb é seachaint oibleagáidí SCCT is aidhm dóibh, oibleagáidí ar cheart feidhm a bheith ag coinníollacha breise ina leith maidir le húsáid astaíochtaí iarbhír.

Leis an togra maidir le hallmhairí leictreachais, simpleofar na coinníollacha a bhaineann le luachanna astaíochta iarbhír a dhearbhú. Cuirfidh sé sin feabhas ar éifeachtacht SCCT chun dícharbónú i dtríú tíortha a dhreasú agus úsáid luachanna astaíochtaí iarbhír a dhéanamh níos indéanta do na geallsealbhóirí uile freisin. Ní chruthaíonn na hathruithe ar an gcur chuige maidir le luachanna réamhshocraithe le haghaidh allmhairí leictreachais aon chastacht bhreise d’allmhaireoirí ná d’oibreoirí tríú tír.

•An rogha ionstraime

Is gá an Rialachán maidir le SCCT a leasú chun críocha an togra. Leagtar síos leis na rialacha sonracha is gá chun an Rialachán maidir le SCCT a chur i bhfeidhm. Thairis sin, ceanglaítear leis an Rialachán sin cur i bhfeidhm agus forfheidhmiú aonfhoirmeach comhsheasmhach ar fud an Aontais chun cuspóirí Airteagal 32 (maidir le cur chuige coiteann i leith beartas eachtrach) agus Airteagal 207 CFAE (maidir le comhbheartais tráchtála agus trádála) a shaothrú.

Ar an gcúis sin, is le Rialachán is fearr is féidir cuspóirí an togra seo a shaothrú. Áiritheofar leis sin go mbeidh a fhorálacha infheidhme go díreach.

3.TORTHAÍ AR MHEASTÓIREACHTAÍ EX POST, AR CHOMHAIRLIÚCHÁIN LEIS NA GEALLSEALBHÓIRÍ AGUS AR MHEASÚNUITHE TIONCHAIR

•Meastóireachtaí ex post/seiceálacha oiriúnachta ar an reachtaíocht atá ann cheana

•Comhairliúcháin leis na geallsealbhóirí

Ó tháinig SCCT i bhfeidhm le linn a chéime idirthréimhsí an 1 Deireadh Fómhair 2023, tá seirbhísí an Choimisiúin ag dul i gcomhairle go leanúnach le geallsealbhóirí san Aontas agus i dtríú tíortha trí chainéil chumarsáide éagsúla. Rinneadh Glao ar Fhianaise agus comhairliúchán poiblí ón 1 Iúil go dtí an 26 Lúnasa 2025 maidir leis na topaicí seo a leanas: go leathnófaí an raon feidhme chuig táirgí iartheachtacha, riosca imchéimniúcháin agus cleachtais a d’fhéadfadh an bonn a bhaint de chuspóirí SCCT, agus leictreachas. Bunaithe ar thorthaí an chomhairliúcháin phoiblí, measann formhór na ngeallsealbhóirí iartheachtacha go bhfuil baol sceite carbóin ann mar gheall ar SCCT in earnálacha iartheachtacha. Aontaíonn siad den chuid is mó ach SCCT a leathnú chuig táirgí iartheachtacha go laghdófaí an baol sceite carbóin sin, go bhfeabhsófaí beartas aeráide an Aontais, go gcuirfí nuálaíocht ísealcharbóin chun cinn agus go dtabharfaí spreagadh do thomhaltas táirgí ísealcharbóin san Aontas agus d’iarrachtaí domhanda praghsála carbóin araon. Thug formhór na bhfreagróirí le fios go bhfuil an sásra coigeartaithe carbóin ar theorainneacha atá ann faoi láthair i mbaol imchéimniúcháin, rud a d’fhéadfadh an bonn a bhaint dá éifeachtacht. Thug formhór na bhfreagróirí le fios freisin nach iomchuí an mhodheolaíocht atá ann faoi láthair chun na luachanna réamhshocraithe le haghaidh leictreachais a ríomh toisc nach gcuirtear san áireamh leo leictreachas a tháirgtear ó fhoinsí breosla neamhiontaise. Ina theannta sin, thug formhór na bhfreagróirí le fios gur gá simpliú a dhéanamh ar na coinníollacha maidir le hastaíochtaí leabaithe iarbhír a chur i bhfeidhm i leictreachas allmhairithe.

Ina theannta sin, chuaigh seirbhísí an Choimisiúin i mbun comhairliúcháin fhorleathana le húdaráis phoiblí laistigh den Aontas agus i dtríú tíortha, chomh maith le hionadaithe tionscail, ionadaithe na sochaí sibhialta agus eagraíochtaí idirnáisiúnta nó idir-rialtasacha. Bhí siad sin i bhfoirm cruinnithe déthaobhacha, pléití sa ghrúpa saineolaithe SCCT, agallamh i gcomhthéacs staidéir atá tiomnaithe don raon feidhme a leathnú chuig táirgí iartheachtacha agus leictreachas, chomh maith le suirbhéanna ar na húdaráis inniúla náisiúnta agus ar na húdaráis chustaim i gcomhthéacs chreat bainistithe riosca SCCT.

•Bailiú agus úsáid saineolais

•Measúnú tionchair

Leagtar amach sa mheasúnú tionchair na roghanna beartais a measadh i gcomhair leathnú iartheachtach, i gcomhair coimircí breise in aghaidh imchéimniú agus cleachtais a d’fhéadfadh an bonn a bhaint de chuspóirí SCCT agus i gcomhair rialacha athbhreithnithe maidir leis na coinníollacha chun astaíochtaí leabaithe iarbhír i leictreachas allmhairithe a chur i bhfeidhm. Déantar meastóireacht sa mheasúnú ar na roghanna uile i dtéarmaí a éifeachtachtaí atá siad maidir le haghaidh a thabhairt ar na saincheisteanna ábhartha. Ina theannta sin, déantar cur síos ann ar thionchar na roghanna beartais féideartha ar tháscairí eacnamaíocha agus sóisialta agus ar an ualach riaracháin, agus ar deireadh ar an rogha ab fhearr. Cuirtear roghanna beartais i gcomparáid le cás bunlíne lena léirítear SCCT mar atá sa reachtaíocht faoi láthair. Áirítear sa chás bunlíne freisin cur chun feidhme ‘Oiriúnach do 55’, pacáiste an Aontais de bhearta aeráide, lena n‑áirítear deireadh a chur de réir a chéile le lamháltais saor in aisce faoi CTA AE. Thairis sin, glactar leis sa chás bunlíne go ndéanfar simpliú SCCT, a glacadh i mí Dheireadh Fómhair 2025, a chur chun feidhme lena n‑áirítear an tairseach mhaisbhunaithe de minimis 50 tona d’earraí SCCT in aghaidh an allmhaireora in aghaidh na bliana (i gcás ceithre chatagóir earraí SCCT).

Maidir le cleachtais imchéimnithe a d’fhéadfadh an bonn a bhaint de chuspóirí SCCT, rinneadh dhá rogha beartais a mheas, a raibh tacar coiteann beart acu araon.

Is éard atá i gceist leis an tacar coiteann beart, ar an gcéad dul síos, an Coimisiún a chumhachtú chun cóid AC a mhionsonrú a thuilleadh chun gur fearr an ghabháil a dhéanfar ar chomhdhéanamh sonrach na dtáirgí éagsúla a thagann faoi aon chód AC ar leith faoi raon feidhme SCCT. Leis an gcumhachtú sin, beifear in ann comhdhéanaimh ábhartha táirgí laistigh den chód AC céanna a ghabháil. Ar an dara dul síos, tugtar de chumhacht don Choimisiún coinníollacha breise a chur i gceangal le húsáid astaíochtaí iarbhír le haghaidh cóid AC áirithe/suiteálacha tríú tíortha i gcás ina bhfuil ardriosca cleachtas mí-úsáideach ann. Leis sin, beifear in ann coinníollacha breise a thabhairt isteach a bheidh le comhlíonadh chun úsáid a bhaint as luachanna fíoraithe iarbhír a bhaineann le cásanna sonracha earraí, chomh maith le fianaise lena léirítear nár tháinig na cleachtais mhí-úsáideacha chun cinn. Ba cheart na coinníollacha agus an fhianaise sin a dhearadh ar bhealach atá comhréireach, agus nach gcuireann ualach gan ghá ar oibreoirí ná ar allmhaireoirí.

Moltar i Rogha 1 dramh réamhthomhaltais alúmanaim agus cruach a áireamh mar réamhtheachtaí, rud a d’fhágfadh go bhféadfaí astaíochtaí a shannadh do dhramh mar réamhtheachtaí. Tugtar de chumhacht don Choimisiún freisin fianaise bhreise a iarraidh chun an láthair táirgthe a chruthú, agus ar an gcaoi sin aghaidh a thabhairt ar an riosca go ndéanfar déine astaíochtaí a mhídhearbhú mar gheall ar an easpa inrianaitheachta. Dhíreofaí an ceanglas fianaise bhreise a sholáthar ar allmhairí de chóid AC shonracha agus ar thionscnaimh shonracha, agus an riosca imchéimniúcháin is ábhartha ann mar gheall ar mhídhearbhú déine astaíochtaí.

Cuireann Rogha 2 le Rogha 1, ach leathnaítear raon feidhme a beart beartais a thuilleadh. Anuas ar dhramh réamhthomhaltais, d’áireofaí dramh iarthomhaltais mar réamhtheachtaí SCCT faoin rogha sin freisin. Bheadh feidhm ag an gceanglas fianaise bhreise ar an láthair táirgthe a sholáthar maidir le gach cód AC agus gach tionscnamh. Dá bhrí sin, dhéanfadh sé difear do na dearbhuithe SCCT uile a bhraitheann ar luachanna iarbhír i gcás astaíochtaí.

Is í Rogha 1 an rogha thosaíochta mar gheall ar a cur chuige cothrom comhréireach lenar féidir aghaidh a thabhairt go héifeachtach ar rioscaí imchéimnithe.

Breithníodh ceithre rogha chun aghaidh a thabhairt ar na heasnaimh maidir leis an gcaoi a gcaitear le hallmhairí leictreachais. Tá difríochtaí idir na roghanna sin maidir leis an modheolaíocht a úsáidtear chun an fachtóir astaíochta a ríomh agus na coinníollacha chun luachanna iarbhír a dhearbhú. Cumhdaítear leo na teaglaim éagsúla de dhá phríomhrogha beartais: (i) an cur chuige atá ann faoi láthair a choinneáil maidir le fachtóir astaíochta CO2 atá bunaithe ar bhreosla iontaise de chuid na tíre is onnmhaireoir nó maidir le hathrú go meánfhachtóir astaíochta eangaí de chuid na tíre is onnmhaireoir; (ii) an critéar a bhaineann le plódú a mhodhnú trí thagairt a dhéanamh don easpa plódaithe struchtúraigh, nó é a bhaint ar fad. Ina theannta sin, tá dhá ghné a bhfuil feidhm acu maidir le gach rogha freisin. Ar an gcéad dul síos, tá critéar modhnaithe ann lena soiléirítear nach n‑áirítear i gcomhaontuithe ceannaigh cumhachta (CCCanna) ach CCCanna fisiceacha cé go gceadaítear CCCanna indíreacha a úsáid freisin. Ar an dara dul síos, modhnaítear an coinníoll a bhaineann le hainmniú na hacmhainneachta, agus níl feidhm aige ach amháin i gcás leithdháileadh acmhainneachta sainráite.

Is é an rogha ab fhearr maidir le hallmhairí leictreachais athrú go meánfhachtóir astaíochta eangaí i gcás tíortha onnmhairiúcháin agus deireadh a chur leis an gcritéar maidir le luachanna astaíochta iarbhír a bhaineann le plódú a úsáid. Is fearr a léireoidh an meánfhachtóir astaíochta eangaí treocht dícharbónúcháin na tíre tionscnaimh, ós rud é go gcuirfear leictreachas a tháirgtear ó fhoinsí in-athnuaite san áireamh freisin. In éineacht leis na hathruithe ar na coinníollacha a bhaineann le CCCanna agus ainmniú acmhainneachta, éascófar tuairisciú luachanna iarbhír a thuilleadh trí dheireadh a chur leis an gcoinníoll maidir le heaspa plódú líonra.

•Oiriúnacht rialála agus simpliú

Le leathnú raon feidhme SCCT chuig táirgí iartheachtacha atá dian ar chruach agus ar alúmanam baintear tairbhe as simpliú an tsásra a glacadh i mí Dheireadh Fómhair 2025 13 . Leis an tairseach de minimis 50 tona d’earraí SCCT allmhairithe, eisiatar thart ar 182,000 allmhaireoir ó raon feidhme SCCT atá ann faoi láthair, rud a laghdaíonn an costas riaracháin d’allmhaireoirí faoi thart ar EUR 1,123 milliún in aghaidh na bliana 14 . Téann an tairseach de minimis chun tairbhe d’allmhaireoirí iartheachtacha freisin, agus eisiatar ó oibleagáidí SCCT níos mó ná 90 % d’allmhaireoirí atá gníomhach in earnálacha a chumhdaítear leis an leathnú faoin togra seo agus coinnítear os cionn 99 % d’astaíochtaí faoin raon feidhme freisin.

Rinneadh measúnú cúramach ar thionchar gach rogha beartais a cuireadh san áireamh (a dtugtar tuairisc orthu sa roinn maidir le measúnaithe tionchair) maidir lena dtionchar ar an ualach riaracháin. Roghnaíodh an pacáiste beartas a áirítear sa togra seo trí na sochair chomhshaoil a chur sa mheá leis an ngá atá ann an t‑ualach riaracháin breise a theorannú agus gan SCCT a dhéanamh níos coimpléascaí. Tugtar tuairisc air sin freisin sa roinn maidir le comhréireacht agus san achoimre ar an measúnú tionchair sa mheabhrán seo.

Tá tionchar measartha ag leathnú iartheachtach SCCT ar an líon allmhaireoirí ar FBManna iad (agus táirgeoirí tríú tír ar FBManna iad) a tugadh isteach i raon feidhme SCCT, agus is FBManna iad thart ar leath na n‑allmhaireoirí nua i raon feidhme SCCT. San iomlán, is é an toradh atá air go mbeidh thart ar 3,800-3,900 FBM breise ann ar a mbeidh oibleagáidí SCCT.

•Cearta bunúsacha

Leis an togra, urramaítear na cearta bunúsacha agus comhlíontar na prionsabail a aithnítear go háirithe i gCairt um Chearta Bunúsacha an Aontais Eorpaigh. Go háirithe, rannchuidítear leis an gcuspóir maidir le hardleibhéal cosanta don chomhshaol i gcomhréir le prionsabal na forbartha inbhuanaithe a leagtar síos in Airteagal 37 den Chairt.

4.IMPLEACHTAÍ BUISÉADACHA

Níor díríodh sa leathnú iartheachtach ar ioncam a ghiniúint ach ar éifeachtacht SCCT a neartú ó thaobh aeráide de maidir le sceitheadh carbóin a chosc. De réir an mheasúnaithe tionchair, meastar go nginfidh an togra thart ar EUR 0,58 billiún d’ioncam bliantúil faoi 2030. Tar éis 2030, ós rud é go bhfuiltear ag cur deireadh de réir a chéile le leithdháiltí saor in aisce faoi CTA AE agus go bhfuil SCCT á chéimniú isteach, ba cheart go leanfadh an t‑ioncam de bheith ag méadú, go dtí thart ar EUR 0,69 billiún faoi 2035. Meastar gurb ionann an tionchar ar bhuiséad an Aontais agus EUR 0.2 billiún ar an meán in aghaidh na bliana i gcaitheamh ba tréimhse 2028-2034 de réir an togra ón gCoimisiún le haghaidh Chreat Airgeadais Ilbhliantúil 2028-2034.

Rannchuideoidh na bearta atáthar a dhéanamh chun aghaidh a thabhairt ar rioscaí seachanta agus imchéimnithe chun a áirithiú go dtiocfaidh na hioncaim réamh-mheasta chun cinn sa chleachtas.

5.EILIMINTÍ EILE

•Pleananna cur chun feidhme, agus socruithe faireacháin, meastóireachta agus tuairiscithe

Tá idirthréimhse SCCT infheidhme go dtí deireadh 2025, agus cuirfear tús leis an gcéim chinntitheach in 2026.

Roimh dheireadh na hidirthréimhse, agus i gcomhréir le hAirteagal 30(2) de Rialachán SCCT, tá an Coimisiún le tuarascáil chuimsitheach athbhreithnithe a chur faoi bhráid Pharlaimint na hEorpa agus na Comhairle maidir leis na ceachtanna a foghlaimíodh ón idirthréimhse. Leagfar amach sa tuarascáil sin freisin na céimeanna a d’fhéadfadh a bheith ann amach anseo chun athbhreithnithe breise a dhéanamh agus an raon feidhme a leathnú. Ina theannta sin, tá an Coimisiún Eorpach ag ullmhú chun sraith gníomhartha cur chun feidhme agus tarmligthe a ghlacadh ina leagfar amach na rialacha teicniúla maidir le feidhmiú SCCT sa raon feidhme de atá i bhfeidhm faoi láthair.

Leanfaidh an Coimisiún d’fhaireachán agus de mheastóireacht a dhéanamh ar chur chun feidhme SCCT agus tuairisceoidh sé ina leith i gcomhréir le ceanglais an rialacháin maidir le SCCT.

•Míniúchán mionsonraithe ar fhorálacha sonracha an togra

Déantar leis an Rialachán seo na leasuithe seo a leanas ar Rialachán (AE) 2023/956:

Soiléirítear le hAirteagal 1(1) cur i bhfeidhm Rialachán (AE) 2023/956 tráth a ionchorpraithe i gComhaontú LEE agus tugtar de chumhacht don Choimisiún gníomhartha cur chun feidhme a ghlacadh chun Iarscríbhinn III a ghabhann leis an Rialachán sin a mhodhnú dá réir.

Foráiltear le hAirteagal 1(1), pointí (c) agus (d) maidir leis an bhféidearthacht trasuí acquis ábhartha an mhargaidh leictreachais a aithint, chun críche comhtháthú margaidh leictreachais tríú tír i margadh leictreachais an Aontais trí mhargadhchúpláil a iarraidh, trí bhíthin Meabhrán Tuisceana idir an Coimisiún agus na tríú tíortha.

Déantar foráil in Airteagal 1(1), pointe (e), agus (19) maidir leis an bhféidearthacht gníomhartha tarmligthe a ghlacadh i nós imeachta práinne chun tríú tír nó críoch a chur le liosta na dtríú tíortha díolmhaithe nó na gcríoch díolmhaithe in Iarscríbhinn III de Rialachán (AE) 2023/956.

Foráiltear le hAirteagal 1(1), pointe (e) go bhféadfaidh an tAontas comhaontuithe a thabhairt i gcrích le tríú tíortha chun sásra praghsála carbóin a chur san áireamh agus chun aitheantas frithpháirteach a thabhairt do chomhlachtaí creidiúnaithe.

Le hAirteagal 1(3), (5), pointí (a)(2) agus (c), agus (8), pointí (b) agus (c), tugtar de chumhacht don Choimisiún gníomhartha tarmligthe a ghlacadh lena gceanglaítear, i gcásanna ina bhfuil fianaise leordhóthanach ann a léiríonn go bhfuil ardriosca cleachtas mí-úsáideach ann, go gcuirfear fianaise bhreise ar fáil chun a léiriú nár tháinig cleachtais mhí-úsáideacha den sórt sin chun cinn.

Le hAirteagal 1(2), (6), pointe (c), (21) go (23), pointe (b), leathnaítear raon feidhme Rialachán (AE) 2023/956 chuig earraí iartheachtacha áirithe atá dian ar chruach agus ar alúmanam agus soláthraítear an fhéidearthacht corrlach céimnithe isteach a chur i bhfeidhm maidir le cuid de na hearraí sin.

Le hAirteagal 1(4) cuirtear isteach ceanglas ar an ionadaí custaim indíreach a bhfuil iarratas ar údarú á dhéanamh aige uimhir EORI nó uimhir aitheantais náisiúnta eile na n‑allmhaireoirí a bhfuil ionadaíocht á déanamh orthu a léiriú ina iarratas.

Le hAirteagal 1(5), pointe (a)(1), agus (8), pointe (a), déantar foráil maidir le clárú an oibreora i gclárlann SCCT chun astaíochtaí leabaithe a chinneadh ar bhonn astaíochtaí fíoraithe iarbhír.

Le hAirteagal 1(5), pointí (b) agus (c), ceanglaítear ar an dearbhóir SCCT údaraithe fianaise a sholáthar, i gcás inarb infheidhme, ar láthair táirgthe agus am táirgthe na n‑earraí a dhearbhaítear ar bhonn na n‑astaíochtaí iarbhír.

Le hAirteagal 1(5), pointe (b), soiléirítear go dtugtar de chumhacht don Choimisiún gníomhartha cur chun feidhme a ghlacadh a bhaineann leis na nósanna imeachta chun athbhreithniú a dhéanamh ar dhearbhuithe SCCT.

Le hAirteagal 1(6), pointe (a), agus (24), déantar foráil maidir le hábhair ionchuir (réamhtheachtaithe) a áireamh sa mhodheolaíocht chun astaíochtaí leabaithe in earraí a chinneadh.

Le hAirteagal 1(6), pointe (b), (8), pointe (d), agus (23), soláthraítear deis don oibreoir gan ach fothacar a nochtadh don dearbhóir SCCT údaraithe de na heilimintí sonraí a cheanglaítear chun astaíochtaí iarbhír a thuairisciú, a ríomh agus a fhíorú.

Le hAirteagal 1(7) soiléirítear go dtugtar de chumhacht don Choimisiún gníomhartha cur chun feidhme a ghlacadh maidir leis na coinníollacha chun fionnadh a dhéanamh ar cháilíochtaí an duine neamhspleách atá freagrach as deimhniú an phraghais carbóin a íocadh, lena n‑áirítear creidiúnú arna dheonú ag comhlacht creidiúnaithe náisiúnta.

Le hAirteagal 1(9), pointe (b) soiléirítear go dtugtar de chumhacht don Choimisiún gníomhartha cur chun feidhme a ghlacadh chun cuntas a thabhairt ar an bpraghas carbóin a íocadh thar lear ar bhonn phrionsabal na coibhéise agus na hiarrachtaí a rinneadh maidir le creidmheasanna carbóin á gcur san áireamh.

Le hAirteagal 1(8), pointe (c), soiléirítear go bhféadfaidh oibreoir faisnéis a bhaineann le fíorú astaíochtaí atá leabaithe in ábhair ionchuir (réamhtheachtaithe) a nochtadh d’oibreoir eile.

Le hAirteagal 1(9) ceadaítear d’údaráis inniúla a cheangal go soláthrófar ráthaíocht i gcásanna breise agus í a úsáid, i gcás nach dtugann an dearbhóir SCCT údaraithe suas an méid leordhóthanach deimhnithe SCCT, chun aon choigeartú airgeadais gan íoc a aisghabháil.

Le hAirteagal 1(10) soiléirítear go dtugtar de chumhacht don Choimisiún gníomhartha cur chun feidhme a ghlacadh lena leagtar síos na nósanna imeachta fíorúcháin a bheidh le húsáid ag fíoraitheoirí.

Le hAirteagal 1(11) soiléirítear go bhféadfaidh an Coimisiún nó an t‑údarás inniúil, mar chuid den athbhreithniú ar dhearbhú SCCT, a iarraidh ar an dearbhóir SCCT údaraithe fianaise a sholáthar gur sa tsuiteáil dhearbhaithe a táirgeadh na hearraí allmhairithe, agus maidir leis an tréimhse táirgthe dhearbhaithe.

Foráiltear le hAirteagal 1(12) riail shonrach ríomha maidir le praghas na ndeimhnithe SCCT i gcás nach bhfuil ach ceant amháin ar siúl ar an ardán ceantála.

Le hAirteagal 1(13) soiléirítear gur ar thimthriall bliantúil a bhunaítear an ceanglas atá ar dhearbhóirí SCCT údaraithe a áirithiú go gcomhfhreagraíonn an líon deimhnithe SCCT ar a gcuntas i gclárlann SCCT ag deireadh gach ráithe do 50 % ar a laghad, dá bhrí sin ba cheart dó deimhnithe ríofa ráithiúla a ceannaíodh le linn blianta eile seachas an bhliain féilire a eisiamh.

Le hAirteagal 1(14) déantar an próiseas athcheannaigh a chuíchóiriú trí dheireadh a chur le rannpháirtíocht an Choimisiúin sa phróiseas athcheannaigh.

Le hAirteagal 1(15), pointe (a), soiléirítear ról uimhir chuntais SCCT maidir le cinneadh an duine atá freagrach as oibleagáidí SCCT a ghlacadh.

Le hAirteagal 1(15), pointí (b) agus (c), ceadaítear d’údaráis inniúla fíorú ar chruinneas na sonraí agus na faisnéise custaim ábhartha a chuirtear in iúl trí chlárlann SCCT a iarraidh, tugtar de chumhacht don Choimisiún gníomhartha cur chun feidhme a ghlacadh lena sainaithnítear comhdhéanaimh ábhair agus cheimiceacha earra agus ceadaítear d’údaráis chustaim an fhaisnéis sin a chur in iúl don Choimisiún.

Le hAirteagal 1(15), pointí (a) agus (d), tugtar de chumhacht don Choimisiún gníomhartha cur chun feidhme a ghlacadh lena sainaithnítear comhdhéanaimh ábhair agus cheimiceacha earra agus ceadaítear d’údaráis chustaim an fhaisnéis sin a chur in iúl don Choimisiún.

Le hAirteagal 1(16) sainítear cleachtas nua imchéimnithe arb é atá ann slabhraí soláthair earraí a choigeartú go saorga chun tairbhe a bhaint as luach réamhshocraithe níos ísle.

Le hAirteagal 1(17) tugtar de chumhacht don Choimisiún gníomhartha tarmligthe a ghlacadh chun earra a bhaint d’Iarscríbhinn I i gcás imthosca tromchúiseacha gan choinne a dhéanann díobháil thromchúiseach do mhargadh inmheánach an Aontais.

Le hAirteagal 1(18), leasaítear na cumhachtuithe a thug na comhreachtóirí don Choimisiún chun gníomhartha tarmligthe a ghlacadh i bhfianaise na simplithe a dhéantar leis an togra seo.

Le hAirteagal 1(20) soiléirítear gur cheart, sa tuarascáil ina ndéantar meastóireacht ar fheidhmiú SCCT, measúnú a dhéanamh ar thionchar SCCT ar earnálacha a chumhdófar amach anseo, agus go bhféadfaidh togra reachtach a bheith ag gabháil leis an tuarascáil, i gcás inarb iomchuí.

Le hAirteagal 1(22) athraítear an fachtóir astaíochta le haghaidh leictreachas allmhairithe chun an leictreachas a tháirgtear ó gach foinse a chur san áireamh. Athraítear leis freisin na coinníollacha chun astaíochtaí leabaithe iarbhír i leictreachas allmhairithe a chur i bhfeidhm chun iad a dhéanamh níos solúbtha.

Tá forálacha in Airteagal 2 maidir le teacht i bhfeidhm na mbeart atá beartaithe agus maidir lena gcur i bhfeidhm. Chun go bhféadfar na chéad dearbhuithe SCCT a chur isteach go tráthúil faoin 30 Meán Fómhair 2027 beidh feidhm, maidir le hallmhairí leictreachais a tharla ón 1 Eanáir 2026 ar aghaidh, ag na hathruithe ar an modh a úsáidtear chun an fachtóir astaíochta le haghaidh leictreachas allmhairithe a ríomh agus ar na coinníollacha chun astaíochtaí leabaithe iarbhír i leictreachas allmhairithe a chur i bhfeidhm. Maidir leis na hathruithe a cheanglaítear a chur chun feidhme i gclárlann SCCT nó a lainseáil ag tús na bliana féilire, lena n‑áirítear an raon feidhme a leathnú chuig táirgí iartheachtacha, beidh feidhm acu an 1 Eanáir 2028.

2025/0419 (COD)

Togra le haghaidh

RIALACHÁN Ó PHARLAIMINT NA hEORPA AGUS ÓN gCOMHAIRLE

lena leasaítear Rialachán (AE) 2023/956 a mhéid a bhaineann lena raon feidhme a leathnú chuig earraí iartheachtacha agus bearta frith-imchéimniúcháin

(Téacs atá ábhartha maidir le LEE)

TÁ PARLAIMINT NA hEORPA AGUS COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh, agus go háirithe Airteagal 192(1) de,

Ag féachaint don togra ón gCoimisiún Eorpach,

Tar éis dóibh an dréachtghníomh reachtach a chur chuig na parlaimintí náisiúnta,

Ag féachaint don tuairim ó Choiste Eacnamaíoch agus Sóisialta na hEorpa 15 ,

Tar éis dul i gcomhairle le Coiste na Réigiún 16 ,

Ag gníomhú dóibh i gcomhréir leis an ngnáthnós imeachta reachtach,

De bharr an mhéid seo a leanas:

(1)Ceapadh Rialachán (AE) 2023/956 ó Pharlaimint na hEorpa agus ón gComhairle 17 ar dtús agus raon feidhme teoranta aige, ag cumhdach na n‑earraí sin a bhfuil an neamhchosaint is mó acu i leith riosca sceite carbóin agus arb iad is déine ó thaobh carbóin de. Ba cheart raon feidhme an Rialacháin sin a leathnú de réir a chéile chun táirgí a chumhdach atá níos faide síos slabhra luacha na n‑earraí a liostaítear in Iarscríbhinn I a ghabhann leis an Rialachán sin.

(2)Ina Theachtaireacht dar teideal ‘Plean Gníomhaíochta Eorpach maidir le Cruach agus Miotail’ 18 , leag an Coimisiún amach na cuspóirí a bhaineann le raon feidhme an tsásra coigeartaithe carbóin ar theorainneacha (‘SCCT’) a leathnú chuig táirgí iartheachtacha áirithe atá dian ar chruach agus ar alúmanam, chomh maith le haghaidh a thabhairt ar an riosca imchéimniúcháin agus ar chleachtais a d’fhéadfadh an bonn a bhaint de chuspóirí SCCT, lena n‑áirítear earraí atá dian ar astaíochtaí ísle á n‑atreorú ag tríú tíortha chuig margadh an Aontais in éagmais iarrachtaí chun a dtáirgeadh ina iomláine a dhícharbónú.

(3)Ós rud é go bhfuil sé d’aidhm ag SCCT dreasachtaí a chruthú chun go ndéanfaidh oibreoirí i dtríú tíortha astaíochtaí a laghdú, tá an tAontas tiomanta d’oibriú le tríú tíortha ísealioncaim agus meánioncaim, agus tacú leo, i dtreo dhícharbónú a dtionscal monaraíochta mar chuid den ghné sheachtrach den Chomhaontú Glas don Eoraip 19 agus i gcomhréir le Comhaontú Pháras 20 . Ba cheart don Aontas leanúint de thacaíocht a thabhairt do na tíortha sin trí bhuiséad an Aontais, go háirithe TLFanna, chun rannchuidiú lena áirithiú go gcuirfear in oiriúint iad do na hoibleagáidí faoin Rialachán seo. Ba cheart don Aontas leanúint de thacaíocht a thabhairt don mhaolú ar an athrú aeráide agus don ghníomhaíochtaí oiriúnúcháin don athrú aeráide sna tíortha sin, lena n‑áirítear ina n‑iarrachtaí i dtreo a dtionscal a dhícharbónú agus a chlaochlú, laistigh d’uasteorainn an chreata airgeadais ilbhliantúil agus den tacaíocht airgeadais a thugann an tAontas don mhaoiniú idirnáisiúnta don chomhrac i gcoinne an athraithe aeráide. Treisítear é sin a thuilleadh i bhfís dhomhanda aeráide agus fuinnimh an Aontais 21 , ina léirítear go rachaidh an tAontas i dteagmháil go réamhghníomhach le comhpháirtithe chun comhleanúnachas níos fearr a áirithiú idir beartais inmheánacha agus sheachtracha an Aontais. Agus SCCT á chur i bhfeidhm de réir a chéile, tá sé beartaithe ag an Aontas comhpháirtíochtaí a neartú agus tacú le hiarrachtaí níos leithne chun maolú ar an athrú aeráide, lena n‑áirítear trí thacaíocht airgeadais a chur ar fáil d’iarrachtaí tíortha chun dícharbónú.

(4)Ar ionchorprú Rialachán (AE) 2023/956 i gComhaontú LEE, níor cheart Stáit CSTE a chuireann SCCT i bhfeidhm a mheas mar thríú tíortha chun críocha an Rialacháin seo agus ba cheart iad a scriosadh ó Iarscríbhinn III a ghabhann leis. Chruthófaí limistéar coiteann SCCT i gcás ina mbeadh an tairseach de bhun Airteagal 2a de Rialachán (AE) 2023/956 infheidhme go comhpháirteach maidir le hallmhairiú isteach san Aontas agus i gcríocha custaim na Stát CSTE a chuireann SCCT i bhfeidhm.

(5)Ar ionchorprú Rialachán (AE) 2023/956 i gComhaontú LEE, ba cheart feidhm a bheith ag an Rialachán sin maidir le táirgí próiseáilte ó earraí a liostaítear in Iarscríbhinn I de thionscnamh tríú tír a eascraíonn as an nós imeachta próiseála isteach dá dtagraítear in Airteagal 256 de Rialachán (AE) Uimh. 952/2013, i gcás ina n‑ath-onnmhairítear iad chuig críoch chustaim Stáit CSTE inar ionchorpraíodh SCCT, ar choinníoll go n‑allmhairítear iad chuig ceann de na críocha custaim sin. Ba cheart cumhachtaí cur chun feidhme a thabhairt don Choimisiún chun coinníollacha mionsonraithe a leagan síos maidir le SCCT a chur i bhfeidhm i gcás na n‑earraí sin.

(6)Ar ionchorprú Rialachán (AE) 2023/956 i gComhaontú LEE, ba cheart a shoiléiriú nach mbeidh feidhm ag an Rialachán sin maidir le hearraí a scaoileadh i saorchúrsaíocht roimhe sin i gcríoch chustaim Stát CSTE ar ionchorpraíodh SCCT iontu, ar choinníoll go léiríonn an dearbhóir custaim sa dearbhú custaim ina dhiaidh sin gur scaoileadh na hearraí i saorchúrsaíocht roimhe sin laistigh de chríoch chustaim na Stát CSTE.

(7)Ar ionchorprú Rialachán (AE) 2023/956 i gComhaontú LEE, níor cheart Stáit CSTE a chuireann SCCT i bhfeidhm a mheas mar thríú tíortha chun críocha an Rialacháin seo agus ba cheart iad a scriosadh ó Iarscríbhinn III a ghabhann leis. Chruthófaí limistéar coiteann SCCT i gcás ina mbeadh an tairseach de bhun Airteagal 2a de Rialachán (AE) 2023/956 infheidhme go comhpháirteach maidir le hallmhairiú isteach san Aontas agus i gcríocha custaim na Stát CSTE a chuireann SCCT i bhfeidhm.

(8)Maidir le sreafaí leictreachais ó thríú tíortha a eascraíonn as gníomhaíochtaí a dhéanann oibreoirí córais tarchurtha chun oibriú sábháilte agus slán a ngréasán a áirithiú, lena n‑áirítear éigeandálaí agus sreafaí neamhsceidealaithe a láimhseáil, níor cheart iad a bheith faoi réir an Rialacháin seo.

(9)Trí aitheantas cuí a thabhairt don dul chun cinn atá déanta ag na tríú tíortha ábhartha i dtreo mhargadhchúpláil na gcóras leictreachais, áirithítear go mbeidh aon díolúine a bhfuil teorainn ama léi dá bhforáiltear sa Rialachán seo ag ailíniú go hiomlán le cuspóirí straitéiseacha an Aontais agus le gnóthachtálacha sonracha na dtríú tíortha sin. Tá sé fíor-riachtanach úsáid éifeachtúil a bhaint as an mbonneagar leictreachais atá ann cheana agus margaí leictreachais tríú tíortha a chomhtháthú i margadh inmheánach leictreachais an Aontais chun costais a laghdú do na Ballstáit agus do na tríú tíortha ábhartha araon, agus chun slándáil an tsoláthair a áirithiú. Ba cheart an t‑aitheantas sin a chur ar aghaidh trí bhíthin Meabhrán Tuisceana idir an Coimisiún agus na tríú tíortha a bhfuil acquis ábhartha an mhargaidh leictreachais trasuite go hiomlán acu, arna fhíorú ag an gCoimisiún. Ba cheart a leagan síos sa Mheabhrán Tuisceana an amlíne chun an díolúine dá bhforáiltear i Rialachán (AE) 2023/956 a chur i bhfeidhm, agus breithniú á dhéanamh freisin ar rialacha ábhartha an mhargaidh agus institiúidí ábhartha oibreoirí córais tarchurtha (OCT) a chomhlíonadh i gcomhréir le Rialachán (AE) 2019/943 ó Pharlaimint na hEorpa agus ón gComhairle 22 agus Rialachán (AE) 2015/1222 ón gCoimisiún 23 , agus ar an dul chun cinn atá déanta ag na tíortha ábhartha maidir le hionstraimí praghsála carbóin atá coibhéiseach le CTA AE a mhéid a bhaineann le giniúint leictreachais.

(10)Chun a áirithiú nach mó an tairseach mhaisbhunaithe aonair ná 1 % de na hastaíochtaí atá leabaithe sna hearraí allmhairithe agus sna táirgí próiseáilte tar éis Rialachán (AE) 2023/956 a leathnú chuig táirgí iartheachtacha, ba cheart measúnú bliantúil na tairsí sa bhliain 2027 a dhéanamh ar bhonn sonraí allmhairiúcháin lena gcumhdaítear na hearraí iartheachtacha a chumhdaítear faoin leathnú sin.

(11)Féachann SCCT le haghaidh a thabhairt ar an mbaol sceite carbóin trína áirithiú go mbeidh táirgí, gan beann ar cé acu a allmhairítear nó a tháirgtear san Aontas iad, faoi réir praghas carbóin coibhéiseach. Mar sin féin, fad atá cineálacha cur chuige beartais ag líon mór comhpháirtithe idirnáisiúnta de chuid an Aontais nach mbaintear amach an leibhéal céanna uaillmhéine aeráide leo, beidh baol sceite carbóin ann, agus mar thoradh air astaíochtaí foriomlána níos airde ná mar a bheidís in éagmais sceitheadh carbóin.

(12)D’fhéadfadh cleachtais mhí-úsáideacha tarlú nuair a bhaineann gníomhaithe leas as an bhféidearthacht astaíochtaí iarbhír a úsáid chun dliteanas airgeadais SCCT a sheachaint go míchuí, go hiomlán nó go páirteach, agus, ar an gcaoi sin, an bonn a bhaint d’éifeachtacht SCCT maidir le haghaidh a thabhairt ar an mbaol sceite carbóin san Aontas agus cuspóirí beartais aeráide an Aontais a bhaint amach.

(13)Ba cheart don Choimisiún faireachán a dhéanamh ar thionchar SCCT ar mhargadh inmheánach an Aontais d’fhonn measúnú a dhéanamh ar an riosca go mbainfeadh cleachtais mhí-úsáideacha an bonn d’éifeachtacht SCCT agus ar an tionchar a d’fhéadfadh a bheith ag an méid sin ar mhargadh inmheánach an Aontais, lena n‑áirítear trí anailís a dhéanamh ar dhearbhuithe allmhairiúcháin custaim agus ar dhearbhuithe SCCT nó ar bhonn aon fhoinse ábhartha faisnéise, lena n‑áirítear ó na Ballstáit trí mhalartuithe sa Ghrúpa Saineolaithe maidir le SCCT nó trí mhalartuithe ábhartha eile.

(14)Chun freagairt thapa a chumasú i gcás fianaise a léiríonn go bhfuil ardriosca ann go mbeidh cleachtais mhí-úsáideacha ann, ba cheart an chumhacht a thabhairt don Choimisiún gníomhartha tarmligthe a ghlacadh chun an fhaisnéis a bheidh le dearbhú a leagan síos maidir le hastaíochtaí iarbhír a úsáid i gcás teaglaim d’earraí agus de thionscnaimh, chomh maith leis an bhfianaise lena léirítear nár tháinig cleachtais mhí-úsáideacha den sórt sin chun cinn. I gcás ina gcinneann an Coimisiún go bhfuil fianaise leordhóthanach ann a léiríonn go bhfuil ardriosca ann go mbeidh cleachtais mhí-úsáideacha ann, ba cheart a cheangal ar an gCoimisiún gníomhú trí bhíthin gníomhartha tarmligthe laistigh de 3 mhí tar éis an chinnidh. Ba cheart na coinníollacha agus an fhianaise sin a cheapadh ar bhealach comhréireach agus níor cheart dóibh ualach nach bhfuil gá leis a chur ar oibreoirí ná ar allmhaireoirí.

(15)Chun na hallmhaireoirí a ndéanann ionadaí indíreach custaim ionadaíocht orthu a shainaithint, ba cheart uimhir chláraithe agus aitheantais oibreoirí eacnamaíocha (uimhir EORI), nó aon chineál eile uimhreach aitheantais náisiúnta, na n‑allmhaireoirí a ndéantar ionadaíocht orthu a áireamh san iarratas ar údarú.

(16)Chun aghaidh a thabhairt ar an riosca maidir le mídhearbhú na n‑astaíochtaí leabaithe arna gcinneadh ar bhonn na n‑astaíochtaí iarbhír, ba cheart cead a bheith ag an gCoimisiún agus ag an údarás inniúil a iarraidh ar an dearbhóir SCCT údaraithe fianaise a sholáthar gur táirgeadh na hearraí allmhairithe sa tsuiteáil dhearbhaithe, agus maidir leis an tréimhse táirgthe a dearbhaíodh. I gcás earraí áirithe, amhail na hearraí sin atá faoi réir ilchineálacht níos airde maidir le déine astaíochtaí, nó i gcásanna áirithe amháin, ba cheart an fhianaise a cheangal mar chuid den dearbhú SCCT. Ba cheart an chumhacht a thabhairt don Choimisiún gníomhartha cur chun feidhme a ghlacadh chun na hearraí a shainaithint ar cheart an fhianaise sin a cheangal ina leith mar chuid den dearbhú SCCT chomh maith leis an gcineál sonrach fianaise a bheidh le soláthar.

(17)Chun próiseáil faisnéise faoi oibreoirí i dtríú tíortha a éascú, chun an t‑ualach riaracháin ar an oibreoir agus ar an dearbhóir SCCT údaraithe a laghdú agus chun an t‑athbhreithniú ar dhearbhuithe SCCT a éascú, ba cheart clárú oibreoirí a bheith ina chéim riachtanach chun astaíochtaí leabaithe a chinneadh ar bhonn astaíochtaí fíoraithe iarbhír.

(18)Chun cur chuige comhchuibhithe a chothú maidir leis an athbhreithniú ar dhearbhuithe SCCT, ba cheart a shoiléiriú go bhféadfaidh an Coimisiún, mar chuid den ghníomh cur chun feidhme a bhaineann le formáid chaighdeánach an dearbhaithe SCCT, nósanna imeachta a leagan amach chun athbhreithniú a dhéanamh ar dhearbhuithe SCCT.

(19)Tá astaíochtaí ó tháirgeadh dramh réamhthomhaltais san Aontas faoi réir praghas carbóin ós rud é, faoi CTA AE, go dtomhaistear astaíochtaí ar leibhéal na suiteála. Ós rud é go sanntar astaíochtaí nialasacha d’alúmanam réamhthomhaltais agus do dhramhchruach réamhthomhaltais faoi Rialachán (AE) 2023/956, tá earraí allmhairithe ina n‑úsáidtear dramhalúmanam réamhthomhaltais agus dramhchruach réamhthomhaltais mar ábhar ionchuir faoi réir praghas carbóin níos ísle i gcomparáid le hearraí a tháirgtear san Aontas, rud a lagaíonn éifeachtacht SCCT maidir le haghaidh a thabhairt ar an mbaol sceite carbóin i gcás earraí a liostaítear in Iarscríbhinn I.

(20)D’fhonn éifeachtacht SCCT a neartú chun aghaidh a thabhairt ar an mbaol sceite carbóin i gcás earraí, ba cheart astaíochtaí dramhalúmanaim réamhthomhaltais agus dramhchruach réamhthomhaltais a chur san áireamh chun astaíochtaí leabaithe earraí a ríomh. Ós rud é gur comhtháirge é dramh réamhthomhaltais a ghintear go neamhbheartaithe sa phróiseas táirgthe earraí miotail agus atá in-athúsáidte láithreach i bpróiseas táirgthe, ní mheastar é ina bhaol sceite carbóin ann féin. Dá bhrí sin, níor cheart astaíochtaí dramhalúmanaim réamhthomhaltais agus dramhchruach réamhthomhaltais a chur san áireamh ach amháin nuair a úsáidtear iad mar réamhtheachtaí i gcás earraí a liostaítear in Iarscríbhinn I a ghabhann leis an Rialachán seo. Ba cheart don Choimisiún a áirithiú nach ndéanfar imchéimniú maidir le faireachán, tuairisciú agus fíorú astaíochtaí atá leabaithe i ndramh réamhthomhaltais a úsáidtear mar ábhar ionchuir (réamhtheachtaí), lena n‑áirítear trí dhramh réamhthomhaltais a mhí-thuairisciú mar dhramh iarthomhaltais chun cinneadh na n‑astaíochtaí leabaithe a ísliú.

(21)Chun cur i bhfeidhm Rialachán (AE) 2023/956 a éascú, féadfaidh an tAontas, i gcomhthéacs an Rialacháin Cur Chun Feidhme maidir le cuntasaíocht a dhéanamh ar an bpraghas carbóin a íocadh thar lear, na creidmheasanna carbóin faoi Airteagal 6 de Chomhaontú Pháras a mheas.

(22)Ba cheart a shoiléiriú, mar gheall ar íogaireacht tráchtála roinnt eilimintí sonraí a cheanglaítear chun astaíochtaí iarbhír a thuairisciú, a ríomh agus a fhíorú, go bhféadfaidh an t‑oibreoir a roghnú gan a nochtadh ach achoimre ar na heilimintí sin is gá chun na hastaíochtaí leabaithe a chinneadh agus a fhíorú, agus i gcomhair cur i bhfeidhm na gcoinníollacha maidir le húsáid astaíochtaí iarbhír le haghaidh teaglamaí ábhartha earraí agus tionscnamh. Níor cheart a cheangal ar an dearbhóir SCCT údaraithe ach taifid ar an bhfaisnéis a nochtadh a choimeád.

(23)Tagann dúshláin shonracha chun cinn maidir le húsáid astaíochtaí iarbhír atá leabaithe in earraí iartheachtacha a tháirgtear le hábhar ionchuir iolrach (réamhtheachtaithe), agus i gcás ina mbaineann na hábhair sin le hearnálacha éagsúla SCCT nó le hearnálacha nach gcumhdaítear faoi raon feidhme an Rialacháin seo. Is iondúil go mbíonn slabhraí luacha domhanda níos faide agus níos coimpléascaí ag na hearraí sin, agus go mbíonn céimeanna táirgthe iomadúla i gceist lena dtáirgeadh. Beidh sé deacair ó thaobh riaracháin de faisnéis fhíoraithe maidir le hastaíochtaí iarbhír a n‑ábhar ionchuir (réamhtheachtaithe) a fhoinsiú, rud a dhídhreasódh úsáid astaíochtaí iarbhír. Chun aghaidh a thabhairt ar na dúshláin sin, ba cheart úsáid luachanna réamhshocraithe na n‑earraí sonracha sin a éascú le neamhchur i bhfeidhm an chorrlaigh, gan dochar do shláine comhshaoil SCCT.

(24)Ós rud é go bhféadfar an doiciméadacht maidir le praghas carbóin a dheimhniú sula n‑allmhairítear an t‑earra isteach san Aontas, ní iomchuí a cheangal ar an duine a dheimhníonn an fhaisnéis atá sa doiciméadacht maidir le praghas carbóin a bheith neamhspleách ar an dearbhóir SCCT údaraithe.

(25)Ós rud é go gceanglaítear le hasbhaint an phraghais carbóin a íoctar go héifeachtach i dtríú tír go mbunófar na hastaíochtaí leabaithe ar astaíochtaí fíoraithe iarbhír, agus ós rud é nach mór deimhniú dhoiciméadacht an phraghais carbóin a bheith ag brath ar fhíorú astaíochtaí leabaithe roimh ré, tá dlúthbhaint idir fíorú astaíochtaí leabaithe agus deimhniú an phraghais carbóin a íoctar ar na hastaíochtaí sin agus d’fhéadfadh sé gurb é an duine céanna a dhéanfadh é. Thairis sin, ba cheart deimhniú an phraghais carbóin a bheith faoi réir rialú agus formhaoirseacht ar aon dul leis an rialú agus an fhormhaoirseacht a fheidhmítear chun astaíochtaí a fhíorú. Ba cheart a shoiléiriú, dá bhrí sin, go dtugtar de chumhacht don Choimisiún gníomhartha cur chun feidhme a ghlacadh maidir leis na coinníollacha lena gcinnteofar cáilíochtaí an duine atá freagrach as an bhfaisnéis atá i ndoiciméadacht an phraghais carbóin a dheimhniú, trí chlárlann SCCT, agus lena n‑áirítear creidiúnú arna dheonú ag comhlacht creidiúnaithe náisiúnta, agus na nósanna imeachta deimhniúcháin agus an malartú faisnéise is gá a chumhdach.

(26)Chun fíorú astaíochtaí leabaithe a éascú i gcás earraí coimpléascacha, ba cheart a shoiléiriú gur cheart oibreoir a bheith in ann faisnéis a chomhroinnt, lena n‑áirítear maidir le fíorú astaíochtaí atá leabaithe in ábhair ionchuir (réamhtheachtaithe), le hoibreoir eile.

(27)Chun seasamh airgeadais iarratasóra nó dearbhóra SCCT údaraithe a áirithiú, ba cheart cead a bheith ag na húdaráis inniúla a cheangal go soláthrófaí ráthaíocht i gcásanna eile seachas i gcás nach raibh iarratasóir bunaithe sa 2 bhliain airgeadais roimh an mbliain a cuireadh an t‑iarratas isteach. Chun bailiú cuí ioncam a choimirciú, is iomchuí freisin é a chur ar a gcumas d’údaráis inniúla an ráthaíocht a sholáthraítear a úsáid, i gcás nach gcomhlíonann an dearbhóir SCCT údaraithe a n‑oibleagáid an líon deimhnithe SCCT a bheith aige ag deireadh gach ráithe, ar deimhnithe iad a chomhfhreagraíonn do 50 % de na hastaíochtaí atá leabaithe sna hearraí a d’allmhairigh siad isteach san Aontas ó thús na bliana.

(28)Ba cheart a shoiléiriú, chun é a chur ar a gcumas do chomhlachtaí creidiúnaithe náisiúnta, don Choimisiún agus d’údaráis inniúla fíoraitheoirí a rialú agus faireachán a dhéanamh orthu, gur gá na nósanna imeachta fíorúcháin atá le húsáid ag fíoraitheoirí a leagan síos.

(29)Chun a éifeachtacht a chaomhnú mar bheart chun sceitheadh carbóin a chosc, tá praghas dheimhnithe SCCT le ríomh ag an gCoimisiún bunaithe ar mheáin sheachtainiúla na lamháltas a chuirtear ar ceant i gCóras Trádála Astaíochtaí an Aontais Eorpaigh (‘CTA AE’). Chun a áirithiú go mbeidh praghas an deimhnithe SCCT ina léiriú dlúth ar phraghsanna CTA i gcónaí, is iomchuí riail ríomha shonrach a sholáthar le haghaidh na seachtainí féilire nach mbeidh ach aon cheant amháin ar siúl ar an ardán ceantála lena linn.

(30)Ó 2027 ar aghaidh, beidh dearbhóirí SCCT údaraithe os cionn na tairsí maisbhunaithe aonair le háirithiú go gcomhfhreagraíonn an líon deimhnithe SCCT ar a gcuntas i gclárlann SCCT ag deireadh gach ráithe do 50 % ar a laghad de na hastaíochtaí atá leabaithe in earraí allmhairithe ó thús na bliana sin. Ós rud é go mbunaítear an riail sin ar thimthriall bliantúil, ar a mbraitheann teorainn athcheannaigh dheimhnithe SCCT, is iomchuí deimhnithe a ceannaíodh le linn blianta eile seachas an bhliain féilire sin a eisiamh ón líon deimhnithe SCCT a ndéanann an ríomh ráithiúil difear dóibh.

(31)Chun an próiseas athcheannaigh a chuíchóiriú, éifeachtúlacht an phróisis a mhéadú agus an t‑ualach riaracháin a laghdú agus, an tráth céanna, an tsláine slándála agus formhaoirseacht láidir a choinneáil ar bun, ba cheart gur féidir le dearbhóir SCCT údaraithe a dheimhnithe SCCT iomarcacha a chur á n‑athcheannach go díreach ag an údarás inniúil.

(32)I gcás earraí áirithe, amhail cion clincir stroighne, cion nítrigine leasachán nó eilimintí cóimhiotalaithe cruach, is fachtóir tábhachtach cinntitheach de na hastaíochtaí leabaithe é comhdhéanamh ábhair agus cheimiceacha an earra. Chun aghaidh a thabhairt ar an riosca maidir le mídhearbhú na n‑astaíochtaí leabaithe a chinntear ar bhonn na n‑astaíochtaí iarbhír le haghaidh earraí áirithe atá faoi réir ilchineálacht níos airde déine astaíochtaí, ba cheart an chumhacht a thabhairt don Choimisiún gníomhartha cur chun feidhme a ghlacadh chun comhdhéanaimh ábhair agus cheimiceacha earra a shainaithint sa dearbhú custaim.

(33)Chun a áirithiú go soláthróidh na húdaráis chustaim do na húdaráis inniúla agus don Choimisiún an fhaisnéis chustaim agus na sonraí custaim uile is gá chun Rialachán (AE) 2023/956 a chur chun feidhme, is gá na doiciméid tacaíochta ábhartha, an fhaisnéis tacaíochta ábhartha agus na sonraí tacaíochta ábhartha, lena n‑áirítear an bille urscaoilte, atá le cur in iúl ag na húdaráis chustaim a shonrú.

(34)An uimhir chuntais SCCT a áirítear sa dearbhú custaim, sa bhille urscaoilte, sa dearbhú fála, nó in aon doiciméad custaim ábhartha eile tráth a scaoiltear earraí i saorchúrsaíocht, ba cheart a shoiléiriú gur cheart an uimhir sin a úsáid chun a chinneadh cé atá freagrach as glacadh leis na hoibleagáidí a leagtar amach sa Rialachán seo.

(35)Chun cruinneas na sonraí agus na faisnéise custaim atá ar fáil do na húdaráis inniúla i gclárlann SCCT a áirithiú, ba cheart cead a bheith ag na húdaráis inniúla a iarraidh ar na húdaráis chustaim nó ar an gCoimisiún an fhaisnéis sin a bhailíochtú. Ba cheart a thabhairt de chumhacht don Choimisiún gníomhartha cur chun feidhme a ghlacadh lena sainítear raon feidhme na faisnéise, agus an tréimhsiúlacht, uainiú agus an modh chun an fhaisnéis sin a chur in iúl.

(36)Chun cosc a chur ar chleachtais a d’fhéadfadh an bonn a bhaint de chuspóirí SCCT a bhaint amach, ba cheart don Choimisiún faireachán leanúnach a dhéanamh ar leibhéal an Aontais ar chleachtais imchéimnithe arb é atá iontu slabhra soláthair na n‑earraí a choigeartú go saorga chun na hoibleagáidí a leagtar síos i Rialachán (AE) 2023/956 a sheachaint.

(37)Chun freagairt thapa a chumasú i gcás iarmhairtí tromchúiseacha agus neamh-intuartha mar thoradh ar earra a áireamh i raon feidhme SCCT, as a n‑eascraíonn díobháil thromchúiseach do mhargadh inmheánach an Aontais, ba cheart an chumhacht a thabhairt don Choimisiún gníomhartha tarmligthe a ghlacadh chun earra a bhaint de raon feidhme Rialachán (AE) 2023/956.

(38)Chun ailíniú níos fearr leis an Ainmníocht Chomhcheangailte (‘AC’) a leagtar amach i Rialachán (CEE) Uimh. 2658/87 ón gComhairle 24 a áirithiú, ba cheart an tuairisc ar chóid AC áirithe in Iarscríbhinn I a ghabhann le Rialachán (AE) 2023/956 a shoiléiriú.

(39)Leis an gcéimniú amach de réir a chéile ar leithdháileadh lamháltas saor in aisce idirthréimhseach faoi Threoir 2003/87/CE ó Pharlaimint na hEorpa agus ón gComhairle 25 , lena mbunaítear córas i ndáil le trádáil lamháltas astaíochtaí gás ceaptha teasa laistigh den Aontas (‘CTA AE’), agus céimniú isteach SCCT de réir a chéile, is dócha go n‑aistreofar an baol sceite carbóin ó na hearnálacha réamhtheachtacha a chumhdaítear faoi láthair le SCCT chuig táirgí iartheachtacha. Chun éifeachtacht chuspóirí SCCT a chaomhnú, is gá, dá bhrí sin, raon feidhme Rialachán (AE) 2023/956 a leathnú chuig táirgí atá níos faide síos an slabhra luacha.

(40)I gcomhréir leis an bPlean Gníomhaíochta Eorpach maidir le Cruach agus Miotail, ba cheart don leathnú ar raon feidhme Rialachán (AE) 2023/956 díriú ar na hearnálacha miotail agus ar na hearraí ina bhfuil sciar suntasach de tháirgí SCCT. Dá bhrí sin, ba cheart a chumhdach leis earraí iartheachtacha atá dian ar chruach agus alúmanam arb iad na hearraí iartheachtacha iad is mó a allmhairítear isteach san Aontas i dtéarmaí lín, luacha agus méide, agus a bhfuil an baol is mó sceite carbóin ag baint leo. Léiríonn na hearnálacha cruach agus alúmanaim freisin an indéantacht theicniúil is airde chun astaíochtaí iarbhír atá leabaithe in earraí a ríomh. 

(41)Ba cheart roghnú na n‑earraí iartheachtacha atá dian ar chruach agus ar alúmanam a bheith bunaithe ar chritéir agus ar thairseacha atá sainithe go soiléir, lena léirítear an baol sceite carbóin a bhaineann le gach táirge, lena n‑áirítear a sciar d’astaíochtaí leabaithe, a n‑ábharthacht ó thaobh na haeráide de agus a indéanta atá sé go teicniúil iad a áireamh faoi raon feidhme Rialachán (AE) 2023/956. Ba cheart an baol sceite carbóin a thuiscint maidir lena intrádála atá an táirge agus maidir leis an gcomparáid idir an costas carbóin atá leabaithe in ábhair ionchuir (réamhtheachtaithe) an táirge agus breisluach foriomlán an táirge. Bunaithe ar na critéir chéanna, ba cheart don Choimisiún measúnú a dhéanamh amach anseo ar raon feidhme an Rialacháin sin a leathnú chuig earraí iartheachtacha breise agus a chonclúidí a chur faoi bhráid Pharlaimint na hEorpa agus na Comhairle i dtuarascáil.

(42)De réir na bprionsabal agus na modhanna ríofa is infheidhme maidir le hearraí eile, ba cheart astaíochtaí leabaithe in earraí iartheachtacha a ríomh ar bhonn na n‑astaíochtaí iarbhír arna bhfíorú ag fíoraitheoir, nó faoi threoir luachanna réamhshocraithe arna ríomh agus arna gcur ar fáil ag an gCoimisiún. Ós rud é go bhfuil teorainneacha córais na bpróiseas táirgthe teoranta do theorainneacha córais na bpróiseas táirgthe a chumhdaítear le CTA AE, ba cheart sannadh na n‑astaíochtaí atá leabaithe in earraí iartheachtacha a theorannú do na hastaíochtaí atá in ábhair ionchuir (réamhtheachtaithe). Ba cheart ábhair ionchuir (réamhtheachtaithe) earraí iartheachtacha nach liostaítear in Iarscríbhinn II a ghabhann le Rialachán (AE) 2023/956 a chur san áireamh agus astaíochtaí leabaithe á ríomh.

(43)I gcás líon teoranta earraí iartheachtacha, d’fhéadfadh na hastaíochtaí leabaithe, ag brath ar chomhdhéanamh ábharach an earra, a bheith go hiomlán lasmuigh de raon feidhme SCCT. Is gá, dá bhrí sin, a shonrú nár cheart earraí iartheachtacha a dhéantar go heisiach as ábhair nach dtagann faoi raon feidhme SCCT a chumhdach faoi raon feidhme Iarscríbhinn I a ghabhann le Rialachán (AE) 2023/956.

(44)Tagann dúshláin shonracha chun cinn maidir le húsáid astaíochtaí iarbhír atá leabaithe in earraí iartheachtacha a tháirgtear le hábhar ionchuir iolrach (réamhtheachtaithe), agus i gcás ina mbaineann na hábhair sin le hearnálacha éagsúla SCCT nó le hearnálacha nach gcumhdaítear faoi raon feidhme an Rialacháin seo. Is iondúil go mbíonn slabhraí luacha domhanda níos faide agus níos coimpléascaí ag na hearraí sin, agus go mbíonn céimeanna táirgthe iomadúla i gceist lena dtáirgeadh. Beidh sé deacair ó thaobh riaracháin de faisnéis fhíoraithe maidir le hastaíochtaí iarbhír a n‑ábhar ionchuir (réamhtheachtaithe) a fhoinsiú, rud a dhídhreasódh úsáid astaíochtaí iarbhír. Chun aghaidh a thabhairt ar na dúshláin sin, ba cheart úsáid luachanna réamhshocraithe na n‑earraí sonracha sin a éascú le neamhchur i bhfeidhm an chorrlaigh, gan dochar do shláine comhshaoil SCCT.

(45)Tagann dúshláin shonracha chun cinn maidir le húsáid astaíochtaí iarbhír atá leabaithe in earraí iartheachtacha a chumhdaítear sna hearnálacha ‘Iarann agus Cruach’, ‘Alúmanam’ agus ‘Earraí Miotail Comhcheangailte’ dá dtagraítear in Iarscríbhinn I a ghabhann le Rialachán (AE) 2023/956. Mar gheall ar dhúshláin a bhaineann le sonraí a bhailiú feadh an tslabhra soláthair maidir le cuid de chomhpháirteanna na n‑earraí sin, ba cheart sainastaíochtaí leabaithe na n‑earraí uile a chumhdaítear sna ranna sin a ríomh mar fheidhm d’astaíochtaí leabaithe na n‑ábhar ionchuir (réamhtheachtaithe) atá sna hearraí.

(46)Ba cheart modhnú a dhéanamh ar an modh a úsáidtear chun an fachtóir astaíochta le haghaidh leictreachas allmhairithe a ríomh chun an leictreachas a tháirgtear ó gach foinse, lena n‑áirítear foinsí breosla neamhiontaise, a chur san áireamh. Mar thoradh air sin, ba cheart don Choimisiún luachanna réamhshocraithe athbhreithnithe le haghaidh leictreachas allmhairithe a ríomh agus a chur ar fáil.

(47)Chun cur chuige modheolaíochta comhsheasmhach a áirithiú i ndáil leis na luachanna réamhshocraithe a chuirtear i bhfeidhm le haghaidh astaíochtaí indíreacha, ba cheart a shoiléiriú gur cheart an luach réamhshocraithe malartach le haghaidh astaíochtaí indíreacha a d’fhéadfadh tríú tír, nó grúpa de thríú tíortha, a léiriú a bheith níos ísle ná an ceann arna suí ag an gCoimisiún, a bheith bunaithe ar an modh ríofa céanna leis na luachanna réamhshocraithe le haghaidh astaíochtaí indíreacha arna gcinneadh ag an gCoimisiún.

(48)Chun cinneadh astaíochtaí leabaithe leictreachais a éascú ar bhonn astaíochtaí iarbhír, ba cheart na coinníollacha maidir le cur i bhfeidhm astaíochtaí leabaithe iarbhír i leictreachas allmhairithe a dhéanamh níos solúbtha. Ba cheart a shoiléiriú go bhféadfar úsáid a bhaint as comhaontuithe ceannaigh cumhachta áirithe a thugtar i gcrích idir idirghabhálaithe. Thairis sin, i bhfianaise deacrachtaí praiticiúla maidir lena léiriú nach bhfuil plódú líonra fisiceach ann ag aon phointe den líonra tráth an allmhairithe, ba cheart an critéar sin, chomh maith leis an gcritéar malartach lena gcruthófar an nasc díreach le córas tarchurtha an Aontais, a bhaint. Ar deireadh, níor cheart é a bheith riachtanach a léiriú go ndearnadh ainmniúchán cinnte maidir leis an acmhainneacht idirnaisc arna leithdháileadh i gcás ina leithdháiltear an acmhainneacht tarchurtha trí leithdháileadh acmhainneachta intuigthe.

(49)Mar gheall ar íogaireacht roinnt eilimintí sonraí atá mar bhonn taca le fíorú astaíochtaí leabaithe ó thaobh na tráchtála de, níor cheart a bheith sa tuarascáil fíorúcháin ach an fhaisnéis is gá chun astaíochtaí leabaithe na n‑earraí a shuí. Níor cheart a áireamh sa tuarascáil fíorúcháin faisnéis maidir leis na hastaíochtaí arna scaoileadh ag an tsuiteáil nó maidir le hearraí nach gcuimsítear i raon feidhme an Rialacháin seo, cé go bhfuil sí faoi réir athbhreithniú ón bhfíoraitheoir mar sin féin.

(50)Chun eilimintí neamhriachtanacha áirithe de Rialachán (AE) 2023/956 a leasú, ba cheart an chumhacht chun gníomhartha a ghlacadh i gcomhréir le hAirteagal 290 den Chonradh ar Fheidhmiú an Aontais Eorpaigh a tharmligean chuig an gCoimisiún i leith earraí a bhaint de raon feidhme Iarscríbhinn I, i gcás inar gá, mar gheall ar dhíobháil thromchúiseach do mhargadh inmheánach an Aontais de bharr imthosca tromchúiseacha nárbh fhéidir a thuar, agus go dtí go mbeidh na himthosca tromchúiseacha sin nárbh fhéidir a thuar imithe in éag. Go sonrach, chun rannpháirtíocht chomhionann in ullmhú na ngníomhartha tarmligthe a áirithiú, ba cheart go bhfaigheadh Parlaimint na hEorpa agus an Chomhairle na doiciméid uile an tráth céanna leis na saineolaithe sna Ballstáit, agus ba cheart go mbeadh rochtain chórasach ag a gcuid saineolaithe ar chruinnithe ghrúpaí saineolaithe an Choimisiúin a bhíonn ag déileáil le hullmhú na ngníomhartha tarmligthe.

(51)Maidir le cuspóirí an Rialacháin seo, is é sin, i ndáil le leathnú a dhéanamh ar an sásra a ghlac an tAontas chun an baol sceite carbóin a chosc agus, ar an gcaoi sin, astaíochtaí carbóin domhanda a laghdú, agus chun aghaidh a thabhairt ar an riosca imchéimniúcháin agus ar chleachtais a d’fhéadfadh an bonn a bhaint de chuspóirí SCCT, ós rud é nach féidir leis na Ballstáit iad a ghnóthú go leormhaith ach gur fearr is féidir iad a ghnóthú ar leibhéal an Aontais de bharr scála nó éifeachtaí na gníomhaíochta, féadfaidh an tAontas bearta a ghlacadh, i gcomhréir le prionsabal na coimhdeachta a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta a leagtar amach san Airteagal sin, ní théann an Rialachán seo thar a bhfuil riachtanach chun na cuspóirí sin a ghnóthú.

(52)Ba cheart, dá bhrí sin, Rialachán (AE) 2023/956 a leasú dá réir,

(53)Chun astaíochtaí leabaithe leictreachais a chinneadh, chun go bhféadfar na chéad dearbhuithe SCCT a chur isteach faoin 30 Meán Fómhair 2027 ar bhonn an Rialacháin seo, ba cheart feidhm a bheith ag na hathruithe ar an modh a úsáidtear chun an fachtóir astaíochta le haghaidh leictreachas allmhairithe a ríomh agus ar na coinníollacha chun astaíochtaí leabaithe iarbhír i leictreachas allmhairithe a chur i bhfeidhm maidir le hallmhairí leictreachais a tharla ón 1 Eanáir 2026 ar aghaidh. Chun intuarthacht leordhóthanach a sholáthar, ba cheart feidhm ón 1 Eanáir 2028 a bheith ag an leathnú ar raon feidhme Iarscríbhinn I a ghabhann le Rialachán (AE) 2023/956 agus chuig ábhair ionchuir (réamhtheachtaithe) a liostaítear in Iarscríbhinn VIII,

(54)Ba cheart, dá bhrí sin, Rialachán (AE) 2023/956 a leasú dá réir,

TAR ÉIS AN RIALACHÁN SEO A GHLACADH:

Airteagal 1

Leasuithe ar Rialachán (AE) 2023/956

Leasaítear Rialachán (AE) 2023/956 mar a leanas: 

(1)Leasaítear Airteagal 2 mar a leanas: 

(a)cuirtear an mhír 2a seo a leanas isteach:

‘2a. Ar a ionchorprú i gComhaontú LEE, beidh feidhm ag an Rialachán seo freisin maidir le táirgí próiseáilte ó earraí a liostaítear in Iarscríbhinn I de thionscnamh tríú tír, ar tháirgí iad a eascraíonn as an nós imeachta próiseála isteach dá dtagraítear in Airteagal 256 de Rialachán (AE) Uimh. 952/2013, i gcás ina n‑ath-onnmhairítear iad chuig críoch chustaim na hIorua nó na hÍoslainne, ar choinníoll go n‑allmhairítear chuig na tíortha sin iad.

Féadfaidh an Coimisiún gníomhartha cur chun feidhme a ghlacadh lena leagtar síos na coinníollacha mionsonraithe maidir le SCCT a chur i bhfeidhm ar tháirgí den sórt sin. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 29(2) den Rialachán seo.’;

(b)i mír 4, cuirtear an fhomhír seo a leanas léi:

‘Ar a ionchorprú i gComhaontú LEE, de mhaolú ar mhíreanna 1 agus 2, ní bheidh feidhm ag an Rialachán seo maidir le hearraí de thionscnamh tríú tíortha a scaoileadh i saorchúrsaíocht roimhe sin i gcríoch chustaim na Stát CSTE a bhfuil SCCT ionchorpraithe iontu, ar choinníoll go léiríonn an dearbhóir custaim sa dearbhú custaim a taisceadh i gcríoch chustaim an Aontais ina dhiaidh sin gur scaoileadh na hearraí i saorchúrsaíocht roimhe sin i gcríoch chustaim na Stát CSTE sin agus ar choinníoll, arna iarraidh sin don údarás custaim, go gcuireann an dearbhóir custaim doiciméadacht nó faisnéis ar fáil lena gcruthaítear gur scaoileadh na hearraí i saorchúrsaíocht roimhe sin laistigh de chríoch chustaim na Stát CSTE faoi seach. Is ar an dearbhóir custaim a bheidh an fhreagracht as an gcruthúnas sin a bheith ar fáil tráth a dtaiscfear an dearbhú custaim.’;

(c)cuirtear an mhír 7a seo a leanas isteach:

‘I gcás inar iarr tríú tír a margadh leictreachais a chomhtháthú le margadh leictreachais an Aontais trí mhargadhchúpláil de bhun comhaontú idirnáisiúnta, féadfaidh an Coimisiún, agus é ag suí go bhfuil acquis an mhargaidh leictreachais trasuite go hiomlán ag an tríú tír ábhartha, Meabhrán Tuisceana a thabhairt i gcrích leis an tríú tír sin.

Sa Mheabhrán Tuisceana dá dtagraítear sa chéad fhomhír, socrófar an amlíne maidir le cur i bhfeidhm na díolúine dá bhforáiltear in Airteagal 2(7) agus an amlíne maidir le cur chun feidhme ionstraime praghsála carbóin atá coibhéiseach le CTA AE, a mhéid a bhaineann le giniúint leictreachais.’;

(d)cuirtear an méid a leanas in ionad mhír 8:

‘Déanfar tríú tír nó tríú críoch a chomhlíonann na coinníollacha uile a leagtar amach i mír 7 a liostú i bpointe 2 d’Iarscríbhinn III. Agus measúnú á dhéanamh aige an gcomhlíontar na coinníollacha a leagtar amach i mír 7 den Airteagal seo, cuirfidh an Coimisiún san áireamh an dul chun cinn i gcomhréir leis an amlíne a leagtar síos i Meabhrán Tuisceana faoi Airteagal 2(7a).

(e)cuirtear an méid seo a leanas in ionad mhíreanna 11 agus 12:

‘11. Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 28 chun na liostaí de thríú tíortha nó de thríú críocha a liostaítear i bpointe 1 nó 2 d’Iarscríbhinn III a leasú trí thríú tír nó tríú críoch a chur leis nó a bhaint as, ag brath ar cibé atá nó nach bhfuil na coinníollacha a leagtar amach i míreanna 6, 7 nó 9 den Airteagal seo á gcomhlíonadh i ndáil leis an tríú tír nó leis an tríú críoch sin, nó mar thoradh ar ionchorprú SCCT i gComhaontú LEE. Más rud é, i gcás tríú tír a chur leis an liosta de thríú tíortha nó de thríú críocha a liostaítear i bpointe 2 d’Iarscríbhinn III, go n‑éilítear amhlaidh ar mhórfhorais phráinne, beidh feidhm ag an nós imeachta dá bhforáiltear in Airteagal 28a maidir le gníomhartha tarmligthe a ghlactar de bhun na míre seo.

Féadfaidh an tAontas comhaontuithe a thabhairt i gcrích le tríú tíortha nó le tríú críocha d’fhonn sásraí praghsála carbóin sna tíortha nó sna críocha sin a chur san áireamh chun Airteagal 9 a chur i bhfeidhm chomh maith le haitheantas frithpháirteach a thabhairt do chomhlachtaí creidiúnaithe tríú tíortha chun duine dlítheanach a chreidiúnú mar fhíoraitheoir de bhun Airteagal 18.’;

(2)cuirtear an fhomhír seo a leanas le hAirteagal 2a(3):

‘Maidir lena mheasúnú 2027 atá dlite faoin 30 Aibreán 2027, úsáidfidh an Coimisiún na sonraí allmhairiúcháin maidir le hearraí atá in Iarscríbhinn I a ghabhann leis an Rialachán seo agus in Iarscríbhinn I a ghabhann le Rialachán (AE) XX/XX [Rialachán Leasaitheach]’;

(3)in Airteagal 3, cuirtear isteach an pointe (35) seo a leanas:

‘(35) Is cleachtais iad ‘cleachtais mhí-úsáideacha’ a bhíonn á saothrú ag gníomhaí chun sochar a bhaint amach trí dhliteanas airgeadais SCCT a sheachaint go míchuí, go hiomlán nó go páirteach, agus ar an gcaoi sin a bhaineann an bonn d’éifeachtacht SCCT chun aghaidh a thabhairt ar an mbaol sceite carbóin san Aontas.’;

(4)in Airteagal 5(5), cuirtear an méid seo a leanas in ionad phointe (h):

‘(h) uimhir EORI nó uimhir aitheantais náisiúnta eile, ainmneacha agus faisnéis teagmhála na ndaoine sin a bhfuil an t‑iarratasóir ag gníomhú ar a son, más infheidhme.’;

(5)Leasaítear Airteagal 6 mar a leanas: 

(a)leasaítear mír 2 mar a leanas:

(1)cuirtear an méid seo a leanas in ionad phointe (b):

‘(b) iomlán na n‑astaíochtaí leabaithe sna hearraí dá dtagraítear i bpointe (a) den mhír seo, arna sloinneadh i dtonaí d’astaíochtaí CO2e in aghaidh na huaire meigeavata leictreachais nó, i gcás earraí eile, i dtonaí d’astaíochtaí CO2e in aghaidh an tona de gach cineál earraí, arna ríomh i gcomhréir le hAirteagal 7 agus, i gcás ina gcinntear na hastaíochtaí leabaithe ar bhonn na n‑astaíochtaí iarbhír arna soláthar ag an oibreoir trí bhíthin chlárlann SCCT i gcomhréir le hAirteagal 10, arna bhfíorú i gcomhréir le hAirteagal 8;’;

(2)cuirtear na pointí (e) agus (f) seo a leanas isteach:

‘(e) i gcás inarb infheidhme chun aghaidh a thabhairt ar an riosca mídhearbhaithe mar thoradh ar easpa inrianaitheachta sa slabhra soláthair, fianaise gur táirgeadh na hearraí a allmhairíodh le linn na bliana féilire roimhe sin ag an tsuiteáil dhearbhaithe agus ag am iarbhír an táirgthe dá dtagraítear sa dearbhú SCCT;

(f) i gcás ina ndéantar na hastaíochtaí leabaithe a chinneadh, i gcomhréir le gníomh tarmligthe a glacadh i gcomhréir le mír 7, ar bhonn astaíochtaí iarbhír do theaglaim d’earraí agus de thionscnaimh atá faoi réir ardriosca go mbeidh cleachtais mhí-úsáideacha ann, fianaise lena léirítear nár tháinig an t‑ardriosca go mbeidh cleachtais mhí-úsáideacha ann chun cinn.’;

(b)i mír 6, cuirtear an méid seo a leanas in ionad na chéad abairte:

‘Tugtar de chumhacht don Choimisiún gníomhartha cur chun feidhme a ghlacadh a bhaineann le formáid chaighdeánach an dearbhaithe SCCT, lena n‑áirítear faisnéis mhionsonraithe maidir le gach suiteáil agus tír thionscnaimh nó tríú tír eile agus cineál na n‑earraí atá le tuairisciú, a thacaíonn leis na hiomláin dá dtagraítear i mír 2 den Airteagal seo, go háirithe a mhéid a bhaineann le hastaíochtaí leabaithe, an praghas carbóin a íocadh, an praghas carbóin réamhshocraithe chun críoch Airteagal 9(4), an nós imeachta chun an dearbhú SCCT a chur isteach trí chlárlann SCCT, lena n‑áirítear nósanna imeachta chun athbhreithniú a dhéanamh ar dhearbuithe SCCT i gcomhréir le hAirteagal 19, agus na socruithe chun deimhnithe SCCT dá dtagraítear i mír 2, pointe (c), den Airteagal seo a thabhairt suas, i gcomhréir le hAirteagal 22(1), go háirithe maidir leis an bpróiseas agus maidir le roghnú na ndeimhnithe SCCT atá le tabhairt suas ag an dearbhóir SCCT údaraithe.’;

(c)cuirtear an mhír 6a agus an mhír 7 seo a leanas leis:

‘6a. Tugtar de chumhacht don Choimisiún gníomhartha cur chun feidhme a ghlacadh a bhaineann le sainaithint earraí nó teaglaim d’earraí agus de thionscnaimh a bhfuil fianaise le cur san áireamh ina leith sa dearbhú SCCT de bhun mhír 2, pointe (e), chomh maith leis an gcineál sonrach fianaise atá le soláthar. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 29(2).

7. Déanfaidh an Coimisiún faireachán ar leibhéal an Aontais ar thionchar SCCT ar mhargadh inmheánach an Aontais. I gcás ina gcinnfidh an Coimisiún, agus faisnéis ábhartha á cur san áireamh, lena n‑áirítear faisnéis ó dhearbhuithe allmhairiúcháin custaim agus ó dhearbhuithe SCCT, go bhfuil fianaise leordhóthanach ann a léiríonn go bhfuil ardriosca ann go mbeidh cleachtais mhí-úsáideacha ann i gcás teaglaim d’earraí agus de thionscnaimh, féadfaidh sé allmhaireoirí agus dearbhóirí SCCT údaraithe a chur ar an eolas faoi na rioscaí sin, féadfaidh sé údaráis inniúla agus údaráis custaim a chur ar an eolas faoi na rioscaí sin d’fhonn a leibhéal rialaithe a mhéadú, agus tugtar de chumhacht dó gníomhartha tarmligthe a ghlacadh i gcomhréir le hAirteagal 28 chun an Rialachán seo a fhorlíonadh trí na modhanna a leagan síos chun an teaglaim d’earraí agus de thionscnaimh a shainaithint, an fhaisnéis atá le dearbhú chun astaíochtaí iarbhír a úsáid le haghaidh na dteaglamaí sin d’earraí agus de thionscnaimh chomh maith leis an bhfianaise atá le soláthar chun a léiriú nár tharla aon mhí-úsáid.

Glacfaidh an Coimisiún na gníomhartha tarmligthe dá dtagraítear sa chéad fhomhír laistigh de 3 mhí tar éis dó a fháil amach go bhfuil fianaise leordhóthanach ann a léiríonn go bhfuil ardriosca ann go mbeidh cleachtais mhí-úsáideacha ann’;

(6)Leasaítear Airteagal 7 mar a leanas: 

(a)cuirtear an mhír 2a seo a leanas isteach:

‘2a. Déanfar astaíochtaí leabaithe in ábhair ionchuir (réamhtheachtaithe) a liostaítear in Iarscríbhinn VIII a mheas agus astaíochtaí leabaithe in earraí á gcinneadh.’;

(b)cuirtear an méid a leanas in ionad mhír 5:

‘5. Coimeádfaidh an dearbhóir SCCT údaraithe taifid den fhaisnéis a nochtar i gcomhréir le hAirteagal 10(7) ar fianaise í a cheanglaítear chun na hastaíochtaí leabaithe a ríomh i gcomhréir leis na ceanglais a leagtar síos in Iarscríbhinn V. Beidh na taifid sin mionsonraithe go leordhóthanach chun a chur ar a chumas don Choimisiún agus don údarás inniúil an dearbhú SCCT a athbhreithniú i gcomhréir le hAirteagal 19(2).’;

(c)i mír 7, cuirtear an fhomhír seo a leanas léi:

‘Féadfar a sholáthar leis na gníomhartha cur chun feidhme dá dtagraítear sa chéad fhomhír liosta d’earraí iartheachtacha nach mbeidh feidhm ag aon chorrlach maidir leo, mar gheall ar chastacht an tslabhra soláthair agus gan dochar do shláine comhshaoil SCCT.’;

(7)Leasaítear Airteagal 9 mar a leanas: 

(a)leasaítear mír 2 mar a leanas:

(1)cuirtear an méid seo a leanas in ionad an tríú habairt:

‘Is duine atá neamhspleách ar údaráis an tríú tír a dhéanfaidh an fhaisnéis sa doiciméadacht sin a dheimhniú.’;

(2)cuirtear isteach an fhomhír seo a leanas:

‘Féadfaidh an duine neamhspleách dá dtagraítear sa chéad fhomhír a bheith ina dhuine dlítheanach atá creidiúnaithe ag comhlacht creidiúnaithe náisiúnta le haghaidh raon feidhme ábhartha an chreidiúnaithe.’;

(b)leasaítear mír 5 mar a leanas:

(1)cuirtear an méid seo a leanas in ionad na chéad fhomhíre:

‘Tugtar de chumhacht don Choimisiún gníomhartha cur chun feidhme a ghlacadh, bunaithe ar phrionsabal na coibhéise, maidir leis an meánphraghas bliantúil carbóin a íoctar go héifeachtach i gcomhréir le mír 1 den Airteagal seo agus leis na praghsanna réamhshocraithe bliantúla carbóin a chinntear i gcomhréir le mír 4 den Airteagal seo a chomhshó ina laghdú comhfhreagrach ar an líon deimhnithe SCCT atá le tabhairt suas. Is leis na rialacháin sin a rialófar an praghas carbóin arna shloinneadh in airgeadra eachtrach a chomhshó go euro ag an meánráta malairte bliantúil, an fhianaise a cheanglaítear gur íocadh an praghas carbóin go hiarbhír, samplaí d’aon lacáiste ábhartha nó de chineál eile cúitimh dá dtagraítear i mír 1 den Airteagal seo, cáilíochtaí an duine neamhspleách dá dtagraítear i mír 2 den Airteagal seo agus na coinníollacha chun cáilíochtaí agus neamhspleáchas an duine sin a fhionnadh. Áireofar ar na cáilíochtaí a luaitear sa mhír roimhe seo creidiúnú arna dheonú ag comhlacht creidiúnaithe náisiúnta, na nósanna imeachta deimhniúcháin a shonrú, agus na malartuithe iomchuí faisnéise idir an duine neamhspleách, comhlachtaí creidiúnúcháin náisiúnta, an Coimisiún Eorpach agus údaráis inniúla. Tugtar de chumhacht don Choimisiún freisin rialáil a dhéanamh ar na coinníollacha maidir le creidmheasanna carbóin a asbhaint faoi Airteagal 6 de Chomhaontú Pháras. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 29(2).

(2)cuirtear isteach an fhomhír seo a leanas:

‘Áireofar ar na cáilíochtaí dá dtagraítear sa chéad fhomhír creidiúnú arna dheonú ag comhlacht creidiúnaithe náisiúnta, sonrú na nósanna imeachta deimhniúcháin agus na malartuithe iomchuí faisnéise idir an duine neamhspleách, comhlachtaí creidiúnúcháin náisiúnta, an Coimisiún agus údaráis inniúla.’;

(8)Leasaítear Airteagal 10 mar a leanas:

(a)cuirtear an méid a leanas in ionad mhír 1:

‘1. Chun gur féidir astaíochtaí leabaithe a fhíorú ar bhonn astaíochtaí iarbhír agus chun an praghas carbóin a íocadh i dtríú tír a chinneadh, i gcás inarb infheidhme, déanfaidh an Coimisiún, arna iarraidh sin d’oibreoir suiteála atá lonnaithe i dtríú tír, an fhaisnéis faoin oibreoir sin agus faoina shuiteáil a chlárú sa chlárlann SCCT dá dtagraítear in Airteagal 14.’;

(b)i mír 5, cuirtear an pointe (e) seo a leanas isteach:

‘(e) a áirithiú, i gcás inarb infheidhme de bhun Airteagal 6(7), go gcomhlíonfar na coinníollacha a leagtar síos maidir le húsáid astaíochtaí iarbhír, le haghaidh teaglamaí ábhartha earraí agus tionscnamh.’;

(c)i mír 7, cuirtear an méid seo a leanas in ionad na chéad abairte:

‘Féadfaidh oibreoir an fhaisnéis faoi na coinníollacha maidir le húsáid astaíochtaí iarbhír, maidir leis na teaglamaí ábhartha earraí agus tionscnamh de bhun Airteagal 6(7), fíorú astaíochtaí leabaithe agus an praghas carbóin a íocadh i dtríú tír dá dtagraítear i mír 5 den Airteagal seo le dearbhóir SCCT údaraithe nó le hoibreoir eile a nochtadh.

(d)i mír 7, cuirtear an méid seo a leanas in ionad an dara habairt:

‘Ní fhéadfaidh an t‑oibreoir ach achoimre ar an bhfaisnéis atá i mír 5, pointí (a), (b), (c) agus (e) a nochtadh don dearbhóir SCCT údaraithe. Beidh an dearbhóir SCCT údaraithe i dteideal úsáid a bhaint as an bhfaisnéis nochta sin chun an oibleagáid dá dtagraítear in Airteagal 8 a chomhlíonadh.

I gcás ina roghnaíonn an dearbhóir SCCT údaraithe an dearbhú SCCT a chur isteach ar bhonn na faisnéise nochta sin, leanfaidh an dearbhóir SCCT údaraithe de bheith freagrach as an líon ceart deimhnithe SCCT a thabhairt suas de bhun Airteagal 22(1).’;

(9)Leasaítear Airteagal 17 mar a leanas:

(a)cuirtear an mhír 5a seo a leanas isteach:

‘5a. De mhaolú ar mhír 5, i gcás ina gcinnfidh an t‑údarás inniúil nach léiríonn an t‑iarratasóir ná an dearbhóir SCCT údaraithe a acmhainneacht airgeadais chun a oibleagáidí faoin Rialachán seo a chomhlíonadh, lena n‑áirítear trí mhainneachtain an ceanglas a leagtar amach in Airteagal 22(2) a chomhlíonadh, féadfaidh an t‑údarás inniúil a cheangal go soláthrófar ráthaíocht.

Socróidh an t‑údarás inniúil méid na ráthaíochta sin ag an méid arna ríomh mar luach comhiomlán an lín deimhnithe SCCT a bheadh ar an dearbhóir SCCT údaraithe a thabhairt suas i gcomhréir le hAirteagal 22 i leith ceann amháin díobh seo a leanas:

(a)    allmhairí earraí a thuairiscítear i gcomhréir le hAirteagal 5(5), pointe (g);

(b)    an méid earraí allmhairithe a dearbhaíodh sa dearbhú custaim agus faisnéis ábhartha eile atá ar fáil don údarás inniúil ón dá bhliain féilire roimhe sin; nó

(c)    meastachán amhail is gur sáraíodh an tairseach mhaisbhunaithe aonair le meán a chomhfhreagraíonn do na hearnálacha ábhartha a chumhdaítear leis an Rialachán seo.

Ráthaíocht bhainc a bheidh sa ráthaíocht a sholáthrófar, atá iníoctha ar an gcéad éileamh, ag institiúid airgeadais a oibríonn san Aontas nó trí aon fhoirm eile ráthaíochta lena soláthraítear dearbhú coibhéiseach.’;

(b)cuirtear an méid a leanas in ionad mhír 7:

‘7. I gcás ina gceanglaítear ráthaíocht i gcomhréir le mír 5, scaoilfidh an t‑údarás inniúil an ráthaíocht go díreach tar éis an 30 Meán Fómhair den dara bliain inar thug an dearbhóir SCCT údaraithe suas deimhnithe SCCT i gcomhréir le hAirteagal 22.

I gcás ina gceanglaítear ráthaíocht i gcomhréir le mír 5a, scaoilfidh an t‑údarás inniúil an ráthaíocht go díreach tar éis an 30 Meán Fómhair den dara bliain inar thug an dearbhóir SCCT údaraithe suas deimhnithe SCCT i gcomhréir le hAirteagal 22. D’ainneoin an mhéid sin, féadfaidh an t‑údarás inniúil cinneadh a dhéanamh síneadh a chur le fad na ráthaíochta i gcás ina bhfuil údar cuí le síneadh den sórt sin.

I gcás dearbhóir SCCT údaraithe nach dtugann suas an líon leordhóthanach deimhnithe SCCT i gcomhréir le hAirteagal 22 agus tar éis cinneadh i gcomhréir le hAirteagal 19(5), úsáidfidh an t‑údarás inniúil an ráthaíocht a soláthraíodh chun an coigeartú airgeadais gan íoc a aisghabháil.

Cinnfidh an t‑údarás inniúil an méid atá le haisghabháil bunaithe ar líon na ndeimhnithe ba cheart a thabhairt suas agus ar phraghas na ndeimhnithe ar an dáta a rinneadh an cinneadh.’;

(10)in Airteagal 18(3), cuirtear isteach an abairt seo a leanas:

‘Sonrófar sna gníomhartha tarmligthe sin freisin na nósanna imeachta fíorúcháin a bheidh le húsáid ag fíoraitheoirí.’;

(11)in Airteagal 19, cuirtear isteach an mhír 2a seo a leanas:

‘2a. I gcás astaíochtaí leabaithe a chinntear ar bhonn astaíochtaí iarbhír, féadfaidh an Coimisiún nó údarás inniúil an Bhallstáit ina bhfuil an dearbhóir SCCT bunaithe, mar chuid den athbhreithniú ar an dearbhú SCCT, a iarraidh ar an dearbhóir SCCT údaraithe fianaise a sholáthar gur táirgeadh na hearraí allmhairithe ag an tsuiteáil dá dtagraítear sa dearbhú SCCT.’;

(12)Leasaítear Airteagal 21 mar a leanas:

(a)i mír 1, cuirtear an méid a leanas in ionad an dara fomhír:

‘I gcás na seachtainí féilire sin nach mbíonn aon cheant ar siúl ar an ardán ceantála, is é an praghas a bheidh ar dheimhnithe SCCT meán phraghsanna scoir lamháltais CTA AE ón tseachtain dheireanach ina raibh ceantanna ar siúl ar an ardán ceantála. I gcás na seachtainí féilire sin nach mbíonn ach aon cheant amháin ar siúl ar an ardán ceantála, is é an praghas a bheidh ar dheimhnithe SCCT meán an phraghais scoir sin agus na bpraghsanna scoir ón tseachtain dheireanach ina raibh roinnt ceantanna ar siúl ar an ardán ceantála.’;

(b)i mír 2, cuirtear an méid seo a leanas in ionad na chéad abairte:

Foilseoidh an Coimisiún praghas na ndeimhnithe SCCT ar a shuíomh gréasáin nó ar aon bhealach iomchuí eile ar an gcéad lá oibre den tseachtain féilire dár gcionn.’;

(13)in Airteagal 22(2), cuirtear isteach an fhomhír seo leanas:

‘Ó 2028 ar aghaidh, bunófar an ríomh dá dtagraítear sa chéad fhomhír ar dheimhnithe SCCT a cheannaigh an dearbhóir SCCT údaraithe le linn na bliana céanna sin agus ar na deimhnithe SCCT sin amháin.’;

(14)cuirtear an méid seo a leanas in ionad na chéad abairte den dara fomhír d’Airteagal 23(1):

‘Athcheannófar na deimhnithe SCCT iomarcacha tríd an ardán lárnach coiteann dá dtagraítear in Airteagal 20.’;

(15)Leasaítear Airteagal 25 mar a leanas:

(a)cuirtear an méid a leanas in ionad mhír 2:

‘2. Déanfaidh na húdaráis chustaim go tréimhsiúil agus go huathoibríoch, go háirithe trí bhíthin an tsásra faireachais a bunaíodh de bhun Airteagal 56(5) de Rialachán (AE) Uimh. 952/2013, faisnéis shonrach maidir leis na hearraí a dhearbhaítear le haghaidh allmhairiú a chur in iúl don Choimisiún. Áireofar leis an bhfaisnéis sin uimhir EORI nó cineál aitheantais an allmhaireora nó an dearbhóra SCCT údaraithe a dearbhaíodh i gcomhréir le hAirteagal 6(2) de Rialachán Tarmligthe (AE) 2015/2446, chomh maith le huimhir chuntais SCCT an dearbhóra SCCT údaraithe, cód AC ocht ndigit na n‑earraí, an chainníocht, an tír thionscnaimh, dáta an dearbhaithe custaim agus an nós imeachta custaim, chomh maith le haon sonraí eile is ábhartha chun an Rialachán seo a chomhlíonadh, lena n‑áirítear, i gcás inarb infheidhme, billí urscaoilte, dearbhuithe ath-onnmhairiúcháin agus doiciméadacht chustaim choibhéiseach. I gcás nach bhfuil aon uimhir EORI ag an allmhaireoir, cuirfidh na húdaráis chustaim ainm, seoladh agus, i gcás ina mbeidh fáil uirthi, faisnéis teagmhála an allmhaireora in iúl don Choimisiún freisin.

Is leis an uimhir chuntais SCCT a sholáthraítear sa dearbhú custaim nó in aon doiciméad ábhartha eile agus earraí a liostaítear in Iarscríbhinn I, nó táirgí próiseáilte a fuarthas ó na hearraí sin, á ndearbhú lena n‑allmhairiú, a chinnfear an dearbhóir SCCT údaraithe a ghlacfaidh leis na hoibleagáidí a leagtar amach sa Rialachán seo.’;

(b)i mír 3, cuirtear an fhomhír seo a leanas léi:

‘I gcás ina measann an t‑údarás inniúil go bhfuil an fhaisnéis mícheart nó míchruinn, féadfaidh an t‑údarás inniúil a iarraidh ar na húdaráis chustaim nó ar an gCoimisiún a fhíorú go bhfuil an fhaisnéis sin cruinn nó i gceart.’;

(c)i mír 6, cuirtear an méid seo a leanas in ionad na chéad abairte:

‘Tugtar de chumhacht don Choimisiún gníomhartha cur chun feidhme a ghlacadh lena sainítear raon na faisnéise, agus an tréimhsiúlacht, uainiú agus an modh chun an fhaisnéis a chur in iúl de bhun mhíreanna 2 agus 3 den Airteagal seo.’;

(d)cuirtear an mhír 7 seo a leanas isteach:

‘7. Tugtar de chumhacht don Choimisiún gníomhartha cur chun feidhme a ghlacadh chun ábhar agus comhdhéanaimh cheimiceacha earraí a liostaítear in Iarscríbhinn I a shainaithint. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 29(2).’;

(16)in Airteagal 27(2), cuirtear an pointe (c) seo a leanas leis:

‘(c) na slabhraí soláthair a choigeartú go saorga chun a shocrú go mbainfidh na hearraí tairbhe as luachanna réamhshocraithe níos ísle.’;

(17)cuirtear an tAirteagal 27a a seo a leanas isteach:

‘Airteagal 27a

Imthosca tromchúiseacha gan choinne

Déanfaidh an Coimisiún faireachán ar staid na himeartha ag leibhéal an Aontais d’fhonn faireachán a dhéanamh ar thionchar SCCT ar mhargadh inmheánach an Aontais. I gcás ina measann an Coimisiún, agus an fhianaise ábhartha á cur san áireamh aige, go ndéantar díobháil thromchúiseach do mhargadh inmheánach an Aontais de dheasca earra a áireamh in Iarscríbhinn I de bharr imthosca tromchúiseacha gan choinne a bhaineann leis an tionchar ar phraghsanna earraí, tugtar de chumhacht dó gníomhartha tarmligthe a ghlacadh i gcomhréir le hAirteagal 28 chun an t‑earra sin a bhaint d’Iarscríbhinn I go dtí go mbeidh na himthosca tromchúiseacha sin nárbh fhéidir a thuar imithe in éag.’;

(18)Leasaítear Airteagal 28 mar a leanas:

(a)cuirtear an méid seo a leanas in ionad mhíreanna 2 agus 3:

‘2. Tabharfar de chumhacht don Choimisiún na gníomhartha tarmligthe dá dtagraítear in Airteagal 2(10) agus (11), Airteagal 2a(3), Airteagal 6(7), Airteagal 18(3), Airteagal 20(5a) agus (6), Airteagal 27(6) agus Airteagal 27a, a ghlacadh go ceann tréimhse 5 bliana ón … [dáta theacht i bhfeidhm an Rialacháin seo]. Déanfaidh an Coimisiún, tráth nach déanaí ná 9 mí roimh dheireadh na tréimhse 5 bliana, tuarascáil a tharraingt suas maidir le tarmligean na cumhachta. Déanfar tarmligean na cumhachta a fhadú go hintuigthe go ceann tréimhsí comhfhaid breise, mura rud é go gcuireann Parlaimint na hEorpa nó an Chomhairle in aghaidh an fhadaithe sin tráth nach déanaí ná 3 mhí roimh dheireadh gach tréimhse.

3. Maidir leis an tarmligean cumhachta dá dtagraítear in Airteagal 2(10) agus (11), Airteagal 2a(3), Airteagal 6(7), Airteagal 18(3), Airteagal 20(5a) agus (6), Airteagal 27(6) agus Airteagal 27a, féadfaidh Parlaimint na hEorpa nó an Chomhairle an tarmligean sin a chúlghairm aon tráth,’;

(b) cuirtear an méid a leanas in ionad mhír 7:

‘7. Ní thiocfaidh gníomh tarmligthe a ghlactar de bhun Airteagal 2(10) agus (11), Airteagal 2a(3), Airteagal 6(7), Airteagal 18(3), Airteagal 20(5a) agus (6) nó Airteagal 27(6) agus Airteagal 27a i bhfeidhm ach amháin mura mbeidh aon agóid curtha in iúl ag Parlaimint na hEorpa ná ag an gComhairle laistigh de thréimhse 2 mhí tar éis fógra faoin ngníomh sin a thabhairt do Pharlaimint na hEorpa agus don Chomhairle nó más rud é, roimh dhul in éag na tréimhse sin, go mbeidh Parlaimint na hEorpa agus an Chomhairle araon tar éis a chur in iúl don Choimisiún nach ndéanfaidh siad aon agóid. Déanfar an tréimhse sin a fhadú 2 mhí ar thionscnamh Pharlaimint na hEorpa nó na Comhairle.’;

(19)cuirtear an tAirteagal 28a a seo a leanas isteach:

‘Airteagal 28

Nós imeachta práinne

1. Tiocfaidh gníomhartha tarmligthe a ghlactar faoin Airteagal seo i bhfeidhm gan mhoill agus beidh feidhm acu ar choinníoll nach ndéanfar agóid i gcomhréir le mír 2. Déanfar na cúiseanna le húsáid a bhaint as an nós imeachta práinne a lua san fhógra faoi ghníomhartha tarmligthe a thugtar do Pharlaimint na hEorpa agus don Chomhairle.

2. Féadfaidh Parlaimint na hEorpa nó an Chomhairle agóid a dhéanamh i gcoinne gníomh tarmligthe i gcomhréir leis an nós imeachta dá dtagraítear i mír 7 d’Airteagal 28. I gcás den sórt sin, déanfaidh an Coimisiún an gníomh tarmligthe a aisghairm láithreach tar éis do Pharlaimint na hEorpa nó don Chomhairle fógra a thabhairt maidir leis an gcinneadh agóid a dhéanamh.’;

(20)in Airteagal 30(6), cuirtear an méid seo a leanas in ionad an dara fomhír:

‘Roimh an 1 Eanáir 2028, agus gach 2 bhliain dá éis sin, tíolacfaidh an Coimisiún tuarascáil do Pharlaimint na hEorpa agus don Chomhairle maidir le cur i bhfeidhm an Rialacháin seo agus feidhmiú SCCT. I gcás inarb iomchuí, féadfaidh togra reachtach nó gníomhartha cur chun feidhme nó tarmligthe a glacadh de bhun an Rialacháin seo a bheith ag gabháil leis an tuarascáil sin. Beidh an méid seo a leanas ar a laghad sa tuarascáil:

(a) measúnú ar thionchar SCCT ar an méid seo a leanas:

(i) sceitheadh carbóin, lena n‑áirítear i ndáil le honnmhairí;

(ii) na hearnálacha a chumhdaítear;

(iii) an margadh inmheánach, lena n‑áirítear tionchar eacnamaíoch agus críochach ar fud an Aontais;

(iv) boilsciú agus praghas tráchtearraí;

(v) an éifeacht ar thionscail a úsáideann earraí a liostaítear in Iarscríbhinn I;

(vi) trádáil idirnáisiúnta, lena n‑áirítear athdháileadh acmhainní; agus

(vii) TLFanna.

(b) measúnú ar an méid seo a leanas:

(i) an córas rialachais, lena n‑áirítear measúnú ar chur chun feidhme agus riar na ráthaíochtaí agus údarú dhearbhóirí SCCT a dhéanfaidh na Ballstáit;

(ii) raon feidhme an Rialacháin seo, lena n‑áirítear an fhéidearthacht raon feidhme an Rialacháin seo a leathnú chuig earraí breise atá i mbaol sceite carbóin;

(iia) oiriúnacht na ngníomhartha cur chun feidhme agus na ngníomhartha tarmligthe a glacadh de bhun an Rialacháin seo;

(iib) oiriúnacht na modhanna chun luachanna réamhshocraithe a shocrú agus an corrlach a chuirtear i bhfeidhm ar na luachanna réamhshocraithe;

(ii) cleachtais imchéimnithe;

(iv) cur i bhfeidhm pionós sna Ballstáit;

(v) cur i bhfeidhm na tairsí maisbhunaithe aonair, lena n‑áirítear an fhéidearthacht an tairseach sin a mhéadú agus tairseach choinsíneacht-bhunaithe fhorlíontach a thabhairt isteach;

(c) torthaí imscrúduithe agus pionóis arna bhforchur;

(d) faisnéis chomhiomlánaithe maidir le déine astaíochtaí do gach tír thionscnaimh le haghaidh na n‑earraí éagsúla a liostaítear in Iarscríbhinn I.;’

(21)leasaítear Iarscríbhinn I i gcomhréir le hIarscríbhinn I a ghabhann leis an Rialachán seo;

(22)leasaítear Iarscríbhinn IV i gcomhréir le hIarscríbhinn II a ghabhann leis an Rialachán seo;

(23)in Iarscríbhinn VI, leasaítear pointe 2 mar a leanas:

(a)scriostar pointí (g) go (j);

(b)cuirtear an pointe (ka) seo a leanas isteach:

‘(ka) comhdhéanamh ábharach gach earra iartheachtaigh;’;

(24)cuirtear leis Iarscríbhinn VIII nua mar a leagtar amach in Iarscríbhinn III a ghabhann leis an Rialachán seo.

Airteagal 2

Teacht i bhfeidhm agus cur i bhfeidhm

Tiocfaidh an Rialachán seo i bhfeidhm an tríú lá tar éis lá a fhoilsithe in Iris Oifigiúil an Aontais Eorpaigh.

Beidh feidhm ag pointí 1 agus 6 d’Iarscríbhinn II ón 1 Eanáir 2026.

Mar sin féin, beidh feidhm ag Airteagal 1(6), pointe (a), Airteagal 1(8), pointí (a), (b) agus (c), Airteagal 1(21), (23), agus (24), agus pointe 2 d’Iarscríbhinn II ón 1 Eanáir 2028.

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh sa Bhruiséil,

RÁITEAS REACHTACH AIRGEADAIS AGUS DIGITEACH

1.LEAGAN AMACH AN TOGRA/TIONSCNAIMH3

1.1.Teideal an togra/tionscnaimh3

1.2.Réimsí beartais lena mbaineann3

1.3.Cuspóirí3

1.3.1.Cuspóirí ginearálta3

1.3.2.Cuspóirí sonracha3

1.3.3.An toradh agus an tionchar a mheastar a bheidh ann3

1.3.4.Táscairí feidhmíochta3

1.4.Baineann an togra/tionscnamh le:4

1.5.Foras an togra/tionscnaimh4

1.5.1.Na ceanglais is gá a chomhlíonadh sa ghearrthéarma nó san fhadtéarma, lena n‑áirítear amlíne mhionsonraithe maidir le cur chun feidhme céimneach an tionscnaimh4

1.5.2.Breisluach a bhaineann le rannpháirteachas an Aontais (tá rudaí éagsúla a bhféadfadh an breisluach sin eascairt astu, e.g. gnóthachain de thoradh comhordú, deimhneacht dhlíthiúil, breis éifeachtachta nó comhlántachtaí). Chun críocha na roinne seo, is é a chiallaíonn ‘breisluach a bhaineann le rannpháirteachas an Aontais’ an luach a thagann as idirghabháil an Aontais, ar luach breise é le cois an luacha a bheadh ann dá mbeadh na Ballstáit ag feidhmiú astu féin.4

1.5.3.Ceachtanna a foghlaimíodh ó thaithí eile den sórt sin san am a chuaigh thart4

1.5.4.Comhoiriúnacht don chreat airgeadais ilbhliantúil agus sineirgí a d’fhéadfadh a bheith ann le hionstraimí iomchuí eile5

1.5.5.Measúnú ar na roghanna éagsúla maoinithe atá ar fáil, lena n‑áirítear na féidearthachtaí athshannadh a dhéanamh5

1.6.Fad an togra/tionscnaimh agus an fad a mhairfidh an tionchar airgeadais a bheidh aige6

1.7.Na modhanna atá beartaithe chun an buiséad a chur chun feidhme6

2.BEARTA BAINISTÍOCHTA8

2.1.Rialacha faireacháin agus tuairiscithe8

2.2.Córais bainistíochta agus rialaithe8

2.2.1.An réasúnaíocht atá leis na modhanna cur chun feidhme buiséid atá beartaithe, leis na sásraí cur chun feidhme cistithe atá beartaithe, leis na módúlachtaí íocaíochta atá beartaithe agus leis an straitéis rialaithe atá beartaithe8

2.2.2.Faisnéis faoi na rioscaí a aithníodh agus na córais rialaithe inmheánacha a cuireadh ar bun chun na rioscaí a mhaolú8

2.2.3.Meastachán ar chostéifeachtacht na rialuithe agus an réasúnaíocht atá leis an gcostéifeachtacht sin (an cóimheas idir na costais rialaithe agus luach na gcistí gaolmhara arna mbainistiú), agus measúnú ar an leibhéal riosca earráide a mheastar a bheidh ann (tráth na híocaíochta agus an tráth a dhúnfar an clár)8

2.3.Bearta chun calaois agus neamhrialtachtaí a chosc9

3.AN TIONCHAR AIRGEADAIS A MHEASTAR A BHEIDH AG AN TOGRA/TIONSCNAMH10

3.1.Ceannteidil an chreata airgeadais ilbhliantúil agus na línte buiséid caiteachais ar a n‑imreofar tionchar10

3.2.An tionchar airgeadais a mheastar a bheidh ag an togra ar leithreasuithe12

3.2.1.Achoimre ar an tionchar a mheastar a imreofar ar leithreasuithe faoi chomhair oibríochtaí12

3.2.1.1.Leithreasuithe ón mbuiséad ar vótáladh ina fhabhar12

3.2.1.2.Leithreasuithe ó ioncaim shannta sheachtracha17

3.2.2.An t‑aschur a mheastar a chisteofar ó leithreasuithe faoi chomhair oibríochtaí22

3.2.3.Achoimre ar an tionchar a mheastar a imreofar ar leithreasuithe riaracháin24

3.2.3.1. Leithreasuithe ón mbuiséad ar vótáladh ina fhabhar24

3.2.3.2.Leithreasuithe ó ioncaim shannta sheachtracha24

3.2.3.3.Iomlán na leithreasuithe24

3.2.4.Na hacmhainní daonna a mheastar a bheidh riachtanach25

3.2.4.1.Nithe arna maoiniú ón mbuiséad ar vótáladh ina fhabhar25

3.2.4.2.Nithe arna maoiniú ó ioncaim shannta sheachtracha26

3.2.4.3.Iomlán na n‑acmhainní daonna a bheidh riachtanach26

3.2.5.Forléargas ar an tionchar a mheastar a imreofar ar infheistíochtaí a bhaineann le teicneolaíochtaí digiteacha28

3.2.6.Comhoiriúnacht don chreat airgeadais ilbhliantúil reatha28

3.2.7.Ranníocaíochtaí ó thríú páirtithe28

3.3.An tionchar a mheastar a imreofar ar ioncam29

4.Gnéithe digiteacha29

4.1.Ceanglais a bhaineann le cúrsaí digiteacha30

4.2.Sonraí30

4.3.Réitigh dhigiteacha31

4.4.Measúnú idir-inoibritheachta31

4.5.Bearta chun tacú le cur chun feidhme digiteach32

1.LEAGAN AMACH AN TOGRA/TIONSCNAIMH 

1.1.Teideal an togra/tionscnaimh

1.2.Réimsí beartais lena mbaineann 

1.3.Cuspóirí

1.3.1.Cuspóirí ginearálta

1.3.2.Cuspóirí sonracha

1.3.3.An toradh agus an tionchar a mheastar a bheidh ann

Sonraigh an tionchar a bheadh ag an togra/tionscnamh ar na tairbhithe/grúpaí ar a bhfuil sé dírithe.

1.3.4.Táscairí feidhmíochta

Sonraigh na táscairí chun faireachán a dhéanamh ar dhul chun cinn agus ar ghnóthachain.

1.4.Baineann an togra/tionscnamh le: 

 beart nua 

 beart nua a leanann treoirthionscadal / réamhbheart 27  

 leathnú ar bheart atá ann cheana 

 beart nó bearta a chumasc nó a atreorú i dtreo beart eile/beart nua

1.5.Foras an togra/tionscnaimh 

1.5.1.Na ceanglais is gá a chomhlíonadh sa ghearrthéarma nó san fhadtéarma, lena n‑áirítear amlíne mhionsonraithe maidir le cur chun feidhme céimneach an tionscnaimh

Is mar seo a leanas a bheadh miondealú na foirne iomláine, lena n‑áirítear foireann TF, ó 2023 go 2027:

Mar gheall ar thábhacht straitéiseach, méid agus castacht thionscadal TF SCCT, ní mór foireann thiomnaithe TF SCCT a bhunú chun cur chun feidhme foriomlán agus oibríochtaí foriomlána an tionscadail a bhainistiú.

Tá 16 chomhalta ar fhoireann TF SCCT a bhfuil próifílí speisialaithe TF acu chun na nithe seo a leanas a shainiú agus a bhainistiú, maidir le córais TF idirthréimhseacha agus chinntitheacha SCCT araon: Ailtireacht Chórais agus Eagrú agus Pleanáil Tionscadail TF SCCT, na gníomhaíochtaí maidir le forbairt, cur in úsáid agus eagrú na Samhla Seirbhíse, bainistiú oibríochtaí agus tacaíochta i ndáil leis an earnáil trádála, seirbhísí an Choimisiúin, údaráis aeráide agus chustaim.

Is é seo a leanas an plean atá beartaithe chun foireann TF SCCT a chur in úsáid:

Earcófar baill foirne bhreise sheachtracha (PXE) ó bhuiséad TF SCCT de réir na riachtanas.

1.5.2.Breisluach a bhaineann le rannpháirteachas an Aontais (tá rudaí éagsúla a bhféadfadh an breisluach sin eascairt astu, e.g. gnóthachain de thoradh comhordú, deimhneacht dhlíthiúil, breis éifeachtachta nó comhlántachtaí). Chun críocha na roinne seo, is é a chiallaíonn ‘breisluach a bhaineann le rannpháirteachas an Aontais’ an luach a thagann as idirghabháil an Aontais, ar luach breise é le cois an luacha a bheadh ann dá mbeadh na Ballstáit ag feidhmiú astu féin.

1.5.3.Ceachtanna a foghlaimíodh ó thaithí eile den sórt sin san am a chuaigh thart

1.5.4.Comhoiriúnacht don chreat airgeadais ilbhliantúil agus sineirgí a d’fhéadfadh a bheith ann le hionstraimí iomchuí eile

1.5.5.Measúnú ar na roghanna éagsúla maoinithe atá ar fáil, lena n‑áirítear na féidearthachtaí athshannadh a dhéanamh

1.6.Fad an togra/tionscnaimh agus an fad a mhairfidh an tionchar airgeadais a bheidh aige

 tréimhse theoranta

–    i bhfeidhm ón [LL/MM]BBBB go dtí an [LL/MM]BBBB

–    tionchar airgeadais ó BBBB go BBBB maidir le leithreasuithe faoi chomhair gealltanas agus ó BBBB go BBBB maidir le leithreasuithe faoi chomhair íocaíochtaí.

 tréimhse neamhtheoranta

–Cuirfear chun feidhme é le linn na tréimhse tosaigh BBBB go BBBB,

–agus cuirfear ag feidhmiú go hiomlán ina dhiaidh sin é.

1.7.Na modhanna atá beartaithe chun an buiséad a chur chun feidhme

 Bainistíocht dhíreach a dhéanann an Coimisiún

– ina ranna, lena n‑áirítear an chuid sin den fhoireann atá i dtoscaireachtaí an Aontais;

–    trí na gníomhaireachtaí feidhmiúcháin

 Bainistíocht atá comhroinnte leis na Ballstáit

 Bainistíocht indíreach trí chúraimí a bhaineann le cur chun feidhme an bhuiséid a shannadh dóibh seo a leanas:

– tríú tíortha nó na comhlachtaí a d’ainmnigh siad

– eagraíochtaí idirnáisiúnta agus a ngníomhaireachtaí (tabhair sonraí)

– an Banc Eorpach Infheistíochta agus an Ciste Eorpach Infheistíochta

– comhlachtaí dá dtagraítear in Airteagail 70 agus 71 den Rialachán Airgeadais

– comhlachtaí dlí poiblí

– comhlachtaí arna rialú ag an dlí príobháideach agus a bhfuil misean seirbhíse poiblí acu sa mhéid go soláthraítear ráthaíochtaí airgeadais leordhóthanacha dóibh

– comhlachtaí arna rialú ag dlí príobháideach Ballstáit, ar comhlachtaí iad a bhfuil sé de chúram orthu comhpháirtíocht phríobháideach phoiblí a chur chun feidhme agus dá soláthraítear ráthaíochtaí airgeadais leordhóthanacha

– comhlachtaí nó daoine a bhfuil sé de chúram orthu bearta sonracha de chuid an chomhbheartais eachtraigh agus slándála a chur chun feidhme de bhun Theideal V den Chonradh ar an Aontas Eorpach, ar comhlachtaí nó daoine iad a aithnítear sa bhunghníomh ábhartha

–comhlachtaí arna mbunú i mBallstát, arna rialú ag dlí príobháideach Ballstáit nó ag dlí an Aontais agus atá incháilithe le go gcuirfear de chúram orthu, i gcomhréir le rialacha earnáilsonracha, cistí an Aontais nó ráthaíochtaí buiséadacha a chur chun feidhme, a mhéid a bhíonn na comhlachtaí sin á rialú ag comhlachtaí dlí poiblí nó ag comhlachtaí arna rialú ag an dlí príobháideach a bhfuil misean seirbhíse poiblí acu, agus a mhéid a sholáthraíonn na comhlachtaí rialúcháin ráthaíochtaí airgeadais leordhóthanacha dóibh i bhfoirm dliteanas comhpháirteach agus leithleach nó ráthaíochtaí airgeadais coibhéiseacha, agus ar ráthaíochtaí iad a d’fhéadfadh, le haghaidh gach birt, a bheith teoranta d’uasmhéid thacaíocht an Aontais.

Nótaí

2.BEARTA BAINISTÍOCHTA 

2.1.Rialacha faireacháin agus tuairiscithe 

2.2.Córais bainistíochta agus rialaithe 

2.2.1.An réasúnaíocht atá leis na modhanna cur chun feidhme buiséid atá beartaithe, leis na sásraí cur chun feidhme cistithe atá beartaithe, leis na módúlachtaí íocaíochta atá beartaithe agus leis an straitéis rialaithe atá beartaithe

2.2.2.Faisnéis faoi na rioscaí a aithníodh agus na córais rialaithe inmheánacha a cuireadh ar bun chun na rioscaí a mhaolú

2.2.3.Meastachán ar chostéifeachtacht na rialuithe agus an réasúnaíocht atá leis an gcostéifeachtacht sin (an cóimheas idir na costais rialaithe agus luach na gcistí gaolmhara arna mbainistiú), agus measúnú ar an leibhéal riosca earráide a mheastar a bheidh ann (tráth na híocaíochta agus an tráth a dhúnfar an clár) 

2.3.Bearta chun calaois agus neamhrialtachtaí a chosc 

3.AN TIONCHAR AIRGEADAIS A MHEASTAR A BHEIDH AG AN TOGRA/TIONSCNAMH 

3.1.Ceannteidil an chreata airgeadais ilbhliantúil agus na línte buiséid caiteachais ar a n‑imreofar tionchar 

·Línte buiséid atá ann cheana

In ord cheannteidil agus línte buiséid an chreata airgeadais ilbhliantúil.

·Línte nua buiséid atá á n‑iarraidh

In ord cheannteidil agus línte buiséid an chreata airgeadais ilbhliantúil.

3.2.An tionchar airgeadais a mheastar a bheidh ag an togra ar leithreasuithe 

3.2.1.Achoimre ar an tionchar a mheastar a imreofar ar leithreasuithe faoi chomhair oibríochtaí 

–    Ní éilíonn an togra/tionscnamh go n‑úsáidfear leithreasuithe faoi chomhair oibríochtaí

–    Éilíonn an togra/tionscnamh go n‑úsáidfear leithreasuithe faoi chomhair oibríochtaí, mar a mhínítear thíos

Is méideanna táscacha iad na méideanna a bhaineann le clárthréimhse 2028-2034 agus ní réamhbhreith iad ar thoradh na caibidlíochta atá ar siúl faoi láthair maidir leis an gcéad CAI eile.

3.2.1.1.Leithreasuithe ón mbuiséad ar vótáladh ina fhabhar

EUR milliúin (go dtí an tríú deachúil)

* Is figiúirí táscacha amach is amach iad na figiúirí a bhaineann le CAI 2028-2034 sa tábla thuas go dtí go bhfaighfear toradh na caibidlíochta nach féidir réamhbhreith a dhéanamh air.

EUR milliúin (go dtí an tríú deachúil)

* Is figiúirí táscacha amach is amach iad na figiúirí a bhaineann le CAI 2028-2034 sa tábla thuas go dtí go bhfaighfear toradh na caibidlíochta nach féidir réamhbhreith a dhéanamh air.

* Is figiúirí táscacha amach is amach iad na figiúirí a bhaineann le CAI 2028-2034 sa tábla thuas go dtí go bhfaighfear toradh na caibidlíochta nach féidir réamhbhreith a dhéanamh air.

EUR milliúin (go dtí an tríú deachúil)

* Is figiúirí táscacha amach is amach iad na figiúirí a bhaineann le CAI 2028-2034 sa tábla thuas go dtí go bhfaighfear toradh na caibidlíochta nach féidir réamhbhreith a dhéanamh air.

3.2.2.An t‑aschur a mheastar a chisteofar ó leithreasuithe faoi chomhair oibríochtaí (níl sé seo le líonadh isteach i gcás gníomhaireachtaí díláraithe)

Leithreasuithe faoi chomhair gealltanas in EUR milliúin (go dtí an tríú deachúil)

3.2.3.Achoimre ar an tionchar a mheastar a imreofar ar leithreasuithe riaracháin 

–    Ní éilíonn an togra/tionscnamh go n‑úsáidfear leithreasuithe de chineál riaracháin

–    Éilíonn an togra/tionscnamh go n‑úsáidfear leithreasuithe de chineál riaracháin, mar a mhínítear thíos

3.2.3.1. Leithreasuithe ón mbuiséad ar vótáladh ina fhabhar

3.2.4.Na hacmhainní daonna a mheastar a bheidh riachtanach 

–    Ní éilíonn an togra/tionscnamh go n‑úsáidfear acmhainní daonna

–    Éilíonn an togra/tionscnamh go n‑úsáidfear acmhainní daonna, mar a mhínítear thíos

3.2.4.1.Nithe arna maoiniú ón mbuiséad ar vótáladh ina fhabhar

Sloinnfear an meastachán in aonaid de choibhéis lánaimseartha 32

An fhoireann is gá chun an togra a chur chun feidhme (in aonaid de choibhéis lánaimseartha):

Cur síos ar na cúraimí a bheidh le déanamh ag:

3.2.5.Forléargas ar an tionchar a mheastar a imreofar ar infheistíochtaí a bhaineann le teicneolaíochtaí digiteacha

Éigeantach: na hinfheistíochtaí atá i gceist leis an togra/tionscnamh seo arb infheistíochtaí iad a bhaineann le teicneolaíochtaí digiteacha, ba cheart meastachán chomh maith agus is féidir ina dtaobh a chur sa tábla thíos.

Go heisceachtúil, ba cheart na leithreasuithe faoi Cheannteideal 7 a chur sa líne atá ainmnithe chuige sin, i gcásanna inar gá sin chun an togra/tionscnamh a chur chun feidhme.

Is mar ‘Chaiteachas beartais ar uirlisí TF i dtaca le cláir oibríochtúla’ is ceart na leithreasuithe faoi Cheannteidil 1-6 a chur in iúl. Is é rud dá dtagraíonn an caiteachas sin an buiséad oibríochtúil atá le húsáid i gcomhair athúsáid/ ceannach/ forbairt ardán/uirlisí TF atá nasctha go díreach le cur chun feidhme an tionscnaimh, agus i gcomhair na n‑infheistíochtaí a bhaineann leis na hardáin/uirlisí sin (e.g. ceadúnais, staidéir, stóráil sonraí etc). An fhaisnéis a sholáthraítear sa tábla seo, ba cheart í a bheith comhsheasmhach leis na mionsonraí a chuirtear i láthair faoi Roinn 4 ‘Gnéithe digiteacha’.

3.2.6.Comhoiriúnacht don chreat airgeadais ilbhliantúil reatha 

I gcás an togra/tionscnaimh seo:

–    is féidir é a mhaoiniú ina iomláine trí athshannadh laistigh den cheannteideal ábhartha den chreat airgeadais ilbhliantúil (CAI)

–     is gá an corrlach gan leithdháileadh faoin gceannteideal ábhartha de CAI a úsáid agus/nó na hionstraimí speisialta a shainítear sa Rialachán maidir le CAI a úsáid

–    is gá athbhreithniú a dhéanamh ar CAI

3.2.7.Ranníocaíochtaí ó thríú páirtithe 

I gcás an togra/tionscnaimh seo:

– ní dhéantar foráil maidir le cómhaoiniú le tríú páirtithe

–    déantar foráil maidir leis an gcómhaoiniú le tríú páirtithe atá réamh-mheasta thíos:

Leithreasuithe in EUR milliúin (go dtí an tríú deachúil)

 
3.3.    An tionchar a mheastar a imreofar ar ioncam 

–    Ní bheidh aon tionchar airgeadais ag an togra/tionscnamh ar ioncam.

–    Beidh an tionchar airgeadais seo a leanas ag an togra/tionscnamh:

–    ar acmhainní dílse

–    ar ioncam eile

–    má tá an t‑ioncam sannta do línte caiteachais, sonraigh sin

EUR milliúin (go dtí an tríú deachúil)

I gcás ioncam atá sannta, sonraigh na línte buiséid caiteachais a ndéantar difear dóibh.

Aon rud eile (e.g. an modh nó an fhoirmle a úsáideadh chun an tionchar ar ioncam a ríomh nó aon fhaisnéis eile).

4.Gnéithe digiteacha

4.1.Ceanglais a bhaineann le cúrsaí digiteacha

4.2.Sonraí

4.3.Réitigh dhigiteacha

4.4.Measúnú idir-inoibritheachta

4.5.Bearta chun tacú le cur chun feidhme digiteach

(1)    Rialachán (AE) 2023/956 ó Pharlaimint na hEorpa agus ón gComhairle an 10 Bealtaine 2023 lena mbunaítear sásra coigeartaithe carbóin ar theorainneacha (IO L 130, 16.5.2023, lch. 52, ELI:   http://data.europa.eu/eli/reg/2023/956/oj ).

(2)    Treoir 2003/87/CE ó Pharlaimint na hEorpa agus ón gComhairle an 13 Deireadh Fómhair 2003 lena mbunaítear córas maidir le trádáil lamháltas astaíochtaí gás ceaptha teasa laistigh den Aontas agus lena leasaítear Treoir 96/61/CE ón gComhairle (IO L 275, 25.10.2003, lch. 32, ELI: http://data.europa.eu/eli/dir/2003/87/oj ).

(3)    Mar thoradh ar dheireadh a chur de réir a chéile le lamháltais saor in aisce CTA, beidh éileamh méadaithe ar lamháltais a chuirtear ar ceant, rud a mheastar a mhéadóidh an praghas carbóin a íoctar san Aontas.

(4)    Teachtaireacht maidir le Plean Gníomhaíochta Eorpach maidir le Cruach agus Miotail, COM(2025) 125.

(5)    I gcás leictreachas allmhairithe, ceanglaítear le Rialachán 2023/956 luachanna réamhshocraithe a úsáid chun na hastaíochtaí leabaithe a ríomh. Má chomhlíontar coinníollacha áirithe, is féidir na hastaíochtaí iarbhír a bhaineann le táirgeadh leictreachais a dhearbhú.

(6)    Rialachán (AE) 2021/1119 ó Pharlaimint na hEorpa agus ón gComhairle an 30 Meitheamh 2021 lena mbunaítear an creat chun aeráidneodracht a bhaint amach agus lena leasaítear Rialacháin (CE) Uimh. 401/2009 agus (AE) 2018/1999 (‘an Dlí Aeráide Eorpach’) (IO L 243, 9.7.2021, lch. 1–17, ELI: ELI:  http://data.europa.eu/eli/reg/2021/1119/oj ).

(7)    Rialachán (AE) 2025/2083 ó Pharlaimint na hEorpa agus ón gComhairle an 8 Deireadh Fómhair 2025 lena leasaítear Rialachán (AE) 2023/956 a mhéid a bhaineann le simpliú agus neartú an tsásra coigeartaithe carbóin ar theorainneacha (IO L 2025/2083, 17.10.2025, ELI:  http://data.europa.eu/eli/reg/2025/2083/oj ).

(8)    Sonrófar sa mheasúnú sin tionchair raon feidhme SCCT atá ann faoi láthair ar thacar tíortha níos mionsonraithe. Breathnaítear sa mheasúnú tionchair atá á dhéanamh anois ar na tionchair ar thríú tíortha freisin i Roinn 6.

(9)    Ní chuirtear táirgí iartheachtacha leictreachais san áireamh ós rud é go n‑úsáidtear leictreachas i bpróiseas táirgthe gach earra beagnach, rud a fhágann nach féidir sciar ionchuir agus astaíochtaí leabaithe leictreachais a chinneadh maidir le gach earra allmhairithe féideartha.

(10)    Áirítear ar na príomhghnéithe ar tugadh aghaidh orthu rialacha maidir le faireachán, ríomh agus fíorú a dhéanamh ar astaíochtaí leabaithe le haghaidh earraí faoi raon feidhme an tsásra, na rialacha maidir le coigeartú na hoibleagáide SCCT chun leibhéil leithdháilte saor in aisce a chur san áireamh sna hearnálacha de CTA AE a chumhdaítear le SCCT, agus na rialacha maidir le cuntasaíocht a dhéanamh ar phraghsanna carbóin a íocadh go héifeachtach i dtríú tíortha.

(11)    Teachtaireacht dar teideal ‘An Comhaontú maidir le Tionsclaíocht Ghlan: An Comhaontú maidir le Tionsclaíocht Ghlan: treochlár don iomaíochas agus don dícharbónú, COM(2025) 85 final .

(12)    I gcás táirge ar leith, sin luach trádála (onnmhairí móide allmhairí) táirge arna roinnt ar luach thomhaltas iomlán an táirge sin san Aontas.

(13)    IO L 2025/2083.

(14)    Measúnú tionchair atá ag gabháil leis an Togra le haghaidh Rialachán ó Pharlaimint na hEorpa agus ón gComhairle lena leasaítear Rialachán (AE) 2023/956 a mhéid a bhaineann le simpliú agus neartú an tsásra coigeartaithe carbóin ar theorainneacha, COM/2025/87 final.

(15)    IO C , , lch. . .

(16)    IO C , , lch. . .

(17)    Rialachán (AE) 2023/956 ó Pharlaimint na hEorpa agus ón gComhairle an 10 Bealtaine 2023 lena mbunaítear sásra coigeartaithe carbóin ar theorainneacha (IO L 130, 16.5.2023, lch. 52, ELI: http://data.europa.eu/eli/reg/2023/956/oj).

(18)    Teachtaireacht maidir le Plean Gníomhaíochta Eorpach maidir le Cruach agus Miotail, COM(2025) 125 final   https://eur-lex.europa.eu/legal-content/EN/TXT/?uri=celex:52025DC0085 .

(19)    Teachtaireacht: An Comhaontú Glas don Eoraip, COM/2019/640 final .

(20)    IO L 282, 19.10.2016, lch. 4.

(21)    Teachtaireacht Chomhpháirteach: Fís dhomhanda aeráide agus fuinnimh an Aontais Eorpaigh: ról iomaíoch na hEorpa sna margaí domhanda a dhaingniú agus dlús a chur leis an aistriú glan, JOIN(2025) 25 final .

(22)    Rialachán (AE) 2019/943 ó Pharlaimint na hEorpa agus ón gComhairle an 5 Meitheamh 2019 maidir leis an margadh inmheánach don leictreachas (athmhúnlú) (IO L 158, 14.6.2019, lgh. 54-124, ELI: http://data.europa.eu/eli/reg/2019/943/oj ).

(23)    Rialachán (AE) 2015/1222 ón gCoimisiún an 24 Iúil 2015 lena mbunaítear treoirlíne maidir le leithdháileadh acmhainneachta agus le bainistiú ar phlódú (IO L 197, 25.7.2015, lch. 24–72, ELI: http://data.europa.eu/eli/reg/2015/1222/oj ).

(24)    Rialachán (CEE) ón gComhairle Uimh. 2658/87 an 23 Iúil 1987 maidir leis an ainmníocht taraife agus staidrimh agus leis an gComhtharaif Chustaim (IO L 256, 7.9.1987, lch. 1, ELI: http://data.europa.eu/eli/reg/1987/2658/oj ).

(25)    Treoir 2003/87/CE ó Pharlaimint na hEorpa agus ón gComhairle an 13 Deireadh Fómhair 2003 lena mbunaítear córas maidir le trádáil lamháltas astaíochtaí gás ceaptha teasa laistigh den Aontas agus lena leasaítear Treoir 96/61/CE ón gComhairle (IO L 275, 25.10.2003, lch. 32, ELI: http://data.europa.eu/eli/dir/2003/87/oj).

(26)    Sainmhínítear rátaí sceite mar mhéaduithe ar astaíochtaí in earnálacha iartheachtacha lasmuigh den Aontas i gcoibhneas le laghduithe ar astaíochtaí sna hearnálacha sin san Aontas.

(27)    Dá dtagraítear in Airteagal 58(2), pointe (a) nó (b) den Rialachán Airgeadais is infheidhme maidir le buiséad ginearálta an Aontais.

(28)    LD = Leithreasuithe difreáilte / LN = Leithreasuithe neamhdhifreáilte.

(29)    CSTE: Comhlachas Saorthrádála na hEorpa.

(30)    Is éard atá in aschuir táirgí agus seirbhísí atá le soláthar (e.g. an líon malartuithe mac léinn a fhaigheann maoiniú, an líon iomlán km de bhóithre a tógadh, etc.).

(31)    Mar a thuairiscítear i Roinn 1.3.2. ‘Cuspóirí sonracha’

(32)    Sonraigh thíos an líon aonad de choibhéis lánaimseartha atá sannta cheana do bhainistiú an bhirt agus/nó ar féidir iad a ath-imlonnú laistigh de d’Ard-Stiúrthóireacht, maille leis na glanriachtanais atá agat.

(33)    A mhéid a bhaineann le hacmhainní dílse traidisiúnta (dleachtanna custaim, tobhaigh siúcra), ní mór na méideanna a luaitear a bheith ina nglanmhéideanna, i.e. méideanna comhlána agus 25 % de na costais bhailiúcháin a bheith bainte astu.

AN COIMISIÚN EORPACH

An Bhruiséil,17.12.2025

COM(2025) 989 final

IARSCRÍBHINNÍ

a ghabhann leis an

Togra le haghaidh Rialachán ó Pharlaimint na hEorpa agus ón gComhairle

lena leasaítear Rialachán (AE) 2023/956 a mhéid a bhaineann lena raon feidhme a leathnú chuig earraí iartheachtacha agus bearta frith-imchéimniúcháin

{SEC(2025) 989 final} - {SWD(2025) 987 final} - {SWD(2025) 988 final} - {SWD(2025) 989 final}

IARSCRÍBHINN I

Leasaítear Iarscríbhinn I mar a leanas:

(1)i bpointe 2, cuirtear an méid seo a leanas in ionad an tábla ‘Iarann agus Cruach’:

‘[Iarann agus cruach

’

(2)cuirtear isteach an tábla seo a leanas:

‘[Táirgí miotail comhcheangailte