AN COIMISIÚN EORPACH

An Bhruiséil,21.5.2025

COM(2025) 503 final

2025/0133(COD)

Togra le haghaidh

TREOIR Ó PHARLAIMINT NA hEORPA AGUS ÓN gCOMHAIRLE

lena leasaítear Treoracha 2000/14/CE, 2011/65/AE, 2013/53/AE, 2014/29/AE, 2014/30/AE, 2014/31/AE, 2014/32/AE, 2014/33/AE, 2014/34/AE, 2014/35/AE, 2014/53/AE, 2014/68/AE agus 2014/90/AE ó Pharlaimint na hEorpa agus ón gComhairle a mhéid a bhaineann le digitiú agus sonraíochtaí coiteanna

(Téacs atá ábhartha maidir le LEE)

{SWD(2025) 130 final}

MEABHRÁN MÍNIÚCHÁIN

1.COMHTHÉACS AN TOGRA

•Forais agus cuspóirí an togra

Ina Theachtaireacht maidir le ‘Iomaíochas fadtéarmach an Aontais: níos faide ar aghaidh ná 2030’ 1 , leag an Coimisiún béim ar a thábhachtaí atá córas rialála lena n‑áirithítear go mbainfear cuspóirí amach ar an gcostas is ísle. Chuige sin, gheall sé iarracht thiomnaithe a dhéanamh chun ceanglais tuairiscithe agus ualaí riaracháin a chuíchóiriú agus a shimpliú, agus is é is aidhm dheiridh dó na ceanglais sin a laghdú 25 % gan an bonn a bhaint de na cuspóirí beartais gaolmhara.

Tá ról lárnach ag ceanglais tuairiscithe maidir le forfheidhmiú ceart na reachtaíochta agus faireachán cuí uirthi a áirithiú. Ar an iomlán, déantar na costais tuairiscithe a fhritháireamh den chuid is mó leis na tairbhí a bhaineann leo, go háirithe a mhéid a bhaineann le faireachán a dhéanamh ar chomhlíonadh príomhbheart beartais agus comhlíonadh na bpríomhbheart sin a áirithiú. Mar sin féin, is féidir le ceanglais tuairiscithe ualach díréireach a chur ar pháirtithe leasmhara, go háirithe FBManna agus micreachuideachtaí. D’fhéadfadh carnadh na gceanglas sin le himeacht ama a bheith ina chúis le hoibleagáidí iomarcacha, dúbailte nó imithe i léig, minicíocht agus uainiú neamhéifeachtúil, nó modhanna bailithe neamhleora. Cuireann an Coimisiún an prionsabal ‘digiteach mar réamhshocrú’ chun cinn ina Straitéis Dhigiteach/Rialáil níos fearr chun tacú le claochluithe digiteacha, lena n‑éascaítear beartais atá réidh don digitiú lena gcuirtear san áireamh saol mearathraitheach an digitithe agus na teicneolaíochta, agus atá digiteach, idir-inoibritheach, slán i bhfad na haimsire agus lúfar mar réamhshocrú 2 . 

Cuirtear i dtábhacht sa Teachtaireacht ‘Compás Iomaíochais don Aontas’ 3 go bhfuil an digitiú fite fuaite le simpliú chun ualaí tuairiscithe a laghdú. Cuirtear i dtábhacht sa Teachtaireacht gur cheart an tuairisciú a aistriú go formáidí digiteacha bunaithe ar shonraí caighdeánaithe. Mar sin féin, i gcás inarb ann do nósanna imeachta digiteacha sa lá atá inniu ann, cuireann gnéithe amhail éiceachórais TF ilroinnte, agus malartuithe sonraí neamhéifeachtúla ualach trom ar ghnólachtaí idirghníomhú go digiteach le húdaráis phoiblí.

Leis an tionscnamh maidir le Tiachóg le haghaidh Ghnó na hEorpa atá ar na bacáin, tabharfar aghaidh ar na dúshláin sin trí chéannacht dhigiteach a bhunú do gach oibreoir eacnamaíoch agus tríd an gcreat a sholáthar le haghaidh Tiachóg le haghaidh Gnó idir-inoibritheach lena gcomhroinnfear sonraí agus dintiúir fhíoraithe, lena gcumasófar idirghníomhaíochtaí digiteacha gan uaim idir oibreoirí eacnamaíocha agus riaracháin phoiblí ar fud an Aontais. Ar an gcaoi sin, cuirfidh Tiachóga le haghaidh Ghnó na hEorpa leis na réitigh dhigiteacha atá ann cheana agus a ceapadh chun gníomhaíochtaí laethúla a shimpliú d’oibreoirí eacnamaíocha Eorpacha, amhail an Tairseach Aonair Dhigiteach, an Córas Teicniúil Aonuaire, an Pas Táirge Digiteach, ríomhshonrascadh, agus ar an gcaoi sin éiceachóras comhtháite réiteach digiteach a thógáil lena n‑uasmhéadófar sineirgí agus lena gcothófar comhtháthú eacnamaíoch agus nuálaíocht níos fearr ar fud na hEorpa

Mar sin féin, tá píosaí éagsúla reachtaíochta de chuid an Aontais fós ann lena ndéantar foráil maidir le húsáid formáid pháipéir.

Dá mbainfí tagairtí d’fhormáid pháipéir, chuirfí iallach ar údaráis phoiblí athmhachnamh a dhéanamh ar na bealaí ina bpróiseálann siad aighneachtaí nó tuairisciú ó chuideachtaí. Dá ndéanfaí aighneachtaí agus tuairisciú den sórt sin a chuíchóiriú trí dhigitiú mar réamhshocrú a chur chun cinn, chruthófaí dreasachtaí nua chun infheistíocht a dhéanamh i mbailiú agus i bpróiseáil sonraí le réitigh ríomhrialtais a d’fhéadfadh an bealach a réiteach do Mhargadh Aonair saor ó dhoiciméid bunaithe ar shonraí struchtúrtha idir-inoibritheacha agus ar phrionsabal na haonuaire.

Cé nach bhforchuirtear leis an gCreat Reachtach Nua formáid ar leith le haghaidh na dtreoracha úsáide a ghabhann leis na táirgí, is léir ón gcleachtas go bhfuil formhór na n‑údarás um fhaireachas margaidh ag súil go mbeidh na treoracha sin i bhformáid pháipéir agus, dá bhrí sin, go bhforchuireann siad an fhormáid sin ar na monaróirí.

Tugtar mínithe mionsonraithe sa Treoirleabhar Gorm 4 ar rialacha an Aontais maidir le táirgí.

Agus é á chur san áireamh go raibh rochtain ag 94 % ar a laghad de theaghlaigh an Aontais ar an idirlíon in 2024 5 , tá formáid pháipéir na dtreoracha úsáide a ghabhann le táirgí faoi raon feidhme na dTreoracha as dáta agus níl sí ailínithe le teicneolaíochtaí reatha, le nósanna tomhaltóirí ná le cuspóirí glasa.

Dá bhrí sin, ba cheart do na monaróirí a bheith in ann formáid dhigiteach a roghnú le haghaidh treoracha úsáide. I gcás ina roghnaíonn monaróirí treoracha úsáide a sholáthar i bhformáid dhigiteach, ba cheart an fhaisnéis sábháilteachta (lena n‑áirítear aon chodanna de na treoracha úsáide a mheastar a bheith riachtanach don tsábháilteacht) a sholáthar fós i bhformáid pháipéir chun sábháilteacht tomhaltóirí a chosaint. Thairis sin, ba cheart d’úsáideoirí deiridh a bheith in ann cóip pháipéir de na treoracha a fháil arna iarraidh sin dóibh — tráth an cheannaigh agus ar feadh tréimhse áirithe ama tar éis an cheannaigh.

Is tosaíochtaí iad oibleagáidí tuairiscithe a chuíchóiriú, ualaí riaracháin a laghdú agus digitiú a chur chun cinn. Sa chomhthéacs sin, is é is aidhm don togra seo simpliú a dhéanamh ar thionscnaimh a áirítear sa phríomh-uaillmhian ‘Plean nua do rathúnas agus iomaíochas inbhuanaithe na hEorpa’ i réimse beartais an Mhargaidh Inmheánaigh, na Sábháilteachta Bia agus na Sláinte a bhfuil tionchar acu ar an iliomad earnálacha.

Thairis sin, sainaithníodh sa Teachtaireacht ‘Compás Iomaíochais don Aontas’ an gá atá le roghanna malartacha a lorg chun deimhneacht dhlíthiúil a thabhairt do ghnólachtaí maidir le comhlíonadh rialacha an Aontais i gcásanna nach ann do chaighdeáin chomhchuibhithe, nach bhfuil siad ar fáil, nach leor iad, nó a bhfuil géarghá ann. Tá rogha mhalartach i roinnt gníomhartha reachtacha atá ann cheana chun intuarthacht dhlíthiúil a chur ar fáil do ghnólachtaí agus chun comhlíonadh dhlí an Aontais a chruthú, chun freastal ar chásanna den sórt sin. Is é cuspóir an togra seo an rogha mhalartach a ailíniú i ngníomhartha reachtacha nach ndéantar foráil leo maidir le haon rogha mhalartach ar chaighdeáin chomhchuibhithe. Tá an rogha mhalartach le cur chun feidhme ar bhealach aonfhoirmeach maidir le sainmhíniú, éifeacht dhlíthiúil, na coinníollacha faoinar féidir an rogha mhalartach sin a ghlacadh agus an nós imeachta um ghlacadh. Tá an tionscnamh maidir le sonraíochtaí coiteanna i gcomhréir go hiomlán leis an ngá dá dtagraítear thuas agus is é is aidhm dó simpliú a dhéanamh ar shaol gnólachtaí nach mór dóibh ceann amháin nó níos mó de na ceanglais sláinte agus sábháilteachta atá sonrach ó thaobh an táirge de a chomhlíonadh, mar a chumhdaítear i rialacháin earnála a bhaineann úsáid as caighdeáin chomhchuibhithe.

•Comhsheasmhacht le forálacha beartais atá sa réimse beartais cheana

Ní dhéanfaidh an cuíchóiriú a thugtar isteach leis na bearta sin difear do ghnóthú na gcuspóirí sa réimse beartais, ar na cúiseanna seo a leanas:

— Leanfar den fhaisnéis fhíor-riachtanach is gá chun comhlíonadh reachtaíocht an Aontais a áirithiú a chur ar fáil do na húdaráis ábhartha agus d’úsáideoirí deiridh.

— Le héifeachtúlacht mhéadaithe na nósanna imeachta tuairiscithe, éascófar digitiú an tuairiscithe gnólacht le húdarás, laghdófar an t‑ualach riaracháin ar ghnólachtaí agus feabhsófar éifeachtacht fhoriomlán an chreata rialála.

— Leis na bearta, cuirfear chun cinn freisin cur chuige níos comhsheasmhaí agus níos comhchuibhithe maidir le hoibleagáidí oibreoirí eacnamaíocha i ndlíthe éagsúla an Aontais, rud a laghdóidh mearbhall agus a éascóidh comhlíonadh do ghnólachtaí a oibríonn i réimsí beartais éagsúla.

— Ina theannta sin, i gcásanna nach bhfuil caighdeáin chomhchuibhithe ar fáil, glacfar le sonraíochtaí coiteanna, lena n‑áiritheofar comhsheasmhacht le forálacha reachtacha atá ann cheana i réimse beartais earnála áirithe agus lena gcuirfear solúbthacht ar fáil do ghnólachtaí chun comhlíonadh a léiriú.

•Comhsheasmhacht le beartais eile de chuid an Aontais

Faoin gClár um Oiriúnacht agus Feidhmíocht Rialála (REFIT), áirithíonn an Coimisiún go bhfuil a reachtaíocht oiriúnach don fheidhm, go bhfuil sí curtha in oiriúint do riachtanais na bpáirtithe leasmhara agus go n‑íoslaghdaíonn sí ualaí agus a cuspóirí á mbaint amach ag an am céanna. Dá bhrí sin, tá an togra seo mar chuid de chlár REFIT arb é is aidhm dó an t‑ualach tuairiscithe a eascraíonn as reachtaíocht an Aontais a laghdú.

Cé go bhfuil oibleagáidí áirithe fíor-riachtanach, ní mór dóibh a bheith chomh héifeachtúil agus is féidir, forluí a sheachaint, ualaí nach bhfuil gá leo a bhaint agus réitigh dhigiteacha agus idir-inoibritheacha a úsáid a mhéid is féidir.

Leis na tograí atá ann cheana, déantar na ceanglais tuairiscithe a chuíchóiriú, rud a fhágann go mbeidh baint amach chuspóirí na reachtaíochta níos éifeachtúla agus go mbeidh ualach níos lú ar chuideachtaí agus ar údaráis phoiblí.

I gcásanna nach bhfuil caighdeáin chomhchuibhithe ar fáil, tá gá le réitigh mhalartacha chun comhlíonadh reachtaíocht an Aontais a áirithiú. Ba cheart na roghanna malartacha sin a bheith chomh héifeachtach agus is féidir, castacht nach bhfuil gá léi a íoslaghdú agus ba cheart iad a bheith ar fáil laistigh de sprioc-amanna gearra.

Le tabhairt isteach na réiteach malartach sin, déanfar comhlíonadh reachtaíocht an Aontais a chuíchóiriú, rud a fhágfaidh go mbeidh sí níos éifeachtúla agus go mbeidh ualach níos lú ar chuideachtaí agus ar údaráis phoiblí.

2.BUNÚS DLÍ, COIMHDEACHT AGUS COMHRÉIREACHT

•An bunús dlí

Tugtar ‘reachtaíocht um chomhchuibhiú táirgí’ ar chreataí earnála an Aontais a leagtar síos leis na Treoracha thuasluaite. Leagtar síos leo rialacha comhchuibhithe maidir le dearadh, monarú, measúnú comhréireachta agus cur ar an margadh táirgí. Go bunúsach, tugtar isteach leis na creataí earnála sin na ceanglais fhíor-riachtanacha a bhaineann le leas an phobail le haghaidh gach earnála/catagóire táirgí faoi seach, ar cheart do na táirgí iad a chomhlíonadh agus na nósanna imeachta maidir le conas measúnú a dhéanamh ar chomhlíonadh na gceanglas sin.

Gné choiteann eile de na creataí sin is ea go bhfuil siad ailínithe go dlúth, a bheag nó a mhór, leis na prionsabail ghinearálta agus leis an bhforáil tagartha a leagtar síos sa Chreat Reachtach Nua. Is éard atá sa Chreat Reachtach Nua le haghaidh reachtaíocht an Aontais maidir le táirgí dhá ghníomh dlí a glacadh in 2008, arb iad sin Cinneadh Uimh. 768/2008/CE ó Pharlaimint na hEorpa agus ón gComhairle maidir le comhchreat le haghaidh margú táirgí 20 lena leagtar síos forálacha tagartha chun reachtaíocht an Aontais a tharraingt suas lena gcomhchuibhítear na coinníollacha maidir le táirgí a mhargú, agus Rialachán (CE) Uimh. 765/2008 ó Pharlaimint na hEorpa agus ón gComhairle lena leagtar amach na ceanglais maidir le creidiúnú agus maidir le faireachas margaidh a bhaineann le táirgí a mhargú 21 , ina leagtar amach prionsabail mharcáil chomhréireachta agus chreidiúnaithe comhlachtaí um measúnú comhréireachta.

A bhuí leis an gCreat Reachtach Nua, tá forálacha den chineál céanna sna píosaí reachtaíochta thuasluaite go léir a ndéanann an togra seo difear dóibh. Tá na gníomhartha reachtacha atá i gceist ailínithe leis an gCreat Reachtach Nua, cé is moite de Threoir 2000/14/CE, tá struchtúr coiteann acu agus tá forálacha iontu atá bunaithe ar an tsamhail chéanna. Dá bhrí sin, tá oibleagáidí oibreoirí eacnamaíocha, forálacha maidir le comhlachtaí um measúnú comhréireachta faoina dtugtar fógra, creidiúnú agus marcáil chomhréireachta comhionann nó an-chosúil sna gníomhartha reachtacha sin go léir. Éascaíonn an aonfhoirmeacht sin eolas ar na hionstraimí reachtacha éagsúla, go háirithe do ghnólachtaí a mhonaraíonn nó a dháileann táirgí atá faoi réir gníomhartha reachtacha éagsúla de chuid an Aontais. Cuireann comhsheasmhacht na ngnéithe sin ar a gcumas d’oibreoirí eacnamaíocha dul i ngleic leis an tírdhreach rialála ar bhealach níos éasca, rud a laghdaíonn castacht agus a chuireann comhlíontacht chun cinn. Mar sin féin, ós rud é gur bunaíodh na samhailfhorálacha in 2008, tá gnéithe áirithe de na hoibleagáidí tar éis éirí iomarcach nó imithe i léig le himeacht ama, rud a fhágann gur gá athbhreithniú agus nuashonrú a dhéanamh chun a n‑ábharthacht agus a n‑éifeachtacht leanúnach a áirithiú.

Tá ceanglais uathúla ag earnáil an trealaimh mhuirí chun sábháilteacht ar bord longa an Aontais a áirithiú, ceanglais a léirítear i dTreoir 2014/90/AE. Mar thoradh air sin, tá rialacha sonracha ag an Treoir seo atá éagsúil le reachtaíocht eile atá ailínithe leis an gCreat Reachtach Nua. Riail amháin den sórt sin is ea an ceanglas cóip pháipéir den dearbhú comhréireachta a choinneáil ar bord loinge de chuid an Aontais go dtí go mbainfear an trealamh muirí. Mar sin féin, tá bunachar sonraí na Gníomhaireachta Eorpaí um Shábháilteacht Mhuirí atá ar fáil do bhratstáit na mBallstát agus d’údaráis um fhaireachas margaidh oiriúnach le haghaidh idirghníomhaíocht leictreonach agus ní mór an ceanglas sin a oiriúnú don ré dhigiteach. Trí chóip den dearbhú comhréireachta leis an mbunachar sonraí sin a uaslódáil, is féidir na seiceálacha agus na rialuithe is gá ar an trealamh muirí ar an long a dhéanamh go leictreonach. Cuideoidh an cur chuige sin freisin le cur i bhfeidhm aonfhoirmeach agus cleachtais aonfhoirmeacha a áirithiú faoin reachtaíocht sin, an próiseas a chuíchóiriú agus ualaí riaracháin a laghdú.

Trí na Treoracha thuasluaite a leasú ar an mbealach atá beartaithe, i.e. oibleagáidí páipéarbhunaithe a bhaint agus aistriú chuig coibhéisí digiteacha, rannchuideofar le digitiú an tuairiscithe ó ghnólacht go húdarás, éascófar digitiú oibleagáidí agus nósanna imeachta tuairiscithe na n‑oibreoirí eacnamaíocha, agus feabhsófar éifeachtúlacht agus éifeachtacht fhoriomlán an chreata rialála.

•Coimhdeacht (i gcás inniúlacht neamheisiach)

Forchuirtear le dlí an Aontais na ceanglais tuairiscithe agus na hoibleagáidí ar oibreoirí eacnamaíocha lena mbaineann agus, dá bhrí sin, ní féidir iad a leasú ach ar leibhéal an Aontais. Bainfidh na Ballstáit, cuideachtaí agus tomhaltóirí tairbhe as deireadh a chur le tagairtí d’fhormáid pháipéir agus as digitiú dhearbhú comhréireachta an Aontais Eorpaigh d’oibreoirí eacnamaíocha is ábhar don togra seo.

•Comhréireacht

Le cuíchóiriú agus digitiú na gceanglas tuairiscithe agus na n‑oibleagáidí atá ar oibreoirí eacnamaíocha, simplítear an creat dlíthiúil trí na hathruithe is lú a thabhairt isteach ar na ceanglais atá ann cheana nach ndéanann difear do shubstaint an chuspóra beartais níos leithne. Dá bhrí sin, tá an togra teoranta do na hathruithe sin is gá chun éifeachtúlacht a áirithiú gan aon cheann de ghnéithe substaintiúla na reachtaíochta lena mbaineann a athrú.

Tugtar isteach leis na leasuithe na hathruithe is lú ar na ceanglais atá ann cheana, ag díriú go hiomlán ar thagairtí páipéarbhunaithe a bhaint agus ar dhearbhú comhréireachta AE agus treoracha a dhigitiú. Tríd an togra a theorannú do na hathruithe riachtanacha sin, áirithíonn an Coimisiún go bhfuil na leasuithe comhréireach leis na cuspóirí atá á saothrú agus nach gcuireann siad isteach ar bhaint amach na spriocanna beartais.  

Déanann sonraíochtaí coiteanna mar rogha chúltaca maidir le caighdeáin chomhchuibhithe an creat dlíthiúil a shimpliú trí chomhsheasmhacht a áirithiú sa mhargadh inmheánach in éagmais caighdeáin chomhchuibhithe a bheith ar fáil. Dá bhrí sin, tá an togra teoranta do na hathruithe sin is gá chun éifeachtúlacht a áirithiú gan aon cheann de ghnéithe substaintiúla na reachtaíochta lena mbaineann a athrú.

Tugtar isteach leis na leasuithe mionathruithe ar an reachtaíocht atá ann cheana, ag díriú go hiomlán ar shonraíochtaí coiteanna a ailíniú i reachtaíocht an mhargaidh inmheánaigh. Tríd an togra a theorannú do na hathruithe riachtanacha sin, áirithíonn an Coimisiún go bhfuil na leasuithe comhréireach leis na cuspóirí atá á saothrú agus nach gcuireann siad isteach ar bhaint amach na spriocanna beartais.

•An rogha ionstraime

Na treoracha uile atá le leasú leis an ngníomh seo, is é sin, Treoir 2000/14/CE i ndáil le hastaíocht torainn sa chomhshaol ó threalamh lena úsáid lasmuigh, Treoir 2011/65/AE maidir le srian ar shubstaintí guaiseacha i dtrealamh leictreach agus leictreonach, Treoir 2013/53/AE maidir le hárthaí áineasa, Treoir 2014/29/AE maidir le hárthaí brú simplí, Treoir 2014/30/AE maidir le comhoiriúnacht leictreamaighnéadach, Treoir 2014/31/AE maidir le huirlisí neamh-uathoibríocha meáite, Treoir 2014/32/AE maidir le huirlisí tomhais, Treoir 2014/33/AE maidir le hardaitheoirí agus comhpháirteanna sábháilteachta le haghaidh ardaitheoirí, Treoir 2014/34/AE maidir le trealamh agus córais chosanta atá ceaptha lena n‑úsáid in atmaisféir a d’fhéadfadh a bheith pléascach, Treoir 2014/35/AE maidir le trealamh leictreach a dheartar lena úsáid laistigh de theorainneacha áirithe voltais, Treoir 2014/53/AE maidir le trealamh raidió, Treoir 2014/68/AE maidir le brú-threalamh agus Treoir 2014/90/AE maidir le trealamh muirí, is píosaí comhchuibhithe reachtaíochta táirgí iad faoi rialacha an Mhargaidh Aonair, agus tá a bhformhór ailínithe leis an gCreat Reachtach Nua.

Léiríodh sa Mheastóireacht ar an gCreat Reachtach Nua, a foilsíodh i mí na Samhna 2022, gur éirigh leis an gCreat Reachtach Nua reachtaíocht an Aontais maidir le táirgí a chomhchuibhiú, rud a d’fhág go raibh creat níos comhleanúnaí ann lenar laghdaíodh ualaí agus lenar gineadh coigilteas costais do ghnólachtaí agus d’údaráis araon ó 2008 i leith. Mar sin féin, cuireadh i dtábhacht sa mheastóireacht freisin go gcuireann ceanglais an Chreata Reachtaigh Nua atá as dáta, amhail doiciméadacht agus comhfhreagras páipéarbhunaithe, bac ar a chumas coinneáil suas leis an digitiú agus ionchais nua-aimseartha a chomhlíonadh.

Na treoracha atá le leasú leis an ngníomh seo a mhéid a bhaineann le hailíniú na forála sonraíochtaí coiteanna, is é sin, Treoir 2000/14/CE i dáil le hastaíocht torainn sa chomhshaol ó threalamh lena úsáid lasmuigh, Treoir 2011/65/AE maidir le srian ar shubstaintí guaiseacha i dtrealamh leictreach agus leictreonach, Treoir 2013/53/AE maidir le hárthaí áineasa, Treoir 2014/29/AE maidir le hárthaí brú simplí, Treoir 2014/30/AE maidir le comhoiriúnacht leictreamaighnéadach, Treoir 2014/31/AE maidir le huirlisí neamh-uathoibríocha meáite, Treoir 2014/32/AE maidir le huirlisí tomhais, Treoir 2014/33/AE maidir le hardaitheoirí agus comhpháirteanna sábháilteachta le haghaidh ardaitheoirí, Treoir 2014/34/AE maidir le trealamh agus córais chosanta atá ceaptha lena n‑úsáid in atmaisféir a d’fhéadfadh a bheith pléascach, Treoir 2014/35/AE maidir le trealamh leictreach a dheartar lena úsáid laistigh de theorainneacha áirithe voltais, Treoir 2014/53/AE maidir le trealamh raidió, Treoir 2014/68/AE maidir le brú-threalamh agus Treoir 2014/90/AE maidir le trealamh muirí, is píosaí comhchuibhithe reachtaíochta táirgí iad faoi rialacha an mhargaidh aonair, agus tá coincheap na gcaighdeán comhchuibhithe agus toimhde na comhréireachta iontu.

Mar fhocal scoir, meastar go bhfuil an togra omnibus seo iomchuí agus éifeachtúil mar gheall ar a chumas an reachtaíocht lena mbaineann a oiriúnú do riachtanais amach anseo agus leanann sé de bheith ábhartha trí chead a thabhairt tagairtí atá as dáta a bhaint, amhail tagairtí d’fhormáidí páipéir.

3.TORTHAÍ AR MHEASTÓIREACHTAÍ EX POST, AR CHOMHAIRLIÚCHÁIN LEIS NA PÁIRTITHE LEASMHARA AGUS AR MHEASÚNUITHE TIONCHAIR

•Meastóireachtaí ex post/seiceálacha oiriúnachta ar an reachtaíocht atá ann cheana

•Comhairliúcháin leis na páirtithe leasmhara

•Bailiú agus úsáid saineolais

•Measúnú tionchair

Baineann an togra le hathruithe teoranta spriocdhírithe ar an reachtaíocht d’fhonn ceanglais tuairiscithe a shimpliú agus d’fhonn digitiú agus ailíniú sonraíochtaí coiteanna a áirithiú. Tá siad bunaithe ar thaithí a fuarthas ó reachtaíocht a chur chun feidhme. Níl tionchar suntasach ag na hathruithe ar an mbeartas, ach ní áirithíonn siad ach cur chun feidhme níos éifeachtúla agus níos éifeachtaí freisin trí shonraíochtaí coiteanna a ailíniú le reachtaíocht sheasta.

•Oiriúnacht rialála agus simpliú

•Cearta bunúsacha

4.IMPLEACHTAÍ BUISÉADACHA

5.EILIMINTÍ EILE

•Pleananna cur chun feidhme, agus socruithe faireacháin, meastóireachta agus tuairiscithe

•Doiciméid mhíniúcháin (i gcás treoracha)

I bhfianaise raon feidhme an togra, níl údar leis ná níl sé comhréireach doiciméid mhíniúcháin a éileamh.

•Míniúchán mionsonraithe ar fhorálacha sonracha an togra

–A shonrú nach mór dearbhú comhréireachta AE, nó doiciméad comhchosúil, a tharraingt suas i bhfoirm leictreonach agus é a chur ar fáil trí sheoladh idirlín nó trí chód meaisín-inléite nuair is gá an dearbhú sin a bheith ag gabháil le táirge;

–‘Sonraí teagmhála digiteacha’ a chur isteach mar fhaisnéis atá le léiriú ag na monaróirí ar tháirgí a chuirtear ar an margadh chun cumarsáid idir oibreoirí eacnamaíocha agus údaráis náisiúnta a éascú. A luaithe a bheidh Tiachóg le haghaidh Ghnó na hEorpa ar fáil, d’fhéadfadh an seoladh digiteach a sholáthraíonn sé d’oibreoirí eacnamaíocha a bheith ina ‘sonraí teagmhála digiteacha’;

–A shonrú go bhféadfar na treoracha a ghabhann le táirgí a sholáthar i bhfoirm leictreonach cé is moite d’fhaisnéis sábháilteachta ba cheart a sholáthar ar pháipéar nó a mharcáil ar an táirge do thomhaltóirí;

–Leasú a dhéanamh ar oibleagáidí tuairiscithe d’údaráis náisiúnta a éilíonn ‘formáid pháipéir nó leictreonach’ go ‘foirm leictreonach’ amháin;

–Oibleagáid a chur isteach maidir le malartuithe trí mheán leictreonach idir na hoibreoirí eacnamaíocha agus na húdaráis inniúla;

–Foráil a thabhairt isteach maidir le sonraíochtaí coiteanna mar rogha mhalartach ar chaighdeáin chomhchuibhithe;

–Oibleagáid an fhaisnéis atá i ndearbhú comhréireachta AE agus treoracha maidir leis an bpas táirge digiteach a sholáthar nuair atá an táirge faoi réir reachtaíocht eile de chuid an Aontais lena gceanglaítear pas táirge digiteach den sórt sin a úsáid.

2025/0133 (COD)

Togra le haghaidh

TREOIR Ó PHARLAIMINT NA hEORPA AGUS ÓN gCOMHAIRLE

lena leasaítear Treoracha 2000/14/CE, 2011/65/AE, 2013/53/AE, 2014/29/AE, 2014/30/AE, 2014/31/AE, 2014/32/AE, 2014/33/AE, 2014/34/AE, 2014/35/AE, 2014/53/AE, 2014/68/AE agus 2014/90/AE ó Pharlaimint na hEorpa agus ón gComhairle a mhéid a bhaineann le digitiú agus sonraíochtaí coiteanna

(Téacs atá ábhartha maidir le LEE)

TÁ PARLAIMINT NA hEORPA AGUS COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh, agus go háirithe Airteagal 114 de,

Ag féachaint don togra ón gCoimisiún Eorpach,

Tar éis dóibh an dréachtghníomh reachtach a chur chuig na parlaimintí náisiúnta,

Ag féachaint don tuairim ó Choiste Eacnamaíoch agus Sóisialta na hEorpa,

Ag gníomhú dóibh i gcomhréir leis an ngnáthnós imeachta reachtach,

De bharr an mhéid seo a leanas:

(1)Tá ról lárnach ag ceanglais tuairiscithe chun faireachán cuí ar an reachtaíocht agus forfheidhmiú ceart na reachtaíochta a áirithiú. Mar sin féin, chun a áirithiú go gcomhlíonfaidh siad an cuspóir dár beartaíodh iad agus chun an t‑ualach riaracháin a theorannú, tá sé tábhachtach na ceanglais sin a chuíchóiriú.

(2)Ina Theachtaireacht dar teideal ‘Long-term competitiveness of the EU: looking beyond 2030’ [Iomaíochas fadtéarmach an Aontais: ag féachaint níos faide chun cinn ná 2030’], tá gealltanas tugtha ag an gCoimisiún na ceanglais tuairiscithe a chuíchóiriú agus a shimpliú, agus é d’aidhm aige ualaí den sórt sin a laghdú 25 %, gan an bonn a bhaint de na cuspóirí beartais gaolmhara.

(3)Ina Threoirlínte maidir le Rialáil Níos Fearr, cuireann an Coimisiún an prionsabal ‘digiteach mar réamhshocrú’ chun cinn chun tacú le claochluithe digiteacha trí bheartais atá réidh don digitiú a éascú lena gcuirtear san áireamh saol mearathraitheach an digitithe agus na teicneolaíochta, agus ar beartais iad atá digiteach, idir-inoibritheach, slán i bhfad na haimsire agus lúfar mar réamhshocrú freisin.

(4)Mar gheall ar thábhacht mhéadaitheach an digitithe maidir le creataí rialála a shimpliú, is gá ceanglais tuairiscithe agus oibleagáidí oibreoirí eacnamaíocha a laghdú agus a nuachóiriú. I gcomhréir leis na hiarrachtaí chun dlús a chur leis an digitiú, tá sé ríthábhachtach tuairisciú ó ghnólacht go húdarás agus oibleagáidí oibreoirí eacnamaíocha a dhigitiú go hiomlán nuair nach ndéanann siad difear do chosaint ná do shábháilteacht tomhaltóirí. Trí ghlacadh leis an digitiú, ní hamháin go simpleofar nósanna imeachta comhlíontachta ach feabhsófar éifeachtúlacht fhoriomlán an chreata rialála freisin, rud a rachaidh chun tairbhe do ghnólachtaí agus d’údaráis araon ar deireadh.

(5)Le roinnt gníomhartha dlí earnála de chuid an Aontais, leagtar síos rialacha comhchuibhithe maidir leis na hoibleagáidí atá ar oibreoirí eacnamaíocha agus táirge á chur ar an margadh nó á chur i seirbhís acu. Áirítear ar na gníomhartha dlí sin Treoracha 2000/14/CE, 2011/65/AE, 2013/53/AE, 2014/29/AE, 2014/30/AE, 2014/31/AE, 2014/32/AE, 2014/33/AE, 2014/34/AE, 2014/35/AE, 2014/53/AE, 2014/68/AE agus 2014/90/AE ó Pharlaimint na hEorpa agus ón gComhairle (‘na Treoracha lena mbaineann’). Tá formhór na dTreoracha bunaithe ar phrionsabail an ‘chur chuige nua’ maidir le comhchuibhiú teicniúil agus tá siad ailínithe freisin leis na forálacha tagartha a leagtar síos le Cinneadh Uimh. 768/2008/CE ó Pharlaimint na hEorpa agus ón gComhairle.

(6)I gcomhréir leis na Treoracha lena mbaineann, tá na monaróirí le dearbhú comhréireachta AE a tharraingt suas ina sonrófar gur léiríodh gur comhlíonadh na ceanglais fhíor-riachtanacha a leagtar amach sna Treoracha is infheidhme. Chun próisis leictreonacha rianúil a chumasú, níor cheart dearbhú comhréireachta AE a tharraingt suas ach amháin i bhfoirm leictreonach.

(7)Thairis sin, ceanglaítear le Treoracha 2000/14/CE, 2013/53/AE, 2014/32/AE, 2014/33/AE, 2014/34/AE agus 2014/53/AE go ngabhfaidh cóip de dhearbhú comhréireachta AE leis an táirge. I bhfianaise éabhlóid an digitithe, tá sé fíor-riachtanach an oibleagáid sin a nuachóiriú trína cheangal go ngabhfaidh dearbhú comhréireachta AE den sórt sin leis an táirge i bhfoirm leictreonach. Dá bhrí sin, ba cheart don mhonaróir a áirithiú go bhfuil an dearbhú comhréireachta AE inrochtana trí sheoladh idirlín nó trí chód meaisín-inléite.

(8)Agus é á chur san áireamh go raibh rochtain ag 94 % ar a laghad de theaghlaigh an Aontais ar an idirlíon in 2024, tá formáid pháipéir na dtreoracha úsáide a ghabhann leis na táirgí faoi raon feidhme na dTreoracha lena mbaineann as dáta agus níl sí ailínithe leis na teicneolaíochtaí atá ann faoi láthair, le cleachtas na dtomhaltóirí ná le cuspóirí glasa. Dá bhrí sin, ba cheart féidearthacht maidir le treoracha i bhformáid dhigiteach a thabhairt isteach sna Treoracha. Cuirfidh sé sin ar chumas na monaróirí treoracha a thabhairt i bhformáid dhigiteach, más mian leo é sin a dhéanamh. I gcás ina roghnaíonn monaróirí treoracha a sholáthar i bhformáid dhigiteach, chun sábháilteacht tomhaltóirí a chosaint fós, ba cheart an fhaisnéis sábháilteachta, lena n‑áirítear treoracha a bhfuil tionchar acu ar shábháilteacht táirgí, a sholáthar i bhformáid pháipéir nó a mharcáil ar an táirge. Thairis sin, ba cheart úsáideoirí deiridh a bheith in ann cóip pháipéir de na treoracha úsáide nó den fhaisnéis sábháilteachta a fháil ach iad a iarraidh – tráth an cheannaigh agus ar feadh tréimhse áirithe ama tar éis an cheannaigh.

(9)Déantar foráil le Treoir 2014/53/AE go bhféadfaidh monaróirí dearbhú comhréireachta AE simplithe a sholáthar i bhfoirm leictreonach. Ós rud é go bhfuil formáid dhigiteach mar réamhshocrú á tabhairt isteach leis an togra seo maidir le dearbhú comhréireachta AE, éiríonn na forálacha maidir le Dearbhú Comhréireachta simplithe an Aontais iomarcach. Is gá, dá bhrí sin, na forálacha sin a bhaint de Threoir 2014/53/AE.

(10)Chun cumarsáid idir oibreoirí eacnamaíocha agus údaráis inniúla náisiúnta agus úsáideoirí deiridh a éascú, is gá sonraí teagmhála digiteacha an mhonaróra a léiriú ar an táirge agus i ndearbhú comhréireachta AE chun éifeachtacht an fhaireachais margaidh a fheabhsú agus chun dlús a chur leis an bpróiseas chun táirgí neamhchomhlíontacha a rianú. Faoi láthair, ceanglaítear ar oibreoirí eacnamaíocha a seoladh poist a shonrú ar an táirge, ach ní leor é sin i gcónaí chun a áirithiú gur féidir leis na húdaráis inniúla teagmháil thapa a dhéanamh. Is gá, dá bhrí sin, a cheangal ar oibreoirí eacnamaíocha seoladh poist agus sonraí teagmhála digiteacha a sholáthar ar an táirge agus i ndearbhú comhréireachta AE. Ba cheart na sonraí teagmhála digiteacha sin a shainmhíniú sna Treoracha.

(11)Ceanglaítear leis na Treoracha lena mbaineann go soláthróidh oibreoirí eacnamaíocha, ar iarraidh réasúnaithe ó údarás inniúil náisiúnta nó ón gCoimisiún Eorpach, an fhaisnéis agus an doiciméadacht uile is gá chun comhréireacht na dtáirgí lena mbaineann leis na Treoracha faoi seach a léiriú, i bhfoirm páipéir nó leictreonach. Is ceanglas as dáta í an fhoirm pháipéarbhunaithe, agus cuireann cumarsáid leictreonach feabhas ar an idirghníomhaíocht idir údaráis agus gnólachtaí, déantar próisis a chuíchóiriú agus ualaí riaracháin a laghdú. Chun digitiú na gceanglas tuairiscithe a bhaint amach agus chun an t‑ualach riaracháin ar oibreoirí eacnamaíocha agus ar údaráis inniúla a laghdú, ba cheart a cheangal ar na hoibreoirí eacnamaíocha an fhaisnéis agus an doiciméadacht is gá a sholáthar i bhfoirm leictreonach amháin. D’fhéadfaí doiciméadacht a sholáthraítear i bhfoirm leictreonach a chur ar fáil, mar shampla, i bhformáid dhigiteach inphriontáilte, lenar féidir an doiciméadacht a phriontáil, a íoslódáil agus a shábháil ar ghléas leictreonach.

(12)Tá sainiúlachtaí earnála áirithe i dTreoir 2014/90/AE, lena n‑áirítear na ceanglais uathúla chun sábháilteacht trealaimh mhuirí ar bord longa de chuid an Aontais a áirithiú. I ngeall ar na sainiúlachtaí sin, tá an Treoir sin éagsúil le reachtaíocht eile atá ailínithe leis an gCreat Reachtach Nua. Go sonrach, déantar foráil leis an oibleagáid maidir le cóip pháipéir den dearbhú comhréireachta a bheith ar bord long de chuid an Aontais go dtí go mbainfear an trealamh muirí. Mar sin féin, i bhfianaise infhaighteacht bhunachar sonraí na Gníomhaireachta Eorpaí um Shábháilteacht Mhuirí do stáit bhrataí na mBallstát agus d’údaráis um fhaireachas margaidh, ba cheart an oibleagáid a chomhlíonadh trí chóip den dearbhú comhréireachta a uaslódáil chuig an mbunachar sonraí sin. D’fhágfadh sé sin go bhféadfaí na seiceálacha agus na rialuithe is gá ar an trealamh muirí ar an long a dhéanamh go leictreonach agus d’áiritheofaí cur i bhfeidhm aonfhoirmeach agus cleachtais aonfhoirmeacha faoin reachtaíocht sin.

(13)Is é atá i gcreat an Aontais um chaighdeánú atá ann faoi láthair, atá bunaithe ar Rialachán (AE) Uimh. 1025/2012 ó Pharlaimint na hEorpa agus ón gComhairle, an creat, mar réamhshocrú, chun caighdeáin a mhionsaothrú lena ndéantar foráil maidir le tabhairt le fios go bhfuil comhréir ann leis na ceanglais fhíor-riachtanacha sláinte agus sábháilteachta ábhartha nó le ceanglais eile. Mar sin féin, i gcás nach ann do chaighdeáin chomhchuibhithe nó i gcás nach leor iad, ba cheart an Coimisiún a bheith in ann gníomhartha cur chun feidhme a ghlacadh lena mbunaítear sonraíochtaí coiteanna le haghaidh na gceanglas fíor-riachtanach sláinte agus sábháilteachta nó le haghaidh ceanglais eile, mar réiteach cúltaca eisceachtúil chun oibleagáid an mhonaróra a éascú maidir leis na ceanglais sláinte agus sábháilteachta sin nó ceanglais eile a chomhlíonadh.

(14)Ós rud é go ndéantar foráil maidir leis an bpas táirge digiteach i reachtaíocht áirithe de chuid an Aontais, amhail Rialachán (AE) 2023/1542 ó Pharlaimint na hEorpa agus ón gComhairle, tá sé fíor-riachtanach a cheangal ar na hoibreoirí eacnamaíocha an fhaisnéis atá i ndearbhú comhréireachta AE agus treoracha úsáide a stóráil sa phas táirge digiteach i gcás ina gcumhdaítear táirge le píosaí iomadúla reachtaíochta. Laghdódh an cur chuige sin an t‑ualach riaracháin ar mhonaróirí, toisc nach mbeadh orthu suíomhanna stórála ar leithligh a choinneáil a thuilleadh le haghaidh doiciméid chomhlíontacha. Trí na doiciméid a stóráil in aon áit amháin, bheadh na doiciméid riachtanacha uile lena léirítear comhlíonadh táirgí inrochtana go héasca, rud a d’áiritheodh trédhearcacht agus a d’éascódh comhlíonadh. Leis an gcur chuige cuíchóirithe sin, chuirfí feabhas ar éifeachtúlacht fhoriomlán an chreata rialála agus dhéanfaí é a ailíniú leis an bprionsabal, i gcás ina bhfuil feidhm ag roinnt píosaí de reachtaíocht chomhchuibhithe an Aontais maidir le táirge, gur cheart don mhonaróir nó d’aon oibreoir eacnamaíoch eile, i gcás inarb iomchuí, dearbhú comhréireachta AE amháin a sholáthar.

(15)Ós rud é nach féidir leis na Ballstáit cuspóirí na Treorach seo a ghnóthú go leordhóthanach toisc go leasaítear leis an Treoir seo Treoracha lena ndéantar comhchuibhiú ar reachtaíocht táirgí ach, de bharr chomhchuibhiú rialacha infheidhme an Aontais, gur fearr is féidir iad a ghnóthú ar leibhéal an Aontais, féadfaidh an tAontas bearta a ghlacadh, i gcomhréir le prionsabal na coimhdeachta a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta a leagtar amach san Airteagal sin, ní théann an Treoir seo thar a bhfuil riachtanach chun na cuspóirí sin a ghnóthú.

(16)Chun a chur ar chumas d’oibreoirí eacnamaíocha stoc táirgí a cuireadh ar an margadh roimh dháta chur i bhfeidhm na mbeart náisiúnta lena dtrasuitear an Treoir seo a sholáthar, is gá foráil a dhéanamh maidir le socruithe idirthréimhseacha réasúnta nach gcuireann bac ar tháirgí a chur ar fáil ar an margadh, ar táirgí iad a cuireadh ar an margadh i gcomhréir leis na Treoracha lena mbaineann roimh dháta chur i bhfeidhm na mbeart náisiúnta lena dtrasuitear an Treoir seo.

(17)Chun aistriú rianúil agus éifeachtach a áirithiú, chun suaitheadh a íoslaghdú, agus chun tréimhse ama réasúnta a chur ar fáil do thionscail chun dul in oiriúint do na ceanglais nua, ba cheart cur i bhfeidhm na mbeart trasuite a bhaineann leis an digitiú a chur siar.

(18)Ba cheart, dá bhrí sin, Treoracha 2000/14/CE, 2011/65/AE, 2013/53/AE, 2014/29/AE, 2014/30/AE, 2014/31/AE, 2014/32/AE, 2014/33/AE, 2014/34/AE, 2014/35/AE, 2014/53/AE, 2014/68/AE agus 2014/90/AE a leasú dá réir,

TAR ÉIS AN TREOIR SEO A GHLACADH:

Airteagal 1

Leasuithe ar Threoir 2000/14/CE

Leasaítear Treoir 2000/14/CE leis seo mar a leanas:

(1)In Airteagal 3, cuirtear isteach pointe (g) seo a leanas:

‘(g) ciallaíonn ‘sonraí teagmhála digiteacha’ aon bhealach cumarsáide ar líne atá cothrom le dáta agus inrochtana trínar féidir dul i dteagmháil nó i rannpháirtíocht le hoibreoirí eacnamaíocha gan gá le clárú nó le feidhmchlár a íoslódáil.’;

(2)in Airteagal 4(1), cuirtear an méid seo a leanas in ionad an tríú fleasc:

‘tá marcáil chomhréireachta agus léiriú ar an leibhéal cumhachta fuaime ráthaithe ar an trealamh agus tá an seoladh idirlín nó an cód meaisín-inléite trínar féidir rochtain a fháil ar dhearbhú comhréireachta CE ag gabháil leis.’;

(3)In Airteagal 5, cuirtear an méid seo a leanas in ionad mhír 1:

‘1. Déanfaidh na Ballstáit bearta iomchuí chun a áirithiú nach bhféadfar trealamh dá dtagraítear in Airteagal 2(1) a chur ar an margadh nó a chur i seirbhís ach amháin má tá sé i gcomhréir le forálacha na Treorach seo, má tá an mharcáil chomhréireachta agus léiriú ar an leibhéal cumhachta fuaime ráthaithe air agus má tá an seoladh idirlín nó an cód meaisín-inléite trínar féidir rochtain a fháil ar dhearbhú comhréireachta CE ag gabháil leis.’;

(4)In Airteagal 6, cuirtear an méid seo a leanas in ionad mhír 1:

‘1. Ní chuirfidh na Ballstáit toirmeasc, srian ná bac ar threalamh dá dtagraítear in Airteagal 2(1) a chomhlíonann forálacha na Treorach seo a chur ar an margadh nó i seirbhís ar a gcríoch, ar trealamh é a bhfuil an mharcáil chomhréireachta agus léiriú ar an leibhéal cumhachta fuaime ráthaithe air agus a bhfuil an seoladh idirlín nó an cód meaisín-inléite ag gabháil leis trínar féidir rochtain a fháil ar dhearbhú comhréireachta CE.’;

(5)Cuirtear an méid seo a leanas in ionad Airteagal 7:

‘Toimhde comhréireachta

Maidir leis an trealamh dá dtagraítear in Airteagal 2(1) ar a bhfuil an mharcáil chomhréireachta agus léiriú ar an leibhéal cumhachta fuaime ráthaithe agus a bhfuil an seoladh idirlín nó an cód meaisín-inléite ag gabháil leis trínar féidir rochtain a fháil ar dhearbhú comhréireachta CE, glacfaidh na Ballstáit leis go bhfuil sé i gcomhréir le forálacha uile na Treorach seo.’;

(6)Leasaítear Airteagal 8 mar a leanas:

(a)cuirtear an méid seo a leanas in ionad mhír 1:

‘1. Déanfaidh monaróir an trealaimh dá dtagraítear in Airteagal 2(1), nó a ionadaí údaraithe atá bunaithe sa Chomhphobal, chun a dheimhniú go bhfuil mír trealaimh i gcomhréir le forálacha na Treorach seo, dearbhú comhréireachta CE, i bhfoirm leictreonach, a tharraingt suas do gach cineál trealaimh a mhonaraítear; leagtar síos inneachar íosta an dearbhaithe comhréireachta sin in Iarscríbhinn II.’;

(b)cuirtear mír 4 seo a leanas leis:

‘4. I gcás ina gceanglaítear le reachtaíocht eile de chuid an Aontais is infheidhme maidir leis an trealamh ar an oibreoir eacnamaíoch an fhaisnéis go gcomhlíonann an táirge na ceanglais a leagtar amach sa reachtaíocht sin a áireamh i bpas táirge digiteach nó an dearbhú comhréireachta CE nó na treoracha a uaslódáil i bpas táirge digiteach, ní sholáthrófar an fhaisnéis a cheanglaítear in Iarscríbhinn II a áireamh i ndearbhú comhréireachta CE agus na treoracha dá dtagraítear in Airteagal 11(5) ach amháin sa phas táirge digiteach sin.’;

(7)Leasaítear Airteagal 14 mar a leanas:

(a)cuirtear an méid seo a leanas in ionad mhír 3:

‘3. Áiritheoidh na Ballstáit go bhféadfaidh an Coimisiún agus aon Bhallstát eile, ar iarraidh réasúnaithe, an fhaisnéis uile a úsáidtear le linn an nós imeachta um measúnú comhréireachta maidir le cineál trealaimh a fháil i bhfoirm leictreonach, go háirithe an doiciméadacht theicniúil dá bhforáiltear in Iarscríbhinn V mír 3, Iarscríbhinn VI, mír 3, Iarscríbhinn VII, mír 2, Iarscríbhinn VIII, míreanna 3.1 agus 3.3.’;

(b)cuirtear mír 4 seo a leanas leis:

‘4. I gcás inarb iomchuí, soláthróidh an monaróir i bhfoirm leictreonach don chomhlacht faoina dtugtar fógra atá i mbun an nós imeachta um measúnú comhréireachta an fhaisnéis agus an doiciméadacht uile a bhaineann le nósanna imeachta um measúnú comhréireachta.

(8)Leasaítear Iarscríbhinní II agus V go VIII i gcomhréir le hIarscríbhinn I a ghabhann leis an Treoir seo.

Airteagal 2

Leasuithe ar Threoir 2011/65/AE

Leasaítear Treoir 2011/65/AE leis seo mar a leanas:

(1)Leasaítear Airteagal 3 mar a leanas:

(a)cuirtear isteach pointe (6a) seo a leanas:

‘(6a) ciallaíonn ‘sonraí teagmhála digiteacha’ aon bhealach cumarsáide ar líne atá cothrom le dáta agus inrochtana trínar féidir dul i dteagmháil nó i rannpháirtíocht le hoibreoirí eacnamaíocha gan gá le clárú nó le feidhmchlár a íoslódáil.’;

(b)cuirtear isteach pointe (13a) seo a leanas:

‘(13a) ciallaíonn ‘sonraíochtaí coiteanna’ tacar ceanglas teicniúil, seachas caighdeán, lena soláthraítear bealaí chun na ceanglais is infheidhme maidir le táirge, feiste, seirbhís, próiseas nó córas a chomhlíonadh;’;

(2)Leasaítear Airteagal 7 mar a leanas:

(a)cuirtear an méid seo a leanas in ionad na chéad abairte i bpointe (c):

‘(c) I gcás inar léiríodh leis an nós imeachta dá dtagraítear i bpointe (b) go gcomhlíonann trealamh leictreach agus leictreonach (TLL) na ceanglais is infheidhme, déanann na monaróirí dearbhú comhréireachta AE a tharraingt suas, i bhfoirm leictreonach, agus greamaíonn siad an mharcáil chomhréireachta den táirge críochnaithe.’;

(b)i bpointe (e), cuirtear an méid seo a leanas in ionad an dara habairt:

‘Cuirfear san áireamh go leordhóthanach athruithe ar dhearadh nó ar shaintréithe an táirge agus athruithe ar na caighdeáin chomhchuibhithe, ar na sonraíochtaí coiteanna nó ar na sonraíochtaí teicniúla ar trína mbíthin a dhearbhaítear comhréireacht TLL;’;

(c)cuirtear an méid seo a leanas in ionad phointe (h):

‘(h) léiríonn na monaróirí a n‑ainm, a dtrádainm cláraithe nó a dtrádmharc cláraithe chomh maith lena seoladh poist agus a sonraí teagmhála digiteacha ar an TLL nó, i gcás nach féidir é sin a dhéanamh, ar a phacáistíocht nó i ndoiciméad a ghabhann leis an TLL. Ní mór pointe aonair trínar féidir teagmháil a dhéanamh leis an monaróir a léiriú sa seoladh poist agus sna sonraí teagmhála digiteacha. I gcás ina bhfuil forálacha i reachtaíocht infheidhme eile de chuid an Aontais maidir le hainm, seoladh poist agus sonraí teagmhála digiteacha an mhonaróra a ghreamú atá ar a laghad chomh dian céanna, beidh feidhm ag na forálacha sin;’;

(d)cuirtear an méid seo a leanas in ionad phointe (j):

‘(j) soláthróidh na monaróirí, mar thoradh ar iarraidh réasúnaithe ó údarás inniúil náisiúnta, an fhaisnéis agus an doiciméadacht uile is gá dó, i bhfoirm leictreonach, chun comhréireacht TLL leis an Treoir seo a léiriú, i dteanga is féidir leis an údarás sin a thuiscint go héasca, agus go n‑oibreoidh siad i gcomhar leis an údarás sin, arna iarraidh sin dó, maidir le haon ghníomhaíocht a dhéantar chun a áirithiú go gcomhlíonann TLL atá curtha ar an margadh acu an Treoir seo.’;

(3)in Airteagal 8, pointe (b), cuirtear an méid seo a leanas in ionad an dara fleasc:

‘Mar thoradh ar iarraidh réasúnaithe ó údarás inniúil náisiúnta, an fhaisnéis agus an doiciméadacht uile is gá a chur ar fáil don údarás sin, i bhfoirm leictreonach, chun comhréireacht TLL leis an Treoir seo a léiriú,’;

(4)Leasaítear Airteagal 9 mar a leanas:

(a)cuirtear an méid seo a leanas in ionad phointe (d):

‘(d) sonraíonn allmhaireoirí a n‑ainm, a dtrádainm cláraithe nó a dtrádmharc cláraithe chomh maith lena seoladh poist agus a sonraí teagmhála digiteacha ar an TLL nó, i gcás nach féidir é sin a dhéanamh, ar a phacáistíocht nó i ndoiciméad a ghabhann leis an TLL. I gcás ina bhfuil forálacha i reachtaíocht infheidhme eile de chuid an Aontais maidir le hainm, seoladh poist agus sonraí teagmhála digiteacha an allmhaireora a ghreamú atá ar a laghad chomh dian céanna, beidh feidhm ag na forálacha sin.’;

(b)cuirtear an méid seo a leanas in ionad phointe (h):

‘(h) déanfaidh allmhaireoirí, de thoradh iarraidh réasúnaithe ó údarás inniúil náisiúnta, an fhaisnéis agus an doiciméadacht uile is gá a sholáthar dó, i bhfoirm leictreonach, chun comhréireacht TLL leis an Treoir seo a léiriú i dteanga is féidir leis an údarás sin a thuiscint go héasca, agus go n‑oibreoidh siad i gcomhar leis an údarás sin, arna iarraidh sin dó, maidir le haon ghníomhaíocht a dhéantar chun a áirithiú go gcomhlíonann TLL atá curtha ar an margadh acu an Treoir seo.’;

(5)in Airteagal 10, cuirtear an méid seo a leanas in ionad phointe 2:

‘(d) déanfaidh dáileoirí, mar thoradh ar iarraidh réasúnaithe ó údarás inniúil náisiúnta, an fhaisnéis agus an doiciméadacht uile is gá a sholáthar dó, i bhfoirm leictreonach, chun comhréireacht TLL leis an Treoir seo a léiriú, agus go n‑oibreoidh siad i gcomhar leis an údarás sin, arna iarraidh sin dó, maidir le haon ghníomhaíocht a dhéantar chun a áirithiú go gcomhlíonfaidh an TLL atá curtha ar fáil ar an margadh acu an Treoir seo.’;

(6)in Airteagal 13, cuirtear mír 4 seo a leanas leis:

‘4. I gcás ina gceanglaítear le reachtaíocht eile de chuid an Aontais is infheidhme maidir le TLL ar an oibreoir eacnamaíoch an fhaisnéis go gcomhlíonann an táirge an ceanglas a leagtar amach sa reachtaíocht sin a áireamh i bpas táirge digiteach nó an dearbhú comhréireachta a uaslódáil i bpas táirge digiteach, ní sholáthrófar an fhaisnéis a cheanglaítear in Iarscríbhinn VI a áireamh i ndearbhú comhréireachta AE ach amháin sa phas táirge digiteach sin.’;

(7)Cuirtear isteach Airteagal 16a seo a leanas:

‘Airteagal 16a

Sonraíochtaí Coiteanna

1.Féadfaidh an Coimisiún, trí bhíthin gníomhartha cur chun feidhme, sonraíochtaí coiteanna a ghlacadh lena gcumasófar comhlíonadh na gceanglas fíor-riachtanach a leagtar amach in Airteagal 4 in aon cheann de na cásanna seo a leanas:

(a) i gcás nach gcumhdaítear na ceanglais a leagtar amach in Airteagal 4 leis na caighdeáin chomhchuibhithe nó le codanna díobh, ar foilsíodh na tagairtí dóibh in Iris Oifigiúil an Aontais Eorpaigh;

(b) i gcás go gcumhdaítear na ceanglais a leagtar amach in Airteagal 4 le caighdeáin chomhchuibhithe, nó le codanna díobh, ar foilsíodh na tagairtí dóibh in Iris Oifigiúil an Aontais Eorpaigh, ach is é an toradh a bhíonn ar chur i bhfeidhm na gcaighdeán sin nó codanna díobh nach gcomhlíonann ábhar, comhpháirteanna agus TLL na ceanglais fhíor-riachtanacha a leagtar amach in Airteagal 4;

(c) i gcás ina measfaidh an Coimisiún gur gá aghaidh a thabhairt ar ábhar imní práinneach maidir le hábhair, comhpháirteanna agus TLL neamhchomhlíontacha.

Déanfar na gníomhartha cur chun feidhme sin a ghlacadh i gcomhréir leis an nós imeachta comhairleach dá dtagraítear in Airteagal 19(3).

2.Glacfar leis go bhfuil ábhair, comhpháirteanna agus TLL atá i gcomhréir leis an tsonraíocht choiteann i gcomhréir le ceanglais fhíor-riachtanacha a chumhdaítear leis na sonraíochtaí coiteanna sin nó le codanna díobh agus a leagtar amach in Airteagal 4.’;

(8)in Airteagal 19, cuirtear mír 3 seo a leanas leis:

‘3. I gcás ina ndéantar tagairt don mhír seo, beidh feidhm ag Airteagal 4 de Rialachán (AE) Uimh. 182/2011.’;

(9)Leasaítear Iarscríbhinní V agus VI i gcomhréir le hIarscríbhinn II a ghabhann leis an Treoir seo.

Airteagal 3

Leasú ar Threoir 2013/53/AE

Leasaítear Treoir 2013/53/CE leis seo mar a leanas:

(1)Leasaítear Airteagal 3 mar a leanas:

(a)cuirtear isteach pointe (19a) seo a leanas:

‘(19a) ciallaíonn ‘sonraí teagmhála digiteacha’ aon bhealach cumarsáide ar líne atá cothrom le dáta agus inrochtana trínar féidir dul i dteagmháil nó i rannpháirtíocht le hoibreoirí eacnamaíocha gan gá le clárú nó le feidhmchlár a íoslódáil;’;

(b)Cuirtear isteach pointe (20a) seo a leanas:

‘(20a) ciallaíonn ‘sonraíochtaí coiteanna’ tacar ceanglas teicniúil, seachas caighdeán, lena soláthraítear bealaí chun na ceanglais fhíor-riachtanacha is infheidhme maidir le táirge, feiste, seirbhís, próiseas nó córas a chomhlíonadh;’;

(2)Leasaítear Airteagal 7 mar a leanas:

(a)i mír 2, cuirtear an méid seo a leanas in ionad an dara fomhír:

‘I gcás inar léiríodh leis an nós imeachta sin go gcomhlíonann táirge na ceanglais is infheidhme, déanfaidh na monaróirí dearbhú dá dtagraítear in Airteagal 15 a tharraingt suas, i bhfoirm leictreonach, agus déanfaidh siad an mharcáil chomhréireachta a mharcáil agus a ghreamú, mar a leagtar amach in Airteagail 17 agus 18.’;

(b)i mír 4, cuirtear an abairt seo a leanas in ionad an dara habairt:

‘Cuirfear san áireamh go leordhóthanach athruithe ar dhearadh nó ar shaintréithe an táirge agus athruithe ar na caighdeáin chomhchuibhithe nó na sonraíochtaí coiteanna ar trína mbíthin a dhearbhaítear comhréireacht an táirge.’;

(c)cuirtear an méid seo a leanas in ionad mhíreanna 6 agus 7:

‘6. Déanfaidh na monaróirí a n‑ainm, a dtrádainm cláraithe nó a dtrádmharc cláraithe chomh maith lena seoladh poist agus a sonraí teagmhála digiteacha a léiriú ar an táirge nó, i gcás nach féidir é sin a dhéanamh, ar an bpacáistíocht nó i ndoiciméad a ghabhann leis an táirge. Léireofar sa seoladh poist agus sna sonraí teagmhála digiteacha pointe aonair trínar féidir teagmháil a dhéanamh leis an monaróir.’;

7. Áiritheoidh monaróirí go bhfuil treoracha agus faisnéis ag gabháil leis an táirge i lámhleabhar an úinéara i dteanga nó i dteangacha is féidir leis na tomhaltóirí agus leis na húsáideoirí deiridh eile a thuiscint go héasca, teanga arna cinneadh ag an mBallstát lena mbaineann. Féadfar na treoracha agus an fhaisnéis sábháilteachta a sholáthar i bhfoirm leictreonach.

Cuirfidh an monaróir san áireamh an úsáid atá beartaithe don táirge agus úsáideoir deiridh intuartha an táirge agus formáid shonrach na dtreoracha agus na faisnéise sábháilteachta á cinneadh aige.

I gcás táirge atá beartaithe do thomhaltóirí nó ar féidir le tomhaltóirí, faoi dhálaí atá measartha intuartha, a úsáid, fiú mura bhfuil sé beartaithe dóibh, soláthróidh an monaróir, i bhformáid pháipéir, nó marcálfaidh sé ar an táirge, an fhaisnéis sábháilteachta. Beidh an fhaisnéis sábháilteachta sin sofheicthe agus soléite do thomhaltóirí.

Agus an fhaisnéis sábháilteachta á tarraingt suas, cuirfidh na monaróirí san áireamh an úsáid atá beartaithe agus an mhí-úsáid intuartha ag an úsáideoir deiridh, chomh maith leis an ról atá ag na treoracha chun an tsábháilteacht a áirithiú.

Nuair a sholáthraítear na treoracha, dá dtagraítear sa chéad fhomhír, i bhfoirm leictreonach, déanfaidh an monaróir an méid seo a leanas:

(a) marcáil ar an táirge, nó, i gcás nach féidir é sin a dhéanamh, ar a phacáistíocht nó i ndoiciméad a ghabhann leis, conas rochtain a fháil orthu agus conas iad a iarraidh i bhformáid pháipéir;

(b) iad a chur i láthair i bhformáid a fhágann gur féidir leis an úsáideoir deiridh na treoracha a phriontáil agus a íoslódáil agus iad a shábháil ar fheiste leictreonach ionas go mbeidh an t‑úsáideoir deiridh in ann rochtain a fháil orthu i gcónaí, go háirithe nuair a chliseann ar an táirge; tá feidhm ag an gceanglas sin freisin i gcás ina bhfuil na treoracha leabaithe i mbogearraí an táirge;

(c) iad a dhéanamh inrochtana ar líne le linn shaolré ionchasach an táirge agus ar feadh 10 mbliana ar a laghad tar éis an táirge a chur ar an margadh.

Féadfaidh an t‑úsáideoir deiridh, áfach, tráth a cheannaítear an táirge, nó suas le 6 mhí tar éis an táirge a cheannach, na treoracha nó an fhaisnéis sábháilteachta a iarraidh i bhformáid pháipéir. I gcás ina n‑iarrann an t‑úsáideoir deiridh na treoracha nó an fhaisnéis sábháilteachta sin, cuirfidh an monaróir ar fáil don úsáideoir deiridh iad, saor in aisce, laistigh de mhí amháin ón iarraidh a fháil.’;

(d)i mír 9, cuirtear an méid seo a leanas in ionad na chéad abairte:

‘Mar thoradh ar iarraidh réasúnaithe ó údarás inniúil náisiúnta, déanfaidh monaróirí an fhaisnéis agus an doiciméadacht ar fad is gá chun a léiriú go bhfuil an brú-threalamh nó an chóimeáil i gcomhréir leis an Treoir seo a chur ar fáil don údarás sin, i bhfoirm leictreonach, i dteanga is féidir leis an údarás sin a thuiscint go héasca.’;

(3)cuirtear an méid seo a leanas in ionad phointe (b) d’Airteagal 8(3):

‘(b) tar éis dó iarraidh réasúnaithe a fháil ó údarás inniúil náisiúnta, an fhaisnéis agus an doiciméadacht ar fad is gá a chur ar fáil don údarás sin, i bhfoirm leictreonach, chun comhréireacht táirge a léiriú;’;

(4)Leasaítear Airteagal 9 mar a leanas:

(a)cuirtear an méid seo a leanas in ionad mhír 3:

‘3. Déanfaidh allmhaireoirí a n‑ainm, a dtrádainm cláraithe nó a dtrádmharc cláraithe chomh maith lena seoladh poist agus a sonraí teagmhála digiteacha a lua ar an táirge nó, le haghaidh comhpháirteanna i gcás nach féidir é sin a dhéanamh, ar an bpacáistíocht nó i ndoiciméad a ghabhann leis an táirge.’;

(b)i mír 9, cuirtear an méid seo a leanas in ionad na chéad abairte:

‘Mar thoradh ar iarraidh réasúnaithe ó údarás inniúil náisiúnta, cuirfidh allmhaireoirí an fhaisnéis agus an doiciméadacht uile is gá chun comhréireacht an táirge a léiriú ar fáil dó, i bhfoirm leictreonach, i dteanga is féidir leis an údarás sin a thuiscint go héasca.’;

(5)in Airteagal 10(5), cuirtear an méid seo a leanas in ionad na chéad abairte:

Déanfaidh dáileoirí, tar éis dóibh iarraidh réasúnaithe a fháil ó údarás inniúil náisiúnta, an fhaisnéis agus an doiciméadacht ar fad is gá a chur ar fáil don údarás sin, i bhfoirm leictreonach, chun comhréireacht an táirge a léiriú.’;

(6)Cuirtear isteach an tAirteagal 14a seo a leanas:

‘Airteagal 14a

Sonraíochtaí Coiteanna

1.Féadfaidh an Coimisiún, trí bhíthin gníomhartha cur chun feidhme, sonraíochtaí coiteanna a ghlacadh lena gcumasófar comhlíonadh na gceanglas fíor-riachtanach a leagtar amach in Airteagal 4 in aon cheann de na cásanna seo a leanas:

(a) i gcás nach gcumhdaítear na ceanglais a leagtar amach in Airteagal 4 leis na caighdeáin chomhchuibhithe nó le codanna díobh, ar foilsíodh na tagairtí dóibh in Iris Oifigiúil an Aontais Eorpaigh;

(b) i gcás go gcumhdaítear na ceanglais a leagtar amach in Airteagal 4 le caighdeáin chomhchuibhithe, nó le codanna díobh, ar foilsíodh na tagairtí dóibh in Iris Oifigiúil an Aontais Eorpaigh, ach go bhfágann cur i bhfeidhm na gcaighdeán sin nó codanna díobh nach gcomhlíonann táirgí na ceanglais fhíor-riachtanacha a leagtar amach in Airteagal 4; nó

(c) i gcás ina measfaidh an Coimisiún gur gá aghaidh a thabhairt ar ábhar imní práinneach maidir le táirgí neamhchomhlíontacha.

Déanfar na gníomhartha cur chun feidhme sin a ghlacadh i gcomhréir leis an nós imeachta comhairleach dá dtagraítear in Airteagal 50(2).

2.Táirgí atá i gcomhréir leis an tsonraíocht choiteann, glacfar leis go bhfuil siad i gcomhréir le ceanglais fhíor-riachtanacha a chumhdaítear leis na sonraíochtaí coiteanna sin nó le codanna díobh agus a leagtar amach in Airteagal 4.’;

(7)Leasaítear Airteagal 15 mar a leanas:

(a)i mír 4, cuirtear an méid seo a leanas in ionad na habairte tosaigh:

‘Beidh seoladh idirlín an chóid meaisín-inléite trínar féidir rochtain a fháil ar dhearbhú comhréireachta AE, dá dtagraítear i mír 3, ag gabháil leis na táirgí seo a leanas, nuair a chuirfear ar fáil ar an margadh nó nuair a chuirfear i seirbhís iad:’;

(b)cuirtear mír 6 seo a leanas leis:

‘6. I gcás ina gceanglaítear le reachtaíocht eile de chuid an Aontais is infheidhme maidir leis an táirge ar an oibreoir eacnamaíoch an fhaisnéis go gcomhlíonann an táirge na ceanglais a leagtar amach sa reachtaíocht sin a áireamh i bpas táirge digiteach nó chun dearbhú comhréireachta AE nó treoracha a uaslódáil i bpas táirge digiteach, ní sholáthrófar an fhaisnéis a cheanglaítear in Iarscríbhinn IV a áireamh i ndearbhú comhréireachta AE agus na treoracha dá dtagraítear in Airteagal 7(7) ach amháin sa phas táirge digiteach.’;

(8)in Airteagal 19, cuirtear mír 5 seo a leanas leis:

‘5. Déanfaidh an monaróir an fhaisnéis agus an doiciméadacht uile a bhaineann leis na nósanna imeachta um measúnú comhréireachta a sholáthar i bhfoirm leictreonach don chomhlacht faoina dtugtar fógra a dhéanann an nós imeachta um measúnú comhréireachta.’;

(9)in Airteagal 20(1), pointe (b)(i), cuirtear an méid seo a leanas in ionad na bhfleasc:

‘i gcás ina gcomhlíontar na caighdeáin chomhchuibhithe nó na sonraíochtaí coiteanna a bhaineann le pointe 3.2 agus pointe 3.3 de Chuid A d’Iarscríbhinn I: Modúl A (rialú inmheánach táirgthe), Modúl A1 (rialú inmheánach táirgthe móide tástáil faoi mhaoirseacht ar tháirgí), Modúl B (cineálscrúdú AE) mar aon le Modúl C, D, E nó F, Modúl G (comhréireacht bunaithe ar fhíorú aonaid) nó Modúl H (comhréireacht bunaithe ar dhearbhú cáilíochta iomlán);

— i gcás nach gcomhlíontar na caighdeáin chomhchuibhithe nó na sonraíochtaí coiteanna a bhaineann le pointe 3.2 agus pointe 3.3 de Chuid A d’Iarscríbhinn I: Modúl A1 (rialú inmheánach táirgthe móide tástáil faoi mhaoirseacht ar tháirgí), Modúl B (scrúdú AE) mar aon le Modúl C, D, E nó F, Modúl G (comhréireacht bunaithe ar fhíorú aonaid) nó Modúl H (comhréireacht bunaithe ar dhearbhú cáilíochta iomlán);’;

(10)Leasaítear Airteagal 21 mar a leanas:

(a)i bpointe (a), cuirtear an méid seo a leanas in ionad na habairte tosaigh:

‘i gcás ina ndéantar tástálacha agus úsáid á baint as an gcaighdeán comhchuibhithe nó as an tsonraíocht choiteann, aon cheann de na modúil seo a leanas:’;

(b)i bpointe (b), cuirtear an méid seo a leanas in ionad na habairte tosaigh:

‘i gcás ina ndéantar tástálacha gan úsáid a bhaint as an gcaighdeán comhchuibhithe nó as an tsonraíocht choiteann, aon cheann de na modúil seo a leanas:’;

(11)Leasaítear Airteagal 22 mar a leanas:

(a)leasaítear mír 1 mar a leanas:

(i)i bpointe (a), cuirtear an méid seo a leanas in ionad na habairte tosaigh:

‘i gcás ina ndéantar tástálacha agus úsáid á baint as an gcaighdeán comhchuibhithe nó as an tsonraíocht choiteann maidir le torann a thomhas, aon cheann de na modúil seo a leanas:’;

(ii)cuirtear an méid seo a leanas in ionad phointe (b):

‘(b) I gcás ina ndéanfar tástálacha gan úsáid a bhaint as an gcaighdeán comhchuibhithe ná as an tsonraíocht choiteann chun torann a thomhas, Modúl G (comhréireacht bunaithe ar fhíorú aonaid).’;

(b)leasaítear mír 2 mar a leanas:

(i)i bpointe (a), cuirtear an méid seo a leanas in ionad na habairte tosaigh:

‘I gcás ina ndéantar tástálacha agus úsáid á baint as an gcaighdeán comhchuibhithe nó as an tsonraíocht choiteann maidir le torann a thomhas, aon cheann de na modúil seo a leanas:’;

(ii)cuirtear an méid seo a leanas in ionad phointe (b):

‘(b) I gcás ina ndéanfar tástálacha gan úsáid a bhaint as an gcaighdeán comhchuibhithe ná as an tsonraíocht choiteann chun torann a thomhas, Modúl G (comhréireacht bunaithe ar fhíorú aonaid).’;

(12)in Airteagal 30(7), cuirtear an méid seo a leanas in ionad phointe (c):

‘(c) eolas agus tuiscint iomchuí ar na ceanglais fhíor-riachtanacha, na caighdeáin chomhchuibhithe nó na sonraíochtaí coiteanna is infheidhme, reachtaíocht chomhchuibhithe ábhartha an Aontais agus an reachtaíocht náisiúnta ábhartha;’;

(13)in Airteagal 38, cuirtear an méid seo a leanas in ionad mhír 3:

‘3. I gcás ina gcinnfidh comhlacht faoina dtugtar fógra nár chomhlíon monaróir nó allmhaireoir príobháideach na ceanglais a leagtar síos in Airteagal 4(1) agus in Iarscríbhinn I nó i gcaighdeáin chomhchuibhithe chomhfhreagracha nó i sonraíochtaí coiteanna comhfhreagracha, ceanglóidh sé ar an monaróir sin nó ar an allmhaireoir príobháideach sin bearta ceartaitheacha iomchuí a dhéanamh agus ní eiseoidh sé deimhniú comhréireachta.’;

(14)Leasaítear Iarscríbhinní I, III, IV agus V i gcomhréir le hIarscríbhinn III a ghabhann leis an Treoir seo.

Airteagal 4

Leasuithe ar Threoir 2014/29/AE

Leasaítear Treoir 2014/29/AE mar a leanas:

(1)Leasaítear Airteagal 2 mar a leanas:

(a)cuirtear isteach an pointe (7a) seo a leanas:

‘(7a) ciallaíonn ‘sonraí teagmhála digiteacha’ aon bhealach cumarsáide ar líne atá cothrom le dáta agus inrochtana trínar féidir dul i dteagmháil nó i rannpháirtíocht le hoibreoirí eacnamaíocha gan gá le clárú nó le feidhmchlár a íoslódáil;’;

(b)cuirtear isteach an pointe (9a) seo a leanas:

‘(9a) ciallaíonn ‘sonraíochtaí coiteanna’ tacar ceanglas teicniúil, seachas caighdeán, lena soláthraítear bealaí chun na ceanglais fhíor-riachtanacha is infheidhme maidir le táirge, feiste, seirbhís, próiseas nó córas a chomhlíonadh;’;

(2)Leasaítear Airteagal 6 mar a leanas:

(a)i mír 2, cuirtear an méid seo a leanas in ionad an dara fomhír:

‘I gcás inar léiríodh leis an nós imeachta sin go gcomhlíonann soitheach ar mó a thoradh PS × V ná 50 bar.L na ceanglais is infheidhme, déanfaidh na monaróirí dearbhú comhréireachta AE a tharraingt suas, i bhfoirm leictreonach, agus greamóidh siad an mharcáil chomhréireachta agus na hinscríbhinní dá bhforáiltear i bpointe 1 d’Iarscríbhinn III de.’;

(b)i mír 4, an chéad fhomhír, cuirtear an méid seo a leanas in ionad an dara habairt:

‘Cuirfear san áireamh go leordhóthanach athruithe ar dhearadh nó ar shaintréithe soithí agus athruithe ar na caighdeáin chomhchuibhithe, ar na sonraíochtaí coiteanna nó ar shonraíochtaí teicniúla eile ar trína mbíthin a dhearbhaítear comhréireacht soithigh.’;

(c)i mír 6, cuirtear an méid seo a leanas in ionad na chéad abairte agus an dara habairt:

‘Léireoidh na monaróirí ar an soitheach a n‑ainm, a dtrádainm cláraithe nó a dtrádmharc cláraithe chomh maith lena seoladh poist agus a sonraí teagmhála digiteacha. Léireofar sa seoladh poist agus sna sonraí teagmhála digiteacha pointe aonair trínar féidir teagmháil a dhéanamh leis an monaróir.’;

(d)cuirtear an méid seo a leanas in ionad mhír 7:

‘7. Áiritheoidh monaróirí go bhfuil na treoracha agus an fhaisnéis sábháilteachta eile dá dtagraítear i bpointe 2 d’Iarscríbhinn III ag gabháil leis an soitheach agus iad i dteanga is féidir le húsáideoirí deiridh a thuiscint go héasca, arna cinneadh ag an mBallstát lena mbaineann. Féadfar na treoracha agus an fhaisnéis sábháilteachta dá dtagraítear i bpointe 2 d’Iarscríbhinn III a sholáthar i bhfoirm leictreonach. Beidh treoracha agus faisnéis sábháilteachta den sórt sin, chomh maith le haon lipéadú, soiléir sothuigthe inléite.

Cuirfidh an monaróir an úsáid atá beartaithe agus úsáideoir deiridh intuartha an tsoithigh san áireamh agus an fhormáid shonrach do na treoracha agus don fhaisnéis sábháilteachta á cinneadh aige.

I gcás soitheach le haghaidh tomhaltóirí nó i gcás inar féidir le tomhaltóirí, faoi dhálaí atá measartha intuartha, soitheach a úsáid, fiú mura bhfuil sé beartaithe dóibh, soláthróidh an monaróir, i bhformáid pháipéir, nó marcálfaidh sé ar an soitheach, an fhaisnéis sábháilteachta dá dtagraítear i bpointe 2 d’Iarscríbhinn III. Beidh an fhaisnéis sábháilteachta sin sofheicthe agus soléite do thomhaltóirí.

Agus an fhaisnéis sábháilteachta á tarraingt suas, cuirfidh na monaróirí san áireamh an úsáid atá beartaithe agus an mhí-úsáid intuartha ag an úsáideoir deiridh, chomh maith leis an ról atá ag na treoracha chun an tsábháilteacht a áirithiú.

Nuair a sholáthraítear na treoracha, dá dtagraítear sa chéad fhomhír, i bhfoirm leictreonach, déanfaidh an monaróir an méid seo a leanas:

(a) marcáil ar an soitheach, nó, i gcás nach féidir é sin a dhéanamh, ar a phacáistíocht nó i ndoiciméad a ghabhann leis, conas rochtain a fháil orthu agus conas iad a iarraidh i bhformáid pháipéir;

(b) iad a chur i láthair i bhformáid a fhágann gur féidir leis an úsáideoir deiridh na treoracha a phriontáil agus a íoslódáil agus iad a shábháil ar ghléas leictreonach ionas go mbeidh an t‑úsáideoir deiridh in ann rochtain a fháil orthu i gcónaí, go háirithe nuair a chliseann ar an soitheach; beidh feidhm ag an gceanglas sin freisin i gcás ina mbeidh na treoracha leabaithe i mbogearraí an tsoithigh;

(c) iad a chur ar fáil ar líne le linn shaolré ionchasach an tsoithigh agus ar feadh 10 mbliana ar a laghad tar éis an soitheach a chur ar an margadh.

Féadfaidh an t‑úsáideoir deiridh, áfach, tráth a cheannaítear an soitheach, nó suas le 6 mhí tar éis an soitheach a cheannach, na treoracha nó an fhaisnéis sábháilteachta a iarraidh i bhformáid pháipéir. I gcás ina n‑iarrann an t‑úsáideoir deiridh na treoracha nó an fhaisnéis sábháilteachta sin, cuirfidh an monaróir ar fáil don úsáideoir deiridh iad, saor in aisce, laistigh de mhí amháin ón iarraidh a fháil.’;

(e)i mír 9, cuirtear an méid seo a leanas in ionad na chéad abairte:

Mar thoradh ar iarraidh réasúnaithe ó údarás inniúil náisiúnta, déanfaidh monaróirí an fhaisnéis agus an doiciméadacht ar fad is gá chun a léiriú go bhfuil an soitheach i gcomhréir leis an Treoir seo a chur ar fáil don údarás sin, i bhfoirm leictreonach, i dteanga is féidir leis an údarás sin a thuiscint go héasca.’;

(3)cuirtear an méid seo a leanas in ionad phointe (b) d’Airteagal 7(2):

‘(b) tar éis dó iarraidh réasúnaithe a fháil ó údarás inniúil náisiúnta, an fhaisnéis agus an doiciméadacht ar fad is gá a chur ar fáil don údarás sin, i bhfoirm leictreonach, chun comhréireacht árthaigh a léiriú;’;

(4)Leasaítear Airteagal 8 mar a leanas:

(a)i mír 3, cuirtear an méid seo a leanas in ionad na chéad abairte:

‘Sonróidh allmhaireoirí a n‑ainm, a dtrádainm cláraithe nó a dtrádmharc cláraithe ar an soitheach, chomh maith lena seoladh poist agus a sonraí teagmhála digiteacha nó, i gcás nach féidir é sin a dhéanamh, i ndoiciméad a ghabhann leis an soitheach.’;

(b)i mír 9, cuirtear an méid seo a leanas in ionad na chéad abairte:

‘Mar thoradh ar iarraidh réasúnaithe ó údarás inniúil náisiúnta, cuirfidh allmhaireoir an fhaisnéis agus an doiciméadacht uile is gá chun comhréireacht soithigh a léiriú ar fáil dó, i bhfoirm leictreonach, i dteanga is féidir leis an údarás sin a thuiscint go héasca.’;

(5)in Airteagal 9(5), cuirtear an méid seo a leanas in ionad na chéad abairte:

‘Déanfaidh dáileoirí, tar éis dóibh iarraidh réasúnaithe a fháil ó údarás inniúil náisiúnta, an fhaisnéis agus an doiciméadacht ar fad is gá a chur ar fáil don údarás sin, i bhfoirm leictreonach, chun comhréireacht soithigh a léiriú.’;

(6)cuirtear isteach an tAirteagal 12a seo a leanas:

‘Airteagal 12a

Sonraíochtaí Coiteanna

1. Féadfaidh an Coimisiún, trí bhíthin gníomhartha cur chun feidhme, sonraíochtaí coiteanna a ghlacadh lena gcumasófar comhlíonadh na gceanglas fíor-riachtanach a leagtar amach in Iarscríbhinn I in aon cheann de na cásanna seo a leanas:

(a) nach gcumhdaítear na ceanglais a leagtar amach in Iarscríbhinn I leis na caighdeáin chomhchuibhithe nó le codanna díobh, ar foilsíodh na tagairtí dóibh in Iris Oifigiúil an Aontais Eorpaigh;

(b) go gcumhdaítear na ceanglais a leagtar amach in Iarscríbhinn I le caighdeáin chomhchuibhithe, nó le codanna díobh, ar foilsíodh na tagairtí dóibh in Iris Oifigiúil an Aontais Eorpaigh, ach is é an toradh a bhíonn ar chur i bhfeidhm na gcaighdeán sin nó codanna díobh nach gcomhlíonann soithí ar mó a dtoradh PS × V ná 50 bar.L maidir leis na ceanglais fhíor-riachtanacha a leagtar amach in Airteagal 4; nó

(c) i gcás ina measann an Coimisiún gur gá aghaidh a thabhairt ar ábhar imní práinneach maidir le soithí neamhchomhlíontacha ar mó a dtoradh PS × V ná 50 bar.L.

Déanfar na gníomhartha cur chun feidhme sin a ghlacadh i gcomhréir leis an nós imeachta comhairleach dá dtagraítear in Airteagal 39(2).

2.Soithí ar mó a dtoradh PS × V ná 50 bar.L atá i gcomhréir leis an tsonraíocht choiteann, glacfar leis go bhfuil siad i gcomhréir le ceanglais fhíor-riachtanacha, a chumhdaítear leis na sonraíochtaí coiteanna sin nó le codanna díobh, a leagtar amach in Iarscríbhinn I.’;

(7)Leasaítear Airteagal 13 mar a leanas:

(a)leasaítear mír 1 mar a leanas:

(i)i bpointe (a), cuirtear an méid seo a leanas in ionad na habairte tosaigh:

‘(a) i gcás soithí a mhonaraítear i gcomhréir leis na caighdeáin chomhchuibhithe dá dtagraítear in Airteagal 12 nó sonraíochtaí coiteanna dá dtagraítear in Airteagal 12a, de rogha an mhonaróra, ar cheachtar den dá bhealach seo a leanas:’;

(ii)cuirtear an méid seo a leanas in ionad phointe (b):

‘(b) i gcás soithí nár monaraíodh ná nár monaraíodh ach go páirteach, i gcomhréir leis na caighdeáin chomhchuibhithe dá dtagraítear in Airteagal 12, nó leis na sonraíochtaí coiteanna dá dtagraítear in Airteagal 12a, déanfaidh an monaróir fréamhshamhail, atá ionadaíoch ar an táirgeadh atá beartaithe, ar an soitheach iomlán agus an doiciméadacht theicniúil agus an fhianaise thacaíochta chun scrúdú agus measúnú a dhéanamh ar leordhóthanacht dhearadh teicniúil an tsoithigh a chur isteach lena scrúdú (Modúl B — cineál táirgthe).’;

(b)cuirtear an méid seo a leanas in ionad mhír 3:

‘3. Déanfar na taifid agus an comhfhreagras a bhaineann leis na nósanna imeachta um measúnú comhréireachta dá dtagraítear i míreanna 1 agus 2 a tharraingt suas, i bhfoirm leictreonach, i dteanga oifigiúil de chuid an Bhallstáit ina bhfuil an comhlacht faoina dtugtar fógra bunaithe nó i dteanga a nglacann an comhlacht sin léi.’;

(c)cuirtear mír 4 seo a leanas leis:

‘4. Déanfaidh an monaróir an fhaisnéis agus an doiciméadacht uile a bhaineann le nósanna imeachta um measúnú comhréireachta a sholáthar i bhfoirm leictreonach don chomhlacht faoina dtugtar fógra a dhéanann an nós imeachta um measúnú comhréireachta.’;

(8)in Airteagal 14, cuirtear mír 5 seo a leanas leis:

‘5. I gcás ina gceanglaítear le reachtaíocht eile de chuid an Aontais is infheidhme maidir leis an soitheach ar an oibreoir eacnamaíoch an fhaisnéis go gcomhlíonann an táirge na ceanglais a leagtar amach sa reachtaíocht sin a áireamh i bpas táirge digiteach nó chun dearbhú comhréireachta AE nó treoracha a uaslódáil i bpas táirge digiteach, ní sholáthrófar an fhaisnéis a cheanglaítear in Iarscríbhinn IV a áireamh i ndearbhú comhréireachta AE agus na treoracha dá dtagraítear in Airteagal 6(7) ach amháin sa phas táirge digiteach sin.’;

(9)in Airteagal 21(7), cuirtear an méid seo a leanas in ionad phointe (c):

‘(c) eolas agus tuiscint iomchuí ar na ceanglais fhíor-riachtanacha sábháilteachta a leagtar amach in Iarscríbhinn I, ar na caighdeáin chomhchuibhithe nó sonraíochtaí coiteanna is infheidhme agus ar fhorálacha ábhartha eile den reachtaíocht chomhchuibhithe an Aontais agus den reachtaíocht náisiúnta;

(10)in Airteagal 29, cuirtear an méid seo a leanas in ionad mhír 3:

‘3. I gcás ina bhfionnann comhlacht faoina dtugtar fógra nach bhfuil na ceanglais fhíor-riachtanacha sábháilteachta a leagtar amach in Iarscríbhinn I nó i gcaighdeáin chomhchuibhithe chomhfhreagracha nó i sonraíochtaí coiteanna eile comhlíonta ag monaróir, ceanglóidh sé ar an monaróir sin bearta ceartaitheacha iomchuí a dhéanamh agus ní eiseoidh sé deimhniú comhréireachta.’;

(11)Leasaítear Iarscríbhinní II, III agus IV i gcomhréir le hIarscríbhinn IV a ghabhann leis an Treoir seo.

Airteagal 5

Leasuithe ar Threoir 2014/30/AE

Leasaítear Treoir 2014/30/AE mar a leanas:

(1)Leasaítear Airteagal 3 mar a leanas:

(a)cuirtear isteach an pointe (15a) seo a leanas:

‘(15a) ciallaíonn ‘sonraí teagmhála digiteacha’ aon bhealach cumarsáide ar líne atá cothrom le dáta agus inrochtana trínar féidir dul i dteagmháil nó i rannpháirtíocht le hoibreoirí eacnamaíocha gan gá le clárú nó le feidhmchlár a íoslódáil;’;

(b)cuirtear isteach an pointe (17a) seo a leanas:

‘(17a) ciallaíonn ‘sonraíochtaí coiteanna’ tacar ceanglas teicniúil, seachas caighdeán, lena soláthraítear bealaí chun na ceanglais fhíor-riachtanacha is infheidhme maidir le táirge, feiste, seirbhís, próiseas nó córas a chomhlíonadh;’;

(2)Leasaítear Airteagal 7 mar a leanas:

(a)i mír 2, cuirtear an méid seo a leanas in ionad an dara fomhír:

‘I gcás inar léiríodh leis an nós imeachta sin go gcomhlíonann gaireas na ceanglais is infheidhme, déanfaidh na monaróirí dearbhú comhréireachta AE a tharraingt suas, i bhfoirm leictreonach, agus greamóidh siad an mharcáil chomhréireachta de.’;

(b)i mír 4, cuirtear an abairt seo a leanas in ionad an dara habairt:

‘Athruithe ar dhearadh nó ar shaintréithe gairis agus athruithe ar na caighdeáin chomhchuibhithe, ar na sonraíochtaí coiteanna, nó ar shonraíochtaí teicniúla eile ar trína mbíthin a dhearbhaítear comhréireacht gairis, cuirfear san áireamh go leordhóthanach iad.’;

(c)i mír 6, cuirtear an méid seo a leanas in ionad na chéad abairte agus an dara habairt:

‘Léireoidh na monaróirí a n‑ainm, a dtrádainm cláraithe nó a dtrádmharc cláraithe ar an ngaireas, chomh maith lena seoladh poist agus a sonraí teagmhála digiteacha nó, i gcás nach féidir é sin a dhéanamh, ar an bpacáistíocht nó i ndoiciméad a ghabhann leis an ngaireas. Léireofar sa seoladh poist agus sna sonraí teagmhála digiteacha pointe aonair trínar féidir teagmháil a dhéanamh leis an monaróir.’;

(d)cuirtear an méid seo a leanas in ionad mhír 7:

‘7. Áiritheoidh monaróirí go bhfuil treoracha agus an fhaisnéis dá dtagraítear in Airteagal 18 ag gabháil leis an ngaireas i dteanga is féidir le tomhaltóirí agus úsáideoirí deiridh eile a thuiscint go héasca, teanga arna cinneadh ag an mBallstát lena mbaineann. Féadfar na treoracha agus an fhaisnéis dá dtagraítear in Airteagal 18 a sholáthar i bhfoirm leictreonach. Beidh treoracha agus faisnéis den sórt sin, chomh maith le haon lipéadú, soiléir, intuisceana agus intuigthe.

I gcás gairis atá ceaptha do thomhaltóirí nó gairis is féidir le tomhaltóirí a úsáid, faoi dhálaí atá measartha intuartha, fiú mura bhfuil sé beartaithe dóibh, soláthróidh an monaróir, i bhformáid pháipéir, nó marcálfaidh sé ar an ngaireas, an fhaisnéis dá dtagraítear in Airteagal 18. Beidh an fhaisnéis sin sofheicthe agus soléite do thomhaltóirí.

Agus an fhaisnéis dá dtagraítear in Airteagal 18 á tarraingt suas acu, cuirfidh na monaróirí an úsáid atá beartaithe agus an mhí-úsáid intuartha ag an úsáideoir deiridh san áireamh.

Nuair a sholáthraítear na treoracha dá dtagraítear sa chéad fhomhír, i bhfoirm leictreonach, déanfaidh an monaróir an méid seo a leanas:

(a) marcáil ar an ngaireas, nó, i gcás nach féidir é sin a dhéanamh, ar a phacáistíocht nó i ndoiciméad a ghabhann leis, conas rochtain a fháil orthu agus conas iad a iarraidh i bhformáid pháipéir;

(b) iad a chur i láthair i bhformáid a fhágann gur féidir leis an úsáideoir deiridh na treoracha a phriontáil agus a íoslódáil agus iad a shábháil ar fheiste leictreonach ionas go mbeidh an t‑úsáideoir deiridh in ann rochtain a fháil orthu i gcónaí, go háirithe nuair a chliseann ar an ngaireas;

(c) iad a chur ar fáil ar líne le linn shaolré ionchasach an ghairis agus ar feadh 10 mbliana ar a laghad tar éis an gaireas a chur ar an margadh.

Féadfaidh an t‑úsáideoir deiridh, áfach, tráth a cheannaítear an gaireas, nó suas le 6 mhí tar éis an cheannaigh sin, na treoracha nó an fhaisnéis dá dtagraítear in Airteagal 18 a iarraidh i bhformáid pháipéir. I gcás ina n‑iarrann an t‑úsáideoir deiridh na treoracha nó an fhaisnéis sin dá dtagraítear in Airteagal 18, cuirfidh an monaróir ar fáil don úsáideoir deiridh iad, saor in aisce, laistigh de mhí amháin ón iarraidh a fháil.’;

(e)i mír 9, cuirtear an méid seo a leanas in ionad na chéad abairte:

Mar thoradh ar iarraidh réasúnaithe ó údarás inniúil náisiúnta, déanfaidh monaróirí an fhaisnéis agus an doiciméadacht ar fad is gá chun a léiriú go bhfuil an gaireas i gcomhréir leis an Treoir seo a chur ar fáil don údarás sin, i bhfoirm leictreonach, i dteanga is féidir leis an údarás sin a thuiscint go héasca.’;

(3)cuirtear an méid seo a leanas in ionad phointe (b) d’Airteagal 8(2):

‘(b) tar éis dó iarraidh réasúnaithe a fháil ó údarás inniúil náisiúnta, an fhaisnéis agus an doiciméadacht ar fad is gá a chur ar fáil don údarás sin, i bhfoirm leictreonach, chun comhréireacht gairis a léiriú;’;

(4)Leasaítear Airteagal 9 mar a leanas:

(a)i mír 3, cuirtear an méid seo a leanas in ionad na chéad abairte:

‘Sonróidh allmhaireoirí ar an ngaireas a n‑ainm, a dtrádainm cláraithe nó a dtrádmharc cláraithe chomh maith lena seoladh poist agus a sonraí teagmhála digiteacha nó, i gcás nach féidir é sin a dhéanamh, ar an bpacáistíocht nó i ndoiciméad a ghabhann leis an ngaireas.’;

(b)i mír 8, cuirtear an méid seo a leanas in ionad na chéad abairte:

‘Mar thoradh ar iarraidh réasúnaithe ó údarás inniúil náisiúnta, cuirfidh allmhaireoirí an fhaisnéis agus an doiciméadacht uile is gá chun comhréireacht gairis a léiriú ar fáil dó, i bhfoirm leictreonach, i dteanga is féidir leis an údarás sin a thuiscint.’;

(5)in Airteagal 10(5), cuirtear an méid seo a leanas in ionad na chéad abairte:

‘Déanfaidh dáileoirí, tar éis dóibh iarraidh réasúnaithe a fháil ó údarás inniúil náisiúnta, an fhaisnéis agus an doiciméadacht ar fad is gá a chur ar fáil don údarás sin, i bhfoirm leictreonach, chun comhréireacht gairis a léiriú.’;

(6) cuirtear isteach an tAirteagal 13a seo a leanas:

‘Airteagal 13a

Sonraíochtaí Coiteanna

1. Féadfaidh an Coimisiún, trí bhíthin gníomhartha cur chun feidhme, sonraíochtaí coiteanna a ghlacadh lena gcumasófar comhlíonadh na gceanglas fíor-riachtanach a leagtar amach in Iarscríbhinn I in aon cheann de na cásanna seo a leanas:

(a) nach gcumhdaítear na ceanglais a leagtar amach in Iarscríbhinn I leis na caighdeáin chomhchuibhithe nó le codanna díobh, ar foilsíodh na tagairtí dóibh in Iris Oifigiúil an Aontais Eorpaigh;

(b) go gcumhdaítear na ceanglais a leagtar amach in Iarscríbhinn I le caighdeáin chomhchuibhithe, nó le codanna díobh, ar foilsíodh na tagairtí dóibh in Iris Oifigiúil an Aontais Eorpaigh, ach go bhfágann cur i bhfeidhm na gcaighdeán sin nó codanna díobh nach gcomhlíonann trealamh na ceanglais fhíor-riachtanacha a leagtar amach in Iarscríbhinn I; nó

(c) i gcás ina measfaidh an Coimisiún gur gá aghaidh a thabhairt ar ábhar imní práinneach maidir le trealamh neamhchomhlíontach.

Déanfar na gníomhartha cur chun feidhme sin a ghlacadh i gcomhréir leis an nós imeachta comhairleach dá dtagraítear in Airteagal 41(2).

2.Gaireas atá i gcomhréir leis an tsonraíocht choiteann, glacfar leis go bhfuil sé i gcomhréir le ceanglais fhíor-riachtanacha a chumhdaítear leis na sonraíochtaí coiteanna sin nó le codanna díobh agus a leagtar amach in Iarscríbhinn I.’;

(7)in Airteagal 14, cuirtear an fomhír seo a leanas leis:

‘Soláthróidh an monaróir i bhfoirm leictreonach don chomhlacht faoina dtugtar fógra a dhéanann an nós imeachta um measúnú comhréireachta an fhaisnéis agus an doiciméadacht uile a bhaineann leis an nós imeachta um measúnú comhréireachta.’;

(8)in Airteagal 15, cuirtear mír 5 seo a leanas leis:

‘5. I gcás ina gceanglaítear le reachtaíocht eile de chuid an Aontais is infheidhme maidir le gaireas ar an oibreoir eacnamaíoch an fhaisnéis go gcomhlíonann an táirge na ceanglais a leagtar amach sa reachtaíocht sin a áireamh i bpas táirge digiteach nó dearbhú comhréireachta AE nó treoracha a uaslódáil i bpas táirge digiteach, ní sholáthrófar an fhaisnéis a cheanglaítear in Iarscríbhinn IV a áireamh i ndearbhú comhréireachta AE agus na treoracha dá dtagraítear in Airteagal 7(7) ach amháin sa phas táirge digiteach sin.’;

(9)in Airteagal 24(7), cuirtear an méid seo a leanas in ionad phointe (c):

‘(c) eolas agus tuiscint iomchuí ar na ceanglais fhíor-riachtanacha sábháilteachta a leagtar amach in Iarscríbhinn I, ar na caighdeáin chomhchuibhithe nó sonraíochtaí coiteanna is infheidhme agus ar fhorálacha ábhartha eile de reachtaíocht chomhchuibhithe an Aontais agus den reachtaíocht náisiúnta;

(10)in Airteagal 32, cuirtear an méid seo a leanas in ionad mhír 3:

‘3. I gcás ina bhfionnann comhlacht faoina dtugtar fógra nach bhfuil na ceanglais riachtanacha a leagtar amach in Iarscríbhinn I nó i gcaighdeáin chomhchuibhithe chomhfhreagracha nó i sonraíochtaí coiteanna eile comhlíonta ag monaróir, ceanglóidh sé ar an monaróir sin bearta ceartaitheacha iomchuí a dhéanamh agus ní eiseoidh sé deimhniú.’;

(11)Leasaítear Iarscríbhinní II, III agus IV i gcomhréir le hIarscríbhinn V a ghabhann leis an Treoir seo.

Airteagal 6

Leasuithe ar Threoir 2014/31/AE

Leasaítear Treoir 2014/31/AE mar a leanas:

(1)Leasaítear Airteagal 2 mar a leanas:

(a)cuirtear isteach an pointe (9a) seo a leanas:

‘(9a) ciallaíonn ‘sonraí teagmhála digiteacha’ aon bhealach cumarsáide ar líne atá cothrom le dáta agus inrochtana trínar féidir dul i dteagmháil nó i rannpháirtíocht le hoibreoirí eacnamaíocha gan gá le clárú nó le feidhmchlár a íoslódáil;’;

(b)cuirtear isteach an pointe (11a) seo a leanas:

‘(11a) ciallaíonn ‘sonraíochtaí coiteanna’ tacar ceanglas teicniúil, seachas caighdeán, lena soláthraítear bealaí chun na ceanglais fhíor-riachtanacha is infheidhme maidir le táirge, feiste, seirbhís, próiseas nó córas a chomhlíonadh;’;

(2)Leasaítear Airteagal 6 mar a leanas:

(a)i mír 2, cuirtear an méid seo a leanas in ionad an dara fomhír:

‘I gcás inar léiríodh leis an nós imeachta um measúnú comhréireachta sin go gcomhlíonann uirlis a bheartaítear a úsáid le haghaidh na bhfeidhmeanna a liostaítear i bpointí (a) go (f) d’Airteagal 1(2) na ceanglais is infheidhme, déanfaidh na monaróirí dearbhú comhréireachta AE a tharraingt suas, i bhfoirm leictreonach, agus greamóidh siad an mharcáil chomhréireachta agus an mharcáil mhéadreolaíochta fhorlíontach di.’;

(b)i mír 4, an chéad fhomhír, cuirtear an méid seo a leanas in ionad an dara habairt:

‘Cuirfear san áireamh go leordhóthanach athruithe ar dhearadh nó ar shaintréithe na n‑uirlisí agus athruithe ar na caighdeáin chomhchuibhithe, ar na sonraíochtaí coiteanna, nó ar shonraíochtaí teicniúla eile ar trína mbíthin a dhearbhaítear comhréireacht uirlise.’;

(c)i mír 6, cuirtear an méid seo a leanas in ionad na chéad abairte agus an dara habairt:

‘Léireoidh na monaróirí ar an uirlis a n‑ainm, a dtrádainm cláraithe nó a dtrádmharc cláraithe chomh maith lena seoladh poist agus a sonraí teagmhála digiteacha. Léireofar sa seoladh poist agus sna sonraí teagmhála digiteacha pointe aonair trínar féidir teagmháil a dhéanamh leis an monaróir.’;

(d)cuirtear an méid seo a leanas in ionad mhír 7:

‘7. Áiritheoidh na monaróirí go mbeidh treoracha agus faisnéis ag gabháil leis an uirlis a bheartaítear a úsáid le haghaidh na bhfeidhmeanna a liostaítear i bpointe (a) go pointe (f) d’Airteagal 1(2) i dteanga is féidir leis na húsáideoirí deiridh a thuiscint go héasca, teanga arna cinneadh ag an mBallstát lena mbaineann. Féadfar na treoracha agus an fhaisnéis a sholáthar i bhfoirm leictreonach. Beidh treoracha agus faisnéis den sórt sin, chomh maith le haon lipéadú, soiléir, intuisceana agus intuigthe.

Cuirfidh an monaróir san áireamh an úsáid atá beartaithe don táirge agus úsáideoir deiridh intuartha an táirge agus formáid shonrach na dtreoracha agus na faisnéise á cinneadh aige.

I gcás uirlis atá beartaithe do thomhaltóirí nó ar féidir le tomhaltóirí í a úsáid, faoi dhálaí atá measartha intuartha, fiú mura bhfuil sí beartaithe dóibh, soláthróidh an monaróir i bhformáid pháipéir, nó marcálfaidh sé ar an táirge, an fhaisnéis atá riachtanach chun í a úsáid ar bhealach sábháilte. Beidh an fhaisnéis sin sofheicthe agus soléite do thomhaltóirí.

Nuair a sholáthraítear na treoracha, dá dtagraítear sa chéad fhomhír, i bhfoirm leictreonach, déanfaidh an monaróir an méid seo a leanas:

(a) marcáil ar an uirlis, nó, i gcás nach féidir é sin a dhéanamh, ar a pacáistíocht nó ar dhoiciméad a ghabhann léi, conas rochtain a fháil orthu agus conas iad a iarraidh i bhformáid pháipéir;

(b) iad a chur i láthair i bhformáid a fhágann gur féidir leis an úsáideoir deiridh na treoracha a phriontáil agus a íoslódáil agus iad a shábháil ar fheiste leictreonach ionas go mbeidh an t‑úsáideoir deiridh in ann rochtain a fháil orthu i gcónaí, go háirithe nuair a chliseann ar an uirlis; tá feidhm ag an gceanglas sin freisin i gcás ina bhfuil na treoracha leabaithe i mbogearraí na huirlise;

(c) iad a chur ar fáil ar líne le linn shaolré ionchasach na huirlise agus ar feadh 10 mbliana ar a laghad tar éis an uirlis a chur ar an margadh.

Féadfaidh an t‑úsáideoir deiridh, áfach, tráth cheannach na huirlise, nó suas le 6 mhí tar éis an cheannaigh sin, na treoracha agus an fhaisnéis a iarraidh i bhformáid pháipéir. I gcás ina n‑iarrann an t‑úsáideoir deiridh na treoracha agus an fhaisnéis sin, cuirfidh an monaróir ar fáil don úsáideoir deiridh iad, saor in aisce, laistigh de mhí amháin ón iarraidh a fháil.’;

(e)i mír 9, cuirtear an méid seo a leanas in ionad na chéad abairte:

Mar thoradh ar iarraidh réasúnaithe ó údarás inniúil náisiúnta, déanfaidh monaróirí an fhaisnéis agus an doiciméadacht ar fad is gá chun a léiriú go bhfuil an ionstraim i gcomhréir leis an Treoir seo a chur ar fáil don údarás sin, i bhfoirm leictreonach, i dteanga is féidir leis an údarás sin a thuiscint go héasca.’;

(3)cuirtear an méid seo a leanas in ionad phointe (b) d’Airteagal 7(2):

‘(b) tar éis dó iarraidh réasúnaithe a fháil ó údarás inniúil náisiúnta, an fhaisnéis agus an doiciméadacht ar fad is gá a chur ar fáil don údarás sin, i bhfoirm leictreonach, chun comhréireacht ionstraime a léiriú;’;

(4)Leasaítear Airteagal 8 mar a leanas:

(a)i mír 3, cuirtear an méid seo a leanas in ionad na chéad abairte:

‘Sonróidh allmhaireoirí ar an uirlis a n‑ainm, a dtrádainm cláraithe nó a dtrádmharc cláraithe chomh maith lena seoladh poist agus a sonraí teagmhála digiteacha.’;

(b)i mír 9, cuirtear an méid seo a leanas in ionad na chéad abairte:

‘Mar thoradh ar iarraidh réasúnaithe ó údarás náisiúnta inniúil, cuirfidh allmhaireoirí an fhaisnéis agus an doiciméadacht uile is gá chun comhréireacht ionstraime a léiriú ar fáil dó, i bhfoirm leictreonach, i dteanga is féidir leis an údarás sin a thuiscint.’;

(5)in Airteagal 9(5), cuirtear an méid seo a leanas in ionad na chéad abairte:

‘Déanfaidh dáileoirí, tar éis dóibh iarraidh réasúnaithe a fháil ó údarás inniúil náisiúnta, an fhaisnéis agus an doiciméadacht ar fad is gá a chur ar fáil don údarás sin, i bhfoirm leictreonach, chun comhréireacht ionstraime a léiriú.’;

(6) cuirtear isteach an tAirteagal 12a seo a leanas:

‘Airteagal 12a

Sonraíochtaí Coiteanna

1. Féadfaidh an Coimisiún, trí bhíthin gníomhartha cur chun feidhme, sonraíochtaí coiteanna a ghlacadh lena gcumasófar comhlíonadh na gceanglas fíor-riachtanach a leagtar amach in Iarscríbhinn I in aon cheann de na cásanna seo a leanas:

(a) nach gcumhdaítear na ceanglais a leagtar amach in Iarscríbhinn I leis na caighdeáin chomhchuibhithe nó le codanna díobh, ar foilsíodh na tagairtí dóibh in Iris Oifigiúil an Aontais Eorpaigh;

(b) go gcumhdaítear na ceanglais a leagtar amach in Iarscríbhinn I le caighdeáin chomhchuibhithe, nó le codanna díobh, ar foilsíodh na tagairtí dóibh in Iris Oifigiúil an Aontais Eorpaigh, ach is é an toradh atá ar chur i bhfeidhm na gcaighdeán sin nó codanna díobh nach gcomhlíonann na huirlisí na ceanglais fhíor-riachtanacha a leagtar amach in Iarscríbhinn I ag uirlisí; nó

(c) i gcás ina measfaidh an Coimisiún gur gá aghaidh a thabhairt ar ábhar imní práinneach maidir le huirlisí neamhchomhlíontacha.

Déanfar na gníomhartha cur chun feidhme sin a ghlacadh i gcomhréir leis an nós imeachta comhairleach dá dtagraítear in Airteagal 41(2).

2.Glacfar leis go bhfuil uirlisí atá i gcomhréir leis an tsonraíocht choiteann i gcomhréir le ceanglais fhíor-riachtanacha a chumhdaítear leis na sonraíochtaí coiteanna sin nó le codanna díobh agus a leagtar amach in Iarscríbhinn I.’;

(7)in Airteagal 13, cuirtear an méid seo a leanas in ionad mhír 2:

‘2. Déanfar na doiciméid agus an comhfhreagras a bhaineann leis na nósanna imeachta um measúnú comhréireachta dá dtagraítear i mír 1 a tharraingt suas, i bhfoirm leictreonach, i gceann de theangacha oifigiúla an Bhallstáit ina ndéantar na nósanna imeachta sin, nó i dteanga lena nglacann an comhlacht faoina dtugtar fógra i gcomhréir le hAirteagal 19.’;

(8)in Airteagal 14, cuirtear mír 5 seo a leanas leis:

‘5. I gcás ina gceanglaítear le reachtaíocht eile de chuid an Aontais is infheidhme maidir le huirlis ar an oibreoir eacnamaíoch an fhaisnéis go gcomhlíonann an táirge na ceanglais a leagtar amach sa reachtaíocht sin a áireamh i bpas táirge digiteach nó dearbhú comhréireachta AE nó treoracha a uaslódáil i bpas táirge digiteach, is sa phas táirge digiteach sin amháin a sholáthrófar an fhaisnéis a cheanglaítear in Iarscríbhinn IV a áireamh i ndearbhú comhréireachta AE agus na treoracha dá dtagraítear in Airteagal 6(7).’;

(9)in Airteagal 23(7), cuirtear an méid seo a leanas in ionad phointe (c):

‘(c) eolas agus tuiscint iomchuí ar na ceanglais fhíor-riachtanacha sábháilteachta a leagtar amach in Iarscríbhinn I, ar na caighdeáin chomhchuibhithe nó sonraíochtaí coiteanna is infheidhme agus ar fhorálacha ábhartha eile de reachtaíocht chomhchuibhithe an Aontais agus den reachtaíocht náisiúnta;

(10)in Airteagal 31, cuirtear an méid seo a leanas in ionad mhír 3:

‘3. I gcás ina bhfionnann comhlacht faoina dtugtar fógra nach bhfuil na ceanglais fhíor-riachtanacha a leagtar amach in Iarscríbhinn I nó i gcaighdeáin chomhchuibhithe chomhfhreagracha nó i sonraíochtaí coiteanna eile comhlíonta ag monaróir, ceanglóidh sé ar an monaróir sin bearta ceartaitheacha iomchuí a dhéanamh agus ní eiseoidh sé deimhniú comhréireachta.’;

(11)Leasaítear Iarscríbhinní II agus IV i gcomhréir le hIarscríbhinn VI a ghabhann leis an Treoir seo.

Airteagal 7

Leasuithe ar Threoir 2014/32/AE

Leasaítear Treoir 2014/32/AE mar a leanas:

(1)Leasaítear Airteagal 4 mar a leanas:

(a)cuirtear isteach an pointe (12a) seo a leanas:

‘(12a) ciallaíonn ‘sonraí teagmhála digiteacha’ aon bhealach cumarsáide ar líne atá cothrom le dáta agus inrochtana trínar féidir dul i dteagmháil nó i rannpháirtíocht le hoibreoirí eacnamaíocha gan gá le clárú nó le feidhmchlár a íoslódáil;’;

(b)cuirtear isteach an pointe (14a) seo a leanas:

‘(14a) ciallaíonn ‘sonraíochtaí coiteanna’ tacar ceanglas teicniúil, seachas caighdeán, lena soláthraítear bealaí chun na ceanglais fhíor-riachtanacha is infheidhme maidir le táirge, feiste, seirbhís, próiseas nó córas a chomhlíonadh;’;

(2)Leasaítear Airteagal 8 mar a leanas:

(a)i mír 2, cuirtear an méid seo a leanas in ionad an dara fomhír:

‘I gcás inar léiríodh leis an nós imeachta um measúnú comhréireachta sin go gcomhlíonann uirlis tomhais ceanglais infheidhme na Treorach seo, déanfaidh na monaróirí dearbhú comhréireachta AE a tharraingt suas, i bhfoirm leictreonach, agus greamóidh siad an mharcáil chomhréireachta agus an mharcáil mhéadreolaíochta fhorlíontach di.’;

(b)i mír 4, cuirtear an abairt seo a leanas in ionad an dara habairt:

‘Déanfar athruithe ar dhearadh nó ar shaintréithe na huirlise tomhais agus athruithe ar na caighdeáin chomhchuibhithe, ar shonraíochtaí coiteanna, ar dhoiciméid normatacha nó ar shonraíochtaí teicniúla eile ar trína mbíthin a dhearbhaítear comhréireacht uirlise tomhais a chur san áireamh go leordhóthanach.’

(c)i mír 6, cuirtear an méid seo a leanas in ionad na chéad abairte agus an dara habairt:

‘Léireoidh na monaróirí ar an uirlis tomhais a n‑ainm, a dtrádainm cláraithe nó a dtrádmharc cláraithe chomh maith lena seoladh poist agus a sonraí teagmhála digiteacha nó, i gcás nach féidir é sin a dhéanamh, i ndoiciméad a ghabhann leis an uirlis tomhais agus ar a pacáistíocht, más ann di, i gcomhréir le pointe 9.2 d’Iarscríbhinn I. Léireofar sa seoladh poist agus sna sonraí teagmhála digiteacha pointe aonair trínar féidir teagmháil a dhéanamh leis an monaróir.’;

(d)i mír 7, cuirtear an méid seo a leanas in ionad na chéad abairte:

‘7. Áiritheoidh monaróirí go mbeidh an seoladh idirlín nó an cód meaisín-inléite trínar féidir rochtain a fháil ar dhearbhú comhréireachta AE, agus treoracha agus faisnéis i gcomhréir le pointe 9.3 d’Iarscríbhinn I, ag gabháil leis an uirlis tomhais atá curtha ar an margadh acu i dteanga is féidir le húsáideoirí deiridh a thuiscint go héasca, teanga arna cinneadh ag an mBallstát lena mbaineann. Féadfar na treoracha agus an fhaisnéis a sholáthar i bhfoirm leictreonach. Beidh treoracha agus faisnéis den sórt sin, chomh maith le haon lipéadú, soiléir, intuisceana agus intuigthe.

Cuirfidh an monaróir an úsáid atá beartaithe agus úsáideoir deiridh intuartha an táirge san áireamh agus an fhormáid shonrach do na treoracha agus don fhaisnéis á cinneadh aige i gcomhréir le pointe 9.3 d’Iarscríbhinn I.

I gcás uirlis tomhais atá beartaithe do thomhaltóirí nó ar féidir le tomhaltóirí í a úsáid, faoi dhálaí atá measartha intuartha, fiú mura bhfuil sí beartaithe dóibh, soláthróidh an monaróir, i bhformáid pháipéir, nó marcálfaidh sé ar an táirge, an fhaisnéis i gcomhréir le pointe 9.3 d’Iarscríbhinn I. Beidh an fhaisnéis sin sofheicthe agus soléite do thomhaltóirí.

Agus na treoracha agus an fhaisnéis á dtarraingt suas acu i gcomhréir le pointe 9.3 d’Iarscríbhinn I, cuirfidh na monaróirí san áireamh an úsáid atá beartaithe agus an mhí-úsáid intuartha a bhainfidh an t‑úsáideoir deiridh as, chomh maith leis an ról atá ag na treoracha agus ag an bhfaisnéis chun an tsábháilteacht a áirithiú.

Nuair a sholáthraítear na treoracha, dá dtagraítear sa chéad fhomhír, i bhfoirm leictreonach, déanfaidh an monaróir an méid seo a leanas:

(a) marcáil ar an uirlis tomhais, nó, i gcás nach féidir é sin a dhéanamh, ar a pacáistíocht nó ar dhoiciméad a ghabhann léi, conas rochtain a fháil orthu agus conas iad a iarraidh i bhformáid pháipéir;

(b) iad a chur i láthair i bhformáid a fhágann gur féidir leis an úsáideoir deiridh na treoracha a phriontáil agus a íoslódáil agus iad a shábháil ar fheiste leictreonach ionas go mbeidh an t‑úsáideoir deiridh in ann rochtain a fháil orthu i gcónaí, go háirithe nuair a chliseann ar an uirlis tomhais; tá feidhm ag an gceanglas sin freisin i gcás ina bhfuil na treoracha leabaithe i mbogearraí na huirlise tomhais;

(c) iad a chur ar fáil ar líne le linn shaolré ionchasach na hionstraime tomhais agus ar feadh 10 mbliana ar a laghad tar éis an uirlis tomhais a chur ar an margadh.

Féadfaidh an t‑úsáideoir deiridh, áfach, tráth cheannach na huirlise tomhais, nó suas le 6 mhí tar éis an cheannaigh sin, na treoracha agus an fhaisnéis a iarraidh i gcomhréir le pointe 9.3 d’Iarscríbhinn I i bhformáid pháipéir. I gcás ina n‑iarrann an t‑úsáideoir deiridh an fhaisnéis sin i gcomhréir le pointe 9.3 d’Iarscríbhinn I, cuirfidh an monaróir ar fáil don úsáideoir deiridh iad, saor in aisce, laistigh de mhí amháin ón iarraidh a fháil.’;

(e)i mír 9, cuirtear an méid seo a leanas in ionad na chéad abairte:

Mar thoradh ar iarraidh réasúnaithe ó údarás inniúil náisiúnta, déanfaidh monaróirí an fhaisnéis agus an doiciméadacht ar fad is gá chun a léiriú go bhfuil an ionstraim tháscach i gcomhréir leis an Treoir seo a chur ar fáil don údarás sin, i bhfoirm leictreonach, i dteanga is féidir leis an údarás sin a thuiscint go héasca.’;

(3)cuirtear an méid seo a leanas in ionad phointe (b) d’Airteagal 9(2):

‘(b) tar éis dó iarraidh réasúnaithe a fháil ó údarás inniúil náisiúnta, an fhaisnéis agus an doiciméadacht ar fad is gá a chur ar fáil don údarás sin, i bhfoirm leictreonach, chun comhréireacht ionstraime táscaí a léiriú;’;

(4)Leasaítear Airteagal 10 mar a leanas:

(a)i mír 2, an chéad fhomhír, cuirtear an méid seo a leanas in ionad an dara abairt:

‘Áiritheoidh siad go bhfuil an doiciméadacht theicniúil tarraingthe suas ag an monaróir, go bhfuil an mharcáil chomhréireachta agus an mharcáil mhéadreolaíochta fhorlíontach ar an uirlis tomhais agus go bhfuil an seoladh idirlín nó an cód meaisín-inléite trínar féidir rochtain a fháil ar dhearbhú comhréireachta AE agus na doiciméid a cheanglaítear ag gabháil léi, agus gur chomhlíon an monaróir na ceanglais a leagtar amach in Airteagal 8(5) agus (6).’;

(b)i mír 3, cuirtear an méid seo a leanas in ionad na chéad abairte:

‘Sonróidh allmhaireoirí ar an uirlis tomhais a n‑ainm, a dtrádainm cláraithe nó a dtrádmharc cláraithe chomh maith lena seoladh poist agus a sonraí teagmhála digiteacha nó, i gcás nach féidir é sin a dhéanamh, i ndoiciméad a ghabhann leis an uirlis tomhais agus ar a pacáistíocht, más ann di, i gcomhréir le pointe 9.2 d’Iarscríbhinn I.’;

(c)i mír 9, cuirtear an méid seo a leanas in ionad na chéad abairte:

‘Mar thoradh ar iarraidh réasúnaithe ó údarás inniúil náisiúnta, soláthróidh allmhaireoirí an fhaisnéis agus an doiciméadacht uile is gá chun comhréireacht ionstraime táscaí a léiriú don údarás sin, i bhfoirm leictreonach, i dteanga is féidir leis an údarás sin a thuiscint go héasca.’;

(5)Leasaítear Airteagal 11 mar a leanas:

(a)i mír 2, cuirtear an méid seo a leanas in ionad na chéad fhomhíre:

‘Sula gcuirfear uirlis tomhais ar fáil ar an margadh agus/nó sula ndéanfar uirlis tomhais a chur in úsáid, fíoróidh dáileoirí go bhfuil an mharcáil chomhréireachta agus an mharcáil mhéadreolaíochta fhorlíontach ar an uirlis tomhais, go bhfuil an seoladh idirlín nó an cód meaisín-inléite trínar féidir rochtain a fháil ar dhearbhú comhréireachta AE, na doiciméid a cheanglaítear, agus treoracha agus faisnéis i gcomhréir le pointe 9.3 d’Iarscríbhinn I ag gabháil léi, i dteanga is féidir le húsáideoirí deiridh sa Bhallstát ina bhfuil an uirlis tomhais le cur ar fáil ar an margadh agus/nó a chur in úsáid a thuiscint go héasca, agus gur chomhlíon an monaróir agus an t‑allmhaireoir na ceanglais a leagtar amach in Airteagal 8(5) agus (6) agus in Airteagal 10(3) faoi seach.’;

(b)i mír 5, cuirtear an méid seo a leanas in ionad na chéad abairte:

‘Mar thoradh ar iarraidh réasúnaithe ó údarás inniúil náisiúnta, soláthróidh dáileoirí, i bhfoirm leictreonach, an fhaisnéis agus an doiciméadacht uile is gá chun comhréireacht ionstraime tomhais a léiriú.’;

(6)cuirtear isteach an tAirteagal 14a seo a leanas:

‘Airteagal 14a

Sonraíochtaí Coiteanna

1. Féadfaidh an Coimisiún, trí bhíthin gníomhartha cur chun feidhme, sonraíochtaí coiteanna a ghlacadh lena gcumasófar comhlíonadh na gceanglas fíor-riachtanach a leagtar amach in Iarscríbhinn I agus sna hIarscríbhinní uirlis-shonracha ábhartha a chumhdaítear leis na codanna sin de dhoiciméid normatacha, in aon cheann de na cásanna seo a leanas:

(a) na ceanglais a leagtar amach in Iarscríbhinn I agus sna hIarscríbhinní uirlis-shonracha ábhartha a chumhdaítear leis na codanna sin de dhoiciméid normatacha, nach gcumhdaítear iad le caighdeáin chomhchuibhithe, nó le codanna díobh, ar foilsíodh na tagairtí dóibh in Iris Oifigiúil an Aontais Eorpaigh;

(b) go gcumhdaítear na ceanglais a leagtar amach in Iarscríbhinn I agus sna hIarscríbhinní uirlis-shonracha ábhartha a chumhdaítear leis na codanna sin de dhoiciméid normatacha le caighdeáin chomhchuibhithe, nó le codanna díobh, ar foilsíodh na tagairtí dóibh in Iris Oifigiúil an Aontais Eorpaigh, ach is é an toradh a bhíonn ar chur i bhfeidhm na gcaighdeán sin nó codanna díobh nach gcomhlíonann uirlisí tomhais na ceanglais fhíor-riachtanacha a leagtar amach in Iarscríbhinn I agus sna hIarscríbhinní uirlis-shonracha ábhartha a chumhdaítear leis na codanna sin de dhoiciméid normatacha; nó

(c) i gcás ina measfaidh an Coimisiún gur gá aghaidh a thabhairt ar ábhar imní práinneach maidir le huirlisí tomhais neamhchomhlíontacha.

Déanfar na gníomhartha cur chun feidhme sin a ghlacadh i gcomhréir leis an nós imeachta comhairleach dá dtagraítear in Airteagal 46(2).

2.Glacfar leis go bhfuil uirlisí tomhais atá i gcomhréir leis an tsonraíocht choiteann i gcomhréir leis na ceanglais fhíor-riachtanacha a leagtar amach in Airteagal 6 a chumhdaítear leis na sonraíochtaí coiteanna sin nó le codanna díobh.’;

(7)Leasaítear Airteagal 17 mar a leanas:

(a)cuirtear an méid seo a leanas in ionad an tríú fomhír:

‘Déanfar na taifid agus an comhfhreagras a bhaineann le measúnú comhréireachta a dhréachtú, i bhfoirm leictreonach, i dteanga oifigiúil (nó i dteangacha oifigiúla) an Bhallstáit ina bhfuil an comhlacht atá i mbun na nósanna imeachta um measúnú comhréireachta bunaithe, nó i dteanga a bhfuil glacadh léi ag an gcomhlacht sin.’;

(b)cuirtear isteach an fhomhír seo a leanas:

‘Déanfaidh an monaróir an fhaisnéis agus an doiciméadacht uile a bhaineann le nósanna imeachta um measúnú comhréireachta a sholáthar i bhfoirm leictreonach don chomhlacht faoina dtugtar fógra a dhéanann an nós imeachta um measúnú comhréireachta.’;

(8)in Airteagal 18(3), cuirtear an méid seo a leanas in ionad phointí (f) agus (g):

‘(f) liosta de na caighdeáin chomhchuibhithe agus/nó na doiciméid normatacha dá dtagraítear in Airteagal 14, agus/nó sonraíochtaí coiteanna dá dtagraítear in Airteagal 14a a cuireadh i bhfeidhm go hiomlán nó go páirteach, ar foilsíodh na tagairtí dóibh in Iris Oifigiúil an Aontais Eorpaigh;

(g) tuairiscí ar na réitigh a glacadh chun na ceanglais fhíor-riachtanacha a chomhlíonadh i gcás nár cuireadh i bhfeidhm na caighdeáin chomhchuibhithe agus/nó an tsonraíocht choiteann agus/nó na doiciméid normatacha dá dtagraítear in Airteagal 14, lena n‑áirítear liosta de na sonraíochtaí teicniúla ábhartha a cuireadh i bhfeidhm;’;

(9)in Airteagal 19, cuirtear mír 5 seo a leanas leis:

‘5. I gcás ina gceanglaítear le reachtaíocht eile de chuid an Aontais is infheidhme maidir le huirlisí tomhais ar an oibreoir eacnamaíoch an fhaisnéis go gcomhlíonann an táirge na ceanglais a leagtar amach sa reachtaíocht sin a áireamh i bpas táirge digiteach nó chun dearbhú comhréireachta AE nó treoracha a uaslódáil i bpas táirge digiteach, ní sholáthrófar an fhaisnéis a cheanglaítear in Iarscríbhinn XIII a áireamh i ndearbhú comhréireachta AE agus na treoracha dá dtagraítear in  Airteagal 8(7) ach amháin sa phas táirge digiteach sin.’;

(10)in Airteagal 27(7), cuirtear an méid seo a leanas in ionad phointe (c):

‘(c) eolas agus tuiscint iomchuí ar na ceanglais fhíor-riachtanacha a leagtar amach in Iarscríbhinn I agus sna hIarscríbhinní uirlis-shonracha ábhartha, ar na caighdeáin chomhchuibhithe is infheidhme nó sonraíochtaí coiteanna agus doiciméid normatacha agus ar fhorálacha ábhartha reachtaíocht chomhchuibhithe an Aontais agus na reachtaíochta náisiúnta;’;

(11)in Airteagal 36, cuirtear an méid seo a leanas in ionad mhír 3:

‘3. I gcás ina gcinnfidh comhlacht faoina dtugtar fógra nár chomhlíon monaróir na ceanglais fhíor-riachtanacha a leagtar amach in Iarscríbhinn I agus sna hIarscríbhinní uirlis-shonracha ábhartha nó sna caighdeáin chomhchuibhithe chomhfhreagracha, sna doiciméid normatacha, sna sonraíochtaí coiteanna ná sna sonraíochtaí teicniúla eile, ceanglóidh sé ar an monaróir sin bearta ceartaitheacha iomchuí a dhéanamh agus ní eiseoidh sé deimhniú comhréireachta.’;

(12)in Airteagal 45(1), cuirtear an méid seo a leanas in ionad phointe (d):

‘(d) níl an seoladh idirlín ná an cód meaisín-inléite trínar féidir rochtain a fháil ar dhearbhú comhréireachta AE ag gabháil leis an uirlis tomhais;’;

(13)Leasaítear Iarscríbhinní II agus IV i gcomhréir le hIarscríbhinn VII a ghabhann leis an Treoir seo.

Airteagal 8

Leasuithe ar Threoir 2014/33/AE

Leasaítear Treoir 2014/33/AE mar a leanas:

(1)Leasaítear Airteagal 2 mar a leanas:

(a)cuirtear isteach an pointe (11a) seo a leanas:

‘(11a) ciallaíonn ‘sonraí teagmhála digiteacha’ aon bhealach cumarsáide ar líne atá cothrom le dáta agus inrochtana trínar féidir dul i dteagmháil nó i rannpháirtíocht le hoibreoirí eacnamaíocha gan gá le clárú nó le feidhmchlár a íoslódáil;’;

(b)cuirtear isteach an pointe (13a) seo a leanas:

‘(13a) ciallaíonn ‘sonraíochtaí coiteanna’ tacar ceanglas teicniúil, seachas caighdeán, lena soláthraítear bealaí chun na ceanglais fhíor-riachtanacha is infheidhme maidir le táirge, feiste, seirbhís, próiseas nó córas a chomhlíonadh;’;

(2)Leasaítear Airteagal 7 mar a leanas:

(a)i mír 2, cuirtear an méid seo a leanas in ionad an dara fomhír:

‘I gcás inar léiríodh leis an nós imeachta sin go gcomhlíonann an t‑ardaitheoir na ceanglais fhíor-riachtanacha sláinte agus sábháilteachta is infheidhme, déanfaidh an suiteálaí dearbhú comhréireachta AE a tharraingt suas, i bhfoirm leictreonach, áiritheoidh sé go mbeidh an seoladh idirlín nó an cód meaisín-inléite trínar féidir rochtain a fháil ar dhearbhú comhréireachta AE ag gabháil leis an ardaitheoir agus greamófar an mharcáil chomhréireachta de.’;

(b)i mír 6, cuirtear an méid seo a leanas in ionad na chéad abairte agus an dara habairt:

‘Sonróidh suiteálaithe a n‑ainm, a dtrádainm cláraithe nó a dtrádmharc cláraithe ar an ardaitheoir, chomh maith lena seoladh poist agus a sonraí teagmhála digiteacha. Léireofar sa seoladh poist agus sna sonraí teagmhála digiteacha pointe aonair trínar féidir teagmháil a dhéanamh leis an suiteálaí.’;

(c)cuirtear an méid seo a leanas in ionad mhír 7:

‘7. Áiritheoidh suiteálaithe go mbeidh na treoracha dá dtagraítear i bpointe 6.2 d’Iarscríbhinn I ag gabháil leis an ardaitheoir, i dteanga is féidir le húsáideoirí deiridh a thuiscint go héasca, teanga arna cinneadh ag an mBallstát ina gcuirtear an t‑ardaitheoir ar an margadh. Féadfar na treoracha a sholáthar i bhfoirm leictreonach. Beidh treoracha den sórt sin, chomh maith le haon lipéadú, soiléir, sothuigthe agus inléite.

Nuair a chuirfear na treoracha ar fáil i bhfoirm leictreonach, déanfaidh an suiteálaí an méid seo a leanas:

(a) marcáil ar an ardaitheoir, nó, i gcás nach féidir é sin a dhéanamh, ar a phacáistíocht nó i ndoiciméad a ghabhann leis, conas rochtain a fháil orthu agus conas iad a iarraidh i bhformáid pháipéir;

(b) iad a chur i láthair i bhformáid a fhágann gur féidir leis an úsáideoir deiridh na treoracha a phriontáil agus a íoslódáil agus iad a shábháil ar fheiste leictreonach ionas go mbeidh an t‑úsáideoir deiridh in ann rochtain a fháil orthu i gcónaí, go háirithe nuair a chliseann ar an ardaitheoir; tá feidhm ag an gceanglas sin freisin i gcás ina bhfuil na treoracha leabaithe i mbogearraí an ardaitheora;

(c) iad a chur ar fáil ar líne le linn shaolré ionchasach an ardaitheora agus ar feadh 10 mbliana ar a laghad tar éis an t‑ardaitheoir a chur ar an margadh.

Mar sin féin, féadfaidh an t‑úsáideoir deiridh, tráth a cheannaítear an t‑ardaitheoir, nó suas le 6 mhí tar éis an ardaitheora sin a cheannach, na treoracha a iarraidh i bhformáid pháipéir. I gcás ina n‑iarrann an t‑úsáideoir deiridh na treoracha sin, cuirfidh an suiteálaí ar fáil don úsáideoir deiridh iad, saor in aisce, laistigh de mhí amháin ón iarraidh a fháil.’;

(d)i mír 9, cuirtear an méid seo a leanas in ionad na chéad fhomhíre:

Mar thoradh ar iarraidh réasúnaithe ó údarás náisiúnta inniúil, déanfaidh na suiteálaithe an fhaisnéis agus an doiciméadacht ar fad is gá chun a léiriú go bhfuil an t‑ardaitheoir i gcomhréir leis an Treoir seo a chur ar fáil don údarás sin, i bhfoirm leictreonach, i dteanga is féidir leis an údarás sin a thuiscint go héasca’;

(3)Leasaítear Airteagal 8 mar a leanas:

(a)i mír 2, cuirtear an méid seo a leanas in ionad an dara fomhír:

‘I gcás inar léiríodh leis an nós imeachta sin go gcomhlíonann comhpháirt sábháilteachta le haghaidh ardaitheoirí na ceanglais fhíor-riachtanacha sláinte agus sábháilteachta is infheidhme, déanfaidh na monaróirí dearbhú comhréireachta AE a tharraingt suas, i bhfoirm leictreonach, áiritheoidh siad go mbeidh an seoladh idirlín nó an cód meaisín-inléite trínar féidir rochtain a fháil ar dhearbhú comhréireachta AE ag gabháil leis an gcomhpháirt sábháilteachta le haghaidh ardaitheoirí, agus greamóidh siad an mharcáil chomhréireachta di.’;

(b)i mír 4, an chéad fhomhír, cuirtear an méid seo a leanas in ionad an dara abairt:

‘Cuirfear san áireamh go leordhóthanach athruithe ar dhearadh nó ar shaintréithe an táirge agus athruithe ar na caighdeáin chomhchuibhithe, ar na sonraíochtaí coiteanna, nó ar shonraíochtaí teicniúla eile ar trína mbíthin a dhearbhaítear comhréireacht comhpháirte sábháilteachta le haghaidh ardaitheoirí.’;

(c)i mír 6, cuirtear an méid seo a leanas in ionad na chéad abairte agus an dara habairt:

‘Léireoidh na monaróirí ar an gcomhpháirt sábháilteachta le haghaidh ardaitheoirí a n‑ainm, a dtrádainm cláraithe nó a dtrádmharc cláraithe chomh maith lena seoladh poist agus a sonraí teagmhála digiteacha nó, i gcás nach féidir é sin a dhéanamh, ar an lipéad dá dtagraítear in Airteagal 19(1). Léireofar sa seoladh poist agus sna sonraí teagmhála digiteacha pointe aonair trínar féidir teagmháil a dhéanamh leis an monaróir.’;

(d)cuirtear an méid seo a leanas in ionad mhír 7:

‘7. Áiritheoidh na monaróirí go mbeidh na treoracha dá dtagraítear i bpointe 6.1 d’Iarscríbhinn I ag gabháil leis an gcomhpháirt sábháilteachta le haghaidh ardaitheoirí, i dteanga is féidir le húsáideoirí deiridh a thuiscint go héasca, teanga arna cinneadh ag an mBallstát lena mbaineann. Féadfar na treoracha a sholáthar i bhfoirm leictreonach. Beidh treoracha den sórt sin, chomh maith le haon lipéadú, soiléir, sothuigthe agus inléite.

Nuair a sholáthraítear na treoracha i bhfoirm leictreonach, déanfaidh an monaróir an méid seo a leanas:

(a) marcáil ar an gcomhpháirt sábháilteachta le haghaidh ardaitheoirí, nó, i gcás nach féidir é sin a dhéanamh, ar a pacáistíocht nó i ndoiciméad a ghabhann léi, conas rochtain a fháil orthu agus conas iad a iarraidh i bhformáid pháipéir;

(b) iad a chur i láthair i bhformáid a fhágann gur féidir leis an úsáideoir deiridh na treoracha a phriontáil agus a íoslódáil agus iad a shábháil ar fheiste leictreonach ionas go mbeidh an t‑úsáideoir deiridh in ann rochtain a fháil orthu i gcónaí; tá feidhm ag an gceanglas sin freisin i gcás ina bhfuil na treoracha leabaithe i mbogearraí na comhpháirte sábháilteachta le haghaidh ardaitheoirí;

(c) iad a chur ar fáil ar líne le linn shaolré ionchasach na comhpháirte sábháilteachta le haghaidh ardaitheoirí agus ar feadh 10 mbliana ar a laghad tar éis comhpháirt sábháilteachta le haghaidh ardaitheoirí a chur ar an margadh.

Féadfaidh an t‑úsáideoir deiridh, áfach, tráth cheannach na comhpháirte sábháilteachta le haghaidh ardaitheora, nó suas le 6 mhí tar éis an cheannaigh sin, na treoracha a iarraidh i bhformáid pháipéir. I gcás ina n‑iarrann an t‑úsáideoir deiridh na treoracha sin, cuirfidh an monaróir ar fáil don úsáideoir deiridh iad, saor in aisce, laistigh de mhí amháin ón iarraidh a fháil.’;

(e)i mír 9, cuirtear an méid seo a leanas in ionad na chéad abairte sa chéad fhomhír:

‘Mar thoradh ar iarraidh réasúnaithe ó údarás inniúil náisiúnta, déanfaidh monaróirí an fhaisnéis agus an doiciméadacht ar fad is gá chun a léiriú go bhfuil na comhpháirteanna sábháilteachta le haghaidh ardaitheoirí i gcomhréir leis an Treoir seo a chur ar fáil don údarás sin, i bhfoirm leictreonach, i dteanga is féidir leis an údarás sin a thuiscint go héasca.’;

(4)cuirtear an méid seo a leanas in ionad phointe (b) d’Airteagal 9(2):

‘(b) tar éis iarraidh réasúnaithe a fháil ó údarás inniúil náisiúnta, an fhaisnéis agus an doiciméadacht uile is gá a chur ar fáil don údarás sin, i bhfoirm leictreonach, chun comhréireacht na gcomhpháirteanna sábháilteachta le haghaidh ardaitheoirí nó an ardaitheora a léiriú;’;

(5)Leasaítear Airteagal 10 mar a leanas:

(a)i mír 2, an chéad fhomhír, cuirtear an méid seo a leanas in ionad an dara habairt:

‘Áiritheoidh siad go bhfuil an doiciméadacht theicniúil tarraingthe suas ag an monaróir, go bhfuil an mharcáil chomhréireachta ar an gcomhpháirt sábháilteachta le haghaidh ardaitheoirí agus go bhfuil an seoladh idirlín nó an cód meaisín-inléite trínar féidir rochtain a fháil ar dhearbhú comhréireachta AE agus na doiciméid is gá ag gabháil léi, agus gur chomhlíon an monaróir na ceanglais a leagtar amach in Airteagal 8(5) agus (6).’;

(b)i mír 3, cuirtear an méid seo a leanas in ionad na chéad abairte:

‘Sonróidh allmhaireoirí ar an gcomhpháirt sábháilteachta le haghaidh ardaitheoirí a n‑ainm, a dtrádainm cláraithe nó a dtrádmharc cláraithe chomh maith lena seoladh poist agus a sonraí teagmhála digiteacha nó, i gcás nach féidir é sin a dhéanamh, ar a pacáistíocht nó i ndoiciméad a ghabhann leis an gcomhpháirt sábháilteachta le haghaidh ardaitheoirí.’;

(c)i mír 9, cuirtear an méid seo a leanas in ionad na chéad abairte:

‘Mar thoradh ar iarraidh réasúnaithe ó údarás inniúil náisiúnta, cuirfidh allmhaireoir an fhaisnéis agus an doiciméadacht uile is gá chun comhréireacht comhpháirte sábháilteachta le haghaidh ardaitheoirí a léiriú ar fáil dó, i bhfoirm leictreonach, i dteanga is féidir leis an údarás sin a thuiscint go héasca.’;

(6)Leasaítear Airteagal 11 mar a leanas:

(a)i mír 2, cuirtear an méid seo a leanas in ionad na chéad fhomhíre:

‘Sula gcuirfear comhpháirt sábháilteachta le haghaidh ardaitheoirí ar fáil ar an margadh, fíoróidh dáileoirí go bhfuil an mharcáil chomhréireachta ar an gcomhpháirt sábháilteachta le haghaidh ardaitheoirí agus go bhfuil an seoladh idirlín nó an cód meaisín-inléite trínar féidir rochtain a fháil ar dhearbhú comhréireachta AE ag gabháil léi, leis na doiciméid a cheanglaítear agus leis na treoracha dá dtagraítear i bpointe 6.1 d’Iarscríbhinn I, i dteanga is féidir le húsáideoirí deiridh a thuiscint go héasca, teanga arna cinneadh ag an mBallstát lena mbaineann agus gur chomhlíon an monaróir agus an t‑allmhaireoir na ceanglais a leagtar amach in Airteagal 8(5) agus (6) agus in Airteagal 10(3), faoi seach.’;

(b)i mír 5, cuirtear an méid seo a leanas in ionad na chéad abairte:

‘Déanfaidh dáileoirí, tar éis dóibh iarraidh réasúnaithe a fháil ó údarás inniúil náisiúnta, an fhaisnéis agus an doiciméadacht ar fad is gá a chur ar fáil don údarás sin, i bhfoirm leictreonach, chun comhréireacht comhpháirte sábháilteachta le haghaidh ardaitheoirí a léiriú.’;

(7)cuirtear isteach an tAirteagal 14a seo a leanas:

‘Airteagal 14a

Sonraíochtaí coiteanna

1. Féadfaidh an Coimisiún, trí bhíthin gníomhartha cur chun feidhme, sonraíochtaí coiteanna a ghlacadh lena gcumasófar comhlíonadh na gceanglas fíor-riachtanach a leagtar amach in Iarscríbhinn I in aon cheann de na cásanna seo a leanas:

(a) nach gcumhdaítear na ceanglais a leagtar amach in Iarscríbhinn I leis na caighdeáin chomhchuibhithe nó le codanna díobh, ar foilsíodh na tagairtí dóibh in Iris Oifigiúil an Aontais Eorpaigh;

(b) go gcumhdaítear na ceanglais a leagtar amach in Iarscríbhinn I le caighdeáin chomhchuibhithe, nó le codanna díobh, ar foilsíodh na tagairtí dóibh in Iris Oifigiúil an Aontais Eorpaigh, ach is é an toradh a bhíonn ar chur i bhfeidhm na gcaighdeán sin nó ar chur i bhfeidhm codanna díobh nach gcomhlíonann ardaitheoirí agus comhpháirteanna le haghaidh ardaitheoirí na ceanglais fhíor-riachtanacha a leagtar amach in Iarscríbhinn I; nó

(c) i gcás ina measfaidh an Coimisiún gur gá aghaidh a thabhairt ar ábhar imní práinneach maidir le hardaitheoirí agus comhpháirteanna le haghaidh ardaitheoirí nach bhfuil comhlíontach.

Déanfar na gníomhartha cur chun feidhme sin a ghlacadh i gcomhréir leis an nós imeachta comhairleach dá dtagraítear in Airteagal 42(2).

2.Ardaitheoirí agus comhpháirteanna sábháilteachta le haghaidh ardaitheoirí atá i gcomhréir leis an tsonraíocht choiteann, glacfar leis go bhfuil siad i gcomhréir le ceanglais fhíor-riachtanacha a chumhdaítear leis na sonraíochtaí coiteanna sin nó le codanna díobh agus a leagtar amach in Iarscríbhinn I.’;

(8)in Airteagal 15, cuirtear an fomhír seo a leanas leis:

‘Cuirfidh an monaróir an fhaisnéis agus an doiciméadacht uile a bhaineann le nósanna imeachta um measúnú comhréireachta le haghaidh comhpháirteanna sábháilteachta le haghaidh ardaitheoirí ar fáil i bhfoirm leictreonach don chomhlacht faoina dtugtar fógra a dhéanann an nós imeachta um measúnú comhréireachta.’;

(9)in Airteagal 16, cuirtear mír 5 seo a leanas leis:

‘5. Soláthróidh an suiteálaí i bhfoirm leictreonach don chomhlacht faoina dtugtar fógra a dhéanann an nós imeachta um measúnú comhréireachta an fhaisnéis agus an doiciméadacht uile a bhaineann le nósanna imeachta um measúnú comhréireachta le haghaidh ardaitheoirí.’;

(10)in Airteagal 17, cuirtear mír 5 seo a leanas leis:

‘5. I gcás ina gceanglaítear le reachtaíocht eile de chuid an Aontais is infheidhme maidir le hardaitheoirí nó comhpháirteanna sábháilteachta le haghaidh ardaitheoirí ar an oibreoir eacnamaíoch an fhaisnéis go gcomhlíonann an táirge na ceanglais a leagtar amach sa reachtaíocht sin a áireamh i bpas táirge digiteach nó chun dearbhú comhréireachta AE nó treoracha a uaslódáil i bpas táirge digiteach, ní sholáthrófar an fhaisnéis a cheanglaítear in Iarscríbhinn II a áireamh i ndearbhú comhréireachta AE agus na treoracha dá dtagraítear in Airteagail 7(7) agus 8(7) ach amháin sa phas táirge digiteach sin.’;

(11)in Airteagal 24(7), cuirtear an méid seo a leanas in ionad phointe (c):

‘(c) eolas agus tuiscint iomchuí ar na ceanglais fhíor-riachtanacha sláinte agus sábháilteachta a leagtar amach in Iarscríbhinn I, ar na caighdeáin chomhchuibhithe nó ar na sonraíochtaí coiteanna is infheidhme agus ar fhorálacha ábhartha eile de reachtaíocht chomhchuibhithe an Aontais agus den reachtaíocht náisiúnta;’;

(12)in Airteagal 32, cuirtear an méid seo a leanas in ionad mhír 3:

‘3. I gcás ina gcinnfidh comhlacht faoina dtugtar fógra nár chomhlíon suiteálaí ná monaróir ceanglais fhíor-riachtanacha sláinte agus sábháilteachta na Treorach seo nó na gcaighdeán comhchuibhithe comhfhreagrach nó na sonraíochtaí coiteanna nó sonraíochtaí teicniúla eile, ceanglóidh sé ar an suiteálaí nó ar an monaróir bearta ceartaitheacha iomchuí a dhéanamh agus ní eiseoidh sé deimhniú.’;

(13)in Airteagal 41(1), cuirtear an méid seo a leanas in ionad phointe (g):

‘(g) nár sonraíodh ainm, trádainm cláraithe ná trádmharc cláraithe, seoladh poist ná sonraí teagmhála digiteacha an tsuiteálaí, an mhonaróra ná an allmhaireora i gcomhréir le hAirteagal 7(6), Airteagal 8(6) ná Airteagal 10(3);’;

(14)Leasaítear Iarscríbhinní II agus IV go XII i gcomhréir le hIarscríbhinn VIII a ghabhann leis an Treoir seo.

Airteagal 9

Leasuithe ar Threoir 2014/34/AE

Leasaítear Treoir 2014/34/AE mar a leanas:

(1)Leasaítear Airteagal 2 mar a leanas:

(a)cuirtear isteach an pointe (16a) seo a leanas:

‘(16a) ciallaíonn ‘sonraí teagmhála digiteacha’ aon bhealach cumarsáide ar líne atá cothrom le dáta agus inrochtana trínar féidir dul i dteagmháil nó i rannpháirtíocht le hoibreoirí eacnamaíocha gan gá le clárú nó le feidhmchlár a íoslódáil;’;

(b)cuirtear isteach an pointe (18a) seo a leanas:

‘(18a) ciallaíonn ‘sonraíochtaí coiteanna’ tacar ceanglas teicniúil, seachas caighdeán, lena soláthraítear bealaí chun na ceanglais fhíor-riachtanacha is infheidhme maidir le táirge, feiste, seirbhís, próiseas nó córas a chomhlíonadh;’;

(2)Leasaítear Airteagal 6 mar a leanas:

(a)i mír 2, cuirtear an méid seo a leanas in ionad an dara, an tríú agus an cheathrú fomhír:

‘I gcás inar léiríodh leis an nós imeachta sin go gcomhlíonann táirge, seachas comhpháirt, na ceanglais is infheidhme, déanfaidh na monaróirí dearbhú comhréireachta AE a tharraingt suas, i bhfoirm leictreonach, agus greamóidh siad an mharcáil chomhréireachta de.

I gcás inar léiríodh leis an nós imeachta ábhartha um measúnú comhréireachta go gcomhlíonann comhpháirt na ceanglais is infheidhme, déanfaidh na monaróirí fianú comhréireachta a tharraingt suas i scríbhinn, i bhfoirm leictreonach, amhail dá dtagraítear in Airteagal 13(3).

Áiritheoidh na monaróirí go mbeidh an seoladh idirlín nó an cód meaisín-inléite trínar féidir rochtain a fháil ar dhearbhú comhréireachta AE nó ar an bhfianú comhréireachta, de réir mar is iomchuí, ag gabháil le gach táirge. Mar sin féin, i gcás ina seachadtar líon mór táirgí chuig úsáideoir deiridh aonair, féadfaidh seoladh idirlín aonair nó cód meaisín-inléite trínar féidir rochtain a fháil ar dhearbhú comhréireachta AE a bheith ag gabháil leis an mbaisc nó leis an gcoinsíneacht lena mbaineann.’;

(b)i mír 4, an chéad fhomhír, cuirtear an méid seo a leanas in ionad an dara habairt:

‘Athruithe ar dhearadh nó ar shaintréithe táirge agus athruithe ar na caighdeáin chomhchuibhithe, na sonraíochtaí coiteanna nó ar na sonraíochtaí teicniúla eile ar trína mbíthin a dhearbhaítear comhréireacht an táirge, cuirfear na hathruithe sin san áireamh go leordhóthanach.’;

(c)i mír 7, cuirtear an méid seo a leanas in ionad na chéad abairte agus an dara habairt:

‘Léireoidh na monaróirí, ar an táirge, a n‑ainm, a dtrádainm cláraithe nó a dtrádmharc cláraithe chomh maith lena seoladh poist agus a sonraí teagmhála digiteacha nó, i gcás nach féidir é sin a dhéanamh, ar a phacáistíocht nó i ndoiciméad a ghabhann leis an táirge. Léireofar sa seoladh poist agus sna sonraí teagmhála digiteacha pointe aonair trínar féidir teagmháil a dhéanamh leis an monaróir.’;

(d)cuirtear an méid a leanas in ionad mhír 8:

‘8. Áiritheoidh monaróirí go bhfuil treoracha agus faisnéis ag gabháil leis an táirge i dteanga is féidir le húsáideoirí deiridh a thuiscint go héasca, teanga arna cinneadh ag an mBallstát lena mbaineann. Féadfar na treoracha agus an fhaisnéis sábháilteachta a sholáthar i bhfoirm leictreonach. Beidh treoracha agus faisnéis sábháilteachta den sórt sin, chomh maith le haon lipéadú, soiléir, sothuigthe agus inléite.

Cuirfidh an monaróir san áireamh an úsáid atá beartaithe don táirge agus úsáideoir deiridh intuartha an táirge agus formáid shonrach na dtreoracha agus na faisnéise sábháilteachta á cinneadh aige.

I gcás táirgí atá beartaithe do thomhaltóirí nó ar féidir le tomhaltóirí iad a úsáid, faoi dhálaí atá measartha intuartha, fiú mura bhfuil siad beartaithe dóibh, soláthróidh an monaróir an fhaisnéis sábháilteachta i bhformáid pháipéir, nó marcálfaidh sé ar an táirge í. Beidh an fhaisnéis sábháilteachta sin sofheicthe agus soléite do thomhaltóirí.

Agus an fhaisnéis sábháilteachta á tarraingt suas, cuirfidh na monaróirí san áireamh an úsáid atá beartaithe agus an mhí-úsáid intuartha ag an úsáideoir deiridh, chomh maith leis an ról atá ag na treoracha chun an tsábháilteacht a áirithiú.

Nuair a sholáthraítear na treoracha, dá dtagraítear sa chéad fhomhír, i bhfoirm leictreonach, déanfaidh an monaróir an méid seo a leanas:

(a) marcáil ar an táirge, nó, i gcás nach féidir é sin a dhéanamh, ar a phacáistíocht nó i ndoiciméad a ghabhann leis, conas rochtain a fháil orthu agus conas iad a iarraidh i bhformáid pháipéir;

(b) iad a chur i láthair i bhformáid a fhágann gur féidir leis an úsáideoir deiridh na treoracha a phriontáil agus a íoslódáil agus iad a shábháil ar fheiste leictreonach ionas go mbeidh an t‑úsáideoir deiridh in ann rochtain a fháil orthu i gcónaí, go háirithe nuair a chliseann ar an táirge; tá feidhm ag an gceanglas sin freisin i gcás ina bhfuil na treoracha leabaithe i mbogearraí an táirge;

(c) iad a dhéanamh inrochtana ar líne le linn shaolré ionchasach an táirge agus ar feadh 10 mbliana ar a laghad tar éis an táirge a chur ar an margadh.

Féadfaidh an t‑úsáideoir deiridh, áfach, tráth a cheannaítear an táirge, nó suas le 6 mhí tar éis an táirge a cheannach, na treoracha nó an fhaisnéis sábháilteachta a iarraidh i bhformáid pháipéir. I gcás ina n‑iarrann an t‑úsáideoir deiridh na treoracha nó an fhaisnéis sábháilteachta sin, cuirfidh an monaróir ar fáil don úsáideoir deiridh iad, saor in aisce, laistigh de mhí amháin ón iarraidh a fháil.’;

(e)i mír 10, cuirtear an méid seo a leanas in ionad na chéad abairte:

Mar thoradh ar iarraidh réasúnaithe ó údarás inniúil náisiúnta, déanfaidh monaróirí an fhaisnéis agus an doiciméadacht ar fad is gá chun a léiriú go bhfuil an táirge i gcomhréir leis an Treoir seo a chur ar fáil don údarás sin, i bhfoirm leictreonach, i dteanga is féidir leis an údarás sin a thuiscint.’;

(3)cuirtear an méid seo a leanas in ionad phointe (b) d’Airteagal 7(2):

‘(b) tar éis dó iarraidh réasúnaithe a fháil ó údarás inniúil náisiúnta, an fhaisnéis agus an doiciméadacht ar fad is gá a chur ar fáil don údarás sin, i bhfoirm leictreonach, chun comhréireacht táirge a léiriú;’;

(4)Leasaítear Airteagal 8 mar a leanas:

(a)i mír 2, an chéad fhomhír, cuirtear an méid seo a leanas in ionad an dara habairt:

‘Áiritheoidh siad go mbeidh an doiciméadacht theicniúil tarraingthe suas ag an monaróir, go mbeidh an mharcáil chomhréireachta ar an táirge, i gcás inarb infheidhme, agus go mbeidh an seoladh idirlín nó an cód meaisín-inléite ag gabháil leis inar féidir rochtain a fháil ar dhearbhú comhréireachta AE nó ar an bhfianú comhréireachta agus ina mbeidh na doiciméid is gá ag gabháil leis, agus gur chomhlíon an monaróir na ceanglais a leagtar amach in Airteagal 6(5), (6) agus (7).’;

(b)i mír 3, cuirtear an méid seo a leanas in ionad na chéad abairte:

‘Sonróidh allmhaireoirí ar an táirge a n‑ainm, a dtrádainm cláraithe nó a dtrádmharc cláraithe chomh maith lena seoladh poist agus a sonraí teagmhála digiteacha nó, i gcás nach féidir é sin a dhéanamh, ar a phacáistíocht nó i ndoiciméad a ghabhann leis an táirge.’;

(c)i mír 9, cuirtear an méid seo a leanas in ionad na chéad abairte:

‘Mar thoradh ar iarraidh réasúnaithe ó údarás inniúil náisiúnta, cuirfidh allmhaireoirí an fhaisnéis agus an doiciméadacht uile is gá chun comhréireacht táirge a léiriú ar fáil dó, i bhfoirm leictreonach, i dteanga is féidir leis an údarás sin a thuiscint.’;

(5)Leasaítear Airteagal 9 mar a leanas:

(a)i mír 2, cuirtear an méid seo a leanas in ionad na chéad fhomhíre:

‘Sula gcuirfear táirge ar fáil ar an margadh, fíoróidh dáileoirí go bhfuil an mharcáil chomhréireachta ar an táirge, i gcás inarb infheidhme, agus go bhfuil an seoladh idirlín nó an cód meaisín-inléite trínar féidir rochtain a fháil ar dhearbhú comhréireachta AE nó ar an bhfianú comhréireachta agus na doiciméid a cheanglaítear agus treoracha agus faisnéis sábháilteachta ag gabháil leis, i dteanga is féidir le húsáideoirí deiridh sa Bhallstát ina bhfuil an táirge le cur ar fáil ar an margadh a thuiscint go héasca, agus gur chomhlíon an monaróir agus an t‑allmhaireoir na ceanglais a leagtar amach in Airteagal 6(5), (6) agus (7) agus in Airteagal 8(3) faoi seach.’;

(b)i mír 5, cuirtear an méid seo a leanas in ionad na chéad abairte:

‘Déanfaidh dáileoirí, tar éis dóibh iarraidh réasúnaithe a fháil ó údarás inniúil náisiúnta, an fhaisnéis agus an doiciméadacht ar fad is gá a chur ar fáil don údarás sin, i bhfoirm leictreonach, chun comhréireacht táirge a léiriú.’;

(6)cuirtear isteach an tAirteagal 12a seo a leanas:

‘Airteagal 12a

Sonraíochtaí Coiteanna

1. Féadfaidh an Coimisiún, trí bhíthin gníomhartha cur chun feidhme, sonraíochtaí coiteanna a ghlacadh lena gcumasófar comhlíonadh na gceanglas fíor-riachtanach a leagtar amach in Iarscríbhinn II in aon cheann de na cásanna seo a leanas:

(a) nach gcumhdaítear na ceanglais a leagtar amach in Iarscríbhinn II leis na caighdeáin chomhchuibhithe nó le codanna díobh, ar foilsíodh na tagairtí dóibh in Iris Oifigiúil an Aontais Eorpaigh;

(b) go gcumhdaítear na ceanglais a leagtar amach in Iarscríbhinn II le caighdeáin chomhchuibhithe, nó le codanna díobh, ar foilsíodh na tagairtí dóibh in Iris Oifigiúil an Aontais Eorpaigh, ach go bhfágann cur i bhfeidhm na gcaighdeán sin nó codanna díobh nach gcomhlíonann táirgí na ceanglais fhíor-riachtanacha a leagtar amach in Iarscríbhinn II; nó

(c) i gcás ina measfaidh an Coimisiún gur gá aghaidh a thabhairt ar ábhar imní práinneach maidir le táirgí neamhchomhlíontacha.

Déanfar na gníomhartha cur chun feidhme sin a ghlacadh i gcomhréir leis an nós imeachta comhairleach dá dtagraítear in Airteagal 39(2).

2.Táirgí atá i gcomhréir leis an tsonraíocht choiteann, glacfar leis go bhfuil siad i gcomhréir le ceanglais fhíor-riachtanacha a chumhdaítear leis na sonraíochtaí coiteanna sin nó le codanna díobh agus a leagtar amach in Iarscríbhinn II.’;

(7)Leasaítear Airteagal 13 mar a leanas:

(a)cuirtear an méid seo a leanas in ionad mhír 6:

‘6. Déanfar doiciméid agus comhfhreagras a bhaineann leis na nósanna imeachta um measúnú comhréireachta dá dtagraítear i míreanna 1 go 4 a tharraingt suas, i bhfoirm leictreonach, i dteanga a chinnfidh an Ballstát lena mbaineann.’;

(b)cuirtear mír 7 seo a leanas leis:

‘7. Déanfaidh an monaróir an fhaisnéis agus an doiciméadacht uile a bhaineann le nósanna imeachta um measúnú comhréireachta a sholáthar i bhfoirm leictreonach don chomhlacht faoina dtugtar fógra a dhéanann an nós imeachta um measúnú comhréireachta.’;

(8)in Airteagal 14, cuirtear mír 5 seo a leanas leis:

‘5. I gcás ina gceanglaítear le reachtaíocht eile de chuid an Aontais is infheidhme maidir le táirge ar an oibreoir eacnamaíoch an fhaisnéis go gcomhlíonann an táirge na ceanglais a leagtar amach sa reachtaíocht sin a áireamh i bpas táirge digiteach nó chun dearbhú comhréireachta AE nó treoracha a uaslódáil i bpas táirge digiteach, ní sholáthrófar an fhaisnéis a cheanglaítear in Iarscríbhinn X a áireamh i ndearbhú comhréireachta AE agus na treoracha dá dtagraítear in Airteagal 6(7) ach amháin sa phas táirge digiteach sin.’;

(9)in Airteagal 21(7), cuirtear an méid seo a leanas in ionad phointe (c):

‘(c) eolas agus tuiscint iomchuí ar na ceanglais fhíor-riachtanacha sláinte agus sábháilteachta a leagtar amach in Iarscríbhinn I, ar na caighdeáin chomhchuibhithe nó sonraíochtaí coiteanna is infheidhme agus ar fhorálacha ábhartha eile de reachtaíocht chomhchuibhithe an Aontais agus den reachtaíocht náisiúnta;’;

(10)in Airteagal 29, cuirtear an méid seo a leanas in ionad mhír 3:

‘3. I gcás ina bhfionnann comhlacht faoina dtugtar fógra nach bhfuil na ceanglais fhíor-riachtanacha sláinte agus sábháilteachta a leagtar amach in Iarscríbhinn II nó i gcaighdeáin chomhchuibhithe chomhfhreagracha nó i sonraíochtaí coiteanna eile comhlíonta ag monaróir, ceanglóidh sé ar an monaróir sin bearta ceartaitheacha iomchuí a dhéanamh agus ní eiseoidh sé deimhniú comhréireachta.’;

(11)in Airteagal 38(1), cuirtear an méid seo a leanas in ionad phointe (e):

‘(e) nach bhfuil an seoladh idirlín ná an cód meaisín-inléite trínar féidir rochtain a fháil ar dhearbhú comhréireachta AE ná ar an bhfianú comhréireachta, de réir mar is iomchuí, ag gabháil leis an táirge;’;

(12)Leasaítear Iarscríbhinní II go V agus VII go X i gcomhréir le hIarscríbhinn IX a ghabhann leis an Treoir seo.

Airteagal 10

Leasuithe ar Threoir 2014/35/AE

Leasaítear Treoir 2014/35/AE mar a leanas:

(1)Leasaítear Airteagal 2 mar a leanas:

(a)cuirtear isteach an pointe (7a) seo a leanas:

‘(7a) ciallaíonn ‘sonraí teagmhála digiteacha’ aon bhealach cumarsáide ar líne atá cothrom le dáta agus inrochtana trínar féidir dul i dteagmháil nó i rannpháirtíocht le hoibreoirí eacnamaíocha gan gá le clárú nó le feidhmchlár a íoslódáil;’;

(b)cuirtear isteach an pointe (9a) seo a leanas:

‘(9a) ciallaíonn ‘sonraíochtaí coiteanna’ tacar ceanglas teicniúil, seachas caighdeán, lena soláthraítear bealaí chun na cuspóirí sábháilteachta is infheidhme maidir le táirge, feiste, seirbhís, próiseas nó córas a chomhlíonadh;’;

(2)Leasaítear Airteagal 6 mar a leanas:

(a)i mír 2, cuirtear an méid seo a leanas in ionad an dara fomhír:

‘I gcás inar léiríodh leis an nós imeachta um measúnú comhréireachta dá dtagraítear sa chéad fhomhír go gcomhlíonann trealamh leictreach na cuspóirí sábháilteachta dá dtagraítear in Airteagal 3 agus a leagtar amach in Iarscríbhinn I, déanfaidh na monaróirí dearbhú comhréireachta AE a tharraingt suas, i bhfoirm leictreonach, agus greamóidh siad an mharcáil chomhréireachta de.’;

(b)i mír 4, an chéad fhomhír, cuirtear an méid seo a leanas in ionad an dara habairt:

‘Cuirfear san áireamh go leordhóthanach athruithe ar dhearadh nó ar shaintréithe an táirge agus athruithe ar na caighdeáin chomhchuibhithe dá dtagraítear in Airteagal 12, ar na sonraíochtaí coiteanna dá dtagraítear in Airteagal 12a, ar na caighdeáin idirnáisiúnta nó náisiúnta dá dtagraítear in Airteagail 13 agus 14, nó ar shonraíochtaí teicniúla eile ar trína mbíthin a dhearbhaítear comhréireacht trealaimh leictrigh.’;

(c)i mír 6, cuirtear an méid seo a leanas in ionad na chéad abairte agus an dara habairt:

‘Léireoidh na monaróirí a n‑ainm, a dtrádainm cláraithe nó a dtrádmharc cláraithe ar an trealamh leictreach, chomh maith lena seoladh poist agus a sonraí teagmhála digiteacha nó, i gcás nach féidir é sin a dhéanamh, ar a phacáistíocht nó i ndoiciméad a ghabhann leis an trealamh leictreach. Léireofar sa seoladh poist agus sna sonraí teagmhála digiteacha pointe aonair trínar féidir teagmháil a dhéanamh leis an monaróir.’;

(d)cuirtear an méid a leanas in ionad mhír 7:

‘7. Áiritheoidh monaróirí go bhfuil treoracha agus faisnéis sábháilteachta ag gabháil leis an trealamh leictreach i dteanga is féidir le tomhaltóirí agus úsáideoirí deiridh eile a thuiscint go héasca, teanga arna cinneadh ag an mBallstát lena mbaineann. Féadfar na treoracha agus an fhaisnéis sábháilteachta a sholáthar i bhfoirm leictreonach. Beidh treoracha agus faisnéis sábháilteachta den sórt sin, chomh maith le haon lipéadú, soiléir, sothuigthe agus inléite.

Cuirfidh an monaróir an úsáid atá beartaithe agus úsáideoir deiridh intuartha an trealaimh leictrigh san áireamh agus an fhormáid shonrach do na treoracha agus don fhaisnéis sábháilteachta á cinneadh aige.

I gcás trealamh leictreach atá beartaithe do thomhaltóirí nó ar féidir le tomhaltóirí é a úsáid, faoi dhálaí a bhfuil coinne réasúnta leo, fiú mura bhfuil sé beartaithe dóibh, soláthróidh an monaróir, i bhformáid pháipéir, nó marcálfaidh sé ar an táirge, an fhaisnéis sábháilteachta. Beidh an fhaisnéis sábháilteachta sin sofheicthe agus soléite do thomhaltóirí.

Agus an fhaisnéis sábháilteachta á tarraingt suas, cuirfidh na monaróirí san áireamh an úsáid atá beartaithe agus an mhí-úsáid intuartha ag an úsáideoir deiridh, chomh maith leis an ról atá ag na treoracha chun an tsábháilteacht a áirithiú.

Nuair a sholáthraítear na treoracha, dá dtagraítear sa chéad fhomhír, i bhfoirm leictreonach, déanfaidh an monaróir an méid seo a leanas:

(a) marcáil ar an trealamh leictreach, nó, i gcás nach féidir é sin a dhéanamh, ar a phacáistíocht nó i ndoiciméad a ghabhann leis, conas rochtain a fháil orthu agus conas iad a iarraidh i bhformáid pháipéir;

(b) iad a chur i láthair i bhformáid a fhágann gur féidir leis an úsáideoir deiridh na treoracha a phriontáil agus a íoslódáil agus iad a shábháil ar fheiste leictreonach ionas go mbeidh an t‑úsáideoir deiridh in ann rochtain a fháil orthu i gcónaí, go háirithe le linn cliseadh ar an trealamh leictreach; tá feidhm ag an gceanglas sin freisin i gcás ina bhfuil na treoracha leabaithe i mbogearraí an trealaimh leictrigh;

(c) iad a chur ar fáil ar líne le linn shaolré ionchasach an trealaimh leictrigh agus ar feadh 10 mbliana ar a laghad tar éis an trealamh leictreach a chur ar an margadh.

Féadfaidh an t‑úsáideoir deiridh, áfach, tráth cheannach an trealaimh leictrigh, nó suas le 6 mhí tar éis an trealaimh sin a cheannach, na treoracha nó an fhaisnéis sábháilteachta a iarraidh i bhformáid pháipéir. I gcás ina n‑iarrann an t‑úsáideoir deiridh na treoracha nó an fhaisnéis sábháilteachta sin, cuirfidh an monaróir ar fáil don úsáideoir deiridh iad, saor in aisce, laistigh de mhí amháin ón iarraidh a fháil.’;

(e)i mír 9, cuirtear an méid seo a leanas in ionad na chéad abairte:

Mar thoradh ar iarraidh réasúnaithe ó údarás inniúil náisiúnta, déanfaidh monaróirí an fhaisnéis agus an doiciméadacht ar fad is gá chun a léiriú go bhfuil an trealamh leictreach i gcomhréir leis an Treoir seo a chur ar fáil don údarás sin, i bhfoirm leictreonach, i dteanga is féidir leis an údarás sin a thuiscint.’;

(3)cuirtear an méid seo a leanas in ionad phointe (b) d’Airteagal 7(2):

‘(b) tar éis dó iarraidh réasúnaithe a fháil ó údarás inniúil náisiúnta, an fhaisnéis agus an doiciméadacht ar fad is gá a chur ar fáil don údarás sin, i bhfoirm leictreonach, chun comhréireacht trealaimh leictrigh a léiriú;’;

(4)Leasaítear Airteagal 8 mar a leanas:

(a)i mír 3, cuirtear an méid seo a leanas in ionad na chéad abairte:

‘Sonróidh allmhaireoirí ar an trealamh leictreach a n‑ainm, a dtrádainm cláraithe nó a dtrádmharc cláraithe chomh maith lena seoladh poist agus a sonraí teagmhála digiteacha nó, i gcás nach féidir é sin a dhéanamh, ar a phacáistíocht nó i ndoiciméad a ghabhann leis an trealamh leictreach.’;

(b)i mír 9, cuirtear an méid seo a leanas in ionad na chéad abairte:

‘Mar thoradh ar iarraidh réasúnaithe ó údarás inniúil náisiúnta, cuirfidh allmhaireoirí an fhaisnéis agus an doiciméadacht uile is gá chun comhréireacht trealaimh leictrigh a léiriú ar fáil dó, i bhfoirm leictreonach, i dteanga is féidir leis an údarás sin a thuiscint.’;

(5)in Airteagal 9(5), cuirtear an méid seo a leanas in ionad na chéad abairte:

‘Déanfaidh dáileoirí, tar éis dóibh iarraidh réasúnaithe a fháil ó údarás inniúil náisiúnta, an fhaisnéis agus an doiciméadacht ar fad is gá a chur ar fáil don údarás sin, i bhfoirm leictreonach, chun comhréireacht trealaimh leictrigh a léiriú.’;

(6) cuirtear isteach Airteagal 14a seo a leanas:

‘Airteagal 14a

Sonraíochtaí Coiteanna

1. Féadfaidh an Coimisiún, trí bhíthin gníomhartha cur chun feidhme, sonraíochtaí coiteanna a ghlacadh lena gcumasófar comhlíonadh na gcuspóirí sábháilteachta dá dtagraítear in Airteagal 3 agus a leagtar amach in Iarscríbhinn I in aon cheann de na cásanna seo a leanas:

(a) nach gcumhdaítear na cuspóirí dá dtagraítear in Airteagal 3 agus a leagtar amach in Iarscríbhinn I le caighdeáin chomhchuibhithe, nó le codanna díobh, ar foilsíodh na tagairtí dóibh in Iris Oifigiúil an Aontais Eorpaigh;

(b) go gcumhdaítear na cuspóirí dá dtagraítear in Airteagal 3 agus a leagtar amach in Iarscríbhinn I le caighdeáin chomhchuibhithe, nó le codanna díobh, ar foilsíodh na tagairtí dóibh in Iris Oifigiúil an Aontais Eorpaigh, ach go bhfágann cur i bhfeidhm na gcaighdeán sin nó codanna díobh nach gcomhlíonann trealamh leictreach na ceanglais fhíor-riachtanacha a leagtar amach in Iarscríbhinn II; nó

(c) i gcás ina measfaidh an Coimisiún gur gá aghaidh a thabhairt ar ábhar imní práinneach maidir le trealamh leictreach neamhchomhlíontach.

Déanfar na gníomhartha cur chun feidhme sin a ghlacadh i gcomhréir leis an nós imeachta comhairleach dá dtagraítear in Airteagal 23(3a).

2.Glacfar leis go bhfuil trealamh leictreach atá i gcomhréir leis an tsonraíocht choiteann i gcomhréir leis na cuspóirí sábháilteachta a chumhdaítear leis na sonraíochtaí coiteanna sin nó le codanna díobh dá dtagraítear in Airteagal 3 agus a leagtar amach in Iarscríbhinn I.’;

(7)in Airteagal 15, cuirtear mír 5 seo a leanas leis:

‘5. I gcás ina gceanglaítear le reachtaíocht eile de chuid an Aontais is infheidhme maidir le trealamh leictreach ar an oibreoir eacnamaíoch an fhaisnéis go gcomhlíonann an táirge na ceanglais a leagtar amach sa reachtaíocht sin a áireamh i bpas táirge digiteach nó chun dearbhú comhréireachta AE nó treoracha a uaslódáil i bpas táirge digiteach, ní sholáthrófar an fhaisnéis a cheanglaítear in Iarscríbhinn IV a áireamh i ndearbhú comhréireachta AE agus na treoracha dá dtagraítear in Airteagal 6(7) ach amháin sa phas táirge digiteach sin.’;

(8)in Airteagal 23, cuirtear mír 3a seo a leanas isteach:

‘3a. I gcás ina ndéantar tagairt don mhír seo, beidh feidhm ag Airteagal 4 de Rialachán (AE) Uimh. 182/2011.’;

(9)Leasaítear Iarscríbhinní III agus IV i gcomhréir le hIarscríbhinn X a ghabhann leis an Treoir seo.

Airteagal 11

Leasuithe ar Threoir 2014/53/AE

Leasaítear Treoir 2014/53/AE mar a leanas:

(1)Leasaítear Airteagal 2 mar a leanas:

(a)cuirtear isteach an pointe (16a) seo a leanas:

‘(16a) ciallaíonn ‘sonraí teagmhála digiteacha’ aon bhealach cumarsáide ar líne atá cothrom le dáta agus inrochtana trínar féidir dul i dteagmháil nó i rannpháirtíocht le hoibreoirí eacnamaíocha gan gá le clárú nó le feidhmchlár a íoslódáil;’;

(b)cuirtear isteach an pointe (18a) seo a leanas:

‘(18a) ciallaíonn ‘sonraíochtaí coiteanna’ tacar ceanglas teicniúil, seachas caighdeán, lena soláthraítear bealaí chun na ceanglais fhíor-riachtanacha is infheidhme maidir le táirge, feiste, seirbhís, próiseas nó córas a chomhlíonadh;’;

(2)Leasaítear Airteagal 10 mar a leanas:

(a)Cuirtear an méid seo a leanas in ionad an dara fomhír de mhír 3:

‘I gcás ina léireofar, de bhun an nós imeachta um measúnú comhréireachta sin, go bhfuil na ceanglais is infheidhme á gcomhlíonadh ag trealamh raidió, déanfaidh monaróirí Dearbhú Comhréireachta AE a tharraingt suas agus comhartha CE a ghreamú den trealamh sin.’;

(b)i mír 5, cuirtear an méid seo a leanas in ionad an dara habairt:

‘Na hathruithe ar dhearadh nó ar shaintréithe an trealaimh raidió agus na hathruithe ar na caighdeáin chomhchuibhithe, nó ar na sonraíochtaí coiteanna nó ar shonraíochtaí teicniúla eile ar trína mbíthin a dhearbhaítear comhréireacht an trealaimh raidió, cuirfear san áireamh iad go leordhóthanach.’;

(c)i mír 7, cuirtear an méid seo a leanas in ionad na chéad abairte agus an dara habairt:

‘Déanfaidh monaróirí a n‑ainm, a dtrádainm cláraithe nó a dtrádmharc cláraithe chomh maith lena seoladh poist agus a sonraí teagmhála digiteacha nó, i gcás nach féidir a leithéid a dhéanamh de bharr mhéid nó chineál an trealaimh raidió, ar an bpacáistíocht nó ar dhoiciméad a ghabhann leis an trealamh raidió. Léireofar sa seoladh poist agus sna sonraí teagmhála digiteacha pointe aonair trínar féidir teagmháil a dhéanamh leis an monaróir.’;

(d)cuirtear an méid a leanas in ionad mhír 8:

‘8. Áiritheoidh monaróirí go mbeidh treoracha agus faisnéis sábháilteachta ag gabháil leis an trealamh raidió. Féadfar na treoracha agus an fhaisnéis sábháilteachta a sholáthar i bhfoirm leictreonach i gcomhréir leis an séú fomhír den mhír seo. Cuirfidh an monaróir an úsáid atá beartaithe agus úsáideoir deiridh intuartha an trealaimh raidió san áireamh agus an fhormáid shonrach le haghaidh na dtreoracha agus na faisnéise sábháilteachta á cinneadh aige. Áireofar sna treoracha an fhaisnéis is gá chun trealamh raidió a úsáid i gcomhréir leis an úsáid atá beartaithe dó. Áireofar ar fhaisnéis den sórt sin, i gcás inarb infheidhme, tuairisc ar ghabhálais agus ar chomhpháirteanna, lena náirítear bogearraí, lenar féidir leis an trealamh raidió oibriú mar atá beartaithe. Beidh treoracha agus faisnéis sábháilteachta den sórt sin, chomh maith le haon lipéadú, soiléir, sothuigthe agus inléite.

Áireofar an fhaisnéis seo a leanas freisin sna treoracha i gcás trealamh raidió a astaíonn radathonnta d’aon ghnó:

(a) banda minicíochta nó bandanna minicíochta ina n‑oibríonn an trealamh raidió;

(b) uaschumhacht radaimhinicíochta a tharchuirtear sa bhanda minicíochta nó sna bandaí minicíochta ina n‑oibríonn an trealamh raidió.

I gcás trealamh raidió dá dtagraítear in Airteagal 3(4), beidh faisnéis sna treoracha faoi na sonraíochtaí a bhaineann le cumais luchtúcháin an trealaimh raidió agus na gléasanna luchtúcháin comhoiriúnacha, mar a leagtar amach i gCuid II d’Iarscríbhinn Ia. Chomh maith le bheith san áireamh sna treoracha, nuair a chuireann na monaróirí trealamh raidió den sórt sin ar fáil do thomhaltóirí agus d’úsáideoirí deiridh eile, déanfar an fhaisnéis a thaispeáint ar lipéad freisin, mar a leagtar amach i gCuid IV d’Iarscríbhinn Ia. Déanfar an lipéad a áireamh sna treoracha agus é a phriontáil ar an bpacáistíocht, nó déanfar é a ghreamú den phacáistíocht mar ghreamán. In éagmais pacáistíochta, déanfar an greamán ar a bhfuil an lipéad a ghreamú den trealamh raidió. Nuair a chuirfear an trealamh raidió ar fáil do thomhaltóirí agus d’úsáideoirí deiridh eile, beidh an lipéad ar taispeáint ar bhealach infheicthe agus inléite agus, i gcás ciandíola, gar don léiriú praghais. I gcás nach féidir a mhalairt a dhéanamh de bharr mhéid nó chineál an trealaimh raidió, féadfar an lipéad a phriontáil mar dhoiciméad ar leithligh a ghabhann leis an trealamh raidió.

Na treoracha agus an fhaisnéis sábháilteachta dá dtagraítear sa chéad fhomhír, sa dara fomhír agus sa tríú fomhír den mhír seo, beidh siad i dteanga is féidir le tomhaltóirí agus úsáideoirí deiridh eile a thuiscint go héasca, teanga arna cinneadh ag an mBallstát lena mbaineann.

Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 44 chun Codanna II agus IV d’Iarscríbhinn Ia a leasú, mar thoradh ar leasuithe ar Chuid I den Iarscríbhinn sin, nó mar thoradh ar leasuithe a dhéanfar amach anseo ar cheanglais lipéadaithe, nó i bhfianaise an dul chun cinn theicneolaíoch, trí aon mhionsonraí maidir leis an bhfaisnéis nó na heilimintí grafacha nó téacsúla, mar a leagtar amach san Airteagal seo, a thabhairt isteach, a mhodhnú, a chur leo nó a bhaint.’;

I gcás trealamh raidió atá beartaithe do thomhaltóirí nó trealamh raidió is féidir le tomhaltóirí a úsáid, faoi dhálaí atá measartha intuartha, fiú mura bhfuil sé beartaithe dóibh, soláthróidh an monaróir an fhaisnéis sábháilteachta i bhformáid pháipéir. Beidh an fhaisnéis sábháilteachta sin sofheicthe agus soléite do thomhaltóirí.

Agus an fhaisnéis sábháilteachta á tarraingt suas, cuirfidh na monaróirí san áireamh an úsáid atá beartaithe agus an mhí-úsáid intuartha ag an úsáideoir deiridh, chomh maith leis an ról atá ag na treoracha chun an tsábháilteacht a áirithiú.

Nuair a sholáthraítear na treoracha, dá dtagraítear sa chéad fhomhír, i bhfoirm leictreonach, déanfaidh an monaróir an méid seo a leanas:

(a) marcáil ar an trealamh raidió, nó, i gcás nach féidir é sin a dhéanamh, ar a phacáistíocht nó ar dhoiciméad a ghabhann leis, conas rochtain a fháil orthu agus conas iad a iarraidh i bhformáid pháipéir;

(b) iad a chur i láthair i bhformáid a fhágann gur féidir leis an úsáideoir deiridh na treoracha a phriontáil agus a íoslódáil agus iad a shábháil ar fheiste leictreonach ionas go mbeidh an t‑úsáideoir deiridh in ann rochtain a fháil orthu i gcónaí, go háirithe nuair a chliseann ar an trealamh raidió; tá feidhm ag an gceanglas sin freisin i gcás ina bhfuil na treoracha leabaithe i mbogearraí an trealaimh raidió;

(c) iad a chur ar fáil ar líne le linn shaolré ionchasach an trealaimh raidió agus ar feadh 10 mbliana ar a laghad tar éis an trealamh raidió a chur ar an margadh.

Féadfaidh an t‑úsáideoir deiridh, áfach, tráth cheannach an trealaimh raidió, nó suas le 6 mhí tar éis an cheannaigh sin, na treoracha nó an fhaisnéis sábháilteachta a iarraidh i bhformáid pháipéir. I gcás ina n‑iarrann an t‑úsáideoir deiridh na treoracha nó an fhaisnéis sábháilteachta sin, cuirfidh an monaróir ar fáil don úsáideoir deiridh iad, saor in aisce, laistigh de mhí amháin ón iarraidh a fháil.’;

(e)leasaítear mír 9 mar a leanas:

(i)cuirtear an méid seo a leanas in ionad na chéad abairte:

‘Áiritheoidh na monaróirí go mbeidh an seoladh idirlín nó an cód meaisín-inléite trínar féidir rochtain a fháil ar dhearbhú comhréireachta AE ag gabháil le gach mír trealaimh raidió.’;

(ii)scriostar an dara habairt;

(f)i mír 12, cuirtear an méid seo a leanas in ionad na chéad abairte:

Mar thoradh ar iarraidh réasúnaithe ó údarás inniúil náisiúnta, déanfaidh na monaróirí an fhaisnéis agus an doiciméadacht ar fad is gá chun a léiriú go bhfuil an trealamh raidió i gcomhréir leis an Treoir seo a chur ar fáil don údarás sin, i bhfoirm leictreonach, i dteanga is féidir leis an údarás sin a thuiscint go héasca.’;

(3)cuirtear an méid seo a leanas in ionad phointe (b) d’Airteagal 11(2):

‘(b) tar éis dó iarraidh réasúnaithe a fháil ó údarás inniúil náisiúnta, an fhaisnéis agus an doiciméadacht ar fad is gá a chur ar fáil don údarás sin, i bhfoirm leictreonach, chun comhréireacht trealaimh raidió a léiriú;’;

(4)Leasaítear Airteagal 12 mar a leanas:

(a)i mír 3, cuirtear an méid seo a leanas in ionad na chéad abairte agus an dara habairt:

‘Cuirfidh allmhaireoirí in iúl ar an trealamh raidió a n‑ainm, a dtrádainm cláraithe nó a dtrádmharc cláraithe chomh maith lena seoladh poist agus a sonraí teagmhála digiteacha nó, i gcás nach féidir é sin a dhéanamh, ar a phacáistíocht nó i ndoiciméad a ghabhann leis an trealamh raidió. Áirítear air sin cásanna nach féidir é sin a dhéanamh de dheasca mhéid an trealaimh raidió, nó cásanna ina mbeadh ar allmhaireoirí an phacáistíocht a oscailt chun a n‑ainm, a seoladh poist agus a sonraí teagmhála digiteacha a léiriú ar an trealamh raidió.’;

(b)i mír 9, cuirtear an méid seo a leanas in ionad na chéad abairte:

‘Mar thoradh ar iarraidh réasúnaithe ó údarás inniúil náisiúnta, cuirfidh allmhaireoirí an fhaisnéis agus an doiciméadacht uile is gá chun comhréireacht trealaimh raidió a léiriú ar fáil dó, i bhfoirm leictreonach, i dteanga is féidir leis an údarás sin a thuiscint go héasca.’;

(5)in Airteagal 13(5), cuirtear an méid seo a leanas in ionad na chéad mhíre:

‘Déanfaidh dáileoirí, tar éis dóibh iarraidh réasúnaithe a fháil ó údarás inniúil náisiúnta, an fhaisnéis agus an doiciméadacht ar fad is gá a chur ar fáil don údarás sin, i bhfoirm leictreonach, chun comhréireacht trealaimh raidió a léiriú.’;

(6)cuirtear isteach Airteagal 16a seo a leanas:

‘Airteagal 16a

Sonraíochtaí Coiteanna

1. Féadfaidh an Coimisiún, trí bhíthin gníomhartha cur chun feidhme, sonraíochtaí coiteanna a ghlacadh lena gcumasófar comhlíonadh na gceanglas fíor-riachtanach a leagtar amach in Airteagal 3 in aon cheann de na cásanna seo a leanas:

(a) nach gcumhdaítear na ceanglais a leagtar amach in Airteagal 3 leis na caighdeáin chomhchuibhithe nó le codanna díobh, ar foilsíodh na tagairtí dóibh in Iris Oifigiúil an Aontais Eorpaigh;

(b) go gcumhdaítear na ceanglais a leagtar amach in Airteagal 3 le caighdeáin chomhchuibhithe, nó le codanna díobh, ar foilsíodh na tagairtí dóibh in Iris Oifigiúil an Aontais Eorpaigh, ach is é an toradh atá ar chur i bhfeidhm na gcaighdeán sin nó ar chodanna díobh nach gcomhlíonann trealamh raidió na ceanglais fhíor-riachtanacha a leagtar amach in Airteagal 3; nó

(c) i gcás ina measfaidh an Coimisiún gur gá aghaidh a thabhairt ar ábhar imní práinneach maidir le trealamh raidió neamhchomhlíontach.

Glacfar na gníomhartha cur chun feidhme sin i gcomhréir leis an nós imeachta comhairliúcháin dá dtagraítear in Airteagal 45(2).

2.Glacfar leis go bhfuil trealamh raidió atá i gcomhréir leis an tsonraíocht choiteann i gcomhréir le ceanglais fhíor-riachtanacha a chumhdaítear leis na sonraíochtaí coiteanna sin nó le codanna díobh, a leagtar amach in Airteagal 3.’;

(7)Leasaítear Airteagal 17 mar a leanas:

(a)i mír 3, cuirtear an méid seo a leanas in ionad na chéad abairte:

‘3. I gcás ina mbeidh caighdeáin chomhchuibhithe curtha i bhfeidhm ag an monaróir, ar foilsíodh na tagairtí dóibh in Iris Oifigiúil an Aontais Eorpaigh, nó na sonraíochtaí coiteanna, le linn dó measúnú a dhéanamh an gcomhlíonann an trealamh raidió na ceanglais fhíor-riachtanacha a leagtar amach in Airteagal 3(2) agus (3), bainfidh an monaróir úsáid as aon cheann de na nósanna imeachta seo a leanas:’;

(b)I mír 4, cuirtear an méid seo a leanas in ionad na chéad abairte:

‘4. Más rud é, le linn don mhonaróir measúnú a dhéanamh an gcomhlíonann trealamh raidió na ceanglais fhíor-riachtanacha a leagtar amach in Airteagal 3(2) agus (3), nár chuir sé caighdeáin chomhchuibhithe i bhfeidhm nó nár chuir sé ach cuid díobh i bhfeidhm, caighdeáin ar foilsíodh na tagairtí dóibh in Iris Oifigiúil an Aontais Eorpaigh, nó sonraíochtaí coiteanna, nó más rud é nach ann do chaighdeáin chomhchuibhithe nó sonraíochtaí coiteanna den sórt sin, cuirfear an trealamh raidió, i ndáil leis na ceanglais fhíor-riachtanacha sin, faoi cheann de na nósanna imeachta seo a leanas:’;

(c)cuirtear isteach an mhír 5 seo a leanas:

‘5. I gcás inarb infheidhme, déanfaidh na monaróirí an fhaisnéis agus an doiciméadacht uile a bhaineann le nósanna imeachta um measúnú comhréireachta a sholáthar i bhfoirm leictreonach don chomhlacht faoina dtugtar fógra a dhéanann an nós imeachta um measúnú comhréireachta.’;

(8)Leasaítear Airteagal 18 mar a leanas:

(a)i mír 2, scriostar an dara fomhír;

(b)cuirtear isteach an mhír 5 seo a leanas:

‘5. I gcás ina gceanglaítear le reachtaíocht eile de chuid an Aontais is infheidhme maidir le trealamh raidió ar an oibreoir eacnamaíoch an fhaisnéis go gcomhlíonann an táirge na ceanglais a leagtar amach sa reachtaíocht sin a áireamh i bpas táirge digiteach nó dearbhú comhréireachta AE nó treoracha a uaslódáil i bpas táirge digiteach, ní sholáthrófar an fhaisnéis a cheanglaítear in Iarscríbhinn IV a áireamh i ndearbhú comhréireachta AE agus na treoracha dá dtagraítear in Airteagal 10(8) ach amháin sa phas táirge digiteach sin.’;

(9)in Airteagal 26(7), cuirtear an méid seo a leanas in ionad phointe (c):

‘(c) eolas agus tuiscint iomchuí ar na ceanglais fhíor-riachtanacha sábháilteachta a leagtar amach in Airteagal I, ar na caighdeáin chomhchuibhithe is infheidhme nó sonraíochtaí coiteanna is infheidhme agus ar fhorálacha ábhartha eile de reachtaíocht chomhchuibhithe an Aontais agus den reachtaíocht náisiúnta;

(10)Leasaítear Iarscríbhinní Ia, agus III go IV, V, VI agus VII i gcomhréir le hIarscríbhinn XI a ghabhann leis an Treoir seo.

Airteagal 12

Leasuithe ar Threoir 2014/68/AE

Leasaítear Treoir 2014/68/CE leis seo mar a leanas:

(1)Leasaítear Airteagal 2 mar a leanas:

(a)cuirtear isteach an pointe (22a) seo a leanas:

‘(22a) ciallaíonn ‘sonraí teagmhála digiteacha’ aon bhealach cumarsáide ar líne atá cothrom le dáta agus inrochtana trínar féidir dul i dteagmháil nó i rannpháirtíocht le hoibreoirí eacnamaíocha gan gá le clárú nó le feidhmchlár a íoslódáil;’;

(b)cuirtear isteach an pointe (24a) seo a leanas:

‘(24a) ciallaíonn ‘sonraíochtaí coiteanna’ tacar ceanglas teicniúil, seachas caighdeán, lena soláthraítear bealaí chun na ceanglais fhíor-riachtanacha is infheidhme maidir le táirge, feiste, seirbhís, próiseas nó córas a chomhlíonadh;’;

(2)Leasaítear Airteagal 6 mar a leanas:

(a)i mír 2, cuirtear an méid seo a leanas in ionad an dara fomhír:

‘I gcás ina léireofar tríd an nós imeachta dá dtagraítear sa chéad fhomhír den mhír seo go gcomhlíonann an brú-threalamh nó na cóimeálacha dá dtagraítear in Airteagal 4(1) agus (2) na ceanglais is infheidhme, déanfaidh na monaróirí Dearbhú Comhréireachta AE a tharraingt suas, i bhfoirm leictreonach, agus marcáil CE a ghreamú den trealamh nó den chóimeáil.’;

(b)i mír 4, an chéad fhomhír, cuirtear an méid seo a leanas in ionad an dara habairt:

‘Cuirfear san áireamh go leordhóthanach athruithe ar dhearadh nó ar shaintréithe an bhrú-threalaimh nó na gcóimeálacha agus athruithe ar na caighdeáin chomhchuibhithe nó ar shonraíochtaí coiteanna eile ar trína mbíthin a dhearbhaítear go bhfuil an brú-threalamh nó na cóimeálacha i gcomhréir leis an Treoir seo.’;

(c)i mír 6, cuirtear an méid seo a leanas in ionad na chéad abairte agus an dara habairt:

‘Léireoidh na monaróirí ar an mbrú-threalamh nó an chóimeáil a n‑ainm, a dtrádainm cláraithe nó a dtrádmharc cláraithe, chomh maith lena seoladh poist agus a sonraí teagmhála digiteacha nó, i gcás nach féidir é sin a dhéanamh, ar an bpacáistíocht nó i ndoiciméad a ghabhann leis an trealamh nó leis an gcóimeáil. Léireofar sa seoladh poist agus sna sonraí teagmhála digiteacha pointe aonair trínar féidir teagmháil a dhéanamh leis an monaróir.’;

(d)cuirtear an méid a leanas in ionad mhír 7:

‘7. Áiritheoidh na monaróirí go mbeidh treoracha agus faisnéis sábháilteachta atá i gcomhréir le pointe 3.3 agus pointe 3.4 d’Iarscríbhinn I ag gabháil leis an mbrú-threalamh nó na cóimeálacha dá dtagraítear in Airteagal 4(1) agus (2), i dteanga is féidir le tomhaltóirí agus úsáideoirí deiridh eile a thuiscint go héasca, de réir mar a chinnfidh an Ballstát lena mbaineann. Féadfar na treoracha agus an fhaisnéis sábháilteachta a sholáthar i bhfoirm leictreonach. Beidh na treoracha agus an fhaisnéis sábháilteachta sin soiléir agus intuigthe.

Áiritheoidh na monaróirí go mbeidh treoracha agus faisnéis sábháilteachta atá i gcomhréir le hAirteagal 4(3) ag gabháil leis an mbrú-threalamh nó na cóimeálacha dá dtagraítear in Airteagal 4(3), i dteanga is féidir le tomhaltóirí agus úsáideoirí deiridh eile a thuiscint go héasca, de réir mar a chinnfidh an Ballstát lena mbaineann. Féadfar na treoracha agus an fhaisnéis sábháilteachta a sholáthar i bhfoirm leictreonach. Beidh treoracha agus faisnéis sábháilteachta den sórt sin soiléir, intuigthe agus intuisceana.

Cuirfidh an monaróir san áireamh an úsáid atá beartaithe agus úsáideoir deiridh intuartha an bhrú-threalaimh nó na gcóimeálacha agus an fhormáid shonrach do na treoracha agus don fhaisnéis sábháilteachta á cinneadh aige.

I gcás brú-threalamh nó cóimeálacha atá beartaithe do thomhaltóirí nó ar féidir le tomhaltóirí iad a úsáid, faoi dhálaí atá measartha intuartha, fiú mura bhfuil sé beartaithe dóibh, soláthróidh an monaróir, i bhformáid pháipéir, an fhaisnéis sábháilteachta i gcomhréir le pointí 3.3 agus 3.4 d’Iarscríbhinn I. Beidh an fhaisnéis sábháilteachta sin sofheicthe agus soléite do thomhaltóirí.

Agus an fhaisnéis sábháilteachta á tarraingt suas, cuirfidh na monaróirí san áireamh an úsáid atá beartaithe agus an mhí-úsáid intuartha ag an úsáideoir deiridh, chomh maith leis an ról atá ag na treoracha chun an tsábháilteacht a áirithiú.

Nuair a sholáthraítear na treoracha dá dtagraítear sa chéad fhomhír i bhfoirm leictreonach, déanfaidh an monaróir an méid seo a leanas:

(a) marcáil ar an mbrú-threalamh nó ar na cóimeálacha nó, i gcás nach féidir é sin a dhéanamh, ar a phacáistíocht nó ar dhoiciméad a ghabhann leis, conas iad a rochtain agus conas iad a iarraidh i bhformáid pháipéir;

(b) iad a chur i láthair i bhformáid a fhágann gur féidir leis an úsáideoir deiridh na treoracha a phriontáil agus a íoslódáil agus iad a shábháil ar fheiste leictreonach ionas go mbeidh an t‑úsáideoir deiridh in ann rochtain a fháil orthu i gcónaí, go háirithe nuair a chliseann ar an mbrú-threalamh nó ar na cóimeálacha; tá feidhm ag an gceanglas sin freisin i gcás ina bhfuil na treoracha leabaithe i mbogearraí an bhrú-threalaimh nó na gcóimeálacha;

(c) iad a chur ar fáil ar líne le linn shaolré ionchasach an bhrú-threalaimh nó na gcóimeálacha agus ar feadh 10 mbliana ar a laghad tar éis an brú-threalamh nó na cóimeálacha a chur ar an margadh.

Féadfaidh an t‑úsáideoir deiridh, áfach, tráth a cheannaítear an brú-threalamh nó na cóimeálacha, nó suas le 6 mhí tar éis an cheannaigh sin, na treoracha nó an fhaisnéis sábháilteachta a iarraidh i bhformáid pháipéir. I gcás ina n‑iarrann an t‑úsáideoir deiridh na treoracha nó an fhaisnéis sábháilteachta sin, cuirfidh an monaróir ar fáil don úsáideoir deiridh iad, saor in aisce, laistigh de mhí amháin ón iarraidh a fháil.’;

(e)leasaítear mír 9 mar a leanas:

(a)cuirtear an méid seo a leanas in ionad na chéad abairte:

‘Mar thoradh ar iarraidh réasúnaithe ó údarás inniúil náisiúnta, déanfaidh na monaróirí an fhaisnéis agus an doiciméadacht ar fad is gá chun a léiriú go bhfuil an brú-threalamh nó an chóimeáil i gcomhréir leis an Treoir seo a chur ar fáil don údarás sin, i dteanga is féidir leis an údarás sin a thuiscint go héasca.’;

(b)scriostar an dara habairt;

(3)cuirtear an méid seo a leanas in ionad phointe (b) d’Airteagal 7(2):

‘(b) tar éis dó iarraidh réasúnaithe a fháil ó údarás inniúil náisiúnta, an fhaisnéis agus an doiciméadacht ar fad is gá a chur ar fáil don údarás sin, i bhfoirm leictreonach, chun comhréireacht an bhrú-threalaimh nó na cóimeála a léiriú;’;

(4)Leasaítear Airteagal 8 mar a leanas:

(a)i mír 3, cuirtear an méid seo a leanas in ionad na chéad abairte:

‘Déanfaidh allmhaireoirí a n‑ainm, a dtrádainm cláraithe nó a dtrádmharc cláraithe chomh maith lena seoladh poist agus a sonraí teagmhála digiteacha a lua ar an mbrú-threalamh nó ar an gcóimeáil, nó, i gcás nach féidir é sin a dhéanamh, ar a phacáistíocht nó i ndoiciméad a ghabhann leis an trealamh nó leis an gcóimeáil.’;

(b)leasaítear mír 9 mar a leanas:

(i)cuirtear an méid seo a leanas in ionad na chéad abairte:

‘Mar thoradh ar iarraidh réasúnaithe ó údarás inniúil náisiúnta, cuirfidh allmhaireoirí an fhaisnéis agus an doiciméadacht uile is gá chun comhréireacht an brú-threalaimh nó cóimeála a léiriú ar fáil dó, i bhfoirm leictreonach, i dteanga is féidir leis an údarás sin a thuiscint go héasca.’;

(ii)scriostar an dara habairt;

(5)Leasaítear Airteagal 9 mar a leanas:

(a)cuirtear an méid seo a leanas in ionad na chéad abairte:

‘Mar thoradh ar iarraidh réasúnaithe ó údarás inniúil náisiúnta, cuirfidh na dáileoirí an fhaisnéis agus an doiciméadacht ar fad is gá chun comhréireacht an bhrú-threalaimh nó na gcóimeálacha a léiriú, i bhfoirm leictreonach, ar fáil don údarás sin.’;

(b)scriostar an dara habairt;

(6)cuirtear isteach Airteagal 12a seo a leanas:

‘Airteagal 12a

Sonraíochtaí Coiteanna

1. Féadfaidh an Coimisiún, trí bhíthin gníomhartha cur chun feidhme, sonraíochtaí coiteanna a ghlacadh lena gcumasófar comhlíonadh na gceanglas fíor-riachtanach a leagtar amach in Iarscríbhinn I in aon cheann de na cásanna seo a leanas:

(a) nach gcumhdaítear na ceanglais a leagtar amach in Iarscríbhinn I leis na caighdeáin chomhchuibhithe nó le codanna díobh, ar foilsíodh na tagairtí dóibh in Iris Oifigiúil an Aontais Eorpaigh;

(b) go gcumhdaítear na ceanglais a leagtar amach in Iarscríbhinn I le caighdeáin chomhchuibhithe, nó le codanna díobh, ar foilsíodh na tagairtí dóibh in Iris Oifigiúil an Aontais Eorpaigh, ach is é an toradh atá ar chur i bhfeidhm na gcaighdeán sin nó codanna díobh nach gcomhlíonann an brú-threalamh nó na cóimeálacha dá dtagraítear in Airteagal 4(1) agus (2) na ceanglais a leagtar amach in Iarscríbhinn I; nó

(c) i gcás ina measfaidh an Coimisiún gur gá aghaidh a thabhairt ar ábhar imní práinneach maidir le brú-threalamh nó cóimeálacha neamhchomhlíontacha.

Glacfar na gníomhartha cur chun feidhme sin i gcomhréir leis an nós imeachta comhairliúcháin dá dtagraítear in Airteagal 44(2).

2.Glacfar leis go bhfuil brú-threalamh nó cóimeálacha atá i gcomhréir leis an tsonraíocht choiteann i gcomhréir leis na ceanglais fhíor-riachtanacha a chumhdaítear leis na sonraíochtaí coiteanna sin nó le codanna díobh, a leagtar amach in Iarscríbhinn I.’;

(7)Leasaítear Airteagal 14 mar a leanas:

(a)cuirtear an méid a leanas in ionad mhír 8:

‘8. Déanfar na taifid agus an comhfhreagras a bhaineann leis na nósanna imeachta um measúnú comhréireachta a dhréachtú, i bhfoirm leictreonach, i dteanga oifigiúil de chuid an Bhallstáit ina bhfuil an comhlacht a bhfuil sé de chúram air na nósanna imeachta sin a chur i gcrích bunaithe, nó i dteanga a bhfuil glacadh léi ag an gcomhlacht sin.’;

(b)cuirtear isteach an mhír 9 seo a leanas:

‘9. Déanfaidh an monaróir an fhaisnéis agus an doiciméadacht uile a bhaineann le nósanna imeachta um measúnú comhréireachta a sholáthar i bhfoirm leictreonach don chomhlacht faoina dtugtar fógra a dhéanann an nós imeachta um measúnú comhréireachta.’;

(8)in Airteagal 15(5), cuirtear an méid seo a leanas in ionad na chéad abairte:

‘Déanfaidh an comhlacht a d’eisigh an ceadú Eorpach le haghaidh ábhar an cheadaithe sin a tharraingt siar má chinneann sé nár cheart é a eisiúint nó má tá an cineál ábhair cumhdaithe le caighdeán comhchuibhithe nó le sonraíochtaí coiteanna.’;

(9)in Airteagal 17, cuirtear mír 5 seo a leanas leis:

‘5. I gcás ina gceanglaítear le reachtaíocht eile de chuid an Aontais is infheidhme maidir leis an mbrú-threalamh nó leis an gcóimeáil ar an oibreoir eacnamaíoch an fhaisnéis go gcomhlíonann an táirge na ceanglais a leagtar amach sa reachtaíocht sin a áireamh i bpas táirge digiteach nó chun dearbhú comhréireachta AE nó treoracha a uaslódáil i bpas táirge digiteach, ní sholáthrófar an fhaisnéis a cheanglaítear in Iarscríbhinn IV a áireamh i ndearbhú comhréireachta AE agus na treoracha dá dtagraítear in Airteagal 6(7) ach amháin sa phas táirge digiteach sin.’;

(10)in Airteagal 24(7), cuirtear an méid seo a leanas in ionad phointe (c):

‘(c) eolas agus tuiscint iomchuí ar na ceanglais fhíor-riachtanacha sábháilteachta a leagtar amach in Iarscríbhinn I, ar na caighdeáin chomhchuibhithe nó sonraíochtaí coiteanna is infheidhme agus ar fhorálacha ábhartha eile de reachtaíocht chomhchuibhithe an Aontais agus den reachtaíocht náisiúnta;’;

(11)in Airteagal 25(7), cuirtear an méid seo a leanas in ionad phointe (c):

‘(c) eolas agus tuiscint iomchuí ar na ceanglais fhíor-riachtanacha sábháilteachta a leagtar amach in Iarscríbhinn I, ar na caighdeáin chomhchuibhithe nó sonraíochtaí coiteanna is infheidhme agus ar fhorálacha ábhartha eile den reachtaíocht chomhchuibhithe an Aontais agus den reachtaíocht náisiúnta;

(12)in Airteagal 34, cuirtear an méid seo a leanas in ionad mhír 3:

‘3. I gcás ina dtabharfaidh comhlacht um measúnú comhréireachta faoi deara nach bhfuil na ceanglais fhíor-riachtanacha sábháilteachta a leagtar amach in Iarscríbhinn I nó i gcaighdeáin chomhchuibhithe chomhfhreagracha nó i sonraíochtaí coiteanna eile comhlíonta ag monaróir, ceanglóidh sé ar an monaróir sin bearta ceartaitheacha iomchuí a dhéanamh agus ní eiseoidh sé deimhniú comhréireachta.’;

(13)Leasaítear Iarscríbhinní I, III agus IV i gcomhréir le hIarscríbhinn XII a ghabhann leis an Treoir seo.

Airteagal 13

Leasuithe ar Threoir 2014/90/AE

Leasaítear Treoir 2014/90/AE mar a leanas:

(1)in Airteagal 2, cuirtear isteach an pointe (14a) seo a leanas:

‘(14a) ciallaíonn ‘sonraí teagmhála digiteacha’ aon bhealach cumarsáide ar líne atá cothrom le dáta agus inrochtana trínar féidir dul i dteagmháil nó i rannpháirtíocht le hoibreoirí eacnamaíocha gan gá le clárú nó le feidhmchlár a íoslódáil;’;

(2)Leasaítear Airteagal 12 mar a leanas:

(a)cuirtear an méid seo a leanas in ionad mhír 3:

‘3. I gcás ina bhfuil sé léirithe ag an nós imeachta um measúnú comhréireachta go bhfuil na ceanglais is infheidhme á gcomhlíonadh ag trealamh muirí, déanfaidh monaróirí dearbhú comhréireachta AE a tharraingt suas, i bhfoirm leictreonach, i gcomhréir le hAirteagal 16 agus an stiúirmharc a ghreamú den trealamh sin i gcomhréir le hAirteagail 9 agus 10.’;

(b)cuirtear an méid seo a leanas in ionad mhíreanna 7 agus 8:

‘7. Léireoidh monaróirí ar an táirge, a n‑ainm nó a dtrádainm cláraithe nó a dtrádmharc cláraithe chomh maith lena seoladh poist agus sonraí teagmhála digiteacha, nó i gcás nach bhféadfar é sin a dhéanamh, ar an bpacáistíocht nó i ndoiciméad a ghabhann leis an táirge, nó ar an dá rud, de réir mar is iomchuí. Ní mór pointe aonair trínar féidir teagmháil a dhéanamh leis an monaróir a léiriú sa seoladh poist agus sna sonraí teagmhála digiteacha.

8. Déanfaidh monaróirí a áirithiú go mbeidh ag gabháil leis an táirge treoracha agus gach faisnéis sábháilteachta is gá chun an táirge a shuiteáil go sábháilte ar bord agus a úsáid go sábháilte, lena n‑áirítear teorainneacha leis an úsáid, más ann dóibh, atá sothuigthe do na húsáideoirí, mar aon le haon doiciméadacht a cheanglaítear de réir na n‑ionstraimí idirnáisiúnta nó na gcaighdeán tástála. Féadfar na treoracha agus an fhaisnéis uile is gá a sholáthar i bhfoirm leictreonach.

I gcás táirgí atá beartaithe do thomhaltóirí nó ar féidir le tomhaltóirí iad a úsáid, faoi dhálaí atá measartha intuartha, fiú mura bhfuil siad beartaithe dóibh, soláthróidh an monaróir, i bhformáid pháipéir, nó marcálfaidh sé ar an táirge, faisnéis le haghaidh suiteáil shábháilte ar bord agus úsáid shábháilte an táirge, lena n‑áirítear teorainneacha úsáide. Beidh an fhaisnéis sábháilteachta sin sofheicthe agus soléite do thomhaltóirí.

Nuair a chuirfear na treoracha, dá dtagraítear sa chéad fhomhír, ar fáil i bhfoirm leictreonach, déanfaidh na monaróirí an méid seo a leanas:

(a) marcáil ar an táirge, nó, i gcás nach féidir é sin a dhéanamh, ar a phacáistíocht nó i ndoiciméad a ghabhann leis, conas rochtain a fháil orthu agus conas iad a iarraidh i bhformáid pháipéir;

(b) iad a chur i láthair i bhformáid a fhágann gur féidir leis an úsáideoir deiridh na treoracha a phriontáil agus a íoslódáil agus iad a shábháil ar fheiste leictreonach ionas go mbeidh an t‑úsáideoir deiridh in ann rochtain a fháil orthu i gcónaí, go háirithe nuair a chliseann ar an táirge; tá feidhm ag an gceanglas sin freisin i gcás ina bhfuil na treoracha leabaithe i mbogearraí an táirge;

(c) iad a dhéanamh inrochtana ar líne le linn shaolré ionchasach an táirge agus ar feadh 10 mbliana ar a laghad tar éis an táirge a chur ar an margadh.

Féadfaidh an t‑úsáideoir deiridh, áfach, tráth cheannach an táirge, nó suas le 6 mhí tar éis an táirge a cheannach, na treoracha nó an fhaisnéis a iarraidh le haghaidh suiteáil shábháilte ar bord agus úsáid shábháilte an táirge, lena n‑áirítear teorainneacha ar a úsáid i bhformáid pháipéir. I gcás ina n‑iarrann an t‑úsáideoir deiridh na treoracha nó an fhaisnéis sin, cuirfidh an monaróir ar fáil don úsáideoir deiridh iad, saor in aisce, laistigh de mhí amháin ón iarraidh a fháil.’;

(c)i mír 10, cuirtear an méid seo a leanas in ionad na chéad abairte:

Cuirfidh monaróirí, de thoradh iarraidh réasúnaithe ó údarás inniúil, an fhaisnéis agus an doiciméadacht ar fad is gá, i bhfoirm leictreonach, chun comhréireacht a léiriú maidir le táirge ar fáil don údarás sin i dteanga is féidir leis a thuiscint go héasca, nó atá inghlactha aige, rochtain a thabhairt don údarás sin ar a n‑áitreabh chun críocha faireachais mhargaidh i gcomhréir le hAirteagal 19 de Rialachán (CE) Uimh. 765/2008 agus samplaí nó rochtain ar shamplaí a thabhairt i gcomhréir le hAirteagal 25(4) den Treoir seo.’;

(3)Leasaítear Airteagal 13 mar a leanas:

(a)cuirtear an méid seo a leanas in ionad mhír 1:

‘1. Déanfaidh monaróir nach bhfuil lonnaithe i gcríoch Ballstáit amháin ar a laghad, trí bhíthin sainordú scríofa, ionadaí údaraithe don Aontas a cheapadh agus tabharfaidh sé le fios sa sainordú ainm an ionadaithe údaraithe agus an seoladh poist agus sonraí teagmhála digiteacha ag a bhféadfar dul i dteagmháil leis.’;

(b)i mír 3, cuirtear an méid seo a leanas in ionad phointe (b):

‘(b) tar éis iarraidh réasúnaithe a fháil ó údarás inniúil, an fhaisnéis agus an doiciméadacht ar fad is gá a chur ar fáil don údarás sin, i bhfoirm leictreonach, chun comhréireacht táirge a léiriú’;

(4)Leasaítear Airteagal 14 mar a leanas:

(a)cuirtear an méid seo a leanas in ionad mhír 1:

‘1.   Déanfaidh allmhaireoirí a n‑ainm, a dtrádainm cláraithe nó a dtrádmharc cláraithe chomh maith lena seoladh poist agus a sonraí teagmhála digiteacha a lua ar an táirge nó, i gcás nach féidir é sin a dhéanamh, ar a phacáistíocht nó i ndoiciméad a ghabhann leis an táirge, nó an dá rud, de réir mar is iomchuí.’;

(b)i mír 2, cuirtear an méid a leanas in ionad na chéad abairte:

‘Go háirithe, déanfaidh allmhaireoirí agus dáileoirí, de thoradh iarraidh réasúnaithe ó údarás inniúil, an fhaisnéis agus an doiciméadacht ar fad is gá chun comhréireacht táirge a léiriú, a sholáthar don údarás sin, i bhfoirm leictreonach, i dteanga is féidir leis an údarás sin a thuiscint go héasca, nó atá inghlactha aige.

(5)in Airteagal 15, cuirtear mír 4 seo a leanas leis:

‘4. Soláthróidh an monaróir i bhfoirm leictreonach don chomhlacht faoina dtugtar fógra a dhéanann an nós imeachta um measúnú comhréireachta an fhaisnéis agus an doiciméadacht uile a bhaineann le nósanna imeachta um measúnú comhréireachta.’;

(6)Leasaítear Airteagal 16 mar a leanas:

(a)i mír 4, cuirtear an méid seo a leanas in ionad na chéad abairte:

‘Nuair a chuirtear trealamh muirí ar bord long de chuid an Aontais, déanfaidh an monaróir dearbhú comhréireachta AE lena gcumhdaítear an trealamh lena mbaineann a uaslódáil ar an mbunachar sonraí arna bhunú ag an gCoimisiún i gcomhréir le hAirteagal 35(4).’;

(b)cuirtear an méid seo a leanas in ionad mhír 5:

‘5. Soláthrófar dearbhú comhréireachta AE don chomhlacht faoina dtugtar fógra nó do na comhlachtaí a rinne na nósanna imeachta ábhartha um measúnú comhréireachta tríd an mbunachar sonraí arna bhunú ag an gCoimisiún i gcomhréir le hAirteagal 35(4).’;

(7)cuirtear isteach an mhír 6 seo a leanas:

‘6. I gcás ina gceanglaítear le reachtaíocht eile de chuid an Aontais is infheidhme maidir leis an trealamh muirí ar an oibreoir eacnamaíoch an fhaisnéis go gcomhlíonann an táirge na ceanglais a leagtar amach sa reachtaíocht sin a áireamh i bpas táirge digiteach nó dearbhú comhréireachta AE nó treoracha a uaslódáil i bpas táirge digiteach, ní sholáthrófar an fhaisnéis a cheanglaítear le hIarscríbhinn III a ghabhann le Cinneadh Uimh. 768/2008/CE a áireamh i ndearbhú comhréireachta AE agus na treoracha dá dtagraítear in Airteagal 12(8) ach amháin sa phas táirge digiteach sin.’;

(8)cuirtear an méid seo a leanas in ionad phointe (f) d’Airteagal 29(1):

‘(f) níor cuireadh dearbhú comhréireachta AE ar fáil go leictreonach don long;’;

(9)Leasaítear Iarscríbhinn II i gcomhréir le hIarscríbhinn XIII a ghabhann leis an Treoir seo;

Airteagal 14

Forálacha idirthréimhseacha

Ní chuirfidh na Ballstáit bac ar tháirgí a chur ar fáil ar an margadh, ar táirgí iad a cuireadh ar an margadh i gcomhréir le Treoracha 2000/14/CE, 2011/65/AE, 2013/53/AE, 2014/29/AE, 2014/30/AE, 2014/31/AE, 2014/32/AE, 2014/33/AE, 2014/34/AE, 2014/35/AE, 2014/53/AE, 2014/68/AE agus 2014/90/AE roimh [Oifig na bhFoilseachán: Cuir isteach an dáta a leagtar amach in Airteagal 15(1), an dara fomhír].

Airteagal 15

Trasuí

1.Na dlíthe, na rialacháin agus na forálacha riaracháin is gá chun an Treoir seo a chomhlíonadh, déanfaidh na Ballstáit iad a ghlacadh agus a fhoilsiú faoin [Oifig na bhFoilseachán: Cuir isteach an dáta 12 mhí tar éis theacht i bhfeidhm na Treorach leasaithí seo] ar a dhéanaí. Cuirfidh siad téacs na bhforálacha sin in iúl don Choimisiún láithreach.

Cuirfidh siad na forálacha sin i bhfeidhm ón [Oifig na bhFoilseachán: Cuir isteach an dáta 12 mhí tar éis dháta theacht i bhfeidhm na Treorach seo].

Mar sin féin, cuirfidh na Ballstáit na forálacha seo a leanas i bhfeidhm ón [Oifig na bhFoilseachán: Cuir isteach an dáta 24 mí tar éis dháta theacht i bhfeidhm na Treorach seo]:

(a)Airteagal 1;

(b)Airteagal 2, pointe (1)(a), pointe (2)(a), (c) agus (d), agus pointí (3), (4), (5) agus (6);

(c)Airteagal 3, pointe (1)(a), pointe (2)(a), (c) agus(d), agus pointí (3), (4), (5), (7) agus (8);

(d)Airteagal 4, pointe (1)(a), pointe (2)(a), (c), (d) agus (e), agus pointí (3), (4) agus (5), pointe (7)(b) agus (c), agus pointe (8);

(e)Airteagal 5, pointe (1)(a), pointe (2)(a), (c), (d) agus (e), agus pointí (3), (4), (5), (7) agus (8);

(f)Airteagal 6, pointe (1)(a), pointe (2)(a), (c), (d) agus (e), agus pointí (3), (4), (5), (7) agus (8);

(g)Airteagal 7, pointe (1)(a), pointe (2)(a), (c), (d) agus (e), agus pointí (3), (4), (5), (7), (9) agus (12);

(h)Airteagal 8, pointe (1)(a), pointe (2), pointe (3)(a), (c), (d) agus (e), agus pointí (4) (5), (6), (8), (9), (10) agus (13);

(i)Airteagal 9, pointe (1)(a), pointe (2)(a), (c), (d) agus (e), agus pointí (3), (4), (5), (7), (8) agus (11);

(j)Airteagal 10, pointe (1)(a), pointe (2)(a), (c), (d) agus (e), agus pointí (3), (4), (5) agus (7);

(k)Airteagal 11, pointe (1)(a), pointe (2)(a), (c), (d), (e) agus (f), agus pointí (3), (4) agus (5), pointe (7)(c) agus pointe (8);

(l)Airteagal 12, pointe (1)(a), pointe (2)(a), (c), (d) agus (e), agus pointí (3), (4), (5), (7) agus (9);

(m)Airteagal 13;

(n)Iarscríbhinn I;

(o)Iarscríbhinn II, pointe (1) agus pointe (2)(a);

(p)Iarscríbhinn III, pointe (1)(a)(ii) agus (b)(i), pointe (2)(a), pointe (3)(a) agus pointe (4);

(q)Iarscríbhinn IV, pointe (1)(a)(i) agus (c), pointe (2) agus pointe (3)(a);

(r)Iarscríbhinn V, pointe (2)(a)(i) agus (b) agus pointe 3(a);

(s)Iarscríbhinn VI, pointe (1)(a)(i), (c), (d) agus (g) agus pointe (2)(a);

(t)Iarscríbhinn VII, pointe (1)(b)(i), an chéad fhleasc, (b)(iii), (d)(i), (e)(i), (f)(i), (g)(i), (k)(i), (l)(i), (l)(iv), an chéad fhleasc, agus (l)(v), agus pointe (2)(a);

(u)Iarscríbhinn VIII, pointe (1)(a)(i), (a)(iii), (b)(i) agus (b)(iii), pointe (2)(a)(i), (a)(v), (b)(i) agus (b)(v), pointe (4)(a), pointe (5)(a), pointe (6)(a), pointe (7)(a), pointe (8)(a), pointe (9)(a) agus pointe 10(a);

(v)Iarscríbhinn IX, pointe (1), pointe (2)(a), (d) agus (a), pointe 5(a) agus pointe 8(a);

(w)Iarscríbhinn X, pointe (2)(a);

(x)Iarscríbhinn XI, pointe (1), pointe (2)(a)(i) agus (b), pointe (3)(a), pointe (5)(a) agus pointe (6);

(y)Iarscríbhinn XII, pointe (2)(c)(i), an chéad fhleasc, (c)(iv), (c)(v), an chéad fhleasc, (c)(viii), (e)(i), (f)(ii), (g)(i), (h)(ii), (k)(i), (l)(i), (l)(v) agus (l)(viii), agus pointe (3)(a) agus (c);

(z)Iarscríbhinn XIII.

2.Déanfaidh na Ballstáit téacs phríomhfhorálacha an dlí náisiúnta a ghlacfaidh siad sa réimse a chumhdaítear leis an Treoir seo a chur in iúl don Choimisiún.

Airteagal 16

Teacht i bhfeidhm

Tiocfaidh an Treoir seo i bhfeidhm an fichiú lá tar éis lá a foilsithe in Iris Oifigiúil an Aontais Eorpaigh.

Airteagal 17

Seolaithe

Is chuig na Ballstáit a dhírítear an Treoir seo.

Arna dhéanamh sa Bhruiséil,

RÁITEAS REACHTACH AIRGEADAIS AGUS DIGITEACH

1.LEAGAN AMACH AN TOGRA/TIONSCNAIMH3

1.1.Teideal an togra/tionscnaimh3

1.2.Réimsí beartais lena mbaineann3

1.3.Cuspóirí3

1.3.1.Cuspóirí ginearálta3

1.3.2.Cuspóirí sonracha3

1.3.3.An toradh agus an tionchar a mheastar a bheidh ann3

1.3.4.Táscairí feidhmíochta3

1.4.Baineann an togra/tionscnamh le:4

1.5.Foras an togra/tionscnaimh4

1.5.1.Na ceanglais is gá a chomhlíonadh sa ghearrthéarma nó san fhadtéarma, lena n‑áirítear amlíne mhionsonraithe maidir le cur chun feidhme céimneach an tionscnaimh4

1.5.2.Breisluach a bhaineann le rannpháirteachas an Aontais (tá rudaí éagsúla a bhféadfadh an breisluach sin eascairt astu, e.g. gnóthachain de thoradh comhordú, deimhneacht dhlíthiúil, breis éifeachtachta nó comhlántachtaí). Chun críocha na roinne seo, is é a chiallaíonn ‘breisluach a bhaineann le rannpháirteachas an Aontais’ an luach a thagann as idirghabháil an Aontais, ar luach é atá sa bhreis ar an luach a bheadh ann dá mbeadh na Ballstáit ag feidhmiú leo féin.4

1.5.3.Ceachtanna a foghlaimíodh ó thaithí eile den sórt sin san am a chuaigh thart4

1.5.4.Comhoiriúnacht don chreat airgeadais ilbhliantúil agus sineirgí a d’fhéadfadh a bheith ann le hionstraimí iomchuí eile5

1.5.5.Measúnú ar na roghanna éagsúla maoinithe atá ar fáil, lena n‑áirítear na féidearthachtaí athshannadh a dhéanamh5

1.6.Fad an togra/tionscnaimh agus an fad a mhairfidh an tionchar airgeadais a bheidh aige6

1.7.Na modhanna atá beartaithe chun an buiséad a chur chun feidhme6

2.BEARTA BAINISTÍOCHTA8

2.1.Rialacha faireacháin agus tuairiscithe8

2.2.Córais bainistíochta agus rialaithe8

2.2.1.An réasúnaíocht atá leis na modhanna cur chun feidhme buiséid atá beartaithe, leis na sásraí cur chun feidhme cistithe atá beartaithe, leis na módúlachtaí íocaíochta atá beartaithe agus leis an straitéis rialaithe atá beartaithe8

2.2.2.Faisnéis faoi na rioscaí a aithníodh agus na córais rialaithe inmheánacha a cuireadh ar bun chun na rioscaí a mhaolú8

2.2.3.Meastachán ar chostéifeachtacht na rialuithe agus an bonn cirt atá leis sin (an cóimheas idir na costais rialaithe agus luach na gcistí gaolmhara arna mbainistiú), agus measúnú ar an leibhéal riosca earráide a mheastar a bheidh ann (tráth an íocaíocht a dhéanamh agus tráth an clár a dhúnadh)8

2.3.Bearta chun calaois agus neamhrialtachtaí a chosc9

3.AN TIONCHAR AIRGEADAIS A MHEASTAR A BHEIDH AG AN TOGRA/TIONSCNAMH10

3.1.Ceannteidil an chreata airgeadais ilbhliantúil agus na línte buiséid caiteachais ar a n‑imreofar tionchar10

3.2.An tionchar airgeadais a mheastar a bheidh ag an togra ar leithreasuithe12

3.2.1.Achoimre ar an tionchar a mheastar a imreofar ar leithreasuithe faoi chomhair oibríochtaí12

3.2.1.1.Leithreasuithe ón mbuiséad ar vótáladh ina fhabhar12

3.2.1.2.Leithreasuithe ó ioncaim shannta sheachtracha17

3.2.2.An t‑aschur a mheastar a chisteofar ó leithreasuithe faoi chomhair oibríochtaí22

3.2.3.Achoimre ar an tionchar a mheastar a imreofar ar leithreasuithe riaracháin24

3.2.3.1. Leithreasuithe ón mbuiséad ar vótáladh ina fhabhar24

3.2.3.2.Leithreasuithe ó ioncaim shannta sheachtracha24

3.2.3.3.Iomlán na leithreasuithe24

3.2.4.Na hacmhainní daonna a mheastar a bheidh riachtanach25

3.2.4.1.Nithe arna maoiniú ón mbuiséad ar vótáladh ina fhabhar25

3.2.4.2.Nithe arna maoiniú ó ioncaim shannta sheachtracha26

3.2.4.3.Iomlán na n‑acmhainní daonna a bheidh riachtanach26

3.2.5.Forbhreathnú ar an tionchar a mheastar a imreofar ar infheistíochtaí a bhaineann le teicneolaíochtaí digiteacha28

3.2.6.Comhoiriúnacht don chreat airgeadais ilbhliantúil reatha28

3.2.7.Ranníocaíochtaí ó thríú páirtithe28

3.3.An tionchar a mheastar a bheidh ar ioncam29

4.Gnéithe digiteacha29

4.1.Riachtanais a bhaineann le hábhar maidir le cúrsaí digiteacha30

4.2.Sonraí30

4.3.Réitigh dhigiteacha31

4.4.Measúnú idir-inoibritheachta31

4.5.Bearta chun tacú le cur chun feidhme digiteach32

1.LEAGAN AMACH AN TOGRA/TIONSCNAIMH 

1.1.Teideal an togra/tionscnaimh

1.2.Réimsí beartais lena mbaineann 

1.3.Cuspóirí

1.3.1.Cuspóirí ginearálta

1.3.2.Cuspóirí sonracha

1.3.3.An toradh agus an tionchar a mheastar a bheidh ann

Sonraigh an tionchar a bheadh ag an togra/tionscnamh ar na tairbhithe/grúpaí ar a bhfuil sé dírithe.

1.3.4.Táscairí feidhmíochta

Sonraigh na táscairí chun faireachán a dhéanamh ar dhul chun cinn agus ar ghnóthachain.

1.4.Baineann an togra/tionscnamh le: Ceann ar bith díobh seo thíos.

 beart nua 

 beart nua a leanann treoirthionscadal / réamhbheart 22  

 síneadh ar bheart atá ann cheana 

 beart nó bearta a chumasc nó a atreorú i dtreo beart eile/beart nua

1.5.Foras an togra/tionscnaimh 

1.5.1.Na ceanglais is gá a chomhlíonadh sa ghearrthéarma nó san fhadtéarma, lena n‑áirítear amlíne mhionsonraithe maidir le cur chun feidhme céimneach an tionscnaimh

1.5.2.Breisluach a bhaineann le rannpháirteachas an Aontais (tá rudaí éagsúla a bhféadfadh an breisluach sin eascairt astu, e.g. gnóthachain de thoradh comhordú, deimhneacht dhlíthiúil, breis éifeachtachta nó comhlántachtaí). Chun críocha na roinne seo, is é a chiallaíonn ‘breisluach a bhaineann le rannpháirteachas an Aontais’ an luach a thagann as idirghabháil an Aontais, ar luach é atá sa bhreis ar an luach a bheadh ann dá mbeadh na Ballstáit ag feidhmiú leo féin.

1.5.3.Ceachtanna a foghlaimíodh ó thaithí eile den sórt sin san am a chuaigh thart

1.5.4.Comhoiriúnacht don chreat airgeadais ilbhliantúil agus sineirgí a d’fhéadfadh a bheith ann le hionstraimí iomchuí eile

1.5.5.Measúnú ar na roghanna éagsúla maoinithe atá ar fáil, lena n‑áirítear na féidearthachtaí athshannadh a dhéanamh

1.6.Fad an togra/tionscnaimh agus an fad a mhairfidh an tionchar airgeadais a bheidh aige

 tréimhse theoranta

–    i bhfeidhm ón [LL/MM]BBBB go dtí an [LL/MM]BBBB

–    tionchar airgeadais ó BBBB go BBBB maidir le leithreasuithe faoi chomhair gealltanas agus ó BBBB go BBBB maidir le leithreasuithe faoi chomhair íocaíochtaí.

 tréimhse neamhtheoranta

–Cuirfear chun feidhme é le linn na tréimhse tosaigh BBBB go BBBB,

–agus cuirfear ag feidhmiú go hiomlán ina dhiaidh sin é.

1.7.Na modhanna atá beartaithe chun an buiséad a chur chun feidhme 23   

 Bainistíocht dhíreach a dhéanann an Coimisiún

– ina ranna, lena n‑áirítear an chuid sin den fhoireann atá i dtoscaireachtaí an Aontais;

–    trí na gníomhaireachtaí feidhmiúcháin

 Bainistíocht atá comhroinnte leis na Ballstáit

 Bainistíocht indíreach trí chúraimí a bhaineann le cur chun feidhme an bhuiséid a shannadh dóibh seo a leanas:

– tríú tíortha nó na comhlachtaí a d’ainmnigh siad

– eagraíochtaí idirnáisiúnta agus a ngníomhaireachtaí (tabhair sonraí)

– an Banc Eorpach Infheistíochta agus an Ciste Eorpach Infheistíochta

– comhlachtaí dá dtagraítear in Airteagail 70 agus 71 den Rialachán Airgeadais

– comhlachtaí dlí poiblí

– comhlachtaí arna rialú ag an dlí príobháideach agus a bhfuil misean seirbhíse poiblí acu sa mhéid go soláthraítear ráthaíochtaí airgeadais leordhóthanacha dóibh

– comhlachtaí arna rialú ag dlí príobháideach Ballstáit, ar comhlachtaí iad a bhfuil sé de chúram orthu comhpháirtíocht phríobháideach phoiblí a chur chun feidhme agus dá soláthraítear ráthaíochtaí airgeadais leordhóthanacha

– comhlachtaí nó daoine a bhfuil sé de chúram orthu bearta sonracha de chuid an chomhbheartais eachtraigh agus slándála a chur chun feidhme de bhun Theideal V den Chonradh ar an Aontas Eorpach, ar comhlachtaí nó daoine iad a aithnítear sa bhunghníomh ábhartha

–comhlachtaí arna mbunú i mBallstát, arna rialú ag dlí príobháideach Ballstáit nó ag dlí an Aontais agus atá incháilithe le go gcuirfear de chúram orthu, i gcomhréir le rialacha earnáilsonracha, cistí an Aontais nó ráthaíochtaí buiséadacha a chur chun feidhme, a mhéid a bhíonn na comhlachtaí sin á rialú ag comhlachtaí dlí poiblí nó ag comhlachtaí arna rialú ag an dlí príobháideach a bhfuil misean seirbhíse poiblí acu, agus a mhéid a sholáthraíonn na comhlachtaí rialúcháin ráthaíochtaí airgeadais leordhóthanacha dóibh i bhfoirm dliteanas comhpháirteach agus leithleach nó ráthaíochtaí airgeadais coibhéiseacha, agus ar ráthaíochtaí iad a d’fhéadfadh, le haghaidh gach birt, a bheith teoranta d’uasmhéid thacaíocht an Aontais.

Nótaí

2.BEARTA BAINISTÍOCHTA 

2.1.Rialacha faireacháin agus tuairiscithe 

2.2.Córais bainistíochta agus rialaithe 

2.2.1.An réasúnaíocht atá leis na modhanna cur chun feidhme buiséid atá beartaithe, leis na sásraí cur chun feidhme cistithe atá beartaithe, leis na módúlachtaí íocaíochta atá beartaithe agus leis an straitéis rialaithe atá beartaithe

2.2.2.Faisnéis faoi na rioscaí a aithníodh agus na córais rialaithe inmheánacha a cuireadh ar bun chun na rioscaí a mhaolú

2.2.3.Meastachán ar chostéifeachtacht na rialuithe agus an bonn cirt atá leis sin (an cóimheas idir na costais rialaithe agus luach na gcistí gaolmhara arna mbainistiú), agus measúnú ar an leibhéal riosca earráide a mheastar a bheidh ann (tráth an íocaíocht a dhéanamh agus tráth an clár a dhúnadh) 

2.3.Bearta chun calaois agus neamhrialtachtaí a chosc 

3.AN TIONCHAR AIRGEADAIS A MHEASTAR A BHEIDH AG AN TOGRA/TIONSCNAMH 

3.1.Ceannteidil an chreata airgeadais ilbhliantúil agus na línte buiséid caiteachais ar a n‑imreofar tionchar 

·Línte buiséid atá ann cheana

In ord cheannteidil agus línte buiséid an chreata airgeadais ilbhliantúil.

·Línte nua buiséid atá á n‑iarraidh

In ord cheannteidil agus línte buiséid an chreata airgeadais ilbhliantúil.

3.2.An tionchar airgeadais a mheastar a bheidh ag an togra ar leithreasuithe 

3.2.1.Achoimre ar an tionchar a mheastar a imreofar ar leithreasuithe faoi chomhair oibríochtaí 

–    Ní éilíonn an togra/tionscnamh go n‑úsáidfear leithreasuithe faoi chomhair oibríochtaí

–    Éilíonn an togra/tionscnamh go n‑úsáidfear leithreasuithe faoi chomhair oibríochtaí, mar a mhínítear thíos

3.2.1.1.Leithreasuithe ón mbuiséad ar vótáladh ina fhabhar

EUR milliúin (go dtí an tríú deachúil)

EUR milliúin (go dtí an tríú deachúil)

3.2.1.2.Leithreasuithe ó ioncaim shannta sheachtracha

EUR milliúin (go dtí an tríú deachúil)

==================================================================================================

EUR milliúin (go dtí an tríú deachúil)

EUR milliúin (go dtí an tríú deachúil)