—

ag féachaint d’Airteagal 3(5) den Chonradh ar an Aontas Eorpach agus d’Airteagail 13 agus 208(1) den Chonradh ar Fheidhmiú an Aontais Eorpaigh (CFAE),

—

ag féachaint do Chinneadh (AE) 2022/591 ó Pharlaimint na hEorpa agus ón gComhairle an 6 Aibreán 2022 maidir le Clár Ginearálta Gníomhaíochta Comhshaoil an Aontais go dtí 2030 (1),

—

ag féachaint don ráiteas comhpháirteach ón gComhairle agus ó ionadaithe rialtais na mBallstát ag teacht le chéile dóibh i dtionól na Comhairle, ó Pharlaimint na hEorpa agus ón gCoimisiún an 30 Meitheamh 2017 i dtaca leis an gComhdhearcadh Eorpach Nua maidir le Forbairt – Our world, our dignity, our future [Ár ndomhan, ár ndínit, ár dtodhchaí] (2),

—

ag féachaint do rún uaithi an 8 Meán Fómhair 2015 maidir leis an obair leantach ar an Tionscnamh Eorpach ó na Saoránaigh Right2Water (3) agus dá rún an 5 Deireadh Fómhair 2022 maidir le rochtain ar uisce mar cheart daonna — an ghné sheachtrach (4),

—

ag féachaint do rún uaithi an 28 Samhain 2019 maidir leis an éigeandáil aeráide agus chomhshaoil, (5)

—

ag féachaint do rún uaithi an 9 Meitheamh 2021 maidir le EU Biodiversity Strategy for 2030: Bringing nature back into our lives [Straitéis Bhithéagsúlachta an Aontais Eorpaigh go dtí 2030: An dúlra a thabhairt ar ais inár saol] (6),

—

ag féachaint do rún uaithi an 6 Iúil 2022 maidir le plean gníomhaíochta AE don gheilleagar sóisialta (7),

—

ag féachaint don rún ó Chomhthionól Ginearálta na Náisiún Aontaithe an 27 Márta 2023 dar teideal Promoting the Social and Solidarity Economy for Sustainable Development [An Geilleagar Sóisialta agus Dlúthpháirtíochta don Fhorbairt Inbhuanaithe a chur chun cinn],

—

ag féachaint don rún ón Eagraíocht Idirnáisiúnta Saothair maidir le hobair chuibhiúil agus an geilleagar cúraim, a glacadh ag an 112ú Comhdháil Idirnáisiúnta Saothair an 14 Meitheamh 2024,

—

ag féachaint do rún uaithi an 6 Iúil 2022 maidir le haghaidh a thabhairt ar shlándáil bia i dtíortha i mbéal forbartha (8),

—

ag féachaint do rún uaithi an 24 Samhain 2022 ar an Ollstruchtúr Airgeadais Eorpach don Fhorbairt a bheidh ann amach anseo (9),

—

ag féachaint do rún uaithi an 14 Márta 2023 maidir le Comhtháthú Beartas ar mhaithe le Forbairt (10),

—

ag féachaint do rún uaithi an 23 Meitheamh 2023 maidir le cur chun feidhme agus baint amach na Spriocanna Forbartha Inbhuanaithe (SFInna) (11),

—

ag féachaint don mholadh uaidh an 19 Nollaig 2024 chuig an gComhairle maidir le tosaíochtaí an Aontais Eorpaigh don 69ú seisiún de Choimisiún na Náisiún Aontaithe um Stádas na mBan (12),

—

ag féachaint dá rún an 11 Aibreán 2024 maidir leis an gceart chun ginmhillte a áireamh i gCairt um Chearta Bunúsacha an Aontais (13),

—

ag féachaint dá rún an 24 Meitheamh 2021 ar staid na sláinte agus na gceart gnéis agus atáirgthe san Aontas, faoi chuimsiú shláinte na mban (14),

—

ag féachaint do dhoiciméad inmheánach oibre ón gCoimisiún an 18 Samhain 2020 dar teideal [Spriocanna Forbartha Inbhuanaithe na Náisiún Aontaithe a bhaint amach – Cur chuige cuimsitheach] (SWD(2020)0400),

—

ag féachaint do dhoiciméad inmheánach oibre de chuid an Choimisiúin an 3 Samhain 2021 dar teideal Better Regulation Guidelines [Treoirlínte maidir le Rialáil Níos Fearr] (SWD(2021)0305) agus don Bhosca Uirlisí um Rialáil Níos Fearr ó mhí Iúil 2023,

—

ag féachaint do chomhtháthú na Spriocanna Forbartha Inbhuanaithe sa chreat um rialáil níos fearr, lena n-áirítear teachtaireacht ón gCoimisiún an 29 Aibreán 2021 dar teideal [Rialáil Níos Fearr: Oibriú as lámh a chéile chun dlíthe níos fearr a dhéanamh] (COM(2021)0219),

—

ag féachaint do chonclúidí ón gComhairle an 26 Bealtaine 2015 maidir le díothú na bochtaineachta agus an fhorbairt inbhuanaithe tar éis 2015,

—

ag féachaint do chonclúidí ón gComhairle an 24 Deireadh Fómhair 2019 maidir le Geilleagar na Dea-Bhaile (15) agus do chonclúidí ón gComhairle an 24 Meitheamh 2024 maidir le tosaíochtaí an Aontais ag na Náisiúin Aontaithe le linn an 79ú seisiún de Chomhthionól Ginearálta na Náisiún Aontaithe, Meán Fómhair 2024 - Meán Fómhair 2025,

—

ag féachaint do chonclúidí ón gComhairle an 22 Meitheamh 2021 dar teideal [Cur chuige cuimsitheach chun dlús a chur le cur chun feidhme Chlár Oibre 2030 na Náisiún Aontaithe don Fhorbairt Inbhuanaithe – Atógáil ar bhealach níos fearr tar éis ghéarchéim COVID-19],

—

ag féachaint do mholadh ón gComhairle an 16 Meitheamh 2022 maidir le Foghlaim don Aistriú Glas agus don fhorbairt inbhuanaithe,

—

ag féachaint do chonclúidí ón gComhairle an 21 Meitheamh 2022 dar teideal [Ról claochlaitheach an oideachais don fhorbairt inbhuanaithe agus don tsaoránacht dhomhanda mar uirlis ríthábhachtach chun na Spriocanna Forbartha Inbhuanaithe (SFInna) a bhaint amach],

—

ag féachaint don chonclúid ón gComhairle an 24 Meitheamh 2024 maidir le spriocanna an Aontais i réimse na cabhrach forbraíochta,

—

ag féachaint do theachtaireacht ón gCoimisiún an 11 Nollaig 2019 dar teideal The European Green Deal [An Comhaontú Glas don Eoraip] (COM(2019)0640),

—

ag féachaint do Theachtaireacht ón gCoimisiún an 11 Márta 2020 dar teideal A new Circular Economy Action Plan – For a cleaner and more competitive Europe [Plean Gníomhaíochta nua don Gheilleagar Ciorclach – I gcomhair Eoraip níos glaine agus níos iomaíche] (COM(2020)0098),

—

ag féachaint do theachtaireacht ón gCoimisiún an 12 Bealtaine 2021 dar teideal Pathway to a Healthy Planet for All – EU Action Plan: Towards Zero Pollution for Air, Water and Soil [Conair i dtreo Pláinéad Sláintiúil do Chách - Plean Gníomhaíochta AE: I dtreo Uisce, Aer agus Ithir Saor ó Thruailliú] (COM(2021)0400),

—

ag féachaint do thuarascáil ón nGníomhaireacht Eorpach Chomhshaoil agus ó Airmheán Comhpháirteach Taighde an Choimisiúin an 3 Márta 2025 dar teideal Zero pollution monitoring and outlook 2025 [Faireachán agus ionchas i dtaobh truailliú nialasach, 2025],

—

ag féachaint do theachtaireacht ón gCoimisiún an 23 Feabhra 2022 maidir le hobair chuibhiúil ar fud an domhain le haghaidh aistriú cóir domhanda agus téarnamh inbhuanaithe (COM(2022)0066),

—

ag féachaint do theachtaireacht ón gCoimisiún an 12 Márta 2024 dar teideal [Rioscaí aeráide a bhainistiú – daoine agus rathúnas a chosaint] (COM(2024)0091),

—

ag féachaint do theachtaireacht ón gCoimisiún an 26 Feabhra 2025 dar teideal ‘An Comhaontú maidir le Tionsclaíocht Ghlan: Treochlár comhpháirteach don iomaíochas agus don dícharbónú’ (COM(2025)0085),

—

ag féachaint don teachtaireacht ón gCoimisiún an 7 Márta 2025 dar teideal ‘Treochlár um Chearta na mBan’ (COM(2025)0097),

—

ag féachaint do na litreacha misin ó Uachtarán an Choimisiúin, Ursula von der Leyen, chuig na 26 Choimisinéir Eorpacha,

—

ag féachaint do thuarascáil ón nGníomhaireacht Eorpach Chomhshaoil an 4 Nollaig 2019 dar teideal The European environment – state and outlook 2020: Knowledge for transition to a sustainable Europe [Comhshaol na hEorpa – staid agus forbhreathnú 2020: Eolas ar mhaithe leis an aistriú chuig Eoraip inbhuanaithe],

—

ag féachaint do Straitéis Sláinte Domhanda an Aontais Eorpaigh,

—

ag féachaint do Phlean Gníomhaíochta III AE maidir le hInscne (GAP III),

—

ag féachaint do Straitéis Bhithéagsúlachta AE do 2030,

—

ag féachaint do straitéis cúraim na hEorpa,

—

ag féachaint don chéad athbhreithniú deonach de chuid an Aontais ar chur chun feidhme na Spriocanna Forbartha Inbhuanaithe, arna chur faoi bhráid na Náisiún Aontaithe an 19 Iúil 2023,

—

ag féachaint do thuarascáil faireacháin 2024 ó Eurostat ar an dul chun cinn i leith na Spriocanna Forbartha Inbhuanaithe i gcomhthéacs an Aontais Eorpaigh, a foilsíodh an 18 Meitheamh 2024,

—

ag féachaint do thuairimí ó Choiste Eacnamaíoch agus Sóisialta na hEorpa an 19 Meán Fómhair 2018 dar teideal Indicators better suited to evaluate the SDGs – the civil society contribution [Táscairí níos oiriúnaí chun meastóireacht a dhéanamh ar SFInna – rannchuidiú na sochaí sibhialta], an 30 Deireadh Fómhair 2019 dar teideal Leaving no one behind when implementing the 2030 Sustainable Development Agenda [Gan aon duine a fhágáil ar lár agus Clár Oibre 2030 don Fhorbairt Inbhuanaithe á chur chun feidhme], agus an 8 Nollaig 2021 dar teideal Renewed sustainable finance strategy [Straitéis athnuaite maidir le maoiniú inbhuanaithe],

—

ag féachaint do Rún 70/1 ó na Náisiúin Aontaithe dar teideal [An domhan a chlaochlú: Clár oibre 2030 don Fhorbairt Inbhuanaithe] (Clár Oibre 2030), a glacadh ag Cruinniú Mullaigh sin na Náisiún Aontaithe maidir le Forbairt Inbhuanaithe a bhí ar siúl an 25 Meán Fómhair 2015 i Nua-Eabhrac, agus lena mbunaítear na Spriocanna Forbartha Inbhuanaithe,

—

ag féachaint don Choinbhinsiún maidir le gach cineál Idirdhealaithe in aghaidh na mBan a Dhíothú (CEDAW),

—

ag féachaint do Choinbhinsiún na Náisiún Aontaithe maidir leis an Éagsúlacht Bhitheolaíoch (UNCBD) agus do Chreat Domhanda Bithéagsúlachta Kunming-Montréal, a comhaontaíodh ag an 15ú cruinniú de Chomhdháil na bPáirtithe in UNCBD,

—

ag féachaint do Choinbhinsiún na Náisiún Aontaithe ar Chearta Daoine faoi Mhíchumas (CRPD) agus do Straitéis an Aontais Eorpaigh maidir le Cearta Daoine faoi Mhíchumas, 2021-2030,

—

ag féachaint do Chreat Sendai um Laghdú Rioscaí Tubaiste, 2015-2030, a ghlac Ballstáit na Náisiún Aontaithe ag an Tríú Comhdháil Dhomhanda de chuid na Náisiún Aontaithe maidir le Laghdú Rioscaí Tubaistí an 18 Márta 2015,

—

ag féachaint do Chreat-Choinbhinsiún na Náisiún Aontaithe ar an Athrú Aeráide (UNFCCC) agus do Chomhaontú Pháras a glacadh ag an 21ú Comhdháil de chuid na bPáirtithe i gCreat-Choinbhinsiún na Náisiún Aontaithe ar an Athrú Aeráide (COP21) i bPáras an 12 Nollaig 2015,

—

ag féachaint do Deich mBliana na Náisiún Aontaithe 2021-2030 maidir le hEolaíocht Aigéin um Fhorbairt Inbhuanaithe,

—

ag féachaint do Ghealltanas Buenos Aires, lena leagtar amach bealach chun cinn maidir le sochaí chúraim, a glacadh ag an 15ú Comhdháil Réigiúnach maidir le Mná i Meiriceá Laidineach agus i Muir Chairib, a d’eagraigh an Coimisiún Eacnamaíoch do Mheiriceá Laidineach agus do Mhuir Chairib, an Oifig Réigiúnach do Chríocha Mheiriceá agus do Mhuir Chairib de chuid Eintiteas na Náisiún Aontaithe um Chomhionannas Inscne agus Cumhachtú na mBan (Mná na Náisiún Aontaithe), agus Rialtas na hAirgintíne, agus a tionóladh in Buenos Aires ón 7 go dtí an 11 Samhain 2022,

—

ag féachaint do thuarascáil chomhpháirteach 2024 dar teideal Are we getting there? A synthesis of the UN system evaluations of SDG 5 ‘An bhfuilimidann go fóill? Sintéis de mheastóireachtaí chóras na Náisiún Aontaithe ar SFI 5’, arna fhoilsiú ag Mná na Náisiún Aontaithe, Clár Forbartha na Náisiún Aontaithe, Ciste Daonra na Náisiún Aontaithe, Ciste Leanaí na Náisiún Aontaithe agus an Clár Domhanda Bia,

—

ag féachaint do chomhaontú faoi Choinbhinsiún na Náisiún Aontaithe maidir le Dlí na Farraige i dtaca le caomhnú agus úsáid inbhuanaithe na bithéagsúlachta muirí i limistéir lasmuigh den dlínse náisiúnta (BBNJ) an 4 Márta 2023 (Conradh na Náisiún Aontaithe ar an Mórmhuir),

—

ag féachaint don Dearbhú maidir le Foréigean in aghaidh na mBan a Dhíothú,

—

ag féachaint d’Innéacs Comhionannais Inscne 2024 ón Institiúid Eorpach um Chomhionannas Inscne,

—

ag féachaint d’Ardán Bhéising le haghaidh Gníomhaíochta agus do thorthaí a chomhdhálacha athbhreithnithe,

—

ag féachaint do rún 48/13 ó Chomhairle na Náisiún Aontaithe um Chearta an Duine, a glacadh an 8 Deireadh Fómhair 2021, agus do rún 76/300 ó Chomhthionól Ginearálta na Náisiún Aontaithe, a glacadh an 28 Iúil 2022, maidir le ceart an duine chun comhshaoil ghlain, shláintiúil agus inbhuanaithe agus do rún 2545 (2024) ó Thionól Parlaiminteach Chomhairle na hEorpa, a glacadh an 18 Aibreán 2024, maidir le ceart an duine chun comhshaoil shábháilte, ghlain, shláintiúil agus inbhuanaithe a phríomhshruthú le próiseas Reykjavik,

—

ag féachaint do rún 5/10 ó Chomhthionól Comhshaoil na Náisiún Aontaithe (UNEA). [An ghné chomhshaoil de théarnamh iar-COVID-19 atá inbhuanaithe, athléimneach agus cuimsitheach], a glacadh an 2 Márta 2022,

—

ag féachaint do Thuarascáil na Náisiún Aontaithe ar an bhForbairt Inbhuanaithe Dhomhanda, 2019, dar teideal [Tá an Todhchaí Buailte Linn; Eolaíocht chun an Fhorbairt Inbhuanaithe a bhaint amach],

—

ag féachaint don tuarascáil ó Ardrúnaí na Náisiún Aontaithe dar teideal [Ár gComhchlár Oibre], a cuireadh faoi bhráid Chomhthionól Ginearálta na Náisiún Aontaithe, agus don sainordú a tugadh le Rún 76/6 ó Chomhthionól Ginearálta na Náisiún Aontaithe an 15 Samhain 2021 d’Ardrúnaí na Náisiún Aontaithe maidir le hobair leantach a dhéanamh ar a thuarascáil,

—

ag féachaint do Thuarascáil na Náisiún Aontaithe ar an bhForbairt Inbhuanaithe, 2021, dar teideal [Deich mBliana Gníomhaíochta le haghaidh na Spriocanna Forbartha Inbhuanaithe], agus do Thuarascáil na Náisiún Aontaithe ar an bhForbairt Inbhuanaithe, 2022, dar teideal [Ó Ghéarchéim go Forbairt Inbhuanaithe: SFInna mar Threochlár go dtí 2030 agus ina dhiaidh sin],

—

ag féachaint do Thuarascáil na Náisiún Aontaithe ar na Spriocanna Forbartha Inbhuanaithe, 2024,

—

ag féachaint do thuarascáil speisialta 2018 ón bPainéal Idir-Rialtasach ar an Athrú Aeráide ar théamh domhanda 1.5°C, don tuarascáil speisialta uaidh ar an athrú aeráide agus ar thalamh, don tuarascáil speisialta uaidh ar an aigéan agus an crióisféar in aeráid atá ag athrú agus don séú tuarascáil mheasúnachta (AR6) uaidh,

—

ag féachaint do thuarascáil mheasúnachta dhomhanda ón Ardán Idir-Rialtasach maidir le Beartas Eolaíochta um Sheirbhísí Bithéagsúlachta agus Éiceachórais (IPBES) an 25 Samhain 2019 ar sheirbhísí bithéagsúlachta agus éiceachórais, agus do na tuarascálacha measúnachta is déanaí uaidh ar naisc agus ar athrú ó bhonn,

—

ag féachaint do thuarascáil ó Chlár Comhshaoil na Náisiún Aontaithe (UNEP) an 18 Feabhra 2021 dar teideal [Síochán a dhéanamh leis an Dúlra: treoirphlean eolaíoch chun dul i ngleic le héigeandálaí aeráide, bithéagsúlachta agus truaillithe]

—

ag féachaint d’fhoilseachán Roinn Gnóthaí Eacnamaíocha agus Sóisialta na Náisiún Aontaithe ó mhí Eanáir 2022 dar teideal [Dea-Chleachtais SFI: Cnuasach de scéalta ratha agus ceachtanna a foghlaimíodh i gcur chun feidhme na Spriocanna Forbartha Inbhuanaithe – An Dara hEagrán],

—

ag féachaint do thuarascáil ón Eagraíocht um Chomhar agus Forbairt Eacnamaíochta (ECFE) an 10 Samhain 2022 dar teideal [Ionchas Domhanda 2023 maidir le Maoiniú don Fhorbairt Inbhuanaithe: Ní Féidir Inbhuanaitheacht a bheith ann Gan Cothromas a bheith ann],

—

ag féachaint do Thuarascáil 2023/24 ar an bhForbairt Dhaonna dar teideal [An tSáinn a Shárú: Comhar a athshamhlú i saol deighilte’],

—

ag féachaint do thuarascáil mhí Aibreáin 2024 ó Thascfhórsa Idirghníomhaireachta na Náisiún Aontaithe um Maoiniú don Fhorbairt, dar teideal Financing for Sustainable Development Report 2024: Financing for Development at a Crossroads ‘Maoiniú don Fhorbairt Inbhuanaithe 2024: Maoiniú d’Fhorbairt ag Crosbhealach’,

—

ag féachaint do thionscnamh Ardrúnaí na Náisiún Aontaithe dar teideal [Na Spriocanna Forbartha Inbhuanaithe ina spreagadh le Clár Oibre 2030 a bhaint amach] ó mhí Feabhra 2023,

—

ag féachaint do Thionscnamh Bridgetown a seoladh an 23 Meán Fómhair 2022,

—

ag féachaint don tionscnamh ‘Aon Sláinte Amháin’ de chuid na hEagraíochta Domhanda Sláinte (EDS) agus don Phlean Gníomhaíochta Comhpháirteach ‘Aon Sláinte Amháin’ (2022-2026) ó EDS, Eagraíocht Bhia agus Talmhaíochta na Náisiún Aontaithe (FAO), an Eagraíocht Dhomhanda um Shláinte Ainmhithe, agus UNEP,

—

ag féachaint do thuarascáil 2024 ó EDS maidir leis an dul chun cinn i dtaobh an Phlean Gníomhaíochta Domhanda maidir le Saol Sláintiúil agus Folláine do Chách,

—

ag féachaint don Tionscnamh Spotsolais chun an foréigean in aghaidh na mban agus na gcailíní a dhíothú,

—

ag féachaint do Threoirlínte Deonacha FAO maidir leis an Iascach Inbhuanaithe ar Mionscála a Chinntiú i gComhthéacs na Slándála Bia agus Dhíothú na Bochtaineachta,

—

ag féachaint don Chruinniú Mullaigh le haghaidh Comhshocrú Airgeadais Domhanda nua a bhí ar siúl i bPáras i Meitheamh 2023,

—

ag féachaint do Chruinniú Mullaigh 2023 maidir leis na Spriocanna Forbartha Inbhuanaithe a bhí ar siúl i Meán Fómhair 2023, le linn sheachtain ardleibhéil Chomhthionól Ginearálta na Náisiún Aontaithe,

—

ag féachaint do Chruinniú Mullaigh na Todhchaí a tionóladh an 22 agus an 23 Meán Fómhair 2024 i Nua-Eabhrac, don toradh a bhí air, don Chomhshocrú don Todhchaí, ina ngealltar 56 ghníomhaíocht a dhéanamh chun dlús a chur leis an bhforbairt inbhuanaithe agus chun í a mhaoiniú, agus don dá Iarscríbhinn a ghabhann leis, don Chomhshocrú Digiteach Domhanda agus don Dearbhú maidir leis na glúnta a bheidh ann amach anseo,

—

ag féachaint don 4ú Comhdháil Idirnáisiúnta um Maoiniú Forbraíochta a bhí ar siúl in Sevilla na Spáinne, ón 30 Meitheamh go dtí an 3 Iúil 2025,

—

ag féachaint don tuarascáil ón Líonra Réitigh um Fhorbairt Inbhuanaithe ó mhí Eanáir 2025 dar teideal Europe Sustainable Development Report 2025: SDG Priorities for the New EU Leadership [Tuarascáil 2025 maidir le Forbairt Inbhuanaithe na hEorpa: Tosaíochtaí SFInna do Cheannaireacht Nua an Aontais],

—

ag féachaint don bhunachar sonraí ar líne dar teideal SDG Acceleration Actions [Gníomhaíochtaí Luasghéaraithe SFI],

—

ag féachaint do na tionscnaimh náisiúnta agus réigiúnacha atá ann cheana lena spreagtar comhlíonadh na Spriocanna Forbartha Inbhuanaithe,

—

ag féachaint do Riail 55 dá Rialacha Nós Imeachta,

—

ag féachaint do chomhphléití an Choiste um Fhorbairt agus an Choiste um an gComhshaol, um an Aeráid agus um Shábháilteacht Bia faoi Riail 59 de na Rialacha Nós Imeachta,

—

ag féachaint don tuarascáil ón gCoiste um Fhorbairt agus ón gCoiste um an gComhshaol, um an Aeráid agus um Shábháilteacht Bia (A10-0125/2025),

A.

de bhrí gurb iad Clár Oibre 2030 agus na 17 SFI chomhtháite, lena n-áirítear a 169 sprioc agus 247 dtáscaire, an t-aon chreat atá comhroinnte agus comhaontaithe go polaitiúil ar fud an domhain le haghaidh beartais fhianaise-bhunaithe chun aghaidh a thabhairt ar dhúshláin choiteanna agus chun forbairt inbhuanaithe a bhaint amach ina dtrí ghné — an ghné eacnamaíoch, an ghné shóisialta agus an ghné chomhshaoil — ar bhealach cothrom agus comhtháite;

B.

de bhrí go bhfuil gealltanas tugtha ag Ballstáit na Náisiún Aontaithe na SFInna a bhaint amach faoi 2030; de bhrí nach bhfuil dul chun cinn á dhéanamh ach i leith 17 % de na SFInna, gur beag dul chun cinn atá á dhéanamh i leith leath na SFInna, geall leis, nó gur dul chun cinn measartha atá á dhéanamh ina leith, agus nach bhfuil aon dul chun cinn á dhéanamh i leith níos mó ná aon trian de na SFInna, nó go bhfuil an dul chun cinn ina leith dulta ar gcúl fiú i dtreo is go bhfuil sé faoi bhun leibhéil bhonnlíne 2015; de bhrí go léiríonn na céimeanna tábhachtacha atá déanta cheana i réimsí ríthábhachtacha an gá atá le gníomhaíocht phráinneach chun an treocht scanrúil sin a aisiompú agus gur cheart dóibh gníomhú mar dhreasacht chun na SFInna a chur chun feidhme ina n-iomláine;

C.

de bhrí go dtugtar le tuiscint le cur chun feidhme Chlár Oibre 2030 go bhfuil an fhorbairt eacnamaíoch fite fuaite leis an gceartas sóisialta, leis an dea-rialachas agus le hurraim do chearta an duine; de bhrí go bhfuil iarmhairtí phaindéim COVID-19, an tírdhreach geopholaitiúil nua, coinbhleachtaí atá ag dul in olcas, teannas geopholaitiúil, sárú teorainneacha pláinéadacha, spleáchais mhéadaitheacha ar amhábhair agus ar mhianraí criticiúla, éifeachtaí diúltacha an athraithe aeráide agus chailliúint na bithéagsúlachta, agus géarchéimeanna iomadúla i réimsí éagsúla ag cur isteach go mór ar an dul chun cinn i dtreo SFInna a bhaint amach;

D.

de bhrí go meastar go sroichfidh líon na ndaoine breise atá faoi fhíorbhochtaineacht sna tíortha is boichte ar domhan 175 mhilliún duine faoi 2030, lena n-áirítear 89 milliún bean agus cailín (16); de bhrí go bhfuil daoine faoi mhíchumas níos leochailí i leith na bochtaineachta mar gheall ar dheiseanna fostaíochta agus oideachais laghdaithe, pá níos ísle agus costais mhaireachtála níos airde; de bhrí go bhfuil géarghá le gníomhaíocht chomhchoiteann bhreise chun freagairt don bhochtaineacht;

E.

de bhrí go bhfuil na SFInna, ós rud é go bhfuil siad uilíoch agus doroinnte, infheidhme maidir leis na gníomhaithe uile, lena n-áirítear an tsochaí shibhialta agus comhpháirtithe sóisialta, agus maidir leis an earnáil phoiblí agus leis an earnáil phríobháideach araon; de bhrí gur cheart do na gníomhaithe sin a bheith rannpháirteach go córasach i gceapadh agus i gcur chun feidhme beartas a bhaineann leis na SFInna; de bhrí go dtugann tiomantas na hearnála príobháidí do na SFInna an deis scála na ngníomhaíochtaí forbartha agus a n-inbhuanaitheacht a mhéadú trí phoist a chruthú, fás eacnamaíoch a spreagadh agus bochtaineacht a dhíothú;

F.

de bhrí gur leag AE béim ar a thiomantas doshéanta do Chlár Oibre 2030 agus dá SFInna; de bhrí nach bhfuil an dul chun cinn i dtreo spriocanna SFI a bhaint amach míchothrom ar fud thíortha na hEorpa agus nach bhfuil dul chun cinn suntasach léirithe ag go leor gnéithe den fhorbairt inbhuanaithe le 10 mbliana anuas, agus go bhfuil leibhéil mhéadaitheacha bhochtaineachta agus leibhéal méadaitheach neamhionannais idir tíortha agus laistigh díobh ina mbagairt don fhorbairt inbhuanaithe; de bhrí go léirítear sa tuarascáil is déanaí maidir le faireachán ar dhul chun cinn an 8ú Clár Gníomhaíochta don Chomhshaol nach bhfuil AE ar an mbóthar ceart chun na spriocanna a bhaint amach i gcás fhormhór na dtáscairí (17); de bhrí gur aithin an Coimisiún go bhfuil gá le tuilleadh dul chun cinn maidir le go leor SFInna ar leibhéal AE, agus go bhfuil sé níos práinní ná riamh dlús a chur le cur chun feidhme na SFInna, agus béim ar leith á leagan ar dhaoine leochaileacha;

G.

de bhrí nár cheap an Coimisiún straitéis uileghabhálach go fóill chun Clár Oibre 2030 a chur chun feidhme ar leibhéal AE ná plean maoinithe do na SFInna; de bhrí go bhfuil gealltanas tugtha ag an gCoimisiún cur chuige ‘uile-rialtais’ a ghlacadh maidir le cur chun feidhme SFInna agus gur cheart dá chlár oibre cur i gcrích Chlár Oibre 2030 a chothú; de bhrí gur cheart do AE dea-shampla a thabhairt chun rathúnas a áirithiú do na glúnta atá ann faoi láthair agus do na glúnta atá le teacht ar fud an domhain;

H.

de bhrí go dtionólfar Fóram Polaitiúil Ardleibhéil (HLPF) 2025 ón 14 go dtí an 23 Iúil 2025 faoi choimirce na Comhairle Eacnamaíche agus Sóisialta; de bhrí go ndíreofar leis an HLPF ar réitigh inbhuanaithe, chuimsitheacha, eolaíochtbhunaithe agus fhianaisebhunaithe a chur chun cinn i leith Chlár Oibre 2030 agus a SFInna, agus é mar aidhm leis nach bhfágfar aon duine ar lár; de bhrí go ndéanfar grinn-athbhreithnithe ann ar SFI 3 (Beatha shláintiúil a áirithiú agus folláine a chur chun cinn do chách ag gach aois), SFI 5 (Comhionannas inscne a bhaint amach agus gach bean agus cailín a chumhachtú), SFI 8 (Fás eacnamaíoch marthanach, cuimsitheach agus inbhuanaithe, fostaíocht iomlán agus tháirgiúil agus obair chuibhiúil do chách a chur chun cinn), SFI 14 (Na haigéin, na farraigí agus acmhainní muirí a chaomhnú agus a úsáid ar bhealach inbhuanaithe), agus SFI 17 (An chomhpháirtíocht dhomhanda um fhorbairt inbhuanaithe a athbheochan);

I.

de bhrí gur bunús fíor-riachtanach d’fholláine na ndaoine í an tsláinte; de bhrí gur staid iomlán fhisiceach, mheabhrach agus shóisialta í an tsláinte agus nach é amháin go bhfuil galar nó míchumas in easnamh (18); de bhrí gur chuir paindéim COVID-19 aisti féin deireadh le 10 mbliana de dhul chun cinn ar leibhéil dhomhanda ionchais saoil (19); de bhrí gurb iad galair neamhtheagmhálacha (NCDanna), lena n-áirítear galar cardashoithíoch, ailse, diaibéiteas, néaltrú agus galar riospráide ainsealach, na príomhchúiseanna báis ar domhan; de bhrí gur cúis imní í an tsábháilteacht ar bhóithre freisin;

J.

de bhrí gur toisc mhór é truailliú aeir do ghalair neamhtheagmhálacha agus gurb é is cúis le beagnach 7 milliún bás ar fud an domhain, agus go dtarlaíonn níos mó ná naoi gcinn as gach deich mbás i dtíortha ísealioncaim agus meánioncaim; de bhrí, ar leibhéal AE, go bhfuil truailliú aeir fós ar an mbaol is mó don tsláinte chomhshaoil, in ainneoin an dul chun cinn atá déanta, rud is cúis leis na céadta míle bás anabaí gach bliain;

K.

de bhrí go bhfuil comhionannas inscne ríthábhachtach d’fhorbairt chothrom, chuimsitheach agus inbhuanaithe; de bhrí, in ainneoin roinnt céimeanna chun cinn, go bhfuil neamhionannais shuntasacha fós ann; de bhrí go bhfuil gá le cearta na mban a threisiú, mná agus cailíní a chumhachtú, noirm shóisialta chlaonta a cheistiú, deireadh a chur le cleachtais dhíobhálacha agus dul i ngleic le hidirdhealú chun SFI 5 a chur chun cinn;

L.

de bhrí go bhfuil laghdú ag teacht ar chosaint na gceart saothair agus go bhfuil an neamhionannas ioncaim ag dul i méid; de bhrí gur shroich an bhearna dhomhanda post 402 mhilliún in 2024, agus go ndéanann fíorchineálacha bochtaineachta oibre difear do 240 milliún oibrí ar fud an domhain (20); de bhrí go mbíonn mná agus daoine óga thíos le rátaí dífhostaíochta níos airde; de bhrí nach bhfuil níos mó ná duine amháin as gach cúigear i mbun oideachais, fostaíochta ná oiliúna (21);

M.

de bhrí go gcumhdaíonn an t-aigéan níos mó ná 70 % de dhromchla ár bpláinéid agus gurb é an t-éiceachóras is mó atá aige é; de bhrí go bhfuil ról ríthábhachtach ag an aigéan mar rialtóir aeráide, go gcumasaíonn sé gníomhaíocht eacnamaíoch agus go gcuireann sé slite beatha ar fáil do níos mó ná 3 bhilliún duine; de bhrí gurb é an t-aigéan an comhghuaillí is mó ar domhan i gcoinne an athraithe aeráide toisc go ngineann sé 50 % d’ocsaigin an domhain, go n-ionsúnn sé 25 % de na hastaíochtaí dé-ocsaíde carbóin uile agus go ngabhann sé 90 % den fharasbarr teasa a ghineann na hastaíochtaí sin ach go bhfuil a acmhainneacht ionsúcháin ag laghdú; de bhrí go bhfuil tionchar mór ag truailliú, ídiú iascaigh, cailliúint gnáthóg cósta agus gníomhaíochtaí daonna eile ar 40 % den aigéan; de bhrí gur fhógair Ardrúnaí na Náisiún Aontaithe ‘éigeandáil aigéin’ le linn Chomhdháil na Náisiún Aontaithe in 2022 maidir leis na hAigéin; de bhrí gur cheart rialachas cuimsitheach aigéan, i measc nithe eile, a bheith bunaithe ar chearta an duine agus a bheith cothrom go sóisialta, agus comhionannas inscne a fheabhsú;

N.

de bhrí go bhfuil bearna infheistíochta bhliantúil USD 4 thrilliún ann faoi láthair i leith bhaint amach na SFInna; de bhrí go bhfuil laghdú tagtha ar shreafaí infheistíochta dírí coigríche chuig tíortha i mbéal forbartha agus go bhfuil na gnóthachain i seoltáin agus i gcúnamh oifigiúil forbraíochta (COF) measartha (22);

O.

de bhrí gur bacainn mhór í an easpa maoinithe maidir le torthaí comhionannais inscne a bhaint amach; de bhrí go bhfuil comhionannas inscne ríthábhachtach chun gealltanais na hinbhuanaitheachta, an rathúnais, an cheartais shóisialta, na síochána agus an dul chun cinn dhaonna a chomhlíonadh; de bhrí go bhfuil gealltanais fhónta agus leanúnacha airgeadais agus próisis bhuiséadaithe neartaithe bunriachtanach chun tacú le cur chun feidhme reachtaíochta, beartas agus seirbhísí a fhreagraíonn do chúrsaí inscne chun comhionannas inscne a chur chun cinn ar fud spriocanna uile SFI 5 (23);

P.

de bhrí, tar éis deich mbliana de charnadh tapa fiachais, go bhfuil leibhéil fiachais na dtíortha ísealioncaim, meánioncaim agus ardioncaim fós ar leibhéil arda nach bhfacthas a leithéid riamh roimhe seo, rud a chuireann teorainn lena n-acmhainneacht infheistíocht a dhéanamh chun SDGanna a bhaint amach agus chun dul i ngleic go héifeachtúil le dúshláin aeráide; de bhrí go bhfuil thart ar 60 % de thíortha ísealioncaim i mbaol mór ó thaobh anás fiachais de nó go bhfuil siad in in anás fiachais cheana féin (24); de bhrí go ndéantar an spás fioscach atá ann cheana i dtíortha i mbéal forbartha a bhfuil fiachais ollmhóra acu a laghdú tuilleadh mar gheall ar thurraingí seachtracha, amhail tubaistí nádúrtha, gnéithe éagsúla de bhainistiú fiachais, costais iasachtaíochta níos airde agus easpa timpeallacht idirnáisiúnta fhabhrach chun acmhainní intíre a shlógadh;

Q.

de bhrí go bhfuil meath domhanda tagtha ar ioncaim mar thoradh ar shreafaí aindleathacha airgeadais, creimeadh an bhoinn cánach, aistriú brabúis agus éilliú agus gur bacainn thábhachtach eile ar an bhforbairt inbhuanaithe iad; de bhrí go bhfuil gá le tuilleadh comhair agus rialacha idirnáisiúnta cánach chun aghaidh a thabhairt ar na dúshláin sin;

R.

de bhrí gurb iad an tAontas agus a Bhallstáit an deontóir is mó do thíortha i mbéal forbartha, a sholáthraíonn thart ar 42 % den chúnamh oifigiúil forbraíochta iomlán; de bhrí go bhfuil sprioc leagtha síos ag an Aontas cúnamh oifigiúil forbraíochta arb ionann é agus 0,7 % dá ollioncam náisiúnta (OIN) a chur ar fáil i dteannta a chéile; de bhrí gurbh ionann cúnamh oifigiúil forbraíochta comhchoiteann AE agus 0,57 % OIN in 2023 agus nach raibh ach ceithre Bhallstát ag comhlíonadh na sprice a comhaontaíodh agus roinnt Ballstát eile ag déanamh ciorruithe stairiúla ar a gcúnamh oifigiúil forbraíochta; de bhrí, chun an sprioc chomhaontaithe a bhaint amach, gur cheart gurb ionann buiséad an Aontais le haghaidh cúnamh oifigiúil forbraíochta agus íosmhéid measta EUR 200 billiún thar an gcéad chreat airgeadais ilbhliantúil eile; de bhrí gur ionstraim straitéiseach é Global Gateway agus go bhfuil sé d’acmhainn aici raon SDGanna idirnasctha a chur chun cinn, go háirithe trí chomhpháirtíochtaí idirnáisiúnta agus infheistíochtaí san iompar, san fhuinneamh, sa bhonneagar digiteach, sa tsláinte agus san oideachas;

S.

de bhrí gur athdhearbhaíodh tiomantas polaitiúil AE don chomhtháthú beartas ar mhaithe le forbairt sa Chomhdhearcadh nua Eorpach maidir le Forbairt 2017, inar sainaithníodh comhtháthú beartas ar mhaithe le forbairt mar ‘eilimint ríthábhachtach de straitéis an Aontais chun na SDGanna a bhaint amach agus mar rannchuidiú tábhachtach leis an gcuspóir níos leithne maidir le comhtháthú beartas ar mhaithe le forbairt inbhuanaithe (PCSD)’; de bhrí gur cur chuige é PCSD lena gcomhtháthaítear gnéithe eacnamaíocha, sóisialta agus comhshaoil na forbartha inbhuanaithe ag gach céim den cheapadh beartas intíre agus idirnáisiúnta;

T.

de bhrí go bhfuil roinnt cinntí déanta ag riarachán nua na Stát Aontaithe i réimse na forbartha idirnáisiúnta agus na cabhrach daonnúla atá díobhálach agus ar ábhar buartha iad, go háirithe 83 % den chistiú do chláir Ghníomhaireacht na Stát Aontaithe um Fhorbairt Idirnáisiúnta (USAID) a chur ar fionraí; de bhrí go meastar go mbaineann sé sin le USD 54 bhilliún i gconarthaí cabhrach eachtraí; de bhrí go mbeidh impleachtaí fadtéarmacha ag cistiú USAID a bheith curtha ar fionraí agus ag ciorruithe ar chabhair dhomhanda ag roinnt Ballstát ar chlár oibre forbartha an domhain agus ar bhaint amach SDGanna;