AN COIMISIÚN EORPACH

An Bhruiséil,26.1.2024

COM(2024) 33 final

2024/0011(COD)

Togra le haghaidh

TREOIR Ó PHARLAIMINT NA hEORPA AGUS ÓN gCOMHAIRLE

lena leasaítear Treoir 2005/44/CE maidir le seirbhísí faisnéise tráchta abhann (RIS) comhchuibhithe ar uiscebhealaí intíre sa Chomhphobal

{SEC(2024) 38 final} - {SWD(2024) 15 final} - {SWD(2024) 16 final}

MEABHRÁN MÍNIÚCHÁIN

1.COMHTHÉACS AN TOGRA

•Forais agus cuspóirí an togra

Tá fad breis agus 42 286 chiliméadar (km) in uiscebhealaí intíre an Aontais agus tá siad ríthábhachtach chun calafoirt, cathracha agus lárionaid thionsclaíocha a nascadh 1 . Tá fad 13 000 km sa ghréasán uiscebhealaí idirnasctha ann agus cumhdaíonn sé 13 Bhallstát 2 agus freastalaíonn sé ar bhreis agus 250 calafort intíre TEN‑T sa ghréasán tras‑Eorpach iompair. I dtéarmaí méideanna iompair ar leibhéal an Aontais, tá ról tábhachtach ag an iompar uiscebhealaí intíre (IWT) sa chóras iompair Eorpach foriomlán d’ainneoin a mhéid a bheith cuíosach beag. In 2020, iompraíodh 131,7 billiún tona‑ciliméadar (tkm) de lasta trí uiscí intíre, arbh é sin 4,1 % den chion módach i dtéarmaí lasta (ba é 54,9 % é an t‑iompar de bhóthar, 29,1 % an t‑iompar d’fharraige, agus 11,9 % an t‑iompar d’iarnród 3 . Ó thaobh lasta tirim de (táirgí talmhaíochta, mian, miotail, ábhair thógála, gual, etc.), ba é 59,8 % de mhéid an iompair uiscebhealaí intíre é sin in 2020, agus ó thaobh lasta leachtach de (ceimiceáin agus táirgí peitriliam), ba é sin 28,1 % agus ba é coimeádáin 12,1 % de 4 .

De réir meáchain, láimhseáiltear 0,9 % d’allmhairí agus d’onnmhairí iomlána leis an iompar uiscebhealaí intíre san Aontas. Mar gheall ar a bhfuil i gceist leis, is gréasán é an t‑iompar uiscebhealaí intíre atá teoranta agus dírithe go geografach, ach dá ainneoin sin, cuireann sé rogha mhalartach thábhachtach ar fáil ar an iompar de bhóthar nó d’iarnród i gcás na réigiún i gcúlchríoch an Aontais is cóngaraí d’uiscebhealaí intíre. Dá bhrí sin, is le modhanna iompair ar tír is mó a bhíonn an t‑iompar uiscebhealaí intíre in iomaíocht – agus is minic a aicmítear é in éineacht leis na modhanna sin 5 , agus ní chumhdaítear leis ach 6 % den trácht lasta a ghluaistear ar tír agus 0,01 % den trácht paisinéirí intíre. Braitheann forbairt na gníomhaíochta uiscebhealaí intíre go mór ar na nithe seo: (i) an gheografaíocht (suíomh na n‑aibhneacha); (ii) na cineálacha earraí a iompraítear nó is féidir a iompar; (ii) suíomh na láithreán táirgthe agus tomhaltais i ndáil leis an ngréasán uiscebhealaí intíre; agus (iv) infhaighteacht an bhonneagair trasloingsithe.

Is éard atá i seirbhísí faisnéise tráchta abhann (RIS) ardseirbhísí agus ardfheidhmiúlachtaí lena dtagraítear do ghnéithe a bhaineann le trácht nó le hiompar go príomha. Is éard atá i seirbhísí a bhaineann le trácht Seirbhís Faisnéise Seolbhealaí, Faisnéis Tráchta, Bainistíocht Tráchta, agus Faireachán Tráchta agus Laghdú Timpistí; is éard atá i seirbhísí a bhaineann le hiompar pleanáil turas, bainistíocht calafort agus críochfort, bainistíocht lasta agus flíteanna, staidreamh, agus muirir bhonneagair uiscebhealaí intíre.

Tacaíonn seirbhísí faisnéise tráchta abhann leis an mbainistíocht tráchta agus iompair sa loingseoireacht intíre. Tá sé d’aidhm ag na seirbhísí rannchuidiú leis na nithe seo: (i) próiseas iompair sábháilte agus éifeachtúil; agus (ii) go mbainfear an oiread úsáide as uiscebhealaí intíre agus is féidir. Cuireadh tús leis an bpróiseas reachtach chun seirbhísí faisnéise tráchta abhann a rialáil ar leibhéal an Aontais in 2005 nuair a glacadh an Treoir maidir le Seirbhísí Faisnéise Tráchta Abhann (Treoir 2005/44/CE). Leis an Treoir leagtar creat síos um imlonnú agus úsáid seirbhísí faisnéise tráchta abhann oscailte, idir-inoibritheacha agus comhchuibhithe a bhfuil sé d’aidhm acu méadú a dhéanamh ar shábháilteacht agus éifeachtúlacht an iompair uiscebhealaí intíre san Aontas, agus ar neamhdhíobhálacht an iompair sin don chomhshaol. An tráth céanna, bhí an Treoir beartaithe chun comhéadain idir an t‑iompar uiscebhealaí intíre agus modhanna iompair eile a éascú (i.e. an t‑iompar ilmhodhach). Laistigh de chreat an Aontais, leagtar amach an méid seo a leanas leis an Treoir: (i) na ceanglais ghinearálta maidir leis an mbealach ar cheart do na Ballstáit seirbhísí faisnéise tráchta abhann a chur ar bun; (ii) na réimsí inar gá caighdeáin a fhorbairt; agus (iii) na prionsabail atá le leanúint. Is é an Coimisiún a fhorbraíonn na treoirlínte agus na sonraíochtaí teicniúla iarbhír agus is trí reachtaíocht thánaisteach a ghlactar iad.

Rinne an Coimisiún meastóireacht ex post ar an Treoir 6 , lenar léiríodh go raibh tionchar dearfach aici ó thaobh seirbhísí faisnéise tráchta abhann a chomhchuibhiú. Mar sin féin, suíodh leis an meastóireacht freisin go bhféadfaí feabhsuithe a dhéanamh fós. Is amhlaidh é sin mar gheall ar na nithe seo a leanas, agus cur chun feidhme na Treorach á mheas: (i) níl an leibhéal cur chun feidhme ná aibíochta céanna sroichte ag teicneolaíochtaí na seirbhísí faisnéise tráchta abhann uile; agus (ii) níl úsáid iomlán ná an oiread úsáid bainte as na teicneolaíochtaí seirbhísí faisnéise tráchta abhann uile sna tíortha agus na conairí abhann uile. Thairis sin, bhí ról suntasach ag nuashonrú mall na gcaighdeán i bhforbairt mhall na seirbhísí faisnéise tráchta abhann. Is amhlaidh é sin toisc, sa chomhthéacs atá ann faoi láthair, go bhfuil forbairt na gcaighdeán bunaithe ar ionchur ó shaineolaithe ó na Ballstáit ar bhealach fadálach nach bhfuil ró‑chomhordaithe, sula mbeidh leagan nua réidh le glacadh faoi ghníomh cur chun feidhme. Léiríonn an taithí go mbíonn idir 5 bliana agus 12 bhliain i gceist sula mbíonn na caighdeáin ullmhaithe agus tugtha isteach san earnáil. Fágann sé sin go laghdaítear éifeachtúlacht na n‑oibreoirí iompair uiscebhealaí intíre agus go mbíonn siad ag baint úsáid as seanchaighdeáin agus seanteicneolaíocht. Le tuarascáil DINA (2017), scrúdaíodh imthosca a bhain leis an digiteáil agus lena dtionchar ar iomaíochas na hearnála i gcomparáid le modhanna iompair eile agus sainaithníodh seirbhísí faisnéise tráchta abhann mar rud a bhféadfadh ról tábhachtach a bheith acu san iompar uiscebhealaí intíre. Dá réir sin, mura ndéantar seirbhísí faisnéise tráchta abhann a imlonnú i gceart, is féidir leo bac a chur ar acmhainneacht iomaíochais earnáil an iompair uiscebhealaí intíre.

Thairis sin, leis an gComhaontú Glas don Eoraip cuirtear de cheangal ar na modhanna iompair uile, an t‑iompar uiscebhealaí intíre san áireamh, rannchuidiú le sprioc an Aontais a bhaint amach go mbeidh sé ina gheilleagar aeráidneodrach agus go gcosnófar an comhshaol. I gcás an iompair uiscebhealaí intíre, is éard a chiallaíonn sé sin freisin, iad a chomhtháthú ar bhealach níos fearr le modhanna iompair difriúla chun slabhra lóistíochta idirmhodhach, rianúil a chruthú. Chonacthas forbairtí i modhanna eile san earnáil iompair cheana féin. Mar shampla, glacadh forálacha dlíthiúla le haghaidh uirlisí digiteacha a bhaineann le lasta agus tugadh isteach iad in 2019 i gcás EMSWe agus in 2020 i gcás eFTI. Mar sin féin, is ar shábháilteacht na loingseoireachta a díríodh an Treoir maidir le Seirbhísí Faisnéise Tráchta Abhann go dtí seo, gan comhtháthú an iompair uiscebhealaí intíre i slabhraí soláthair ilmhodhacha a chumasú. Ina theannta sin, tá malartú éifeachtúil na faisnéise thar theorainneacha idir údaráis tábhachtach ar mhaithe le córas iompair éifeachtúil. D’ainneoin feabhas a bheith curtha ar chomhar na mBallstát le himeacht ama, níl na tuarascálacha uile a úsáidtear san iompar uiscebhealaí intíre digitithe. Agus fiú i gcás ina bhfuil na tuarascálacha sin digitithe, baineann na Ballstáit úsáid as feidhmchláir tuairiscithe dhifriúla nach bhfuil comhoiriúnach le chéile. Ciallaíonn sé sin nár sainaithníodh aon laghdú substaintiúil le blianta beaga anuas ar an líon tuarascálacha leictreonacha long a cuireadh isteach an athuair ag teorainneacha. Thairis sin, ní dhéantar foráil leis an Treoir maidir le Seirbhísí Faisnéise Tráchta Abhann i dtaca le hoibleagáid sonraí pearsanta a mhalartú trí na seirbhísí sin faoi láthair. Mar sin féin, tá údair imní curtha in iúl ag páirtithe leasmhara áirithe, na hoibreoirí soithí go háirithe, faoi rúndacht na faisnéise ar shuíomh na soithí, agus d’fhág sé sin go bhfuil drogall ar na Ballstáit faisnéis seirbhísí faisnéise tráchta abhann a chomhroinnt. Léiríonn an sampla sin gur cosúil nach eol do na Ballstáit ná do na páirtithe leasmhara a fhairsinge a dhéantar nó a d’fhéadfaí sonraí pearsanta a mhalartú go dleathach trí sheirbhísí faisnéise tráchta abhann – agus cé na críocha ar chucu a bhféadfaí déanamh amhlaidh. Ar deireadh, leis an meastóireacht (ar a raibh tionchar go páirteach ag easpa shuntasach sonraí a bheith le fáil), ní rabhthas in ann tionchar seirbhísí faisnéise tráchta abhann ar an inbhuanaitheacht ná ar aistriú córa iompair don earnáil a shainaithint.

Dá bhrí sin, is é an phríomhfhadhb atá ann imlonnú ilroinnte mall na seirbhísí faisnéise tráchta abhann, rud a chuireann bac ar iomaíochas agus sábháilteacht na hearnála, agus a choinníonn siar a rannchuidiú le cuspóirí an Chomhaontaithe Ghlais don Eoraip.

Toisc go bhfuil an t‑iompar uiscebhealaí intíre comhchruinnithe ar uiscebhealaí inseolta, na fadhbanna a leagtar amach sna míreanna roimhe, is sna huiscebhealaí ina bhfuil seirbhísí faisnéise tráchta abhann tugtha isteach agus á gcur i bhfeidhm amháin atá na fadhbanna céanna ag tarlú. Dá bhrí sin, is fadhbanna iontach speisialaithe iad atá dírithe ar limistéir gheografacha áirithe go príomha. Nuair a bheidh méid na hearnála á meas, beidh méid na bhfadhbanna a bhaineann léi teoranta mar gheall air sin in aon chomparáid leis an gcuid eile den earnáil iompair.

–infhaighteacht sonraí seirbhísí faisnéise tráchta abhann agus caighdeán comhchuibhithe a áirithiú;

–comhtháthú an iompair uiscebhealaí intíre sa slabhra ilmhodhach a éascú;

–glacadh agus idir‑inoibritheacht níos mó i leith réitigh dhigiteacha a áirithiú, agus aghaidh a thabhairt ar údair imní ó thaobh na cosanta sonraí de.

•Comhsheasmhacht le forálacha beartais atá sa réimse beartais cheana

•Comhsheasmhacht le beartais eile de chuid an Aontais

2.BUNÚS DLÍ, COIMHDEACHT AGUS COMHRÉIREACHT

•Bunús dlí

•Coimhdeacht (i gcás inniúlacht neamheisiach)

•Comhréireacht

•An rogha ionstraime

Ós rud é nach n‑éilítear leis an togra ach roinnt leasuithe a dhéanamh ar Threoir 2004/44/CE, is é Treoir leasaitheach an ionstraim dlí is iomchuí.

3.TORTHAÍ AR MHEASTÓIREACHTAÍ EX POST, AR CHOMHAIRLIÚCHÁIN LEIS NA PÁIRTITHE LEASMHARA AGUS AR MHEASÚNUITHE TIONCHAIR

•Meastóireachtaí ex post/seiceálacha oiriúnachta ar an reachtaíocht atá ann cheana

•Comhairliúcháin leis na páirtithe leasmhara

•Saineolas a bhailiú agus a úsáid

•Measúnú tionchair

Le rogha B, coinnítear roinnt beart ó rogha beartais A, amhail an sásra um láimhseáil gearán, an ceanglas chun sonraí ERDMS a thabhairt cothrom le dáta, rannpháirtíocht CESNI, agus an soiléiriú maidir le sonraí pearsanta. Mar sin féin, téitear níos faide le rogha beartais B i dtaca le tacú le seirbhísí faisnéise tráchta abhann a fhorbairt trí athrú tábhachtach a thabhairt isteach in ailtireacht na seirbhísí, toisc go mbeadh sé ina cheanglas leis an rogha beartais sin nód lárnach a chruthú chun faisnéis a mhalartú agus seirbhísí a sholáthar (an tArdán um Sheirbhísí Faisnéise Tráchta Abhann). Dá bhrí sin, ní dhéanfaí faisnéis a mhalartú idir na húsáideoirí difriúla go díreach a thuilleadh (amhail an t‑oibreoir soithigh le calafoirt intíre) ach dhéanfaí í a mhalartú trí ardáin agus feidhmiúlachtaí an Ardáin um Sheirbhísí Faisnéise Tráchta Abhann. Caighdeáin nua maidir leis an loingseoireacht agus pleanáil turas, atá ar iarraidh faoi láthair, thabharfaí isteach faoin rogha sin iad, rud a d’fhágfadh go soláthrófaí faisnéis bhreise d’oibreoirí soithí. Bheadh ról níos suntasaí ag malartú na faisnéise faoin rogha sin freisin. Faoin rogha sin, tuairisciú na faisnéise lasta trí eFTI, bheadh sé éigeantach d’oibreoirí soithí anois, agus bheadh sé de rogha acu freisin faisnéis oibríochtúil a mhalartú le calafoirt intíre go leictreonach freisin. D’fhéadfaí faisnéis oibríochtúil a mhalartú le modhanna iompair eile freisin. Dhéanfaí seirbhísí faisnéise tráchta abhann a dhíriú ar na huiscebhealaí is tábhachtaí freisin, toisc go mbeadh a raon feidhme ag teacht le raon feidhme uiscebhealaí TEN‑T.

Tá tuarascáil ar an measúnú tionchair 12 ag gabháil leis an togra seo, agus cuireadh dréacht faoi bhráid an Bhoird um Ghrinnscrúdú Rialála (RSB) i mí Lúnasa 2023. D’eisigh RSB tuairim dhearfach ina leith, agus rinneadh athbhreithniú ar an tuarascáil ar an measúnú tionchair i gcomhréir le moltaí an Bhoird. Tugtar aghaidh ar na barúlacha ón mBord sa doiciméad inmheánach oibre a ghabhann leis an togra reachtach seo.

•Oiriúnacht rialála agus simpliú

•Cearta bunúsacha

4.IMPLEACHTAÍ BUISÉADACHA

5.EILIMINTÍ EILE

•Pleananna cur chun feidhme, agus socruithe faireacháin, meastóireachta agus tuairiscithe

I bhfianaise go mbraitheann an tionscnamh ar chur i bhfeidhm na reachtaíochta tánaistí (caighdeáin theicniúla), tá sé tábhachtach go gceadófar tráthchlár leordhóthanach chun an reachtaíocht thánaisteach sin a fhorbairt agus a thabhairt isteach. Dá bhrí sin, 7 mbliana tar éis dheireadh dháta chur chun feidhme na reachtaíochta, ba cheart don Choimisiún meastóireacht a dhéanamh lena fhíorú a mhéid a baineadh amach cuspóirí an tionscnaimh.

•Doiciméid mhíniúcháin (le haghaidh treoracha)

•Míniúchán mionsonraithe ar fhorálacha sonracha an togra

2024/0011 (COD)

Togra le haghaidh

TREOIR Ó PHARLAIMINT NA hEORPA AGUS ÓN gCOMHAIRLE

lena leasaítear Treoir 2005/44/CE maidir le seirbhísí faisnéise tráchta abhann (RIS) comhchuibhithe ar uiscebhealaí intíre sa Chomhphobal

TÁ PARLAIMINT NA hEORPA AGUS COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh, agus go háirithe Airteagal 91(1) de,

Ag féachaint don togra ón gCoimisiún Eorpach,

Tar éis dóibh an dréachtghníomh reachtach a chur chuig na parlaimintí náisiúnta,

Ag féachaint don tuairim ó Choiste Eacnamaíoch agus Sóisialta na hEorpa 14 ,

Ag féachaint don tuairim ó Choiste na Réigiún 15 ,

Ag gníomhú dóibh i gcomhréir leis an ngnáthnós imeachta reachtach,

De bharr an mhéid seo a leanas:

(1)Le Treoir 2005/44/CE ó Pharlaimint na hEorpa agus ón gComhairle 16 bunaítear creat um imlonnú agus úsáid seirbhísí faisnéise tráchta abhann (‘RIS’) comhchuibhithe san Aontas. Le himlonnú seirbhísí faisnéise tráchta abhann ar uiscebhealaí intíre, tacaítear le sábháilteacht agus éifeachtúlacht an iompair d’uiscebhealaí intíre, agus ar deireadh, le hinbhuanaitheacht an iompair sin, trí mhéadú a dhéanamh ar éifeachtúlacht na n‑oibríochtaí uiscebhealaí intíre.

(2)Ó tháinig Treoir 2005/44/CE i bhfeidhm, thairbhigh earnáil na n‑uiscebhealaí intíre de sholáthar seirbhísí faisnéise tráchta abhann comhchuibhithe. Mar sin féin, tá éagsúlacht idir na Ballstáit maidir le leibhéal an chomhchuibhithe, agus cruthaíodh gurbh fhadálach é an próiseas chun na sonraíochtaí ba ghá a thabhairt isteach. An tráth céanna, leis an gComhaontú Glas don Eoraip 17 éilítear forbairt bhreise ar shoghluaisteacht ilmhodhach nasctha agus uathoibrithe, agus ba cheart seirbhísí faisnéise tráchta abhann a oiriúnú chun aghaidh a thabhairt ar na dúshláin nua sin. Thairis sin, leis an Straitéis Chuimsitheach um an tSoghluaisteacht Inbhuanaithe agus Chliste 18 beartaítear athbhreithniú a dhéanamh ar Threoir 2005/44/CE, i measc bhearta na Straitéise, chun an cuspóir a bhaint amach go gcuirfear chun cinn cruthú córais iompair a bheidh cliste i ndáiríre, mar aon le leithdháileadh éifeachtúil acmhainne agus bainistíocht tráchta. Léirítear le plean gníomhaíochta NAIADES III 19 , chun tacú leis an gcuspóir go mbeidh uiscebhealaí intíre ina gcuid de chóras rianúil de sheirbhísí faisnéise tráchta abhann comhchuibhithe faoi 2030, go mbeadh sé d’aidhm ag athbhreithnithe ar an gcreat dlíthiúil um na seirbhísí sin cuidiú le bearnaí atá ann cheana le modhanna iompair eile, ó thaobh an chomhchuibhithe agus na hidir‑inoibritheachta de, a dhúnadh, agus rannchuidiú le feabhas a chur ar infhaighteacht sonraí, athúsáid agus idir‑inoibritheacht na gcóras digiteach, i gcomhréir leis an Straitéis Eorpach maidir le Sonraí 20 . Ba cheart na hathruithe agus na forbairtí sin chomh maith leis an taithí a fuarthas trí chur chun feidhme Threoir 2005/44/CE a chur san áireamh agus seirbhísí faisnéise tráchta abhann á n‑oiriúnú.

(3)Ar mhaithe le cur chuige comhleanúnach a ghlacadh i leith na hidir‑inoibritheachta in earnáil na seirbhíse poiblí, nuair a bheidh an tArdán um Sheirbhísí Faisnéise Tráchta Abhann agus réitigh eile i raon feidhme an ghnímh seo á gcur chun feidhme, maidir leis na prionsabail a leagtar síos leis an gCreat Eorpach Idir-inoibritheachta (EIF) is déanaí 21 , arna sainordú le hAirteagal 6 den togra le haghaidh Rialachán ó Pharlaimint na hEorpa agus ón gComhairle lena leagtar síos bearta maidir le hardleibhéal idir-inoibritheachta san earnáil phoiblí ar fud an Aontais (an Gníomh um Eoraip Idir-inoibritheach) 22 , ba cheart na prionsabail sin a leanúint.

(4)Le Rialachán (AE) Uimh. 1315/2013 23 leagtar síos ceanglais maidir leis an ngréasán tras‑Eorpach iompair (‘TEN‑T’) 24 a fhorbairt chun feidhmiú rianúil an mhargaidh inmheánaigh a bhaint amach, agus tá sé d’aidhm ag an Rialachán a áirithiú go mbeidh na seirbhísí ardcháilíochta céanna ar fáil agus comhoiriúnach le córais na modhanna iompair eile ar feadh an ghréasáin sin.

(5)I bhfianaise gur de chineál idirnáisiúnta tromlach na dturas a dhéanann soithí intíre, ba cheart seirbhísí faisnéise tráchta abhann a dhíriú ar na huiscebhealaí intíre sin atá ina gcuid de TEN‑T agus dá réir sin, lena mbaineann fíorthábhacht don Aontas agus ní díreach na huiscebhealaí sin a bhaineann le gréasán idirnasctha. Ba cheart do na Ballstáit a bheith in ann leanúint de na ceanglais maidir le seirbhísí faisnéise tráchta abhann a leathnú, ar bhonn deonach, chun codanna dá ngréasán uiscebhealaí intíre a chuimsiú cé is moite de na huiscebhealaí sin a áirítear in TEN‑T chun sainiúlachtaí náisiúnta a chur san áireamh.

(6)Léirigh an taithí a fuarthas ó chur i bhfeidhm Threoir 2005/44/CE go bhfuil sé tábhachtach na sonraíochtaí teicniúla a láidriú, arb iad na sonraíochtaí teicniúla sin a bhaineann le sonraí faoi loingseoireacht agus pleanáil turas a sholáthar, chun feabhas a chur ar cháilíocht agus tráthúlacht na faisnéise a sholáthraítear d’úsáideoirí seirbhísí faisnéise tráchta abhann. Sa Chóras Bainistíochta Sonraí Tagartha Eorpach (‘ERDMS’) tá faisnéis a bhfuil gá leis ar mhaithe le feidhmiú cuí na seirbhísí faisnéise tráchta abhann agus is é an Coimisiún a chuir an córas ar bun agus a oibríonn é. Dá bhrí sin, ba cheart do na Ballstáit tacú le hoibriú ERDMS trí na sonraí uile dá gceanglaítear a sholáthar go tráthúil agus athbhreithniú agus nuashonrú a dhéanamh orthu de réir mar is gá ar bhonn bliantúil ar a laghad.

(7)Le faisnéis chruinn atá cothrom le dáta maidir leis an mbail atá ar an seolbhealach agus ar phointí sonracha, amhail droichid, loic agus calafoirt intíre, a bheith ar fáil d’úsáideoirí seirbhísí faisnéise tráchta abhann le linn na loingseoireachta, ba cheart feabhas a chur ar éifeachtúlacht fhoriomlán na hearnála uiscebhealaí intíre. Dá bhrí sin ba cheart a chuimsiú le seirbhísí faisnéise tráchta abhann malartuithe sonraí, a bheidh cothrom le dáta, le córais bainistíochta leath‑uathoibrithe agus lán‑uathoibrithe um chórais bhonneagair amhail loic agus droichid inaistrithe, mar aon le córais pobail calafoirt na gcalafort intíre.

(8)Chun go mbeifear in ann idirnascadh a dhéanamh idir Seirbhísí faisnéise tráchta abhann agus an slabhra lóistíochta, tá sé tábhachtach go gcomhroinnfear faisnéis, ní hamháin idir úsáideoirí an iompair uiscebhealaí intíre, ach le córais agus feidhmchláir modhanna iompair eile freisin. Leis na hIonaid Ilfhreastail Mhuirí Náisiúnta (‘MNSW’) laistigh den timpeallacht Eorpach Ionaid Ilfhreastail Mhuirí (‘EMSWe’) 25 ba cheart an tuairisciú comhchuibhithe long a chumasú ar fud an Aontais. Le malartú na faisnéise a bhaineann le trácht, amhail amanna teachta agus imeachta, d’áiritheofaí idir‑inoibritheacht, ilmhodhacht, agus comhtháthú rianúil an iompair uiscebhealaí intíre leis an slabhra lóistíochta foriomlán. An fhaisnéis leictreonach faoi iompar lastais (‘eFTI’), ba cheart í a bheith mar bhunús le malartú na faisnéise lasta idir úsáideoirí seirbhísí faisnéise tráchta abhann i gcás ina bhfuil gá. Nuair is gá, leis na seirbhísí sin ba cheart naisc a chruthú le córais agus ardáin modhanna iompair eile agus faisnéis a mhalartú leo.

(9)Malartú na faisnéise idir soithí uiscebhealaí intíre agus calafoirt intíre, maidir le hinfhaighteacht suiteálacha calafoirt, amanna oibriúcháin, nó faisnéis faoi shoithí agus lasta. mar shampla, ní i gcónaí a bhíonn an malartú sin chomh maith agus a d’fhéadfadh sé a bheith, rud ag a bhfuil tionchar ar éifeachtúlacht na n‑oibríochtaí iompair uiscebhealaí intíre. Baineann tábhacht ar leith le faisnéis faoi infhaighteacht bonneagair breosla mhalartaigh i gcalafoirt i dtaca le feidhmíocht chomhshaoil na hearnála a chur chun cinn. Chun malartú na faisnéise sin a shimpliú agus a chuíchóiriú agus chun feabhas a chur ar éifeachtúlacht fhoriomlán na hearnála, tá sé tábhachtach go mbeidh malartuithe den sórt sin ina gcuid de sheirbhísí faisnéise tráchta abhann agus go bhforbrófar na sonraíochtaí teicniúla is gá.

(10)Le hardán digiteach aonair a úsáid le haghaidh seirbhísí faisnéise tráchta abhann, ba cheart soláthairtí na seirbhísí sin a chuíchóiriú, feabhas a chur ar an éifeachtúlacht in oibríochtaí an iompair uiscebhealaí intíre agus laghdú a dhéanamh ar an ualach le haghaidh soláthraithe agus úsáideoirí seirbhísí faisnéise tráchta abhann. Leis an ardán sin (‘an tArdán um Sheirbhísí Faisnéise Tráchta Abhann’) ba cheart tacú le seirbhísí ábhartha, ba cheart an t‑ardán féin a bheith ina phointe lárnach chun faisnéis seirbhísí faisnéise tráchta abhann a mhalartú laistigh den earnáil uiscebhealaí intíre agus le modhanna iompair eile chomh maith, agus dá bhrí sin, is é, thar aon rud eile, ba cheart a bheith ina chnámh droma dhigiteach ó thaobh na seirbhísí sin a sholáthar san Aontas. Ba cheart do na Ballstáit údarás inniúil amháin nó níos mó a ainmniú a bheidh freagrach as an Ardán um Sheirbhísí Faisnéise Tráchta Abhann a oibriú. Rialtóirí atá sna húdaráis sin chun an tArdán um Sheirbhísí Faisnéise Tráchta Abhann a oibriú.

(11)Chun coinníollacha aonfhoirmeacha a áirithiú maidir leis an Ardán um Sheirbhísí Faisnéise Tráchta Abhann a thabhairt isteach, ba cheart cumhachtaí cur chun feidhme a thabhairt don Choimisiún chun an creat a leagan síos maidir leis an ardán a fhorbairt agus a fheidhmiú. Ba cheart na cumhachtaí sin a fheidhmiú i gcomhréir le Rialachán (AE) Uimh. 182/2011 ó Pharlaimint na hEorpa agus ón gComhairle 26 .

(12)Chun a áirithiú go gcuirfear Treoir 2005/44/CE i bhfeidhm go cuí agus go héifeachtach, ba cheart do na Ballstáit a áirithiú go bhfuil nós imeachta éifeachtach ann chun gearáin a láimhseáil. Ba cheart d’údaráis na mBallstát dul i gcomhar le chéile agus gearáin á láimhseáil a bhfuil eilimintí trasteorann leo (mar shampla, caighdeáin neamhréireacha maidir le faisnéis soithí a thuairisciú), toisc go mbíonn turais idirnáisiúnta i gceist i 75 % d’oibríochtaí ar uiscebhealaí intíre. Trí anailís a dhéanamh ar ábhar na ngearán, mar aon lena minicíocht agus an bealach a réitítear iad agus a thráthúla a dhéantar amhlaidh, is féidir é a bheith indéanta a mhéid a chomhlíontar forálacha na Treorach a shainaithint, rud a thacóidh, dá réir sin, leis an bhfaireachán ar chur chun feidhme, trí réimsí inar féidir feabhas a chur ar an gcur chun feidhme a thabhairt le fios. Dá bhrí sin, tá sé tábhachtach go mbaileoidh agus go dtuairisceoidh na Ballstáit an fhaisnéis sin don Choimisiún ar bhonn bliantúil. Aon láimhseáil gearán a dhéantar faoin treoir seo, ba cheart í a bheith gan dochar d’inniúlacht na n‑údarás maoirseachta faoi dhlíthe an Aontais agus na mBallstát, lena n‑áirítear Rialachán (AE) 2016/679 27 agus Rialachán (AE) 2018/1725 28 .

(13)Ba cheart forbairt na sonraíochtaí teicniúla tacar prionsabal a leanúint (go háirithe, na prionsabail a chuimsítear in Iarscríbhinn II) chun cur chun feidhme ceart comhchuibhithe fhorálacha Threoir 2005/44/CE a áirithiú. Leis na prionsabail sin ba cheart na príomheilimintí a leagan amach ba cheart a bheith i ngach comhpháirt de sheirbhísí faisnéise tráchta abhann.

(14)Leis na ceanglais agus sonraíochtaí teicniúla chun críoch seirbhísí faisnéise tráchta abhann, ba cheart a áirithiú go háirithe gur féidir sonraí uile na seirbhísí sin a phróiseáil i gcomhréir le córas cuimsitheach cearta‑bhunaithe um rialú rochtana a sholáthraíonn feidhmiúlachtaí sannta, agus i gcomhréir le córas den sórt sin amháin, a áirithiú gur féidir rochtain láithreach a bheith ag na húdaráis inniúla uile ar na sonraí sin i gcomhréir lena n‑inniúlachtaí rialála féin, go gcuirfear bearta teicniúla agus eagraíochtúla iomchuí chun feidhme chun a áirithiú gur féidir próiseáil na sonraí pearsanta trí mheán leictreonach a dhéanamh i gcomhréir le Rialachán (AE) 2016/679 ó Pharlaimint na hEorpa agus ón gComhairle 29 agus Rialachán (AE) 2018/1725 ó Pharlaimint na hEorpa agus ón gComhairle 30 , lena n‑áirítear chun cosaint a thabhairt ar sháruithe i ndáil le sonraí pearsanta agus gur féidir próiseáil na faisnéise tráchtála íogaire a dhéanamh ar bhealach lena n‑urramaítear rúndacht na faisnéise sin.

(15)Chun an loingseoireacht shábháilte is fearr a áirithiú i leith soithí in uiscebhealaí intíre, ba cheart do na Ballstáit a bheith ar an eolas faoi shuíomh na soithí uiscebhealaí intíre uile lena n‑áirítear trí úsáid a bhaint as sonraí ó chórais aitheantais uathoibríoch (‘AIS’). Ba cheart do na Ballstáit faisnéis a bhaineann le seirbhísí faisnéise tráchta abhann a mhalartú freisin chun éifeachtúlacht na seirbhísí sin a mhéadú agus na ceanglais maidir le tuairisciú a laghdú. I gcás nach féidir faisnéis a bhaineann le seirbhísí faisnéise tráchta abhann a tharchur agus a mhalartú chun na gcríoch sin gan sonraí pearsanta a phróiseáil, ba cheart do na Ballstáit dlíthiúlacht phróiseáil na sonraí pearsanta sin a áirithiú i gcomhréir le Rialachán (AE) 2016/679.

(16)Chun a áirithiú go soláthrófar d’úsáideoirí seirbhísí faisnéise tráchta abhann an fhaisnéis is gá a bhaineann leis an loingseoireacht agus pleanáil turas, agus an dul chun cinn eolaíoch agus teicniúil a chur san áireamh, ba cheart an chumhacht chun gníomhartha a ghlacadh i gcomhréir le hAirteagal 290 de CFAE a tharmligean chuig an gCoimisiún chun leasú a dhéanamh ar na híoscheanglais maidir le sonraí a bhunaítear in Iarscríbhinn I a ghabhann le Treoir 2005/44/CE.

(17)I gcás ina dtabharfar údar cuí leis le hanailís iomchuí agus in éagmais caighdeáin idirnáisiúnta ábhartha agus cothrom le dáta chun sábháilteacht na loingseoireachta a áirithiú, nó i gcás inarb amhlaidh mar gheall ar athruithe ar phróiseas cinnteoireachta an Choiste Eorpaigh um ullmhú caighdeán i réimse na loingseoireachta intíre (CESNI) nó mar gheall ar thoradh an phróisis cinnteoireachta sin go ndéanfaí dochar do leasanna an Aontais, ba cheart an chumhacht chun gníomhartha a ghlacadh i gcomhréir le hAirteagal 290 CFAE a tharmligean chuig an gCoimisiún i leith leasú a dhéanamh ar Iarscríbhinn III a ghabhann le Treoir 2005/44/CE chun sonraíochtaí teicniúla iomchuí a sholáthar le haghaidhmaidir le seirbhísí faisnéise tráchta abhann, i gcomhréir leis na prionsabail a leagtar amach in Iarscríbhinn II a ghabhann le Treoir 2005/44/CE agus an aidhm ann leasanna an Aontais a choimirciú.

(18)Léiríonn an taithí a fuarthas ó chur chun feidhme Threoir 2005/44/CE gurbh fhadálach é an tréimhse chun na sonraíochtaí teicniúla a thabhairt isteach agus a thabhairt cothrom le dáta, fadálacht ag a raibh tionchar ar fheidhmíocht na hearnála. Dá bhrí sin tá sé tábhachtach athrú a dhéanamh ar an bpróiseas lena dtugtar sonraíochtaí teicniúla isteach.

(19)Tugadh próiseas den sórt sin isteach le Treoir (AE) 2016/1629 ó Pharlaimint na hEorpa agus ón gComhairle 31 bunaithe ar shonraíochtaí teicniúla a d’fhorbair CESNI. Gníomhaíonn CESNI 32 faoi choimirce an Lárchoimisiúin um Loingseoireacht ar an Réin (‘LCLR’), tá sé oscailte do shaineolaithe ó na Ballstáit uile, agus tá sé freagrach as na caighdeáin theicniúla a tharraingt suas i réimse an iompair uiscebhealaí intíre. Léirigh taithí go bhfuil ceanglais theicniúla maidir le soithí loingseoireachta intíre forbartha agus tugtha cothrom le dáta ag CESNI ar bhealach eagraithe agus tráthúil. Agus saineolas CESNI á chur san áireamh, mar aon leis an taithí ó chur chun feidhme Threoir (AE) 2016/1629, ba cheart cur chuige comhchosúil a chur i bhfeidhm i gcás Threoir 2005/44/CE.

(20)Chun ardleibhéal sábháilteachta agus éifeachtúlachta sa loingseoireacht intíre a áirithiú, chun a áirithiú go soláthrófar seirbhísí faisnéise tráchta abhann agus chun dul chun cinn eolaíoch agus teicniúil agus forbairtí eile san earnáil a chur san áireamh, an tagairt do na sonraíochtaí teicniúla is infheidhme maidir le seirbhísí faisnéise tráchta abhann, is é sin an Caighdeán Eorpach maidir le Seirbhísí Faisnéise Tráchta Abhann (ES‑RIS), ar choinníoll go mbeidh sí i gcomhréir le prionsabail Iarscríbhinn II, ba cheart an tagairt sin a bheith ina dlúthchuid de Threoir 2005/44/CE, ach gan bheith ina cuid fhíor‑riachtanach, agus ba cheart í a choimeád cothrom le dáta. Dá bhrí sin, ba cheart a tharmligean chuig an gCoimisiún i gcomhréir le hAirteagal 290 CFAE an chumhacht chun gníomhartha a ghlacadh lena leasaítear Iarscríbhinn III a ghabhann le Treoir 2005/44/CE i bhfianaise an tagairt don leagan is déanaí de chaighdeán ES‑RIS a thabhairt cothrom le dáta agus i bhfianaise dáta chur i bhfeidhm an Chaighdeáin a leagan síos.

(21)Agus gníomhartha tarmligthe á nglacadh, tá sé tábhachtach, go háirithe, go rachadh an Coimisiún i mbun comhairliúcháin iomchuí le linn a chuid oibre ullmhúcháin, lena n‑áirítear ar leibhéal na saineolaithe, agus go ndéanfaí na comhairliúcháin sin i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr 33 . Go sonrach, chun rannpháirtíocht chomhionann in ullmhú na ngníomhartha tarmligthe a áirithiú, faigheann Parlaimint na hEorpa agus an Chomhairle na doiciméid uile an tráth céanna leis na saineolaithe, agus bíonn rochtain chórasach ag a saineolaithe ar chruinnithe ghrúpaí saineolaithe an Choimisiúin a bhíonn ag déileáil le hullmhú na ngníomhartha tarmligthe.

(22)An Coiste um dheimhnithe máistrí báid chun earraí agus paisinéirí a iompar d’uiscebhealach intíre dá dtagraítear in Airteagal 11 de Threoir 2005/44/CE, cuireadh deireadh leis. Ina áit, an Coiste um Iompar ar Uiscebhealaí Intíre, ag a bhfuil saineolas ar chaighdeáin agus sonraíochtaí teicniúla san earnáil uiscebhealaí intíre, tá sé ábhartha chun cúnamh a thabhairt don Choimisiún de réir bhrí Rialachán (AE) Uimh. 182/2011 ó Pharlaimint na hEorpa agus ón gComhairle 34 i leith seirbhísí faisnéise tráchta abhann. Thairis sin, leis an Treoir seo tugtar leasuithe isteach ar Airteagal 5 agus Airteagal 12 de Threoir 2005/44/CE a bhaineann leis an nós imeachta coiste is gá a léiriú in airteagal nuashonraithe. Dá bhrí sin ba cheart Airteagal 11 de Threoir 2005/44/CE a leasú chun na hathruithe sin a léiriú.

(23)Chun críoch rialála níos fearr agus an tsimpliúcháin, ba cheart é a bheith indéanta tagairt a dhéanamh i dTreoir 2005/44/CE do chaighdeáin idirnáisiúnta gan macasamhla díobh a chruthú i gcreat dlíthiúil an Aontais.

(24)Tá seirbhísí faisnéise tráchta abhann bunaithe san Aontas ó bhí 2005 ann agus tá taithí nach beag cruinnithe ag na Ballstáit ar na seirbhísí sin a fhorbairt agus a chur chun feidhme. Thairis sin, na sonraíochtaí teicniúla is gá le haghaidh fheidhmiú na seirbhísí faisnéise tráchta abhann, áirítear iad in Iarscríbhinn III a ghabhann le Treoir 2005/44/CE. Maidir leis sin, ba cheart Airteagal 12(2) de Threoir 2005/44/CE a scriosadh. Ina theannta sin, trí leasú a dhéanamh ar raon feidhme Threoir 2005/44/CE chun díriú ar TEN‑T, is infheidhme an ceanglas chun seirbhísí faisnéise tráchta abhann a chur chun feidhme ar na huiscebhealaí is tábhachtaí, rud lena gcruthófar gréasán iompair iontaofa. Dá réir sin, ba cheart Airteagal 12(3) de Threoir 2005/44/CE a scriosadh.

(25)I gcomhréir le prionsabal na comhréireachta, is gá agus is iomchuí go leagfar síos rialacha maidir le seirbhísí faisnéise tráchta abhann a bhunú, a oibriú agus maidir lena sonraíochtaí teicniúla, chun an bunchuspóir a ghnóthú go mbunófar creat um sholáthar seirbhísí faisnéise tráchta abhann (RIS) san Aontas. Ní théann an Treoir seo thar a bhfuil riachtanach chun na cuspóirí arna saothrú a ghnóthú i gcomhréir le hAirteagal 5(4) den Chonradh ar an Aontas Eorpach.

(26)Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 ó Pharlaimint na hEorpa agus ón gComhairle agus thug sé tuairim an [XX XX 2024] 35 .

(27)Dá bhrí sin, ba cheart Treoir 2005/44/CE a leasú dá réir sin,

TAR ÉIS AN TREOIR SEO A GHLACADH:

Airteagal 1

Leasuithe ar Threoir 2005/44/CE

Leasaítear Treoir 2005/44/CE mar a leanas:

(1)Cuirtear an méid seo a leanas in ionad Airteagal 1:

‘Airteagal 1

Ábhar

1.Leis an Treoir seo bunaítear creat le haghaidh imlonnú agus úsáid seirbhísí faisnéise tráchta abhann (RIS) comhchuibhithe san Aontas chun tacú leis an iompar uiscebhealaí intíre d’fhonn sábháilteacht, éifeachtúlacht agus inbhuanaitheacht an iompair sin a fheabhsú agus comhéadain le modhanna iompair eile a éascú.

2.Leis an Treoir seo bunaítear creat le haghaidh ceanglais theicniúla, sonraíochtaí teicniúla agus coinníollacha teicniúla a bhunú agus a fhorbairt a thuilleadh chun seirbhísí faisnéise tráchta abhann oscailte, idir-inoibritheacha agus comhchuibhithe a áirithiú ar uiscebhealaí intíre an Aontais agus chun leanúnachas le seirbhísí bainistíochta tráchta a bhaineann le modhanna eile a áirithiú, go háirithe seirbhísí bainistíochta agus faisnéise tráchta soithí muirí.’

(2)in Airteagal 2, cuirtear an méid seo a leanas in ionad mhír 1:

‘1.Tá feidhm ag an Treoir seo maidir le seirbhísí faisnéise tráchta abhann a chur chun feidhme agus a oibriú ar uiscebhealaí intíre agus i gcalafoirt intíre uile na mBallstát atá ina gcuid den ghréasán tras‑Eorpach iompair, mar a shonraítear agus a liostaítear in Iarscríbhinní I agus II a ghabhann le Rialachán (CE) Uimh. 1315/2013 ó Pharlaimint na hEorpa agus ón gComhairle 36 .’

(3)in Airteagal 3, cuirtear na pointí (ha) go (hi) seo a leanas isteach:

‘(ha)ciallaíonn ‘gréasán tras‑Eorpach iompair’ (TEN‑T) uiscebhealaí intíre mar a shainmhínítear in Iarscríbhinn I a ghabhann le Rialachán (AE) 1315/2013;

(hb)ciallaíonn ‘faisnéis leictreonach faoi iompar lastais’ (eFTI) faisnéis leictreonach faoi iompar lastais mar a shainmhínítear in Airteagal 3(4) de Rialachán (AE) 2020/1056 ó Pharlaimint na hEorpa agus ón gComhairle 37 ;

(hc)ciallaíonn ‘timpeallacht Eorpach Ionaid Ilfhreastail Mhuirí’ (‘EMSWe’) timpeallacht Eorpach Ionaid Ilfhreastail Mhuirí mar a shainmhínítear in Airteagal 2(1) de Rialachán (AE) 2019/1239 ó Pharlaimint na hEorpa agus ón gComhairle 38 ;

(hd)ciallaíonn ‘Ionad Ilfhreastail Muirí Náisiúnta’ Ionad Ilfhreastail Muirí Náisiúnta mar a shainmhínítear in Airteagal 2(3) de Rialachán (AE) 2019/1239;

(he)ciallaíonn ‘Córas Bainistíochta Sonraí Tagartha Eorpach’ (ERDMS) stóras (leabharlann) atá ina phointe rochtana aonair le haghaidh sonraí tagartha agus liostaí cód a bhaineann feidhmchláir TF úsáid astu san iompar uiscebhealaí intíre arna oibriú ag an gCoimisiún;

(hf) ciallaíonn ‘Córas Pobail Calafoirt’ ardán leictreonach chun faisnéis a mhalartú idir páirtithe leasmhara poiblí agus príobháideacha chun próisis rianúla calafoirt agus lóistíochta a áirithiú;

(hg) ciallaíonn ‘córas bonneagair uiscebhealaí intíre cliste’ ardán leictreonach a thacaíonn le bainistíocht leath‑uathoibrithe agus lán‑uathoibrithe bhonneagar an iompair uiscebhealaí intíre i loic agus droichid inaistrithe in TEN‑T, arna oibriú ag údaráis phoiblí um bainistiú uiscebhealaí;

(hh) ciallaíonn ‘Ardán um Sheirbhísí Faisnéise Tráchta Abhann’ ardán leictreonach atá ina phointe rochtana aonair arb í faisnéis náisiúnta na seirbhísí faisnéise tráchta abhann is foinse dó agus lena soláthraítear Seirbhísí Faisnéise Iompair, Tráchta, Bonneagair agus Seolbhealaí, lena n‑áirítear pleanáil iompair agus bealaí, d’úsáideoirí seirbhísí faisnéise tráchta abhann agus a úsáidtear ar mhaithe leis an tuairisciú leictreonach de réir phrionsabal ‘na haonuaire’;

(hi) ciallaíonn ‘calafoirt intíre’ calafort uiscebhealaigh intíre de chroíghréasán TEN‑T nó de ghréasán cuimsitheach TEN‑T, mar a dhéantar a liostú agus a chatagóiriú in Iarscríbhinn II a ghabhann le Rialachán (AE) Uimh. 1315/2013.’

(4)Cuirtear an méid seo a leanas in ionad Airteagal 4:

‘Airteagal 4

Seirbhísí faisnéise tráchta abhann a bhunú

1.Déanfaidh na Ballstáit na bearta is gá chun seirbhísí faisnéise tráchta abhann a chur chun feidhme ar uiscebhealaí intíre agus calafoirt intíre atá faoi raon feidhme na Treorach seo.

2.Forbróidh na Ballstáit seirbhísí faisnéise tráchta abhann ar bhealach a fhágfaidh go mbeidh feidhmchlár na seirbhísí éifeachtúil, inleathnaithe agus idir-inoibritheach chun gur féidir leis idirghníomhú le feidhmchláir eile seirbhísí faisnéise tráchta abhann agus le córais le haghaidh modhanna iompair eile, agus comhéadain a sholáthar do chórais bainistíochta iompair agus gníomhaíochtaí tráchtála an tráth céanna freisin.

3.Chun seirbhísí faisnéise tráchta abhann a bhunú, déanfaidh na Ballstáit an méid seo a leanas:

(a)a áirithiú go soláthrófar na sonraí ábhartha uile d’úsáideoirí seirbhísí faisnéise tráchta abhann ar sonraí iad a bhaineann leis an loingseoireacht agus pleanáil turas ar uiscebhealaí intíre. Beidh na sonraí sin, mar a shainmhínítear in Iarscríbhinn I, cothrom le dáta agus soláthrófar iad i bhformáid leictreonach choiteann inrochtana ar a laghad;

(b)a áirithiú go mbeidh cairteacha leictreonacha loingseoireachta atá oiriúnach chun críocha na loingseoireachta ar fáil d’úsáideoirí seirbhísí faisnéise tráchta abhann le haghaidh na n‑uiscebhealaí intíre uile dá gcuid atá in TEN‑T;

(c)a mhéid a cheanglaítear an tuairisciú long de réir rialacháin náisiúnta nó rialacháin idirnáisiúnta, é a chur ar a gcumas do na húdaráis inniúla tuarascálacha leictreonacha long de na sonraí a cheanglaítear a fháil ó longa. San iompar trasteorann, tarchuirfear an fhaisnéis sin chuig údaráis inniúla na tíre comharsanaí agus cuirfear i gcrích aon tarchur den sórt sin sula dtiocfaidh na soithí chun na teorann;

(d)a áirithiú, maidir le fógraí do scipéirí, lena n‑áirítear maidir leis an leibhéal uisce (nó uasdoimhneacht snámha incheadaithe) agus tuarascálacha oighir i dtaca lena n‑uiscebhealaí intíre, go soláthrófar na fógraí sin mar theachtaireachtaí caighdeánaithe, ionchódaithe agus in‑íoslódáilte. Beidh sa teachtaireacht chaighdeánaithe an fhaisnéis is gá le haghaidh na loingseoireachta sábháilte ar a laghad. Beidh na fógraí do scipéirí cothrom le dáta agus soláthrófar iad i bhformáid leictreonach choiteann inrochtana ar a laghad;

(e)a áirithiú go ndéanfar ERDMS a choimeád cothrom le dáta trí na sonraí uile is gá a sholáthar gan mhoill agus athbhreithniú a dhéanamh orthu uair sa bhliain ar a laghad;

(f)a áirithiú go ndéanfar ar a laghad faisnéis a bhaineann le trácht a mhalartú idir seirbhísí faisnéise tráchta abhann agus timpeallachtaí leictreonacha malartaithe faisnéise arna mbunú le dlí an Aontais agus a mbaintear úsáid astu i modhanna iompair eile, lena n‑áirítear trí Ionaid Ilfhreastail Mhuirí Náisiúnta laistigh de EMSWe;

(g)a áirithiú, maidir le faisnéis a bhaineann le hearraí contúirteacha, mar a cheanglaítear de bhun Chaibidil 5.4 de Chuid 5 de na Rialacháin atá i gceangal leis an gComhaontú Eorpach maidir le hIompar Idirnáisiúnta Earraí Contúirteacha ar Uiscebhealaí Intíre (ADN), arna thabhairt i gcrích sa Ghinéiv an 26 Bealtaine 2000, dá dtagraítear i Roinn III.1 d’Iarscríbhinn III a ghabhann le Treoir 2008/68/CE ó Pharlaimint na hEorpa agus ón gComhairle 39 , go gcuirfear an fhaisnéis sin ar fáil do na húdaráis inniúla ar ardán eFTI, trí nasc leictreonach uathúil sainaitheanta dá dtagraítear i bpointe (e) d’Airteagal 9(1) de Rialachán (AE) 2020/1056;

(h)a áirithiú go ndéanfar faisnéis a mhalartú idir seirbhísí faisnéise tráchta abhann agus córais pobail calafoirt na gcalafort intíre, lena n‑áirítear, i measc faisnéis eile, faisnéis cothrom le dáta maidir le hinfhaighteacht na mbeart, agus bonneagair breosla mhalartaigh, agus go háirithe na suiteálacha sin a cheanglaítear de bhun Airteagal 10 de Rialachán (AE) 2023/1804 ó Pharlaimint na hEorpa agus ón gComhairle 40 ;

(i)a áirithiú go ndéanfar faisnéis a mhalartú idir seirbhísí faisnéise tráchta abhann agus córais bonneagair uiscebhealaí intíre chliste eile chun trácht abhann a bhainistiú.

Déanfar na hoibleagáidí dá dtagraítear sa mhír seo a chomhlíonadh i gcomhréir leis na ceanglais agus na prionsabail a leagtar amach in Iarscríbhinní I agus II.

4.Déanfaidh údaráis inniúla na mBallstát lárionaid seirbhísí faisnéise tráchta abhann a bhunú de réir riachtanais réigiúnacha.

5.Déanfaidh na Ballstáit Ardán aonair um Sheirbhísí Faisnéise Tráchta Abhann, lena soláthraítear sonraí a bhaineann le seolbhealaí, bonneagar, trácht agus iompar, a chruthú, a oibriú, a úsáid agus a choinneáil ar bun. Beidh an tArdán um Sheirbhísí Faisnéise Tráchta Abhann inrochtana le haghaidh úsáideoirí uile na seirbhísí sin agus is é an príomhardán a bheidh ann chun faisnéis a bhaineann leis na seirbhísí a mhalartú. Beidh comhéadain ann le haghaidh naisc le córais modhanna eile iompair agus calafort intíre. Ainmneoidh na Ballstáit údarás inniúil amháin nó níos mó a bheidh freagrach as an Ardán um Sheirbhísí Faisnéise Tráchta Abhann a oibriú.

6. Glacfaidh an Coimisiún gníomhartha tarmligthe lena leagfar síos na saintréithe, róil agus nósanna imeachta oibríochtúla le haghaidh an Ardáin um Sheirbhísí Faisnéise Tráchta Abhann agus lena sainaithneofar a eintiteas oibriúcháin, bunaithe ar na prionsabail le haghaidh sonraíochtaí teicniúla na seirbhísí sin a leagtar amach i bpointe 7 d’Iarscríbhinn II, chun a áirithiú go ndéanfar iad a chur chun feidhme ar bhonn aonfhoirmeach ar fud an Aontais. Glacfar na gníomhartha cur chun feidhme sin i gcomhréir leis an nós imeachta scrúdúcháin dá dtagraítear in Airteagal 11(2).

7.Chun úsáid a bhaint as na córais aitheantais uathoibríoch (‘AIS’), beidh feidhm ag an socrú réigiúnach a bhaineann leis an tseirbhís radaiteileafóin ar uiscebhealaí intíre a tugadh i gcrích in Basel an 6 Aibreán 2000 faoi chuimsiú rialacháin raidió an Aontais Idirnáisiúnta Teileachumarsáide (IRCS).

8.Déanfaidh na Ballstáit, más iomchuí i gcomhar leis an Aontas, máistrí báid, oibreoirí, gníomhairí nó úinéirí soithí a sheolann ar a n‑uiscebhealaí intíre agus seoltóirí nó úinéirí earraí arna n‑iompar ar bord na soithí sin, a spreagadh chun leas iomlán a bhaint as na seirbhísí a chuirtear ar fáil faoin Treoir seo.

9.Déanfaidh an Coimisiún bearta iomchuí chun idir‑inoibritheacht, iontaofacht agus sábháilteacht na seirbhísí faisnéise tráchta abhann a fhíorú.’

(5)Cuirtear an méid seo a leanas in ionad Airteagal 5:

‘Airteagal 5

Sonraíochtaí teicniúla

1.Chun tacú le seirbhísí faisnéise tráchta abhann agus chun idir‑inoibritheacht na seirbhísí sin a áirithiú mar a cheanglaítear le hAirteagal 4(2), beidh feidhm ag na sonraíochtaí teicniúla dá dtagraítear in Iarscríbhinn III i gcomhréir leis na prionsabail a leagtar amach in Iarscríbhinn III agus cumhdófar leis na sonraíochtaí sin na réimsí seo a leanas go háirithe:

(a)córas taispeána cairteacha leictreonacha agus faisnéise um loingseoireacht intíre (ECDIS Intíre);

(b)tuairisciú leictreonach long;

(c)fógraí do scipéirí;

(d)córais rianaithe agus lorgaireachta soithí;

(e)comhoiriúnacht an trealaimh is gá chun úsáid a bhaint as seirbhísí faisnéise tráchta abhann;

(f)oibriú an Ardáin um Sheirbhísí Faisnéise Tráchta Abhann;

(g)idirnascadh agus malartú faisnéise le bunachair sonraí an Aontais (ERDMS);

(h)idirnascadh agus malartú faisnéise le hardáin TF modhanna iompair eile, lena n‑áirítear eFTI agus EMSWe ar a laghad;

(i)idirnascadh agus malartú faisnéise le córais bainistíochta calafoirt agus le córais bonneagair uiscebhealaí intíre chliste;

(j)forálacha maidir leis an loingseoireacht, agus pleanáil turas.’

(6)Cuirtear an méid seo a leanas in ionad Airteagal 8:

‘Airteagal 8

Údaráis inniúla

Ainmneoidh na Ballstáit údaráis inniúla maidir leis an Ardán um Sheirbhísí Faisnéise Tráchta Abhann a chur i bhfeidhm, sonraí a mhalartú go hidirnáisiúnta, an tArdán um Sheirbhísí Faisnéise Tráchta Abhann a oibriú agus gearáin ó úsáideoirí na seirbhísí sin a láimhseáil. Tabharfar fógra faoi na húdaráis sin don Choimisiún faoin … [1 bhliain amháin tar éis dháta theacht i bhfeidhm na Treorach seo]’

(7)Cuirtear an tAirteagal 8a seo a leanas isteach:

‘Airteagal 8a

Gearáin a láimhseáil

1.Áiritheoidh gach Ballstát go mbeidh nós imeachta éifeachtach i bhfeidhm chun gearáin a eascraíonn as cur i bhfeidhm na Treorach seo a láimhseáil.

2.Déanfar gearáin a láimhseáil ar bhealach lena seachnófar coinbhleachtaí leasa, agus a bheidh neamhspleách go feidhmiúil ar aon údarás inniúil maidir leis na seirbhísí faisnéise tráchta abhann a chur i bhfeidhm, sonraí a mhalartú go hidirnáisiúnta agus an tArdán um Sheirbhísí Faisnéise Tráchta Abhann a oibriú. Láimhseálfar gearáin ar bhealach neamhchlaonta agus trédhearcach agus urramófar go cuí an ceart chun gnó a dhéanamh go neamhshrianta.

3.Déanfar gearáin a chomhdú sa Bhallstát ar ina uiscebhealaí nó ina chalafoirt intíre a d’eascair an chúis leis an ngearán. Áiritheoidh na Ballstáit go gcuirfear úsáideoirí na seirbhísí faisnéise tráchta abhann agus páirtithe leasmhara ábhartha eile ar an eolas maidir leis an áit a bhféadfaidís gearán a dhéanamh agus an chaoi a bhféadfaidís déanamh amhlaidh, agus cé hiad na húdaráis atá freagrach as gearáin a láimhseáil.

4.Rachaidh na húdaráis atá freagrach as gearáin a láimhseáil i gcomhar chun críoch gearán de chineál trasteorann.

5.Beidh sé de chumhacht ag na húdaráis atá freagrach as gearáin a láimhseáil, i gcomhréir leis an dlí náisiúnta, é a chur de cheangal ar údaráis inniúla maidir le cur i bhfeidhm seirbhísí faisnéise tráchta abhann agus sonraí a mhalartú go hidirnáisiúnta, agus de cheangal ar sholáthraithe seirbhísí faisnéise tráchta abhann, bainisteoirí bonneagair agus oibreoirí calafort intíre faisnéis atá ábhartha do ghearán a sholáthar dóibh.

6.Beidh sé de chumhacht ag na húdaráis atá freagrach as gearáin a láimhseáil, i gcomhréir leis an dlí náisiúnta, cinntí a ghlacadh ag a mbeidh éifeacht cheangailteach, faoi réir athbhreithniú breithiúnach, i gcás inarb infheidhme.

7.Cuirfidh na Ballstáit an Coimisiún ar an eolas faoin nós imeachta chun gearáin a láimhseáil faoin … [1 bhliain amháin tar éis dháta theacht i bhfeidhm na Treorach seo] agus, dá éis sin, faoi aon athrú ar an bhfaisnéis sin. Déanfaidh an Coimisiún faisnéis den sórt sin a fhoilsiú agus a thabhairt cothrom le dáta go tráthrialta ar a shuíomh gréasáin.

8.Cuirfidh na Ballstáit an Coimisiún ar an eolas ar bhonn bliantúil faoi líon agus faoi chineál na ngearán arna bhfáil na húdaráis atá freagrach as gearáin a láimhseáil, faoin líon gníomhaíochtaí ceartúcháin arna ndéanamh, agus faoin am a bhí de dhíth chun gearáin a réiteach.’

(8)Cuirtear an méid seo a leanas in ionad Airteagal 9:

‘Airteagal 9

Rialacha maidir le príobháideachas agus slándáil faisnéise

Déanfaidh na Ballstáit na bearta teicniúla agus eagraíochtúla is gá i gcomhréir le dlí an Aontais agus an dlí náisiúnta is infheidhme chun faisnéis agus taifid seirbhísí faisnéise tráchta abhann a chosaint ar theagmhais gan choinne nó mí‑úsáid, lena n‑áirítear rochtain míchuí, athrú nó caillteanas agus chun rúndacht na faisnéis tráchtála agus na faisnéise íogaire eile a mhalartaítear de bhun na Treorach seo a áirithiú.’

(9)Cuirtear an méid seo a leanas in ionad Airteagal 10:

‘Airteagal 10

Nós imeachta um leasú

1.Tabharfar de chumhacht don Choimisiún gníomhartha tarmligthe a ghlacadh i gcomhréir le hAirteagal 10a chun leasú a dhéanamh ar Iarscríbhinn I, trí na híoscheanglais maidir le sonraí a thabhairt cothrom le dáta agus a athbhreithniú, agus an taithí a fhaightear ó chur i bhfeidhm na Treorach seo á chur san áireamh. mar aon leis an dul chun cinn teicniúil i dtaca le teicneolaíochtaí agus feidhmchláir seirbhísí faisnéise tráchta abhann a fhorbairt.

2.Tabharfar de chumhacht don Choimisiún gníomhartha tarmligthe a ghlacadh i gcomhréir le hAirteagal 10a chun leasú a dhéanamh ar Iarscríbhinn III tríd an tagairt don leagan is déanaí de ES‑RIS a thabhairt cothrom le dáta, más iomchuí i bhfianaise na gcritéar a shainítear i mír 3, agus i gcomhréir le prionsabail Iarscríbhinn II, agus chun dáta a chur i bhfeidhm a leagan síos.

3.In éagmais sonraíochtaí teicniúla ábhartha agus cothrom le dáta, nó i gcás nach gcomhlíonann sonraíochtaí teicniúla arna bhforbairt ag CESNI aon cheanglas is infheidhme a leagtar amach in Iarscríbhinn II, nó i gcás inarb amhlaidh mar gheall ar athruithe ar phróiseas cinnteoireachta CESNI nó ar eilimintí eile den chaighdeán go ndéanfaí dochar do leasanna an Aontais, agus i gcás ina dtabharfar údar cuí leis le hanailís iomchuí, tabharfar de chumhacht don Choimisiún gníomhartha tarmligthe a ghlacadh i gcomhréir le hAirteagal 10a chun leasú a dhéanamh ar Iarscríbhinn III chun sonraíochtaí teicniúla iomchuí a sholáthar bunaithe ar na prionsabail a leagtar amach in Iarscríbhinn II.’

(10)In Airteagal 10a, cuirtear an méid seo a leanas in ionad mhír 2:

‘2.Déanfar an chumhacht chun gníomhartha tarmligthe a ghlacadh dá dtagraítear in Airteagal 10 a thabhairt don Choimisiún go ceann tréimhse 5 bliana ón [dáta teacht i bhfeidhm]. Tráth nach déanaí ná 9 mí roimh dheireadh na tréimhse 5 bliana, déanfaidh an Coimisiún tuarascáil a tharraingt suas i leith tharmligean na cumhachta. Déanfar tarmligean na cumhachta a fhadú go hintuigthe go ceann tréimhsí comhfhaid, mura rud é go gcuirfidh Parlaimint na hEorpa nó an Chomhairle in aghaidh an fhadaithe sin tráth nach déanaí ná 3 mhí roimh dheireadh gach tréimhse.’

(11)In Airteagal 10a, cuirtear an méid seo a leanas in ionad mhír 6:

‘6.Ní thiocfaidh gníomh tarmligthe a ghlacfar de bhun an Airteagail seo i bhfeidhm ach amháin mura mbeidh aon agóid curtha in iúl ag Parlaimint na hEorpa nó ag an gComhairle laistigh de thréimhse 2 mhí tar éis fógra faoin ngníomh sin a thabhairt do Pharlaimint na hEorpa.’

(12)Cuirtear an méid seo a leanas in ionad Airteagal 11:

‘Airteagal 11

Nós imeachta coiste

1.Tabharfaidh an Coiste um Iompar ar Uiscebhealaí Intíre cúnamh don Choimisiún. Is coiste de réir bhrí Rialachán (AE) Uimh. 182/2011 ó Pharlaimint na hEorpa agus ón gComhairle a bheidh sa Choiste sin 41 .

2.I gcás ina ndéantar tagairt don mhír seo, beidh feidhm ag Airteagal 5 de Rialachán (AE) Uimh. 182/2011.’

(13)in Airteagal 12, scriostar míreanna 2 agus 3.

(14)Cuirtear an tAirteagal 12a seo a leanas isteach:

‘Airteagal 12a

Faireachán

Déanfaidh an Coimisiún faireachán ar chur ar bhun na seirbhísí faisnéise tráchta abhann san Aontas agus tuairisceoidh do Pharlaimint na hEorpa agus don Chomhairle faoin … [5 bliana tar éis an dáta teacht i bhfeidhm].’

(15)Cuirtear an téacs a leagtar amach in Iarscríbhinn I a ghabhann leis an Treoir seo in ionad Iarscríbhinn I a ghabhann le Treoir 2005/44/CE.

(16)Cuirtear an téacs a leagtar amach in Iarscríbhinn II a ghabhann leis an Treoir seo in ionad Iarscríbhinn II a ghabhann le Treoir 2005/44/CE.

(17)Cuirtear an téacs a leagtar amach in Iarscríbhinn III a ghabhann leis an Treoir seo isteach mar Iarscríbhinn III.

Airteagal 2

Trasuí

1.Na dlíthe, rialacháin agus forálacha riaracháin is gá chun an Treoir seo a chomhlíonadh, déanfaidh na Ballstáit atá faoi raon feidhme na Treorach seo iad a thabhairt i bhfeidhm faoin … [1 bhliain amháin tar éis an teacht i bhfeidhm] ar a dhéanaí. Cuirfidh siad an Coimisiún ar an eolas faoin méid sin láithreach.

2.Nuair a ghlacfaidh na Ballstáit na forálacha sin, beidh tagairt iontu don Treoir seo nó beidh tagairt den sórt sin ag gabháil leo tráth a bhfoilsithe oifigiúil. Is iad na Ballstáit a chinnfidh an bealach le tagairt den sórt sin a dhéanamh.

3.Déanfaidh na Ballstáit téacs phríomhfhorálacha an dlí náisiúnta a ghlacfaidh siad sa réimse a chumhdaítear leis an Treoir seo a chur in iúl don Choimisiún.

Airteagal 3

Teacht i bhfeidhm

Tiocfaidh an Treoir seo i bhfeidhm an fichiú lá tar éis lá a foilsithe in Iris Oifigiúil an Aontais Eorpaigh.

Airteagal 4

Seolaithe

Is chuig na Ballstáit ag a bhfuil uiscebhealaí intíre atá faoi raon feidhme Airteagal 2 de Threoir 2005/44/CE a dhírítear an Treoir seo.

Arna dhéanamh sa Bhruiséil,

(1)    Foinse: Leabhar póca staitisticí 2022 (europa.eu).

(2)        An Ostair, an Bheilg, an Bhulgáir, an tSeicia, an Ghearmáin, an Fhrainc, an Chróit, an Ungáir, Lucsamburg, an Ísiltír, an Pholainn, an Rómáin agus an tSlóvaic.

(3)    Foinse: EU transport in figures [Iompar AE i bhfigiúirí]. https://transport.ec.europa.eu/facts‑funding/studies‑data/eu-transport‑figures‑statistical-pocketbook/statistical-pocketbook-2022_en

(4)        LCLR (2022). Thematic report an assessment of new market opportunities for inland waterway transport. Le fáil ag: https://inland‑navigation‑market.org/wp-content/uploads/2022/03/Thematic-report_20212022_EN_BD.pdf .  

(5)

   An Coimisiún Eorpach (2016), Doiciméad Inmheánach Oibre Refit Ex-Post Evaluation of Combined Transport Directive 92/106/EEC Final Report [Meastóireacht Ex Post Refit ar Threoir 92/106/CEE maidir le hIompar Comhcheangailte Tuarascáil Chríochnaitheach] SWD(2016) 140 final.

(6)    SWD(2021)0050 final.

(7)     https://eur-lex.europa.eu/legal-content/GA/TXT/?qid=1588580774040&uri=CELEX%3A52019DC0640 .  

(8)    Rialachán (AE) 1315/2013.

(9)    Rialachán (AE) 2020/1056.

(10)    Rialachán (AE) 2020/1056.

(11)     090166e5d9dfde69.pdf . 

(12)        SWD […] 2023.

(13)        IO C 326, 26.10.2012, lch. 2.

(14)        OJ C , , lch. .

(15)        OJ C , , lch. .

(16)    Treoir 2005/44/CE ó Pharlaimint na hEorpa agus ón gComhairle an 7 Meán Fómhair 2005 maidir le seirbhísí faisnéise tráchta abhann (RIS) comhchuibhithe ar uiscebhealaí intíre sa Chomhphobal (IO L 255, 30.9.2005, lch. 152, ELI: http://data.europa.eu/eli/dir/2005/44/oj).

(17)        COM/2019/640 final.

(18)        COM/2020/789 final.

(19)        COM/2021/324 final.

(20)    COM/2020/66 final.

(21)    COM/2017/134 final.

(22)    COM/2022/720 final.

(23)    Rialachán (AE) Uimh. 1315/2013 ó Pharlaimint na hEorpa agus ón gComhairle an 11 Nollaig 2013 maidir le treoirlínte an Aontais chun an gréasán tras‑Eorpach iompair a fhorbairt agus lena n‑aisghairtear Cinneadh Uimh. 661/2010/AE (IO L 348, 20.12.2013, lch. 1, ELI: http://data.europa.eu/eli/reg/2013/1315/oj).

(24)    Beartas an Aontais maidir leis an ngréasán tras‑Eorpach iompair, beartas TEN‑T, is príomhuirlis é chun bonneagar iompair ardcháilíochta, ilmhodhach, éifeachtúil agus comhleanúnach a fhorbairt ar fud an Aontais. Cuimsítear sa ghréasán iarnróid, uiscebhealaí intíre, bealaí loingseoireachta gearrthurais agus bóithre lena nasctar nóid uirbeacha, calafoirt mhuirí agus intíre, aerfoirt agus críochfoirt.

(25)    Rialachán (AE) 2019/1239 ó Pharlaimint na hEorpa agus ón gComhairle an 20 Meitheamh 2019 lena mbunaítear timpeallacht Eorpach Ionaid Ilfhreastail Mhuirí agus lena n‑aisghairtear Treoir 2010/65/AE (IO L 198, 25.7.2019, lch. 64, ELI: http://data.europa.eu/eli/reg/2019/1239/oj.

(26)    Rialachán (AE) Uimh. 182/2011 ó Pharlaimint na hEorpa agus ón gComhairle an 16 Feabhra 2011 lena leagtar síos na rialacha agus na prionsabail ghinearálta a bhaineann leis na sásraí maidir le rialú ag na Ballstáit ar fheidhmiú cumhachtaí cur chun feidhme ag an gCoimisiún (IO L 55, 28.2.2011, lch. 13, ELI: http://data.europa.eu/eli/reg/2011/182/oj).

(27)        IO L 119, 4.5.2016, lch. 1.

(28)        IO L 295, 21.11.2018, lch. 39.

(29)        Rialachán (AE) 2016/679 ó Pharlaimint na hEorpa agus ón gComhairle an 27 Aibreán 2016 maidir le daoine nádúrtha a chosaint i ndáil le sonraí pearsanta a phróiseáil agus maidir le saorghluaiseacht sonraí den sórt sin, agus lena n‑aisghairtear Treoir 95/46/CE (IO L 119, 4.5.2016, lch. 1, ELI: http://data.europa.eu/eli/reg/2016/679/oj).

(30)        Rialachán (AE) 2018/1725 ó Pharlaimint na hEorpa agus ón gComhairle an 23 Deireadh Fómhair 2018 maidir le daoine nádúrtha a chosaint i ndáil le sonraí pearsanta a phróiseáil ag institiúidí, comhlachtaí, oifigí agus gníomhaireachtaí an Aontais agus maidir le saorghluaiseacht sonraí den sórt sin, agus lena n‑aisghairtear Rialachán (CE) Uimh. 45/2001 agus Cinneadh Uimh. 1247/2002/CE (IO L 295, 21.11.2018, lch. 39, ELI: http://data.europa.eu/eli/reg/2018/1725/oj).

(31)        Treoir (AE) 2016/1629 ó Pharlaimint na hEorpa agus ón gComhairle an 14 Meán Fómhair 2016 lena leagtar síos ceanglais theicniúla le haghaidh soithí uiscebhealaí intíre, lena leasaítear Treoir 2009/100/CE agus lena n‑aisghairtear Treoir 2006/87/CE (IO L 252, 16.9.2016, lch. 118, ELI: http://data.europa.eu/eli/dir/2016/1629/oj).

(32)    Bunaíodh CESNI faoi rún 2015-i-3 ón Lárchoimisiún um Loingseoireacht ar an Réin.

(33)        IO L 123, 12.5.2016, lch. 1, ELI:  http://data.europa.eu/eli/agree_interinstit/2016/512/oj .

(34)    Rialachán (AE) Uimh. 182/2011 ó Pharlaimint na hEorpa agus ón gComhairle an 16 Feabhra 2011 lena leagtar síos na rialacha agus na prionsabail ghinearálta a bhaineann leis na sásraí maidir le rialú ag na Ballstáit ar fheidhmiú cumhachtaí cur chun feidhme ag an gCoimisiún (IO L 55, 28.2.2011, lch. 13, ELI: http://data.europa.eu/eli/reg/2011/182/oj).

(35)    IO C […], […], lch. […].

(36)    Rialachán (AE) Uimh. 1315/2013 ó Pharlaimint na hEorpa agus ón gComhairle an 11 Nollaig 2013 maidir le treoirlínte an Aontais chun an gréasán tras‑Eorpach iompair a fhorbairt agus lena n‑aisghairtear Cinneadh Uimh. 661/2010/AE (IO L 348, 20.12.2013, lch. 1, ELI: http://data.europa.eu/eli/reg/2013/1315/oj).

(37)    Rialachán (AE) 2020/1056 ó Pharlaimint na hEorpa agus ón gComhairle an 15 Iúil 2020 maidir le faisnéis leictreonach faoi iompar lastais (IO L 249, 31.7.2020, lch. 33, ELI: http://data.europa.eu/eli/reg/2020/1056/oj).

(38)    Rialachán (AE) 2019/1239 ó Pharlaimint na hEorpa agus ón gComhairle an 20 Meitheamh 2019 lena mbunaítear timpeallacht Eorpach Ionaid Ilfhreastail Mhuirí agus lena n‑aisghairtear Treoir 2010/65/AE (IO L 198, 25.7.2019, lch. 64, ELI: http://data.europa.eu/eli/reg/2019/1239/oj).

(39)    Treoir 2008/68/CE ó Pharlaimint na hEorpa agus ón gComhairle an 24 Meán Fómhair 2008 maidir le hiompar intíre earraí contúirteacha (IO L 260, 30.9.2008, lch. 13, ELI: http://data.europa.eu/eli/dir/2008/68/oj).

(40)    Rialachán (AE) 2023/1804 ó Pharlaimint na hEorpa agus ón gComhairle an 13 Meán Fómhair 2023 maidir le himscaradh bonneagair breoslaí malartacha agus lena n‑aisghairtear Treoir 2014/94/AE (IO L 234, 22.9.2023, lch. 1, ELI: http://data.europa.eu/eli/reg/2023/1804/oj).

(41)    Rialachán (AE) Uimh. 182/2011 ó Pharlaimint na hEorpa agus ón gComhairle an 16 Feabhra 2011 lena leagtar síos na rialacha agus na prionsabail ghinearálta a bhaineann leis na sásraí maidir le rialú ag na Ballstáit ar fheidhmiú cumhachtaí cur chun feidhme ag an gCoimisiún (IO L 55, 28.2.2011, lch. 13, ELI: http://data.europa.eu/eli/reg/2011/182/oj).

AN COIMISIÚN EORPACH

An Bhruiséil,26.1.2024

COM(2024) 33 final

IARSCRÍBHINN

a ghabhann leis an togra le haghaidh

TREOIR Ó PHARLAIMINT NA hEORPA AGUS ÓN gCOMHAIRLE

lena leasaítear Treoir 2005/44/CE maidir le seirbhísí faisnéise tráchta abhann (RIS) comhchuibhithe ar uiscebhealaí intíre sa Chomhphobal

{SEC(2024) 38 final} - {SWD(2024) 15 final} - {SWD(2024) 16 final}

IARSCRÍBHINN I

‘IARSCRÍBHINN I

ÍOSCHEANGLAIS MAIDIR LE SONRAÍ 

Dá dtagraítear in Airteagal 4(3), pointe (a), soláthrófar na sonraí seo a leanas go háirithe: 

·ais uiscebhealaigh lena ngabhann tásc ciliméadair; 

·srianta le haghaidh soithí nó conbhuanna i dtéarmaí faid, leithid, doimhneacht snámha agus airde os cionn an uisce; 

·réanna oibrithe a ghabhann le struchtúir shriantacha, go háirithe loic agus droichid; 

·agaí feithimh atá ann faoi láthair agus lena bhfuil coinne ag droichid, loic agus calafoirt intíre;

·suíomh calafort agus láithreán trasloingsithe; 

·sonraí tagartha le haghaidh tomhais uisceleibhéil atá ábhartha maidir le loingseoireacht. 

Beidh an fhaisnéis a sholáthrófar cothrom le dáta agus léireoidh sí an cás fíor-ama.’