(2)

Chun foráil a dhéanamh maidir le feidhmiú rianúil agus éifeachtach an tsásra comhair agus réitigh díospóidí dá bhforáiltear in Airteagail 60 agus 65 de Rialachán (AE) 2016/679, is gá rialacha a leagan síos maidir le stiúradh imeachtaí ag na húdaráis mhaoirseachta i gcásanna trasteorann, agus ag an mBord le linn réiteach díospóidí, lena n-áirítear gearáin trasteorann a láimhseáil. Is gá freisin, ar an gcúis sin, rialacha a leagan síos maidir le feidhmiú an chirt éisteacht a fháil ó na páirtithe atá faoi imscrúdú sula nglacfaidh údaráis mhaoirseachta agus, de réir mar a bheidh, an Bord cinntí.

(2)

Chun foráil a dhéanamh maidir le feidhmiú rianúil agus éifeachtach an tsásra comhair agus réitigh díospóidí dá bhforáiltear in Airteagail 60 agus 65 de Rialachán (AE) 2016/679, is gá rialacha a leagan síos maidir le stiúradh imeachtaí ag na húdaráis mhaoirseachta i gcásanna trasteorann, agus ag an mBord le linn réiteach díospóidí, lena n-áirítear gearáin trasteorann a láimhseáil. Is gá freisin, ar an gcúis sin, rialacha a leagan síos maidir le feidhmiú an chirt éisteacht a fháil ó na páirtithe sula nglacfaidh údaráis mhaoirseachta agus, de réir mar a bheidh, an Bord cinntí. Is é is aidhm don Rialachán seo, ar an gcaoi sin, an ceart chun dea-riaracháin a chosaint mar a chumhdaítear in Airteagal 41 de Chairt um Chearta Bunúsacha an Aontais Eorpaigh (an ‘Chairt’). Chun an cuspóir sin a bhaint amach, agus forálacha an Rialacháin seo á gcur i bhfeidhm, ba cheart do na húdaráis cosanta sonraí uile gníomhú ar bhealach neamhchlaonta agus neamhspleách agus i gcomhréir leis an smacht reachta, mar a chumhdaítear in Airteagal 2 den Chonradh ar an Aontas Eorpach.

(2a)

Ní rialaítear leis an Rialachán seo ná le Caibidil VII de Rialachán (AE) 2016/679 ach gnéithe áirithe den nós imeachta comhair, nuair a bhíonn údaráis mhaoirseachta i níos mó ná Ballstát amháin rannpháirteach sa nós imeachta. Níl feidhm ag an Rialachán seo nuair a thaisceann páirtí gearán go díreach le príomhúdarás maoirseachta i mBallstát eile.

(2b)

Ba cheart feidhm a bheith ag dlí nós imeachta gach Ballstáit maidir leis na húdaráis mhaoirseachta sa mhéid nach ndéantar ábhar a chomhchuibhiú leis an Rialachán seo. Tá roinnt gnéithe nós imeachta, amhail dualgas cruthúnais cothrománach an rialaitheora in Airteagal 5(2) de Rialachán (AE) 2016/679, á rialú cheana féin le dlí an Aontais. I gcomhréir le tosaíocht dhlí an Aontais, níor cheart d’údaráis mhaoirseachta an dlí nós imeachta náisiúnta a chur i bhfeidhm i gcás ina bhfuil sé ag teacht salach ar an Rialachán seo agus ar Rialachán (AE) 2016/679. Níor cheart an comhar i measc na n-údarás maoirseachta a theorannú mar gheall ar dhifríochtaí sa dlí náisiúnta nós imeachta. Ba cheart do na húdaráis mhaoirseachta leas a bhaint as na roghanna uile faoin dlí náisiúnta is infheidhme chun ligean do pháirtithe i mBallstát eile a bheith rannpháirteach i nósanna imeachta. D’fhéadfaí a áireamh leis sin rannpháirtíocht físe ó chian, ateangairí nó modhanna cumarsáide atá ar fáil go ginearálta.

(3)

Is foinse bhunriachtanach faisnéise iad gearáin chun sáruithe ar rialacha cosanta sonraí a bhrath. Tá gá le nósanna imeachta soiléire agus éifeachtúla a shainiú chun gearáin a láimhseáil i gcásanna trasteorann ós rud é go bhféadfaidh údarás maoirseachta déileáil leis an ngearán seachas an t-údarás lenar taisceadh an gearán.

(3)

Is foinse bhunriachtanach faisnéise iad gearáin chun sáruithe ar rialacha cosanta sonraí a bhrath. Tá gá le nósanna imeachta soiléire agus éifeachtúla a shainiú chun gearáin a láimhseáil i gcásanna trasteorann ós rud é go bhféadfaidh údarás maoirseachta déileáil leis an ngearán seachas an t-údarás lenar taisceadh an gearán. Chuige sin, moltar gur cheart sásra éifeachtúil cumarsáide idir na húdaráis mhaoirseachta a chruthú le húsáid ionas go n-éascófar comhroinnt thapa agus shlán na faisnéise is gá chun gearáin a réiteach i gcomhréir le rialacha cosanta sonraí.

(4)

Chun go mbeidh sé inghlactha, ba cheart faisnéis shonraithe áirithe a bheith i ngearán. Dá bhrí sin, chun cabhrú le gearánaigh na fíorais is gá a chur faoi bhráid na n-údarás maoirseachta, ba cheart foirm ghearáin a chur ar fáil. Níor cheart an fhaisnéis a shonraítear ar an bhfoirm a éileamh ach amháin i gcásanna de phróiseáil trasteorann de réir bhrí Rialachán (AE) 2016/679 cé go bhféadfadh údaráis mhaoirseachta an fhoirm a úsáid i gcásanna nach mbaineann le próiseáil trasteorann. Is féidir an fhoirm a sheoladh isteach go leictreonach nó tríd an bpost. Ba cheart tíolacadh na faisnéise a liostaítear san fhoirm sin a bheith ina choinníoll chun go ndéileálfaí le gearán a bhaineann le próiseáil trasteorann mar ghearán dá dtagraítear in Airteagal 77 de Rialachán (AE) 2016/679. Níor cheart aon fhaisnéis bhreise a éileamh chun go measfaí gearán a bheith inghlactha. Ba cheart d’údaráis mhaoirseachta a bheith in ann taisceadh gearán i bhformáid leictreonach atá áisiúil don úsáideoir a éascú agus aird á tabhairt ar riachtanais daoine faoi mhíchumas, ar choinníoll go gcomhfhreagraíonn an fhaisnéis a theastaíonn ón ngearánach don fhaisnéis a cheanglaítear leis an bhfoirm agus nach bhfuil aon fhaisnéis bhreise de dhíth chun an gearán a fháil inghlactha .

(4)

Chun go mbeidh gearán inghlactha, ba cheart faisnéis shonraithe áirithe a bheith ann faoin sárú líomhnaithe, cibé acu an sárú leanúnach nó roimhe seo é . Níor cheart gur forais leordhóthanacha é scor an tsáraithe chun diúltú do ghearán. Dá bhrí sin, chun cabhrú le gearánaigh na fíorais is gá a chur faoi bhráid na n-údarás maoirseachta, ba cheart teimpléad gearáin a chur ar fáil. Níor cheart an fhaisnéis a shonraítear ar an teimpléad a éileamh ach amháin i gcásanna de phróiseáil trasteorann de réir bhrí Rialachán (AE) 2016/679 cé go bhféadfadh údaráis mhaoirseachta an fhoirm a úsáid i gcásanna nach mbaineann le próiseáil trasteorann. Is féidir an fhaisnéis a sheoladh isteach go leictreonach nó tríd an bpost. Níor cheart aon fhaisnéis bhreise a éileamh chun go measfaí gearán a bheith inghlactha. I gcás nach gcomhlíonann gearán na híoscheanglais, ba cheart don údarás maoirseachta é a dhiúltú agus an gearánach a chur ar an eolas faoin bhfaisnéis atá in easnamh. Is féidir leis an ngearánach ansin gearán iomlán a chur isteach arís. Cé nár cheart ceangal a bheith ar an ngearánach teagmháil a dhéanamh leis an bpáirtí atá faoi imscrúdú sula gcuirfear isteach an gearán, má bhí an gearánach i dteagmháil leis an bpáirtí atá faoi imscrúdú sular chuir sé isteach an gearán a bhaineann leis an ábhar céanna, ba cheart dó nó di an chumarsáid a bhaineann leis an teagmháil sin a chur isteach. Ba cheart d’údaráis mhaoirseachta a bheith in ann taisceadh gearán i bhformáid leictreonach atá áisiúil don úsáideoir a éascú agus aird á tabhairt ar riachtanais daoine faoi mhíchumas.

(5)

Tá sé d’oibleagáid ar údaráis mhaoirseachta cinneadh a dhéanamh maidir le gearáin laistigh de thréimhse ama réasúnta. Braitheann an tréimhse ama réasúnach ar imthosca gach cáis agus, go háirithe, ar chomhthéacs an cháis, ar na céimeanna nós imeachta éagsúla a leanann an príomhúdarás maoirseachta, ar iompar na bpáirtithe le linn an nós imeachta agus ar chastacht an cháis.

(5)

Tá sé d’oibleagáid ar údaráis mhaoirseachta cinneadh a dhéanamh maidir le gearáin laistigh de thréimhse ama réasúnta. Braitheann an tréimhse ama réasúnach ar imthosca gach cáis agus, go háirithe, ar chomhthéacs an cháis, ar na céimeanna nós imeachta éagsúla a leanann an príomhúdarás maoirseachta, ar iompar na bpáirtithe le linn an nós imeachta agus ar chastacht an cháis. Ceanglaítear le hAirteagal 6 den Choinbhinsiún Eorpach um Chearta an Duine (ECHR) agus le hAirteagail 41 agus 47 den Chairt ré réasúnta fhoriomlán nósanna imeachta. Ós rud é go n-áirítear leigheasanna breithiúnacha faoi Airteagal 78 de Rialachán (AE) 2016/679 leis sin, níor cheart, de ghnáth, go dtógfadh nósanna imeachta os comhair údarás maoirseachta níos mó ná naoi mí, mura dtagann imthosca eisceachtúla chun cinn. Déantar foráil sa Rialachán seo maidir le faduithe i gcás moilleanna nó cuir isteach nach bhfuil aon smacht ag an bpríomhúdarás maoirseachta orthu. Chuige sin, ba cheart cistiú agus soláthar foirne leordhóthanach a áirithiú chun láimhseáil thráthúil agus éifeachtúil cásanna nach ndéanann difear don cheart chun dea-riaracháin a ráthú.

(5a)

Rialaítear an idirghníomhaíocht dhíreach idir údaráis mhaoirseachta na mBallstát agus na páirtithe leis an dlí nós imeachta náisiúnta, sa mhéid nach bhfuil tosaíocht ag Rialachán (AE) 2016/679, ag an Rialachán seo ná ag dlí an Aontais. I gcás idirghníomhaíocht indíreach príomhúdaráis mhaoirseachta le páirtí trí údarás maoirseachta eile, ba cheart feidhm a bheith ag dlí nós imeachta an údaráis deiridh sin maidir le haon idirghníomhaíocht dhíreach leis an bpáirtí. I gcomhréir le hAirteagal 56(6) de Rialachán (AE) 2016/679, tá sé de cheart ag gearánach cumarsáid a dhéanamh leis an údarás maoirseachta ar taisceadh an gearán leis agus leis an údarás sin amháin. Ní chuireann sé sin cosc ar an ngearánach cumarsáid dhíreach a dhéanamh le húdarás maoirseachta eile, lena n-áirítear an príomhúdarás maoirseachta, a d’fhéadfadh a bheith níos éifeachtúla.

(5b)

Chun a áirithiú go gcomhlíonfar íoscheanglais nósanna imeachta cothroma agus éifeachtúla i ngach cás trasteorann, lena n-áirítear i mBallstáit nach bhfuil aon dlí náisiúnta nós imeachta códaithe iontu, leagtar síos sa Rialachán rialacha atá infheidhme go díreach bunaithe ar Airteagal 41 den Chairt.

(5c)

Ba cheart é a bheith indéanta, i gcomhréir leis an dlí nós imeachta náisiúnta is infheidhme maidir leis an údarás maoirseachta a mbíonn an páirtí ag idirghníomhú go díreach leo, srianta atá fíor-riachtanach agus comhréireach a chur i bhfeidhm maidir le faisnéis atá faoi chosaint an dlí a nochtadh nó a úsáid tuilleadh, amhail sonraí pearsanta nó rúin trádála a chosnaítear faoi Threoir (AE) 2016/943  (1a) . D’fhéadfaí plé inmheánach agus cinnteoireacht an údaráis a áireamh leis sin. Ba cheart na bearta is lú cur isteach a chur i bhfeidhm, amhail teorainn a chur le húsáid faisnéise nó dubhú faisnéise. Ba cheart a chur in iúl do pháirtithe i gcónaí gur coinníodh faisnéis siar uathu, agus cén fáth.

(5d)

Bainistíonn an príomhúdarás maoirseachta an cás i gcomhréir leis an Rialachán seo, le Rialachán (AE) 2016/679 agus lena dhlí nós imeachta náisiúnta, agus é ag comhoibriú go hiomlán le húdaráis mhaoirseachta eile de mheon comhthuisceana agus muiníne ag an am céanna. Ba cheart d’údaráis mhaoirseachta eile aon fhaisnéis ábhartha agus a dtuairimí a chur ar fáil don phríomhúdarás maoirseachta. Ba cheart don phríomhúdarás maoirseachta struchtúr a chur ar an gcás ar bhealach éifeachtúil agus caoithiúil agus lánaird á tabhairt ar thuairimí údarás maoirseachta eile. Ag an am céanna, ba cheart an nós imeachta a bheith i gcomhréir le Rialachán (AE) 2016/679, go háirithe struchtúr um réiteach díospóidí ionaid ilfhreastail agus inniúlachtaí an phríomhúdaráis mhaoirseachta.

(5e)

Féadfaidh údaráis mhaoirseachta tús a chur le nósanna imeachta breise freisin, mar shampla i gcás sáruithe sistéamacha nó atriallacha. Níor cheart, áfach, go mbeadh aon chur isteach ar chearta na bpáirtithe mar thoradh air sin.

(5f)

D’fhéadfadh sé go mbainfeadh sáruithe le cearta na n-ábhar sonraí iomadúil, dá bhrí sin, d’fhéadfadh sé gur ghá fianaise ó nósanna imeachta a úsáid i nósanna imeachta eile chun nós imeachta éifeachtúil agus cinnteoireacht chomhsheasmhach a éascú. Chun measúnú oibiachtúil a dhéanamh ar mhéid na ndamáistí neamhábhartha bunaithe ar an meánábhar sonraí, féadfaidh cúirteanna sibhialta tairbhe a bhaint as ag brath ar fhíricí agus ar fhianaise sheanbhunaithe chun maíomh a chinneadh faoi Airteagal 82 de Rialachán (AE) 2016/679.

(5g)

Ba cheart do gach údarás maoirseachta teanga amháin nó níos mó a shainiú a nglacann sé léi chun faisnéis a fháil ó údaráis mhaoirseachta eile. Ba cheart ‘teanga comhair’ chomhpháirteach bhreise a shainiú, ar teanga í nach mór do na húdaráis mhaoirseachta uile glacadh léi le haghaidh faisnéis atá ag teacht isteach nó dul amach. I gcás leigheasanna breithiúnacha, ba cheart é a bheith de dhualgas ar an údarás maoirseachta a dtugtar leigheas breithiúnach ina choinne na doiciméid ábhartha uile a aistriú go dtí na teangacha a glacadh leo.

(6)

Déanfar gach gearán a láimhseálann údarás maoirseachta de bhun Airteagal 57(1), pointe (f), de Rialachán (AE) 2016/679 a imscrúdú le gach dícheall cuí a mhéid is iomchuí agus é á chur san áireamh nach mór gach úsáid a bhainfidh an t-údarás maoirseachta as cumhachtaí a bheith iomchuí , riachtanach agus comhréireach d’fhonn comhlíonadh Rialachán (AE) 2016/679 a áirithiú. Is faoi lánrogha gach údaráis inniúil atá sé cinneadh a dhéanamh maidir lena mhéid ba cheart gearán a imscrúdú. Agus measúnú á dhéanamh acu ar a mhéid is iomchuí imscrúdú a dhéanamh, ba cheart é a bheith d’aidhm ag údaráis mhaoirseachta réiteach sásúil a thabhairt don ghearánach, nach gá gur gá imscrúdú uileghabhálach a dhéanamh ar na heilimintí féideartha dlíthiúla agus fíorasacha uile a eascraíonn as an ngearán, ach a sholáthraíonn leigheas éifeachtach tapa don ghearánach. D’fhéadfaí a chur in iúl don mheasúnú ar mhéid na mbeart imscrúdaitheach is gá a thromchúisí atá an sárú líomhnaithe, cineál sistéamach nó atriallach an tsáraithe, nó an fíoras, de réir mar a bheidh, gur bhain an gearánach leas freisin as a chearta/ a cearta faoi Airteagal 79 de Rialachán (AE) 2016/679.

(6)

Déanfar gach gearán a láimhseálann údarás maoirseachta de bhun Airteagal 57(1), pointe (f), de Rialachán (AE) 2016/679 a imscrúdú le gach dícheall cuí a mhéid is iomchuí agus é á chur san áireamh nach mór gach úsáid a bhainfidh an t-údarás maoirseachta as cumhachtaí a bheith éifeachtach , comhréireach agus athchomhairleach d’fhonn comhlíonadh Rialachán (AE) 2016/679 a áirithiú. Agus measúnú á dhéanamh acu ar a mhéid is iomchuí d’imscrúdú, ba cheart é a bheith mar aidhm ag údaráis mhaoirseachta réiteach sásúil a chur ar fáil don ghearánach, lena gceanglaítear imscrúdú a dhéanamh ar na gnéithe dlíthiúla agus fíorasacha ábhartha uile a eascraíonn as an ngearán, chun a áirithiú gur féidir cinneadh a dhéanamh go comhpháirteach agus gur féidir leigheas éifeachtach a thabhairt don ghearánach go tapa . Gan dochar don ghá atá le réiteach sásúil a chur ar fáil don ghearánach laistigh de thréimhse ghearr ama, ba cheart do na húdaráis mhaoirseachta imscrúdú a dhéanamh sa mhéid is gur féidir leo a dheimhniú dóibh féin an bhfuil gearán ina léiriú ar sháruithe níos tromchúisí nó níos sistéamaí, nó nach bhfuil. Tá pleanáil an nós imeachta tábhachtach chun toradh tapa a chinntiú. Níor cheart d’údaráis mhaoirseachta tagairt a dhéanamh do na cearta faoi Airteagal 79 de Rialachán (AE) 2016/679 mar chúis leis an imscrúdú ar ghearán a theorannú . Chun comhlíonadh Airteagal 47 den Chairt a áirithiú, ba cheart cinneadh inchomhairc a bheith mar thoradh ar ghearán a láimhseáil i gcónaí. Ach amháin má tharraingítear siar gearán, níor cheart go bhféadfaí gearáin a dhúnadh ná a fhoirceannadh ar shlí eile gan cinneadh is féidir a chur faoi bhráid athbhreithniú breithiúnach.

(7)

Ba cheart don phríomhúdarás maoirseachta an fhaisnéis is gá maidir le dul chun cinn an imscrúdaithe a chur ar fáil don údarás maoirseachta lenar taisceadh an gearán chun críche nuashonruithe a chur ar fáil don ghearánach .

(7)

Ba cheart don phríomhúdarás maoirseachta cianrochtain ar an toirt a thabhairt do na húdaráis mhaoirseachta ar cháschomhad comhpháirteach ina bhfuil doiciméid ábhartha uile an cháis, lena n-áirítear an fhaisnéis inmheánach nó rúnda uile mar aon le haistriúchán ar na doiciméid uile go dtí an teanga chomhair . Ina theannta sin, ba cheart don phríomhúdarás maoirseachta na húdaráis mhaoirseachta eile a chur ar an eolas go gníomhach faoi athruithe móra a bhféadfadh gníomhaíocht a bheith ag teastáil ina leith go luath nó aird níos mó a thabhairt orthu . Tá gá le nósanna imeachta soiléire agus éifeachtúla a shainiú freisin chun gearáin a láimhseáil i gcásanna trasteorann, ós rud é go bhféadfaidh údarás maoirseachta déileáil leis an ngearán seachas an t-údarás lenar taisceadh an gearán.

(8)

Ba cheart don údarás inniúil maoirseachta rochtain a thabhairt don ghearánach ar na doiciméid ar dá mbun a tháinig an t-údarás maoirseachta ar réamhchonclúid maidir le diúltú go hiomlán nó go páirteach don ghearán .

(8)

Ba cheart don údarás maoirseachta inniúil cianrochtain ar an gcáschomhad comhpháirteach a thabhairt do na páirtithe, ach féadfaidh an ceart rochtana seo a shrianadh faoi chúinsí áirithe. Leis an rochtain sin, ba cheart go gceadófaí leigheas breithiúnach éifeachtach a úsáid i gcomhréir le hAirteagal 47 den Chairt.

(9)

Ionas gur féidir leis na húdaráis mhaoirseachta deireadh a chur go tapa le sáruithe ar Rialachán (AE) 2016/679 agus réiteach tapa a chur ar fáil do ghearánaigh, ba cheart do na húdaráis mhaoirseachta féachaint, i gcás inarb iomchuí, le gearáin a réiteach trí shocrú cairdiúil. Ní chuireann an fíoras gur réitíodh gearán aonair trí shocrú cairdiúil cosc ar an údarás inniúil maoirseachta cás ex officio a shaothrú, mar shampla i gcás sáruithe sistéamacha nó atriallacha ar Rialachán (AE) 2016/679.

(9)

Ionas go mbeidh údaráis mhaoirseachta in ann deireadh a chur go tapa le sáruithe ar Rialachán (AE) 2016/679 agus réiteach tapa a thabhairt do ghearánaigh, ba cheart do na húdaráis mhaoirseachta a bheith in ann féachaint, i gcás inarb iomchuí, le gearáin a réiteach trí réiteach cairdiúil idir na páirtithe . Níor cheart do na húdaráis mhaoirseachta a chur faoi deara go mbeadh láimhseáil gearáin ag brath ar rannpháirtíocht i bpróiseas socraíochta cairdiúil. Ba cheart go mbeadh socraíochtaí in ann a bheith i bhfoirm conartha idir na páirtithe faoin dlí is infheidhme, ach gur cheart go mbeidís ina gceangal ar na húdaráis. Ní chuireann an fíoras gur réitíodh gearán aonair trí shocrú cairdiúil cosc ar an údarás inniúil maoirseachta cás ex officio a shaothrú, mar shampla i gcás sáruithe sistéamacha nó atriallacha ar Rialachán (AE) 2016/679. Níor cheart úsáid a bhaint as féidearthacht ex officio den sórt sin, áfach, chun cinntí maidir le gearáin a chur siar.

(10)

Chun feidhmiú éifeachtach na sásraí comhair agus comhsheasmhachta i gCaibidil VII de Rialachán (AE) 2016/679 a ráthú, tá sé tábhachtach go réiteofar cásanna trasteorann ar bhealach tráthúil agus i gcomhréir le meon an chomhair dhílis agus éifeachtaigh is bonn le hAirteagal 60 de Rialachán (AE) 2016/679. Ba cheart don phríomhúdarás maoirseachta a inniúlacht a fheidhmiú faoi chuimsiú dlúthchomhair leis na húdaráis mhaoirseachta eile lena mbaineann. Ar an gcaoi chéanna, ba cheart do na húdaráis mhaoirseachta lena mbaineann páirt ghníomhach a ghlacadh san imscrúdú ag céim luath d’fhonn teacht ar chomhthoil, agus leas iomlán á bhaint as na huirlisí dá bhforáiltear le Rialachán (AE) 2016/679.

(10)

Chun feidhmiú éifeachtach na sásraí comhair agus comhsheasmhachta i gCaibidil VII de Rialachán (AE) 2016/679 a ráthú, tá sé tábhachtach go réiteofar cásanna trasteorann ar bhealach tráthúil agus i gcomhréir le meon an chomhair dhílis agus éifeachtaigh is bonn le hAirteagal 60 de Rialachán (AE) 2016/679. Ba cheart don phríomhúdarás maoirseachta a inniúlacht a fheidhmiú faoi chuimsiú dlúthchomhair leis na húdaráis mhaoirseachta eile lena mbaineann. Ar an gcaoi chéanna, ba cheart do na húdaráis mhaoirseachta lena mbaineann páirt ghníomhach a ghlacadh san imscrúdú ag céim luath d’fhonn teacht ar chomhthoil, agus leas iomlán á bhaint as na huirlisí dá bhforáiltear le Rialachán (AE) 2016/679. Ba cheart é sin a bheith i gcomhréir le sásra ‘ionad ilfhreastail’ de Rialachán (AE) 2016/679 agus ba cheart a ráthú leis, i gcás inarb infheidhme, go gcaithfear go neamh-idirdhealaitheach le páirtithe, le deimhneacht dhlíthiúil agus le neamhspleáchas maidir le cinntí arna n-eisiúint ag na húdaráis mhaoirseachta.

(11)

Tá sé thar a bheith tábhachtach go dtiocfadh na húdaráis mhaoirseachta ar chomhthoil maidir le príomhghnéithe an imscrúdaithe a luaithe is féidir agus sula gcuirfí líomhaintí in iúl do na páirtithe atá faoi imscrúdú agus sula nglacfaí an dréachtchinneadh dá dtagraítear in Airteagal 60 de Rialachán (AE) 2016/679, rud a laghdódh líon na gcásanna a chuirfí faoi bhráid an tsásra um réiteach díospóidí in Airteagal 65 de Rialachán (AE) 2016/679 agus, ar deireadh, a d'áiritheodh réiteach tapa ar chásanna trasteorann.

(11)

Tá sé thar a bheith tábhachtach go dtiocfaidh na húdaráis mhaoirseachta ar chomhthoil maidir le príomhghnéithe an cháis trí achoimre ar phríomh-shaincheisteanna agus trí bharúlacha maidir leis an achoimre sin a luaithe is féidir agus sula nglacfar an dréachtchinneadh dá dtagraítear in Airteagal 60 de Rialachán (AE) 2016/679, rud a laghdóidh líon na gcásanna a chuirtear faoi bhráid an tsásra um réiteach díospóidí in Airteagal 65 de Rialachán (AE) 2016/679 agus a áiritheoidh ar deireadh réiteach tapa ar chásanna trasteorann.

(12)

Ba cheart an comhar idir údaráis mhaoirseachta a bheith bunaithe ar idirphlé oscailte lenar féidir le húdaráis mhaoirseachta lena mbaineann tionchar fóinteach a bheith acu ar chúrsa an imscrúdaithe trína dtaithí agus a dtuairimí a roinnt leis an bpríomhúdarás maoirseachta, agus aird chuí á tabhairt ar an gcorrlach le haghaidh lánrogha atá ag gach údarás maoirseachta, lena n-áirítear sa mheasúnú ar a mhéid is iomchuí chun cás a imscrúdú, agus ar thraidisiúin éagsúla na mBallstát . Chun na críche sin, ba cheart don phríomhúdarás maoirseachta achoimre ar phríomh-shaincheisteanna ina leagtar amach a réamhthuairim ar na príomh-shaincheisteanna in imscrúdú a chur ar fáil do na húdaráis mhaoirseachta lena mbaineann . Ba cheart é a chur ar fáil ag céim sách luath chun gur féidir na húdaráis mhaoirseachta lena mbaineann a chuimsiú go héifeachtach ach ag an am céanna ag céim ina bhfuil tuairimí an phríomhúdaráis maoirseachta maidir leis an gcás aibí go leor . Ba cheart an deis a bheith ag na húdaráis mhaoirseachta lena mbaineann a mbarúlacha a thabhairt maidir le raon leathan ceisteanna, amhail raon feidhme an imscrúdaithe agus sainaithint measúnuithe casta fíorasacha agus dlíthiúla . Ós rud é go gcinntear le raon feidhme an imscrúdaithe na hábhair lena n-éilítear imscrúdú ag an bpríomhúdarás maoirseachta, ba cheart do na húdaráis mhaoirseachta féachaint le comhthoil a bhaint amach a luaithe is féidir maidir le raon feidhme an imscrúdaithe.

(12)

Ba cheart an comhar idir údaráis mhaoirseachta a bheith bunaithe ar idirphlé oscailte lenar féidir le húdaráis mhaoirseachta lena mbaineann tionchar fóinteach a bheith acu ar chúrsa an imscrúdaithe trína dtaithí agus a dtuairimí a roinnt leis an bpríomhúdarás maoirseachta. Féadfaidh an t-údarás maoirseachta lenar taisceadh gearán nó a éilíonn gníomhaíocht ex-officio achoimre ar phríomh-shaincheisteanna a chur ar fáil do phríomhúdarás maoirseachta ina leagtar amach a réamhthuairim ar phríomh-shaincheisteanna in imscrúdú . Ba cheart don phríomhúdarás maoirseachta an achoimre dheiridh ar phríomh-shaincheisteanna a dhréachtú. Ba cheart an achoimre ar phríomh-shaincheisteanna a bheith mar chuid den cháschomhad comhpháirteach, agus ba cheart gur doiciméad beo í a thugann an príomhúdarás maoirseachta cothrom le dáta le linn an nós imeachta. Ba cheart é a chur ar fáil ag céim luath go leor chun go bhféadfaí na húdaráis mhaoirseachta lena mbaineann a chur san áireamh go héifeachtach. Ba cheart an deis a bheith ag na húdaráis mhaoirseachta lena mbaineann a mbarúlacha a chur ar fáil maidir le haon nuashonrú ar an achoimre ar phríomh-shaincheisteanna . Ba cheart do na húdaráis mhaoirseachta a bheith in ann aon díospóid a ardú leis an mBord. Ba cheart d’údaráis mhaoirseachta iarracht a dhéanamh teacht ar chomhthoil a luaithe is féidir maidir le raon feidhme an imscrúdaithe.

(13)

Ar mhaithe le comhar ionchuimsitheach éifeachtach idir na húdaráis mhaoirseachta uile lena mbaineann agus an príomhúdarás maoirseachta, ba cheart barúlacha na n-údarás maoirseachta lena mbaineann a bheith gonta agus i dtéarmaí a bheadh soiléir agus beacht go leor ionas go mbeidh siad sothuigthe do na húdaráis mhaoirseachta uile. Ba cheart na hargóintí dlíthiúla a ghrúpáil trí thagairt a dhéanamh don chuid den achoimre ar phríomh-shaincheisteanna lena mbaineann siad. Féadfar barúlacha na n-údarás maoirseachta lena mbaineann a fhorlíonadh le doiciméid bhreise. Mar sin féin, ní leor tagairt amháin i mbarúlacha údaráis mhaoirseachta lena mbaineann do dhoiciméid fhorlíontacha a bheith ann in éagmais na n-argóintí bunriachtanacha sa dlí nó i bhfíoras ar cheart a bheith sna barúlacha. Ba cheart na sonraí bunúsacha dlíthiúla agus fíorasacha a bhfuiltear ag brath orthu i ndoiciméid den sórt sin a léiriú, i bhfoirm achomair ar a laghad, ar bhealach comhleanúnach agus intuigthe sa bharúil féin.

(13)

Ar mhaithe le comhar cuimsitheach éifeachtach idir na húdaráis mhaoirseachta uile lena mbaineann agus an príomhúdarás maoirseachta, ba cheart aon doiciméad a thíolacfaidh na húdaráis mhaoirseachta lena mbaineann agus na páirtithe a bheith gonta agus an fhoclaíocht a bheith iontu i dtéarmaí atá soiléir agus beacht go leor ionas go mbeidh siad sothuigthe do na húdaráis mhaoirseachta uile. Féadfaidh na húdaráis mhaoirseachta, dá bhrí sin, a bheith in ann teorainn a chur le fad na n-aighneachtaí ó na páirtithe. Ba cheart na hargóintí dlíthiúla a ghrúpáil trí thagairt a dhéanamh don chuid den achoimre ar phríomh-shaincheisteanna lena mbaineann siad.

(14)

I gcásanna nach n-ardaíonn saincheisteanna conspóideacha, ní gá plé forleathan idir na húdaráis mhaoirseachta chun teacht ar chomhthoil agus, dá bhrí sin, d’fhéadfaí déileáil leo ar bhealach níos tapúla. I gcás nach n-ardóidh aon cheann de na húdaráis mhaoirseachta lena mbaineann barúlacha maidir leis an achoimre ar phríomh-shaincheisteanna, ba cheart don phríomhúdarás maoirseachta na réamhthorthaí dá bhforáiltear in Airteagal 14 a chur in iúl laistigh de  9 mí.

(14)

I gcásanna nach n-ardaítear saincheisteanna conspóideacha (cásanna neamhchonspóideacha) , ní gá plé forleathan idir na húdaráis mhaoirseachta chun teacht ar chomhthoil agus, dá bhrí sin, d’fhéadfaí déileáil leo ar bhealach níos tapúla. I gcás nach n-ardóidh aon cheann de na húdaráis mhaoirseachta lena mbaineann barúlacha maidir leis an achoimre ar phríomh-shaincheisteanna, ba cheart don phríomhúdarás maoirseachta an dréachtchinneadh a chur in iúl laistigh de 3 mhí ón ngéarán a fháil .

(15)

Ba cheart d’údaráis mhaoirseachta leas a bhaint as na modhanna uile is gá chun teacht ar chomhthoil de mheon an chomhair dhílis agus éifeachtaigh. Dá bhrí sin, má tá dibhéirseacht sa tuairim idir na húdaráis mhaoirseachta lena mbaineann agus an príomhúdarás maoirseachta maidir le raon feidhme imscrúdaithe atá bunaithe ar ghearáin, lena n-áirítear forálacha Rialachán (AE) 2016/679 a ndéanfar a shárú a imscrúdú, nó i gcás ina mbaineann barúlacha na n-údarás maoirseachta lena mbaineann le hathrú tábhachtach ar an measúnú casta dlíthiúil nó teicneolaíoch, ba cheart don údarás lena mbaineann na huirlisí dá bhforáiltear faoi Airteagail 61 agus 62 de Rialachán (AE) 2016/679 a úsáid .

(15)

Ba cheart do na húdaráis mhaoirseachta leas a bhaint as gach modh is gá chun teacht ar chomhthoil de mheon an chomhair dhílis agus éifeachtaigh. Dá bhrí sin, má tá éagsúlacht tuairime idir na húdaráis mhaoirseachta lena mbaineann agus an príomhúdarás maoirseachta maidir le raon feidhme nó saincheisteanna nós imeachta cáis, ba cheart do na húdaráis mhaoirseachta an t-ábhar a ardú go tapa leis an mBord. Ba cheart don Bhord na cinntí nós imeachta is gá a dhéanamh. Ba cheart don Bhord agus do na húdaráis mhaoirseachta féachaint leis na himeachtaí atá ar siúl a thabhairt chun críche a luaithe is féidir. Ba cheart don phríomhúdarás maoirseachta nó do cheann de na húdaráis mhaoirseachta lena mbaineann a bheith in ann cinneadh ceangailteach práinneach ón mBord a iarraidh freisin gan iarraidh a bheith déanta faoi Airteagal 61 nó faoi Airteagal 62 .

(16)

Mura gcuireann úsáid na n-uirlisí sin ar chumas na n-údarás maoirseachta teacht ar chomhthoil maidir le raon feidhme imscrúdaithe atá bunaithe ar ghearáin, ba cheart don phríomhúdarás maoirseachta cinneadh ceangailteach práinneach a iarraidh ón mBord faoi Airteagal 66(3) de Rialachán (AE) 2016/679. Chun na críche sin, ba cheart a thoimhdiú go bhfuil ceanglas práinne ann. Ba cheart don phríomhúdarás maoirseachta teacht ar chonclúidí iomchuí ó chinneadh ceangailteach práinneach an Bhoird chun críocha réamhthorthaí. Ní féidir le cinneadh ceangailteach práinneach an Bhoird teacht roimh thoradh imscrúdú an phríomhúdaráis maoirseachta ná roimh éifeachtacht chearta na bpáirtithe atá faoi imscrúdú chun éisteacht a fháil. Go háirithe, níor cheart don Bhord raon feidhme an imscrúdaithe a leathnú ar a thionscnamh féin.

(17)

Chun é a chur ar a chumas don ghearánach a cheart chun leigheas breithiúnach éifeachtach a fheidhmiú faoi Airteagal 78 de Rialachán (AE) 2016/679, ba cheart don údarás maoirseachta atá ag diúltú go hiomlán nó go páirteach do ghearán é sin a dhéanamh trí bhíthin cinneadh a bhféadfaí agóid a dhéanamh ina aghaidh os comhair cúirt náisiúnta.

(17)

Chun é a chur ar chumas an ghearánaigh a ceart nó a cheart chun leigheas breithiúnach éifeachtach a fheidhmiú faoi Airteagal 78 de Rialachán (AE) 2016/679, ba cheart cinneadh a d’fhéadfaí agóid a dhéanamh ina choinne os comhair cúirte náisiúnta a bheith mar thoradh ar láimhseáil aon ghearáin.

(18)

Ba cheart go mbeadh an deis ag gearánaigh a gcuid tuairimí a chur in iúl sula ndéantar cinneadh a bhfuil drochthionchar aige orthu. Dá bhrí sin, i gcás ina ndiúltófar go hiomlán nó go páirteach do ghearán i gcás trasteorann, ba cheart an deis a bheith ag an ngearánach a thuairimí a chur in iúl sula dtíolacfar dréachtchinneadh faoi Airteagal 60(3) de Rialachán (AE) 2016/679, dréachtchinneadh athbhreithnithe faoi Airteagal 60(4) de Rialachán (AE) 2016/679 nó cinneadh ceangailteach ón mBord faoi Airteagal 65(1), pointe (a), de Rialachán (AE) 2016/679. Féadfaidh an gearánach rochtain a iarraidh ar an leagan neamhrúnda de na doiciméid ar a bhfuil an cinneadh diúltú go hiomlán nó go páirteach don ghearán bunaithe.

(19)

Is gá soiléiriú a dhéanamh ar roinnt na bhfreagrachtaí idir an príomhúdarás maoirseachta agus an t-údarás maoirseachta lenar taisceadh an gearán i gcás ina ndiúltófar gearán i gcás trasteorann. Mar phointe teagmhála don ghearánach le linn an imscrúdaithe, ba cheart don údarás maoirseachta lenar taisceadh an gearán tuairimí an ghearánaigh a fháil maidir leis an diúltú atá beartaithe don ghearán agus ba cheart dó a bheith freagrach as gach cumarsáid leis an ngearánach. Ba cheart gach cumarsáid den sórt sin a roinnt leis an bpríomhúdarás maoirseachta. Ós rud é, faoi Airteagal 60(8) agus (9) de Rialachán (AE) 2016/679, go bhfuil sé de fhreagracht ar an údarás maoirseachta lenar taisceadh an gearán an cinneadh críochnaitheach lena ndiúltaítear an gearán a ghlacadh, ba cheart an fhreagracht a bheith ar an údarás maoirseachta sin freisin as an dréachtchinneadh a ullmhú faoi Airteagal 60(3) de Rialachán (AE) 2016/679.

(19)

Is gá soiléiriú a dhéanamh ar roinnt na bhfreagrachtaí idir an príomhúdarás maoirseachta agus an t-údarás maoirseachta lenar taisceadh an gearán i gcás ina ndiúltófar gearán i gcás trasteorann. Mar phointe teagmhála don ghearánach le linn an imscrúdaithe, ba cheart don údarás maoirseachta lenar taisceadh an gearán a bheith freagrach as gach cumarsáid leis an ngearánach. Ba cheart gach cumarsáid den sórt sin a roinnt leis an bpríomhúdarás maoirseachta. Ós rud é, faoi Airteagal 60(8) agus (9) de Rialachán (AE) 2016/679, go bhfuil sé de fhreagracht ar an údarás maoirseachta lenar taisceadh an gearán an cinneadh críochnaitheach lena ndiúltaítear an gearán a ghlacadh, ar cinneadh é nach mór dó a dhlí nós imeachta náisiúnta a chomhlíonadh , ba cheart don údarás maoirseachta sin a bheith rannpháirteach freisin ag an bpríomhúdarás maoirseachta , agus an dréachtchinneadh faoi Airteagal 60(3) agus aon chinneadh críochnaitheach faoi Airteagal 60(7) go (9) de Rialachán (AE) 2016/679 á ullmhú aige.

(21)

Chun go gcosnófar go héifeachtach an ceart chun dea-riaracháin agus na cearta chun cosanta mar a chumhdaítear i gCairt um Chearta Bunúsacha an Aontais Eorpaigh (‘an Chairt’), lena n-áirítear ceart gach duine éisteacht a fháil sula nglactar aon bheart aonair a dhéanfadh dochar dó, tá sé tábhachtach foráil a dhéanamh maidir le rialacha soiléire maidir le feidhmiú an chirt sin.

(21)

Chun coimirciú éifeachtach a dhéanamh ar an gceart chun dea-riaracháin, agus ar na cearta chun cosanta, mar a chumhdaítear sa Chairt, lena n-áirítear an ceart atá ag gach duine éisteacht a fháil, sula ndéanfar aon bheart aonair a dhéanfadh dochar dó nó di, tá sé tábhachtach foráil a dhéanamh do rialacha soiléire maidir le feidhmiú an chirt sin do gach páirtí lena mbaineann i gcás . Ba cheart an ceart a bheith ag gach páirtí diúltú don cheart chun éisteacht a fháil.

(22)

Leis na rialacha maidir leis an nós imeachta riaracháin arna chur i bhfeidhm ag údaráis mhaoirseachta agus Rialachán (AE) 2016/679 á fhorfheidhmiú, ba cheart a áirithiú go mbeidh an deis ag na páirtithe atá faoi imscrúdú go héifeachtach a gcuid tuairimí a chur in iúl maidir le fírinne agus ábharthacht na bhfíoras, na n-agóidí agus na n-imthosca a chuir an t-údarás maoirseachta chun cinn le linn an nós imeachta, rud a chuirfidh ar a gcumas a gcearta cosanta a fheidhmiú. Leagtar amach sna réamhthorthaí an réamhsheasamh maidir leis an sárú líomhnaithe ar Rialachán (AE) 2016/679 tar éis imscrúdú a dhéanamh. Dá bhrí sin, is cosaint nós imeachta bhunriachtanach iad lena n-áirithítear go n-urramaítear an ceart chun éisteacht a fháil. Ba cheart na doiciméid is gá a sholáthar do na páirtithe atá faoi imscrúdú chun iad féin a chosaint go héifeachtach agus chun barúlacha a dhéanamh maidir leis na líomhaintí a dhéantar ina gcoinne, trí rochtain a fháil ar an gcomhad riaracháin.

(22)

Leis na rialacha maidir leis an nós imeachta riaracháin arna chur i bhfeidhm ag údaráis mhaoirseachta agus Rialachán (AE) 2016/679 á fhorfheidhmiú, ba cheart a áirithiú go mbeidh ceart éisteachta ag na páirtithe agus go mbeidh an deis ag na páirtithe a gcuid tuairimí a chur in iúl go héifeachtach maidir le fírinne agus ábharthacht na bhfíoras, na n-agóidí agus na n-imthosca a chuir an t-údarás maoirseachta chun cinn le linn an nós imeachta, rud a chuirfidh ar a gcumas a gcearta cosanta a fheidhmiú. Leagtar amach sna réamhthorthaí an réamhsheasamh maidir leis an sárú líomhnaithe ar Rialachán (AE) 2016/679 tar éis imscrúdú a dhéanamh. Dá bhrí sin, is cosaint nós imeachta bhunriachtanach iad lena n-áirithítear go n-urramaítear an ceart chun éisteacht a fháil. Ba cheart na doiciméid uile is gá a sholáthar do na páirtithe chun barúil a thabhairt go héifeachtach ar ábhair atá ábhartha don imscrúdú , trí rochtain a fháil ar an gcáschomhad comhpháirteach riaracháin.

(23)

Sainítear sna réamhthorthaí raon feidhme an imscrúdaithe agus, dá bhrí sin, raon feidhme aon chinnidh chríochnaithigh a dhéanfar amach anseo (de réir mar a bheidh, ar bhonn cinneadh ceangailteach arna eisiúint ag an mBord faoi Airteagal 65(1), pointe (a) de Rialachán (AE) 2016/679) a fhéadfar a dhíriú ar rialaitheoirí nó ar phróiseálaithe. Ba cheart na réamhthorthaí a chur in iúl i dtéarmaí, fiú má tá siad gonta, go bhfuil siad sách soiléir chun a chur ar chumas na bpáirtithe atá faoi imscrúdú cineál an tsáraithe líomhnaithe ar Rialachán (AE) 2016/679 a shainaithint i gceart. Comhlíontar an oibleagáid an fhaisnéis uile is gá a thabhairt do na páirtithe atá faoi imscrúdú ionas go mbeidh siad in ann iad féin a chosaint i gceart mura líomhnaítear leis an gcinneadh críochnaitheach go ndearna na páirtithe atá faoi imscrúdú sáruithe seachas na sáruithe sin dá dtagraítear sna réamhthorthaí agus nach gcuireann sé san áireamh ach fíorais a raibh deis ag na páirtithe atá faoi imscrúdú a dtuairimí a chur in iúl ina leith. Ní gá, áfach, go mbeadh cinneadh críochnaitheach an phríomhúdaráis maoirseachta ina mhacasamhail de na réamhthorthaí. Ba cheart cead a thabhairt don phríomhúdarás maoirseachta sa chinneadh deiridh freagairtí na bpáirtithe atá faoi imscrúdú ar na réamhthorthaí a chur san áireamh, agus, i gcás inarb infheidhme, an dréachtchinneadh athbhreithnithe faoi Airteagal 60(5) de Rialachán (AE) 2016/679, agus cinneadh lena réitítear an díospóid idir na húdaráis mhaoirseachta faoi Airteagal 65(1), pointe (a) . Ba cheart don phríomhúdarás maoirseachta a bheith in ann a mheasúnú féin a dhéanamh ar na fíorais agus ar na cáilíochtaí dlíthiúla arna gcur chun cinn ag na páirtithe atá faoi imscrúdú chun na hagóidí a thréigean i gcás ina gcinnfidh an t-údarás maoirseachta go bhfuil siad gan bhunús nó chun a argóintí a fhorlíonadh agus a athdhréachtú, i bhfíoras agus i ndlí araon, chun tacú leis na hagóidí atá á gcoimeád aige. Mar shampla, agus argóint arna cur chun cinn ag páirtí atá faoi imscrúdú le linn an nós imeachta riaracháin á cur san áireamh, gan deis a bheith tugtha dó tuairim a chur in iúl ina leith sin sula nglacfar an cinneadh críochnaitheach, ní féidir leis an argóint sin a bheith ina shárú ar chearta cosanta per se.

(23)

Ba cheart na réamhthorthaí a chur in iúl i dtéarmaí, fiú má tá siad gonta, go bhfuil siad sách soiléir chun a chur ar chumas na bpáirtithe cineál an tsáraithe líomhnaithe ar Rialachán (AE) 2016/679 a shainaithint i gceart. Comhlíontar an oibleagáid an fhaisnéis uile is gá a thabhairt do na páirtithe chun gur féidir leo éisteacht a fháil mura gcuireann an cinneadh críochnaitheach san áireamh ach fíorais a raibh deis ag na páirtithe a dtuairimí a chur in iúl ina leith. Ní gá, áfach, go mbeadh cinneadh críochnaitheach an phríomhúdaráis maoirseachta ina mhacasamhail de na réamhthorthaí. Ba cheart cead a bheith ag an bpríomhúdarás maoirseachta sa chinneadh críochnaitheach freagairtí na bpáirtithe ar na réamhthorthaí a chur san áireamh, agus, i gcás inarb infheidhme, an dréachtchinneadh athbhreithnithe faoi Airteagal 60(5) de Rialachán (AE) 2016/679, agus an cinneadh ón mBord lena réitítear an díospóid idir na húdaráis mhaoirseachta faoi Airteagal 65(1), pointe (a) den Rialachán sin . Ba cheart go mbeadh an príomhúdarás maoirseachta in ann a mheasúnú féin a dhéanamh ar na fíorais agus ar na cáilíochtaí dlíthiúla arna gcur chun cinn ag na páirtithe chun na hagóidí a thréigean i gcás ina gcinnfidh an t-údarás maoirseachta go bhfuil siad gan bhunús nó chun a argóintí a fhorlíonadh agus a athdhréachtú, i bhfíoras agus i ndlí araon, chun tacú leis na hagóidí atá á gcoimeád aige.

(24)

Ba cheart ceart éisteachta a thabhairt do na páirtithe atá faoi imscrúdú sula dtíolactar dréachtchinneadh athbhreithnithe faoi Airteagal 60(5) de Rialachán (AE) 2016/679 nó sula nglacfaidh an Bord cinneadh ceangailteach de bhun Airteagal 65(1), pointe (a), de Rialachán (AE) 2016/679.

(24)

Ba cheart ceart éisteachta a thabhairt do na páirtithe ag céimeanna iomchuí an nós imeachta, go háirithe sula dtíolactar dréachtchinneadh athbhreithnithe faoi Airteagal 60(5) de Rialachán (AE) 2016/679 nó sula nglacfaidh an Bord cinneadh ceangailteach de bhun Airteagal 65(1), pointe (a), de Rialachán (AE) 2016/679.

(25)

Ba cheart an deis a thabhairt do ghearánaigh baint a bheith acu leis na himeachtaí arna dtionscnamh ag údarás maoirseachta d’fhonn saincheisteanna a bhaineann le sárú féideartha ar Rialachán (AE) 2016/679 a shainaithint nó a shoiléiriú. Má tá tús curtha ag údarás maoirseachta cheana féin le himscrúdú maidir le hábhar an ghearáin nó má dhéileálafaidh sé leis an ngearán in imscrúdú ex officio tar éis an gearán a fháil, ní chuireann sé sin bac ar cháilíocht an ábhair sonraí mar ghearánach. Mar sin féin, ní hionann nós imeachta sáraíochta idir an gearánach agus na páirtithe atá faoi imscrúdú agus imscrúdú arna dhéanamh ag údarás maoirseachta ar shárú a d’fhéadfadh rialaitheoir nó próiseálaí a dhéanamh ar Rialachán (AE) 2016/679. Is nós imeachta é a chuir údarás maoirseachta tús leis, ar a thionscnamh féin nó ar bhonn gearáin, i gcomhlíonadh a chúraimí faoi Airteagal 57(1) de Rialachán (AE) 2016/679. Dá bhrí sin, níl na páirtithe atá faoi imscrúdú agus an gearánach sa staid nós imeachta chéanna agus ní féidir leis an ngearánach an ceart chun éisteacht chóir a fháil a agairt nuair nach ndéanann an cinneadh dochar dá sheasamh dlíthiúil. Ní féidir le rannpháirtíocht an ghearánaigh sa nós imeachta i gcoinne na bpáirtithe atá faoi imscrúdú dochar a dhéanamh do cheart na bpáirtithe sin éisteacht a fháil.

(25)

Ba cheart an deis a thabhairt do ghearánaigh baint a bheith acu leis na himeachtaí arna dtionscnamh ag údarás maoirseachta d’fhonn saincheisteanna a bhaineann le sárú féideartha ar Rialachán (AE) 2016/679 a shainaithint nó a shoiléiriú. Má tá tús curtha ag údarás maoirseachta cheana féin le himscrúdú maidir le hábhar an ghearáin nó má dhéileálafaidh sé leis an ngearán in imscrúdú ex officio tar éis an gearán a fháil, ní chuireann sé sin bac ar cháilíocht an ábhair sonraí mar ghearánach.

(25a)

D’ainneoin nach bhfuil na páirtithe atá faoi imscrúdú agus an gearánach sa chás nós imeachta céanna, tá imthosca ann inar féidir le gearánaigh a bheith in ann argóintí agus fianaise a thabhairt ar aird le linn imscrúdaithe a d’fhéadfadh cabhrú le dul chun cinn an imscrúdaithe. Is amhlaidh atá go háirithe i gcúinsí ina ndearna comhlacht, eagraíocht nó comhlachas seachbhrabúsach gearán a thaisceadh thar ceann an ábhair sonraí nó ar a thionscnamh féin faoi Airteagal 80 de Rialachán (AE) 2016/679. Ba cheart do na húdaráis mhaoirseachta éisteacht na ngearánach sin a éascú ag gach céim den imscrúdú, lena n-áirítear imscrúduithe ex officio, agus a neamhspleáchas a choinneáil ar bun ag an am céanna.

(26)

Ba cheart an deis a thabhairt do na gearánaigh tuairimí ar na réamhthorthaí a chur isteach i scríbhinn. Níor cheart rochtain a bheith acu, áfach, ar rúin ghnó nó ar fhaisnéis rúnda eile de chuid páirtithe eile atá rannpháirteach sna himeachtaí. Níor cheart go mbeadh gearánaigh i dteideal rochtain ghinearálaithe a bheith acu ar an gcomhad riaracháin.

(27)

Agus spriocdhátaí á leagan síos do pháirtithe atá faoi imscrúdú agus do ghearánaigh chun a dtuairimí maidir le réamhthorthaí a chur ar fáil, ba cheart d’údaráis mhaoirseachta aird a thabhairt ar chastacht na saincheisteanna a ardaíodh sna réamhthorthaí, chun a áirithiú go mbeidh deis leordhóthanach ag na páirtithe atá faoi imscrúdú agus ag gearánaigh a dtuairimí maidir leis na saincheisteanna a ardaíodh a chur ar fáil go fóinteach.

(27)

Agus spriocdhátaí á leagan síos agus fad na n-aighneachtaí á theorannú ag páirtithe chun a dtuairimí maidir le réamhthorthaí a chur ar fáil, ba cheart d’údaráis mhaoirseachta aird a thabhairt ar chastacht na saincheisteanna a tarraingíodh anuas i réamhthorthaí, chomh maith le cumas na bpáirtithe atá faoi imscrúdú agus na ngearánach freagra a thabhairt, chun a áirithiú go mbeidh deis leordhóthanach ag na páirtithe a dtuairimí a chur ar fáil go fóinteach maidir leis na saincheisteanna a tarraingíodh anuas. Níor cheart nósanna imeachta atá rófhada a bheith mar thoradh air sin, áfach.

(28)

Is éard atá i gceist leis an malartú tuairimí sula nglacfar dréachtchinneadh idirphlé oscailte agus malartú fairsing tuairimí inar cheart do na húdaráis mhaoirseachta a lándícheall a dhéanamh chun teacht ar chomhthoil maidir leis an mbealach chun cinn in imscrúdú. Os a choinne sin, maidir leis an easaontas a cuireadh in iúl in agóidí ábhartha réasúnaithe de bhun Airteagal 60(4) de Rialachán (AE) 2016/679, ar easaontas é lena n-ardaítear an fhéidearthacht maidir le réiteach díospóidí idir údaráis mhaoirseachta faoi Airteagal 65 de Rialachán (AE) 2016/679 agus lena gcuirtear moill ar ghlacadh cinnidh chríochnaithigh ag an údarás maoirseachta inniúil, ba cheart dó teacht chun cinn i gcás eisceachtúil ina dteipfeadh ar údaráis mhaoirseachta teacht ar chomhthoil agus i gcás inar gá léirmhíniú comhsheasmhach ar Rialachán (AE) 2016/679 a áirithiú. Ba cheart agóidí den sórt sin a úsáid go tíosach, nuair a bhíonn ábhair a bhaineann le forfheidhmiú comhsheasmhach Rialachán (AE) 2016/679 i mbaol, ós rud é go gcuirtear an leigheas don ábhar sonraí siar le gach úsáid a bhaintear as agóidí ábhartha agus réasúnaithe. Ós rud é gur cheart raon feidhme an imscrúdaithe agus na fíorais ábhartha a chinneadh sula gcuirfear na réamhthorthaí in iúl, níor cheart do na húdaráis mhaoirseachta lena mbaineann na hábhair sin a tharraingt anuas in agóidí ábhartha réasúnaithe. Féadfaidh na húdaráis mhaoirseachta lena mbaineann iad a tharraingt anuas, áfach, ina mbarúlacha maidir leis an achoimre ar phríomh-shaincheisteanna de bhun Airteagal 9(3), sula gcuirfear réamhthorthaí in iúl do na páirtithe atá faoi imscrúdú.

(29)

Ar mhaithe leis an nós imeachta um réiteach díospóidí a thabhairt i gcrích go héifeachtúil agus go hionchuimsitheach, i gcás inar cheart go mbeadh na húdaráis mhaoirseachta uile in ann a dtuairimí a thabhairt agus aird á tabhairt ar na srianta ama le linn réiteach díospóidí, ba cheart go gcomhlíonfadh foirm agus struchtúr na n-agóidí ábhartha réasúnaithe ceanglais áirithe. Dá bhrí sin, ba cheart agóidí ábhartha réasúnaithe a bheith teoranta d’fhad forordaithe, ba cheart go sainaithneofaí go soiléir leo an t-easaontas leis an dréachtchinneadh agus ba cheart iad a bheith i bhfoclaíocht i dtéarmaí atá soiléir, comhleanúnach agus beacht go leor.

(29)

Ar mhaithe leis an nós imeachta um réiteach díospóidí a thabhairt i gcrích go héifeachtúil agus go hionchuimsitheach, i gcás inar cheart go mbeadh na húdaráis mhaoirseachta uile in ann a dtuairimí a thabhairt agus aird á tabhairt ar na srianta ama le linn réiteach díospóidí, ba cheart go gcomhlíonfadh foirm agus struchtúr na n-agóidí ábhartha réasúnaithe ceanglais áirithe. Dá bhrí sin, ba cheart go sainaithneofaí go soiléir le hagóidí ábhartha agus réasúnaithe an t-easaontas leis an dréachtchinneadh agus ba cheart an fhoclaíocht a bheith iontu i dtéarmaí atá soiléir, comhleanúnach agus beacht go leor.

(30)

Déantar foráil maidir le rochtain ar an gcomhad riaracháin mar chuid de na cearta chun cosanta agus an ceart chun dea-riaracháin a chumhdaítear sa Chairt. Ba cheart rochtain ar an gcomhad riaracháin a thabhairt do na páirtithe atá faoi imscrúdú nuair a thugtar fógra dóibh faoi réamhthorthaí agus ba cheart an spriocdháta chun a bhfreagra i scríbhinn a chur isteach ar na réamhthorthaí a leagan síos .

(30)

Féadfaidh foráil a dhéanamh maidir le rochtain ar an gcáschomhad comhpháirteach de mheon den cheart chun dea-riaracháin atá cumhdaithe sa Chairt. Ba cheart rochtain ar an gcáschomhad comhpháirteach a thabhairt do na páirtithe. Féadfar rochtain na bpáirtithe ar an gcáschomhad comhpháirteach a theorannú arna iarraidh sin do pháirtí chun a gcearta atá aitheanta go dlíthiúil nó cearta daoine eile a chosaint, nó ar mhaithe le leas an phobail. Ní mór teorannú den sórt sin a bheith comhréireach i bhfianaise na gceart aitheanta faoi seach atá ag daoine eile nó i bhfianaise leas an phobail.

(31)

Agus rochtain á tabhairt acu ar an gcomhad riaracháin , ba cheart do na húdaráis mhaoirseachta a áirithiú go gcosnófar rúin ghnó agus faisnéis rúnda eile. Áirítear i gcatagóir na faisnéise rúnda eile aon fhaisnéis seachas rúin ghnó, a d’fhéadfaí a mheas mar fhaisnéis rúnda, a mhéid a dhéanfadh nochtadh na faisnéise sin dochar suntasach do rialaitheoir, do phróiseálaí nó do dhuine nádúrtha. Ba cheart do na húdaráis mhaoirseachta a bheith in ann a iarraidh ar pháirtithe atá faoi imscrúdú a thíolacann nó a thíolaic doiciméid nó ráitis faisnéis rúnda a shainaithint.

(31)

Agus rochtain á tabhairt acu ar an gcáschomhad comhpháirteach , ba cheart do na húdaráis mhaoirseachta a áirithiú go gcosnófar rúin ghnó agus faisnéis rúnda eile faoi chosaint an dlí agus faisnéis a chosaint ar mhaithe le leas an phobail i gcomhréir le dlí náisiúnta is infheidhme. Áirítear i gcatagóir faisnéise rúnda eile faisnéis seachas rúin ghnó, a bhféadfaí a mheas gur faisnéis rúnda í, a mhéid a dhéanfadh nochtadh na faisnéise sin dochar suntasach do rialaitheoir, do phróiseálaí nó do dhuine nádúrtha nó dlítheanach . Ba cheart do na húdaráis mhaoirseachta a bheith in ann a iarraidh ar pháirtithe atá faoi imscrúdú a thíolacann nó a thíolaic doiciméid nó ráitis faisnéis rúnda a shainaithint agus leagan neamhrúnda a chur ar fáil .

(33)

Agus ábhar á tharchur chuig réiteach díospóidí faoi Airteagal 65 de Rialachán (AE) 2016/679, ba cheart don phríomhúdarás maoirseachta an fhaisnéis uile is gá a sholáthar don Bhord chun a chur ar a chumas measúnú a dhéanamh ar inghlacthacht agóidí ábhartha réasúnaithe agus an cinneadh a dhéanamh de bhun Airteagal 65(1), pointe (a), de Rialachán (AE) 2016/679. A luaithe a gheobhaidh an Bord na doiciméid uile is gá a liostaítear in Airteagal 23, ba cheart do Chathaoirleach an Bhoird tarchur an ábhair a chlárú de réir bhrí Airteagal 65(2) de Rialachán (AE) 2016/679.

(33)

Agus ábhar á tharchur chuig réiteach díospóidí faoi Airteagal 65 de Rialachán (AE) 2016/679, ba cheart don phríomhúdarás maoirseachta an fhaisnéis uile is gá a sholáthar don Bhord chun a chur ar a chumas measúnú a dhéanamh ar inghlacthacht agóidí ábhartha réasúnaithe agus an cinneadh a dhéanamh de bhun Airteagal 65(1), pointe (a), de Rialachán (AE) 2016/679. A luaithe a gheobhaidh an Bord na doiciméid uile is gá a, ba cheart don Bhord tarchur an ábhair a chlárú i gcomhréir le hAirteagal 65(2) de Rialachán (AE) 2016/679.

(34)

Ba cheart an cinneadh ceangailteach ón mBord faoi Airteagal 65(1), pointe (a), de Rialachán (AE) 2016/679 a bheith bainteach go heisiach le hábhair as ar eascair an réiteach díospóide agus ba cheart é a dhréachtú ar bhealach lena gceadaítear don phríomhúdarás maoirseachta a chinneadh críochnaitheach a ghlacadh ar bhonn chinneadh an Bhoird agus a lánrogha á coinneáil aige ag an am céanna .

(34)

Ba cheart baint a bheith ag cinneadh ceangailteach an Bhoird faoi Airteagal 65(1), pointe (a), de Rialachán (AE) 2016/679 go heisiach le hábhair as ar eascair an réiteach díospóide agus ba cheart é a dhréachtú i dteanga shoiléir bheacht, rud a chuirfidh ar chumas an phríomhúdaráis mhaoirseachta a chinneadh críochnaitheach a ghlacadh ar bhonn chinneadh an Bhoird.

(36)

Chun cuíchóiriú a dhéanamh ar an nós imeachta maidir le tuairimí práinneacha agus cinntí ceangailteacha práinneacha ón mBord a ghlacadh faoi Airteagal 66(2) de Rialachán (AE) 2016/679, is gá rialacha nós imeachta a shonrú maidir le huainiú na hiarrata ar thuairim phráinneach nó ar chinneadh ceangailteach práinneach, maidir leis na doiciméid atá le cur faoi bhráid an Bhoird agus ar cheart don Bhord a chinneadh a bhunú orthu, maidir le cé chuige ar cheart tuairim nó cinneadh an Bhoird a chur, agus maidir le hiarmhairtí thuairim nó chinneadh an Bhoird.

(36)

Chun cuíchóiriú a dhéanamh ar an nós imeachta maidir le tuairimí práinneacha agus cinntí ceangailteacha práinneacha ón mBord a ghlacadh faoi Airteagal 66(2) de Rialachán (AE) 2016/679, is gá rialacha nós imeachta a shonrú maidir le huainiú na hiarrata ar thuairim phráinneach nó ar chinneadh ceangailteach práinneach, maidir leis na doiciméid atá le cur faoi bhráid an Bhoird agus ar cheart don Bhord a chinneadh a bhunú orthu, maidir le cé chuige ar cheart tuairim nó cinneadh an Bhoird a chur, agus maidir le hiarmhairtí thuairim nó chinneadh an Bhoird. Ba cheart gach beart féideartha laistigh de chumhachtaí na n-údarás maoirseachta, de bhun Airteagal 58 den Rialachán sin, a áireamh sna bearta sealadacha, de bhun Airteagal 66(1) de Rialachán (AE) 2016/679.

(36a)

Ba cheart don Bhord a bheith in ann aon fhaisnéis bhreise is gá a iarraidh ar na húdaráis mhaoirseachta ionas gur féidir leis cinneadh ceangailteach a dhéanamh.

(36b)

Ba cheart an ceart a bheith ag an ngearánach leigheas breithiúnach a fháil i gcás nach n-úsáideann údarás maoirseachta a chumhachtaí nó nach ndéanann sé an ghníomhaíocht is gá a cheanglaítear le Rialachán (AE) 2016/679 ar shlí eile. Ina theannta sin, ba cheart an ceart a bheith ag na páirtithe gníomhaíocht a dhéanamh i gcoinne an phríomhúdaráis mhaoirseachta i gcás neamhghnímh nó nósanna imeachta atá rófhada. Chun a áirithiú nach mbeidh aon bhearna forfheidhmiúcháin ann, ba cheart an chumhacht a thabhairt do na páirtithe sa chás agus do na heagraíochtaí faoi Airteagal 80(1) de Rialachán (AE) 2016/679 leigheas breithiúnach a lorg ar mhaithe le leas an phobail mura gcomhlíonfaidh údarás maoirseachta cinneadh ón mBord agus má mheasann siad gur sáraíodh cearta an ábhair sonraí faoi Rialachán (AE) 2016/679 mar thoradh ar an bpróiseáil.

(38)

Chuathas i gcomhairle leis an Maoirseoir Eorpach ar Chosaint Sonraí agus leis an mBord Eorpach um Chosaint Sonraí i gcomhréir le hAirteagal 42(2) de Rialachán (AE) 2018/1725 agus thug siad tuairim chomhpháirteach an [ ] ,

(38)

Chuathas i gcomhairle leis an Maoirseoir Eorpach ar Chosaint Sonraí agus leis an mBord Eorpach um Chosaint Sonraí i gcomhréir le hAirteagal 42(2) de Rialachán (AE) 2018/1725 agus thug siad tuairim chomhpháirteach an 19 Meán Fómhair 2023 ,

(1)

ciallaíonn ‘páirtithe atá faoi imscrúdú’ an rialaitheoir nó na rialaitheoirí agus/nó an próiseálaí nó na próiseálaithe a imscrúdaítear mar gheall ar shárú líomhnaithe ar Rialachán (AE) 2016/679 a bhaineann le próiseáil trasteorann;

(1)

ciallaíonn ‘ páirtí atá faoi imscrúdú’ an rialaitheoir nó na rialaitheoirí agus/nó an próiseálaí nó na próiseálaithe a ndearnadh gearán fúthu i leith sárú líomhnaithe ar Rialachán (AE) 2016/679, nó a ndearnadh imscrúdú air ina leith , chomh maith lena n-ionadaí nó lena n-ionadaithe ;

(1a)

ciallaíonn ‘gearánach’ an t-ábhar sonraí nó an comhlacht, eagraíocht nó comhlachas neamhbhrabúsach a thaisc gearán faoi Airteagal 77 de Rialachán (AE) 2016/679 agus, dá bhrí sin, a mheastar a bheith ina pháirtí sna himeachtaí;

(1b)

ciallaíonn ‘páirtí’ an páirtí nó na páirtithe atá faoi imscrúdú, an gearánach nó na gearánaigh agus aon tríú páirtí atá rannpháirteach sna himeachtaí mar a shainmhínítear faoin dlí náisiúnta;

(1c)

ciallaíonn ‘dlí nós imeachta náisiúnta’ dlíthe, rialacháin agus forálacha riaracháin an Bhallstáit lena rialaítear an nós imeachta os comhair údarás maoirseachta;

(1d)

ciallaíonn ‘nós imeachta gearán’ nós imeachta lena gcinntear toradh an ghearáin faoi Airteagal 77 de Rialachán (AE) 2016/679;

(1e)

ciallaíonn ‘nós imeachta ex officio’ imscrúdú ar ghníomhaíochtaí duine nádúrtha nó dlítheanaigh, údaráis phoiblí, gníomhaireachta nó comhlachta eile a thionscnaítear ar thionscnamh ó údarás maoirseachta faoi Airteagal 57(1), pointe (a), de Rialachán (AE) 2016/679;

(1f)

ciallaíonn ‘cáschomhad comhpháirteach’ comhad leictreonach tiomnaithe le haghaidh aon chás a thagann faoi raon feidhme an Rialacháin seo, arna bhainistiú ag an bpríomhúdarás maoirseachta, agus ina ndéantar an fhaisnéis ábhartha uile, go háirithe gach doiciméad, aighneacht, meamram agus faisnéis eile a bhaineann le cás a stóráil agus a chur ar fáil go cianda d’údaráis mhaoirseachta lena mbaineann agus do pháirtithe sa chás;

(1g)

ciallaíonn ‘údarás fála gearáin’ an t-údarás maoirseachta ar taisceadh an gearán leis dá dtagraítear in Airteagal 4(22), pointe (c), de Rialachán (AE) 2016/679;

(2)

ciallaíonn ‘achoimre ar phríomh-shaincheisteanna’ an achoimre atá le cur ar fáil ag an bpríomhúdarás maoirseachta do na húdaráis mhaoirseachta lena mbaineann ina sainaithnítear na príomhfhíorais ábhartha agus tuairimí an phríomhúdaráis maoirseachta maidir leis an gcás;

(2)

ciallaíonn ‘achoimre ar phríomh-shaincheisteanna’ an achoimre atá le cur ar fáil ag an bpríomhúdarás maoirseachta do na húdaráis mhaoirseachta lena mbaineann ina sainaithnítear na príomh-shaincheisteanna ábhartha fíorasacha agus dlí laistigh de réamhraon feidhme an imscrúdaithe agus tuairimí fíorasacha agus dlí an phríomhúdaráis maoirseachta maidir leis an gcás;

(3)

ciallaíonn ‘réamhthorthaí’ an doiciméad arna sholáthar ag an bpríomhúdarás maoirseachta do na páirtithe atá faoi imscrúdú ina leagtar amach na líomhaintí, na fíorais ábhartha, an fhianaise thacaíochta, anailís dhlíthiúil, agus, i gcás inarb infheidhme, na bearta ceartaitheacha atá beartaithe;

(3)

ciallaíonn ‘réamhthorthaí’ an doiciméad arna sholáthar ag an bpríomhúdarás maoirseachta do na páirtithe ina leagtar amach na líomhaintí, na fíorais ábhartha, an fhianaise thacaíochta, anailís dhlíthiúil, agus, i gcás inarb infheidhme, na bearta ceartaitheacha atá beartaithe;

(4a)

ciallaíonn ‘leagan rúnda de dhoiciméad’ doiciméad ina bhfuil faisnéis rúnda nó íogair a d’fhéadfadh a bheith faoi réir pribhléid dhlíthiúil faoin dlí AE nó náisiúnta is infheidhme agus faoi na rialacha cosanta sonraí is infheidhme;

(4b)

ciallaíonn ‘leagan neamhrúnda de dhoiciméad’ leagan de dhoiciméad óna bhfuil faisnéis rúnda nó íogair folaithe agus is féidir a sholáthar don ghearánach gan dlí AE nó náisiúnta ná rialacha cosanta sonraí a shárú.

(a)

go láimhseálfar a gcás go neamhchlaonta agus go cothrom, agus go gcaithfear go cothrom leo, fiú má bhíonn siad os comhair údaráis mhaoirseachta éagsúla i ndlínsí éagsúla (‘nós imeachta cothrom’);

(b)

éisteacht a fháil sula ndéanfar aon bheart a dhéanfadh dochar dó, lena n-áirítear sula nglacfar an cinneadh seasamh le gearán nó diúltú dó go hiomlán nó go páirteach (‘ceart chun éisteacht a fháil’);

(c)

rochtain a bheith acu ar an gcáschomhad comhpháirteach, ach amháin ar aon phlé inmheánach san údarás maoirseachta nó plé idir na húdaráis sin (‘trédhearcacht nós imeachta’);

(a)

a shuíomh, trí réamhchonclúid, an mbaineann an gearán le próiseáil trasteorann sonraí pearsanta an ghearánaigh, agus breithniú á dhéanamh ar an méid seo a leanas ar a laghad:

(i)

an rialaitheoir nó an próiseálaí ábhartha chun an phróiseáil atá i gceist a dhéanamh;

(ii)

líon bhunaíochtaí an rialaitheora nó an phróiseálaí san Aontas Eorpach;

(iii)

áit na príomhbhunaíochta;

(iv)

gníomhaíochtaí bunaíochtaí i níos mó ná Ballstát amháin;

(v)

difear suntasach nó difear suntasach dóchúil d’ábhair sonraí i níos mó ná Ballstát amháin.

(b)

a shuíomh cén t-údarás maoirseachta a thoimhdítear gurb é an príomhúdarás maoirseachta é faoi Airteagal 56(1) de Rialachán (AE) 2016/679, agus an de chineál áitiúil an cás de bhun Airteagal 56(2) de Rialachán (AE) 2016/679,

(c)

ceann de na gníomhaíochtaí seo a leanas a dhéanamh:

(i)

an gearán a tharchur chuig an bpríomhúdarás maoirseachta toimhdithe faoi Airteagal 56(1) de Rialachán (AE) 2016/679 agus an gearánach a chur ar an eolas faoi sin. Beidh an measúnú ar inghlacthacht an ghearáin ag an údarás maoirseachta ar taisceadh an gearán leis ina cheangal ar an bpríomhúdarás maoirseachta; nó

(ii)

an gearán a láimhseáil faoi Airteagal 56(2) de Rialachán (AE) 2016/679.

II

Gearáin a chur isteach agus a láimhseáil

II

Gearáin agus nósanna imeachta ex officio

(a)

a thapúla atá sé leigheas éifeachtach agus tráthúil a chur ar fáil don ghearánach;

(a)

leigheas éifeachtach agus tráthúil a chur ar fáil don ghearánach;

(b)

tromchúis an tsáraithe líomhnaithe ;

(b)

imscrúdú ar na heilimintí ábhartha fíorasacha agus dlíthiúla is gá chun an gearán a chinneadh go comhpháirteach agus chun cinneadh a eisiúint faoi Airteagal 60(7), (8) agus (9) de Rialachán (AE) 2016/679 ;

(c)

cineál sistéamach nó atriallach an tsáraithe líomhnaithe .

(c)

imscrúdú ar aon eilimintí eile is gá chun Rialachán (AE) 2016/679 a fhorfheidhmiú go héifeachtúil, lena n-áirítear feidhmiú ex officio cumhachtaí de bhun Airteagal 58(2), Airteagal 83 nó Airteagal 84 de Rialachán (AE) 2016/679, go háirithe i gcás sáruithe sistéamacha, tromchúiseacha nó atriallacha .

(a)

8 seachtaine nuair a thíolactar barúlacha faoi Airteagal 9(3) a mhéid a bhaineann le hachoimre ar na príomh-shaincheisteanna nó achoimre nuashonraithe ar na príomh-shaincheisteanna;

(b)

8 seachtaine i gcás ina bhfuil sé beartaithe ag an bpríomhúdarás maoirseachta fíneálacha nó pionóis eile a eisiúint;

(c)

an tréimhse ama idir tagairt faoi Airteagal 26a(1) nó (2) agus an cinneadh ón mBord;

(d)

tréimhse aon fhadaithe a cheadaíonn an Bord faoi Airteagal 26a(3).

(a)

cibé an bhfuil na coinníollacha a ghabhann le socrú cairdiúil faoi mhír 1d comhlíonta, agus

(b)

cibé an osclófar imscrúdú ex officio faoi mhír 1d.

(a)

inar athchiontóir an páirtí atá faoi imscrúdú;

(b)

ina raibh an páirtí atá faoi imscrúdú ina ábhar do líon mór socruithe cairdiúla eile;

(c)

ina mbaineann ábhar leathan an ghearáin le líon mór ábhar sonraí seachas an gearánach, gur fada nó gur de chineál tromchúiseach é toradh na próiseála a rinneadh ar an ngearán; nó

(d)

inar gá cumhachtaí a fheidhmiú ar shlí eile chun forfheidhmiú éifeachtach, comhréireach agus athchomhairleach Rialachán (AE) 2016/679 a áirithiú.

(a)

dearbhú le bheith mar údarás maoirseachta lena mbaineann, agus

(b)

achoimre ar na príomh-shaincheisteanna de bhun Airteagal 9.

(a)

an t-údarás maoirseachta lena mbaineann a chur ar an eolas go bhfuil nós imeachta ex officio oscailte aige;

(b)

an t-údarás maoirseachta lena mbaineann a chur ar an eolas go bhfuil feidhm ag Airteagal 56(2) de Rialachán (AE) 2016/679 maidir leis an gcás agus nach bhfuil sé beartaithe ag an bpríomhúdarás maoirseachta é féin an cás a láimhseáil i gcomhréir le hAirteagal 56(3) de Rialachán (AE) 2016/679; nó

(c)

an iarraidh a dhiúltú, má tá sé den tuairim nach é an príomhúdarás maoirseachta é nó nach bhfuil aon sárú prima facie ar Rialachán (AE) 2016/679.

(a)

8 seachtaine nuair a thíolactar barúlacha faoi Airteagal 9(3) i gcoinne achoimre ar na príomh-shaincheisteanna nó achoimre nuashonraithe ar na príomh-shaincheisteanna;

(b)

8 seachtaine i gcás ina bhfuil sé beartaithe ag an bpríomhúdarás maoirseachta fíneálacha nó pionóis eile a eisiúint;

(c)

an tréimhse ama idir tagairt faoi Airteagal 26a agus an cinneadh ón mBord;

(d)

tréimhse aon fhadaithe a cheadaíonn an Bord faoi Airteagal 26a(3).

(a)

gearáin agus tuairimí gearánach a aistriú go teanga an phríomhúdaráis maoirseachta chun críocha an imscrúdaithe;

(b)

doiciméid arna soláthar ag an bpríomhúdarás maoirseachta a aistriú go teanga na cumarsáide leis an ngearánach, i gcás inar gá na doiciméid sin a chur ar fáil don ghearánach de bhun an Rialacháin seo nó de bhun Rialacháin (AE) 2016/679.

(a)

faisnéis maidir le himscrúdú a oscailt ar shárú líomhnaithe ar Rialachán (AE) 2016/679 ;

(a)

faisnéis maidir le himscrúdú ex officio nó nós imeachta gearán a oscailt ;

(e)

achoimre ar phríomh-shaincheisteanna in imscrúdú i gcomhréir le hAirteagal 9;

(e)

an achoimre ar na príomh-shaincheisteanna a eisiúint nó a thabhairt cothrom le dáta in imscrúdú i gcomhréir le hAirteagal 9;

(ea)

aon bharúlacha maidir le hachoimre ar na príomh-shaincheisteanna i gcomhréir le hAirteagal 9(3);

(f)

faisnéis a bhaineann le céimeanna arb é is aidhm dóibh sárú ar Rialachán (AE) 2016/679 a shuíomh sula n-ullmhaítear réamhthorthaí ;

(f)

faisnéis a bhaineann le céimeanna arb é is aidhm dóibh sárú ar Rialachán (AE) 2016/679 a shuíomh sula n-ullmhaítear na réamhchinntí agus sula n-ullmhaítear an dréachtchinneadh ;

(i)

tuairimí an ghearánaigh ar na réamhthorthaí;

(i)

tuairimí an ghearánaigh ar an leagan neamhrúnda de na réamhthorthaí agus, más infheidhme, gnéithe eile den imscrúdú ar ina leith a rinne an gearánach aighneachtaí foirmiúla i scríbhinn ;

(ka)

aon dréachtchinneadh i gcomhréir le hAirteagal 60(3) de Rialachán (AE) 2016/679 nó dréachtchinneadh athbhreithnithe i gcomhréir le hAirteagal 60(5) de Rialachán (AE) 2016/679;

(kb)

aon agóidí ábhartha agus réasúnaithe i gcomhréir le hAirteagal 60(4) de Rialachán (AE) 2016/679;

(kc)

aon leigheas breithiúnach a thugtar le linn nós imeachta faoi Airteagal 60 de Rialachán (AE) 2016/679 nó in aghaidh cinneadh faoi Airteagal 60(7) go (9) de Rialachán (AE) 2016/679.

(a)

na príomhfhíorais ábhartha;

(a)

na fíorais ábhartha;

(b)

réamh-shainaithint raon feidhme an imscrúdaithe, go háirithe forálacha Rialachán (AE) 2016/679 lena mbaineann an sárú líomhnaithe a dhéanfar a imscrúdú ;

(b)

réamh-shainaithint raon feidhme an imscrúdaithe, go háirithe forálacha Rialachán (AE) 2016/679 lena mbaineann an sárú líomhnaithe , agus, i gcás inarb infheidhme, léiriú má dhealraíonn sé go ndearnadh sárú orthu ;

(c)

measúnuithe casta dlí agus teicneolaíocha a shainaithint atá ábhartha maidir le réamhthreoshuíomh a measúnaithe ;

(c)

réamh-mheasúnuithe fíorasacha nó dlíthiúla, a dhéileálann leis na tuairimí ábhartha uile arna gcur in iúl ag páirtithe agus an achoimre á dréachtú, lena n-áirítear cásdlí ábhartha Eorpach, chomh maith le treoirlínte, moltaí agus dea-chleachtais arna n-eisiúint ag an mBord ;

(a)

go bhfuil an teanga a úsáidtear sách soiléir agus go bhfuil téarmaí beachta inti chun go bhféadfaidh an príomhúdarás maoirseachta, agus, de réir mar a bheidh, na húdaráis mhaoirseachta lena mbaineann, a seasaimh a ullmhú;

(b)

leagtar amach argóintí dlíthiúla go gonta agus iad grúpáilte trí thagairt don chuid den achoimre ar phríomh-shaincheisteanna lena mbaineann siad;

(c)

féadfar tacú le barúlacha an údaráis mhaoirseachta lena mbaineann le doiciméid, a d’fhéadfadh cur leis na barúlacha maidir le pointí sonracha.

(b)

réamhthreoshuíomh i ndáil le measúnuithe casta dlí arna sainaithint ag an bpríomhúdarás maoirseachta de bhun Airteagal 9(2), pointe (c);

(b)

réamhmheasúnuithe fíorasacha nó dlí arna sainaithint ag an bpríomhúdarás maoirseachta de bhun Airteagal 9(2), pointe (c);

(c)

réamhthreoshuíomh i ndáil le measúnuithe casta teicneolaíocha arna sainaithint ag an bpríomhúdarás maoirseachta de bhun Airteagal 9(2), pointe (c).

(ca)

réamh-shainaithint beart ceartaitheach nó bearta ceartaitheacha a d'fhéadfadh a bheith ann de bhun Airteagal 9(2), pointe (d).

(a)

na doiciméid dá dtagraítear in Airteagal 9(2), pointí (a) agus (b);

(a)

an fhaisnéis ábhartha dá dtagraítear in Airteagal 9(2), lena n-áirítear aon nuashonrú nuair a tharlaíonn siad ;

(b)

barúlacha an údaráis mhaoirseachta lena mbaineann nach n-aontaíonn le réamh-shainaithint an phríomhúdaráis maoirseachta ar raon feidhme an imscrúdaithe.

(b)

barúlacha na n-údarás maoirseachta lena mbaineann nach n-aontaíonn le réamh-shainaithint an phríomhúdaráis maoirseachta ar raon feidhme an imscrúdaithe nó le measúnú fíorasach nó dlíthiúil ar eilimintí na hachoimre ar phríomh-shaincheisteanna dá dtagraítear in Airteagal 9(2) ;

(ba)

rochtain ar an gcáschomhad comhpháirteach.

(a)

ainm an údaráis mhaoirseachta a d'eisigh an cinneadh;

(b)

dáta eisiúna an chinnidh;

(c)

achoimre neamhchlaonta ar fhíorais ábhartha an cháis agus ar a bhfoinse;

(d)

na forais dlí leis an gcinneadh;

(e)

na cumhachtaí ceartaitheacha, na pionóis nó na bearta eile a fheidhmítear; agus

(f)

faisnéis faoin gceart chun leigheas breithiúnach éifeachtach a fháil faoi Airteagal 78 de Rialachán (AE) 2016/679 agus faoi aon dlí nós imeachta náisiúnta is infheidhme.

1f.

Áireofar san fhaisnéis a sholáthrófar do na páirtithe faoi Airteagal 60(7) go (9) de Rialachán (AE) 2016/679 cóip den chinneadh atá ceangailteach ó thaobh dlí, agus faisnéis faoi leigheas breithiúnach a bheidh ar fáil i gcomhréir le hAirteagal 78 de Rialachán (AE) 2016/679.

1g.

Foilseoidh na húdaráis mhaoirseachta gach cinneadh atá ceangailteach ó thaobh dlí a eisíonn siad gan moill mhíchuí, ach tráth nach déanaí ná 3 mhí tar éis a nglactha, mura rud é nach n-imíonn na cinntí nua go hábhartha ó chinntí a foilsíodh roimhe sin. I gcomhréir leis an dlí náisiúnta is infheidhme, féadfaidh údaráis mhaoirseachta ainmneacha páirtithe, faisnéis ar bith eile a d’fhéadfadh sainaithint na bpáirtithe a cheadú, agus faisnéis eile atá cosanta faoin dlí is infheidhme, a fholú.