(1)

Is é is cuspóir don Rialachán seo feidhmiú an mhargaidh inmheánaigh a fheabhsú trí chreat dlíthiúil aonfhoirmeach a leagan síos go háirithe maidir le forbairt, margú agus úsáid na hintleachta saorga i gcomhréir le luachanna an Aontais . Leis an Rialachán seo, déantar roinnt cúiseanna sáraitheacha a bhaineann le leas an phobail a shaothrú, amhail ardleibhéal cosanta maidir le sláinte, sábháilteacht agus cearta bunúsacha, agus áirithítear leis saorghluaiseacht trasteorann earraí agus seirbhísí IS-bhunaithe , rud a chuireann cosc ar na Ballstáit srianta a fhorchur ar fhorbairt, margú agus úsáid córas intleachta saorga, ach amháin i gcás údarú sainráite ag an Rialachán seo.

(1)

Is é is cuspóir don Rialachán seo glacadh na hintleachta saorga atá dírithe ar an duine agus iontaofa a chur chun cinn agus ardleibhéal cosanta a áirithiú do shláinte, do shábháilteacht, do chearta bunúsacha, don daonlathas agus don smacht reachta agus don chomhshaol ar éifeachtaí díobhálacha na gcóras intleachta saorga san Aontas agus, ag an am céanna, tacú leis an nuálaíocht agus feidhmiú an mhargaidh inmheánaigh a fheabhsú . Leagtar síos leis an Rialachán seo creat dlíthiúil aonfhoirmeach go háirithe maidir le forbairt, cur ar an margadh, cur i mbun seirbhíse agus úsáid na hintleachta saorga i gcomhréir le luachanna an Aontais agus áirithítear leis saorghluaiseacht earraí agus seirbhísí atá bunaithe ar an intleacht shaorga ar bhonn trasteorann , rud a chuireann cosc ar na Ballstáit srianta a fhorchur ar fhorbairt, ar mhargú agus ar úsáid córas intleachta saorga (córais IS) , mura rud é go n-údaraítear sin go sainráite leis an Rialachán seo. Is féidir le córais intleachta saorga tionchar a imirt freisin ar an daonlathas, ar an smacht reachta agus ar an gcomhshaol. Tugtar aghaidh go sonrach ar na hábhair imní sin sna hearnálacha criticiúla agus sna cásanna úsáide a liostaítear sna hiarscríbhinní a ghabhann leis an Rialachán seo.

(1a)

Leis an Rialachán seo, ba cheart luachanna an Aontais a chaomhnú lena n-éascaítear dáileadh tairbhí na hintleachta saorga ar fud na sochaí, agus daoine aonair, cuideachtaí, an daonlathas agus an smacht reachta agus an comhshaol a chosaint ar rioscaí ag an am céanna agus borradh á chur faoin nuálaíocht agus faoin bhfostaíocht agus ceannaire a dhéanamh den Aontas sa réimse sin ag an am céanna

(2)

Is féidir córais intleachta saorga (córais IS) a úsáid go héasca in earnálacha éagsúla an gheilleagair agus na sochaí, lena n-áirítear ar bhonn trasteorann, agus a bheith i gcúrsaíocht ar fud an Aontais. Tá fiosruithe déanta ag Ballstáit áirithe cheana féin maidir le rialacha náisiúnta a ghlacadh chun a áirithiú go bhfuil an intleacht shaorga sábháilte agus go bhforbraítear agus go n-úsáidtear í i gcomhréir le hoibleagáidí i ndáil le cearta bunúsacha. Ilroinnt an mhargaidh inmheánaigh agus laghdú ar an deimhneacht dhlíthiúil le haghaidh oibreoirí a fhorbraíonn nó a úsáideann córais intleachta saorga, sin a d’fhéadfadh a bheith mar thoradh ar rialacha náisiúnta éagsúla a bheith ann. Ba cheart, dá bhrí sin, ardleibhéal comhsheasmhach cosanta a áirithiú, agus dibhéirseachtaí a chuireann isteach ar shaorghluaiseacht córas intleachta saorga laistigh den mhargadh inmheánach, mar aon leis na táirgí agus na seirbhísí a bhaineann leo, a chosc trí oibleagáidí aonfhoirmeacha le haghaidh oibreoirí a leagan síos agus trí chosaint aonfhoirmeach cúiseanna sáraitheacha a ráthú a bhaineann le leas an phobail agus cosaint daoine ar fud an mhargaidh inmheánaigh de réir Airteagal 114 den Chonradh ar Fheidhmiú an Aontais Eorpaigh (CFAE). Sa mhéid go bhfuil rialacha sonracha sa Rialachán seo maidir le cosaint daoine aonair i dtaca le próiseáil sonraí pearsanta a bhaineann le srianta ar úsáid córas intleachta saorga le haghaidh cian-sainaithint bhithmhéadrach ‘fíor-ama’ i spásanna a bhfuil rochtain ag an bpobal orthu chun críoch fhorfheidhmiú an dlí, is iomchuí an Rialachán seo a bhunú ar Airteagal 16 de CFAE a mhéid a bhaineann leis na rialacha sonracha sin. I bhfianaise na rialacha sonracha sin agus iontaoibh Airteagal 16 de CFAE, is iomchuí dul i gcomhairle leis an mBord Eorpach um Chosaint Sonraí.

(2)

Is féidir córais intleachta saorga a úsáid go héasca in earnálacha éagsúla an gheilleagair agus na sochaí, lena n-áirítear ar bhonn trasteorann, agus a bheith i gcúrsaíocht ar fud an Aontais. Tá fiosruithe déanta ag Ballstáit áirithe cheana féin maidir le rialacha náisiúnta a ghlacadh chun a áirithiú go bhfuil an intleacht shaorga iontaofa agus sábháilte agus go bhforbraítear agus go n-úsáidtear í i gcomhréir le hoibleagáidí i ndáil le cearta bunúsacha. Ilroinnt an mhargaidh inmheánaigh agus laghdú ar an deimhneacht dhlíthiúil le haghaidh oibreoirí a fhorbraíonn nó a úsáideann córais intleachta saorga, sin a d’fhéadfadh a bheith mar thoradh ar rialacha náisiúnta éagsúla a bheith ann. Ba cheart, dá bhrí sin, ardleibhéal comhsheasmhach cosanta a áirithiú ar fud an Aontais chun intleacht shaorga iontaofa a ghnóthú , agus dibhéirseachtaí a chuireann isteach ar shaorghluaiseacht , nuálaíocht, imscaradh agus glacadh na gcóras intleachta saorga laistigh den mhargadh inmheánach, mar aon leis na táirgí agus na seirbhísí a bhaineann leo, a chosc trí oibleagáidí aonfhoirmeacha le haghaidh oibreoirí a leagan síos agus trí chosaint aonfhoirmeach cúiseanna sáraitheacha a ráthú a bhaineann le leas an phobail agus cosaint daoine ar fud an mhargaidh inmheánaigh de réir Airteagal 114 den Chonradh ar Fheidhmiú an Aontais Eorpaigh (CFAE).

(2a)

Ós rud é gur minic a bhíonn an intleacht shaorga ag brath ar líon mór sonraí a phróiseáil, agus go mbíonn go leor córas agus feidhmchlár intleachta saorga ag brath ar phróiseáil sonraí pearsanta, is iomchuí an Rialachán seo a bhunú ar Airteagal 16 CFAE, lena gcumhdaítear an ceart go ndéanfar daoine nádúrtha a chosaint i ndáil le sonraí pearsanta a phróiseáil agus lena bhforáiltear do rialacha a ghlacadh maidir le daoine aonair a chosaint i ndáil le sonraí pearsanta a phróiseáil.

(2b)

Déantar an ceart bunúsach go ndéanfar sonraí pearsanta a chosaint a choimirciú go háirithe le Rialacháin (AE) 2016/679 agus (AE) 2018/1725 agus le Treoir 2016/680. Le Treoir 2002/58/CE, cosnaítear freisin an saol príobháideach agus rúndacht na cumarsáide, lena n-áirítear coinníollacha a chur ar fáil d’aon sonraí pearsanta nó neamhphearsanta a stóráiltear i dtrealamh teirminéil agus do rochtain ar threalamh teirminéil. Tugann na gníomhartha dlí sin an bunús do phróiseáil sonraí atá inbhuanaithe agus freagrach, lena n-áirítear i gcás ina n-áirítear le tacair sonraí meascán de shonraí pearsanta agus neamhphearsanta. Ní fhéachtar leis an Rialachán seo le difear a dhéanamh do chur i bhfeidhm dhlí an Aontais atá ann cheana lena rialaítear próiseáil sonraí pearsanta, lena n-áirítear cúraimí agus cumhachtaí na n-údarás maoirseachta neamhspleách atá inniúil chun faireachán a dhéanamh ar chomhlíonadh na n-ionstraimí sin. Ní dhéanann an Rialachán seo difear do na cearta bunúsacha chun saoil phríobháidigh agus chun cosaint sonraí dá bhforáiltear i ndlí an Aontais maidir le cosaint sonraí agus príobháideacht agus a chumhdaítear i gCairt um Chearta Bunúsacha an Aontais Eorpaigh (an ‘Chairt’).

(2c)

Tá córais intleachta saorga san Aontas faoi réir reachtaíocht ábhartha maidir le sábháilteacht táirgí lena soláthraítear creat lena gcosnaítear tomhaltóirí ar tháirgí contúirteacha i gcoitinne agus ba cheart go leanfadh an reachtaíocht sin d’fheidhm a bheith aici. Tá an Rialachán seo gan dochar freisin do na rialacha a leagtar síos le gníomhartha dlí eile de chuid an Aontais a bhaineann le cosaint tomhaltóirí agus sábháilteacht táirgí, lena n-áirítear Rialachán (AE) 2017/2394, Rialachán (AE) 2019/1020 agus Treoir 2001/95/CE maidir le sábháilteacht ghinearálta táirgí agus Treoir 2013/11/AE.

(2d)

I gcomhréir le hAirteagal 114(2) CFAE, comhlánaíonn an Rialachán seo cearta agus leasanna daoine fostaithe agus níor cheart go mbainfí an bonn díobh. Dá bhrí sin, níor cheart don Rialachán seo difear a dhéanamh do dhlí an Aontais maidir leis an mbeartas sóisialta agus dlí agus cleachtas saothair náisiúnta, is é sin aon fhoráil dhlíthiúil agus chonarthach a bhaineann le dálaí fostaíochta, dálaí oibre, lena n-áirítear sláinte agus sábháilteacht ag an obair agus an caidreamh idir fostóirí agus oibrithe, lena n-áirítear faisnéis, comhairliúchán agus rannpháirtíocht. Níor cheart don Rialachán seo difear ar bith a dhéanamh d’fheidhmiú na gceart bunúsach mar a athnaítear sna Ballstáit agus ar leibhéal an Aontais, lena n-áirítear an ceart nó an tsaoirse chun dul ar stailc nó gníomh eile a dhéanamh a chumhdaítear leis na córais shonracha chaidrimh thionsclaíoch atá sna Ballstáit, i gcomhréir leis an dlí náisiúnta agus/nó leis an gcleachtas náisiúnta. Ná níor cheart dó difear a dhéanamh do chleachtais chomhbheartaithe, don cheart chun comhaontaithe comhchoiteanna a chaibidliú, a thabhairt i gcrích agus a fhorfheidhmiú nó chun gníomhaíocht chomhchoiteann a ghlacadh, i gcomhréir leis an dlí náisiúnta agus/nó leis an gcleachtas náisiúnta. Níor cheart dó, in aon chás, cosc a chur ar an gCoimisiún reachtaíocht shonrach a mholadh maidir le cearta agus saoirsí oibrithe a ndéanann córais intleachta saorga difear dóibh.

(2e)

Níor cheart don Rialachán seo difear a dhéanamh do na forálacha arb é is aidhm dóibh feabhas a chur ar dhálaí oibre in obair ardáin a leagtar amach i dTreoir… [COD 2021/414/EC].

(2f)

Ba cheart go gcuideodh an Rialachán seo le tacú le taighde agus nuálaíocht agus níor cheart go mbainfí an bonn de ghníomhaíocht taighde agus forbartha agus ba cheart go n-urramófaí leis saoirse an taighde eolaíoch. Is gá, dá bhrí sin, córais intleachta saorga a fhorbraítear agus a chuirtear i mbun seirbhíse go sonrach chun críche taighde agus forbartha eolaíche, agus chun na críche sin amháin, a eisiamh óna raon feidhme agus chun a áirithiú nach ndéanfaidh an Rialachán seo difear ar shlí eile do ghníomhaíocht taighde eolaíoch agus forbartha maidir le córais intleachta saorga. I ngach cás, ba cheart aon ghníomhaíocht taighde agus forbartha a dhéanamh i gcomhréir leis an gCairt, le dlí an Aontais agus leis an dlí náisiúnta;

(3)

Grúpa teicneolaíochtaí atá san intleacht shaorga, atá ag athrú go tapa agus lenar féidir cur le réimse leathan tairbhí eacnamaíocha agus sochaíocha sa raon iomlán earnálacha agus gníomhaíochtaí sóisialta trí chéile . Trí fheabhas a chur ar an tuar , oibríochtaí optamúcháin agus leithdháileadh acmhainní agus réitigh dhigiteacha atá ar fáil le haghaidh daoine aonair agus eagraíochtaí a phearsantú, le húsáid na hintleachta saorga , féadfar príomhbhuntáistí iomaíocha a sholáthar do chuideachtaí agus tacú le torthaí atá chun tairbhe an chomhshaoil agus na sochaí , mar shampla , maidir le cúram sláinte, feirmeoireacht, oideachas agus oiliúint, bainistíocht bonneagair, fuinneamh, iompar agus lóistíocht, seirbhísí poiblí, slándáil, ceartas, éifeachtúlacht acmhainní agus fuinnimh, maolú ar an athrú aeráide agus oiriúnú don athrú aeráide .

(3)

Is éard atá san intleacht shaorga fine teicneolaíochtaí atá ag athrú go tapa agus atá in ann rannchuidiú, agus atá cheana féin ag rannchuidiú, le réimse leathan tairbhí eacnamaíocha , comhshaoil agus sochaíocha ar fud speictream iomlán na dtionscal agus na ngníomhaíochtaí sóisialta má fhorbraítear í i gcomhréir le prionsabail ghinearálta ábhartha i gcomhréir leis an gCairt agus leis na luachanna ar a bhfuil an tAontas bunaithe . Trí fheabhas a chur ar thuar , oibríochtaí agus leithdháileadh acmhainní a bharrfheabhsú, agus réitigh dhigiteacha atá ar fáil do dhaoine aonair agus d’ eagraíochtaí a phearsantú, is féidir le húsáid na hintleachta saorga príomhbhuntáistí iomaíocha a sholáthar do chuideachtaí agus tacú le torthaí a rachaidh chun tairbhe don tsochaí agus don chomhshaol , mar shampla i gcúram sláinte, feirmeoireacht, sábháilteacht bia, oideachas agus oiliúint, na meáin, spóirt, cultúr, bainistiú bonneagair, fuinneamh, iompar agus lóistíocht, bainistiú géarchéime, seirbhísí poiblí, slándáil, ceartas, éifeachtúlacht acmhainní agus fuinnimh, faireachán comhshaoil, bithéagsúlacht agus éiceachórais a chaomhnú agus a athbhunú agus maolú ar an athrú aeráide agus oiriúnú don athrú sin .

(3a)

Chun rannchuidiú le spriocanna na neodrachta carbóin a bhaint amach, ba cheart do chuideachtaí Eorpacha féachaint le leas a bhaint as gach dul chun cinn teicneolaíoch atá ar fáil agus ar féidir leis cabhrú chun an sprioc sin a bhaint amach. Is teicneolaíocht í an Intleacht Shaorga a d’fhéadfaí a úsáid chun próiseáil a dhéanamh ar an méid sonraí atá ag síormhéadú agus a chruthaítear le linn próisis thionsclaíocha, chomhshaoil, sláinte agus eile. Chun infheistíochtaí in uirlisí anailíse agus optamaithe atá bunaithe ar an intleacht shaorga a éascú, ba cheart don Rialachán seo timpeallacht intuartha chomhréireach a sholáthar le haghaidh réitigh thionsclaíocha ísealriosca.

(4)

Ag an am céanna, ag brath ar na himthosca maidir lena húsáid agus cur i bhfeidhm, d’fhéadfadh rioscaí a bheith ag baint leis an intleacht shaorga agus d’fhéadfadh sí díobháil a dhéanamh do leasanna agus cearta an phobail atá faoi chosaint dhlí an Aontais. D’fhéadfadh an díobháil sin a bheith ábhartha nó neamhábhartha.

(4)

Ag an am céanna, ag brath ar na himthosca maidir lena húsáid agus cur i bhfeidhm, agus le leibhéal na forbartha teicneolaíche, d’fhéadfadh rioscaí a bheith ag baint leis an intleacht shaorga agus d’fhéadfadh sí díobháil a dhéanamh do leasanna poiblí nó príobháideacha agus do chearta bunúsacha daoine nádúrtha atá faoi chosaint dhlí an Aontais. D’fhéadfadh díobháil den sórt sin a bheith ábhartha nó neamhábhartha , lena n-áirítear díobháil fhisiceach, shíceolaíoch, shochaíoch nó eacnamaíoch .

(4a)

I bhfianaise an mhórthionchair a d’fhéadfadh a bheith ag an intleacht shaorga ar an tsochaí agus an gá le muinín a chothú, tá sé ríthábhachtach go bhforbrófaí an intleacht shaorga agus a creat rialála i gcomhréir le luachanna an Aontais a chumhdaítear in Airteagal 2 CAE, leis na cearta agus na saoirsí bunúsacha a chumhdaítear sna Conarthaí, sa Chairt agus sa dlí idirnáisiúnta um chearta an duine. Mar réamh-riachtanas, ba cheart go mbeadh an intleacht shaorga ina teicneolaíocht atá dírithe ar an duine. Níor cheart dó ionad neamhspleáchas an duine a ghlacadh ná glacadh leis go gcaillfí saoirse an duine aonair agus ba cheart dó freastal go príomha ar riachtanais na sochaí agus ar an leas coiteann. Ba cheart coimircí a chur ar fáil chun a áirithiú go ndéanfar intleacht shaorga atá leabaithe go heiticiúil agus a urramaíonn luachanna an Aontais agus an Chairt a fhorbairt agus a úsáid.

(5)

Dá bhrí sin, tá gá le creat dlíthiúil de chuid an Aontais lena leagtar síos rialacha comhchuibhithe maidir leis an intleacht shaorga chun forbairt, úsáid agus glacadh na hintleachta saorga a chothú sa mhargadh inmheánach agus ag an am céanna ardleibhéal cosanta maidir le leasanna poiblí a bhaint amach, amhail an tsláinte agus an tsábháilteacht agus cosaint na gceart bunúsach, mar a aithnítear agus a chosnaítear faoi dhlí an Aontais. Chun an cuspóir sin a bhaint amach, ba cheart rialacha a leagan síos lena rialaítear cur ar an margadh agus cur i mbun seirbhíse córas intleachta saorga áirithe, agus sa dóigh sin dea-fheidhmiú an mhargaidh inmheánaigh a áirithiú agus ligeann do na córais sin tairbhe a bhaint as prionsabal na saorghluaiseachta earraí agus seirbhísí. Trí na rialacha sin a leagan síos, tacaíonn an Rialachán seo le cuspóir an Aontais a bheith ina cheannródaí domhanda i bhforbairt na hintleachta saorga sláine iontaofa eiticiúil, mar a  shonraigh an Chomhairle Eorpach  (33), agus áirithítear leis go ndéantar prionsabail eiticiúla a chosaint, arna iarraidh sin go sonrach ag Parlaimint na hEorpa (34).

(5)

Dá bhrí sin, tá gá le creat dlíthiúil de chuid an Aontais lena leagtar síos rialacha comhchuibhithe maidir leis an intleacht shaorga chun forbairt, úsáid agus glacadh na hintleachta saorga a chothú sa mhargadh inmheánach agus ag an am céanna ardleibhéal cosanta maidir le leasanna poiblí a bhaint amach, amhail an tsláinte agus an tsábháilteacht, cosaint na gceart bunúsach, an daonlathas agus an smacht reachta agus an comhshaol, mar a aithnítear agus a chosnaítear faoi dhlí an Aontais. Chun an cuspóir sin a bhaint amach, ba cheart rialacha a leagan síos lena rialaítear forbairt, cur ar an margadh agus cur i mbun seirbhíse agus úsáid córas intleachta saorga áirithe, agus sa dóigh sin dea-fheidhmiú an mhargaidh inmheánaigh a áirithiú agus ligeann do na córais sin tairbhe a bhaint as prionsabal na saorghluaiseachta earraí agus seirbhísí. Ba cheart na rialacha sin a bheith soiléir agus láidir maidir le cearta bunúsacha a chosaint, ba cheart dóibh tacú le réitigh nuálacha nua, agus ba cheart dóibh éiceachóras Eorpach de ghníomhaithe poiblí agus príobháideacha, a chruthaíonn córais intleachta saorga i gcomhréir le luachanna an Aontais, a chumasú. Trí na rialacha sin a leagan síos chomh maith le bearta chun tacú leis an nuálaíocht agus béim ar leith á leagan ar FBManna agus ar ghnólachtaí nuathionscanta , tacaíonn an Rialachán seo leis an gcuspóir intleacht shaorga a  dhéantar san Eoraip a chur chun cinn, leis an Aontas a bheith ina cheannaire domhanda i bhforbairt intleachta saorga atá slán, iontaofa agus eiticiúil, mar a  luaigh an Chomhairle Eorpach  (33), agus áirithítear leis cosaint na bprionsabal eiticiúil, mar a d’iarr Parlaimint na hEorpa go sonrach  (34).

(5a)

Thairis sin, chun forbairt córas intleachta saorga a chothú i gcomhréir le luachanna an Aontais, ní mór don Aontas aghaidh a thabhairt ar na príomhbhearnaí agus na príomhbhacainní lena gcuirtear bac ar acmhainneacht an chlaochlaithe dhigitigh, lena n-áirítear ganntanas oibrithe atá oilte go digiteach, ábhair imní maidir leis an gcibearshlándáil, easpa infheistíochta agus easpa rochtana ar infheistíocht, agus bearnaí atá ann cheana agus a d’fhéadfadh a bheith ann idir cuideachtaí móra, FBManna agus gnólachtaí nuathionscanta. Ba cheart aird ar leith a thabhairt ar a áirithiú go dtiocfaidh tairbhí na hintleachta saorga agus na nuálaíochta i dteicneolaíochtaí nua chun cinn ar fud réigiúin uile an Aontais agus go gcuirfear dóthain infheistíochta agus acmhainní ar fáil go háirithe do na réigiúin sin a d’fhéadfadh a bheith tite ar gcúl i roinnt táscairí digiteacha.

(6)

Ba cheart coincheap an chórais intleachta saorga a  shainmhíniú go soiléir chun deimhneacht dhlíthiúil a áirithiú, agus solúbthacht a sholáthar chun freastal ar fhorbairtí teicneolaíocha a bheidh ann amach anseo . Ba cheart an sainmhíniú a bheith bunaithe ar phríomh-shaintréithe feidhmiúla an bhogearra , go háirithe an cumas aschuir a ghiniúint maidir le tacar áirithe cuspóirí sainithe ag an duine, amhail inneachar , tuartha, moltaí nó cinntí a mbeadh tionchar acu ar an timpeallacht lena mbíonn an córas ag idirghníomhú, bíodh sé sin i ngné fhisiciúil nó dhigiteach. Is féidir córais intleachta saorga a dhearadh ionas go n-oibreoidh siad le leibhéil éagsúla neamhspleáchais agus is féidir iad a úsáid ar bhonn neamhspleách nó mar chomhpháirt táirge, gan beann ar cé acu a bhfuil an córas comhtháite go fisiciúil sa táirge (leabaithe) nó ag freastal ar fheidhm an táirge gan a bheith comhtháite ann (neamhleabaithe). Ba cheart an sainmhíniú ar an gcóras intleachta saorga a chomhlánú le liosta teicnící agus cuir chuige sonracha arna n-úsáid lena fhorbairt, ar liosta é ar cheart a choinneáil cothrom le dáta i bhfianaise forbairtí margaidh agus teicneolaíocha trí bhíthin gníomhartha tarmligthe arna nglacadh ag an gCoimisiún chun an liosta sin a leasú.

(6)

Ba cheart coincheap an chórais intleachta saorga sa Rialachán seo a  shainiú go soiléir agus a ailíniú go dlúth le hobair na n-eagraíochtaí idirnáisiúnta atá ag obair ar an intleacht shaorga chun deimhneacht dhlíthiúil , comhchuibhiú agus glacadh forleathan a áirithiú, agus solúbthacht á soláthar ag an am céanna chun freastal ar na forbairtí tapa teicneolaíocha sa réimse sin . Thairis sin, ba cheart í a bheith bunaithe ar phríomh-shaintréithe na hintleachta saorga , amhail a cumais foghlama, réasúnaíochta nó samhaltaithe, chun í a idirdhealú ó chórais bogearraí níos simplí nó ó chuir chuige ríomhchlárúcháin. Tá córais intleachta saorga ceaptha chun oibriú le leibhéil éagsúla neamhspleáchais, rud a chiallaíonn go bhfuil ar a laghad méid áirithe neamhspleáchais gníomhaíochtaí acu ar rialuithe daonna agus méid áirithe neamhspleáchais cumais oibriú gan idirghabháil ón duine. Tagraíonn an téarma ‘meaisín-bhunaithe’ don fhíoras go mbíonn córais intleachta saorga ag feidhmiú ar mheaisíní. Leis an tagairt do chuspóirí sainráite nó intuigthe, cuirtear i bhfios go láidir gur féidir le córais intleachta saorga oibriú de réir cuspóirí sainráite arna sainiú ag an duine nó de réir cuspóirí intuigthe. Féadfaidh cuspóirí an chórais intleachta saorga a bheith éagsúil leis an gcuspóir atá beartaithe don chóras intleachta saorga i gcomhthéacs sonrach. Áirítear leis an tagairt do thuartha inneachar a mheastar sa Rialachán seo gur cineál tuartha é mar cheann de na haschuir fhéideartha arna dtáirgeadh ag córas intleachta saorga. Chun críocha an Rialacháin seo , ba cheart timpeallachtaí a thuiscint mar na comhthéacsanna ina n-oibríonn na córais intleachta saorga , cé go bhfreagraíonn aschuir arna nginiúint ag an gcóras intleachta saorga, a chiallaíonn tuartha, moltaí nó cinntí , do chuspóirí an chórais, ar bhonn ionchuir ón timpeallacht sin. Imríonn aschur den sórt sin tionchar breise ar an timpeallacht thuasluaite, fiú amháin mura bhfuil i gceist ach faisnéis nua a thabhairt isteach inti.

(6a)

Is minic a bhíonn acmhainneachtaí meaisínfhoghlama ag córais intleachta saorga a chuireann ar a gcumas tascanna nua a oiriúnú agus a dhéanamh go neamhspleách. Is éard atá i gceist leis an meaisínfhoghlaim ná an próiseas ríomha lena mbaintear an leas is fearr is féidir as paraiméadair de mhúnla ó shonraí, ar tógán matamaiticiúil é lena ngintear aschur bunaithe ar shonraí ionchuir. Áirítear le cur chuige na meaisínfhoghlama, mar shampla, foghlaim faoi mhaoirseacht, foghlaim neamh-mhaoirsithe agus foghlaim atreisithe, ag úsáid modhanna éagsúla lena n-áirítear an domhainfhoghlaim le líonraí néaracha. Is é is aidhm don Rialachán seo aghaidh a thabhairt ar rioscaí nua a d’fhéadfadh teacht chun cinn trí rialú a tharmligean chuig córais intleachta saorga, go háirithe chuig na córais intleachta saorga sin a d’fhéadfadh teacht chun cinn tar éis a n-imscartha. Tá feidhm agus aschur go leor de na córais intleachta saorga sin bunaithe ar ghaolmhaireachtaí matamaiticiúla teibí atá deacair do dhaoine a thuiscint, agus atá deacair dóibh faireachán a dhéanamh orthu agus iad a rianú. Na saintréithe casta agus teimhneacha sin (eilimint an bhosca dhuibh) tá tionchar acu ar chuntasacht agus inmhínitheacht .D’fhéadfadh bearnaí dlíthiúla nach mór aghaidh a thabhairt orthu leis an Rialachán seo a bheith mar thoradh ar theicnící inchomparáide amhail cuir chuige eolasbhunaithe, meastachán Bayesach nó crainn chinnteoireachta, go háirithe nuair a úsáidtear iad in éineacht le cineálacha cur chuige meaisínfhoghlama i gcórais hibrideacha.

(6b)

Is féidir córais intleachta saorga a úsáid mar chóras bogearraí neamhspleách, a chomhtháthaítear i dtáirge fisiceach (leabaithe), a úsáidtear chun freastal ar fheidhmiúlacht táirge fhisiciúil gan a bheith comhtháite ann (neamhleabaithe) nó a úsáid mar chomhpháirt intleachta saorga de chóras níos mó. Mura bhfeidhmeodh an córas níos mó sin gan an chomhpháirt intleachta saorga atá i gceist, ba cheart an córas níos mó ar fad a mheas mar aon chóras intleachta saorga amháin faoin Rialachán seo.

(7)

Coincheap na sonraí bithmhéadracha a úsáidtear sa Rialachán seo , tá sé i gcomhréir le coincheap na sonraí bithmhéadracha mar a shainmhínítear in Airteagal 4 (14) de Rialachán (AE) 2016/679 ó Pharlaimint na hEorpa agus ón gComhairle  (35) , Airteagal 3(18) de Rialachán (AE) 2018/1725 ó Pharlaimint na hEorpa agus ón gComhairle  (36) agus Airteagal 3(13) de Threoir (AE) 2016/680 ó Pharlaimint na hEorpa agus ón gComhairle agus ba cheart é a léiriú i gcomhréir leis an gcoincheap mar a shainmhínítear é sna hAirteagail sin  (37) .

(7)

Tá coincheap na sonraí bithmhéadracha a úsáidtear sa Rialachán seo i gcomhréir le coincheap na sonraí bithmhéadracha mar a shainmhínítear in Airteagal 4 (14) de Rialachán (AE) 2016/679 ó Pharlaimint na hEorpa agus ón gComhairle  (35) agus ba cheart é a léirmhíniú i gcomhréir leis an gcoincheap sin. Is éard atá i gceist le sonraí bithmhéadrachtbhunaithe sonraí a eascraíonn as próiseáil theicniúil ar leith agus a bhaineann le comharthaí fisiciúla, fiseolaíocha nó iompraíochta duine nádúrtha, amhail léiriú aghaidhe, gluaiseachtaí, minicíocht bíogtha, guth, bunbhuailtí nó siúl, ar sonraí iad a d’fhéadfadh sainaithint uathúil duine nádúrtha a cheadú nó a dheimhniú, nó a mhalairt.

(7a)

Ba cheart coincheap na sainaitheanta bithmhéadraí a úsáidtear sa Rialachán seo a shainmhíniú mar shainaithint uathoibrithe ghnéithe fisiciúla, fiseolaíocha, iompraíochta agus síceolaíocha an duine amhail aghaidh, gluaiseacht súl, gothaí gnúise, cruth coirp, guth, caint, siúl, iompar coirp, ráta croí, brú fola, boladh, bunbhuailtí, frithghníomhartha síceolaíocha (contúirt, anacair, brón, etc.) chun críche céannacht duine aonair a bhunú trí shonraí bithmhéadracha an duine sin a chur i gcomparáid le sonraí bithmhéadracha stóráilte daoine eile i mbunachar sonraí (sainaithint idir duine amháin agus go leor daoine), gan beann ar thoiliú an duine aonair a bheith tugtha nó gan a bheith.

(7b)

Ba cheart coincheap an chatagóirithe bhithmhéadraigh mar a úsáidtear sa Rialachán seo a shainmhíniú mar seo: coincheap lena sanntar daoine nádúrtha do chatagóirí sonracha nó lena dtugtar le fios a saintréithe agus a dtréithe amhail inscne, gnéas, aois, dath gruaige, dath na súl, tatúnna, tionscnamh eitneach nó sóisialta, sláinte, cumas meabhrach nó fisiceach, iompraíocht nó pearsantacht, saintréithe, teanga, reiligiún, nó ballraíocht de mhionlach náisiúnta nó de chlaonadh gnéasach nó polaitiúil ar bhonn a sonraí bithmhéadracha nó bithmhéadracht-bhunaithe, nó ar féidir iad a thuiscint ó na sonraí sin.

(8)

Ba cheart coincheap an chianchórais sainaitheanta bithmhéadraí mar a úsáidtear sa Rialachán seo a shainmhíniú ar bhonn feidhmiúil mar chóras intleachta saorga atá beartaithe chun daoine nádúrtha i gcéin a shainaithint trí chomparáid a dhéanamh idir sonraí bithmhéadracha an duine agus na sonraí bithmhéadracha atá i mbunachar sonraí tagartha, agus gan réamheolas ar cé acu a mbeidh an duine spriocdhírithe i láthair nó nach mbeidh agus cé acu ar féidir é a shainaithint nó nach féidir, gan beann ar an teicneolaíocht, próisis nó cineálacha sonraí bithmhéadracha áirithe a úsáidtear. Agus na saintréithe éagsúla a bhaineann leo agus na bealaí ina n-úsáidtear iad á gcur san áireamh, chomh maith leis na rioscaí éagsúla lena mbaineann, ba cheart idirdhealú a dhéanamh idir cianchórais sainaitheanta bithmhéadraí ‘fíor-ama’ agus cianchórais sainaitheanta bithmhéadraí‘iar-aimseartha’. I gcás na gcóras ‘fíor-ama’, déantar gabháil na sonraí bithmhéadracha, an chomparáid agus an tsainaithint ar fad go meandrach, go meandrach nach mór nó in aon chás gan moill mhór. I dtaca leis sin, níor cheart aon fhéidearthacht a bheith ann dul timpeall ar rialacha an Rialacháin seo maidir le húsáid ‘fíor-ama’ na gcóras intleachta saorga atá i gceist trí fhoráil a dhéanamh maidir le mionmhoilleanna. Bíonn úsáid ábhair ‘bheo’ nó ‘neasbheo’ i gceist le córais ‘fíor-ama’, amhail píosa scannánaíochta, arna ghiniúint le ceamara nó le gaireas eile ag a bhfuil feidhmiúlacht chomhchosúil. I gcás na gcóras ‘iar-aimseartha’, i gcodarsnacht leis sin, tá na sonraí bithmhéadracha gafa cheana féin agus déantar an chomparáid agus an tsainaithint tar éis moill mhór. Is éard atá i gceist leis sin ábhar amhail pictiúir nó píosa scannánaíochta, arna nginiúint le ceamaraí teilifíse ciorcaid iata nó le gairis phríobháideacha, a gineadh roimh úsáid an chórais i leith na ndaoine nádúrtha lena mbaineann.

(8)

Ba cheart coincheap an chórais cian-sainaitheanta bithmhéadraí mar a úsáidtear sa Rialachán seo a shainmhíniú ar bhonn feidhmiúil mar chóras intleachta saorga atá beartaithe chun daoine nádúrtha i gcéin a shainaithint trí chomparáid a dhéanamh idir sonraí bithmhéadracha an duine agus na sonraí bithmhéadracha atá i mbunachar sonraí tagartha, agus gan réamheolas ar cé acu a mbeidh an duine spriocdhírithe i láthair nó nach mbeidh agus cé acu ar féidir é a shainaithint nó nach féidir, gan beann ar an teicneolaíocht, próisis nó cineálacha sonraí bithmhéadracha áirithe a úsáidtear , gan córais fíorúcháin a chur san áireamh ar córais iad nach ndéanann ach sonraí bithmheadracha duine aonair a chur i gcomparáid le sonraí bithmhéadracha an duine chéanna a bailíodh roimhe sin (duine le duine) . Agus na saintréithe éagsúla a bhaineann leo agus na bealaí ina n-úsáidtear iad á gcur san áireamh, chomh maith leis na rioscaí éagsúla lena mbaineann, ba cheart idirdhealú a dhéanamh idir córais cian-sainaitheanta bithmhéadraí ‘fíor-ama’ agus córais cian-sainaitheanta bithmhéadraí‘iar-aimseartha’. I gcás na gcóras ‘fíor-ama’, déantar gabháil na sonraí bithmhéadracha, an chomparáid agus an tsainaithint ar fad go meandrach, go meandrach nach mór nó in aon chás gan moill mhór. I dtaca leis sin, níor cheart aon fhéidearthacht a bheith ann dul timpeall ar rialacha an Rialacháin seo maidir le húsáid ‘fíor-ama’ na gcóras intleachta saorga atá i gceist trí fhoráil a dhéanamh maidir le mionmhoilleanna. Bíonn úsáid ábhair ‘bheo’ nó ‘neasbheo’ i gceist le córais ‘fíor-ama’, amhail píosa scannánaíochta, arna ghiniúint le ceamara nó le gaireas eile ag a bhfuil feidhmiúlacht chomhchosúil. I gcás na gcóras ‘iar-aimseartha’, i gcodarsnacht leis sin, tá na sonraí bithmhéadracha gafa cheana féin agus déantar an chomparáid agus an tsainaithint tar éis moill mhór. Is éard atá i gceist leis sin ábhar amhail pictiúir nó píosa scannánaíochta, arna nginiúint le ceamaraí teilifíse ciorcaid iata nó le gairis phríobháideacha, a gineadh roimh úsáid an chórais i leith na ndaoine nádúrtha lena mbaineann. Ós rud é go bhfuil coincheap na sainaitheanta bithmhéadraí neamhspleách ar thoiliú an duine aonair, beidh feidhm ag an sainmhíniú seo fiú nuair a chuirtear fógraí rabhaidh san áit a bhfuil faireachas á dhéanamh ar an gcóras cian-sainaitheanta bithmhéadraí, agus nach ndéantar é a neamhniú de facto trí réamhchlárú.

(8a)

Le sainaithint daoine nádúrtha go cianda tuigtear go ndéantar idirdhealú idir córais cian-sainaitheanta bithmhéadraí agus córais chóngaracha aonair fíorúcháin a úsáideann modhanna sainaitheanta bithmhéadraí, arb é an t-aon chuspóir amháin atá leo a dheimhniú an dtabhar cead isteach nó nach dtabharfar do dhuine nádúrtha ar leith a chuireann é féin i láthair le go ndéanfaí é a shainaithint, amhail chun rochtain a fháil ar sheirbhís, ar fheiste nó ar áitreabh.

(9)

Chun críocha an Rialacháin seo, ba cheart coincheap an spáis a bhfuil rochtain ag an bpobal air a thuiscint mar aon áit fhisiciúil a bhfuil rochtain ag an bpobal uirthi, gan beann ar an áit a bheith faoi úinéireacht phríobháideach nó phoiblí. Dá bhrí sin, ní chumhdaítear leis an gcoincheap áiteanna de chineál príobháideach nach bhfuil rochtain shaor orthu ag tríú páirtithe, lena n-áirítear údaráis forfheidhmithe dlí, ach amháin má tugadh cuireadh nó údarú sonrach do na páirtithe sin, amhail tithe, clubanna príobháideacha, oifigí, stórais agus monarchana. Ní chumhdaítear spásanna ar líne ach oiread, ós rud é nach spásanna fisiciúla iad. Cé go bhféadfadh coinníollacha áirithe a bheith i bhfeidhm chun spás ar leith a rochtain, amhail ticéid iontrála nó aoisteorainneacha, ní chiallaíonn sin, áfach, nach spás é a bhfuil rochtain ag an bpobal air de réir bhrí an Rialacháin seo. Dá réir sin, i dteannta spásanna poiblí amhail sráideanna, codanna ábhartha d’fhoirgnimh rialtais agus formhór an bhonneagair iompair, is spásanna iad pictiúrlanna, amharclanna, siopaí agus ionaid siopadóireachta a bhfuil rochtain ag an bpobal orthu freisin de ghnáth. Cé acu atá spás a bhfuil rochtain ag an bpobal air nó nach bhfuil, áfach, ba cheart sin a chinneadh ar bhonn cás ar chás, ag féachaint do shonraíochtaí an cháis aonair faoi chaibidil.

(9)

Chun críocha an Rialacháin seo, ba cheart coincheap an spáis a bhfuil rochtain ag an bpobal air a thuiscint mar aon áit fhisiciúil a bhfuil rochtain ag an bpobal uirthi, gan beann ar an áit a bheith faoi úinéireacht phríobháideach nó phoiblí agus gan beann ar shrianta féideartha maidir le líon daoine . Dá bhrí sin, ní chumhdaítear leis an gcoincheap áiteanna de chineál príobháideach nach bhfuil rochtain shaor orthu ag tríú páirtithe, lena n-áirítear údaráis forfheidhmithe dlí, ach amháin má tugadh cuireadh nó údarú sonrach do na páirtithe sin, amhail tithe, clubanna príobháideacha, oifigí, stórais agus monarchana. Ní chumhdaítear spásanna ar líne ach oiread, ós rud é nach spásanna fisiciúla iad. Cé go bhféadfadh coinníollacha áirithe a bheith i bhfeidhm chun spás ar leith a rochtain, amhail ticéid iontrála nó aoisteorainneacha, ní chiallaíonn sin, áfach, nach spás é a bhfuil rochtain ag an bpobal air de réir bhrí an Rialacháin seo. Dá bhrí sin, chomh maith le spásanna poiblí amhail sráideanna, codanna ábhartha d’fhoirgnimh rialtais agus formhór an bhonneagair iompair, spásanna amhail pictiúrlanna, amharclanna, tailte spóirt, scoileanna, ollscoileanna, codanna ábhartha d’ospidéil agus bainc, páirceanna siamsaíochta, féilte, siopaí agus ionaid siopadóireachta , bíonn rochtain ag an bpobal orthu de ghnáth. Cé acu atá spás a bhfuil rochtain ag an bpobal air nó nach bhfuil, áfach, ba cheart sin a chinneadh ar bhonn cás ar chás, ag féachaint do shonraíochtaí an cháis aonair faoi chaibidil.

(9a)

Tá sé tábhachtach a thabhairt faoi deara gur cheart do chórais intleachta saorga na hiarrachtaí is fearr a dhéanamh chun prionsabail ghinearálta a urramú lena mbunaítear creat ardleibhéil lena gcuirtear chun cinn cur chuige comhleanúnach duinelárnach i leith intleacht shaorga atá eiticiúil agus iontaofa i gcomhréir le Cairt um Chearta Bunúsacha an Aontais Eorpaigh agus leis na luachanna ar a bhfuil an tAontas bunaithe, lena n-áirítear cearta bunúsacha a chosaint, gníomhú agus formhaoirseacht dhaonna, stóinseacht theicniúil agus sábháilteacht, príobháideachas agus rialachas sonraí, trédhearcacht, neamh-idirdhealú agus cothroime agus folláine na sochaí agus an chomhshaoil.

(9b)

Tagraíonn ‘litearthacht intleachta saorga’ do na scileanna, don eolas agus don tuiscint a chuireann ar chumas soláthraithe, úsáideoirí agus daoine dá ndéantar difear, agus a gcearta agus a n-oibleagáidí faoi seach á gcur san áireamh i gcomhthéacs an Rialacháin seo, córais intleachta saorga a imscaradh ar bhealach eolach, chomh maith le feasacht a fháil ar na deiseanna agus ar na rioscaí a bhaineann leis an intleacht shaorga agus an dochar a d’fhéadfadh sí a dhéanamh agus, ar an gcaoi sin, a rialú daonlathach a chur chun cinn. Níor cheart go mbeadh litearthacht intleachta saorga teoranta d’fhoghlaim faoi uirlisí agus teicneolaíochtaí, ach ba cheart go mbeadh sé mar aidhm léi freisin na coincheapa agus na scileanna is gá a thabhairt do sholáthraithe agus d’úsáideoirí chun comhlíonadh agus forfheidhmiú an Rialacháin seo a áirithiú. Dá bhrí sin, is gá go ndéanfadh an Coimisiún, na Ballstáit, mar aon leis na soláthraithe agus úsáideoirí na gcóras intleachta saorga, i gcomhar leis na geallsealbhóirí ábhartha go léir, forbairt leibhéil leordhóthanaigh de litearthacht na hintleachta saorga a chur chun cinn, i ngach cuid den tsochaí, do shaoránaigh idir shean agus óg, lena n-áirítear mná agus cailíní, agus go gcoinneofaí súil ghéar ar an dul chun cinn a dhéanfaí ina leith sin.

(10)

Chun cothrom na Féinne agus cosaint éifeachtach cearta agus saoirsí daoine aonair ar fud an Aontais a áirithiú, ba cheart feidhm a bheith ag na rialacha a bhunaítear leis an Rialachán seo maidir le soláthraithe córas intleachta saorga ar bhonn neamh-idirdhealaitheach, gan beann ar iad a bheith bunaithe laistigh den Aontas nó i dtríú tír, agus maidir le húsáideoirí córas intleachta saorga atá bunaithe laistigh den Aontas.

(10)

Chun cothrom na Féinne agus cosaint éifeachtach cearta agus saoirsí daoine aonair ar fud an Aontais agus ar an leibhéal idirnáisiúnta a áirithiú, ba cheart feidhm a bheith ag na rialacha a bhunaítear leis an Rialachán seo maidir le soláthraithe córas intleachta saorga ar bhonn neamh-idirdhealaitheach, gan beann ar iad a bheith bunaithe laistigh den Aontas nó i dtríú tír, agus maidir le himscarthóirí córas intleachta saorga atá bunaithe laistigh den Aontas. Chun go mbeidh an tAontas dílis dá bhunluachanna, maidir le córais intleachta saorga atá beartaithe lena n-úsáid do chleachtais a mheastar a bheith do-ghlactha leis an Rialachán seo, ba cheart a mheas freisin go bhfuil siad do-ghlactha lasmuigh den Aontas mar gheall ar a n-éifeacht thar a bheith díobhálach ar chearta bunúsacha mar a chumhdaítear sa Chairt. Dá bhrí sin, is iomchuí toirmeasc a chur ar sholáthraithe a bhfuil cónaí orthu san Aontas na córais intleachta saorga sin a onnmhairiú chuig tríú tíortha.

(11)

I bhfianaise a nádúr digiteach, ba cheart córais intleachta saorga áirithe a theacht faoi raon feidhme an Rialacháin seo fiú mura gcuirtear ar an margadh iad, nó mura gcuirtear i mbun seirbhíse iad nó mura n-úsáidtear san Aontas iad. Is amhlaidh atá, mar shampla, i gcás oibreoir atá bunaithe san Aontas a dhéanann conradh maidir le seirbhísí áirithe le hoibreoir atá bunaithe lasmuigh den Aontas i ndáil le gníomhaíocht atá le déanamh ag córas intleachta saorga a cháileodh mar ghníomhaíocht ardriosca agus a mbeadh tionchar ag a héifeachtaí ar dhaoine nádúrtha atá lonnaithe san Aontas. Sna himthosca sin, maidir leis an gcóras intleachta saorga a úsáideann an oibreoir lasmuigh den Aontas, d’fhéadfadh sé sonraí a bhailítear san Aontas agus a aistrítear amach as an Aontas go dlíthiúil a phróiseáil, agus aschur an chórais intleachta saorga sin atá mar thoradh ar an bpróiseáil sin a sholáthar don oibreoir conarthach san Aontas, gan an córas intleachta saorga sin a chur ar an margadh, a chur i mbun seirbhíse nó a úsáid san Aontas. Chun dul timpeall ar an Rialachán seo a chosc agus chun cosaint éifeachtach daoine nádúrtha atá lonnaithe san Aontas a áirithiú, ba cheart feidhm a bheith ag an Rialachán seo maidir le soláthraithe agus úsáideoirí córas intleachta saorga atá bunaithe i dtríú tír, sa mhéid a  úsáidtear an t-aschur san Aontas a tháirgtear leis na córais sin. Mar sin féin, chun socruithe atá ann cheana a chur san áireamh chomh maith le riachtanais speisialta i gcás comhar le páirtithe eachtracha a ndéantar malartú faisnéise agus fianaise leo, níor cheart feidhm a bheith ag an Rialachán seo maidir le húdaráis phoiblí tríú tír agus eagraíochtaí idirnáisiúnta agus iad ag gníomhú faoi chuimsiú comhaontuithe idirnáisiúnta a tugadh i gcrích ar an leibhéal náisiúnta nó ar an leibhéal Eorpach le haghaidh fhorfheidhmiú an dlí agus comhar breithiúnach leis an Aontas nó leis na Ballstáit. Tá comhaontuithe den sórt sin tugtha i gcrích go déthaobhach idir na Ballstáit agus tríú tíortha nó idir an tAontas Eorpach, Europol agus gníomhaireachtaí eile de chuid an Aontais agus tríú tíortha agus eagraíochtaí idirnáisiúnta.

(11)

I bhfianaise a nádúr digiteach, ba cheart córais intleachta saorga áirithe a theacht faoi raon feidhme an Rialacháin seo fiú mura gcuirtear ar an margadh iad, nó mura gcuirtear i mbun seirbhíse iad nó mura n-úsáidtear san Aontas iad. Is amhlaidh atá, mar shampla, i gcás oibreoir atá bunaithe san Aontas a dhéanann conradh maidir le seirbhísí áirithe le hoibreoir atá bunaithe lasmuigh den Aontas i ndáil le gníomhaíocht atá le déanamh ag córas intleachta saorga a cháileodh mar ghníomhaíocht ardriosca agus a mbeadh tionchar ag a héifeachtaí ar dhaoine nádúrtha atá lonnaithe san Aontas. Sna himthosca sin, maidir leis an gcóras intleachta saorga a úsáideann an oibreoir lasmuigh den Aontas, d’fhéadfadh sé sonraí a bhailítear san Aontas agus a aistrítear amach as an Aontas go dlíthiúil a phróiseáil, agus aschur an chórais intleachta saorga sin atá mar thoradh ar an bpróiseáil sin a sholáthar don oibreoir conarthach san Aontas, gan an córas intleachta saorga sin a chur ar an margadh, a chur i mbun seirbhíse nó a úsáid san Aontas. Chun dul timpeall ar an Rialachán seo a chosc agus chun cosaint éifeachtach daoine nádúrtha atá lonnaithe san Aontas a áirithiú, ba cheart feidhm a bheith ag an Rialachán seo maidir le soláthraithe agus imscarthóirí córas intleachta saorga atá bunaithe i dtríú tír, sa mhéid atá sé beartaithe an t-aschur a tháirgtear leis na córais sin a úsáid san Aontas . Mar sin féin, chun socruithe atá ann cheana a chur san áireamh chomh maith le riachtanais speisialta i gcás comhar le páirtithe eachtracha a ndéantar malartú faisnéise agus fianaise leo, níor cheart feidhm a bheith ag an Rialachán seo maidir le húdaráis phoiblí tríú tír agus eagraíochtaí idirnáisiúnta agus iad ag gníomhú faoi chuimsiú comhaontuithe idirnáisiúnta a tugadh i gcrích ar an leibhéal náisiúnta nó ar an leibhéal Eorpach le haghaidh fhorfheidhmiú an dlí agus comhar breithiúnach leis an Aontas nó leis na Ballstáit. Tá comhaontuithe den sórt sin tugtha i gcrích go déthaobhach idir na Ballstáit agus tríú tíortha nó idir an tAontas Eorpach, Europol agus gníomhaireachtaí eile de chuid an Aontais agus tríú tíortha agus eagraíochtaí idirnáisiúnta. Mar sin féin, ba cheart an eisceacht sin a bheith teoranta do thíortha iontaofa agus d’eagraíochtaí idirnáisiúnta a roinneann luachanna an Aontais.

(12)

Ba cheart feidhm a bheith ag an Rialachán seo freisin maidir le hinstitiúidí, oifigí, comhlachtaí agus gníomhaireachtaí an Aontais agus iad ag gníomhú mar sholáthraí nó úsáideoir córais intleachta saorga. Ba cheart córais intleachta saorga a fhorbraítear nó a úsáidtear chun críoch míleata a eisiamh ó raon feidhme an Rialacháin seo i gcás ina dtagann an úsáid sin faoi chúram eisiach an Comhbheartais Eachtraigh agus Slándála a rialaítear faoi Theideal V den Chonradh ar an Aontas Eorpach (CAE). Ba cheart don Rialachán seo a bheith gan dochar do na forálacha maidir le dliteanas na soláthraithe seirbhíse idirghabhálacha a leagtar amach i dTreoir 2000/31/CE ó Pharlaimint na hEorpa agus ón gComhairle [arna leasú leis an Ionstraim um Sheirbhísí Digiteacha].

(12)

Ba cheart feidhm a bheith ag an Rialachán seo freisin maidir le hinstitiúidí, oifigí, comhlachtaí agus gníomhaireachtaí an Aontais agus iad ag gníomhú mar sholáthraí nó imscarthóir córais intleachta saorga. Ba cheart córais intleachta saorga a fhorbraítear nó a úsáidtear chun críoch míleata a eisiamh ó raon feidhme an Rialacháin seo i gcás ina dtagann an úsáid sin faoi chúram eisiach an Comhbheartais Eachtraigh agus Slándála a rialaítear faoi Theideal V den Chonradh ar an Aontas Eorpach (CAE). Ba cheart don Rialachán seo a bheith gan dochar do na forálacha maidir le dliteanas na soláthraithe seirbhíse idirghabhálacha a leagtar amach i dTreoir 2000/31/CE ó Pharlaimint na hEorpa agus ón gComhairle [arna leasú leis an Ionstraim um Sheirbhísí Digiteacha].

(12a)

Is féidir le bogearraí agus sonraí a roinntear go hoscailte agus ar féidir le húsáideoirí rochtain a fháil orthu, iad a úsáid, a mhodhnú agus a athdháileadh nó leaganacha modhnaithe díobh a rochtain, a úsáid, a mhodhnú agus a athdháileadh gan srian, rannchuidiú le taighde agus nuálaíocht sa mhargadh. Léirítear i dtaighde a rinne an Coimisiún freisin gur féidir le bogearraí foinse oscailte idir EUR 65 bhilliún agus EUR 95 bhilliún a chur le OTI an Aontais Eorpaigh agus gur féidir leo deiseanna suntasacha fáis a chur ar fáil do gheilleagar na hEorpa. Ceadaítear d’úsáideoirí bogearraí agus sonraí rith, a chóipeáil, a dháileadh, a staidéar, a athrú agus a fheabhsú, lena n-áirítear samhlacha trí cheadúnais saor in aisce agus foinsí oscailte. Chun forbairt agus imscaradh na hintleachta saorga a chothú, go háirithe ag FBManna, gnólachtaí nuathionscanta, sa taighde acadúil ach ag daoine aonair freisin, níor cheart feidhm a bheith ag an Rialachán seo maidir leis na comhpháirteanna intleachta saorga saor in aisce agus foinse oscailte sin ach amháin a mhéid a chuireann soláthraí ar an margadh nó i mbun seirbhíse iad mar chuid de chóras intleachta saorga ardriosca nó de chóras intleachta saorga a thagann faoi Theideal II nó IV den Rialachán seo.

(12b)

Níor cheart gurb ionann forbairt chomhoibríoch comhpháirteanna intleachta saorga atá saor in aisce agus foinse oscailte, ná iad a chur ar fáil i stórtha oscailte, agus cur ar an margadh nó cur i mbun seirbhíse. D’fhéadfaí a thuiscint gur gníomhaíocht tráchtála atá i gceist, laistigh den bhrí é a chur ar fáil ar an margadh, má dhéantar praghas a ghearradh, cé is moite d’idirbhearta idir micrifhiontair, ar chomhpháirt intleachta saorga atá saor in aisce agus foinse oscailte agus freisin trí phraghas a ghearradh ar sheirbhísí tacaíochta teicniúla, trí ardán bogearraí a sholáthar trína gcuireann an soláthraí luach airgid ar sheirbhísí eile, nó trí shonraí pearsanta a úsáid ar chúiseanna eile seachas chun slándáil, comhoiriúnacht nó idir-inoibritheacht na mbogearraí a fheabhsú go heisiach.

(12c)

Níor cheart sainordú a thabhairt faoin Rialachán seo, d’fhorbróirí comhpháirteanna intleachta saorga saor in aisce agus ar comhpháirteachha foinse oscailte iad, ceanglais atá dírithe ar shlabhra luacha intleachta saorga a chomhlíonadh agus, go háirithe, níor cheart iad a shainordú don soláthraí a d’úsáid an chomhpháirt intleachta saorga a bhí saor in aisce agus ar comhpháirt foinse oscailte í. Mar sin féin, ba cheart forbróirí comhpháirteanna intleachta saorga atá saor in aisce agus ar foinse oscailte iad a spreagadh chun cleachtais doiciméadachta a bhfuil glacadh forleathan leo a chur chun feidhme, amhail samhail agus cártaí sonraí, mar bhealach chun dlús a chur le comhroinnt faisnéise feadh shlabhra luacha na hintleachta saorga, rud a fhágann gur féidir córais iontaofa intleachta saorga a chur chun cinn san Aontas.

(13)

Chun ardleibhéal comhsheasmhach cosanta a áirithiú do leasanna poiblí maidir le sláinte, sábháilteacht agus cearta bunúsacha, ba cheart caighdeáin normatacha choiteanna a bhunú le haghaidh gach córas intleachta saorga ardriosca. Ba cheart na caighdeáin sin a bheith i gcomhréir leis an gCairt um Chearta Bunúsacha an Aontais Eorpaigh (an Chairt) agus ba cheart dóibh a bheith neamh-idirdhealaitheach agus i gcomhréir le gealltanais idirnáisiúnta trádála an Aontais.

(13)

Chun ardleibhéal comhsheasmhach cosanta a áirithiú do leasanna poiblí maidir le sláinte, sábháilteacht agus cearta bunúsacha agus maidir leis an daonlathas agus leis an smacht reachta agus an comhshaol , ba cheart caighdeáin normatacha choiteanna a bhunú le haghaidh gach córais intleachta saorga ardriosca. Ba cheart na caighdeáin sin a bheith comhsheasmhach leis an gCairt , leis an gComhaontú Glas don Eoraip, leis an Dearbhú Comhpháirteach maidir le Cearta Digiteacha an Aontais agus le Treoirlínte Eitice don Intleacht Shaorga Iontaofa ( IS) de chuid an Ghrúpa Saineolaithe Ardleibhéil um an Intleacht Shaorga, agus ba cheart iad a bheith neamh-idirdhealaitheach agus i gcomhréir le gealltanais trádála idirnáisiúnta an Aontais.

(14)

Chun tacar rialacha ceangailteacha atá comhréireach agus éifeachtach a thabhairt isteach maidir le córais intleachta saorga, ba cheart cur chuige rioscabhunaithe atá sainithe go soiléir a leanúint. Leis an gcur chuige sin, ba cheart cineál agus inneachar na rialacha sin a chur in oiriúint do dhéine agus raon feidhme na rioscaí a d’fhéadfadh a bheith ag baint le córais intleachta saorga. Is gá, dá bhrí sin, toirmeasc a chur ar chleachtais intleachta saorga áirithe , ceanglais a leagan síos maidir le córais intleachta saorga ardriosca agus oibleagáidí a leagan síos le haghaidh na n-oibreoirí ábhartha, agus oibleagáidí trédhearcachta a leagan síos maidir le córais intleachta saorga áirithe.

(14)

Chun tacar rialacha ceangailteacha atá comhréireach agus éifeachtach a thabhairt isteach maidir le córais intleachta saorga, ba cheart cur chuige rioscabhunaithe atá sainithe go soiléir a leanúint. Leis an gcur chuige sin, ba cheart cineál agus inneachar na rialacha sin a chur in oiriúint do dhéine agus raon feidhme na rioscaí a d’fhéadfadh a bheith ag baint le córais intleachta saorga. Is gá, dá bhrí sin, toirmeasc a chur ar chleachtais dho-ghlactha áirithe intleachta saorga, ceanglais a leagan síos maidir le córais intleachta saorga ardriosca agus oibleagáidí a leagan síos le haghaidh na n-oibreoirí ábhartha, agus oibleagáidí trédhearcachta a leagan síos maidir le córais intleachta saorga áirithe.

(15)

Cé is moite de na húsáidí tairbhiúla éagsúla a bhaineann leis an intleacht shaorga, d’fhéadfaí an teicneolaíocht sin a mhí-úsáid freisin agus uirlisí úra cumhachtacha a sholáthar le haghaidh cleachtais ionramhálacha dhúshaothraithe agus cleachtais smachta shóisialta. D’fhéadfadh cleachtais den chineál sin dochar ar leith a dhéanamh agus ba cheart iad a thoirmeasc toisc go dtagann siad salach ar luachanna an Aontais maidir le meas ar dhínit an duine, an tsaoirse, an daonlathas, an comhionannas, an smacht reachta agus cearta bunúsacha an Aontais, lena n-áirítear an ceart chun neamh-idirdhealú, an ceart chun cosaint sonraí, an ceart chun príobháideachais agus cearta an linbh.

(15)

Cé is moite de na húsáidí tairbhiúla éagsúla a bhaineann leis an intleacht shaorga, d’fhéadfaí an teicneolaíocht sin a mhí-úsáid freisin agus uirlisí úra cumhachtacha a sholáthar le haghaidh cleachtais ionramhálacha dhúshaothraithe agus cleachtais smachta shóisialta. D’fhéadfadh cleachtais den chineál sin a bheith díobhálach agus mí-úsáideach agus ba cheart iad a thoirmeasc toisc go dtagann siad salach ar luachanna an Aontais maidir le meas ar dhínit an duine, an tsaoirse, an daonlathas, an comhionannas, an smacht reachta agus cearta bunúsacha an Aontais, lena n-áirítear an ceart chun neamh-idirdhealú, an ceart chun cosaint sonraí, an ceart chun príobháideachais agus cearta an linbh.

(16)

Maidir le córais intleachta saorga áirithe a chur ar an margadh, a chur i mbun seirbhíse nó iad a úsáid, ar córais iad atá beartaithe chun iompraíocht an duine a shaobhadh, i gcás inar dócha go ndéanfaí díobháil fhisiciúil nó shíceolaíoch, ba cheart na córais sin a thoirmeasc. Úsáideann na córais intleachta saorga sin comhpháirteanna fothairseachúla nach bhfuil le brath ag an duine aonair nó saothraíonn na córais sin leochaileachtaí leanaí agus daoine mar gheall ar a  n-aois nó a  n-éagumais fhisiciúil nó mheabhrach . Déanann siad amhlaidh d’fhonn iompar an duine a shaobhadh go hábhartha agus ar bhealach lena ndéantar díobháil don duine sin nó do dhuine eile nó gur dócha go ndéanfar díobháil. Ní fhéadfaí an aidhm a thoimhdiú má tá saobhadh iompar an duine mar thoradh ar thosca atá neamhspleách ar an gcóras intleachta saorga agus nach bhfuil smacht ag an soláthraí nó ag an úsáideoir orthu. Maidir le taighde chun críoch dlisteanach i ndáil leis na córais intleachta saorga sin, níor cheart é a phlúchadh leis an toirmeasc, mura bhfuil baint ag an taighde sin le húsáid an chórais intleachta saorga i  gcaidreamh idir duine agus an meaisín lena gcuirtear daoine nádúrtha i mbaol agus má dhéantar an taighde sin i gcomhréir le caighdeáin eiticiúla aitheanta i ndáil leis an taighde eolaíoch.

(16)

Maidir le córais intleachta saorga áirithe a chur ar an margadh, a chur i mbun seirbhíse nó iad a úsáid, ar córais iad arb é is aidhm leo dul i bhfeidhm go hábhartha ar iompraíocht an duine nó iompraíocht an duine a shaobhadh, i gcás inar dócha go ndéanfaí díobháil fhisiciúil nó shíceolaíoch, ba cheart na córais sin a thoirmeasc. Ba cheart a thuiscint leis an teorannú sin go n-áirítear néartheicneolaíochtaí le cúnamh ó chórais intleachta saorga a úsáidtear chun faireachán a dhéanamh ar shonraí néaracha a bhailítear trí chomhéadain ríomhairí inchinne, nó chun iad a úsáid, nó chun tionchar a imirt orthu a mhéid a dhéanann siad saobhadh ábhartha ar iompar duine nádúrtha ar bhealach a dhéanann díobháil shuntasach don duine sin nó do dhuine eile, nó ar dóigh dó díobháil shuntasach a dhéanamh don duine sin nó do dhuine eile. Baineann córais intleachta saorga den sórt sin úsáid as comhpháirteanna fo-thairseachúil nach féidir le daoine aonair iad a bhrath nó a théann i dtír ar leochailteachtaí daoine aonair agus grúpaí sonracha daoine i ngeall ar a dtréithe pearsantachta aitheanta nó tuartha, mar gheall ar a  n-éagumas fisiceach nó meabhrach, ar a  staid shóisialta nó eacnamaíoch . Déanann siad amhlaidh agus é ar beartaithe leo iompraíocht an duine a shaobhadh go hábhartha nó a bheith mar thoradh air sin agus ar bhealach a dhéanann díobháil shuntasach, nó ar dóigh dó díobháil shuntasach a dhéanamh, don duine sin nó do dhuine eile nó do ghrúpaí daoine, lena n-áirítear díobháil a d’fhéadfaí a charnadh le himeacht ama . Ní fhéadfar a thoimhdiú go bhfuil rún ann an iompraíocht a shaobhadh má eascraíonn an saobhadh as fachtóirí lasmuigh den chóras intleachta saorga nach bhfuil smacht ag an soláthraí ná ag an úsáideoir orthu , amhail fachtóirí nach bhféadfadh soláthraí ná imscarthóir an chórais intleachta saorga a thuar agus a mhaolú go réasúnta . I gcás ar bith, ní gá go mbeadh sé ar intinn ag an soláthraí ná ag an imscarthóir díobháil fhisiciúil nó shíceolaíoch a dhéanamh, fad is a eascraíonn an díobháil sin as na cleachtais ionramhála nó dhúshaothraithe atá cumasaithe ag intleacht shaorga. Tá na toirmisc ar chleachtais intleachta saorga den sórt sin comhlántach leis na forálacha i dTreoir 2005/29/CE, ar dá réir a thoirmisctear cleachtais tráchtála éagóracha, gan beann ar úsáid a bhaint as córais intleachta saorga nó ar bhealach eile. I gcás den sórt sin, níor cheart cleachtais tráchtála dhleathacha, mar shampla i réimse na fógraíochta, atá i gcomhréir le dlí an Aontais a mheas iontu féin mar chleachtais a sháraíonn toirmeasc. Níor cheart an toirmeasc a chur ar thaighde chun críoch dlisteanach i ndáil leis na córais intleachta saorga sin, más rud é nach ionann an taighde sin agus úsáid an chórais intleachta saorga i  gcaidrimh idir duine agus meaisín lena nochtar daoine nádúrtha do dhíobháil agus má dhéantar an taighde sin i gcomhréir le caighdeáin eiticiúla aitheanta le haghaidh taighde eolaíoch agus ar bhonn toiliú feasach sonrach ó na daoine aonair a nochtar dóibh nó, i gcás inarb infheidhme, a gcaomhnóirí dlíthiúla .

(16a)

Córais intleachta saorga a dhéanann daoine nádúrtha a chatagóiriú trí iad a shannadh do chatagóirí sonracha, de réir saintréithe íogaire nó cosanta atá ar eolas nó atá intuigthe, tá na córais sin sách ionsáiteach, sáraíonn siad dínit an duine agus bíonn riosca mór idirdhealaithe ag baint leo. Áirítear ar na saintréithe sin inscne, féiniúlacht inscne, cine, tionscnamh eitneach, stádas imirce nó stádas saoránachta, claonadh polaitiúil, gnéaschlaonadh, reiligiún, míchumas nó aon fhorais eile ar a dtoirmisctear idirdhealú faoi Airteagal 21 de Chairt um Chearta Bunúsacha an Aontais Eorpaigh, agus faoi Airteagal 9 de Rialachán (AE)2016/769. Ba cheart, dá bhrí sin, toirmeasc a chur ar chórais intleachta saorga den chineál sin.

(17)

D’fhéadfadh sé go mbeadh torthaí idirdhealaitheacha agus eisiamh grúpaí áirithe ann de thoradh scóráil shóisialta daoine nádúrtha le haghaidh cuspóir ginearálta ag údaráis phoiblí nó thar a gceann , rud a sholáthraítear le córais intleachta saorga áirithe. D’fhéadfadh sé go sárófaí leo an ceart chun dínite agus an ceart chun neamh-idirdhealú agus luachanna maidir le comhionannas agus an ceartas. Déanann na córais intleachta saorga sin meastóireacht agus rangú ar iontaofacht daoine nádúrtha bunaithe ar iompraíocht shóisialta na ndaoine sin i gcomhthéacsanna éagsúla nó bunaithe ar shaintréithe pearsanta nó saintréithe pearsantachta aitheanta nó tuartha. De thoradh an scóir shóisialta arna fháil ó na córais intleachta saorga sin, d’fhéadfadh sé go gcaithfí go neamhfhabhrach nó go díobhálach le daoine nádúrtha nó grúpaí iomlána daoine nádúrtha i gcomhthéacsanna sóisialta nach bhfuil aon bhaint acu leis an gcomhthéacs inar gineadh nó inar bailíodh na sonraí i dtosach báire nó d’fhéadfadh sé go gcaithfí leo go díobhálach ar bhealach atá gan bonn cirt nó díréireach le tromchúis a n-iompraíochta sóisialta. Ba cheart, dá bhrí sin, toirmeasc a chur ar na córais intleachta saorga sin.

(17)

D’fhéadfadh sé go mbeadh torthaí idirdhealaitheacha agus eisiamh grúpaí áirithe ann de thoradh scóráil shóisialta daoine nádúrtha le haghaidh cuspóir ginearálta, rud a sholáthraítear le córais intleachta saorga áirithe. Sáraítear leo an ceart chun dínite agus an ceart chun neamh-idirdhealú agus luachanna maidir le comhionannas agus an ceartas. Déanann córais intleachta saorga den sórt sin meastóireacht nó aicmiú ar dhaoine nádúrtha nó ar ghrúpaí bunaithe ar iliomad pointí sonraí agus tarluithe ama a bhaineann lena n-iompraíocht shóisialta i gcomhthéacsanna éagsúla nó saintréithe pearsanta nó pearsantachta intuigthe nó tuartha. De thoradh an scóir shóisialta arna fháil ó na córais intleachta saorga sin, d’fhéadfadh sé go gcaithfí go neamhfhabhrach nó go díobhálach le daoine nádúrtha nó grúpaí iomlána daoine nádúrtha i gcomhthéacsanna sóisialta nach bhfuil aon bhaint acu leis an gcomhthéacs inar gineadh nó inar bailíodh na sonraí i dtosach báire nó d’fhéadfadh sé go gcaithfí leo go díobhálach ar bhealach atá gan bonn cirt nó díréireach le tromchúis a n-iompraíochta sóisialta. Ba cheart, dá bhrí sin, toirmeasc a chur ar na córais intleachta saorga sin.

(18)

Maidir le húsáid córas intleachta saorga le haghaidh cian-sainaithint bhithmhéadrach ‘fíor-ama’ daoine nádúrtha i spásanna a bhfuil rochtain ag an bpobal orthu chun críoch fhorfheidhmiú an dlí, measfar í a bheith an-ionrach maidir le cearta agus saoirsí na ndaoine lena mbaineann, sa mhéid go bhfuil féidearthacht ann go ndéanfadh sé difear do shaol príobháideach cuid mhór den phobal, go nginfeadh sé mothúchán go bhfuiltear faoi fhaireachas leanúnach agus go ndéanfadh sé feidhmiú saoirse tionóla agus cearta bunúsacha eile a dhíspreagadh. Thairis sin, i bhfianaise neasacht an tionchair agus na ndeiseanna teoranta atá ann maidir le seiceálacha agus ceartuithe breise i ndáil le húsáid na gcóras sin a oibríonn i ‘bhfíor-am’, bíonn rioscaí níos mó ann i leith chearta agus shaoirsí na ndaoine a mbaineann na gníomhaíochtaí forfheidhmithe dlí leo.

(18)

Tá úsáid córas intleachta saorga le haghaidh cian-sainaithint bhithmhéadrach ‘fíor-ama’ daoine nádúrtha i spásanna a bhfuil rochtain ag an bpobal orthu go háirithe ag cur isteach ar chearta agus saoirsí na ndaoine lena mbaineann, agus ar deireadh is féidir léis an úsáid sin difear a dhéanamh do shaol príobháideach cuid mhór den phobal, d’fhéadfaí a mhothú go bhfuil faireachta leanúnach ar siúl orthu, agus d’fhéadfadh sé cumhachta neamhrialaithe a thabhairt do pháirtithe a úsáideann sainaithint bhithmhéadrach i spásanna atá inrochtana don phobal agus d’fhéadfaí léi feidhmiú na saoirse comhthionóil agus cearta bunúsacha eile atá i gcroílár an smachta reachta a dhíspreagadh go hindíreach . Maidir le míchruinnis theicniúla i gcórais intleachta saorga atá beartaithe le haghaidh cian-sainaithint bhithmhéadrach daoine nádúrtha, d’fhéadfadh siad a bheith ina gcúis le torthaí claonta agus éifeachtaí idirdhealaithe. Tá sé sin ábhartha go háirithe a mhéid a bhaineann le haois, bunadh eitneach, gnéas nó míchumais. Thairis sin, i bhfianaise neasacht an tionchair agus na ndeiseanna teoranta atá ann maidir le seiceálacha agus ceartuithe breise i ndáil le húsáid na gcóras sin a oibríonn i ‘bhfíor-am’, bíonn rioscaí níos mó ann i leith chearta agus shaoirsí na ndaoine a mbaineann na gníomhaíochtaí forfheidhmithe dlí leo. Ba cheart, dá bhrí sin, úsáid na gcóras sin in áiteanna a bhfuil rochtain ag an bpobal orthu a thoirmeasc. Ar an gcaoi chéanna, ba cheart cosc a chur freisin ar chórais intleachta saorga a úsáidtear chun anailís a dhéanamh ar phíosaí scannánaíochta taifeadta de spásanna a bhfuil rochtain ag an bpobal orthu trí chórais cian-sainaitheanta bithmhéadraí ‘iardain’, ach amháin má tá údarú réamhbhreithiúnach ann lena úsáid i gcomhthéacs fhorfheidhmiú an dlí, nuair atá géarghá leis don chuardach spriocdhírithe atá nasctha le cion coiriúil tromchúiseach sonrach a tharla cheana féin, agus faoi réir údarú réamhbhreithiúnach amháin.

(19)

Ba cheart, dá bhrí sin, toirmeasc a chur ar úsáid na gcóras sin chun críoch fhorfheidhmiú an dlí, ach amháin maidir le trí chás atá liostaithe go cuimsitheach agus sainithe go cúng, cásanna lena bhfuil dianghá le húsáid na gcóras sin chun freastal ar leas substaintiúil maidir leis an bpobal, ina mheastar gur mó a dtábhacht ná na rioscaí. Baineann na cásanna sin le cuardach daoine a d’fhéadfadh a bheith ina n-íospartaigh coireachta, lena n-áirítear leanaí ar iarraidh; bagairtí áirithe ar bheatha nó sábháilteacht fhisiciúil daoine nádúrtha nó ionsaí sceimhlitheoireachta; agus brath, logánú, sainaithint nó ionchúiseamh duine faoi dhrochamhras nó dhéantóirí na gcionta coiriúla dá dtagraítear i gCinneadh Réime 2002/584/CGB ón gComhairle  (38) más cionta cóiriúla iad atá inphionóis sa Bhallstát lena mbaineann le pianbhreith choimeádta nó le hordú coinneála ar feadh uastréimhse 3 bliana ar a laghad agus mar a dhéantar sainmhíniú orthu i ndlí an Bhallstáit sin. An tairseach sin maidir leis an bpianbhreith choimeádta nó ordú coinneála i gcomhréir leis an dlí náisiúnta, rannchuidíonn sé chun a áirithiú gur cheart an cion a bheith tromchúiseach go leor le bonn cirt a thabhairt le húsáid cianchóras sainaitheanta bithmhéadraí ‘fíor-ama’. Thairis sin, ar an 32 chion chóiriúla a liostaítear i gCinneadh Réime 2002/584/CGB ón gComhairle, is dócha, i gcleachtas, go mbeidh cuid acu níos ábhartha ná a chéile, ós rud é go mbeidh gá ar leibhéal éagsúla go hintuartha le hiontaoibh cian-sainaitheanta bithmhéadraí ‘fíor-ama’ agus go mbeadh sé comhréireach ar leibhéil éagsúla den chur chun cinn praiticiúil maidir le brath, logánú, sainaithint nó ionchúiseamh duine faoi dhrochamhras nó dhéantóirí na gcionta coiriúla éagsúla a liostaítear agus ag féachaint do na héagsúlachtaí dóchúla maidir le tromchúis, dóchúlacht agus leibhéal na díobhála nó na hiarmhairtí diúltacha a d’fhéadfadh a bheith ann.

(20)

Chun a áirithiú go n-úsáidtear na córais sin ar bhealach freagrach comhréireach, tá sé tábhachtach freisin a shuí gur cheart eilimintí áirithe a chur i gcuntas i ngach ceann de na trí chás a liostaítear go cuimsitheach agus a shainítear go cúng, go háirithe a mhéid a bhaineann le nádúr an cháis ba chúis leis an iarraidh agus iarmhairtí na húsáide i leith chearta agus shaoirsí na ndaoine uile lena mbaineann agus na coimircí agus na coinníollacha dá bhforáiltear leis an úsáid. Thairis sin, maidir le húsáid a bhaint as córais chian-sainaitheanta bhithmhéadraí ‘fíor-ama’ i spásanna atá inrochtana go poiblí chun an dlí a fhorfheidhmiú, ba cheart í a bheith faoi réir teorainneacha iomchuí in am agus i spás, ag féachaint go háirithe don fhianaise nó do na táscairí maidir leis na bagairtí, na híospartaigh nó déantóir na coire. Ba cheart bunachar sonraí tagartha na ndaoine a bheith iomchuí lena úsáid i ngach ceann de na trí chás a luaitear thuas.

(21)

Ba cheart gach úsáid de chóras cian-sainaitheanta bithmhéadraí ‘fíor-ama’ i spásanna atá inrochtana go poiblí chun an dlí a fhorfheidhmiú, a bheith faoi réir údarú sonrach sainráite ag údarás breithiúnach nó ag údarás riaracháin neamhspleách Ballstáit. Ba cheart an t-údarú sin a fháil i bprionsabal roimh an úsáid, ach amháin i gcásanna práinneacha a bhfuil bonn cirt cuí leo, is é sin, cásanna inar gá na córais atá i gceist a úsáid ionas go mbeidh sé dodhéanta go héifeachtúil agus go hoibiachtúil údarú a fháil sula dtosófar an úsáid. Sna cásanna práinneacha sin, ba cheart an úsáid a theorannú don íosmhéid iomlán is gá agus a bheith faoi réir na gcoimircí agus na gcoinníollacha iomchuí, de réir mar a chinntear leis an dlí náisiúnta agus a shonraítear i gcomhthéacs gach cás práinneach ar leith ag an údarás forfheidhmithe dlí féin. Ina theannta sin, ba cheart don údarás forfheidhmithe dlí féachaint le húdarú a fháil a luaithe is féidir sna cásanna sin, agus na cúiseanna nach rabhthas in ann é a iarraidh níos luaithe a thabhairt.

(22)

Thairis sin, is iomchuí a fhoráil, laistigh de chreat uileghabhálach an Rialacháin seo, nár cheart an úsáid sin ar chríoch Bhallstáit i gcomhréir leis an Rialachán seo a bheith indéanta ach amháin i gcás gur chinn an Ballstát i dtrácht, agus sa mhéid gur chinn an Ballstát i dtrácht, foráil a dhéanamh go sainráite go bhféadfaí an úsáid sin a údarú ina rialacha mionsonraithe den dlí náisiúnta. Dá réir sin, fanfaidh na Ballstáit saor faoin Rialachán seo gan foráil a dhéanamh in aon chor maidir le féidearthacht den sórt sin nó gan foráil a dhéanamh maidir le féidearthacht den sórt sin ach amháin i leith cuid de na cuspóirí a bhfuil sé de chumas acu bonn cirt a thabhairt le húsáid údaraithe a shainaithnítear sa Rialachán seo.

(23)

Is gá go mbeadh próiseáil sonraí bithmhéadracha i gceist le córais intleachta saorga a úsáid chun daoine nádúrtha a chian-sainaithint ‘fíor-ama’ i spásanna atá inrochtana ag an bpobal chun an dlí a fhorghníomhú. Ba cheart feidhm a bheith ag rialacha an Rialacháin seo a thoirmisceann an úsáid sin, faoi réir eisceachtaí áirithe, atá bunaithe ar Airteagal 16 CFAE, mar lex specialis i leith na rialacha maidir le sonraí bithmhéadracha a phróiseáil, atá in Airteagal 10 de Threoir (AE) 2016/680 lena rialáiltear an úsáid sin agus na sonraí bithmhéadracha a phróiseáil atá páirteach go hiomlán sa tslí sin. Dá bhrí sin, níor cheart go bhféadfaí an úsáid agus an phróiseáil sin a dhéanamh ach amháin a mhéid atá sé comhréireach leis an gcreat a leagtar síos leis an Rialachán seo, gan raon a bheith ann, lasmuigh den chreat sin, do na húdaráis inniúla, i gcás go ngníomhóidh siad chun an dlí a fhorfheidhmiú, chun na córais sin a úsáid agus na sonraí sin i dtaca leis a phróiseáil ar na forais a liostaítear in Airteagal 10 de Threoir (AE) 2016/680. Sa chomhthéacs seo, níl an Rialachán seo beartaithe chun an bunús dlí a chur ar fáil chun sonraí pearsanta a phróiseáil faoi Airteagal 8 de Threoir 2016/680. Níor cheart úsáid córas cian-sainaitheanta bhithmhéadraí ‘fíor-ama’ i spásanna atá inrochtana go poiblí chun críocha seachas forfheidhmiú an dlí, lena n-áirítear ag údaráis inniúla, áfach, a chumhdach leis an gcreat sonrach maidir leis an úsáid sin chun an dlí a fhorfheidhmiú a leagtar síos leis an Rialachán seo. Níor cheart an úsáid sin chun críocha seachas forfheidhmiú an dlí, mar sin, a bheith faoi réir cheanglas údarú faoin Rialachán seo agus na rialacha mionsonraithe is infheidhme an dlí náisiúnta lena dtabharfar éifeacht dó.

(24)

Ba cheart d’aon phróiseáil sonraí bithmhéadracha agus sonraí pearsanta eile a bhaineann le húsáid córas intleachta saorga le haghaidh sainaithint bhithmhéadrach, ach amháin i ndáil le húsáid córas cian-sainaitheanta bithmhéadraí ‘fíor-ama’ i spásanna atá inrochtana ag an bpobal chun an dlí a fhorfheidhmiú mar a rialáiltear leis an Rialachán seo, lena n-áirítear i gcás go n-úsáideann údaráis inniúla na córais sin i spásanna atá inrochtana ag an bpobal chun críocha seachas forfheidhmiú an dlí, leanúint de na ceanglais a chomhlíonadh atá mar thoradh ar Airteagal 9(1) de Rialachán (AE) 2016/679, Airteagal 10(1) de Rialachán (AE) 2018/1725 agus Airteagal 10 de Threoir (AE) 2016/680, de réir mar is infheidhme.

(24)

Ba cheart d’aon phróiseáil sonraí bithmhéadracha agus sonraí pearsanta eile a bhaineann le húsáid córas intleachta saorga le haghaidh sainaithint bhithmhéadrach, seachas i dtaca le húsáid córas cian-sainaitheanta bithmhéadraí ‘fíor-ama’ i spásanna atá inrochtana ag an bpobal chun an dlí a fhorfheidhmiú mar a rialáiltear leis an Rialachán seo, lena n-áirítear cásanna ina n-úsáideann údaráis inniúla na córais sin i spásanna a bhfuil rochtain ag an bpobal orthu chun críocha seachas forfheidhmiú an dlí, leanúint de na ceanglais a chomhlíonadh atá mar thoradh ar Airteagal 9(1) de Rialachán (AE) 2016/679, Airteagal 10(1) de Rialachán (AE) 2018/1725 agus Airteagal 10 de Threoir (AE) 2016/680, de réir mar is infheidhme.

(25)

I gcomhréir le hAirteagal 6a de Phrótacal Uimh. 21 maidir le seasamh na Ríochta Aontaithe agus na hÉireann i leith an limistéir saoirse, slándála agus ceartais, atá i gceangal leis an gConradh ar an Aontas Eorpach agus leis an gConradh ar Fheidhmiú an Aontais Eorpaigh, ní bheidh Éire faoi cheangal ag na rialacha a leagtar síos in Airteagal 5(1), pointe (d), (2) agus (3) den Rialachán seo arna ghlacadh ar bhonn Airteagal 16 de CFAE a bhaineann le sonraí pearsanta a bheith á bpróiseáil ag na Ballstáit agus gníomhaíochtaí á gcur i gcrích acu a thagann faoi raon feidhme Chaibidil 4 nó Chaibidil 5 de Theideal V de Chuid a Trí de CFAE, i gcás nach mbeidh Éire faoi cheangal ag na rialacha lena rialaítear cineálacha an chomhair bhreithiúnaigh in ábhair choiriúla nó i gcomhair póilíneachta lena gceanglaítear na forálacha a leagtar síos ar bhonn Airteagal 16 a chomhlíonadh de CFAE .

(25)

I gcomhréir le hAirteagal 6a de Phrótacal Uimh. 21 maidir le seasamh na Ríochta Aontaithe agus na hÉireann i leith an limistéir saoirse, slándála agus ceartais, atá i gceangal leis an gConradh ar an Aontas Eorpach agus leis an gConradh ar Fheidhmiú an Aontais Eorpaigh, ní bheidh Éire faoi cheangal ag na rialacha a leagtar amach in Airteagal 5(1), pointe (d), (2) agus (3) den Rialachán seo arna ghlacadh ar bhonn Airteagal 16 de CFAE a bhaineann le sonraí pearsanta a bheith á bpróiseáil ag na Ballstáit agus gníomhaíochtaí á gcur i gcrích acu a thagann faoi raon feidhme Chaibidil 4 nó Chaibidil 5 de Theideal V de Chuid a Trí de CFAE, i gcás nach mbeidh Éire faoi cheangal ag na rialacha lena rialaítear cineálacha an chomhair bhreithiúnaigh in ábhair choiriúla nó i gcomhair póilíneachta lena gceanglaítear na forálacha a leagtar síos ar bhonn Airteagal 16 a chomhlíonadh.

(26)

I gcomhréir le hAirteagal 2 agus 2a de Phrótacal 22 maidir le seasamh na Danmhairge, atá i gceangal leis an gConradh ar an Aontas Eorpach agus leis an gConradh ar Fheidhmiú an Aontais Eorpaigh, na rialacha a leagtar síos in Airteagal 5(1), pointe (d), (2) agus (3) den Rialachán seo a glacadh ar bhonn Airteagal 16 de CFAE a bhaineann le sonraí pearsanta a bheith á bpróiseáil ag na Ballstáit agus gníomhaíochtaí á gcur i gcrích acu a thagann faoi raon feidhme Chaibidil 4 nó Chaibidil 5 de Theideal V de Chuid a Trí de CFAE, níl siad ina gceangal ar an Danmhairg.

(26)

I gcomhréir le hAirteagal 2 agus 2a de Phrótacal 22 maidir le seasamh na Danmhairge, atá i gceangal leis an gConradh ar an Aontas Eorpach agus leis an gConradh ar Fheidhmiú an Aontais Eorpaigh, na rialacha a leagtar síos in Airteagal 5(1), pointe (d), (2) agus (3) den Rialachán seo a glacadh ar bhonn Airteagal 16 de CFAE a bhaineann le sonraí pearsanta a bheith á bpróiseáil ag na Ballstáit agus gníomhaíochtaí á gcur i gcrích acu a thagann faoi raon feidhme Chaibidil 4 nó Chaibidil 5 de Theideal V de Chuid a Trí de CFAE, níl siad ina gceangal ar an Danmhairg.

(26a)

Maidir le córais intleachta saorga a úsáideann údaráis forfheidhmithe dlí nó a úsáidtear thar a gceann chun tuartha, próifílí nó measúnuithe riosca a dhéanamh bunaithe ar phróifíliú daoine nádúrtha nó anailís sonraí bunaithe ar thréithe agus saintréithe pearsantachta, lena n-áirítear suíomh an duine, nó iompar coiriúil daoine nádúrtha nó grúpaí daoine san am atá thart, chun a thuar go dtarlóidh cion coiriúil nó cion coiriúil ionchasach nó cion coiriúil féideartha nó go dtarlóidh an cion coiriúil nó na cionta sin arís, lena n-áirítear córais frithchalaoise, tá riosca ar leith ag baint leo go ndéanfar idirdhealú i gcoinne daoine áirithe nó grúpaí áirithe daoine, toisc go sáraíonn siad dínit an duine chomh maith le príomhphrionsabal dlíthiúil thoimhde na neamhchiontachta. Ba cheart, mar sin, toirmeasc a chur ar na córais intleachta saorga sin.

(26b)

Cuireann scríobadh neamh-idirdhealaitheach agus neamh-spriocdhírithe sonraí bithmhéadracha ó na meáin shóisialta nó ó scannánaíocht CCTV chun bunachair sonraí aghaidh-aitheanta a chruthú nó a leathnú le braistint ollfhaireachais agus is féidir go leanfadh mórsháruithe ar chearta bunúsacha as, lena n-áirítear an ceart chun príobháideachais. Mar sin, ba cheart úsáid córas intleachta saorga chun na críche sin atá beartaithe a thoirmeasc.

(26c)

Tá imní mhór ann faoi bhunús eolaíoch na gcóras intleachta saorga arb é is aidhm dóibh mothúcháin, gnéithe fisiciúla nó fiseolaíocha amhail dreacha, gluaiseachtaí, minicíocht cuisle nó guth a bhrath. Athraíonn mothúcháin nó léirithe mothúcháin agus braistintí díobh go mór i measc cultúr agus cásanna, agus fiú laistigh de dhuine aonair amháin. I measc phríomheasnaimh na dteicneolaíochtaí sin, tá an iontaofacht theoranta (ní chuirtear catagóirí mothúcháin in iúl go hiontaofa trí shraith choitianta gluaiseachtaí fisiceacha nó fiseolaíocha, ná ní bhaineann siad go soiléir leo), an easpa sainiúlachta (níl nathanna fisiciúla nó fiseolaíocha ag teacht le catagóirí mothúcháin go foirfe) agus an inghinearálaitheacht theoranta (ní mheastar go leordhóthanach éifeachtaí an chomhthéacs agus an chultúir). Féadfaidh saincheisteanna iontaofachta agus mar sin, rioscaí móra mí-úsáide, teacht chun cinn go háirithe agus an córas á imscaradh i gcásanna fíorshaoil a bhaineann le forfheidhmiú an dlí, bainistiú teorainneacha, ionad oibre agus institiúidí oideachais. Mar sin, ba cheart cur ar an margadh, cur i mbun seirbhíse nó úsáid córas intleachta saorga atá beartaithe lena n-úsáid sna comhthéacsanna sin a thoirmeasc chun staid mhothúchánach daoine aonair a bhrath.

(26d)

Leis an Rialachán seo níor cheart difear a dhéanamh do chleachtais a thoirmisctear le reachtaíocht an Aontais, lena n-áirítear an dlí cosanta sonraí, an dlí neamh-idirdhealaitheach, an dlí maidir le cosaint tomhaltóirí agus dlí na hiomaíochta.

(27)

Níor cheart córais intleachta saorga ardriosca a chur ar mhargadh an Aontais nó a chur i mbun seirbhíse ach amháin má chomhlíonann siad ceanglais shainordaitheacha áirithe. Leis na ceanglais sin, ba cheart a áirithiú, maidir le córais intleachta saorga ardriosca atá ar fáil san Aontas nó a úsáidtear a n-aschur san Aontas ar shlite eile, nach mbeadh rioscaí do-ghlactha ag baint leo do leasanna tábhachtacha poiblí an Aontais mar atá aitheanta agus faoi chosaint ag dlí an Aontais. Ba cheart líon na gcóras intleachta saorga a shainaithnítear mar chórais ardriosca a theorannú dóibh siúd a bhfuil tionchar suntasach díobhálach acu ar an tsláinte, an tsábháilteacht agus cearta bunúsacha na ndaoine san Aontas agus leis an teorannú sin laghdaítear aon srian a d’fhéadfadh a bheith ann maidir le trádáil idirnáisiúnta, más ann dó.

(27)

Níor cheart córais intleachta saorga ardriosca a chur ar mhargadh an Aontais, a chur i mbun seirbhíse nó a úsáid ach amháin má chomhlíonann siad ceanglais shainordaitheacha áirithe. Leis na ceanglais sin, ba cheart a áirithiú, maidir le córais intleachta saorga ardriosca atá ar fáil san Aontas nó a úsáidtear a n-aschur san Aontas ar shlite eile, nach mbeadh rioscaí do-ghlactha ag baint leo do leasanna tábhachtacha poiblí an Aontais mar atá aitheanta agus faoi chosaint ag dlí an Aontais dlí, lena n-áirítear cearta bunúsacha, daonlathas, an riail nó an dlí nó an comhshaol . Chun ailíniú le reachtaíocht earnála a áirithiú agus dúbláil a sheachaint, ba cheart reachtaíocht earnála a chur i gcuntas sna ceanglais maidir le córais intleachta saorga ardriosca lena leagtar síos ceanglais maidir le córais intleachta saorga ardriosca a áirítear i raon feidhme an Rialacháin seo, amhail Rialachán (AE) 2017/745 maidir le Feistí Leighis agus Rialachán (AE) 2017/746 maidir le Feistí Diagnóiseacha In Vitro nó Treoir 2006/42/CE maidir le hInnealra. Ba cheart líon na gcóras intleachta saorga a shainaithnítear mar chórais ardriosca a theorannú dóibh siúd a bhfuil tionchar suntasach díobhálach acu ar an tsláinte, an tsábháilteacht agus cearta bunúsacha na ndaoine san Aontas agus leis an teorannú sin laghdaítear aon srian a d’fhéadfadh a bheith ann maidir le trádáil idirnáisiúnta, más ann dó. I bhfianaise luas na forbartha teicneolaíche, chomh maith leis na hathruithe ionchasacha ar úsáid na gcóras intleachta saorga, ba cheart liosta na limistéar ardriosca agus na gcásanna úsáide in Iarscríbhinn III a bheith faoi réir athbhreithniú buan mar sin féin trí mheasúnú rialta a dhéanamh.

(28)

D’fhéadfadh sé go mbeadh torthaí neamhfhabhracha ag córais intleachta saorga ar shláinte agus sábháilteacht daoine, go háirithe i gcás ina n-oibríonn na córais sin mar chomhpháirteanna táirgí. I gcomhréir le cuspóirí reachtaíocht chomhchuibhithe an Aontais, chun saorghluaiseacht táirgí sa mhargadh inmheánach a éascú agus chun a áirithiú nach gcuirfear ach táirgí atá sábháilte agus comhlíontach ar bhealach eile ar an margadh, tá sé tábhachtach go ndéanfar na rioscaí sábháilteachta a sheachaint nó a mhaolú go hiomchuí, ar rioscaí iad a d’fhéadfadh a bheith ann mar gheall ar tháirge ina iomláine de thoradh a chomhpháirteanna digiteacha, lena n-áirítear córais intleachta saorga. Cuir i gcás, róbait uathrialaitheacha a bhfuil a n-uathriail ag dul i méid de réir a chéile, cé acu a bhfuil siad i gcomhthéacs monaraíochta nó cúnaimh phearsanta agus cúraim, ba cheart iad a bheith in ann oibriú agus a bhfeidhmeanna a dhéanamh go sábháilte i dtimpeallachtaí casta. Ar an gcuma chéanna, san earnáil sláinte, áit a bhfuil go leor i ngeall léi maidir le beatha agus sláinte, ba cheart córais diagnóisice agus córais a thacaíonn cinntí daonna, ar córais iad atá ag éirí níos sofaisticiúla, a bheith iontaofa agus cruinn. Tá ábharthacht ar leith ag baint le fairsinge tionchar díobhálach an chórais intleachta saorga ar na cearta bunúsacha atá faoi chosaint ag an gCairt, go háirithe agus córas intleachta saorga á aicmiú mar chóras ardriosca. Áirítear ar na cearta sin an ceart chun dínite daonna, an ceart maidir le meas ar an saol príobháideach agus ar shaol an teaghlaigh, an ceart ar chosaint sonraí pearsanta, an ceart chun tuairimí a nochtadh agus faisnéis a fháil, an ceart chun saoirse comhthionóil agus comhlachais, an ceart chun neamh-idirdhealú, cearta cosanta tomhaltóirí, cearta oibrithe, cearta daoine faoi mhíchumas, an ceart chun leighis éifeachtaigh agus chun trialach córa, an ceart chun toimhde na neamhchiontachta agus ceart na cosanta, an ceart chun dea-riaracháin. I dteanna na gceart sin, tá sé tábhachtach a chur i dtábhacht go bhfuil cearta sonracha ag leanaí mar a chumhdaítear in Airteagal 24 den Chairt um Chearta Bunúsacha an Aontais agus i gCoinbhinsiún na Náisiún Aontaithe um Chearta an Linbh (a léirmhíníodh tuilleadh i mBarúil Ghinearálta Uimh. 25 ó UNCRC a mhéid a bhaineann leis an timpeallacht dhigiteach), ós rud é go gceanglaítear leis an dá cheann breithniú ar leochaileachtaí na leanaí agus an chosaint agus an cúram is gá a sholáthar ar mhaithe lena ndea-bhail. An ceart chun ardleibhéil cosanta don chomhshaol a chumhdaítear sa Chairt agus a chuirtear chun feidhme i mbeartais an Aontais, ba cheart é a chur san áireamh freisin agus measúnú á dhéanamh ar dhéine na díobhála ar féidir córas intleachta saorga a dhéanamh, lena n-áirítear i ndáil le sláinte agus sábháilteacht daoine.

(28)

D’fhéadfadh sé go mbeadh tionchar neamhfhabhrach ag córais intleachta saorga ar shláinte agus sábháilteacht daoine, go háirithe i gcás ina n-oibríonn na córais sin mar chomhpháirteanna sábháilteachta táirgí. I gcomhréir le cuspóirí reachtaíocht chomhchuibhithe an Aontais, chun saorghluaiseacht táirgí sa mhargadh inmheánach a éascú agus chun a áirithiú nach gcuirfear ach táirgí atá sábháilte agus comhlíontach ar bhealach eile ar an margadh, tá sé tábhachtach go ndéanfar na rioscaí sábháilteachta a sheachaint nó a mhaolú go hiomchuí, ar rioscaí iad a d’fhéadfadh a bheith ann mar gheall ar tháirge ina iomláine de thoradh a chomhpháirteanna digiteacha, lena n-áirítear córais intleachta saorga. Cuir i gcás, róbait uathrialaitheacha a bhfuil a n-uathriail ag dul i méid de réir a chéile, cé acu a bhfuil siad i gcomhthéacs monaraíochta nó cúnaimh phearsanta agus cúraim, ba cheart iad a bheith in ann oibriú agus a bhfeidhmeanna a dhéanamh go sábháilte i dtimpeallachtaí casta. Ar an gcuma chéanna, san earnáil sláinte, áit a bhfuil go leor i ngeall léi maidir le beatha agus sláinte, ba cheart córais diagnóisice agus córais a thacaíonn cinntí daonna, ar córais iad atá ag éirí níos sofaisticiúla, a bheith iontaofa agus cruinn.

(28a)

Tá ábharthacht ar leith ag baint le fairsinge thionchar díobhálach an chórais intleachta saorga ar na cearta bunúsacha atá faoi chosaint ag an gCairt, go háirithe agus córas intleachta saorga á aicmiú mar chóras ardriosca. Áirítear ar na cearta sin an ceart chun dínit an duine, maidir le meas ar an saol príobháideach agus ar shaol an teaghlaigh, ar chosaint sonraí pearsanta, chun tuairimí a nochtadh agus faisnéis a fháil, chun saoirse comhthionóil agus comhlachais, agus neamh-idirdhealú, an ceart chun oideachais, cearta cosanta tomhaltóirí, cearta oibrithe, cearta daoine faoi mhíchumas, comhionannas inscne, cearta maoine intleachtúla, an ceart chun leighis éifeachtaigh agus chun trialach córa, an ceart na cosanta agus toimhde na neamhchiontachta, an ceart chun dea-riaracháin. I dteanna na gceart sin, tá sé tábhachtach a chur i dtábhacht go bhfuil cearta sonracha ag leanaí mar a chumhdaítear in Airteagal 24 den Chairt um Chearta Bunúsacha an Aontais agus i gCoinbhinsiún na Náisiún Aontaithe um Chearta an Linbh (a léirmhíníodh tuilleadh i mBarúil Ghinearálta Uimh. 25 ó UNCRC maidir leis an timpeallacht dhigiteach), ós rud é go gceanglaítear leis an dá cheann breithniú ar leochaileachtaí na leanaí agus an chosaint agus an cúram is gá a sholáthar ar mhaithe lena ndea-bhail. Ba cheart an ceart chun ardleibhéil cosanta don chomhshaol a chumhdaítear sa Chairt agus a chuirtear chun feidhme i mbeartais an Aontais, a mheas freisin agus measúnú á dhéanamh ar dhéine na díobhála ar féidir le córas intleachta saorga a dhéanamh, lena n-áirítear i ndáil le sláinte agus sábháilteacht daoine nó leis an gcomhshaol.

(29)

Maidir le córais intleachta saorga ardriosca is comhpháirteanna sábháilteachta táirgí nó córas iad, nó is táirgí nó córais iad féin, a thagann faoi raon feidhme Rialachán (CE) Uimh. 300/2008 ó Pharlaimint na hEorpa agus ón gComhairle (39), Rialachán (AE) Uimh. 167/2013 ó Pharlaimint na hEorpa agus ón gComhairle (40), Rialachán (AE) Uimh. 168/2013 ó Pharlaimint na hEorpa agus ón gComhairle (41), Treoir 2014/90/AE ó Pharlaimint na hEorpa agus ón gComhairle (42), Treoir (AE) 2016/797 ó Pharlaimint na hEorpa agus ón gComhairle (43), Rialachán (AE) 2018/858 ó Pharlaimint na hEorpa agus ón gComhairle (44), Rialachán (AE) 2018/1139 ó Pharlaimint na hEorpa agus ón gComhairle (45), agus Rialachán (AE) 2019/2144 ó Pharlaimint na hEorpa agus ón gComhairle (46), is iomchuí na gníomhartha sin a leasú chun a áirithiú, ar bhonn sainiúlachtaí teicniúla agus rialála gach earnála, agus gan cur isteach ar shásraí rialachais, measúnaithe comhréireachta agus forfheidhmithe atá ann cheana agus na húdaráis arna mbunú iontu, go gcuirfidh an Coimisiún i gcuntas na ceanglais shainordaitheacha le haghaidh córais intleachta saorga ardriosca a leagtar síos sa Rialachán seo agus aon ghníomh ábhartha tarmligthe nó cur chun feidhme á ghlacadh aige amach anseo ar bhonn na ngníomhartha sin.

(29)

Maidir le córais intleachta saorga ardriosca is comhpháirteanna sábháilteachta táirgí nó córas iad, nó is táirgí nó córais iad féin, a thagann faoi raon feidhme Rialachán (CE) Uimh. 300/2008 ó Pharlaimint na hEorpa agus ón gComhairle (39), Rialachán (AE) Uimh. 167/2013 ó Pharlaimint na hEorpa agus ón gComhairle (40), Rialachán (AE) Uimh. 168/2013 ó Pharlaimint na hEorpa agus ón gComhairle (41), Treoir 2014/90/AE ó Pharlaimint na hEorpa agus ón gComhairle (42), Treoir (AE) 2016/797 ó Pharlaimint na hEorpa agus ón gComhairle (43), Rialachán (AE) 2018/858 ó Pharlaimint na hEorpa agus ón gComhairle (44), Rialachán (AE) 2018/1139 ó Pharlaimint na hEorpa agus ón gComhairle (45), agus Rialachán (AE) 2019/2144 ó Pharlaimint na hEorpa agus ón gComhairle (46), is iomchuí na gníomhartha sin a leasú chun a áirithiú, ar bhonn sainiúlachtaí teicniúla agus rialála gach earnála, agus gan cur isteach ar shásraí rialachais, measúnaithe comhréireachta , faireachas margaidh agus forfheidhmithe atá ann cheana agus na húdaráis arna mbunú iontu, go gcuirfidh an Coimisiún i gcuntas na ceanglais shainordaitheacha le haghaidh córais intleachta saorga ardriosca a leagtar síos sa Rialachán seo agus aon ghníomh ábhartha tarmligthe nó cur chun feidhme á ghlacadh aige amach anseo ar bhonn na ngníomhartha sin.

(30)

Maidir le córais intleachta saorga ardriosca is comhpháirteanna sábháilteachta táirgí nó córas iad, nó is táirgí nó córais iad féin, a thagann faoi raon feidhme reachtaíocht chomhchuibhithe áirithe an Aontais, is iomchuí iad a aicmiú mar chórais ardriosca faoin Rialachán seo má chuirtear an nós imeachta um measúnú comhréireachta i bhfeidhm ar an táirge i gceist le comhlacht tríú páirtí um measúnú comhréireachta de bhun na reachtaíochta comhchuibhithe ábhartha sin de chuid an Aontais. Go sonrach, is éard atá i gceist leis na táirgí sin innealra, bréagáin, ardaitheoirí, trealamh agus córais chosanta atá ceaptha chun úsáid in atmaisféir a d’fhéadfadh a bheith pléascach, i dtrealamh raidió, i mbrú-threalamh, i dtrealamh le haghaidh árthaí áineas, i suiteálacha cábla-bhealaigh, i bhfearais a dhónn breoslaí gásacha, i bhfeistí leighis agus i bhfeistí leighis diagnóiseacha in vitro.

(30)

Maidir le córais intleachta saorga ardriosca is comhpháirteanna sábháilteachta táirgí nó córas iad, nó is táirgí nó córais iad féin, a thagann faoi raon feidhme dlí comhchuibhithe áirithe an Aontais atá liostaithe in Iarscríbhinn II , is iomchuí iad a aicmiú mar chórais ardriosca faoin Rialachán seo má chuirtear an nós imeachta um measúnú comhréireachta i bhfeidhm ar an táirge i gceist le comhlacht tríú páirtí um measúnú comhréireachta chun comhlíonadh na gceanglas riachtanach sábháilteachta a áirithiú de bhun dhlí comhchuibhithe ábhartha sin an Aontais. Go sonrach, is éard atá i gceist leis na táirgí sin innealra, bréagáin, ardaitheoirí, trealamh agus córais chosanta atá ceaptha chun úsáid in atmaisféir a d’fhéadfadh a bheith pléascach, i dtrealamh raidió, i mbrú-threalamh, i dtrealamh le haghaidh árthaí áineas, i suiteálacha cábla-bhealaigh, i bhfearais a dhónn breoslaí gásacha, i bhfeistí leighis agus i bhfeistí leighis diagnóiseacha in vitro.

(31)

Maidir le haicmiú córas intleachta saorga mar chóras ardriosca de bhun an Rialacháin seo, níor cheart go gciallódh sin go measfar an táirge a bhfuil an córas intleachta saorga ann mar chomhpháirt sábháilteachta, nó an córas intleachta saorga féin mar tháirge, a bheith ‘ardriosca’ faoi na critéir a bhunaítear sa reachtaíocht chomhchuibhithe ábhartha de chuid an Aontais a bhfuil feidhm aici ar an táirge. Is amhlaidh atá go háirithe i gcás Rialachán (AE) Uimh. 2017/745 ó Pharlaimint na hEorpa agus ón gComhairle (47) agus Rialachán (AE) 2017/746 ó Pharlaimint na hEorpa agus ón gComhairle (48), ina soláthraítear measúnú comhréireachta tríú páirtí le haghaidh táirgí meánriosca agus ardriosca.

(31)

Maidir le haicmiú córas intleachta saorga mar chóras ardriosca de bhun an Rialacháin seo, níor cheart go gciallódh sin go measfar an táirge a bhfuil an córas intleachta saorga ann mar chomhpháirt sábháilteachta, nó an córas intleachta saorga féin mar tháirge, a bheith ‘ardriosca’ faoi na critéir a bhunaítear i ndlí comhchuibhithe ábhartha an Aontais a bhfuil feidhm aige maidir leis an táirge. Is amhlaidh atá go háirithe i gcás Rialachán (AE) Uimh. 2017/745 ó Pharlaimint na hEorpa agus ón gComhairle (47) agus Rialachán (AE) 2017/746 ó Pharlaimint na hEorpa agus ón gComhairle (48), ina soláthraítear measúnú comhréireachta tríú páirtí le haghaidh táirgí meánriosca agus ardriosca.

(32)

A mhéid a bhaineann le córais intleachta saorga neamhspleácha, is é sin córais intleachta saorga ardriosca cé is moite de na córais is comhpháirteanna sábháilteachta iad , nó is táirgí iad féin, is iomchuí iad a aicmiú mar chórais ardriosca más rud é, i bhfianaise na críche atá beartaithe dóibh , go bhfuil ardriosca díobhála ag baint leo do shláinte , sábháilteacht nó cearta bunúsacha daoine, agus ag cur san áireamh déine na díobhála féideartha agus an dóchúlacht go dtarlódh an díobháil agus más rud é go n-úsáidtear iad i roinnt limistéir réamhshainithe shonracha a shonraítear sa Rialachán . Tá sainaithint na gcóras sin bunaithe ar an modheolaíocht chéanna agus na critéir chéanna atá beartaithe freisin maidir le haon leasú a dhéanfar amach anseo ar liosta na gcóras intleachta saorga ardriosca.

(32)

Maidir le córais intleachta saorga neamhspleácha, a chiallaíonn córais intleachta saorga ardriosca seachas iad siúd is comhpháirteanna sábháilteachta táirgí , nó is táirgí iad féin agus a liostaítear i gceann de na réimsí agus cásanna úsáide in Iarscríbhinn III , is iomchuí iad a aicmiú mar chórais ardriosca más rud é, i bhfianaise a gcríche beartaithe, go bhfuil riosca suntasach díobhála ann do shláinte agus do shábháilteacht nó do chearta bunúsacha daoine agus , i gcás go n-úsáidtear an córas intleachta saorga mar chomhpháirt sábháilteachta de bhonneagar criticiúil, don chomhshaol. Ba cheart an riosca suntasach díobhála sin a shainaithint trí mheasúnú a dhéanamh, ar thaobh amháin, ar éifeacht an riosca sin i leith a leibhéal géire, déine, dóchúlacht go dtarlóidh sé agus ré i dteannta a chéile agus ar an taobh eile, an féidir leis an riosca difear a dhéanamh do dhuine aonair, d’iolrachas daoine nó do ghrúpa ar leith daoine . D’fhéadfadh sé a bheith mar thoradh ar an teaglaim sin, mar shampla, ardghéire ach dóchúlacht íseal go ndéanfadh sé difear do dhuine nádúrtha, nó ard-dóchúlacht go ndéanfaí difear do ghrúpa daoine a bhfuil déine íseal acu thar thréimhse fhada, ag brath ar an gcomhthéacs. Tá sainaithint na gcóras sin bunaithe ar an modheolaíocht chéanna agus na critéir chéanna atá beartaithe freisin maidir le haon leasú a dhéanfar amach anseo ar liosta na gcóras intleachta saorga ardriosca.

(32a)

Ba cheart do sholáthraithe a dtagann a gcórais intleachta saorga faoi réim ceann de na réimsí agus cásanna úsáide a liostaítear in Iarscríbhinn III a mheasann nach bhfuil riosca suntasach díobhála don tsláinte, don tsábháilteacht, do chearta bunúsacha ná don chomhshaol ag baint lena gcóras, na húdaráis mhaoirseachta náisiúnta a chur ar an eolas trí fhógra réasúnaithe a chur isteach. D’fhéadfadh sé sin a bheith i bhfoirm achoimre aon leathanaigh ar an bhfaisnéis ábhartha maidir leis an gcóras intleachta saorga atá i gceist, lena n-áirítear a chuspóir beartaithe agus an fáth nach mbeadh riosca suntasach díobhála ann don tsláinte, don tsábháilteacht, do chearta bunúsacha ná don chomhshaol. Ba cheart don Choimisiún critéir a shonrú chun a chur ar chumas cuideachtaí measúnú a dhéanamh an mbeadh na rioscaí sin ag baint lena gcóras, chomh maith le teimpléad atá éasca le húsáid agus caighdeánaithe a fhorbairt don fhógra. Ba cheart do sholáthraithe an fógra a chur isteach a luaithe is féidir agus in aon chás sula gcuirfear an córas intleachta saorga ar an margadh nó i mbun seirbhíse, go hidéalach ag céim na forbartha, agus ba cheart go mbeidís saor chun é a chur ar an margadh tráth ar bith tar éis an fógra a thabhairt. Má mheasann an t-údarás, áfach, go raibh an córas intleachta saorga i gceist mí-aicmithe, ba cheart dó agóid a dhéanamh i gcoinne an fhógra laistigh de thréimhse trí mhí. Ba cheart an agóid a shuíomh agus míniú cuí a thabhairt ar an bhfáth a ndearnadh an córas intleachta saorga a aicmiú go mícheart. Ba cheart don soláthraí an ceart chun achomhairc a choinneáil trí argóintí breise a chur ar fáil. Más rud é, tar éis na dtrí mhí, nach raibh aon agóid i gcoinne an fhógra, d’fhéadfadh na húdaráis mhaoirseachta náisiúnta idirghabháil a dhéanamh fós má tá riosca ag baint leis an gcóras intleachta saorga ar an leibhéal náisiúnta, mar atá i gcás aon chóras intleachta saorga eile atá ar an margadh. Ba cheart do na húdaráis mhaoirseachta náisiúnta tuarascálacha bliantúla a chur faoi bhráid na hOifige intleachta saorga ina sonraítear na fógraí a fhaightear agus na cinntí a dhéantar.

(33)

Maidir le míchruinnis theicniúla i gcórais intleachta saorga atá beartaithe le haghaidh cian-sainaithint bhithmhéadrach daoine nádúrtha, d’fhéadfadh siad a bheith ina gcúis le torthaí claonta agus éifeachtaí idirdhealaithe. Tá sé sin ábhartha go háirithe a mhéid a bhaineann le haois, bunadh eitneach, gnéas nó míchumais. Dá bhrí sin, ba cheart córais cian-sainaitheanta bithmhéadraí ‘fíor-ama’ agus ‘iar-aimseartha’ araon a aicmiú mar chórais ardriosca. I bhfianaise na rioscaí a bhaineann leo, ba cheart an dá chineál chóras cian-sainaitheanta bithmhéadraí a bheith faoi réir ceanglais shonracha maidir le cumais logála agus formhaoirseacht dhaonna.

(33a)

Ós rud é gur catagóir speisialta sonraí pearsanta íogaire iad sonraí bithmhéadracha i gcomhréir le Rialachán 2016/679, is iomchuí roinnt cásanna úsáide criticiúla de chórais bhithmhéadracha agus bhithmhéadrachtbhunaithe a aicmiú mar chásanna úsáide ardriosca. Mar sin, ba cheart córais intleachta saorga atá beartaithe lena n-úsáid chun daoine nádúrtha a shainaithint go bithmhéadrach agus córais intleachta saorga atá beartaithe lena n-úsáid chun tátail a dhéanamh faoi shaintréithe pearsanta daoine nádúrtha ar bhonn sonraí bithmhéadracha nó sonraí bithmhéadrachtbhunaithe, lena n-áirítear córais aitheantais mothúcháin, seachas na cinn sin a thoirmisctear faoin Rialachán seo, a aicmiú mar chórais ardriosca. Níor cheart go n-áireofaí leis sin córais intleachta saorga atá beartaithe a úsáid le haghaidh fíorú bithmhéadrach, lena n-áirítear fíordheimhniú, arb é an t-aon chuspóir atá leis a dheimhniú gur duine nádúrtha ar leith an duine a mhaíonn sé nó sí a bheith ann agus chun céannacht duine nádúrtha a dheimhniú d’aon toisc chun rochtain a fháil ar sheirbhís, ar fheiste nó ar áitreabh (fíorú aon le haon). Maidir le córais bhithmhéadracha agus bhithmhéadrachtbhunaithe dá bhforáiltear faoi dhlí an Aontais chun bearta cibearshlándála agus bearta cosanta sonraí pearsanta a chumasú, níor cheart a mheas go bhfuil riosca suntasach díobhála ag baint leo do shláinte, do shábháilteacht agus do chearta bunúsacha.

(34)

Maidir le bonneagar criticiúil a bhainistiú agus a oibriú, is iomchuí aicme ardriosca a thabhairt ar na córais intleachta saorga atá beartaithe lena n-úsáid mar comhpháirteanna sábháilteachta i mbainistíocht agus oibriú tráchta bóthair agus i soláthar uisce, gáis, téimh agus leictreachais , ós rud é go bhféadfadh a dteip nó a mífheidhmiú beatha agus sláinte daoine a chur i mbaol agus go bhféadfadh cur isteach suntasach a bheith ann i ngnáthchúrsa na ngníomhaíochtaí sóisialta agus eacnamaíocha de bharr na gcóras sin.

(34)

Maidir le bonneagar criticiúil a bhainistiú agus a oibriú, is iomchuí aicme ardriosca a thabhairt ar na córais intleachta saorga atá beartaithe lena n-úsáid mar comhpháirteanna sábháilteachta i mbainistíocht agus oibriú soláthar uisce, gáis, téimh leictreachais agus bonneagar digiteach ríthábhachtach , ós rud é go bhféadfadh a dteip nó a mífheidhmiú slándáil agus sláine an bhonneagair ríthábhachtaigh sin a shárú nó beatha agus sláinte daoine a chur i mbaol agus go bhféadfadh cur isteach suntasach a bheith ann i ngnáthchúrsa na ngníomhaíochtaí sóisialta agus eacnamaíocha de bharr na gcóras sin. Is é atá i gcomhpháirteanna sábháilteachta an bhonneagair chriticiúil, lena n-áirítear bonneagar criticiúil digiteach, córais a úsáidtear chun sláine fhisiceach an bhonneagair chriticiúil nó sláinte agus sábháilteacht daoine agus maoine a chosaint go díreach. D’fhéadfadh rioscaí do shláine fhisiciúil an bhonneagair chriticiúil a bheith mar thoradh ar chliseadh nó mífheidhmiú na gcomhpháirteanna sin agus, dá bhrí sin, do shláinte agus do shábháilteacht daoine agus maoine. Níor cheart comhpháirteanna atá beartaithe lena n-úsáid chun críoch cibearshlándála amháin a cháiliú mar chomhpháirteanna sábháilteachta. D’fhéadfaí a áireamh ar shamplaí de na comhpháirteanna sábháilteachta sin córais chun faireachán a dhéanamh ar bhrú uisce nó ar chórais rialaithe aláraim dóiteáin in ionaid néalríomhaireachta.

(35)

Córais intleachta saorga a úsáidtear san oideachas nó sa ghairmoiliúint, go sonrach na córais maidir le cinntí a dhéanamh faoi rochtain nó daoine a  chur chuig institiúidí oideachais agus gairmoiliúna nó meastóireacht a dhéanamh ar scrúduithe daoine mar chuid de réamhchoinníoll nó mar réamhchoinníoll ar a  n-oideachas , ba cheart iad a  mheas mar chórais ardriosca, ós rud é go bhféadfadh siad cúrsaí oideachais agus treo gairme duine a chinneadh agus dá bhrí sin difear a dhéanamh dá gcumas a slí bheatha a  bhaint amach . Má dheartar nó má úsáidtear iad go míchuí, d’fhéadfadh na córais sin an ceart chun oideachais agus oiliúna chomh maith leis an gceart nach ndéantar idirdhealú ina n-aghaidh a shárú agus d’fhéadfadh siad patrúin idirdhealaitheacha stairiúla a bhuanú.

(35)

Tá sé tábhachtach go ndéanfaí córais intleachta saorga a  imlonnú san oideachas chun cabhrú le nuachóiriú na gcóras oideachais ina n-iomláine, chun caighdeán an oideachais a mhéadú, as líne agus ar líne araon, agus chun dlús a chur leis an oideachas digiteach, rud a fhágfaidh go mbeidh sé ar fáil do phobal níos leithne. Maidir le córais intleachta saorga a úsáidtear san oideachas nó sa ghairmoiliúint, go háirithe chun rochtain a chinneadh nó chun tionchar ábhartha a imirt ar chinntí maidir le ligean isteach nó daoine a  shannadh d’ institiúidí oideachais agus gairmoiliúna nó chun meastóireacht a dhéanamh ar dhaoine ar thástálacha mar chuid dá n-oideachas nó mar réamhchoinníoll lena n-oideachas nó chun measúnú a dhéanamh ar an leibhéal oideachais agus oiliúna do dhuine aonair agus tionchar ábhartha a  imirt ar an leibhéal oideachais agus oiliúna a gheobhaidh daoine aonair nó a bheidh siad ábalta rochtain a fháil ar iompar toirmiscthe mac léinn le linn tástálacha nó faireachán a dhéanamh air agus é a bhrath , ba cheart iad a  aicmiú mar chórais intleachta saorga ardriosca, ós rud é go bhféadfaidh siad cúrsa oideachais agus gairmiúil saoil duine a chinneadh agus, dá bhrí sin, difear a dhéanamh dá gcumas a slí bheatha a  áirithiú . Má dheartar nó má úsáidtear iad go míchuí, is féidir an-chur isteach a bheith i gceist leis na córais sin agus féadfaidh siad an ceart chun oideachais agus oiliúna chomh maith leis an gceart nach ndéanfaí idirdhealú ina n-aghaidh a shárú agus patrúin idirdhealaitheacha stairiúla a bhuanú , mar shampla, in aghaidh na mban, aoisghrúpaí áirithe, daoine faoi mhíchumas nó daoine de bhunadh ciníoch nó eitneach áirithe nó gnéaschlaonta áirithe .

(36)

Córais intleachta saorga a úsáidtear i bhfostaíocht, bainistíocht fostaithe agus rochtain ar an bhféinfhostaíocht, go sonrach maidir le daoine a earcú agus a roghnú, maidir le cinntí a dhéanamh i dtaca le hardú céime agus foirceannadh agus maidir le sannadh cúraimí, monatóireacht agus meastóireacht a dhéanamh ar dhaoine i gcaidrimh chonarthacha a bhaineann leis an obair, ba cheart iad a aicmiú mar chórais ardriosca, ós rud é go bhféadfadh siad mórthionchar a  bheith acu ar ghairmréime agus slite beatha na ndaoine sin amach anseo. Maidir le caidrimh chonarthacha a bhaineann leis an obair, ba cheart fostaithe agus daoine a sholáthraíonn seirbhísí trí ardáin dá dtagraítear i gClár Oibre an Choimisiúin le haghaidh 2021 a bheith rannpháirteach iontu. Níor cheart na daoine sin a mheas, i bprionsabal, mar úsáideoirí de réir bhrí an Rialacháin seo. Le linn an phróisis earcaíochta agus i dtaca le meastóireacht a dhéanamh ar dhaoine i gcaidrimh chonarthacha a bhaineann leis an obair, nó ardú céime a thabhairt dóibh nó iad a choinneáil, d’fhéadfadh na córais sin patrúin idirdhealaitheacha stairiúla a bhuanú, mar shampla, in aghaidh na mban, aoisghrúpaí áirithe, daoine faoi mhíchumas nó daoine de bhunadh ciníoch nó eitneach áirithe nó gnéaschlaonta áirithe. Córais intleachta saorga a úsáidtear chun monatóireacht a dhéanamh ar fheidhmíocht agus iompraíocht na ndaoine sin, d’fhéadfadh siad tionchar a  bheith acu ar a gcearta chun cosaint sonraí agus príobháideachais.

(36)

Ba cheart córais intleachta saorga a úsáidtear i bhfostaíocht, bainistíocht fostaithe agus rochtain ar an bhféinfhostaíocht, go sonrach chun daoine a earcú agus a roghnú, chun cinntí a dhéanamh nó tionchar ábhartha a imirt ar chinntí maidir le tionscnamh, ardú céime agus foirceannadh agus chun cúraimí a shannadh go pearsanta bunaithe ar iompar aonair , saintréithe pearsanta nó sonraí bithmhéadracha, faireachán agus meastóireacht a dhéanamh ar dhaoine i gcaidrimh chonarthacha a bhaineann leis an obair, iad a aicmiú mar chórais ardriosca, ós rud é go bhféadfaidís mórthionchar a  imirt ar ionchais ghairme, ar shlite beatha na ndaoine sin agus ar chearta na n-oibrithe amach anseo. Maidir le caidrimh chonarthacha a bhaineann leis an obair, ba cheart fostaithe agus daoine a sholáthraíonn seirbhísí trí ardáin dá dtagraítear i gClár Oibre an Choimisiúin le haghaidh 2021 a bheith rannpháirteach iontu ar shlí dháiríre . Le linn an phróisis earcaíochta agus le linn meastóireacht a dhéanamh ar dhaoine i gcaidrimh chonarthacha a bhaineann leis an obair, nó ardú céime a thabhairt dóibh nó iad a choinneáil, féadfaidh na córais sin patrúin idirdhealaitheacha stairiúla a bhuanú, mar shampla, in aghaidh na mban, aoisghrúpaí áirithe, daoine faoi mhíchumas nó daoine de bhunadh ciníoch nó eitneach áirithe nó gnéaschlaonadh áirithe. Féadfaidh córais intleachta saorga a úsáidtear chun faireachán a dhéanamh ar fheidhmíocht agus ar iompraíocht na ndaoine sin, dochar a  dhéanamh do bhunbhrí a gcearta bunúsacha chun cosaint sonraí agus príobháideachais ina theannta sin . Tá feidhm ag an Rialachán seo gan dochar d’inniúlachtaí an Aontais agus na mBallstát chun foráil a dhéanamh maidir le rialacha níos sainiúla chun córais intleachta saorga a úsáid i gcomhthéacs na fostaíochta.

(37)

Réimse eile ar cheart aird ar leith a thabhairt air is ea rochtain ar sheirbhísí agus sochair áirithe fíor-riachtanacha príobháideacha agus poiblí agus tairbhiú díobh chun go mbeidh daoine in ann a bheith rannpháirteach go hiomlán sa tsochaí nó feabhas a chur ar a gcaighdeán maireachtála. Go sonrach, córais intleachta saorga a úsáidtear chun meastóireacht a dhéanamh ar scór creidmheasa nó acmhainneacht chreidmheasa daoine nádúrtha, ba cheart iad a aicmiú mar chórais intleachta saorga ardriosca, ós rud é go gcinneann siad rochtain na ndaoine sin ar acmhainní airgeadais nó seirbhísí bunriachtanacha ar nós tithíochta, leictreachais agus seirbhísí teileachumarsáide. De thoradh na gcóras intleachta saorga a úsáidtear chun na críche sin, d’fhéadfadh sé go mbeadh idirdhealú in aghaidh daoine nó grúpaí, agus go mbuanófar patrúin idirdhealaitheacha stairiúla, mar shampla, bunaithe ar bhunadh ciníoch nó eitneach, míchumais, aois, gnéaschlaonadh nó go gcothófar cineálacha nua tionchar idirdhealaithe. Mar gheall ar scála teoranta an tionchair agus na roghanna eile atá ar an margadh, is iomchuí córais intleachta saorga a  dhíolmhú chun críche measúnaithe acmhainneachta creidmheasa agus scórála creidmheasa nuair a chuireann soláthraithe ar mhionscála i mbun seirbhíse iad le haghaidh a n-úsáide féin. Daoine nádúrtha a  bhfuil iarratas á dhéanamh acu ar shochair chúnaimh phoiblí nó ar sheirbhísí cúnaimh poiblí nó a fhaigheann na sochair nó na seirbhísí sin ó údaráis phoiblí, is iondúil a bhíonn siad ag brath ar na sochair agus seirbhísí sin agus is iondúil a bhíonn siad i  riocht soghonta i ndáil leis na húdaráis fhreagracha. Má úsáidtear córais intleachta saorga chun a chinneadh cé acu a dhéanfaidh na húdaráis na tairbhí agus seirbhísí sin a dhiúltú, a laghdú, a chúlghairm nó a aiséileamh, d’fhéadfadh sé go mbeadh tionchar suntasach acu ar shlí bheatha na ndaoine agus go ndéanfaí a gcearta bunúsacha a shárú, amhail an ceart chun cosanta sóisialta, an ceart chun neamh-idirdhealú, an ceart chun dínite daonna nó an ceart chun leighis éifeachtaigh. Ba cheart, dá bhrí sin, na córais sin a aicmiú mar chórais ardriosca. Mar sin féin, níor cheart don Rialachán seo bac a chur ar fhorbairt ná úsáid cur chuige nuálacha sa riarachán poiblí, ar riarachán é a bhainfeadh leas as úsáid níos forleithne a bhaint as córais intleachta saorga chomhlíontacha shábháilte, ar choinníoll nach mbeadh ardriosca ag baint leo do dhaoine dlítheanacha agus nádúrtha. Ar deireadh, córais intleachta saorga a úsáidtear chun seirbhísí céad fhreagartha éigeandála a sheoladh nó tosaíocht a thabhairt maidir le seoladh na seirbhísí sin, ba cheart iad a aicmiú freisin mar chórais ardriosca, ós rud é go ndéanann siad cinntí i gcásanna criticiúla maidir le beatha agus sláinte daoine agus a maoin.

(37)

Réimse eile ar cheart aird ar leith a thabhairt air is ea rochtain ar sheirbhísí agus sochair áirithe fíor-riachtanacha príobháideacha agus poiblí , lena n-áirítear seirbhísí cúram sláinte, agus seirbhísí riachtanacha, lena n-áirítear thithíocht, leictreachas, téamh/fuarú agus idirlíon ach gan a bheith teoranta dóibh, chun go mbeidh daoine ábalta a bheith rannpháirteach go hiomlán sa tsochaí nó feabhas a chur ar a gcaighdeán maireachtála. Go sonrach, ba cheart córais intleachta saorga a úsáidtear chun meastóireacht a dhéanamh ar scór creidmheasa nó acmhainneacht chreidmheasa daoine nádúrtha, a aicmiú mar chórais intleachta saorga ardriosca, ós rud é go gcinneann siad rochtain na ndaoine sin ar acmhainní airgeadais nó seirbhísí bunriachtanacha ar nós tithíochta, leictreachais agus seirbhísí teileachumarsáide. De thoradh na gcóras intleachta saorga a úsáidtear chun na críche sin, d’fhéadfadh sé go mbeadh idirdhealú in aghaidh daoine nó grúpaí, agus go mbuanófar patrúin idirdhealaitheacha stairiúla, mar shampla, bunaithe ar bhunadh ciníoch nó eitneach, míchumais, aois, gnéaschlaonadh nó go gcothófar cineálacha nua tionchar idirdhealaithe. Mar sin féin, níor cheart go measfaí córais intleachta saorga dá bhforáiltear le dlí an Aontais chun calaois a  bhrath le linn seirbhísí airgeadais a thairiscint mar chórais ardriosca faoin Rialachán seo. Maidir le daoine nádúrtha a  chuireann isteach ar shochair chúnaimh agus seirbhísí cúnaimh phoiblí ó údaráis phoiblí nó a fhaigheann iad, lena n-áirítear seirbhísí cúraim sláinte agus seirbhísí riachtanacha, lena n-áirítear tithíocht, leictreachas, téamh/fuarú agus an t-idirlíon, ach gan a bheith teoranta dóibh, bíonn siad ag brath go hiondúil ar na sochair agus ar na seirbhísí sin agus i  staid leochaileach i ndáil leis na húdaráis fhreagracha. Má úsáidtear córais intleachta saorga chun a chinneadh cibé acu ba cheart do na húdaráis na tairbhí agus seirbhísí sin a dhiúltú, a laghdú, a chúlghairm nó a aiséileamh, féadfaidh tionchar suntasach a bheith acu acu ar shlí bheatha na ndaoine agus féadfaidh siad a gcearta bunúsacha a shárú, amhail an ceart chun cosanta sóisialta, chun neamh-idirdhealú, chun dínit an duine nó chun leighis éifeachtaigh. Ar an gcuma chéanna, féadfaidh tionchar suntasach a bheith ag córais intleachta saorga atá beartaithe a úsáid chun cinntí a dhéanamh nó tionchar ábhartha a imirt ar chinntí maidir le hincháilitheacht daoine nádúrtha d’árachas sláinte agus saoil ar shlí bheatha daoine ina theannta sin agus féadfaidh siad a gcearta bunúsacha a shárú amhail trí rochtain ar chúram sláinte a theorannú nó trí idirdhealú bunaithe ar shaintréithe pearsanta a bhuanú. Ba cheart, dá bhrí sin, na córais sin a aicmiú mar chórais ardriosca. Mar sin féin, níor cheart don Rialachán seo bac a chur ar fhorbairt ná úsáid cur chuige nuálacha sa riarachán poiblí, ar riarachán é a bhainfeadh leas as úsáid níos leithne as córais intleachta saorga chomhlíontacha shábháilte, ar choinníoll nach mbeadh ardriosca ag baint leo do dhaoine dlítheanacha agus nádúrtha. Ar deireadh, ba cheart córais intleachta saorga a úsáidtear chun glaonna éigeandála ó dhaoine nádúrtha a mheas agus a aicmiú nó chun seirbhísí céadfhreagartha éigeandála a sheoladh nó tosaíocht a thabhairt do sheoladh na seirbhísí sin, a aicmiú freisin mar chórais ardriosca, ós rud é go ndéanann siad cinntí i gcásanna criticiúla maidir le beatha agus sláinte daoine agus a maoin.

(37a)

I bhfianaise ról agus fhreagracht na bpóilíní agus na n-údarás breithiúnach, agus thionchar na gcinntí a dhéanann siad chun cionta coiriúla a chosc, a imscrúdú, a bhrath nó a ionchúiseamh nó ar mhaithe le pionóis choiriúla a fhorghníomhú, nach mór roinnt cásanna úsáide áirithe d’fheidhmchláir intleachta saorga i bhforfheidhmiú an dlí a aicmiú mar úsáid ardriosca i gcásanna ina bhféadfaí tionchar suntasach a imirt ar shaol nó ar chearta bunúsacha daoine aonair.

(38)

Gníomhaíochtaí a dhéanann údaráis forfheidhmithe dlí a bhaineann le húsáidí áirithe córas intleachta saorga , is iad saintréithe na ngníomhaíochtaí sin éagothroime cumhachta suntasach agus dá thoradh sin d’fhéadfadh sé go ndéanfaí faireachas ar dhuine nádúrtha, nó é a ghabháil nó saoirse a bhaint dó chomh maith le tionchair dhíobhálacha eile maidir leis na cearta bunúsacha a ráthaítear sa Chairt. Go sonrach, mura gcuirtear oiliúint ar an gcóras intleachta saorga le sonraí ardcháilíochta, mura gcomhlíonann an córas ceanglais leormhaithe i dtéarmaí cruinnis nó stóinseachta, nó mura ndéantar é a dhearadh agus a thástáil go hiomchuí sula gcuirfear é ar an margadh nó i mbun seirbhíse ar shlí eile, d’fhéadfadh sé go ndíreofaí ar dhaoine i mbealach idirdhealaithe nó ar shlí eile atá mícheart nó éagórach. Thairis sin, d’ fhéadfadh sé go gcuirfí isteach ar fheidhmiú cearta nós imeachta bunúsacha , amhail an ceart chun leighis éifeachtaigh agus chun trialach córa chomh maith le cearta na cosanta agus an ceart chun toimhde na neamhchiontachta, i gcás nach bhfuil na córais intleachta saorga sin trédhearcach, inmhínithe agus doiciméadaithe go leor. Dá bhrí sin, is iomchuí aicme ardriosca a thabhairt ar roinnt córais intleachta saorga atá beartaithe lena n-úsáid i gcomhthéacs forfheidhmithe an dlí, comhthéacs ina bhfuil tábhacht ar leith ag baint le cruinneas, iontaofacht agus trédhearcacht chun tionchair dhíobhálacha a sheachaint, muinín an phobail a chaomhnú agus cuntasacht agus cúiteamh éifeachtach a áirithiú. I bhfianaise chineál na ngníomhaíochtaí i gceist agus na rioscaí a bhaineann leo, leis na córais intleachta saorga ardriosca sin, ba cheart, go háirithe, córais intleachta saorga a chumhdach atá beartaithe lena n-úsáid ag údaráis forfheidhmithe dlí le haghaidh measúnuithe riosca aonair, brathadóirí éithigh agus uirlisí comhchosúla nó chun staid mhothúchánach duine nádúrtha a bhrath , chun ‘domhainbhrionnuithe’ a bhrath, chun meastóireacht a dhéanamh ar iontaofacht fianaise in imeachtaí coiriúla, chun tarlú nó atarlú cionta cóiriúla iarbhír nó féideartha a thuar bunaithe ar phróifíliú daoine nádúrtha, nó measúnú a dhéanamh ar thréithe agus saintréithe pearsantachta nó iompraíocht choiriúil daoine nádúrtha nó grúpaí roimhe seo, le haghaidh próifíliú a dhéantar le linn na gcionta coiriúla a bhrath, a imscrúdú nó a ionchúiseamh, chomh maith le hanailísíocht choireachta maidir le daoine nádúrtha. Córais intleachta saorga atá beartaithe go sonrach lena n-úsáid le haghaidh imeachtaí riaracháin ag na húdaráis chánach nó na húdaráis chustaim , níor cheart iad a mheas mar chórais intleachta saorga ardriosca a úsáideann údaráis forfheidhmithe dlí chun cionta coiriúla a chosc, a bhrath, a imscrúdú nó a ionchúiseamh.

(38)

Tá gníomhaíochtaí ag údaráis forfheidhmithe dlí a bhaineann le húsáidí áirithe córas intleachta saorga mar chomhartha sóirt ag éagothroime shuntasach cumhachta agus féadfaidh go leanfadh sé as go ndéanfaí faireachas ar dhuine nádúrtha, nó é a ghabháil nó saoirse a bhaint dó chomh maith le tionchair dhíobhálacha eile maidir leis na cearta bunúsacha a ráthaítear sa Chairt. Go sonrach, mura gcuirtear oiliúint ar an gcóras intleachta saorga le sonraí ardcháilíochta, mura gcomhlíonann sé ceanglais leormhaithe i dtéarmaí a fheidhmíochta, a chruinnis nó a stóinseachta, nó mura ndéantar é a dhearadh agus a thástáil go hiomchuí sula gcuirfear é ar an margadh nó i mbun seirbhíse ar shlí eile, féadfaidh sé díriú ar dhaoine ar shlí idirdhealaithe nó ar shlí eile atá mícheart nó éagórach. Thairis sin, d’ fhéadfaí go gcuirfí bac ar chearta bunúsacha nós imeachta tábhachtacha a fheidhmiú , amhail an ceart chun leighis éifeachtaigh agus chun trialach córa chomh maith le ceart na cosanta agus chun toimhde na neamhchiontachta, i gcás nach bhfuil na córais intleachta saorga sin trédhearcach, inmhínithe agus doiciméadaithe go leor. Dá bhrí sin, is iomchuí aicme ardriosca a thabhairt ar roinnt córas intleachta saorga atá beartaithe a úsáid i gcomhthéacs forfheidhmithe an dlí, ina bhfuil tábhacht ar leith ag baint le cruinneas, iontaofacht agus trédhearcacht chun tionchair dhíobhálacha a sheachaint, muinín an phobail a chaomhnú agus cuntasacht agus sásamh éifeachtach a áirithiú. I bhfianaise chineál na ngníomhaíochtaí i gceist agus na rioscaí a bhaineann leo, ba cheart a bheith ar áireamh sna córais intleachta saorga ardriosca sin, go háirithe, córais intleachta saorga atá beartaithe ag údaráis forfheidhmithe dlí , nó gníomhaireachtaí, oifigí nó comhlachtaí de chuid an Aontais a thacaíonn le húdaráis forghníomhaithe an dlí nó thar a gceann, a úsáid mar bhrathadóirí éithigh agus uirlisí comhchosúla nó, a mhéid a cheadaítear a n-úsáid faoi dhlí ábhartha an Aontais agus faoin dlí náisiúnta, chun meastóireacht a dhéanamh ar iontaofacht fianaise in imeachtaí coiriúla, chun próifíliú a dhéantar le linn cionta coiriúla a bhrath, a imscrúdú nó a ionchúiseamh, chomh maith le hanailísíocht choireachta maidir le daoine nádúrtha. Níor cheart córais intleachta saorga atá beartaithe go sonrach lena n-úsáid le haghaidh imeachtaí riaracháin ag údaráis chánach nó chustaim a aicmiú mar chórais intleachta saorga ardriosca a úsáideann údaráis fhorfheidhmithe an dlí chun cionta coiriúla a chosc, a bhrath, a imscrúdú nó a ionchúiseamh. Níor cheart go mbeadh úsáid uirlisí intleachta saorga ag údaráis fhorfheidhmithe an dlí ná ag údaráis bhreithiúnacha ina gné den neamhionannas, den bhriseadh sóisialta ná den eisiamh. Níor cheart neamhaird a dhéanamh den tionchar atá ag úsáid uirlisí intleachta saorga ar chearta cosanta daoine atá faoi dhrochamhras, go háirithe an deacracht le faisnéis fhiúntach a fháil maidir lena bhfeidhmiú agus an deacracht, dá bharr sin, le torthaí na n-uirlisí a cheistiú sa chúirt, go háirithe ag daoine aonair atá faoi imscrúdú;

(39)

Le córais intleachta saorga a úsáidtear i mbainistíocht imirce, bainistíocht tearmainn agus bainistíocht rialaithe teorann, d’fhéadfadh sé go ndéanfaí difear do dhaoine a bhíonn i riocht soghonta go minic agus a bhíonn ag brath ar thorthaí ghníomhaíochtaí na n-údarás poiblí inniúil. Dá bhrí sin, tá tábhacht ar leith ag baint le cruinneas, neamh-idirdhealaitheacht agus trédhearcacht na gcóras intleachta saorga a úsáidtear sna comhthéacsanna sin chun urramú chearta bunúsacha an duine a ndearnadh difear dóibh a ráthú, go háirithe maidir lena gcearta chun saorghluaiseachta, chun neamh-idirdhealú, chun an saol príobháideach agus sonraí pearsanta a chosaint, chun cosaint idirnáisiúnta a fháil agus chun dea-riaracháin. Is iomchuí, dá bhrí sin, aicme ardriosca a thabhairt ar chórais intleachta saorga atá beartaithe lena n-úsáid ag na húdaráis phoiblí inniúla a bhfuil cúraimí orthu i réimse na bainistíochta imirce, tearmainn agus rialaithe teorann mar bhrathadóirí éithigh agus uirlisí comhchosúla nó chun staid mhothúchánach duine nádúrtha a bhrath; chun rioscaí áirithe a  mheasúnú a bhaineann le daoine nádúrtha ag teacht isteach i gcríoch Bhallstáit nó ag déanamh iarratas ar víosa nó ar thearmann; chun fírinneacht dhoiciméad ábhartha na ndaoine nádúrtha a dheimhniú; chun cúnamh a thabhairt d’údaráis phoiblí inniúla i dtaca le scrúdú a dhéanamh ar iarratais ar thearmann, ar víosa nó ar cheadanna cónaithe agus na gearáin lena mbaineann maidir leis an gcuspóir incháilitheacht na ndaoine nádúrtha a bhfuil iarratas ar stádas á dhéanamh acu a dheimhniú. Maidir le córais intleachta saorga i réimse na bainistíochta imirce, tearmainn agus rialaithe teorann a chumhdaítear leis an Rialachán seo , ba cheart dóibh na ceanglais nós imeachta ábhartha a chomhlíonadh a leagtar síos le Treoir 2013/32/AE ó Pharlaimint na hEorpa agus ón gComhairle  (49), le Rialachán (CE) Uimh. 810/2009 ó Pharlaimint na hEorpa agus ón gComhairle  (50) agus le haon reachtaíocht ábhartha eile.

(39)

Déanfar difear le córais intleachta saorga a úsáidtear i mbainistíocht imirce, tearmainn agus rialaithe teorann, do dhaoine a bhíonn i riocht soghonta go minic agus a bhíonn ag brath ar thorthaí ghníomhaíochtaí na n-údarás poiblí inniúil. Dá bhrí sin, tá tábhacht ar leith ag baint le cruinneas, neamh-idirdhealaitheacht agus trédhearcacht na gcóras intleachta saorga a úsáidtear sna comhthéacsanna sin chun urramú chearta bunúsacha an duine a ndearnadh difear dóibh a ráthú, go háirithe a gcearta chun saorghluaiseachta, chun neamh-idirdhealú, chun an saol príobháideach agus sonraí pearsanta a chosaint, chun cosaint idirnáisiúnta agus chun dea-riaracháin. Is iomchuí, dá bhrí sin, aicmiú mar chórais intleachta saorga ardriosca atá beartaithe lena n-úsáid ag údaráis phoiblí inniúla nó thar a  gceann nó ag gníomhaireachtaí, oifigí nó comhlachtaí an Aontais a bhfuil sé de chúram orthu cúraimí i réimsí an bhainistithe imirce, tearmainn agus rialaithe teorann a úsáid mar brathadóirí éithigh agus uirlisí comhchosúla a mhéid a cheadaítear a n-úsáid faoi dhlí ábhartha an Aontais agus faoin dlí náisiúnta ábhartha, chun measúnú a dhéanamh ar rioscaí áirithe a bhaineann le daoine nádúrtha a thagann isteach i gcríoch Ballstáit nó a dhéanann iarratas ar víosa nó ar thearmann; chun fírinneacht dhoiciméad ábhartha daoine nádúrtha a dheimhniú; chun cúnamh a thabhairt d’údaráis phoiblí inniúla chun scrúdú agus measúnú a dhéanamh ar fhírinneacht na fianaise i ndáil le hiarratais ar thearmann, ar víosa nó ar cheadanna cónaithe agus na gearáin ghaolmhara maidir leis an gcuspóir incháilitheacht daoine nádúrtha a bhfuil iarratas ar stádas á dhéanamh acu a dheimhniú ; chun faireachán nó faireachas a dhéanamh ar shonraí pearsanta, nó iad a phróiseáil i gcomhthéacs gníomhaíochtaí bainistithe teorann, chun daoine nádúrtha a bhrath, a aithint nó a shainaithint; chun treochtaí a bhaineann le gluaiseachtaí imirce agus trasnuithe teorann a thuar . Ba cheart do chórais intleachta saorga i réimse na bainistíochta imirce, tearmainn agus rialaithe teorann a chumhdaítear leis an Rialachán seo na ceanglais nós imeachta ábhartha a chomhlíonadh a leagtar síos le Treoir 2013/32/AE ó Pharlaimint na hEorpa agus ón gComhairle  (49), le Rialachán (CE) Uimh. 810/2009 ó Pharlaimint na hEorpa agus ón (50) agus le haon reachtaíocht ábhartha eile. Níor cheart do na Ballstáit ná d’institiúidí, gníomhaireachtaí ná comhlachtaí an Aontais úsáid a bhaint, in imthosca ar bith, as córais intleachta saorga i mbainistiú imirce, tearmainn agus rialaithe teorann chun dul timpeall ar a n-oibleagáidí idirnáisiúnta faoi Choinbhinsiún an 28 Iúil 1951 a bhaineann le Stádas Dídeanaithe arna leasú le Prótacal an 31 Eanáir 1967, ná níor cheart iad a úsáid chun prionsabal an neamh-refoulement a shárú ar shlí ar bith, nó bealaí dleathacha sábháilte éifeachtacha isteach i gcríoch an Aontais a dhiúltú, lena n-áirítear an ceart chun cosanta idirnáisiúnta.

(40)

Maidir le córais intleachta saorga áirithe atá beartaithe lena n-úsáid chun próisis ceartais agus dhaonlathacha a riar, ba cheart iad a aicmiú mar chórais ardriosca, mar gheall ar an tionchar suntasach a d’fhéadfaí a bheith acu ar an daonlathas, ar an smacht reachta, ar shaoirsí aonair agus ar an gceart chun leighis éifeachtaigh agus chun trialach córa. Go sonrach , chun aghaidh a thabhairt ar rioscaí claonta , earráidí agus doiléireachta a d’fhéadfadh a bheith ann , is iomchuí aicme ardriosca a thabhairt ar chórais intleachta saorga atá beartaithe lena n-úsáid chun cúnamh a thabhairt d’údaráis bhreithiúnachta maidir le taighde agus léirmhíniú fíoras agus an dlí agus maidir leis an dlí a chur i bhfeidhm ar thacar coincréiteach fíoras . Níor cheart an cháilíocht sin a leathnú, áfach, chun córais intleachta saorga a chumhdach atá beartaithe lena n-úsáid le haghaidh gníomhaíochtaí riaracháin atá coimhdeach amháin agus nach ndéanann difear do riaradh iarbhír an cheartais i gcásanna aonair, amhail anaithnidiú nó bréagainmniú cinntí breithiúnacha, doiciméad nó sonraí, cumarsáid idir pearsanra, cúraimí riaracháin nó leithdháileadh acmhainní.

(40)

Maidir le córais intleachta saorga áirithe atá beartaithe lena n-úsáid chun próisis ceartais agus dhaonlathacha a riar, ba cheart iad a aicmiú mar chórais ardriosca, mar gheall ar an tionchar suntasach a d’fhéadfaí a bheith acu ar an daonlathas, ar an smacht reachta, ar shaoirsí aonair agus ar an gceart chun leighis éifeachtaigh agus chun trialach córa. Go háirithe , chun aghaidh a thabhairt ar na rioscaí a bhaineann le claontacht , earráidí agus teimhneacht ionchasacha , is iomchuí cáiliú mar chórais intleachta saorga ardriosca atá beartaithe lena n-úsáid ag údarás breithiúnach nó comhlacht riaracháin nó thar a gceann chun cúnamh a thabhairt d’údaráis bhreithiúnacha nó do chomhlachtaí riaracháin le linn taighde agus léirmhíniú a dhéanamh ar fhíorais agus ar an dlí agus le linn an dlí a chur i bhfeidhm maidir le tacar nithiúil fíoras nó a úsáidtear ar bhealach comhchosúil i réiteach malartach díospóide . Is féidir le húsáid uirlisí na hintleachta saorga tacú le cumhacht cinnteoireachta na mbreithiúna nó le neamhspleáchas na mbreithiúna, ach níor cheart an úsáid sin a chur in ionad na cumhachta sin, ós rud é nach mór don chinnteoireacht deiridh leanúint de bheith ina gníomhaíocht agus ina cinneadh atá dírithe ar an duine. Níor cheart an cháilíocht sin a leathnú, áfach, chun córais intleachta saorga a chumhdach atá beartaithe lena n-úsáid le haghaidh gníomhaíochtaí riaracháin atá coimhdeach amháin agus nach ndéanann difear do riaradh iarbhír an cheartais i gcásanna aonair, amhail anaithnidiú nó bréagainmniú cinntí breithiúnacha, doiciméad nó sonraí, cumarsáid idir pearsanra, cúraimí riaracháin nó leithdháileadh acmhainní.

(40a)

Chun aghaidh a thabhairt ar na rioscaí a bhaineann le cur isteach seachtrach míchuí ar an gceart vótála a chumhdaítear in Airteagal 39 den Chairt, agus le héifeachtaí díréireacha ar phróisis dhaonlathacha, ar an daonlathas, agus ar an smacht reachta, ba cheart córais intleachta saorga atá beartaithe lena n-úsáid chun tionchar a imirt ar thoradh toghcháin nó reifrinn nó ar iompraíocht vótála daoine nádúrtha i bhfeidhmiú vóta a chaitheamh i dtoghcháin nó reifrinn a aicmiú mar chórais intleachta saorga ardriosca, cé is moite de chórais intleachta saorga nach bhfuil daoine nádúrtha neamhchosanta go díreach ar a n-aschur, amhail uirlisí a úsáidtear chun feachtais pholaitiúla a eagrú, a bharrfheabhsú agus a struchtúrú ó thaobh riaracháin agus lóistíochta de.

(40b)

I bhfianaise mhéid na ndaoine nádúrtha a úsáideann na seirbhísí arna soláthar ag ardáin meán sóisialta atá ainmnithe mar ardáin an-mhór ar líne, is féidir ardáin ar líne den sórt sin a úsáid ar bhealach a imríonn tionchar mór ar shábháilteacht ar líne, ar thuairim agus dioscúrsa an phobail a mhúnlú, ar phróisis toghcháin agus dhaonlathacha agus ar ábhair imní shochaíocha. Is iomchuí, dá bhrí sin, go mbeidh córais intleachta saorga a úsáideann na hardáin ar líne sin ina gcórais mholtaí faoi réir an Rialacháin seo chun a áirithiú go gcomhlíonann na córais intleachta saorga na ceanglais a leagtar síos faoin Rialachán seo, lena n-áirítear na ceanglais theicniúla maidir le rialachas sonraí, doiciméadacht theicniúil agus inrianaitheacht, trédhearcacht, formhaoirseacht dhaonna, cruinneas agus stóinseacht. Ba cheart go gcuirfeadh comhlíonadh an Rialacháin seo ar chumas na n-ardán an-mhór ar líne sin a n-oibleagáidí níos leithne maidir le measúnú riosca agus maolú riosca in Airteagail 34 agus 35 de Rialachán AE 2022/2065 a chomhlíonadh. Tá na hoibleagáidí sa Rialachán seo gan dochar do Rialachán (AE) 2022/2065 agus ba cheart na hoibleagáidí a cheanglaítear faoi Rialachán (AE) 2022/2065 a chomhlánú leo nuair a bheidh an t-ardán meán sóisialta ainmnithe mar ardán an-mhór ar líne. I bhfianaise thionchar uile-Eorpach na n-ardán meán sóisialta atá ainmnithe mar ardáin an-mhór ar líne, ba cheart do na húdaráis arna n-ainmniú faoi Rialachán (AE) 2022/2065 gníomhú mar údaráis forfheidhmithe chun an fhoráil seo a fhorfheidhmiú.

(41)

Ós rud é go dtugtar aicme ardriosca ar chóras intleachta saorga faoin Rialachán seo, níor cheart a léirmhíniú leis sin go léirítear gur gá úsáid an chórais a bheith dleathach faoi ghníomhartha eile de dhlí an Aontais nó faoi dhlí náisiúnta atá comhoiriúnach le dlí an Aontais, amhail cosaint sonraí pearsanta , úsáid brathadóirí éithigh agus uirlisí comhchosúla nó córais eile chun staid mhothúchánach duine nádúrtha a bhrath . Ba cheart leanúint den úsáid sin i gcomhréir leis na ceanglais is infheidhme atá mar thoradh ar an gCairt agus ar na gníomhartha is infheidhme de dhlí tánaisteach an Aontais agus den dlí náisiúnta agus i gcomhréir leis na ceanglais sin amháin. Níor cheart a thuiscint leis an Rialachán seo go bhforáiltear maidir leis an bhforas dlíthiúil le sonraí pearsanta a phróiseáil, lena n-áirítear catagóirí speisialta sonraí pearsanta, i gcás inarb ábhartha.

(41)

Ós rud é go n-aicmítear córas intleachta saorga mar chóras ardriosca intleachta saorga faoin Rialachán seo, níor cheart a léirmhíniú leis sin go léirítear gur gá úsáid an chórais a bheith dleathach nó neamhdhleathach faoi ghníomhartha eile de dhlí an Aontais nó faoi dhlí náisiúnta atá comhoiriúnach le dlí an Aontais, amhail cosaint sonraí pearsanta. Ba cheart leanúint den úsáid sin i gcomhréir leis na ceanglais is infheidhme atá mar thoradh ar an gCairt agus ar na gníomhartha is infheidhme de dhlí tánaisteach an Aontais agus den dlí náisiúnta agus i gcomhréir leis na ceanglais sin amháin.

(41a)

Tá feidhm cheana féin ag roinnt rialacha atá ceangailteach ó thaobh dlí de ar an leibhéal Eorpach, náisiúnta agus idirnáisiúnta nó tá siad ábhartha maidir le córais intleachta saorga sa lá atá inniu ann, lena n-áirítear dlí príomha an Aontais (Conarthaí an Aontais Eorpaigh agus a Chairt um Chearta Bunúsacha), dlí tánaisteach an Aontais (amhail an Rialachán Ginearálta maidir le Cosaint Sonraí, an Treoir maidir le Dliteanas i leith Táirgí, an Rialachán maidir le Saorshreabhadh Sonraí Neamhphearsanta, Treoracha frith-idirdhealaithe, dlí tomhaltóirí agus Treoracha maidir le Sábháilteacht agus Sláinte ag an Obair), conarthaí na Náisiún Aontaithe maidir le Cearta an Duine agus coinbhinsiúin Chomhairle na hEorpa (amhail an Coinbhinsiún Eorpach um Chearta an Duine), agus an dlí náisiúnta, ach gan a bheith teoranta dóibh. Chomh maith le rialacha is infheidhme go cothrománach, is ann do rialacha éagsúla atá sonrach don réimse a bhfuil feidhm acu maidir le feidhmchláir áirithe intleachta saorga (amhail, mar shampla, an Rialachán maidir le Feistí Leighis in earnáil an chúraim sláinte).

(42)

Na rioscaí a bhaineann le córais ardriosca intleachta saorga a chuirtear ar mhargadh an Aontais nó a chuirtear i mbun seirbhíse ar shlí eile, chun na rioscaí sin a mhaolú le haghaidh úsáideoirí agus daoine a ndéanfar difear dóibh, ba cheart feidhm a bheith ag roinnt ceanglais shainordaitheacha, agus an chríoch atá beartaithe d’úsáid an chórais á cur san áireamh agus de réir an chórais bainistíochta riosca atá le bunú ag an soláthraí.

(42)

Na rioscaí a bhaineann le córais ardriosca intleachta saorga a chuirtear ar mhargadh an Aontais nó a chuirtear i mbun seirbhíse ar shlí eile, chun na rioscaí sin a mhaolú le haghaidh imscarthóirí agus daoine a ndéanfar difear dóibh, ba cheart feidhm a bheith ag roinnt ceanglais shainordaitheacha, agus an chríoch atá beartaithe d’úsáid an chórais agus mí-úsáid an chórais, ar mí-úsáid í atá intuartha le reásún, á gcur san áireamh agus de réir an chórais bainistíochta riosca atá le bunú ag an soláthraí. Ba cheart na ceanglais sin a bheith dírithe ar chuspóirí, oiriúnach don fheidhm, réasúnta agus éifeachtach, gan ualaí rialála míchuí ná costais rialála míchuí a chur ar oibreoirí.

(43)

Ba cheart feidhm a bheith ag na ceanglais ar chórais intleachta saorga ardriosca maidir le cáilíocht na dtacar sonraí a úsáidtear, doiciméadacht theicniúil agus coimeád taifead, trédhearcacht agus soláthar faisnéise d’ úsáideoirí , formhaoirseacht dhaonna agus stóinseacht, cruinneas agus cibearshlándáil. Tá gá leis na ceanglais sin chun na rioscaí i dtaca leis an tsláinte, an tsábháilteacht agus cearta bunúsacha a mhaolú go héifeachtach, de réir mar is infheidhme i bhfianaise na gcríche atá beartaithe don chóras, agus nach bhfuil aon bheart trádála is lú srianadh ar fáil go réasúnta, chun srianta trádála nach bhfuil bonn cirt leo a sheachaint.

(43)

Ba cheart feidhm a bheith ag na ceanglais ar chórais intleachta saorga ardriosca maidir le cáilíocht agus ábharthacht na dtacar sonraí a úsáidtear, doiciméadacht theicniúil agus coimeád taifead, trédhearcacht agus soláthar faisnéise d’ imscarthóirí , formhaoirseacht dhaonna agus stóinseacht, cruinneas agus cibearshlándáil. Tá gá leis na ceanglais sin chun na rioscaí i dtaca leis an tsláinte, an tsábháilteacht agus cearta bunúsacha , chomh maith leis an gcomhshaol, an daonlathas agus an smacht reachta, a mhaolú go héifeachtach, de réir mar is infheidhme i bhfianaise na críche atá beartaithe don chóras nó i bhfianaise mhí-úsáid an chórais , ar mí-úsáid í atá intuartha le réasún, agus nach bhfuil aon bheart trádála is lú srianadh ar fáil go réasúnta, agus ar an gcaoi sin srianta trádála nach bhfuil bonn cirt leo a sheachaint.

(44)

Tá sonraí ardcháilíochta fíor-riachtanach i dtaca le feidhmíocht roinnt mhaith córas intleachta saorga, go háirithe i gcásanna ina n-úsáidtear teicnící a bhaineann le hoiliúint a chur ar shamhlacha, d’fhonn a áirithiú go bhfeidhmíonn an córas intleachta saorga ardriosca go sábháilte agus de réir mar atá beartaithe dó agus nach mbeidh sé mar fhoinse d’idirdhealú, rud atá toirmiscthe faoi dhlí an Aontais. Le tacair sonraí oiliúna, bailíochtaithe agus tástála ar ardcháilíocht, is gá cleachtais iomchuí rialachais sonraí agus bhainistíochta a chur chun feidhme. Ba cheart do thacair sonraí oiliúna, bailíochtaithe agus tástála a bheith ábhartha go leor, ionadaíoch agus saor ó earráidí agus iomlán i bhfianaise na críche atá beartaithe don chóras. Ba cheart , freisin, na hairíonna staidrimh iomchuí a bheith acu, lena n-áirítear a mhéid a bhaineann leis na daoine nó na grúpaí daoine a bhfuil sé beartaithe an córas intleachta saorga ardriosca a úsáid orthu. Go sonrach, leis na tacair sonraí oiliúna, bailíochtaithe agus tástála, sa mhéid a cheanglaítear i bhfianaise na críche atá beartaithe dóibh, ba cheart na gnéithe, saintréithe nó eilimintí a chur san áireamh a bhaineann go sonrach leis an suíomh nó comhthéacs geografach agus bealach iompraíochta nó feidhmiúil ina bhfuil sé beartaithe an córas intleachta saorga ardriosca a úsáid. Chun cearta daoine eile a chosaint ar an idirdhealú a d’fhéadfadh a bheith ann de thoradh claonta sna córais intleachta saorga, ba cheart do na soláthraithe a bheith in ann catagóirí speisialta sonraí pearsanta a phróiseáil, mar ábhar a bhaineann le leas an phobail, chun monatóireacht, brath agus ceartú an chlaonta a áirithiú i ndáil le córais intleachta saorga ardriosca.

(44)

Tá ról ríthábhachtach ag rochtain ar shonraí ardcháilíochta maidir le struchtúr a sholáthar agus feidhmíocht roinnt mhaith córas intleachta saorga a áirithiú , go háirithe i gcásanna ina n-úsáidtear teicnící a bhaineann le hoiliúint a chur ar shamhlacha, d’fhonn a áirithiú go bhfeidhmíonn an córas intleachta saorga ardriosca go sábháilte agus de réir mar atá beartaithe dó agus nach mbeidh sé ina fhoinse d’idirdhealú, rud atá toirmiscthe faoi dhlí an Aontais. Le tacair sonraí oiliúna, bailíochtaithe agus tástála ar ardcháilíocht, is gá cleachtais iomchuí rialachais sonraí agus bhainistíochta a chur chun feidhme. Ba cheart do thacair sonraí oiliúna, agus i gcás inarb infheidhme, tacair sonraí bailíochtaithe agus tástála , lena n-áirítear na lipéid, a bheith ábhartha go leor, ionadaíoch , grinnfhiosraithe go hiomchuí le haghaidh earráidí agus a bheith iomlán a oiread agus is féidir i bhfianaise na críche atá beartaithe don chóras. Ba cheart na hairíonna iomchuí staidrimh a bheith acu freisin , lena n-áirítear maidir leis na daoine nó na grúpaí daoine a bhfuil sé beartaithe an córas intleachta saorga ardriosca a úsáid ina leith, agus aird ar leith á tabhairt ar an maolú ar chlaontachtaí a d’fhéadfadh a bheith ann sna tacair sonraí, a bhféadfadh rioscaí do chearta bunúsacha nó torthaí idirdhealaitheacha a bheith mar thoradh orthu do na daoine a ndéanann na córas intleachta saorga ardriosca difear dóibh . Mar shampla, d’fhéadfadh claontachtaí a bheith ina ndlúthchuid de bhunthacair sonraí, go háirithe i gcás ina mbaintear úsáid as sonraí stairiúla, a thugann forbróirí na n-algartam isteach nó a ghintear nuair a chuirtear na córais chun feidhme i bhfíordhálaí domhanda. Bíonn tionchar ag na claontachtaí bunúsacha sin, a bhfuil sé mar nós leo méadú de réir a chéile, ar thorthaí a sholáthraíonn córais intleachta saorga agus, ar an gcaoi sin, déantar idirdhealú atá ann cheana a bhuanú agus a mhéadú, go háirithe i gcás daoine ar de ghrúpaí áirithe leochaileacha nó eitneacha iad, nó pobail a ndéantar ciníochú orthu. Go sonrach, leis na tacair sonraí oiliúna, bailíochtaithe agus tástála, sa mhéid a cheanglaítear i bhfianaise na críche atá beartaithe dóibh, ba cheart na gnéithe, saintréithe nó eilimintí a chur san áireamh a bhaineann go sonrach leis an suíomh nó comhthéacs geografach , comhthéacsúil, iompraíochta nó feidhmiúil ina bhfuil sé beartaithe an córas intleachta saorga ardriosca a úsáid. Chun cearta daoine eile a chosaint ar an idirdhealú a d’fhéadfadh a bheith ann de thoradh na claontachta sna córais intleachta saorga, ba cheart do na soláthraithe , go heisceachtúil agus tar éis na coinníollacha uile is infheidhme a  leagtar síos faoin Rialachán seo agus i Rialachán (AE) 2016/679, Treoir (AE) 2016/680 agus Rialachán (AE) 2018/1725 a chur i bhfeidhm, a bheith in ann catagóirí speisialta sonraí pearsanta a phróiseáil freisin , mar ábhar a bhaineann le leas an phobail, chun a áirithiú go ndéantar claontacht dhiúltach a bhrath agus a cheartú i ndáil le córais intleachta saorga ardriosca. Ba cheart claontacht dhiúltach a thuiscint mar chlaontacht lena gcruthaítear éifeacht idirdhealaitheach dhíreach nó indíreach i gcoinne duine nádúrtha. Is féidir na ceanglais a bhaineann le rialachas sonraí a chomhlíonadh trí dhul ar iontaoibh tríú páirtithe a thairgeann seirbhísí comhlíontachta deimhnithe lena n-áirítear rialachas sonraí a fhíorú, sláine tacair sonraí, agus cleachtais oiliúna, bailíochtaithe agus tástála sonraí.

(45)

Maidir le forbairt na gcóras intleachta saorga, ba cheart d’úsáideoirí áirithe, amhail soláthraithe, comhlachtaí a dtugtar fógra dóibh agus eintitis ábhartha eile, amhail moil nuálaíochta digití, saoráidí agus taighdeoirí tástála agus turgnamhaíochta, a bheith in ann tacair sonraí ardcháilíochta a rochtain agus a úsáid laistigh dá réimsí gníomhaíochtaí faoi seach a bhaineann leis an Rialachán seo. Beidh tábhacht ar leith ag baint le spásanna coiteanna sonraí Eorpacha arna mbunú ag an gCoimisiún agus le héascú comhroinnte sonraí idir gnólachtaí agus leis an rialtas ar mhaithe le leas an phobail chun rochtain iontaofa, chuntasach agus neamh-idirdhealaithe a sholáthar ar shonraí ardcháilíochta chun córais intleachta saorga a bhailíochtú, a thástáil agus oiliúint a chur orthu. Mar shampla, i gcás sonraí sláinte, leis an spás Eorpach sonraí sláinte, éascófar rochtain neamh-idirdhealaithe ar shonraí sláinte agus oiliúint na n-algartam intleachta saorga maidir leis na tacair sonraí sin, ar bhealach slán tráthúil trédhearcach agus iontaofa a chosnaíonn an phríobháideacht, agus le rialachas iomchuí institiúideach. Údaráis inniúla ábhartha, lena n-áirítear údaráis earnála, a sholáthraíonn an rochtain ar shonraí nó a thacaíonn leis, féadfaidh siad tacú freisin leis an soláthar sonraí ardcháilíochta chun córais intleachta saorga a bhailíochtú, a thástáil agus oiliúint a chur orthu.

(45)

Maidir le forbairt na gcóras intleachta saorga agus measúnú orthu , ba cheart d’úsáideoirí áirithe, amhail soláthraithe, comhlachtaí faoina dtugtar fógra dóibh agus eintitis ábhartha eile, amhail moil nuálaíochta digití, saoráidí agus taighdeoirí tástála agus turgnamhaíochta, a bheith in ann tacair sonraí ardcháilíochta a rochtain agus a úsáid laistigh dá réimsí gníomhaíochtaí faoi seach a bhaineann leis an Rialachán seo. Beidh tábhacht ar leith ag baint le spásanna coiteanna sonraí Eorpacha arna mbunú ag an gCoimisiún agus le héascú comhroinnte sonraí idir gnólachtaí agus leis an rialtas ar mhaithe le leas an phobail chun rochtain iontaofa, chuntasach agus neamh-idirdhealaithe a sholáthar ar shonraí ardcháilíochta chun córais intleachta saorga a bhailíochtú, a thástáil agus oiliúint a chur orthu. Mar shampla, i gcás sonraí sláinte, leis an spás Eorpach sonraí sláinte, éascófar rochtain neamh-idirdhealaithe ar shonraí sláinte agus oiliúint na n-algartam intleachta saorga maidir leis na tacair sonraí sin, ar bhealach slán tráthúil trédhearcach agus iontaofa a chosnaíonn an phríobháideacht, agus le rialachas iomchuí institiúideach. Údaráis inniúla ábhartha, lena n-áirítear údaráis earnála, a sholáthraíonn an rochtain ar shonraí nó a thacaíonn leis, féadfaidh siad tacú freisin leis an soláthar sonraí ardcháilíochta chun córais intleachta saorga a bhailíochtú, a thástáil agus oiliúint a chur orthu.

(45a)

Ní mór an ceart chun príobháideachta agus chun cosaint sonraí a ráthú ar feadh shaolré iomlán an chórais intleachta saorga. I ndáil leis an méid sin, tá prionsabail an íoslaghdaithe sonraí agus na cosanta sonraí trí dhearadh agus trí réamhshocrú, mar a leagtar amach i ndlí an Aontais maidir le cosaint sonraí iad, bunriachtanach nuair a bhaineann rioscaí suntasacha do chearta bunúsacha daoine aonair leis an bpróiseáil sonraí. Ba cheart do sholáthraithe agus d’úsáideoirí córais intleachta saorga bearta teicniúla agus eagraíochtúla úrscothacha a chur chun feidhme chun na cearta sin a chosaint. Ba cheart go n-áireofaí leis na bearta sin, ní hamháin anaithnidiú agus criptiú, ach freisin úsáid a bhaint as teicneolaíocht atá ar fáil níos mó agus níos mó lena gceadaítear algartaim a thabhairt chuig na sonraí agus lena bhféadfar léargais luachmhara a dhíorthú gan an tarchur idir páirtithe nó gan cóipeáil neamhriachtanach na n-amhshonraí nó na sonraí struchtúrtha iad féin.

(46)

Tá sé fíor-riachtanach faisnéis a bheith ann maidir leis an mbealach a fhorbraítear córais intleachta saorga agus an bealach a fheidhmíonn na córais ar feadh a saolré chun comhlíonadh cheanglais an Rialacháin seo a fhíorú. Chuige sin, is gá taifid a choimeád agus doiciméadacht theicniúil a chur ar fáil, ina bhfuil an fhaisnéis is gá chun measúnú a dhéanamh ar chomhlíontacht an chórais intleachta saorga leis na ceanglais ábhartha. Ba cheart a chur san áireamh, leis an bhfaisnéis sin, na saintréithe, cumais agus teorainneacha ginearálta maidir leis na córais, na halgartaim, na sonraí, na nósanna imeachta tástála agus bailíochtaithe arna n-úsáid chomh maith le doiciméadacht i dtaca leis an gcóras ábhartha bainistíochta riosca. Ba cheart an doiciméadacht theicniúil a  choimeád cothrom le dáta.

(46)

Tá sé fíor-riachtanach faisnéis intuigthe a bheith ann maidir leis an mbealach a fhorbraítear córais intleachta saorga agus an bealach a fheidhmíonn na córais ar feadh a saolré chun comhlíonadh cheanglais an Rialacháin seo a fhíorú. Chuige sin, is gá taifid a choimeád agus doiciméadacht theicniúil a chur ar fáil, ina bhfuil an fhaisnéis is gá chun measúnú a dhéanamh ar chomhlíontacht an chórais intleachta saorga leis na ceanglais ábhartha. Ba cheart a chur san áireamh, leis an bhfaisnéis sin, na saintréithe, cumais agus teorainneacha ginearálta maidir leis na córais, na halgartaim, na sonraí, na nósanna imeachta tástála agus bailíochtaithe arna n-úsáid chomh maith le doiciméadacht i dtaca leis an gcóras ábhartha bainistíochta riosca. Ba cheart an doiciméadacht theicniúil a  choinneáil cothrom le dáta go hiomchuí ar feadh shaolré an chórais intleachta saorga . Is féidir tionchar mór tábhachtach ar an gcomhshaol agus tomhaltas ard fuinnimh a bheith ag córais intleachta saorga le linn a saolré. Chun tionchar na gcóras intleachta saorga ar an gcomhshaol a thuiscint níos fearr, ba cheart faisnéis maidir le tomhaltas fuinnimh an chórais intleachta saorga a áireamh sa doiciméadacht theicniúil arna dréachtú ag soláthraithe, lena n-áirítear an tomhaltas le linn forbartha agus an tomhaltas ionchais le linn úsáide. Ba cheart reachtaíocht ábhartha an Aontais agus reachtaíocht ábhartha náisiúnta a chur san áireamh san fhaisnéis sin. Ba cheart an fhaisnéis thuairiscithe sin a bheith intuigthe, inchomparáide agus infhíoraithe agus chuige sin, ba cheart don Choimisiún treoirlínte a fhorbairt maidir le modheolaíocht chomhchuibhithe chun an fhaisnéis sin a ríomh agus a thuairisciú. Chun a áirithiú go bhfuil doiciméadacht aonair indéanta, ba cheart na téarmaí agus na sainmhínithe a bhaineann leis an doiciméadacht is gá agus le haon doiciméadacht is gá i reachtaíocht ábhartha an Aontais a ailíniú a mhéid is féidir.

(46a)

Ba cheart modhanna úrscothacha agus caighdeáin ábhartha is infheidhme a chur san áireamh sna córais intleachta saorga chun úsáid fuinnimh, úsáid acmhainní agus dramhaíl a laghdú, chomh maith lena n-éifeachtúlacht fuinnimh agus éifeachtúlacht fhoriomlán an chórais a mhéadú. Is iad tomhaltas fuinnimh an chórais intleachta saorga i gcéim na forbartha, na hoiliúna agus an imscartha chomh maith le taifeadadh agus tuairisciú agus stóráil na sonraí sin gnéithe comhshaoil na gcóras intleachta saorga atá suntasach chun críocha an Rialacháin seo. Le dearadh na gcóras intleachta saorga, ba cheart go mbeifí in ann tomhaltas fuinnimh agus acmhainní a thomhas agus a logáil ag gach céim den fhorbairt, den oiliúint agus den imscaradh. Ní mór faireachán agus tuairisciú ar astaíochtaí na gcóras intleachta saorga a bheith láidir, trédhearcach, comhsheasmhach agus cruinn. Chun cur i bhfeidhm aonfhoirmeach an Rialacháin seo agus éiceachóras cobhsaí dlíthiúil do sholáthraithe agus d’imscarthóirí sa Mhargadh Aonair a áirithiú, ba cheart don Choimisiún sonraíocht choiteann a fhorbairt don mhodheolaíocht chun an ceanglas tuairiscithe agus doiciméadachta maidir le tomhaltas fuinnimh agus acmhainní le linn na forbartha, na hoiliúna agus an imscartha a chomhlíonadh. Féadfaidh sonraíochtaí coiteanna den sórt sin maidir leis an modheolaíocht tomhais bonnlíne a fhorbairt ar féidir leis an gCoimisiún cinneadh níos fearr a dhéanamh i dtaobh an bhfuil gá le hidirghabhálacha rialála amach anseo, tar éis dó measúnú tionchair a dhéanamh ina gcuirtear an dlí atá ann cheana san áireamh.

(46b)

Chun cuspóirí an Rialacháin seo a bhaint amach, agus rannchuidiú le cuspóirí comhshaoil an Aontais agus feidhmiú rianúil an mhargaidh inmheánaigh á áirithiú ag an am céanna, d’fhéadfadh sé go mbeadh gá le moltaí agus treoirlínte agus, ar deireadh, spriocanna le haghaidh na hinbhuanaitheachta a bhunú. Chun na críche sin, tá an Coimisiún i dteideal modheolaíocht a fhorbairt chun rannchuidiú le hEochairtháscairí Feidhmíochta (KPInna) agus tagairt le haghaidh na Spriocanna Forbartha Inbhuanaithe (SDGanna) a bheith ann. Ba cheart é a bheith mar sprioc ar an gcéad dul síos comparáid chothrom a chumasú idir roghanna cur chun feidhme intleachta saorga lena soláthraítear dreasachtaí chun úsáid teicneolaíochtaí intleachta saorga níos éifeachtúla a chur chun cinn lena dtugtar aghaidh ar ábhair imní maidir le fuinneamh agus acmhainní. Chun an cuspóir sin a bhaint amach, ba cheart go soláthrófaí leis an Rialachán seo an modh chun bailiú bonnlíne sonraí tuairiscithe a bhunú maidir leis na hastaíochtaí ón bhforbairt agus ón oiliúint agus maidir le himscaradh.

(47a)

Ba cheart na ceanglais sin maidir le trédhearcacht agus maidir le hinmhínitheacht chinnteoireacht na hintleachta saorga a bheith ina gcuidiú freisin chun cur i gcoinne éifeachtaí díspreagthacha na neamhshiméadrachta digití agus ‘patrúin dhorcha’, mar a thugtar orthu, lena ndírítear ar dhaoine aonair agus ar a dtoiliú feasach.

(49)

Ba cheart do chórais intleachta saorga ardriosca feidhmiú go comhsheasmhach ar feadh a saolré agus leibhéal iomchuí cruinnis, stóinseachta agus cibearshlándála a bhaint amach i gcomhréir leis an úrscothacht a  nglactar léi i gcoitinne . Ba cheart an leibhéal cruinnis agus an mhéadracht chruinnis a chur in iúl do na húsáideoirí .

(49)

Ba cheart do chórais intleachta saorga ardriosca feidhmiú go comhsheasmhach ar feadh a saolré agus leibhéal iomchuí cruinnis, stóinseachta agus cibearshlándála a bhaint amach i gcomhréir leis an úrscothacht ghnáthaitheanta. Ba cheart méadracht feidhmíochta agus a  leibhéal ionchasach a shainiú leis an bpríomhchuspóir chun rioscaí agus tionchar diúltach an chórais intleachta saorga a mhaolú . Ba cheart an leibhéal a  bhfuiltear ag dréim leis ó thaobh méadracht feidhmíochta de a chur in iúl do na himscarthóirí ar bhealach soiléir, trédhearcach, sothuigthe agus intuigthe . Ní féidir an dearbhú maidir le méadracht feidhmíochta a mheas mar dhearbhú ar na leibhéil a bheidh ann amach anseo, ach is gá modhanna ábhartha a chur i bhfeidhm chun leibhéil chomhsheasmhacha a áirithiú le linn úsáide. Cé gur ann d’eagraíochtaí um chaighdeánú chun caighdeáin a bhunú, tá gá le comhordú ar thagarmharcáil chun a bhunú conas ba cheart ceanglais chaighdeánaithe agus saintréithe na gcóras intleachta saorga sin a thomhas. Ba cheart don Oifig Eorpach um Intleacht Shaorga údaráis náisiúnta agus idirnáisiúnta mhéadreolaíochta agus tagarmharcála a thabhairt le chéile agus treoir neamhcheangailteach a sholáthar chun aghaidh a thabhairt ar na gnéithe teicniúla faoi conas na leibhéil iomchuí chruinnis agus stóinseachta a thomhas.

(50)

Is ceanglas bunriachtanach é an stóinseacht theicniúil le haghaidh córais intleachta saorga ardriosca. Ba cheart dóibh a bheith athléimneach in aghaidh rioscaí a bhaineann le teorainneacha an chórais (e.g. earráidí, lochtanna, eachtraí gan choinne) agus in aghaidh gníomhaíochtaí mailíseacha a d’fhéadfadh cur isteach ar shlándáil an chórais agus a d’fhéadfadh iompraíocht dhíobhálach nó iompraíocht neamh-inmhianaithe ar shlí eile a bheith ann mar thoradh orthu. D’fhéadfadh sé go mbeadh tionchair ar an tsábháilteacht nó go mbeadh éifeachtaí diúltacha ar chearta bunúsacha mar thoradh ar mhainneachtain na rioscaí sin a chosaint, mar shampla, de bharr cinntí earráideacha nó aschuir mhíchearta nó chlaonta a ghin an córas intleachta saorga.

(50)

Is ceanglas bunriachtanach é an stóinseacht theicniúil le haghaidh córais intleachta saorga ardriosca. Ba cheart dóibh a bheith athléimneach in aghaidh rioscaí a bhaineann le teorainneacha an chórais (e.g. earráidí, lochtanna, neamhréireachtaí, eachtraí gan choinne) agus in aghaidh gníomhaíochtaí mailíseacha a d’fhéadfadh cur isteach ar shlándáil an chórais intleachta saorga agus a d’fhéadfadh iompraíocht dhíobhálach nó iompraíocht neamh-inmhianaithe ar shlí eile a bheith ann mar thoradh orthu. D’fhéadfadh sé go mbeadh tionchair ar an tsábháilteacht nó go mbeadh éifeachtaí diúltacha ar chearta bunúsacha mar thoradh ar mhainneachtain na rioscaí sin a chosaint, mar shampla, de bharr cinntí earráideacha nó aschuir mhíchearta nó chlaonta a ghin an córas intleachta saorga. Ba cheart d’úsáideoirí an chórais intleachta saorga bearta a dhéanamh chun a áirithiú nach mbeidh torthaí idirdhealaitheacha nó diúltacha d’fhoghrúpaí mionlaigh mar thoradh ar an gcomhbhabhtáil a d’fhéadfadh a bheith ann idir stóinseacht agus cruinneas.

(51)

Tá ról ríthábhachtach ag an gcibearshlándáil chun a áirithiú go bhfuil na córais intleachta saorga athléimneach in aghaidh iarrachtaí a dhéanfadh tríú páirtithe mailíseacha úsáid, iompraíocht nó feidhmíocht na gcóras a athrú nó cur isteach ar a n-airíonna slándála agus leochaileachtaí an chórais á saothrú acu. Féadfaidh cibirionsaithe in aghaidh córais intleachta saorga sócmhainní sonracha intleachta saorga a ghiaráil, amhail tacair sonraí oiliúna (e.g. nimhiú sonraí) nó samhlacha oilte (e.g. ionsaithe sáraíochta), nó leochaileachtaí i sócmhainní digiteacha an chórais nó ina bhonneagar foluiteach TFC a shaothrú. Chun leibhéal cibearshlándála atá i gcomhréir leis na rioscaí a áirithiú, ba cheart do sholáthraithe na gcóras intleachta saorga ardriosca bearta oiriúnacha a dhéanamh, agus an bonneagar foluiteach TFC á cur san áireamh freisin de réir mar is iomchuí.

(51)

Tá ról ríthábhachtach ag an gcibearshlándáil chun a áirithiú go bhfuil na córais intleachta saorga athléimneach in aghaidh iarrachtaí a dhéanfadh tríú páirtithe mailíseacha úsáid, iompraíocht nó feidhmíocht na gcóras a athrú nó cur isteach ar a n-airíonna slándála agus leochaileachtaí an chórais á saothrú acu. Féadfaidh cibirionsaithe in aghaidh córais intleachta saorga sócmhainní sonracha intleachta saorga a ghiaráil, amhail tacair sonraí oiliúna (e.g. nimhiú sonraí) nó samhlacha oilte (e.g. ionsaithe sáraíochta nó ionsaithe ar rúndacht ), nó leochaileachtaí i sócmhainní digiteacha an chórais nó ina bhonneagar foluiteach TFC a shaothrú. Chun leibhéal cibearshlándála atá i gcomhréir leis na rioscaí a áirithiú, ba cheart do sholáthraithe na gcóras intleachta saorga ardriosca , chomh maith leis na comhlachtaí faoina dtugtar fógra, na húdaráis náisiúnta inniúla agus na húdaráis um fhaireachas margaidh bearta oiriúnacha a dhéanamh, agus an bonneagar foluiteach TFC á chur san áireamh freisin de réir mar is iomchuí. Ba cheart go mbeadh réitigh shlándála agus paistí slándála le haghaidh shaolré an táirge ag gabháil leis an intleacht shaorga ardriosca, nó i gcás nach bhfuiltear ag brath ar tháirge ar leith, ar feadh tréimhse nach mór don mhonaróir a lua.

(53a)

Mar shínitheoirí Choinbhinsiún na Náisiún Aontaithe ar Chearta Daoine faoi Mhíchumas (UNCRPD), tá oibleagáid dlíthiúil ar an Aontas agus ar na Ballstáit daoine faoi mhíchumas a chosaint ar idirdhealú agus a gcomhionannas a chur chun cinn, chun a áirithiú go mbeidh rochtain ag daoine faoi mhíchumas, ar bhonn comhionann le daoine eile, ar theicneolaíochtaí agus córais faisnéise agus cumarsáide, agus chun a áirithiú go n-urramófar príobháideachas do dhaoine faoi mhíchumas. I bhfianaise thábhacht agus úsáid mhéadaitheach na gcóras intleachta saorga, le cur i bhfeidhm phrionsabail an deartha uilíoch maidir le gach teicneolaíocht agus seirbhís nua, ba cheart rochtain iomlán, chomhionann agus neamhshrianta a áirithiú do gach duine a bhféadfadh teicneolaíochtaí intleachta saorga difear a dhéanamh dóibh nó a úsáideann teicneolaíochtaí intleachta saorga, lena n-áirítear daoine faoi mhíchumas, ar bhealach ina gcuirtear a ndínit bhunúsach agus a n-éagsúlacht bhunúsach san áireamh go hiomlán. Tá sé ríthábhachtach, dá bhrí sin, go n-áiritheoidh soláthraithe comhlíonadh iomlán na gceanglas inrochtaineachta, lena n-áirítear Treoir (AE) 2016/2102 agus Treoir (AE) 2019/882. Ba cheart do sholáthraithe comhlíonadh na gceanglas sin a áirithiú trí dhearadh. Dá bhrí sin, ba cheart na bearta is gá a chomhtháthú a mhéid is féidir i ndearadh an chórais intleachta saorga ardriosca.

(54)

Ba cheart don soláthraí córas bainistíochta cáilíochta fónta a bhunú, a áirithiú go gcomhlíontar an nós imeachta um measúnú comhréireachta is gá, an doiciméadacht ábhartha a tharraingt suas agus córas faireacháin iarmhargaidh stóinseach a bhunú. Féadfaidh na húdaráis phoiblí a  chur córais intleachta saorga ardriosca i mbun seirbhíse le haghaidh a n-úsáide féin na rialacha maidir leis an gcóras bainistíochta cáilíochta a ghlacadh agus a chur chun feidhme mar chuid den chóras bainistíochta cáilíochta a glacadh ar an leibhéal náisiúnta nó réigiúnach, de réir mar is iomchuí, agus sainiúlachtaí na hearnála agus inniúlachtaí agus eagrú an údaráis phoiblí i gceist á gcur san áireamh.

(54)

Ba cheart don soláthraí córas bainistíochta cáilíochta fónta a bhunú, a áirithiú go gcomhlíontar an nós imeachta um measúnú comhréireachta is gá, an doiciméadacht ábhartha a tharraingt suas agus córas faireacháin iarmhargaidh stóinseach a bhunú. I gcás soláthraithe a bhfuil córais bainistíochta cáilíochta i bhfeidhm acu cheana atá bunaithe ar chaighdeáin amhail ISO 9001 nó ar chaighdeáin ábhartha eile, níor cheart go mbeifí ag dréim le córas bainistíochta cáilíochta dúblálach ina iomláine ach go ndéanfaí na córais atá acu cheana a oiriúnú do ghnéithe áirithe atá nasctha le comhlíonadh cheanglais shonracha an Rialacháin seo. Ba cheart é sin a léiriú freisin i ngníomhaíochtaí um chaighdeánú a dhéanfar amach anseo nó i dtreoir arna glacadh ag an gCoimisiún ina leith sin. Féadfaidh na húdaráis phoiblí a  chuir córais intleachta saorga ardriosca i mbun seirbhíse le haghaidh a n-úsáide féin na rialacha maidir leis an gcóras bainistíochta cáilíochta a ghlacadh agus a chur chun feidhme mar chuid den chóras bainistíochta cáilíochta a glacadh ar an leibhéal náisiúnta nó réigiúnach, de réir mar is iomchuí, agus sainiúlachtaí na hearnála agus inniúlachtaí agus eagrú an údaráis phoiblí i gceist á gcur san áireamh.

(56)

Chun gur féidir an Rialachán seo a fhorfheidhmiú agus chun cothrom na Féinne a chruthú le haghaidh oibreoirí, agus ag cur san áireamh na bhfoirmeacha éagsúla chun táirgí digiteacha a chur ar fáil, tá sé tábhachtach a áirithiú, i ngach cás, gur féidir le duine atá bunaithe san Aontas an fhaisnéis uile is gá a sholáthar do na húdaráis maidir le comhlíontacht an chórais intleachta saorga. Dá bhrí sin, sula gcuirfear a gcórais intleachta saorga ar fáil san Aontas, i gcás nach féidir an t-allmhaireoir a shainaithint, ainmneoidh soláthraithe atá bunaithe lasmuigh den Aontas ionadaí údaraithe atá bunaithe san Aontas, trí shainordú i scríbhinn.

(56)

Chun gur féidir an Rialachán seo a fhorfheidhmiú agus chun cothrom na Féinne a chruthú le haghaidh oibreoirí, agus ag cur san áireamh na bhfoirmeacha éagsúla chun táirgí digiteacha a chur ar fáil, tá sé tábhachtach a áirithiú, i ngach cás, gur féidir le duine atá bunaithe san Aontas an fhaisnéis uile is gá a sholáthar do na húdaráis maidir le comhlíontacht an chórais intleachta saorga. Dá bhrí sin, sula gcuirfear a gcórais intleachta saorga ar fáil san Aontas, ainmneoidh soláthraithe atá bunaithe lasmuigh den Aontas ionadaí údaraithe atá bunaithe san Aontas, trí shainordú i scríbhinn.

(58)

I bhfianaise chineál na gcóras intleachta saorga agus na rioscaí maidir leis an tsábháilteacht agus cearta bunúsacha a d’fhéadfadh a bheith ag baint le húsáid na gcóras sin, lena n-áirítear a mhéid a bhaineann leis an ngá faireachán iomchuí ar fheidhmíocht córais intleachta saorga i suíomh fíorshaoil a áirithiú, is iomchuí freagrachtaí sonracha a shocrú le haghaidh úsáideoirí . Ba cheart, go háirithe, d’ úsáideoirí na córais intleachta saorga ardriosca a úsáid i gcomhréir leis na treoracha maidir le húsáid agus ba cheart a fhoráil maidir le hoibleagáidí eile a mhéid a bhaineann le faireachán a dhéanamh ar fheidhmiú na gcóras intleachta saorga agus a mhéid a bhaineann le coimeád taifead, de réir mar is iomchuí.

(58)

I bhfianaise chineál na gcóras intleachta saorga agus na rioscaí maidir leis an tsábháilteacht agus cearta bunúsacha a d’fhéadfadh a bheith ag baint le húsáid na gcóras sin, lena n-áirítear a mhéid a bhaineann leis an ngá faireachán iomchuí ar fheidhmíocht córais intleachta saorga i suíomh fíorshaoil a áirithiú, is iomchuí freagrachtaí sonracha a shocrú le haghaidh imscarthóirí . Ba cheart, go háirithe, d’ imscarthóirí na córais intleachta saorga ardriosca a úsáid i gcomhréir leis na treoracha maidir le húsáid agus ba cheart a fhoráil maidir le hoibleagáidí eile a mhéid a bhaineann le faireachán a dhéanamh ar fheidhmiú na gcóras intleachta saorga agus a mhéid a bhaineann le coimeád taifead, de réir mar is iomchuí.

(58a)

Cé gur féidir rioscaí a bhaineann le córais intleachta saorga a bheith ann mar thoradh ar an gcaoi a ndeartar córais den sórt sin, is féidir rioscaí a bheith ann freisin ón gcaoi a n-úsáidtear na córais intleachta saorga sin. Dá bhrí sin, tá ról ríthábhachtach ag imscarthóirí córas intleachta saorga ardriosca i dtaobh a áirithiú go gcosnaítear cearta bunúsacha, rud a chomhlánaíonn oibleagáidí an tsoláthraí agus an córas intleachta saorga á fhorbairt. Is iad na himscarthóirí is fearr chun tuiscint a fháil ar an gcaoi a n-úsáidfear an córas intleachta saorga ardriosca go nithiúil agus, dá bhrí sin, is féidir leo rioscaí suntasacha a d’fhéadfadh a bheith ann nár tuaradh sa chéim forbartha a shainaithint, mar gheall ar eolas níos beaichte ar chomhthéacs na húsáide, ar na daoine nó ar na grúpaí daoine ar dócha go ndéanfar difear dóibh, lena n-áirítear grúpaí imeallaithe agus grúpaí leochaileacha. Ba cheart d’imscarthóirí struchtúir rialachais iomchuí a shainaithint sa chomhthéacs sonrach úsáide sin, amhail socruithe maidir le maoirseacht dhaonna, nósanna imeachta um láimhseáil gearán agus nósanna imeachta sásaimh, toisc go bhféadfadh roghanna sna struchtúir rialachais a bheith ríthábhachtach chun rioscaí do chearta bunúsacha a mhaolú i gcásanna úsáide nithiúla. Chun a áirithiú go héifeachtúil go ndéanfar cearta bunúsacha a chosaint, ba cheart d’imscarthóir na gcóras intleachta saorga ardriosca, dá bhrí sin, measúnú tionchair ar chearta bunúsacha a dhéanamh sula gcuirfear in úsáid é. Ba cheart plean mionsonraithe a bheith ag gabháil leis an measúnú tionchair ina mbeidh cur síos ar na bearta nó na huirlisí a chuideoidh leis na rioscaí do chearta bunúsacha arna sainaithint a mhaolú ón tráth a chuirfear in úsáid é ar a dhéanaí. Mura féidir an plean sin a shainaithint, ba cheart don imscarthóir staonadh ón gcóras a chur in úsáid. Agus an measúnú tionchair sin á dhéanamh aige, ba cheart don imscarthóir fógra a thabhairt don údarás maoirseachta náisiúnta agus, a mhéid is féidir, do na geallsealbhóirí ábhartha agus d’ionadaithe grúpaí daoine ar dócha go ndéanfaidh an córas intleachta saorga difear dóibh chun faisnéis ábhartha a bhailiú a mheastar a bheith riachtanach chun an measúnú tionchair a dhéanamh, agus moltar an achoimre ar a mheasúnú tionchair ar chearta bunúsacha a chur ar fáil go poiblí ar a shuíomh gréasáin ar líne. Níor cheart feidhm a bheith ag na hoibleagáidí sin maidir le FBManna a bhféadfadh deacrachtaí a bheith acu comhairliúchán den sórt sin a dhéanamh, i bhfianaise easpa acmhainní. Mar sin féin, ba cheart dóibh a ndícheall a dhéanamh freisin rannpháirt a thabhairt do na hionadaithe sin agus a measúnú tionchair ar chearta bunúsacha á dhéanamh acu. Ina theannta sin, i bhfianaise an tionchair a d’fhéadfadh a bheith ann agus an ghá atá le formhaoirseacht dhaonlathach agus grinnscrúdú daonlathach, ba cheart ceangal a bheith ar imscarthóirí córas intleachta saorga ardriosca ar údaráis phoiblí nó institiúidí, comhlachtaí, oifigí agus gníomhaireachtaí de chuid an Aontais iad, chomh maith le himscarthóirí ar gnóthais iad atá ainmnithe mar gheatóir faoi Rialachán (AE) 2022/1925, úsáid aon chórais intleachta saorga ardriosca a chlárú i mbunachar sonraí poiblí. Féadfaidh imscarthóirí eile clárú go deonach.

(59)

Is iomchuí a bheartú gur cheart d’ úsáideoir an chórais intleachta saorga a bheith ina dhuine nádúrtha nó dlítheanach, ina údarás poiblí, ina ghníomhaireacht nó comhlacht eile faoina n-údarás a n-oibrítear an córas intleachta saorga ach amháin i gcás ina ndéantar an úsáid le linn gníomhaíocht phearsanta neamhghairmiúil.

(59)

Is iomchuí a bheartú gur cheart d’ imscarthóir an chórais intleachta saorga a bheith ina dhuine nádúrtha nó dlítheanach, ina údarás poiblí, ina ghníomhaireacht nó comhlacht eile faoina n-údarás a n-oibrítear an córas intleachta saorga ach amháin i gcás ina ndéantar an úsáid le linn gníomhaíocht phearsanta neamhghairmiúil.

(60)

I bhfianaise chastacht luachshlabhra na hintleachta saorga, maidir le tríú páirtithe ábhartha, eadhon na páirtithe a bhfuil baint acu le bogearraí, uirlisí agus comhpháirteanna bogearraí , samhlacha agus sonraí réamhoilte , nó soláthraithe seirbhísí líonra a dhíol nó a sholáthar, ba cheart dóibh dul i gcomhar, de réir mar is iomchuí, le soláthraithe agus úsáideoirí chun a  gcomhlíontacht leis na hoibleagáidí faoin Rialachán seo agus leis na húdaráis inniúla a  bhunaítear faoin Rialachán seo a chumasú.

(60)

Laistigh den luachshlabhra intleachta saorga, is minic a sholáthraíonn eintitis iomadúla uirlisí agus seirbhísí ach freisin comhpháirteanna nó próisis a ionchorpraíonn an soláthraí ansin isteach sa chóras intleachta saorga, lena n-áirítear a mhéid a bhaineann le bailiú sonraí agus réamhphróiseáil, oiliúint samhla, athoiliúint samhla, tástáil agus meastóireacht samhla, comhtháthú le bogearraí, nó gnéithe eile d’fhorbairt samhla. Is féidir leis na heintitis lena mbaineann a dtairiscint a chur ar fáil go díreach nó go hindíreach ó thaobh na tráchtála de, trí chomhéadain, amhail Comhéadain Feidhmchláir (API), agus a dháileadh faoi cheadúnais shaor in aisce agus foinse oscailte ach freisin níos mó agus níos mó trí ardáin intleachta saorga um lucht saothair, athdhíol paraiméadar oilte, fearais DFÉ chun samhlacha a thógáil nó tairisicint a dhéanamh íoc as rochtain ar shamhail a fhónann d’ailtireacht chun samhlacha a fhorbairt agus oiliúint a chur orthu. I bhfianaise na castachta sin de luachshlabhra na hintleachta saorga, maidir le tríú páirtithe ábhartha uile , go háirithe iad siúd a bhfuil baint acu le huirlisí bogearraí, comhpháirteanna, samhlacha réamhoilte nó sonraí atá ionchorpraithe sa chóras intleachta saorga , nó soláthraithe seirbhísí líonra a  fhorbairt, a dhíol nó a sholáthar ar bhonn tráchtála , ba cheart dóibh , gan a gcearta maoine intleachtúla nó a rúin trádála féin a chur i mbaol, an fhaisnéis, an oiliúint nó an saineolas is gá a chur ar fáil agus dul i gcomhar, de réir mar is iomchuí, le soláthraithe chun a  rialú ar gach gné ábhartha den chóras intleachta saorga a thagann faoin Rialachán seo a chumasú. Chun rialachas costéifeachtach luachshlabhra intleachta saorga a lamháil, déanfaidh gach tríú páirtí a sholáthraíonn uirlis, seirbhís, comhpháirt nó próiseas a ionchorpróidh an soláthraí níos déanaí sa chóras intleachta saorga an leibhéal rialaithe a nochtadh go sainráite.

(60a)

I gcás ina bhfuil seasamh margála níos láidre ag páirtí amháin, tá riosca ann go bhféadfadh an páirtí sin an seasamh sin a ghiaráil chun aimhleasa an pháirtí chonarthaigh eile agus é i mbun caibidlíochta maidir le soláthar uirlisí, seirbhísí, comhpháirteanna nó próiseas a úsáidtear nó a chomhtháthaítear i gcóras intleachta saorga ardriosca nó maidir leis na leigheasanna le haghaidh sárú nó foirceannadh oibleagáidí gaolmhara. Déanann míchothromaíochtaí conarthacha den sórt sin dochar go háirithe do mhicrifhiontair, d’fhiontair bheaga agus mheánmhéide chomh maith le gnólachtaí nuathionscanta, ach amháin má tá siad faoi úinéireacht fiontair nó ar fochonradh ag fiontar atá in ann an fochonraitheoir a chúiteamh go hiomchuí, ós rud é nach bhfuil cumas fóinteach acu coinníollacha an chomhaontaithe chonarthaigh a chaibidliú, agus féadfaidh sé nach bhfuil aon rogha eile acu ach glacadh le téarmaí conarthacha nach bhfuil rogha mhalartach orthu. Dá bhrí sin, maidir le téarmaí éagóracha conartha lena rialaítear soláthar uirlisí, seirbhísí, comhpháirteanna nó próiseas a úsáidtear nó a chomhtháthaítear i gcóras intleachta saorga ardriosca nó na leigheasanna ar shárú nó ar fhoirceannadh oibleagáidí gaolmhara, níor cheart iad a bheith ceangailteach ar mhicrifhiontair, ar fhiontair bheaga nó mheánmhéide agus ar ghnólachtaí nuathionscanta den sórt sin nuair a forchuireadh iad go haontaobhach orthu.

(60b)

Leis na rialacha maidir le téarmaí conarthacha, ba cheart prionsabal na saoirse conarthaí a chur san áireamh mar choincheap fíor-riachtanach den chaidreamh gnólacht le gnólacht. Dá bhrí sin, níor cheart go mbeadh gach téarma conarthach faoi réir measúnú éagóra, ach díreach na téarmaí sin a fhorchuirtear go haontaobhach ar mhicrifhiontair, ar fhiontair bheaga agus mheánmhéide agus ar ghnólachtaí nuathionscanta. Baineann sin le cásanna nach bhfuil rogha mhalartach ann i gcás ina soláthraíonn páirtí amháin téarma conarthach áirithe agus nach bhfuil ar chumas an mhicrifhiontair, an fhiontair bhig nó mheánmhéide ná an ghnólachta nuathionscanta tionchar a imirt ar ábhar an téarma sin d’ainneoin iarracht caibidlíocht a dhéanamh ina leith. I gcás téarma conarthach a dhéanann páirtí amháin a sholáthar agus a nglacann an micrifhiontar, an fiontar beag nó meánmhéide nó gnólacht nuathionscanta leis, nó i gcás téarma a ndéantar caibidlíocht ina leith agus a chomhaontaítear ina dhiaidh sin ar bhealach leasaithe idir na páirtithe conarthacha, níor cheart an téarma sin a mheas mar théarma atá forchurtha go haontaobhach.

(60c)

Thairis sin, níor cheart feidhm a bheith ag na rialacha i ndáil le téarmaí conarthacha éagóracha ach amháin maidir leis na gnéithe sin de chonradh a bhaineann le soláthar uirlisí, seirbhísí, comhpháirteanna nó próiseas a úsáidtear nó a chomhtháthaítear i gcóras intleachta saorga ardriosca nó maidir leis na leigheasanna ar shárú nó ar fhoirceannadh oibleagáidí gaolmhara. Níor cheart codanna eile den chonradh céanna, nach mbaineann leis na heilimintí sin, a bheith faoi réir an mheasúnaithe éagóra a leagtar síos sa Rialachán seo.

(60d)

Níor cheart feidhm a bheith ag na critéir chun téarmaí éagóracha conarthacha a shainaithint ach amháin maidir le téarmaí conarthacha iomarcacha, i gcás ina mbaintear mí-úsáid as suíomh margála níos láidre. Tromlach mór na dtéarmaí conarthacha atá níos fabhraí do pháirtí amháin ó thaobh na tráchtála de ná do pháirtí eile, lena n-áirítear téarmaí ar gnách iad a bheith i gconarthaí gnólacht le gnólacht, is gnáthléiriú iad ar phrionsabal na saoirse conarthaí agus tá feidhm acu fós. Mura n-áirítear téarma conarthach sa liosta téarmaí a mheastar a bheith éagórach i gcónaí, beidh feidhm ag an bhforáil maidir le héagothroime ghinearálta. Maidir leis sin, ba cheart na téarmaí a liostaítear mar théarmaí éagóracha a bheith ina slat tomhais chun an fhoráil maidir le héagothroime ghinearálta a léirmhíniú.

(60e)

Is forbairt nua iad bunsamhlacha fondúireachta, ina bhforbraítear samhlacha intleachta saorga ó algartaim arna gceapadh chun optamú a dhéanamh ar mhaithe le ginearáltacht agus solúbthacht aschuir. Is minic a chuirtear oiliúint ar na samhlacha sin maidir le raon leathan foinsí sonraí agus méideanna móra sonraí chun réimse leathan cúraimí iartheachtacha a bhaint amach, lena n-áirítear cúraimí nach ndearnadh iad a fhorbairt ná oiliúint a chur orthu go sonrach ina leith. Is féidir leis an bunsamhail a bheith aonmhódach nó ilmhódach, oilte trí mhodhanna éagsúla amhail foghlaim faoi mhaoirseacht nó foghlaim threisithe. Is féidir le córais intleachta saorga a bhfuil críoch shonrach beartaithe dóibh nó córais intleachta saorga ilchuspóireacha a bheith ina gcur chun feidhme bunsamhla, rud a chiallaíonn gur féidir gach bunsamhail a athúsáid i gcórais intleachta saorga iartheachtacha iomadúla nó i gcórais intleachta saorga ilchuspóireacha. Tá tábhacht mhéadaitheach ag na samhlacha sin do go leor feidhmeanna agus córais iartheachtacha.

(60f)

I gcás bunsamhlacha a sholáthraítear mar sheirbhís amhail trí rochtain API, ba cheart síneadh ama a chur leis an gcomhar le soláthraithe iartheachtacha le linn na tréimhse a gcuirtear an tseirbhís sin ar fáil agus a dtacaítear léi, chun maolú riosca iomchuí a chumasú, ach amháin má aistríonn soláthraí na bunsamhla an tsamhail oiliúna chomh maith le faisnéis chuimsitheach agus iomchuí maidir leis na tacair sonraí agus próiseas forbartha an chórais nó má chuireann sé srian ar an tseirbhís, amhail rochtain API, sa chaoi is go mbeidh an soláthraí iartheachtach in ann an Rialachán seo a chomhlíonadh go hiomlán gan tuilleadh tacaíochta a fháil ó sholáthraí bunaidh na bunsamhla.

(60g)

I bhfianaise chineál agus chastacht an luachshlabhra do chóras intleachta saorga, tá sé ríthábhachtach ról na ngníomhaithe a rannchuidíonn le forbairt na gcóras intleachta saorga a shoiléiriú. Tá éiginnteacht shuntasach ann maidir leis an gcaoi a bhforbróidh bunsamhlacha, ó thaobh tíopeolaíocht samhlacha agus féinrialachais araon. Dá bhrí sin, tá sé ríthábhachtach staid dhlíthiúil na soláthraithe bunsamhlacha a shoiléiriú. In éineacht lena gcastacht agus tionchar gan choinne, easpa rialaithe sholáthraí iartheachtach na hintleachta saorga ar fhorbairt na bunsamhla agus éagothroime iarmhartach na cumhachta, agus chun comhroinnt chothrom freagrachtaí feadh luachshlabhra na hintleachta saorga a áirithiú, ba cheart samhlacha den sórt sin a bheith faoi réir ceanglais agus oibleagáidí comhréireacha agus níos sonraí faoin Rialachán seo, eadhon ba cheart, leis na bunsamhlacha, rioscaí agus dochar a d’fhéadfadh a bheith ann a mheasúnú agus a mhaolú trí dhearadh, tástáil agus anailís iomchuí a dhéanamh, bearta rialachais sonraí a chur chun feidhme, lena n-áirítear measúnú a dhéanamh ar chlaontachtaí, agus ceanglais deartha theicniúla a chomhlíonadh chun leibhéil iomchuí feidhmíochta, intuarthachta, léirmhínitheachta, incheartaitheachta, sábháilteachta agus cibearshlándála a áirithiú agus caighdeáin chomhshaoil a chomhlíonadh. Ba cheart caighdeáin a bheith ag gabháil leis na hoibleagáidí sin. Chomh maith leis sin, ba cheart oibleagáidí faisnéise a bheith ar na bunsamhlacha agus doiciméadacht theicniúil uile is gá a ullmhú chun go mbeidh soláthraithe iartheachtacha a d’fhéadfadh a bheith ann in ann a n-oibleagáidí faoin Rialachán seo a chomhlíonadh. Ba cheart, le bunsamhlacha giniúnacha, trédhearcacht a áirithiú maidir leis an bhfíric gur córas intleachta saorga, seachas daoine, a ghineann an t-ábhar. Ní hionann na ceanglais agus na hoibleagáidí sonracha sin agus a mheas gur córais intleachta saorga ardriosca iad bunsamhlacha, ach ba cheart a ráthú leo go mbainfear amach cuspóirí an Rialacháin seo chun ardleibhéal cosanta a áirithiú do chearta bunúsacha, do shláinte agus sábháilteacht, don chomhshaol, don daonlathas agus don smacht reachta. Maidir le samhlacha réamhoilte arna bhforbairt le haghaidh tacar feidhmchlár atá níos cúinge, níos teoranta agus nach bhfuil chomh ginearálta céanna, ar samhlacha iad nach féidir a oiriúnú do raon leathan cúraimí amhail córais intleachta saorga ilfheidhmeacha shimplí, níor cheart a mheas gur bunsamhlacha iad chun críocha an Rialacháin seo, mar gheall ar a léirmhínitheacht níos mó, rud a fhágann nach bhfuil a n-iompraíocht chomh dothuartha céanna.

(60h)

I bhfianaise chineál na mbunsamhlacha, tá easpa saineolais ar mheasúnú comhréireachta ann agus tá modhanna iniúchóireachta tríú páirtí fós á bhforbairt. Dá bhrí sin, tá bealaí nua á bhforbairt ag an earnáil féin chun measúnú a dhéanamh ar bhunsamhlacha a chomhlíonann, i bpáirt, cuspóir na hiniúchóireachta (amhail meastóireacht samhla, modh na foirne deirge nó teicnící fíoraithe agus bailíochtaithe meaisínfhoghlama). Ba cheart na measúnuithe inmheánacha sin le haghaidh bunsamhlacha a bheith infheidhme go forleathan (e.g. neamhspleách ar bhealaí dáileacháin, ar mhódúlacht, ar mhodhanna forbartha), chun aghaidh a thabhairt ar rioscaí a bhaineann go sonrach le samhlacha den sórt sin, agus cleachtais tionscail úrscothacha á gcur san áireamh, agus díriú ar thuiscint agus rialú teicniúil leordhóthanach ar an tsamhail a fhorbairt, ar rioscaí atá intuartha le réasún a bhainistiú, agus ar anailís agus tástáil fhorleathan a dhéanamh ar an tsamhail trí bhearta iomchuí, amhail trí rannpháirtíocht meastóirí neamhspleácha. Ós rud é gur forbairt nua a bhíonn athrú go tapa i réimse na hintleachta saorga iad bunsamhlacha, is iomchuí don Choimisiún agus don Oifig um Intleacht Shaorga faireachán a dhéanamh ar chreat reachtach agus rialachais na samhlacha sin agus go háirithe creat reachtach agus rialachais na gcóras intleachta saorga giniúnaí bunaithe ar na samhlacha sin, agus measúnú tréimhsiúil a dhéanamh air, rud a spreagann ceisteanna suntasacha a bhaineann le hábhar a ghiniúint de shárú ar dhlí an Aontais, rialacha cóipchirt, agus mí-úsáid a d’fhéadfadh a bheith ann. Ba cheart a shoiléiriú gur cheart an Rialachán seo a bheith gan dochar do dhlí an Aontais maidir le cóipcheart agus cearta gaolmhara, lena n-áirítear Treoracha 2001/29/CE, 2004/48/CE agus (AE) 2019/790 ó Pharlaimint na hEorpa agus ón gComhairle.

(61)

Ba cheart ról lárnach a bheith ag an gcaighdeánú chun réitigh theicniúla a sholáthar do sholáthraithe chun comhlíonadh an Rialacháin seo a áirithiú. Comhlíonadh na gcaighdeán comhchuibhithe mar a shainmhínítear i Rialachán (AE) Uimh. 1025/2012 ó Pharlaimint na hEorpa agus ón gComhairle  (54), ba cheart é a bheith ina mhodh ag soláthraithe chun comhréireacht le ceanglais an Rialacháin seo a léiriú. D’fhéadfadh an Coimisiún sonraíochtaí teicniúla comhchoiteanna a ghlacadh i réimsí nach ann do chaighdeáin chomhchuibhithe cheana féin nó i gcás nach leor iad .

(61)

Ba cheart ról lárnach a bheith ag an gcaighdeánú chun réitigh theicniúla a sholáthar do sholáthraithe chun comhlíonadh an Rialacháin seo a áirithiú. Comhlíonadh na gcaighdeán comhchuibhithe mar a shainmhínítear i Rialachán (AE) Uimh. 1025/2012 ó Pharlaimint na hEorpa agus ón gComhairle  (54), ba cheart é a bheith ina mhodh ag soláthraithe chun comhréireacht le ceanglais an Rialacháin seo a léiriú. Chun éifeachtacht caighdeán mar uirlis bheartais don Aontas a áirithiú agus aird á tabhairt ar thábhacht na gcaighdeán ar mhaithe le comhréireacht le ceanglais an Rialacháin seo a áirithiú agus ar mhaithe le hiomaíochas gnóthas, is gá ionadaíocht chothrom ar leasanna a áirithiú trí rannpháirt a thabhairt do na geallsealbhóirí ábhartha uile i bhforbairt caighdeán . Ba cheart an próiseas caighdeánaithe a bheith trédhearcach ó thaobh daoine dlítheanacha agus nádúrtha atá rannpháirteach sna gníomhaíochtaí caighdeánaithe.

(61a)

Chun comhlíonadh a éascú, ba cheart don Choimisiún na chéad iarrataí ar chaighdeánú a eisiúint dhá mhí ar a dhéanaí tar éis theacht i bhfeidhm an Rialacháin seo. Ba cheart go bhfeidhmeodh sé sin chun deimhneacht dhlíthiúil a fheabhsú, agus ar an gcaoi sin infheistíocht agus nuálaíocht san intleacht shaorga a chur chun cinn, chomh maith le hiomaíochas agus fás mhargadh an Aontais, agus feabhas á chur ag an am céanna ar rialachas il-gheallsealbhóra a dhéanann ionadaíocht ar na geallsealbhóirí Eorpacha ábhartha uile, amhail an Oifig um Intleacht Shaorga, eagraíochtaí agus comhlachtaí Eorpacha um chaighdeánú nó grúpaí saineolaithe arna mbunú faoi dhlí earnálach ábhartha an Aontais, mar aon le tionscal, FBManna, gnólachtaí nuathionscanta, an tsochaí shibhialta, taighdeoirí agus comhpháirtithe sóisialta, agus ba cheart go n-éascódh sé ar deireadh comhar domhanda maidir le caighdeánú i réimse na hintleachta saorga ar bhealach atá comhsheasmhach le luachanna an Aontais. Agus an iarraidh ar chaighdeánú á hullmhú aige, ba cheart don Choimisiún dul i gcomhairle leis an Oifig um Intleacht Shaorga agus leis an bhFóram Comhairleach um Intleacht Shaorga chun saineolas ábhartha a bhailiú.

(61b)

Nuair a bheartaítear córais intleachta saorga a úsáid san ionad oibre, ba cheart caighdeáin chomhchuibhithe a theorannú do shonraíochtaí agus nósanna imeachta teicniúla.

(61c)

Ba cheart don Choimisiún a bheith in ann sonraíochtaí coiteanna a ghlacadh faoi choinníollacha áirithe, nuair nach bhfuil aon chaighdeán comhchuibhithe ábhartha ann nó chun aghaidh a thabhairt ar ábhair imní shonracha maidir le cearta bunúsacha. Tríd an bpróiseas dréachtaithe ar fad, ba cheart don Choimisiún dul i gcomhairle go rialta leis an Oifig um Intleacht Shaorga agus lena fóram comhairleach, leis na heagraíochtaí agus comhlachtaí Eorpacha um chaighdeánú nó le grúpaí saineolaithe arna mbunú faoi dhlí earnálach ábhartha an Aontais chomh maith le geallsealbhóirí ábhartha, amhail an tionsclaíocht, FBManna, gnólachtaí nuathionscanta, an tsochaí shibhialta, taighdeoirí agus comhpháirtithe sóisialta.

(61d)

Agus sonraíochtaí coiteanna á nglacadh aige, ba cheart don Choimisiún a dhícheall a dhéanamh an intleacht shaorga a ailíniú le comhpháirtithe domhanda atá ar aon intinn leis, rud atá ríthábhachtach chun nuálaíocht agus comhpháirtíochtaí trasteorann a chothú laistigh de réimse na hintleachta saorga, ós rud é go bhfuil an-tábhacht ag baint le comhordú le comhpháirtithe i gcomhlachtaí idirnáisiúnta um chaighdeánú, ar comhlachtaí iad a bhfuil ar aon intinn leis.

(62)

Chun ardleibhéal iontaofachta a áirithiú i gcórais intleachta saorga ardriosca, ba cheart na córais sin a bheith faoi réir measúnú comhréireachta sula gcuirfear ar an margadh nó i mbun seirbhíse iad.

(62)

Chun ardleibhéal iontaofachta a áirithiú i gcórais intleachta saorga ardriosca, ba cheart na córais sin a bheith faoi réir measúnú comhréireachta sula gcuirfear ar an margadh nó i mbun seirbhíse iad. Chun muinín sa slabhra luacha a mhéadú agus chun cinnteacht a thabhairt do ghnólachtaí faoi fheidhmíocht a gcóras, féadfaidh tríú páirtithe a sholáthraíonn comhpháirteanna intleachta saorga iarratas a dhéanamh, dá ndeoin féin, ar mheasúnuithe comhréireachta tríú páirtí.

(64)

I bhfianaise thaithí fhairsing na ndeimhneoirí réamh-mhargaidh gairmiúla i réimse na sábháilteachta táirgí agus chineál éagsúil na rioscaí lena mbaineann, is iomchuí, ar a laghad le linn na chéad chéime de chur i bhfeidhm an Rialacháin seo, an raon feidhme a theorannú maidir le cur i bhfeidhm measúnaithe comhréireachta tríú páirtithe le haghaidh córais intleachta saorga ardriosca cé is moite dóibh siúd a bhaineann leis na táirgí. Dá bhrí sin, mar riail ghinearálta, ba cheart don soláthraí measúnú comhréireachta na gcóras sin a dhéanamh faoina fhreagracht féin, ach amháin i gcás córais intleachta saorga atá beartaithe lena n-úsáid le haghaidh cian-sainaithint bhithmhéadrach daoine, lenar cheart a fhoráil maidir le rannpháirtíocht comhlacht a dtugtar fógra dóibh sa mheasúnú comhréireachta, sa mhéid nach mbeidh toirmeasc orthu.

(64)

I bhfianaise chastacht na gcóras intleachta saorga ardriosca agus na rioscaí a bhaineann leo, tá sé bunriachtanach acmhainneacht níos leordhóthanaí a fhorbairt chun measúnú comhréireachta tríú páirtí a chur i bhfeidhm le haghaidh córais intleachta saorga ardriosca. Mar sin féin, i bhfianaise thaithí reatha na ndeimhneoirí réamh-mhargaidh gairmiúla i réimse na sábháilteachta táirgí agus chineál éagsúil na rioscaí lena mbaineann, is iomchuí, ar a laghad le linn na chéad chéime de chur i bhfeidhm an Rialacháin seo, an raon feidhme a theorannú maidir le cur i bhfeidhm measúnaithe comhréireachta tríú páirtí le haghaidh córais intleachta saorga ardriosca cé is moite dóibh siúd a bhaineann leis na táirgí. Dá bhrí sin, mar riail ghinearálta, ba cheart don soláthraí measúnú comhréireachta na gcóras sin a dhéanamh faoina fhreagracht féin, ach amháin i gcás córais intleachta saorga atá beartaithe lena n-úsáid le haghaidh cian-sainaithint bhithmhéadrach daoine, nó córais intleachta saorga atá beartaithe lena n-úsáid chun tátail a dhéanamh faoi shaintréithe pearsanta daoine nádúrtha ar bhonn sonraí bithmhéadracha nó sonraí bithmhéadrachtbhunaithe, lena n-áirítear córais aitheantais mothúcháin lenar cheart a fhoráil maidir le rannpháirtíocht comhlacht faoina dtugtar fógra sa mheasúnú comhréireachta, sa mhéid nach mbeidh toirmeasc orthu.

(65)

Chun measúnuithe comhréireachta tríú páirtithe a dhéanamh le haghaidh córais intleachta saorga ardriosca atá beartaithe lena n-úsáid le haghaidh cian-sainaithint bhithmhéadrach daoine , ba cheart do na húdaráis inniúla náisiúnta comhlachtaí a dtugtar fógra dóibh a ainmniú faoin Rialachán seo, ar choinníoll go gcomhlíonann siad le tacar ceanglas, go sonrach maidir leis an neamhspleáchas, an inniúlacht agus nach bhfuil aon choinbhleacht leasa ann .

(65)

Chun measúnuithe comhréireachta tríú páirtí a dhéanamh nuair a cheanglaítear sin , ba cheart do na húdaráis inniúla náisiúnta comhlachtaí faoina dtugtar fógra a ainmniú faoin Rialachán seo, ar choinníoll go gcomhlíonann siad le tacar ceanglas, go sonrach maidir leis an neamhspleáchas, an inniúlacht , an easpa coinbhleachtaí leasa agus íoscheanglais chibearshlándála . Ba cheart do na Ballstáit a mholadh go n-ainmneofaí líon leordhóthanach comhlachtaí um measúnú comhréireachta, ionas go mbeidh an deimhniú indéanta go tráthúil. Ba cheart na nósanna imeachta maidir le measúnú agus faireachán a dhéanamh ar chomhlachtaí um measúnú comhréireachta, ainmniú na gcomhlachtaí sin agus fógra a thabhairt ina leith a chur chun feidhme ar bhealach chomh haonfhoirmeach agus is féidir sna Ballstáit, d’fhonn bacainní ar theorainneacha riaracháin a bhaint agus a áirithiú go mbainfear acmhainneacht an mhargaidh inmheánaigh amach.

(65a)

I gcomhréir le gealltanais an Aontais faoi Chomhaontú na hEagraíochta Domhanda Trádála maidir le Bacainní Teicniúla ar Thrádáil, is leor uasmhéadú a dhéanamh ar ghlacadh le torthaí tástála arna gcur ar fáil ag comhlachtaí inniúla um measúnú comhréireachta, neamhspleách ar an gcríoch ina bhfuil siad bunaithe, i gcás inar gá chun comhréireacht le ceanglais infheidhme an Rialacháin a léiriú. Ba cheart don Choimisiún féachaint go gníomhach ar ionstraimí idirnáisiúnta a d’fhéadfadh a bheith ann chun na críche sin agus go háirithe bunú féideartha comhaontuithe maidir le haitheantas frithpháirteach a shaothrú le tíortha atá ar leibhéal inchomparáide forbartha teicniúla, agus a bhfuil cur chuige comhoiriúnach acu maidir leis an intleacht shaorga agus measúnú comhréireachta.

(66)

I gcomhréir le coincheap comhbhunaithe an mhodhnaithe shubstaintiúil, le haghaidh táirgí a rialaítear le reachtaíocht chomhchuibhithe an Aontais, is iomchuí go ndéanfaí measúnú comhréireachta nua ar chóras intleachta saorga aon uair a tharlaíonn athrú a d’ fhéadfaí difear a dhéanamh do chomhlíontacht an chórais leis an Rialachán seo nó nuair a athraítear an chríoch atá beartaithe don chóras. Ina theannta sin, a mhéid a bhaineann le córais intleachta saorga a leanann de bheith ‘ag foghlaim’ tar éis iad a chur ar an margadh nó i mbun seirbhíse (i.e. déanann siad oiriúnú uathoibríoch ar an mbealach a dhéantar feidhmeanna), is iomchuí rialacha a sholáthar lena leagtar amach nár cheart a mheas gur modhnuithe substaintiúla iad na hathruithe a dhéantar ar an algartam agus a fheidhmíocht a rinne an soláthraí a réamhchinneadh agus a ndearnadh measúnú orthu ag an measúnú comhréireachta.

(66)

I gcomhréir le coincheap comhbhunaithe an mhodhnaithe shubstaintiúil le haghaidh táirgí a rialaítear le reachtaíocht chomhchuibhithe an Aontais, is iomchuí go ndéanfaí measúnú comhréireachta nua ar chóras intleachta saorga ardriosca aon uair a tharlaíonn athrú neamhbheartaithe a  théann thar athruithe rialaithe nó réamhchinntithe ag an soláthraí lena n-áirítear foghlaim leanúnach agus a d’ fhéadfadh riosca do-ghlactha nua a chruthú agus a d’fhéadfadh difear suntasach a dhéanamh do chomhlíontacht an chórais intleachta saorga ardriosca leis an Rialachán seo nó nuair a athraítear an chríoch atá beartaithe don chóras. Ina theannta sin, a mhéid a bhaineann le córais intleachta saorga a leanann de bheith ‘ag foghlaim’ tar éis iad a chur ar an margadh nó i mbun seirbhíse (i.e. déanann siad oiriúnú uathoibríoch ar an mbealach a dhéantar feidhmeanna), is gá rialacha a sholáthar lena leagtar amach nár cheart a mheas gur modhnuithe substaintiúla iad na hathruithe a dhéantar ar an algartam agus a fheidhmíocht a rinne an soláthraí a réamhchinneadh agus a ndearnadh measúnú orthu ag an measúnú comhréireachta. Ba cheart feidhm a bheith ag an méid céanna maidir le nuashonruithe ar an gcóras intleachta saorga ar chúiseanna slándála i gcoitinne agus chun cosaint a thabhairt i gcoinne bagairtí athraitheacha cúblála ar an gcóras, ar choinníoll nach ionann iad agus modhnú substaintiúil.

(67)

Ba cheart an mharcáil CE a bheith ar chórais intleachta saorga ardriosca chun a shonrú go bhfuil siad i gcomhréir leis an Rialachán seo sa dóigh is gur féidir leo gluaiseacht gan bhac laistigh den mhargadh inmheánach. Níor cheart do na Ballstáit constaicí éagóracha a chruthú maidir le córais intleachta saorga ardriosca a chomhlíonann na ceanglais a leagtar síos sa Rialachán seo agus a bhfuil an mharcáil CE orthu, a chur ar an margadh nó a chur i mbun seirbhíse.

(67)

Ba cheart an mharcáil CE a bheith ar chórais intleachta saorga ardriosca chun a shonrú go bhfuil siad i gcomhréir leis an Rialachán seo sa dóigh is gur féidir leo gluaiseacht gan bhac laistigh den mhargadh inmheánach. Maidir le córais intleachta saorga ardriosca fhisiciúla, ba cheart marcáil CE fisiciúil a ghreamú orthu, agus féadfar é a chomhlánú le marcáil dhigiteach CE. Maidir le córais intleachta saorga ardriosca dhigiteacha amháin, ba cheart marcáil dhigiteach CE a úsáid. Níor cheart do na Ballstáit constaicí éagóracha a chruthú maidir le córais intleachta saorga ardriosca a chomhlíonann na ceanglais a leagtar síos sa Rialachán seo agus a bhfuil an mharcáil CE orthu, a chur ar an margadh nó a chur i mbun seirbhíse.

(68)

Faoi choinníollacha áirithe, d’fhéadfadh rochtain thapa ar theicneolaíochtaí nuálacha a bheith ríthábhachtach do shláinte agus sábháilteacht na ndaoine agus na sochaí ina hiomláine. Dá bhrí sin, is iomchuí i gcás cúiseanna eisceachtúla a bhaineann leis an tslándáil phoiblí nó le cosaint beatha nó sláinte daoine nádúrtha agus cosaint maoine tionsclaíche agus tráchtálaí , go bhféadfadh na Ballstáit údarú a thabhairt maidir le córais intleachta saorga nach ndearnadh measúnú comhréireachta orthu a chur ar an margadh nó a chur i mbun seirbhíse.

(68)

Faoi choinníollacha áirithe, d’fhéadfadh rochtain thapa ar theicneolaíochtaí nuálacha a bheith ríthábhachtach do shláinte agus sábháilteacht daoine, don chomhshaol agus athrú aeráide agus don sochaí ina hiomláine. Dá bhrí sin, is iomchuí i gcás cúiseanna eisceachtúla a bhaineann le cosaint beatha nó sláinte daoine nádúrtha , cosaint an chomhshaoil agus cosaint bonneagair chriticiúil , go bhféadfadh na Ballstáit údarú a thabhairt maidir le córais intleachta saorga nach ndearnadh measúnú comhréireachta orthu a chur ar an margadh nó a chur i mbun seirbhíse.

(69)

Chun obair an Choimisiúin agus na mBallstát i réimse na hintleachta saorga a éascú chomh maith leis an trédhearcacht i leith an phobail a mhéadú, ba cheart é a bheith de cheangal ar sholáthraithe córas intleachta saorga ardriosca, cé is moite dóibh siúd a bhaineann le táirgí a thagann faoi raon feidhme reachtaíocht chomhchuibhithe áirithe an Aontais, a gcóras intleachta saorga ardriosca a chlárú i mbunachar sonraí an Aontais, bunachar sonraí atá le bunú agus le bainistiú ag an gCoimisiún. Ba cheart an Coimisiún a bheith ina rialaitheoir ar an mbunachar sonraí sin, i gcomhréir le Rialachán (AE) Uimh. 2018/1725 ó Pharlaimint na hEorpa agus ón gComhairle (55). Chun feidhmiúlacht iomlán an bhunachair sonraí a áirithiú, nuair atá sé in úsáid, ba cheart mionsaothrú na sonraíochtaí feidhmiúla ag an gCoimisiún agus ag tuarascáil neamhspleách iniúchóireachta a áireamh mar chuid den nós imeachta chun an bunachar sonraí a shocrú.

(69)

Chun obair an Choimisiúin agus na mBallstát i réimse na hintleachta saorga a éascú chomh maith leis an trédhearcacht i leith an phobail a mhéadú, ba cheart é a bheith de cheangal ar sholáthraithe córas intleachta saorga ardriosca, cé is moite dóibh siúd a bhaineann le táirgí a thagann faoi raon feidhme reachtaíocht chomhchuibhithe áirithe an Aontais, a gcóras intleachta saorga ardriosca agus bunsamhlacha a chlárú i mbunachar sonraí an Aontais, bunachar sonraí atá le bunú agus le bainistiú ag an gCoimisiún. Ba cheart an bunachar sonraí sin a bheith inrochtana don phobal agus gan srian, intuigthe go héasca agus inléite ag meaisín. Ba cheart an bunachar sonraí a bheith soláimhsithe agus éasca nascleanúint a dhéanamh air, agus ba cheart feidhmiúlachtaí cuardaigh ar a laghad a chur ar chumas an phobail i gcoitinne an bunachar sonraí a chuardach le haghaidh córais ardriosca shonracha, suíomhanna, catagóirí riosca faoi Iarscríbhinn IV agus eochairfhocail. Ba cheart d’imscarthóirí ar údaráis phoiblí nó institiúidí, comhlachtaí, oifigí agus gníomhaireachtaí de chuid an Aontais iad nó imscarthóirí atá ag gníomhú thar a gceann agus imscarthóirí ar gnóthais iad atá ainmnithe mar gheatóir faoi Rialachán (AE) 2022/1925 clárú freisin i mbunachar sonraí an Aontais sula gcuirfidh siad córas intleachta saorga ardriosca i mbun seirbhíse nó sula n-úsáidfidh siad é den chéad uair agus tar éis gach modhnaithe shubstaintiúil. Ba cheart go mbeadh imscarthóirí eile i dteideal é sin a dhéanamh go deonach. Déanfar aon mhodhnú substaintiúil ar chórais intleachta saorga ardriosca a chlárú freisin i mbunachar sonraí an Aontais. Ba cheart an Coimisiún a bheith ina rialaitheoir ar an mbunachar sonraí sin, i gcomhréir le Rialachán (AE) Uimh. 2018/1725 ó Pharlaimint na hEorpa agus ón gComhairle (55). Chun feidhmiúlacht iomlán an bhunachair sonraí a áirithiú, nuair atá sé in úsáid, ba cheart mionsaothrú na sonraíochtaí feidhmiúla ag an gCoimisiún agus ag tuarascáil neamhspleách iniúchóireachta a áireamh mar chuid den nós imeachta chun an bunachar sonraí a shocrú. Ba cheart don Choimisiún rioscaí cibearshlándála agus rioscaí a bhaineann le guaiseacha a chur san áireamh agus a chúraimí mar rialaitheoir sonraí á ndéanamh aige ar bhunachar sonraí an Aontais. Chun infhaighteacht agus úsáid an bhunachair sonraí ag an bpobal a uasmhéadú, ba cheart go gcomhlíonfadh an bunachar sonraí, lena n-áirítear an fhaisnéis a chuirtear ar fáil tríd, na ceanglais faoi Threoir 2019/882.

(71)

Grúpa teicneolaíochtaí atá san intleacht shaorga atá ag forbairt go tapa agus lena bhfuil cineálacha nua formhaoirseachta rialála agus spás sábháilte le haghaidh turgnamhaíochta ag teastáil, ach lena n-áirithítear nuálaíocht fhreagrach agus comhtháthú coimircí iomchuí agus bearta maolaithe riosca. Chun creat dlíthiúil atá fabhrach don nuálaíocht, stóinseach don todhchaí agus athléimneach in aghaidh suaite a áirithiú, ba cheart na húdaráis inniúla náisiúnta ó Bhallstát amháin nó níos mó a spreagadh boscaí gainimh rialála intleachta saorga a bhunú chun forbairt agus tástáil na gcóras intleachta saorga nuálach faoi fhormhaoirseacht rialála dhian a éascú sula gcuirfear na córais sin ar an margadh nó i mbun seirbhíse ar shlí eile.

(71)

Grúpa teicneolaíochtaí atá san intleacht shaorga atá ag forbairt go tapa agus lena bhfuil formhaoirseacht rialála agus spás rialaithe sábháilte le haghaidh turgnamhaíochta ag teastáil, ach lena n-áirithítear nuálaíocht fhreagrach agus comhtháthú coimircí iomchuí agus bearta maolaithe riosca. Chun creat dlíthiúil a chuireann an nuálaíocht chun cinn, atá stóinseach don todhchaí, agus athléimneach in aghaidh suaite a áirithiú, ba cheart na Ballstát a spreagadh chun bosca gainimh rialála intleachta saorga amháin ar a  laghad a bhunú chun forbairt agus tástáil na gcóras intleachta saorga nuálach faoi fhormhaoirseacht rialála dhian a éascú sula gcuirfear na córais sin ar an margadh nó i mbun seirbhíse ar shlí eile. Go deimhin, is inmhianaithe boscaí gainimh rialála a bhunú, a bhfuil a mbunú faoi rogha na mBallstát faoi láthair, mar chéad chéim eile a bheidh éigeantach le critéir bhunaithe. D’fhéadfaí an bosca gainimh éigeantach sin a bhunú i gcomhpháirt le Ballstát amháin eile nó le roinnt Ballstát eile, chomh fada agus a chlúdódh an bosca gainimh sin leibhéal náisiúnta faoi seach na mBallstát lena mbaineann. Féadfar boscaí gainimh breise a bhunú freisin ar leibhéil éagsúla, lena n-áirítear ar fud na mBallstát, chun comhar agus sineirgí trasteorann a éascú. Cé is moite den bhosca gainimh éigeantach ar an leibhéal náisiúnta, ba cheart do na Ballstáit a bheith in ann boscaí gainimh fíorúla nó hibrideacha a bhunú freisin. Ba chóir go mbeadh gach bosca gainimh rialála in ann freastal ar tháirgí fisiceacha agus fíorúla araon. Ba cheart d’údaráis bhunaithe a áirithiú freisin go mbeidh na hacmhainní leordhóthanacha airgeadais agus daonna ag na boscaí gainimh rialála chun go bhfeidhmeoidh siad.

(72)

Ba cheart cuspóirí na mboscaí gainimh rialála a  bheith chun nuálaíocht intleachta saorga a  chothú trí thimpeallacht rialaithe turgnamhaíochta agus tástála a bhunú ag an gcéim forbartha agus ag an gcéim réamh-mhargaidh d’fhonn comhlíontacht na gcóras intleacht saorga leis an Rialachán seo agus reachtaíocht ábhartha eile de chuid an Aontais agus na mBallstát a  áirithiú; chun deimhneacht dhlíthiúil a fheabhsú le haghaidh nuálaithe agus formhaoirseacht agus tuiscint na n-údarás inniúla ar na deiseanna, na rioscaí atá ag teacht chun cinn agus tionchair na húsáide intleachta saorga a fheabhsú , agus chun dlús a chur le rochtain ar an margadh, lena n-áirítear trí dheireadh a chur le bacainní le haghaidh fiontair bheaga agus mheánmhéide (FBManna) agus gnólachtaí nuathionscanta . Chun chur chun feidhme aonfhoirmeach ar fud an Aontais agus barainneacht scála a áirithiú, is iomchuí rialacha comhchoiteanna a bhunú maidir leis na boscaí gainimh rialála a chur chun feidhme agus creat a bhunú maidir le comhar idir na húdaráis ábhartha atá rannpháirteach i maoirseacht na mboscaí gainimh. Ba cheart an Rialachán seo a bheith ina bhunús dlí le sonraí pearsanta a bhailítear chun críoch eile a úsáid chun córais intleachta saorga áirithe a fhorbairt ar mhaithe le leas an phobail faoi chuimsiú an bhosca gainimh rialála, i gcomhréir le hAirteagal 6(4) de Rialachán (AE) 2016/679, agus Airteagal 6 de Rialachán (AE) 2018/1725, agus gan dochar d’Airteagal 4(2) de Threoir (AE) 2016/680. Ba cheart do rannpháirtithe an bhosca gainimh rialála coimircí iomchuí a áirithiú agus oibriú i gcomhar leis na húdaráis inniúla, lena n-áirítear trína dtreoir a leanúint agus trí ghníomhú go tapa agus de mheon macánta chun aon ardriosca a mhaolú maidir le sábháilteacht nó cearta bunúsacha a d’fhéadfadh teacht chun cinn le linn na forbartha agus na turgnamhaíochta sa bhosca gainimh. Ba cheart iompar na rannpháirtithe sa bhosca gainimh a chur san áireamh agus cinneadh á dhéanamh ag na húdaráis inniúla an ngearrfar fíneáil riaracháin faoi Airteagal 83(2) de Rialachán 2016/679 agus Airteagal 57 de Threoir 2016/680.

(72)

Ba cheart gurb iad seo a leanas cuspóirí na mboscaí gainimh rialála : le haghaidh na n-údarás bunaithe chun a  dtuiscint ar fhorbairtí teicniúla a mhéadú, modhanna maoirseachta a fheabhsú agus treoir a thabhairt d’ fhorbróirí agus do sholáthraithe córas intleachta saorga chun comhlíonadh rialála a  bhaint amach leis an Rialachán seo nó, i gcás inarb ábhartha, le reachtaíocht eile is infheidhme de chuid an Aontais agus na mBallstát , chomh maith leis an gCairt um Chearta Bunúsacha; chun go bhféadfaidh na soláthraithe ionchasacha tástáil agus forbairt réiteach nuálach a  bhaineann le córais intleachta saorga a cheadú agus a éascú sa chéim réamh-mhargaithe chun deimhneacht dhlíthiúil a fheabhsú , chun tuilleadh foghlama rialála a cheadú trí údaráis a bhunú i dtimpeallacht rialaithe chun treoir níos fearr a fhorbairt agus chun feabhsuithe a d’fhéadfaí a dhéanamh ar an gcreat dlíthiúil amach anseo a shainaithint tríd an ngnáthnós imeachta reachtach. Má shainaithnítear aon rioscaí suntasacha le linn fhorbairt agus thástáil córas intleachta saorga den chineál sin , ba cheart go mbeadh maolú láithreach ann agus , ina éagmais sin, cuirfear an próiseas forbartha agus tástála ar fionraí go dtí go ndéanfar an maolú sin . Chun chur chun feidhme aonfhoirmeach ar fud an Aontais agus barainneacht scála a áirithiú, is iomchuí rialacha comhchoiteanna a bhunú maidir leis na boscaí gainimh rialála a chur chun feidhme agus creat a bhunú maidir le comhar idir na húdaráis ábhartha atá rannpháirteach i maoirseacht na mboscaí gainimh. Ba cheart do na Ballstáit a áirithiú go mbeidh boscaí gainimh rialála ar fáil go forleathan ar fud an Aontais, agus ba cheart go leanfadh an rannpháirtíocht de bheith deonach. Tá sé tábhachtach go háirithe a áirithiú gur féidir le FBManna agus gnólachtaí nuathionscanta rochtain a fháil go héasca ar na boscaí gainimh sin, agus go mbeidh siad rannpháirteach go gníomhach i bhforbairt agus i dtástáil córas nuálach intleachta saorga , chun go mbeidh siad in ann rannchuidiú lena bhfios gnó agus lena dtaithí.

(72a)

Níor cheart don Rialachán seo a bheith ina bhunús dlí le sonraí pearsanta a bhailítear chun críoch eile a úsáid chun córais intleachta saorga áirithe a fhorbairt ar mhaithe le leas an phobail faoi chuimsiú an bhosca gainimh rialála ach amháin faoi choinníollacha sonraithe i gcomhréir le hAirteagal 6(4) de Rialachán (AE) 2016/679, agus Airteagal 6 de Rialachán (AE) 2018/1725, agus gan dochar d’Airteagal 4(2) de Threoir (AE) 2016/680. Ba cheart do sholáthraithe ionchasacha sa bhosca gainimh rialála coimircí iomchuí a áirithiú agus oibriú i gcomhar leis na húdaráis inniúla, lena n-áirítear trína dtreoir a leanúint agus trí ghníomhú go tapa agus de mheon macánta chun aon ardriosca a mhaolú maidir le sábháilteacht, sláinte agus an chomhshaol agus cearta bunúsacha a d’fhéadfadh teacht chun cinn le linn na forbartha agus na turgnamhaíochta sa bhosca gainimh. Ba cheart iompar na soláthraithe ionchasacha sa bhosca gainimh a chur san áireamh agus cinneadh á dhéanamh ag na húdaráis inniúla maidir lena rannpháirtíocht sa bhosca gainimh a chur ar fionraí go sealadach nó go buan an ngearrfar fíneáil riaracháin faoi Airteagal 83(2) de Rialachán 2016/679 agus Airteagal 57 de Threoir 2016/680.

(72b)

Chun a áirithiú go mbeidh torthaí a rachaidh chun tairbhe don tsochaí agus don chomhshaol mar thoradh ar an Intleacht Shaorga, ba cheart do na Ballstáit tacú le taighde agus forbairt intleachta saorga agus iad a chur chun cinn chun tacú le torthaí a rachaidh chun tairbhe don tsochaí agus don chomhshaol trí acmhainní leordhóthanacha a leithdháileadh, lena n-áirítear cistiú poiblí agus cistiú ón Aontas, agus trí rochtain tosaíochta a thabhairt ar bhoscaí gainimh rialála do thionscadail atá faoi stiúir na sochaí sibhialta. Ba cheart tionscadail den sórt sin a bheith bunaithe ar phrionsabal an chomhair idirdhisciplíneaigh idir forbróirí intleachta saorga, saineolaithe ar neamhionannas agus neamh-idirdhealú, inrochtaineacht, cearta tomhaltóirí, comhshaoil agus digiteacha, chomh maith le hacadóirí

(73)

Chun an nuálaíocht a chur chun cinn agus a chosaint, tá sé tábhachtach leasanna na soláthraithe ar mhionscála agus úsáideoirí córas intleachta saorga a chur san áireamh go háirithe. I bhfianaise an chuspóra sin, ba cheart do na Ballstáit tionscnaimh a fhorbairt atá dírithe ar na hoibreoirí sin, lena n-áirítear maidir le hardú feasachta agus cumarsáid faisnéise. Thairis sin, cuirfear leasanna sonracha agus riachtanais na soláthraithe ar mhionscála san áireamh agus táillí measúnaithe comhréireachta á socrú ag na comhlachtaí a dtugtar fógra dóibh. D’fhéadfadh costais suntasach a bheith i gceist le costais aistriúcháin a bhaineann le doiciméadacht shainordaitheach agus cumarsáid leis na húdaráis, le haghaidh soláthraithe agus oibreoirí eile, eadhon iad siúd ar mhionscála . Ba cheart do na Ballstáit a áirithiú, más féidir, maidir leis na teangacha a chinnfidh siad agus a ghlacfaidh siad le doiciméadacht ábhartha na soláthraithe agus cumarsáid leis na soláthraithe inti, gur teanga í ceann amháin de na teangacha sin a bhfuil tuiscint éigin ag an líon is mó úsáideoirí trasteorann is féidir uirthi.

(73)

Chun an nuálaíocht a chur chun cinn agus a chosaint, tá sé tábhachtach leasanna na soláthraithe ar mionscála agus úsáideoirí córas intleachta saorga a chur san áireamh go háirithe. I bhfianaise an chuspóra sin, ba cheart do na Ballstáit tionscnaimh a fhorbairt atá dírithe ar na hoibreoirí sin, lena n-áirítear maidir le litearthacht intleachta saorga, le hardú feasachta agus cumarsáid faisnéise. Úsáidfidh na Ballstáit na bealaí atá ann cheana agus, i gcás inarb iomchuí, bealaí tiomnaithe nua a bhunú le haghaidh cumarsáid le FBManna, gnólachtaí nuathionscanta agus úsáideoirí agus nuálaithe eile chun treoir a thabhairt agus chun freagairt d’fhiosrúcháin maidir le cur chun feidhme an Rialacháin seo. D’fhéadfaí a bheith san áireamh sna bealaí sin atá ann cheana Foirne Freagartha do Theagmhais a bhaineann le Slándáil Ríomhairí de chuid ENISA, Gníomhaireachtaí Náisiúnta Cosanta Sonraí, an t-ardán um intleacht shaorga ar éileamh, na Moil Nuálaíochta Digití Eorpacha agus ionstraimí ábhartha eile arna maoiniú ag cláir AE agus na Saoráidí Tástála agus Turgnaimh arna mbunú ag an gCoimisiún agus ag na Ballstáit ar an leibhéal náisiúnta nó ar leibhéal an Aontais, ach gan a bheith teoranta dóibh. I gcás inarb iomchuí, oibreoidh na bealaí sin le chéile chun sineirgí a chruthú agus aonchineálacht a áirithiú ina dtreoir do ghnólachtaí nuathionscanta, do FBManna agus d’úsáideoirí. Thairis sin, cuirfear leasanna sonracha agus riachtanais na soláthraithe ar mionscála san áireamh agus táillí measúnaithe comhréireachta á socrú ag na comhlachtaí a dtugtar fógra dóibh. Déanfaidh an Coimisiún measúnú rialta ar na costais deimhniúcháin agus chomhlíontachta do FBManna agus do ghnólachtaí nuathionscanta, lena n-áirítear trí chomhairliúcháin thrédhearcacha le FBManna, gnólachtaí nuathionscanta agus úsáideoirí agus oibriú leis na Ballstáit chun na costais sin a ísliú. Mar shampla, d’fhéadfadh costais shuntasacha a bheith i gceist le costais aistriúcháin a bhaineann le doiciméadacht shainordaitheach agus cumarsáid leis na húdaráis, le haghaidh soláthraithe agus oibreoirí eile, go háirithe iad siúd ar mionscála . Ba cheart do na Ballstáit a áirithiú, más féidir, maidir leis na teangacha a chinnfidh siad agus a ghlacfaidh siad le doiciméadacht ábhartha na soláthraithe agus cumarsáid leis na soláthraithe inti, gur teanga í ceann amháin de na teangacha sin a bhfuil tuiscint éigin ag an líon is mó úsáideoirí trasteorann is féidir uirthi. Fiontair mheánmhéide a d’athraigh le déanaí ón gcatagóir bheag go dtí an chatagóir mheánmhéide de réir bhrí na hIarscríbhinne a ghabhann le Moladh 2003/361/CE (Airteagal 16), ba cheart rochtain a bheith acu ar na tionscnaimh sin agus ar treoir a bheith acu ar feadh tréimhse ama a mheasann na Ballstáit a bheith iomchuí, toisc go bhféadfadh sé go mbeadh easpa acmhainní dlíthiúla agus oiliúna ag na fiontair mheánmhéide nua sin ó am go ham chun tuiscint agus comhlíonadh ceart na bhforálacha a áirithiú.

(74)

Chun na rioscaí maidir le cur chun feidhme mar thoradh ar easpa eolais agus saineolais sa mhargadh a íoslaghdú agus chun comhlíontacht na soláthraithe agus na gcomhlachtaí a dtugtar fógra dóibh lena n-oibleagáidí faoin Rialachán seo a éascú, ba cheart don Ardán um Intleacht Shaorga ar éileamh, do na Moil Nuálaíochta Digití Eorpacha agus do na Saoráidí Tástála agus Turgnamhaíochta arna mbunú ag an gCoimisiún agus na Ballstáit ar an leibhéal náisiúnta nó ar leibhéal an Aontais rannchuidiú le cur chun feidhme an Rialacháin seo. Laistigh dá misean agus réimsí inniúlachta faoi seach, féadfaidh siad tacaíocht theicniúil agus eolaíoch go háirithe a thabhairt do sholáthraithe agus comhlachtaí a dtugtar fógra dóibh.

(74)

Chun na rioscaí maidir le cur chun feidhme mar thoradh ar easpa eolais agus saineolais sa mhargadh a íoslaghdú agus chun comhlíontacht na soláthraithe agus na gcomhlachtaí a dtugtar fógra dóibh lena n-oibleagáidí faoin Rialachán seo a éascú, ba cheart don Ardán um Intleacht Shaorga ar éileamh, do na Moil Nuálaíochta Digití Eorpacha agus do na Saoráidí Tástála agus Turgnamhaíochta arna mbunú ag an gCoimisiún agus na Ballstáit ar an leibhéal náisiúnta nó ar leibhéal an Aontais rannchuidiú le cur chun feidhme an Rialacháin seo. Laistigh dá misean agus réimsí inniúlachta faoi seach, féadfaidh siad tacaíocht theicniúil agus eolaíoch go háirithe a thabhairt do sholáthraithe agus comhlachtaí a dtugtar fógra dóibh.

(76)

Chun cur chun feidhme rianúil éifeachtach agus comhchuibhithe an Rialacháin seo a  éascú , ba cheart Bord Eorpach um Intleacht Shaorga a bhunú. Ba cheart don Bhord a bheith freagrach as roinnt cúraimí comhairleacha, lena n-áirítear tuairimí, moltaí, comhairle nó treoir a thabhairt maidir le hábhair a bhaineann leis an Rialachán seo a chur chun feidhme, lena n-áirítear maidir le sonraíochtaí teicniúla nó caighdeáin atá ann cheana i dtaca leis na ceanglais a  bhunaítear sa Rialachán seo agus comhairle agus cúnamh a thabhairt don Choimisiún maidir le ceisteanna áirithe a bhaineann leis an intleacht shaorga.

(76)

Chun ilroinnt a sheachaint, chun feidhmiú barrmhaith an mhargaidh aonair a áirithiú, cur chun feidhme éifeachtach agus comhchuibhithe an Rialacháin seo a  áirithiú , chun ardleibhéal iontaofachta agus cosanta sláinte agus sábháilteachta, cearta bunúsacha, an chomhshaoil, an daonlathais agus an smachta reachta ar fud an Aontais a bhaint amach maidir le córais intleachta saorga, chun tacú go gníomhach le húdaráis mhaoirseachta náisiúnta, institiúidí, comhlachtaí, oifigí agus gníomhaireachtaí de chuid an Aontais maidir le hábhair a bhaineann leis an Rialachán seo, agus chun glacadh na hintleachta saorga a mhéadú ar fud an Aontais, ba cheart Oifig Faisnéise Saorga de chuid an Aontais Eorpaigh a bhunú. Ba cheart pearsantacht dhlítheanach a bheith ag an Oifig um Intleacht Shaorga, ba cheart di gníomhú go hiomlán neamhspleách, ba cheart go mbeadh sí freagrach as roinnt cúraimí comhairleacha agus comhordúcháin , lena n-áirítear tuairimí, moltaí, comhairle nó treoir a thabhairt maidir le hábhair a bhaineann leis an Rialachán seo a chur chun feidhme agus ba cheart í a chistiú go leordhóthanach agus foireann leordhóthanach a bheith aici. Ba cheart do na Ballstáit treoir straitéiseach agus rialú straitéiseach na hOifige im Intleachta Shaorga a sholáthar trí bhord bainistíochta na hOifige um Intleacht Shaorga , in éineacht leis an gCoimisiún, MECS, FRA agus ENISA. Ba cheart stiúrthóir feidhmiúcháin a bheith freagrach as gníomhaíochtaí rúnaíocht na hoifige intleachta saorga a bhainistiú agus as ionadaíocht a dhéanamh ar an Oifig um Intleacht Shaorga. Ba cheart do gheallsealbhóirí páirt fhoirmiúil a ghlacadh in obair na hOifige um Intleacht Shaorga trí fhóram comhairleach lenar cheart ionadaíocht éagsúil agus chothrom na ngeallsealbhóirí a áirithiú agus ba cheart dóibh comhairle a chur ar an Oifig um Intleacht Shaorga maidir le hábhair a bhaineann leis an Rialachán seo. I gcás inar léir nach leor bunú na hOifige um Intleacht Shaorga chun cur i bhfeidhm iomlán comhsheasmhach an Rialacháin seo ar leibhéal an Aontais a áirithiú chomh maith le bearta éifeachtúla forfheidhmithe trasteorann, ba cheart cruthú gníomhaireachta intleachta saorga a mheas .

(77)

Tá ról lárnach ag na Ballstáit ó thaobh an Rialacháin seo a chur i bhfeidhm agus a fhorfheidhmiú. Ina thaobh sin, ba cheart do gach Ballstát údarás inniúil náisiúnta amháin nó níos mó a ainmniú chun maoirseacht a dhéanamh ar chur i bhfeidhm agus cur chun feidhme an Rialacháin seo. Chun éifeachtúlacht eagraíochta na mBallstát a fheabhsú agus chun pointe aonair teagmhála a shocrú i leith an phobail agus comhpháirtithe eile ar leibhéal na mBallstát agus ar leibhéal an Aontais, ba cheart údarás náisiúnta amháin a ainmniú i ngach Ballstát mar údarás maoirseachta náisiúnta.

(77)

Ba cheart do gach Ballstát údarás maoirseachta náisiúnta a ainmniú chun maoirseacht a dhéanamh ar chur i bhfeidhm agus cur chun feidhme an Rialacháin seo. Ba cheart dó ionadaíocht a dhéanamh freisin ar a Bhallstát ar bhord bainistíochta na hOifige um Intleacht Shaorga. Chun éifeachtúlacht eagraíochta na mBallstát a fheabhsú agus chun pointe aonair teagmhála a shocrú i leith an phobail agus comhpháirtithe eile ar leibhéal na mBallstát agus ar leibhéal an Aontais . Agus a chúraimí á gcomhlíonadh aige agus a chumhachtaí á bhfeidhmiú aige i gcomhréir leis an Rialachán seo , gníomhóidh gach údarás maoirseachta náisiúnta ar shlí a bheidh go hiomlán neamhspleách .

(77a)

Ba cheart do na húdaráis mhaoirseachta faireachán a dhéanamh ar chur i bhfeidhm na bhforálacha de bhun an Rialacháin seo agus ba cheart dóibh rannchuidiú lena chur i bhfeidhm comhsheasmhach ar fud an Aontais. Chun na críche sin, ba cheart do na húdaráis mhaoirseachta náisiúnta comhoibriú lena chéile, leis na húdaráis inniúla náisiúnta ábhartha, leis an gCoimisiún, agus leis an Oifig um Intleacht Shaorga.

(77b)

Ba cheart go mbeadh comhalta nó foireann gach údaráis mhaoirseachta náisiúnta, i gcomhréir le dlí an Aontais nó leis an dlí náisiúnta, faoi réir dualgas rúndachta gairmiúla, le linn agus i ndiaidh a dtéarma oifige, maidir le haon fhaisnéis rúnda a dtagann siad uirthi le linn dóibh bheith ag comhlíonadh a ndualgas nó ag feidhmiú a gcumhachtaí. Le linn a dtéarma oifige, ba cheart feidhm a bheith ag an dualgas rúndachta gairmiúla sin go háirithe maidir le rúin trádála agus maidir le sáruithe ar an Rialachán seo a bheith á dtuairisciú ag daoine nádúrtha.

(78)

Chun a áirithiú gur féidir le soláthraithe na gcóras intleachta saorga ardriosca taithí a chur san áireamh maidir le húsáid na gcóras intleachta saorga ardriosca chun feabhas a chur ar a gcórais agus ar an bpróiseas deartha agus forbartha nó gur féidir leo aon bheart ceartaitheach a dhéanamh go tráthúil, ba cheart do gach soláthraí córas faireacháin iarmhargaidh a bheith i bhfeidhm aige. Tá an córas sin ríthábhachtach freisin chun a áirithiú gur féidir dul i ngleic ar bhealach níos éifeachtúla agus níos tráthúla le rioscaí a d’fhéadfadh eascairt as córais intleachta saorga a leanann de bheith ‘ag foghlaim’ tar éis iad a chur ar an margadh nó i mbun seirbhíse. Sa chomhthéacs sin, ba cheart a cheangal ar sholáthraithe freisin córas a bheith i bhfeidhm acu chun tuairisciú do na húdaráis ábhartha maidir le haon teagmhas tromchúiseach nó aon sárú ar dhlí náisiúnta nó dlí an Aontais lena gcosnaítear cearta bunúsacha, atá mar thoradh ar úsáid a gcóras intleachta saorga.

(78)

Chun a áirithiú gur féidir le soláthraithe na gcóras intleachta saorga ardriosca taithí a chur san áireamh maidir le húsáid na gcóras intleachta saorga ardriosca chun feabhas a chur ar a gcórais agus ar an bpróiseas deartha agus forbartha nó gur féidir leo aon bheart ceartaitheach a dhéanamh go tráthúil, ba cheart do gach soláthraí córas faireacháin iarmhargaidh a bheith i bhfeidhm aige. Tá an córas sin ríthábhachtach freisin chun a áirithiú gur féidir dul i ngleic ar bhealach níos éifeachtúla agus níos tráthúla le rioscaí a d’fhéadfadh eascairt as córais intleachta saorga a leanann de bheith ‘ag foghlaim’ nó ag forbairt tar éis iad a chur ar an margadh nó i mbun seirbhíse. Sa chomhthéacs sin, ba cheart a cheangal ar sholáthraithe freisin córas a bheith i bhfeidhm acu chun tuairisciú do na húdaráis ábhartha maidir le haon teagmhas tromchúiseach nó aon sárú ar dhlí náisiúnta nó dlí an Aontais, lena n-áirítear iad siúd a chosnaíonn cearta bunúsacha agus cearta tomhaltóirí , atá mar thoradh ar úsáid a gcóras intleachta saorga agus gníomhaíochtaí ceartaitheacha iomchuí a dhéanamh . Ba cheart d’imscarthóirí tuairisciú do na húdaráis ábhartha aon teagmhais thromchúiseacha nó aon sáruithe tromchúiseacha ar an dlí náisiúnta agus ar dhlí an Aontais a eascraíonn as úsáid a gcórais intleachta saorga nuair a bhíonn siad ar an eolas faoi theagmhais thromchúiseacha nó sáruithe tromchúiseacha den sórt sin.

(79)

Chun a áirithiú go ndéantar na ceanglais agus na hoibleagáidí a leagtar amach sa Rialachán seo a fhorfheidhmiú go hiomchuí agus go héifeachtach, ar reachtaíocht chomhchuibhithe an Aontais í, ba cheart feidhm a bheith ag an gcóras maidir le faireachas margaidh ar tháirgí agus comhlíontacht táirgí, ina iomláine, a bhunaítear le Rialachán (AE) 2019/1020. I gcás inar gá le haghaidh a sainordaithe, ba cheart d’údaráis náisiúnta phoiblí nó comhlachtaí náisiúnta poiblí, a dhéanann maoirseacht ar chur i bhfeidhm dhlí an Aontais lena gcosnaítear cearta bunúsacha, lena n-áirítear comhlachtaí comhionannais, rochtain a bheith acu ar aon doiciméadacht a chruthaítear faoin Rialachán seo.

(79)

Chun a áirithiú go ndéantar na ceanglais agus na hoibleagáidí a leagtar amach sa Rialachán seo a fhorfheidhmiú go hiomchuí agus go héifeachtach, ar reachtaíocht chomhchuibhithe an Aontais í, ba cheart feidhm a bheith ag an gcóras maidir le faireachas margaidh ar tháirgí agus comhlíontacht táirgí, ina iomláine, a bhunaítear le Rialachán (AE) 2019/1020. Chun críche an Rialacháin seo, ba cheart d’údaráis mhaoirseachta náisiúnta gníomhú mar údarás um fhaireachas margaidh le haghaidh córais intleachta saorga a chumhdaítear leis an Rialachán seo cé is moite de chórais intleachta saorga a chumhdaítear le hIarscríbhinn II a ghabhann leis an Rialachán seo. Maidir le córais intleachta saorga a chumhdaítear le gníomhartha dlí a liostaítear in Iarscríbhinn II, ba cheart do na húdaráis inniúla faoi na gníomhartha dlí sin leanúint de bheith ina bpríomhúdarás. Ba cheart d’údaráis mhaoirseachta náisiúnta agus d’údaráis inniúla sna gníomhartha dlí a liostaítear in Iarscríbhinn II oibriú le chéile nuair is gá. I gcás inarb iomchuí, ba cheart do na húdaráis inniúla sna gníomhartha dlí a liostaítear in Iarscríbhinn II foireann inniúil a chur chuig an údarás maoirseachta náisiúnta chun cabhrú lena gcúraimí a chomhlíonadh. Chun críche an Rialacháin seo, ba cheart na cumhachtaí agus na hoibleagáidí céanna a bheith ag údaráis mhaoirseachta náisiúnta agus atá ag na húdaráis um fhaireachas margaidh faoi Rialachán (AE) 2019/1020. I gcás inar gá le haghaidh a sainordaithe, ba cheart d’údaráis náisiúnta phoiblí nó comhlachtaí náisiúnta poiblí, a dhéanann maoirseacht ar chur i bhfeidhm dhlí an Aontais lena gcosnaítear cearta bunúsacha, lena n-áirítear comhlachtaí comhionannais, rochtain a bheith acu ar aon doiciméadacht a chruthaítear faoin Rialachán seo. Tar éis gach bealach réasúnach eile a bheith ídithe chun measúnú/fíorú a dhéanamh ar an gcomhréireacht agus ar iarraidh réasúnaithe, ba cheart rochtain a thabhairt don údarás maoirseachta náisiúnta ar na tacair sonraí oiliúna, bailíochtaithe agus tástála, ar shamhail oilte agus oiliúna an chórais intleachta saorga ardriosca, lena n-áirítear a pharaiméadair eiseamláireacha ábhartha agus a dtimpeallacht forghníomhaithe/reáchtála. I gcás córais bogearraí níos simplí a thagann faoin Rialachán seo agus nach bhfuil bunaithe ar shamhlacha oilte, agus i gcás inar ídíodh gach bealach eile chun comhréireacht a fhíorú, féadfaidh an t-údarás maoirseachta náisiúnta rochtain a bheith aige ar an gcód foinseach go heisceachtúil, ar iarraidh réasúnaithe. I gcás inar tugadh rochtain don údarás maoirseachta náisiúnta ar na tacair sonraí oiliúna, bailíochtaithe agus tástála i gcomhréir leis an Rialachán seo, ba cheart an rochtain sin a bhaint amach trí mhodhanna agus uirlisí teicniúla iomchuí, lena n-áirítear rochtain ar an láthair agus in imthosca eisceachtúla, cianrochtain. Ba cheart don údarás maoirseachta náisiúnta déileáil le haon fhaisnéis, lena n-áirítear cód foinseach, bogearraí agus sonraí mar is infheidhme, a fhaightear mar fhaisnéis rúnda agus dlí ábhartha an Aontais maidir le cosaint maoine intleachtúla agus rúin trádála a urramú. Ba cheart don údarás maoirseachta náisiúnta aon fhaisnéis a fuarthas ar chríochnú an imscrúdaithe a scriosadh.

(80)

Le reachtaíocht an Aontais maidir le seirbhísí airgeadais, cumhdaítear rialachas inmheánach agus rialacha agus ceanglais i dtaca le bainistíocht riosca is infheidhme maidir le hinstitiúidí airgeadais a rialaítear le linn sholáthar na seirbhísí sin, lena n-áirítear nuair a bhaineann siad úsáid as córais intleachta saorga. Chun cur i bhfeidhm agus forfheidhmiú comhleanúnach na n-oibleagáidí faoin Rialachán seo agus chun rialacha agus ceanglais ábhartha reachtaíocht sheirbhísí airgeadais an Aontais a áirithiú, ba cheart na húdaráis atá freagrach as maoirseacht agus forfheidhmiú na reachtaíochta seirbhísí airgeadais, lena n-áirítear an Banc Ceannais Eorpach i gcás inarb infheidhme, a ainmniú mar údaráis inniúla chun cur chun feidhme an Rialacháin seo a mhaoirsiú, lena n-áirítear le haghaidh gníomhaíochtaí faireachais margaidh, a mhéid a bhaineann le córais intleachta saorga a sholáthraíonn nó a úsáideann institiúidí airgeadais rialáilte faoi mhaoirseacht. Chun an chomhsheasmhacht a fheabhsú idir an Rialachán seo agus na rialacha is infheidhme maidir le hinstitiúidí creidmheasa a rialaítear faoi Threoir 2013/36/AE ó Pharlaimint na hEorpa agus ón gComhairle (56), is iomchuí freisin an nós imeachta um measúnú comhréireachta agus cuid d’oibleagáidí nós imeachta na soláthraithe maidir le bainistiú riosca, faireachán iarmhargaidh agus doiciméadacht a chomhtháthú sna hoibleagáidí agus nósanna imeachta atá ann cheana faoi Threoir 2013/36/AE. Chun forluí a sheachaint, ba cheart maoluithe teoranta a bheartú i ndáil le córas bainistíochta cáilíochta na soláthraithe agus an oibleagáid maidir le faireachán a chuirtear ar úsáideoirí córas intleachta saorga ardriosca sa mhéid go bhfuil feidhm acu ar institiúidí creidmheasa a rialaítear faoi Threoir 2013/36/AE.

(80)

Le dlí an Aontais maidir le seirbhísí airgeadais, cumhdaítear rialachas inmheánach agus rialacha agus ceanglais i dtaca le bainistíocht riosca is infheidhme maidir le hinstitiúidí airgeadais a rialaítear le linn sholáthar na seirbhísí sin, lena n-áirítear nuair a bhaineann siad úsáid as córais intleachta saorga. Chun cur i bhfeidhm agus forfheidhmiú comhleanúnach na n-oibleagáidí faoin Rialachán seo agus chun rialacha agus ceanglais ábhartha dlí sheirbhísí airgeadais an Aontais a áirithiú, ba cheart na húdaráis inniúla atá freagrach as maoirseacht agus forfheidhmiú dlí na seirbhísí airgeadais, lena n-áirítear an Banc Ceannais Eorpach i gcás inarb infheidhme, a ainmniú mar údaráis inniúla chun cur chun feidhme an Rialacháin seo a mhaoirsiú, lena n-áirítear le haghaidh gníomhaíochtaí faireachais margaidh, a mhéid a bhaineann le córais intleachta saorga a sholáthraíonn nó a úsáideann institiúidí airgeadais rialáilte faoi mhaoirseacht. Chun an chomhsheasmhacht a fheabhsú idir an Rialachán seo agus na rialacha is infheidhme maidir le hinstitiúidí creidmheasa a rialaítear faoi Threoir 2013/36/AE ó Pharlaimint na hEorpa agus ón gComhairle (56), is iomchuí freisin an nós imeachta um measúnú comhréireachta agus cuid d’oibleagáidí nós imeachta na soláthraithe maidir le bainistiú riosca, faireachán iarmhargaidh agus doiciméadacht a chomhtháthú sna hoibleagáidí agus nósanna imeachta atá ann cheana faoi Threoir 2013/36/AE. Chun forluí a sheachaint, ba cheart maoluithe teoranta a bheartú i ndáil le córas bainistíochta cáilíochta na soláthraithe agus an oibleagáid maidir le faireachán a chuirtear ar imscarthóirí córas intleachta saorga ardriosca sa mhéid go bhfuil feidhm acu ar institiúidí creidmheasa a rialaítear faoi Threoir 2013/36/AE.

(80a)

I bhfianaise chuspóirí an Rialacháin seo, eadhon leibhéal coibhéiseach cosanta a áirithiú don tsláinte, don tsábháilteacht agus do chearta bunúsacha daoine nádúrtha, cosaint an smachta reachta agus an daonlathais a áirithiú, agus é á chur san áireamh nach bhféadfar maolú rioscaí an chórais intleachta saorga i gcoinne na gceart sin a bhaint amach go leordhóthanach ar an leibhéal náisiúnta nó go bhféadfadh sé a bheith faoi réir léirmhínithe éagsúla a bhféadfadh leibhéal neamhchothrom cosanta do dhaoine nádúrtha a bheith mar thoradh air ar deireadh agus ilroinnt an mhargaidh a chruthú, ba cheart na húdaráis mhaoirseachta náisiúnta a chumhachtú chun imscrúduithe comhpháirteacha a dhéanamh nó chun brath ar nós imeachta coimirce an Aontais dá bhforáiltear sa Rialachán seo le haghaidh forfheidhmiú éifeachtach. Ba cheart imscrúduithe comhpháirteacha a thionscnamh i gcás ina mbeidh cúiseanna leordhóthanacha ag an údarás maoirseachta náisiúnta lena chreidiúint gurb ionann sárú ar an Rialachán seo agus sárú forleathan lena mbaineann gné Aontais, nó i gcás ina bhfuil riosca ag baint leis an gcóras intleachta saorga nó leis an mbunsamhail a dhéanann difear, nó ar dócha go ndéanfaidh sé difear, do 45 mhilliún duine ar a laghad i níos mó ná Ballstát amháin.

(82)

Maidir le córais intleachta saorga a bhaineann le táirgí nach meastar a bheith ina n-ardriosca i gcomhréir leis an Rialachán seo agus sa chaoi sin nach gceanglaítear orthu na ceanglais a leagtar amach sa Rialachán seo a chomhlíonadh, tá sé tábhachtach go mbeidh siad sábháilte, mar sin féin, nuair a chuirtear iad ar an margadh nó i mbun seirbhíse. Chun rannchuidiú leis an gcuspóir sin, beidh feidhm ag Treoir 2001/95/CE ó Pharlaimint na hEorpa agus ón gComhairle (57) mar líontán sábhála.

(82)

Maidir le córais intleachta saorga a bhaineann le táirgí nach meastar a bheith ina n-ardriosca i gcomhréir leis an Rialachán seo agus sa chaoi sin nach gceanglaítear orthu na ceanglais a leagtar amach maidir le córais intleachta saorga ardriosca a chomhlíonadh, tá sé tábhachtach go mbeidh siad sábháilte, mar sin féin, nuair a chuirtear iad ar an margadh nó i mbun seirbhíse. Chun rannchuidiú leis an gcuspóir sin, beidh feidhm ag Treoir 2001/95/CE ó Pharlaimint na hEorpa agus ón gComhairle (57) mar líontán sábhála.

(83)

Chun comhar iontaofa cuiditheach a áirithiú idir na húdaráis inniúla ar leibhéal an Aontais agus ar an leibhéal náisiúnta, ba cheart do na páirtithe ar fad atá páirteach i gcur i bhfeidhm an Rialacháin seo rúndacht faisnéise agus sonraí a fhaightear agus a gcúraimí á ndéanamh acu a  urramú .

(83)

Chun comhar iontaofa cuiditheach a áirithiú idir na húdaráis inniúla ar leibhéal an Aontais agus ar an leibhéal náisiúnta, ba cheart do na páirtithe ar fad atá páirteach i gcur i bhfeidhm an Rialacháin seo díriú ar thrédhearcacht agus oscailteacht agus rúndacht faisnéise agus sonraí a fhaightear á n-urramú acu agus a gcúraimí á ndéanamh acu trí bhearta teicniúla agus eagraíochtúla a  chur i bhfeidhm chun slándáil agus rúndacht na faisnéise a fhaigheann siad agus iad i mbun a ngníomhaíochtaí a chosaint, lena n-áirítear le haghaidh cearta maoine intleachtúla agus leasanna slándála poiblí agus náisiúnta . I gcás ina mbeidh sárú ar chearta maoine intleachtúla mar thoradh ar ghníomhaíochtaí an Choimisiúin, na n-údarás inniúil náisiúnta agus na gcomhlachtaí dá dtugtar fógra de bhun an Rialacháin seo, ba cheart do na Ballstáit foráil a dhéanamh maidir le bearta agus leigheasanna leordhóthanacha chun forfheidhmiú ceart maoine intleachtúla a áirithiú agus Treoir 2004/48/CE á cur i bhfeidhm.

(84)

Ba cheart do na Ballstáit gach beart is gá a ghlacadh chun a áirithiú go gcuirfear forálacha an Rialacháin seo chun feidhme, lena n-áirítear trí phionóis éifeachtúla chomhréireacha agus athchomhairleacha ar shárú na bhforálacha sin a leagan síos. I gcás sáruithe sonracha áirithe, ba cheart do na Ballstáit na corrlaigh agus na critéir a  leagtar amach sa Rialachán seo a chur san áireamh. Ba cheart é a bheith de chumhacht ag an Maoirseoir Eorpach ar Chosaint Sonraí fíneálacha a ghearradh ar institiúidí, gníomhaireachtaí agus comhlachtaí an Aontais a thagann faoi raon feidhme an Rialacháin seo.

(84)

Ba cheart comhlíonadh an Rialacháin seo a bheith in-fhorfheidhmithe trí bhíthin fíneálacha a ghearrfaidh an t-údarás maoirseachta náisiúnta agus imeachtaí á gcur i gcrích aige faoin nós imeachta a leagtar síos sa Rialachán seo. Ba cheart do na Ballstáit gach beart is gá a ghlacadh chun a áirithiú go gcuirfear forálacha an Rialacháin seo chun feidhme, lena n-áirítear trí phionóis éifeachtúla chomhréireacha agus athchomhairleacha ar shárú na bhforálacha sin a leagan síos. Chun pionóis riaracháin as sárú ar an Rialachán seo a neartú agus a chomhchuibhiú, ba cheart na huasteorainneacha le haghaidh fíneálacha riaracháin a shocrú i gcás sáruithe sonracha áirithe a leagan síos;. Agus méid na bhfíneálacha á mheasúnú , ba cheart do na húdaráis inniúla náisiúnta, i ngach cás aonair, imthosca ábhartha uile an cháis shonraigh a chur san áireamh , agus aird chuí á tabhairt go háirithe ar chineál, tromchúis agus fad an tsáraithe agus ar a iarmhairtí agus ar mhéid an tsoláthraí, go háirithe más FBM nó gnólacht nuathionscanta é an soláthraí . Ba cheart é a bheith de chumhacht ag an Maoirseoir Eorpach ar Chosaint Sonraí fíneálacha a ghearradh ar institiúidí, gníomhaireachtaí agus comhlachtaí an Aontais a thagann faoi raon feidhme an Rialacháin seo. Níor cheart do na pionóis ná na costais dlíthíochta faoin Rialachán seo a bheith faoi réir clásail chonarthacha ná aon socruithe eile.

(84a)

Ós rud é gur féidir le córais intleachta saorga an bonn a bhaint go dian de chearta agus saoirsí daoine nádúrtha agus dlítheanacha agus grúpaí daoine nádúrtha, tá sé ríthábhachtach go mbeidh rochtain fhiúntach ag daoine nádúrtha agus dlítheanacha nó grúpaí daoine nádúrtha ar shásraí tuairiscithe agus sásaimh agus go mbeidh siad i dteideal rochtain a fháil ar leigheasanna comhréireacha agus éifeachtacha. Ba cheart dóibh a bheith in ann sáruithe ar an Rialachán seo a thuairisciú dá n-údarás maoirseachta náisiúnta agus ba cheart go mbeadh sé de cheart acu gearán a dhéanamh i gcoinne soláthraithe nó imscarthóirí na gcóras intleachta saorga. I gcás inarb infheidhme, ba cheart d’imscarthóirí sásraí inmheánacha um ghearáin a sholáthar a bheidh le húsáid ag daoine nádúrtha agus dlítheanacha nó ag grúpaí daoine nádúrtha. Gan dochar d’aon leigheas riaracháin nó neamhbhreithiúnach ar bith eile, ba cheart an ceart a bheith freisin ag daoine nádúrtha agus dlítheanacha agus ag grúpaí daoine nádúrtha leigheas éifeachtach breithiúnach a fháil i ndáil le cinneadh atá ceangailteach ó thaobh dlí ó údarás maoirseachta náisiúnta maidir leo nó, i gcás nach láimhseálann an t-údarás maoirseachta náisiúnta gearán, nach gcuireann sé an gearánach ar an eolas maidir le dul chun cinn nó réamhthoradh an ghearáin nó nach gcomhlíonann sé an oibleagáid atá air teacht ar chinneadh críochnaitheach, i ndáil leis an ngearán.

(84b)

Ba cheart daoine dá ndéantar difear a chur ar an eolas i gcónaí go bhfuil siad faoi réir úsáid córais intleachta saorga ardriosca, nuair a úsáideann imscarthóirí córas intleachta saorga ardriosca chun cabhrú le cinnteoireacht nó chun cinntí a dhéanamh a bhaineann le daoine nádúrtha. Is féidir leis an bhfaisnéis sin bonn a sholáthar do na daoine dá ndéantar difear chun a gceart chun míniú a fheidhmiú faoin Rialachán seo.Nuair a thugann imscarthóirí míniú do dhaoine dá ndéantar difear faoin Rialachán seo, ba cheart dóibh leibhéal saineolais agus eolais an ghnáth-thomhaltóra nó an duine aonair a chur san áireamh.

(84c)

Tá feidhm iomlán ag dlí an Aontais maidir le cosaint do lucht sceite eolais (Treoir (AE) 2019/1937) maidir le lucht acadúil, dearthóirí, forbróirí, rannchuiditheoirí tionscadail, iniúchóirí, bainisteoirí táirgí, innealtóirí agus oibreoirí eacnamaíocha a fhaigheann faisnéis faoi sháruithe ar dhlí an Aontais ag soláthraí córais intleachta saorga nó a chórais intleachta saorga.