—

na Conclúidí ó Chomhairle Eorpach mhí an Mhárta 2019 (1), inar iarradh ar an gCoimisiún fís fhadtéarmach a thíolacadh do thodhchaí thionsclaíochta an Aontais;

—

na Conclúidí ón gComhairle “Straitéis Beartais Tionsclaíochta an Aontais Eorpaigh: Fís do 2030” mhí na Bealtaine 2019 (2), a aithníonn gur den ríthábhacht é córas dea‐fheidhmiúil, éifeachtach maidir le cearta maoine intleachtúla go leanfaí den fhorbairt agus den fhás agus ag meabhrú di a ríthábhachtaí atá sé go leanfaí de chreataí Eorpacha maidir le maoin intleachtúil a fhorbairt, a fheabhsú agus a nuashonrú, chun a áirithiú gur féidir smaointí agus aireagáin a fhorbairt ar bhealach éifeachtach agus a thabhairt chun an mhargaidh, go háirithe do FBManna agus acusan, chun leas gheilleagar na hEorpa agus na sochaí i gcoitinne;

—

teachtaireacht ón gCoimisiún an 10 Márta 2020“Straitéis Nua Tionsclaíochta don Eoraip” ina bhfógraítear plean gníomhaíochta maidir le maoin intleachtúil chun measúnú a dhéanamh ar an ngá atá ann an creat dlíthiúil a uasghrádú, chun úsáid chliste as maoin intleachtúil a áirithiú, agus gadaíocht maoine intleachtúla a chomhrac níos fearr, mar tá beartais chliste maoine intleachtúla riachtanach chun cuidiú le fás cuideachtaí, cruthú post agus leis an méid a fhágann gurb uathúil agus iomaíoch iad a chosaint agus a fhorbairt;

—

teachtaireacht ón gCoimisiún an 10 Márta 2020“Straitéis FBM le haghaidh Eoraip inbhuanaithe agus dhigiteach” ina bhfógraítear go moltar sa phlean gníomhaíochta um maoin intleachtúil atá le teacht bearta chun an córas maoine intleachtúla a dhéanamh níos éifeachtaí do FBManna, trí ghníomhaíochtaí chun nósanna imeachta clárúcháin maoine intleachtúla a shimpliú (e.g. reachtaíocht an Aontais maidir le dearaí tionsclaíocha a athchóiriú), chun rochtain ar chomhairle straitéiseach maidir le maoin intleachtúil a fheabhsú (e.g. trí chomhairle den sórt sin a chur ar fáil i maoiniú uile taighde T & F ar leibhéal an Aontais), agus chun úsáid maoine intleachtúla mar chrann taca a éascú chun rochtain a fháil ar mhaoiniú;

—

sonraí ar leibhéil an ghóchumtha agus na píoráideachta a sholáthar de réir tíre, i gcomhar leis na Ballstáit agus leis an bhFaireachlann Eorpach um sháruithe ar Chearta Maoine Intleachtúla, agus cur dá réir sin le héifeachtacht tionscnamh chun góchumadh agus píoráideacht a chomhrac, lena n‐áirítear MTanna,

—

prionsabail a bhunú chun an comhar trípháirteach idir úinéirí cearta, idirghabhálaithe agus údaráis forfheidhmithe dlí a fheabhsú a thuilleadh chun straitéisí éifeachtacha frith‐ghóchumtha a fhorbairt, agus

—

bearta a mholadh lena gceanglaítear ar ardáin ar líne agus ar sholáthraithe óstála eile bearta comhréireacha a dhéanamh maidir le hearraí góchumadh, i gcomhréir leis na Conclúidí ón gComhairle maidir le todhchaí dhigiteach na hEorpa a mhúnlú (7);