AN COIMISIÚN EORPACH

An Bhruiséil,29.5.2020

COM(2020) 459 final

2018/0224(COD)

Togra leasaithe le haghaidh

RIALACHÁN Ó PHARLAIMINT NA hEORPA AGUS ÓN gCOMHAIRLE

lena mbunaítear Fís Eorpach – an Clár Réime um Thaighde agus um Nuálaíocht, lena leagtar síos na rialacha maidir le rannpháirtíocht agus scaipeadh,

CINNEADH Ó PHARLAIMINT NA hEORPA AGUS ÓN gCOMHAIRLE
maidir leis an gclár sonrach a bhunú lena gcuirtear Fís Eorpach chun feidhme – an Clár Réime um Thaighde agus um Nuálaíocht,

RIALACHÁN Ó PHARLAIMINT NA hEORPA AGUS ÓN gCOMHAIRLE lena mbunaítear an Ionstraim um Chomharsanacht, Forbairt agus Comhar Idirnáisiúnta,

RIALACHÁN Ó PHARLAIMINT NA hEORPA AGUS ÓN Gcomhairle lena mbunaítear rialacha maidir le tacaíocht do phleananna straitéiseacha a bheidh le tarraingt suas ag na Ballstáit faoin gComhbheartas Talmhaíochta (Pleananna Straitéiseacha faoi CBT) agus le maoiniú ag an gCiste Eorpach um Ráthaíocht Talmhaíochta (CERT) agus ag an gCiste Eorpach Talmhaíochta um Fhorbairt Tuaithe (CETFT) agus lena n
x001e
aisghairtear Rialachán (AE) Uimh. 1305/2013 ó Pharlaimint na hEorpa agus ón gComhairle agus Rialachán (AE) Uimh. 1307/2013 ó Pharlaimint na hEorpa agus ón gComhairle

MEABHRÁN MÍNIÚCHÁIN

1.COMHTHÉACS AN TOGRA

Géarchéim fhorleathan agus thromchúiseach don tsláinte phoiblí is ea paindéim COVID-19. Cuireann sé isteach go mór ar shaoránaigh, ar shochaithe agus ar gheilleagair ar fud an domhain. Ní fhacthas riamh roimhe seo fairsinge na géarchéime sláinte agus na bhfreagraí beartais a tugadh chun í a rialú. Mar thoradh air sin, is iondúil go mbíonn doimhneacht an tionchair shocheacnamaíoch aige éiginnte. Cheana féin ag an gcéim seo, is cinnte go bhfuil dúshláin mhóra nach bhfacthas a leithéid riamh ag baint leis maidir le córais airgeadais agus eacnamaíocha na mBallstát. De réir réamhaisnéisí eacnamaíocha an Choimisiúin san earrach 1 , tuartar go gcrapfaidh OTI an AE thart ar 7.5 % i mbliana — i bhfad níos doimhne ná an ghéarchéim airgeadais dhomhanda in 2009 — agus nach bhfágfaidh sé ach 6 % in 2021.

Mar fhreagairt air sin, ghlac na Ballstáit bearta eisceachtúla lánroghnacha eacnamaíocha agus airgeadais. In éineacht le héifeacht na “gcobhsaitheoirí uathoibríocha” mar a thugtar orthu, i.e. íocaíochtaí dá bhforáiltear faoi árachas dífhostaíochta agus faoi chórais slándála sóisialta mar aon le caillteanas ioncaim ó cháin, tá tionchar suntasach ag na bearta sin ar a n‑airgeadas poiblí agus tá easnamh foriomlán ginearálta rialtais ag méadú ó 0.6 % den OTI in 2019 go 8.5 % den OTI sa limistéar euro agus san AE araon i mbliana.

Tá tionchar mór ag géarchéim phaindéimeach COVID-19 ar shochaithe ar fud an domhain freisin, ag tosú le córais sláinte, agus ag bogadh i dtreo iarmhairtí tromchúiseacha domhanda sóisialta agus eacnamaíocha. Ní mór dár straitéis freagartha a bheith cuimsitheach, comhleanúnach agus comhtháite, ag dul i ngleic leis an tsláinte phoiblí agus leis na dúshláin shocheacnamaíocha araon. Is iad na tíortha is lú forbairt is mó atá i mbaol COVID-19, i bhfianaise na gcóras sláinte lag agus neamh‑athléimneach atá acu agus na ndúshlán casta socheacnamaíoch agus rialachais atá rompu. Is léir cheana féin go mbeidh tionchar mór ag COVID-19 ar na córais eacnamaíocha agus mhaicreacnamaíocha inár dtíortha comhpháirtíochta. Tabharfar dúshlán do na rialtais cobhsaíocht mhaicreacnamaíoch a chothú agus spás fioscach a choimeád chun na daoine is leochailí, a gcuideachtaí agus a n‑oibrithe a chosaint, agus leanúint de sheirbhísí sóisialta bunúsacha a chur ar fáil.

Éilíonn an staid eisceachtúil sin cur chuige comhleanúnach agus aontaithe ar leibhéal an Aontais.

Beidh infheistíocht ollmhór phoiblí agus phríobháideach ag teastáil ar leibhéal na hEorpa i gcomhair plean cuimsitheach don téarnamh Eorpach chun borradh a chur faoin ngeilleagar, chun poist ar ardchaighdeán a chruthú agus chun infheistíocht a dhéanamh chun an damáiste láithreach a rinneadh de dheasca an Choróinvíris a dheisiú. Dá bhrí sin, tá an Coimisiún ag moladh go mbainfí leas as cumhacht iomlán bhuiséad an Aontais chun tacaíocht infheistíochta a chur ar fáil agus tús áite a thabhairt do thacaíocht airgeadais sna chéad bhlianta ríthábhachtacha téarnaimh atá bunaithe ar an méid seo a leanas:

Ionstraim Théarnaimh an Aontais Eorpaigh mar bheart eisceachtúil bunaithe ar

Airteagal 122 de CFAE, a mbeidh a mhaoiniú bunaithe ar chumhachtú dá bhforáiltear sa togra le haghaidh an Chinnidh maidir le hAcmhainní Dílse.  Leis na cistí, beifear in ann bearta tapa a chur chun feidhme chun slite beatha a chosaint, cosc a mhéadú agus teacht aniar agus téarnamh a neartú mar fhreagairt ar an ngéarchéim.

·Creat Airgeadais Ilbhliantúil treisithe do 2021-2027

Déanfar na bearta téarnaimh agus athléimneachta faoi Ionstraim Théarnaimh an Aontais Eorpaigh trí na feithiclí cur chun feidhme atá ann cheana faoi roinnt clár sonrach de chuid an Aontais arna moladh ag an gCoimisiún faoin gcreat airgeadais ilbhliantúil do 2021-2027, lena n‑áirítear:

–an Clár Réime um Thaighde agus um Nuálaíocht agus a chur chun feidhme an Chláir Shonraigh, Fís Eorpach,

–an Ionstraim um Chomharsanacht, Forbairt agus Comhar Idirnáisiúnta

–an Ciste Eorpach Talmhaíochta um Fhorbairt Tuaithe

2.BUNÚS DLÍ, COIMHDEACHT AGUS COMHRÉIREACHT

·Bunús dlí

·Coimhdeacht (maidir le hinniúlacht neamheisiach)

–COM (2018) 392 le haghaidh RIALACHÁN Ó PHARLAIMINT NA hEORPA AGUS ÓN gCOMHAIRLE lena mbunaítear rialacha maidir le tacaíocht do phleananna straitéiseacha arna dtarraingt suas ag na Ballstáit faoin gComhbheartas Talmhaíochta (Pleananna Straitéiseacha faoi CBT) agus arna maoiniú ag an gCiste Eorpach um Ráthaíocht Talmhaíochta (CERT) agus ag an gCiste Eorpach Talmhaíochta um Fhorbairt Tuaithe (CETFT) agus lena n‑aisghairtear Rialachán (AE) Uimh. 1305/2013 ó Pharlaimint na hEorpa agus ón gComhairle agus Rialachán (AE) Uimh. 1307/2013 ó Pharlaimint na hEorpa agus ón gComhairle (dá ngairtear “togra ón gCoimisiún COM (2018) 392” anseo feasta),

–COM(2018)435: Togra le haghaidh RIALACHÁN Ó PHARLAIMINT NA hEORPA AGUS ÓN gCOMHAIRLE lena mbunaítear Fís Eorpach — an Clár Réime um Thaighde agus um Nuálaíocht, lena leagtar síos a rialacha maidir le rannpháirtíocht agus scaipeadh (dá ngairtear “togra ón gCoimisiún COM (2018) 435” anseo feasta),

–COM (2018) 436 le haghaidh CINNEADH Ó PHARLAIMINT NA hEORPA AGUS ÓN gCOMHAIRLE maidir leis an gclár sonrach a bhunú lena ndéantar Fís Eorpach — an Clár Réime um Thaighde agus um Nuálaíocht (dá ngairtear “togra ón gCoimisiún COM (2018) 436” anseo feasta),

–COM(2018)460: Togra le haghaidh RIALACHÁIN Ó PHARLAIMINT NA hEORPA AGUS ÓN gCOMHAIRLE lena mbunaítear an Ionstraim um Chomharsanacht, Forbairt agus Comhar Idirnáisiúnta (dá ngairtear “togra ón gCoimisiún COM (2018) 460” anseo feasta),

·An rogha ionstraime

3.TORTHAÍ Ó MHEASTÓIREACHTAÍ EX POST, Ó CHOMHAIRLIÚCHÁIN LEIS NA PÁIRTITHE LEASMHARA AGUS Ó MHEASÚNUITHE TIONCHAIR

·Comhairliúcháin leis na páirtithe leasmhara

·Meastóireachtaí agus measúnuithe tionchair

4.IMPLEACHTAÍ BUISÉADACHA

5.EILIMINTÍ EILE

·Míniúchán mionsonraithe ar fhorálacha sonracha an togra

–Cur chun feidhme na mbeart a leagtar síos sa togra le haghaidh Rialacháin lena mbunaítear Ionstraim Théarnaimh an Aontais Eorpaigh a chumasú trí shásraí seachadta an Chláir Réime um Thaighde agus Nuálaíocht, an Ionstraim um Chomharsanacht, Forbairt agus Comhar Idirnáisiúnta agus an Ciste Eorpach Talmhaíochta um Fhorbairt Tuaithe;

–Maoiniú a chumasú ó Ionstraim Théarnaimh an Aontais Eorpaigh mar ioncam seachtrach sannta i gcomhréir le hAirteagal 21(5) den Rialachán Airgeadais;

–A áirithiú go gcomhlíonfar na spriocdhátaí spriocdhírithe a leagtar síos in Airteagal 4 den togra le haghaidh Rialacháin lena mbunaítear Ionstraim Théarnaimh an Aontais Eorpaigh trí chrostagairt chuí;

2018/0224 (COD)

Togra leasaithe le haghaidh

RIALACHÁN Ó PHARLAIMINT NA hEORPA AGUS ÓN gCOMHAIRLE

lena mbunaítear Fís Eorpach – an Clár Réime um Thaighde agus um Nuálaíocht, lena leagtar síos na rialacha maidir le rannpháirtíocht agus scaipeadh,

CINNEADH Ó PHARLAIMINT NA hEORPA AGUS ÓN gCOMHAIRLE
maidir leis an gclár sonrach a bhunú lena gcuirtear Fís Eorpach chun feidhme – an Clár Réime um Thaighde agus um Nuálaíocht,

RIALACHÁN Ó PHARLAIMINT NA hEORPA AGUS ÓN gCOMHAIRLE lena mbunaítear an Ionstraim um Chomharsanacht, Forbairt agus Comhar Idirnáisiúnta,

RIALACHÁN Ó PHARLAIMINT NA hEORPA AGUS ÓN Gcomhairle lena mbunaítear rialacha maidir le tacaíocht do phleananna straitéiseacha a bheidh le tarraingt suas ag na Ballstáit faoin gComhbheartas Talmhaíochta (Pleananna Straitéiseacha faoi CBT) agus le maoiniú ag an gCiste Eorpach um Ráthaíocht Talmhaíochta (CERT) agus ag an gCiste Eorpach Talmhaíochta um Fhorbairt Tuaithe (CETFT) agus lena n‑aisghairtear Rialachán (AE) Uimh. 1305/2013 ó Pharlaimint na hEorpa agus ón gComhairle agus Rialachán (AE) Uimh. 1307/2013 ó Pharlaimint na hEorpa agus ón gComhairle

Leasaítear Tograí COM(2018) 435, COM (2018) 436, COM (2018) 460, COM (2018) 392 ón gCoimisiún mar a leanas:

1.Leasaítear mar a leanas Togra COM(2018) 435 ón gCoimisiún le haghaidh RIALACHÁN Ó PHARLAIMINT NA hEORPA AGUS ÓN gCOMHAIRLE lena mbunaítear Fís Eorpach – an Clár Réime um Thaighde agus um Nuálaíocht, lena leagtar síos na rialacha maidir le rannpháirtíocht agus scaipeadh:

(1)Cuirtear an aithris (15a) seo a leanas isteach:

“(15a)    I gcomhréir le Rialachán [Ionstraim Théarnaimh an Aontais Eorpaigh] agus laistigh de na teorainneacha ar acmhainní arna leithdháileadh ann, ba cheart bearta téarnaimh agus athléimneachta faoin gClár sin a dhéanamh chun dul i ngleic le tionchar ghéarchéim COVID-19, tionchar nach bhfacthas a leithéid riamh.  Ba cheart na hacmhainní breise sin a úsáid ar bhealach a áiritheoidh go gcloífear leis na teorainneacha ama dá bhforáiltear i Rialachán [Ionstraim Théarnaimh an Aontais Eorpaigh].;

(2)Cuirtear isteach an tAirteagal 9a seo a leanas:

Airteagal 9a
Acmhainní ó Ionstraim Théarnaimh an Aontais Eorpaigh

Na bearta dá dtagraítear in Airteagal 2 de Rialachán [Ionstraim Théarnaimh an Aontais Eorpaigh], déanfar iad a chur chun feidhme faoin gClár seo trí bhíthin méideanna dá dtagraítear i bpointe (v) d'Airteagal 3(2)(a) de Rialachán [Ionstraim Théarnaimh an Aontais Eorpaigh], faoi réir Airteagal 4(4) agus (8) de.

Ioncam sannta seachtrach i gcomhréir le hAirteagal 21(5) den Rialachán Airgeadais a bheidh sna méideanna sin.”

2.Cuirtear an tAirteagal 4a seo a leanas isteach i dTogra COM (2018) 436 ón gCoimisiún le haghaidh CINNEADH Ó PHARLAIMINT NA hEORPA AGUS ÓN gCOMHAIRLE lena mbunaítear an clár sonrach lena gcuirtear Fís Eorpach chun feidhme – an Clár Réime um Thaighde agus um Nuálaíocht:

“Airteagal 4a
Acmhainní ó Ionstraim Théarnaimh an Aontais Eorpaigh

I gcomhréir le hAirteagal 9a de Rialachán [an Rialachán maidir leis an gClár Réime], na bearta dá dtagraítear in Airteagal 2 de Rialachán [Ionstraim Théarnaimh an Aontais Eorpaigh], déanfar iad a chur chun feidhme faoin gClár sonrach seo trí bhíthin méideanna dá dtagraítear i bpointe (v) d'Airteagal 3(2)(a) de Rialachán [Ionstraim Théarnaimh an Aontais Eorpaigh], faoi réir Airteagal 4(4) agus (8) de.”

3.Leasaítear mar a leanas Togra COM (2018) 460 ón gCoimisiún le haghaidh RIALACHÁN Ó PHARLAIMINT NA hEORPA AGUS ÓN gCOMHAIRLE lena mbunaítear an Ionstraim um Chomharsanacht, Forbairt agus Comhar Idirnáisiúnta:

(1)Cuirtear an aithris 36a seo a leanas isteach:

“(36a) I gcomhréir le Rialachán [Ionstraim Théarnaimh an Aontais Eorpaigh] agus laistigh de na teorainneacha ar acmhainní arna leithdháileadh ann, ba cheart bearta téarnaimh agus athléimneachta faoin Ionstraim um Chomharsanacht, Forbairt agus Comhar Idirnáisiúnta a dhéanamh chun dul i ngleic le tionchar ghéarchéim COVID-19, tionchar nach bhfacthas a leithéid riamh.  Ba cheart na hacmhainní breise sin a úsáid ar bhealach a áiritheoidh go gcloífear leis na teorainneacha ama dá bhforáiltear i Rialachán [Ionstraim Théarnaimh an Aontais Eorpaigh].”

(2)Cuirtear isteach an tAirteagal 6a seo a leanas:

“Airteagal 6a
Acmhainní ó Ionstraim Théarnaimh an Aontais Eorpaigh

(1)Faoin Ráthaíocht do Ghníomhaíochtaí Seachtracha, déanfar an méid dá dtagraítear sa dara fomhír d'Airteagal 26(3) a dheonú i gcomhréir leis na coinníollacha a leagtar amach in Airteagal 4(6) de Rialachán [Ionstraim Théarnaimh an Aontais Eorpaigh], cé is moite d'oibríochtaí cúnaimh mhacrairgeadais, rud a dheonófar mar a leagtar amach in Airteagal 4(7) de Rialachán [Ionstraim Théarnaimh an Aontais Eorpaigh]. Lena chois sin, tacóidh an méid réamhráite le hoibríochtaí sna tairbhithe a liostaítear in Iarscríbhinn I a ghabhann le Rialachán IPA III.

(2)Úsáidfear an méid dá dtagraítear i bpointe (iii) d'Airteagal 3(2)(c) de Rialachán [Ionstraim Théarnaimh an Aontais Eorpaigh] chun soláthar don Ráthaíocht do Ghníomhaíochtaí Seachtracha faoin Rialachán seo, de bhreis ar na hacmhainní a luaitear sa chéad fhomhír d'Airteagal 211(4) den Rialachán Airgeadais, agus le haghaidh na mbeart dá dtagraítear sa dara habairt d'Airteagal 2(2) de Rialachán [Ionstraim Théarnaimh an Aontais Eorpaigh], faoi réir Airteagal 4(8) de.

De bhreis ar na hacmhainní dá dtagraítear sa dara fomhír d'Airteagal 211(4) den Rialachán Airgeadais, déanfar méid suas le EUR 11 285 762 000 a chur san áireamh chun an soláthar a ríomh, soláthar ar toradh é ar an ráta soláthair dá dtagraítear in Airteagal 211(1) den Rialachán Airgeadais.

Ioncam sannta seachtrach i gcomhréir le hAirteagal 21(5) den Rialachán Airgeadais a bheidh sa mhéid dá dtagraítear sa chéad fhomhír.”

(3)Leasaítear Airteagal 26 mar a leanas:

(a)Cuirtear an méid seo a leanas in ionad mhír 3:

“3. Faoin Ráthaíocht do Ghníomhaíochtaí Seachtracha, féadfaidh an tAontas ráthaíocht a thabhairt i leith oibríochtaí arna síniú idir an 1 Eanáir 2021 agus an 31 Nollaig 2027, suas le EUR 130 000 000 000.

Déanfar méid dar luach suas le EUR 70 000 000 000 den mhéid sin a leithdháileadh le haghaidh oibríochtaí lena gcuirtear chun feidhme bearta dá dtagraítear sa dara fomhír d'Airteagal 2(1) de Rialachán [Ionstraim Théarnaimh an Aontais Eorpaigh], agus ní bheidh sé le fáil ach ón dáta dá dtagraítear in Airteagal 4(3) den Rialachán sin.”;

(b)Cuirtear an méid seo a leanas in ionad mhír 6:

“6. Féadfar tacaíocht a thabhairt d'oibríochtaí maoiniúcháin agus infheistíochta i dtíortha comhpháirtíochta sna limistéir gheografacha dá dtagraítear in Airteagal 4(2) le CEFI+ agus leis an Ráthaíocht do Ghníomhaíochtaí Seachtracha. Maoineofar soláthar na Ráthaíochta do Ghníomhaíochtaí Seachtracha as buiséad na gclár geografach ábhartha a bhunaítear le hAirteagal 6(2)(a) gan dochar d'Airteagal 6a agus aistreofar é isteach sa chiste do sholáthar coiteann. Féadfar freisin, le CEFI+ agus leis an Ráthaíocht do Ghníomhaíochtaí Seachtracha, tacaíocht a thabhairt d'oibríochtaí i dtairbhithe a liostaítear in Iarscríbhinn I a ghabhann le Rialachán [IPA III]. An cistiú do na hoibríochtaí sin faoi CEFI+ agus do sholáthar na Ráthaíochta do Ghníomhaíochtaí Seachtracha, déanfar é a mhaoiniú as Rialachán [IPA], gan dochar d'Airteagal 6a(1) den Rialachán seo. Déanfar soláthar na Ráthaíochta do Ghníomhaíochtaí Seachtracha le haghaidh iasachtaí do thríú tíortha dá dtagraítear in Airteagal 10(2) de Rialachán EINS a mhaoiniú as an Rialachán sin.”;

(4)In Airteagal 39, cuirtear an méid seo a leanas in ionad mhír 1:

“1. Déantar Cinneadh Uimh. 466/2014/AE agus Rialachán (CE, Euratom) Uimh. 480/2009 a aisghairm le héifeacht ón 1 Eanáir 2021. Aisghairtear Rialachán (AE) 2017/1601 le héifeacht ón 31 Nollaig 2021.”

4.Leasaítear mar a leanas Togra COM(2018) 392 ón gCoimisiún le haghaidh RIALACHÁN Ó PHARLAIMINT NA hEORPA AGUS ÓN gCOMHAIRLE lena mbunaítear rialacha maidir le tacaíocht do phleananna straitéiseacha a bheidh le tarraingt suas ag na Ballstáit faoin gComhbheartas Talmhaíochta (Pleananna Straitéiseacha faoi CBT) agus arna maoiniú ag an gCiste Eorpach um Ráthaíocht Talmhaíochta (CERT) agus ag an gCiste Eorpach Talmhaíochta um Fhorbairt Tuaithe (CETFT) agus lena n‑aisghairtear Rialachán (AE) Uimh. 1305/2013 ó Pharlaimint na hEorpa agus ón gComhairle agus Rialachán (AE) Uimh. 1307/2013 ó Pharlaimint na hEorpa agus ón gComhairle:

(1)Cuirtear an aithris nua (71a) seo a leanas isteach:

(71a) I gcomhréir le Rialachán [Ionstraim Théarnaimh an Aontais Eorpaigh] agus laistigh de na teorainneacha ar acmhainní arna leithdháileadh ann, ba cheart bearta téarnaimh agus athléimneachta faoin gCiste Eorpach Talmhaíochta um Fhorbairt Tuaithe a dhéanamh chun dul i ngleic le tionchar ghéarchéim COVID-19, tionchar nach bhfacthas a leithéid riamh.  Ba cheart na hacmhainní breise sin a úsáid ar bhealach a áiritheoidh go gcloífear leis na teorainneacha ama dá bhforáiltear i Rialachán [Ionstraim Théarnaimh an Aontais Eorpaigh].”

(2)Cuirtear an tAirteagal nua 84a seo a leanas isteach:

Airteagal 84a
Acmhainní ó Ionstraim Théarnaimh an Aontais Eorpaigh

(1)Na bearta dá dtagraítear in Airteagal 2 de Rialachán [Ionstraim Théarnaimh an Aontais Eorpaigh], déanfar iad a chur chun feidhme faoi CETFT le méid dar luach EUR 16 483 milliún i bpraghsanna reatha den mhéid dá dtagraítear i bpointe (vii) d'Airteagal 3(2)(a) den Rialachán sin, faoi réir Airteagal 4(3), (4) agus (8) de.

Ioncam sannta seachtrach i gcomhréir le hAirteagal 21(5) den Rialachán Airgeadais a bheidh sa mhéid sin.

Cuirfear ar fáil é mar acmhainní breise le haghaidh gealltanas buiséadach faoi CETFT do na blianta 2022, 2023 agus 2024 de bhreis ar na hacmhainní foriomlána a leagtar amach in Airteagal 83 mar a leanas:

–2022: EUR 8 117 milliún

–2023: EUR 4 140 milliún;

–2024: EUR 4 226 milliún.

(2)Is i gcomhréir le hAirteagal 83(3) a shocrófar miondealú na n‑acmhainní breise dá dtagraítear i mír 1 le haghaidh gach Ballstáit.

(3)Na rialacha maidir le saoradh a leagtar amach in Airteagal 32 de [COM Togra le haghaidh Rialachán ó Pharlaimint na hEorpa agus ón gComhairle maidir leis an gComhbheartas Talmhaíochta a mhaoiniú, a bhainistiú agus faireachán a dhéanamh air], beidh feidhm acu maidir leis na gealltanais bhuiséadacha a bhunaítear ar na hacmhainní breise dá dtagraítear i mír 1 den Airteagal sin.

(4)Ní bheidh feidhm ag Airteagal 86 maidir leis na hacmhainní breise dá dtagraítear i mír 1 den Airteagal sin.

(5)Féadfar suas le 4 % de na hacmhainní breise iomlána dá dtagraítear i mír 1 a leithdháileadh chuig cúnamh teicniúil ar thionscnamh na mBallstát faoi ranníocaíochtaí CETFT le pleananna straitéiseach na mBallstát faoi CBT.

(6)Déanfar na hacmhainní breise dá dtagraítear i mír 1 a úsáid faoi chuspóir sonrach nua a chomhlánaíonn na cuspóirí sonracha a leagtar amach in Airteagal 6 chun tacú le hoibríochtaí lena n‑ullmhaítear téarnamh an gheilleagair.”

RÁITEAS AIRGEADAIS REACHTACH

1.    LEAGAN AMACH AN TOGRA/TIONSCNAIMH

   1.1.    Teideal an togra/tionscnaimh

   1.2.    Réimsí beartais lena mbaineann i gcreat ABM/ABB

   1.3.    An cineál togra/tionscnaimh

   1.4.    Cuspóirí

   1.5.    Forais an togra/tionscnaimh

   1.6.    Fad agus tionchar airgeadais

   1.7.    Modhanna bainistíochta atá beartaithe

2.    BEARTA BAINISTÍOCHTA

   2.1.    Rialacha faireacháin agus tuairiscithe

   2.2.    Córas bainistíochta agus rialaithe

   2.3.    Bearta chun calaois agus neamhrialtachtaí a chosc

3.    AN TIONCHAR AIRGEADAIS A MHEASTAR A BHEIDH AG AN TOGRA/TIONSCNAMH

   3.1.    Ceannteidil an chreata airgeadais ilbhliantúil agus na línte buiséid ar a n‑imreofar tionchar

   3.2.    An tionchar a mheastar a bheidh ar chaiteachas 

   3.2.1.    Achoimre ar an tionchar a mheastar a bheidh aige ar chaiteachas

   3.2.2.    An tionchar a mheastar a bheidh ar leithreasuithe faoi chomhair oibríochtaí

   3.2.3.    An tionchar a mheastar a bheidh ar leithreasuithe de chineál riaracháin

   3.2.4.    Comhoiriúnacht don chreat airgeadais ilbhliantúil reatha

   3.2.5.    Ranníocaíochtaí ó thríú páirtithe

   3.3.    An tionchar a mheastar a bheidh ar ioncam

RÁITEAS AIRGEADAIS REACHTACH

LEAGAN AMACH AN TOGRA/TIONSCNAIMH

Teideal an togra/tionscnaimh

Togra leasaithe le haghaidh RIALACHÁN Ó PHARLAIMINT NA hEORPA AGUS ÓN gCOMHAIRLE lena mbunaítear an Clár Fís Eorpach – an Clár Réime um Thaighde agus um Nuálaíocht, lena leagtar síos a rialacha maidir le rannpháirtíocht agus le leathadh (COM(2018)435); CINNEADH Ó PHARLAIMINT NA hEORPA AGUS ÓN gCOMHAIRLE lena mbunaítear an clár sonrach lena gcuirtear Fís Eorpach chun feidhme - an Clár réime um Thaighde agus um Nuálaíocht (COM(2018)436); Rialachán Ó PHARLAIMINT NA hEORPA AGUS ÓN gCOMHAIRLE lena mbunaítear rialacha maidir le tacaíocht do phleananna straitéiseacha a dhréachtóidh na Ballstáit faoin gComhbheartas Talmhaíochta (Pleananna Straitéiseacha faoi CBT) (COM (2018) 392 ); RIALACHÁN Ó PHARLAIMINT NA hEORPA AGUS ÓN gCOMHAIRLE lena mbunaítear an Ionstraim maidir leis an gComharsanacht, an Fhorbairt agus an Comhar Idirnáisiúnta

Réimsí beartais lena mbaineann (Cnuasach clár)

Baineann an togra/tionscnamh le:

◻ beart nua 

◻ beart nua a leanann treoirthionscadal/réamhbheart 2  

◻ síneadh ar bheart atá ann cheana 

X beart nó bearta a chumasc nó a atreorú i dtreo beart eile/beart nua 

Forais an togra/tionscnaimh

Na ceanglais is gá a chomhlíonadh sa ghearrthéarma nó san fhadtéarma, lena n‑áirítear amlíne mhionsonraithe maidir le cur chun feidhme céimneach an tionscnaimh

Breisluach a bhaineann le rannpháirteachas an Aontais (d’fhéadfadh an breisluach a bheith ann mar thoradh ar fhachtóirí éagsúla, e.g. deimhneacht dhlíthiúil, breis éifeachtachta, comhlántachtaí, nó gnóthachain de thoradh comhordú). Chun críocha an phointe seo, is é a chiallaíonn "luach breise a bhaineann le rannpháirteachas AE" an luach a bhíonn mar thoradh ar idirghabháil an Aontais atá sa bhreis ar an luach a bheadh ann murach sin ag na Ballstáit dá mbeidís ag feidhmiú leo féin.

Ceachtanna a foghlaimíodh ó thaithí eile den sórt sin san am a chuaigh thart

Comhoiriúnacht agus sineirgíocht fhéideartha le hionstraimí iomchuí eile

Fad agus tionchar airgeadais 

◻ tréimhse theoranta

◻    i bhfeidhm ón [LL/MM]BBBB go dtí an [LL/MM]BBBB

◻    Tionchar airgeadais ó BBBB go BBBB do leithreasuithe faoi chomhair gealltanas agus ó BBBB go BBBB do leithreasuithe faoi chomhair íocaíochtaí.

X tréimhse neamhtheoranta

cuirfear chun feidhme é le linn na tréimhse tosaigh ó 2021 ar aghaidh,

agus cuirfear ag feidhmiú go hiomlán ina dhiaidh sin é.

Modhanna bainistíochta atá beartaithe 4  

X Bainistíocht dhíreach a dhéanann an Coimisiún

X ina ranna, lena n‑áirítear an chuid sin den fhoireann atá i dtoscaireachtaí an Aontais;

X    trí na gníomhaireachtaí feidhmiúcháin

◻ Bainistíocht atá comhroinnte leis na Ballstáit

X Bainistíocht indíreach trí chúraimí a bhaineann le cur chun feidhme an bhuiséid a shannadh dóibh seo a leanas:

X tríú tíortha nó na comhlachtaí a d’ainmnigh siad;

X eagraíochtaí idirnáisiúnta agus a ngníomhaireachtaí (le sonrú);

X BEI agus an Ciste Eorpach Infheistíochta;

X comhlachtaí dá dtagraítear in Airteagal 70 agus 71 den Rialachán Airgeadais;

X comhlachtaí dlí phoiblí;

X comhlachtaí arna rialú ag an dlí príobháideach agus a bhfuil misean seirbhíse poiblí acu sa mhéid go gcuireann siad ráthaíochtaí leordhóthanacha airgeadais ar fáil;

X comhlachtaí arna rialú ag dlí príobháideach Ballstáit, a gcuirtear de chúram orthu comhpháirtíochtaí príobháideacha poiblí a chur chun feidhme, agus a sholáthraíonn ráthaíochtaí leordhóthanacha airgeadais;

daoine a gcuirtear de chúram orthu bearta sonracha a chur chun feidhme in CBES de bhun Theideal V de CAE, ar daoine iad a aithnítear sa bhunghníomh ábhartha.

Nótaí tráchta:

BEARTA BAINISTÍOCHTA

Rialacha faireacháin agus tuairiscithe

Sonraigh minicíocht na mbeart agus na coinníollacha atá leo

Córais bhainistíochta agus rialaithe

Bearta chun calaois agus neamhrialtachtaí a chosc

Sonraigh na bearta coisctheacha agus cosanta atá ann cheana nó atá beartaithe, e.g. ón Straitéis Fhrithchalaoise.

 AN TIONCHAR AIRGEADAIS A MHEASTAR A BHEIDH AG AN TOGRA/TIONSCNAMH

Ceannteidil an chreata airgeadais ilbhliantúil agus na línte buiséid atá beartaithe

An tionchar a mheastar a bheidh ar chaiteachas

Achoimre ar an tionchar a mheastar a bheidh aige ar chaiteachas

EUR milliúin (go dtí an tríú deachúil)

De bhreis ar an gclúdach airgeadais a shainmhínítear in Airteagal 9 de Rialachán COM (2018) 435 atá beartaithe (‘an Rialachán maidir le Clár Réime Fís Eorpach’) agus in Airteagal 4 den Chinneadh atá beartaithe maidir le Clár Sonrach Fís Eorpach, beidh EUR 14 647 milliún (i bpraghsanna reatha) ar fáil mar ioncam sannta seachtrach, de réir bhrí Airteagal 21(5) den Rialachán Airgeadais mar mhaoiniú ó Ionstraim Théarnaimh an Aontais Eorpaigh. As sin, féadfar suas le EUR 689,160 milliún a thiomnú do chaiteachas riaracháin, lena n‑áirítear costais foirne seachtraí.

Seo a leanas miondealú táscach an chaiteachais ó ioncam sannta seachtrach:

Bhreis ar an gclúdach airgeadais a shainmhínítear in Airteagal 83 de Rialachán COM (2018) 392 atá beartaithe (‘idirghabhálacha CETFT faoi Phleananna Straitéiseacha CBT ), beidh EUR 16 483 milliún (i bpraghsanna reatha) ar fáil mar ioncam sannta seachtrach le haghaidh na mblianta 2022-2024 14 , de réir bhrí Airteagal 21(5) den Rialachán Airgeadais mar mhaoiniú ón Ionstraim Théarnaimh an Aontais Eorpaigh. As sin, féadfar suas le EUR 6,000 milliún a thiomnú do chaiteachas riaracháin, lena n‑áirítear costais foirne seachtraí. Áirítear cúnamh teicniúil oibríochtúil sa mhéid le haghaidh caiteachas oibríochtúil agus déanfar é a ríomh nuair a shocrófar miondealú na n‑acmhainní breise dá dtagraítear i mír 1 le haghaidh gach Ballstáit i gcomhréir le hAirteagal 83(3) de COM(2018) 392.

Seo a leanas miondealú táscach an chaiteachais ó ioncam sannta seachtrach:

De bhreis ar an gclúdach airgeadais a shainmhínítear in Airteagal 6 de Rialachán COM(2018) 460 final, (‘ICFCI’), beidh EUR 11 448,070 milliún (i bpraghsanna reatha) ar fáil mar ioncam sannta seachtrach, de réir bhrí Airteagal 21(5) den Rialachán Airgeadais mar mhaoiniú ó Ionstraim Théarnaimh an Aontais Eorpaigh. As sin, féadfar suas le EUR 162,308 milliún a thiomnú do chaiteachas riaracháin, lena n‑áirítear costais foirne seachtraí.

Seo a leanas miondealú táscach an chaiteachais ó ioncam sannta seachtrach:

EUR milliúin (go dtí an tríú deachúil)

Achoimre ar an tionchar a mheastar a bheidh ag an togra/tionscnamh ar leithreasuithe de chineál riaracháin

◻    Ní éilíonn an togra/tionscnamh go n‑úsáidfear leithreasuithe de chineál riaracháin

X    Éilíonn an togra/tionscnamh go n‑úsáidfear leithreasuithe de chineál riaracháin mar a mhínítear thíos:

EUR milliúin (go dtí an tríú deachúil)

Na leithreasuithe is gá le haghaidh acmhainní daonna agus caiteachas eile de chineál riaracháin, cumhdófar iad leis na leithreasuithe sin san Ard‑Stiúrthóireacht atá sannta cheana do bhainistíocht an bhirt agus/nó atá athshannta laistigh den Ard‑Stiúrthóireacht, mar aon le haon leithdháileadh breise a d'fhéadfaí a thabhairt don Ard‑Stiúrthóireacht atá i mbun bainistíochta faoi chuimsiú an nós imeachta maidir le leithdháileadh bliantúil i bhfianaise na srianta buiséadacha. Is pearsanra seachtrach amháin a bheidh sna baill foirne bhreise agus maoineofar iad as an ioncam sannta.

Na hacmhainní daonna a mheastar a bheidh riachtanach

◻    Ní éilíonn an togra/tionscnamh go n‑úsáidfear acmhainní daonna.

☑    Éilíonn an togra/tionscnamh go n‑úsáidfear acmhainní daonna mar a mhínítear thíos:

Sloinnfear an meastachán in aonaid de choibhéis lánaimseartha

Soláthrófar na hacmhainní daonna is gá le baill foirne ón Ard‑Stiúrthóireacht a bhfuil bainistíocht an bhirt faoina gcúram cheana agus/nó ar athshannadh a gcúraimí laistigh den Ard‑Stiúrthóireacht, mar aon le haon leithdháileadh breise a d'fhéadfaí a thabhairt don Ard‑Stiúrthóireacht atá i mbun bainistíochta faoi chuimsiú an nós imeachta maidir le leithdháileadh bliantúil i bhfianaise na srianta buiséadacha. Is pearsanra seachtrach amháin a bheidh sna baill foirne bhreise agus maoineofar iad as an ioncam sannta.

Cur síos ar na cúraimí a bheidh le déanamh:

An tionchar a mheastar a bheidh ar ioncam

X    Ní bheidh tionchar airgeadais ar bith ag an togra ar ioncam.

◻    Beidh an tionchar airgeadais seo a leanas ag an togra/tionscnamh:

◻    maidir le hacmhainní dílse

◻    ar ioncam eile

má tá an t‑ioncam sannta do línte caiteachais X, sonraigh sin    

EUR milliúin (go dtí an tríú deachúil)

I gcás ioncam ilghnéitheach atá 'sannta', sonraigh na línte buiséid a n‑imrítear tionchar orthu.

[…]

Aon rud eile (e.g. an modh nó an fhoirmle a úsáideadh chun an tionchar ar ioncam a ríomh nó aon fhaisnéis eile). 

[…]

(1)    Réamhaisnéis Eacnamaíoch na hEorpa, Páipéar Institiúideach 125. Bealtaine 2020.

(2)    Mar a thagraítear dó in Airteagal 58(2)(a) nó (b) den Rialachán Airgeadais.

(3)    COM(2017) 720 final

(4)    Is féidir mionsonraí ar na modhanna bainistíochta agus tagairtí don Rialachán Airgeadais a fheiceáil ar shuíomh gréasáin Ard‑Stiúrthóireacht an Bhuiséid: https://myintracomm.ec.europa.eu/budgweb/EN/man/budgmanag/Pages/budgmanag.aspx  

(5)    LD = Leithreasuithe difreáilte / LN = Leithreasuithe neamhdhifreáilte.

(6)    CSTE: Comhlachas Saorthrádála na hEorpa.

(7)    Tíortha is iarrthóirí agus, nuair is iomchuí, tíortha ó na Balcáin Thiar a d'fhéadfadh a bheith ina n‑iarrthóirí.

(8)    LD = Leithreasuithe difreáilte / LN = Leithreasuithe neamhdhifreáilte.

(9)    CSTE: Comhlachas Saorthrádála na hEorpa.

(10)    Tíortha is iarrthóirí agus, nuair is iomchuí, tíortha ó na Balcáin Thiar a d'fhéadfadh a bheith ina n‑iarrthóirí.

(11)    LD = Leithreasuithe difreáilte / LN = Leithreasuithe neamhdhifreáilte.

(12)    CSTE: Comhlachas Saorthrádála na hEorpa.

(13)    Tíortha is iarrthóirí agus, nuair is iomchuí, tíortha ó na Balcáin Thiar a d'fhéadfadh a bheith ina n‑iarrthóirí.

(14)    Le haghaidh gníomhaíochtaí amhail faireachán a dhéanamh ar an gcur chun feidhme, lena n‑áirítear bainistiú iniúchóireachta agus bainistiú airgeadais, rannpháirtíocht i bpróiseas clabhsúir na gclár, arna maoiniú ag caiteachas riaracháin, d'fhéadfaí gealltanais a thabhairt go dtí 2027 (féach na sonraí sa tábla thuas).

(15)    Cúnamh agus caiteachas teicniúil agus/nó riaracháin ar mhaithe le cláir agus/nó bearta de chuid AE (seanlínte "BA") a chur chun feidhme, taighde indíreach, taighde díreach.

(16)    AC = Ball foirne ar conradh; AL = Ball foirne áitiúil; END = Saineolaí náisiúnta ar iasacht; INT= ball foirne gníomhaireachta; JPD = Gairmí Sóisearach i dToscaireacht.

(17)    Fo-uasteorainn d'fhoireann sheachtrach arna cumhdach ag leithreasuithe faoi chomhair oibríochtaí (na seanlínte "BA").

(18)    Tá na meastacháin sin gan dochar don fhoireann bhreise a bhfuil gá léi i nGníomhaireachtaí Feidhmiúcháin agus arna maoiniú as ioncam sannta, bunaithe ar measúnú cuimsitheach ar an tionchar ar acmhainní.