AN COIMISIÚN EORPACH

Strasbourg, 15.12.2015

COM(2015) 671 final

2015/0310(COD)

Togra le haghaidh

RIALACHÁN Ó PHARLAIMINT NA hEORPA AGUS ÓN gCOMHAIRLE

maidir leis an nGarda Teorann agus Cósta Eorpach agus lena n
aisghairtear Rialachán (CE) Uimh. 2007/2004, Rialachán (CE) Uimh. 863/2007 agus Cinneadh 2005/267/CE ón gComhairle

MEABHRÁN MÍNIÚCHÁIN

1.COMHTHÉACS AN TOGRA

•Forais agus cuspóirí an togra

Is é cuspóir an togra seo an Garda Teorann agus Cósta Eorpach a bhunú chun a áirithiú go ndéanfar bainistiú comhtháite teorainneacha san Eoraip ar theorainneacha seachtracha an Aontais Eorpaigh, d'fhonn imirce a bhainistiú go héifeachtach agus d'fhonn leibhéal ard slándála a áirithiú san Aontas, agus saorghluaiseacht daoine a chosaint ann freisin. Is cuid de phacáiste beart é atá curtha i láthair ag an gCoimisiún chun cosaint níos fearr a thabhairt do theorainneacha an Aontais Eorpaigh de réir mar atá leagtha amach sa Teachtaireacht ón gCoimisiún a ghabhann leis an bpacáiste sin.

In 2015, chonacthas brú urghnách ar theorainneacha seachtracha an Aontais Eorpaigh, áit a meastar go ndeachaidh 1.5 milliún duine trasna na dteorainneacha go neamhdhleathach idir Eanáir agus Samhain na bliana seo. De dheasca scála ábhalmhór na sreabha imirce measca a chuaigh trasna theorainneacha seachtracha an Aontais Eorpaigh agus na gluaiseachtaí tánaisteacha a bhí ann dá bharr sin, is léir nach iomchuí na struchtúir atá ann faoi láthair ar leibhéal an Aontais agus ar leibhéal na mBallstát chun aghaidh a thabhairt ar na dúshláin a ghabhann le mórphlódú isteach daoine. I limistéar gan teorainneacha inmheánacha, tá tionchar ag imirce neamhrialta thar theorainneacha seachtracha isteach i mBallstát amháin ar na Ballstáit ar fad laistigh den limistéar Schengen. Is iad na gluaiseachtaí móra tánaisteacha sin a spreag cuid mhór de na Ballstáit chun rialú ag teorainneacha a thabhairt ar ais isteach ag a gcuid teorainneacha inmheánacha. Dá thairbhe sin, cuireadh brú nach beag ar fheidhmiú agus ar chomhleanúnachas an limistéir Schengen.

Ó thosaigh géarchéim na himirce atá ann faoi láthair, tháinig sé chun solais nach féidir an limistéar Schengen a choimeád gan teorainneacha inmheánacha ach amháin má tá na teorainneacha seachtracha slán agus faoi chosaint éifeachtach. Leas comhroinnte is ea rialú theorainneacha seachtracha an Aontais agus ní mór é a dhéanamh i gcomhréir le caighdeáin arda aonfhoirmeacha an Aontais.

Ó tháinig méadú ar na hábhair imní ó thaobh slándála de tar éis na nionsaithe sceimhlitheoireachta a bhí ann i mbliana, is amhlaidh is mó na hábhair imní atá ar shaoránaigh freisin. Cé nach féidir le teorainneacha slándáil iomlán a chur ar fáil, is féidir leo cur go mór léi trí shlándáil agus trí fhaisnéis a mhéadú agus trí ionsaithe a bheidh ann amach anseo a chur de dhroim seoil. Is amhlaidh gur tábhachtaí an fheidhm sin anois ná am ar bith riamh roimhe de thairbhe trodaithe coimhthíocha a bheith rannpháirteach in ionsaithe sceimhlitheoireachta, feiniméan a fheictear níos minice ar an aimsir seo. Is den tábhacht mar sin an tslándáil a neartú ag na teorainneacha seachtracha, rud a fhágfaidh go mbeidh níos mó muiníne ag an bpobal.

Ní féidir limistéar aonair taistil a choimeád gan teorainneacha inmheánacha mura bhfuil cosaint éifeachtach ann ag na teorainneacha seachtracha. Ní fiú tráithnín an slabhra má bhíonn lúb ar lár. Is gá, mar sin, céim chinntitheach a ghlacadh i treo córas comhtháite bainistíochta le haghaidh teorainneacha seachtracha. Ní féidir é sin a dhéanamh ach amháin má dhéantar an cúram a roinnt ar na Ballstáit ar fad, i gcomhréir le prionsabail na dlúthpháirtíochta agus na freagrachta, prionsabail atá ina dtreoirphrionsabail maidir le dul i ngleic le géarchéim na himirce agus a comhaontaíodh idir institiúidí uile an Aontais Eorpaigh.|

Sa Chlár Oibre Eorpach maidir le hImirce, sainaithníodh gur gá dul i dtreo bhainistiú comhroinnte na dteorainneacha seachtracha, i gcomhréir leis an gcuspóir 'córas comhtháite bainistíochta le haghaidh teorainneacha seachtracha a thabhairt isteach de réir a chéile' atá leagtha síos in Airteagal 77 den Chonradh ar Fheidhmiú an Aontais Eorpaigh. San óráid a thug sé uaidh i Meán Fómhair faoi 'Staid an Aontais', d'fhógair an tUachtarán Juncker go gcuirfeadh an Coimisiún céimeanna uaillmhianacha i láthair maidir leis sin roimh dheireadh na bliana i bhfoirm Garda Cósta agus Teorann Eorpach lánfheidhmiúil, mar a deimhníodh ina dhiaidh sin i gClár Oibre an Choimisiúin do 2016 1 .

Leis an dréachtRialachán leagtar síos na prionsabail ghinearálta le haghaidh Bainistiú Comhtháite Teorainneacha san Eoraip; bunaítear leis an Garda Teorann agus Cósta Eorpach agus an Ghníomhaireacht Eorpach um an nGarda Teorann agus Cósta bunaithe ar Frontex. Is é cuspóir an dréachtRialacháin seo bainistiú níos comhtháite ar theorainneacha seachtracha an Aontais Eorpaigh a chur ar fáil, trí thuilleadh inniúlachtaí a thabhairt don Ghníomhaireacht Eorpach um an nGarda Teorann agus Cósta maidir le bainistiú teorainneacha seachtracha agus filleadh thar an méid atá ag Frontex faoi láthair. Leis an dréachtRialachán seo tugtar na hinniúlachtaí breise is gá don Ghníomhaireacht Eorpach um an nGarda Teorann agus Cósta le gur féidir léi bainistiú comhtháite teorainneacha a chur chun feidhme go héifeachtach ar leibhéal an Aontais, aghaidh a thabhairt ar easnaimh i mbainistiú teorainneacha ar an leibhéal náisiúnta agus freagairt a thabhairt ar shreabha imirce nach bhfacthas a leithéidí riamh roimhe mar a tharla ag teorainneacha seachtracha an Aontais Eorpaigh i mbliana.

Is den tábhacht na hinniúlachtaí breise sin a bhronnadh ar an nGarda Teorann agus Cósta Eorpach ar leibhéal na hEorpa sa dóigh nach gcuirfidh na heasnaimh sin a bhaineann le bainistiú teorainneacha seachtracha nó le sreabha imirce neamhthuartha as d'fheidhmiú rianúil limistéir Schengen. Na dúshláin a d'eascair as an ngéarchéim dídeanaithe, ní féidir dul i ngleic leo má ghníomhaíonn na Ballstáit ar dhóigh neamhchomhordaithe. Freagracht chomhroinnte is ea bainistiú comhtháite teorainneacha idir an Ghníomhaireacht Eorpach um an nGarda Teorann agus Cósta agus na húdaráis náisiúnta atá freagrach as bainistiú teorainneacha, lena náirítear gardaí cósta, sa mhéid is go ndéanann siad cúraimí rialaithe ag teorainneacha, agus is iad sin le chéile an Garda Teorann agus Cósta Eorpach. 

•Comhsheasmhacht le forálacha beartais atá ann cheana sa réimse beartais seo

Leis an dréachtRialachán seo, tugtar freagairt d'éilimh ó Pharlaimint na hEorpa agus ón gComhairle Eorpach teorainneacha seachtracha an Aontais Eorpaigh a bhainistiú go héifeachtach. Leag an Chomhairle Eorpach amach treoracha soiléire i nDeireadh Fómhair 2015 2 chun teorainneacha seachtracha an Aontais Eorpaigh a neartú, is é sin le rá, trína bheith ag obair i dtreo córas comhtháite bainistíochta a bhunú le haghaidh teorainneacha seachtracha agus feabhas a chur ar shainordú Frontex i gcomhthéacs an chomhphlé faoi Chóras Eorpach um Gharda Teorann agus Cósta a fhorbairt, lena náirítear ó thaobh imscaradh Foirne Mear-Idirghabhála Teorann i gcás ina léiríonn meastóireachtaí Schengen nó an anailís riosca gur gá gníomhú ar bhealach stóinsithe, pras, i gcomhar leis an mBallstát lena mbaineann. Mheas an Chomhairle Eorpach freisin gur cheart go leathnófaí sainordú Frontex maidir le filleadh chun an ceart a chur san áireamh oibríochtaí comhpháirteacha um fhilleadh a eagrú ar a thionscnamh féin agus feabhas a chur ar a ról maidir le doiciméid taistil a fháil d'fhillí.

Sa Chlár Oibre Eorpach maidir le hImirce, mhol an Coimisiún go ndéanfaí freagracht comhroinnte de bhainistiú na dteorainneacha seachtracha idir na Ballstáit agus an tAontas Eorpach. Ar an mbonn sin, moladh sa Chlár Oibre Eorpach maidir le hImirce go ndéanfaí athruithe ar an mbunús dlí maidir le Frontex chun a ról agus a chumas a neartú. Ar na céimeanna eile a bhí le glacadh ag an gCoimisiún bhí Garda Teorann agus Cósta Eorpach a bhunú, ról leathnaithe a thabhairt don Ghníomhaireacht Eorpach um an nGarda Teorann agus Cósta maidir le heagrú agus comhordú fillte, comhair idirinstitiúideach, bainistíocht níos fearr ar shócmhainní na Gníomhaireachta agus na mBallstát agus maidir leis an gcur chuige nua bunaithe ar an 'láthair práinne' a thionscnamh.

Leis an dréachtRialachán seo, déanann an Coimisiún a chion féin chun bainistiú teorainneacha a dhéanamh níos éifeachtaí agus níos iontaofa trí leibhéal nua freagrachta agus dlúthpháirteachta a chur i bhfeidhm. Le blianta beaga anuas, chuir an tAontas Eorpach beartas nua ar bun chun a chur ar chumas na mBallstát teorainneacha seachtracha slána a thógáil agus a choimeád. In éagmais chur chun feidhme straitéiseach maidir le bainistiú comhtháite teorainneacha ar leibhéal an Aontais, áfach, tá neamhréireachtaí sa chur chun feidhme ar an leibhéal náisiúnta go fóill idir na Ballstáit. Dá bhrí sin, mar a d'aithin an Coimisiún sa Chlár Eorpach maidir le himirce, is gá caighdeáin a bheith ann le haghaidh bainistiú teorainneacha chun gach gné de bhainistiú teorainneacha seachtracha an Aontais a chuimsiú.

Leis an togra seo, tógtar ar an mbeartas bainistithe teorainneacha atá ann faoi láthair ach cuireann sé ar leibhéal difriúil é freisin ó thaobh cáilíochta de. Bunaíodh Frontex le Rialachán (CE) Uimh. 2007/2004 ón gComhairle agus leasaíodh ina dhiaidh sin é le Rialachán (CE)863/2007, 3 Rialachán a thug isteach na mear-idirghabhálacha teorann, agus le Rialachán (CE) Uimh. 1168/2011, 4 a chuir béim ar fhreagracht Frontex i dtaca le cosaint ceart bunúsach. Leis an mbeart seo cuirtear go mór le cumas na Gníomhaireachta amharc roimhe amach agus freagairt go héifeachtach do bhagairtí atá ann faoi láthair nó a bheidh ann amach anseo ag na teorainneacha seachtracha trí ghníomhaíochtaí na mBallstát a threisiú, a mheas agus a chomhordú i dtaca le cur chun feidhme na mbeart iomchuí ag na teorainneacha seachtracha.

Comhlánaíonn an togra an reachtaíocht atá ann faoi láthair trí chur chuige a leanúint atá comhchosúil leis an gcur chuige maidir leis an gCóras Eorpach um Fhaireachas ar Theorainneacha (Eurosur) 5 áit ar cothaíodh meon an chomhair, malartú faisnéise agus comhordú iarrachtaí idir na Ballstáit agus an Ghníomhaireacht Eorpach um an nGarda Teorann agus Cósta, idir údaráis náisiúnta agus Gníomhaireachtaí an Aontais chomh maith, agus sin trí gheallúintí nithiúla agus ceangailteacha a chur i bhfeidhm. Tógann sé freisin ar Rialachán (AE) Uimh. 656/2014 6 lena mbunaítear rialacha maidir le faireachas ar na teorainneacha farraige seachtracha i gcomhthéacs an chomhair oibríochtúil arna chomhordú ag Frontex. Leis an togra seo, déantar mear-idirghabhálacha teorann a fhorbairt agus a threisiú freisin.

Leis an togra seo, agus go háirithe le bunú measúnaithe leochaileachta, comhlánaítear an sásra meastóireachta Schengen arna bhunú le Rialachán (AE) Uimh. 1053/2013. 7 Is é is aidhm leis an sásra meastóireachta Schengen muinín frithpháirteach a choimeád idir na Ballstáit. Measúnú teicniúil agus dlíthiúil atá i gceist arb é is aidhm leis cur i bhfeidhm ceart an acquis Schengen agus na dálaí riachtanacha a dheimhniú chun an rialú ag teorainneacha inmheánacha a bhaint ar shiúil. I gcásanna ina léirítear i measúnú Schengen go bhfuil easnaimh thromchúiseacha ag an teorainn sheachtrach, féadfaidh an Coimisiún a mholadh go dtionscnófaí imscaradh Foirne Eorpacha de chuid an Gharda Teorann agus Cósta nó go gcuirfí pleananna straitéiseacha i láthair na Gníomhaireachta chun a tuairim a fháil. Tá an togra seo gan dochar do na bearta a fhéadfar a ghlacadh faoi Airteagal 19a agus Airteagal 26 de Chód Teorainneacha Schengen freisin.

Díríonn an measúnú leochaileachta ar bhearta coisctheacha chun géarchéim a sheachaint. Is measúnú é ar chumais oibríochtúla na mBallstát ag na teorainneacha seachtracha agus chuige sin déanann sé an trealamh teicniúil, cumais, acmhainní agus pleananna teagmhasacha a mheas. Is é an Ghníomhaireacht a dhéanann an measúnú sin, is é an Bord Maoirseachta a thugann comhairle don Stiurthóir Feidhmiúcháin agus is é seo, ar a sheal, a chinneann na bearta is gá. I gcás nach gcloíonn Ballstát le cinneadh an Stiúrthóra Feidhmiúcháin agus, dá bharr sin, go bhféadfaí feidhmiú limistéir Schengen a chur i mbaol, is féidir leis an gCoimisiún cinneadh cur chun feidhme a ghlacadh lena néilítear idirghabháil dhíreach na Gníomhaireachta ar an talamh.

Tógann an togra seo ar na forálacha bearta sin agus forbraíonn sé tuilleadh iad agus tugann sé le chéile iad faoi scáth an Gharda Teorann agus Cósta Eorpach, agus leis sin bunaítear córas comhtháite bainistíochta le haghaidh teorainneacha seachtracha ar leibhéal an Aontais dá bhforáiltear in Airteagal 77(2)(d) den Chonradh ar Fheidhmiú an Aontais Eorpaigh.

•Comhsheasmhacht le beartais eile an Aontais

Tá dlúthcheangal ag an togra seo le bearta eile an Aontais agus comhlánaítear leis iad, eadhon:

(a)An Comhchóras Eorpach Tearmainn, mar aon leis na foirne tacaíochta don bhainistiú imirce ag na láithreacha práinne a bhfuil dlúthbhaint aige le hathlonnú daoine ar léir go dteastaíonn cosaint idirnáisiúnta uathu;

(b)Slándáil inmheánach, de réir mar a leagadh béim air sa Chlár Oibre Eorpach maidir leis an tSlándáil - is den tábhacht caighdeáin arda chomhchoiteanna a bheith ann i dtaca le bainistiú teorainneacha chun coireacht thrasteorann agus sceimhlitheoireacht a chosc; rannchuidíonn an togra seo chun leibhéal ard slándála inmheánach a bhaint amach trína chur ar chumas na Gníomhaireachta gnéithe den choireacht trasteorann agus den sceimhlitheoireacht a chuimsiú ina anailís rioscaí, trína chur ar a cumas sonraí pearsanta a phróiseáil i dtaca le daoine a bhfuil amhras fúthu as bheith rannpháirteach i ngníomhartha sceimhlitheoireachta agus trína chur ar chumas na Gníomhaireachta comhoibriú le Gníomhaireachtaí eile an Aontais agus le heagraíochtaí idirnáisiúnta maidir le cosc a chur ar sceimhlitheoireacht. Ó thaobh rochtain ar bhunachair sonraí náisiúnta agus ar bhunachair sonraí Eorpacha, déantar foráil sa dréachtRialachán do cheangal a chur ar na Ballstáit rochtain a cheadú do bhaill na bhFoirne Eorpacha de chuid an Gharda Teorann agus Cósta ar bhunachair sonraí den sórt sin. Féachfaidh an Coimisiún an féidir rochtain ar bhunachair sonraí Eorpacha a thabhairt don Ghníomhaireacht, amhail SIS agus EURODAC, agus déanfaidh sé breithniú maidir le tograí a thíolacadh chun na gníomhaíochtaí dlí ar a bhfuil na bunachair sonraí sin bunaithe a mhodhnú;

(c)Straitéis an Aontais le haghaidh Bainistíocht Riosca Custaim agus Shlándáil an tSlabhra Soláthair, lena bhforáiltear comhar idir-institiúideach a chur chun cinn agus comhroinnt faisnéise idir gníomhaireachtaí custaim, forghníomhú dlí agus gníomhaireachtaí slándála chun comhlántacht na ról a áirithiú, critéir riosca comhchoiteanna a fhorbairt agus chun faisnéis maidir le riosca a chomhroinnt;

(d)Slándáil agus sábháilteacht mhuirí, agus faireachas muirí freisin ó bunaíodh comhar Eorpach maidir le feidhmeanna garda cósta idir an Ghníomhaireacht Eorpach um an nGarda Teorann agus Cósta, an Ghníomhaireacht Eorpach um Rialú ar Iascach agus an Ghníomhaireacht Eorpach um Shábháilteacht Mhuirí;

(e)Beartas caidrimh sheachtraigh an Aontais mar gur cheart don Ghníomhaireacht Eorpach um an nGarda Teorann agus Cósta an comhar oibríochtúil a éascú agus a spreagadh idir na Ballstáit agus tríú tíortha, lena náirítear trí chomhar oibríochtúil den sórt sin a chomhordú i dtaca le teorainneacha seachtracha a bhainistiú agus trí oifigigh idirchaidrimh a imscaradh go tríú tíortha, chomh maith le bheith ag obair i gcomhar le húdaráis tríú tíortha maidir le filleadh, lena náirítear maidir le doiciméid taistil a fháil freisin.

2.BUNÚS DLÍ, COIMHDEACHT AGUS COMHRÉIREACHT

•Bunús dlí

Tá an togra reachtach seo bunaithe ar Airteagal 77(2)(b) agus (d) agus ar Airteagal 79(2)(c) den Chonradh ar Fheidhmiú an Aontais Eorpaigh (CFAE).

Le hAirteagal 77(1)(b) agus (d) déantar foráil go bhforbróidh an tAontas beartas d'fhonn seiceálacha a dhéanamh ar dhaoine agus monatóireacht éifeachtúil a dhéanamh ar thrasnú na dteorainneacha seachtracha, agus córas comhtháite bainistíochta le haghaidh na dteorainneacha seachtracha a thabhairt isteach ar bhonn céimnitheach. Chun na críocha sin, faoi Airteagal 77(2)(b) agus (d), glacfaidh Parlaimint na hEorpa agus an Chomhairle bearta a bhaineann le seiceálacha a mbíonn daoine faoina réir agus iad ag trasnú teorainneacha, i gcomhréir leis an ngnáthnós imeachta reachtach, agus aon bheart is gá le go mbunófaí córas comhtháite bainistíochta de réir a chéile le haghaidh teorainneacha seachtracha.

Le hAirteagal 79(2)(c) tugtar d'údarás do Pharlaimint na hEorpa agus don Chomhairle bearta a ghlacadh i réimse imirce neamhrialta agus cónaí neamhúdaraithe, lena náirítear daoine a chónaíonn gan údarú a aistriú agus a aisdúichiú.

•Coimhdeacht

Is é is cuspóir leis an togra seo bainistiú comhtháite teorainneacha san Eoraip a áirithiú maidir le teorainneacha seachtracha an Aontais Eorpaigh, d'fhonn imirce a bhainistiú go héifeachtach agus d'fhonn ardleibhéal slándála a áirithiú san Aontas agus, san am céanna, saorghluaiseacht daoine a chosaint laistigh de. I limistéar gan teorainneacha inmheánacha, tá tionchar ag imirce ainrialta thar theorainneacha seachtracha isteach i mBallstát amháin ar na Ballstáit ar fad laistigh den limistéar Schengen. Ní féidir limistéar gan teorainneacha inmheánacha a choimeád mura bhfuil cosaint shlán agus éifeachtach ann ag na teorainneacha seachtracha.

Ó rud é gur leas comhroinnte é rialú teorainneacha seachtracha an Aontais agus nach mór é a dhéanamh i gcomhréir le caighdeáin arda aonfhoirmeacha an Aontais, ní féidir leis na Ballstáit cuspóirí an togra seo a bhaint amach go hiomchuí, agus is fearr is féidir sin a bhaint amach ar leibhéal an Aontais, féadfaidh an tAontas bearta a ghlacadh i gcomhréir le prionsabal na coimhdeachta mar atá leagtha síos in Airteagal 5 den Chonradh ar an Aontas Eorpach.

•Comhréireacht

Is é is aidhm leis an dréachtRialachán freagairt do na dúshláin nua agus don fhíorstaid pholaitiúil ina bhfuil an tAontas, i dtaca le bainistíocht imirce agus slándáil inmheánach araon. Bunaítear leis gléasra beart chun dul i ngleic go cuimsitheach le bainistiú teorainneacha. Áirithíonn sé go gcuirtear rialacha maidir le bainistiú comhtháite teorainneacha chun feidhme mar is ceart sna Ballstáit, go dtugtar faoi ghníomhaíocht chuí chun géarchéimeanna a chosc agus idirghabháil a dhéanamh go luath ag na teorainneacha seachtracha, agus, má bhíonn géarghá leis go fóill, nach dtabharfar faoi ghníomhaíocht phráinneach ar leibhéal an Aontais ó thaobh idirghabháil dhíreach de ar an talamh. I bhfianaise a chuid cuspóirí agus de réir phrionsabal na comhréireachta, mar atá leagtha amach in Airteagal 5 den Chonradh ar an Aontas Eorpach, ní théann an Rialachán seo thar a bhfuil gá leis chun na cuspóirí sin a bhaint amach.

•An rogha ionstraime

Ní féidir foráil a dhéanamh don leibhéal aonfhoirmeachta is gá chun bainistíocht chomhtháite na dteorainneacha seachtracha a áirithiú. Ina theannta sin, ag féachaint dó gur bunaíodh an Ghníomhaireacht Frontex, nó an Ghníomhaireacht Eorpach um an nGarda Teorann agus Cósta mar a thugtar anois uirthi, le Rialachán, is é an tionstraim dlí céanna is iomchuí le haghaidh an togra seo.

3.COMHAIRLIÚCHÁN LEIS NA PÁIRTITHE LEASMHARA

Mar ullmhúchán don togra seo, sheas an Coimisiún ar an gcomhphlé rialta a bhí ann idir an Chomhairle Eorpach agus Comhairle na nAirí, mar aon le Parlaimint na hEorpa maidir le bainistiú teorainneacha agus na bearta is gá chun dul i ngleic le géarchéim na himirce. Le gairid, bhí todhchaí bhainistiú teorainneacha ina ábhar plé go háirithe maidir leis an nGníomhaireacht Frontex a threisiú, i gcruinniú de chuid Chomhairle na nAirí an 8 Deireadh Fómhair 2015. 8 Ina dhiaidh sin bhí cruinniú de chuid na Comhairle Eorpaí ann an 15 Deireadh Fómhair 2015, 9 inar éilíodh, mar chuid dá dtreoracha maidir le todhchaí bhainistiú teorainneacha, go neartófaí teorainneacha seachtracha an Aontais Eorpaigh trí, i measc rudaí eile, obair a dhéanamh i dtreo córas comhtháite bainistíochta a bhunú le haghaidh teorainneacha seachtracha agus trí fheabhas a chur ar shainordú Frontex.

Ó ghlac Frontex a chuid freagrachtaí chuige féin an 1 Bealtaine 2005, bhí comhphlé leantach ann leis na páirtithe leasmhara ar an leibhéal Eorpach agus ar an leibhéal náisiúnta. Go háirithe, bhí comhphlé rialta ann i gcomhthéacs thuarascálacha ón nGníomhaireacht i bParlaimint na hEorpa agus sa Chomhairle. Tuairiscíonn an Ghníomhaireacht ar bhonn leanúnach maidir lena chuid gníomhaíochtaí ag cruinnithe an Bhoird agus trí bhíthin na dtuarascálacha éagsúla a chuireann sí amach i gcaitheamh na bliana. Lena chois sin bhí malartú faisnéise ann go rialta le Gníomhaireachtaí eile an Aontais, go háirithe leis an Oifig Eorpach Tacaíochta do Ghnóthaí Tearmainn, Gníomhaireacht an Aontais Eorpaigh um Chearta Bunúsacha agus Europol, chomh maith leis an Ombudsman Eorpach. Eagraíodh cuid mhór comhphlé freisin leis an tsochaí shibhialta agus leis an saol acadúil.

In 2014, sheol an Coimisiún Study on the feasibility of the creation of a European System of Border Guards to control the external borders of the Union [Staidéar Féidearthachta maidir le Córas Eorpach um Gharda Teorann a chruthú chun teorainneacha seachtracha an Aontais a rialú], agus cuireadh torthaí an staidéir san áireamh mar chuid den ullmhúchán don togra seo. 

Dheimhnigh an Coimisiún gur cuireadh tuairimí páirtithe leasmhara ábhartha san áireamh freisin trí thorthaí mheastóireacht sheachtrach na Gníomhaireachta Frontex a chur sa mheá chomh maith. Rinneadh an mheastóireacht sheachtrach sin, bunaithe ar Airteagal 33 de Rialachán (AE) Uimh. 2007/2004, idir Iúil 2014 agus Meitheamh 2015 agus tá an tréimhse idir Iúil 2008 go dtí Iúil 2014 á chuimsiú ann. Phléigh Bord Bainistíochta Frontex an tuarascáil deiridh an 10 Meán Fómhair 2015 agus thug an Bord Bainistíochta moltaí uaidh i dtaca le modhnúcháin a d'fhéadfadh a dhéanamh ar an Rialachán lenar bunaíodh Frontex. Is léiriú é an togra seo ar thromlach na moltaí a rinneadh de bhonn chinneadh ón mBord Bainistíochta an 28 Deireadh Fómhair 2015.

Chuir an Coimisiún san áireamh freisin an Tuarascáil ó Pharlaimint na hEorpa i dtaca leis an Tuarascáil Speisialta ón Ombudsman Eorpach maidir leis an bhfiosrúchán féintionscnaimh OI/5/2012/BEHMHZ a rinne sé faoi Frontex agus sásra um ghearáin a fhorbairt don Ghníomhaireacht.

•Cearta bunúsacha

Urramaítear leis an Rialachán seo na cearta bunúsacha agus na prionsabail atá leagtha síos i gCairt um Chearta Bunúsacha an Aontais Eorpaigh, go háirithe in Airteagal 18 agus in Airteagal 19.

Déanann an togra seo cearta bunúsacha a chosaint trína leagan amach gur den riachtanas é Straitéis um Chearta Bunúsacha a bheith ag an nGníomhaireacht Eorpach um an nGarda Teorann agus Cósta, trí Fhóram Comhchomhairleach le haghaidh cearta bunúsacha a bhunú, trí fhoráil a dhéanamh maidir le ról níos leithne don Oifigeach um Chearta Bunúsacha agus trí shásra um ghearáin a chur san áireamh lenar féidir le haon duine a mheasfaidh gur sáraíodh a chuid ceart bunúsach le linn don Ghníomhaireacht, nó d'aon idirghabhálaí tríú páirtí, a chuid gníomhaíochtaí a dhéanamh, agus féadfaidh an duine sin gearán a dhéanamh leis an nGníomhaireacht Eorpach um an nGarda Teorann agus Cósta.

Dá bhrí sin, tá an togra i gcomhréir le hAirteagal 2 agus le hAirteagal 6 den Chonradh ar an Aontas Eorpach agus le Cairt um Chearta Bunúsacha an Aontais Eorpaigh.

4.IMPLEACHTAÍ BUISÉADACHA

Tugtar de chúram don Ghníomhaireacht Eorpach um an nGarda Teorann agus Cósta, a bhunófar ar Frontex atá ann faoi láthair, na teorainneacha seachtracha a bhainistiú i gcomhar leis na Ballstáit. Is cuid de bhuiséad an Aontais Eorpaigh cheana é fóirdheontas Frontex, gníomhaireacht ar a dtabharfar an Ghníomhaireacht Eorpach um an nGarda Teorann agus Cósta.

Treisíodh Buiséid na Gníomhaireachta le haghaidh 2015 agus 2016 chun cur ar a cumas aghaidh a thabhairt ar an ngéarchéim dídeanaithe, go háirithe tríd na hacmhainní airgeadais a mhéadú faoi thrí le haghaidh oibríochtaí comhpháirteacha idir Poseidon agus Triton, tacaíocht na Gníomhaireachta a leathnú amach do na Ballstáit maidir le filleadh agus na hacmhainní is gá a thabhairt dóibh chun láithreacha práinneacha a chur chun feidhme. Is é €238 686 000 fóirdheontas deiridh ón Aontas Eorpach le haghaidh 2016 arna ghlacadh ag an Údarás Buiséadach.

Ós rud é gur gá don Ghníomhaireacht leanúint dá cuid oibre i mbainistiú teorainneacha seachtracha agus í chomh gníomhach céanna, lena náirítear i réimsí amhail cuardach agus tarrtháil agus filleadh, is den tábhacht go nglacfar leis gurb é leibhéal fóirdheontais 2016 is bonn leis an mbuiséad bliantúil don Ghníomhaireacht Eorpach um an nGarda Teorann agus Cósta agus nach mór é a choimeád mar atá as seo amach.

Le gur féidir leis an nGníomhaireacht aghaidh a thabhairt ar a cuid cúraimí nua dá bhforáiltear sa togra seo, ní mór suim airgid €31.5 milliún ar a laghad a chur le buiséad na Gnomhaireachta le haghaidh 2017 le cois an bhuiséid atá ann le haghaidh 2016 agus tá 602 phost breise as seo go 2020 mar aon leis na hacmhainní airgeadais a ghabhann leo de dhith, lena náirítear 329 bpost chun an plean bunaíochta a chur i gcrích agus 273 phost seachtracha.

5.EILIMINTÍ EILE

•Socruithe faireacháin, meastóireachta agus tuairiscithe

Tá líon áirithe dualgas ar an nGníomhaireacht Eorpach um an nGarda Teorann agus Cósta tuairisciú faoina cuid gníomhaíochtaí agus faireachán a dhéanamh ar a cuid oibre. Thar aon ní eile, ní mór don Ghníomhaireacht tuarascáil ghníomhaíochta bhliantúil chomhdhlúite a thiomsú maidir lena cuid gníomhaíochtaí lena náireofar meastóireacht ar oibríochtaí comhpháirteacha agus ar mhear-idirghabhálacha teorann. Ní mór don Choimisiún meastóireacht a dhéanamh i gcomhréir lena chuid treorlínte féin gach trí bliana chun tionchar, éifeachtacht agus éifeachtúlacht na Gníomhaireachta a mheasúnú ina cuid gníomhaíochtaí ar fad. Ní mór don Choimisiún torthaí na meastóireachta sin a chur ar aghaidh chuig Parlaimint na hEorpa, an Chomhairle agus chuig Bord Bainistíochta na Gníomhaireachta. Cuirfear na torthaí sin ar fáil go poiblí. Ina theannta sin, is féidir le Parlaimint na hEorpa nó leis an gComhairle cuireadh a chur ar Stiúrthóir Feidhmiúcháin na Gníomhaireachta tuarascáil a thabhairt do na hinstitiúidí sin i dtaca le cur i gcrích a chuid nó a cuid cúraimí féin.

•Míniú mionsonraithe ar fhorálacha sonracha an togra

Leis an togra seo leagtar síos na prionsabail ghinearálta le haghaidh bainistiú comhtháite teorainneacha san Eoraip arb é is cuspóir leo imirce a bhainistiú go héifeachtach agus leibhéal ard slándála inmheánach laistigh den Aontas Eorpach a áirithiú agus, san am céanna, saorghluaiseacht daoine laistigh den Aontas Eorpach a chosaint.

Le bainistiú comhtháite teorainneacha san Eoraip tá bearta i dtríú tíortha, bearta a chuirfear chun feidhme i gcomhar le tríú tíortha comharsanachta, bearta rialaithe ag teorainneacha ag an teorainn sheachtrach agus bearta a chuirfear chun feidhme laistigh den limistéar saorghluaiseachta lena náirítear filleadh náisiúnaithe tríú tír a fhanann i mBallstát go neamhdhleathach.

Leis an togra seo bunaítear an Garda Teorann agus Cósta Eorpach a bheidh freagrach as bainistiú comhtháite teorainneacha agus, i gcomparáid leis an sainordú a tugadh do Frontex, cuirfear feabhas ar chumhachtaí na Gníomhaireachta Eorpaí um an nGarda Teorann agus Cósta maidir le gach gné de bhainistiú comhtháite teorainneacha. Tá an Garda Teorann agus Cósta Eorpach comhdhéanta den Ghníomhaireacht Eorpach um an nGarda Teorann agus Cósta agus de na húdaráis náisiúnta atá freagrach as bainistiú teorainneacha, lena náirítear gardaí cósta sa mhéid is go ndéanann siad cúraimí rialaithe ag teorainneacha. Is é an cúram atá ar an nGarda Teorann agus Cósta Eorpach bainistiú comhtháite teorainneacha san Eoraip a chur chun feidhme i gcomhréir le prionsabal na freagrachta comhroinnte. Ós rud é go gcuireann gardaí teorann náisiúnta ar fad bainistiú comhtháite teorainneacha san Eoraip chun feidhme, lena náirítear gardaí cósta sa mhéid is go ndéanann siad cúraimí rialaithe ag teorainneacha, is Gardaí Teorann agus Cósta Eorpacha iad agus is gardaí náisiúnta teorann agus gardaí cósta iad san am céanna.

Is é an Ghníomhaireacht Eorpach um an nGarda Teorann agus Cósta a thabharfar ar an nGníomhaireacht, rud a chuireann na hathruithe ar inniúlachtaí Frontex in iúl. Is é príomhról na Gníomhaireachta Eorpaí um an nGarda Teorann agus Cósta straitéis oibríochtúil agus theicniúil a bhunú chun bainistiú comhtháite teorainneacha a chur chun feidhme ar leibhéal an Aontais, chun maoirseacht a dhéanamh ar fheidhmiú éifeachtach rialaithe ag teorainneacha ag teorainneacha seachtracha na mBallstát, chun measúnuithe leochaileachta a dhéanamh agus chun a áirithiú go dtabharfaidh údaráis náisiúnta aghaidh ar na heasnaimh i mbainistiú teorainneacha seachtracha, chun cúnamh breise oibríochtúil agus teicniúil a sholáthar do na Ballstáit trí oibríochtaí comhpháirteacha agus mear-idirghabhálacha teorann, agus chun a áirithiú go gcuirfí i bhfeidhm na bearta ar bhealach praiticiúil i gcás ina mbeadh staid a éilíonn gníomhaíocht phráinneach ag na teorainneacha seachtracha, agus chun oibríochtaí um fhilleadh agus idirghabhálacha um fhilleadh a eagrú, a chomhordú agus a dhéanamh.

Ní mór forléargas leathan agus éifeachtach a bheith ag an nGníomhaireacht Eorpach um an nGarda Teorann agus Cósta le go mbeidh sí in ann a chinneadh an mbeidh Ballstát in ann reachtaíocht an Aontais Eorpaigh is infheidhme a chur chun feidhme, agus a chinneadh an mbeidh laigí i mbainistiú teorainneacha Ballstáit áirithe chun fadhbanna tromchúiseacha ag na teorainneacha seachtracha de dheasca méaduithe ar shreabha imirce a sheachaint. Chuige sin, leagtar amach sa togra seo na heilimintí seo a leanas lena dtreiseofar ról na Gníomhaireachta Eorpaí um an nGarda Teorann agus Cósta, i gcomparáid leis an ról atá ag Frontex:

Lárionad faireacháin agus anailíse riosca a bhunú a mbeidh d'inniúlacht aige faireachán a dhéanamh ar shreabha imirce i dtreo an Aontais Eorpaigh agus laistigh de agus anailís riosca a dhéanamh a chuirfidh na Ballstáit i bhfeidhm ina gcuimseofar gach gné den bhainistiú comhtháite teorainneacha san Eoraip, go háirithe rialú ag teorainneacha, filleadh, gluaiseachtaí tánaisteacha neamhrialta náisiúnach tríú tír laistigh den Aontas Eorpach, cosc ar choireacht thrasteorann lena náirítear inimirce neamhrialta a éascú, gáinneáil ar dhaoine agus sceimhlitheoireacht, chomh maith leis an staid i dtríú tíortha comharsanachta d'fhonn sásra réamhrabhaidh a fhorbairt a dhéanfaidh anailís ar na sreabha imirce i dtreo an Aontais Eorpaigh.

Oifigigh idirchaidrimh na Gníomhaireachta a imscaradh chuig na Ballstáit le gur féidir leis an nGníomhaireacht a áirithiú go ndéanfar faireachán éifeachtach agus ceart ní amháin trí anailís riosca, malartú faisnéise agus Eurosur, ach trína bheith i láthair ar an talamh freisin. Is é an cúram a bheidh ar an oifigeach idirchaidrimh an comhar idir an Ghníomhaireacht agus na Ballstáit a chothú agus, go háirithe, tacú le tiomsú na faisnéise is gá don Ghníomhaireacht lena measúnú leochaileachta a dhéanamh agus faireachán a dhéanamh ar na bearta a chuirfidh na Ballstáit i gcrích ag na teorainneacha seachtracha.

Ról maoirseachta a thabhairt don Ghníomhaireacht lena ndéanfaidh an Ghníomhaireacht measúnú leochaileachta ceangailteach a bhunú chun inniúlacht na mBallstát a mheasúnú ó thaobh aghaidh a thabhairt ar dhúshláin ag na teorainneacha seachtracha, lena náirítear, trí bhíthin measúnú a dhéanamh ar threalamh agus ar acmhainní na mBallstát mar aon lena bpleanáil theagmhasach. Ar chomhairle ón Bord Maoirseachta arna chur le chéile faoi chuimsiú na Gníomhaireachta Eorpaí um an nGarda Teorann agus Cósta, sainaithneoidh an Stiúrthóir Feidhmiúcháin na bearta a bheidh le déanamh ag an mBallstát lena mbaineann, agus socróidh sé teorainn ama faoina ndéanfar na bearta sin. Beidh cinneadh an Stiúrthóra Feidhmiúcháin ina cheangal ar an mBallstát lena mbaineann agus, i gcás nach ndéantar na bearta sin faoin am a shocrófar, cuirfear an cás ar aghaidh chuig an mBord Bainistíochta le haghaidh cinneadh breise. Mura ngníomhaíonn an Ballstát go fóill, agus dá thairbhe sin go gcuirtear feidhmiú limistéir Schengen i mbaol, féadfaidh an Coimisiún cinneadh cur chun feidhme a ghlacadh lena ndéanfaidh an Ghníomhaireacht idirghábháil dhíreach.

Nósanna imeachta nua chun dul i ngleic le cásanna ina néilítear gníomhaíocht phráinneach áit nach bhfuil an beart ceartaitheach is gá déanta ag an mBallstát i gcomhréir leis an measúnú leochaileachta nó i gcás brú imirce díréireach ag na teorainneacha seachtracha, rud a fhágfaidh go mbeidh rialú na dteorainneacha seachtracha chomh neamhéifeachtach sin go bhféadfaí feidhmiú limistéar Schengen a chur i mbaol. Chuige sin beidh cinneadh cur chun feidhme ón gCoimisiún de dhíth lena sainaithneofar na bearta a chuirfidh an Ghníomhaireacht Eorpach um an nGarda Teorann agus Cósta chun feidhme mar atá leagtha amach sa Rialachán seo agus lena gcuirtear ceangal ar an mBallstát lena mbaineann comhoibriú leis an nGníomhaireacht i gcur chun feidhme na mbeart sin. Ina dhiaidh sin cinnfidh an Ghníomhaireacht Eorpach um an nGarda Teorann agus Cósta na gníomhaíochtaí is gá a dhéanamh le chun na bearta arna lua sa chinneadh ón gCoimisiún a chur i bhfeidhm go praiticiúil, agus déanfaidh sé idirghabháil go díreach sa Bhallstát lena mbaineann.

Cúraimí feabhsaithe don Ghníomhaireacht lena náirítear Foirne Eorpacha de chuid an Gharda Teorann agus Cósta a bhunú agus a imscaradh le haghaidh oibríochtaí comhpháirteacha agus mear-idirghabhálacha teorann, comhthiomsú trealaimh theicniúil, cúnamh a thabhairt don Choimisiún gníomhaíochtaí foirne tacaíochta don bhainistiú imirce a chomhordú ag láithreacha práinne agus ról neartaithe maidir le filleadh, oiliúint agus taighde.

Comhthiomsú éigeantach acmhainní daonna trí dhíorma cúltaca mearfhreagartha a bhunú a bheidh ina bhuanchór agus é comhdhéanta de chéatadán beag den líon iomlán gardaí teorann sna Ballstáit ar bhonn bliantúil. Ba cheart go ndéanfar imscaradh Foirne Eorpacha de chuid an Gharda Teorann agus Cósta ón díorma cúltaca mearfhreagartha a fhorlíonadh láithreach le Foirne breise Eorpacha de chuid an Gharda Teorann agus Cósta de réir mar is iomchuí.

Comhthiomsú de threalamh teicniúil dá cuid féin a imscaradh trína fháil aistí féin nó faoi chomhúinéireacht le Ballstát áirithe, agus bainistiú a dhéanamh ar chomhthiomsú de threalamh teicniúil a chuirfidh Ballstát ar fáil, bunaithe ar na riachtanais arna sainaithint ag an nGníomhaireacht agus trína éileamh go ndéanfar an comhthiomsú de threalamh teicniúil a iomlánú trí bhíthin modhanna iompair agus trealamh oibriúcháin a cheannaigh na Ballstáit faoi bhearta sonracha an Chiste Slándála Inmheánaí.

Ról ríthábhachtach ó thaobh cabhrú leis an gCoimisiún maidir le foirne tacaíochta don bhainistiú imirce a chomhordú ag láithreacha práinne, a bhfuil mórphlódú isteach de shreabha imirce measctha mar shaintréith di agus i gcás ina dtugann an Ghníomhaireacht Eorpach um an nGarda Teorann agus Cósta mar aon le hOifig Eorpach Tacaíochta do Ghnóthaí Tearmainn, Europol agus Gníomhaireachtaí ábhartha eile an Aontais tacaíocht theicniúil agus oibríochtúil do na Ballstáit, tacaíocht atá comhordaithe agus feabhsaithe freisin.

Ról níos láidre don Ghníomhaireacht maidir le filleadh trí Oifig um Fhilleadh laistigh a bhunú den Ghníomhaireacht, oifig a thabharfaidh gach treisiú is gá chun náisiúnaigh tríú tír atá ag fanacht go neamhdhleathach a chur ar ais go héifeachtach. Déanfaidh an ghníomhaireacht oibríochtaí agus idirghabhálacha um fhilleadh a chomhordú agus a eagrú ó cheann amháin de na Ballstáit nó níos mó, agus déanfaidh sí iad a eagrú agus a chur chun cinn ar a tionscnamh féin chun córas na mBallstát sin atá faoi bhrú ar leith a threisiú maidir le filleadh. Ní mór do na Ballstáit comhthiomsaithe de lucht faireacháin don fhilleadh éigeantach, tionlacaithe don fhilleadh éigeantach agus speisialtóirí don fhilleadh a chur ar fáil don Ghníomhaireacht, ar codanna iad de na Foirne Idirghabhála Eorpacha um Fhilleadh a imscarfar sna Ballstáit.

An Ghníomhaireacht a bheith rannpháirteach i mbainistíocht gníomhaíochtaí taighde agus nuálaíochta is ábhartha do rialú teorainneacha seachtracha lena náirítear úsáid ardteicneolaíochta faireachais amhail córais aerárthaí cianrialaithe agus treoirthionscadail a fhorbairt maidir le hábhair a chumhdaítear faoin Rialachán seo.

Comhar Eorpach maidir le feidhmeanna an gharda cósta trí chomhar trasearnála a fhorbairt idir an Ghníomhaireacht Eorpach um an nGarda Teorann agus Cósta, an Ghníomhaireacht Eorpach um Rialú ar Iascach agus an Ghníomhaireacht Eorpach um Shábháilteacht Mhuirí le go mbeidh na gníomhaireachtaí sin ag cur le chéile ar dhóigh níos fearr, chun seirbhísí ilchuspóireacha níos éifeachtúla agus níos costéifeachtúla a sholáthar d'údaráis náisiúnta i mbun feidhmeanna garda cósta.

Comhar breise le tríú tíortha trí chomhar oibríochtúil idir na Ballstáit agus tríú tíortha a chomhordú maidir le bainistiú teorainneacha, lena náirítear oibríochtaí comhpháirteacha agus trí oifigigh idirchaidrimh a imscaradh chuig tríú tíortha, agus trí bheith ag comhoibriú le húdaráis tríú tíortha maidir le filleadh chomh maith, lena náirítear na doiciméid taistil a fháil.

Sainordú na Gníomhaireachta a neartú sonraí pearsanta a phróiseáil trí chead a thabhairt sonraí pearsanta a phróiseáil maidir le heagrúchán agus comhordú a dhéanamh ar oibríochtaí comhpháirteacha, treoirthionscadail, mear-idirghabhálacha teorann, oibríochtaí um fhilleadh, idirghabhálacha um fhilleadh agus faoi chuimsiú na bhfoirne tacaíochta don bhainistiú imirce, malartú faisnéise idir na Ballstáit freisin, an Oifig Eorpach Tacaíochta do Ghnóthaí Tearmainn, Europol, Eurojust nó Gníomhaireachtaí eile an Aontais.

Cosaint na gceart bunúsach a ráthú trí shásra um ghearáin a bhunú chun gearáin a láimhseáil a bhaineann le sáruithe ceart bunúsach a bhféadfaidh bheith ann le linn don Ghníomhaireacht Eorpach um an nGarda Teorann agus Cósta a cuid gníomhaíochtaí a chur i gcrích. Ós rud é gur sásra riaracháin é an sásra um ghearáin, ní féidir leis an nGníomhaireacht féin líomhaintí a fhiosrú faoi sháruithe ceart bunúsach i leith bhaill d'Foirne Eorpacha de chuid an Gharda Teorann agus Cósta.

2015/0310 (COD)

Togra le haghaidh

RIALACHÁN Ó PHARLAIMINT NA hEORPA AGUS ÓN gCOMHAIRLE

maidir leis an nGarda Teorann agus Cósta Eorpach agus lena naisghairtear Rialachán (CE) Uimh. 2007/2004, Rialachán (CE) Uimh. 863/2007 agus Cinneadh 2005/267/CE ón gComhairle

TÁ PARLAIMINT NA hEORPA AGUS COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh, agus go háirithe Airteagal 77(2)(b) agus (d) agus Airteagal (79)(2)(c) de,

Ag féachaint don togra ón gCoimisiún Eorpach,

Tar éis an dréachtghníomh reachtach a chur chuig na parlaimintí náisiúnta,

10 Ag féachaint don tuairim ó Choiste Eacnamaíoch agus Sóisialta na hEorpa,

11 Ag féachaint don tuairim ó Choiste na Réigiún,

Ag gníomhú dóibh i gcomhréir leis an ngnáthnós imeachta reachtach,

De bharr an méid seo a leanas:

(1)An 25 agus an 26 Meitheamh 2015, 12 d'iarr an Chomhairle Eorpach iarrachtaí níos fairsinge a dhéanamh chun géarchéim na nimirceach a réiteach ar bhealach cuimsitheach, lena náirítear trí bhainistiú na dteorainneacha a threisiú d'fhonn bainistiú níos fearr a dhéanamh ar na sreabha imirce measctha atá ag dul i méid. Ina theannta sin, an 23 Meán Fómhair 2015, 13 leag an Chomhairle Eorpach béim ar an ngá le dul i ngleic leis an staid dhrámatúil ag na teorainneacha seachtracha agus leis na rialuithe ag na teorainneacha sin a neartú, go háirithe trí acmhainní breise a chur ar fáil don Ghníomhaireacht Eorpach chun Comhar Oibríochtúil a Bhainistiú ag Teorainneacha Seachtracha Bhallstát an Aontais Eorpaigh, don Oifig Eorpach Tacaíochta do Chúrsaí Tearmainn agus do Europol trí bhíthin acmhainní daonna agus cuidiú teicniúil ó na Ballstáit.

(2)Is é is cuspóir do bheartas an Aontais i réimse an bhainistithe teorainneacha seachtracha, bainistiú comhtháite teorainneacha san Eoraip a fhorbairt agus a chur chun feidhme ar an leibhéal náisiúnta agus ar leibhéal an Aontais, rud a bhfuil gá leis do shaorghluaiseacht daoine laistigh den Aontas agus ar gné bhunúsach é de limistéar saoirse, slándála agus ceartais. Tá ról lárnach ag bainistiú comhtháite teorainneacha san Eoraip i mbainistiú imirce a fheabhsú agus i leibhéal ard slándála inmheánaí a áirithiú san Aontas.

(3)Is éard atá i gceist le bainistiú comhtháite teorainneacha san Eoraip, atá bunaithe ar an múnla rochtana ceithre chiseal, bearta a dhéantar i dtríú tíortha, amhail bearta a dhéantar faoi chuimisú an chomhbheartais víosaí, bearta a dhéantar le tríú tíortha comharsanachta, bearta um rialú ag teorainneacha a dhéantar ag an teorainn sheachtrach féin agus anailís riosca, agus bearta a dhéantar laistigh den limistéar saorghluaiseachta, lena náirítear bearta um fhilleadh.

(4)Chun cur chun feidhme éifeachtach bainistithe comhtháite teorainneacha san Eoraip a áirithiú, ba cheart Garda Teorann agus Cósta Eorpach a chur ar bun. An Garda Teorann agus Cósta Eorpach, ina bhfuil an Ghníomhaireacht Eorpach um an nGarda Teorann agus Cósta agus na húdaráis náisiúnta atá freagrach as bainistiú teorainneacha, lena náirítear gardaí cósta sa mhéid is go ndéanann siad cúraimí rialaithe ag teorainneacha, beidh sé ag brath ar úsáid choiteann faisnéise, inniúlachtaí agus córas ar an leibhéal náisiúnta agus ar fhreagairt na Gníomhaireachta Eorpaí um an nGarda Teorann agus Cósta ar leibhéal an Aontais.

(5)Freagracht chomhroinnte de chuid na Gníomhaireachta Eorpaí um an nGarda Teorann agus Cósta agus na núdarás náisiúnta atá freagrach as bainistiú teorainneacha, lena náirítear gardaí cósta sa mhéid is go ndéanann siad cúraimí rialaithe ag teorainneacha, atá i mbainistiú comhtháite teorainneacha san Eoraip. Cé gur ar na Ballstáit a bheidh an phríomhfhreagracht go fóill a gcuid de na teorainneacha seachtracha a bhainistiú chun a leasa féin agus chun leasa na mBallstát uile a chuir deireadh le rialú ag teorainneacha inmheánacha, ba cheart don Ghníomhaireacht Eorpach um an nGarda Teorann agus Cósta a áirithiú go gcuirtear i bhfeidhm bearta sin an Aontais a bhaineann leis na teorainneacha seachtracha a bhainistiú trí ghníomhaíochtaí na mBallstát a chuireann na bearta sin chun feidhme a threisiú, a mheasúnú agus a chomhordú.

(6)Is ar institiúidí an Aontais a bheidh an fhreagracht beartais agus reachtaíocht maidir le rialú ag teorainneacha seachtracha a fhorbairt. Ba cheart dlúthchomhar idir an Ghníomhaireacht Eorpach um an nGarda Teorann agus Cósta agus na hinstitiúidí sin a ráthú.

(7)Bunaíodh an Ghníomhaireacht Eorpach chun Comhar Oibríochtúil a Bhainistiú ag Teorainneacha Seachtracha Bhallstáit an Aontais Eorpaigh, ar a dtugtar Frontex de ghnáth, le Rialachán (CE) Uimh. 2007/2004. 14 Ó chuaigh sí i mbun oibre an 1 Bealtaine 2005, d'éirigh leis an nGníomhaireacht cúnamh a thabhairt do na Ballstáit gnéithe oibríochtúla den bhainistiú teorainneacha seachtracha a chur chun feidhme trí bhíthin oibríochtaí comhpháirteacha agus mear-ghabhálacha teorann, mar aon le hanailís riosca, malartú faisnéise, caidreamh le tríú tíortha agus trí náisiúnaigh tríú tíortha a bhí ag fanacht go neamhdhleathach ar chríoch na mBallstát a chur ar ais.

(8)Ag féachaint don bhrú atá ag dul i méid ar na teorainneacha seachtracha ón imirce, don ghá le leibhéal ard slándála inmheánaí a áirithiú san Aontas, agus d'fheidhmiú limistéar Schengen a chosaint agus d'phrionsabal uileghabhálach na dlúthpháirtíochta, is gá bainistiú na dteorainneacha seachtracha a threisiú trí chur leis an obair atá ar siúl ag Frontex agus tuilleadh forbartha a dhéanamh air go mbeidh sí ina Gníomhaireacht a mbeidh freagracht chomhroinnte uirthi i dtaobh na dteorainneacha seachtracha a bhainistiú.

(9)Ba cheart scóip chúraimí Frontex a leathnú, dá bhrí sin, agus i bhfianaise na nathruithe sin, ba cheart an Ghníomhaireacht Eorpach um an nGarda Teorann agus Cósta a thabhairt uirthi. Ba cheart é a bheith ina phríomhról ag an nGníomhaireacht Eorpach um an nGarda Teorann agus Cósta straitéis oibríochtúil agus theicniúil a bhunú chun bainistiú comhtháite teorainneacha a chur i bhfeidhm ar leibhéal an Aontais, chun maoirseacht a dhéanamh ar fheidhmiú éifeachtach rialaithe ag na teorainneacha seachtracha, chun cúnamh breise oibríochtúil agus teicniúil a sholáthar do na Ballstáit trí bhíthin oibríochtaí comhpháirteacha agus mear-idirghabhálacha teorann, agus chun a áirithiú go gcuirfear i bhfeidhm na bearta ar bhealach praiticiúil i gcás ina mbeadh beart práinneach de dhíth ag na teorainneacha seachtracha, agus chun oibríochtaí um fhilleadh agus idirghabhálacha um fhilleadh a eagrú, a chomhordú agus a dhéanamh.

(10)Bíonn an Ghníomhaireacht Eorpach um an nGarda Teorann agus Cósta ag brath ar chomhar na mBallstát chun go mbeidh sí in ann a cúraimí a dhéanamh ar bhealach éifeachtach. I ndáil leis sin, tá sé tábhachtach don Ghníomhaireacht agus do na Ballstáit gníomhú de mheon macánta agus faisnéis a mhalartú go tráthúil agus go cruinn.

(11)Ba cheart don Ghníomhaireacht Eorpach um an nGarda Teorann agus Cósta anailís riosca a ullmhú a bheidh ginearálta agus sainiúil bunaithe ar mhúnla coiteann comhtháite don anailís riosca, a bheidh le cur i bhfeidhm ag an nGníomhaireacht féin agus ag na Ballstáit. Ba cheart don Ghníomhaireacht Eorpach um an nGarda Teorann agus Cósta, bunaithe freisin ar an bhfaisnéis arna soláthar ag na Ballstáit, eolas agus faisnéis a chumhdaíonn na gnéithe uile a bhaineann le bainistiú comhtháite teorainneacha san Eoraip a chur ar fáil, go háirithe rialú ag teorainneacha, filleadh, gluaiseachtaí neamhrialta tánaisteacha náisiúnach tríú tír san Aontas, cosc a chur le coireacht trasteorann – lena náirítear inimirce neamhrialta, gáinneáil ar dhaoine agus sceimhlitheoireacht – mar aon leis an staid i dtríú tíortha comharsanachta, chun gur féidir bearta iomchuí a dhéanamh nó chun dul i ngleic le bagairtí agus rioscaí a shainaithnítear, d'fhonn bainistiú comhtháite na dteorainneacha seachtracha a fheabhsú.

(12)De mheon freagracht chomhroinnte, ba cheart é a bheith de chúram ar an nGníomhaireacht Eorpach um an nGarda Teorann agus Cósta faireachán rialta a dhéanamh ar bhainistiú na dteorainneacha seachtracha. Ba cheart don Ghníomhaireacht a áirithiú go ndéantar faireachán cuí agus éifeachtach, ní amháin trí anailís riosca, malartú faisnéise agus Eurosur, ach freisin trí shaineolaithe óna foireann féin a bheith i láthair sna Ballstáit. Ba cheart don Ghníomhaireacht, dá bhrí sin, bheith in ann oifigigh idirchaidrimh a imscaradh chuig Ballstáit ar leith ar feadh tréimhse áirithe, agus tuairisceoidh an toifigeach idirchaidrimh don Oifigeach Feidhmiúcháin le linn na tréimhse sin. Cuid den mheasúnú leochaileachta a bheidh i dtuarascáil na noifigeach idirchaidrimh.

(13)Ba cheart don Ghníomhaireacht Eorpach um an nGarda Teorann agus Cósta measúnú leochaileachta a dhéanamh chun inniúlacht na mBallstát a mheasúnú i dtaobh aghaidh a thabhairt ar dhúshláin ag a dteorainneacha seachtracha, lena náirítear trí mheasúnú a dhéanamh ar threalamh agus ar acmhainní na mBallstát agus ar a bpleananna teagmhasacha i dtaca le géarchéimeanna a d'fhéadfadh titim amach ag na teorainneacha seachtracha. Ba cheart do na Ballstáit beart ceartaitheach a dhéanamh chun aghaidh a thabhairt ar aon easnaimh arna sainaithint sa mheasúnú sin. Ba cheart don Stiurthóir Feidhmiúcháin, ar chomhairle ón Bord Maoirseachta arna chur le chéile faoi chuimsiú na Gníomhaireachta Eorpaí um an nGarda Teorann agus Cósta, ba cheart dó na bearta a bheidh le déanamh ag an mBallstát lena mbaineann a shainaithint, agus ba cheart dó teorainn ama a shocrú faoina mbeidh na bearta sin le déanamh. Ba cheart an cinneadh sin a bheith ceangailteach ar an mBallstát sin agus i gcás nach ndéantar na bearta is gá faoin teorainn ama atá leagtha síos, is gá an tábhar a chur faoi bhráid an Bhoird Bainistíochta chun go ndéanfar cinneadh eile ina leith.

(14)Ba cheart don Ghníomhaireacht Eorpach um an nGarda Teorann agus Cósta an cúnamh teicniúil agus oibríochtúil is iomchuí do na Ballstáit a chur ar fáil chun an cumas atá iontu a noibleagáidí a chur chun feidhme a threisiú maidir le rialú na dteorainneacha seachtracha, agus aghaidh a thabhairt ar dhúshláin ag an teorainn sheachtrach de thoradh imirce neamhrialta nó coireachta trasteorann. Chuige sin, ba cheart don Ghníomhaireacht Eorpach um an nGarda Teorann agus Cósta, arna iarraidh sin do Bhallstát nó ar a thionscnamh féin, oibríochtaí comhpháirteacha a eagrú agus a chomhordú le haghaidh Ballstáit amháin nó níos mó agus Foirne Eorpacha de chuid an Gharda Teorann agus Cósta a imscaradh, mar aon leis an trealamh teicniúil is gá a chur ar fáil, agus féadfaidh sé saineolaithe de chuid a foirne féin a imscaradh freisin.

(15)Más rud é go bhfuil brú sonrach díréireach ag na teorainneacha seachtracha, ba cheart don Ghníomhaireacht Eorpach um an nGarda Teorann agus Cósta, arna iarraidh sin do Bhallstát nó ar a thionscnamh féin, mear-idirghabhálacha teorann a eagrú agus a chomhordú agus Foirne Eorpacha de chuid an Gharda Teorann agus Cósta a imscaradh ó dhíorma cúltaca mearfhreagartha mar aon le trealamh teicniúil a chur ar fáil. Ba cheart tacaíocht a bheith le fáil ó mhear-idirghabhálacha teorann i gcás ina bhfuil freagairt láithreach de dhíth agus ina mbeadh na hidirghabhálacha sin ina bhfreagairt éifeachtach. Chun oibríocht éifeachtach idirghabhála den chineál sin a áirithiú, ba cheart do na Ballstáit gardaí teorann agus baill foirne ábhartha eile a chur ar fáil don díorma cúltaca mearfhreagartha.

(16)Ag limistéir ar leith de na teorainneacha seachtracha áit a mbíonn na Ballstáit faoi bhrú díréireach ón imirce a bhfuil mórphlódú isteach de shreabha imirce measctha mar shaintréith di, limistéir ar a dtugtar láithreacha práinne, ba cheart do na Ballstáit bheith in ann brath ar an tacaíocht bhreise oibríochtúil agus theicniúil ó fhoirne tacaíochta don bhainistiú imirce, atá comhdhéanta d'fhoirne saineolaithe arna nimscaradh ó na Ballstáit ag an nGníomhaireacht Eorpach um an nGarda Teorann agus Cósta agus ag an Oifig Eorpach Tacaíochta do Chúrsaí Tearmainn, agus ó Europol nó ó ghníomhaireachtaí ábhartha eile de chuid an Aontais, agus de shaineolaithe ó fhoireann na Gníomhaireachta Eorpaí um an nGarda Teorann agus Cósta freisin. Ba cheart don Ghníomhaireacht Eorpach um an nGarda Teorann agus Cósta cúnamh a thabhairt don Choimisiún i dtaobh na ngníomhaireachtaí éagsúla ar an talamh a chomhordú.

(17)Más rud é nach ndéanann Ballstát an beart ceartaitheach is gá i gcomhréir leis an measúnú leochaileachta nó i gcás brú díréireach ón imirce ag na teorainneacha seachtracha, rud a fhágfaidh go mbeidh rialú na dteorainneacha seachtracha chomh neamhéifeachtach sin go bhféadfaí feidhmiú limistéar Schengen a chur i mbaol, ba cheart mearfhreagairt aontaithe éifeachtach a thabhairt ar leibhéal an Aontais. Chun na críche sin, agus chun comhordú níos fearr a áirithiú ar leibhéal an Aontais, ba cheart don Choimisiún na bearta sin a shainaithint atá le cur chun feidhme ag an nGníomhaireacht Eorpach um an nGarda Teorann agus Cósta agus a cheangal ar an mBallstát lena mbaineann comhoibriú leis an nGníomhaireacht i gcur chun feidhme na mbeart sin. Ina dhiaidh sin, ba cheart don Ghníomhaireacht Eorpach um an nGarda Teorann agus Cósta na gníomhaíochtaí is gá a dhéanamh chun na bearta arna lua sa chinneadh ón gCoimisiún a chur i bhfeidhm go praiticiúil, agus ba cheart plean oibríochta a tharraingt suas i gcomhar leis an mBallstát lena mbaineann.

(18)Ba cheart don Ghníomhaireacht Eorpach um an nGarda Teorann agus Cósta an trealamh agus an fhoireann is gá a bheith ar fáil dóibh lena nimscaradh in oibríochtaí comhpháirteacha nó i mear-idirghabhálacha teorann. Chuige sin, nuair a bheidh mear-idirghabhálacha teorann á seoladh ag an nGníomhaireacht Eorpach um an nGarda Teorann agus Cósta arna iarraidh sin do Bhallstát nó i gcás ina bhfuil gníomhaíocht phráinneach de dhíth, ba cheart don Ghníomhaireacht Eorpach um an nGarda Teorann agus Cósta a bheith in ann Foirne Eorpacha de chuid an Gharda Teorann agus Cósta a imscaradh ó dhíorma cúltaca mearfhreagartha arb é is ceart a bheith ann buanchór ina bhfuil céatadán beag den líon iomlán gardaí teorann atá sna Ballstáit, mar atá 1 500 ar a laghad. Ba cheart go ndéanfar imscaradh Foirne Eorpacha de chuid an Gharda Teorann agus Cósta ón díorma cúltaca mearfhreagartha a fhorlíonadh láithreach le foirne Eorpacha gardaí teorann agus cósta breise de réir mar is iomchuí.

(19)I bhfianaise a thapa agus ba ghá imscaradh trealaimh agus ball foirne a bheith go háirithe sna limistéir sin de na teorainneacha seachtracha ina mbíonn mórphlódú isteach tobann de shreabha imirce, ba cheart don Ghníomhaireacht Eorpach um an nGarda Teorann agus Cósta a bheith in ann freisin a trealamh teicniúil féin a úsáid, trealamh ar cheart di féin a fháil nó a bheidh faoi chomhúinéireacht le Ballstát. Ba cheart an trealamh teicniúil sin a chur ar fáil don Ghníomhaireacht arna iarraidh sin di. Ba cheart don Ghníomhaireacht Eorpach um an nGarda Teorann agus Cósta freisin comhthiomsú de threalamh teicniúil arna sholáthar ag na Ballstáit a bhainistiú, bunaithe ar na riachtanais arna sainaithint ag an nGníomhaireacht Eorpach um an nGarda Teorann agus Cósta agus ar cheart é a iomlánú trí bhíthin modhanna iompair agus trealamh oibríochtúil arna cheannach ag na Ballstáit faoi bhearta sonracha an Chiste Slándála Inmheánaí.

(20)An 8 Deireadh Fómhair 2015, d'iarr an Chomhairle Eorpach méadú ar shainordú na Gníomhaireachta Eorpaí chun Comhar Oibríochtúil a Bhainistiú ag Teorainneacha Seachtracha Bhallstáit an Aontais Eorpaigh chun cúnamh a thabhairt do na Ballstáit náisiúnaigh tríú tír atá ag fanacht go neamhdhleathach a chur ar ais, lena náirítear trí oibríochtaí um fhilleadh a eagrú ar a tionscnamh féin agus a ról a fheabhsú i dtaca le doiciméid taistil a fháil. Chun na críche sin, d'iarr an Chomhairle Eorpach Oifig um Fhilleadh a bhunú laistigh den Ghníomhaireacht Eorpach um an nGarda Teorann agus Cósta a mbeadh comhordú ghníomhaíochtaí na Gníomhaireachta maidir le filleadh faoina cúram.

(21)Ba cheart don Ghníomhaireacht um an nGarda Teorann agus Cósta cur leis an gcúnamh a thugann siad do na Ballstáit náisiúnaigh tríú tíortha atá ag fanacht go neamhdhleathach a chur ar ais, faoi réir bheartas um fhilleadh an Aontais agus i gcomhréir le Treoir 2008/115/CE ó Pharlaimint na hEorpa agus ón gComhairle. 15 Go háirithe, ba cheart di oibríochtaí um fhilleadh a chomhordú agus a eagrú ó Bhallstát amháin nó níos mó agus ba cheart di idirghabhálacha um fhilleadh a eagrú agus a dhéanamh chun córas um fhilleadh na mBallstát sin a bhfuil cúnamh breise teicniúil agus oibríochtúil de dhíth orthu a threisiú nuair atá na Ballstáit sin ag comhlíonadh a noibleagáide náisiúnaigh tríú tír atá ag fanacht go neamhdhleathach a chur ar ais i gcomhréir leis an Treoir sin.

(22)Ba cheart don Ghníomhaireacht um an nGarda Teorann agus Cósta díormaí a bhunú de lucht faireacháin don fhilleadh éigeantach, saineolaithe don fhilleadh éigeantach agus speisialtóirí don fhilleadh arna gcur ar fáil ag na Ballstáit, díormaí ar cheart a imscaradh le linn oibríochtaí um fhilleadh agus ar cheart iad a bheith ina gcuid d'Fhoirne saincheaptha Idirghabhála Eorpacha um Fhilleadh. Ba cheart don Ghníomhaireacht um an nGarda Teorann agus Cósta an oiliúint is gá a chur ar fáil dóibh.

(23)Ba cheart don Ghníomhaireacht um an nGarda Teorann agus Cósta uirlisí oiliúna sonracha a fhorbairt, agus ba cheart di oiliúint a chur ar fail ar leibhéal an Aontais do theagascóirí náisiúnta gardaí teorann agus oiliúint bhreise agus seimineáir a bhaineann le rialú ag teorainneacha seachtracha agus leis an bpróiseas chun náisiúnaigh tríú tír atá ag fanacht go neamhdhleathach ar chríoch na mBallstát a chur ar ais, an oiliúint sin a chur ar fáil d'oifigigh sna comhlachtaí náisiúnta inniúla. Ba cheart an Ghníomhaireacht a údarú le gníomhaíochtaí oiliúna a eagrú ar chríocha an tríú tír i gcomhar leis na Ballstáit agus leis an tríú tír.

(24)Ba cheart don Ghníomhaireacht Eorpach um an nGarda Teorann agus Cósta faireachán a dhéanamh ar an bhforbairt atá déanta i gcúrsaí taighde is ábhartha le haghaidh rialú na dteorainneacha seachtracha, lena náirítear úsáid ardteicneolaíochta faireachais, agus cuidiú leis an bhforbairt sin, agus ba cheart di an fhaisnéis sin a scaipeadh ar na Ballstáit agus ar an gCoimisiún.

(25)Tá sé riachtanach faisnéis maidir le bainistiú na dteorainneacha seachtracha, inimirce neamhrialta agus filleadh a mhalartú ar bhealach rialta, gasta agus iontaofa idir na Ballstáit chun gur féidir bainistiú comhtháite na dteorainneacha seachtracha a chur chun feidhme go héifeachtach. Ba cheart don Ghníomhaireacht Eorpach um an nGarda Teorann agus Cósta córais faisnéise a fhorbairt agus a oibriú a éascóidh an cineál malartaithe sin i gcomhréir le reachtaíocht an Aontais maidir le cosaint sonraí.

(26)Chun críche a príomhchuspóir a chur i gcrích agus a mhéid is gá chun a gcuaraimí a chur i gcrích, féadfaidh an Ghníomhaireacht Eorpach um an nGarda Teorann agus Cósta dul i gcomhar le hinstitiúidí, comhlachtaí, oifigí agus gníomhaireachtaí an Aontais agus le heagraíochtaí idirnáisiúnta i dtaobh cúrsaí a chumhdaítear sa Rialachán seo faoi chuimsiú socruithe oibre arna dtabhairt i gcrích i gcomhréir le dlí agus beartas an Aontais. Ba cheart formheas an Choimisiúin a fháil do na socruithe oibre sin roimh ré.

(27)Tá réimse leathan cúraimí ar na húdaráis náisiúnta atá i mbun feidhmeanna garda cósta, lena náirítear sábháilteacht mhuirí, slándáil, cuardach agus tarrtháil, rialú ag teorainneacha, rialú ar iascach, rialú custam, forghníomhú ginearálta an dlí agus cosaint an chomhshaoil, agus mórán eile nach iad. Ba cheart don Ghníomhaireacht Eorpach um an nGarda Teorann agus Cósta, an Ghníomhaireacht Eorpach um Rialú ar Iascach arna bunú le Rialachán (CE) Uimh. 768/2005 ón gComhairle 16 agus an Ghníomhaireacht Eorpach um Shábháilteacht Mhuirí arna bhunú le Rialachán Uimh. 1406/2002 ó Pharlaimint na hEorpa agus ón gComhairle 17 , ba cheart dóibh an comhar eatarthu féin a neartú mar aon leis an gcomhar leis na húdaráis náisiúnta atá i mbun feidhmeanna garda cósta chun feasacht staide muirí a fheabhsú agus chun tacú le gníomhaíocht a bheith comhtháite agus costéifeachtúil.

(28)Ba cheart don Ghníomhaireacht Eorpach um an nGarda Teorann agus Cósta comhar oibríochtúil idir na Ballstáit agus tríú tíortha a éascú agus a spreagadh faoi chuimsiú bheartas caidrimh sheachtraigh an Aontais, lena náirítear trí chomhar oibríochtúil idir na Ballstáit agus tríú tíortha a chomhordú i dtaca le teorainneacha seachtracha a bhainistiú agus trí oifigigh idirchaidrimh a imscaradh chuig tríú tíortha, agus trí dul i gcomhar le húdaráis tríú tíortha i dtaca le filleadh, lena náirítear maidir le doiciméid taistil a fháil. Agus comhar le tríú tíortha ar siúl acu, ba cheart don Ghníomhaireacht Eorpach um an nGarda Teorann agus Cósta agus do na Ballstáit noirm agus caighdeáin a chomhlíonadh ar noirm agus caighdeáin iad atá comhionann, ar a laghad, leo sin a leagtar síos le reachtaíocht an Aontais; déanfaidh siad de réir na norm agus caighdeán sin agus comhar le tríú tíortha ar siúl acu ar chríoch na dtíortha eile sin freisin.

(29)Urramaítear leis an Rialachán seo na cearta bunúsacha agus na prionsabail a aithnítear in Airteagal 2 agus 6 den Chonradh ar an Aontas Eorpach agus a léirítear i gCairt um Chearta Bunúsacha an Aontais Eorpaigh. Go háirithe, féachann an Rialachán seo le hurraim ina hiomláine a áirithiú do dhínit an duine, an ceart chun beatha, an ceart chun saoirse agus slándála, an ceart go ndéanfar na sonraí pearsanta a chosaint, an cheart chun tearmann a rochtain, an ceart chun leigheas éifeachtach, cearta an linbh, toirmeasc ar chéastóireacht agus ar íde nó ar phionós atá mídhaonna nó táireach, agus toirmeasc ar gháinneáil ar dhaoine agus le cur i bhfeidhm phrionsabail an neamh-idirdhealaithe agus nonrefoulement a chur chun cinn.

(30)Bunaítear leis an Rialachán seo sásra um ghearáin le haghaidh na Gníomhaireachta Eorpaí um an nGarda Teorann agus Cósta i gcomhar leis an Oifigeach um Chearta Bunúsacha, chun urramú ceart bunúsach i ngníomhaíochtaí uile na Gníomhaireachta a áirithiú agus chun faireachán a dhéanamh ar an méid sin. Ba cheart gur sásra riaracháin an sásra seo faoina mbeidh an tOifigeach um Chearta Bunúsacha freagrach as gearáin arna bhfáil ag an nGníomhaireacht a láimhseáil i gcomhréir leis an gceart chun dea-riaracháin. Ba cheart don Oifigeach um Chearta Bunúsacha inghlacthacht gearáin a athbhreithniú, gearáin inghlactha a chlárú, gach gearán cláraithe a chur ar aghaidh chuig an Stiúrthóir Feidhmiúcháin, gearáin a bhaineann le gardaí teorann a chur ar aghaidh chuig an mBallstát baile agus bearta leantacha de chuid na Gníomhaireachta nó an Bhallstáit sin a chlárú. Ba cheart gurb iad na Ballstáit a dhéanfaidh imscrúduithe coiriúla.

(31)Chun coinníollacha aonfhoirmeacha a áirithiú i dtaca leis an Rialachán seo a chur chun feidhme, go háirithe maidir le staideanna a éilíonn gníomhaíocht phráinneach ag na teorainneacha seachtracha, ba cheart cumhachtaí cur chun feidhme a thabhairt don Choimisiún. Ba cheart na cumhachtaí sin a fheidhmiú i gcomhréir le Rialachán (AE) Uimh. 182/2011 ó Pharlaimint na hEorpa agus ón gComhairle. 18

(32)Ba cheart don Ghníomhaireacht Eorpach um an nGarda Teorann agus Cósta a bheith neamhspleách i dtaca le cúrsaí oibríochtúla agus teicniúla agus neamhspleáchas dlí, riaracháin agus airgeadais a bheith aici. Chuige sin, is gá agus is iomchuí gur chomhlacht de chuid an Aontais a bheadh ann a bhfuil pearsantacht dhlítheanach aige agus a fheidhmíonn na cumhachtaí cur chun feidhme a thugtar dó leis an Rialachán seo.

(33)Ba cheart ionadaíocht a bheith ag an gCoimisiún agus ag na Ballstáit ar Bhord Bainistíochta chun beartais a chur i bhfeidhm agus chun maoirseacht pholaitiúil a dhéanamh ar an nGníomhaireacht Eorpach um an nGarda Teorann agus Cósta. Ba cheart a bheith ar an mBord, nuair is féidir, ceannairí oibríochtúla na seirbhísí náisiúnta atá freagrach as gardaí teorann nó a nionadaithe a bhainistiú. Ba cheart a thabhairt de chúram don Bhord na cumhachtaí is ga chun an buiséad a leagan síos, cur i bhfeidhm an bhuiséid a fhíorú, na rialacha airgeadais iomchuí a ghlacadh, nósanna imeachta trédhearcacha oibre a leagan síos don Ghníomhaireacht Eorpach um an nGarda Teorann agus Cósta cinntí a dhéanamh agus chun an Stiúthóir Feidhmiúcháin agus an LeasStiúrthóir Feidhmiúncháin a cheapadh. Ba cheart an Ghníomhaireacht a rialú agus a oibriú i gcomhréir le prionsabail an chur chuige choitinn maidir le gníomhaireachtaí díláraithe an Aontais a ghlac Parlaimint na hEorpa, an Chomhairle agus an Coimisiún Eorpach an 19 Iúil 2012.

(34)Chun neamhspleáchas na Gníomhaireachta Eorpaí um an nGarda Teorann agus Cósta a ráthú, ba cheart buiséad neamhspleách a thabhairt di ar as ranníocaíocht an Aontais go bunúsach a thiocfaidh a ioncam. Ba cheart feidhm a bheith ag nós imeachta buiséadach an Aontais a fhad a bhaineann le ranníocaíocht an Aontais agus le haon fhóirdheontais eile is inmhuirearaithe ar bhuiséad ginearálta an Aontais Eorpaigh. Ba cheart gurb í an Chúirt Iniúchóirí a thabharfaidh faoi iniúchadh na gcuntas.

(35)Ba cheart feidhm gan srian a bheith ag Rialachán (AE, Euratom) Uimh. 883/2013 ó Pharlaimint na hEorpa agus ón gComhairle 19 i leith na Gníomhaireachta Eorpaí um an nGarda Teorann agus Cósta, agus ba cheart di aontú do Chomhaontú Idirinstitiúideach an 25 Bealtaine 1999 idir Parlaimint na hEorpa, Comhairle an Aontais Eorpaigh agus Coimisiún na gComhphobal Eorpach maidir le himscrúduithe inmheánacha arna ndéanamh ag an Oifig Eorpach FrithChalaoise (OLAF). 20

(36)Ba cheart feidhm a bheith ag Rialachán (CE) Uimh. 1049/2001 ó Pharlaimint na hEorpa agus ón gComhairle an 30 Bealtaine 2001 maidir le rochtain phoiblí ar dhoiciméid ó Pharlaimint na hEorpa, ón gComhairle agus ón gCoimisiún 21 i gcás na Gníomhaireachta Eorpaí um an nGarda Teorann agus Cósta.

(37)Aon phróiseáil a dhéanfaidh an Ghníomhaireacht Eorpach um an nGarda Teorann agus Cósta ar shonraí pearsanta faoi chuimsiú an Rialacháin seo, ba cheart í a dhéanamh i gcomhréir le Rialachán (CE) Uimh. 45/2001 ó Pharlaimint na hEorpa agus ón gComhairle. 22  

(38)Aon phróiseáil a dhéanfaidh na Ballstáit ar shonraí pearsanta faoi chuimsiú an Rialacháin seo, ba cheart í a dhéanamh i gcomhréir le Treoir 95/46/CE ó Pharlaimint na hEorpa agus ón gComhairle 23 agus le Cinneadh Réime 2008/977/CGB ón gComhairle 24 , agus ba cheart prionsabail an riachtanais agus na comhréireachta a urramú.

(39)Ós rud e nach féidir leis na Ballstáit, ag gníomhú dóibh ar bhealach neamh-chomhordaithe, cuspóirí an Rialacháin seo, eadhon córas comhtháite bainistíochta le haghaidh teorainneacha seachtracha a fhorbairt agus a chur chun feidhme, lena náireofaí feidhmiú cuí limistéar Schengen, nach féidir leis na cuspóirí sin a bhaint amach go leordhóthanach ach gur fearr, de bharr easpa rialuithe ag teorainneacha inmheánacha agus i bhfianaise an bhrú shuntasaigh ón imirce ag na teorainneacha seachtracha agus an gá le leibhéal ard slándála inmheánaí a chaomhnú laistigh den Aontas, gur fearr is féidir iad a bhaint amach ar leibhéal an Aontais, féadfaidh an tAontas bearta a ghlacadh, i gcomhréir le prionsabal na coimhdeachta atá leagtha amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta, atá leagtha amach san Airteagal sin, ní théann an Rialachán seo thar a bhfuil riachtanach chun na cuspóirí sin a bhaint amach.

(40)Maidir leis an Íoslainn agus leis an Iorua, is é atá sa Rialachán seo forbairt ar fhorálacha acquis Schengen de réir bhrí an Chomhaontaithe arna thabhairt i gcrích ag Comhairle an Aontais Eorpaigh agus Poblacht na hÍoslainne agus Ríocht na hIorua maidir le comhlachas an dá thír sin le acquis Schengen a chur chun feidhme, a chur i bhfeidhm agus a fhorbairt  25 , ar forálacha iad a thagann faoi réim an réimse dá dtagraítear i bpointe A d'Airteagal 1 de Chinneadh 1999/437/CE ón gComhairle  26 . Sa socrú idir an Comhphobal Eorpach agus Poblacht na hÍoslainne agus Ríocht na hIorua maidir le modúlachtaí rannpháirteachas na Stát sin sa Ghníomhaireacht Eorpach chun Comhar Oibríochtúil a Bhainistiú ag Teorainneacha Seachtracha Bhallstáit an Aontais Eorpaigh, 27  déantar foráil maidir le rialacha i dtaobh rannpháirtíocht na dtíortha sin in obair na Gníomhaireachta, lena náirítear forálacha maidir le ranníocaíochtaí airgeadais agus foireann.

(41)Maidir leis an Eilvéis, is é atá sa Rialachán seo forbairt ar fhorálacha acquis Schengen de réir bhrí an Chomhaontaithe arna thabhairt i gcrích idir an tAontas Eorpach, an Comhphobal Eorpach agus Cónaidhm na hEilvéise maidir le comhlachas Chónaidhm na hEilvéise le acquis Schengen a chur chun feidhme, a chur i bhfeidhm agus a fhorbairt 28 , ar fhorálacha iad a thagann faoi réim an réimse dá dtagraítear i bpointe A, pointe B agus pointe G d'Airteagal 1 de Chinneadh 1999/437/CE arna léamh i gcomhar le hAirteagal 3 de Chinneadh 2008/146/CE. 29

(42)Maidir le Lichtinstéin, is é atá sa Rialachán seo forbairt ar fhorálacha acquis Schengen de réir bhrí an Phrótacail idir an tAontas Eorpach, an Comhphobal Eorpach, Cónaidhm na hEilvéise agus Prionsacht Lichtinstéin i ndáil le haontachas Phrionsacht Lichtinstéin leis an gComhaontú idir an tAontas Eorpach, an Comhphobal Eorpach agus Cónaidhm na hEilvéise maidir le comhlachas Chónaidhm na hEilvéise le acquis Schengen a chur chun feidhme, a chur i bhfeidhm agus a fhorbairt 30 , ar forálacha iad a thagann faoi réim an réimse dá dtagraítear i bpointe A, pointe B agus pointe G d'Airteagal 1 de Chinneadh 1999/437/CE arna léamh i gcomhar le hAirteagal 3 de Chinneadh 2011/350/AE ón gComhairle. 31

(43)Sa socrú idir an Comhphobal Eorpach, ar thaobh amháin, agus Cónaidhm na hEilvéise agus Prionsacht Lichtinstéin, ar thaobh eile, maidir le modúlachtaí rannpháirteachas na Stát sin sa Ghníomhaireacht Eorpach chun Comhar Oibríochtúil a Bhainistiú ag Teorainneacha Seachtracha Bhallstáit an Aontais Eorpaigh 32 , déantar foráilmaidir le rialacha i dtaobh rannpháirtíocht na dtíortha sin in obair na Gníomhaireachta, lena náirítear forálacha maidir le ranníocaíochtaí airgeadais agus foireann.

(44)I gcomhréir le hAirteagal 1 agus le hAirteagal 2 den Phrótacal maidir le seasamh na Danmhairge, atá i gceangal leis an gConradh ar an Aontas Eorpach agus leis an gConradh ar Fheidhmiú an Aontais Eorpaigh, níl an Danmhairg rannpháirteach i nglacadh an Rialacháin seo agus níl an Rialachán seo ina cheangal ar an Danmhairg ná níl sí faoi réir a chur i bhfeidhm. Ó tharla go gcuireann an Rialachán seo le acquis Schengen faoi fhorálacha Theideal IV de Chuid a Trí den Chonradh ag bunú an Chomhphobail Eorpaigh, ba cheart don Danmhairg a chinneadh, i gcomhréir le hAirteagal 5 den Phrótacal sin, laistigh de thréimhse sé mhí tar éis don Chomhairle an Rialachán seo a ghlacadh, an gcuirfidh sí chun feidhme ina dlí náisiúnta é.

(45)Is é atá sa Rialachán seo forbairt ar fhorálacha acquis Schengen nach bhfuil an Ríocht Aontaithe rannpháirteach iontu, i gcomhréir le Cinneadh 2000/365/CE ón gComhairle; 33 dá bhrí sin, níl an Ríocht Aontaithe rannpháirteach ina ghlacadh agus níl an Rialachán seo ina cheangal uirthi ná níl sí faoi réir a chur i bhfeidhm.

(46)Is é atá sa Rialachán seo ná forbairt ar fhorálacha acquis Schengen nach bhfuil Éire rannpháirteach iontu, i gcomhréir le Cinneadh 2002/192/CE ón gComhairle. 34 Dá bhrí sin, níl Éire rannpháirteach i nglacadh an Rialacháin seo agus níl sé ina cheangal uirthi ná níl sí faoi réir a chur i bhfeidhm.

(47)Ba cheart don Ghníomhaireacht eagrú gníomhaíochtaí sonracha a éascú, gníomhaíochtaí trína mbeidh na Ballstáit in ann tairbhiú den saineolas agus de na saoráidí a d'fhéadfadh Éire agus an Ríocht Aontaithe a chur ar fáil dóibh, i gcomhréir leis na modheolaíochtaí a bheidh le cinneadh ina gceann agus ina gceann ag an mBord Bainistíochta. Chuige sin, d'fhéadfadh sé go dtabharfaí cuireadh d'ionadaithe ó Éirinn agus ón Ríocht Aontaithe freastal ar chruinnithe an Bhoird Bainistíochta, rud a thabharfadh deis dóibh bheith iomlán rannpháirteach san gníomhaíochtaí sonracha sin a ullmhú.

(48)Tá conspóid ann idir Ríocht na Spáinne agus an Ríocht Aontaithe maidir le críochú theorainneacha Ghiobráltar.

(49)Má chuirtear infheidhmeacht an Rialacháin seo ar fionraí maidir le teorainneacha Ghiobráltar, ní chiallaíonn an méid sin go bhfuil aon athrú ar sheasaimh na Stát lena mbaineann faoi seach.

(50)Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 28(2) de Rialachán (CE) Uimh. 45/2001 agus thug sé tuairim an [...] 35 .

(51)Is é is aidhm don Rialachán seo forálacha Rialachán (CE) Uimh. 2007/2004, Rialachán (CE) Uimh. 863/2007 ó Pharlaimint na hEorpa agus ón gComhairle 36 agus Cinneadh 2005/267/CE ón gComhairle a leasú agus a leathnú. 37 I bhfianaise a shuntasaí atá na leasuithe atá le déanamh ó thaobh a líon agus a gcineál araon, is iomchuí, ar mhaithe le breis soiléireachta, na gníomhartha sin a aisghairm agus gníomh nua a chur ina nionad. Forléireofar tagairtí a dhéanfar do na Rialacháin aisghairithe mar thagairtí don Rialachán seo.

TAR ÉIS AN RIALACHÁN SEO A GHLACADH:

CAIBIDIL I

AN GARDA TEORANN AGUS CÓSTA EORPACH

Airteagal 1

Ábhar

Bunaítear leis seo Garda Teorann agus Cósta Eorpach chun bainistiú comhtháite teorainneacha san Eoraip a áirithiú ag na teorainneacha seachtracha d'fhonn imirce a bhainistiú go héifeachtach agus d'fhonn leibhéal ard slándála inmheánaí a áirithiú san Aontas agus, san am céanna, saorghluaiseacht daoine laistigh den Aontas a chosaint.

Airteagal 2

Sainmhínithe

Chun críocha an Rialacháin seo, beidh feidhm ag na sainmhínithe seo a leanas:

(1)ciallaíonn 'teorainneacha seachtracha' teorainneacha talún agus farraige na mBallstát mar aon lena naerfoirt agus a gcalafoirt, a bhfuil feidhm ag forálacha Theideal II de Rialachán (CE) Uimh. 562/2006 ó Pharlaimint na hEorpa agus ón gComhairle 38 maidir leo;

(2)ciallaíonn 'rialú ag teorainneacha' rialú ag teorainneacha mar atá sainmhínithe i bpointe (9) d'Airteagal 2 de Rialachán (CE) Uimh. 562/2006;

(3)ciallaíonn 'Foirne Eorpacha de chuid an Gharda Teorann agus Cósta' foirne gardaí teorann agus baill foirne ábhartha eile ó na Ballstáit rannpháirteacha, lena náirítear saineolaithe náisiúnta atá fostaithe sa Ghníomhaireacht agus ar iasacht ó Bhallstáit, a bheidh le himscaradh le linn oibríochtaí comhpháirteacha, mear-idirghabhálacha teorann agus mar chuid d'fhoirne tacaíochta don bhainistiú imirce;

(4)ciallaíonn 'Ballstát aíochta' Ballstát ina dtarlaíonn oibríocht chomhpháirteach nó mearidirghabháil teorann, oibríocht um fhilleadh nó idirghabháil um fhilleadh, nó an Ballstát óna seoltar a leithéid d'oibríocht;

(5)ciallaíonn 'Ballstát baile' an Ballstát sin ina bhfuil ball d'Fhoirne Eorpacha de chuid an Gharda Teorann agus Cósta ina gharda teorann nó ina bhall foirne ábhartha eile;

(6)ciallaíonn 'Ballstát rannpháirteach' Ballstát a bhíonn rannpháirteach in oibríocht chomhpháirteach, mear-idirghabháil teorann, oibríocht um fhilleadh, idirghabháil um fhilleadh nó foirne tacaíochta don bhainistiú imirce trí bhíthin trealamh teicniúil, gardaí teorann agus baill foirne ábhartha eile arna nimscaradh mar chuid d'Fhoirne Eorpacha de chuid an Gharda Teorann agus Cósta a sholáthar, mar aon le Ballstát a bhíonn rannpháirteach in oibríochtaí um fhilleadh nó idirghabhálacha um fhilleadh trí bhíthin trealamh teicniúil nó baill foirne a sholáthar;

(7)ciallaíonn 'baill d'Fhoirne Eorpacha de chuid an Gharda Teorann agus Cósta' oifigigh seirbhísí gardaí teorann nó baill foirne ábhartha eile de chuid na mBallstát seachas an Ballstát aíochta, lena náirítear saineolaithe náisiúnta agus gardaí teorann atá fostaithe sa Ghníomhaireacht agus ar iasacht ó na Ballstáit, a bhíonn rannpháirteach in oibríochtaí comhpháirteacha nó mear-idirghabhálacha teorann;

(8)ciallaíonn 'baill na bhfoirne' baill d'Fhoirne Eorpacha de chuid an Gharda Teorann agus Cósta nó baill foirne atá bainteach le cúraimí a bhaineann le filleadh a bhíonn rannpháirteach in oibríochtaí um fhilleadh nó in idirghabhálacha um fhilleadh;

(9)ciallaíonn 'foirne tacaíochta don bhainistiú imirce' foirne saineolaithe a thugann tacaíocht oibríochtúil agus theicniúil do na Ballstáit ag láithreacha práinne ar foirne iad ar a bhfuil saineolaithe arna nimscaradh ó na Ballstáit ag an nGníomhaireacht Eorpach um an nGarda Teorann agus Cósta agus an Oifig Eorpach Tacaíochta do Chúrsaí Tearmainn, agus ó Europol nó ó Ghníomhaireachtaí ábhartha eile an Aontais;

(10)ciallaíonn 'filleadh' filleadh mar atá sainmhínithe i bpointe 3 d'Airteagal 3 de Threoir 2008/115/CE;

(11)ciallaíonn 'cinneadh um fhilleadh' cinneadh um fhilleadh mar atá sainmhínithe i bpointe 4 d'Airteagal 3 de Threoir 2008/115/CE;

(12)ciallaíonn 'fillí' náisiúnach tríú tír atá ag fanacht go neamhdhleathach agus atá faoi réir cinneadh um fhilleadh;

(13)ciallaíonn 'oibríocht um fhilleadh' oibríocht chun náisiúnaigh tríú tír atá ag fanacht go neamhdhleathach a chur ar ais, oibríocht arna comhordú ag an nGníomhaireacht agus a bhfuil tacaíocht theicniúil agus oibríochtúil arna soláthar ag Ballstát amháin nó níos mó mar chuid di, agus faoina mbeidh ar fhillithe ó Bhallstát amháin nó níos mó filleadh go héigeantach nó go deonach i gcomhréir le hoibleagáid um fhilleadh;

(14)ciallaíonn 'idirghabháil um fhilleadh' oibríocht chun náisiúnaigh tríú tír atá ag fanacht go neamhdhleathach a chur ar ais lena ndéantar foráil maidir le cúnamh breisithe teicniúil agus oibríochtúil a sholáthar, is é sin Foirne Idirghabhála Eorpacha um Fhilleadh a imscaradh chuig na Ballstáit agus oibríochtaí um fhilleadh a eagrú.

Airteagal 3

An Garda Teorann agus Cósta Eorpach

1.Is éard atá sa Gharda Teorann agus Cósta Eorpach, an Ghníomhaireacht Eorpach um an nGarda Teorann agus Cósta agus údaráis náisiúnta na mBallstát atá freagrach as bainistiú teorann, lena náirítear gardaí cósta sa mhéid is go ndéanann siad cúraimí rialaithe ag teorainneacha.

2.Bunóidh an Ghníomhaireacht Eorpach um an nGarda Teorann agus Cósta straitéis oibríochtúil agus theicniúil don bhainistiú comhtháite teorainneacha san Eoraip. Déanfaidh sé cur chun feidhme bainistiú comhtháite teorainneacha san Eoraip a chur chun cinn agus a áirithiú sna Ballstáit uile.

3.Na húdaráis náisiúnta atá freagrach as bainistiú teorainneacha, lena náirítear gardaí cósta sa mhéid is go ndéanann siad cúraimí rialaithe ag teorainneacha, leagfaidh siad síos a straitéisí náisiúnta le haghaidh bainistiú comhtháite teorainneacha. Beidh na straitéisí náisiúnta sin i gcomhréir leis an straitéis dá dtagraítear i mír 2.

Airteagal 4

Bainistiú comhtháite teorainneacha san Eoraip

Beidh mar chuid de bhainistiú comhtháite teorainneacha san Eoraip na gnéithe seo a leanas:

(a)rialú ag teorainneacha, lena náirítear bearta a bhaineann le coireacht trasteorann a chosc, a bhrath agus a imscrúdú, nuair is iomchuí;

(b)anailís ar na rioscaí atá ann don tslándáil inmheánach agus anailís ar aon bhagairtí a fhéadfaidh difear a dhéanamh d'fheidhmiú nó do shlándáil na dteorainneacha seachtracha;

(c)comhar idirghníomhaireachta idir na húdaráis náisiúnta sin i ngach Ballstát atá freagrach as rialú ag teorainneacha nó as cúraimí eile a dhéanamh ag teorainneacha, idir na húdaráis sin agus institiúidí, ghníomhaireachtaí, chomhlachtaí agus oifigí ábhartha an Aontais; lena náirítear malartú rialta faisnéise tríd na huirlisí malartaithe faisnéise atá ann cheana agus, go háirithe, tríd an gCóras Eorpach um Fhaireachas ar Theorainneacha ('Eurosur') arna bhunú le Rialachán (AE) Uimh. 1052/2013 ó Pharlaimint na hEorpa agus ón gComhairle; 39

(d)comhar le tríú tíortha sna réimsí arna gcumhdach ag an Rialachán seo, go háirithe le tíortha comharsanachta agus leis na tríú tíortha sin a sainaithníodh trí anailís riosca mar thíortha tionscnaimh agus idirthurais i dtaca le hinimirce neamhrialta;

(e)bearta teicniúla agus oibríochtúla laistigh den limistéar saorghluaiseachta a bhaineann le rialú ag teorainneacha agus atá ceaptha inimirce neamhrialta a chosc agus dul i ngleic le coireacht trasteorann;

(f) náisiúnaigh tríú tír atá ag fanacht go neamhdhleathach ar chríoch na mBallstát a chur ar ais;

(g)teicneolaíocht den úrscoth a úsáid, lena náirítear córais faisnéise ar mhórscála;

(h)sásra rialaithe cáilíochta chun cur chun feidhme reachtaíocht an Aontais i réimse an bhainistithe teorainneacha a áirithiú.

Airteagal 5

Freagracht chomhroinnte

1. Cuirfidh an Garda Teorann agus Cósta bainistiú comhtháite teorainneacha san Eoraip chun feidhme mar fhreagracht chomhroinnte de chuid na Gníomhaireachta Eorpaí um an nGarda Teorann agus Cósta agus na núdarás náisiúnta atá freagrach as bainistiú teorainneacha, lena náirítear gardaí cósta sa mhéid is go ndéanann siad cúraimí rialaithe ag teorainneacha.

2. Éascóidh an Ghníomhaireacht Eorpach um an nGarda Teorann agus Cósta cur i bhfeidhm bhearta an Aontais a bhaineann le teorainneacha seachtracha a bhainistiú trí ghníomhaíochtaí na mBallstát a threisiú, a mheasúnú agus a chomhordú i dtaobh na mbeart sin a chur chun feidhme agus i dtaca le bearta um fhilleadh. Áiritheoidh na Ballstáit go ndéanfar a gcuid de na teorainneacha seachtracha a bhainistiú, chun a leasa féin agus chun leas na mBallstát ar fad a chuir deireadh le rialú ag teorainneacha inmheánacha, i gcomhréir iomlán le dlí an Aontais agus i gcomhréir leis an straitéis theicniúil agus oibríochtúil dá dtagraítear in Airteagal 3(2), agus i ndlúthchomhar leis an nGníomhaireacht.

3.Is í an Ghníomhaireacht um an nGarda Teorann agus Cósta a bheidh freagrach as bainistiú na dteorainneacha seachtracha sna cásanna dá bhforáiltear sa Rialachán seo, go háirithe i gcás nach nglacfar na bearta ceartaitheacha is gá ar bhonn an mheasúnaithe leochaileachta, nó i gcás brú díréireach ón imirce, rud a fhágfaidh go mbeidh rialú na dteorainneacha seachtracha chomh neamhéifeachtach sin go bhféadfaí feidhmiú limistéar Schengen a chur i mbaol.

CAIBIDIL II

AN GHNÍOMHAIREACHT EORPACH UM AN nGARDA TEORANN AGUS CÓSTA

Roinn 1

Cúraimí na Gníomhaireachta Eorpaí um an nGarda Teorann agus Cósta

Airteagal 6

AN GHNÍOMHAIREACHT EORPACH UM AN nGARDA TEORANN AGUS CÓSTA

1.Chun bainistiú comhtháite comhleanúnach teorainneacha san Eoraip a áirithiú ag teorainneacha seachtracha uile na hEorpa, déanfaidh an Ghníomhaireacht cur i bhfeidhm na mbeart atá ann cheana agus a dhéanfar amach anseo maidir le bainistiú teorainneacha seachtracha, a éascú agus a dhéanamh níos éifeachtaí, go háirithe Cód Teorainneacha Schengen a bunaíodh le Rialachán (CE) Uimh. 562/2006.

2.Is é an Ghníomhaireacht Eorpach um an nGarda Teorann agus Cósta ("an Ghníomhaireacht") ainm nua na Gníomhaireachta Eorpaí chun Comhar Oibríochtúil a Bhainistiú ag Teorainneacha Seachtracha an Aontais Eorpaigh a bunaíodh le Rialachán (CE) Uimh. 2007/2004. Is ar an Rialachán seo a bheidh na gníomhaíochtaí bunaithe as seo amach.

Airteagal 7

Cúraimí

1. D'fhonn leibhéal ard aonfhoirmeach éifeachtúil a bhaint amach ó thaobh rialú ag teorainneacha agus filleadh de, comhlíonfaidh an Ghníomhaireacht na cúraimí seo a leanas:

(a) lárionad faireacháin agus anailíse riosca a bhunú a bhfuil sé d'acmhainn aige faireachán a dhéanamh ar shreabha imirce agus anailís riosca a dhéanamh i dtaca leis na gnéithe uile a bhaineann le bainistiú comhtháite teorainneacha;

(b) measúnú leochaileachta a dhéanamh, lena náirítear an measúnú ar chumas na mBallstát aghaidh a thabhairt ar bhagairtí agus ar bhrú ag na teorainneacha seachtracha;

(c) cúnamh a thabhairt do Bhallstáit in imthosca ina néilítear cúnamh méadaithe teicniúil agus oibríochtúil ag na teorainneacha seachtracha trí oibríochtaí comhpháirteacha a chomhordú agus a eagrú, agus é á chur san áireamh go bhféadfadh cásanna éigeandála daonnúla agus tarrtháil ar muir a bheith i gceist i gcásanna áirithe;

(d) cúnamh a thabhairt do Bhallstáit in imthosca ina néilítear cúnamh méadaithe teicniúil agus oibríochtúil ag na teorainneacha seachtracha trí mhear-idirghabhálacha teorann a lainseáil ag teorainneacha seachtracha na mBallstát sin a bhfuil aghaidh á tabhairt acu ar bhrú sonrach agus díréireach, agus é á chur san áireamh go bhféadfadh cásanna éigeandála daonnúla agus tarrtháil ar muir a bheith i gceist i gcásanna áirithe;

(e) Foirne Eorpacha an Garda Teorann agus Cósta a bhunú agus a imscaradh, lena náirítear, díorma cúltaca mearfhreagartha, atá le himscaradh le linn oibríochtaí comhpháirteacha agus mear-idirghabhálacha teorann agus faoi chuimsiú na bhfoirne tacaíochta don bhainistiú imirce;

(f) comhthiomsú de threalamh teicniúil a bhunú atá le húsáid le linn oibríochtaí comhpháirteacha, mear-idirghabhálacha teorann agus faoi chuimsiú na bhfoirne tacaíochta don bhainistiú imirce, agus le linn oibríochtaí um fhilleadh agus idirghabhálacha um fhilleadh;

(g) Foirne Eorpacha de chuid an Gharda Teorann agus Cósta a imscaradh agus trealamh teicniúil a chur ar fáil le cúnamh a sholáthar le scagadh, sainaithint agus méarlorgaireacht a dhéanamh faoi chuimsiú na bhfoirne tacaíochta don bhainistiú imirce sna láithreacha práinne;

(h) tacú le forbairt caighdeán teicniúil do threalamh go háirithe le haghaidh ceannas, rialú agus cumarsáid ar leibhéal oirbheartaíochta agus le haghaidh faireachas teicniúil leis an idirinoibritheacht a áirithiú ar leibhéal Aontais agus náisiúnta;

(i) an trealamh agus an fhoireann is gá a thabhairt don díorma cúltaca mearfhreagartha le gur féidir leis na bearta is gá a fhorghníomhú go praiticiúil i staid a éilíonn gníomhaíocht phráinneach ag na teorainneacha seachtracha;

(j) cúnamh a thabhairt do na Ballstáit in imthosca ina néilítear cúnamh teicniúil méadaithe agus cúnamh oibríochtúil chun an oibleagáid náisiúnaigh tríú tír atá ag fanacht go neamhdhleathach a chur ar ais a chur chun feidhme, lena náirítear trí oibríochtaí um fhilleadh a chomhordú nó a eagrú;

(k) díormaí de lucht faireacháin don fhilleadh éigeantach, de thionlacaithe don fhilleadh éigeantach agus de speisealtóirí maidir le filleadh a bhunú;

(l) Foirne Idirghabhála Eorpacha um Fhilleadh a bhunú agus a imscaradh le linn idirghabhálacha um fhilleadh;

(m) cúnamh a thabhairt do Bhallstáit le hoiliúint a chur ar ghardaí teorann náisiúnta agus ar shaineolaithe maidir le filleadh, lena náirítear caighdeáin oiliúna choiteanna a bhunú;

(n) bheith rannpháirteach i bhforbairt agus bainistiú gníomhaíochtaí taighde agus nuálaíochta is ábhartha do rialú agus faireachas ar theorainneacha seachtracha lena náirítear úsáid ardteicneolaíochta faireachais amhail córais aerárthaí cianrialaithe agus treoirthionscadail a fhorbairt maidir le hábhair a chumhdaítear faoin Rialachán seo;

40 41 (o) i gcomhréir le Rialachán (AE) Uimh. 45/2001 agus Cinneadh Réime 2008/977/CGB, córais faisnéise a fhorbairt agus a oibriú, a chumasóidh malartuithe tapa iontaofa faisnéise maidir le rioscaí atá ag teacht chun cinn i dtaca le bainistiú teorainneacha seachtracha, inimirce neamhrialta agus filleadh, i ndlúthchomhar leis an gCoimisiún, le gníomhaireachtaí, comhlachtaí agus oifigí de chuid an Aontais, agus le Gréasán Imirce na hEorpa a bunaíodh le Cinneadh 2008/381/CE ón gComhairle;

(p) an cúnamh is gá a chur ar fáil d'fhorbairt agus d'oibriú córais Eorpaigh um fhaireachas ar theorainneacha agus, de réir mar is iomchuí, d'fhorbairt comhéadain choitinn chun faisnéis a mhalartú, lena náirítear idir-inoibritheacht córas, go háirithe trí chreat Eurosur a fhorbairt, a choimeád ar bun agus a chomhordú i gcomhréir le Rialachán (AE) Uimh. 1052/2013;

(q) comhoibriú leis an nGníomhaireacht Eorpach um Rialú ar Iascach agus leis an nGníomhaireacht Eorpach um Shábháilteacht Mhuirí chun tacú leis na húdaráis náisiúnta a dhéanann feidhmeanna an gharda cósta, trí sheirbhísí, faisnéis, trealamh agus oiliúint a sholáthar agus trí oibríochtaí ilchuspóireacha a chomhordú chomh maith;

(r) cúnamh a thabhairt do Bhallstáit agus do thríú tíortha ó thaobh comhar oibríochtúil eatarthu agus maidir le bainistiú teorainneacha seachtracha agus filleadh.

2. Féadfaidh Ballstáit leanúint de chomhoibriú ar leibhéal oibríochtúil le Ballstáit eile agus/nó le tríú tíortha ag teorainneacha seachtracha, lena náirítear oibríochtaí míleata ar mhisean fhorghníomhaithe dlí agus maidir le filleadh, i gcás ina bhfuil an comhar sin comhoiriúnach do ghníomhaíocht na Gníomhaireachta. Staonfaidh na Ballstáit ó ghníomhaíocht ar bith a d'fhéadfadh feidhmiú na Gníomhaireachta nó baint amach a cuspóirí a chur i mbaol.

Cuirfidh Ballstáit tuairisc chuig an nGníomhaireacht faoi chomhar oibríochtúil den sórt sin le Ballstáit eile agus/nó le tríú tíortha ag teorainneacha seachtracha nó maidir le filleadh. Cuirfidh Stiúrthóir Feidhmiúcháin na Gníomhaireachta ("an Stiúrthóir Feidhmiúcháin") Bord Bainistíochta na Gníomhaireachta ("an Bord Bainistíochta") ar an eolas faoi na hábhair sin ar bhonn rialta agus uair amháin sa bhliain ar a laghad.

3. Féadfaidh an Ghníomhaireacht dul i mbun gníomhaíochtaí cumarsáide ar a thionscnamh féin sna réimsí atá laistigh dá sainordú. Ní chuirfidh gníomhaíochtaí cumarsáide isteach ar na cúraimí dá dtagraítear i mír 1 agus déanfar iad i gcomhréir le pleananna ábhartha cumarsáide agus scaipthe arna nglacadh ag an mBord Bainistíochta.

Roinn 2

Faireachán agus Géarchéimeanna a chosc

Airteagal 8

Dualgas maidir le comhoibriú de mheon macánta

Beidh an Ghníomhaireacht agus na húdaráis náisiúnta atá freagrach as bainistiú teorainneacha, lena náirítear gardaí cósta sa mhéid go ndéanann siad cúraimí rialaithe ag teorainneacha, beidh siad faoi réir dualgas maidir le comhoibriú de mheon macánta agus oibleagáid maidir le malartú faisnéise.

Airteagal 9

Oibleagáid ghinearálta maidir le malartú faisnéise

Déanfaidh na húdaráis náisiúnta atá freagrach as bainistiú teorainneacha, lena náirítear gardaí cósta sa mhéid go ndéanann siad cúraimí rialaithe teorainneacha, an fhaisnéis uile is gá a sholáthar don Ghníomhaireacht go tráthúil cruinn le gur féidir léi na cúraimí uile a bhronnann an Rialachán seo uirthi a chomhlíonadh, go háirithe le gur féidir leis an nGníomhaireacht faireachán a dhéanamh ar na sreabha imirce chun an Aontais agus laistigh den Aontas, agus le gur féidir léi anailís riosca agus measúnú leochaileachta a dhéanamh.

Airteagal 10

Faireachán ar shreabha imirce agus anailís riosca

1.Bunóidh an Ghníomhaireacht lárionad faireacháin agus anailíse riosca a mbeidh sé d'acmhainn aige faireachán a dhéanamh ar shreabha imirce chun an Aontais agus laistigh den Aontas. Chun na críche sin, forbróidh an Ghníomhaireacht múnla coiteann comhtháite don anailís riosca, a chuirfidh an Ghníomhaireacht agus na Ballstáit i bhfeidhm.

2. Ullmhóidh an Ghníomhaireacht anailísí riosca ginearálta agus anailísí riosca saincheaptha agus cuirfidh sí chuig an gComhairle agus chuig an gCoimisiún iad.

3.San anailís riosca a ullmhóidh an Ghníomhaireacht, cuimseofar gach gné den bhainistiú comhtháite teorainneacha san Eoraip, go háirithe rialú ag teorainneacha, filleadh, gluaiseachtaí tánaisteacha neamhrialta náisiúnach tríú tír laistigh den Aontas, cosc ar choireacht thrasteorann lena náirítear éascú inimirce neamhrialta, gáinneáil ar dhaoine agus sceimhlitheoireacht, chomh maith leis an staid i dtríú tíortha comharsanachta, d'fhonn sásra réamhrabhaidh a fhorbairt a dhéanfaidh anailís ar na sreabha imirce chun an Aontais.

4. Déanfaidh na Ballstáit gach faisnéis is gá maidir leis an staid atá ann, treochtaí agus bagairtí a d'fhéadfadh teacht chun cinn ag na teorainneacha seachtracha agus maidir le filleadh a chur ar fáil don Ghníomhaireacht. Tabharfaidh na Ballstáit gach faisnéis is gá go rialta nó arna iarraidh sin don Ghníomhaireacht, amhail sonraí staidrimh agus sonraí oibríochtúla a bhailítear i ndáil le cur i bhfeidhm acquis Schengen chomh maith le faisnéis arna ndíorthú ón tsraith anailíse den phictiúr de dhálaí náisiúnta a bunaíodh i gcomhréir le Rialachán (AE) Uimh. 1052/2013.

5.Cuirfear torthaí na hanailíse riosca faoi bhráid an Bhoird Maoirseachta agus an Bhoird Bainstíochta.

6.Cuirfidh na Ballstáit torthaí na hanailíse riosca san áireamh agus a gcuid oibríochtaí agus gníomhaíochtaí ag teorainneacha seachtracha chomh maith lena gníomhaíochtaí maidir le filleadh á bpleanáil acu.

7.Déanfaidh an Ghníomhaireacht torthaí múnla choitinn chomhtháite don anailís riosca a ionchorprú ina hobair forbartha ar lárchuraclaim coiteann i gcomhair oiliúint gardaí teorann agus ball foirne atá gafa le cúraimí a bhaineann le filleadh.

Airteagal 11

Oifigigh idirchaidrimh sna Ballstáit

1.Áiritheoidh an Ghníomhaireacht go ndéanfar faireachán rialta ar bhainistiú na dteorainneacha seachtracha trí oifigigh idirchaidrimh na Gníomhaireachta sna Ballstáit.

2.Ceapfaidh an Stiúrthóir Feidhmiúcháin saineolaithe ó fhoireann na Gníomhaireachta atá le himscaradh mar oifigigh idirchaidrimh. Déanfaidh an Stiúrthóir Feidhmiúcháin, ar bhonn anailís riosca agus i gcomhairle leis an mBord Bainistíochta, cineál an imscartha, an Ballstát a bhféadfar an toifigeach idirchaidrimh a imscaradh chuige agus fad thréimhse an imscartha a chinneadh. Tabharfaidh an Stiúrthóir Feidhmiúcháin fógra don Bhallstát lena mbaineann i leith an cheapacháin agus cinnfidh sé in éineacht leis an mBallstát, áit an imscartha.

3.Gníomhóidh na hoifigigh idirchaidrimh thar ceann na Gníomhaireachta agus is é ról a bheidh acu comhar agus plé a chur chun cinn idir an Ghníomhaireacht agus na húdaráis náisiúnta atá freagrach as bainistiú teorainneacha, lena náirítear gardaí cósta sa mhéid go ndéanann siad cúraimí rialaithe ag teorainneacha. Déanfaidh na hoifigigh idirchaidrimh, go háirithe, an méid seo a leanas:

(a) gníomhóidh siad mar chomhéadan idir an Ghníomhaireacht agus na húdaráis náisiúnta atá freagrach as bainistiú teorainneacha, lena náirítear gardaí cósta sa mhéid go ndéanann siad cúraimí rialaithe ag teorainneacha;

(b) tacóidh siad le bailiú faisnéise a theastaíonn ón nGníomhaireacht chun an measúnú leochaileachta dá dtagraítear in Airteagal 12 a dhéanamh;

(c) déanfaidh siad faireachán ar na bearta a ghlacann na Ballstáit ag codanna den teorainn dár sannadh leibhéal tionchair ard i gcomhréir le Rialachán (AE) Uimh. 1052/2013;

(d) cuideoidh siad leis na Ballstáit agus a bpleananna teagmhasacha á nullmhú acu;

(e) tuairisceoidh siad go rialta don Stiúrthóir Feidhmiúcháin faoin staid ag an teorainn sheachtrach agus faoi chumas an Bhallstáit lena mbaineann déileáil go héifeachtach leis an staid ag na teorainneacha seachtracha;

(f) déanfaidh siad faireachán ar na bearta a ghlacann an Ballstát maidir le staid a éilíonn gníomhaíocht phráinneach ag na teorainneacha seachtracha dá dtagraítear in Airteagal 18.

4.Chun críocha mhír 3, déanfaidh an toifigeach idirchaidrimh, inter alia, an méid seo a leanas:

(a) beidh rochtain neamhtheoranta aige ar an lárionad comhordúcháin náisiúnta agus ar an bpictúir de dhálaí náisiúnta a bunaíodh i gcomhréir le Rialachán (AE) Uimh. 1052/2013;

(b) beidh rochtain aige ar chórais faisnéise náisiúnta agus Eorpacha atá ar fáil sa lárionad comhordúcháin náisiúnta, ar choinníoll go gcomhlíonann sé na dlíthe náisiúnta agus Aontais maidir le slándáil agus cosaint sonraí;

(c) beidh sé i dteagmháil rialta leis na húdaráis náisiúnta atá freagrach as bainistiú teorainneacha, lena náirítear gardaí cósta sa mhéid go ndéanann siad cúraimí rialaithe ag teorainneacha, agus ceann an lárionaid comhordúcháin náisiúnta á chur ar an eolas ag an am céanna.

5.Beidh tuarascáil an oifigigh idirchaidrimh ina cuid den mheasúnú leochaileachta dá dtagraítear in Airteagal 12.

6.Agus a gcuid dualgas á gcomhlíonadh acu, is ón nGníomhaireacht amháin a ghlacfaidh na hoifigigh idirchaidrimh treoracha.

Airteagal 12

Measúnú leochaileachta

1.Déanfaidh an Ghníomhaireacht measúnú ar threalamh teicniúil, córais, cumas, acmhainní agus pleannanna teagmhasacha na mBallstát maidir le rialú ag teorainneacha. Bunófar an measúnú sin ar fhaisnéis arna soláthar ag an mBallstát agus an toifigeach idirchaidrimh, ar fhaisnéis arna díorthú ó Eurosur, go háirithe na leibhéil tionchair a shanntar do na codanna de theorainneacha seachtracha talún nó mara gach Ballstáit i gcomhréir le Rialachán (AE) Uimh. 1052/2013 agus ar thuarascálacha agus meastóireachtaí ar oibríochtaí comhpháirteacha, ar threoirthionscadail, ar mhear-idirghabhálacha teorann agus ar ghníomhaíochtaí eile de chuid na Gníomhaireachta.

2.Arna iarraidh sin don Ghníomhaireacht, tabharfaidh na Ballstáit faisnéis faoi threalamh teicniúil, baill foirne agus acmhainní airgeadais atá ar fáil ar leibhéal náisiúnta chun rialú ag teorainneacha a dhéanamh agus cuirfidh siad a bpleananna teagmhasacha faoina bráid.

3.Is é cuspóir an mheasúnaithe leochaileachta go ndéanfaidh an Ghníomhaireacht measúnú ar chumas agus ullmhacht Ballstát aghaidh a thabhairt ar na dúshláin atá ag teacht chun cinn, lena náirítear bagairtí atá ann agus a bheidh ann agus brú ag na teorainneacha seachtracha, go n-aithneoidh sí iarmhairtí láithreacha a d'fhéadfadh a bheith ann ag teorainneacha seachtracha agus iarmhartaí a d'fhéadfadh a bheith ann ina dhiaidh sin ar fheidhmiú limistéar Schengen, go háirithe i gcás na mBallstát sin a bhfuil aghaidh á tabhairt acu ar bhrú sonrach agus díréireach, agus go ndéanfaidh sí measúnú ar chumas na mBallstát cur leis an díorma cúltaca mearfhreagartha dá dtagraítear in Airteagal 19(5). Beidh an measúnú sin gan dochar do shásra meastóireachta Schengen.

4.Cuirfear torthaí an mheasúnaithe leochaileachta faoi bhráid an Bhoird Maoirseachta, a chuirfidh comhairle ar an Stiúrthóir Feidhmiúcháin faoi na bearta atá le déanamh ag na Ballstáit ar bhonn thorthaí an mheasúnaithe leochaileacha, agus anailís riosca na Gníomhaireachta agus torthaí shásra meastóireachta Schengen á gcur san áireamh.

5.Glacfaidh an Stiúrthóir Feidhmiúcháin cinneadh ina leagfar amach na bearta ceartaitheacha is gá don Bhallstát lena mbaineann a ghlacadh, lena náirítear trí húsáid acmhainní faoi ionstraimí airgeadais an Aontais. Beidh cinneadh an Stiúrthóra Feidhmiúcháin ina cheangal ar an mBallstát agus leagfar síos ann an teorainn ama faoinar gá na bearta a dhéanamh.

6. I gcás nach nglacann Ballstát na bearta ceartaitheacha is gá laistigh den teorainn ama atá socraithe, déanfaidh an Stiúrthóir Feidhmiúcháin an tábhar a tharchur chuig an mBord Bainistíochta agus fógra a thabhairt don Choimisiún ina leith. Glacfaidh an Stiúrthóir Feidhmiúcháin cinneadh ina leagfar amach na bearta ceartaitheacha is gá don Bhallstát lena mbaineann a ghlacadh, lena náirítear trí húsáid acmhainní faoi ionstraimí airgeadais an Aontais. Mura ndéanann an Ballstát na bearta laistigh den teorainn ama dá bhforáiltear sa chinneadh sin, féadfaidh an Coimisiún beart breise a dhéanamh i gcomhréir le hAirteagal 18.

Roinn 3

Teorainneacha Seachtracha a Bhainistiú

Airteagal 13

Gníomhaíochtaí a dhéanann an Ghníomhaireacht ag na teorainneacha seachtracha

1. Féadfaidh na Ballstáit cúnamh a iarraidh ar an nGníomhaireacht lena noibleagáidí a chur chun feidhme i dtaca leis na teorainneacha seachtracha a rialú. Déanfaidh an Ghníomhaireacht bearta dá dtagraítear in Airteagal 18 chomh maith.

2. Eagróidh an Ghníomhaireacht an cúnamh iomchuí teicniúil agus oibríochtúil don Bhallstát aíochta agus féadfaidh sí ceann amháin nó níos mó de na bearta seo a leanas a dhéanamh:

(a) oibríochtaí comhpháirteacha a chomhordú do Bhallstát amháin nó níos mó agus Foirne Eorpacha de chuid an Gharda Teorann agus Cósta a imscaradh;

(b) mear-idirghabhálacha teorann a eagrú agus Foirne Eorpacha de chuid an Gharda Teorann agus Cósta a imscaradh ón díorma cúltaca mearfhreagartha, agus Foirne breise Eorpacha de chuid an Gharda Teorann agus Cósta a imscaradh mar is iomchuí;

(c) gníomhaíochtaí a eagrú do Bhallstát amháin nó níos mó agus do thríú tír amháin nó níos mó ag teorainneacha seachtracha, lena náirítear oibríochtaí comhpháirteacha le tríú tíortha comharsanachta;

(d) Foirne Eorpacha de chuid an Gharda Teorann agus Cósta a imscaradh faoi chuimsiú na bhfoirne tacaíochta don bhainistiú imirce sna láithreacha práinne;

(e) a cuid saineolaithe féin chomh maith le baill na bhfoirne a bhí fostaithe sa Ghníomhaireacht agus ar iasacht ó na Ballstáit a imscaradh chun tacú le húdaráis náisiúnta inniúla na mBallstát lena mbaineann ar feadh tréimhse iomchuí;

(f) trealamh teicniúil a chur ar fáil.

3. Déanfaidh an Ghníomhaireacht na gníomhaíochtaí atá leagtha amach i mír 2 a mhaoiniú nó a chómhaoiniú le deontais óna buiséad i gcomhréir leis na rialacha airgeadais atá infheidhme maidir leis an nGníomhaireacht.

Airteagal 14

Oibríochtaí comhpháirteacha agus mear-idirghabhálacha teorann a thionscnamh ag na teorainneacha seachtracha

1. Féadfaidh na Ballstáit a iarraidh ar an nGníomhaireacht oibríochtaí comhpháirteacha a lainseáil chun aghaidh a thabhairt ar dhúshláin atá ag teacht chun cinn, lena náirítear bagairtí atá ann agus a bheidh ann ag teorainneacha seachtracha de thoradh inimirce neamhrialta nó coireacht thrasteorann, nó chun cúnamh teicniúil nó oibríochtúil méadaithe a sholáthar agus a gcuid oibleagáidí á gcur chun feidhme i dtaca leis na teorainneacha seachtracha a rialú.

2.Arna iarraidh sin don Bhallstát a bhfuil aghaidh á tabhairt aige ar bhrú sonrach agus díréireach, go háirithe i gcás ina sroicheann líon mór náisiúnach tríú tír, ar náisiúnaigh iad atá ag iarraidh teacht isteach go neamhdhleathach i gcríoch an Bhallstáit sin, pointí ar theorainneacha seachtracha, féadfaidh an Ghníomhaireacht mear-idirghabháil teorann a dhéanamh ar feadh tréimhse teoranta i gcríoch an Bhallstáit aíochta sin.

3.Déanfaidh an Stiúrthóir Feidhmiúcháin tograí ó na Ballstáit le haghaidh oibríochtaí comhpháirteacha a mheasúnú, a fhormheas agus a chomhordú. Déanfar anailís riosca a bheidh cruinn, iontaofa agus cothrom le dáta sula ndéanfar aon oibríochtaí comhpháirteacha nó mear-idirghabhálacha teorann, rud a chuirfidh ar chumas na Gníomhaireachta ord tosaíochta a leagan síos le haghaidh na noibríochtaí comhpháirteacha agus na mearidirghabhálacha teorann atá beartaithe, agus an leibhéal tionchair ar chodanna den teorainn sheachtrach á chur san áireamh i gcomhréir le Rialachán (AE) Uimh. 1052/2013 agus de réir na nacmhainní atá ar fáil.

4.Molfaidh an Stiúrthóir Feidhmiúcháin, ar chomhairle ón mBord Maoirseachta ar bhonn thorthaí an mheasúnaithe leochaileachta, agus anailís riosca na Gníomhaireachta agus sraith anailíse an phictiúir de dhálaí Eorpacha a bunaíodh i gcomhréir le Rialachán (AE) Uimh. 1052/2013 á gcur san áireamh, molfaidh sé don Bhallstát lena mbaineann oibríochtaí comhpháirteacha nó mear-idirghabhálacha teorann a thionscnamh agus a chur i gcrích. Cuirfidh an Ghníomhaireacht a trealamh teicniúil ar fáil do na Ballstáit rannpháirteacha nó do na Ballstáit aíochta.

5. Féadfar cuspóirí oibríochta comhpháirtí nó mear-idirghabhála teorann a bhaint amach mar chuid d'oibríocht ilchuspóireach a bhféadfadh an méid seo a leanas bheith i gceist léi: tarrtháil daoine i mbaol a mbáite nó feidhmeanna eile garda cósta, an comhrac in aghaidh smuigleáil imirceach nó gáinneáil ar dhaoine, oibríochtaí rialaithe gáinneála ar dhrugaí, agus bainistiú imirce lena náirítear sainaithint, clárú, faisnéisiú agus filleadh.

Airteagal 15

Plean oibríochta d'oibríochtaí comhpháirteacha

1.Mar ullmhúcháin d'oibríocht chomhpháirteach, déanfaidh an Stiúrthóir Feidhmiúcháin, i gcomhar leis an mBallstát aíochta, liosta trealaimh theicniúil agus foirne a bheidh de dhíth a tharraingt suas agus na hacmhainní atá ar fáil ón mBallstáit aíochta á gcur san áireamh. Ar bhonn na neilimintí sin, saineoidh an Ghníomhaireacht pacáiste tacaíochta oibríochtúla agus teicniúla chomh maith le gníomhaíochtaí forbartha acmhainní a áireofar sa phlean oibríochta.

2.Déanfaidh an Stiúrthóir Feidhmiúcháin plean oibríochta a tharraingt suas do na oibríochtaí comhpháirteacha ag na teorainneacha seachtracha. Comhaontóidh an Stiúrthóir Feidhmiúcháin agus an Ballstát aíochta, i gcomhairle leis na Ballstáit rannpháirteacha, an plean oibríochta lena sonrófar gnéithe eagraíochtúla na hoibríochta comhpháirtí.

3.Beidh an plean oibríochta ina cheangal ar an nGníomhaireacht, ar an mBallstát aíochta agus ar na Ballstáit rannpháirteacha. Cuimseoidh sé gach gné a mheastar a bheith riachtanach chun an oibríocht chomhpháirteach a chur i gcrích, lena náirítear an méid seo a leanas:

(a) tuairisc ar an staid maille le modus operandi agus cuspóirí an imscartha, lena náirítear aidhm na hoibríochta;

(b) an fad atá tuartha don oibríocht chomhpháirteach;

(c) an limistéar geografach ina dtarlóidh an oibríocht chompháirteach;

(d) tuairisc ar chúraimí agus ar threoracha speisialta i gcomhair Foirne Eorpacha de chuid an Gharda Teorann nó Cósta, lena náirítear maidir le ceadú incheadaithe bunachar sonraí agus le harmáin incheadaithe seirbhíse, armlón incheadaithe agus trealamh incheadaithe sa Bhallstát aíochta;

(e) comhdhéanamh Foirne Eorpacha de chuid an Gharda Teorann nó Cósta, mar aon le himscaradh ball foirne ábhartha eile;

(f) forálacha a bhaineann le ceannas agus le smacht, lena náirítear ainmneacha agus céimeanna ghardaí teorann an Bhallstáit aíochta a bheidh freagrach as comhoibriú le baill na bhfoirne agus na Gníomhaireachta, go háirithe aimneacha agus céimeanna na ngardaí teorann sin atá i gceannas le linn na tréimhse imscartha, agus an léibhéal atá ag baill na bhfoirne sa slabhra ceannais;

(g) an trealamh teicniúil atá le húsáid le linn na hoibríochta comhpháirtí, lena náirítear ceanglais shonracha amhail coinníollacha úsáide, an fhoireann a theastaíonn, iompar agus lóistíocht eile, agus forálacha airgeadais;

(h) forálacha mionsonraithe maidir le teagmhais a thuairisciú láithreach ag an nGníomhaireacht chuig an mBord Bainistíochta agus chuig údaráis phoiblí náisiúnta ábhartha;

(i) scéim tuairiscithe agus meastóireachta ina bhfuil tagarmharcálacha don tuarascáil ar mheastóireacht agus dáta deiridh chun an tuarascáil chríochnaitheach ar mheastóireacht a chur isteach;

42 (j) maidir le hoibríochtaí ar muir, faisnéis shonrach maidir le cur i bhfeidhm na dlínse ábhartha agus na reachtaíochta ábhartha sa limistéar geografach ina dtarlaíonn an oibríocht chompháirteach, lena náirítear tagairtí do dhlí idirnáisiúnta agus do dhlí an Aontais maidir le hidircheapadh, tarrtháil ar muir agus díbhordáil. Maidir leis sin, bunófar an plean oibríochta i gcomhréir le Rialachán (AE) Uimh. 656/2014 ó Pharlaimint na hEorpa agus ón gComhairle; 

(k) rialacha mionsonraithe maidir le comhar le tríú tíortha, le gníomhaireachtaí, comhlachtaí agus oifigí eile de chuid an Aontais nó le heagraíochtaí idirnáisiúnta.

(l) nósanna imeachta lena leagtar amach sásra tarchuir lena dtreoraítear daoine a bhfuil cosaint idirnáisiúnta de dhíth orthu, íospartaigh na gáinneála ar dhaoine, mionaosaigh gan tionlacan agus daoine ar leochaileach dá gcás, chuig na húdaráis náisiúnta inniúla chun an cúnamh iomchuí a fháil.

(m) nósanna imeachta lena leagtar amach sásra chun gearáin in aghaidh ghardaí teorann an Bhallstáit aíochta agus in aghaidh bhaill d'Fhoirne Eorpacha de chuid an Gharda Teorann agus Cósta a fháil agus a tharchur chuig an nGníomhaireacht, gearáin ina líomhnaítear sáruithe ar chearta bunúsacha i gcomhthéacs na hoibríochta comhpháirtí nó na mear-idirghabhála teorann.

4.Tar éis dul i gcomhairle leis na Ballstáit rannpháirteacha, beidh comhaontú an Stiúrthóra Feidhmiúcháin agus an Bhallstáit aíochta araon ag teastáil maidir le haon leasuithe nó maidir le haon oiriúnuithe ar an bplean oibríochta. Cuirfidh an Ghníomhaireacht cóip den phlean oibríochta leasaithe nó oiriúnaithe chuig na Ballstáit rannpháirteacha láithreach.

Airteagal 16

Nós imeachta chun mear-idirghabháil teorann a lainseáil

1. Má iarrann Ballstát mear-idirghabháil teorann, áireofar san iarraidh sin tuairisc ar an staid, na haidhmeanna féideartha agus na riachtanais a mbeifear ag dréim leo. Féadfaidh an Stiúrthóir Feidhmiúcháin, más gá, saineolaithe a sheoladh ón nGníomhaireacht láithreach chun an staid a mheas ag teorainneacha seachtracha an Bhallstáit lena mbaineann.

2. Cuirfidh an Stiúrthóir Feidhmiúcháin an Bord Bainistíochta ar an eolas láithreach faoi iarraidh ó Bhallstát ar mhear-idirghabháil teorann a lainseáil.

3.Agus cinneadh á dhéanamh maidir le hiarraidh ó Bhallstát, cuirfidh an Stiúrthóir Feidhmiúcháin san áireamh torthaí anailísí riosca na Gníomhaireachta agus sraith anailíse an phictiúir de dhálaí Eorpacha a bunaíodh i gcomhréir le Rialachán (AE) Uimh. 1052/2013 chomh maith le toradh an mheasúnaithe leochaileachta dá dtagraítear in Airteagal 12 agus aon fhaisnéis ábhartha a thugann an Ballstát lena mbaineann nó aon Bhallstát eile.

4.Déanfaidh an Stiúrthóir Feidhmiúcháin cinneadh faoin iarraidh ar mhear-idirghabháil teorann a lainseáil laistigh de dhá lá oibre ón dáta a bhfuarthas an iarraidh. Cuirfidh an Stiúrthóir Feidhmiúcháin an Ballstát lena mbaineann agus an Bord Bainistíochta ar an eolas faoin gcinneadh i scríbhinn ag an am céanna. Luafar sa chinneadh na príomhchúiseanna ar a mbeidh sé bunaithe.

5.Má chinneann an Stiúrthóir Feidhmiúcháin mear-idirghabháil teorann a lainseáil, déanfaidh sé nó sí Foirne Eorpacha de chuid an Gharda Teorann agus Cósta a imscaradh ón díorma cúltaca mearfhreagartha i gcomhréir le hAirteagal 19(5), agus más gá, déanfaidh sé nó sí cinneadh maidir le tacaíocht láithreach ó cheann amháin nó níos mó d'Fhoirne Eorpacha de chuid an Gharda Teorann agus Cósta, i gcomhréir le hAirteagal 19(6).

6.Déanfaidh an Stiúrthóir Feidhmiúcháin i gcomhar leis an mBallstát aíochta plean oibríochta dá dtagraítear in Airteagal 15(3) a tharraingt suas láithreach, agus ar scor ar bith ag tráth nach déanaí ná trí lá oibre ó dháta an chinnidh.

7.A luaithe a chomhaontaítear an plean oibríochta, iarrfaidh an Stiúrthóir Feidhmiúcháin ar na Ballstáit na gardaí teorann atá mar chuid den díorma cúltaca mearfhreagartha a imscaradh láithreach. Léireoidh an Stiúrthóir Feidhmiúcháin próifílí agus líon na ngardaí teorann a éilítear ó gach Ballstát as measc na ngardaí sin a aithníodh sa díorma cúltaca mearfhreagartha atá ann cheana.

8.Ag an am céanna agus más gá, chun a áirithiú go dtabharfar tacaíocht láithreach d'Fhoirne Eorpacha de chuid an Gharda Teorann agus Cósta a imscaradh ón díorma cúltaca mearfhreagartha, cuirfidh an Stiúrthóir Feidhmiúcháin na Ballstáit ar an eolas faoi líon agus próifíli na ngardaí teorann atá le himscaradh sa bhreis air sin. Cuirfear an fhaisnéis sin ar fáil i scríbhinn do na pointí teagmhála náisiúnta agus luafar inti an dáta a tharlóidh an timscaradh. Cuirfear cóip den phlean oibríochta ar fáil dóibh chomh maith.

9.Má bhíonn an Stiúrthóir Feidhmiúcháin as láthair nó mura mbeidh sé ar fáil, is é an LeasStiúrthóir Feidhmiúcháin a dhéanfaidh na cinntí a bhaineann le himscaradh an díorma cúltaca mearfhreagartha nó imscaradh aon Fhoirne breise Eorpacha de chuid an Gharda Teorann agus Cósta.

10.Áiritheoidh na Ballstáit go ndéanfar na gardaí teorann a shanntar don díorma cúltaca mearfhreagartha a chur ar fáil láithreach agus gan eisceacht don Ghníomhaireacht. Cuirfidh na Ballstáit gardaí teorann breise ar fáil freisin lena nimscaradh ag Foirne Eorpacha de chuid an Gharda Teorann agus Cósta, arna iarraidh sin don Ghníomhaireacht, mura bhfuil staid eisceachtúil ina bhagairt orthu a dhéanfadh difear suntasach do chomhlíonadh cúraimí náisiúnta.

11.Déanfar an díorma cúltaca mearfhreagartha a imscaradh tráth nach déanaí ná trí lá oibre tar éis an dáta a aontófar an plean oibríochta idir an Stiúrthóir Feidhmiúcháin agus an Ballstát aíochta. Nuair is gá, laistigh de thrí lá oibre ó imscaradh an díorma cúltaca mearfhreagartha, imscarfar Foirne breise Eorpacha de chuid an Gharda Teorann agus Cósta.

Airteagal 17

Foireann tacaíochta don bhainistiú imirce

1.I gcás ina bhfuil aghaidh á tabhairt ag Ballstát ar bhrú díréireach ón imirce ag láithreacha práinne áirithe ar a theorainneacha seachtracha, a bhfuil mórphlódú isteach de shreabha imirce measctha mar shaintréith di, féadfaidh an Ballstát sin tacaíocht oibríochtúil agus theicniúil a iarraidh ó fhoirne tacaíochta don bhainistiú imirce. Cuirfidh an Ballstát sin iarraidh ar thacaíocht agus ar mheasúnú ar a riachtanais faoi bhráid na Gníomhaireachta agus Gníomhaireachtaí ábhartha eile an Aontais go háirithe an Oifig Eorpach Tacaíochta do Chúrsaí Tearmainn agus Europol.

2.Déanfaidh an Stiúrthóir Feidhmiúcháin, i gcomhar le Gníomhaireachtaí ábhartha eile an Aontais, measúnú ar iarraidh an Bhallstáit ar chúnamh agus measúnú ar a chuid riachtanas chun críocha pacáiste tacaíochta cuimsitheach a shainiú a bheidh comhdhéanta de ghníomhaíochtaí éagsúla á gcomhordú ag na Gníomhaireachtaí ábhartha Aontais atá le comhaontú ag an mBallstát lena mbaineann.

3.Leis an tacaíocht oibríochtúil agus theicniúil a thugann Foirne Eorpacha de chuid an Gharda Teorann agus Cósta, na Foirne Idirghabhála Eorpacha um Fhilleadh agus saineolaithe ó fhoireann na Gníomhaireachta faoi chuimsiú na bhfoirne tacaíochta don bhainistiú imirce, féadfar an méid seo a leanas a áireamh:

(a) scagadh ar náisiúnaigh tríú tír a thagann chun na dteorainneacha seachtracha, lena náirítear na náisiúnaigh tríú tír sin a shainaithint, a chlárú agus a fhaisnéisiú agus, arna iarraidh sin don Bhallstát, méarlorgaireacht a dhéanamh orthu;

(b) faisnéis a sholáthar do dhaoine ar léir go dteastaíonn cosaint idirnáisiúnta uathu nó d'iarratasóirí ar athshuíomh nó d'iarratasóirí féideartha ar athshuíomh;

(c) cúnamh teicniúil agus oibríochtúil maidir le filleadh, lena náirítear ullmhú agus eagrú na noibríochtaí um fhilleadh.

4.Tabharfaidh an Ghníomhaireacht cúnamh don Choimisiún i gcomhordú ghníomhaíochtaí na bhfoirne tacaíochta don bhainistiú imirce, i gcomhar le Gníomhaireachtaí ábhartha eile an Aontais.

Airteagal 18

Staid a éilíonn gníomhaíocht phráinneach ag na teorainneacha seachtracha

1.I gcás nach ndéanann Ballstát na bearta ceartaitheacha iomchuí i gcomhréir le cinneadh an Bhoird Bainistíochta dá dtagraítear in Airteagal 12(6) nó i gcás brú díréireach ón imirce ag an teorainn sheachtrach, rud a fhágfaidh go mbeidh rialú na dteorainneacha seachtracha chomh neamhéifeachtach sin go bhféadfaí feidhmiú limistéar Schengen a chur i mbaol, féadfaidh an Coimisiún, tar éis dó dul i gcomhairle leis an nGníomhaireacht, cinneadh a ghlacadh trí ghníomh cur chun feidhme, lena sonrófar na bearta atá le cur chun feidhme ag an nGníomhaireacht agus lena gceanglófar ar an mBallstát lena mbaineann comhoibriú leis an nGníomhaireacht i gcur chun feidhme na mbeart sin. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 79(2).

Ar mhórchúiseanna práinne cuí-réasúnaithe a bhaineann le feidhmiú limistéar Schengen, glacfaidh an Coimisiún na gníomhartha cur chun feidhme a bheidh infheidhme gan mhoill i gcomhréir leis an nós imeachta dá dtagraítear in Airteagal 79(5).

2.Chun críocha mhír 1, déanfaidh an Coimisiún foráil maidir le ceann amháin nó níos mó de na bearta seo a leanas atá le déanamh ag an nGníomhaireacht:

(a) mear-idirghabhálacha teorann a eagrú agus a chomhordú agus Foirne Eorpacha de chuid an Gharda Teorann agus Cósta a imscaradh ón díorma cúltaca mearfhreagartha, agus Foirne breise Eorpacha de chuid an Gharda Teorann agus Cósta a imscaradh mar is iomchuí;

(b) Foirne Eorpacha de chuid an Gharda Teorann agus Cósta a imscaradh faoi chuimsiú na bhfoirne tacaíochta don bhainistiú imirce sna láithreacha práinne;

(c) gníomhaíochtaí a eagrú do Bhallstát amháin nó níos mó agus do thríú tír amháin nó níos mó ag teorainneacha seachtracha, lena náirítear oibríochtaí comhpháirteacha le tríú tíortha comharsanachta;

(d) trealamh teicniúil a chur ar fáil;

(e) idirghábhalácha um fhilleadh a eagrú.

3.Cinnfidh an Stiúrthóir Feidhmiúcháin, laistigh de dhá lá oibre ón dáta a ghlactar an cinneadh ón gCoimisiún, agus ar chomhairle ón mBord Maoirseachta, cinnfidh sé na gníomhartha is gá a dhéanamh chun na bearta arna sonrú sa chinneadh ón gCoimisiún a fhorghníomhú go praiticiúil, lena náirítear an trealamh teicniúil chomh maith le líon agus próifílí na ngardaí teorann agus na mball foirne ábhartha eile a mbeidh gá leo chun cuspóirí an chinnidh sin a bhaint amach.

4.Ag an am céanna agus laistigh den dá lá oibre céanna, cuirfidh an Stiúrthóir Feidhmiúcháin dréachtphlean oibríochta faoi bhráid an Bhallstáit lena mbaineann. Déanfaidh an Stiúrthóir Feidhmiúcháin agus an Ballstát lena mbaineann plean oibríochta a tharraingt suas laistigh de dhá lá oibre ón dáta a chuirtear isteach é.

5.Déanfaidh an Ghníomhaireacht, gan mhoill agus ar scor ar bith laistigh de thrí lá oibre ó bunaíodh an plean oibríochta, an trealamh teicniúil is gá a chur ar fáil agus na baill foirne is gá a imscaradh ón díorma cúltaca mearfhreagartha dá dtagraítear in Airteagal 19(5) le gur féidir na bearta atá leagtha amach sa chinneadh ón gCoimisiún a fhorghníomhú go praiticiúil. Déanfar trealamh teicniúil breise a chur ar fáil agus Foirne breise Eorpacha de chuid an Gharda Teorann agus Cósta a imscaradh mar is gá ag an dara céim agus ar scor ar bith laistigh de chúig lá oibre ó imscaradh an díorma cúltaca mearfhreagartha.

6.Comhlíonfaidh an Ballstát lena mbaineann an cinneadh ón gCoimisiún agus chun na críche sin comhoibreoidh sé láithreach leis an nGníomhaireacht agus déanfaidh sé an beart is gá le cur chun feidhme an chinnidh sin agus forghníomhú praiticiúil na mbeart atá leagtha amach sa chinneadh sin agus sa phlean oibríochta a comhaontaíodh leis an Stiúrthóir Feidhmiúcháin a éascú.

7.Cuirfidh na Ballstáit na gardaí teorann agus baill foirne ábhartha eile arna gcinneadh ag an Stiúrthóir Feidhmiúcháin ar fáil i gcomhréir le mír 2. Ní fhéadfaidh na Ballstáit an staid eisceachtúil dá dtagraítear in Airteagal 19(3) agus (6) a agairt.

Airteagal 19

Comhdhéanamh agus imscaradh Foirne Eorpacha de chuid an Gharda Teorann agus Cósta

1. Déanfaidh an Ghníomhaireacht gardaí teorann agus baill foirne ábhartha eile a imscaradh mar bhaill d'Fhoirne Eorpacha de chuid an Gharda Teorann agus Cósta chuig oibríochtaí comhpháirteacha, mear-idirghabhálacha teorann agus faoi chuimsiú na bhfoirne tacaíochta don bhainistiú imirce. Féadfaidh an Ghníomhaireacht saineolaithe a imscaradh óna mbaill foirne féin.

2.Ar thogra ón Stiúrthóir Feidhmiúcháin, déanfaidh an Bord Bainistíochta, trí thromlach glan dá chomhaltaí a bhfuil ceart vótála acu, cinneadh maidir le próifílí agus líon foriomlán na ngardaí teorann a chuirfear ar fáil d'Fhoirne Eorpacha de chuid an Gharda Teorann agus Cósta. Beidh an nós imeachta céanna i bhfeidhm maidir le haon athruithe a dhéanfar ina dhiaidh sin ar na próifílí agus ar líon iomlán na ngardaí teorann. Rannchuideoidh na Ballstáit le Foirne Eorpacha de chuid an Gharda Teorann agus Cósta, trí bhíthin díorma náisiúnta agus é sin ar bhonn na bpróifílí éagsúla arna sainiú ag an nGníomhaireacht, trí ghardaí teorann a chomhfhreagraíonn do na próifílí sin atá ag teastáil a ainmniú.

3.Déanfar pleanáil i leith rannchuidiú na mBallstát maidir lena ngardaí teorann a chur ar iasacht chuig oibríochtaí comhpháirteacha ar leith bunaithe ar chaibidlíocht dhéthaobhach bhliantúil agus ar chomhaontuithe déthaobhacha bliantúla idir an Ghníomhaireacht agus na Ballstáit. I gcomhréir leis na comhaontuithe sin, cuirfidh Ballstáit na gardaí teorann ar fáil lena nimscaradh, arna iarraidh sin don Ghníomhaireacht, mura rud é nach mór dóibh aghaidh a thabhairt ar staid eisceachtúil a dhéanann difear suntasach do chomhlíonadh cúraimí náisiúnta. Déanfar iarraidh den sórt sin 21 lá oibre ar a laghad roimh an imscaradh atá beartaithe.

4. Ó thaobh mear-idirghabhálacha teorann, ar thogra ó Stiúrthóir Feidhmiúcháin na Gníomhaireachta, déanfaidh an Bord Bainistíochta, trí thromlach de thrí cheathrú, cinneadh maidir le próifílí agus líon íosta na ngardaí teorann a chuirfear ar fáil do dhíorma cúltaca mearfhreagartha d'Fhoirne Eorpacha de chuid an Gharda Teorann agus Cósta. Beidh feidhm ag an nós imeachta céanna maidir le haon athruithe ina dhiaidh sin ar phróifílí agus ar líon iomlán na ngardaí teorann sa díorma cúltaca mearfhreagartha. Cuirfidh na Ballstáit leis an díorma cúltaca mearfhreagartha trí bhíthin díorma náisiúnta saineolaithe a bheidh bunaithe ar na próifílí difriúla a shaineofar trí ghardaí teorann a fhreagraíonn do na próifílí a theastaíonn a ainmniú.

5.Is éard a bheidh sa díorma cúltaca mearfhreagartha buanchór a chuirfear ar fáil láithreach don Ghníomhaireacht agus ar féidir é a imscaradh ó aon Bhallstát laistigh de thrí lá ón uair a chomhaontaíonn an Stiúrthóir Feidhmiúcháin agus an Ballstát aíochta an plean oibríochta. Chun na críocha sin, cuirfidh gach Ballstát ar fáil, ar bhonn bliantúil, líon gardaí teorann i gcomhréir le 3% ar a laghad de bhaill foirne na mBallstát nach bhfuil teorainneacha seachtracha farraige ná talún acu agus 2% de bhaill foirne Ballstát a bhfuil teorainneacha seachtracha farraige nó talún acu, agus arb ionann é agus íosmhéid 1 500 garda teorann, a chomhfhreagraíonn do na próifílí arna sainaithint ag cinneadh an Bhoird Bainistíochta.

6.Más gá, déanfar imscaradh Foirne Eorpacha de chuid an Gharda Teorann agus Cósta ón díorma cúltaca mearfhreagartha a fhorlíonadh láithreach le Foirne breise Eorpacha de chuid an Gharda Teorann agus Cósta. Chun na críche sin, arna iarraidh sin don Ghníomhaireacht, cuirfidh na Ballstáit in iúl láithreach líon, ainmneacha agus próifílí gardaí teorann óna ndíorma náisiúnta a fhéadfaidh siad a chur ar fáil laistigh de chúig lá oibre ó thús na mear-idirghabhála teorann. Cuirfidh na Ballstáit na gardaí teorann ar fáil lena nimscaradh, arna iarraidh sin don Ghníomhaireacht mura bhfuil staid eisceachtúil ina bhagairt orthu a dhéanfadh difear suntasach do chomhlíonadh cúraimí náisiúnta.

7. Áiritheoidh na Ballstáit go bhfuil na gardaí teorann agus na baill foirne ábhartha eile a thugann siad i gcomhoiriúint leis na próifílí agus an líon a chinn an Bord Bainistíochta. Is é an Ballstát baile a chinnfidh fad thréimhse an imscartha ach ní rachaidh sé thar 30 lá ar scor ar bith.

8. Cuirfidh an Ghníomhaireacht le Foirne Eorpacha de chuid an Gharda Teorann agus Cósta le gardaí teorann inniúla atá fostaithe sa Ghníomhaireacht agus ar iasacht ó na Ballstáit mar shaineolaithe náisiúnta. Déanfar rannchuidiú na mBallstát maidir lena ngardaí teorann a chur ar iasacht chuig an nGníomhaireacht don bhliain ina dhiaidh sin, déanfar é a phleanáil ar bhonn caibidlíochtaí déthaobhacha bliantúla agus comhaontuithe déthaobhacha bliantúla idir an Ghníomhaireacht agus na Ballstáit. I gcomhréir leis na comhaontuithe sin, cuirfidh Ballstáit gardaí teorann ar fáil le bheith curtha ar iasacht, mura rud é go ndéanfadh sé sin difear tromchúiseach do chomhlíonadh cúraimí náisiúnta. Sna cásanna sin, féadfaidh Ballstáit na gardaí teorann atá curtha ar iasacht acu a athghairm.

12 mhí nó níos mó a bheidh sna tréimhsí ar iasacht sin ach ní bheidh siad níos lú na trí mhí ar scor ar bith. Measfar na gardaí teorann ar iasacht mar bhaill de na foirne agus beidh cúraimí agus cumhachtaí mar bhaill foirne acu. Measfar gurb é an Ballstát a bhfuil gardaí teorann ar iasacht aige an Ballstát baile.

Ní dhéanfar baill foirne eile atá fostaithe ag an nGníomhaireacht ar bhonn sealadach agus nach bhfuil cáilithe chun dualgais rialaithe teorann a fheidhmiú a imscaradh le linn oibríochtaí comhpháirteacha ach amháin ar chúraimí comhordaithe agus ní bheidh siad mar chuid d'Fhoirne Eorpacha de chuid an Gharda Teorann agus Cósta.

9. Déanfaidh an Ghníomhaireacht líon na ngardaí teorann a bheidh tiomnaithe ag gach Ballstát d'Fhoirne Eorpacha de chuid an Gharda Teorann agus Cósta, i gcomhréir leis an Airteagal seo, a chur in iúl do Pharlaimint na hEorpa ar bhonn bliantúil.

Airteagal 20

Treoracha do na Foirne Eorpacha de chuid an Gharda Teorann agus Cósta

1. Le linn Foirne Eorpacha de chuid an Gharda Teorann agus Cósta a imscaradh, eiseoidh an Ballstát aíochta treoracha do na foirne sin i gcomhréir leis an bplean oibríochta.

2. Féadfaidh an Ghníomhaireacht, trína Oifigeach Comhordúcháin, a cuid barúlacha a chur in iúl don Bhallstát aíochta faoi na treoracha a thugtar d'Fhoirne Eorpacha de chuid an Gharda Teorann agus Cósta. Sa chás sin, cuirfidh an Ballstát aíochta na barúlacha sin san áireamh agus leanfaidh siad iad a mhéid is féidir.

3.I gcásanna nach mbíonn na treoracha a eisíonn Foirne Eorpacha de chuid an Gharda Teorann agus Cósta i gcomhréir leis an bplean oibríochta, tuairisceoidh an tOifigeach Comhordúcháin láithreach don Stiúrthóir Feidhmiúcháin, a fhéadfaidh, más iomchuí, beart a dhéanamh i gcomhréir le hAirteagal 24(2).

4. Déanfaidh baill na bhfoirne, le linn dóibh a gcúraimí a chomhlíonadh agus a gcumhachtaí a fheidhmiú, cearta bunúsacha a urramú go hiomlán, lena náirítear maidir le rochtain ar nósanna imeachta tearmainn agus dínit an duine. Beidh cibé bearta a ghlacfar i gcomhlíonadh a gcúraimí agus i bhfeidhmiú a gcumhachtaí i gcomhréir le cuspóirí na mbeart sin. Le linn dóibh a gcúraimí a chomhlíonadh agus a gcumhachtaí a fheidhmiú, ní dhéanfaidh siad idirdhealú i gcoinne daoine ar na forais seo a leanas: inscne, bunadh ciníoch nó eitneach, reiligiún nó creideamh, míchumas, aois nó gnéaschlaonadh.

5.Beidh baill na bhfoirne fós faoi réir bhearta araíonachta a mBallstáit baile. Déanfaidh an Ballstát baile foráil maidir le bearta iomchuí araíonachta nó eile i gcomhréir lena dhlí náisiúnta i gcás ina ndéantar cearta bunúsacha nó oibleagáidí cosanta idirnáisiúnta a shárú le linn oibríocht chomhpháirteach nó mear-idirghabháil teorann.

Airteagal 21

Oifigeach Comhordúcháin

1. Áiritheoidh an Ghníomhaireacht cur chun feidhme oibríochtúil na ngnéithe eagrúcháin uile, lena náirítear baill foirne de chuid na Gníomhaireachta a bheith i láthair le linn na noibríochtaí comhpháirteacha, na dtreoirthionscadal nó na mear-idirghabhálacha teorann.

2. Ceapfaidh an Stiúrthóir Feidhmiúcháin saineolaí amháin nó níos mó ó fhoireann na Gníomhaireachta lena imscaradh mar oifigeach comhordúcháin do gach oibríocht chomhpháirteach nó mear-idirghabháil teorann ar leith. Tabharfaidh an Stiúrthóir Feidhmiúcháin fógra don Bhallstát aíochta i leith an cheapacháin.

3. Gníomhóidh an toifigeach comhordúcháin thar ceann na Gníomhaireachta i ngach gné d'imscaradh Foirne Eorpacha de chuid an Gharda Teorann agus Cósta. Is é an ról a bheidh ag na hoifigigh chomhordúcháin ná an comhar agus an comhordú i measc na mBallstát aíochta agus na mBallstát rannpháirteach a chothú. Déanfaidh an toifigeach comhordúcháin go háirithe an méid seo a leanas:

(a) gníomhú mar idirghabhálaí idir an Ghníomhaireacht agus baill d'Fhoirne Eorpacha de chuid an Gharda Teorann agus Cósta, agus cuidiú a sholáthar, thar ceann na Gníomhaireachta, maidir le gach ábhar a bhaineann le coinníollacha a nimscartha leis na foirne;

(b) faireachán a dhéanamh ar chur chun feidhme ceart an phlean oibríochta;

(c) gníomhú thar ceann na Gníomhaireachta maidir le gach gné d'imscaradh Foirne Eorpacha de chuid an Gharda Teorann agus Cósta agus tuairisciú don Ghníomhaireacht faoi na gnéithe sin uile;

(d) tuairisciú don Ghníomhaireacht faoi ghnéithe a bhaineann le soláthar ráthaíochtaí leordhóthanacha ag an mBallstát aíochta lena áirithiú go gcosnófar cearta bunúsacha le linn na hoibríochta comhpháirtí nó na mear-idirghabhála teorann;

(e) tuairisciú don Stiúrthóir Feidhmiúcháin i gcás nach bhfuil na treoracha a eisíonn an Ballstát aíochta d'Fhoirne Eorpacha de chuid an Gharda Teorann agus Cósta i gcomhréir leis an bplean oibríochta.

4.I gcomhthéacs oibríochtaí comhpháirteacha nó mear-idirghabhálacha teorann, féadfaidh an Stiúrthóir Feidhmiúcháin an toifigeach comhordúcháin a údarú cúnamh a thabhairt le haon easaontas faoi fhorghníomhú an phlean oibríochta agus imscaradh na bhfoirne a réiteach.

Airteagal 22

Pointe teagmhála náisiúnta

Is é an lárionad comhordúcháin náisiúnta a bunaíodh i gcomhréir le Rialachán (AE) Uimh. 1052/2013 an pointe teagmhála náisiúnta leis an nGníomhaireacht maidir le gach ábhar a bhaineann le Foirne Eorpacha de chuid an Gharda Teorann agus Cósta.

Airteagal 23

Costais

1.Seasfaidh an Ghníomhaireacht go hiomlán na costais seo a leanas arna dtabhú ag na Ballstáit agus iad ag cur a ngardaí teorann ar fáil chun críocha imscartha Foirne Eorpacha de chuid an Gharda Teorann agus Cósta, lena náirítear an díorma cúltaca mearfhreagartha:

(a)costais taistil ón mBallstát baile go dtí an Ballstát aíochta agus ón mBallstát aíochta go dtí an Ballstát baile;

(b)costais a bhaineann le vacsaínithe;

(c)costais a bhaineann le riachtanais speisialta árachais;

(d)costais a bhaineann le cúram sláinte;

(e)liúntais chothabhála lae, costais chóiríochta san áireamh;

(f)costais a bhaineann le trealamh teicniúil na Gníomhaireachta.

2.Socróidh an Bord Bainistíochta rialacha mionsonracha maidir le híocaíocht an liúntais chothaithe laethúil le baill d'Fhoirne Eorpacha de chuid an Gharda Teorann agus Cósta agus déanfaidh sé iad a thabhairt cothrom le dáta más gá.

Airteagal 24

Oibríochtaí comhpháirteacha agus mear-idirghabhálacha teorann a chur ar fionraí nó a fhoirceannadh

1.Déanfaidh an Stiúrthóir Feidhmiúcháin, tar éis dó na Ballstáit lena mbaineann a chur ar an eolas, deireadh a chur le hoibríochtaí comhpháirteacha nó mear-idirghabhálacha teorann más rud é nach bhfuil na coinníollacha faoina seoltar na gníomhaíochtaí sin á gcomhlíonadh a thuilleadh.

2.Féadfaidh an Stiúrthóir Feidhmiúcháin maoiniú na hoibríochta comhpháirtí nó na mearidirghabhála teorann a tharraingt siar nó a chur ar fionraí nó a fhoirceannadh mura nurramaíonn an Ballstát aíochta an plean oibríochta.

3.Déanfaidh an Stiúrthóir Feidhmiúcháin maoiniú na hoibríochta comhpháirtí nó na mearidirghabhála teorann a tharraingt siar nó oibríocht chomhpháirteach nó mearidirghabháil teorann a chur ar fionraí nó a fhoirceannadh go hiomlán nó i bpáirt má mheasann sé go bhfuil cearta bunúsacha nó oibleagáidí cosanta idirnáisiúnta á sárú go tromchúiseach agus gur dóchúil go leanfar den sárú sin.

Airteagal 25

Meastóireacht a dhéanamh ar oibríochtaí comhpháirteacha agus mear-idirghabhálacha teorann

Déanfaidh an Stiúrthóir Feidhmiúcháin meastóireacht ar thorthaí na noibríochtaí comhpháirteacha agus na mear-idirghabhálacha teorann agus cuirfidh sé na tuarascálacha mionsonraithe meastóireachta, i dteannta le breathnuithe an Oifigigh um Chearta Bunúsacha, chuig an mBord Bainistíochta laistigh de 60 lá tar éis dheireadh na noibríochtaí agus na dtreoirthionscadal sin. Déanfaidh an Ghníomhaireacht anailís chomparáideach chuimsitheach ar na torthaí sin d'fhonn cur le cáilíocht, comhleanúnachas agus éifeachtacht oibríochtaí comhpháirteacha agus mear-idirghabhálacha teorann, agus áireoidh sí an anailís sin ina tuarascáil bhliantúil chomhdhlúite ar ghníomhaíochtaí.

Roinn 4

Filleadh

Airteagal 26

Oifig um Fhilleadh

1. Beidh an Oifig um Fhilleadh freagrach as gníomhaíochtaí na Gníomhaireachta a bhaineann le filleadh a chur i gcrích, i gcomhréir le hurraim do chearta bunúsacha agus prionsabail ghinearálta dhlí an Aontais agus an dlí idirnáisiúnta chomh maith, lena náirítear cosaint dídeanaithe agus oibleagáidí maidir le cearta an duine. Déanfaidh an Oifig um Fhilleadh, go háirithe, an méid seo a leanas:

(a) gníomhaíochtaí na mBallstát um fhilleadh a chomhordú ar leibhéal teicniúil agus oibríochtúil, chun córas comhtháite bainistíochta um fhilleadh a bhaint amach i measc údaráis inniúla na mBallstát, córas ina mbeidh údaráis ábhartha tríú tíortha agus geallsealbhóirí eile rannpháirteach;

(b) tacaíocht oibríochtúil a thabhairt do Bhallstáit atá faoi bhrú áirithe ó thaobh córais um fhilleadh;

(c) úsáid córas ábhartha TE (teicneolaíocht an eolais) a chomhordú agus tacú le comhar consalach chun náisiúnaigh tríú tír a shainaithint agus chun doiciméid taistil a fháil, oibríochtaí um fhilleadh a eagrú agus a chomhordú agus tacú le filleadh deonach;

(d)gníomhaíochtaí na Gníomhaireachta a bhaineann le filleadh a chomhordú mar atá leagtha amach sa Rialachán seo;

(e)gníomhaíochtaí a chuireann le malartú faisnéise agus sainaithint agus comhthiomsú deachleachtas idir na Ballstáit maidir le filleadh, a eagrú, a chur chun cinn agus a chomhordú;

(f) na hoibríochtaí, idirghabhálacha agus gníomhaíochtaí dá dtagraítear sa Chaibidil seo a mhaoiniú nó a chómhaoiniú le deontais óna buiséad i gcomhréir leis na rialacha airgeadais atá infheidhme maidir leis an nGníomhaireacht.

2. Áireofar sa tacaíocht oibríochtúil dá dtagraítear i bpointe (b) de mhír 1 gníomhaíocht chun cuidiú le Ballstáit nósanna imeachta um fhilleadh arna ndéanamh ag na húdaráis inniúla náisiúnta a chur i gcrích, go háirithe tríd an méid seo a leanas a sholáthar:

(a)seirbhísí ateangaireachta

(b)faisnéis faoi thríú tíortha a mbeifear ag filleadh orthu;

(c)comhairle faoi nósanna imeachta um fhilleadh a láimhseáil agus a bhainistiú i gcomhlíonadh Threoir 2008/115/CE;

(d)cúnamh le bearta is gá lena áirithiú go mbeidh na fillithe ar fáil chun críocha filleadh agus lena sheachaint go néalóidh na fillithe.

3.Díreoidh an Oifig um Fhilleadh ar shineirgíochtaí a fhorbairt agus líonraí agus cláir maidir le filleadh a fhaigheann maoiniú ón Aontas a nascadh i ndlúthchomhar leis an gCoimisiún Eorpach agus Gréasán Imirce na hEorpa. 43

4.Féadfaidh an Ghníomhaireacht leas a bhaint as acmhainní airgeadais an Aontais ar acmhainní iad atá ar fáil maidir le filleadh. Ina comhaontuithe deontais leis na Ballstáit, áiritheoidh an Ghníomhaireacht go mbeidh aon tacaíocht airgeadais faoi réir urraim ina iomláine don Chairt um Chearta Bunúsacha.

Airteagal 27

Oibríochtaí um fhilleadh

1. I gcomhréir le Treoir 2008/115/CE, agus gan staidéar a dhéanamh ar fhiúntas cinntí um fhilleadh, cuirfidh an Ghníomhaireacht an cúnamh is gá ar fáil agus arna iarraidh sin do Bhallstát rannpháirteach amháin nó níos mó, áiritheoidh sí comhordú nó eagrú oibríochtaí um fhilleadh, lena náirítear trí aerárthaí a chairtiú chun críocha na noibríochtaí sin. Féadfaidh an Ghníomhaireacht, ar a tionscnamh féin, a mholadh do Bhallstáit oibríochtaí um fhilleadh a chomhordú nó a eagrú.

2.Cuirfidh na Ballstáit an Ghníomhaireacht ar an eolas uair sa mhí ar a laghad faoina noibríochtaí náisiúnta pleanáilte um fhilleadh, chomh maith lena riachtanais maidir le cúnamh nó comhordú ón nGníomhaireacht. Tarraingeoidh an Ghníomhaireacht suas plean oibríochta rollach chun an tacaíocht oibríochtúil is gá, lena náirítear an trealamh teicniúil a chur ar fáil do na Ballstáit iarrthacha. Féadfaidh an Ghníomhaireacht, ar a tionscnamh féin, dátaí agus cinn scríbe na noibríochtaí um fhilleadh, a measann sí go bhfuil gá leo, a áireamh sa phlean oibríochta rollach, bunaithe ar mheasúnú ar riachtanais. Ar thogra ón Stiúrthóir Feidhmiúcháin, déanfaidh an Bord Bainistíochta cinneadh faoin modus operandi a bheidh sa chlár oibríochta rollach.

3. Féadfaidh an Ghníomhaireacht an cúnamh is gá a thabhairt agus a áirithiú, arna iarraidh sin don Bhallstát rannpháirteach, nó féádfaidh sí a mholadh ar a tionscnamh féin, go gcomhordófar agus go neagrófar oibríochtaí um fhilleadh, a ndéanfaidh tríú tír a mbeifear ag filleadh uirthi na modhanna taistil agus na tionlacaithe don fhilleadh éigeantach a chur ar fáil ("oibríochtaí um fhilleadh lena mbailítear daoine"). Áiritheoidh na Ballstáit rannpháirteacha agus an Ghníomhaireacht go ráthófar urraim do chearta bunúsacha agus don úsáid chomhréireach modhanna sriantachta le linn na hoibríochta um fhilleadh ina hiomláine. Beidh ar a laghad ionadaí agus duine den lucht faireacháin don fhilleadh éigeantach ón díorma arna bhunú faoi Airteagal 28, beidh siad i láthair le linn na hoibríochta um fhilleadh ina hiomláine go dtí go sroichtear an tríú tír a mbeifear ag filleadh uirthi.

4.Féadfaidh an Ghníomhaireacht an cúnamh is gá a thabhairt agus a áirithiú, arna iarraidh sin don Bhallstát rannpháirteach nó do thríú tír, nó féadfaidh sí a mholadh ar a tionscnamh féin, go gcomhordófar nó go neagrófar oibríochtaí um fhilleadh. Le linn na noibríochtaí sin déantar líon fillithe faoi réir cinneadh um fhilleadh tríú tír, déantar iad a chur ón tríú tír seo go dtí tríú tír eile a mbeifear ag filleadh uirthi ("oibríochtaí measctha um fhilleadh "), ar choinníoll go bhfuil an tríú tír a d'eisigh an cinneadh maidir le filleadh faoi cheangal ag an gCoinbhinsiún Eorpach um Chearta an Duine. Ní mór do na Ballstáit rannpháirteacha agus don Ghníomhaireacht a áirithiú go ráthófar urraim do chearta bunúsacha agus don úsáid chomhréireach modhanna sriantachta le linn na hoibríochta um fhilleadh ina hiomláine, go háirithe trí lucht faireacháin don fhilleadh éigeantach agus tionlacaithe don fhilleadh éigeantach ar thríú tír bheith i láthair.

5.Déanfar faireachán ar gach oibríocht um fhilleadh i gcomhréir le hAirteagal 8(6) de Threoir 2008/115/CE. Déanfar an faireachán ar oibríochtaí um fhilleadh ar bhonn critéar atá oibiachtúil agus trédhearcach agus clúdófar leis an oibríocht um fhilleadh iomlán ón gcéim réamhimeachta go dtí go seachadtar na fillithe sa tríú tír a mbeifear ag filleadh uirthi.

6.Déanfaidh an Ghníomhaireacht oibríochtaí um fhilleadh a mhaoiniú nó a chómhaoiniú le deontais óna buiséad, i gcomhréir leis na rialacha airgeadais is infheidhme maidir leis an nGníomhaireacht, agus tosaíocht á tabhairt d'oibríochtaí atá á gcur i gcrích ag níos mó ná Ballstát amháin, nó i láithreacha práinne.

Airteagal 28

Díorma Lucht Faireacháin don Fhilleadh Éigeantach

1. Is éard a bheidh sa Ghníomhaireacht díorma lucht faireacháin don fhilleadh éigeantach ó chomhlachtaí inniúla náisiúnta a dhéanann gníomhaíochtaí faireacháin ar an bhfilleadh éigeantach i gcomhréir le hAirteagal 8(6) de Threoir 2008/115/CE agus ar cuireadh oiliúint orthu i gcomhréir le hAirteagal 35.

2.Cinnfidh an Stiúrthóir Feidhmiúcháin próifíl agus líon an lucht faireacháin don fhilleadh éigeantach atá le cur ar fáil don díorma sin. Beidh an nós imeachta céanna i bhfeidhm maidir le haon athruithe a dhéanfar ina dhiaidh sin ar an bpróifíl agus ar líon lucht faireacháin don fhilleadh éigeantach. Cuirfidh na Ballstáit leis an díorma trí lucht faireacháin don fhilleadh éigeantach a ainmniú de réir na próifíle sonraithe.

3. Arna iarraidh sin, cuirfidh an Ghníomhaireacht an lucht faireachán don fhilleadh éigeantach ar fáil do Bhallstáit rannpháirteacha chun faireachán a dhéanamh, thar a gceann, ar chur chun feidhme na hoibríochta um fhilleadh agus chun páirt a ghlacadh in idirghabhálacha um fhilleadh.

Airteagal 29

Díorma Tionlacaithe don Fhilleadh Éigeantach

1. Is éard a bheidh sa Ghníomhaireacht díorma tionlacaithe don fhilleadh éigeantach ó chomhlachtaí inniúla náisiúnta a dhéanann oibríochtaí um fhilleadh i gcomhréir leis na ceanglais dá dtagraítear in Airteagal 8(4) agus (5) de Threoir 2008/115/CE agus ar cuireadh oiliúint orthu i gcomhréir le hAirteagal 35.

2.Cinnfidh an Stiúrthóir Feidhmiúcháin próifíl agus líon na dtionlacaithe don fhilleadh éigeantach atá le cur ar fáil don díorma sin. Beidh an nós imeachta céanna i bhfeidhm maidir le haon athruithe a dhéanfar ina dhiaidh sin ar an bpróifíl agus ar líon na dtionlacaithe don fhilleadh éigeantach. Cuirfidh na Ballstáit leis an díorma trí thionlacaithe don fhilleadh éigeantach a ainmniú de réir na próifíle sonraithe.

3. Arna iarraidh sin, cuirfidh an Ghníomhaireacht na tionlacaithe seo ar fáil, do Bhallstáit rannpháirteacha chun fillithe a thionlacan thar a gceann agus chun páirt a ghlacadh in idirghabhálacha um fhilleadh.

Airteagal 30

Díorma Speisealtóirí don Fhilleadh

1. Is éard a bheidh sa Ghníomhaireacht díorma speisealtóirí don fhilleadh ó chomhlachtaí inniúla náisiúnta agus ó bhaill foirne na Gníomhaireachta, a bhfuil na scileanna agus an saineolas is gá acu le gníomhaíochtaí um fhilleadh a dhéanamh agus ar cuireadh oiliúint orthu i gcomhréir le hAirteagal 35. Cuirfear na speisealtóirí sin ar fáil chun cúraimí ar leith a dhéanamh, amhail grúpaí áirithe náisiúnach tríú tír a shainaithint, doiciméid ó thríú tíortha a fháil agus comhar consalach a éascú.

2. Cinnfidh an Stiúrthóir Feidhmiúcháin próifíl agus líon na dtionlacaithe don fhilleadh éigeantach atá le cur ar fáil don díorma sin. Beidh an nós imeachta céanna i bhfeidhm maidir le haon athruithe a dhéanfar ina dhiaidh sin ar an bpróifíl agus ar líon na dtionlacaithe don fhilleadh éigeantach. Cuirfidh na Ballstáit leis an díorma trí na speisialtóirí a ainmniú de réir na próifíle sonraithe.

3. Arna iarraidh sin, cuirfidh an Ghníomhaireacht na speisealtóirí ar fáil, do Bhallstáit atá rannpháirteach in oibríochtaí um fhilleadh agus chun páirt a ghlacadh in idirghabhálacha um fhilleadh.

Airteagal 31

Foirne Idirghabhála Eorpacha um Fhilleadh

1.Is éard a bheidh sa Ghníomhaireacht, ó na díormaí atá leagtha amach in Airteagal 28, Airteagal 29 agus Airteagal 30, Foirne saincheaptha Idirghabhála Eorpacha um Fhilleadh.

2.Beidh feidhm ag Airteagal 20, Airteagal 21 agus Airteagal 23 mutatis mutandis maidir leis na Foirne Idirghabhála Eorpacha um Fhilleadh.

Airteagal 32

Idirghabhálacha um Fhilleadh

1. In imthosca ina bhfuil Ballstáit ag tabhairt aghaidh ar ualach trom agus an oibleagáid náisiúnaigh tríú tír atá ag fanacht go neamhdhleathach a chur ar ais á cur chun feidhme i gcomhréir le Treoir 2008/115/CE, arna iarraidh sin do Bhallstát amháin nó níos mó, tabharfaidh an Ghníomhaireacht an cúnamh iomchuí teicniúil agus oibríochtúil i bhfoirm idirghabhála um fhilleadh. Féadfaidh imscaradh Foirne Idirghabhála Eorpacha um Fhilleadh chuig na Ballstáit aíochta agus eagrú oibríochtaí um fhilleadh ó na Ballstáit aíochta a bheith san idirghabháil sin. Cuirfidh na Ballstáit an Ghníomhaireacht ar an eolas go rialtamaidir lena riachtanais cúnaimh theicniúil agus oibríochtúil, agus déanfaidh an Ghníomhaireacht plean rollach d'idirghabhálacha um fhilleadh a tharraingt suas ar an mbonn seo.

2. In imthosca ina bhfuil Ballstáit ag tabhairt aghaidh ar bhrú sonrach díréireach agus an oibleagáid náisiúnaigh tríú tír atá ag fanacht go neamhdhleathach a chur ar ais á cur chun feidhme i gcomhréir le Treoir 2008/115/CE, arna iarraidh sin do Bhallstát amháin nó níos mó, tabharfaidh an Ghníomhaireacht an cúnamh iomchuí teicniúil agus oibríochtúil i bhfoirm mear-idirghabhála um fhilleadh. Féadfaidh an Ghníomhaireacht a mholadh ar a tionscnamh féin, an cúnamh teicniúil agus oibríochtúil a thabhairt do na Ballstáit. Féadfaidh imscaradh tapa Foirne Idirghabhála Eorpacha um Fhilleadh chuig na Ballstáit aíochta agus eagrú oibríochtaí um fhilleadh ó na Ballstáit aíochta a bheith i mear-idirghabháil um fhilleadh.

3. Déanfaidh an Stiúrthóir Feidhmiúcháin plean oibríochta a tharraingt suas gan mhoill, i gcomhaontú leis an mBallstát aíochta agus na Ballstáit atá sásta bheith rannpháirteach san idirghabháil um fhilleadh.

4.Beidh an plean oibríochtúil ina cheangal ar an nGníomhaireacht, ar na Ballstáit aíochta agus ar na Ballstáit rannpháirteacha, agus cuimseoidh sé gach gné is gá chun an idirghabháil um fhilleadh a dhéanamh, go háirithe tuairisc ar an staid, na cuspóirí, tús agus fad intuartha na hidirghabhála um fhilleadh, cumhdach geografach agus imscaradh féideartha chuig tríú tíortha, comhdhéanamh na Foirne Idirghabhála Eorpaí um Fhilleadh, loighistic, forálacha airgeadais, rialacha mionsonraithe maidir le comhar le tríú tíortha, gníomhaireachtaí agus comhlachtaí eile de chuid an Aontais, eagraíochtaí idirnáisiúnta agus neamhrialtais ábhartha. Beidh comhaontú an Stiúrthóra Feidhmiúcháin, an Bhallstáit aíochta agus na Ballstáit rannpháirteacha ag teastáil maidir le haon leasú ar an bplean oibríochta nó maidir le haon oiriúnú dó. Cuirfidh an Ghníomhaireacht cóip den phlean oibríochta leasaithe nó oiriúnaithe chuig na Ballstáit rannpháirteacha agus chuig an Bord Bainistíochta láithreach.

5.Déanfaidh an Stiúrthóir Feidhmiúcháin cinneadh maidir leis an bplean oibríochta a luaithe is féidir agus, sa chás dá dtagraítear i mír 2, laistigh de chúig lá oibre. Tabharfar fógra i scríbhinn láthreach i leith an fhógra do na Ballstáit lena mbaineann agus don Bhord Bainistíochta.

6.Déanfaidh an Ghníomhaireacht idirghabhálacha um fhilleadh a mhaoiniú nó a chómhaoiniú le deontais óna buiséad i gcomhréir leis na rialacha airgeadais atá infheidhme maidir leis an nGníomhaireacht.

CAIBIDIL III

FORÁLACHA GINEARÁLTA

Roinn 1

Rialacha ginearálta

Airteagal 33

Cosaint ar Chearta Bunúsacha agus Straitéis um Chearta Bunúsacha

1.Áiritheoidh an Garda Teorann agus Cósta Eorpach go ndéanfar cearta bunúsacha a chosaint agus a chúraimí á gcomhlíonadh aige faoin Rialachán seo i gcomhréir leis an acquis ábhartha, go háirithe le Cairt um Chearta Bunúsacha an Aontais Eorpaigh, leis an dlí ábhartha idirnáisiúnta, lena náirítear an Coinbhinsiún i dtaobh Stádas Dídeanaithe, maille le hoibleagáidí a bhaineann le rochtain ar chosaint idirnáisiúnta, go háirithe ar phrionsabal an nonrefoulement. Chuige sin, déanfaidh an Ghníomhaireacht Straitéis um Chearta Bunúsacha a dhréachtú agus a fhorbairt agus a chur chun feidhme tuilleadh.

2.Agus a chuid cúraimí á gcomhlíonadh aige, áiritheoidh an Garda Cósta agus Teorann Eorpach nach ndéanfar aon duine a chur i dtír, a chur i dtír in aghaidh a thola, a sheoladh chuig tír, a thabhairt ar láimh nó a chur ar ais, de shárú ar phrionsabal an nonrefoulement, do na húdaráis i dtír ar bith nó i dtír a bhféadfadh an baol a bheith ann go ndéanfaí an duine a dhíbirt aisti nó a chur ar ais chuig tír eile de shárú ar an bprionsabal céanna sin.

3.Tabharfaidh an Garda Cósta agus Teorann Eorpach san áireamh, agus a chúraimí á gcomhlíonadh aige, na riachtanais speisialta a bhíonn ag leanaí, ag íospartaigh na gáinneála ar dhaoine, ag daoine óna dteastaíonn cúnamh liachta práinneach, ag daoine óna dteastaíonn cosaint idirnáisiúnta, acu siúd atá i nguais ar muir, agus ag daoine eile ar leochaileach dá gcás.

4.Agus a cuid cúraimí á gcomhlíonadh aici, tabharfaidh an Ghníomhaireacht san áireamh sa chaidreamh a bheidh aici leis na Ballstáit agus sa chomhar a dhéanfaidh sí le tríú tíortha, tuarascálacha an Fhóraim Comhairliúcháin agus an Oifigigh um Chearta Bunúsacha.

Airteagal 34

Cóid Iompraíochta

1.Déanfaidh an Ghníomhaireacht Cód Iompraíochta a dhréachtú agus a fhorbairt tuilleadh, cód is infheidhme dá mbeidh d'oibríochtaí um rialú ag teorainneacha á gcomhordú aici. Leagfar síos leis an gCód Iompraíochta sin, cód is infheidhme do gach rannpháirtí i ngníomhaíochtaí na Gníomhaireachta, nósanna imeachta a mbeidh d'aidhm acu prionsabail an smachta reachta agus na gceart bunúsach a ráthú; beidh béim ar leith ann ar mhionaosaigh gan tionlacan agus ar dhaoine ar leochaileach dá gcás, agus orthu siúd a bhfuil cosaint idirnáisiúnta á lorg acu.

2.Déanfaidh an Ghníomhaireacht Cód Iompraíochta a fhorbairt, agus a thabhairt cothrom le dáta ar bhonn rialta, i dtaca le náisiúnaigh tríú tír atá ag fanacht go neamhdhleathach i dtír a chur ar ais. Beidh feidhm ag an gCód sin agus oibríochtaí um fhilleadh á gcomhordú nó á neagrú ag an nGníomhaireacht. Beidh cur síos sa Chód Iompraíochta sin ar nósanna imeachta caighdeánaithe coiteanna a mbeidh d'aidhm leo simpliú a dhéanamh ar an gcaoi a neagraítear oibríochtaí um fhilleadh agus idirghabhálacha um fhilleadh, agus lena náiritheofar filleadh dínitiúil orthu siúd atá le cur ar ais agus urraim á tabhairt dá gcearta bunúsacha go hiomlán, agus go háirithe do na prionsabail seo a leanas: dínit an duine, toirmeasc ar chéasadh agus toirmeasc ar íde nó ar phionós atá mídhaonna nó táireach, an ceart chun saoirse agus slándála, an ceart chun cosaint ar shonraí pearsanta, agus an ceart ar neamh-idirdhealú.

3.Tabharfar aird ar leith sa Chód Iompraíochta um fhilleadh ar an oibleagáid a leagtar ar na Ballstáit faoi Airteagal 8(6) de Threoir 2008/115/CE 44 foráil a dhéanamh do chóras éifeachtach faireacháin agus duine á chur ar ais go héigeantach.

4.Déanfaidh an Ghníomhaireacht a cuid Cód Iompraíochta a fhorbairt, agus a thabhairt cothrom le dáta ar bhonn rialta, i gcomhar leis an bhFóram Comhairliúcháin.

Airteagal 35

Oiliúint

1.Déanfaidh an Ghníomhaireacht, i gcomhar le heintitis oiliúna iomchuí na mBallstát, uirlisí oiliúna sainiúla a fhorbairt mar aon le gardaí teorann agus foireann ábhartha eile a chur ar fáil as measc Fhoirne Eorpacha de chuid an Gharda Teorann agus Cósta, foirne a mbeidh ardoiliúint is ábhartha dá gcúraimí agus dá gcumhachtaí faighte acu. Déanfaidh saineolaithe de chuid na Gníomhaireachta freachnaimh a sheoladh go rialta leis na gardaí teorann sin i gcomhréir le sceideal na nardoiliúintí agus na bhfreachnamh dá dtagraítear i gclár oibre bliantúil na Gníomhaireachta.

2.Seolfaidh an Ghníomhaireacht pé tionscnaimh is gá chun a áirithiú go bhfaighidh gardaí teorann agus baill foirne ábhartha eile de chuid na mBallstát a bheidh rannpháirteach i bhFoirne Eorpacha de chuid an Gharda Teorann agus Cósta, chomh maith le foireann na Gníomhaireachta féin, go bhfaighidh siad oiliúint i ndlí ábhartha an Aontais agus sa dlí ábhartha idirnáisiúnta, lena náirítear an dlí um chearta bunúsacha an duine, um rochtain ar chosaint idirnáisiúnta, agus um chuardach agus tarrtháil, sula nglaca siad páirt i ngníomhaíochtaí oibriúchtúla de chuid na Gníomhaireachta.

3.Seolfaidh an Ghníomhaireacht pé tionscnaimh is gá chun oiliúint a áirithiú do na baill foirne sin atá bainteach le cúraimí a bhaineann le filleadh, a bheidh mar chuid de na díormaí dá dtagraítear in Airteagal 28, 29 agus 30. Áiritheoidh an Ghníomhaireacht go gcuirfear oiliúint i ndlí ábhartha an Aontais agus sa dlí idirnáisiúnta ábhartha, lena náirítear an dlí um chearta bunúsacha an duine agus um rochtain ar chosaint idirnáisiúnta, ar gach ball foirne a bheidh rannpháirteach in oibríochtaí um fhilleadh agus in idirghabhálacha um fhilleadh, agus ar fhoireann na Gníomhaireachta féin, sula nglaca siad páirt i ngníomhaíochtaí oibriúchtúla de chuid na Gníomhaireachta.

4.Déanfaidh an Ghníomhaireacht lárchuraclaim choiteanna a bhunú agus a fhorbairt tuilleadh d'fhonn oiliúint a chur ar ghardaí teorann agus déanfaidh sí oiliúint a sholáthar ar an leibhéal Eorpach dóibh siúd a dhéanfaidh gardaí teorann náisiúnta na mBallstát a theagasc, lena náirítear oiliúint um chearta bunúsacha an duine, rochtain ar chosaint idirnáisiúnta agus an dlí muirí ábhartha. Ar dhul i gcomhairle di leis an bhFóram Comhairliúcháin, déanfaidh an Ghníomhaireacht na lárchuraclaim choiteanna a dhréachtú. Cuimseoidh na Ballstáit na lárchuraclaim choiteanna san oiliúint a chuirfear ar a ngardaí teorann náisiúnta agus orthu siúd a bheidh páirteach i gcúraimí a bhaineann le filleadh.

5.Ina theannta sin, cuirfidh an Ghníomhaireacht seimineáir agus cúrsaí breise oiliúna ar fáil d'oifigigh i seirbhísí náisiúnta inniúla na mBallstát sna réimsí sin a bhaineann le rialú ag na teorainneacha seachtracha agus le náisiúnaigh tríú tír atá faoi réir ag filleadh.

6.Féadfaidh an Ghníomhaireacht gníomhaíochtaí oiliúna a eagrú ar chríocha an tríú tír i gcomhar leis na Ballstáit agus leis an tríú tír.

7.Bunóidh an Ghníomhaireacht clár malartaithe lena gcumasófar do ghardaí teorann atá rannpháirteach i bhFoirne Eorpacha de chuid an Gharda Teorann agus Cósta agus do bhaill de chuid na bhFoirne Idirghabhála um Fhilleadh Eorpacha eolas sonrach nó sainscileanna a fháil i mBallstát eile taobh amuigh dá mBallstát féin trí bhíthin taithí agus dea-chleachtais thar lear, trína bheith ag obair le gardaí teorann agus leo siúd atá páirteach i gcúraimí a bhaineann le filleadh.

Airteagal 36

Taighde agus nuálaíocht

1.Déanfaidh an Ghníomhaireacht faireachán forghníomhach ar a mbeidh ag tarlú i gcúrsaí taighde agus nuálaíochta i dtaca le rialú ag na teorainneacha seachtracha agus le gníomhaíochtaí um fhilleadh, lena náirítear úsáid a bhaint as ardteicneolaíocht faireachais amhail córais aerárthaí cianrialaithe. Déanfaidh an Ghníomhaireacht torthaí an taighde sin a scaipeadh ar an gCoimisiún agus ar na Ballstáit. Féadfaidh sí na torthaí sin a úsáid, mar is iomchuí, in oibríochtaí comhpháirteacha, i mear-idirghabhálacha teorann, in oibríochtaí um fhilleadh agus in idirghabhálacha um fhilleadh.

2.Tabharfaidh an Ghníomhaireacht cúnamh do na Ballstáit agus mórthéamaí taighde á sainaithint acu. Tabharfaidh an Ghníomhaireacht cúnamh don Choimisiún agus creatchláir ábhartha an Aontais um ghníomhaíochtaí taighde agus nuálaíochta á sainaithint agus á gcur i gcrích aici.

3.Déanfaidh an Ghníomhaireacht, mar chuid den Chreatchlár um Taighde agus Nuálaíocht, agus go háirithe an Chlár Sonrach maidir le Cur Chun Feidhme Chlár Fís 2020, an chuid sin den Chreatchlár um Taighde agus Nuálaíocht a bhaineann le slándáil teorann a chur chun feidhme. Chuige sin, leagfar na cúraimí seo a leanas ar an nGníomhaireacht:

(a) ar bhonn na gclár oibre ábhartha a ghlac an Coimisiún, i gcás ina bhfuil tugtha de chumhacht ag an gCoimisiún le hionstraim tarmligin don Ghníomhaireacht sin a dhéanamh, déanfaidh sí bainistiú ar chuid de chéimeanna cur chun feidhme an chláir, agus ar chuid de na céimeanna a bhainfidh le ré feidhme cláir áirithe;

(b) i gcás ina bhfuil tugtha de chumhacht ag an gCoimisiún le hionstraim tarmligin don Ghníomhaireacht sin a dhéanamh, na hionstraim fhorghníomhúcháin buiséid um ioncam agus caiteachas a ghlacadh, agus na hoibríochtaí ar fad is gá chun an clár a bhainistiú a chur i gcrích;

(c) i gcás ina bhfuil tugtha de chumhacht ag an gCoimisiún le hionstraim tarmligin don Ghníomhaireacht sin a dhéanamh, tacaíocht a chur ar fáil do chur chun feidhme an chláir.

4.Féadfaidh an Ghníomhaireacht treoirthionscadail a bhaineann le réimse an Rialacháin seo a phleanáil agus a chur chun feidhme.

Airteagal 37

Trealamh teicniúil a fháil

1. Féadfaidh an Ghníomhaireacht, aisti féin nó faoi chomhúinéireacht le Ballstát áirithe, trealamh teicniúil le haghaidh rialú teorainneacha seachtracha a fháil mar éadáil nó é a léasú d'fhonn an trealamh sin a imscaradh le linn oibríochtaí comhpháirteacha, treoirthionscadal, mearidirghabhálacha teorann, oibríochtaí um fhilleadh, idirghabhálacha um fhilleadh, nó tionscadal um chúnamh teicniúil, i gcomhréir leis na rialacha airgeadais is infheidhme maidir leis an nGníomhaireacht.

2.Féadfaidh an Ghníomhaireacht trealamh teicniúil a fháil, amhail trealamh méarlorgaireachta, arna údarú ag an Stiúrthóir Feidhmiúcháin i gcomhairle leis an mBord Bainistíochta. Déanfar anailís chríochnúil maidir le riachtanais agus le costas is tairbhe sula bhfaightear mar éadáil nó ar léas trealamh a tharraingeodh costais shuntasacha ar an nGníomhaireacht. Déanfar foráil do chaiteachas den sórt sin i mbuiséad na Gníomhaireachta arna ghlacadh ag an mBord Bainistíochta.

3.I gcás ina bhfaigheann an Ghníomhaireacht trealamh teicniúil tábhachtach mar éadáil nó ar léas, amhail soithí patróil cois cósta nó feithiclí patróil teiscinne, héileacaptair, aerárthaigh, nó feithiclí eile, beidh feidhm ag na coinníollacha seo a leanas:

(a) i gcás éadála a gheobhaidh an Ghníomhaireacht féin nó a bheidh faoi chomhúinéireacht, tiocfaidh an Ghníomhaireacht ar chomhaontú le Ballstát amháin go ndéanfaidh an Ballstát sin foráil do chlárú an trealaimh i gcomhréir leis an reachtaíocht is infheidhme sa Bhallstát sin;

(b) i gcás léasa, déanfar an trealamh a chlárú i mBallstát áirithe.

4.Ar bhonn comhaontú samplach arna dhréachtú ag an nGníomhaireacht, comhaontóidh Ballstát an chláraithe agus an Ghníomhaireacht na modúlachtaí lena náiritheofar na tréimhsí a mbeidh lánfháil ag an nGníomhaireacht ar na sócmhainní atá faoi chomhúinéireacht, chomh maith le téarmaí úsáide an trealaimh. Cuirfear ar fáil don Ghníomhaireacht trealamh teicniúil ar bith ar leis an nGníomhaireacht amháin é má iarrann sí sin; ní fhéadfaidh Ballstát an chláraithe an staid eisceachtúil dá dtagraítear in Airteagal 38(4) a agairt.

5.Cuirfidh Ballstát an chláraithe nó soláthraí an trealaimh theicniúil na saineolaithe agus an fhoireann theicniúil is gá ar fáil chun an trealamh teicniúil a oibriú ar shlí atá ceart de réir an dlí agus atá sábháilte.

Airteagal 38

Comhthiomsú de threalamh teicniúil

1.Cuirfidh an Ghníomhaireacht comhthiomsú de threalamh teicniúil ar bun agus coimeádfaidh sí taifid lárnaithe den trealamh a chuirfear sa chomhthiomsú sin, lena náirítear trealamh de chuid na mBallstát nó na Gníomhaireachta agus trealamh ar leis na Ballstáit agus an Ghníomhaireacht araon é, trealamh a úsáidfear chun rialú a dhéanamh ag teorainneacha seachtracha nó chun daoine a chur ar ais.

2.Déanfaidh an Stiúrthóir Feidhmiúcháin an líon íosta trealaimh theicniúil a shainaithint i gcomhréir leis na riachtanais atá ag an nGníomhaireacht, go háirithe ionas go mbeidh sí in ann oibríochtaí comhpháirteacha agus mear-idirghabhálacha teorann a chur i gcrích i gcomhréir lena clár oibre don bhliain i dtrácht.

Mura leor an líon íosta trealaimh theicniúil chun an plean oibriúcháin a comhaontaíodh i dtaca le hoibríochtaí comhpháirteacha nó mear-idirghabhálacha a chur i gcrích, déanfaidh an Ghníomhaireacht é a athbhreithniú ar bhonn na riachtanas sin a bhfuil údar maith leo agus ar bhonn a chomhaontófar idir na Ballstáit.

3.Arna chinneadh sin ag an nGníomhaireacht, cuimseofar sa chomhthiomsú de threalamh teicniúil an líon íosta is gá de gach cineál trealaimh theicniúil. Déanfar an trealamh a liostófar sa chomhthiomsú de threalamh teicniúil sin a imscaradh le linn oibríochtaí comhpháirteacha, treoirthionscadal, mear-idirghabhálacha teorann, nó le linn oibríochtaí um fhilleadh agus idirghabhálacha um fhilleadh.

4.Rannchuideoidh na Ballstáit leis an gcomhthiomsú de threalamh teicniúil sin. Maidir le rannchuidiú na mBallstát i dtaca le comhthiomsú agus imscaradh an trealaimh sin le haghaidh oibríochtaí sonracha, déanfar sin a phleanáil ar bhonn caibidlíochtaí agus comhaontuithe déthaobhacha bliantúla idir an Ghníomhaireacht agus na Ballstáit. I gcomhréir leis na comhaontuithe sin agus a mhéid atá sin ina chuid den líon íosta trealaimh theicniúil le haghaidh bliain áirithe, cuirfidh na Ballstáit a dtrealamh teicniúil ar fáil lena imscaradh arna iarraidh sin don Ghníomhaireacht, seachas i gcás ina bhfuil staid eisceachtúil a dhéanfadh difear mór d’urscaoileadh a gcuid cúraimí náisiúnta i gceist. Ní mór iarraidh den sórt sin a dhéanamh 30 lá ar a laghad roimh an imscaradh atá á bheartú. Déanfar athbhreithniú bliantúil ar rannchuidithe an chomhthiomsúcháin sin.

5.Ar thogra ón Stiúrthóir Feidhmiúcháin, cinnfidh an Bord Bainistíochta, ar bhonn bliantúil, na rialacha maidir le trealamh teicniúil, lena náirítear an líon foriomlán íosta is gá, de réir chineál an trealaimh theicniúil, maille leis na coinníollacha a bhainfidh lena nimscaradh, agus na coinníollacha faoina ndéanfar costais a aisíoc. Chun críocha buiséadacha, déanfaidh an Bord Bainistíochta an cinneadh sin tráth nach déanaí ná 30 lá ón uair a ghlacfar clár oibre na bliana sin.

6. Tabharfaidh an Stiúrthóir Feidhmiúcháin tuairisc ar chomhdhéanamh agus ar imscaradh an trealaimh sin, ar cuid den chomhthiomsú de threalamh teicniúil é, don Bhord Bainistíochta ag gach ceann de chruinnithe an bhoird. I gcás nach mbaintear amach an líon íosta trealaimh theicniúil, cuirfidh an Stiúrthóir Feidhmiúcháin an Bord Bainistíochta ar an eolas ina thaobh gan mhoill. Cinnfidh an Bord Bainistíochta tosaíocht a thabhairt d'imscaradh práinneach an trealaimh theicniúil agus déanfaidh sé gach beart is gá chun pé easnamh a shainaithneofar a leigheas. Cuirfidh an Bord Bainistíochta an Coimisiún ar an eolas faoi na heasnaimh a sainaithníodh agus faoi na bearta a rinneadh. Ina dhiaidh sin, déanfaidh an Coimisiún Parlaimint na hEorpa agus an Chomhairle a chur ar an eolas faoi sin, agus a mheasúnú féin a chur in iúl dóibh freisin.

7.Cuirfidh an Ghníomhaireacht Parlaimint na hEorpa ar an eolas ar bhonn bliantúil i dtaobh an líon trealaimh theicniúil a gheall gach Ballstát a chur isteach sa chomhthiomsú i gcomhréir leis an Airteagal seo.

8.Cláróidh na Ballstáit sa chomhthiomsú de threalamh teicniúil sin gach modh iompair agus gach trealamh oibriúcháin a ceannaíodh trí bhíthin bearta sonracha an Chiste Slándála Inmheánaí i gcomhréir le hAirteagal 7(1) de Rialachán Uimh. 515/2014  45 ó Pharlaimint na hEorpa agus ón gComhairle, nó trí bhíthin cistiú tiomnaithe ar bith eile de chuid an Aontais a chuirtear ar fáil do na Ballstáit d'fhonn acmhainn oibríochtúil na Gníomhaireachta a mhéadú. Beidh an trealamh teicniúil sin ina chuid den líon íosta trealaimh theicniúil a áireofar in aon bhliain ar leith.

Má iarrann sí sin, cuirfidh na Ballstáit an trealamh teicniúil sin ar fáil don Ghníomhaireacht d'fhonn é a imscaradh; ní fhéadfaidh siad an staid eisceachtúil dá dtagraítear i mír 4 a agairt.

9. Déanfaidh an Ghníomhaireacht na taifid a bhaineann leis an gcomhthiomsú de threalamh teicniúil a bhainistiú mar seo a leanas:

(a) aicmiú de réir an chineáil trealaimh agus de réir na hoibríochta;

(b) aicmiú de réir úinéara (Ballstát, Gníomhaireacht, eile);

(c) líon iomlán an trealaimh riachtanaigh;

(d) ceanglais foirne más infheidhme;

(e) faisnéis eile, amhail mionsonraí clárúcháin, ceanglais iompair agus chothabhála, na córais onnmhairíochta náisiúnta is infheidhme, treoracha teicniúla, nó faisnéis eile is ábhartha chun an trealamh a láimhseáil i gceart.

10.Seasfaidh an Ghníomhaireacht 100 % den chostas a bhainfidh le himscaradh a dhéanamh ar an líon íosta trealaimh theicniúil a chuirfidh Ballstát ar leith ar fáil in aon bhliain ar leith. I gcás ina nimscartar trealamh teicniúil nach cuid den líon íosta trealaimh theicniúil é, déanfaidh an Ghníomhaireacht é a chómhaoiniú gan dul os cionn 75 % den chaiteachas incháilithe, agus aird á tabhairt ar imthosca ar leith na mBallstát a dhéanfaidh an trealamh teicniúil sin a imscaradh.

Airteagal 39

Cúraimí agus cumhachtaí bhaill na bhfoirne

1. Beidh d'acmhainn ag baill na bhfoirne sin gach cúram dá gcuid a chur i gcrích agus gach cumhacht dá gcuid a fheidhmiú i dtaca le rialú ag teorainneacha agus le filleadh, maille leis na cumhachtaí is gá chun cuspóirí Rialachán (AE) Uimh. 562/2006 agus Treoir 2008/115/AE, faoi seach, a bhaint amach.

2. Agus na cúraimí sin á gcomhlíonadh agus na cumhachtaí sin á bhfeidhmiú ag baill na bhfoirne, comhlíonfaidh siad dlí an Aontais agus an dlí idirnáisiúnta, agus urramóidh siad cearta bunúsacha an duine, agus dlí náisiúnta an Bhallstáit ina mbeidh siad lonnaithe.

3. Seachas i gcás ina gceadaíonn an Ballstát do bhaill na bhfoirne feidhmiú ar a shon, is faoi threoir ghardaí teorann an Bhallstáit aíochta, agus, mar riail ghinearálta, i láthair na ngardaí sin amháin nó i láthair na ndaoine sin a bheidh páirteach i gcúraimí um fhilleadh an Bhallstáit aíochta, a fhéadfaidh na baill sin cúraimí a chomhlíonadh nó cumhachtaí a fheidhmiú.

4. Éide shainiúil dá gcuid féin a chaithfidh baill na bhfoirne agus a gcúraimí á gcomhlíonadh agus a gcumhachtaí á bhfeidhmiú acu. Caithfidh siad armbhanda gorm ar a mbeidh inchomhartha an Aontais Eorpaigh agus na Gníomhaireachta, de chomhartha go bhfuil siad rannpháirteach in oibríocht chomhpháirteach, i dtreoirthionscadal, i mear-idirghabháil teorann, in oibríochtaí um fhilleadh nó in idirghabhálacha um fhilleadh. Chun críocha aitheantais i dtaca le húdaráis náisiúnta an Bhallstáit aíochta, beidh doiciméad creidiúnaithe ar iompar ag comhaltaí na bhfoirne i gcónaí, agus é le taispeáint acu arna iarraidh sin orthu.

5. Agus a gcúraimí á gcomhlíonadh agus a gcumhachtaí á bhfeidhmiú acu, féadfaidh comhaltaí na bhfoirne armáin seirbhíse, armlón agus trealamh a iompar de réir mar a údaraítear le dlí náisiúnta an Bhallstáit baile. Féadfaidh an Ballstát aíochta, áfach, cosc a chur ar armáin seirbhíse ar leith a bheith ar iompar, nó ar armlón agus trealamh áirithe a bheith ar iompar, más amhlaidh a chuirtear, faoi reachtaíocht an Bhallstáit, an cosc céanna i bhfeidhm ar a ghardaí nó ar a fhoireann teorann féin agus iad ag gabháil de chúraimí um fhilleadh. Sula nimscarfar baill na bhfoirne, cuirfidh an Ballstát aíochta an Ghníomhaireacht ar an eolas i dtaobh na narmán seirbhíse is incheadaithe, i dtaobh an armlóin agus an trealaimh is incheadaithe, agus i dtaobh na gcoinníollacha a bhaineann lena núsáid. Cuirfidh an Ghníomhaireacht an fhaisnéis sin ar fáil do na Ballstáit.

6. Agus a gcúraimí á gcomhlíonadh agus a gcumhachtaí á bhfeidhmiú acu, beidh sé d'údarás ag baill na bhfoirne forneart a úsáid, lena náirítear armáin seirbhíse, armlón agus trealamh, le toiliú an Bhallstáit baile agus an Bhallstáit aíochta, i láthair ghardaí teorann an Bhallstáit aíochta agus i gcomhréir le dlí náisiúnta an Bhallstáit aíochta. Féadfaidh an Ballstát aíochta, le toiliú an Bhallstáit baile, údarás a thabhairt do bhaill na bhfoirne forneart a úsáid in éagmais ghardaí teorann an Bhallstáit aíochta.

7. Féadfar armáin seirbhíse, armlón agus trealamh a úsáid i bhféinchosaint dhlisteanach, i gcosaint dhlisteanach bhaill na bhfoirne nó i gcosaint daoine eile, i gcomhréir le dlí náisiúnta an Bhallstáit aíochta.

8.Chun críocha an Rialacháin seo, údaróidh an Ballstát aíochta baill na bhfoirne chun na bunachair sonraí náisiúnta agus Eorpacha dá chuid is gá chun seiceálacha teorann, faireachas teorann, agus filleadh a chur i gcrích, a cheadú. Ní cheadóidh comhaltaí na bhfoirne ach na sonraí sin is gá chun a gcúraimí a chomhlíonadh agus chun a gcumhachtaí a fheidhmiú. Sula nimscarfar na foirne, cuirfidh an Ballstát aíochta an Ghníomhaireacht ar an eolas faoi na bunachair sonraí náisiúnta agus Eorpacha a fhéadfar a cheadú. Cuirfidh an Ghníomhaireacht an fhaisnéis sin ar fáil do gach Ballstát a bheidh rannpháirteach san imscaradh.

Déanfar an ceadú sin i gcomhréir le dlí an Aontais agus le dlí náisiúnta an Bhallstáit aíochta i réimse na cosanta sonraí.

9.Is iad gardaí teorann an Bhallstáit aíochta nó baill na bhfoirne (i gcás ina gceadaíonn an Ballstát dóibh feidhmiú ar a shon) a dhéanfaidh gach cinneadh maidir le cead isteach a dhiúltú do dhuine i gcomhréir le hAirteagal 13 de Rialachán (CE) Uimh. 562/2006.

Airteagal 40

Doiciméad creidiúnúcháin

1.Eiseoidh an Ghníomhaireacht, i gcomhar leis an mBallstát aíochta, doiciméad i dteanga oifigiúil an Bhallstáit aíochta agus i dteanga oifigiúil eile de chuid institiúidí an Aontais chuig comhaltaí na bhfoirne de shainaithint orthu agus de chruthúnas ar chearta an tsealbhóra, a gcúraimí a chomhlíonadh agus a gcumhachtaí a fheidhmiú, cúraimí agus cumhachtaí dá dtagraítear in Airteagal 39. Tabharfar sa doiciméad sin an teolas seo a leanas i dtaobh gach ball den fhoireann:

(a) ainm agus náisiúntacht;

(b) céim nó teideal an phoist;

(c) grianghraf digitithe a tógadh le deireanas; agus

(d) na cúraimí sin a bhfuil cead a ndéanta ag an mball.

2.Seolfar an doiciméad sin ar ais chuig an nGníomhaireacht tráth a dtiocfaidh deireadh leis an oibríocht chomhpháirteach, leis an treoirthionscadal, leis an mear-idirghabháil teorann, leis an oibríocht um fhilleadh nó leis an idirghabháil um fhilleadh.

Airteagal 41

Dliteanas sibhialta

1.I gcás ina mbeidh baill de na foirne ag feidhmiú i mBallstát aíochta, is é an Ballstát sin, i gcomhréir lena dhlí náisiúnta féin, a bheidh faoi dhliteanas i leith aon damáiste a dhéanfaidh na baill le linn a gcuid oibríochtaí.

2.Más de thoradh mórfhaillí nó mí-iompar toiliúil a tharlóidh an damáiste sin, féadfaidh an Ballstát aíochta dul i dteagmháil leis an mBallstát baile ar lorg aisíocaíochta ón mBallstát baile ar airgead ar bith a d'íoc an Ballstát aíochta le híospartaigh nó le daoine a bhfuil teideal acu thar a gceann.

3.Gan dochar d'fheidhmiú a cheart i leith an tríú páirtí, déanfaidh gach Ballstát a éilimh in aghaidh an Bhallstáit aíochta nó in aghaidh aon Bhallstáit eile i leith aon damáiste a rinneadh dó a tharscaoileadh, ach amháin i gcás gur mórfhaillí nó mí-iompar toiliúil a tharla.

4.Aon díospóid a tharlóidh idir na Ballstáit i dtaobh fheidhmiú mhír 2 agus mhír 3 agus nach réiteofar leis an gcaibidlíocht, cuirfear í faoi bhráid Chúirt Bhreithiúnais na gComhphobal Eorpach de réir Airteagal 273 CFAE.

5.Gan dochar d'fheidhmiú a ceart i leith an tríú páirtí, seasfaidh an Ghníomhaireacht na costais a bhaineann le haon damáiste a dhéanfar do threalamh na Gníomhaireachta agus imscaradh ar siúl, ach amháin i gcás gur mórfhaillí nó mí-iompar toiliúil a tharla.

Airteagal 42

Dliteanas coiriúil

Agus oibríochtaí comhpháirteacha, treoirthionscadail, mear-idirghabhálacha teorann, oibríochtaí um fhilleadh nó idirghabhálacha um fhilleadh ar siúl, caithfear le baill na bhfoirne mar a chaithfí le feidhmeannaigh de chuid an Bhallstáit aíochta i dtaca le haon chionta coiriúla a d'fhéadfaí a dhéanamh ina naghaidh nó a d'fhéadfaidís siúd iad féin a dhéanamh.

Roinn 2

Malartú faisnéise agus cosaint sonraí

Airteagal 43

Córais malartaithe faisnéise

1.Féadfaidh an Ghníomhaireacht pé beart is gá a dhéanamh chun malartú faisnéise is ábhartha dá cúraimí leis an gCoimisiún agus leis na Ballstáit a éascú agus, i gcás inarb iomchuí, leis na gníomhaireachtaí sin de chuid an Aontais lena mbaineann. Déanfaidh sí córas faisnéise a fhorbairt agus a oibriú a mbeidh d'acmhainn aige faisnéis rúnaicmithe a mhalartú leis na gníomhaithe sin, maille le sonraí pearsanta dá dtagraítear in Airteagal 44, 46, 47 agus 48 i gcomhréir le Cinneadh 2001/264/AE  46 ón gComhairle agus Cinneadh (AE, Euratom) 2015/444 ón gCoimisiún. 47

2.Féadfaidh an Ghníomhaireacht pé beart is gá a sheoladh chun éascú a dhéanamh ar fhaisnéis is ábhartha dá cúraimí a mhalartú leis an Ríocht Aontaithe agus le hÉirinn má bhaineann an fhaisnéis sin leis na gníomhaíochtaí sin ina mbíonn siad rannpháirteach i gcomhréir le hAirteagal 50 agus le hAirteagal 61(4).

Airteagal 44

Cosaint sonraí

1.Cuirfidh an Ghníomhaireacht Rialachán (CE) Uimh. 45/2001 i bhfeidhm agus sonraí pearsanta á bpróiseáil aici.

2.Leagfaidh an Bord Bainistíochta síos bearta a úsáidfidh an Ghníomhaireacht chun Rialachán (CE) Uimh. 45/2001 a chur i bhfeidhm, lena náirítear na bearta sin a bhaineann le hOifigeach um Chosaint Sonraí na Gníomhaireachta. Déanfar na bearta sin a leagan síos ar dhul i gcomhairle leis an Maoirseoir Eorpach ar Chosaint Sonraí.

3.Gan dochar d’Airteagal 46, 47 agus 48, féadfaidh an Ghníomhaireacht sonraí pearsanta a phróiseáil chun críocha riaracháin.

4.Gan dochar d'Airteagal 47, coscfar sonraí pearsanta arna bpróiseáil ag an nGníomhaireacht a aistriú, agus coscfar ar na Ballstáit sonraí pearsanta a próiseáladh faoi chuimsiú an Rialacháin seo a tharchur chuig aon údarás sa tríú tír nó chuig aon tríú páirtí eile.

Airteagal 45

Cuspóirí na próiseála ar shonraí pearsanta

1.Is chun na gcríoch seo a leanas amháin a fhéadfaidh an Ghníomhaireacht sonraí pearsanta a phróiseáil:

(a) agus oibríochtaí comhpháirteacha, treoirthionscadail agus mear-idirghabhálacha teorann á neagrú agus á gcomhordú aici, faoi chuimsiú na bhfoirne tacaíochta don bhainistiú imirce i gcomhréir le hAirteagal 46;

(b) agus oibríochtaí um fhilleadh agus idirghabhálacha um fhilleadh á neagrú agus á gcomhordú aici i gcomhréir le hAirteagal 47;

(c) agus malartú faisnéise á héascú aici idir na Ballstáit, an Oifig Eorpach Tacaíochta do Ghnóthaí Tearmainn, Europol nó Eurojust i gcomhréir le hAirteagal 46;

(d) agus anailís ar riosca ar siúl aici i gcomhréir le hAirteagal 10;

(e) agus feithiclí á sainaithint agus á rianú aici faoi chuimsiú Eurosur i gcomhréir le hAirteagal 48.

2.Agus an phróiseáil sin ar shonraí pearsanta ar siúl, tabharfar urraim do phrionsabal na comhréireachta agus ní ghabhfar thar a mbeidh riachtanach de shonraí pearsanta chun na gcríoch dá dtagraítear i mír 1.

3.Ballstát nó Gníomhaireacht eile de chuid an Aontais a chuirfidh sonraí pearsanta ar fáil don Ghníomhaireacht, is iadsan a chinnfidh an chríoch nó na críocha chuig a ndéanfar na sonraí sin a phróiseáil, faoi mar a luaitear i mír 1. I gcás nach bhfuil sin déanta aici, déanfaidh an Ghníomhaireacht, i gcomhairle le soláthraí na sonraí pearsanta, an fhaisnéis sin a phróiseáil d'fhonn a hábharthacht chun na críche nó na gcríoch (dá dtagraítear i mír 1) faoina ndéanfar tuilleadh próiseála uirthi, a chinneadh. Ní fhéadfaidh an Ghníomhaireacht próiseáil a dhéanamh ar fhaisnéis chun críche nach ionann agus í siúd dá dtagraítear i mír 1, ach amháin i gcás ina dtabharfaidh soláthraí na sonraí an túdarás di sin a dhéanamh.

4. Agus na sonraí pearsanta á naistriú, féadfaidh na Ballstáit nó Gníomhaireachtaí eile de chuid an Aontais aon srian ar rochtain nó ar úsáid na faisnéise sin, go ginearálta nó go sonrach, lena náirítear a haistriú, a scriosadh nó a díothú, a chur in iúl. Ar aistriú na faisnéise sin, i gcás inar léir gá a bheith lena leithéidí de shrianta, cuirfidh na Ballstáit an Ghníomhaireacht ar an eolas dá réir. Déanfaidh an Ghníomhaireacht na srianta sin a chomhlíonadh.

Airteagal 46

Próiseáil ar shonraí pearsanta a bhaileofar le linn oibríochtaí comhpháirteacha, treoirthionscadal agus mear-idirghabhálacha, nó a bhaileoidh na foirne tacaíochta don bhainistiú imirce

1.Agus úsáid á baint ag an nGníomhaireacht nó ag na foirne tacaíochta don bhainistiú imirce as sonraí pearsanta a bhaileoidh agus a sheolfaidh na Ballstáit nó a bhaileoidh foireann na Gníomhaireachta féin le linn oibríochtaí comhpháirteacha, treoirthionscadal agus le linn mear-idirghabhálacha, ní rachfar thar an méid seo a leanas:

(a) a sonraí pearsanta siúd a bhfuil, ar fhorais réasúnacha, droch-amhras ina leith ag údaráis inniúla na mBallstát go bhfuil siad páirteach i ngníomhaíochtaí coiriúla tras-teorann, lena náirítear éascú ar ghníomhaíochtaí neamhrialta imirce, gáinneáil ar dhaoine, nó an sceimhlitheoireacht;

(b) sonraí pearsanta a bhaineann le daoine a théann thar teorainn isteach go neamhdhleathach, ar sonraí iad a bhaileoidh na Foirne Eorpacha de chuid an Gharda Teorann agus Cósta, lena náirítear sonraí a bhaileofar faoi chuimsiú na bhfoirne tacaíochta don bhainistiú imirce;

(c) sonraí faoi uimhreacha plátaí ceadúnais, uimhreacha teileafóin, nó uimhreacha aitheantais loingis, ar sonraí iad is gá d'fhonn imscrúdú agus anailís a dhéanamh ar na bealaí agus modhanna a úsáidtear agus imirce neamhrialta agus gníomhaíochtaí coiriúla tras-teorann ar siúl.

2.Maidir leis na sonraí pearsanta dá dtagraítear i mír 1, ní fhéadfaidh an Ghníomhaireacht iad a phróiseáil ach amháin sna cásanna seo a leanas:

(a) i gcás inar gá sonraí a chur chuig an Oifig Eorpach Tacaíochta do Ghnóthaí Tearmainn, Europol nó Eurojust d'fhonn a núsáide i gcomhréir leis na sainorduithe a tugadh dóibh, agus i gcomhréir le hAirteagal 51;

(b) i gcás inar gá sonraí a chur chuig na húdaráis sna Ballstáit ábhartha atá freagrach as rialú ag teorainneacha, as imirce, as tearmann nó as forghníomhú an dlí d'fhonn a núsáide i gcomhréir leis an dlí náisiúnta, agus le rialacha na mBallstát agus an Aontais Eorpaigh um chosaint sonraí;

(c) i gcás inar gá na sonraí pearsanta sin chun anailísí riosca a ullmhú.

3.Déanfar na sonraí pearsanta sin a scriosadh a luaithe a chuirfear iad chuig an Oifig Eorpach Tacaíochta do Ghnóthaí Tearmainn, chuig Europol nó Eurojust nó chuig údaráis inniúla na mBallstát ábhartha, nó a luaithe a chuirfear chun úsáide iad agus anailísí riosca á nullmhú. Ní rachaidh a dtéarma stórála, in aon chás, thar thrí mhí tar éis dháta bailithe na sonraí sin. Na sonraí a bheidh i dtorthaí na nanailísí riosca, ní luafar aon ainmneacha iontu.

Airteagal 47

Sonraí pearsanta a phróiseáil i gcomhthéacs oibríochtaí um fhilleadh agus idirghabhálacha um fhilleadh

1. Agus oibríochtaí um fhilleadh agus idirghabhálacha um fhilleadh á neagrú agus á gcomhordú aici, féadfaidh an Ghníomhaireacht sonraí pearsanta fillí a phróiseáil.

2.Agus an phróiseáil ar na sonraí pearsanta sin ar siúl, ní rachfar thar a mbeidh riachtanach de shonraí pearsanta chun críocha na hoibríochta um fhilleadh nó na hidirghabhála um fhilleadh.

3.Scriosfar na sonraí pearsanta a luaithe a bheidh cuspóir a mbailithe bainte amach, tráth nach déanaí ná tríocha lá tar éis dheireadh na hoibríochta um fhilleadh nó na hidirghabhála um fhilleadh.

4.I gcás nach ndéanann Ballstát sonraí pearsanta fillí a chur chuig an iompróir, féadfaidh an Ghníomhaireacht na sonraí sin a aistriú.

Airteagal 48

Sonraí pearsanta a phróiseáil faoi chuimsiú Eurosur

Féadfaidh an Ghníomhaireacht sonraí pearsanta a phróiseáil faoi mar a leagtar amach in Airteagal 13(2) de Rialachán (AE) Uimh. 1052/2013.

Airteagal 49

Rialacha slándála maidir le faisnéis rúnaicmithe agus faisnéis íogair neamhaicmithe a chosaint

1.Déanfaidh an Ghníomhaireacht rialacha slándála an Choimisiúin a chur i bhfeidhm mar a leagtar síos iad sa Chinneadh ón gCoimisiún (AE, Euratom) 2015/444. 48 Beidh feidhm ag na rialacha sin, inter alia, i dtaca le faisnéis rúnaicmithe a mhalartú, a phróiseáil agus a stóráil.

2.Cuirfidh an Ghníomhaireacht i bhfeidhm na prionsabail slándála a bhaineann le próiseáil a dhéanamh ar fhaisnéis íogair neamh-rúnaicmithe mar atá leagtha amach sa Chinneadh dá dtagraítear i mír 1 den Airteagal seo mar atá curtha chun feidhme ag an gCoimisiún. Bunóidh an Bord Bainistíochta bearta maidir le cur i bhfeidhm na bprionsabal slándála sin.

ROINN 3

Comhar na Gníomhaireachta

Airteagal 50

Comhar le hÉirinn agus leis an Ríocht Aontaithe

1. Déanfaidh an Ghníomhaireacht éascú ar chomhoibriú oibríochtúil na mBallstát le hÉirinn agus leis an Ríocht Aontaithe i dtaca le gníomhaíochtaí áirithe.

2. Cuimseofar leis an tacaíocht a chuirfidh an Ghníomhaireacht ar fáil de bhun Airteagal 7(1)(j), (k) agus (l) oibríochtaí um fhilleadh na mBallstát, ina mbeidh Éire nó an Ríocht Aontaithe rannpháirteach, a eagrú.

3. Cuirfear ar fionraí infheidhmeacht an Rialacháin seo i dtaca le críocha Ghiobráltar nó go mbí comhaontú ann maidir le raon na mbeart sin a bhaineann le daoine a bheith ag trasnú na dteorainneacha seachtracha.

Airteagal 51

Comhar le gníomhaireachtaí Aontais agus comhlachtaí Aontais agus le heagraíochtaí idirnáisiúnta

1.Comhoibreoidh an Ghníomhaireacht leis an gCoimisiún, agus le hinstitiúidí eile de chuid an Aontais, leis an tSeirbhís Eorpach Gníomhaíochta Seachtraí, le Europol, leis an Oifig Eorpach Tacaíochta do Ghnóthaí Tearmainn, le Gníomhaireacht an Aontais Eorpaigh um Chearta Bunúsacha, le Eurojust, le Lárionad Satailíte an Aontais Eorpaigh, leis an nGníomhaireacht Eorpach um Shábháilteacht Mhuirí, leis an nGníomhaireacht Eorpach um Rialú ar Iascach, chomh maith le gníomhaireachtaí, comhlachtaí, agus oifigí eile de chuid an Aontais a chuimsítear faoin Rialachán seo, go háirithe leo siúd ar cuspóir dóibh an imirce neamhrialta agus an choireacht tras-teorann (lena náirítear éascú ar an imirce neamhrialta, an gháinneáil ar dhaoine agus an sceimhlitheoireacht), a chosc agus a chomhrac.

Chuige sin, féadfaidh an Ghníomhaireacht comhoibriú le heagraíochtaí idirnáisiúnta ar dá ninniúlacht na cúrsaí a chuimsítear leis an Rialachán seo.

2.Is faoi chuimsiú na socruithe oibre a rinneadh leis na comhlachtaí seo thuas a tharlóidh an comhoibriú sin. Beidh formheas an Choimisiúin ag na socruithe sin roimh ré. I ngach cás, cuirfidh an Ghníomhaireacht Parlaimint na hEorpa ar an eolas maidir le gach socrú díobh seo.

3.Comhoibreoidh an Ghníomhaireacht leis an gCoimisiún i dtaca le gníomhaíochtaí a dhéanfar faoin Aontas Custaim, lena náirítear bainistíocht riosca custaim, i gcás ina mbeidh na gníomhaíochtaí sin, in ainneoin iad a bheith lasmuigh de raon feidhme an Rialacháin seo, ina gcuidiú ag cur chun feidhme an Aontais Chustaim.

4.    Ní bhainfidh na hinstitiúidí, na gníomhaireachtaí, na comhlachtaí, na hoifigí de chuid an Aontais ná na heagraíochtaí idirnáisiúnta sin dá dtagraítear i mír 1, úsáid as faisnéis a gheobhaidh an Ghníomhaireacht ach amháin de réir a ninniúlachta agus i gcomhréir le cearta bunúsacha an duine, lena náirítear ceanglais cosanta sonraí. Sonraí pearsanta a ndéanfaidh an Ghníomhaireacht iad a phróiseáil, beidh a dtarchur chuig gníomhaireachtaí nó comhlachtaí eile de chuid an Aontais, nó cur na sonraí sin in iúl dóibh, faoi réir socruithe sonracha oibre i ndáil le malartú sonraí pearsanta agus beidh an tarchur agus an cur in iúl sin faoi réir formheasta roimh ré ag an Maoirseoir Eorpach ar Chosaint Sonraí. I dtaca le faisnéis rúnaicmithe a láimhseáil, déanfar foráil sna socruithe sin go gcomhlíonfaidh an institiúid, an comhlacht, an oifig, an ghníomhaireacht de chuid an Aontais nó an eagraíocht idirnáisiúnta lena mbaineann, rialacha agus caighdeáin slándála a bheidh coibhéiseach leo siúd a chuirfidh an Ghníomhaireacht i bhfeidhm.

5.Féadfaidh an Ghníomhaireacht freisin, le comhaontú na mBallstát lena mbaineann, cuireadh a thabhairt do bhreathnadóirí ó institiúidí, ó ghníomhaireachtaí, ó chomhlachtaí, agus ó oifigí de chuid an Aontais nó ó eagraíochtaí idirnáisiúnta, a bheith rannpháirteach ina cuid gníomhaíochtaí, go háirithe in oibríochtaí comhpháirteacha agus i dtreoirthionscadail, in anailís riosca agus in oiliúint, a mhéid a bheidh láithreacht na mbreathnadóirí sin i gcomhréir le cuspóirí na ngníomhaíochtaí sin, agus go bhféadfadh a láithreacht a bheith ina rannchuidiú le feabhsú an chomhair agus le malartú na ndea-chleachtas, agus nach ndéantar leis an láithreacht sin aon difear do shábháilteacht ná do shlándáil fhoriomlán na ngníomhaíochtaí atá i gceist. Ní bheidh na breathnadóirí sin rannpháirteach in anailís riosca ná in oiliúint mura mbí acu comhaontú na mBallstát lena mbaineann. I dtaca le hoibríochtaí comhpháirteacha agus le treoirthionscadail, beidh rannpháirtíocht na mbreathnadóirí faoi réir chomhaontú an Bhallstáit aíochta. Áireofar sa phlean oibriúcháin rialacha mionsonraithe maidir le rannpháirtíocht na mbreathnadóirí. Gheobhaidh na breathnadóirí sin oiliúint iomchuí ón nGníomhaireacht sula nglaca siad páirt sna gníomhaíochtaí.

Airteagal 52

An comhar Eorpach i dtaca le feidhmeanna an gharda cósta

1.Agus í i gcomhar leis an nGníomhaireacht Eorpach um Rialú ar Iascach agus leis an nGníomhaireacht Eorpach um Shábháilteacht Mhuirí, tacóidh an Ghníomhaireacht leis na húdaráis náisiúnta agus iad i mbun chúraimí an gharda cósta, ar leibhéal náisiúnta agus Eorpach, agus más iomchuí, ar leibhéal idirnáisiúnta, mar seo a leanas:

(a) anailís agus cumasc a dhéanamh ar shonraí ó chórais tuairiscithe long agus ó chórais faisnéise eile arna nóstadh nó arna rochtain ag na Gníomhaireachtaí, i gcomhréir lena mbunús dlí faoi seach agus gan dochar d'úinéireacht na sonraí ag na Ballstáit, d'fhonn an fhaisnéis sin a roinnt;

(b) seirbhísí faireachais agus cumarsáide a chur ar fáil a bhunófar ar theicneolaíocht den úrscoth, lena náireofar infrastruchtúr a bheidh lonnaithe ar spéir nó ar talamh, maille le braiteoirí arna suiteáil ar ardán de chineál ar bith, amhail córais aerárthaí chianrialaithe;

(c) cumas a fhorbairt trí threoirlínte, moltaí agus dea-chleachtais a leagan amach, agus trí thacú le hoiliúint agus malartú foirne, d'fhonn feabhas a chur ar mhalartú faisnéise agus ar chomhoibriú i dtaca le cúraimí an gharda cósta;

(d) cumas a chomhroinnt, lena náirítear oibríochtaí ilchuspóireacha a phleanáil agus a chur chun feidhme, agus comhroinnt a dhéanamh ar acmhainní agus inniúlachtaí eile in earnálacha agus i gcríocha éagsúla.

2.Is de réir socrú oibre, a bheidh i gcomhréir leis na rialacha airgeadais is infheidhme do na Gníomhaireachtaí, a chinnfear na modúlachtaí a bhainfidh leis an gcomhoibriú (i dtaca le feidhmeanna an gharda cósta) a dhéanfaidh an Ghníomhaireacht Eorpach um an nGarda Teorann agus Cósta leis an nGníomhaireacht Eorpach um Rialú ar Iascach agus leis an nGníomhaireacht Eorpach um Shábháilteacht Mhuirí.

3.Féadfaidh an Coimisiún lámhleabhar praiticiúil, i bhfoirm molta, ar an gcomhar Eorpach (i dtaca le feidhmeanna an gharda cósta) a ghlacadh, ina mbeidh treoirlínte, moltaí agus deachleachtais i dtaobh malartú faisnéise agus i dtaobh comhoibriú ag an leibhéal náisiúnta, Eorpach agus idirnáisiúnta.

Airteagal 53

Comhar le tríú tíortha

1. I dtaca le cúrsaí a thagann faoi réim a gníomhaíochtaí agus a mhéid is gá chun a cúraimí a chomhlíonadh, déanfaidh an Ghníomhaireacht comhar oibríochtúil idir na Ballstáit agus tríú tíortha a éascú agus a spreagadh, faoi chuimsiú bheartas caidrimh sheachtraigh an Aontais, lena náirítear cearta bunúsacha an duine. Déanfaidh an Ghníomhaireacht agus na Ballstáit noirm agus caighdeáin a chomhlíonadh ar noirm agus caighdeáin iad atá comhionann, ar a laghad, leo sin a leagtar síos le reachtaíocht an Aontais; déanfaidh siad de réir na norm agus na gcaighdeán sin agus comhar le tríú tíortha ar siúl acu ar chríoch na dtíortha eile sin freisin. D'fhonn caighdeáin a bhaineann le filleadh agus le bainistiú teorainneacha Eorpacha a chur chun cinn a chuirfear an comhar sin ar bun.

2.Le tacaíocht ó thoscaireachtaí an Aontais agus i gcomhordú leo, féadfaidh an Ghníomhaireacht comhoibriú leis na húdaráis, sa tríú tír, atá inniúil sna cúrsaí a chumhdaítear sa Rialachán seo, faoi chuimsiú na socruithe oibre arna gcur i gcrích leis na húdaráis sin, agus i gcomhréir le dlí agus le beartais an Aontais. Is le bainistiú an chomhair oibríochtúil a bhainfidh na socruithe oibre sin. Beidh formheas an Choimisiúin ag na socruithe roimh ré.

3.I gcás inar gá cúnamh teicniúil agus oibríochtúil breise, féadfaidh an Ghníomhaireacht comhoibriú oibríochtúil a chomhordú idir na Ballstáit agus an tríú tír i dtaca le bainistiú teorainneacha seachtracha, agus beidh aici an fhéidearthacht oibríochtaí comhpháirteacha a chur ar siúl ar an teorainn sheachtrach nó ar chríoch an tríú tír, le Ballstát nó le Ballstáit agus leis an tríú tír a bhfuil an teorainn aici ag síneadh le ceann de na Ballstáit sin, faoi réir chomhaontú an tríú tír sin. Cuirfear an Coimisiún ar an eolas i dtaobh gníomhaíochtaí den chineál sin.

4.Comhoibreoidh an Ghníomhaireacht leis na húdaráis inniúla sa tríú tír i dtaca le doiciméad taistil a fháil nó a thabhairt ar ais.

5.Féadfaidh an Ghníomhaireacht, le comhaontú na mBallstát lena mbaineann, cuireadh a thabhairt do bhreathnadóirí ón tríú tír a bheith rannpháirteach sna gníomhaíochtaí ag an teorainn sheachtrach úd dá dtagraítear in Airteagal 13, sna hoibríochtaí um fhilleadh dá dtagraítear in Airteagal 27, sna hidirghabhálacha um fhilleadh dá dtagraítear in Airteagal 32, agus san oiliúint dá dtagraítear in Airteagal 35, a mhéid a bheidh láithreacht na mbreathnadóirí sin i gcomhréir le cuspóirí na ngníomhaíochtaí úd, go bhféadtar leis an láithreacht sin rannchuidiú le comhar a fheabhsú agus le malartú dea-chleachtas, agus nach ndéantar aon difear leis do shábháilteacht fhoriomlán na ngníomhaíochtaí seo. I dtaca leis na gníomhaíochtaí dá dtagraítear in Airteagal 13, 27, agus 35, ní tharlóidh rannpháirtíocht na mbreathnadóirí sin ach amháin le comhaontú na mBallstát lena mbaineann, agus le comhaontú an Bhallstáit aíochta i gcás na gníomhaíochtaí dá dtagraítear in Airteagal 13 agus 32. Áireofar sa phlean oibriúcháin rialacha mionsonraithe maidir le rannpháirtíocht na mbreathnadóirí. Gheobhaidh na breathnadóirí sin oiliúint iomchuí ón nGníomhaireacht sula nglaca siad páirt sna gníomhaíochtaí.

6.Beidh an Ghníomhaireacht rannpháirteach i gcur chun feidhme na gcomhaontuithe idirnáisiúnta a chuirfidh an tAontas i gcrích leis an tríú tír, faoi chuimsiú bheartas caidrimh sheachtraigh an Aontais, agus i dtaca lena gcuimsítear leis an Rialachán seo.

7.Féadfaidh an Ghníomhaireacht leas a bhaint as cistiú ón Aontas i gcomhréir le forálacha na nionstraimí ábhartha lena dtugtar tacaíocht do bheartas caidrimh sheachtraigh an Aontais. Féadfaidh sí tionscadail um chúnamh teicniúil a sheoladh agus a mhaoiniú sa tríú tír i dtaca lena gcuimsítear leis an Rialachán seo.

8. Agus comhaontuithe déthaobhacha á gcur i gcrích acu leis an tríú tír, féadfaidh na Ballstáit, le comhaontú na Gníomhaireachta, foráil a dhéanamh maidir le ról agus le hinniúlacht na Gníomhaireachta, i gcomhréir leis an Rialachán seo, go háirithe i dtaca le feidhmiú cumhachtaí feidhmiúcháin ag baill sin na bhFoirne Eorpacha de chuid an Gharda Teorann agus Cósta a imscarfar agus oibríochtaí comhpháirteacha, treoirthionscadail, mearidirghabhálacha teorann, oibríochtaí um fhilleadh nó idirghabhálacha um fhilleadh ar siúl. Tabharfaidh na Ballstáit fógra don Choimisiún faoi na forálacha sin.

9. Cuirfidh an Ghníomhaireacht Parlaimint na hEorpa ar an eolas maidir leis na gníomhaíochtaí dá dtagraítear i mír 2 agus 3.

Airteagal 54

Oifigigh idirchaidrimh sa tríú tír

1.Féadfaidh an Ghníomhaireacht saineolaithe dá cuid féin a imscaradh mar oifigigh idirchaidrimh sa tríú tír. Is ceart go mbeadh acu an chosaint is treise dá bhfuil ann agus a ndualgais á gcur i gcrích acu. Beidh siad ina gcuid de ghréasáin comhoibriúcháin áitiúla agus réigiúnacha na noifigeach idirchaidrimh agus na saineolaithe slándála a bheidh ag an Aontas agus ag na Ballstáit, lena náirítear an gréasán a cuireadh ar siúl de bhun Rialachán (CE) Uimh. 377/2004. 49  

2.I dtaca le himscaradh ar oifigigh idirchaidrimh, faoi chuimsiú bheartas caidrimh sheachtraigh an Aontais, tabharfar tosaíocht don tríú tír sin arb ionann í, bunaithe ar anailís riosca, agus tír thionscnaimh nó tír idirthurais i dtaca le himirce neamhdhleathach. Ar bhonn cómhalartach, féadfaidh an Ghníomhaireacht glacadh le hoifigigh idirchaidrimh a chuirfidh na tríú tíortha sin ar dualgas. Ar thogra ón Stiúrthóir Feidhmiúcháin, glacfaidh an Bord Bainistíochta liosta na dtosaíochtaí ar bhonn bliantúil. Déanfaidh an Bord Bainistíochta imscaradh na noifigeach idirchaidrimh a fhormheas.

3.Áireofar ar na cúraimí a leagfar ar oifigigh idirchaidrimh na Gníomhaireachta, i gcomhréir le dlí an Aontais agus i gcomhréir le cearta bunúsacha an duine, teagmhálacha a bhunú le húdaráis inniúla sa tríú tír sin dár sannadh na hoifigigh, agus na teagmhálacha sin a choimeád ar bun d'fhonn rannchuidiú le cosc na hinimirce neamhrialta, agus le náisiúnaigh as an tríú tír, a fhanann i dtír go neamhdhleathach, a chur ar ais. Beidh dlúth-chomhordú ann idir na hoifigigh idirchaidrimh sin agus toscaireachtaí de chuid an Aontais.

4.Beidh an cinneadh maidir le hoifigigh idirchaidrimh a imscaradh sa tríú tír faoi réir thuairim a fháil roimh ré ón gCoimisiún. Cuirfear Parlaimint na hEorpa ar an eolas go hiomlán i leith na ngníomhaíochtaí sin a luaithe is féidir.

Roinn 4

Creat Ginearálta agus Eagrú na Gníomhaireachta

Airteagal 55

Stádas dlíthiúil agus suíomh

1.Comhlacht de chuid an Aontais a bheidh sa Ghníomhaireacht. Beidh pearsantacht dhlítheanach aici.

2.I ngach ceann de na Ballstáit, beidh ag an nGníomhaireacht an inniúlacht dhlíthiúil is fairsinge dá dtugtar do dhaoine dlítheanacha faoina ndlíthe. Féadfaidh sí, go háirithe, maoin shochorraithe agus maoin dhochorraithe a fháil nó a dhiúscairt agus féadfaidh sí bheith páirteach in imeachtaí dlíthiúla.

3.Beidh an Ghníomhaireacht neamhspleách i ndáil le hábhair oibríochtúla agus theicniúla.

4.Déanfaidh an Stiúrthóir Feidhmiúcháin ionadaíocht thar ceann na Gníomhaireachta.

5.Is i Vársá, sa Pholainn, a bheidh suíomh na Gníomhaireachta faoi réir chur chun feidhme Airteagal 56.

Airteagal 56

Comhaontú maidir le Ceanncheathrú

1.Na socruithe riachtanacha maidir leis an gcóiríocht a chuirfear ar fáil don Ghníomhaireacht sa Bhallstát ina bhfuil suíomh na Gníomhaireachta agus maidir leis na háiseanna a chuirfidh an Ballstát sin ar fáil, mar aon leis na rialacha sonracha is infheidhme maidir leis an Stiúrthóir Feidhmiúcháin, leis an LeasStiúrthóir Feidhmiúcháin, le comhaltaí an Bhoird Bainistíochta, le foireann na Gníomhaireachta agus le baill dá dteaghlach sa Bhallstát sin, leagfar síos iad i gComhaontú maidir le Ceanncheathrú idir an Ghníomhaireacht agus an Ballstát sin ina bhfuil suíomh na Gníomhaireachta.

2.Déanfar an Comhaontú maidir le Ceanncheathrú a thabhairt i gcrích tar éis formheas an Bhoird Bainistíochta a fháil tráth nach déanaí ná trí mhí ón tráth a thiocfaidh an Rialachán seo i bhfeidhm.

3.Déanfaidh an Ballstát ina bhfuil suíomh na Gníomhaireachta na dálaí is fearr is féidir a chur ar fáil d’fhonn feidhmiú rianúil na Gníomhaireachta a áirithiú, lena náirítear córas oideachais ilteangach a bhfuil gné Eorpach ag baint leis, agus naisc iomchuí iompair.

Airteagal 57

An fhoireann

1. Beidh feidhm maidir le foireann na Gníomhaireachta ag Rialacháin Foirne Oifigigh an Aontais Eorpaigh agus ag Coinníollacha Fostaíochta Sheirbhísigh eile an Aontais agus ag na rialacha arna nglacadh trí chomhaontú idir institiúidí an Aontais Eorpaigh chun éifeacht a thabhairt do na Rialacháin Foirne sin agus do Choinníollacha Fostaíochta Sheirbhísigh eile an Aontais.

2. Chun Airteagal 21 agus Airteagal 32(6) a chur chun feidhme, ní fhéadfar a ainmniú mar oifigeach comhordúcháin nó mar oifigeach idirchaidrimh ach ball foirne de chuid na Gníomhaireachta atá faoi réir Rialacháin Foirne Oifigigh an Aontais Eorpaigh nó faoi réir Theideal II de Choinníollacha Fostaíochta Sheirbhísígh eile an Aontais Eorpaigh. Chun Airteagal 19(8) a chur chun feidhme, ní fhéadfar ach saineolaithe náisiúnta nó gardaí teorann atá fostaithe sa Ghníomhaireacht agus ar iasacht ón mBallstát a ainmniú le ceangal le Foirne Eorpacha de chuid an Gharda Teorann agus Cósta. Ainmneoidh an Ghníomhaireacht na saineolaithe náisiúnta sin a bheidh ar ceangal le Foirne Eorpacha de chuid an Gharda Teorann agus Cósta i gcomhréir leis an Airteagal sin.

3. I gcomhaontú leis an gCoimisiún, glacfaidh an Bord Bainistíochta na bearta cur chun feidhme is gá de bhun Airteagal 110 de Rialacháin Foirne Oifigigh an Aontais Eorpaigh.

4. Féadfaidh an Bord Bainistíochta forálacha a ghlacadh ionas go bhféadfar saineolaithe náisiúnta agus gardaí teorann ó na Ballstáit a thabhairt ar iasacht don Ghníomhaireacht. Leis na forálacha sin tabharfar aird ar cheanglais Airteagal 19(8), go háirithe ar an gcaoi a meastar gur baill de na foirne sin na saineolaithe náisiúnta ar iasacht nó na gardaí teorann, agus beidh na cúraimí orthu agus na cumhachtaí acu dá bhforáiltear in Airteagal 39. Áireofar leo sin forálacha maidir le coinníollacha an imscartha.

Airteagal 58

Pribhléidí agus díolúintí

Beidh feidhm ag an bPrótacal ar Phribhléidí agus Díolúintí an Aontais Eorpaigh maidir leis an nGníomhaireacht agus maidir lena foireann.

Airteagal 59

Dliteanas

1.Beidh dliteanas conarthach na Gníomhaireachta faoi rialú ag an dlí is infheidhme maidir leis an gconradh atá i gceist.

2.Beidh dlínse ag Cúirt Bhreithiúnais an Aontais Eorpaigh breithiúnas a thabhairt de bhun aon chlásail eadrána atá i gconradh arna thabhairt i gcrích ag an nGníomhaireacht.

3.I gcás dliteanas neamhchonarthach, déanfaidh an Ghníomhaireacht, i gcomhréir leis na prionsabail ghinearálta is coiteann do dhlíthe na mBallstát, aon damáiste a shlánú arbh iad a ranna nó a baill foirne ba chúis leis agus a gcuid dualgas á gcomhlíonadh acu.

4.Beidh dlínse ag an gCúirt Bhreithiúnais i ndíospóidí a bhaineann le cúiteamh i leith an damáiste dá dtagraítear i mír 3.

5.Beidh dliteanas pearsanta a seirbhíseach i leith na Gníomhaireachta faoi rialú ag na forálacha arna leagan síos i Rialacháin Foirne Oifigigh an Aontais Eorpaigh agus i gCoinníollacha Fostaíochta Sheirbhísigh eile an Aontais is infheidhme maidir leo.

Airteagal 60

Struchtúr riaracháin agus bainistíochta na Gníomhaireachta

Mar seo a leanas a bheidh struchtúr riaracháin agus bainistíochta na Gníomhaireachta:

(a) Bord Bainistíochta;

(b) Stiúrthóir Feidhmiúcháin;

(c) Bord Maoirseachta;

(d) Fóram Comhchomhairleach; agus

(e) Oifigeach um Chearta Bunúsacha.

Airteagal 61

Feidhmeanna an Bhoird Bainistíochta

1.Déanfaidh an Bord Bainistíochta an méid seo a leanas:

(a) an Stiúrthóir Feidhmiúcháin a cheapadh ar thogra ón gCoimisiún i gcomhréir le hAirteagal 68;

(b) comhaltaí an Bhoird Maoirseachta a cheapadh i gcomhréir le hAirteagal 69(2);

(c) cinntí a ghlacadh lena leagfar amach bearta ceartaitheacha i gcomhréir le hAirteagal 12(6);

(d) tuarascáil ghníomhaíochta bhliantúil chomhdhlúite na Gníomhaireachta don bhliain roimhe sin a ghlacadh agus í a sheoladh, faoin 1 Iúil ar a dhéanaí, chuig Parlaimint na hEorpa, chuig an gComhairle, chuig an gCoimisiún agus chuig an gCúirt Iniúchóirí; cuirfear an tuarascáil ghníomhaíochta bhliantúil chomhdhlúite ar fáil don phobal;

(e) doiciméad aonair clársceidealaithe ina bhfuil pleanáil ilbhliantúil na Gníomhaireachta agus a clár oibre don bhliain dár gcionn a ghlacadh gach bliain roimh an 30 Samhain, trí thromlach dhá thrian de na comhaltaí a bhfuil ceart vótála acu, tar éis don Bhord Bainistíochta aird a thabhairt ar thuairim an Choimisiúin, agus an doiciméad sin a sheoladh chuig Parlaimint na hEorpa, chuig an gComhairle agus chuig an gCoimisiún;

(f) nósanna imeachta a bhunú maidir leis an Stiúrthóir Feidhmiúcháin a bheith ag glacadh cinntí a bhaineann le cúraimí oibríochtúla na Gníomhaireachta;

(g) buiséad bliantúil na Gníomhaireachta a ghlacadh, trí thromlach dhá thrian de na comhaltaí a bhfuil ceart vótála acu, agus feidhmeanna eile i leith bhuiséad na Gníomhaireachta a chomhlíonadh de bhun Roinn 5 den Chaibidil seo;

(h) údarás araíonachta a fheidhmiú ar an Stiúrthóir Feidhmiúcháin agus ar an LeasStiúrthóir, le comhaontú an Stiúrthóra Feidhmiúcháin;

(i) a Rialacha Nós Imeachta a bhunú;

50 (j) struchtúr eagrúcháin na Gníomhaireachta a bhunú agus beartas foirne na Gníomhaireachta a ghlacadh, go háirithe an plean ilbhliantúil beartais foirne. I gcomhréir le forálacha ábhartha Rialachán (CE, Euratom) Uimh. 2343/2002 ón gCoimisiún, cuirfear an plean ilbhliantúil beartais foirne faoi bhráid an Choimisiúin agus an údaráis bhuiséadaigh tar éis tuairim fhabhrach a fháil ón gCoimisiún;

(k) straitéis frithchalaoise a ghlacadh ar straitéis í a bheidh comhréireach i dtaca leis na rioscaí calaoise agus aird á tabhairt ar chostais agus tairbhí na mbeart atá le cur chun feidhme;

(l) rialacha inmheánacha a ghlacadh lena ndéanfar coinbhleachtaí leasa i leith a chuid comhaltaí a chosc agus a bhainistiú;

(m) i gcomhréir le mír 7 agus i dtaca le baill foirne na Gníomhaireachta, na cumhachtaí a fheidhmiú arna ndeonú ag Rialacháin Foirne Oifigigh an Aontais Eorpaigh don Údarás Ceapacháin agus ag Coinníollacha Fostaíochta Sheirbhísigh eile an Aontais don Údarás atá Cumhachtaithe chun Conradh Fostaíochta a Thabhairt chun Críche (‘Cumhachtaí an Údaráis Ceapacháin’);

(n) rialacha iomchuí cur chun feidhme a ghlacadh chun éifeacht a thabhairt do Rialacháin Foirne Oifigigh an Aontais Eorpaigh agus do Choinníollacha Fostaíochta Sheirbhísigh eile an Aontais i gcomhréir le hAirteagal 110 de na Rialacháin Foirne;

(o) obair leantach leordhóthanach a áirithiú i dtaca leis na torthaí agus na moltaí a eascróidh as na tuarascálacha iniúchóireachta inmheánacha nó seachtracha agus as na meastóireachtaí inmheánacha nó seachtracha, agus as imscrúduithe de chuid na hOifige Eorpaí Frithchalaoise (OLAF);

(p)na pleananna cumarsáide agus scaipthe dá dtagraítear in Airteagal 7(3) a ghlacadh agus a thabhairt cothrom le dáta ar bhonn rialta, bunaithe ar anailís ar na riachtanais;

(q)Oifigeach Cuntasaíochta a cheapadh faoi réir Rialacháin Foirne Oifigigh an Aontais Eorpaigh agus faoi réir Choinníollacha Fostaíochta Sheirbhísígh eile an Aontais, a bheidh neamhspleách ar fad agus é nó í i mbun a chuid nó a cuid dualgas a chomhlíonadh.

2. I gcás tograí maidir le cinntí faoi ghníomhaíochtaí sonracha de chuid na Gníomhaireachta a dhéanfar ag teorainn sheachtrach Ballstáit, nó i ngarchomharsanacht na teorann sin, is gá vóta i bhfábhar a nglactha a theacht ón gcomhalta sin de chuid an Bhoird Bainistíochta a bheidh ag déanamh ionadaíochta thar ceann an Bhallstáit i dtreis.

3. Féadfaidh an Bord Bainistíochta comhairle a chur ar an Stiúrthóir Feidhmiúcháin maidir le haon ábhar a bhaineann go dlúth le bainistiú oibríochtúil na dteorainneacha seachtracha agus an fhillte a fhorbairt, lena náirítear gníomhaíochtaí a bhaineann le taighde.

4. I gcás ina niarrfaidh Éire agus/nó an Ríocht Aontaithe páirt a ghlacadh i ngníomhaíochtaí sonracha, déanfaidh an Bord Bainistíochta cinneadh ina thaobh sin.

Déanfaidh an Bord Bainistíochta cinneadh ar chásanna ina gceann agus ina gceann, agus trí thromlach glan de na comhaltaí sin dá chuid a bhfuil ceart vótála acu. Measfaidh an Bord Bainistíochta, sa chinneadh a dheanfaidh sé, an gcuidíonn rannpháirtíocht na hÉireann agus na Ríochta Aontaithe leis an ngníomhaíocht i gceist a chur i gcrích. Leagfar amach sa chinneadh sin an ranníocaíocht airgeadais a dhéanfaidh Éire agus/nó an Ríocht Aontaithe ar an ngníomhaíocht a bhfuil iarraidh ar rannpháirtíocht déanta ina leith.

5. Déanfaidh an Bord Bainistíochta aon fhaisnéis ábhartha faoi thoradh na nósanna imeachta meastóireachta, arna seoladh ag an nGníomhaireacht, a chur ar aghaidh ar bhonn bliantúil chuig an údarás buiséadach.

6. Féadfaidh an Bord Bainistíochta Bord beag Feidhmiúcháin a bhunú ar a bhfuil Cathaoirleach an Bhoird Bainistíochta, ionadaí amháin ón gCoimisiún agus triúr comhaltaí ón mBord Bainistíochta, chun cuidiú leis agus lena Stiúrthóir Feidhmiúcháin maidir leis na cinntí, na cláir agus na gníomhaíochtaí sin a ghlacfaidh an Bord Bainistíochta a ullmhú agus, nuair is gá sin de dheasca práinne, chun cinntí sealadacha áirithe a ghlacadh thar ceann an Bhoird Bainistíochta.

7.Glacfaidh an Bord Bainistíochta, i gcomhréir le hAirteagal 110 de na Rialacháin Foirne, cinneadh bunaithe ar Airteagal 2(1) de Rialacháin Foirne Oifigigh an Aontais Eorpaigh agus ar Airteagal 6 de Choinníollacha Fostaíochta Sheirbhísígh eile an Aontais, lena ndéantar cumhachtaí ábhartha an Údaráis Ceapacháin a tharmligean chuig an Stiúrthóir Feidhmiúcháin agus lena sainítear na coinníollacha faoinar féidir an tarmligean cumhachtaí sin a chur ar fionraí. Údarófar don Stiúrthóir Feidhmiúcháin na cumhachtaí sin a fho-tharmligean.

Más rud é gur gá sin de dheasca imthosca eisceachtúla, féadfaidh an Bord Bainistíochta, trí mheán cinnidh, tarmligean chumhachtaí an údaráis ceapacháin chuig an Stiúrthóir Feidhmiúcháin, chomh maith leo siúd arna bhfo-tharmligean aige, a chur ar fionraí go sealadach agus iad a fheidhmiú é féin, nó iad a tharmligean chuig duine dá chomhaltaí nó chuig ball foirne eile seachas an Stiúrthóir Feidhmiúcháin.

Airteagal 62

Comhdhéanamh an Bhoird Bainistíochta

1.Gan dochar do mhír 3, is iad a bheidh ar an mBord Bainistíochta ionadaí amháin ó gach Ballstát agus beirt ionadaithe ón gCoimisiún, agus cearta vótála acu go léir. Chuige sin, ceapfaidh gach Ballstát comhalta den Bhord Bainistíochta chomh maith le comhalta malartach a dhéanfaidh ionadaíocht dó nó di nuair a bheidh sé nó sí as láthair. Ceapfaidh an Coimisiún beirt chomhaltaí agus a gcomhaltaí malartacha sin. Mairfidh na téarmaí oifige ar feadh ceithre bliana. Féadfar na téarmaí oifige sin a shíneadh.

2.Ceapfar comhaltaí an Bhoird Bainistíochta ar bhonn a dtaithí ábhartha ardleibhéil agus a saineolais ábhartha ardleibhéil i réimse an chomhair oibríochtúil i dtaca le bainistiú teorainneacha agus an fhillte, agus scileanna ábhartha bainistíochta, riaracháin agus buiséadacha á gcur san áireamh. Déanfaidh na páirtithe sin a mbeidh ionadaíocht acu ar an mBord Bainistíochta iarracht ráta athraithe a nionadaithe a theorannú, d’fhonn leanúnachas obair an bhoird a áirithiú. Féachfaidh siad le hionadaíocht chothrom idir fir agus mná ar an mBord Bainistíochta a aimsiú.

3.Beidh na tíortha sin a bhfuil baint acu le cur chun feidhme, le cur i bhfeidhm agus le forbairt acquis Schengen páirteach sa Ghníomhaireacht. Beidh ionadaí amháin agus comhalta malartach amháin ag ceachtar acu ar an mBord Bainistíochta. Faoi fhorálacha ábhartha a gcomhaontuithe comhlachais, tá socruithe déanta lena sonraítear cineál agus méid rannpháirtíocht na dtíortha sin in obair na Gníomhaireachta i dteannta na rialacha mionsonraithe lena mbaineann, lena náirítear forálacha maidir le ranníocaíochtaí agus le foireann.

Airteagal 63

Clársceidealú ilbhliantúil agus cláir oibre bhliantúla

1.Glacfaidh an Bord Bainistíochta, faoin 30 Samhain gach bliain, doiciméad clársceidealaithe ina mbeidh clársceidealú ilbhliantúil agus cláir oibre bhliantúla na Gníomhaireachta don bhliain dár gcionn, ar bhonn dréachta arna chur ar aghaidh ag an Stiúrthóir Feidhmiúcháin, ag cur san áireamh dó tuairim an Choimisiúin, agus, a mhéid a bhaineann leis an gclársceidealú ilbhliantúil, déanfaidh sé é sin tar éis dó dul i gcomhairle le Parlaimint na hEorpa. Cuirfidh an Bord Bainistíochta an doiciméad sin ar aghaidh chuig Parlaimint na hEorpa, chuig an gComhairle agus chuig an gCoimisiún.

2.Beidh an doiciméad dá dtagraítear i mír 1 cinntitheach, ach a mbeidh glactha go críochnaitheach leis an mbuiséad ginearálta agus, más gá, déanfar coigeartú ar an doiciméad dá réir.

3.Leagfar amach sa chlársceidealú ilbhliantúil an clársceidealú straitéiseach foriomlán sa mheántéarma agus san fhadtéarma lena náireofar na cuspóirí, na torthaí a mbeifear ag súil leo agus na táscairí feidhmíochta, maille le pleanáil acmhainní lena náireofar mar a bhainfidh an phleanáil sin leis an mbuiséad ilbhliantúil agus leis an bhfoireann. Leagfar amach sa chlársceidealú ilbhliantúil na limistéir straitéiseacha idirghabhála agus míneofar ann gach a mbeidh de dhíth d’fhonn na cuspóirí sin a bhaint amach. Áireofar leis sin straitéis le haghaidh caidreamh le tríú tíortha agus le heagraíochtaí idirnáisiúnta, mar aon le gníomhaíochtaí a bhaineann leis an straitéis sin.

4.Cuirfear an clársceidealú ilbhliantúil i bhfeidhm trí bhíthin cláir oibre bhliantúla agus, más iomchuí, déanfar é a thabhairt cothrom le dáta de dhroim thoradh na meastóireachta dá dtagraítear in Airteagal 80. Léireofar conclúid na meastóireachta sin, más iomchuí, sa chlár oibre bliantúil don bhliain dár gcionn.

5.Beidh sa chlár oibre bliantúil cur síos ar na gníomhaíochtaí atá le maoiniú lena gcuimseofar cuspóirí mionsonraithe agus na torthaí a mbeifear ag súil leo, táscairí feidhmíochta san áireamh. Beidh ann chomh maith léiriú ar na hacmhainní airgeadais agus daonna arna leithdháileadh ar gach gníomhaíocht, i gcomhréir le prionsabail an bhuiséadaithe agus an bhainistithe de réir gníomhaíochtaí. Beidh an clár oibre bliantúil comhsheasmhach leis an gclársceidealú ilbhliantúil. Sonrófar ann go soiléir na cúraimí a cuireadh leis, a athraíodh nó a scriosadh le hais a raibh de chúraimí ann an bhliain airgeadais roimhe sin.

6.Glacfar an clár oibre bliantúil i gcomhréir le clár reachtach an Aontais i réimsí ábhartha a bhaineann le bainistiú na dteorainneacha seachtracha agus an fhillte;

7.I gcás ina sanntar cúram nua don Ghníomhaireacht, tar éis clár oibre bliantúil a ghlacadh, leasóidh an Bord Bainistíochta an clár oibre bliantúil.

8.Glacfar le haon leasú substaintiúil ar an gclár oibre bliantúil tríd an nós imeachta céanna is infheidhme maidir le glacadh an chláir oibre bhliantúil tosaigh. Féadfaidh an Bord Bainistíochta an chumhacht chun leasuithe neamhshubstaintiúla a dhéanamh ar an gclár oibre bliantúil a tharmligean chuig an Stiúrthóir Feidhmiúcháin.

Airteagal 64

Cathaoirleacht an Bhoird Bainistíochta

1.Toghfaidh an Bord Bainistíochta Cathaoirleach agus LeasChathaoirleach as measc na gcomhaltaí sin dá chuid a bhfuil cearta vótála acu. Toghfar an Cathaoirleach agus an LeasChathaoirleach trí thromlach dhá thrian de chomhaltaí an Bhoird Bainistíochta a bhfuil cearta vótála acu. Gabhfaidh an LeasChathaoirleach ionad an Chathaoirligh ar bhonn ex-officio i gcás nach mbeidh an Cathaoirleach in ann freastal ar a chuid dualgas nó ar a cuid dualgas.

2.Tiocfaidh deireadh le téarma oifige an Chathaoirligh agus an LeasChathaoirligh nuair a bheidh ballraíocht na beirte sin ar an mBord Bainistíochta faoi seach istigh. Faoi réir na forála seo, mairfidh téarmaí oifige an Chathaoirligh agus an LeasChathaoirligh ar feadh ceithre bliana. Féadfar na téarmaí oifige sin a shíneadh aon uair amháin.

Airteagal 65

Cruinnithe

1.Is é an Cathaoirleach a chomórfaidh cruinnithe an Bhoird Bainistíochta.

2.Glacfaidh Stiúrthóir Feidhmiúcháin na Gníomhaireachta páirt sa phlé ach ní bheidh ceart vótála aige nó aici.

3.Tionólfar ar a laghad dhá ghnáthchruinniú de chuid an Bhoird Bainistíochta in aghaidh na bliana. Ina theannta sin, tiocfaidh an Bord le chéile ar thionscnamh an Chathaoirligh, arna iarraidh sin don Choimisiún, nó do thrian de chomhaltaí an Bhoird ar a laghad.

4.Cuirfear cuireadh ar Éirinn agus ar an Ríocht Aontaithe freastal ar chruinnithe an Bhoird Bainistíochta.

5.Féadfaidh an Bord Bainistíochta cuireadh a chur ar ionadaí de chuid na Seirbhíse Eorpaí Gníomhaíochta Seachtraí.

6.Féadfaidh an Bord Bainistíochta iarraidh ar aon duine ar díol spéise a thuairim freastal ar a chuid cruinnithe i gcáil breathnóra.

7.Féadfaidh comhaltaí an Bhoird Bainistíochta, faoi réir fhorálacha a Rialacha Nós Imeachta, cúnamh a fháil ó chomhairleoirí nó ó shaineolaithe.

8.Cuirfidh an Ghníomhaireacht rúnaíocht ar fáil don Bhord Bainistíochta.

Airteagal 66

Vótáil

1.Gan dochar d’Airteagal 61(1)(e) agus (g), d’Airteagal 64(1) agus d’Airteagal 68(2) agus (4), déanfaidh an Bord Bainistíochta a chinntí a ghlacadh trí thromlach glan de na comhaltaí sin dá chuid a bhfuil ceart vótála acu.

2.Beidh aon vóta amháin ag gach comhalta. Ní chaithfidh an Stiúrthóir Feidhmiúcháin vóta. Mura mbeidh an comhalta i láthair, beidh an comhalta malartach i dteideal a cheart nó a ceart siúd chun vótála a fheidhmiú.

3.Bunófar de bhíthin na rialacha nós imeachta socruithe vótála a bheidh níos mionsonraithe, agus bunófar go háirithe na cúinsí ina bhféadfaidh comhalta gníomhú thar ceann comhalta eile, maille le haon cheanglais chóraim, más iomchuí.

4.Na tíortha sin a bhfuil baint acu le cur chun feidhme, le cur i bhfeidhm agus le forbairt acquis Schengen, beidh acu cearta teoranta vótála i gcomhréir leis na socruithe ábhartha. Ionas go mbeidh deis ag na tíortha comhlachaithe a vóta a fheidhmiú, déanfaidh an Ghníomhaireacht an clár oibre a shonrú ar shlí a shainaithneoidh na míreanna sin dár deonaíodh ceart teoranta vótála.

Airteagal 67

Feidhmeanna agus cumhachtaí an Stiúrthóra Feidhmiúcháin

1.Is é an Stiúrthóir Feidhmiúcháin, a mbeidh neamhspleáchas iomlán aige nó aici maidir lena chúraimí nó lena cúraimí a chomhlíonadh, a dhéanfaidh bainistiú ar an nGníomhaireacht. Gan dochar d'inniúlachtaí an Choimisiúin agus an Bhoird Bainistíochta faoi seach, ní iarrfaidh an Stiúrthóir Feidhmiúcháin treoracha ó aon rialtas ná ó aon chomhlacht eile ná ní ghlacfaidh leo.

2.Féadfaidh Parlaimint na hEorpa nó an Chomhairle iarraidh ar an Stiúrthóir Feidhmiúcháin tuairisc a thabhairt ar an tslí a bhfuil a chuid cúraimí nó a cuid cúraimí á gcur i gcrích, go háirithe maidir le cur chun feidhme na Straitéise um Chearta Bunúsacha agus faireachán a dhéanamh uirthi sin, le tuarascáil ghníomhaíochta bhliantúil chomhdhlúite na Gníomhaireachta don bhliain roimhe sin, leis an gclár oibre don bhliain ina dhiaidh sin agus le clársceidealú ilbhliantúil na Gníomhaireachta.

3.Beidh na feidhmeanna agus na cumhachtaí seo a leanas ag an Stiúrthóir Feidhmiúcháin:

(a) na cinntí, na cláir agus na gníomhaíochtaí arna nglacadh ag Bord Bainistíochta na Gníomhaireachta a ullmhú agus a chur chun feidhme, laistigh de na teorainneacha a shonraítear leis an Rialachán seo, lena rialacha cur chun feidhme agus le haon dlí is infheidhme;

(b) an uile bheart is gá a dhéanamh, lena náirítear treoracha inmheánacha riaracháin a ghlacadh agus fógraí a fhoilsiú, chun a áirithiú go ndéanfar an Ghníomhaireacht a riar agus a fheidhmiú ó lá go lá i gcomhréir le forálacha an Rialacháin seo;

(c) an doiciméad clársceidealaithe a ullmhú gach bliain agus é a chur faoi bhráid an Bhoird Bainistíochta tar éis dul i gcomhairle leis an gCoimisiún;

(d) an tuarascáil ghníomhaíochta bhliantúil chomhdhlúite maidir le gníomhaíochtaí na Gníomhaireachta a ullmhú gach bliain agus í a chur faoi bhráid an Bhoird Bainistíochta;

(e) dréachtráiteas faoi mheastacháin ioncaim agus caiteachais na Gníomhaireachta a tharraingt suas de bhun Airteagal 75, agus an buiséad a chur chun feidhme de bhun Airteagal 76;

(f) a chumhachtaí nó a cumhachtaí a tharmligean chuig baill eile d’fhoireann na Gníomhaireachta faoi réir rialacha a ghlacfar i gcomhréir leis an nós imeachta dá dtagraítear in Airteagal 61(1)(i);

(g) cinneadh a ghlacadh maidir le bearta ceartaitheacha i gcomhréir le hAirteagal 12(5), lena náirítear a mholadh do na Ballstáit oibríochtaí comhpháirteacha, mear-idirghabhálacha teorann nó aon ghníomhaíocht eile dá dtagraítear in Airteagal 13(2) a thionscnamh agus a chur i gcrích;

(h) tograí le haghaidh oibríochtaí comhpháirteacha nó mear-idirghabhálacha teorann arna ndéanamh ag na Ballstáit a mheas, a fhormheas agus a chomhordú i gcomhréir le hAirteagal 14(3);

(i) cur chun feidhme na bpleananna oibríochta dá dtagraítear in Airteagal 15, Airteagal 16 agus Airteagal 32(4) a áirithiú;

(j) measúnú a dhéanamh ar an iarraidh ar chúnamh ó Bhallstát le haghaidh foirne tacaíochta don bhainistiú imirce agus measúnú a dhéanamh ar a chuid riachtanas, i gcomhar le Gníomhaireachtaí ábhartha de chuid an Aontais i gcomhréir le hAirteagal 17(2);

(k) cur chun feidhme chinneadh an Choimisiúin dá dtagraítear in Airteagal 18 a áirithiú;

(l) maoiniú ar oibríocht chomhpháirteach nó ar mhear-idirghabháil teorann a tharraingt siar nó oibríochtaí den sórt sin a chur ar fionraí nó a fhoirceannadh i gcomhréir le hAirteagal 24;

(m) meastóireacht a dhéanamh ar thorthaí oibríochtaí comhpháirteacha agus mear-idirghabhálacha teorann i gcomhréir le hAirteagal 25;

(n) an líon íosta trealaimh theicniúil a shainaithinit de réir na riachtanas atá aici, go háirithe ionas go mbeidh sí in ann oibríochtaí comhpháirteacha agus mear-idirghabhálacha teorann a chur i gcrích i gcomhréir le hAirteagal 38(2);

(o) plean gníomhaíochta a ullmhú a leanfaidh ó chonclúidí na dtuarascálacha iniúchóireachta inmheánacha nó seachtracha agus ó chonclúidí na meastóireachtaí inmheánacha nó seachtracha, agus ó imscrúduithe de chuid na hOifige Eorpaí Frithchalaoise (OLAF), mar aon le tuairisc a chur chuig an gCoimisiún dhá uair sa bhliain, agus chuig an mBord Bainistíochta ar bhonn rialta, maidir leis an dul chun cinn a bheidh á dhéanamh;

(p) leasanna airgeadais an Aontais a chosaint trí bhearta coisctheacha in aghaidh calaoise, éilliú agus aon ghníomhaíochtaí neamhdhleathacha eile a chur i bhfeidhm, trí sheiceálacha éifeachtacha agus, i gcás ina naimsítear neamhrialtachtaí, trí mhéideanna á íocadh go mícheart a aisghabháil agus, más iomchuí, trí phionóis riaracháin agus airgeadais a bheidh éifeachtach, comhréireach agus athchomhairleach a chur i bhfeidhm;

(q) straitéis frithchalaoise le haghaidh na Gníomhaireachta a ullmhú agus í a chur faoi bhráid an Bhoird Bainistíochta lena formheas.

4. Beidh an Stiúrthóir Feidhmiúcháin cuntasach don Bhord Bainistíochta faoina chuid gníomhaíochtaí.

5. Is é an Stiúrthóir Feidhmiúcháin ionadaí dlíthiúil na Gníomhaireachta.

Airteagal 68

An Stiúrthóir Feidhmiúcháin agus an LeasStiúrthóir Feidhmiúcháin a cheapadh

1.Déanfaidh an Coimisiún iarrthóirí a mholadh le haghaidh an phoist mar Stiúrthóir Feidhmiúcháin agus le haghaidh an phoist mar LeasStiúrthóir Feidhmiúcháin, bunaithe ar liosta iarrthóirí a chuirfear le chéile i ndiaidh dó fógraí i gcomhair na bpost sin a fhoilsiú in Iris Oifigiúil an Aontais Eorpaigh agus sna nuachtáin nó ar shuímh idirlín, más iomchuí.

2.Déanfaidh an Bord Bainistíochta an Stiúrthóir Feidhmiúcháin a cheapadh de bhua tuillteanais, de bhua inniúlachtaí deimhnithe ardleibhéil i réimsí an riaracháin agus na bainistíochta, agus de bhua taithí ghairmiúil shinsearach ar bhainistiú na dteorainneacha seachtracha agus an fhillte. Is trí thromlach dhá thrian de na comhaltaí uile a bhfuil ceart vótála acu a ghlacfaidh an Bord Bainistíochta an cinneadh.

De réir an nós imeachta chéanna, beidh sé de chumhacht ag an mBord Bainistíochta, ag gníomhú dó ar thogra ón gCoimisiún, an Stiúrthóir Feidhmiúcháin a bhriseadh as a phost.

3.Beidh LeasStiúrthóir Feidhmiúcháin de chúnamh ag an Stiúrthóir Feidhmiúcháin. Má bhíonn an Stiúrthóir Feidhmiúcháin as láthair nó mura mbíonn sé nó sí ar fáil, glacfaidh LeasStiúrthóir Feidhmiúcháin a ionad nó a hionad.

4.Déanfaidh an Bord Bainistíochta an LeasStiúrthóir Feidhmiúcháin a cheapadh de bhua tuillteanais, de bhua inniúlachtaí deimhnithe iomchuí i réimsí an riaracháin agus na bainistíochta, agus de bhua taithí ghairmiúil ábhartha ar bhainistiú na dteorainneacha seachtracha agus an fhillte tar éis dó nó di dul i gcomhairle leis an Stiúrthóir Feidhmiúcháin. Is trí thromlach dhá thrian de na comhaltaí uile a bhfuil ceart vótála acu a ghlacfaidh an Bord Bainistíochta an cinneadh.

De réir an nós imeachta chéanna, beidh sé de chumhacht ag an mBord Bainistíochta an LeasStiúrthóir Feidhmiúcháin a bhriseadh as a phost.

5. Mairfidh téarma oifige an Stiúrthóra Feidhmiúcháin ar feadh cúig bliana. Roimh dheireadh na tréimhse sin, tabharfaidh an Coimisiún faoi mheasúnú a dhéanamh a chuirfidh san áireamh meastóireacht ar fheidhmíocht an Stiúrthóra Feidhmiúcháin agus ar chúraimí agus dúshláin na Gníomhaireachta amach anseo.

6.Féadfaidh an Bord Bainistíochta, ag gníomhú dó ar thogra ón gCoimisiún lena gcuirtear san áireamh an measúnú a dtagraítear dó i mír 5, féadfaidh sé síneadh a chur le téarma oifige an Stiúrthóra Feidhmiúcháin uair amháin, ar feadh cúig bliana ar a mhéad.

7.Mairfidh téarma oifige an LeasStiúrthóra Feidhmiúcháin ar feadh cúig bliana. Féadfaidh an Bord Bainistíochta síneadh a chur leis an téarma oifige sin uair amháin, ar feadh cúig bliana ar a mhéad.

Airteagal 69

Bord Maoirseachta

1.Cuirfidh an Bord Maoirseachta comhairle ar an Stiúrthóir Feidhmiúcháin faoi:

(a) na moltaí a bheidh le déanamh ag an Stiúrthóir Feidhmiúcháin don Bhallstát lena mbainfidh maidir le hoibríochtaí comhpháirteacha agus mear-idirghabhálacha teorann a thionscnamh agus a chur i gcrích i gcomhréir le hAirteagal 14(4);

(b) na cinntí a bheidh le déanamh ag an Stiúrthóir Feidhmiúcháin i leith na mBallstát, cinntí a bheidh bunaithe ar thoradh an mheasúnaithe leochaileachta arna sheoladh ag an nGníomhaireacht i gcomhréir le hAirteagal 12;

(c) na bearta is gá a dhéanamh ionas go gcuirfí i gcrích cinneadh an Choimisiúin maidir le staid a éilíonn gníomhaíocht phráinneach ag na teorainneacha seachtracha, lena náirítear an trealamh teicniúil agus an fhoireann is gá d’fhonn cuspóirí an chinnidh sin a chomhlíonadh i gcomhréir le hAirteagal 18(3).

2.Is iad a bheidh ar an mBord Maoirseachta an LeasStiúrthóir Feidhmiúcháin, ceathrar oifigeach shinsearacha eile de chuid na Gníomhaireachta a thoghfaidh an Bord Bainistíochta agus duine amháin d'ionadaithe an Choimisiúin atá ar an mBord Bainistíochta. Beidh an LeasStiúrthóir Feidhmiúcháin ina Chathaoirleach ar an mBord Maoirseachta.

3.Déanfaidh an Bord Maoirseachta tuairisc a chur chuig an mBord Bainistíochta.

Airteagal 70

Fóram Comhchomhairleach

1.Déanfaidh an Ghníomhaireacht Fóram Comhchomhairleach a bhunú chun cabhrú leis an Stiúrthóir Feidhmiúcháin agus leis an mBord Bainistíochta i gcúrsaí a bhaineann le cearta bunúsacha.

2.Tabharfaidh an Ghníomhaireacht cuireadh don Oifig Eorpach Tacaíochta do Chúrsaí Tearmainn, don Ghníomhaireacht um Chearta Bunúsacha, d'Ard-Choimisinéir na Náisiún Aontaithe le haghaidh Dídeanaithe agus d'eagraíochtaí ábhartha eile a bheith rannpháirteach san Fhóram Comhchomhairleach. Ar thogra ón Stiúrthóir Feidhmiúcháin, déanfaidh an Bord Bainistíochta cinneadh maidir le comhdhéanamh agus modhanna oibre an Fhóraim Chomhchomhairligh agus maidir leis na rialacha mionsonraithe a bhaineann le faisnéis a tharchur chuig an bhFóram sin.

3.Rachfar i gcomhairle leis an bhFóram Comhchomhairleach maidir le tuilleadh forbartha a dhéanamh ar an Straitéis um Chearta Bunúsacha, ar na Cóid Iompraíochta agus ar lárchuraclaim choiteanna, agus maidir le cur chun feidhme na nithe sin.

4.Déanfaidh an Fóram Comhchomhairleach tuarascáil bhliantúil a ullmhú maidir lena chuid gníomhaíochtaí. Cuirfear an tuarascáil sin ar fáil go poiblí.

5.Beidh rochtain ag an bhFóram Comhchomhairleach ar an bhfaisnéis go léir a bhaineann le cearta bunúsacha a urramú, lena náirítear trí chuairteanna ar an láthair a thabhairt ar láithreacha oibríochtaí comhpháirteacha agus mear-idirghabhálacha teorann faoi réir chomhaontú an Bhallstáit aíochta.

Airteagal 71

Oifigeach um Chearta Bunúsacha

1.Déanfaidh an Bord Bainistíochta Oifigeach um Chearta Bunúsacha a ainmniú agus beidh na cáilíochtaí agus an taithí is gá ag an Oifigeach sin i réimse na gceart bunúsach.

2.Beidh an tOifigeach um Chearta Bunúsacha neamhspleách agus a chuid dualgas nó a cuid dualgas i gcáilíocht oifigigh á gcomhlíonadh aige nó aici, agus tuairisceoidh sé nó sí go díreach don Bhord Bainistíochta agus don Fhóram Comhchomhairleach. Déanfaidh an tOifigeach um Chearta Bunúsacha an tuairisciú sin ar bhonn rialta agus, ar an tslí sin, rannchuideoidh leis an sásra um fhaireachán a dhéanamh ar chearta bunúsacha.

3.Rachfar i gcomhairle leis an Oifigeach um Chearta Bunúsacha maidir leis na pleananna oibríochta arna dtarraingt suas i gcomhréir le hAirteagal 15, le hAirteagal 16 agus le hAirteagal 32(4) agus beidh rochtain ag an Oifigeach ar an bhfaisnéis ar fad a ghabhann le cearta bunúsacha a urramú, a mhéid a bhaineann sin le gníomhaíochtaí uile na Gníomhaireachta.

Airteagal 72

Sásra um Ghearáin

1.Déanfaidh an Ghníomhaireacht, i gcomhar leis an Oifigeach um Chearta Bunúsacha, na bearta is gá chun sásra um ghearáin a bhunú i gcomhréir leis an Airteagal seo d’fhonn faireachán a dhéanamh ar an gcaoi a bhfuil cearta bunúsacha á nurramú i ngníomhaíochtaí uile na Gníomhaireachta agus d’fhonn a áirithiú go ndéantar iad a urramú mar is ceart.

2.Aon duine a ndéanann gníomhaíochtaí na foirne atá rannpháirteach in oibríocht chomhpháirteach, i dtreoirthionscadal, i mear-idirghabháil teorann, in oibríocht um fhilleadh nó in idirghabháil um fhilleadh, a ndéanann na gníomhaíochtaí sin difear dó nó di go díreach, nó gur sáraíodh, dar leis nó léi, a chearta bunúsacha nó a cearta bunúsacha de dhroim na ngníomhaíochtaí sin, nó de dhroim tríú páirtithe bheith i mbun idirghabhála thar ceann duine den sórt sin, féadfaidh sé nó sí gearán a chur i scríbhinn chuig an nGníomhaireacht.

3.Gearáin a bhfuil bonn maith leo agus baint acu le sáruithe nithiúla ar chearta bunúsacha, agus iad sin amháin, a bheidh inghlactha. Ní dhéanfar gearáin de chineál anaithnid, mailíseach, suaibhreosach, cráiteach, hipitéiseach nó míchruinn a áireamh faoin sásra um ghearáin.

4.Beidh an tOifigeach um Chearta Bunúsacha freagrach as gearáin arna bhfáil ag an nGníomhaireacht a láimhseáil i gcomhréir leis an gceart chun dea-riaracháin. Chun na críche sin, déanfaidh an tOifigeach um Chearta Bunúsacha inghlacthacht gearáin a athbhreithniú, gearáin inghlactha a chlárú, gach gearán cláraithe a chur ar aghaidh chuig an Stiúrthóir Feidhmiúcháin, gearáin a bhaineann le gardaí teorann a chur ar aghaidh chuig an mBallstát baile agus bearta leantacha de chuid na Gníomhaireachta nó an Bhallstáit sin a chlárú.

5.I gcás gearán cláraithe faoi dhuine d’fhoireann na Gníomhaireachta, áiritheoidh an Stiúrthóir Feidhmiúcháin go ndéanfar na bearta leantacha iomchuí, lena náireofar bearta araíonachta de réir mar is gá. Tabharfaidh an Stiúrthóir Feidhmiúcháin tuairisc don Oifigeach um Chearta Bunúsacha maidir le torthaí na Gníomhaireachta i dtaobh gearáin agus maidir leis na bearta leantacha a dhéanfaidh sí ina leith.

6.I gcás gearán cláraithe faoi gharda teorann de chuid Ballstát aíochta nó faoi bhall de na foirne, lena náireofar baill na bhfoirne atá tugtha ar iasacht dóibh nó saineolaithe náisiúnta ar iasacht, áiritheoidh an Ballstát baile go ndéanfar na bearta leantacha iomchuí, lena náireofar bearta araíonachta más gá nó bearta eile i gcomhréir leis an dlí náisiúnta. Tabharfaidh an Ballstát ábhartha tuairisc don Oifigeach um Chearta Bunúsacha maidir leis na torthaí i dtaobh gearáin agus maidir leis na bearta leantacha a dhéanfar ina leith.

7.Tabharfaidh an tOifigeach um Chearta Bunúsacha tuairisc don Stiúrthóir Feidhmiúcháin agus don Bhord Bainistíochta maidir le torthaí na Gníomhaireachta agus na mBallstát i dtaobh gearán a rinneadh agus maidir leis na bearta leantacha a dhéanfaidh siad ina leith.

8.I gcomhréir leis an gceart chun dea-riaracháin, más rud é go bhfuil gearán inghlactha, cuirfear in iúl do ghearánaigh gur cláraíodh a ngearán, gur tosaíodh ar an ngearán a mheasúnú agus go bhféadfar bheith ag súil le freagra a luaithe a chuirfear sin ar fáil. Mura bhfuil gearán inghlactha, cuirfear na cúiseanna atá leis sin in iúl do na gearánaigh agus cuirfear ar a súile dóibh aon roghanna eile dá bhfuil ar fáil lena bhféadfaidh siad aghaidh a thabhairt ar a núdair imní.

9.Déanfaidh an tOifigeach um Chearta Bunúsacha, tar éis dul i gcomhairle leis an bhFóram Comhchomhairleach, foirm chaighdeánaithe ghearáin a tharraingt suas ina mbeidh faisnéis mhionsonraithe shonrach de dhíth a bhaineann leis an sárú líomhanta ar chearta bunúsacha. Cuirfidh an tOifigeach um Chearta Bunúsacha an fhoirm sin faoi bhráid an Stiúrthóra Feidhmiúcháin agus an Bhoird Bainistíochta.

Áiritheoidh an Ghníomhaireacht go mbeidh fáil ar an bhfoirm chaighdeánaithe ghearáin sin sna teangacha is forleithne agus go gcuirfear ar fáil í ar shuíomh idirlín na Gníomhaireachta agus ina cóip chrua le linn ghníomhaíochtaí uile na Gníomhaireachta. Déanfaidh an tOifigeach um Chearta Bunúsacha gearáin a mheas fiú nuair nach gcuirtear faoina bhráid iad trí bhíthin na foirme caighdeánaithe gearáin.

10.Déanfaidh an Ghníomhaireacht agus an tOifigeach um Chearta Bunúsacha aon sonraí pearsanta a luaitear sa ghearán a láimhseáil agus a phróiseáil i gcomhréir le Rialachán (CE) Uimh. 45/2001 agus déanfaidh na Ballstáit iad a láimhseáil agus a phróiseáil i gcomhréir le Treoir 95/46/CE agus le Cinneadh Réime 2008/977/CGB ón gComhairle.

Is éard a thuigfear le gearán a chur isteach ná go bhfuil an té a thíolaic an gearán sin ag toiliú leis go bhféadfaidh an Ghníomhaireacht agus an tOifigeach um Chearta Bunúsacha próiseáil a dhéanamh ar a chuid sonraí pearsanta nó a cuid sonraí pearsanta de réir bhrí phointe (d) d’Airteagal 5 den Rialachan (CE) Uimh. 45/2001.

D’fhonn leas na ngearánach a chosaint, déileálfar le gearáin ar mhodh rúin ach amháin i gcás ina ndéanfaidh gearánach a cheart nó a ceart chun rúndachta a tharscaoileadh. I gcás gearánach a tharscaoilfidh a gceart chun rúndachta, tuigfear uaidh sin go bhfuil sé nó sí ag toiliú leis go bhféadfaidh an tOifigeach um Chearta Bunúsacha nó an Ghníomhaireacht a chéannacht nó a céannacht a nochtadh i ndáil leis an ngearán i dtreis.

Airteagal 73

Socruithe teanga

1. Beidh feidhm maidir leis an nGníomhaireacht ag na forálacha atá leagtha síos i Rialachán Uimh. 1 51 .

2.Gan dochar do chinntí arna ndéanamh ar bhonn Airteagal 342 CFAE, cuirfear ar fáil i ngach ceann de theangacha oifigiúla an Aontais an tuarascáil ghníomhaíochta bhliantúil chomhdhlúite agus an clár oibre dá dtagraítear in Airteagal 61(1)(d) agus (e).

3.Soláthróidh Ionad Aistriúcháin Chomhlachtaí an Aontais Eorpaigh na seirbhísí aistriúcháin a bheidh ag teastáil i gcomhair fheidhmiú na Gníomhaireachta.

Airteagal 74

Trédhearcacht agus cumarsáid

1.Beidh an Ghníomhaireacht faoi réir Rialachán (CE) Uimh. 1049/2001 nuair a bheidh iarratais ar rochtain ar dhoiciméid atá ina seilbh á láimhseáil aici.

2.Féadfaidh an Ghníomhaireacht cumarsáid a dhéanamh ar a tionscnamh féin sna réimsí a thagann faoina dualgas. Déanfaidh sí an tuarascáil ghníomhaíochta bhliantúil chomhdhlúite dá dtagraítear in Airteagal 61(1)(d) a chur ar fáil don phobal agus áiritheoidh sí, go sonrach, go ndéanfar eolas oibiachtúil iontaofa sothuigthe faoina cuid oibre a thabhairt don phobal agus d’aon pháirtí leasmhar go mear.

3.Leagfaidh an Bord Bainistíochta síos na socruithe praiticiúla chun mír 1 agus mír 2 a chur i bhfeidhm.

4.Beidh aon duine nádúrtha nó dlítheanach i dteideal cumarsáid a dhéanamh i scríbhinn leis an nGníomhaireacht in aon cheann de theangacha oifigiúla an Aontais. Beidh sé de cheart ag an duine sin freagra a fháil sa teanga chéanna.

5.D'fhéadfadh sé de bharr cinntí a ghlacfaidh an Ghníomhaireacht de bhun Airteagal 8 de Rialachán (CE) Uimh. 1049/2001 go ndéanfaí gearán a chur chuig an Ombudsman nó go mbeadh na cinntí sin ina nábhar caingne os comhair Chúirt Bhreithiúnais an Aontais Eorpaigh, faoi na coinníollacha atá leagtha síos in Airteagal 228 agus in Airteagal 263 CFAE faoi seach.

Roinn 5

Ceanglais airgeadais

Airteagal 75

Buiséad

1. Is éard a bheidh in ioncam na Gníomhaireachta, gan dochar do chineálacha eile ioncaim:

(a) fóirdheontas ón Aontas, arna iontráil i mbuiséad ginearálta an Aontais Eorpaigh (roinn an Choimisiúin);

(b) ranníocaíocht ó na tíortha a bhfuil baint acu le cur chun feidhme, le cur i bhfeidhm agus le forbairt acquis Schengen faoi mar atá leagtha síos sna socruithe ábhartha lena sonraítear an ranníocaíocht airgeadais;

(c) cistiú ón Aontas i bhfoirm comhaontuithe tarmligin nó deontais ad-hoc i gcomhréir leis na rialacha airgeadais sin dá cuid dá dtagraítear in Airteagal 78 agus le forálacha na nionstraimí ábhartha atá mar thaca ag beartais an Aontais;

(d) táillí ar sheirbhísí a sholáthraítear di;

(e) aon ranníocaíocht dheonach ó na Ballstáit.

2. Cuimseofar le caiteachas na Gníomhaireachta na costais foirne, riaracháin, bhonneagair agus oibríochta.

3. Déanfaidh an Stiúrthóir Feidhmiúcháin dréachtráiteas faoi mheastacháin ioncaim agus caiteachais na Gníomhaireachta a tharraingt suas don bhliain airgeadais ina dhiaidh sin, lena náirítear plean bunaíochta, agus seolfaidh sé chuig an mBord Bainistíochta é.

4. Beidh an tioncam agus an caiteachas ar comhardú.

5. Glacfaidh an Bord Bainistíochta, ar bhonn an dréachtráitis meastacháin a bheidh tarraingthe suas ag an Stiúrthóir Feidhmiúcháin, dréachtmheastachán sealadach ar ioncam agus ar chaiteachas na Gníomhaireachta, lena náirítear an plean sealadach bunaíochta, agus cuirfidh sé ar aghaidh iad chuig an gCoimisiún faoin 31 Eanáir.

6. Seolfaidh an Bord Bainistíochta na dréachtmheastacháin deiridh ar ioncam agus ar chaiteachas na Gníomhaireachta, lena náirítear an dréachtphlean bunaíochta maille leis an réamhchlár oibre, chuig an gCoimisiún faoin 31 Márta.

7.Cuirfidh an Coimisiún an meastachán ar aghaidh chuig Parlaimint na hEorpa agus chuig an gComhairle (dá ngairtear "údarás buiséadach" anseo feasta) in éineacht le réamh-dhréachtbhuiséad ginearálta an Aontais Eorpaigh.

8.Ar bhonn an mheastacháin sin, cuirfidh an Coimisiún i ndréachtbhuiséad ginearálta an Aontais Eorpaigh na meastacháin sin a mheasann sé a bheith riachtanach don phlean bunaíochta agus do mhéid an fhóirdheontais a dhéanfar a mhuirearú ar an mbuiséad ginearálta, agus cuirfidh sé faoi bhráid an údaráis bhuiséadaigh iad i gcomhréir le hAirteagal 313 agus le hAirteagal 314 CFAE.

9.Údaróidh an túdarás buiséadach na leithreasuithe i gcomhair an fhóirdheontais a íocfar leis an nGníomhaireacht.

Glacfaidh an túdarás buiséadach an plean bunaíochta i gcomhair na Gníomhaireachta.

10.Glacfaidh an Bord Bainistíochta buiséad na Gníomhaireachta. Beidh sé ina bhuiséad críochnaitheach ach a mbeidh glactha go críochnaitheach le dréachtbhuiséad an Aontais Eorpaigh. Más iomchuí, déanfar é a choigeartú dá réir sin.

11.Maidir le haon athrú ar an mbuiséad, lena náirítear an plean bunaíochta, déanfar é de réir an nós imeachta chéanna.

12.I dtaca le haon tionscadal tógála ar cosúil go mbeidh impleachtaí móra aige ar bhuiséad na Gníomhaireachta, beidh feidhm ag forálacha Rialachán Tarmligthe (AE) Uimh. 1271/2013 ón gCoimisiún 52 .

13.I bhfianaise imscaradh mear-idirghabhálacha teorann agus imscaradh idirghabhálacha um fhilleadh a mhaoiniú, beidh i mbuiséad na Gníomhaireachta arna ghlacadh ag an mBord Bainistíochta cúlchiste oibríochtúil airgeadais arb ionann é agus 4% ar a laghad den leithdháileadh atá beartaithe le haghaidh gníomhaíochtaí oibríochtúla. Ba cheart an cúlchiste sin a choiméad ar bun i gcaitheamh na bliana.

Airteagal 76

An buiséad a chur chun feidhme agus a rialú

1.Cuirfidh an Stiúrthóir Feidhmiúcháin buiséad na Gníomhaireachta chun feidhme.

2.Faoin 1 Márta den bhliain airgeadais ina dhiaidh sin (bliain N + 1), cuirfidh oifigeach cuntasaíochta na Gníomhaireachta na cuntais shealadacha don bhliain airgeadais (bliain N) chuig oifigeach cuntasaíochta an Choimisiúin agus chuig an gCúirt Iniúchóirí. Déanfaidh oifigeach cuntasaíochta an Choimisiúin cuntais shealadacha na ninstitiúidí agus na gcomhlachtaí díláraithe a chomhdhlúthú i gcomhréir le hAirteagal 147 de Rialachán (CE, Euratom) Uimh. 966/2012 ó Pharlaimint na hEorpa agus ón gComhairle. 53

3.Cuirfidh an Ghníomhaireacht tuarascáil ar an mbainistiú buiséadach agus airgeadais do bhliain N ar aghaidh chuig Parlaimint na hEorpa, chuig an gComhairle agus chuig an gCúirt Iniúchóirí faoin 31 Márta de bhliain N + 1.

4. Cuirfidh oifigeach cuntasaíochta an Choimisiúin cuntais shealadacha na Gníomhaireachta do bhliain N, arna gcomhdhlúthú le cuntais an Choimisiúin, ar aghaidh chuig an gCúirt Iniúchóirí faoin 31 Márta de bhliain N + 1.

5.Ar bharúlacha na Cúirte Iniúchóirí a fháil maidir le cuntais shealadacha na Gníomhaireachta do bhliain N, de bhun Airteagal 148 de Rialachán (CE, Euratom) Uimh. 966/2012, tarraingeoidh an Stiúrthóir Feidhmiúcháin suas cuntais chríochnaitheacha na Gníomhaireachta a bhfuil sé nó sí freagrach astu agus cuirfidh faoi bhráid an Bhoird Bainistíochta iad chun tuairim a fháil.

6.Tabharfaidh an Bord Bainistíochta tuairim uaidh maidir le cuntais chríochnaitheacha na Gníomhaireachta do bhliain N.

7.Faoin 1 Iúil de bhliain N + 1, ar a dhéanaí, seolfaidh an Stiúrthóir Feidhmiúcháin na cuntais chríochnaitheacha mar aon le tuairim an Bhoird Bainistíochta, chuig an gCoimisiún, chuig an gCúirt Iniúchóirí, chuig Parlaimint na hEorpa agus chuig an gComhairle.

8.Foilseofar na cuntais chríochnaitheacha do bhliain N in Iris Oifigiúil an Aontais Eorpaigh faoin 15 Samhain de bhliain N+1.

9.Seolfaidh an Stiúrthóir Feidhmiúcháin freagra chuig an gCúirt Iniúchóirí maidir lena chuid barúlacha faoin 30 Meán Fómhair de bhliain N + 1 ar a dhéanaí. Cuirfidh sé an freagra sin chuig an mBord Bainistíochta freisin.

10.Cuirfidh an Stiúrthóir Feidhmiúcháin, arna iarraidh sin do Pharlaimint na hEorpa, aon fhaisnéis is gá faoi bhráid na Parlaiminte chun an nós imeachta urscaoilte a chur i bhfeidhm go rianúil do bhliain N, i gcomhréir le hAirteagal 165(3) de Rialachán (CE, Euratom) Uimh. 966/2012.

11.Déanfaidh Parlaimint na hEorpa, ar mholadh ón gComhairle ag gníomhú di trí thromlach cáilithe, urscaoileadh a thabhairt do Stiúrthóir Feidhmiúcháin na Gníomhaireachta roimh an 15 Bealtaine de bhliain N + 2, i dtaca le cur chun feidhme an bhuiséid do bhliain N.

Airteagal 77

Calaois a chomhrac

1.Chun an chalaois, an téilliú agus gníomhaíochtaí neamhdhleathacha eile a chomhrac, beidh feidhm gan srian ag forálacha Rialachán (AE, Euratom) Uimh. 883/2013. Aontóidh an Ghníomhaireacht don Chomhaontú Idirinstitiúideach an 25 Bealtaine 1999 maidir le himscrúduithe inmheánacha arna ndéanamh ag an Oifig Eorpach Frith-Chalaoise (OLAF) agus glacfaidh sí, gan mhoill, na forálacha iomchuí is infheidhme maidir le foireann uile na Gníomhaireachta agus an teimpléad atá leagtha amach san Iarscríbhinn a ghabhann leis an gComhaontú á úsáid aici.

2.Beidh cumhacht iniúchóireachta ag an gCúirt Iniúchóirí, ar bhonn doiciméad agus ar an láthair, ar gach tairbhí deontais, ar gach conraitheoir agus ar gach fochonraitheoir a gheobhaidh cistí de chuid an Aontais ón nGníomhaireacht.

3.Féadfaidh OLAF imscrúduithe a dhéanamh, lena náirítear seiceálacha agus cigireachtaí ar an láthair d’fhonn a shuí ar tharla calaois, éilliú nó aon ghníomhaíocht neamhdhleathach eile a d'fhéadfadh difear a dhéanamh do leasanna airgeadais an Aontais i ndáil le deontas nó conradh arna mhaoiniú ag an nGníomhaireacht i gcomhréir le forálacha agus nósanna imeachta atá leagtha síos i Rialachán (AE, Euratom) Uimh. 883/2013 54 agus Rialachán (CE, Euratom) Uimh. 2185/96. 55

4.Gan dochar do mhír 1, do mhír 2 ná do mhír 3, beidh i gcomhaontuithe comhair le tríú tíortha agus le heagraíochtaí idirnáisiúnta, i gconarthaí, i gcomhaontuithe deontais agus i gcinntí deontais de chuid na Gníomhaireachta, beidh iontu forálacha lena gcumhachtófar go sainráite don Chúirt Iniúchóirí agus do OLAF na hiniúchóireachtaí agus na himscrúduithe sin a dhéanamh i gcomhréir lena ninniúlachtaí faoi seach.

Airteagal 78

Soláthar airgeadais

Déanfaidh an Bord Bainistíochta na rialacha airgeadais a mbeidh feidhm acu maidir leis an nGníomhaireacht a ghlacadh tar éis dó dul i gcomhairle leis an gCoimisiún. Ní imeoidh siad ón Rialachán Tarmligthe (AE) Uimh. 1271/2013 ach amháin i gcás ina mbeidh gá leis an imeacht sin go sonrach d’fheidhmiú na Gníomhaireachta agus go dtoileoidh an Coimisiún leis roimh ré.

CAIBIDIL IV

FORÁLACHA DEIRIDH

Airteagal 79

Nós Imeachta Coiste

1.Beidh an coiste a bhunaítear le hAirteagal 33a de Rialachán (CE) Uimh. 562/2006 de chúnamh ag an gCoimisiún. Beidh an Coiste sin ina Choiste de réir bhrí Rialachán (AE) Uimh. 182/2011.

2.I gcás ina ndéantar tagairt don mhír seo, beidh feidhm ag Airteagal 5 de Rialachán (AE) Uimh. 182/2011.

3.I gcás ina mbeidh tuairim an choiste le fáil trí nós imeachta i scríbhinn, cuirfear deireadh leis an nós imeachta sin gan toradh nuair a chinnfidh cathaoirleach an choiste amhlaidh, laistigh den teorainn ama faoinar féidir tuairim a thabhairt, nó nuair a iarrfaidh tromlach dhá thrian de chomhaltaí an choiste é.

4.I gcás nach dtugann an coiste aon tuairim, ní ghlacfaidh an Coimisiún an dréachtghníomh cur chun feidhme agus beidh feidhm ag an tríú fomhír d'Airteagal 5(4) de Rialachán (AE) Uimh. 182/2011.

5.I gcás ina dtagraítear don mhír seo, beidh feidhm ag Airteagal 8 de Rialachán (AE) Uimh. 182/2011 i gcomhar le hAirteagal 5 de.

Airteagal 80

Meastóireacht

1.Laistigh de thrí bliana ón dáta a thiocfaidh an Rialachán seo i bhfeidhm, agus gach trí bliana dá éis sin, déanfaidh an Coimisiún meastóireacht d'fhonn measúnú a dhéanamh go háirithe ar thionchar, ar éifeachtacht agus ar éifeachtúlacht fheidhmiú na Gníomhaireachta agus a cleachtas oibre i dtaca lena cuspóirí, lena sainordú agus lena cúraimí. Tabharfar aghaidh sa mheastóireacht go sonrach ar an ngá a d’fhéadfadh a bheith ann chun sainordú na Gníomhaireachta a mhodhnú agus ar na himpleachtaí airgeadais a d'fhéadfadh a bheith ag aon mhodhnú den sórt sin.

Áireofar sa mheastóireacht anailís shonrach ar an tslí a ndearnadh an Chairt um Chearta Bunúsacha a chomhlíonadh agus an Rialachán seo á chur i bhfeidhm.

2.Cuirfidh an Coimisiún an tuarascáil meastóireachta mar aon lena chonclúidí maidir leis an tuarascáil ar aghaidh chuig Parlaimint na hEorpa, chuig an gComhairle agus chuig an mBord Bainistíochta. Déanfar an tuarascáil meastóireachta agus na conclúidí maidir leis an tuarascáil sin a chur ar fáil don phobal.

3.Tráth gach re meastóireachta, déanfaidh an Coimisiún measúnú freisin ar na torthaí a bheidh bainte amach ag an nGníomhaireacht i dtaca lena cuspóirí, lena sainordú agus lena cúraimí.

Airteagal 81

Aisghairm

1.Déantar Rialachán (CE) Uimh. 2007/2004, Rialachán (CE) Uimh. 863/2007 and Cinneadh 2005/267/CE ón gComhairle 56 a aisghairm.

2.Déanfar tagairtí don Rialachán aisghairthe a fhorléiriú mar thagairtí don Rialachán seo i gcomhréir leis an Iarscríbhinn.

Airteagal 82

Teacht i bhfeidhm agus infheidhmeacht

Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.

Beidh feidhm ag Airteagal 19(5), Airteagal 28, Airteagal 29, Airteagal 30 agus Airteagal 31 i ndiaidh trí mhí tar éis don Rialachán seo teacht i bhfeidhm.

Beidh an Rialachán seo ina cheangal go huile agus go hiomlán agus beidh sé infheidhme go díreach sna Ballstáit i gcomhréir leis na Conarthaí.

Arna dhéanamh sa Strasbourg,

RÁITEAS AIRGEADAIS REACHTACH ‘GNÍOMHAIREACHTAÍ’

1.LEAGAN AMACH AN TOGRA/TIONSCNAIMH

1.1.Teideal an togra/tionscnaimh

1.2.Réimsí beartais lena mbaineann i gcreat ABM/ABB

1.3.An cineál togra/tionscnaimh

1.4.Cuspóirí

1.5.Foras an togra/tionscnaimh

1.6.Fad agus tionchar airgeadais

1.7.Modhanna bainistíochta atá beartaithe

2.BEARTA BAINISTÍOCHTA

2.1.Rialacha faireacháin agus tuairiscithe

2.2.Córas bainistíochta agus rialaithe

2.3.Bearta chun calaois agus neamhrialtachtaí a chosc

3.AN TIONCHAR AIRGEADAIS A MHEASTAR A BHEIDH AG AN TOGRA/TIONSCNAMH

3.1.Ceannteidil an chreata airgeadais ilbhliantúil agus na línte buiséid ar a n-imreofar tionchar

3.2.An tionchar a mheastar a bheidh ag an togra/tionscnamh ar chaiteachas 

3.2.1.Achoimre ar an tionchar a mheastar a bheidh ag an togra/tionscnamh ar chaiteachas

3.2.2.An tionchar measta ar leithreasuithe na Gníomhaireachta Eorpaí um an nGarda Teorann agus Cósta

3.2.3.An tionchar measta ar acmhainní daonna na Gníomhaireachta Eorpaí um an nGarda Teorann agus Cósta

3.2.4.Comhoiriúnacht don chreat airgeadais ilbhliantúil reatha

3.2.5.Ranníocaíochtaí ó thríú páirtithe

3.3.An tionchar a mheastar a bheidh ar ioncam

RÁITEAS AIRGEADAIS REACHTACH

1.LEAGAN AMACH AN TOGRA/TIONSCNAIMH

1.1.Teideal an togra/tionscnaimh

1.2.Réimse beartais lena mbaineann i gcreat ABM/ABB 57  

1.3.An cineál togra/tionscnaimh

◻ Baineann an togra/tionscnamh le beart nua

◻ Baineann an togra/tionscnamh le beart nua a leanann treoirthionscadal/réamhbheart 58  

X Baineann an togra/tionscnamh le síneadh ar bheart atá ann cheana 

◻ Baineann an togra/tionscnamh le beart a atreoraíodh i dtreo beart nua 

1.4.Cuspóirí

1.4.1.Cuspóirí straitéiseacha ilbhliantúla an Choimisiúin ar a bhfuil an togra/tionscnamh dírithe

1.4.2.Cuspóirí sonracha agus gníomhaíochtaí ABM/ABB lena mbaineann

1.4.3.An toradh agus an tionchar a bhfuil súil leis

Sonraigh an tionchar a bheadh ag an togra/tionscnamh ar na tairbhithe/grúpaí ar a bhfuil sé dírithe.

1.4.4.Táscairí lena léireofar toradh agus tionchar

Sonraigh na táscairí lena léireofar an faireachán ar chur chun feidhme an togra/tionscnaimh.

1.5.Foras an togra/tionscnaimh

1.5.1.Na ceanglais is gá a chomhlíonadh sa ghearrthéarma nó san fhadtéarma

1.5.2.Luach breise a bhaineann le rannpháirteachas an Aontais Eorpaigh

1.5.3.Ceachtanna a foghlaimíodh ó thaithí eile den sórt sin san am a chuaigh thart

1.5.4.Comhoiriúnacht d'ionstraimí iomchuí eile agus sineirgíocht a d'fhéadfadh a bheith ann

1.6.Fad agus tionchar airgeadais

◻ Togra/tionscnamh a bheidh i bhfeidhm ar feadh tréimhse theoranta

–◻    Togra/tionscnamh a bheidh i bhfeidhm ón [LL/MM]BBBB go dtí an [LL/MM]BBBB

–◻    Tionchar airgeadais ó BBBB go BBBB

☑ Togra/tionscnamh a bheidh i bhfeidhm ar feadh tréimhse neamhtheoranta

–Cuirfear chun feidhme é le linn na tréimhse tosaigh ó 2017,

–agus cuirfear ag feidhmiú go hiomlán ina dhiaidh sin é.

1.7.Modhanna bainistíochta atá beartaithe 

◻ Bainistíocht dhíreach a dhéanann an Coimisiún trí

–◻    ghníomhaireachtaí feidhmiúcháin

◻ Bainistíocht atá comhroinnte leis na Ballstáit

☑ Bainistíocht indíreach trí chúraimí a bhaineann le cur chun feidhme an bhuiséid a shannadh dóibh seo a leanas:

◻ eagraíochtaí idirnáisiúnta agus a ngníomhaireachtaí (tabhair sonraí);

◻BEI agus an Ciste Eorpach Infheistíochta;

☑ comhlachtaí dá dtagraítear in Airteagal 208 agus in Airteagal 209;

◻ comhlachtaí dlí poiblí;

◻ comhlachtaí arna rialú ag an dlí príobháideach agus a bhfuil misean seirbhíse poiblí acu sa mhéid go gcuireann siad ráthaíochtaí leordhóthanacha airgeadais ar fáil;

◻ comhlachtaí arna rialú ag dlí príobháideach Ballstáit, a gcuirtear de chúram orthu comhpháirtíochtaí príobháideacha poiblí a chur chun feidhme, agus a sholáthraíonn ráthaíochtaí leordhóthanacha airgeadais;

◻ daoine a gcuirtear de chúram orthu bearta sonracha a chur chun feidhme in CBES de bhun Theideal V de CAE, ar daoine iad a aithnítear sa bhunghníomh ábhartha.

Barúlacha

2.BEARTA BAINISTÍOCHTA

2.1.Rialacha faireacháin agus tuairiscithe

Sonraigh minicíocht na mbeart agus na coinníollacha atá leo.

2.2.Córas bainistíochta agus rialaithe

2.2.1.Na rioscaí a aithníodh

2.2.2.Modhanna rialaithe atá beartaithe

2.3.Bearta chun calaois agus neamhrialtachtaí a chosc

Sonraigh bearta coisctheacha agus cosanta atá ann cheana nó atá beartaithe.

3.AN TIONCHAR AIRGEADAIS A MHEASTAR A BHEIDH AG AN TOGRA/TIONSCNAMH

3.1.Ceannteidil an chreata airgeadais ilbhliantúil agus na línte buiséid ar a n-imreofar tionchar

Línte buiséid atá ann cheana

In ord cheannteidil agus línte buiséid an chreata airgeadais ilbhliantúil.

*Faigheann Frontex ranníocaíóchtaí ó na tíortha a bhfuil comhlachas acu le Comhaontú Schengen (NO, IS, CH, LI)

Línte nua buiséid atá á n-iarraidh

Ní gá líne buiséid nua a iarraidh ach ba cheart líne buiséid 18 03 02 a athainmniú dá réir

In ord cheannteidil agus línte buiséid an chreata airgeadais ilbhliantúil.

3.2.An tionchar a mheastar a bheidh ag an togra/tionscnamh ar chaiteachas

3.2.1.Achoimre ar an tionchar a mheastar a bheidh ag an togra/tionscnamh ar chaiteachas

EUR milliúin (go dtí an tríú deachúil)

EUR milliúin (go dtí an tríú deachúil)

EUR milliúin (go dtí an tríú deachúil)

3.2.2.An tionchar measta ar leithreasuithe na Gníomhaireachta Eorpaí um an nGarda Teorann agus Cósta

–◻    Ní éilíonn an togra/tionscnamh go n-úsáidfear leithreasuithe faoi chomhair oibríochtaí

–☑    Éilíonn an togra/tionscnamh go n-úsáidfear leithreasuithe faoi chomhair oibríochtaí 64 , mar a mhínítear thíos:

Leithreasuithe faoi chomhair gealltanas in EUR milliúin (go dtí an tríú deachúil)

3.2.3.An tionchar measta ar acmhainní daonna na Gníomhaireachta Eorpaí um an nGarda Teorann agus Cósta

3.2.3.1.Achoimre

–◻    Ní éilíonn an togra/tionscnamh go n-úsáidfear leithreasuithe de chineál riaracháin

–☑    Éilíonn an togra/tionscnamh go n-úsáidfear leithreasuithe de chineál riaracháin mar a mhínítear thíos:

EUR milliúin (go dtí an tríú deachúil)

Faoin togra, leantar an laghdú 5 % ar líon na mball foirne idir 2013 agus 2017 atá beartaithe faoin athchóiriú trí laghdú a dhéanamh ar fhoireann na Gníomhaireachta de réir a chéile ag ráta de 1 % den phlean bunaíochta do 2017 (cuireadh ráta laghdaithe den sórt céanna i bhfeidhm sna blianta 2013-2016).

I rith na bliana 2015, rinneadh atreisiú ar phlean bunaíochta na Gníomhaireachta don bhliain 2016 le 76 phost bhreise le go mbeadh sí in ann dul i ngleic leis an ngéarchéim imirce ar an mbealach ab éifeachtaí. Mar sin féin, le go mbeidh an Ghníomhaireacht in ann na cúraimí nua dá bhforáiltear sa Rialachán a chur chun feidhme, beidh 329 bpost bhreise de dhíth ón nGníomhaireacht faoi 2020, chomh maith le 273 bhall foirne sheachtracha. Go háirithe, tá an tatreisiú seo a leanas ar líon na bpost de dhíth:

•    117 phost TA (107 AD, 10 AST) chun feidhmiú na hOifige um Fhilleadh a chumhdach agus chun bainistíocht a dhéanamh ar an méadú ar líon na ngníomhaíochtaí um fhilleadh arna gcur chun feidhme ag an nGníomhaireacht, lena n-áirítear líon leordhóthanach oifigeach comhordúcháin le haghaidh oibríochtaí um fhilleadh agus an fhoireann is gá le bheith i gceannas ar aerárthaí a chairtfhostú.

•    29 bpost TA (27 AD, 2 AST) chun a áirithiú go mbeidh an líon oifigeach comhordúcháin is gá ann i gcomhair oibríochtaí comhpháirteacha, mear-idirghabhálacha agus láithreacha práinne ag na teorainneacha

•    29 bpost TA (27 AD, 2 AST) chun lárionad um fhaireachán agus anailís ar riosca a bhunú, chomh maith le cumas na Gníomhaireachta "measúnuithe leochaileachta" a dhéanamh a atreisiú agus a áirithiú go ndéanfar an obair leantach is gá

•    6 phost TA (3 AD, 3 AST) chun tacaíocht a thabhairt do ghníomhaíochtaí an Oifigigh um Chearta Bunúsacha, i bhfianaise an mhéadaithe ar ualach oibre an duine sin i ndáil le faireachán ar fhilleadh agus sásra nua um ghearáin a thabhairt isteach

•    7 bpost TA (4 AD agus 3 AST) le go mbeidh ar chumas na Gníomhaireachta a bheith rannpháirteach i mbainistíocht gníomhaíochtaí taighde agus nuálaíochta is ábhartha do rialú teorainneacha seachtracha, lena n-áirítear úsáid ardteicneolaíochta faireachais amhail córais aerárthaí cianrialaithe

•    46 phost TA (41 AD, 5 AD) chun feidhmiú 24u/7lá Lárionad Staide na Gníomhaireachta a áirithiú, lárionad ina ndéanfar faireachán agus tuairisciú fíor-ama ar na sreabha imirce, lena n-áirítear ag an deireadh seachtaine agus ar laethanta saoire poiblí

•    10 bpost TA (9 AD, 1 AST) a chuirfidh ar chumas na Gníomhaireachta oifigigh idirchaidrimh a imscaradh chuig tríú tíortha agus atreisiú breise a dhéanamh ar an gcomhar leis na tríú tíortha is ábhartha

•    30 post TA (30 AD) a chuirfidh ar chumas na Gníomhaireachta oifigigh idirchaidrimh a imscaradh chuig na Ballstáit

•    33 phost TA (31 AD, 2 AST le go mbeidh ar chumas na Gníomhaireachta na cúraimí nua a dhéanamh a bhaineann lena ról "Feidhmeanna Garda Cósta" chun misin ilchuspóireacha a chomhordú agus seirbhísí faisnéise agus oiliúint a sholáthar

•    10 bpost TA (5 AD, 5 AST) le go mbeidh ar chumas na Gníomhaireachta bainistíocht éifeachtach a dhéanamh ar na díormaí atá ann cheana féin (Foirne Eorpacha de chuid an Gharda Teorann agus Cósta, an comhthiomsú teicniúil) chomh maith le díormaí nua a chur ar bun (3 dhíorma a bhaineann le filleadh)

•    6 phost TA (3 AD, 3 AST) chun tacú le trealamh na Gníomhaireachta féin a fháil agus a thógáil ar léas chomh maith le cothabháil threalamh na Gníomhaireachta féin a áirithiú

•    6 phost TA (3 AD, 3 AST) chun atreisiú a dhéanamh ar chumas riaracháin na Gníomhaireachta bainistiú a dhéanamh ar an mbuiséad méadaithe agus ar chur chun feidhme na gcúraimí nua i gcomhréir le bainistíocht fhónta airgeadais

Tá sé beartaithe go gcuirfí na poist bhreise ar fáil de réir a chéile sa chaoi go mbeidh 550 post ann san iomlán in 2020.

Faoin togra, leantar an laghdú 5 % ar líon na mball foirne idir 2013 agus 2017 atá beartaithe faoin athchóiriú trí laghdú a dhéanamh ar phoist na Gníomhaireachta de réir a chéile ag ráta de 1 % den phlean bunaíochta do 2017 (cuireadh ráta laghdaithe den sórt céanna i bhfeidhm sna blianta 2013-2016).

I rith na bliana 2015, rinneadh atreisiú ar phlean bunaíochta na Gníomhaireachta don bhliain 2016 le 76 phost bhreise le go mbeadh sí in ann dul i ngleic leis an ngéarchéim imirce ar an mbealach ab éifeachtaí. Mar sin féin, le go mbeidh an Ghníomhaireacht in ann na cúraimí nua dá bhforáiltear sa Rialachán a chur chun feidhme, beidh gá 329 bpost bhreise (poist TA) a chur leis an bplean bunaíochta faoi 2020. Go háirithe, tá an tatreisiú seo a leanas ar líon na bpost de dhíth:

•    117 phost TA (107 AD, 10 AST) chun feidhmiú na hOifige um Fhilleadh a chumhdach agus chun bainistíocht a dhéanamh ar an méadú ar líon na ngníomhaíochtaí um fhilleadh arna gcur chun feidhme ag an nGníomhaireacht, lena n-áirítear líon leordhóthanach oifigeach comhordúcháin le haghaidh oibríochtaí um fhilleadh agus an fhoireann is gá le bheith i gceannas ar aerárthaí a chairtfhostú.

•    29 bpost TA (27 AD, 2 AST) chun a áirithiú go mbeidh an líon oifigeach comhordúcháin is gá ann i gcomhair oibríochtaí comhpháirteacha, mear-idirghabhálacha agus láithreacha práinne ag na teorainneacha

•    29 bpost TA (27 AD, 2 AST) chun lárionad um fhaireachán agus anailís ar riosca a bhunú, chomh maith le cumas na Gníomhaireachta measúnuithe leochaileachta a dhéanamh a atreisiú agus a áirithiú go ndéanfar an obair leantach is gá

•    6 phost TA (3 AD, 3 AST) chun tacaíocht a thabhairt do ghníomhaíochtaí an Oifigigh um Chearta Bunúsacha, i bhfianaise an mhéadaithe ar ualach oibre an duine sin i ndáil le faireachán ar fhilleadh agus sásra nua um ghearáin a thabhairt isteach

•    7 bpost TA (4 AD agus 3 AST) le go mbeidh ar chumas na Gníomhaireachta a bheith rannpháirteach i mbainistíocht gníomhaíochtaí taighde agus nuálaíochta is ábhartha do rialú teorainneacha seachtracha, lena n-áirítear úsáid ardteicneolaíochta faireachais amhail córais aerárthaí cianrialaithe

•    46 phost TA (41 AD, 5 AD) chun feidhmiú 24u/7lá Lárionad Staide na Gníomhaireachta a áirithiú, lárionad ina ndéanfar faireachán agus tuairisciú fíor-ama ar na sreabha imirce, lena n-áirítear ag an deireadh seachtaine agus ar laethanta saoire poiblí

•    10 bpost TA (9 AD, 1 AST) a chuirfidh ar chumas na Gníomhaireachta oifigigh idirchaidrimh a imscaradh chuig tríú tíortha agus atreisiú breise a dhéanamh ar an gcomhar leis na tríú tíortha is ábhartha

•    30 post TA (30 AD) a chuirfidh ar chumas na Gníomhaireachta oifigigh idirchaidrimh a imscaradh chuig na Ballstáit

•    33 phost TA (31 AD, 2 AST le go mbeidh ar chumas na Gníomhaireachta na cúraimí nua a dhéanamh a bhaineann lena ról "Feidhmeanna Garda Cósta" chun misin ilchuspóireacha a chomhordú agus seirbhísí faisnéise agus oiliúint a sholáthar

•    10 bpost TA (5 AD, 5 AST) le go mbeidh ar chumas na Gníomhaireachta bainistíocht éifeachtach a dhéanamh ar na díormaí atá ann cheana féin (Foirne Eorpacha de chuid an Gharda Teorann agus Cósta, an comhthiomsú teicniúil) chomh maith le díormaí nua a chur ar bun (3 dhíorma a bhaineann le filleadh)

•    6 phost TA (3 AD, 3 AST) chun tacú le trealamh na Gníomhaireachta féin a fháil agus a thógáil ar léas chomh maith le cothabháil threalamh na Gníomhaireachta féin a áirithiú

•    6 phost TA (1 AD, 5 AST) chun atreisiú a dhéanamh ar chumas riaracháin na Gníomhaireachta bainistiú a dhéanamh ar an mbuiséad méadaithe agus ar chur chun feidhme na gcúraimí nua i gcomhréir le bainistíocht fhónta airgeadais

Tá sé beartaithe go gcuirfí na poist bhreise ar fáil de réir a chéile sa chaoi go mbeidh 550 post TA ann san iomlán in 2020.

Chomh maith leis sin, chun a cúraimí nua dá bhforáiltear sa Rialachán a chur chun feidhme, beidh 273 bhall foirne sheachtracha bhreise (gníomhairí ar conradh agus saineolaithe náisiúnta ar iasacht a chuirfear ar fáil de réir a chéile, sa chaoi go mbeidh 450 ball foirne seachtrach ann san iomlán faoi 2020.

Dá bhrí sin, ba cheart go mbeadh 1000 ball foirne ag an nGníomhaireacht faoi 2020, gach catagóir san áireamh (TA, CA agus SNE).
3.2.3.2.    Na riachtanais acmhainní daonna a mheastar a bheidh ag an máthair-Ard-Stiúrthóireacht

–◻    Ní éilíonn an togra/tionscnamh go n-úsáidfear acmhainní daonna.

–☑    Éilíonn an togra/tionscnamh go n-úsáidfear acmhainní daonna mar a mhínítear thíos:

Sloinnfear an meastachán i méideanna iomlána (nó go dtí an chéad deachúil ar a mhéad)

Is é XX an réimse beartais nó an teideal buiséid lena mbaineann.

Soláthrófar na hacmhainní daonna is gá le baill foirne ón Ard-Stiúrthóireacht a bhfuil bainistíocht an bhirt faoina gcúram cheana agus/nó a ath-imlonnófar laistigh den Ard-Stiúrthóireacht, mar aon le haon leithdháileadh breise a d'fhéadfaí a thabhairt don Ard-Stiúrthóireacht atá i mbun bainistíochta faoi chuimsiú an nós imeachta maidir le leithdháileadh bliantúil i bhfianaise na srianta buiséadacha.

Cur síos ar na cúraimí a bheidh le déanamh:

Ba cheart tuairisc ar ríomh an chostais i gcomhair FTE (coibhéis lánaimseartha) a bheith ar áireamh i roinn 3 den Iarscríbhinn.

3.2.4.Comhoiriúnacht don chreat airgeadais ilbhliantúil reatha

–☑ Tá an togra/tionscnamh comhoiriúnach leis an gcreat airgeadais ilbhliantúil reatha ach d'fhéadfadh sé go mbeidh úsáid ionstraimí speisialta mar atá sainmhínithe sa Rialachán CAI i gceist.

–◻    Beidh athchlárú an cheannteidil ábhartha sa chreat airgeadais ilbhliantúil ag gabháil leis an togra/tionscnamh seo.

–◻    Éilíonn an togra/tionscnamh go gcuirfear an ionstraim sholúbthachta i bhfeidhm nó go ndéanfar athbhreithniú ar an gcreat airgeadais ilbhliantúil 68 .

3.2.5.Ranníocaíochtaí ó thríú páirtithe

–Déantar foráil sa togra/tionscnamh maidir le cómhaoiniú atá réamh-mheasta thíos:

EUR milliúin (go dtí an tríú deachúil)

3.3.An tionchar a mheastar a bheidh ar ioncam

–☑    Ní bheidh tionchar airgeadais ar bith ag an togra ar ioncam.

–◻    Beidh an tionchar airgeadais seo a leanas ag an togra/tionscnamh:

–◻    ar acmhainní dílse

–◻    ar ioncam ilghnéitheach

EUR milliúin (go dtí an tríú deachúil)

I gcás ioncam ilghnéitheach atá 'sannta', sonraigh na línte buiséid a n-imrítear tionchar orthu.

Sonraigh an modh chun an tionchar ar ioncam a ríomh.

(1) COIM(2015) 610 leagan deireanach.

(2) Cruinniú de chuid na Comhairle Eorpaí, Conclúidí an 15 Deireadh Fómhair 2015.

(3) Rialachán (CE) Uimh. 863/2007 ó Pharlaimint na hEorpa agus ón gComhairle an 11 Iúil 2007 lena mbunaítear meicníocht chun Foirne Mear-Idirghabhála Teorann a chruthú agus lena leasaítear Rialachán (CE) Uimh. 2007/2004 ón gComhairle maidir leis an meicníocht sin agus lena rialaítear cumhachtaí agus cúraimí na naoi-oifigeach (IO L 199, 31.7.2007, Lch. 30).

(4) Rialachán (AE) Uimh. 1168/2011 ó Pharlaimint na hEorpa agus ón gComhairle an 25 Deireadh Fómhair 2011 lena leasaítear Rialachán (CE) Uimh. 2007/2004 ón gComhairle lena mbunaítear Gníomhaireacht Eorpach chun Comhar Oibríochtúil a Bhainistiú ag Teorainneacha Seachtracha Bhallstáit an Aontais Eorpaigh (IO L 304, 22.11.2011, Lch. 1).

(5) Rialachán (AE) Uimh. 1052/2013 ó Pharlaimint na hEorpa agus ón gComhairle an 22 Deireadh Fómhair 2013 lena mbunaítear an Córas Eorpach um Fhaireachas ar Theorainneacha (Eurosur) (IO L 295, 6.11.2013, Lch. 11).

(6) Rialachán (AE) Uimh. 656/2014 ó Pharlaimint na hEorpa agus ón gComhairle an 15 Bealtaine 2014 lena mbunaítear rialacha maidir le faireachas ar na teorainneacha farraige seachtracha i gcomhthéacs comhair oibríochtúil arna chomhordú ag an nGníomhaireacht Eorpach chun Comhar Oibríochtúil a Bhainistiú ag Teorainneacha Seachtracha Bhallstát an Aontais Eorpaigh (IO L 189 27.6.2014, Lch. 93).

(7) Rialachán (AE) Uimh. 1053/2013 an 7 Deireadh Fómhair 2013 lena mbunaítear sásra meastóireachta agus faireacháin chun cur i bhfeidhm acquis Schengen a fhíorú agus lena naisghairtear an Cinneadh ón gCoiste Feidhmiúcháin an 16 Meán Fómhair 1998 lena mbunaítear Buanchoiste um measúnú agus cur chun feidhme Schengen (IO L 295, 6.11.2013, Lch. 27).

(8) Cruinniú na Comhairle um Cheartas agus um Ghnóthaí Baile, Conclúidí an 8 agus an 9 Deireadh Fómhair 2015.

(9) Cruinniú de chuid na Comhairle Eorpaí, Conclúidí an 15 Deireadh Fómhair 2015.

(10) IO C , , Lch. .

(11) IO C , , Lch. .

(12) Cruinniú na Comhairle Eorpaí, Conclúidí an 25 agus an 26 Meitheamh 2015.

(13) Cruinniú neamhfhoirmiúil Cheannairí Stáit nó Ceannairí Rialtais an Aontais Eorpaigh ar imirce, Ráiteas an 23 Meán Fómhair 2015.

(14) Rialachán (CE) Uimh. 2007/2004 ón gComhairle an 26 Deireadh Fómhair 2004 lena mbunaítear Gníomhaireacht Eorpach chun Comhar Oibríochtúil a Bhainistiú ag Teorainneacha Seachtracha Bhallstáit an Aontais Eorpaigh (IO L 349, 25.11.2004, Lch. 1).

(15) Treoir 2008/115/CE ó Pharlaimint na hEorpa agus ón gComhairle an 16 Nollaig 2008 maidir le caighdeáin choiteanna agus nósanna imeachta coiteanna sna Ballstáit i ndáil le náisiúnaigh tríú tíortha atá ag fanacht go neamhdhleathach a chur ar ais (IO L 348, 21.12.2008, Lch. 98).

(16) Rialachán (CE) Uimh. 768/2005 ón gComhairle lena mbunaítear Gníomhaireacht Chomhphobail um Rialú ar Iascach agus lena leasaítear Rialachán (CEE) Uimh. 2847/93 ón gComhairle lena mbunaítear córas um rialú is infheidhme maidir leis an gcomhbheartas iascaigh (IO L 128, 21.5.2005, lch.1).

(17) Rialachán (CE) Uimh. 1406/2002 ó Pharlaimint na hEorpa agus ón gComhairle an 27 Meitheamh 2002 lena mbunaítear Gníomhaireacht Eorpach um Shábháilteacht Mhuirí (IO L 208, 5.8.2002, Lch. 1).

(18) Rialachán (AE) Uimh. 182/2011 ó Pharlaimint na hEorpa agus ón gComhairle an 16 Feabhra 2011 lena leagtar síos na rialacha agus na prionsabail ghinearálta a bhaineann leis na sásraí maidir le rialú ag na Ballstáit ar fheidhmiú cumhachtaí cur chun feidhme ag an gCoimisiún (IO L 55, 28.2.2011, Lch. 13).

(19) Rialachán (AE, Euratom) Uimh. 883/2013 ó Pharlaimint na hEorpa agus ón gComhairle an 11 Méan Fómhair 2013 maidir le himscrúduithe arna ndéanamh ag an Oifig Eorpach Frith-Chalaoise (OLAF) agus lena naisghairtear Rialachán (CE) Uimh. 1073/1999 ó Pharlaimint na hEorpa agus ón gComhairle agus Rialachán (Euratom) Uimh. 1074/1999 ón gComhairle (IO L 248, 18.9.2013, Lch. 1).

(20) IO L 136, 31.5.1999, Lch. 15.

(21) Rialachán (CE) Uimh. 1049/2001 ó Pharlaimint na hEorpa agus ón gComhairle an 30 Bealtaine 2001 maidir le rochtain phoiblí ar dhoiciméid Pharlaimint na hEorpa, na Comhairle agus an Choimisiúin (IO L 145, 31.5.2001, Lch. 43).

(22) Rialachán (CE) Uimh. 45/2001 ó Pharlaimint na hEorpa agus ón gComhairle an 18 Nollaig 2000 maidir le daoine aonair a chosaint i dtaca le próiseáil sonraí pearsanta ag institiúidí agus ag comhlachtaí an Chomhphobail agus maidir le saorghluaiseacht sonraí den sórt sin (IO L 8, 12.1.2001, Lch. 1).

(23) Treoir 95/46/CE ó Pharlaimint na hEorpa agus ón gComhairle an 24 Deireadh Fómhair 1995 maidir le daoine aonair a chosaint i dtaca le próiseáil sonraí pearsanta agus maidir le saorghluaiseacht sonraí den sórt sin (IO L 281, 23.11.1995, Lch. 31).

(24) Cinneadh Réime 2008/977/CGB ón gComhairle an 27 Samhain 2008 maidir le sonraí pearsanta a chosaint faoi chuimsiú an chomhair póilíneachta agus an chomhair bhreithiúnaigh in ábhair choiriúla (IO L 350, 30.12.2008, Lch. 60).

(25) IO L 176, 10.7.1999, Lch. 36.

(26) Cinneadh 1999/437/CE ón gComhairle an 17 Bealtaine 1999 maidir le socruithe áirithe i dtaca le cur i bhfeidhm an Chomhaontaithe arna thabhairt i gcrích ag Comhairle an Aontais Eorpaigh agus Poblacht na hÍoslainne agus Ríocht na hIorua i gcrích maidir le comhlachas an dá Stát sin le acquis Schengen a chur chun feidhme, a chur i bhfeidhm agus a fhorbairt (IO L 176, 10.7.1999, Lch. 31).

(27) IO L 188, 20.7.2007, Lch. 19.

(28) IO L 53, 27.2.2008, Lch. 52.

(29) Cinneadh 2008/146/CE ón gComhairle an 28 Eanáir 2008 maidir le tabhairt i gcrích an Chomhaontuithe, thar ceann an Chomhphobail Eorpaigh, idir an tAontas Eorpach, an Comhphobal Eorpach agus Cónaidhm na hEilvéise maidir le comhlachas Chónaidhm na hEilvéise le acquis Schengen a chur chun feidhme, a chur i bhfeidhm agus a fhorbairt (IO L 53, 27.2.2008, Lch. 1).

(30) IO L 160, 18.6.2011, Lch. 21.

(31) Cinneadh 2011/350/AE ón gComhairle an 7 Márta 2011 maidir le tabhairt i gcrích an Phrótacail, thar cheann an Aontais Eorpaigh, idir an tAontas Eorpach, an Comhphobal Eorpach, Cónaidhm na hEilvéise agus Prionsacht Lichtinstéin i ndáil le haontachas Phrionsacht Lichtinstéin leis an gComhaontú idir an tAontas Eorpach, an Comhphobal Eorpach agus Cónaidhm na hEilvéise maidir le comhlachas Chónaidhm na hEilvéise le acquis Schengen a chur chun feidhme, a chur i bhfeidhm agus a fhorbairt, a bhaineann le seiceálacha ag teorainneacha inmheánacha a dhíothú agus le gluaiseacht daoine (IO L 160, 18.6.2011, Lch. 19).

(32) IO L 243, 16.9.2010, Lch. 4.

(33) IO L 131, 1.6.2000, Lch. 43.

(34) IO L 64, 7.3.2002, Lch. 20.

(35) IO C […]

(36) Rialachán (CE) Uimh. 863/2007 ó Pharlaimint na hEorpa agus ón gComhairle an 11 Iúil 2007 lena mbunaítear meicníocht chun Foirne Mear-Idirghabhála Teorann a chruthú agus lena leasaítear Rialachán (CE) Uimh. 2007/2004 ón gComhairle maidir leis an meicníocht sin agus lena rialaítear cumhachtaí agus cúraimí na naoi-oifigeach.

(37) Cinneadh 2005/267/CE ón gComhairle an 16 Márta 2005 lena mbunaítear Líonra Faisnéise agus Comhordaithe slán bunaithe ar an ngréasán le haghaidh Seirbhísí Bainistithe Imirce Ballstát (IO L 83, 1.4.2005, Lch. 48).

(38) Rialachán (CE) Uimh. 562/2006 ó Pharlaimint na hEorpa agus ón gComhairle an 15 Márta 2006 lena mbunaítear Cód Comhphobail maidir leis na rialacha lena rialaítear gluaiseacht daoine thar theorainneacha (Cód Teorainneacha Schengen) (IO L 105, 13.4.2006, Lch. 1).

(39) Rialachán (AE) Uimh. 1052/2013 ó Pharlaimint na hEorpa agus ón gComhairle an 22 Deireadh Fómhair 2013 lena mbunaítear an Córas Eorpach um Fhaireachas ar Theorainneacha (Eurosur) (IO L 295, 6.11.2013, Lch. 11).

(40) Rialachán (CE) Uimh. 45/2001 ó Pharlaimint na hEorpa agus ón gComhairle an 18 Nollaig 2000 maidir le cosaint daoine aonair i dtaca le próiseáil sonraí pearsanta ag institiúidí agus ag comhlachtaí an Chomhphobail agus maidir le saorghluaiseacht na sonraí sin (IO L 8, 12.1.2001, Lch. 1).

(41) Cinneadh 2008/381/CE ón gComhairle an 14 Bealtaine 2008 lena mbunaítear Gréasán Imirce na hEorpa (IO L 131, 21.5.2008, lch 7).

(42) Rialachán (AE) Uimh. 656/2014 ó Pharlaimint na hEorpa agus ón gComhairle an 15 Bealtaine 2014 lena mbunaítear rialacha i gcomhair faireachais ar na teorainneacha farraige seachtracha i gcomhthéacs comhair oibríochtúil a chomhordaíonn an Ghníomhaireacht Eorpach chun Comhar Oibríochtúil a Bhainistiú ag Teorainneacha Seachtracha Bhallstáit an Aontais Eorpaigh (IO L 189 27.6.2014, Lch. 93).

(43) IO L 131, 21.5.2008, Lch. 7.

(44) IO L 348, 21.12.2008, Lch. 98.

(45) Rialachán (AE) Uimh. 515/2014 ó Pharlaimint na hEorpa agus ón gComhairle an 16 Aibreán 2014 lena mbunaítear, mar chuid den Chiste Slándála Inmheánaí, an ionstraim le haghaidh tacaíochta airgeadais do theorainneacha seachtracha agus do víosaí agus lena naisghairtear Cinneadh 574/2007/CE ón gComhairle (IO L 150, 20.5.2014, Lch. 143).

(46) Cinneadh 2001/264/CE ón gComhairle an 19 Márta 2001 lena nglactar rialacháin slándála na Comhairle (IO L 101, 11.4.2001, Lch. 1.).

(47) Cinneadh (AE, Euratom) 2015/444 ón gCoimisiún an 13 Márta 2015 maidir leis na rialacha slándála chun faisnéis rúnaicmithe de chuid an Aontais Eorpaigh a chosaint (IO L 72, 17.3.2015, Lch. 53).

(48) Cinneadh (AE, Euratom) 2015/444 ón gCoimisiún an 13 Márta 2015 maidir leis na rialacha slándála chun faisnéis rúnaicmithe de chuid an Aontais Eorpaigh a chosaint (IO L 72, 17.3.2015, Lch. 53).

(49) Rialachán (CE) Uimh. 377/2004 ón gComhairle an 19 Feabhra 2004 maidir le gréasán oifigeach idirchaidrimh inimirce a chruthú (IO L 64, 2.3.2004, Lch. 1)

(50) Rialachán (CE, Euratom) Uimh. 2343/2002 ón gCoimisiún an 23 Nollaig 2002 maidir leis an gcreatRialachán Airgeadais do na comhlachtaí dá dtagraítear in Airteagal 185 de Rialachán (CE, Euratom) Uimh. 1605/2002 ón gComhairle maidir leis an Rialachán Airgeadais is infheidhme maidir le buiséad ginearálta na gComhphobal Eorpach (IO L 357, 31.12.2002, Lch. 72).

(51) Rialachán Uimh. 1 an 15 Aibreán 1958 lena gcinntear na teangacha a úsáidfear i gComhphobal Eacnamaíochta na hEorpa (IO 17, 6.10.1958, Lch. 385, Eagrán speisialta Béarla: Sraith I Caibidil 1952-1958 Lch. 59).

(52) Rialachán Tarmligthe (AE) Uimh. 1271/2013 ón gCoimisiún an 30 Meán Fómhair 2013 maidir le rialachán réime airgeadais le haghaidh na gcomhlachtaí dá dtagraítear in Airteagal 208 de Rialachán (AE, Euratom) Uimh. 966/2012 ó Pharlaimint na hEorpa agus ón gComhairle (IO L 328, 7.12.2013, Lch. 42).

(53) Rialachán (AE, Euratom) Uimh. 966/2012 ó Pharlaimint na hEorpa agus ón gComhairle an 25 Deireadh Fómhair 2012 maidir leis na rialacha airgeadais is infheidhme maidir le buiséad ginearálta an Aontais agus lena naisghairtear Rialachán (CE, Euratom) Uimh. 1605/2002 (IO L 298, 26.10.2012).

(54) IO L 136, 31.5.1999, Lch. 1.

(55) Rialachán (CE, Euratom) Uimh. 2185/96 ón gComhairle an 11 Samhain 1996 maidir le seiceálacha agus cigireachtaí ar an láthair arna ndéanamh ag an gCoimisiún chun leasanna airgeadais na gComhphobal Eorpach a chosaint ar chalaois agus ar neamhrialtachtaí eile (IO L 292, 15.11.1996, Lch. 2).

(56) Cinneadh 2005/267/CE ón gComhairle an 16 Márta 2005 lena mbunaítear Líonra Faisnéise agus Comhordaithe slán bunaithe ar an ngréasán le haghaidh Seirbhísí Bainistithe Imirce Ballstát (IO L 83, 1.4.2005, Lch. 48).

(57) ABM: Bainistiú de réir gníomhaíochtaí; ABB: Buiséadú de réir gníomhaíochtaí.

(58) Mar a thagraítear dó in Airteagal 54(2)(a) nó (b) den Rialachán Airgeadais.

(59) Ar mhaithe leis an ról a bheidh ann faoi shainordú nua na Gníomhaireachta a fheabhsú agus chun an tionchar airgeadais a bheidh ag na cúraimí nua a chur i láthair ar bhealach níos fearr, cuireadh "Tacaíocht maidir le filleadh" i láthair mar chuspóir sonrach ar leith (Uimh. 3). Cuireadh na cúraimí a bhaineann le "Bainistiú na nAcmhainní comhthiomsaithe" agus "Taighde agus Forbairt" le chéile faoi chuspóir sonrach Uimh. 6, cuireadh "Eurosur" agus "An Pictiúr de Dhálaí" le chéile faoi chuspóir sonrach Uimh. 7 agus. chomh maith leis sin, cuireadh "An Caidreamh Seachtrach agus Poiblí" agus "Cearta Bunúsacha" i láthair in éineacht faoi chuspóir sonrach Uimh. 8.

(60) LD = Leithreasuithe difreáilte / LN = Leithreasuithe neamhdhifreáilte.

(61) CSTE: Comhlachas Saorthrádála na hEorpa.

(62) Tíortha is iarrthóirí agus, nuair is iomchuí, tíortha ó na Balcáin Thiar a d'fhéadfadh bheith ina n-iarrthóirí.

(63) Is í bliain N an bhliain a chuirfear tús le cur chun feidhme an togra/tionscnaimh.

(64) Cé go dtugtar leithreasuithe oibríochtúla le fios sa teimpléad, i gcás gníomhaireachtaí, ar mhaithe leis an tionchar a bheidh ag na gníomhaíochtaí oibríochtúla a chur i láthair ar bhealach cuimsitheach, bheadh sé níos oiriúnaí na leithreasuithe oibríochtúla (Teideal 3) a chur san áireamh, ach na creidmheasanna riaracháin comhfhreagracha (Teideal 1 agus Teideal 2) arna sannadh go comhréireach ar na cuspóirí sonracha éagsúla i gcomhréir leis an bpleanáil ABM/ABB a chur san áireamh freisin. Cuimsíonn na figiúirí an fóirdheontas ón Aontas Eorpach agus na ranníocaíochtaí ó na Tíortha a mbaineann Schengen leo araon.

(65) CA = Ball foirne ar conradh; LA= Ball foirne áitiúil; SNE= Saineolaí náisiúnta ar iasacht; INT= Ball foirne gníomhaireachta; JED = Saineolaí sóisearach i dtoscaireacht.

(66) Fo-uasteorainn d'fhoireann sheachtrach arna cumhdach ag leithreasuithe faoi chomhair oibríochtaí (na seanlínte "BA").

(67) Le haghaidh na gCistí Struchtúracha, an Ciste Eorpach Talmhaíochta um Fhorbairt Tuaithe (CETFT) agus an Ciste Eorpach Iascaigh (CEI) go príomha.

(68) Féach Airteagal 11 agus Airteagal 17 de Rialachán ón gComhairle (AE, Euratom) Uimh. 1311/2013 an 2 Nollaig 2013 lena leagtar síos an creat airgeadais ilbhliantúil do na blianta 2014 go 2020.

(69) Déanann Frontex an ranníocaíocht ó Thíortha a mbaineann Schengen leo a ríomh gach bliain, ag cur méid an fhóirdheontais ón Aontas agus an coibhéis OTI do na tíortha lena mbaineann san áireamh. Is ionann é agus thart ar 6 % de bhuiséad iomlán na Gníomhaireachta. Tiontaíonn an Ghníomhaireacht an ranníocaíocht go hairgead.

(70) A fhad a bhaineann le hacmhainní dílse traidisiúnta (dleachtanna talmhaíochta, tobhaigh siúcra), ní mór na méideanna a luaitear a bheith ina nglanmhéideanna, i.e. méideanna comhlána agus 25 % de na costais bhailiúcháin a bheith bainte astu.

AN COIMISIÚN EORPACH

Strasbourg,15.12.2015

COM(2015) 671 final

IARSCRÍBHINN

a ghabhann leis an

Togra le haghaidh Rialachán ó Pharlaimint na hEorpa agus ón gComhairle

ar an nGarda Teorann agus Cósta Eorpach agus lena n-aighairtear Rialachán (CE) Uimh. 2007/2004, Rialachán (CE) Uimh. 863/2007 agus Cinneadh 2005/267/CE

IARSCRÍBHINN

a ghabhann leis an

Togra le haghaidh Rialachán ó Pharlaimint na hEorpa agus ón gComhairle

ar an nGarda Teorann agus Cósta Eorpach agus lena n-aighairtear Rialachán (CE) Uimh. 2007/2004, Rialachán (CE) Uimh. 863/2007 agus Cinneadh 2005/267/CE

TÁBLA COMHGHAOIL