This document is an excerpt from the EUR-Lex website
Document 52013SC0289
COMMISSION STAFF WORKING DOCUMENT SUMMARY OF THE IMPACT ASSESSMENT Accompanying the document Proposal for a directive of the European parliament and of the Council on payment services in the internal market and amending Directives 2002/65/EC, 2013/36/UE and 2009/110/EC and repealing Directive 2007/64/EC and Proposal for a Regulation of the European Parliament and of the Council on interchange fees for card-based payment transactions
DOICIMÉAD INMHEÁNACH OIBRE DE CHUID AN CHOIMISIÚIN ACHOIMRE AR AN MEASÚNÚ TIONCHAIR a ghabhann leis an doiciméad Togra le haghaidh treorach ó Pharlaimint na hEorpa agus ón gComhairle maidir le seirbhísí íocaíochta sa mhargadh inmheánach agus lena leasaítear Treoracha 2002/65/CE, 2013/36/AE agus 2009/110/CE agus lena n-aisghairtear Treoir 2007/64/CE agus Togra le haghaidh rialacháin ó Pharlaimint na hEorpa agus ón gComhairle maidir le táillí idirmhalartaithe ar idirbhearta íocaíochta le cárta
DOICIMÉAD INMHEÁNACH OIBRE DE CHUID AN CHOIMISIÚIN ACHOIMRE AR AN MEASÚNÚ TIONCHAIR a ghabhann leis an doiciméad Togra le haghaidh treorach ó Pharlaimint na hEorpa agus ón gComhairle maidir le seirbhísí íocaíochta sa mhargadh inmheánach agus lena leasaítear Treoracha 2002/65/CE, 2013/36/AE agus 2009/110/CE agus lena n-aisghairtear Treoir 2007/64/CE agus Togra le haghaidh rialacháin ó Pharlaimint na hEorpa agus ón gComhairle maidir le táillí idirmhalartaithe ar idirbhearta íocaíochta le cárta
/* SWD/2013/0289 final */
DOICIMÉAD INMHEÁNACH OIBRE DE CHUID AN CHOIMISIÚIN ACHOIMRE AR AN MEASÚNÚ TIONCHAIR a ghabhann leis an doiciméad Togra le haghaidh treorach ó Pharlaimint na hEorpa agus ón gComhairle maidir le seirbhísí íocaíochta sa mhargadh inmheánach agus lena leasaítear Treoracha 2002/65/CE, 2013/36/AE agus 2009/110/CE agus lena n-aisghairtear Treoir 2007/64/CE agus Togra le haghaidh rialacháin ó Pharlaimint na hEorpa agus ón gComhairle maidir le táillí idirmhalartaithe ar idirbhearta íocaíochta le cárta /* SWD/2013/0289 final */
1.
Réamhrá Tá ríomhíocaíochtaí
slána éifeachtacha iomaíocha nuálacha ríthábhachtach má tá tomhaltóirí,
ceannaithe agus cuideachtaí chun leas iomlán a bhaint as an Margadh Aonair agus
de réir mar atá an domhan ag dul níos faide ná trádáil fhisiciúil i dtreo na
ríomhthráchtála. Rinneadh dul chun cinn agus comhtháthú suntasach ar
íocaíochtaí miondíola san AE leis an acquis reachtach reatha maidir le
híocaíochtaí. Tá réimsí tábhachtacha de mhargadh na n-íocaíochtaí – íocaíochtaí
le cárta, ar an idirlíon agus ar fhóin phóca – ilroinnte thar theorainneacha
náisiúnta fós áfach. Léirigh na forbairtí is déanaí sna margaí sin freisin go
bhfuil bearnaí agus neamhréireachtaí rialála áirithe ann fós sa chreat
dlíthiúil reatha le haghaidh íocaíochtaí. 2.
Sainiú na faidhbe 2.1.
Fadhbanna Tá dul chun cinn
suntasach bainte amach leis an gcreat dlí a bunaíodh leis an Treoir um
Sheirbhísí Íocaíochta 2007/64/CE (TSÍ)[1]
cheana féin maidir le comhtháthú foriomlán ar an margadh íocaíochtaí miondíola
Eorpach. Tá roinnt fadhbanna sonracha dea‑shainithe ann fós i réimsí na
n-íocaíochtaí le cárta, ar an idirlíon agus ar fhóin phóca áfach. Tá dhá
chatagóir cúiseanna taobh thiar de na fadhbanna seo: ar an gcéad dul síos, i
roinnt réimsí, níl an margadh ag feidhmiú go barrmhaith; ar an dara dul síos,
tá roinnt bearnaí agus easnaimh a bhaineann leis na forálacha dlí reatha. 2.1.1.
Ilroinnt an mhargaidh Tá caighdeánú agus
idir-inoibritheacht theicniúil ríthábhachtach i dtimpeallacht íocaíochtaí atá
bunaithe ar líonraí. D'fhonn an raon idir íocóirí,
íocaithe agus a gcuid soláthraithe seirbhíse íocaíochta (SSÍnna) a bharrmhéadú,
tá gá le hidir-inoibritheacht idir scéimeanna difriúla bunaithe ar chaighdeáin
choiteanna. Baineann easpa caighdeánaithe agus idir-inoibritheachta idir
réitigh dhifriúla, i ngnéithe áirithe agus go feadh méide difriúla, le
híocaíochtaí le cárta, ar an idirlíon agus ar fhóin phóca, go háirithe ar
leibhéal trasteorann. Is measa na fadhbanna seo, a chuireann teorainn le
hiomaíocht freisin, de thoradh socruithe laga rialachais sa mhargadh íocaíochtaí
miondíola Eorpach. 2.1.2.
Iomaíocht neamhéifeachtach I réimse na gcártaí
íocaíochta tá roinnt rialacha agus cleachtas sriantach gnó ann a bhfuil
saobhadh ar an iomaíocht mar thoradh orthu. Ar an gcéad dul síos,
cruthaíonn comhaontuithe comhchoiteanna idir bainc eisiúna cártaí agus bainc
fála ó thaobh córais na gcártaí íocaíochta maidir le táillí idirbhainc, ar a
dtugtar Táillí Idirmhalartaithe (TInna), cruthaíonn siad roinnt fadhbanna ó
thaobh iomaíochta agus comhtháthú an mhargaidh de. Bíonn aisiomaíocht ann i
ngeall ar TInna, rud a fhágann go mbíonn brú suas seachas síos ar na praghsanna
a ghearrtar ar cheannaithe agus ar thomhaltóirí. Lena chois sin, is bacainn
roimh chomhtháthú an mhargaidh iad na leibhéil an‑éagsúla TInna idir
Ballstáit agus an chaoi a gcuirtear TInna i bhfeidhm thar tíortha trí dhreasachtaí
a bhaint ó cheannaithe seirbhísí de chuid soláthraithe thar lear a úsáid. Chomh maith leis sin,
cuireann rialacha scéimeanna cártaí áirithe teorainn le rogha agus cumas na
gceannaithe a dhiúltaíonn d'ionstraimí costasacha íocaíochta nó treoraíonn siad
tomhaltóirí i dtreo modhanna íocaíochta níos saoire. 2.1.3.
Cleachtais éagsúla idir Bhallstáit ó thaobh muirir
a ghearradh Ceapadh formhuirir
(muirir ar ionstraim shonrach íocaíochta a úsáid) ar dtús mar shásra stiúrtha
do cheannaithe chun tomhaltóirí a threorú i dtreo ionstraimí íocaíochta níos
saoire nó níos éifeachtaí. Ní raibh na torthaí orthu a rabhthas ag súil leo,
áfach. Faoi láthair, ceadaíonn an leathchuid de Bhallstáit an AE formhuirir a
ghearradh agus tá cosc air sna Ballstáit eile. Fágann seo go bhfuil mearbhall
suntasach agus dochar do thomhaltóirí sa chomhthéacs r-thráchtála. 2.1.4.
Folús dlíthiúil i gcás soláthraithe seirbhíse
íocaíochta idirlín áirithe Ó ghlacadh an TSÍ in
2007, tá seirbhísí nua tagtha chun cinn i réimse na n-íocaíochtaí idirlín,
amhail soláthraithe tríú páirtí (STPanna) a sholáthraíonn túsú íocaíochtaí
bunaithe ar bhaincéireacht ar líne. Is rogha mhalartach mharthanach ar chártaí
atá sna seirbhísí seo le haghaidh íocaíochtaí ar an idirlíon toisc gurb iondúil
go mbíonn siad níos saoire do cheannaithe agus go bhfuil rochtain orthu ag an
líon mór tomhaltóirí nach bhfuil cártaí creidmheasa acu. Ardaíodh raon leathan
cúiseanna imní áfach toisc go bhfuil rochtain ag tríú páirtithe ar fhaisnéis
aitheantais bhaincéireachta ar líne tomhaltóirí agus toisc nach bhfuil na
seirbhísí nua seo cumhdaithe ag an gcreat dlí atá ann faoi láthair. 2.1.5.
Bearnaí sa raon feidhme agus cur i bhfeidhm
neamh-chomhsheasmhach an TSÍ Tá léirmhíniú agus cur i
bhfeidhm an-éagsúil ar an dlí seo i mBallstáit dhifriúla i ngeall ar dhíolúintí
áirithe sa TSÍ. Is cosúil go bhfuil critéir diolúine TSÍ ró-ghinearálta nó as
dáta i ndáil le forbairtí an mhargaidh agus tá léirmhínithe difriúla ag
Ballstáit orthu. Baineann sé seo go háirithe le díolúintí TSÍ le haghaidh
gníomhairí tráchtála, líonraí teoranta, idirbhearta íocaíochta arna dtúsú agus
gléas teileachumarsáide agus soláthraithe neamhspleácha ATManna. Bíonn bearnaí
ann freisin i raon feidhme an TSÍ i leith íocaíochtaí lena bhfuil céim amháin
den idirbheart lonnaithe lasmuigh den LEE agus i leith íocaíochtaí in
airgeadraí nach airgeadraí an AE iad. 2.2.
Iarmhairtí Tá iarmhairtí ag na
fadhbanna a sainaithníodh ar thomhaltóirí, ar cheannaithe, ar sholáthraithe nua
íocaíochta agus ar an margadh ina iomláine. 2.2.1.
Neamhchothrom iomaíochta idir sholáthraithe seirbhíse
/ institiúidí íocaíochta Tá leas dílsithe acu
siúd atá sa mhargadh cheana féin – go háirithe bainc agus scéimeanna cártaí –
fáltais ó íocaíochtaí le cártaí, agus ó TInna thar rud ar bith eile, a mhéadú,
nó a chosaint ar a laghad. Dá thoradh sin, bíonn deacrachtaí tromchúiseacha ag
soláthraithe seirbhíse a chuireann réitigh íocaíochta lena mbaineann TI níos
ísle, nó réitigh íocaíochta gan TI, dul isteach sa mhargadh. Lena chois sin, cuireann
bearnaí maidir le caighdeánú agus idir-inoibritheacht cosc ar iomaíocht ina
measc siúd atá sa mhargadh cheana féin agus cruthaíonn siad bacainn eile roimh
dhul isteach sa mhargadh do SSÍnna nua nuálaíocha. 2.2.2.
Drochthionchair ar Úsáideoirí Seirbhísí Íocaíochta
(tomhaltóirí, ceannaithe) Treoraíonn bainc
tomhaltóirí i dtreo cártaí costasacha a úsáid, amhail cártaí préimhe. I gcás
nach féidir leo cártaí den sórt sin a dhiúltú ná táille a ghearradh ar
thomhaltóirí go díreach as a n-úsáid, cuireann ceannaithe na costais seo ar
aghaidh chuig na tomhaltóirí uile trí bhíthin praghsanna níos airde ar na
hearraí agus seirbhísí atá á soláthar acu. Déanann seo dochar don tsochaí. Ar
an lámh eile, seans go mbeadh ar a lán ceannaithe atá níos lú íocaíochtaí le
cárta a dhiúltú i ngeall ar na táillí arda a ghearrann lucht fála cártaí orthu
(táillí a bhfuil TI ina phríomh‑chomhpháirt dóibh). 2.2.3.
Leibhéal íseal gníomhaíochta trasteorann I ngeall ar easpa
idir-inoibritheachta, go háirithe i gcás cártaí dochair nó íocaíochtaí bunaithe
ar bhaincéireacht ar líne, bíonn tomhaltóirí teoranta do chártaí creidmheasa
costasacha den chuid is mó agus iad ag ceannach ar líne ó thír eile. Is dócha
gur sin cuid den chúis ar ordaigh 34 % de thomhaltóirí san AE earraí nó
seirbhísí thar an idirlíon go náisiúnta in 2011, ach nár ordaigh ach 10 % acu
táirgí ar bhonn trasteorann.[2] I gcás ceannaithe, is
minic a bhíonn an rogha maidir le soláthraí seirbhísí a fháil teoranta dóibh
siúd atá ann cheana féin sa mhargadh baile. Bíonn sé deacair ar chuideachtaí
móra miondíola Eorpacha fiú leas a bhaint as seirbhísí de chuid lucht fála atá
lonnaithe i mBallstát eile. Fágann sin go gcailleann ceannaithe amach ar
dheiseanna barainneachtaí scála a bhaint amach agus oibríochtaí a shruthlíniú. 2.2.4.
Nuálaíocht scaipthe agus faoi bhac I ngeall ar
dhifríochtaí teicniúla idir fhormáidí agus chineálacha bonneagair íocaíochtaí
náisiúnta, bíonn a gcás gnó srianta don mhargadh náisiúnta ag iontrálaithe nua
sa mhargadh nó ag soláthraithe seirbhísí íocaíochta atá ann cheana ar mian leo
tosú ar sheirbhísí nuálacha a thairiscint. Cuireann seo teorainn leis an
bhféidearthacht coigiltí a scálú, i dtéarmaí laghduithe costais agus fáltais
fhéideartha araon, agus dá bhrí sin níl dreasachtaí ann d'infheistíochtaí
nuathionscanta. Ag ceann cúrsa, d’fhéadfadh sé go bhfágfaí nuálaíocht taobh
thiar san Eoraip i gcomparáid le réigiúin eile, amhail SAM nó an Áise / Aigéan
Ciúin, má bhíonn timpeallacht ilroinnte feadh teorainneacha náisiúnta ann. 3.
An cás ar son gníomhaíochta ag an AE Margadh comhtháite a
bheith san AE le haghaidh margaidh ríomh-íocaíochtaí miondíola, rannchuidíonn
sé leis an aidhm arna cuimsiú in Airteagal 3 den Chonradh ar an Aontas Eorpach
ina sainordaítear margadh inmheánach a bheith ann. Ar na leasanna a bhaineann
le comhtháthú na margadh tá breis iomaíochta idir SSÍnna agus tuilleadh
roghanna, nuálaíochta agus slándála d’úsáideoirí seirbhísí íocaíochta, go
háirithe tomhaltóirí. I ngeall ar a
bhfuil i gceist leis, tá cur chuige ar fud an Chomhphobail de dhíth chun
margadh comhtháite íocaíochtaí, bunaithe ar líonraí a théann thar
theorainneacha náisiúnta, a bhaint amach, toisc gur gá do na prionsabail,
rialacha, próisis agus caighdeáin is infheidhme a bheith comhsheasmhach sna
Ballstáit uile d’fhonn deimhneacht dhlíthiúil agus cothrom iomaíochta a bhaint
amach do gach rannpháirtí sa mhargadh. Luíonn idirghabháil fhéideartha ar
leibhéal an AE le prionsabal na coimhdeachta mar sin. 4.
Cuspóirí beartais Tá dhá chuspóir
uileghabhálacha ghinearálta ag baint leis na réimsí fadhbanna a sainaithníodh.
Is é an chéad cheann acu cothrom iomaíochta a chruthú idir gach catagóir de
sholáthraithe seirbhísí, agus uaidh sin méadaítear líon na roghanna,
éifeachtúlacht, trédhearcacht agus slándáil na n-íocaíochtaí miondíola. Is é an
dara cuspóir soláthar seirbhísí nuálacha um íocaíochtaí le cárta, ar an idirlín
agus ar fhóin phóca a éascú thar teorainneacha trí Mhargadh Aonair a áirithiú
do gach íocaíocht mhiondíola. Eascraíonn sé chuspóir shonracha ón dá chuspóir
sin: -
dul
i ngleic le bearnaí maidir le caighdeánú agus idir-inoibritheacht le haghaidh
íocaíochtaí le cárta, ar an idirlíon agus ar fhóin phóca; -
deireadh
a chur le bacainní roimh iomaíocht, go háirithe i leith íocaíochtaí le cártaí
agus ar an idirlíon; -
cleachtais
um ghearradh táillí agus stiúrtha a ailíniú le haghaidh seirbhísí íocaíochta ar
fud an AE; -
a
áirithiú go mbeidh cineálacha seirbhísí íocaíochta atá ag teacht chun cinn
cumhdaithe ag an gcreat rialála; -
a
áirithiú go gcuirfear an creat rialála (TSÍ) i bhfeidhm go comhsheasmhach ar
fud na mBallstát; -
leasanna
tomhaltóirí a chosaint tríd an gcosaint rialála a leathnú go cainéil nua
íocaíochta agus seirbhísí nuálacha íocaíochta. 5.
Roghanna beartais Sainaithníodh
roinnt roghanna beartais. Tá achoimre ar na roghanna sin sa tábla thíos (tá na
roghanna a coinníodh aibhsithe). Sa Mheasúnú Tionchair féin tá tuairisc níos
mionsonraithe ar bhearta féideartha eile a théann i ngleic le fadhbanna lena
mbaineann tosaíocht níos ísle nó lena ndéantar a áirithiú go mbeidh na
príomhroghanna beartais éifeachtach go hiomlán gan tionchar suntasach a bheith
acu per se (bearta coimhdeacha agus mionchoigeartaithe). Ilroinnt an mhargaidh Socruithe laga rialachais 1: Gan athrú beartais 2: Comhlacht féinrialála arna bhunú ag rannpháirtithe sa mhargadh 3: Comhlacht foirmiúil bunaithe ar ghníomh dlíthiúil na gcomhreachtóirí Bearnaí caighdeánaithe agus idir-inoibritheachta 1: Gan athrú beartais 2: Caighdeánú a threorú chun cinn trí chreat um rialachas íocaíochtaí (íocaíochtaí le cárta) 3: Eagraíocht Eorpach um Chaighdeánú a shainordú (íocaíochtaí móibíleacha) 4: Ceanglais éigeantacha theicniúla a bhunú trí reachtaíocht Iomaíocht neamhéifeachtach i réimsí áirithe na n-íocaíochtaí le cárta agus ar an idirlíon Táillí idirmhalartaithe (TInna) 1: Gan athrú beartais 2: Fáil trasteorann a cheadú agus leibhéal na dtáillí idirmhalartaithe trasteorann a rialáil 3: Sainordú go socróidh Ballstáit TInna inmheánacha bunaithe ar mhodheolaíocht choiteann 4: Leibhéal TInna coiteanna a shocrú ar fud an AE, bunaithe ar uasteorainn 5: Díolúintí do chártaí tráchtála agus do chartaí arna n-eisiúint agus scéimeanna tríú páirtí 6: Rialáil ar Mhuirir Seirbhísí Ceannaí Rialacha sriantacha gnó 1: Gan athrú beartais 2: An Riail 'Glacadh le Gach Cárta' a bhaint go deonach ag scéimeanna cártaí 3: (Cuid den) Riail 'Glacadh le Gach Cárta' a Thoirmeasc Cleachtais éagsúla idir Bhallstáit ó thaobh muirir a ghearradh 1: Gan athrú beartais 2: Formhuirearú a urchosc i ngach Ballstát 3: Formhuirearú a cheadú i ngach Ballstát 4: Ceangal a leagan ar cheannaithe modh íocaíochta amháin ar a laghad a úsáidtear go forleathan a thairiscint i gcónaí gan aon fhormhuirear 5: Cosc ar fhormhuirearú le haghaidh ionstraimí íocaíochta rialáilte TI Folús dlíthiúil i gcás soláthraithe áirithe seirbhíse íocaíochta Rochtain ar fhaisnéis maidir le fáil ar chistí do scéimeanna nua cártaí agus do sholáthraithe tríú páirtí (STPanna) eile 1: Gan athrú beartais 2: Coinníollacha rochtana a shainiú, cearta agus oibleagáidí STPanna a shainiú, an leithdháileadh dliteanais a shoiléiriú 3: Cead a thabhairt do STPanna rochtain a fháil ar an bhfaisnéis trí chomhaontú conarthach leis an mbanc lena mbaineann an cuntas Bearnaí sa raon feidhme agus cur i bhfeidhm neamh-chomhsheasmhach an TSÍ Raon feidhme diúltach an TSÍ 1: Gan athrú beartais 2: Díolúintí TSÍ a thabhairt cothrom le dáta agus a shoiléiriú (gníomhairí tráchtála agus líonraí teoranta) 3: Díolúintí a scriosadh (íocaíochtaí arna dtúsú ar mhodhanna teileachumarsáide agus UMBanna (Uathmheaisíní Bainc) neamhspleácha) 4: Ceangal a leagan ar sholáthraithe seirbhíse íocaíochta a bhaineann úsáid as an tseirbhís imréiteach ó údaráis inniúla a iarraidh Idirbhearta le céim amháin lasmuigh den LEE agus íocaíochtaí le hairgeadraí nach airgeadraí an AE iad 1: Gan athrú beartais 2: Síneadh iomlán chun gach idirbheart le céim amháin agus gach airgeadra a chuimsiú 3: Síneadh roghnaíoch ar rialacha áirithe TSÍ chuig idirbhearta le céim amháin agus chuig gach airgeadra Tá comhdhearcadh
i measc geallsealbhóirí maidir le (1) na leasanna a d’fhéadfadh teacht ó
leibhéal oiriúnach a bhaint amach ó thaobh caighdeánú teicniúil de, agus
idir-inoibritheacht i réimse na n-íocaíochtaí le cártaí, ar an idirlíon agus ar
fhóin phóca dá bharr; 2) an gá a bhaineann le rialacha soiléire a bheith ann
maidir le MIFanna (Táillí Idirmhalartaithe Ilbhliantúla) agus rialacha eile gnó
d’fhonn deimhneacht dhlíthiúil a sholáthar agus cothrom iomaíochta a áirithiú i
margadh na gcártaí[3]; (3) an
tábhacht a bhaineann le seirbhísí túsaithe íocaíochtaí arna dtairiscint ag
STPanna a chumhdach sa chreat rialála; (4) an gá atá le cleachtais um threorú a
chomhchuibhiú, go háirithe fomhuirearú; (5) raon feidhme an TSÍ a leathnú agus
a shoiléiriú. 6.
Tionchair Tá sé mar aidhm ag na
roghanna beartais atá molta: -
ilroinnt
an mhargaidh a laghdú trí iarrachtaí um chaighdeánú agus trí shocruithe nua
rialachais; -
dul
i ngleic le bacainní roimh iomaíocht i réimse na n-íocaíochtaí le cárta, go
háirithe trí TInna a rialáil, deireadh a chur le rialacha sriantacha gnó agus
rochtain ar an margadh a fheabhsú; -
na
féidearthachtaí atá ag ceannaithe formhuirir a ghearradh, na féidearthachtaí
sin a theorannú do na hionstraimí atá fágtha lasmuigh de raon feidhme an
rialacháin TI; -
creat
dlí a sholáthar i ndáil le rochtain ag STPanna ar fhaisnéis maidir le cistí; -
bearnaí
rialála agus neamh-chomhsheasmhachtaí sa TSÍ a laghdú go mór. An tsaincheist a sainaithníodh || An Rogha a Mholtar || Tionchar Eacnamaíoch ar leibhéal an AE Rialachas agus caighdeánú Socruithe rialachais || Trí bhíthin comhlachta fhoirmiúil (An Chomhairle Eorpach um Íocaíochtaí Miondíola) || Rannpháirtíocht níos fearr i measc geallsealbhóirí. Imeallchostais i gceist leis. Caighdeánú ar íocaíochtaí le cárta || Trí bhíthin creata rialachais íocaíochtaí (faoin gCreat Eorpach um Íocaíochtaí Miondíola) || Rannchuidíonn sé le margadh cártaí atá comhtháite go hiomlán. Tairbhí measta de 4 billiún in aghaidh na bliana, do ghnólachtaí agus tomhaltóirí go príomha. Caighdeánú ar íocaíochtaí ar fhóin phóca || Trí bhíthin na hEagraíochta Eorpaí um Chaighdeánú || Treoraíonn sé líon na n-idirbheart le híocaíochtaí ar fhóin phóca. Meastachán: 68 % níos mó idirbheart má dhéantar caighdeánú. Táillí idirmhalartaithe (d'íocaíochtaí le cárta) Rialachán TInna (Céim 1) || Uasteorainn a leagan ar TInna trasteorann (dochar agus sochar) agus rogha TI a cheadú d'idirbhearta trasteorann (trí fháil trasteorann, féach thíos) || Coigiltí oibríochtúla do cheannaithe móra. Measta ag EUR 3 billiún in aghaidh na bliana. Rialachán TInna (Céim 2) || Uasteorainn ar TInna i gcás cártaí dochair agus cártaí creidmheasa ag 0.2 % agus 0.3 % ar a mhéad de luach an idirbhirt faoi seach || Coigiltí oibríochtúla do gach ceannaí a ghlacann le cártaí. Measta ag EUR 6 billiún in aghaidh na bliana. D’fhéadfaí go gcuirfí cuid díobh sin ar aghaidh chuig tomhaltóirí. Táillí idirmhalartaithe – príomhbhearta cliathánacha Fáil trasteorann || Bacainní arna leagan síos ag scéimeanna cártaí agus dlíthe roimh fháil trasteorann a bhaint || Coigiltí oibríochtúla do cheannaithe móra measta ag cuid de EUR 3 billiún in aghaidh na bliana (má thacaítear leis le rialachán maidir le TInna trasteorann) Rialacha sriantacha gnó || Toirmeasc a chur ar (chuid den) Riail 'Glac le Gach Cárta' agus ar (chuid den) Riail maidir le Neamh-idirdhealú || Coigiltí oibríochtúla do gach ceannaí a ghlacann le cártaí. Measta ag EUR 0.6 – 1.7 billiún in aghaidh na bliana ar a mhéad, suas le EUR 0.5 billiún faoi na huasteorainneacha atá molta. D’fhéadfaí go gcuirfí cuid díobh sin ar aghaidh chuig tomhaltóirí. Cleachtais éagsúla maidir le muirir a ghearradh idir Ballstáit || Cosc ar fhormhuirearú le haghaidh ionstraimí íocaíochta le TI rialáilte || Coigiltí do thomhaltóirí suas le EUR 731 milliún in aghaidh na bliana Bearna sa raon feidhme agus cur i bhfeidhm neamh-chomhsheasmhach an TSÍ Rochtain ar fhaisnéis maidir le hinfhaighteacht cistí do STPanna || Coinníollacha don rochtain ar fhaisnéis maidir le hinfhaighteacht cistí a shainiú, cearta agus oibleagáidí STPanna a shainiú, an leithdháileadh dliteanais a shoiléiriú || Coigiltí do cheannaithe má chuirtear seirbhísí STPanna in ionad cártaí creidmheasa in idirbhearta idirlín measta ag EUR 0.9 – 3.5 billiún in aghaidh na bliana. Táillí i bhfad níos lú d’aon chóras nua cártaí (15-75 %). Réiteach nua um íocaíochta ar líne do thomhaltóirí, lena n-áirítear tomhaltóirí nach bhfuil cártaí creidmheasa acu. Raon feidhme diúltach (díolúintí) || Athshainiú ar an raon feidhme do ghníomhairí tráchtála agus líonraí teoranta; cuir idirbhearta arna dtúsú le TF / le fóin phóca agus UMBanna neamhspleácha san áireamh sa raon feidhme; Ceangal imréiteach ó údaráis inniúla do na seirbhísí lena mbaineann díolúine || Costas do SSÍnna ábhartha measta ag EUR 128 – 193 milliún (aonuaire). Níl na tairbhí inchainníochtúil, ach ina measc tá cosaint fheabhsaithe do thomhaltóirí, leibhéal slándála íocaíochtaí méadaithe agus cothrom iomaíochta. Raon feidhme dearfach (idirbhearta aonchéime agus le hairgeadraí nach airgeadraí an AE iad) || Leathnú roghnaíoch (Teideal III agus IV) ar raon feidhme TSÍ go hidirbhearta aonchéime agus le hairgeadraí nach airgeadraí an AE iad || Imeallchostais i gceist leis. Tairbhí TSÍ leathnaithe go hidirbhearta íocaíochta le luach iomlán measta de EUR 60 billiún in aghaidh na bliana do 32 milliún Úsáideoirí Seirbhíse Íocaíochta (PSU). Tionchair ar
gheallsealbhóirí Anuas ar na tairbhí
díreacha eacnamaíocha a luaitear thuas: Is é an tairbhe is mó do thomhaltóirí go bhfuil méadú
ar rogha na modhanna íocaíochta, go háirithe trí sheirbhísí STPanna agus
íocaíochtaí ar fhóin phóca; rialacha neartaithe um chosaint tomhaltóirí agus rannpháirtíocht
níos láidre i rialachas na n-íocaíochtaí miondíola. Tugtar saoirse do cheannaithe maidir le
glacadh le modhanna íocaíochta (tar éis an cumas a fháil cártaí costasacha a
dhiúltú); baineann siad leas as tuilleadh caighdeánaithe (m.sh. trí chuíchóiriú
ar theirminéil chun cártaí a léamh) agus an fhéidearthacht fáil thar
theorainneacha / go lárnach. Iontrálaithe nua ar
thaobh an tsoláthair: Baineann siad cothrom iomaíochta agus rochtain
ar an margadh amach (m.sh. STPanna agus scéimeanna nua cártaí); baineann siad
leas ón rialachán TI. SSÍnna agus scéimeanna
cártaí atá ann cheana féin: déanfaidh laghdú féideartha ar fháltais tríd an
rialachán TI difear do bhainc agus do scéimeanna cártaí; beidh iomaíocht níos
láidre acu ó iontrálaithe nua. Is dócha go mbeidh tairbhí ann dóibh sa
mheántéarma agus go fadtéarmach trína thuilleadh caighdeánaithe agus líon
íocaíochtaí le cárta i bhfad níos airde ná mar atá anois ann (toisc go dtosódh
go leor ceannaithe eile, go háirithe cinn bheaga, ag glacadh le cártaí). 7.
Ionstraimí rialála atá beartaithe Is féidir dul i ngleic
lena lán de na roghanna beartais atá molta trí athbhreithniú ar an TSÍ.
Baineann sé seo go háirithe leis na réimsí arna gcumhdach ag an TSÍ sa lá atá
inniu ann, m.sh. rochtain ag STPanna ar an margadh, formhuirearú agus rialacha
le haghaidh institiúidí íocaíochta. Rachfaí i ngleic le bearta eile, go
háirithe rialáil ar TInna agus bearta coimhdeacha, le Rialachán tiomnaithe. D’fhéadfaí dul i ngleic
le roinnt de na bearta a ndéantar cur síos orthu thuas le modhanna
neamhreachtacha, mar shampla trí rannpháirtíocht na nEagraíochtaí Eorpacha um
Chaighdeánú. [1]
http://eur-lex.europa.eu/LexUriServ/LexUriServ.do?uri=OJ:L:2007:319:0001:0036:GA:PDF [2]
http://epp.eurostat.ec.europa.eu/portal/page/portal/information_society/data/main_tables [3]
Go háirithe i bhfianaise go leor imeachtaí iomaíochta.