(1)

Chuaigh téarma oifige 26 Bhreitheamh de chuid na Cúirte Ginearálta in éag an 31 Lúnasa 2022.

(2)

Sa chomhthéacs sin, moladh go ndéanfaí athnuachan ar théarma oifige Juraj SCHWARCZ ina cháil mar Bhreitheamh de chuid na Cúirte Ginearálta. Ba cheart, dá bhrí sin, Juraj SCHWARCZ a cheapadh don tréimhse ó dháta theacht i bhfeidhm an Chinnidh seo go dtí an 31 Lúnasa 2028.

(3)

Ina theannta sin, rachaidh téarma oifige 26 Bhreitheamh den Chúirt Ghinearálta in éag an 31 Lúnasa 2025. Ba cheart, dá bhrí sin, ceapacháin a dhéanamh do na poist sin don tréimhse ón 1 Meán Fómhair 2025 go dtí an 31 Lúnasa 2031.

(4)

Moladh go ndéanfaí athnuachan ar théarmaí oifige Suzanne KINGSTON, Colm MAC EOCHAIDH, José MARTÍN Y PÉREZ DE NANCLARES agus Miguel SAMPOL PUCURULL mar Bhreithiúna den Chúirt Ghinearálta.

(5)

I gcomhréir le hAirteagal 7 de Phrótacal Uimh. 3 ar Reacht Chúirt Bhreithiúnais an Aontais Eorpaigh, agus tar éis cheapadh Stéphane GERVASONI ina Bhreitheamh den Chúirt Bhreithiúnais, ba cheart Breitheamh a cheapadh don Chúirt Ghinearálta ar feadh a bhfuil fágtha de théarma oifige Stéphane GERVASONI, eadhon go dtí an 31 Lúnasa 2025. Ainmníodh Hervé CASSAGNABÈRE don fholúntas sin.

(6)

Ar deireadh, i gcomhréir le hAirteagal 7 de Phrótacal Uimh. 3 ar Reacht Chúirt Bhreithiúnais an Aontais Eorpaigh, agus tar éis cheapadh Dean SPIELMANN ina Abhcóide Ginearálta den Chúirt Bhreithiúnais, ba cheart breitheamh a cheapadh don Chúirt Ghinearálta ar feadh a bhfuil fágtha de théarma oifige Dean SPIELMANN, eadhon go dtí an 31 Lúnasa 2028. Ainmníodh Raphael MEYER don fholúntas sin.

(7)

Thug an painéal, a cuireadh ar bun faoi Airteagal 255 den Chonradh ar Fheidhmiú an Aontais Eorpaigh, tuairim fhabhrach uaidh ar oiriúnacht na n-iarrthóirí sin chun feidhmeanna Breithimh den Chúirt Ghinearálta a fheidhmiú,

—

Suzanne KINGSTON,

—

Colm MAC EOCHAIDH,

—

José MARTÍN Y PÉREZ DE NANCLARES,

—

Miguel SAMPOL PUCURULL.