(1)

Le Rialachán Cur Chun Feidhme (AE) 2019/627 ón gCoimisiún (2), leagtar síos socruithe praiticiúla aonfhoirmeacha maidir le rialuithe oifigiúla a dhéanamh ar tháirgí de bhunadh ainmhíoch atá beartaithe lena gcaitheamh ag an duine, agus maidir le bearta i leith tháirgeadh na dtáirgí sin, lena n-áirítear ceanglais shonracha maidir le haicmiú limistéar táirgthe agus athsheachadta le haghaidh moilisc dhébhlaoscacha bheo.

(2)

Le hAirteagal 56 de Rialachán Cur Chun Feidhme (AE) 2019/627, leagtar síos rialacha maidir leis an suirbhé sláintíochta atá le déanamh ag na húdaráis inniúla sula n-aicmeofar limistéar táirgthe nó athsheachadta. De bhun Airteagal 56(2) den Rialachán sin, tá na húdaráis inniúla le suirbhé sláintíochta a dhéanamh a chomhlíonfaidh ceanglais an Airteagail sin i ngach limistéar aicmithe táirgthe agus athsheachadta, ach amháin má rinneadh suirbhé den sórt sin roimhe sin.

(3)

Is léir ón taithí a fuarthas nach gá suirbhé sláintíochta a dhéanamh i limistéir a aicmíodh roimh theacht i bhfeidhm Rialachán Cur Chun Feidhme (AE) 2019/627, limistéir atá faoi réir clár faireacháin i gcomhréir le hAirteagal 57 den Rialachán sin, ach amháin má léiríonn sonraí ón bhfaireachán athruithe ábhartha a d’fhéadfadh difear leanúnach a dhéanamh d’aicmiú an limistéir lena mbaineann.

(4)

Dá bhrí sin, ba cheart Rialachán Cur Chun Feidhme (AE) 2019/627 a leasú dá réir.

(5)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

i mír 1, cuirtear an méid seo a leanas in ionad na habairte tosaigh:

‘Déanfaidh na húdaráis inniúla suirbhé sláintíochta

Beidh an méid seo a leanas sa suirbhé sláintíochta:’;

(2)

scriostar mír 2.