(1)

Foráiltear le Rialachán (AE) 2016/429 nach bhfuil teacht isteach coinsíneachtaí d’ainmhithe, de tháirgí geirmeacha agus de tháirgí de bhunadh ainmhíoch ó thríú tíortha nó críocha san Aontas le ceadú ach amháin má liostaítear na tríú tíortha nó na críocha lena mbaineann i gcomhréir le hAirteagal 230(1) den Rialachán sin.

(2)

Le Rialachán Tarmligthe (AE) 2020/692 ón gCoimisiún (2), leagtar síos na ceanglais sláinte ainmhithe nach mór do choinsíneachtaí de speicis agus catagóirí áirithe ainmhithe, de tháirgí geirmeacha agus de tháirgí de bhunadh ainmhíoch a chomhlíonadh chun teacht isteach san Aontas ó thríú tíortha nó críocha, nó criosanna de thríú tír nó críoch, nó ó dheighleoga de thríú tír nó críoch i gcás ainmhithe dobharshaothraithe.

(3)

Le Rialachán Cur Chun Feidhme (AE) 2021/404 ón gCoimisiún (3), leagtar síos na liostaí de thríú tíortha nó críocha, nó criosanna de thríú tír nó críoch óna gceadaítear na speicis agus na catagóirí ainmhithe, táirgí geirmeacha agus táirgí de bhunadh ainmhíoch a thagann faoi raon feidhme Rialachán Tarmligthe (AE) 2020/692 a theacht isteach san Aontas. Déantar na liostaí sin agus rialacha ginearálta áirithe maidir leis na liostaí sin a leagan amach in Iarscríbhinní I go XXII a ghabhann leis an Rialachán Cur Chun Feidhme sin.

(4)

Go háirithe, le hIarscríbhinní XIV, agus XV a ghabhann le Rialachán Cur Chun Feidhme (AE) 2021/404 leagtar amach na liostaí de thríú tíortha nó de chríocha nó de chriosanna de thríú tír nó de chríoch atá údaraithe maidir le coinsíneachtaí d’fheoil úr ó éanlaith chlóis agus ó éin ghéim agus de tháirgí feola ó chrúbacha, ó éanlaith chlóis agus ó éin ghéim a theacht isteach san Aontas.

(5)

Tar éis ráig den fhliú éanúil ardphataigineach in éanlaith chlóis i mbardas Petrovo in Republika Srpska, sa Bhoisnia agus sa Heirseagaivéin, ráig a deimhníodh an 25 Feabhra 2026, le Rialachán Cur Chun Feidhme (AE) 2026/520 ón gCoimisiún (4) cuireadh ar fionraí coinsíneachtaí d’fheoil úr ó éanlaith chlóis ón tír sin a theacht isteach san Aontas trí na hiontrálacha a bhaineann leis an tríú tír sin a leasú, inter alia, sa tábla i Roinn B de Chuid 1 d’Iarscríbhinn XIV a ghabhann le Rialachán Cur Chun Feidhme (AE) 2021/404. I Rialachán Cur Chun Feidhme (AE) 2026/520 cuimsíodh freisin, sna hiontrálacha a bhaineann leis an mBoisnia agus an Heirseagaivéin sa tábla i Roinn A de Chuid 1 d’Iarscríbhinn XV a ghabhann le Rialachán Cur Chun Feidhme (AE) 2021/404, an ceanglas nach gceadófar coinsíneachtaí de tháirgí feola ó éanlaith chlóis a theacht isteach san Aontas ach amháin má bhíonn cóireáil shonrach maolaithe riosca ‘D’ déanta ar na táirgí feola sin i gcomhréir le hIarscríbhinn XXVI a ghabhann le Rialachán Tarmligthe (AE) 2020/692.

(6)

An 6 Aibreán 2026, chuir an Bhoisnia agus an Heirseagaivéin faisnéis nuashonraithe faoi bhráid an Choimisiúin maidir leis an staid eipidéimeolaíoch ar a críoch i ndáil le ráig den fhliú éanúil ardphataigineach in éanlaith chlóis a deimhníodh an 25 Feabhra 2026, agus maidir leis na bearta atá déanta aici chun leathadh breise an ghalair sin a chosc. Go háirithe, tar éis na ráige sin den fhliú éanúil ardphataigineach, tá beartas díothaithe curtha chun feidhme ag an mBoisnia agus an Heirseagaivéin chun leathadh an ghalair sin a rialú agus a theorannú, mar aon le glanadh agus díghalrú tar éis chur chun feidhme an bheartais díothaithe sna bunaíochtaí atá buailte, agus tá clár faireachais curtha chun feidhme aici lena léirítear nach bhfuil ionfhabhtú ann sna pobail atá i mbaol.

(7)

Tá meastóireacht déanta ag an gCoimisiún ar an bhfaisnéis a chuir an Bhoisnia agus an Heirseagaivéin faoina bhráid agus tá sé tagtha ar an gconclúid go bhfuil ráthaíochtaí iomchuí tugtha aici nach bagairt do shláinte ainmhithe ná don tsláinte phoiblí san Aontas a thuilleadh í an staid sláinte ainmhithe ba chúis le teacht isteach san Aontas coinsíneachtaí d’fheoil úr ó éanlaith chlóis a chur ar fionraí, mar a leagtar amach sa tábla i Roinn B de Chuid 1 d’Iarscríbhinn XIV a ghabhann le Rialachán Cur Chun Feidhme (AE) 2021/404, agus, dá bhrí sin, féadfar teacht isteach na gcoinsíneachtaí sin san Aontas ón mBoisnia agus ón Heirseagaivéin a athúdarú. Ina theannta sin, táirgí feola ó éanlaith chlóis ón mBoisnia agus ón Heirseagaivéin a theacht isteach san Aontas, ba cheart é sin a bheith faoi réir cóireáil neamhshonrach ‘A’ atá sannta dóibh, agus ba cheart an ceanglas sin a leagan amach i gcolún 10 den tábla i gCuid 1, Roinn A d’Iarscríbhinn XV a ghabhann le Rialachán Cur Chun Feidhme (AE) 2021/404.

(8)

Dá bhrí sin, ba cheart Iarscríbhinní XIV agus XV a ghabhann le Rialachán Cur Chun Feidhme (AE) 2021/404 a leasú dá réir sin.

(9)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,