(1)

Le Rialachán (AE) 2024/386 ón gComhairle (2), tugtar éifeacht do Chinneadh (CBES) 2024/385 ón gComhairle (3), agus déantar foráil maidir le bearta áirithe ina gcoinne siúd a thacaíonn le gníomhaíochtaí foréigneacha Hamas agus Jiohád Ioslamach na Palaistíne, nó a éascaíonn nó a chumasaíonn na gníomhaíochtaí sin, lena n-áirítear reo a sócmhainní.

(2)

Sna conclúidí uaithi an 26 Meitheamh 2025, d’iarr an Chomhairle Eorpach go ndéanfaí tuilleadh oibre ar bhearta sriantacha i gcoinne Hamas.

(3)

Tá Hamas fós ina bhagairt ar an tsíocháin agus ar an tslándáil idirnáisiúnta. Is ionann a ghníomhaíochtaí foréigneacha agus sáruithe tromchúiseacha ar an dlí daonnúil idirnáisiúnta agus ar an dlí um chearta an duine. Is é Biúró Polaitiúil Hamas (‘Politburo’) príomhchomhlacht cinnteoireachta an ghrúpa agus cinneann sé a bheartais shóisialta, pholaitiúla agus mhíleata. Go háirithe, tá sciathán míleata Hamas (Hamas-Izz al-Din al-Qassem) faoi réir na mbeartas ginearálta arna gcinneadh ag an Politburo agus tá dílseacht don Politburo geallta go seasta aige. Ina theannta sin, tá eolas ag comhaltaí den Politburo ar phleanáil, ar ullmhú agus ar chur i gcrích ghníomhaíochtaí foréigneacha Hamas. Déanann siad na gníomhaíochtaí foréigneacha sin a chur chun cinn, a chosaint agus údar a thabhairt leo freisin, agus is minic iad ag bagairt go poiblí nó ag tabhairt rabhadh faoi iompar comhchosúil amach anseo. Dá bhrí sin, measann an Chomhairle go bhfuil ról suntasach ag comhaltaí den Politburo i bpróiseas cinnteoireachta Hamas agus go bhfuil tionchar suntasach acu ar ghníomhaíochtaí Hamas, lena n-áirítear a ghníomhaíochtaí foréigneacha. Dá bhrí sin, is orthusan atá an fhreagracht fhoriomlán as na gníomhaíochtaí sin.

(4)

Chun srian a chur le gníomhaíochtaí foréigneacha Hamas, ghlac an Chomhairle, an 28 Bealtaine 2026, Cinneadh (CBES) 2026/1173, ar cinneadh é lena ndéantar foráil maidir le bearta sriantacha, i bhfoirm srianta taistil ar chomhaltaí den Politburo, agus reo na gcistí agus na n-acmhainní eacnamaíocha uile ar le comhaltaí den Politburo iad, nó atá faoina n-úinéireacht, ina seilbh nó faoina rialú. Níor cheart comhaltaí Politburo a bheith faoi réir na mbeart sriantach sin, áfach, má tá faisnéis leordhóthanach ann a léiríonn nach bhfuil tionchar acu ar na gníomhaíochtaí foréigneacha a dhéanann Hamas.

(5)

Le Cinneadh (CBES) 2026/1173 leasaítear teideal Chinneadh (CBES) 2024/385 freisin.

(6)

Tagann na bearta atá sa Rialachán seo faoi raon feidhme an Chonartha ar Fheidhmiú an Aontais Eorpaigh agus, dá bhrí sin, tá gá le gníomhaíocht rialála ar leibhéal an Aontais chun iad a chur chun feidhme, go sonrach d’fhonn a áirithiú go gcuirfear i bhfeidhm iad go haonfhoirmeach sna Ballstáit uile.

(7)

Ba cheart, dá bhrí sin, Rialachán (AE) 2024/386 a leasú dá réir sin,

(1)

cuirtear an méid seo a leanas in ionad an teidil:

‘Rialachán (AE) 2024/386 ón gComhairle an 19 Eanáir 2024 lena mbunaítear bearta sriantacha i gcoinne Hamas agus Jiohád Ioslamach na Palaistíne agus ina gcoinne siúd a thacaíonn lena ngníomhaíochtaí foréigneacha, nó a éascaíonn nó a chumasaíonn na gníomhaíochtaí sin’

(2)

in Airteagal 2, cuirtear isteach na míreanna seo a leanas: