(1)

Le Rialachán (CE) Uimh. 1831/2003 foráiltear maidir le húdarú breiseán a bhfuiltear lena n-úsáid i gcothú ainmhithe agus maidir leis na forais agus na nósanna imeachta chun údarú den sórt sin a dheonú agus a athnuachan.

(2)

Le Rialachán Cur Chun Feidhme (AE) 2015/661 ón gCoimisiún (2) údaraíodh ullmhóid d’ion-1,4-béite-xiolanáis agus ion-1,3(4) béite-ghlúcanáis arna táirgeadh le Talaromyces versatilis IMI 378536 agus Talaromyces versatilis DSM 26702 ar feadh tréimhse 10 mbliana mar bhreiseán beathaithe le haghaidh sicíní lena ramhrú, sicíní a thógtar le bheith ina mbéaróga agus mionspeicis éanlaithe clóis lena ramhrú agus a thógtar le bheith ina mbéaróga, le Rialachán Cur Chun Feidhme (AE) 2015/2304 ón gCoimisiún (3) údaraíodh an ullmhóid sin le haghaidh turcaithe lena ramhrú agus le haghaidh pórúcháin agus le Rialachán Cur Chun Feidhme (AE) 2017/210 ón gCoimisiún (4) údaraíodh an ullmhóid sin le haghaidh béaróg.

(3)

I gcomhréir le hAirteagal 14(1) de Rialachán (CE) Uimh. 1831/2003, cuireadh iarratas isteach chun údarú na hullmhóide d’ion-1,4-béite-xiolanáis agus ion-1,3(4)-béite-ghlúcanáis arna táirgeadh le Talaromyces versatilis IMI 378536 agus Talaromyces versatilis DSM 26702 a athnuachan mar bhreiseán beathaithe le haghaidh sicíní lena ramhrú agus a thógtar le bheith ina mbéaróga, béaróg, turcaithe lena ramhrú agus a thógtar le haghaidh pórúcháin, agus mionspeicis éanlaithe clóis lena ramhrú agus a thógtar le bheith ina mbéaróga, iarratas ina n-iarrtar go n-aicmeofaí an breiseán sin i gcatagóir na mbreiseán ‘breiseáin zóiteicniúla’ agus san fheidhmghrúpa ‘feabhsaitheoirí díleáiteachta’. I gcomhréir le hAirteagal 7 de Rialachán (CE) Uimh. 1831/2003, bhain an t-iarratas sin freisin le húdarú úsáide nua den ullmhóid chéanna mar bhreiseán beathaithe le haghaidh sicíní a thógtar le haghaidh pórúcháin, sicíní le haghaidh pórúcháin, turcaithe le haghaidh pórúcháin, mionspeicis éanlaithe clóis a thógtar le haghaidh pórúcháin, agus mionspeicis éanlaithe clóis le bheith ina mbéaróga agus le haghaidh pórúcháin, agus iarradh ann go n-aicmeofaí an breiseán sin i gcatagóir na mbreiseán ‘breiseáin zóiteicniúla’ agus san fheidhmghrúpa ‘feabhsaitheoirí díleáiteachta’. Bhí na sonraí agus na doiciméid a cheanglaítear faoi Airteagal 14(2) agus Airteagal 7(3) de Rialachán (CE) Uimh. 1831/2003 ag gabháil leis an iarratas sin.

(4)

Tháinig an tÚdarás Eorpach um Shábháilteacht Bia (‘an tÚdarás’) ar an gconclúid sa tuairim uaidh an 25 Meitheamh 2025 (5) go bhfuil an ullmhóid d’ion-1,4-béite-xiolanáis agus ion-1,3(4)-béite-ghlúcanáis arna táirgeadh le Talaromyces versatilis IMI 378536 agus Talaromyces versatilis DSM 26702 fós sábháilte don spriocspeiceas, do thomhaltóirí agus don chomhshaol, faoi na coinníollacha údaraithe úsáide atá ann faoi láthair agus ós rud é nach ndearnadh modhnú substaintiúil ar mhonarú agus comhdhéanamh an bhreiseáin. Ina theannta sin, tháinig an tÚdarás ar an gconclúid, maidir le húsáid gach speicis éanlaithe clóis a leathnú, go bhfuil an breiseán sábháilte don spriocspeiceas, do thomhaltóirí agus don chomhshaol. Tháinig sé ar an gconclúid thairis sin nach greannaitheoir craicinn ná súl í an ullmhóid ach gur cheart a mheas gur íogróir craicinn agus riospráide féideartha í agus go meastar gur riosca é aon nochtadh trí ionanalú di. Luaigh an tÚdarás nach n-áirítear san iarratas ar athnuachan an údaraithe togra maidir le coinníollacha an údaraithe bunaidh a leasú ná a fhorlíonadh, ar togra é a mbeadh tionchar aige ar éifeachtúlacht an bhreiseáin. Dá bhrí sin, tháinig sé ar an gconclúid freisin nach gá measúnú a dhéanamh ar éifeachtúlacht an bhreiseáin i gcomhthéacs an athnuachana ar an údarú. Mheas sé freisin gur féidir na conclúidí ar thángthas orthu san údarú bunaidh a leathnú chuig speicis eile agus, dá bhrí sin, tháinig sé ar an gconclúid go bhféadfadh an breiseán a bheith éifeachtúil i ngach speiceas éanlaithe clóis ar íosleibhéal cuimsithe 1100 VU ion-1,4-béite-xiolanáis agus 760 VU ion-1,3(4) béite-ghlúcanáis/kg d’ábhar beatha iomlán. Níor mheas an tÚdarás go bhfuil gá le ceanglais shonracha maidir le faireachán iarmhargaidh.

(5)

Maidir leis na conclúidí agus na moltaí ar ar thángthas i measúnú roimhe seo i ndáil le hiarratas eile ar údarú an bhreiseáin chéanna, conclúidí agus moltaí a d’fhíoraigh an tÚdarás sa tuairim uaidh an 2 Iúil 2014 (6), mheas an tSaotharlann Tagartha a bunaíodh le Rialachán (CE) Uimh. 1831/2003 go bhfuil na conclúidí agus na moltaí sin bailí agus infheidhme maidir leis an iarratas atá ann faoi láthair. Dá bhrí sin, i gcomhréir le hAirteagal 5(4), pointí (a) agus (c), de Rialachán (CE) Uimh. 378/2005 ón gCoimisiún (7), níl gá le tuarascáil mheastóireachta ón tSaotharlann Tagartha.

(6)

I bhfianaise an mhéid thuas, measann an Coimisiún go gcomhlíonann an ullmhóid d’ion-1,4-béite-xiolanáis agus ion-1,3(4) béite-ghlúcanáis arna táirgeadh le Talaromyces versatilis IMI 378536 agus Talaromyces versatilis DSM 26702 na coinníollacha dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart údarú an bhreiseáin sin a athnuachan le haghaidh sicíní lena ramhrú agus a thógtar le bheith ina mbéaróga, béaróg, turcaithe lena ramhrú agus a thógtar le haghaidh pórúcháin, agus mionspeicis éanlaithe clóis lena ramhrú agus a thógtar le bheith ina mbéaróga. Thairis sin, ba cheart úsáid na hullmhóide sin a údarú le haghaidh sicíní a thógtar le haghaidh pórúcháin, sicíní le haghaidh pórúcháin, turcaithe le haghaidh pórúcháin, mionspeicis éanlaithe clóis a thógtar le haghaidh pórúcháin, agus mionspeicis éanlaithe clóis le bheith ina mbéaróga nó le haghaidh pórúcháin. Ina theannta sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte úsáideoirí an bhreiseáin a chosc. Ba cheart na bearta cosanta sin a bheith gan dochar do cheanglais eile sábháilteachta oibrithe faoi dhlí an Aontais.

(7)

Mar thoradh ar údarú na hullmhóide d’ion-1,4-béite-xiolanáis agus ion-1,3(4)-béite-ghlúcanáis arna táirgeadh le Talaromyces versatilis IMI 378536 agus Talaromyces versatilis DSM 26702 a athnuachan mar bhreiseán beathaithe le haghaidh sicíní lena ramhrú agus a thógtar le bheith ina mbéaróga, béaróg, turcaithe lena ramhrú agus a thógtar le haghaidh pórúcháin, agus mionspeicis éanlaithe clóis lena ramhrú agus a thógtar le bheith ina mbéaróga, ba cheart Rialacháin Cur Chun Feidhme (AE) 2015/661, (AE) 2015/2304 agus (AE) 2017/210 a aisghairm.

(8)

Ós rud é nach gá na modhnuithe ar na coinníollacha údaraithe maidir leis an ullmhóid d’ion-1,4-béite-xiolanáis agus ion-1,3(4)-béite-ghlúcanáis arna táirgeadh le Talaromyces versatilis IMI 378536 agus Talaromyces versatilis DSM 26702 le haghaidh sicíní lena ramhrú agus a thógtar le bheith ina mbéaróga, béaróg, turcaithe lena ramhrú agus a thógtar le haghaidh pórúcháin agus mionspeicis éanlaithe clóis lena ramhrú agus a thógtar le bheith ina mbéaróga, a chur i bhfeidhm láithreach ar chúiseanna sábháilteachta, is iomchuí foráil a dhéanamh maidir le hidirthréimhse do na páirtithe leasmhara chun iad féin a ullmhú chun na ceanglais nua a eascraíonn as athnuachan an údaraithe a chomhlíonadh.

(9)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,