Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32026R1012

Rialachán Cur Chun Feidhme (AE) 2026/1012 ón gCoimisiún an 7 Bealtaine 2026 maidir le L-cistéin, monaihiodráit hidreaclóiríde L-cistéine agus hidreaclóiríd L-cistéine a údarú mar bhreiseán beathaithe le haghaidh gach speicis ainmhíoch

C/2026/2911

IO L, 2026/1012, 8.5.2026, ELI: http://data.europa.eu/eli/reg_impl/2026/1012/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document Date of entry into force unknown (pending notification) or not yet in force., Date of effect: 28/05/2026

ELI: http://data.europa.eu/eli/reg_impl/2026/1012/oj

European flag

Iris Oifigiúil
an Aontais Eorpaigh

GA

Sraith L

2026/1012

8.5.2026

RIALACHÁN CUR CHUN FEIDHME (AE) 2026/1012 ÓN gCOIMISIÚN

an 7 Bealtaine 2026

maidir le L-cistéin, monaihiodráit hidreaclóiríde L-cistéine agus hidreaclóiríd L-cistéine a údarú mar bhreiseán beathaithe le haghaidh gach speicis ainmhíoch

(Téacs atá ábhartha maidir le LEE)

TÁ AN COIMISIÚN EORPACH,

Ag féachaint don Chonradh ar Fheidhmiú an Aontais Eorpaigh,

Ag féachaint do Rialachán (CE) Uimh. 1831/2003 ó Pharlaimint na hEorpa agus ón gComhairle an 22 Meán Fómhair 2003 maidir le breiseáin a bhfuiltear lena n-úsáid i gcothú ainmhithe (1), agus go háirithe Airteagal 9(2) de,

De bharr an mhéid seo a leanas:

(1)

Le Rialachán (CE) Uimh. 1831/2003 foráiltear maidir le húdarú breiseán a bhfuiltear lena n-úsáid i gcothú ainmhithe agus maidir leis na forais agus na nósanna imeachta chun údarú den sórt sin a dheonú.

(2)

I gcomhréir le hAirteagal 7 de Rialachán (CE) Uimh. 1831/2003, cuireadh isteach iarratas ar L-cistéin, monaihiodráit hidreaclóiríde L-cistéine agus hidreaclóiríd L-cistéine a údarú. Bhí na sonraí agus na doiciméid a cheanglaítear faoi Airteagal 7(3) de Rialachán (CE) Uimh. 1831/2003 ag gabháil leis an iarratas.

(3)

Baineann an t-iarratas sin le L-cistéin, monaihiodráit hidreaclóiríde L-cistéine agus hidreaclóiríd L-cistéine a údarú, agus iarrtar ann go n-aicmeofaí na breiseáin sin sa chatagóir breiseán ‘breiseáin chothaitheacha’ agus san fheidhmghrúpa ‘aimíonaigéid, a salainn agus analóga’ agus sa chatagóir breiseán ‘breiseáin chéadfacha’ agus san fheidhmghrúpa ‘comhdhúile blaistithe’. D’iarr an t-iarratasóir go n-údarófaí na breiseáin lena n-úsáid in uisce óil freisin. Le Rialachán (CE) Uimh. 1831/2003, áfach, ní cheadaítear comhdhúile blaistithe a údarú lena n-úsáid in uisce óil. Dá bhrí sin, níor cheart úsáid na mbreiseán sin in uisce óil a cheadú a mhéid a aicmítear iad san fheidhmghrúpa ‘comhdhúile blaistithe’. Tharraing an t-iarratasóir siar ina dhiaidh sin an t-iarratas maidir le L-cistéin, monaihiodráit hidreaclóiríde L-cistéine agus hidreaclóiríd L-cistéine a údarú sa chatagóir ‘breiseáin chothaitheacha’ agus san fheidhmghrúpa ‘aimíonaigéid, a salainn agus analóga’.

(4)

Tháinig an tÚdarás Eorpach um Shábháilteacht Bia (‘an tÚdarás’) ar an gconclúid sa tuairim uaidh an 17 Meán Fómhair 2025 (2) maidir le L-cistéin, monaihiodráit hidreaclóiríde L-cistéine agus hidreaclóiríd L-cistéine, go bhfuil siad sábháilte do gach speiceas ainmhíoch, do thomhaltóirí agus don chomhshaol faoi na coinníollacha úsáide atá beartaithe. Tháinig an tÚdarás ar an gconclúid freisin nach meastar gur greannaitheoir craicinn agus súl ná íogróir craicinn é L-cistéin. Meastar go bhfuil na substaintí L-cistéin, monaihiodráit hidreaclóiríde L-cistéine agus hidreaclóiríd L-cistéine creimneach do na súile agus don chonair riospráide, ach níorbh fhéidir teacht ar chonclúid maidir leis an ngreannú craicinn a d’fhéadfadh siad a dhéanamh. Tháinig an tÚdarás ar an gconclúid thairis sin, ós rud é go n-úsáidtear L-cistéin, monaihiodráit hidreaclóiríde L-cistéine agus hidreaclóiríd L-cistéine i mbia mar chomhdhúile blaistithe, go bhfuil coinne leis go mbeidh feidhm chomhchosúil acu i mbeatha agus nach bhfuil gá le haon léiriú éifeachtúlachta breise. Níor mheas an tÚdarás go bhfuil gá le ceanglais shonracha maidir le faireachán iarmhargaidh. D’fhíoraigh sé freisin an tuarascáil ar an modh anailíse ar an mbreiseán beathaithe i mbeatha arna cur isteach ag an tSaotharlann Tagartha a bunaíodh le Rialachán (CE) Uimh. 1831/2003.

(5)

I bhfianaise an mhéid thuas, measann an Coimisiún go gcomhlíonann L-cistéin, monaihiodráit hidreaclóiríde L-cistéine agus hidreaclóiríd L-cistéine na coinníollacha dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart úsáid na substaintí sin a údarú le haghaidh gach speicis ainmhíoch. Ina theannta sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte úsáideoirí na mbreiseán a chosc.

(6)

Measann an Coimisiún nach gá uaschion a shocrú le haghaidh L-cistéin, monaihiodráit hidreaclóiríde L-cistéine agus hidreaclóiríd L-cistéine ar chúiseanna sábháilteachta. Ionas gur féidir rialú níos fearr a dhéanamh, ba cheart an t-uaschion molta a shonrú ar lipéad na mbreiseán. I gcás ina sáraítear an t-uaschion molta, ba cheart faisnéis áirithe a shonrú ar lipéad na réamh-mheascán lena mbaineann.

(7)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

TAR ÉIS AN RIALACHÁN SEO A GHLACADH:

Airteagal 1

Údarú

Na substaintí a shonraítear san Iarscríbhinn, ar substaintí iad a bhaineann leis an gcatagóir breiseán ‘breiseáin chéadfacha’ agus leis an bhfeidhmghrúpa ‘comhdhúile blaistithe’, údaraítear iad mar bhreiseáin i gcothú ainmhithe, faoi réir na gcoinníollacha a leagtar síos san Iarscríbhinn sin.

Airteagal 2

Teacht i bhfeidhm

Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh sa Bhruiséil, an 7 Bealtaine 2026.

Thar ceann an Choimisiúin

An tUachtarán

Ursula VON DER LEYEN

(1)   IO L 268, 18.10.2003, lch. 29, ELI: http://data.europa.eu/eli/reg/2003/1831/oj.

(2)  EFSA Journal [Iris EFSA]. 2025;23:e9689, https://doi.org/10.2903/j.efsa.2025.9689.

IARSCRÍBHINN

Uimhir aitheantais an bhreiseáin

Ainm an bhreiseáin

Comhdhéanamh, foirmle cheimiceach, tuairisc, modh anailíse

Speiceas nó catagóir ainmhíoch

Uasteorainn aoise

Íoschion

Uaschion

Forálacha eile

Deireadh na tréimhse údarúcháin

mg/kg d’ábhar beatha iomlán ina bhfuil cion taise 12 %

Catagóir: Breiseáin chéadfacha. Feidhmghrúpa: Comhdhúile blaistithe

2b92457

L-cistéin

Comhdhéanamh an bhreiseáin:

L-cistéin

Foirm sholadach

Saintréithriú na substainte gníomhaí:

L-cistéin

Íonacht: íosmhéid 98 % ar bhonn ábhar tirim

Arna tháirgeadh trí dhí-ocsaidiú leictriceimiceach L-cistín (arna tháirgeadh le Escherichia coli DSM 34232)

Ainm IUPAC: aigéad (2R)-2-aimínea-3-sulfáinilprópánóc

Foirmle cheimiceach: C3H7NO2S

Uimhir CAS: 52-90-4

Uimhir FLAVIS: 17.033

Modhanna anailíse  (1):

Maidir le monaihidreaclóiríd L-cistéine sa bhreiseán beathaithe a shainaithint:

—

Codex na dTáirgí Ceimiceacha Bia dar teideal ‘Monagraf monaihidreaclóiríde L-cistéine’

Maidir le cistéin sa bhreiseán beathaithe a chinneadh:

—

Crómatagrafaíocht malartaithe ian cúpláilte le díorthúchán iarcholúin agus brath optúil (IEC-VIS/FLD)

Maidir le cistéin i réamh-mheascáin a chinneadh:

—

Crómatagrafaíocht malartaithe ian cúpláilte le díorthúchán iarcholúin agus brath optúil (IEC-VIS) – Rialachán (CE) Uimh. 152/2009 (2) ón gCoimisiún

Gach speiceas ainmhíoch

 

 

 

1.

Déanfar an breiseán a ionchorprú sa bheatha i bhfoirm réamh-mheascáin.

2.

Sna treoracha maidir le húsáid an bhreiseáin agus na réamh-mheascán, sonrófar na dálaí stórála agus an chobhsaíocht i leith cóireáil teasa.

3.

Ar lipéad an bhreiseáin, sonrófar an méid seo a leanas: ‘Uaschion molta na substainte gníomhaí in aghaidh an kg d’ábhar beatha iomlán ina bhfuil cion taise 12 %: 25 mg.’

4.

I gcás ina sárófaí an cion dá dtagraítear i bpointe 3 mar thoradh ar an leibhéal úsáide atá ar lipéad an réamh-mheascáin, sonrófar ar lipéad an réamh-mheascáin na nithe seo a leanas: an feidhmghrúpa, an uimhir aitheantais, an t-ainm agus cion na substainte gníomhaí a cuireadh leis.

an 28 Bealtaine 2036

(1)  Tá sonraí faoi na modhanna anailíse le fáil ar shuíomh na Saotharlainne Tagartha ag an seoladh seo a leanas: https://joint-research-centre.ec.europa.eu/eurl-fa-eurl-feed-additives/eurl-fa-authorisation/eurl-fa-evaluation-reports_ga

(2)  Rialachán (CE) Uimh. 152/2009 ón gCoimisiún an 27 Eanáir 2009 lena leagtar síos na modhanna samplála agus anailíse chun rialú oifigiúil a dhéanamh ar bheatha (IO L 54, 26.2.2009, lch. 1, ELI: http://data.europa.eu/eli/reg/2009/152/oj)


Uimhir aitheantais an bhreiseáin

Ainm an bhreiseáin

Comhdhéanamh, foirmle cheimiceach, tuairisc, modh anailíse

Speiceas nó catagóir ainmhíoch

Uasteorainn aoise

Íoschion

Uaschion

Forálacha eile

Deireadh na tréimhse údarúcháin

mg/kg d’ábhar beatha iomlán ina bhfuil cion taise 12 %

Catagóir: Breiseáin chéadfacha. Feidhmghrúpa: Comhdhúile blaistithe

2b17032

Hidreaclóiríd L-cistéine

Comhdhéanamh an bhreiseáin:

Hidreaclóiríd L-cistéine

Foirm sholadach

Saintréithriú na substainte gníomhaí:

Hidreaclóiríd L-cistéine

Íonacht: íosmhéid 98,5 % ar bhonn ábhar tirim

Arna tháirgeadh trí dhí-ocsaidiú leictriceimiceach L-cistín (arna tháirgeadh le Escherichia coli DSM 34232)

Ainm IUPAC: aigéad (2R)-2-aimínea-3-sulfáinilprópánóc; hidreaclóiríd

Foirmle cheimiceach: C3H8ClNO2S

Uimhir CAS: 52-89-1

Uimhir FLAVIS: 17.032

Modhanna anailíse  (3):

Maidir le monaihidreaclóiríd L-cistéine sa bhreiseán beathaithe a shainaithint:

—

Codex na dTáirgí Ceimiceacha Bia dar teideal ‘Monagraf monaihidreaclóiríde L-cistéine’

Maidir le cistéin sa bhreiseán beathaithe a chinneadh:

—

Crómatagrafaíocht malartaithe ian cúpláilte le díorthúchán iarcholúin agus brath optúil (IEC-VIS/FLD)

Maidir le cistéin i réamh-mheascáin a chinneadh:

—

Crómatagrafaíocht malartaithe ian cúpláilte le díorthúchán iarcholúin agus brath optúil (IEC-VIS) – Rialachán (CE) Uimh. 152/2009 ón gCoimisiún

Gach speiceas ainmhíoch

 

 

 

1.

Déanfar an breiseán a ionchorprú sa bheatha i bhfoirm réamh-mheascáin.

2.

Sna treoracha maidir le húsáid an bhreiseáin agus na réamh-mheascán, sonrófar na dálaí stórála agus an chobhsaíocht i leith cóireáil teasa.

3.

Ar lipéad an bhreiseáin, sonrófar an méid seo a leanas: ‘Uaschion molta na substainte gníomhaí in aghaidh an kg d’ábhar beatha iomlán ina bhfuil cion taise 12 %: 25 mg.’

4.

I gcás ina sárófaí an cion dá dtagraítear i bpointe 3 mar thoradh ar an leibhéal úsáide atá ar lipéad an réamh-mheascáin, sonrófar ar lipéad an réamh-mheascáin na nithe seo a leanas: an feidhmghrúpa, an uimhir aitheantais, an t-ainm agus cion na substainte gníomhaí a cuireadh leis.

5.

I gcás úsáideoirí an bhreiseáin agus na réamh-mheascán, bunóidh oibreoirí gnólachtaí beatha nósanna imeachta oibríochtúla agus bearta eagraíochtúla chun aghaidh a thabhairt ar rioscaí a d’fhéadfadh eascairt as a n-úsáid. I gcás nach féidir na rioscaí sin a dhíothú leis na nósanna imeachta agus na bearta sin, úsáidfear an breiseán agus na réamh-mheascáin le trealamh cosanta pearsanta don chraiceann, do na súile agus don análú.

an 28 Bealtaine 2036

(3)  Tá sonraí faoi na modhanna anailíse le fáil ar shuíomh na Saotharlainne Tagartha ag an seoladh seo a leanas: https://joint-research-centre.ec.europa.eu/eurl-fa-eurl-feed-additives/eurl-fa-authorisation/eurl-fa-evaluation-reports_ga


Uimhir aitheantais an bhreiseáin

Ainm an bhreiseáin

Comhdhéanamh, foirmle cheimiceach, tuairisc, modh anailíse

Speiceas nó catagóir ainmhíoch

Uasteorainn aoise

Íoschion

Uaschion

Forálacha eile

Deireadh na tréimhse údarúcháin

mg/kg d’ábhar beatha iomlán ina bhfuil cion taise 12 %

Catagóir: Breiseáin chéadfacha. Feidhmghrúpa: Comhdhúile blaistithe

2b920i

Monaihiodráit hidreaclóiríde L-cistéine

Comhdhéanamh an bhreiseáin:

Monaihiodráit hidreaclóiríde L-cistéine Foirm sholadach

Saintréithriú na substainte gníomhaí:

Monaihiodráit hidreaclóiríde L-cistéine

Íonacht: íosmhéid 98,5 % ar bhonn ábhar tirim

Arna tháirgeadh trí dhí-ocsaidiú leictriceimiceach L-cistín (arna tháirgeadh le Escherichia coli DSM 34232).

Ainm IUPAC: aigéad (2R)-2-aimínea-3-sulfáinilprópánóc; hiodráit; hidreaclóiríd;

Foirmle cheimiceach: C3H8ClNO2S·H2O

Uimhir CAS: 7048-04-6

Uimhir FLAVIS: 17.032

Modhanna anailíse  (4)

Maidir le monaihidreaclóiríd L-cistéine sa bhreiseán beathaithe a shainaithint:

—

Codex na dTáirgí Ceimiceacha Bia dar teideal ‘Monagraf monaihidreaclóiríde L-cistéine’

Maidir le cistéin sa bhreiseán beathaithe a chinneadh:

—

Crómatagrafaíocht malartaithe ian cúpláilte le díorthúchán iarcholúin agus brath optúil (IEC-VIS/FLD)

Maidir le cistéin i réamh-mheascáin a chinneadh:

—

Crómatagrafaíocht malartaithe ian cúpláilte le díorthúchán iarcholúin agus brath optúil (IEC-VIS) – Rialachán (CE) Uimh. 152/2009 ón gCoimisiún

Gach speiceas ainmhíoch

 

 

 

1.

Déanfar an breiseán a ionchorprú sa bheatha i bhfoirm réamh-mheascáin.

2.

Sna treoracha maidir le húsáid an bhreiseáin agus na réamh-mheascán, sonrófar na dálaí stórála agus an chobhsaíocht i leith cóireáil teasa.

3.

Ar lipéad an bhreiseáin, sonrófar an méid seo a leanas: ‘Uaschion molta na substainte gníomhaí in aghaidh an kg d’ábhar beatha iomlán ina bhfuil cion taise 12 %: 25 mg.’

4.

I gcás ina sárófaí an cion dá dtagraítear i bpointe 3 mar thoradh ar an leibhéal úsáide atá ar lipéad an réamh-mheascáin, sonrófar ar lipéad an réamh-mheascáin na nithe seo a leanas: an feidhmghrúpa, an uimhir aitheantais, an t-ainm agus cion na substainte gníomhaí a cuireadh leis.

5.

I gcás úsáideoirí an bhreiseáin agus na réamh-mheascán, bunóidh oibreoirí gnólachtaí beatha nósanna imeachta oibríochtúla agus bearta eagraíochtúla chun aghaidh a thabhairt ar rioscaí a d’fhéadfadh eascairt as a n-úsáid. I gcás nach féidir na rioscaí sin a dhíothú leis na nósanna imeachta agus na bearta sin, úsáidfear an breiseán agus na réamh-mheascáin le trealamh cosanta pearsanta don chraiceann, do na súile agus don análú.

an 28 Bealtaine 2036

(4)  Tá sonraí faoi na modhanna anailíse le fáil ar shuíomh na Saotharlainne Tagartha ag an seoladh seo a leanas: https://joint-research-centre.ec.europa.eu/eurl-fa-eurl-feed-additives/eurl-fa-authorisation/eurl-fa-evaluation-reports_ga

ELI: http://data.europa.eu/eli/reg_impl/2026/1012/oj

ISSN 1977-0839 (electronic edition)

Top