(1)

Le Rialachán (AE) 2016/429 , aisghairtear Rialachán (AE) Uimh. 576/2013 ó Pharlaimint na hEorpa agus ón gComhairle (2) ón 22 Aibreán 2026. Foráiltear le Rialachán (AE) Uimh. 576/2013 nach gá an tástáil toirtmheasctha antasubstainte a dhéanamh ar pheataí atá á n-aistriú isteach i mBallstát ó thríú tír nó ó chríoch atá le liostú trí bhíthin gníomh cur chun feidhme arna ghlacadh de bhun Airteagal 13 den Rialachán sin. Le Rialachán Cur Chun Feidhme (AE) Uimh. 577/2013 ón gCoimisiún (3), bunaíodh dhá liosta in Iarscríbhinn II a ghabhann leis. Áirítear sa chéad liosta na tríú tíortha nó na críocha sin a bhfuil léirithe acu go gcuireann siad rialacha i bhfeidhm a bhfuil an t-ábhar céanna agus an éifeacht chéanna acu agus atá acu siúd a chuireann na Ballstáit i bhfeidhm, agus áirítear sa dara liosta na tríú tíortha nó na críocha sin a bhfuil léirithe acu go gcomhlíonann siad ar a laghad na critéir a leagtar síos in Airteagal 13(2) de Rialachán (AE) Uimh. 576/2013. Le Rialachán Cur Chun Feidhme (AE) 2026/705 ón gCoimisiún (4), aisghairtear Rialachán Cur Chun Feidhme (AE) Uimh. 577/2013 ón 22 Aibreán 2026.

(2)

Le Rialachán (AE) 2016/429 leagtar síos rialacha maidir le cosc agus rialú galar ainmhithe atá in-tarchurtha go hainmhithe nó go daoine, lena n-áirítear, i measc nithe eile, na ceanglais sláinte ainmhithe is infheidhme maidir le gluaiseachtaí neamhthráchtála peataí isteach i mBallstát ó Bhallstát eile nó ó thríú tír nó críoch.

(3)

Le Rialachán Tarmligthe (AE) 2026/131 ón gCoimisiún (5), déantar forlíonadh ar Rialachán (AE) 2016/429 a mhéid a bhaineann le ceanglais sláinte ainmhithe maidir le gluaiseachtaí neamhthráchtála peataí. Déantar foráil in Airteagal 17(1) den Rialachán Tarmligthe sin nach gá tástáil le haghaidh thoirtmheascadh antasubstainte an chonfaidh a dhéanamh ar pheataí madraí, cait nó firéid arna n-aistriú chun críoch neamhthráchtála isteach san Aontas ó thríú tíortha nó críocha a áirítear i liostaí a leagtar amach sna hIarscríbhinní a ghabhann leis an Rialachán seo. Dá bhrí sin, is iomchuí na liostaí sin a bhunú in Iarscríbhinní I agus II a ghabhann leis an Rialachán seo.

(4)

Ós rud é gurb ionann go bunúsach na liostaí dá bhforáiltear in Airteagal 17(1) de Rialachán Tarmligthe (AE) 2026/131 agus na ceanglais chun a bheith curtha san áireamh sna liostaí sin, agus iad siúd dá bhforáiltear in Airteagal 13(1) agus (2) de Rialachán (AE) Uimh. 576/2013, ba cheart na liostaí de thríú tíortha nó críocha in Iarscríbhinn II a ghabhann le Rialachán Cur Chun Feidhme (AE) Uimh. 577/2013 a leagan amach sa Rialachán seo, agus ba cheart go mbeadh an liosta sin infheidhme ón 22 Aibreán 2026 ar aghaidh nuair a aisghairfear Rialachán Cur Chun Feidhme (AE) Uimh. 577/2013 agus nuair a bheidh feidhm ag Rialachán Tarmligthe (AE) 2026/131, chun aon chur isteach nach bhfuil gá leis ar ghluaiseachtaí neamhthráchtála peataí madraí, cait agus firéid a sheachaint.

(5)

Déantar foráil i Rialachán Tarmligthe (AE) 2021/1933 ón gCoimisiún (6) maidir le díolúine ó ghluaiseachtaí áirithe neamhthráchtála peataí éan, bunaithe ar thionscnamh na bpeataí éan, ó raon feidhme an Rialacháin sin. Go háirithe, eisiatar leis cur i bhfeidhm na bhforálacha a leagtar síos sa Rialachán sin maidir le gluaiseachtaí neamhthráchtála peataí éan ó roinnt tríú tíortha nó críocha ina bhfuil riosca íosta don Aontas ag baint leis na gluaiseachtaí sin ó thaobh na sláinte ainmhithe de. Eisiatar leis freisin gluaiseachtaí neamhthráchtála ón Iorua, tír nach meastar a bheith ina tríú tír i dtaca le cur bhfeidhm Rialachán (AE) Uimh. 576/2013 nó Rialachán Cur Chun Feidhme (AE) Uimh. 577/2013 de réir phointí 10 agus 10a d’Iarscríbhinn I a ghabhann le Comhaontú LEE, ó raon feidhme an Rialacháin sin. Le Rialachán Tarmligthe (AE) 2026/131 aisghairtear Rialachán Tarmligthe (AE) 2021/1933 le héifeacht ón 22 Aibreán 2026 ar aghaidh. Chun cur isteach nach bhfuil gá leis a sheachaint ar ghluaiseachtaí neamhthráchtála peataí éan a thagann ó thríú tíortha nó críocha a mheastar riosca íosta sláinte a bheith ag baint leo, is iomchuí a leagan amach, in Iarscríbhinn III a ghabhann leis an Rialachán seo na tríú tíortha nó na críocha céanna sin a thagann faoin maolú in Airteagal 28 de Rialachán Tarmligthe (AE) 2026/131 agus is iomchuí a áirithiú go mbeidh na gluaiseachtaí neamhthráchtála ó na tríú tíortha nó na críocha sin díolmhaithe ó cheanglais áirithe sláinte ainmhithe a bhaineann le speicis ón 22 Aibreán 2026 nuair a aisghairfear Rialachán Tarmligthe (AE) 2021/1933 agus nuair a thiocfaidh Rialachán Tarmligthe (AE) 2026/131 i bhfeidhm.

(6)

Ós rud é go mbeidh feidhm ag Rialachán Tarmligthe (AE) 2026/131 ón 22 Aibreán 2026 ar aghaidh, ba cheart an Rialachán seo a theacht i bhfeidhm mar ábhar práinne agus ba cheart feidhm a bheith aige freisin ón 22 Aibreán 2026 ar aghaidh.

(7)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,