1.   Sainaithneofar san iarratas an t-iarratasóir agus na gníomhaíochtaí a bheartaíonn sé a dhéanamh agus a cheanglaíonn air a bheith údaraithe mar IIP nó RRM.

2.   Beidh an doiciméadacht agus an fhaisnéis seo a leanas san iarratas:

3.   Sa bhreis ar an doiciméadacht agus ar an bhfaisnéis dá dtagraítear i mír 2, léireoidh iarratasóirí ar údarú mar IIP ina n-iarratas an dáta a bheartaítear tosú ar oibriú a n-ardáin.

4.   I dteannta na doiciméadachta agus na faisnéise dá dtagraítear i mír 2, léireoidh iarratasóirí ar údarú mar RRM ina n-iarratas an dáta a bheartaítear tosú ar thuairisciú taifead sonraí.

5.   Is é ionadaí dlíthiúil an iarratasóra, a bheidh cumhachtaithe go cuí, a shíneoidh an t-iarratas. Cuirfear faoi bhráid na Gníomhaireachta fianaise lena gcruthaítear cumhachtú den sórt sin, amhail cumhacht aturnae, lena n-áirítear ainm agus sloinne agus sonraí teagmhála gnó an ionadaí dhlíthiúil atá cumhachtaithe go cuí, mar a leanas:

6.   Tabharfaidh iarratasóirí comhaontú neamhnochta i gcrích leis an nGníomhaireacht chun rochtain a fháil ar chórais malartaithe sonraí na Gníomhaireachta.

1.   Áireofar san iarratas doiciméid tacaíochta ina dtugtar tuairisc ar chomhlíonadh na gceanglas eagraíochtúil ginearálta le haghaidh IIPanna agus RRManna a leagtar amach in Airteagail 11 go 18 agus na beartais agus na nósanna imeachta atá i bhfeidhm ag an iarratasóir chun ionadú ordúil a áirithiú de bhun Airteagal 38.

I dteannta na ndoiciméad dá dtagraítear sa chéad fhomhír, áireoidh iarratasóirí ar údarú mar IIP doiciméid tacaíochta ina dtugtar tuairisc ar chomhlíonadh na gceanglas i leith IIP a leagtar amach in Airteagail 19 go 25 agus áireoidh iarratasóirí ar údarú mar RRM doiciméid tacaíochta ina dtugtar tuairisc ar chomhlíonadh na gceanglas i leith RRM a leagtar amach in Airteagail 26 go 29.

2.   Beidh an méid seo a leanas san iarratas:

3.   Maidir le cairt eagraíochtúil an IIP nó an RRM dá dtagraítear i mír 2, pointe (d), beidh an méid seo a leanas amhlaidh:

4.   I gclár na n-oibríochtaí dá dtagraítear i mír 2, pointe (e), tabharfar tuairisc mhionsonraithe ar an gcreat oibríochtúil agus na sásraí rialaithe inmheánaigh chun comhlíonadh an Rialacháin seo agus Rialachán (AE) Uimh. 1227/2011 a áirithiú.

Léireofar sa tuairisc ar an gcreat oibríochtúil samhail ghnó an iarratasóra, lena n-áirítear na seirbhísí agus na táirgí a chuirtear ar fáil ar cinn iad a bhaineann leis an Rialachán seo agus le Rialachán (AE) Uimh. 1227/2011, agus cuirfear in iúl inti aon socrú seachfhoinsithe ábhartha, agus sa chás sin sonrófar conas a áirithítear leis na socruithe seachfhoinsithe sin go gcomhlíontar na ceanglais a leagtar síos sa Rialachán seo agus i Rialachán (AE) Uimh. 1227/2011.

Léireofar sa tuairisc ar na sásraí rialaithe inmheánaigh na sásraí chun rialachas éifeachtach agus bainistíocht riosca éifeachtach a áirithiú, agus na nósanna imeachta agus na córais chun faireachán agus bainistiú a dhéanamh ar rioscaí a bhaineann leis an Rialachán seo agus le Rialachán (AE) Uimh. 1227/2011, lena n-áirítear sainaithint rioscaí féideartha agus straitéisí maolaithe comhfhreagracha.

5.   Féadfaidh iarratasóirí a léiriú go gcomhlíonann siad aon cheann de na ceanglais dá dtagraítear i míreanna 2, 3 agus 4 trí dheimhniú bailí sraithe caighdeán ISO/IEC 27000 maidir le córais bainistíochta slándála faisnéise nó deimhnithe coibhéiseacha a chur faoi bhráid na Gníomhaireachta. Féadfaidh an Ghníomhaireacht soiléirithe breise a iarraidh ar na hiarratasóirí maidir leis an deimhniú arna sholáthar, aon fhaisnéis atá in easnamh a iarraidh chun comhlíonadh na gceanglas dá dtagraítear i míreanna 2, 3 agus 4 a léiriú, agus a iarraidh go dtabharfar an deimhniú sin cothrom le dáta tar éis a dháta éaga.

6.   I gcás iarratasóirí ar údarú mar IIP, soláthróidh siad faisnéis don Ghníomhaireacht faoin tréimhse ama a theastaíonn ó na IIPanna chun an fhaisnéis a fuarthas óna gcliaint IIP, arna bailíochtú go rathúil ag a gcórais bailíochtaithe sonraí, a nochtadh ar a n-ardán. I gcás iarratasóirí ar údarú mar IIP, soláthróidh siad faisnéis don Ghníomhaireacht faoin gcaoi a leagann siad síos na táillí atá le híoc ag a gcliaint IIP i gcomhréir le hAirteagal 25.

7.   I gcás iarratasóirí ar údarú mar RRM, soláthróidh siad doiciméid tacaíochta maidir leis na córais faisnéise atá i bhfeidhm acu chun aistrithe sonraí ó chórais nó ardáin eile a áirithiú i gcomhréir le hAirteagal 15. I gcás iarratasóirí ar údarú mar RRM, cuirfidh siad in iúl ainm na gcóras nó an ardáin sin, agus ainm aon saoráide úsáideora lena ngintear sonraí atá intuairiscithe don réiteach teicniúil arna chur chun feidhme ag an iarratasóir, mar aon le faisnéis maidir le haon chlaochlú sonraí a tharla sa phróiseas sin.

1.   Léireoidh iarratasóirí go bhfuil ar a gcumas tuarascálacha ar fhaisnéis chos istigh a chur faoi bhráid na Gníomhaireachta agus taifid sonraí a thuairisciú di. Déanfaidh an Ghníomhaireacht measúnú ar a gcumas tuairiscithe trí chéim thástála atá le déanamh le linn an nós imeachta um iarratas.

2.   Chun críche na tástála, soláthróidh iarratasóirí an méid seo a leanas don Ghníomhaireacht:

1.   Nuair a thionscnaíonn iarratasóirí nó a gcliaint IIP nó a gcliaint RRM aon athrú ábhartha le linn an phróisis iarratais, tabharfaidh na hiarratasóirí fógra don Ghníomhaireacht faoi na hathruithe sin tráth nach déanaí ná 10 lá oibre tar éis don athrú ábhartha tarlú. Tabharfar tuairisc mhionsonraithe ar an athrú san fhógra agus beidh na doiciméid tacaíochta ábhartha ag gabháil leis, de bhun Airteagal 4, a mhéid a leasaíodh na doiciméid sin.

2.   Má thugtar an fógra de bhun mhír 1 tar éis don Ghníomhaireacht an fógra dá dtagraítear in Airteagal 10(2) a eisiúint, féadfaidh an Ghníomhaireacht measúnú a dhéanamh arís ar iomláine an iarratais.

3.   Measfar go bhfuil athrú ábhartha má bhaineann sé le haon cheann de na nithe seo a leanas:

1.   I gcás IIPanna agus RRManna atá cláraithe cheana ag an nGníomhaireacht, déanfaidh siad iarratas ar údarú ón nGníomhaireacht de bhun Airteagal 10 roimh an 29 Aibreán 2028, i gcomhréir leis na rialacha a leagtar amach in Airteagail 3 go 7.

2.   Ina n-iarratas, déanfaidh IIPanna agus RRManna dá dtagraítear i mír 1 den Airteagal seo a sholáthar don Ghníomhaireacht an fhaisnéis dá dtagraítear in Airteagail 3 go 7, ach amháin má soláthraíodh an fhaisnéis sin cheana faoi chuimsiú an phróisis clárúcháin.

3.   Cuirfidh an Ghníomhaireacht na IIPanna agus na RRManna dá dtagraítear i mír 1 ar an eolas má tá gá le faisnéis bhreise chun measúnú a dhéanamh ar iomláine an iarratais agus lena mheas an gcomhlíonann na hiarratasóirí na ceanglais a leagtar amach sa Rialachán seo agus i Rialachán (AE) Uimh. 1227/2011.

1.   Measfar an t-iarratas a bheith iomlán nuair a gheobhaidh an Ghníomhaireacht an fhaisnéis uile is gá, mar a leagtar síos in Airteagail 3 go 7.

2.   Nuair a mheasfaidh an Ghníomhaireacht go bhfuil an t-iarratas iomlán, tabharfaidh sí fógra don iarratasóir gan moill mhíchuí.

3.   Nuair a mheasfar go bhfuil an t-iarratas iomlán, déanfaidh an Ghníomhaireacht a mheas an gcomhlíonann an t-iarratasóir na ceanglais a leagtar amach in Airteagail 11 go 29 den Rialachán seo agus in Airteagal 4a(3) go (5)agus Airteagal 9a(1) agus (3) de Rialachán (AE) Uimh. 1227/2011. Má chomhlíonann an t-iarratasóir na ceanglais sin, deonófar an t-údarú agus, ina mhalairt de chás, diúltófar don iarratas. Glacfar an cinneadh an t-iarratas a dheonú nó a dhiúltú laistigh de 3 mhí ón dáta a gheofar an fógra dá dtagraítear i mír 2.

4.   Má mheasann an Ghníomhaireacht go bhfuil níos mó ama de dhíth uirthi chun cinneadh údarúcháin a ghlacadh, cuirfidh an Ghníomhaireacht an t-iarratasóir ar an eolas, sula rachaidh an tréimhse 3 mhí dá dtagraítear i mír 3 in éag, faoin tréimhse bhreise a theastaíonn uaithi chun an cinneadh a ghlacadh. Ní rachaidh an tréimhse bhreise sin thar 2 mhí ó dhul in éag na tréimhse 3 mhí. Mura nglacfaidh an Ghníomhaireacht cinneadh laistigh den tréimhse ama bhreise sin, measfar gur dheonaigh sí an t-údarú.

5.   Tabharfaidh an Ghníomhaireacht fógra faoin gcinneadh sin do na páirtithe seo a leanas laistigh de 5 lá oibre ó ghlacadh an chinnidh maidir le húdarú nó diúltú:

6.   I gcás ina mainneoidh iarratasóir an fhaisnéis is gá a chur in iúl nó a sholáthar ar feadh níos mó ná 3 mhí tar éis an t-iarratas a chur isteach nó, i gcás inarb infheidhme, tar éis iarraidh ar shoiléiriú a fháil ón nGníomhaireacht, féadfaidh an Ghníomhaireacht a mheas gur tarraingíodh siar an t-iarratas. Coicís ar a laghad roimh dhul in éag na tréimhse 3 mhí, tabharfaidh an Ghníomhaireacht fógra don iarratasóir go bhfuil stádas neamhghníomhach aige agus meabhróidh sí dó na hiarmhairtí a eascraíonn as sin.

7.   Beidh aon chinneadh ón nGníomhaireacht i gcomhthéacs próiseas údarúcháin faoi réir coimircí nós imeachta, lena n-áirítear na leigheasanna dlí atá ar fáil de bhun Airteagail 28 agus 29 de Rialachán (AE) 2019/942.

1.   Beidh córais bailíochtaithe sonraí i bhfeidhm ag IIPanna chun na prionsabail a leagtar amach in Airteagail 22, 23 agus 24 a chomhlíonadh agus chun na próisis a leagtar amach iontu a leanúint.

2.   Beidh córais bailíochtaithe sonraí i bhfeidhm ag RRManna chun na prionsabail a leagtar amach in Airteagail 26, 27 agus 29 a chomhlíonadh agus chun na próisis a leagtar amach iontu a leanúint.

3.   Ní chuirfidh IIPanna ná RRManna faoi bhráid na Gníomhaireachta ach tuarascálacha maidir le faisnéis chos istigh agus taifid sonraí a ndearnadh measúnú rathúil orthu lena gcórais bailíochtaithe sonraí i gcomhréir le míreanna 1 agus 2.

1.   Déanfaidh IIPanna agus RRManna beartais, nósanna imeachta agus socruithe le haghaidh slándáil fhisiceach agus leictreonach a bhunú agus a choinneáil ar bun, ar cinn iad atá bunaithe ar an dea-chleachtas agus atá comhsheasmhach le caighdeáin a aithnítear go hidirnáisiúnta. Ceapfar na beartais, na nósanna imeachta agus na socruithe sin chun an méid seo a leanas a dhéanamh:

2.   Leagfaidh IIPanna agus RRManna síos na ceanglais maidir le ceadanna rochtana ar shonraí chomh maith le cuspóir agus raon feidhme na rochtana ar shonraí, agus aon srian ar úsáid na sonraí. Bunóidh siad agus coinneoidh siad ar bun sásraí slándála chun na rioscaí dá dtagraítear i mír 1 a shainaithint agus a bhainistiú go pras, lena n-áirítear an méid seo a leanas:

3.   Féadfaidh iarratasóirí a léiriú go gcomhlíonann siad na ceanglais slándála fhisiceacha agus leictreonacha dá dtagraítear i mír 1 trí dheimhniú bailí sraithe caighdeán ISO/IEC 27000 maidir le córais bainistíochta slándála faisnéise, nó deimhnithe coibhéiseacha, a chur faoi bhráid na Gníomhaireachta. Féadfaidh an Ghníomhaireacht tuilleadh soiléirithe a iarraidh ar na hiarratasóirí maidir leis an deimhniú arna sholáthar agus féadfaidh sí a iarraidh go dtabharfar an deimhniú sin cothrom le dáta tar éis a dháta éaga.

1.   Déanfaidh IIPanna agus RRManna na gníomhaíochtaí a liostaítear i mír 2 i gcás ina dtarlóidh aon cheann de na teagmhais seo a leanas:

2.   Déanfaidh IIPanna agus RRManna an méid seo a leanas:

1.   Coinneoidh IIPanna agus RRManna socruithe riaracháin éifeachtacha ar bun, arna gceapadh lena chosc go dtarlóidh coinbhleachtaí leasa lena gcliaint IIP agus lena gcliaint RRM. Áireofar sna socruithe sin beartais agus nósanna imeachta um choinbhleachtaí leasa atá ann cheana agus cinn fhéideartha a shainaithint, a bhainistiú agus a nochtadh agus déanfar an méid seo a leanas leo:

2.   Beidh beartais i bhfeidhm ag IIPanna agus RRManna chun a áirithiú gur ar bhealach neamh-idirdhealaitheach a láimhseálfar na sonraí a thuairiscítear.

1.   Áiritheoidh IIPanna agus RRManna go mbeidh dóthain foirne, bonneagair, caipitil agus acmhainní airgeadais acu chun an leanúnachas agus an rialtacht a rathú i bhfeidhmiú a seirbhísí ar leith, chomh maith le cosaint leordhóthanach an IIP nó an RRM ar rioscaí oibríochtúla, rioscaí dlíthiúla agus rioscaí gnó.

2.   An tráth a chláraítear cliaint nua IIP, cuirfidh IIPanna treoracha ar fáil do na cliaint maidir le húsáid saoráidí cúltaca agus eiseoidh siad meabhrúcháin thréimhsiúla ina dhiaidh sin dóibh a fhad a sholáthrófar na seirbhísí IIP.

3.   Beidh rialuithe agus nósanna imeachta láidre maidir le riosca oibriúcháin i bhfeidhm ag IIPanna agus RRManna chun a áirithiú go mbeidh acmhainní agus saoráidí cúltaca leordhóthanacha ar fáil. Déanfar rialuithe agus nósanna imeachta den sórt sin a dhoiciméadú i mbeartas riosca oibriúcháin nó i gcreat riosca oibriúcháin lena n-áirithítear go n-íoslaghdófar cur isteach ar na seirbhísí a sholáthraítear. Áireofar an méid seo a leanas sa bheartas nó sa chreat sin:

4.   Féadfaidh iarratasóirí a léiriú go gcomhlíonann siad aon cheann de na ceanglais dá dtagraítear i mír 3 trí dheimhniú bailí sraithe caighdeán ISO/IEC 27000 maidir le córais bainistíochta slándála faisnéise, nó deimhnithe coibhéiseacha, a chur faoi bhráid na Gníomhaireachta. Féadfaidh an Ghníomhaireacht soiléirithe breise a iarraidh ar na hiarratasóirí maidir leis an deimhniú arna sholáthar, aon fhaisnéis atá in easnamh a iarraidh chun comhlíonadh na gceanglas dá dtagraítear i mír 3 a léiriú agus a iarraidh go dtabharfar an deimhniú sin cothrom le dáta tar éis a dháta éaga.

5.   Áiritheoidh IIPanna agus RRManna go leigheasfar aon easnamh a shainaithneofar le linn an athbhreithnithe dá dtagraítear i mír 3, pointe (e).

6.   Cuirfidh IIPanna ar fáil don phobal an fhaisnéis uile a bhaineann leis na modhanna malartacha nochta is féidir lena gcliaint IIP a úsáid i gcás ina mbeidh aga neamhfhónaimh ag an ardán. Nuair a d’fhéadfadh sé go dtarlódh cur isteach mar gheall ar chothabháil phleanáilte, déanfar í a phleanáil le haghaidh tréimhsí ama ina bhfuil an leibhéal íosta gníomhaíochta beartaithe.

7.   I gcás seirbhísí IIP a bhaineann le faisnéis a nochtadh agus a fhoilsiú agus tuarascálacha maidir le faisnéis chos istigh a chur isteach, beidh siad ar fáil 99,5 % den am ar a laghad. Tá feidhm aige sin freisin i gcás ina ndéanfar seirbhísí IIP nó codanna díobh a sheachfhoinsiú chuig soláthraithe seachtracha.

8.   I gcás inar thug IIP fógra dá chliaint IIP faoi chothabháil phleanáilte nó aga neamhfhónaimh neamhphleanáilte nó cur isteach eile i gcomhréir le hAirteagal 18, nó i gcás ina dtabharfaidh na cliaint IIP iad féin faoi deara nach bhfuil an IIP ná a shaoráidí cúltaca i bhfeidhm, rud a bheadh ina eisceacht, féadfaidh na cliaint IIP a chinneadh cé acu an nochtfaidh siad ar a suíomh gréasáin an fhaisnéis a bheadh nochta acu ar an IIP, nó an mbraithfidh siad ar IIP eile i gcomhair nochtadh pras, go dtí go n-athbhunófar an IIP nó a shaoráidí cúltaca.

9.   Foilseoidh IIPanna ar a n-ardán an fhaisnéis arna nochtadh ag a gcliaint IIP i gcomhréir le mír 8 a luaithe is féidir go teicniúil tar éis athbhunú na seirbhísí.

1.   Bunóidh IIPanna próisis chun fógra a thabhairt, ar a suíomh gréasáin, dá gcliaint IIP faoi aon ghníomhaíochtaí cothabhála atá beartaithe a mbeidh tionchar acu ar an bhfáil atá ar sheirbhísí IIP a bhaineann le faisnéis a nochtadh agus tuarascálacha maidir le faisnéis chos istigh a chur isteach. Tabharfar an fógra 5 lá oibre ar a laghad roimh thús na tréimhse cothabhála. Cuirfear in iúl ann an tréimhse sceidealaithe ina gcuirfear isteach ar an tseirbhís agus áireofar ann treoracha maidir le conas leas a bhaint as an modh malartach chun faisnéis chos istigh a nochtadh nó chun tuarascálacha maidir le faisnéis chos istigh a chur isteach.

Bunóidh IIPanna próisis freisin chun fógra a thabhairt, ar a suíomh gréasáin, dá gcliaint IIP faoi aon aga neamhfhónaimh neamhphleanáilte nó aon chur isteach eile a rachaidh i bhfeidhm ar an bhfáil atá ar sheirbhísí IIP a bhaineann le nochtadh faisnéise agus cur isteach tuarascálacha maidir le faisnéis chos istigh. Tabharfar fógra do gach cliant IIP go leithleach, a luaithe is féidir tar éis don chur isteach tarlú, agus tabharfar treoracha dó maidir le conas leas a bhaint as an modh malartach chun faisnéis a nochtadh.

2.   Bunóidh RRManna próisis chun fógra a thabhairt dá gcliaint RRM faoi aon ghníomhaíocht chothabhála atá beartaithe ar chomhéadan nó ar chóras tuairiscithe an RRM. Tabharfar an fógra 5 lá oibre ar a laghad roimh thús na tréimhse cothabhála. Cuirfear in iúl ann an tréimhse sceidealaithe ina gcuirfear isteach ar an tseirbhís.

Bunóidh RRManna próisis freisin chun fógra a thabhairt dá gcliaint RRM faoi aon aga neamhfhónaimh neamhphleanáilte nó aon chur isteach eile. Tabharfar an fógra a luaithe is féidir tar éis don chur isteach tarlú trí na bealaí dá dtagraítear in Airteagal 17, lena n-áirítear fógra a fhoilsiú ar a suíomh gréasáin ina soláthrófar an t-am a mheastar a chuirfear an tseirbhís rialta ar fáil arís.

I gcás ina mbainfidh RRM agus a chliaint leis an eintiteas dlítheanach céanna, ní cheanglófar ar an RRM na ceanglais a leagtar amach sa mhír seo a chomhlíonadh.

3.   Tabharfaidh IIPanna agus RRManna fógra don Ghníomhaireacht faoi aon aga neamhfhónaimh neamhphleanáilte nó aon chur isteach eile a dhéanann difear dá gcumas na ceanglais a leagtar síos in Airteagail 11 go 29 a chomhlíonadh, laistigh de 24 uair an chloig tar éis dóibh teacht ar an eolas faoin gcur isteach. Tráth nach déanaí ná 1 mhí amháin tar éis dóibh a theacht ar an eolas faoin gcur isteach, cuirfidh IIPanna agus RRManna tuarascáil faoi bhráid na Gníomhaireachta ina sonrófar na cúiseanna a bhí leis an gcur isteach agus na gníomhaíochtaí a rinneadh ionas nach dtarlóidh sé arís.

4.   Féadfaidh an Ghníomhaireacht faisnéis bhreise nó soiléirithe breise a iarraidh i ndáil le mar a chomhlíonann na IIPanna agus na RRManna na ceanglais a leagtar amach san Airteagal seo.

1.   Beidh socruithe i bhfeidhm ag IIPanna chun feidhmiú cuí an ardáin a áirithiú agus chun a áirithiú go nochtar faisnéis chomh gar don fhíor-am agus is féidir go teicniúil.

2.   Ní fhoilseoidh IIPanna an fhaisnéis chéanna faoi dhó.

3.   Cuirfear faisnéis ar an ardán IIP ar fáil i mBéarla ar a laghad.

4.   Leis an ardán IIP, beifear in ann an méid seo a leanas a dhéanamh:

5.   Má sholáthraíonn an t-ardán modhanna éagsúla chun an fhaisnéis nochta a rochtain, lena n-áirítear comhéadan feidhmchláir (API), is mar a chéile a bheidh inneachar na faisnéise a chuirfear ar fáil trí gach modh den sórt sin.

6.   Coinneoidh IIPanna an fhaisnéis nochta uile de chineál stairiúil, lena n-áirítear aon fhaisnéis leasaithe nó aon fhaisnéis arna tabhairt cothrom le dáta agus cuirfidh siad ar fáil don phobal í ar feadh tréimhse 5 bliana ar a laghad tar éis thabhairt i gcrích na dteagmhas nochta ábhartha lena mbaineann an fhaisnéis.

7.   Coinneoidh IIPanna taifead inrochtana ar bun ar nochtaí roimh ré a bhaineann leis an teagmhas céanna agus soláthróidh siad feidhmiúlacht atá soiléir agus soláimhsithe don úsáideoir chun nascadh le nochtaí roimhe sin.

1.   I gcás ina mbraithfidh nó ina sainaithneoidh córais bailíochtaithe sonraí aon neamhréir idir sonraí nó aon sonraí atá in easnamh (‘sonraí neamhbhailí’), sula nochtfar an fhaisnéis ar an ardán IIP nó sula gcuirfear tuarascálacha maidir le faisnéis chos istigh faoi bhráid na Gníomhaireachta, soláthróidh IIPanna faisnéis mhionsonraithe dá gcliaint IIP maidir leis na torthaí bailíochtaithe agus iarrfaidh siad ar na cliaint an fhaisnéis a chur faoi bhráid an IIP arís leis na ceartúcháin is gá nó leis na sonraí atá in easnamh. Agus an fhaisnéis sin á fáil aige ó na cliaint, cuirfidh an IIP na tuarascálacha sin faoi bhráid na Gníomhaireachta a luaithe is féidir go teicniúil.

2.   Coinneoidh IIPanna clár de shonraí neamhbhailí arna gcur isteach ag a gcliaint IIP ar sonraí iad nár ceartaíodh ina dhiaidh sin. Coimeádfar na sonraí neamhbhailí ar feadh 18 mí ón dáta a chuirfear isteach iad. Féadfaidh an Ghníomhaireacht an clár a rochtain agus féadfaidh sí fógra a thabhairt do na húdaráis rialála náisiúnta ábhartha faoi chásanna inar chuir cliaint IIP sonraí neamhbhailí isteach, chomh maith le céannacht na gcliant sin.

1.   Agus tuarascálacha maidir le faisnéis chos istigh á bhfáil aici, eiseoidh an Ghníomhaireacht admhálacha chuig na IIPanna. Beidh an fhaisnéis seo a leanas ar a laghad san áireamh sna hadmhálacha sin:

I gcás nár éirigh leis an nGníomhaireacht an fhaisnéis a bhailiú go rathúil mar gheall ar earráid, sonrófar san admháil freisin an fhaisnéis a ndearna an earráid difear di agus, más féidir, cúis na hearráide.

2.   I gcás ina mbeidh an earráid dá dtagraítear i mír 1, an dara fomhír, inchurtha i leith an IIP, cuirfidh an IIP an tuarascáil cheartaithe maidir le faisnéis chos istigh isteach arís laistigh de 5 lá oibre. Féadfaidh an Ghníomhaireacht síneadh a chur leis an amlíne sin arna iarraidh sin don IIP, i gcásanna a bhfuil údar cuí leo.

3.   Má tá an earráid inchurtha i leith na gcliant IIP, soláthróidh an IIP treoraíocht do na cliaint sin maidir le conas an tuarascáil maidir le faisnéis chos istigh a cheartú agus cuirfidh sé an tuarascáil cheartaithe maidir le faisnéis chos istigh faoi bhráid na Gníomhaireachta ina dhiaidh sin, laistigh de 10 lá oibre. Féadfaidh an Ghníomhaireacht síneadh a chur leis an amlíne sin arna iarraidh sin don IIP, i gcásanna a bhfuil údar cuí leo. Cuirfidh IIPanna chun feidhme córais rabhaidh uathoibrithe a bheidh in ann na gníomhaíochtaí seo a leanas a dhéanamh:

4.   De mhaolú ar Airteagal 12(3), chun nochtadh tráthúil agus éifeachtúil faisnéise a áirithiú, féadfaidh an IIP tuarascálacha maidir le faisnéis chos istigh a fhoilsiú agus a chur faoi bhráid na Gníomhaireachta ar cinn iad a bhféadfadh gá a bheith le soiléirithe breise ón gcliant IIP ina leith, ar choinníoll go bhfuil an t-inneachar sna tuarascálacha ábhartha do roghanna trádála rannpháirtithe margaidh de réir Rialachán (AE) Uimh. 1227/2011. I gcásanna den sórt sin, déanfaidh an IIP an fhaisnéis sa tuarascáil a mharcáil nuair a fhoilseofar an tuarascáil agus nuair a chuirfear faoi bhráid na Gníomhaireachta í. I gcás inar gá an fhaisnéis a cheartú tar éis don Ghníomhaireacht é sin a chur in iúl, comhoibreoidh IIPanna lena gcliaint IIP chun í a cheartú. Nuair a bheidh an fhaisnéis ceartaithe, déanfaidh IIPanna í a athfhoilsiú agus a chur faoi bhráid na Gníomhaireachta arís a luaithe is féidir go teicniúil.

1.   I gcás ina mbraithfidh nó ina sainaithneoidh córais bailíochtaithe sonraí aon neamhréir idir sonraí nó aon sonraí atá in easnamh (‘sonraí neamhbhailí’) sula ndéanfar taifid sonraí a thuairisciú don Ghníomhaireacht, soláthróidh RRManna faisnéis mhionsonraithe dá gcliaint RRM maidir le torthaí an bhailíochtaithe agus iarrfaidh siad ar a gcliaint na taifid sonraí a chur faoi bhráid an RRM arís leis na ceartúcháin is gá nó leis na sonraí atá in easnamh. Agus an fhaisnéis sin á fáil aige ó na cliaint, cuirfidh an RRM na taifid sin faoi bhráid na Gníomhaireachta a luaithe is féidir go teicniúil.

I gcás ina mbainfidh an RRM agus a chliaint leis an eintiteas dlíthiúil céanna, cuirfidh an RRM na taifid sonraí faoi bhráid na Gníomhaireachta leis na ceartúcháin is gá nó leis na sonraí atá in easnamh a luaithe is féidir go teicniúil i gcásanna ina mbraithfidh nó ina sainaithneoidh a chóras bailíochtaithe sonraí aon sonraí neamhbhailí sula dtuairisceofar na taifid sonraí don Ghníomhaireacht.

2.   Coinneoidh RRManna clár de shonraí neamhbhailí arna gcur isteach ag a gcliaint RRM ar sonraí iad nár ceartaíodh ina dhiaidh sin. Coimeádfar na sonraí neamhbhailí ar feadh 18 mí ón dáta a chuirfear isteach iad. Féadfaidh an Ghníomhaireacht an clár a rochtain agus féadfaidh sí fógra a thabhairt do na húdaráis rialála náisiúnta ábhartha faoi chásanna inar chuir cliaint RRM sonraí neamhbhailí isteach, chomh maith le céannacht na gcliant sin.

I gcás ina mbainfidh RRM agus a chliaint leis an eintiteas dlítheanach céanna, coinneoidh an RRM clár ar bun de shonraí neamhbhailí arna gcur isteach ag a chliaint RRM, ar cinn iad nár ceartaíodh ina dhiaidh sin. Coimeádfar na sonraí neamhbhailí ar feadh 18 mí ón dáta a chuirfear isteach iad. Féadfaidh an Ghníomhaireacht an clár a rochtain agus féadfaidh sí fógra a thabhairt do na húdaráis rialála náisiúnta ábhartha faoi chásanna inar chuir cliaint RRM sonraí neamhbhailí isteach, chomh maith le céannacht na gcliant sin.

1.   Réiteoidh RRManna na taifid sonraí a fhaightear óna gcliaint RRM ar cinn iad a bhaineann le hidirbhearta seachas orduithe i dtaobh trádáil a dhéanamh sa mhargadh mórdhíola fuinnimh agus a thugtar i gcrích nó a fhorghníomhaítear ar mhargadh eagraithe. Déanfar an réiteach trína fhíorú an bhfuair siad taifead sonraí comhfhreagrach a bhaineann leis an bpáirtí eile san idirbheart, ar choinníoll go gcomhlíontar na coinníollacha seo a leanas uile:

2.   Sula gcuirfear an taifead sonraí faoi bhráid na Gníomhaireachta, déanfaidh RRManna, i gcás na n-idirbheart sin nár éirigh leis an réiteach ina leith de bhun mhír 1, na luachanna seo a leanas a chur in iúl don mhargadh eagraithe i gcomhréir le hAirteagal 7 de Rialachán Cur Chun Feidhme (AE) 2026/256:

3.   Sula gcuirfear an taifead sonraí faoi bhráid na Gníomhaireachta, iarrfaidh RRManna go soláthróidh an margadh eagraithe na taifid sonraí chomhfhreagracha atá in easnamh, arna bhfáil ón bpáirtí eile san idirbheart.

1.   Eiseoidh an Ghníomhaireacht admhálacha i leith taifid sonraí tuairiscithe do RRManna. Beidh an fhaisnéis seo a leanas ar a laghad san áireamh sna hadmhálacha sin:

I gcás inar fhág earráid nár éirigh leis an nGníomhaireacht an taifead sonraí a bhailiú, sonrófar san admháil freisin na sonraí a ndearna an earráid difear dóibh agus, más féidir, cúis na hearráide.

2.   I gcás ina mbeidh an earráid dá dtagraítear i mír 1, an dara fomhír, inchurtha i leith an RRM, cuirfidh an RRM an taifead sonraí ceartaithe faoi bhráid na Gníomhaireachta arís laistigh de 5 lá oibre. Féadfaidh an Ghníomhaireacht síneadh a chur leis an amlíne sin arna iarraidh sin don RRM, i gcásanna a bhfuil údar cuí leo.

3.   Má tá an earráid inchurtha i leith na gcliant RRM, soláthróidh na RRManna treoraíocht dóibh maidir le conas an taifead sonraí a cheartú agus cuirfidh sé an taifead sonraí ceartaithe faoi bhráid na Gníomhaireachta ina dhiaidh sin laistigh de 10 lá oibre. Féadfaidh an Ghníomhaireacht síneadh a chur leis an amlíne sin arna iarraidh sin don RRM, i gcásanna a bhfuil údar cuí leo. Cuirfidh RRManna chun feidhme córais rabhaidh uathoibrithe a bheidh in ann na gníomhaíochtaí seo a leanas a dhéanamh:

4.   Cuirfear an chóip de thaifead sonraí an chliaint RRM agus admhálacha na Gníomhaireachta a bhaineann le sonraí margaidh GNL ar fáil don chliant RRM a luaithe is féidir tar éis iad a fháil ón nGníomhaireacht.

5.   Gníomhóidh RRManna mar phointí teagmhála aonair idir an Ghníomhaireacht agus a gcliaint RRM trí bhealaí cumarsáide a bhunú lena gcliaint agus áiritheoidh siad go gcuirfear na cliaint RRM ar an eolas faoi aon neamhchomhlíonadh nó aon sonraí a bheith in easnamh.

6.   De mhaolú ar mhír 5, féadfaidh an Ghníomhaireacht teagmháil dhíreach a dhéanamh leis na cliaint RRM i gcás ina mbeidh gá le soiléirithe agus ceartúcháin maidir le sonraí margaidh GNL arna dtuairisciú.

7.   I gcás RRManna nach bhfuil cliaint acu agus a thuairiscíonn taifid sonraí don Ghníomhaireacht thar a gceann féin amháin, ní cheanglófar orthu míreanna 3, 4 ná 5 a chomhlíonadh.

1.   Féadfaidh an Ghníomhaireacht cinneadh a ghlacadh lena ndéanfar údarú IIP a tharraingt siar agus é a bhaint den chlár poiblí i gcás ina mbeidh an méid seo a leanas amhlaidh maidir leis an IIP:

2.   Féadfaidh an Ghníomhaireacht cinneadh a ghlacadh lena ndéantar údarú RRM a tharraingt siar agus é a bhaint den chlár poiblí i gcás ina bhfuil an méid seo a leanas amhlaidh maidir leis an RRM:

3.   Sa chinneadh de bhun mhíreanna 1 nó 2, cuirfidh an Ghníomhaireacht in iúl an tréimhse le haghaidh ionadú ordúil de bhun Airteagal 39 den Rialachán seo, luafaidh sí na cúiseanna leis an tarraingt siar agus tabharfaidh sí breac-chuntas ar na leigheasanna dlí atá ar fáil don IIP nó don RRM i gcomhréir le hAirteagail 28 agus 29 de Rialachán (AE) 2019/942.

1.   Sula n-eiseofar aon chinneadh um tharraingt siar agus an réamh-mheasúnú gaolmhar, féadfaidh an Ghníomhaireacht a iarraidh ar IIPanna agus RRManna an fhaisnéis uile is gá a sholáthar don Ghníomhaireacht ionas gur féidir léi a mheas ar chomhlíon an IIP nó an RRM sin aon cheann de na coinníollacha a leagtar amach in Airteagal 34(1) nó (2) faoi seach. Luafaidh an Ghníomhaireacht bunús dlí agus cuspóir na hiarrata, sonróidh sí an fhaisnéis arna hiarraidh agus cuirfidh sí in iúl an teorainn ama ar laistigh di a gcuirfidh an IIP nó an RRM an fhaisnéis a iarradh isteach.

2.   Sula dtabharfaidh sé freagra ar an réamh-mheasúnú de bhun mhír 1, beidh sé de cheart ag an IIP nó an RRM, arna iarraidh sin, rochtain a fháil ar na doiciméid ar bhunaigh an Ghníomhaireacht a réamh-mheasúnú orthu, cé is moite de rúin ghnó, faisnéis rúnda agus doiciméid inmheánacha na Gníomhaireachta.

3.   Bunóidh an Ghníomhaireacht a cinneadh maidir le tarraingt siar ar réamh-mheasúnú ar cé acu ar chomhlíon nó nár chomhlíon an IIP nó an RRM lena mbaineann aon cheann de na coinníollacha a leagtar amach in Airteagal 34(1) nó (2), faoi seach, mar a léirítear i mír 1. Tabharfaidh an Ghníomhaireacht an deis don IIP nó don RRM lena mbaineann barúil a thabhairt i scríbhinn maidir leis an réamh-mheasúnú laistigh de theorainn ama áirithe. Agus an teorainn ama sin á cinneadh, tabharfaidh an Ghníomhaireacht aird chuí ar phráinn, castacht agus iarmhairtí féideartha an ábhair i dtrácht, agus áiritheoidh sí go mbeidh an teorainn ama comhréireach le himthosca an cháis.

4.   Tar éis don IIP nó don RRM freagra a thabhairt ar an réamh-mheasúnú de bhun mhír 3 agus sula nglacfaidh an Ghníomhaireacht cinneadh, eagróidh an Ghníomhaireacht éisteacht ó bhéal ar iarraidh i scríbhinn a fháil ón IIP nó ón RRM lena mbaineann. Cuirfear iarraidh den sórt sin ar éisteacht isteach tráth nach déanaí ná 20 lá oibre tar éis rochtain a dheonú ar na doiciméid mar a leagtar amach i mír 2, nó, i gcás nár fheidhmigh an IIP nó an RRM a cheart de bhun mhír 2, 1 mhí amháin ón uair a thabharfar fógra faoi réamh-mheasúnú na Gníomhaireachta don IIP nó don RRM lena mbaineann. I gcás nach ndéanfar iarraidh i scríbhinn ar éisteacht ó bhéal, féadfaidh an Ghníomhaireacht ceann a eagrú ar a tionscnamh féin.

5.   Ní bhunóidh an Ghníomhaireacht a cinneadh ach ar thorthaí a raibh deis ag an IIP nó an RRM a thuairimí a chur in iúl ina leith, trí fhreagraí i scríbhinn nó, a mhéid is infheidhme, trí shoiléirithe breise i scríbhinn nó le linn na héisteachta ó bhéal.

6.   I gcás ina dtabharfaidh an IIP nó an RRM lena mbaineann fógra don Ghníomhaireacht, le linn an nós imeachta de bhun an Airteagail seo, go bhfuil sé ar intinn aige a údarú a thréigean go sainráite, féadfaidh an Ghníomhaireacht a chinneadh scor den nós imeachta sin agus, ina ionad sin, an nós imeachta a leagtar amach in Airteagal 36 a chur i bhfeidhm.

1.   I gcás IIPanna agus RRManna a bheartaíonn a n-údarú a thréigean, tabharfaidh siad fógra don Ghníomhaireacht faoin rún sin, agus an méid seo a leanas á chur in iúl acu:

2.   Ar fháil an fhógra dá dtagraítear i mír 1 di, féadfaidh an Ghníomhaireacht faisnéis bhreise nó soiléirithe breise a iarraidh a bhaineann leis an bhfógra. Leagfaidh an Ghníomhaireacht síos teorainn ama ar laistigh di nach mór don IIP nó don RRM freagra i scríbhinn a thabhairt. Agus an teorainn ama sin á cinneadh, tabharfaidh an Ghníomhaireacht aird chuí ar phráinn, castacht agus iarmhairtí féideartha an ábhair i dtrácht, agus áiritheoidh sí go mbeidh an teorainn ama comhréireach le himthosca an cháis.

3.   I gcás chinneadh na Gníomhaireachta maidir le tarraingt siar, lena gcuirtear in iúl an t-uainiú iomchuí don tarraingt siar arna hiarraidh ag an IIP nó an RRM, beidh sé bunaithe ar thorthaí a raibh deis ag an IIP nó an RRM a thuairimí a chur in iúl ina leith, ina fhógra tosaigh nó, a mhéid is infheidhme, ina fhreagraí i scríbhinn ar iarrataí na Gníomhaireachta ar fhaisnéis bhreise nó soiléirithe breise, agus orthu sin amháin.

1.   Cuirfidh an Ghníomhaireacht an IIP nó an RRM lena mbaineann ar an eolas faoi thoradh an nós imeachta um tharraingt siar dá dtagraítear in Airteagail 34, 35 agus 36. Is i bhfoirm chinnidh a bheidh an toradh sin i gcás ina dtarraingeofar siar an t-údarú. Tabharfar fógra faoi chinneadh um tharraingt siar don IIP nó don RRM lena mbaineann laistigh de 5 lá oibre tar éis a ghlactha.

2.   I gcás cinneadh um tharraingt siar, bainfidh an Ghníomhaireacht an IIP nó an RRM lena mbaineann den chlár poiblí an lá oibre tar éis fógra a thabhairt faoin gcinneadh agus fógróidh sí an bhaint sin ar shuíomh gréasáin na Gníomhaireachta. Tabharfaidh an Ghníomhaireacht fógra do na húdaráis rialála náisiúnta uile faoin bhfógra sin. Foilseoidh an Ghníomhaireacht leagan neamhrúnda den chinneadh maidir le tarraingt siar ar a suíomh gréasáin.

1.   Tráth nach déanaí ná 2 lá oibre tar éis fógra a thabhairt faoi chinneadh um tharraingt siar, cuirfidh an IIP nó an RRM ar tarraingíodh siar a údarú (‘an IIP nó an RRM atá ag tarraingt siar’) a chliaint IIP nó a chliaint RRM ar an eolas, i scríbhinn, faoi na socruithe agus na nósanna imeachta atá le leanúint chun sonraí ábhartha a aistriú agus sreabha tuairiscithe a atreorú chuig IIP nó RRM malartach arna roghnú ag an gcliant IIP nó ag an gcliant RRM. Sa teachtaireacht chéanna fiafróidh an IIP nó an RRM atá ag tarraingt siar de na cliaint ábhartha IIP nó de na cliaint ábhartha RRM an bhfuil sé beartaithe acu, chun ionadú ordúil a áirithiú, atreorú an tsreafa sonraí chuig IIP nó RRM eile (‘an IIP nó an RRM roghnaithe’) a shocrú iad féin nó an socrú sin a fhágáil faoin IIP nó faoin RRM atá ag tarraingt siar.

2.   San iarraidh dá dtagraítear i mír 1, iarrfaidh an IIP nó an RRM atá ag tarraingt siar na sonraí seo a leanas:

3.   Cuirfidh an IIP nó an RRM roghnaithe tús leis na seirbhísí ábhartha don chliant ábhartha IIP nó don chliant ábhartha RRM ar a dhéanaí an lá oibre tar éis fhoirceannadh na tréimhse le haghaidh ionadú ordúil, mar a bhunaítear le cinneadh na Gníomhaireachta, ar choinníoll go mbeidh an comhaontú seirbhíse sínithe ag an gcliant IIP nó ag an gcliant RRM le haghaidh na seirbhísí ábhartha IIP nó RRM.

4.   Gheobhaidh an IIP nó an RRM atá ag tarraingt siar faisnéis an IIP nó an RRM roghnaithe, i bhfoirm scríofa laistigh de 2 mhí ón bhfógra a luaitear i mír 1, ón gcliant ábhartha IIP nó ón gcliant ábhartha RRM. Má mhainníonn an cliant ábhartha IIP nó an cliant ábhartha RRM a dhéanamh amhlaidh, tabharfaidh an Ghníomhaireacht fógra d’údarás rialála náisiúnta an Bhallstáit ina bhfuil an cliant IIP nó an cliant RRM cláraithe. Déanfaidh an t-údarás rialála náisiúnta dá dtugtar fógra measúnú ar an ngá atá le gníomhaíocht forfheidhmiúcháin fhéideartha.

5.   Tar éis don tréimhse le haghaidh ionadú ordúil arna leagan síos ag an nGníomhaireacht dul in éag, tabharfaidh an IIP nó an RRM atá ag tarraingt siar fógra don Ghníomhaireacht, gan moill mhíchuí, faoin rogha a rinne gach ceann dá gcliaint IIP nó dá gcliaint RRM. Léireofar san fhógra sin freisin an dáta beacht a thug an IIP nó an RRM atá ag tarraingt siar fógra don chliant ábhartha IIP nó don chliant ábhartha RRM i gcomhréir le mír 1, chomh maith leis an dáta a fuair an IIP nó an RRM atá ag tarraingt siar faisnéis an IIP nó an RRM roghnaithe.

6.   Le linn na tréimhse le haghaidh ionadú ordúil arna leagan síos ag an nGníomhaireacht, gheobhaidh an IIP nó an RRM roghnaithe an méid seo a leanas:

Is é an IIP nó an RRM atá ag tarraingt siar a aistreoidh na mionsonraí agus an fhaisnéis a leagtar amach sa chéad fhomhír chuig an IIP nó RRM roghnaithe, ach amháin má chuir a gcliaint IIP nó a gcliaint RRM in iúl go bhfuil sé beartaithe acu atreorú na sreibhe sonraí chuig an IIP nó RRM roghnaithe a shocrú iad féin. I gcás den sórt sin, déanfaidh an cliant IIP nó an cliant RRM na mionsonraí agus an fhaisnéis a leagtar amach sa chéad fhomhír a aistriú.

7.   Soláthróidh an IIP nó an RRM atá ag tarraingt siar dá chliaint IIP nó dá chliaint RRM, arna iarraidh sin dóibh, aon fhaisnéis nó soiléiriú breise i ndáil leis na haistrithe dá dtagraítear i mír 1.

8.   I gcás RRM atá ag tarraingt siar agus a thuairiscíonn taifid sonraí thar a cheann féin, cuirfidh sé an Ghníomhaireacht ar an eolas, i scríbhinn agus laistigh de 2 mhí ón gcinneadh um tharraingt siar a fháil, faoin RRM atá roghnaithe aige chun ionadú ordúil a áirithiú. Áireofar san fhógra an fhaisnéis dá dtagraítear i mír 2. Beidh feidhm ag míreanna 3, 5 agus 6 den Airteagal seo mutatis mutandis.

1.   Ina cinneadh maidir le tarraingt siar, tabharfaidh an Ghníomhaireacht údar cuí le haon imeacht ón tréimhse 6 mhí dá dtagraítear in Airteagal 4a agus Airteagal 9a de Rialachán (AE) Uimh. 1227/2011.

2.   In imthosca eisceachtúla, féadfaidh an IIP nó an RRM iarraidh i scríbhinn a chur faoi bhráid na Gníomhaireachta ar shíneadh ama a chur leis an tréimhse le haghaidh ionadú ordúil a leagtar síos sa chinneadh um tharraingt siar. Beidh údar cuí leis an iarraidh sin agus áireofar inti mionsonraí na n-imthosca eisceachtúla a fhágann nach féidir leis an IIP nó leis an RRM an t-ionadú ordúil a dhéanamh i gcomhréir leis an tréimhse ama arna leagan amach ag an nGníomhaireacht, chomh maith le fianaise thacaíochta i leith na n-imthosca sin. Cuirfear an iarraidh faoi bhráid na Gníomhaireachta tráth nach déanaí ná 1 mhí amháin roimh dheireadh na tréimhse le haghaidh ionadú ordúil mar a leagtar síos sa chinneadh um tharraingt siar, agus beidh sí faoi réir fhormheas na Gníomhaireachta.