(1)

Le Rialachán Tarmligthe (AE) 2019/1122 ón gCoimisiún (2), leagtar síos rialacha maidir le feidhmiú Chlárlann an Aontais, a bunaíodh faoi Threoir 2003/87/CE ó Pharlaimint na hEorpa agus ón gComhairle (3).

(2)

Le Rialachán (AE) 2018/842 leagtar síos oibleagáidí ar na Ballstáit maidir leis an rannchuidiú is íosta uathu i dtreo sprioc 2030 an Aontais maidir lena astaíochtaí gás ceaptha teasa a laghdú.

(3)

I gcomhréir le hAirteagal 12 de Rialachán (AE) 2018/842, tá Clárlann an Aontais le cuntasaíocht chruinn na n-idirbhearta faoin Rialachán sin a áirithiú.

(4)

Leasaíodh Rialachán (AE) 2018/842 le Rialachán (AE) 2023/857 ó Pharlaimint na hEorpa agus ón gComhairle (4) chun sprioc 2030 an Aontais a mhéadú maidir le hastaíochtaí gás ceaptha teasa a laghdú (ó laghdú 30 % go laghdú 40 % i gcomparáid le leibhéil 2005) agus chun cuid de na ceanglais is infheidhme maidir le húsáid solúbthachtaí a sholáthraítear do na Ballstáit leis an Rialachán sin a choigeartú.

(5)

Le Rialachán (AE) 2018/842 tugadh an deis do roinnt Ballstát fógra a thabhairt don Choimisiún, in 2023, go raibh sé beartaithe acu úsáid nó úsáid bhreise a bhaint as cealú teoranta ar lamháltais CTA an Aontais chun a n-oibleagáidí faoin Rialachán sin (‘solúbthacht CTA’) a chomhlíonadh agus chun athbhreithniú a dhéanamh ar a rúin faoinar dtugadh fógra in 2024 agus in 2027, ní hamháin chun iad a ísliú, mar a bhí i gceist ar dtús, ach freisin chun iad a ardú. Dá bhrí sin, is iomchuí leasú a dhéanamh ar fhorálacha Rialachán Tarmligthe (AE) 2019/1122 maidir le cruthú leithdháiltí bliantúla astaíochtaí (AEAnna) i gCuntas de Chainníocht Iomlán AEA Iarscríbhinn II AE. Ina theannta sin, in éagmais sainmhíniú iarbhír ar an téarma ‘astaíochtaí iomarcacha’ chun gur féidir leis na Ballstáit solúbthacht CTA a úsáid, is iomchuí an téarma sin a ionadú leis an bhfoirmle atá le húsáid sa chinneadh an féidir, agus a mhéid is féidir, leis an mBallstát solúbthacht CTA a úsáid chun comhlíontacht a áirithiú in aon bhliain faoi leith.

(6)

Le Rialachán (AE) 2018/842 ceanglaítear ar na Ballstáit an Coiste um an Athrú Aeráide a chur ar an eolas sula n-aistrítear AEAnna go na Ballstáit eile. Dá bhrí sin, is iomchuí léiriú a thabhairt ar na leasuithe ar choinníollacha maidir le hinaistritheacht AEAnna.

(7)

Ar mhaithe le soiléireacht agus comhsheasmhacht ar fud chaibidlí éagsúla Rialachán Tarmligthe (AE) 2019/1122, is iomchuí an téarma ‘Aonaid Aistrithe Talún’ agus a ghiorrúcháin ‘AATanna’ a chur in ionad ‘Aonaid Mhaolaithe Talún’ agus ‘AMTanna’, faoi seach.

(8)

Thairis sin, leasaíodh Rialachán (AE) 2018/842 a mhéid a bhaineann le huasteorainneacha le hiasachtaíocht agus baincéireacht AEAnna, le haistrithe ex ante AEAnna go na Ballstáit eile agus le húsáid glan-aistrithe ó earnáil na húsáide talún, an athraithe ar úsáid talún agus na foraoiseachta (‘LULUCF’). Dá bhrí sin, is gá léiriú a thabhairt ar na hathruithe sin i Rialachán Tarmligthe (AE) 2019/1122.

(9)

Tá bunú an chúlchiste sábháilteachta faoi réir chomhlíonadh sprioc 2030 an Aontais maidir le hastaíochtaí gás ceaptha teasa a laghdú sna hearnálacha a chumhdaítear le Rialachán (AE) 2018/842. Dá bhrí sin, ba cheart sprioc nua an Aontais maidir le hastaíochtaí gás ceaptha teasa a chumhdaítear le Rialachán (AE) 2018/842 a léiriú sna ceanglais i ndáil le cruthú AEAnna i gcuntas Cúlchiste Sábháilteachta faoi Rialachán an Aontais maidir le Comhroinnt Díchill.

(10)

Ba cheart aisiompú na n-aistrithe chuig Cuntais Chomhlíontachta maidir le Comhroinnt Díchill nó chuig Cuntais Chomhlíontachta ÚTAÚTF Bhallstáit a dhéanamh faoi na coinníollacha céanna, maille leis na hoiriúnuithe iomchuí, is infheidhme maidir le haisiompú leithdháileadh na lamháltas ginearálta, nó na lamháltas eitlíochta, arna dtionscnamh go neamhbheartaithe nó go hearráideach ag riarthóir náisiúnta. Dá bhrí sin, is iomchuí an tagairt dhlíthiúil earráideach in Airteagal 59s(2) de Rialachán Tarmligthe (AE) 2019/1122 a cheartú go hAirteagal 62(4), (6), (7) agus (8) den Rialachán sin.

(11)

Ba cheart, dá bhrí sin, Rialachán Tarmligthe (AE) 2019/1122 a leasú agus a cheartú dá réir,

(1)

leasaítear Airteagal 59a mar a leanas:

(2)

Cuirtear an méid seo a leanas in ionad Airteagal 59b:

(3)

in Airteagal 59f(1) agus (2), cuirtear an giorrúchán ‘AATanna’ in ionad ‘AMTanna’;

(4)

In Airteagal 59h cuirtear an méid seo a leanas in ionad phointe (c) agus phointe (d):

(5)

in Airteagal 59i, pointe (b), cuirtear an céatadán ‘7,5’ in ionad ‘10’;

(6)

leasaítear Airteagal 59j mar a leanas:

(7)

Cuirtear an méid seo a leanas in ionad Airteagal 59k:

(*1)  Rialachán (AE) 2018/1999 ó Pharlaimint na hEorpa agus ón gComhairle an 11 Nollaig 2018 maidir le Rialachas an Aontais Fuinnimh agus na Gníomhaíochta Aeráide, lena leasaítear Rialachán (CE) Uimh. 663/2009 agus Rialachán (CE) Uimh. 715/2009 ó Pharlaimint na hEorpa agus ón gComhairle, Treoir 94/22/CE, Treoir 98/70/CE, Treoir 2009/31/CE, Treoir 2009/73/CE, Treoir 2010/31/AE, Treoir 2012/27/AE, agus Treoir 2013/30/AE ó Pharlaimint na hEorpa agus ón gComhairle, Treoracha 2009/119/CE agus (AE) 2015/652 ón gComhairle agus lena n-aisghairtear Rialachán (AE) Uimh. 525/2013 ó Pharlaimint na hEorpa agus ón gComhairle (IO L 328, 21.12.2018, lch. 1, ELI: http://data.europa.eu/eli/reg/2018/1999/oj).’;"

(8)

leasaítear Airteagal 59l mar a leanas:

(9)

in Airteagal 59m, cuirtear isteach an pointe (d) seo a leanas:

(10)

in Airteagal 59n, cuirtear an céatadán ‘60 %’ in ionad ‘70 %’;

(11)

in Airteagal 59o(1), pointe(g)(v), cuirtear an giorrúchán ‘AATanna’ in ionad ‘AMTanna’;

(12)

in Airteagal 59q, cuirtear an mhír seo a leanas isteach:

(13)

Cuirtear an méid seo a leanas in ionad Airteagal 59s:

(14)

in Iarscríbhinn I, Tábla I-II (‘Cuntais chun críche idirbheart cuntasaíochta de bhun Theideal IIA’), an chéad ró, cuirtear an giorrúchán ‘AATanna’ in ionad ‘AMTanna’.