(1)

An 28 Iúil 2010, d’aithin Comhthionól Ginearálta na Náisiún Aontaithe an ceart chun uisce glan sábháilte agus sláintíochta mar cheart an duine atá bunriachtanach chun tairbhe iomlán a bhaint as an mbeatha agus chun cearta uile an duine a theachtadh. Chun an ceart sin a bhaint amach ina iomláine san Aontas, ba cheart do na Ballstáit feabhas a chur ar an rochtain ar uisce glan agus ar shláintíocht, go háirithe trí fheabhas a chur ar cháilíocht an uisce dromchla agus an screamhuisce araon a úsáidtear chun uisce óil a astarraingt trí Threoir 2000/60/CE a chur chun feidhme (3), agus trí Threoracha (AE) 2020/2184 (4) agus (AE) 2024/3019 (5) ó Pharlaimint na hEorpa agus ón gComhairle a chur chun feidhme go héifeachtach.

(2)

Is bagairt é truailliú ceimiceach uisce dromchla agus screamhuisce ar an timpeallacht uisceach, agus gabhann éifeachtaí leis amhail géarthocsaineacht agus tocsaineacht ainsealach in orgánaigh uisceacha, carnadh truailleán san éiceachóras agus caillteanas gnáthóg agus bithéagsúlachta, agus is bagairt é ar shláinte an duine. Trí chaighdeáin cáilíochta comhshaoil a shocrú, cuidítear leis an uaillmhian maidir le truailliú nialasach le haghaidh timpeallacht saor ó thocsainí a chur chun feidhme.

(3)

De réir thuarascáil na Gníomhaireachta Eorpaí Comhshaoil dar teideal ‘Staid uisce na hEorpa 2024’, thuairiscigh na Ballstáit in 2021 go raibh dea-stádas cainníochtúil ag thart ar 90 % de limistéar na ndobharlach screamhuisce, agus go raibh dea-stádas ceimiceach ag thart ar 75 % díobh, agus go raibh dea-stádas éiceolaíoch nó stádas ard éiceolaíoch ag 40 % de dhobharlaigh dhromchla, agus go raibh dea-stádas ceimiceach ag 38 % díobh. Mar a leagtar amach sa 7ú Tuarascáil Cur Chun Feidhme ón gCoimisiún (2024), ina ndéantar measúnú ar an tríú plean bainistithe abhantraí, is iomaí cúis atá leis. A mhéid a bhaineann le stádas ceimiceach, ceiltear roinnt treochtaí dearfacha le héilliú stairiúil forleathan mearcair agus truailleáin eile bhithcharnacha agus thocsaineacha atá uileláithreach nó tá siad faoi scáth dúshláin nua truaillithe atá ag teacht chun cinn. A mhéid a bhaineann leis an stádas éiceolaíoch, tá feabhas éigin tagtha ar ghnéithe cáilíochta bitheolaíche áirithe. Tá aibhneacha, lochanna agus uiscí cósta an Aontais fós faoi bhrú mór, áfach, agus, fiú nuair a dhéantar bearta éifeachtacha, d’fhéadfadh sé nach mbeadh dul chun cinn infheicthe sa ghearrthéarma sna torthaí faireacháin toisc go dteastaíonn a dhóthain ama ón dúlra chun téarnamh a dhéanamh.

(4)

Ar an iomlán, léirítear i gconclúidí Sheiceáil Oiriúnachta 2019 ar Threoracha 2000/60/CE (6), 2006/118/CE (7), 2007/60/CE agus 2008/105/CE (8) ó Pharlaimint na hEorpa agus ón gComhairle (‘an tSeiceáil Oiriúnachta’) go bhfuil na Treoracha sin oiriúnach don fheidhm den chuid is mó, agus go bhféadfaí feabhas a chur orthu. Léirítear sna conclúidí go raibh na Treoracha sin ina gcúis le leibhéal níos airde cosanta dobharlach agus leibhéal níos fearr bainistithe riosca i gcás tuilte go ginearálta go dtí seo. Mar sin féin, cuirtear in iúl ann freisin go bhfuil níos mó ná leath de dhobharlaigh uile na hEorpa faoi réir díolúintí faoi Threoir 2000/60/CE, rud a thugann le fios go bhfuil dúshlán an-suntasach roimh na Ballstáit an cuspóir maidir le dea-stádas uisce a bhaint amach, agus go háirithe na caighdeáin cháilíochta comhshaoil (CCCanna) le haghaidh substaintí tosaíochta a chomhlíonadh, laistigh de na sprioc-amanna a leagtar síos. Ina theannta sin, thángthas ar an gconclúid sa tSeiceáil Oiriúnachta gur féidir, i measc nithe eile, an dul chun cinn mall a rinneadh a mhéid a bhaineann le cuspóirí na dTreoracha sin a bhaint amach a chur i leith cur chun feidhme mall, i bpáirt mar gheall ar easpa acmhainní airgeadais leordhóthanacha chomh maith le comhtháthú neamhleor cuspóirí comhshaoil i reachtaíocht earnála.

(5)

Mar a tuairiscíodh sa mheasúnú ón gCoimisiún an 4 Feabhra 2025 ar chur chun feidhme Threoir 2000/60/CE bunaithe ar an tríú plean bainistithe abhantraí de chuid na mBallstát, tá acmhainní uisce an Aontais fós faoi bhrú mór mar gheall ar mhíbhainistiú struchtúrach, úsáid neamh-inbhuanaithe talún, athruithe hidreamoirfeolaíocha, truailliú, an t-athrú aeráide, éileamh méadaithe ar uisce agus uirbiú. Is iad seo a leanas na brúnna is mó ar dhobharlaigh dhromchla i ngach Ballstát tuairiscithe, in ord íslitheach de réir chéatadán na ndobharlach a ndéantar difear dóibh: truailliú ó shil-leagan atmaisféarach, athruithe hidreamhoirfeolaíocha a eascraíonn as draenáil agus uisciú le haghaidh na talmhaíochta, hidreachumhacht, cosaint ar thuilte, loingseoireacht nó soláthar uisce óil, agus truailliú ón talmhaíocht. Ar an gcaoi chéanna, is iad na brúnna is mó ar dhobharlaigh screamhuisce, ar an gcéad dul síos, truailliú talmhaíochta idirleata, mar shampla ó úsáid lotnaidicídí agus leasachán, agus ar an dara dul síos, in ord íslitheach, astarraingt don soláthar uisce poiblí, don talmhaíocht, d’úsáid thionsclaíoch agus chun críoch eile. Tá sé ríthábhachtach aghaidh a thabhairt ar na brúnna comhcheangailte sin chun bainistiú agus cosaint inbhuanaithe na ndobharlach a áirithiú. Chuige sin, tá gá le cuir chuige chomhtháite lena gcuirtear chun cinn laghdú an truaillithe ag an bhfoinse agus feabhsú an truaillithe atá ann cheana, athchóiriú éiceachóras, glacadh teicneolaíochtaí éifeachtúla úsáide uisce, agus cur chun feidhme cleachtas inbhuanaithe ar fud na n-earnálacha. Ba cheart do na Ballstáit an comhordú idir beartais uisce agus beartais earnála a neartú chun tionchair dhiúltacha ar acmhainní uisce a laghdú agus chun tacú le dea-stádas éiceolaíoch, cainníochtúil agus ceimiceach a bhaint amach mar a leagtar amach i dTreoir 2000/60/CE.

(6)

De bhun Airteagal 191(2) den Chonradh ar Fheidhmiú an Aontais Eorpaigh (CFAE), tá beartas an Aontais maidir leis an gcomhshaol le bunú ar phrionsabal an réamhchúraim agus ar na prionsabail go bhfuil gníomhaíocht choisctheach le déanamh, go bhfuil damáiste don chomhshaol le cur ina cheart, mar thosaíocht, ag an bhfoinse agus gurb é údar an truaillithe a íocfaidh as.

(7)

Agus iarracht á déanamh ardleibhéal cosanta comhshaoil a bhaint amach agus an Plean Gníomhaíochta maidir le Truailliú Nialasach a leagtar amach i dteachtaireacht ón gCoimisiún an 12 Bealtaine 2021 dar teideal Pathway to a Healthy Planet for All – EU Action Plan: ‘Towards Zero Pollution for Air, Water and Soil’ [Conair chuig Pláinéad Sláintiúil do Chách – Plean Gníomhaíochta an Aontais: I dtreo Truailliú Nialasach d’Uisce, don Aer agus don Ithir], ba cheart don Aontas éagsúlacht na gcásanna i réigiúin éagsúla an Aontais, an tionchar ar shlándáil bia, táirgeadh bia agus inacmhainneacht bia, chomh maith le haistí bia sláintiúla inbhuanaithe, a chur san áireamh.

(8)

Sa teachtaireacht ón gCoimisiún an 11 Nollaig 2019 maidir leis an gComhaontú Glas don Eoraip, leagtar amach straitéis chun geilleagar ciorclach, glan agus aeráidneodrach a áirithiú, faoi 2050, agus bainistíocht acmhainní á barrfheabhsú agus an truailliú á íoslaghdú. I dteachtaireacht ón gCoimisiún an 14 Deireadh Fómhair 2020 dar teideal Chemicals Strategy for Sustainability Towards a Toxic-Free Environment [An Straitéis Ceimiceán um an Inbhuanaitheacht – I dTreo Timpeallacht Saor ó Thocsainí] agus sa Phlean Gníomhaíochta maidir le Truailliú Nialasach, tugtar aghaidh go sonrach ar ghnéithe den Chomhaontú Glas don Eoraip a bhaineann le truailliú. Leagtar amach beartais eile atá ábhartha agus comhlántach go háirithe i dteachtaireachtaí ón gCoimisiún an 16 Eanáir 2018 dar teideal A European Strategy for Plastics in a Circular Economy [Straitéis Eorpach um Plaistigh i nGeilleagar Ciorclach], an 19 Feabhra 2020 dar teideal Shaping Europe’s digital future [Todhchaí dhigiteach na hEorpa a mhúnlú], an 19 Feabhra 2020 dar teideal A European strategy for data [Straitéis Eorpach maidir le Sonraí], an 20 Bealtaine 2020 dar teideal A Farm to Fork Strategy for a fair, healthy and environmentally-friendly food system [Straitéis ón bhFeirm go dtí an Forc le haghaidh córas bia atá cothrom, sláintiúil agus neamhdhíobhálach don chomhshaol], an 20 Bealtaine 2020 dar teideal EU Biodiversity Strategy for 2030: Bringing nature back into our lives [Straitéis Bhithéagsúlachta an Aontais Eorpaigh do 2030: An dúlra a thabhairt ar ais inár saol], an 25 Samhain 2020 dar teideal Pharmaceutical Strategy for Europe [An Straitéis Chógaisíochta don Eoraip] an 17 Samhain 2021 dar teideal The EU Soil Strategy for 2030: Reaping the benefits of healthy soils for people, food, nature and climate [Straitéis Ithreach an Aontais Eorpaigh do 2030: Leas a bhainfidh na daoine as ithreacha sláintiúla, mar aon le leas an bhia, an dúlra agus na haeráide agus an 4 Meitheamh 2025 dar teideal European Water Resilience Strategy [Straitéis Eorpach maidir le hAthléimneacht i Réimse an Uisce].

(9)

Tagann na cuspóirí a bhaineann le ‘dea-stádas dobharlach’ agus infhaighteacht uisce a áirithiú salach ar a chéile agus ní minic a dhéantar iarracht iad a bhaint amach ar bhealach réasúnta comhtháiteach. Ba cheart bainistiú inbhuanaithe uisce a phríomhshruthú i ngach beartas de chuid an Aontais a bhaineann le hearnálacha a úsáideann uisce.

(10)

Le Treoir 2000/60/CE, leagtar síos creat chun uiscí dromchla intíre, uiscí trasdultacha, uiscí cósta agus screamhuisce a chosaint. Is éard atá i gceist leis an gcreat sin substaintí tosaíochta a shainaithint ina measc siúd lena mbaineann riosca substaintiúil don timpeallacht uisceach, nó tríd an timpeallacht sin, ar leibhéal an Aontais. Le Treoir 2008/105/CE, leagtar síos CCCanna uile-Aontais le haghaidh na 45 shubstaint tosaíochta a liostaíodh roimhe seo in Iarscríbhinn X a ghabhann le Treoir 2000/60/CE agus ocht dtruailleán eile a bhí á rialáil ar leibhéal an Aontais cheana féin sular tugadh an Iarscríbhinn sin isteach le Cinneadh Uimh. 2455/2001/CE ó Pharlaimint na hEorpa agus ón gComhairle (9). Le Treoir 2006/118/CE, leagtar caighdeáin cáilíochta screamhuisce uile-Aontais síos le haghaidh níotráití agus substaintí gníomhacha i lotnaidicídí agus critéir maidir le luachanna tairsí náisiúnta a leagan síos le haghaidh truailleáin screamhuisce eile. Leagtar síos freisin leis íosliosta de 12 thruailleán agus de tháscairí truaillithe a gceanglaítear ar na Ballstáit breithniú a dhéanamh ar luachanna tairsí náisiúnta den sórt sin a leagan síos lena n-aghaidh. Leagtar na caighdeáin cáilíochta screamhuisce amach in Iarscríbhinn I a ghabhann le Treoir 2006/118/CE.

(11)

Ba cheart a áirithiú go scoirfear den sceitheadh, astaíochtaí agus caillteanais substaintí guaiseacha tosaíochta nó go gcuirfear deireadh leo de réir a chéile laistigh d’amlíne iomchuí agus, i gcás ar bith, tráth nach déanaí ná 20 bliain tar éis substaint tosaíochta ar leith a liostú mar shubstaint ghuaiseach i gCuid A d’Iarscríbhinn I a ghabhann le Treoir 2008/105/CE. Ba cheart feidhm a bheith ag an amlíne sin gan dochar do chur i bhfeidhm amlínte níos déine in aon reachtaíocht eile is infheidhme de chuid an Aontais.

(12)

Meastar substaintí lena liostú i gCuid A d’Iarscríbhinn X a ghabhann le Treoir 2008/105/CE nó in Iarscríbhinní I nó Cuid B d’Iarscríbhinn II a ghabhann le Treoir 2006/118/CE bunaithe ar mheasúnú ar an riosca a bhaineann leo do dhaoine agus don timpeallacht uisceach. Is iad príomhchodanna an mheasúnaithe sin eolas ar thiúchain na substaintí sa chomhshaol, lena n-áirítear faisnéis a bhailítear ón bhfaireachán a dhéantar faoin liosta faire, agus ar (éicea)tocsaineacht na substaintí, mar aon lena marthanacht, bithbhailiú, soghluaiseacht, carcanaigineacht, só-ghineacht, tocsaineacht maidir le síolrú agus poitéinseal suaite inchríneach.

(13)

Rinne an Coimisiún athbhreithniú ar liosta na substaintí tosaíochta a liostaíodh roimhe seo in Iarscríbhinn X a ghabhann le Treoir 2000/60/CE i gcomhréir le hAirteagal 16(4) di agus le hAirteagal 8 de Threoir 2008/105/CE, agus ar an liosta substaintí in Iarscríbhinní I agus i gCuid B d’Iarscríbhinn II a ghabhann le Treoir 2006/118/CE i gcomhréir le hAirteagal 10 di agus chinn sé, i bhfianaise eolas eolaíoch nua, gurb iomchuí na liostaí sin a leasú trí shubstaintí nua a chur leo, trí CCCanna nó caighdeáin cáilíochta screamhuisce a shocrú le haghaidh na substaintí nua sin, trí athbhreithniú a dhéanamh ar CCCanna le haghaidh substaintí áirithe atá ann cheana i gcomhréir leis an dul chun cinn eolaíoch agus trí CCCanna maidir le bithra a shocrú le haghaidh substaintí áirithe atá ann cheana agus substaintí nua. Shainaithin an Coimisiún freisin cé na substaintí breise is dócha a charnfaidh i ndríodar nó i mbithra, agus shoiléirigh sé gur cheart faireachán a dhéanamh ar threochtaí na substaintí sin i ndríodar nó i mbithra. Bhí comhairliúchán fairsing le saineolaithe ó sheirbhísí an Choimisiúin, ó na Ballstáit, ó ghrúpaí páirtithe leasmhara agus ón gCoiste Eolaíoch um Rioscaí Sláinte agus Comhshaoil, agus Rioscaí atá ag Teacht chun Cinn ina thacaíocht leis na hathbhreithnithe ar na liostaí substaintí.

(14)

Tá gá le meascán de bhearta, lena ndéantar rialú ag an bhfoinse agus ag deireadh an phíopa araon, chun déileáil go héifeachtach le formhór na dtruailleán ar feadh a saolré, lena n-áirítear, de réir mar is ábhartha, dearadh ceimiceach, údarú nó formheas, rialú astaíochtaí le linn monaraíochta agus úsáide agus próisis eile, agus láimhseáil dramhaíola. Dá bhrí sin, trí chaighdeáin cháilíochta nua nó níos déine i ndobharlaigh a shocrú, comhlánaítear reachtaíocht eile de chuid an Aontais agus bíonn na caighdeáin ag teacht leis an reachtaíocht sin, reachtaíocht lena dtugtar aghaidh ar fhadhb an truaillithe nó lena bhféadfaí déanamh amhlaidh ag ceann amháin nó níos mó de na céimeanna sin, lena n-áirítear Treoir 2001/83/CE ó Pharlaimint na hEorpa agus ón gComhairle (10), Rialacháin (CE) Uimh. 1907/2006 (11) agus (CE) Uimh. 1107/2009 (12) ó Pharlaimint na hEorpa agus ón gComhairle, Treoracha 2009/128/CE (13) agus 2010/75/AE (14) ó Pharlaimint na hEorpa agus ón gComhairle, Rialacháin (AE) Uimh. 528/2012 (15) agus (AE) 2019/6 (16) ó Pharlaimint na hEorpa agus ón gComhairle agus Treoir (AE) 2024/3019. Chun na cuspóirí comhshaoil a leagtar síos in Airteagal 4 de Threoir 2000/60/CE a bhaint amach ar an mbealach is costéifeachtaí is féidir, ba cheart don Choimisiún agus do na Ballstáit tosaíocht a thabhairt, i gcás inar féidir, ina ngníomhaíochtaí agus ina gcláir beart, faoi seach, do bhearta rialaithe foinse, chomh maith lena bhforfheidhmiú. Ba cheart comhleanúnachas a áirithiú idir gach píosa reachtaíochta de chuid an Aontais agus gach píosa reachtaíochta náisiúnta lena dtugtar aghaidh ar astaíochtaí truailleán ag an bhfoinse chun truailliú a laghdú go leibhéil nach meastar a thuilleadh a bheith díobhálach don tsláinte agus d’éiceachórais nádúrtha.

(15)

Tugtar le fios leis an bhfianaise eolaíoch nua go mbaineann riosca mór le truailleáin éagsúla eile a bhíonn le fáil i ndobharlaigh, i dteannta na dtruailleán a rialáiltear cheana féin. I gcás screamhuisce, sainaithníodh fadhb áirithe tríd an bhfaireachán deonach le haghaidh substaintí sárfhluarailcile agus polafluarailcile (PFASanna) agus earraí cógaisíochta. Braitheadh PFASanna ag breis agus 70 % de na pointí tomhais screamhuisce san Aontas agus is léir go sáraítear luachanna tairsí náisiúnta atá ann cheana ag líon nach beag áiteanna. Ba cheart dá bhrí sin fo-thacar PFAS áirithe a chur leis an liosta de thruailleáin screamhuisce. I gcás uiscí dromchla, tá aigéad sulfónach sárfhluarochtáin (PFOS) agus a dhíorthaigh liostaithe cheana féin mar shubstaintí tosaíochta, ach aithnítear anois go mbaineann riosca le PFASanna eile freisin. Ba cheart dá bhrí sin fo-thacar PFAS áirithe a chur le liosta na substaintí tosaíochta. Le faireachán deonach ar screamhuisce agus faireachán faoin liosta faire faoi Airteagal 8b de Threoir 2008/105/CE, deimhníodh freisin go bhfuil riosca i screamhuisce agus in uiscí dromchla ó roinnt substaintí cógaisíochta ar cheart, dá bhrí sin, de réir mar is ábhartha, iad a chur le liosta na dtruailleán in Iarscríbhinn I a ghabhann le Treoir 2006/118/CE nó leis an liosta substaintí tosaíochta in Iarscríbhinn I a ghabhann le Treoir 2028/105/CE. I screamhuisce, ba cheart don Choimisiún, ag an gcéad athbhreithniú eile, breithniú a dhéanamh ar aghaidh a thabhairt ar an riosca carnach ó chógaisíocht, trí chaighdeáin cháilíochta a shocrú do shuim(eanna) na n-earraí cógaisíochta roghnaithe a d’fhéadfadh a bheith bunaithe ar mhodh gníomhaíochta. Ar an gcúis sin, ba cheart ‘suim(eanna) na n-earraí cógaisíochta roghnaithe de réir modh gníomhaíochta’ a chur le hIarscríbhinn V a ghabhann le Treoir 2006/118/CE. In uisce dromchla, ba cheart aghaidh a thabhairt ar an riosca carnach ó tháirgí cógaisíochta éastraigineacha trí fhaireachán éifeachtbhunaithe agus, ag féachaint do na sonraí ón bhfaireachán leanúnach is déanaí a dhéantar faoin liosta faire, ba cheart don Choimisiún, ag an gcéad athbhreithniú eile, breithniú a dhéanamh ar chaighdeáin a shocrú do shuim(eanna) na n-earraí cógaisíochta roghnaithe a d’fhéadfadh a bheith bunaithe ar mhodh gníomhaíochta; ar an gcúis sin, ba cheart ‘suim(eanna) na n-earraí cógaisíochta roghnaithe de réir modh gníomhaíochta’ a chur le hIarscríbhinn III a ghabhann le Treoir 2008/105/CE. Ba cheart don Choimisiún breithniú a dhéanamh freisin ar chaighdeáin a shocrú le haghaidh iomlán na n-earraí cógaisíochta, agus modhanna faireacháin iomchuí mar thaca leo. Moltar do na Ballstáit faireachán a dhéanamh freisin ar iomlán PFAS (‘Iomlán PFAS’) i screamhuisce trí úsáid a bhaint as an treoraíocht a glacadh faoi Airteagal 13(7) de Threoir (AE) 2020/2184. Ba cheart don Choimisiún breithniú a dhéanamh ar an treoraíocht agus ar na torthaí a fuair na Ballstáit maidir le modh faireacháin a shainiú le haghaidh Iomlán PFAS atá ann go sonrach i screamhuisce, agus na Ballstáit a spreagadh chun an modh faireacháin sin a chur i bhfeidhm. Ba cheart don Choimisiún an modh faireacháin sin a oiriúnú chun faireachán ar Iomlán PFAS in uisce dromchla a éascú agus na Ballstáit a spreagadh chun é a chur i bhfeidhm. Ba cheart don Choimisiún breithniú a dhéanamh freisin ar chaighdeáin cháilíochta a shocrú le haghaidh Iomlán PFAS i screamhuisce agus in uiscí dromchla le linn an chéad athbhreithnithe eile ar liostaí na dtruailleán a leagtar amach in Iarscríbhinn I a ghabhann le Treoracha 2006/118/CE agus in Iarscríbhinn I a ghabhann le Treoir 2008/105/CE.

(16)

Ba cheart bisfeanól-A a chur le liosta na substaintí in Iarscríbhinn I a ghabhann le Treoir 2008/105/CE agus a ainmniú mar shubstaint ghuaiseach tosaíochta. Léirítear san fhianaise eolaíoch go mbaineann acmhainneacht suaite inchrínigh le bisfeanóil cé is moite de Bhisfeanól-A, agus dá bhrí sin dá gcuirfí binsfeanól in ionad ceann eile go bhféadfadh sé nach mbeadh an tairbhe bheartaithe ag baint leis. Ina theannta sin, d’fhéadfadh riosca carnach a bheith ag baint le meascáin de bhisfeanóil. Dá bhrí sin, ba cheart don Choimisiún athbhreithniú a dhéanamh ar liostú bisfeanól i gcoitinne ag an gcéad athbhreithniú eile, agus breithniú a dhéanamh ar CCCanna a bhunú le haghaidh iomlán na mbisfeanól (‘Iomlán na mBisfeanól’) nó ar a laghad le haghaidh shuim na mbisfeanól roghnaithe (‘Suim na mBisfeanól’), ina measc Bisfeanól-B agus Bisfeanól-S ar a laghad, agus modhanna faireacháin iomchuí mar thaca leis. Dá bhrí sin, ba cheart ‘Suim na mBisfeanól’ a liostú in Iarscríbhinn III a ghabhann le Treoir 2008/105/CE. Thairis sin, ba cheart do na Ballstáit breithniú ar leith a dhéanamh i dtaobh Bisfeanól B agus Bisfeanól S ar a laghad a shainaithint mar thruailleáin a bhaineann go sonrach le habhantracha agus faireachán a dhéanamh orthu, i gcás ina bhféadfadh sé a bheith ábhartha, agus i dtaobh na sonraí a thuairisciú i gcomhréir le hAirteagal 8(4) de Threoir 2000/60/CE chun a áirithiú gur féidir an riosca ó shuim na mbisfeanól agus an Bhisfeanól A sin a mheasúnú i gceart ag an gcéad athbhreithniú eile. Ba cheart don Choimisiún breithniú a dhéanamh freisin ar chaighdeáin cháilíochta a bhunú le haghaidh ‘Iomlán na mBisfeanól’ agus ‘Suim na mBisfeanól’ i dTreoir 2006/118/CE.

(17)

Agus é á chur san áireamh gurb é screamhuisce an phríomhfhoinse uisce óil san Aontas, tá sé ríthábhachtach a áirithiú go dtacaíonn na caighdeáin cháilíochta a shocraítear i dTreoir 2006/118/CE le baint amach na luachanna paraiméadracha a leagtar síos le haghaidh uisce óil faoi Threoir (AE) 2020/2184. Cé go bhféadfadh sé a bheith iomchuí na caighdeáin maidir le PFASanna a chomhchuibhiú, léiríodh le déanaí nach bhfuil an luach paraiméadrach a bhaineann le suim 20 PFAS, mar a liostaítear i gCuid B, pointe 3, d’Iarscríbhinn III a ghabhann le Treoir (AE) 2020/2184, i gcomhréir leis na forbairtí eolaíocha is déanaí maidir le liosta na PFASanna a bhfuil tosaíocht le tabhairt dóibh, maidir le tocsaineacht na substaintí sin agus athraitheacht na tocsaineachta idir na substaintí san fhine sin. In éagmais comhaontú iomlán críochnaitheach maidir le caighdeáin PFAS, leagtar amach caighdeán cáilíochta do ghrúpa 20 PFAS, mar a liostaítear i gCuid B, pointe 3, d’Iarscríbhinn III a ghabhann le Treoir (AE) 2020/2184, in Iarscríbhinn I a ghabhann le Treoir 2006/118/CE, trí thagairt a dhéanamh don luach paraiméadrach don ghrúpa sin i dTreoir (AE) 2020/2184 chun a áirithiú go ndéanfar aon athrú ar chomhdhéanamh an ghrúpa sin nó ar an luach sin a ionchorprú go huathoibríoch i dTreoir 2006/118/CE. Chun an t-eolas eolaíoch is déanaí a chur san áireamh, ba cheart, in Iarscríbhinn I a ghabhann le Treoir 2006/118/CE, caighdeán cáilíochta a chur isteach le haghaidh shuim na gceithre comhdhúl PFAS is mó a bhfuil fadhbanna ag baint leo, i gcomhréir leis an luach atá molta ag an Údarás Eorpach um Shábháilteacht Bia (EFSA). Ar an gcúis chéanna, tá sé ríthábhachtach go ndéanfaí athbhreithniú agus athbhreithniú go pras ar na luachanna paraiméadracha le haghaidh PFAS i dTreoir (AE) 2020/2184 de réir mar is iomchuí agus, sa chás sin, go ndéanfaí na caighdeáin cháilíochta in Iarscríbhinn I a ghabhann le Treoir 2006/118/CE a ailíniú le chéile freisin.

(18)

I bhfianaise thocsaineacht aigéid thrífhluaraicéitigh, a mharthanachta agus a leitheadúlachta sa chomhshaol, agus a iliomad foinsí, lena n-áirítear úsáid lotnaidicídí PFAS agus gás cuisneáin ina bhfuil fluairín, tá sé thar a bheith tábhachtach aghaidh a thabhairt ar a láithreacht in uisce dromchla agus screamhuisce araon. I gcás uisce dromchla, ba cheart, dá bhrí sin, aigéad trífhluaraicéiteach a áireamh i suim 25 PFAS ina bhfuil CCC in Iarscríbhinn I a ghabhann le Treoir 2008/105/CE. Ba cheart don Choimisiún, ag an gcéad athbhreithniú eile, breithniú a dhéanamh ar CCC ar leithligh a shocrú le haghaidh aigéad trífhluaraicéiteach in Iarscríbhinn I a ghabhann le Treoir 2008/105/CE. I gcás screamhuisce, ba cheart don Choimisiún breithniú a dhéanamh freisin ar chaighdeán cáilíochta a shocrú le haghaidh aigéad trífhluaraicéiteach, bíodh sé ar leithligh nó mar chuid de shuim, in Iarscríbhinn I a ghabhann le Treoir 2006/118/CE, agus an t-eolas eolaíoch is déanaí maidir le aigéad trífhluaraicéiteach á chur san áireamh, lena n-áirítear an obair a dhéanann an Ghníomhaireacht Eorpach Ceimiceán (ECHA), EFSA agus an Eagraíocht Dhomhanda Sláinte (EDS). Ba cheart leasuithe a dhéanfar amach anseo ar Threoir (AE) 2020/2184 a chur san áireamh freisin.

(19)

Is gá tuilleadh eolais a bhailiú maidir le láithreacht, tábhacht agus íogaireacht éiceachóras screamhuisce chun iad a chosaint i gceart. Ba cheart, dá bhrí sin, taighde eolaíoch breise a spreagadh, a chistiú agus a dhéanamh, agus ba cheart na torthaí a scaipeadh, agus, i gcás inar gá, a chur san áireamh, mar aon leis an eolas atá ann cheana, agus Treoracha 2000/60/CE agus 2006/118/CE á gcur chun feidhme nó á n-athbhreithniú. Ba cheart don Choimisiún oibriú leis na Ballstáit faoin gComhstraitéis Cur Chun Feidhme do Threoir 2000/60/CE chun modheolaíocht a bhunú chun éiceachórais screamhuisce a shainaithint. A luaithe a bheidh modheolaíocht iontaofa ar fáil, ba cheart do na Ballstáit, i gcás inarb ábhartha, an mhodheolaíocht sin a chur i bhfeidhm, agus caighdeáin níos déine a shocrú i gcás inar gá chun na héiceachórais sin a chosaint.

(20)

Le Treoir 2000/60/CE, ceanglaítear ar na Ballstáit dobharlaigh a shainaithint ar dobharlaigh iad a úsáidtear chun uisce atá beartaithe lena thomhailt ag an duine a astarraingt, chun faireachán a dhéanamh orthu, agus chun na bearta is gá a dhéanamh ionas nach dtiocfadh meath ar cháilíocht na ndobharlach sin agus chun laghdú a dhéanamh ar an leibhéal cóireála íonghlanta is gá chun uisce atá oiriúnach lena thomhailt ag an duine a tháirgeadh. Sa chomhthéacs sin, sainaithníodh micreaphlaistigh mar riosca féideartha do shláinte an duine, ach tá gá le tuilleadh sonraí faireacháin chun a dheimhniú gur gá caighdeáin cháilíochta a shocrú le haghaidh micreaphlaistigh in uiscí dromchla agus screamhuisce. Dá bhrí sin, ba cheart micreaphlaistigh a áireamh sna liostaí faire uisce dromchla agus screamhuisce agus ba cheart faireachán a dhéanamh orthu a luaithe a bheidh modhanna faireacháin oiriúnacha ar fáil. Sa chomhthéacs sin, ba cheart na modheolaíochtaí a forbraíodh faoi Threoir (AE) 2020/2184 a chur san áireamh chun faireachán agus measúnú a dhéanamh ar na rioscaí a bhaineann le micreaphlaistigh in uisce óil.

(21)

Meastar in 2019, go raibh idir 900 000 agus 1,7 milliún bás ar fud an domhain inchurtha i leith ionfhabhtuithe frithsheasmhachta in aghaidh ábhair fhrithmhiocróbaigh. Ag an am céanna, cuireadh imní in iúl faoin riosca a bhaineann le forbairt na frithsheasmheastachta frithmhiocróbaí de dheasca microrgánaigh frithsheasmheastachta frithmhiocróbaí agus géinte frithsheasmheastachta frithmhiocróbaí a bheith i láthair sa timpeallacht uisceach, ach is beag faireachán atá déanta go dtí seo. Ba cheart táscairí iomchuí maidir le láithreacht, éabhlóid nó tarchur frithsheasmhachta frithmhiocróbaí a áireamh freisin sna liostaí faire uisce dromchla agus screamhuisce agus ba cheart faireachán a dhéanamh orthu a luaithe a bheidh modhanna faireacháin oiriúnacha forbartha. Tá sé sin i gcomhréir leis an ‘Plean Gníomhaíochta Eorpach “Aon Sláinte Amháin”’ i gcoinne Frithsheasmhacht in aghaidh Ábhair Fhrithmhiocróbacha, a ghlac an Coimisiún i mí an Mheithimh 2017, agus leis an teachtaireacht ón gCoimisiún an 25 Samhain 2020 dar teideal ‘Straitéis Chógaisíochta don Eoraip’, ina dtugtar aghaidh freisin ar an ábhar imní sin.

(22)

Ba cheart iarscríbhinn a bheith ag gabháil le Treoracha 2006/118/CE agus 2008/105/CE ina liostaítear substaintí, grúpaí substaintí agus táscairí roghnaithe atá le breithniú ag an gCoimisiún sa chéad athbhreithniú eile ar na Treoracha sin, go dtí go bhforbrófar modheolaíochtaí faireacháin iontaofa agus caighdeáin cháilíochta iomchuí nó spreag-luachanna agus dearbhú deiridh go bhfuil riosca ag baint leo do screamhuisce nó uisce dromchla nó trí screamhuisce nó uisce dromchla. D’fhéadfaí an deimhniú sin a fháil, dá mba ghá, trí na substaintí, na grúpaí substaintí, nó na táscairí a áireamh sa liosta faire ábhartha.

(23)

Ní féidir leis na gnáthmhodhanna anailíse ceimiceacha a úsáidtear chun faireachán a dhéanamh ar shubstaintí faoi Threoracha 2000/60/CE, 2006/118/CE agus 2008/105/CE, i gcoitinne, an riosca carnach ó mheascáin substaintí a chinneadh. I bhfianaise feasacht a bheith ag dul i méid ar ábharthacht na meascán agus dá bhrí sin an ar ábharthacht an fhaireacháin éifeachtbhunaithe chun stádas ceimiceach a chinneadh, agus i bhfianaise gur ann cheana féin do mhodhanna faireacháin éifeachtbhunaithe atá sách láidir le haghaidh substaintí éastraigineacha, ba cheart do na Ballstáit na modhanna faireacháin éifeachtbhunaithe sin a chur i bhfeidhm chun measúnú a dhéanamh ar éifeachtaí carnacha na substaintí éastraigineacha in uiscí dromchla ar feadh tréimhse 2 bhliain ar a laghad. Leis sin beifear in ann comparáid a dhéanamh idir na torthaí éifeachtbhunaithe, agus na torthaí a gheofar agus na modhanna traidisiúnta á n-úsáid, chun faireachán a dhéanamh ar na trí shubstaint éastraigineacha chógaisíochta a liostaítear in Iarscríbhinn I a ghabhann le Treoir 2008/105/CE. Chun na críche sin, ba cheart don Choimisiún gníomh cur chun feidhme a ghlacadh ina leagfar amach na sonraíochtaí teicniúla chun faireachán a dhéanamh ar shubstaintí éastraigineacha trí mhodhanna faireacháin éifeachtbhunaithe a úsáid. Ba cheart don Choimisiún tuarascáil a fhoilsiú freisin maidir leis an gcomparáid idir torthaí éifeachtbhunaithe agus na torthaí a fhaightear trí úsáid a bhaint as na gnáthmhodhanna, agus ba cheart anailís uirthi a úsáid chun a mheas an soláthraíonn modhanna faireacháin éifeachtbhunaithe sonraí atá láidir agus cruinn go leor chun gur féidir na modhanna sin a úsáid ina modhanna scagtha iontaofa. Bheadh sé de bhuntáiste leis na modhanna scagtha sin a úsáid go mbeifí in ann éifeachtaí na substaintí éastraigineacha uile ag a bhfuil éifeachtaí comhchosúla a chumhdach, seachas iad sin amháin a liostaítear in Iarscríbhinn I a ghabhann le Treoir 2008/105/CE, agus d’fhéadfaí iad a chur in ionad faireachán substainte de réir substainte ag go leor suíomhanna. Ba cheart coincheap na spreag-luachanna éifeachtbhunaithe a shainiú. Ba cheart an sainmhíniú ar dhea-stádas ceimiceach uisce dromchla i dTreoir 2000/60/CE a mhodhnú chun a áirithiú go bhféadfaí a chumhdach leis, amach anseo, spreag-luachanna a d’fhéadfaí a shocrú chun measúnú a dhéanamh ar thorthaí an fhaireacháin éifeachtbhunaithe.

(24)

Cé go gcumhdaítear an riosca ó mheascáin lotnaidicídí go pointe áirithe i dTreoir 2006/118/CE leis an gcaighdeán cáilíochta d’iomlán na lotnaidicídí, ní thugtar aghaidh ar an riosca ó mheascáin den sórt sin i dTreoir 2008/105/CE. Chun aghaidh a thabhairt go pointe áirithe ar an riosca carnach sin, ba cheart CCC a shocrú dá bhrí sin le haghaidh shuim(eanna) na lotnaidicídí atá san áireamh cheana féin sa liosta substaintí tosaíochta a bhfuil faireachán le déanamh orthu in uisce, agus ba cheart CCC a chur san áireamh agus measúnú á dhéanamh ar stádas ceimiceach. Chun riosca meascáin a chur san áireamh ar bhealach níos fearr amach anseo, ba cheart don Choimisiún, ag an gcéad athbhreithniú eile, breithniú a dhéanamh ar chaighdeáin a shocrú maidir le suim(eanna) na lotnaidicídí roghnaithe, a d’fhéadfadh a bheith bunaithe ar mhodh gníomhaíochta agus, b’fhéidir, níos mó lotnaidicídí a chumhdach ná iad siúd a liostaítear ina n-aonar in Iarscríbhinn I a ghabhann le Treoir 2008/105/CE. Ar an gcúis sin, ba cheart ‘suim(eanna) na lotnaidicídí roghnaithe de réir modh gníomhaíochta’ a áireamh in iarscríbhinn nua a ghabhfaidh leis an Treoir sin. Ba cheart don Choimisiún breithniú freisin an bhféadfaí cur chuige rioscabhunaithe a ghlacadh chun CCC a shocrú le haghaidh iomlán na lotnaidicídí, agus modh faireacháin iomchuí mar thaca leis sin. Ós rud é gur bunaíodh sna 1980idí na caighdeáin cháilíochta chineálacha 0,1 μg/L agus 0,5 μg/L le haghaidh lotnaidicídí aonair agus iomlán na lotnaidicídí i screamhuisce a shonraítear in Iarscríbhinn I a ghabhann le Treoir 2006/118/CE, agus go bhfuil siad teoranta ag íogaireacht na modhanna anailíse a bhí ann an tráth sin, d’fhéadfadh sé nach mbeidís sách cosantach do shláinte an duine ná don chomhshaol. Dá bhrí sin, ba cheart don Choimisiún, ag an gcéad athbhreithniú eile ar liosta na dtruailleán i screamhuisce, athbhreithniú a dhéanamh ar na luachanna sin.

(25)

Mar thoradh ar an athbhreithniú a rinne sé ar liosta na substaintí i gCuid A d’Iarscríbhinn I a ghabhann le Treoir 2008/105/CE, shainaithin an Coimisiún roinnt substaintí a d’fhéadfadh sé a bhaint den liosta toisc nach bhfuil riosca forleathan ag baint leo a thuilleadh don timpeallacht uisceach nó tríd an timpeallacht uisceach san Aontas. Mar sin féin, toisc go bhfuil riosca fós ag baint leis na substaintí sin i roinnt Ballstát, is iomchuí iad a áireamh, in éineacht lena CCCanna, in iarscríbhinn nua a ghabhfaidh le Treoir 2008/105/CE. Ba cheart do na Ballstáit leanúint d’fhaireachán a dhéanamh ar na substaintí sin má shainaithníonn siad iad mar thruailleáin ar ábhar imní náisiúnta, réigiúnach nó áitiúil iad, agus de chur i bhfeidhm na CCCanna dá réir sin. Rinneadh roinnt substaintí eile a mheas lena ndíroghnú ach coinníodh ar an liosta iad mar go gcaitear a chinneadh an bhfuil treocht anuas á léiriú ag a dtiúchan. I gcás cuid acu, trí fhaireachán a dhéanamh faoi Threoracha 2000/60/CE agus 2008/105/AE rannchuidítear freisin le hoibleagáidí faireacháin a chomhlíonadh faoi Choinbhinsiún Stócólm maidir le truailleáin orgánacha mharthanacha (17) (‘Coinbhinsiún Stócólm’), a síníodh i Stócólm an 22 Bealtaine 2001, agus faoi Rialachán (AE) 2019/1021 ó Pharlaimint na hEorpa agus ón gComhairle (18).

(26)

I gcomhréir le Coinbhinsiún Stócólm agus le Rialachán (AE) 2019/1021, tá sé d’oibleagáid ar na Ballstáit sláinte an duine agus an comhshaol a chosaint ar thruailleáin orgánacha mharthanacha. Ceanglaítear ar na Ballstáit faireachán a dhéanamh ar láithreacht na dtruailleán orgánach marthanach sa chomhshaol i gcomhréir le hAirteagal 13(1), pointe (d), de Rialachán (AE) 2019/1021 lena gcuirtear chun feidhme ceanglais Airteagal 11(1) de Choinbhinsiún Stócólm.

(27)

Go dtí seo, truailleáin a bhaineann go sonrach le habhantracha agus nach sainaithnítear mar shubstaintí tosaíochta faoi Threoir 2000/60/CE, bhí siad faoi réir CCCanna náisiúnta agus comhaireadh iad mar ghnéithe cáilíochta fisiceimiceacha a thacaíonn leis an measúnú ar an stádas éiceolaíoch in uiscí dromchla. I gcás screamhuiscí, bhí na Ballstáit in ann a luachanna tairsí féin a leagan síos freisin, fiú le haghaidh substaintí sintéiseacha de dhéantús an duine. Mar gheall ar an tsolúbthacht sin bhí torthaí fo-optamacha ann maidir le hinchomparáideacht stádas na ndobharlach idir na Ballstáit, agus ó thaobh cosaint an chomhshaoil de. Dá bhrí sin, is gá foráil a dhéanamh do nós imeachta lena gceadaítear comhaontú ar leibhéal an Aontais maidir le CCCanna agus luachanna tairsí atá le cur i bhfeidhm le haghaidh na substaintí sin más rud é go sainaithnítear gur ábhar imní náisiúnta iad agus chun stórtha de na luachanna tairsí is infheidhme in Iarscríbhinn II a ghabhann le Treoir 2006/118/CE agus de na CCCanna is infheidhme in iarscríbhinn nua a ghabhfaidh le Treoir 2008/105/CE a shocrú. Níor cheart do na Ballstáit na CCCanna agus luachanna tairsí comhchuibhithe a chur i bhfeidhm ach amháin agus measúnú á dhéanamh acu ar stádas a ndobharlach sna ceantair abhantraí inar sainaithníodh riosca ó na substaintí sin.

(28)

Thairis sin, le truailleáin a bhaineann go sonrach le habhantracha a chomhtháthú sa sainmhíniú ar stádas ceimiceach uiscí dromchla, áirithítear cur chuige níos comhordaithe, níos comhleanúnaí agus níos trédhearcaí i dtaca le faireachán agus measúnú a dhéanamh ar stádas ceimiceach dobharlach dromchla agus ar fhaisnéis ghaolmhar don phobal. Éascaítear cur chuige níos spriocdhírithe leis freisin i leith bearta a shainaithint agus a chur chun feidhme chun aghaidh a thabhairt ar gach fadhb ‘a bhaineann le ceimiceáin’ ar bhealach níos iomlánaíche, níos éifeachtaí agus níos éifeachtúla. Dá bhrí sin, ba cheart na sainmhínithe ar ‘stádas éiceolaíoch’ agus ‘stádas ceimiceach’ a mhodhnú agus raon feidhme ‘stádas ceimiceach’ a leathnú chun na truailleáin a bhaineann go sonrach le habhantracha a chumhdach freisin, a bhí ina gcuid roimhe seo den sainmhíniú ar ‘stádas éiceolaíoch’ faoi Iarscríbhinn V a ghabhann le Treoir 2000/60/CE. Dá thoradh sin, ba cheart coincheap na CCCanna le haghaidh truailleáin a bhaineann go sonrach le habhantracha agus nósanna imeachta gaolmhara a áireamh i dTreoir 2008/105/CE. Níor cheart a mheas go bhfuil meathlú ar stádas dobharlaigh mar gheall ar an athrú sin amháin.

(29)

Is é is aidhm do na sásraí liosta faire uisce dromchla agus screamhuisce faisnéis a bhailiú maidir le láithreacht agus dáileadh substaintí a d’fhéadfadh a bheith ina n-ábhar imní sa timpeallacht uisceach, ar substaintí iad a ndearnadh drochdhoiciméadú orthu go dtí seo agus nach mbíonn aon mhodh anailíse caighdeánaithe ar fáil ina leith go minic. Ina theannta sin, i gcás na substaintí a liostaítear in Iarscríbhinn I a ghabhann le Treoir 2006/118/CE agus in Iarscríbhinn I a ghabhann le Treoir 2008/105/CE, is minic nach mbíonn na modhanna anailíse atá ar fáil ar an margadh íogair go leor chun na caighdeáin cháilíochta atá beartaithe a bhaint amach. Tá dúshlán ag baint le modhanna nua a fhorbairt agus faireachán a dhéanamh ar líon méadaithe substaintí, grúpaí substaintí, nó táscairí agus cruthaíonn sé sin costais mhéadaithe ach tá acmhainneacht riaracháin neartaithe ag teastáil sna Ballstáit freisin, go háirithe sna Ballstáit sin a bhfuil níos lú acmhainní acu. Dá bhrí sin, dá mbunófaí saoráid faireacháin chomhpháirteach chun na ceanglais faireacháin a bhainistiú, arna iarraidh sin do na Ballstáit, d’fhéadfadh sé cabhrú leo an cúram dúshlánach sin a chur i gcrích, agus a n-ualaigh airgeadais agus riaracháin a mhaolú. Ba cheart don Choimisiún measúnú a dhéanamh ar na roghanna maidir le saoráid faireacháin mar sin a bhunú, a mhaoiniú agus a fheidhmiú. Ba cheart úsáid na saoráide sin a bheith deonach, inrochtana ag na Ballstáit leasmhara uile agus gan dochar do shocruithe atá i bhfeidhm cheana ar an leibhéal náisiúnta.

(30)

Le roinnt breithiúnas ó Chúirt Bhreithiúnais an Aontais Eorpaigh, soiléiríodh an coincheap ‘meathlú ar stádas’. Ba cheart, dá bhrí sin, sainmhíniú ar ‘meathlú ar stádas’ a thabhairt isteach i dTreoir 2000/60/CE. Faoi mar a thagraítear dó in Iarscríbhinn V a ghabhann leis an Treoir sin, cuimsíonn stádas dobharlaigh dhromchla a stádas éiceolaíoch agus ceimiceach araon agus cuimsíonn stádas dobharlaigh screamhuisce a stádas cainníochtúil agus ceimiceach araon. In ionad tagairt a dhéanamh do gach ceann de na gnéithe sin ar leithligh sa sainmhíniú, níor cheart ach tagairt a dhéanamh d’Iarscríbhinn V a ghabhann leis an Treoir sin. Má thagann meath breise ar stádas gné cáilíochta le haghaidh uisce dromchla a mheastar a bheith ‘go holc’ nó, ‘gan maith a bhaint amach’ nó ar stádas gné cáilíochta le haghaidh screamhuisce a mheastar a bheith ‘lag’, ba cheart an meathlú sin a mheas freisin mar mheathlú ar stádas an dobharlaigh.

(31)

Mar gheall ar na breithiúnais ó Chúirt Bhreithiúnais an Aontais Eorpaigh, mar aon le substaintí arna gcur leis na liostaí substaintí chomh maith le caighdeáin níos déine maidir le truailleáin atá ann cheana, tá cur i bhfeidhm phrionsabal an neamh-mheathlaithe i dTreoir 2000/60/CE níos dúshlánaí, go háirithe maidir le tionscadail a bhfuil tionchar diúltach gearrthéarmach acu ar dhobharlaigh nó ar thionscadail agus gníomhaíochtaí a bhfuil tionchar diúltach acu ar dhobharlaigh mar gheall ar athlonnú uisce nó dríodair ina bhfuil truailleáin. I gcás tionscadal a bhfuil tionchar diúltach gearrthéarmach acu ar ghné cháilíochta amháin nó níos mó de dhobharlach, tá sé fíor-riachtanach a dheimhniú nach bhfuil an tionchar diúltach ar na gnéithe cáilíochta sin le brath a thuilleadh tar éis bliain amháin nó, i gcás gnéithe cáilíochta bitheolaíocha, tar éis 3 bliana ar a mhéad. Chun a fháil amach nach ann don tionchar diúltach a thuilleadh, ba cheart do na Ballstáit a bheith in ann na socruithe faireacháin atá ann cheana a úsáid. Mar sin féin, d’fhéadfadh na socruithe sin a bheith neamhleor, mar shampla i gcás ina gcinntear stádas de ghnáth trí eachtarshuíomh, nó má tá na gnéithe cáilíochta a ndéantar difear dóibh éagsúil leis na gnéithe cáilíochta a mheastar is íogaire i leith gnáthbhrúnna agus gnáththionchar, agus dá bhrí sin d’fhéadfadh sé nach ndéantar faireachán rialta orthu. Sna cásanna sin, ba cheart an fíorú ex post a dhéanamh trí fhaireachán forlíontach saincheaptha. I gcás tionscadail nó gníomhaíochtaí a bhfuil tionchar diúltach acu ar dhobharlaigh mar gheall ar athlonnú uisce truaillithe nó dríodair, d’fhéadfadh laghdú teacht ar an tiúchan truailleán sa dobharlach foinseach agus d’fhéadfadh sé go méadódh an tiúchan sa dobharlach glactha d’ainneoin nach bhfuil aon athrú foriomlán ar chothromaíocht na maise truailleán. Áirítear ar na gníomhaíochtaí sin uisce draenála éillithe a sceitheadh ó oibreacha foirgníochta nó dríodair dhreideáilte a athlonnú le haghaidh cosaint ar thuilte nó loingseoireachta agus ba cheart iad a cheadú, ar choinníoll go gcomhlíontar roinnt critéar. Ba cheart a áireamh sna critéir sin ceanglas go ndéanfar gach beart praiticiúil, lena n-áirítear cóireáil, chun aon drochthionchar a mhaolú agus go mbeadh stádas ceimiceach is ísle ná maith ag an dobharlach dromchla glactha cheana féin i ndáil leis an gcuid is mó de na substaintí a athlonnaíodh, agus go háirithe maidir leis na substaintí is marthanaí agus is bithbhailithí, amhail PFASanna, agus go soláthraítear faisnéis a bhaineann leis na critéir, agus na cúiseanna leis an athlonnú, sa phlean bainistíochta abhantraí ábhartha. Tá na critéir beartaithe chun a áirithiú go gcoinneofar an leibhéal foriomlán cosanta do shláinte an duine agus don chomhshaol dá bhforáiltear i dTreoir 2000/60/CE. Le hathlonnú uisce nó dríodair truaillithe níor cheart baint de cháilíocht na n-acmhainní uisce óil, agus dá bhrí sin ba cheart crios a bhunú in aice le haon phointe astarraingthe uisce óil ina bhfuil gá le réamhchúraimí níos déine. Má tá criosanna faoi choimirce bunaithe ag na Ballstáit cheana faoi Airteagal 7 de Threoir 2000/60/CE, nó faoi Airteagal 8 de Threoir (AE) 2020/2184, d’fhéadfadh na criosanna sin fónamh don chuspóir.

(32)

Teastaíonn ón aistriú glas agus ó ghníomhaíochtaí eile a bhaineann le leas an phobail, mar shampla i réimsí na slándála agus na cosanta, infheistíochtaí suntasacha sna teicneolaíochtaí nua agus i bhforbairt na dteicneolaíochtaí nua sin, agus d’fhéadfadh sé a bheith deacair réiteach a dhéanamh idir sin agus cuspóirí Threoir 2000/60/CE, mar shampla má theastaíonn uathu go ndéanfaí mianadóireacht agus go n-úsáidfí amhábhar criticiúil as a n-eascraíonn astaíochtaí substaintí a bhfuil imní ag teacht chun cinn ina leith. Tá sé tábhachtach measúnú a dhéanamh ar na rioscaí a d’fhéadfadh a bheith ann ó na substaintí sin don chomhshaol nó do shláinte an duine. Ba cheart é sin a chur san áireamh agus substaintí á gcur ar na liostaí faire. Tá sé chomh tábhachtach céanna na coinbhleachtaí a d’fhéadfadh a bheith ann idir na cuspóirí foriomlána sin a shainaithint agus freagairtí iomchuí orthu a fhorbairt. D’fhéadfaí é sin a dhéanamh mar chuid den tuarascáil cur chun feidhme arna tarraingt suas ag an gCoimisiún i gcomhréir le hAirteagal 18 de Threoir 2000/60/CE.

(33)

Chun cur chuige comhchuibhithe agus cothrom na Féinne a áirithiú san Aontas, ba cheart an chumhacht chun gníomhartha a ghlacadh i gcomhréir le hAirteagal 290 CFAE a tharmligean chuig an gCoimisiún chun Codanna A agus C d’Iarscríbhinn II agus Iarscríbhinní III agus IV a ghabhann le Treoir 2006/118/CE maidir le treoirlínte i ndáil le luachanna tairsí a bhunú ag na Ballstáit a leasú, faisnéis atá le soláthar ag na Ballstáit maidir leis na truailleáin agus na táscairí truaillithe ar bunaíodh luachanna tairsí ina leith, measúnú ar stádas ceimiceach screamhuisce agus treochtaí marthanacha móra aníos a shainaithint agus a aisiompú.

(34)

I bhfianaise an ghá atá ann oiriúnú go tapa d’eolas eolaíoch agus teicniúil agus cur chuige comhchuibhithe agus cothrom na Féinne a áirithiú san Aontas i ndáil leis an nós imeachta maidir leis an gcaoi le CCCanna a shainiú le haghaidh truailleáin a bhaineann go sonrach le habhantracha, ba cheart an chumhacht chun gníomhartha a ghlacadh i gcomhréir le hAirteagal 290 CFAE a tharmligean chuig an gCoimisiún chun Cuid B d’Iarscríbhinn II a ghabhann le Treoir 2008/105/CE a leasú.

(35)

Leis an athbhreithniú ar liosta na substaintí tosaíochta i gCuid A d’Iarscríbhinn I a ghabhann le Treoir 2008/105/CE, thángthas ar an gconclúid nach ábhar imní ar fud an Aontais a thuilleadh iad substaintí tosaíochta éagsúla agus dá bhrí sin nár cheart iad a áireamh a thuilleadh san Iarscríbhinn sin. Ba cheart a mheas, dá bhrí sin, gur truailleáin a bhaineann go sonrach le habhantracha iad na substaintí sin agus ba cheart iad a áireamh in iarscríbhinn nua a ghabhfaidh le Treoir 2008/105/CE in éineacht lena CCCanna comhfhreagracha.

(36)

Chun cothrom na Féinne a áirithiú san Aontas agus chun go mbeifear in ann an stádas dobharlach a chur i gcomparáid idir na Ballstáit, is gá luachanna tairsí náisiúnta a chomhchuibhiú le haghaidh roinnt truailleáin screamhuisce sintéiseacha de dhéantús an duine. Ba cheart luachanna tairsí a bhunú de réir mar is gá ar leibhéal an Aontais i gcomhair truailleáin de thionscnamh antrapaigineach nó i gcomhair táirgí a ndíghrádaithe nó a ndianscaoilte, ar choinníoll nach bhfaightear na truailleáin ná na táirgí díghrádúcháin sin go nádúrtha i screamhuisce, nó, más ann do chontrapháirteanna nádúrtha comhchosúla, ar choinníoll gur íseal ar a mhéad iad a leibhéil chúlra nádúrtha. Ba cheart na luachanna tairsí sin a áireamh sa stór luachanna tairsí comhchuibhithe le haghaidh substaintí sintéiseacha de dhéantús an duine i screamhuisce ar ábhar imní náisiúnta, réigiúnach nó áitiúil iad i gCuid D nua d’Iarscríbhinn II a ghabhann le Treoir 2006/118/CE. Ba cheart luach tairsí comhchuibhithe le haghaidh earraí cógaisíochta aonair a áireamh lena chur i bhfeidhm ag na Ballstáit maidir le haon substaint ghníomhach chógaisíochta a shainaithnítear mar shubstaint lena mbaineann riosca ar an leibhéal náisiúnta mura rud é go bhfuil caighdeán nó luach tairsí níos déine socraithe go sonrach don tsubstaint sin ar leibhéal an Aontais nó ar an leibhéal náisiúnta.

(37)

Ba cheart forálacha uile Threoir 2006/118/CE a bhaineann leis an measúnú ar stádas ceimiceach screamhuisce a oiriúnú don tríú catagóir de luachanna tairsí comhchuibhithe a thugtar isteach i gCuid D nua d’Iarscríbhinn II a ghabhann leis an Treoir sin, i dteannta na gcaighdeán cáilíochta a leagtar amach in Iarscríbhinn I a ghabhann leis an Treoir sin agus do na luachanna tairsí náisiúnta a leagtar amach i gcomhréir leis an modheolaíocht a leagtar amach i gCuid A d’Iarscríbhinn II a ghabhann leis an Treoir sin.

(38)

Chun cinnteoireacht éifeachtach chomhleanúnach a áirithiú agus sineirgí a fhorbairt leis an obair a dhéantar faoi chuimsiú reachtaíocht eile an Aontais maidir le ceimiceáin, ba cheart ról buan a bheidh teorannaithe go soiléir a thabhairt do ECHA maidir le tosaíocht a thabhairt do shubstaintí a bheidh le háireamh ar na liostaí faire agus ar na liostaí substaintí in Iarscríbhinní I agus II a ghabhann le Treoir 2008/105/CE agus in Iarscríbhinní I agus II a ghabhann le Treoir 2006/118/CE, agus maidir le caighdeáin cháilíochta eolaíochtbhunaithe iomchuí a dhíorthú. An Coiste um Measúnú Riosca (CMR) agus an Coiste um Anailís Shocheacnamaíoch (CASE) de chuid ECHA, ba cheart dóibh cur i gcrích cúraimí áirithe a thugtar do ECHA a éascú trí thuairimí a thabhairt uathu. Ba cheart do ECHA comhordú níos fearr a áirithiú freisin idir píosaí éagsúla den dlí comhshaoil trí thrédhearcacht mhéadaithe a mhéid a bhaineann le truailleáin atá ar liosta faire nó trí CCCanna nó luachanna tairsí náisiúnta nó uile-Aontais a cheapadh, trí thuarascálacha eolaíocha ábhartha a chur ar fáil go poiblí. Agus luachanna tairsí á ndíorthú le haghaidh substaintí cógaisíochta, ba cheart don ECHA dul i gcomhairle leis an nGníomhaireacht Leigheasra Eorpach (EMA).

(39)

Thángthas ar an gconclúid sa tSeiceáil Oiriúnachta gur gá tuairisciú leictreonach a dhéanamh níos minice agus ar bhealach níos cuíchóirithe chun reachtaíocht uisce an Aontais a chur chun feidhme agus a fhorfheidhmiú ar bhealach níos fearr. I bhfianaise an róil atá ag an nGníomhaireacht Eorpach Comhshaoil (EEA) chun faireachán a dhéanamh níos tráthrialta freisin ar staid an truaillithe mar a thuairiscítear sa Phlean Gníomhaíochta maidir le Truailliú Nialasach, ba cheart don Ghníomhaireacht an tuairisciú níos minice agus níos cuíchóirithe sin ó na Ballstáit maidir leis na sonraí faireacháin a éascú. Tá sé tábhachtach go gcuirfí an fhaisnéis chomhshaoil ríthábhachtach sin ar fáil in am trátha don phobal agus don Choimisiún. Gan dochar do na hoibleagáidí minicíochta faireacháin i dTreoracha 2000/60/CE, 2006/118/CE agus 2008/105/CE, agus a mhéid a gineadh sonraí faireacháin nua mar thoradh ar na hoibleagáidí faireacháin faoi na Treoracha sin, ba cheart do na Ballstáit na sonraí seo a leanas a chur ar fáil don phobal agus do EEA: (i) gach 3 bliana, sonraí faireacháin maidir le gnéithe cáilíochta bitheolaíocha in uiscí dromchla a bailíodh agus a bailíochtaíodh le linn na 3 bliana roimhe sin; agus (ii) gach 2 bhliain, sonraí faireacháin maidir le gnéithe cáilíochta ceimiceacha in uisce dromchla agus screamhuisce a bailíodh agus a bailíochtaíodh le linn an 2 bhliain roimhe sin. Ba cheart é sin a dhéanamh trí na sásraí leictreonacha seachadta sonraí atá ann cheana, ar nós an córas, Reportnet, de chuid EEA, lena ndéantar tíolacadh sonraí a éascú tríd an uathoibriú, a bheidh ailínithe le sreabha sonraí ábhartha i Staid an Chomhshaoil ón gCóras Faisnéise Uisce don Eoraip. Moltar do na Ballstáit na sonraí faireacháin maidir le gnéithe cáilíochta ceimiceacha a chur ar fáil don phobal agus do EEA go bliantúil. Leanfar den stádas a thuairisciú sna pleananna bainistíochta abhantraí gach sé bliana. Tá coinne leis go mbeidh an t-ualach riaracháin teoranta sa mhéid go gceanglaítear ar na Ballstáit cheana féin téamaí sonraí spásúla a chur ar fáil go poiblí faoi Threoir 2007/2/CE ó Pharlaimint na hEorpa agus ón gComhairle (19) agus faoi Threoir (AE) 2019/1024 ó Pharlaimint na hEorpa agus ón gComhairle (20).

(40)

Tá an measúnú ar stádas faoi Threoir 2000/60/CE bunaithe ar an bprionsabal díbeartha agus ba cheart nach n-athrófaí sin. Tá sé tábhachtach, dá bhrí sin, go ndéanfaidh na Ballstáit gach beart is féidir chun dea-stádas nó dea-acmhainneacht a bhaint amach, de réir mar is iomchuí, i ndáil le gach gné cáilíochta aonair ábhartha. An tráth céanna, chun a áirithiú go mbeidh sé le feiceáil go ndearnadh nó nach ndearnadh dul chun cinn maidir le gnéithe cáilíochta aonair, fiú nuair nach mbaineann gach ceann acu dea-stádas nó dea-acmhainneacht amach, agus gur féidir an dul chun cinn nó an easpa dul chun cinn ar fud na mBallstát a chur i gcomparáid le chéile, ba cheart táscairí dul chun cinn a fhorbairt agus a chomhchuibhiú ar leibhéal an Aontais chun go ndéanfadh na Ballstáit stádas nó acmhainneacht na ngnéithe cáilíochta aonair sin a chur i láthair agus a thuairisciú go haonfhoirmeach ar bhealach imdhealaithe. Ba cheart na táscairí dul chun cinn sin a léirmhíniú gan dochar do na conclúidí a baineadh as an bprionsabal díbeartha a chur i bhfeidhm.

(41)

Le comhtháthú níos fearr a dhéanamh ar na sreabha sonraí a thuairiscítear do EEA faoi reachtaíocht uisce an Aontais agus, go háirithe na fardail astaíochtaí a cheanglaítear le Treoir 2008/105/CE, agus na sreabha sonraí a thuairiscítear don Tairseach um Astaíochtaí Tionsclaíocha faoi Threoir 2010/75/AE agus faoi Rialachán (AE) 2024/1244 ó Pharlaimint na hEorpa agus ón gComhairle (21), fágfar go mbeidh an tuairisciú fardail i gcomhréir le hAirteagal 5 de Threoir 2008/105/CE níos simplí agus níos éifeachtúla. An tráth céanna, laghdófar leis an t-ualach riaracháin agus an buaic-ualach oibre in ullmhúchán na bpleananna bainistíochta abhantraí. In éineacht le díothú an tuairiscithe eatramhaigh ar an dul chun cinn a dhéantar ar chur chun feidhme na gclár beart, rud nach raibh éifeachtach, leis an tuairisciú simplithe sin, cuirfear ar a gcumas do na Ballstáit iarracht níos mó a dhéanamh i dtaobh an tuairiscithe astaíochtaí nár cumhdaíodh leis an reachtaíocht maidir le hastaíochtaí tionsclaíocha go dtí le déanaí ach a cumhdaíodh leis an tuairisciú astaíochtaí faoi Airteagal 5 de Threoir 2008/105/CE.

(42)

Le Conradh Liospóin, lena leasaítear an Conradh ar an Aontas Eorpach agus an Conradh ag bunú an Chomhphobail Eorpaigh (22), a síníodh i Liospóin an 13 Nollaig 2007, tugadh idirdhealú isteach idir cumhachtaí arna dtarmligean chuig an gCoimisiún chun gníomhartha tarmligthe a ghlacadh, is iad sin gníomhartha neamhreachtacha a bhfuil feidhm ghinearálta leo chun eilimintí neamhriachtanacha áirithe i ngníomh reachtach a fhorlíonadh nó a leasú, agus na cumhachtaí a thugtar don Choimisiún chun gníomhartha cur chun feidhme a ghlacadh, is iad sin gníomhartha ar mhaithe le coinníollacha aonfhoirmeacha a áirithiú maidir le gníomhartha de chuid an Aontais atá ceangailteach ó thaobh dlí a chur chun feidhme. Ba cheart Treoir 2000/60/CE agus Treoir 2006/118/CE a ailíniú leis an gcreat dlíthiúil a thugtar isteach le Conradh Liospóin.

(43)

Comhlíontar leis an gcumhachtú in Airteagal 20(1), an chéad fhomhír, de Threoir 2000/60/CE lena ndéantar foráil maidir leis an nós imeachta rialúcháin lena ngabhann grinnscrúdú a úsáid, na critéir in Airteagal 290(1) CFAE ós rud é go mbaineann an cumhachtú sin le hoiriúnuithe ar na hIarscríbhinní a ghabhann leis an Treoir sin agus le glacadh na rialacha lena bhforlíontar an Treoir. Ba cheart é a thiontú ina chumhachtú dá bhrí sin don Choimisiúin chun gníomhartha tarmligthe a ghlacadh. An cumhachtú i roinn 1.4.1(ix) d’Iarscríbhinn V a ghabhann le Treoir 2000/60/CE, lena ndéantar foráil maidir leis an nós imeachta rialúcháin lena ngabhann grinnscrúdú a úsáid, comhlíontar leis an gcumhachtú sin na critéir in Airteagal 291(2) CFAE, ós rud é go mbaineann sé leis na coinníollacha aonfhoirmeacha chun an Treoir sin a chur chun feidhme. Ba cheart é a thiontú ina chumhachtú dá bhrí sin don Choimisiún chun gníomhartha cur chun feidhme a ghlacadh.

(44)

An cumhachtú in Airteagal 8(1) de Threoir 2006/118/CE lena ndéantar foráil maidir leis an nós imeachta rialúcháin lena ngabhann grinnscrúdú a úsáid, comhlíontar leis an gcumhachtú sin na critéir in Airteagal 290(1) CFAE, ós rud é go mbaineann sé le hoiriúnuithe ar Chodanna A agus C d’Iarscríbhinn II agus Iarscríbhinní III agus IV a ghabhann leis an Treoir sin. Ba cheart é a thiontú ina chumhachtú dá bhrí sin don Choimisiún chun gníomhartha tarmligthe a ghlacadh.

(45)

Tá sé tábhachtach, go háirithe, go rachadh an Coimisiún i mbun comhairliúcháin iomchuí le linn a chuid oibre ullmhúcháin maidir le gníomhartha tarmligthe, lena n-áirítear ar leibhéal na saineolaithe, agus go ndéanfaí na comhairliúcháin sin i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr (23). Go sonrach, chun rannpháirtíocht chomhionann in ullmhú na ngníomhartha tarmligthe a áirithiú, faigheann Parlaimint na hEorpa agus an Chomhairle na doiciméid uile ag an am céanna leis na saineolaithe sna Ballstáit, agus bíonn rochtain chórasach ag na saineolaithe ar chruinnithe ghrúpaí saineolaithe an Choimisiúin a bhíonn ag déileáil le hullmhú na ngníomhartha tarmligthe.

(46)

An cumhachtú in Airteagal 8(3) de Threoir 2000/60/CE lena ndéantar foráil maidir leis an nós imeachta rialúcháin lena ngabhann grinnscrúdú a úsáid, comhlíontar leis an gcumhachtú sin na critéir in Airteagal 291(2) CFAE, ós rud é go mbaineann sé le glacadh na sonraíochtaí teicniúla agus na modhanna caighdeánaithe chun anailís agus faireachán a dhéanamh ar stádas uisce agus é mar aidhm leis, dá bhrí sin, coinníollacha aonfhoirmeacha a áirithiú maidir le cur chun feidhme comhchuibhithe na Treorach sin. Ba cheart é a thiontú ina chumhachtú dá bhrí sin don Choimisiún chun gníomhartha cur chun feidhme a ghlacadh. Chun inchomparáideacht na sonraí a áirithiú, ba cheart an cumhachtú a leathnú freisin chun bunú formáidí a áireamh, ar formáidí iad a úsáidfear chun sonraí faireacháin agus stádais a thuairisciú i gcomhréir le hAirteagal 8(4) de Threoir 2000/60/CE. Na cumhachtaí cur chun feidhme a thugtar don Choimisiún, ba cheart iad a fheidhmiú i gcomhréir le Rialachán (AE) Uimh. 182/2011 ó Pharlaimint na hEorpa agus ón gComhairle (24).

(47)

Ba cheart do na saineolaithe sna Ballstáit leanúint de bheith rannpháirteach sa chomhar rialta a éascaítear leis an gComhstraitéis Cur Chun Feidhme do Threoir 2000/60/CE agus go háirithe sna meithleacha a bhunaítear fúithi, agus dá bhrí sin, ba cheart dlúthbhaint a bheith acu go háirithe leis an athbhreithniú ar na liostaí faire, leis na nuashonruithe ar na liostaí truailleán agus le bunú na bhformáidí tuairiscithe.

(48)

Chun coinníollacha aonfhoirmeacha a áirithiú maidir le Treoir 2000/60/CE a chur chun feidhme, ba cheart cumhachtaí cur chun feidhme a thabhairt don Choimisiún chun sonraíochtaí teicniúla agus modhanna caighdeánaithe a leagan amach chun anailís agus faireachán a dhéanamh ar stádas uisce i gcomhréir le hIarscríbhinn V a ghabhann leis an Treoir sin, chun formáidí a bhunú maidir le sonraí faireacháin agus stádais a thuairisciú, chun torthaí an chleachtaidh idirchalabraithe agus na luachanna arna mbunú le haghaidh aicmithe chóras faireacháin na mBallstát a ghlacadh i gcomhréir le roinn 1.4.1 (ix) d’Iarscríbhinn V a ghabhann leis an Treoir sin, agus chun táscairí dul chun cinn a ghlacadh lenar féidir comparáid a dhéanamh idir an dul chun cinn atá déanta ag na Ballstáit i dtreo dea-stádas nó dea-acmhainneacht a ndobharlach a bhaint amach. Ba cheart na cumhachtaí sin a fheidhmiú i gcomhréir le Rialachán (AE) Uimh. 182/2011.

(49)

Chun coinníollacha aonfhoirmeacha a áirithiú maidir le Treoir 2006/118/CE a chur chun feidhme, ba cheart cumhachtaí cur chun feidhme a thabhairt don Choimisiún chun liosta faire screamhuisce a ghlacadh agus chun liosta a bhunú de mheitibilítí ábhartha agus neamhábhartha a thagann ó shubstaintí lotnaidicídí. Ba cheart na cumhachtaí sin a fheidhmiú i gcomhréir le Rialachán (AE) Uimh. 182/2011.

(50)

Chun coinníollacha aonfhoirmeacha a áirithiú maidir le Treoir 2008/105/CE a chur chun feidhme, ba cheart cumhachtaí cur chun feidhme a thabhairt don Choimisiún chun formáidí caighdeánaithe a ghlacadh maidir le hastaíochtaí poncfhoinse nach gcumhdaítear le Rialachán (AE) 2024/1244 agus astaíochtaí idirleata a thuairisciú do EEA. Ba cheart na cumhachtaí sin a fheidhmiú i gcomhréir le Rialachán (AE) Uimh. 182/2011.

(51)

Is gá dul chun cinn eolaíoch agus teicniúil i réimse an fhaireacháin ar stádas na ndobharlach a chur san áireamh i gcomhréir leis na ceanglais faireacháin a leagtar amach in Iarscríbhinn V a ghabhann le Treoir 2000/60/CE. Dá bhrí sin, ba cheart a cheadú do na Ballstáit sonraí agus seirbhísí a úsáid ó theicneolaíochtaí cianbhraiteachta, faire na cruinne, ar nós seirbhísí Copernicus, braiteoirí agus feistí in situ, córais faireacháin ar cháilíocht uisce ar líne, nó sonraí eolaíochta na saoránach, agus leas a bhaint as na deiseanna a chuirtear ar fáil leis an intleacht shaorga, ard-anailísiú sonraí agus ardphróiseáil sonraí.. I gcomhréir le Straitéis Dhigiteach an Aontais, lena n-áirítear a cuspóirí maidir le digiteáil mhéadaithe i gcás seirbhísí poiblí agus gnólachtaí, moltar do na Ballstáit leas a bhaint as acmhainneacht na digiteála le haghaidh bainistiú uisce agus go háirithe i gcás faireachán ar cháilíocht an uisce. Tá sé tábhachtach measúnú a dhéanamh ar a indéanta atá sé córais ar líne a úsáid chun faireachán leanúnach, beacht agus fíor-ama a dhéanamh ar cháilíocht uisce, agus treoraíocht a fhorbairt, más iomchuí, maidir lena gcur i bhfeidhm. D’fhéadfaí é sin a dhéanamh i gcomhthéacs na Comhstraitéise Cur Chun Feidhme do Threoir 2000/60/CE, agus é mar aidhm leis cúnamh a thabhairt do na Ballstáit a dteicnící faireacháin ar cháilíocht uisce a dhigiteáil, i gcás inar féidir agus inarb iomchuí. Moltar do na Ballstáit a bhfuil bearta déanta acu chun teicnící faireacháin a dhigiteáil achoimre ar na bearta sin a áireamh ina bpleananna bainistíochta abhantraí.

(52)

Ba cheart do na Ballstáit úsáid uirlisí digiteacha mar shampla teicneolaíochtaí cianbhraiteachta agus faire na cruinne, ar nós seirbhísí Copernicus, a spreagadh.

(53)

Ba cheart do na húdaráis inniúla tacaíocht a thabhairt don oiliúint, do chláir forbartha scileanna agus d’infheistíocht i gcaipiteal daonna chun tacú le cur chun feidhme éifeachtach na dteicneolaíochtaí agus na réiteach nuálach is fearr faoi chuimsiú Threoir 2000/60/CE.

(54)

I gcomhréir leis an gCoinbhinsiún maidir le Rochtain ar Fhaisnéis, Rannpháirtíocht Phoiblí i gCinnteoireacht agus Rochtain ar Cheartas i gCúrsaí Comhshaoil (25), a síníodh in Aarhus an 25 Meitheamh 1998, tá rochtain ar cheartas le bheith ag baill den phobal lena mbaineann chun rannchuidiú le cosaint an chirt chun cónaí i dtimpeallacht atá leordhóthanach do shláinte agus d’fholláine an duine. Dá bhrí sin, ba cheart do na Ballstáit rochtain ar cheartas a áirithiú faoi Threoir 2000/60/CE i gcomhréir leis an gCoinbhinsiún sin. Thairis sin, de réir cásdlí socair ó Chúirt Bhreithiúnais an Aontais Eorpaigh, is faoi chúirteanna na mBallstát atá sé cosaint bhreithiúnach ar chearta duine faoi dhlí an Aontais a áirithiú. Sa bhreis air sin, le hAirteagal 19(1) den Chonradh ar an Aontas Eorpach (CAE) ceanglaítear ar na Ballstáit leigheasanna a chur ar fáil atá leordhóthanach chun cosaint bhreithiúnach éifeachtach a áirithiú sna réimsí a chumhdaítear le dlí an Aontais.

(55)

I bhfianaise na méaduithe ar imeachtaí aimsire nach féidir a thuar, go háirithe tuilte foircneacha agus tréimhsí triomaigh fada, agus ar theagmhais truaillithe móra as a n-eascraíonn truailliú trasteorann de thimpiste nó ina gcuirtear an truailliú sin in olcas, ba cheart é a chur de cheangal ar na Ballstáit a áirithiú go soláthrófar faisnéis maidir le teagmhais den sórt sin gan mhoill do Bhallstáit eile dá bhféadfaí difear a dhéanamh agus dul i gcomhar go héifeachtach leis na Ballstáit sin chun éifeachtaí na himeachta nó an teagmhais a mhaolú. Is gá freisin an comhar idir na Ballstáit a threisiú agus nósanna imeachta maidir le comhar trasteorann a chuíchóiriú i gcás fadhbanna níos struchtúraí, i.e. fadhbanna trasteorann níos fadtéarmaí nach de dheasca timpiste iad agus nach féidir a réiteach ar leibhéal na mBallstát, i gcomhréir le hAirteagal 12 de Threoir 2000/60/CE. I gcás ina bhfuil comhar éifeachtach bunaithe cheana féin ag na Ballstáit, ba cheart é sin a chur san áireamh. I gcás ina mbeidh gá le cúnamh ón Aontas, féadfaidh na húdaráis inniúla náisiúnta iarrataí ar chúnamh a sheoladh chuig Lárionad Comhordúcháin Práinnfhreagartha an Choimisiúin, rud a éascóidh comhordú ar sholáthar an chúnaimh is gá tríd an Sásra Aontais um Chosaint Shibhialta, i gcomhréir le hAirteagal 15 de Chinneadh Uimh. 1313/2013/AE ó Pharlaimint na hEorpa agus ón gComhairle (26). Thairis sin, ós rud é gur féidir le ceantair abhantraí síneadh thar chríoch an Aontais freisin, tá sé tábhachtach a áirithiú go gcuirfidh na Ballstáit Treoir 2000/60/CE chun feidhme go héifeachtach laistigh dá gcríocha faoi seach. Ba cheart do na Ballstáit féachaint freisin le comhordú iomchuí a bhunú leis na tríú tíortha ábhartha, rud a rannchuideodh le comhlíonadh na gcuspóirí a leagtar amach sa Treoir sin maidir leis na ceantair abhantraí shonracha sin.

(56)

Ba cheart don Choimisiún tuairisciú ar an bhféidearthacht sásra freagrachta táirgeora leathnaithe a áireamh i dTreoir 2000/60/CE. Ba cheart a chur san áireamh sa tuarascáil sin an taithí a fuarthas go háirithe ó chur chun feidhme na bhforálacha maidir le freagracht táirgeora leathnaithe i reachtaíocht an Aontais maidir le cóireáil fuíolluisce uirbigh, dramhaíl, agus plaistigh aon úsáide.

(57)

Dá bhrí sin, ba cheart Treoracha 2000/60/CE, 2006/118/CE agus 2008/105/CE a leasú dá réir sin.

(58)

Ós rud é nach féidir leis na Ballstáit cuspóirí na Treorach seo, is é sin ardleibhéal cosanta comhshaoil agus feabhas ar cháilíocht comhshaoil fhionnuiscí na hEorpa a áirithiú, a ghnóthú go leordhóthanach i ngeall ar thréithe trasteorann an truaillithe uisce, agus, gur fearr is féidir iad a ghnóthú ar leibhéal an Aontais, féadfaidh an tAontas bearta a ghlacadh, i gcomhréir le prionsabal na coimhdeachta a leagtar amach in Airteagal 5 CAE. I gcomhréir le prionsabal na comhréireachta a leagtar amach san Airteagal sin, ní théann an Treoir seo thar a bhfuil riachtanach chun na cuspóirí sin a ghnóthú,

(1)

in Airteagal (e), cuirtear an méid seo a leanas in ionad an cheathrú fleasc:

;

(2)

leasaítear Airteagal 2 mar a leanas:

(3)

leasaítear Airteagal 4 mar a leanas:

(4)

cuirtear an méid seo a leanas in ionad Airteagal 7(2):

(5)

leasaítear Airteagal 8 mar a leanas:

(6)

leasaítear Airteagal 10 mar a leanas:

(7)

leasaítear Airteagal 11 mar a leanas:

(8)

cuirtear an méid seo a leanas in ionad Airteagal 12:

(9)

cuirtear an tAirteagal seo a leanas isteach:

(*13)   IO L 124, 17.5.2005, lch. 4, ELI: http://data.europa.eu/eli/convention/2005/370/oj.’;"

(10)

in Airteagal 15, scriostar mír 3;

(11)

cuirtear an méid seo a leanas in ionad Airteagal 16:

(*14)  Treoir 2001/83/CE ó Pharlaimint na hEorpa agus ón gComhairle an 6 Samhain 2001 maidir leis an gcód Comhphobail a bhaineann le táirgí íocshláinte lena n-úsáid ag an duine (IO L 311, 28.11.2001, lch. 67, ELI: http://data.europa.eu/eli/dir/2001/83/oj)."

(*15)  Rialachán (CE) Uimh. 1907/2006 ó Pharlaimint na hEorpa agus ón gComhairle an 18 Nollaig 2006 a bhaineann le Clárú, Measúnú, Údarú agus Teorannú Ceimiceán (REACH), lena mbunaítear Gníomhaireacht Eorpach Ceimiceán, lena leasaítear Treoir 1999/45/CE agus lena n-aisghairtear Rialachán (CEE) Uimh. 793/93 ón gComhairle agus Rialachán (CE) Uimh. 1488/94 ón gCoimisiún chomh maith le Treoir 76/769/CEE ón gComhairle agus Treoracha 91/155/CEE, 93/67/CEE, 93/105/CE agus 2000/21/CE ón gCoimisiún (IO L 396, 30.12.2006, lch. 1, ELI: http://data.europa.eu/eli/reg/2006/1907/oj)."

(*16)  Rialachán (CE) Uimh. 1107/2009 ó Pharlaimint na hEorpa agus ón gComhairle an 21 Deireadh Fómhair 2009 maidir le táirgí cosanta plandaí a chur ar an margadh agus lena n-aisghairtear Treoir 79/117/CEE agus Treoir 91/414/CEE ón gComhairle (IO L 309, 24.11.2009, lch. 1, ELI: http://data.europa.eu/eli/reg/2009/1107/oj)."

(*17)  Rialachán (AE) Uimh. 528/2012 ó Pharlaimint na hEorpa agus ón gComhairle an 22 Bealtaine 2012 maidir le táirgí bithicídeacha a chur ar fáil ar an margadh agus a úsáid (IO L 167, 27.6.2012, lch. 1, ELI: http://data.europa.eu/eli/reg/2012/528/oj)."

(*18)  Rialachán (AE) 2019/6 ó Pharlaimint na hEorpa agus ón gComhairle an 11 Nollaig 2018 maidir le táirgí íocshláinte tréidliachta agus lena n-aisghairtear Treoir 2001/82/CE (IO L 4, 7.1.2019, lch. 43, ELI: http://data.europa.eu/eli/reg/2019/6/oj)."

(*19)  Rialachán (CE) Uimh. 1272/2008 ó Pharlaimint na hEorpa agus ón gComhairle an 16 Nollaig 2008 maidir le substaintí agus meascáin a aicmiú, a lipéadú agus a phacáistiú, agus lena n-aisghairtear Treoir 67/548/CEE agus Treoir 1999/45/CE, agus lena leasaítear Rialachán (CE) Uimh 1907/2006 (IO L 353, 31.12.2008, lch. 1, ELI: http://data.europa.eu/eli/reg/2008/1272/oj).’;"

(12)

in Airteagal 17, scriostar míreanna 4 agus 5;

(13)

in Airteagal 18, scriostar mír 4;

(14)

cuirtear an tAirteagal seo a leanas isteach:

(15)

cuirtear an méid seo a leanas in ionad Airteagail 20 agus 21:

(*20)  Rialachán (AE) Uimh. 182/2011 ó Pharlaimint na hEorpa agus ón gComhairle an 16 Feabhra 2011 lena leagtar síos na rialacha agus na prionsabail ghinearálta a bhaineann leis na sásraí maidir le rialú ag na Ballstáit ar fheidhmiú cumhachtaí cur chun feidhme ag an gCoimisiún (IO L 55, 28.2.2011, lch. 13, ELI: http://data.europa.eu/eli/reg/2011/182/oj).’;"

(16)

in Airteagal 22, cuirtear an méid seo a leanas in ionad mhír 4:

(17)

leasaítear Iarscríbhinn V i gcomhréir le hIarscríbhinn I a ghabhann leis an Treoir seo;

(18)

i gCuid B d’Iarscríbhinn VII, cuirtear an pointe seo a leanas léi:

;

(19)

leasaítear Iarscríbhinn VIII i gcomhréir le hIarscríbhinn II a ghabhann leis an Treoir seo;

(20)

scriostar Iarscríbhinní IX agus X.

(1)

cuirtear an méid seo a leanas in ionad an teidil:

‘Treoir 2006/118/CE ó Pharlaimint na hEorpa agus ón gComhairle an 12 Nollaig 2006 maidir le truailliú screamhuisce a chosc agus a rialú’

(2)

in Airteagal 1, cuirtear an méid seo a leanas in ionad mhír 1:

(3)

leasaítear Airteagal 2 mar a leanas:

(4)

leasaítear Airteagal 3 mar a leanas:

(5)

leasaítear Airteagal 4 mar a leanas:

(6)

cuirtear an tAirteagal seo a leanas isteach:

(*23)  Treoir 2008/105/CE ó Pharlaimint na hEorpa agus ón gComhairle an 16 Nollaig 2008 maidir le caighdeáin cáilíochta comhshaoil i réimse an bheartais uisce, lena leasaítear agus lena n-aisghairtear ina dhiaidh sin Treoracha 82/176/CEE, 83/513/CEE, 84/156/CEE, 84/491/CEE, 86/280/CEE ón gComhairle agus lena leasaítear Treoir 2000/60/CE ó Pharlaimint na hEorpa agus ón gComhairle (IO L 348, 24.12.2008, lch. 84, ELI: http://data.europa.eu/eli/dir/2008/105/oj)."

(*24)  Treoir 2001/83/CE ó Pharlaimint na hEorpa agus ón gComhairle an 6 Samhain 2001 maidir leis an gcód Comhphobail a bhaineann le táirgí íocshláinte lena n-úsáid ag an duine (IO L 311, 28.11.2001, lch. 67, ELI: http://data.europa.eu/eli/dir/2001/83/oj)."

(*25)  Rialachán (CE) Uimh. 1907/2006 ó Pharlaimint na hEorpa agus ón gComhairle an 18 Nollaig 2006 a bhaineann le Clárú, Measúnú, Údarú agus Teorannú Ceimiceán (REACH), lena mbunaítear Gníomhaireacht Eorpach Ceimiceán, lena leasaítear Treoir 1999/45/CE agus lena n-aisghairtear Rialachán (CEE) Uimh. 793/93 ón gComhairle agus Rialachán (CE) Uimh. 1488/94 ón gCoimisiún chomh maith le Treoir 76/769/CEE ón gComhairle agus Treoracha 91/155/CEE, 93/67/CEE, 93/105/CE agus 2000/21/CE ón gCoimisiún (IO L 396, 30.12.2006, lch. 1, ELI: http://data.europa.eu/eli/reg/2006/1907/oj)."

(*26)  Treoir 2009/128/CE ó Pharlaimint na hEorpa agus ón gComhairle an 21 Deireadh Fómhair 2009 lena mbunaítear creat do ghníomhaíocht Chomhphobail chun úsáid inbhuanaithe lotnaidicídí a bhaint amach (IO L 309, 24.11.2009, lch. 71, ELI: http://data.europa.eu/eli/dir/2009/128/oj)."

(*27)  Rialachán (AE) 2019/6 ó Pharlaimint na hEorpa agus ón gComhairle an 11 Nollaig 2018 maidir le táirgí íocshláinte tréidliachta agus lena n-aisghairtear Treoir 2001/82/CE (IO L 4, 7.1.2019, lch. 43, ELI: http://data.europa.eu/eli/reg/2019/6/oj)."

(*28)  Rialachán (AE) 2022/2379 ó Pharlaimint na hEorpa agus ón gComhairle an 23 Samhain 2022 maidir le staidreamh ar ionchur agus aschur talmhaíochta, lena leasaítear Rialachán (CE) Uimh. 617/2008 ón gCoimisiún agus lena n-aisghairtear Rialacháin (CE) Uimh. 1165/2008, (CE) Uimh. 543/2009 agus (CE) Uimh. 1185/2009 ó Pharlaimint na hEorpa agus ón gComhairle agus Treoir 96/16/CE ón gComhairle (IO L 315, 7.12.2022, lch. 1, ELI: http://data.europa.eu/eli/reg/2022/2379/oj)."

(*29)  Rialachán (AE) 2024/1244 ó Pharlaimint na hEorpa agus ón gComhairle an 24 Aibreán 2024 maidir le tuairisciú sonraí comhshaoil ó shuiteálacha tionsclaíocha, lena mbunaítear Tairseach um Astaíochtaí Tionsclaíocha agus lena n-aisghairtear Rialachán (CE) Uimh. 166/2006 (IO L, 2024/1244, 2.5.2024, ELI: http://data.europa.eu/eli/reg/2024/1244/oj)."

(*30)  Treoir 2010/75/AE ó Pharlaimint na hEorpa agus ón gComhairle an 24 Samhain 2010 maidir le hastaíochtaí tionsclaíocha agus tógála beostoic (cosc agus rialú comhtháite ar thruailliú) (IO L 334, 17.12.2010, lch. 17, ELI: http://data.europa.eu/eli/dir/2010/75/oj).’;"

(7)

cuirtear an méid seo a leanas in ionad Airteagal 8:

(8)

cuirtear an tAirteagal seo a leanas isteach:

(9)

cuirtear an méid seo a leanas in ionad Airteagal 9:

(*31)  Rialachán (AE) Uimh. 182/2011 ó Pharlaimint na hEorpa agus ón gComhairle an 16 Feabhra 2011 lena leagtar síos na rialacha agus na prionsabail ghinearálta a bhaineann leis na sásraí maidir le rialú ag na Ballstáit ar fheidhmiú cumhachtaí cur chun feidhme ag an gCoimisiún (IO L 55, 28.2.2011, lch. 13, ELI: http://data.europa.eu/eli/reg/2011/182/oj).’;"

(10)

scriostar Airteagal 10;

(11)

cuirtear an téacs a leagtar amach in Iarscríbhinn III a ghabhann leis an Treoir seo in ionad Iarscríbhinn I;

(12)

leasaítear Iarscríbhinn II i gcomhréir le hIarscríbhinn IV a ghabhann leis an Treoir seo;

(13)

in Iarscríbhinn III, cuirtear an méid seo a leanas in ionad phointe 2(c):

;

(14)

in Iarscríbhinn IV, Cuid B, pointe 1, cuirtear an méid seo a leanas in ionad na foclaíochta réamhráití:

;

(15)

cuirtear an téacs a leagtar amach in Iarscríbhinn V a ghabhann leis an Treoir seo leis mar Iarscríbhinn V.

(1)

cuirtear an méid seo a leanas in ionad an teidil:

‘Treoir 2008/105/CE ó Pharlaimint na hEorpa agus ón gComhairle an 16 Nollaig 2008 maidir le caighdeáin cáilíochta comhshaoil agus maidir le cosc agus rialú ar thruailliú uisce dromchla, lena leasaítear agus lena n-aisghairtear ina dhiaidh sin na Treoracha 82/176/CEE, 83/513/CEE, 84/156/CEE, 84/491/CEE, 86/280/CEE ón gComhairle agus lena leasaítear Treoir 2000/60/CE ó Pharlaimint na hEorpa agus ón gComhairle’

(2)

in Airteagal 2, cuirtear an pointe seo a leanas leis:

;

(3)

leasaítear Airteagal 3 mar a leanas:

(4)

cuirtear an méid seo a leanas in ionad Airteagal 5:

(*32)  Rialachán (AE) 2024/1244 ó Pharlaimint na hEorpa agus ón gComhairle an 24 Aibreán 2024 maidir le tuairisciú sonraí comhshaoil ó shuiteálacha tionsclaíocha, lena mbunaítear Tairseach um Astaíochtaí Tionsclaíocha agus lena n-aisghairtear Rialachán (CE) Uimh. 166/2006 (IO L, 2024/1244, 2.5.2024, ELI: http://data.europa.eu/eli/reg/2024/1244/oj).’;"

(5)

in Airteagal 7a(1), cuirtear an méid seo a leanas in ionad mhír 1:

(*33)  Treoir 2001/83/CE ó Pharlaimint na hEorpa agus ón gComhairle an 6 Samhain 2001 maidir leis an gcód Comhphobail a bhaineann le táirgí íocshláinte lena n-úsáid ag an duine (IO L 311, 28.11.2001, lch. 67, ELI: http://data.europa.eu/eli/dir/2001/83/oj)."

(*34)  Rialachán (CE) Uimh. 1907/2006 ó Pharlaimint na hEorpa agus ón gComhairle an 18 Nollaig 2006 a bhaineann le Clárú, Measúnú, Údarú agus Teorannú Ceimiceán (REACH), lena mbunaítear Gníomhaireacht Eorpach Ceimiceán, lena leasaítear Treoir 1999/45/CE agus lena n-aisghairtear Rialachán (CEE) Uimh. 793/93 ón gComhairle agus Rialachán (CE) Uimh. 1488/94 ón gCoimisiún chomh maith le Treoir 76/769/CEE ón gComhairle agus Treoracha 91/155/CEE, 93/67/CEE, 93/105/CE agus 2000/21/CE ón gCoimisiún (IO L 396, 30.12.2006, lch. 1, ELI: http://data.europa.eu/eli/reg/2006/1907/oj)."

(*35)  Rialachán (CE) Uimh. 1107/2009 ó Pharlaimint na hEorpa agus ón gComhairle an 21 Deireadh Fómhair 2009 maidir le táirgí cosanta plandaí a chur ar an margadh agus lena n-aisghairtear Treoir 79/117/CEE agus Treoir 91/414/CEE ón gComhairle (IO L 309, 24.11.2009, lch. 1, ELI: http://data.europa.eu/eli/reg/2009/1107/oj)."

(*36)  Treoir 2009/128/CE ó Pharlaimint na hEorpa agus ón gComhairle an 21 Deireadh Fómhair 2009 lena mbunaítear creat do ghníomhaíocht Chomhphobail chun úsáid inbhuanaithe lotnaidicídí a bhaint amach (IO L 309, 24.11.2009, lch. 71, ELI: http://data.europa.eu/eli/dir/2009/128/oj)."

(*37)  Treoir 2010/75/AE ó Pharlaimint na hEorpa agus ón gComhairle an 24 Samhain 2010 maidir le hastaíochtaí tionsclaíocha agus tógála beostoic (cosc agus rialú comhtháite ar thruailliú) (IO L 334, 17.12.2010, lch. 17, ELI: http://data.europa.eu/eli/dir/2010/75/oj)."

(*38)  Rialachán (AE) Uimh. 528/2012 ó Pharlaimint na hEorpa agus ón gComhairle an 22 Bealtaine 2012 maidir le táirgí bithicídeacha a chur ar fáil ar an margadh agus a úsáid (IO L 167, 27.6.2012, lch. 1, ELI: http://data.europa.eu/eli/reg/2012/528/oj)."

(*39)  Rialachán (AE) 2019/6 ó Pharlaimint na hEorpa agus ón gComhairle an 11 Nollaig 2018 maidir le táirgí íocshláinte tréidliachta agus lena n-aisghairtear Treoir 2001/82/CE (IO L 4, 7.1.2019, lch. 43, ELI: http://data.europa.eu/eli/reg/2019/6/oj).’;"

(6)

cuirtear an méid seo a leanas in ionad Airteagail 8, 8a agus 8b:

(*40)  Treoir 2006/118/CE ó Pharlaimint na hEorpa agus ón gComhairle an 12 Nollaig 2006 maidir le truailliú screamhuisce a chosc agus a rialú (IO L 372, 27.12.2006, lch. 19, ELI: http://data.europa.eu/eli/dir/2006/118/oj)."

(*40)  Treoir 2006/118/CE ó Pharlaimint na hEorpa agus ón gComhairle an 12 Nollaig 2006 maidir le truailliú screamhuisce a chosc agus a rialú (IO L 372, 27.12.2006, lch. 19, ELI: http://data.europa.eu/eli/dir/2006/118/oj)."

(*41)  Rialachán (CE) Uimh. 1272/2008 ó Pharlaimint na hEorpa agus ón gComhairle an 16 Nollaig 2008 maidir le substaintí agus meascáin a aicmiú, a lipéadú agus a phacáistiú, lena leasaítear agus lena n-aisghairtear Treoir 67/548/CEE agus Treoir 1999/45/CE, agus lena leasaítear Rialachán (CE) Uimh 1907/2006 (IO L 353, 31.12.2008, lch. 1, ELI: http://data.europa.eu/eli/reg/2008/1272/oj)."

(*42)  Rialachán (AE) 2022/2379 ó Pharlaimint na hEorpa agus ón gComhairle an 23 Samhain 2022 maidir le staidreamh ar ionchur agus aschur talmhaíochta, lena leasaítear Rialachán (CE) Uimh. 617/2008 ón gCoimisiún agus lena n-aisghairtear Rialacháin (CE) Uimh. 1165/2008, (CE) Uimh. 543/2009 agus (CE) Uimh. 1185/2009 ó Pharlaimint na hEorpa agus ón gComhairle agus Treoir 96/16/CE ón gComhairle (IO L 315, 7.12.2022, lch. 1, ELI: http://data.europa.eu/eli/reg/2022/2379/oj)."

(*43)  Treoir 2009/90/CE ón gCoimisiún an 31 Iúil 2009 lena leagtar síos, de bhun Threoir 2000/60/CE ó Pharlaimint na hEorpa agus ón gComhairle, sonraíochtaí teicniúla maidir le hanailís cheimiceach agus faireachán a dhéanamh ar stádas an uisce (IO L 201, 1.8.2009, lch. 36, ELI: http://data.europa.eu/eli/dir/2009/90/oj).’;"

(7)

cuirtear an tAirteagal seo a leanas isteach:

(8)

leasaítear Airteagal 9a mar a leanas:

(9)

scriostar Airteagal 10;

(10)

leasaítear Iarscríbhinn I i gcomhréir le hIarscríbhinn VI a ghabhann leis an Treoir seo;

(11)

cuirtear an téacs a leagtar amach in Iarscríbhinn VII a ghabhann leis an Treoir seo leis mar Iarscríbhinn II;

(12)

cuirtear an téacs a leagtar amach in Iarscríbhinn VIII a ghabhann leis an Treoir seo leis mar Iarscríbhinn III.