(1)

An 10 Márta 2023 chuir Corteva Agriscience Belgium B.V., atá lonnaithe sa Bheilg, thar ceann Corteva Agriscience LLC, atá lonnaithe sna Stáit Aontaithe (‘an t-iarratasóir’), iarratas faoi bhráid údaráis inniúil náisiúnta na hÍsiltíre maidir le bianna, comhábhair bhia agus beatha ina bhfuil arbhar Indiach géinmhodhnaithe DP202216 x NK603 x DAS-40278-9, nó atá comhdhéanta de nó a tháirgtear as, a chur ar an margadh, i gcomhréir le hAirteagail 5 agus 17 de Rialachán (CE) Uimh. 1829/2003 (‘an t-iarratas’). Cumhdaíodh san iarratas freisin táirgí ina bhfuil arbhar Indiach géinmhodhnaithe DP202216 x NK603 x DAS-40278-9, nó atá comhdhéanta de, a chur ar an margadh le haghaidh úsáidí seachas bia agus beatha, cé is moite de shaothrú.

(2)

Ina theannta sin, cumhdaíodh san iarratas cur ar an margadh táirgí ina bhfuil, nó atá comhdhéanta de nó a tháirgtear as trí fho-chumasc de na teagmhais trasfhoirmithe arb é atá iontu arbhar Indiach DP202216 x NK603 x DAS-40278-9, DP202216 x NK603, DP202216 x DAS-40278-9, NK603 x DAS-40278-9. Maidir le fo-chumasc amháin atá san iarratas, NK603 × DAS-40278-9, tá sé údaraithe cheana féin le Cinneadh Cur Chun Feidhme (AE) 2019/2085 ón gCoimisiún (2).

(3)

Cumhdaítear leis an gCinneadh seo arbhar Indiach DP202216 x NK603 x DAS-40278-9 agus na fo-chumaisc atá fágtha DP202216 x NK603 agus DP202216 x DAS-40278-9.

(4)

De bhun Airteagal 5(5) agus Airteagal 17(5) de Rialachán (CE) Uimh. 1829/2003, cuimsíodh san iarratas faisnéis agus conclúidí maidir leis an measúnú riosca arna dhéanamh i gcomhréir leis na prionsabail a leagtar amach in Iarscríbhinn II a ghabhann le Treoir 2001/18/CE ó Pharlaimint na hEorpa agus ón gComhairle (3). Cuimsíodh ann freisin an fhaisnéis a cheanglaítear de bhun Iarscríbhinní III agus IV a ghabhann leis an Treoir sin mar aon le plean faireacháin um éifeachtaí comhshaoil i gcomhréir le hIarscríbhinn VII a ghabhann leis an Treoir sin.

(5)

An 5 Nollaig 2025 d’eisigh an tÚdarás Eorpach um Shábháilteacht Bia (‘an tÚdarás’) tuairim eolaíoch fhabhrach maidir le harbhar Indiach géinmhodhnaithe DP202216 x NK603 x DAS-40278-9 i gcomhréir le hAirteagail 6 agus 18 de Rialachán (CE) Uimh. 1829/2003 (4). Tháinig an tÚdarás ar an gconclúid maidir le arbhar Indiach géinmhodhnaithe DP202216 x NK603 x DAS-40278-9 agus a fho-chumaisc, mar a thuairiscítear san iarratas, go bhfuil siad chomh sábháilte céanna lena macasamhail thraidisiúnta agus leis na cineálacha tagartha arbhair Indiaigh neamh-ghéinmhodhnaithe a ndearnadh tástáil orthu, a mhéid a bhaineann leis na héifeachtaí a d’fhéadfadh a bheith ar shláinte an duine, ar shláinte ainmhithe agus ar an gcomhshaol. Tháinig an tÚdarás ar an gconclúid freisin nach ábhar imní cothaithe i gcás daoine ná i gcás ainmhithe é tomhaltas bia agus beatha ó arbhar Indiach géinmhodhnaithe DP202216 x NK603 x DAS-40278-9 agus a fho-chumaisc.

(6)

Rinne an tÚdarás breithniú, sa tuairim eolaíoch uaidh, ar gach ceist agus ábhar imní a tharraing na Ballstáit anuas i gcomhthéacs an chomhairliúcháin leis na húdaráis inniúla náisiúnta dá bhforáiltear in Airteagal 6(4) agus Airteagal 18(4) de Rialachán (CE) Uimh. 1829/2003.

(7)

Maidir leis an bplean faireacháin um éifeachtaí comhshaoil a chuir an t-iarratasóir isteach, arb é atá ann plean faireachais ginearálta, tháinig an tÚdarás ar an gconclúid freisin go raibh an plean sin i gcomhréir le húsáidí beartaithe na dtáirgí.

(8)

Agus na conclúidí sin á gcur san áireamh, maidir le táirgí ina bhfuil, nó atá comhdhéanta de nó a thairgtear as arbhar Indiach géinmhodhnaithe DP202216 x NK603 x DAS-40278-9 agus na fo-chumasic DP202216 x NK603 agus DP202216 x DAS-40278-9, ba cheart údarú a thabhairt na táirgí sin a chur ar an margadh le haghaidh na n-úsáidí a liostaítear san iarratas.

(9)

Ba cheart aitheantóir uathúil a shannadh d’arbhar Indiach géinmhodhnaithe DP202216 x NK603 x DAS-40278-9 agus dá fho-chumaisc DP202216 x NK603 agus DP202216 x DAS-40278-9, i gcomhréir le Rialachán (CE) Uimh. 65/2004 ón gCoimisiún (5).

(10)

I gcás na dtáirgí a chumhdaítear leis an gCinneadh seo, is cosúil nach bhfuil gá le haon cheanglas sonrach lipéadaithe, seachas na ceanglais dá bhforáiltear in Airteagal 13(1) agus Airteagal 25(2), pointí (a) agus (b), de Rialachán (CE) Uimh. 1829/2003 agus in Airteagal 4(6) de Rialachán (CE) Uimh. 1830/2003 ó Pharlaimint na hEorpa agus ón gComhairle (6). Mar sin féin, chun a áirithiú go bhfanfaidh úsáid na dtáirgí sin laistigh de theorainneacha an údaraithe a dheonaítear leis an gCinneadh seo, ba cheart a léiriú go soiléir ar lipéadú na dtáirgí sin, cé is moite de bhianna agus comhábhair bhia, nach bhfuil siad ceaptha lena saothrú.

(11)

Ba cheart do shealbhóir an údaraithe tuarascálacha bliantúla a chur isteach maidir le cur chun feidhme na ngníomhaíochtaí a leagtar amach sa phlean faireachán um éifeachtaí comhshaoil agus maidir le torthaí na ngníomhaíochtaí sin. Ba cheart na torthaí sin a chur i láthair i gcomhréir leis na ceanglais a leagtar síos i gCinneadh 2009/770/CE ón gCoimisiún (7).

(12)

Leis an tuairim ón Údarás ní thugtar údar le coinníollacha nó srianta sonracha eile a fhorchur maidir le bia agus beatha ina bhfuil arbhar Indiach géinmhodhnaithe DP202216 x NK603 x DAS-40278-9 agus a fho-chumaisc, nó atá comhdhéanta de, nó a tháirgtear as a chur ar an margadh le haghaidh úsáide agus láimhseála, ná maidir le héiceachórais/comhshaol agus/nó limistéir gheografacha áirithe a chosaint, dá bhforáiltear in Airteagal 6(5), pointe (e), agus Airteagal 18(5), pointe (e), de Rialachán (CE) Uimh. 1829/2003.

(13)

An fhaisnéis ábhartha uile maidir le húdarú na dtáirgí a chumhdaítear leis an gCinneadh seo, ba cheart í a iontráil sa chlár Comhphobail de bhia géinmhodhnaithe agus beatha ghéinmhodhnaithe dá dtagraítear in Airteagal 28(1) de Rialachán (CE) Uimh. 1829/2003.

(14)

Tá fógra le tabhairt faoin gCinneadh seo trí Theach Imréitigh na Bithshábháilteachta do Pháirtithe Phrótacal Cartagena ar an mBithshábháilteacht a ghabhann leis an gCoinbhinsiún maidir leis an Éagsúlacht Bhitheolaíoch, de bhun Airteagal 9(1) agus Airteagal 15(2), pointe (c) de Rialachán (CE) Uimh. 1946/2003 ó Pharlaimint na hEorpa agus ón gComhairle (8).

(15)

Níor thug an Buanchoiste um Plandaí, Ainmhithe, Bia agus Beatha tuairim uaidh laistigh den teorainn ama a leag Cathaoirleach an Bhuanchoiste síos. Measadh an gníomh cur chun feidhme seo a bheith riachtanach agus chuir an cathaoirleach faoi bhráid an choiste achomhairc é chun go ndéanfaí tuilleadh plé ina leith. Níor thug an coiste achomhairc tuairim uaidh,

(a)

an t-aitheantóir uathúil DP-2Ø2216-6 × MON-ØØ6Ø3-6 × DAS-4Ø278-9 le haghaidh arbhar Indiach géinmhodhnaithe DP202216 x NK603 x DAS-40278-9;

(b)

an t-aitheantóir uathúil DP-2Ø2216-6 x MON-ØØ6Ø3-6 le haghaidh arbhar Indiach géinmhodhnaithe DP202216 x NK603;

(c)

an t-aitheantóir uathúil DP-2Ø2216-6 × DAS-4Ø278-9 le haghaidh arbhar Indiach géinmhodhnaithe DP202216 x DAS-40278-9.

(a)

bianna agus comhábhair bhia ina bhfuil arbhar Indiach géinmhodhnaithe agus a fho-chumaisc dá dtagraítear in Airteagal 1, nó atá comhdhéanta díobh, nó a tháirgtear astu;

(b)

beatha ina bhfuil arbhar Indiach géinmhodhnaithe agus a fho-chumaisc dá dtagraítear in Airteagal 1, nó atá comhdhéanta díobh, nó a tháirgtear astu;

(c)

táirgí ina bhfuil nó atá comhdhéanta d’arbhar Indiach géinmhodhnaithe agus a fho-chumaisc dá dtagraítear in Airteagal 1 le haghaidh úsáidí seachas na húsáidí dá bhforáiltear i bpointí (a) agus (b), cé is moite de shaothrú.