This document is an excerpt from the EUR-Lex website
Document 32026D1199
Council Decision (EU) 2026/1199 of 11 May 2026 on the approval of amendments to the International Cocoa Agreement
Cinneadh (AE) 2026/1199 ón gComhairle an 11 Bealtaine 2026 maidir le leasuithe ar an gComhaontú Idirnáisiúnta Cócó a fhormheas
Cinneadh (AE) 2026/1199 ón gComhairle an 11 Bealtaine 2026 maidir le leasuithe ar an gComhaontú Idirnáisiúnta Cócó a fhormheas
ST/15258/2025/INIT
IO L, 2026/1199, 15.6.2026, ELI: http://data.europa.eu/eli/dec/2026/1199/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
ELI: http://data.europa.eu/eli/dec/2026/1199/oj
|
Iris Oifigiúil |
GA Sraith L |
|
2026/1199 |
15.6.2026 |
CINNEADH (AE) 2026/1199 ÓN gCOMHAIRLE
an 11 Bealtaine 2026
maidir le leasuithe ar an gComhaontú Idirnáisiúnta Cócó a fhormheas
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh, agus go háirithe Airteagal 207(3) agus Airteagal 207(4), an chéad fhomhír, i gcomhar le hAirteagal 218(6), an dara fomhír, pointe (a), de,
Ag féachaint don togra ón gCoimisiún Eorpach,
Ag féachaint don toiliú ó Pharlaimint na hEorpa (1),
De bharr an mhéid seo a leanas:
|
(1) |
Rinneadh Comhaontú Idirnáisiúnta Cócó 2010 (‘an Comhaontú’) a fhormheas an 25 Meitheamh 2010 ag an gcomhdháil chaibidlíochta a bunaíodh faoi choimirce Chomhdháil na Náisiún Aontaithe ar Thrádáil agus Forbairt chun teacht in ionad Chomhaontú Idirnáisiúnta Cócó 2001. Tháinig an Comhaontú i bhfeidhm go sealadach an 1 Deireadh Fómhair 2012 ar feadh tréimhse deich mbliana, go dtí an 30 Meán Fómhair 2022, agus cuireadh síneadh leis ina dhiaidh sin go dtí an 30 Meán Fómhair 2026. |
|
(2) |
Údaraíodh síniú agus tabhairt i gcrích an Chomhaontaithe thar ceann an Aontais Eorpaigh trí bhíthin Chinneadh 2011/634/AE ón gComhairle (2) agus Cinneadh 2012/189/AE ón gComhairle (3), faoi seach. Dá bhrí sin, tá an tAontas Eorpach ina pháirtí i gComhaontú Idirnáisiúnta Cócó 2010 agus ina Chomhalta den Eagraíocht Idirnáisiúnta Cócó. |
|
(3) |
Tá gá le páirt-athbhreithniú chun an Comhaontú a athchóiriú chun forbairtí i margadh cócó an domhain ó 2010 i leith a chur san áireamh. Tá athbhreithniú den sórt sin chun leas an Aontais freisin. |
|
(4) |
Trí bhíthin Chinneadh (AE) 2021/675 (4) ón gComhairle, údaraíodh don Choimisiún caibidlíocht a dhéanamh, thar ceann an Aontais, chun an Comhaontú a leasú i gcomhthéacs a pháirt-athbhreithnithe. |
|
(5) |
D’fhormheas an Chomhairle Idirnáisiúnta Cócó téacs an Chomhaontaithe, arna leasú (‘an Comhaontú leasaithe’), ag an 106ú seisiún rialta a bhí aici ón 27 go dtí an 29 Meán Fómhair 2022. |
|
(6) |
Tagann cuspóirí an Chomhaontaithe leasaithe faoin gcomhbheartas tráchtála fós. |
|
(7) |
I bhfianaise aidhm agus ábhar an pháirt-athbhreithnithe ar an gComhaontú, ba cheart na leasuithe ar an gComhaontú a fhormheas thar ceann an Aontais Eorpaigh, |
TAR ÉIS AN CINNEADH SEO A GHLACADH:
Airteagal 1
Leis seo, déantar na leasuithe ar an gComhaontú Idirnáisiúnta Cócó a fhormheas thar ceann an Aontais Eorpaigh (5).
Airteagal 2
Tiocfaidh an Cinneadh seo i bhfeidhm ar dháta a ghlactha.
Arna dhéanamh sa Bhruiséil, an 11 Bealtaine 2026.
Thar ceann na Comhairle
An tUachtarán
K. KALLAS
(1) Toiliú ó Pharlaimint na hEorpa an 29 Aibreán 2026 (nár foilsíodh fós san Iris Oifigiúil).
(2) Cinneadh 2011/634/AE ón gComhairle an 17 Bealtaine 2011 maidir le síniú, thar ceann an Aontais Eorpaigh, Chomhaontú Idirnáisiúnta Cócó 2010 agus maidir lena chur i bhfeidhm sealadach (IO L 259, 4.10.2011, lch. 7, ELI: http://data.europa.eu/eli/dec/2011/634/oj).
(3) Cinneadh 2012/189/AE ón gComhairle an 26 Márta 2012 maidir le tabhairt i gcrích Chomhaontú Idirnáisiúnta Cócó 2010 (IO L 102, 12.4.2012, lch. 1, ELI: http://data.europa.eu/eli/dec/2012/189(1)/oj).
(4) Cinneadh (AE) 2021/675 ón gComhairle an 20 Aibreán 2021 lena n-údaraítear tús a chur leis an gcaibidlíocht chun Comhaontú Idirnáisiúnta Cócó 2010 a leasú (IO L 144, 27.4.2021, lch. 1, ELI: http://data.europa.eu/eli/dec/2021/675/oj).
(5) Foilsítear téacs Chomhaontú Idirnáisiúnta Cócó 2010, arna leasú in 2022, in IO L, 2026/1198, 15.6.2026, ELI: http://data.europa.eu/eli/agree_internation/2026/1198/oj.
ELI: http://data.europa.eu/eli/dec/2026/1199/oj
ISSN 1977-0839 (electronic edition)