(1)

De bhun Airteagal 3 de Rialachán Cur Chun Feidhme (AE) 2017/39 ón gCoimisiún (2), na Ballstáit ar mian leo a bheith páirteach i scéim cabhrach an Aontais chun torthaí agus glasraí do scoileanna agus bainne do scoileanna a sholáthar i bhforais oideachas (‘an scéim scoile’), tá siad lena n-iarraidh ar chabhair ón Aontas a bhaineann leis an gcéad scoilbhliain eile a chur faoi bhráid an Choimisiún faoin 31 Eanáir gach bliain agus, más infheidhme, an iarraidh ar chabhair ón Aontas a bhaineann leis an scoilbhliain reatha a thabhairt cothrom le dáta.

(2)

Chun cur chun feidhme éifeachtach na scéime scoile a áirithiú, ba cheart leithdháileadh na cabhrach ón Aontas i measc na mBallstát atá rannpháirteach le haghaidh torthaí agus glasraí do scoileanna agus le haghaidh bainne do scoileanna a shocrú ar bhonn na méideanna a léirítear san iarraidh ar chabhair ón Aontas ó na Ballstáit sin agus na haistrithe idir leithdháiltí táscacha na mBallstát dá dtagraítear in Airteagal 23a(4), pointe (a), de Rialachán (AE) Uimh. 1308/2013 ó Pharlaimint na hEorpa agus ón gComhairle á gcur san áireamh (3).

(3)

Thug na Ballstáit uile fógra don Choimisiún maidir lena n-iarraidh ar chabhair ón Aontas le haghaidh na tréimhse ón 1 Lúnasa 2026 go dtí an 31 Iúil 2027, fógra lenar sonraíodh an méid cabhrach a iarradh le haghaidh torthaí agus glasraí do scoileanna agus le haghaidh bainne do scoileanna. I gcás na Beilge, Mhálta agus na hÍsiltíre, cuireadh na haistrithe idir na leithdháiltí táscacha san áireamh sna méideanna a iarradh.

(4)

Chun an úsáid is fearr is féidir a bhaint as acmhainneacht iomlán na gcistí atá ar fáil, ba cheart an chabhair a fhágtar gan iarraidh a ath-leithdháileadh ar na Ballstáit sin atá páirteach sa scéim scoile agus a léiríonn, ina n-iarraidh ar chabhair ón Aontas, a dtoilteanas méid is mó ná an leithdháileadh táscach atá acu a úsáid, i gcás ina bhfuil acmhainní breise ar fáil.

(5)

Chuir na Ballstáit seo a leanas a dtoilteanas in iúl méid is mó ná an leithdháileadh táscach le haghaidh torthaí agus glasraí do scoileanna a úsáid: an Bhulgáir, an tSeicia, an Danmhairg, an Ghearmáin, an Eastóin, Éire, an Spáinn, an Chróit, an Chipir, an Laitvia, an Liotuáin, Lucsamburg, an Ungáir, an Ísiltír, an Ostair, an Rómáin, an tSlóivéin agus an tSlóvaic. Mar sin féin, níor lorg aon Bhallstát méid is lú ná an leithdháileadh táscach le haghaidh torthaí agus glasraí do scoileanna. Chuir na Ballstáit seo a leanas a dtoilteanas in iúl méid is mó ná an leithdháileadh táscach le haghaidh bainne do scoileanna a úsáid: an Bhulgáir, an tSeicia, an Ghearmáin, an Eastóin, Éire, an Spáinn, an Chróit, an Iodáil, an Laitvia, an Liotuáin, Lucsamburg, an Ostair, an Phortaingéil, an Rómáin, an tSlóivéin agus an tSlóvaic. Mar sin féin, níor lorg aon Bhallstát méid is lú ná an leithdháileadh táscach le haghaidh bainne do scoileanna.

(6)

Ar bhonn na faisnéise atá curtha in iúl ag na Ballstáit, ba cheart leithdháileadh críochnaitheach na cabhrach ón Aontas le haghaidh torthaí agus glasraí do scoileanna agus le haghaidh bainne do scoileanna le haghaidh na tréimhse ón 1 Lúnasa 2026 go dtí an 31 Iúil 2027 a shocrú.

(7)

Le Cinneadh Cur Chun Feidhme (AE) 2025/680 ón gCoimisiún (4), socraíodh leithdháileadh críochnaitheach na cabhrach ón Aontas le haghaidh torthaí agus glasraí do scoileanna agus le haghaidh bainne do scoileanna i measc na mBallstát ar mian leo a bheith páirteach sa scéim scoile le haghaidh na tréimhse ón 1 Lúnasa 2025 go dtí an 31 Iúil 2026.

(8)

Rinne roinnt Ballstát a n-iarraidh ar chabhair ón Aontas a bhaineann leis an scoilbhliain 2025/2026 a thabhairt cothrom le dáta: Thug an Ghearmáin agus an Ungáir fógra faoi aistrithe idir an leithdháileadh críochnaitheach le haghaidh torthaí agus glasraí do scoileanna agus an leithdháileadh críochnaitheach le haghaidh bainne do scoileanna. Lorg an Spáinn méid is lú ná an leithdháileadh críochnaitheach le haghaidh torthaí agus glasraí do scoileanna. Chuir na Ballstáit seo a leanas a dtoilteanas in iúl méid is mó ná an leithdháileadh críochnaitheach le haghaidh torthaí agus glasraí do scoileanna a úsáid: an tSeicia, an Ghearmáin, an Eastóin, Éire, an Laitvia, an Liotuáin, Lucsamburg, an Ostair, an Rómáin agus an tSlóvaic. Lorg an Spáinn agus an Ísiltír méid is lú ná an leithdháileadh críochnaitheach le haghaidh bainne do scoileanna. Chuir na Ballstáit seo a leanas a dtoilteanas in iúl méid is mó ná an leithdháileadh críochnaitheach le haghaidh bainne do scoileanna a úsáid: an tSeicia, an Eastóin, Éire, an Laitvia, an Liotuáin, Lucsamburg, an Ostair, an Phortaingéil, an Rómáin, agus an tSlóvaic.

(9)

Ba cheart, dá bhrí sin, Cinneadh Cur Chun Feidhme (AE) 2025/680 a leasú dá réir.

(10)

Tá na bearta dá bhforáiltear sa Chinneadh seo i gcomhréir leis an tuairim ón gCoiste um Chomheagrú na Margaí Talmhaíochta,