(1)

An 26 Iúil 2010, ghlac an Chomhairle Cinneadh 2010/413/CBES (1).

(2)

An 29 Meán Fómhair 2025, tar éis smachtbhannaí na Náisiún Aontaithe a bhaineann le cúrsaí núicléacha a ath-fhorchur ar an Iaráin i gcomhréir le Rún 2231 (2015) ó Chomhairle Slándála na Náisiún Aontaithe, ghlac an Chomhairle Cinneadh (CBES) 2025/1972 (2) lenar leasaíodh Cinneadh 2010/413/CBES agus lenar ath-fhorchuireadh smachtbhannaí uile an Aontais a bhaineann le cúrsaí núicléacha ar an Iaráin, a cuireadh ar fionraí nó a foirceannadh faoin bPlean Cuimsitheach Comhpháirteach Gníomhaíochta.

(3)

Go háirithe, chinn an Chomhairle, an toirmeasc a ath-fhorchur ar earraí agus teicneolaíocht dé-úsáide a sholáthar, a dhíol nó a aistriú go díreach nó go hindíreach, mar a liostaítear in Iarscríbhinn I a ghabhann le Rialachán (CE) Uimh. 428/2009 ón gComhairle (3) lena n-úsáid san Iaráin nó chun tairbhe na hIaráine.

(4)

An 20 Bealtaine 2021, ghlac an tAontas Rialachán (AE) 2021/821 ó Pharlaimint na hEorpa agus ón gComhairle (4). Aisghaireadh Rialachán (CE) Uimh. 428/2009 leis an Rialachán sin.

(5)

Dá bhrí sin, ba cheart Cinneadh 2010/413/CBES a leasú dá réir sin,

‘(e)

earraí agus teicneolaíocht dé-úsáide eile a liostaítear in Iarscríbhinn I a ghabhann le Rialachán (AE) 2021/821 ó Pharlaimint na hEorpa agus ón gComhairle (*1) agus nach gcumhdaítear le pointe (a) den mhír seo cé is moite d’earraí áirithe a liostaítear i gCatagóir 5, Codanna 1 agus 2, de Chuid VII d’Iarscríbhinn I a ghabhann leis an Rialachán sin.