(1)

Le Rialachán (AE) 2026/261, tugadh isteach toirmeasc dlíthiúil ar allmhairí gáis nádúrtha de thionscnamh Chónaidhm na Rúise nó a onnmhairíodh, go díreach nó go hindíreach, uaithi.

(2)

Le hAirteagal 5(3) den Rialachán sin, tugadh isteach próiseas um réamhúdarú arb é is aidhm dó foráil a dhéanamh maidir le próiseas rianúil fíorúcháin le haghaidh na tíre táirgthe sula dtéann an gás isteach i gcríoch chustaim an Aontais.

(3)

I gcomhréir le hAirteagal 5(4) de Rialachán (AE) 2026/261, is féidir allmhairí gáis nádúrtha ó thríú tír, seachas Cónaidhm na Rúise, a dhíolmhú ón oibleagáid maidir le réamhúdarú faoi choinníollacha a shainítear go soiléir. Meastar go gcomhlíontar na coinníollacha i gcás ina dtáirgeann tríú tír gás nádúrtha, inar onnmhairigh sí níos mó ná 5 bcm de ghás nádúrtha chuig an Aontas in 2024 agus ina bhfuil toirmeasc curtha aici ar allmhairiú gáis ón Rúis nó ina gcuireann sí bearta sriantacha eile i bhfeidhm maidir le gás na Rúise; nó i gcás nach bhfuil aon bhonneagar gáis i bhfeidhm ag tríú tír lenar féidir léi GNL nó gás píblíne a allmhairiú.

(4)

Leis an gcinneadh seo, bunaítear an liosta tríú tíortha a chomhlíonann na coinníollacha a leagtar amach in Airteagal 5(4) de Rialachán (AE) 2026/261 tráth a ghlactha.

(5)

Ós rud é gur gá cur chun feidhme éifeachtach Rialachán (AE) 2026/261 a áirithiú agus chun na heilimintí is gá a chur chun cinn go pras chun go bhfeidhmeoidh an nós imeachta um réamhúdarú go rianúil, trí shoiléiriú a dhéanamh ar na hallmhairí gáis nádúrtha atá díolmhaithe ón réamhúdarú, is gá éifeacht a bheith ag an gCinneadh seo láithreach tar éis a ghlactha chun éiginnteacht a sheachaint le haghaidh na n-údarás lena mbaineann agus rannpháirtithe sa mhargadh.

(a)

an Ailgéir;

(b)

an Nigéir;

(c)

an Iorua;

(d)

Catar;

(e)

an Ríocht Aontaithe;

(f)

na Stáit Aontaithe.