(1)

Le Rialachán (CE) Uimh. 1831/2003 foráiltear maidir le húdarú breiseán a bhfuiltear lena n-úsáid i gcothú ainmhithe agus maidir leis na forais agus na nósanna imeachta chun údarú den sórt sin a dheonú.

(2)

Le Rialachán Cur Chun Feidhme (AE) 2020/1762 ón gCoimisiún (2) údaraíodh ullmhóid de Bacillus subtilis DSM 32324, Bacillus subtilis DSM 32325 agus Bacillus amyloliquefaciens DSM 25840 ar feadh tréimhse 10 mbliana mar bhreiseán beathaithe le haghaidh gach speicis éanlaithe clóis lena ramhrú nó a thógtar le bheith ina mbéaróga nó a thógtar le haghaidh pórúcháin.

(3)

I gcomhréir le hAirteagal 7 de Rialachán (CE) Uimh. 1831/2003, cuireadh isteach iarratas maidir le húdarú ullmhóide de Bacillus subtilis DSM 32324, Bacillus subtilis DSM 32325 agus Bacillus amyloliquefaciens DSM 25840. Bhí na sonraí agus na doiciméid a cheanglaítear faoi Airteagal 7(3) de Rialachán (CE) Uimh. 1831/2003 ag gabháil leis an iarratas sin.

(4)

Baineann an t-iarratas le húdarú ullmhóide de Bacillus subtilis DSM 32324, Bacillus subtilis DSM 32325 agus Bacillus amyloliquefaciens DSM 25840 mar bhreiseán beathaithe le haghaidh gach speicis éanlaithe clóis le bheith ina mbéaróga nó le haghaidh pórúcháin, agus iarrtar ann go n-aicmeofaí an breiseán sin sa chatagóir ‘breiseáin zóiteicniúla’ agus san fheidhmghrúpa ‘cobhsaitheoirí fhlóra na stéige’.

(5)

I gcomhréir le hAirteagal 13(3) de Rialachán (CE) Uimh. 1831/2003, cuireadh iarratas isteach chun modhnú a dhéanamh ar théarmaí údarú na hullmhóide de Bacillus subtilis DSM 32324, Bacillus subtilis DSM 32325 agus Bacillus amyloliquefaciens DSM 25840 mar a leagtar síos i Rialachán Cur Chun Feidhme (AE) 2020/1762 a mhéid a bhaineann lena húsáid le haghaidh gach speicis éanlaithe clóis lena ramhrú, a thógtar le bheith ina mbéaróga nó a thógtar le haghaidh pórúcháin. Bhain an t-iarratas sin le téarmaí an údaraithe atá ann cheana a mhodhnú trí fhoirmliú nua a thabhairt isteach ina bhfuil méadú 10 n-oiread tagtha ar thiúchan na n-oibreán gníomhach sa bhreiseán (ó 3,2 × 109 go 3,2 × 1010 aonad déanta coilíneachta (ADC)/g breiseán).

(6)

Tháinig an tÚdarás Eorpach um Shábháilteacht Bia (‘an tÚdarás’) ar an gconclúid sa tuairim uaidh an 20 Márta 2025 (3) go bhfuil an ullmhóid de Bacillus subtilis DSM 32324, Bacillus subtilis DSM 32325 agus Bacillus amyloliquefaciens DSM 25840 sábháilte don spriocspeiceas, lena n-áirítear éanlaith chlóis le bheith ina mbéaróga agus le haghaidh pórúcháin, agus do thomhaltóirí agus don chomhshaol, faoi na coinníollacha úsáide atá beartaithe. Tháinig an tÚdarás ar an gconclúid freisin go bhfuil an ullmhóid de Bacillus subtilis DSM 32324, Bacillus subtilis DSM 32325 agus Bacillus amyloliquefaciens DSM 25840, sa dá fhoirm den bhreiseán, neamhghreannach do na súile ach go meastar gur íogróirí craicinn agus riospráide iad, agus go meastar gur riosca é aon nochtadh tríd an gcraiceann agus tríd an gconair riospráide. Tháinig an tÚdarás ar an gconclúid freisin go bhféadfadh an ullmhóid de Bacillus subtilis DSM 32324, Bacillus subtilis DSM 32325 agus Bacillus amyloliquefaciens DSM 25840 a bheith éifeachtúil le haghaidh gach speicis éanlaithe clóis ag 1,6 × 109 ADC/kg de bheatha agus 5,4 × 108 ADC/L d’uisce óil. Níor mheas sé go raibh gá le ceanglais shonracha maidir le faireachán iarmhargaidh.

(7)

Maidir leis na conclúidí agus na moltaí ar ar thángthas i measúnú roimhe seo i ndáil le hiarratas eile ar údarú an bhreiseáin chéanna, conclúidí agus moltaí a d’fhíoraigh an tÚdarás sa tuairim uaidh an 20 Márta 2020 (4), mheas an tSaotharlann Tagartha a bunaíodh le Rialachán (CE) Uimh. 1831/2003 go bhfuil na conclúidí agus na moltaí sin bailí agus infheidhme maidir leis an iarratas atá ann faoi láthair. I gcomhréir le hAirteagal 5(4), pointe (a), de Rialachán (CE) Uimh. 378/2005 ón gCoimisiún (5), ní raibh gá le tuarascáil mheastóireachta ón tSaotharlann Tagartha.

(8)

I bhfianaise an mhéid thuas, measann an Coimisiún go gcomhlíonann an ullmhóid de Bacillus subtilis DSM 32324, Bacillus subtilis DSM 32325 agus Bacillus amyloliquefaciens DSM 25840 na coinníollacha dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart úsáid na hullmhóide sin a údarú le haghaidh gach speicis éanlaithe clóis le bheith ina mbéaróga nó le haghaidh pórúcháin. Ina theannta sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte úsáideoirí an bhreiseáin a chosc.

(9)

Thairis sin, maidir le húdarú ullmhóide de Bacillus subtilis DSM 32324, Bacillus subtilis DSM 32325 agus Bacillus amyloliquefaciens DSM 25840, measann an Coimisiún go gcomhlíonann sé na coinníollacha dá bhforáiltear in Airteagal 5 de Rialachán (CE) Uimh. 1831/2003 nuair a mhodhnaítear téarmaí an údaraithe sin a mhéid a bhaineann lena húsáid le haghaidh gach speicis éanlaithe clóis lena ramhrú nó a thógtar le bheith ina mbéaróga nó le haghaidh pórúcháin, trí fhoirmliú nua a thabhairt isteach a bhfuil méadú 10 n-oiread tagtha ar thiúchan na n-oibreán gníomhach sa bhreiseán (ó 3,2 × 109 go 3,2 × 1010 aonad déanta coilíneachta (ADC)/g breiseán). Ba cheart Rialachán Cur Chun Feidhme (AE) 2020/1762 a leasú dá réir sin.

(10)

Ós rud é nach gá na modhnuithe ar na coinníollacha údaraithe maidir leis an ullmhóid de Bacillus subtilis DSM 32324, Bacillus subtilis DSM 32325 agus Bacillus amyloliquefaciens DSM 25840 a chur i bhfeidhm láithreach ar chúiseanna sábháilteachta, ar ullmhóid í le haghaidh gach speicis éanlaithe clóis lena ramhrú, nó a thógtar le bheith ina mbéaróga nó le haghaidh pórúcháin, is iomchuí foráil a dhéanamh maidir le hidirthréimhse do na páirtithe leasmhara chun iad féin a ullmhú chun na ceanglais nua a eascraíonn as modhnú an údaraithe a chomhlíonadh.

(11)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,