(1)

Le Rialachán (AE) 2022/1616 ón gCoimisiún (2) leagtar síos rialacha maidir le hábhair phlaisteacha athchúrsáilte agus earraí plaisteacha athchúrsáilte atá beartaithe lena dteacht i dteagmháil le bia. Le linn chur chun feidhme an Rialacháin sin, sainaithníodh roinnt earráidí.

(2)

In Airteagal 4, mír 1, de Rialachán (AE) 2022/1616 tagraítear do cheanglais nach mór d’ábhair phlaisteacha athchúrsáilte agus earraí plaisteacha athchúrsáilte a chomhlíonadh le linn a monaraithe. Ós rud é go leagtar síos ceanglas den sórt sin i mír 8 freisin, ní mór tagairt a dhéanamh dó i mír 1 freisin

(3)

In Airteagal 5, mír 3, de Rialachán (AE) 2022/1616, ba cheart a shoiléiriú go mbaineann an mhír sin le lipéadú coimeádán lena n-iompraítear plaisteach athchúrsáilte ar mhaithe le faisnéis a sholáthar maidir leis an bplaisteach athchúrsáilte sin agus ní faisnéis maidir le comhdhéanamh na gcoimeádán iad féin.

(4)

Le hAirteagal 10 de Rialachán (AE) 2022/1616 leagtar síos oibleagáidí ar fhorbróirí teicneolaíochtaí athchúrsála núíosacha fógra a thabhairt fúthu don Choimisiún agus d’údaráis inniúla an Bhallstáit a bhfuil an forbróir lonnaithe ar a chríoch. Mar sin féin, le hAirteagal 10, mír 4, ceanglaítear go ndéanfaidh an t-athchúrsálaí, tráth a thabharfar an fógra, tuarascáil mhionsonraithe maidir le sábháilteacht an phlaistigh mhonaraithe a fhoilsiú ar a shuíomh gréasáin freisin. Ós rud é go ndéantar foráil in Airteagal 10 maidir le hoibleagáidí an fhorbróra seachas oibleagáidí an athchúrsálaí, agus gur cúram de chuid an fhorbróra é foilsiú na tuarascála mionsonraithe, sa chéad abairt d’Airteagal 10, mír 4, ba cheart tagairt a dhéanamh don fhorbróir.

(5)

In Airteagal 10, mír 8, de Rialachán (AE) 2022/1616 tagraítear go hearráideach do na ceanglais a leagtar amach i míreanna 1 go 7, agus do na ceanglais a thagann ó mhír 8, seachas do na ceanglais a leagtar amach i míreanna 1 go 6, agus do na ceanglais a thagann ó mhír 7.

(6)

In Airteagal 11, mír 6, de Rialachán (AE) 2022/1616, tagraítear do mhíreanna 3 agus 4 de, seachas do mhíreanna 4 agus 5.

(7)

In Airteagal 12, mír 3, de Rialachán (AE) 2022/1616 tagraítear go mícheart do ‘dhoiciméadacht tacaíochta’ seachas don ‘fhaisnéis fhorlíontach’, arb é is ábhar don Airteagal sin.

(8)

Le hAirteagal 14, mír 4, agus le hAirteagal 18, mír 1, de Rialachán (AE) 2022/1616 foráiltear go ndéanfaidh an tÚdarás Eorpach um Shábháilteacht Bia (‘an tÚdarás’) tuairim a fhoilsiú. Ar an gcaoi chéanna, in Airteagal 23, i mír 3, déantar tagairt don tuairim ón Údarás arna foilsiú i gcomhréir le hAirteagal 18, mír 1. Ós rud é go bhféadfadh sé nach bhfoilseofaí tuairim go dtí i bhfad tar éis ghlacadh na tuairime sin, agus i bhfianaise na foclaíochta a úsáidtear in Airteagal 10, mír 1, de Rialachán (CE) Uimh. 1935/2004, na frásaí lena mbaineann in Airteagail 14 agus 18 maidir le foilsiú tuairimí, níor cheart na frásaí sin tagairt a dhéanamh do thuairimí a fhoilsiú ach do na tuairimí sin a thabhairt. Ar an gcaoi chéanna, ba cheart foclaíocht úr a chur ar Airteagal 23, mhír 3, dá réir.

(9)

Le hAirteagal 14, mír 5, de Rialachán (AE) 2022/1616 ceadaítear don Údarás tréimhse a mheasúnaithe a fhadú. Tagraíonn sé go mícheart don tréimhse dá bhforáiltear i mír 3, áfach, cé go leagtar amach an tréimhse sin i mír 4.

(10)

De réir Airteagal 14, mír 6, de Rialachán (AE) 2022/1616, féadfaidh an tÚdarás a iarraidh ar fhorbróirí na nuatheicneolaíochtaí an fhaisnéis atá ar fáil dó a fhorlíonadh le faisnéis arna tiomsú i gcomhréir le hAirteagail 10 agus 12. Tá an tagairt d’Airteagal 10 ina hiomláine san fhoráil sin mícheart toisc nach bhfuil faisnéis áirithe a thiomsófar i gcomhréir le hAirteagal 10 beartaithe ach d’údaráis inniúla na mBallstát agus níl sí ábhartha d’obair an Údaráis. Is í an fhaisnéis dá dtagraítear i míreanna 3, 4 agus 5 agus iontu sin amháin a d’fhéadfadh a bheith ábhartha maidir lena ghníomhaíochtaí. Dá bhrí sin, ba cheart Airteagal 14, mhír 6, a cheartú dá réir.

(11)

Le hAirteagal 14 de Rialachán (AE) 2022/1616, mír 7, foráiltear go bhféadfaidh an Coimisiún a chinneadh na teorainneacha ama dá dtagraítear i míreanna 3, 4 agus 5 a choigeartú chun teicneolaíocht núíosach shonrach a mheasúnú, tar éis dó dul i gcomhairle leis an Údarás agus le forbróirí na teicneolaíochta sin. Ba cheart an téacs a cheartú chun tagairt a dhéanamh do mhíreanna 4, 5 agus 6, toisc go bhfuil tagairt do theorainn ama i mír 6 agus nach bhfuil aon tagairt di sin i mír 3.

(12)

Le hAirteagal 14, mír 8, an dara fomhír de Rialachán (AE) 2022/1616 foráiltear go bhfuil an tÚdarás le déileáil i modh rúin leis an bhfaisnéis fhorlíontach a iarrann sé maidir le gnéithe a bhaineann go sonrach le próisis athchúrsála aonair agus le suiteálacha arna n-úsáid ag athchúrsálaí. Mar sin féin, faisnéis dá dtagraítear in Airteagal 12(1)(b) agus (e), agus in Airteagal 12, mír 3, ní dhéileálfar léi mar fhaisnéis rúnda. In Airteagal 12(1)(a) agus (c) araon tagraítear d’fhaisnéis atá beartaithe a bheith ar fáil go poiblí, is é sin, faoi seach, achoimre ghearr ar an teicneolaíocht núíosach agus léaráid bhloc ina léirítear seicheamh monaraíochta na suiteála athchúrsála. In Airteagal 12(1)(b) agus (d) tagraítear d’fhaisnéis chomhchosúil, ach ar leibhéal i bhfad níos mionsonraithe, is é sin, faoi seach, achoimre fhada ar an tsuiteáil athchúrsála a chuirtear i bhfeidhm agus léaráid phíobánachta agus ionstraimíochta den phróiseas dí-éilliúcháin, léaráid atá i bhfad níos mionsonraithe ná an léaráid bhloc. Dá nochtfaí an fhaisnéis mhionsonraithe sin go poiblí, d’fhéadfaí an bonn a bhaint de leasanna tráchtála an athchúrsálaí agus an fhorbróra gan faisnéis a sholáthar a bheadh fóinteach chun tuiscint an phobail ar an teicneolaíocht núíosach a éascú. Dá bhrí sin, an fhaisnéis atá in Airteagal 12(1)(b) agus (d) d’fhéadfadh sé go ndéileálfaí léi i modh rúin, agus d’fhéadfadh sé nach ndéileálfaí leis an bhfaisnéis in 12(1)(a) agus (c) amhlaidh. Thairis sin, Airteagal 12(1)(e) dá dtagraítear in Airteagal 14, mír 8, ní ann dó. Dá bhrí sin, is iomchuí tagairt d’Airteagal 12(1)(a) agus (c) a chur in ionad an tagairt atá ann faoi láthair d’Airteagal 12(1)(b) agus (e).

(13)

Le hAirteagal 22, mír 4, de Rialachán (AE) 2022/1616, ceanglaítear i gcás ina n-aistrítear údarú próisis athchúrsála chuig tríú páirtí, go rachaidh an tríú páirtí sin i dteagmháil leis an gCoimisiún trí bhíthin litir chláraithe, agus go dtabharfaidh sealbhóir an údaraithe fógra don Choimisiún. Fágtar ar lár, áfach, an modh trína gcaithfidh sealbhóir an údaraithe fógra a thabhairt. Chun deimhneacht dhlíthiúil a áirithiú, is iomchuí an chéad abairt den mhír sin a cheartú agus an modh trína dtabharfar an fógra a chur léi.

(14)

In Iarscríbhinn III, cuid A, a ghabhann le Rialachán (AE) 2022/1616, áirítear trí fhonóta arna marcáil le réiltín amháin, dhá réiltín agus trí réiltín, faoi seach. Tá feidhm ag an bhfonóta arna marcáil le trí réiltín maidir le réimsí 3.1.3 agus 3.2.1, dhá réimse a bhaineann le srianta. I gceanntásc an dá réimse sin, áfach, úsáidtear dhá réiltín. Dá bhrí sin, is iomchuí an tagairt sa dá cheanntásc maidir leis na réimsí sin a cheartú.

(15)

Baineann na hearráidí sin i Rialachán (AE) 2022/1616 le gach leagan teanga.

(16)

Dá bhrí sin, ba cheart Rialachán (AE) 2022/1616 a cheartú dá réir.

(17)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

in Airteagal 4, cuirtear an méid seo a leanas in ionad mhír 1:

(2)

in Airteagal 5, cuirtear an méid seo a leanas in ionad na chéad abairte de mhír 3:

‘Maidir le plaisteach athchúrsáilte a sheachadtar chuig tiontairí, beidh lipéad air a ghreamófar de gach coimeádán ar a mbeidh an tsiombail a shainítear in Iarscríbhinn II a ghabhann le Rialachán (CE) Uimh. 1935/2004, agus an méid seo a leanas ina dhiaidh sin:’.

(3)

ceartaítear Airteagal 10 mar a leanas:

(4)

in Airteagal 11, cuirtear an méid seo a leanas in ionad mhír 6:

(5)

in Airteagal 12, cuirtear an méid seo a leanas in ionad na foclaíochta réamhráití i mír 3:

‘Chun críche mhír 1, pointe (b), san fhaisnéis fhorlíontach beidh na heilimintí seo a leanas, ar a laghad:’;

(6)

ceartaítear Airteagal 14 mar a leanas:

(7)

in Airteagal 18, cuirtear an méid seo a leanas in ionad na chéad fhomhíre de mhír 1:

‘Tabharfaidh an tÚdarás tuairim laistigh de theorainn ama 6 mhí ón uair a bhfaighfear iarratas bailí i dtaobh an bhfuil an próiseas athchúrsála in ann an teicneolaíocht athchúrsála oiriúnach a úsáideann sé a chur i bhfeidhm chun go gcomhlíonfaidh ábhair phlaisteacha agus earraí plaisteacha a mhonaraítear leis Airteagal 3 de Rialachán (CE) Uimh. 1935/2004 agus go mbeidh siad sábháilte ó thaobh na micribhitheolaíochta de.’;

(8)

in Airteagal 22, cuirtear an méid seo a leanas in ionad na chéad abairte de mhír 4:

‘I gcás ina mbainfidh an modhnú le húdarú próisis athchúrsála a aistriú chuig tríú páirtí, tabharfaidh sealbhóir reatha an údaraithe fógra don Choimisiún le litir chláraithe roimh an aistriú, agus ainm, seoladh agus faisnéis teagmhála an tríú páirtí sin á lua aige.’;

(9)

in Airteagal 23, cuirtear an méid seo a leanas in ionad na chéad abairte de mhír 3:

‘Ar bhonn na tuairime ón Údarás arna tabhairt i gcomhréir le hAirteagal 18(1), féadfaidh an Coimisiún cinneadh a dhéanamh an t-údarú a leasú nó a chúlghairm.’;

(10)

in Iarscríbhinn III, cuid A, roinn 3, réimse 3.1.3 agus 3.2.1, sa dara colún, cuirtear an méid seo a leanas in ionad na gceannteideal:

‘Srianta ar úsáid (***)’;