Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32025R2246

Rialachán Cur Chun Feidhme (AE) 2025/2246 ón gCoimisiún an 7 Samhain 2025 lena leasaítear Rialachán Cur Chun Feidhme (AE) 2022/932 a mhéid a bhaineann le híosmhinicíochtaí na rialuithe

C/2025/7428

IO L, 2025/2246, 10.11.2025, ELI: http://data.europa.eu/eli/reg_impl/2025/2246/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg_impl/2025/2246/oj

European flag

Iris Oifigiúil
an Aontais Eorpaigh

GA

Sraith L

2025/2246

10.11.2025

RIALACHÁN CUR CHUN FEIDHME (AE) 2025/2246 ÓN gCOIMISIÚN

an 7 Samhain 2025

lena leasaítear Rialachán Cur Chun Feidhme (AE) 2022/932 a mhéid a bhaineann le híosmhinicíochtaí na rialuithe

(Téacs atá ábhartha maidir le LEE)

TÁ AN COIMISIÚN EORPACH,

Ag féachaint don Chonradh ar Fheidhmiú an Aontais Eorpaigh,

Ag féachaint do Rialachán (AE) 2017/625 ó Pharlaimint na hEorpa agus ón gComhairle an 15 Márta 2017 maidir le rialuithe oifigiúla agus gníomhaíochtaí oifigiúla eile arna ndéanamh lena áirithiú go gcuirtear i bhfeidhm dlí an bhia agus na beatha, rialacha maidir le sláinte agus leas ainmhithe, sláinte plandaí agus táirgí cosanta plandaí, lena leasaítear Rialacháin (CE) Uimh. 999/2001, (CE) Uimh. 396/2005, (CE) Uimh. 1069/2009, (CE) Uimh. 1107/2009, (AE) Uimh. 1151/2012, (AE) Uimh. 652/2014, (AE) 2016/429 agus (AE) 2016/2031 ó Pharlaimint na hEorpa agus ón gComhairle, Rialachán (CE) Uimh. 1/2005 agus Rialachán (CE) Uimh. 1099/2009 ón gComhairle agus Treoracha 98/58/CE, 1999/74/CE, 2007/43/CE, 2008/119/CE agus 2008/120/CE ón gComhairle agus lena n-aisghairtear Rialachán (CE) Uimh. 854/2004 ó Pharlaimint na hEorpa agus ón gComhairle, agus Rialachán (CE) Uimh. 882/2004 ó Pharlaimint na hEorpa agus ón gComhairle, Treoracha 89/608/CEE, 89/662/CEE, 90/425/CEE, 91/496/CEE, 96/23/CE, 96/93/CE agus 97/78/CE agus Cinneadh 92/438/CEE ón gComhairle (Rialachán maidir le Rialuithe Oifigiúla) (1), agus go háirithe Airteagal 19(3), an chéad fhomhír, pointí (a) agus (b), de,

De bharr an mhéid seo a leanas:

(1)

Faoi chuimsiú an phlean rialaithe maidir le héilleáin le haghaidh bia a chuirtear ar mhargadh an Aontais, ceanglaítear ar na Ballstáit na rialacha a leagtar síos i Rialachán Cur Chun Feidhme (AE) 2022/932 ón gCoimisiún (2) a chomhlíonadh, a mhéid a bhaineann le híosmhinicíocht na rialuithe le haghaidh tráchtearraí éagsúla.

(2)

Cinntear íosmhinicíochtaí na rialuithe a leagtar síos i Rialachán Cur Chun Feidhme (AE) 2022/932 ar bhonn riosca. Is léir ón taithí a fuarthas ó cuireadh i bhfeidhm é nach bhfuil íosmhinicíochtaí rialuithe iomchuí i gcás táirgí áirithe.

(3)

Go háirithe, léiríonn sonraí a bhailigh na Ballstáit go bhfuil riosca íseal ann nach gcomhlíonfar Rialachán (AE) 2023/915 ón gCoimisiún (3) i gcás feoil neamhphróiseáilte ó bhó-ainmhithe, ó ainmhithe den chineál caorach agus ó ainmnithe den chineál gabhair, ó mhuc-ainmhithe agus ó éanlaith chlóis. Dá bhrí sin, ba cheart íosmhinicíocht rialaithe na bhfeolta sin, lena n-áirítear scairteach inite, a leagtar amach i bpointe 1(a) d’Iarscríbhinn I a ghabhann le Rialachán Cur Chun Feidhme (AE) 2022/932, a ísliú.

(4)

Léiríonn sonraí a bhailigh na Ballstáit freisin go bhfuil riosca íseal ann nach gcomhlíonfar Rialachán (AE) 2023/915 i gcás uibheacha. I gcás miotail in uibheacha, tá uasleibhéal iarmhar bunaithe i Rialachán (CE) Uimh. 396/2005 ó Pharlaimint na hEorpa agus ón gComhairle (4). Dá bhrí sin, ba cheart íosmhinicíocht na rialuithe le haghaidh uibheacha úra ó chearca agus uibheacha eile a leagtar amach i bpointe 1(a) d’Iarscríbhinn I a ghabhann le Rialachán Cur Chun Feidhme (AE) 2022/932 a ísliú agus, i gcás an cheanglais maidir le híosmhinicíocht samplála 10 % a leagtar síos i bpointe 1(b) d’Iarscríbhinn I a ghabhann le Rialachán Cur Chun Feidhme (AE) 2022/932, le haghaidh rialuithe ar mhiotail éagsúla, níor cheart feidhm a bheith ag an gceanglas sin maidir leis an gcatagóir ‘uibheacha úra ó chearca agus uibheacha eile’.

(5)

Dá bhrí sin, ba cheart Rialachán Cur Chun Feidhme (AE) 2022/932 a leasú dá réir sin.

(6)

Ós rud é go mbaineann na rialacha a leagtar síos i Rialachán Cur Chun Feidhme (AE) 2022/932 leis an mbliain féilire ábhartha, is maidir leis an bplean le haghaidh na bliana 2026 ba cheart feidhm a bheith den chéad uair ag na leasuithe atá le déanamh leis an Rialachán seo ar an Rialachán Cur Chun Feidhme sin. Dá bhrí sin, ba cheart feidhm a bheith ag an Rialachán seo ón 1 Eanáir 2026.

(7)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

TAR ÉIS AN RIALACHÁN SEO A GHLACADH:

Airteagal 1

Leasaítear Iarscríbhinn I a ghabhann le Rialachán Cur Chun Feidhme (AE) 2022/932 i gcomhréir leis an Iarscríbhinn a ghabhann leis an Rialachán seo.

Airteagal 2

Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.

Beidh feidhm aige ón 1 Eanáir 2026.

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh sa Bhruiséil, an 7 Samhain 2025.

Thar ceann an Choimisiúin

An tUachtarán

Ursula VON DER LEYEN

(1)   IO L 95, 7.4.2017, lch. 1, ELI: http://data.europa.eu/eli/reg/2017/625/oj.

(2)  Rialachán Cur Chun Feidhme (AE) 2022/932 ón gCoimisiún an 9 Meitheamh 2022 maidir le socruithe praiticiúla aonfhoirmeacha chun rialuithe oifigiúla a dhéanamh a mhéid a bhaineann le héilleáin i mbia, maidir le hábhar sonrach breise i bpleananna rialaithe ilbhliantúla náisiúnta agus maidir le socruithe sonracha breise chun iad a ullmhú (IO L 162, 17.6.2022, lch. 13, ELI: http://data.europa.eu/eli/reg_impl/2022/932/oj).

(3)  Rialachán (AE) 2023/915 ón gCoimisiún an 25 Aibreán 2023 maidir le huasleibhéil le haghaidh éilleáin áirithe i mbia agus lena n-aisghairtear Rialachán (CE) Uimh. 1881/2006 (IO L 119, 5.5.2023, lch. 103, ELI: http://data.europa.eu/eli/reg/2023/915/oj).

(4)  Rialachán (CE) Uimh. 396/2005 ó Pharlaimint na hEorpa agus ón gComhairle an 23 Feabhra 2005 maidir le huasleibhéil iarmhar lotnaidicídí i mbia agus i mbeatha de bhunadh plandaí nó ainmhíoch nó ar bhia agus ar bheatha den sórt sin agus lena leasaítear Treoir 91/414/CEE ón gComhairle (IO L 70, 16.3.2005, lch. 1, ELI: http://data.europa.eu/eli/reg/2005/396/oj).

IARSCRÍBHINN

Leasaítear mar a leanas Iarscríbhinn I a ghabhann le Rialachán Cur Chun Feidhme (AE) 2022/932:

(1)

i bpointe 1(a), leasaítear an tábla mar a leanas:

(a)

cuirtear an méid seo a leanas in ionad na n-iontrálacha ‘Feoil neamhphróiseáilte ó bhó-ainmhithe (lena n-áirítear scairteach inite)’, ‘Feoil neamhphróiseáilte ó ainmhithe den chineál caorach agus ó ainmnithe den chineál gabhair (lena n-áirítear scairteach inite)’, agus ‘Feoil neamhphróiseáilte ó mhuc-ainmhithe (lena n-áirítear scairteach inite)’:

‘Feoil neamhphróiseáilte ó bhó-ainmhithe (lena n-áirítear scairteach inite)

0,01 % ar a laghad den líon iomlán ainmhithe a maraíodh

Feoil neamhphróiseáilte ó ainmhithe den chineál caorach agus ó ainmnithe den chineál gabhair (lena n-áirítear scairteach inite)

0,002 % ar a laghad den líon iomlán ainmhithe a maraíodh

Feoil neamhphróiseáilte ó mhuc-ainmhithe (lena n-áirítear scairteach inite)

0,0015 % ar a laghad den líon iomlán ainmhithe a maraíodh’

(b)

cuirtear an méid seo a leanas in ionad na hiontrála ‘Feoil neamhphróiseáilte ó éanlaith chlóis (lena n-áirítear scairteach inite)’:

‘Feoil neamhphróiseáilte ó éanlaith chlóis (lena n-áirítear scairteach inite)

Maidir le gach catagóir d’éanlaith chlóis a bhreithnítear (sicíní grísce, cearca spíonta, turcaithe agus éanlaith chlóis eile), sampla amháin ar a laghad in aghaidh gach 5 000 tona de tháirgeacht bhliantúil (meá-lasta)’

(c)

cuirtear an méid seo a leanas in ionad na hiontrála ‘Uibheacha úra ó chearca agus uibheacha eile’:

‘Uibheacha úra ó chearca agus uibheacha eile

Sampla amháin ar a laghad in aghaidh 5 000 tona de tháirgeacht bhliantúil uibheacha’

(2)

cuirtear an méid seo a leanas in ionad phointe 1(b):

‘(b)

Déanfaidh na Ballstáit rialuithe ar bhonn bliantúil ar ‘mhiotail’ i gcás 10 % ar a laghad de na samplaí a thógtar le haghaidh gach grúpa tráchtearraí i gcomhréir leis an tábla sa Iarscríbhinn seo, cé is moite de na grúpaí tráchtearraí ‘uibheacha úra ó chearca agus uibheacha eile’, ‘crústaigh agus moilisc dhébhlaoscacha’, ‘saillte agus olaí ó ainmhithe agus ón bhfarraige’ agus ‘táirgí próiseáilte de bhunadh ainmhíoch’.’.

ELI: http://data.europa.eu/eli/reg_impl/2025/2246/oj

ISSN 1977-0839 (electronic edition)

Top