1.   Áiritheoidh gach Ballstát brataí go mbeidh an fhaisnéis sa cheadúnas iascaireachta, san údarú iascaireachta agus sna húdaruithe eile arna n-eisiúint, arna mbainistiú agus arna dtarraingt siar aige cruinn agus comhsheasmhach le rialacha an Chomhbheartais Iascaigh.

2.   Áiritheoidh gach Ballstát brataí go ndéanfar sonraí maidir le ceadúnais iascaireachta, údaruithe iascaireachta agus údaruithe eile arna n-eisiúint, arna mbainistiú agus arna dtarraingt siar aige a choinneáil i bhformáid leictreonach agus go ndéanfar iad a thabhairt cothrom le dáta go tráthrialta.

3.   Féadfaidh ceadúnais iascaireachta, údaruithe iascaireachta agus údaruithe eile a bheith sa doiciméad céanna.

1.   Ní bheidh ceadúnas iascaireachta bailí ach le haghaidh aon soitheach gabhála amháin de chuid an Aontais agus beidh an fhaisnéis atá leagtha amach in Iarscríbhinn II, ar a laghad, ann.

2.   I gcomhréir le hAirteagal 38(1) de Rialachán (CE) Uimh. 1224/2009, ní bheidh an acmhainneacht iomlán a chomhfhreagraíonn do na ceadúnais iascaireachta arna n-eisiúint ag Ballstát, in Olltonnáiste agus i gcileavatanna (kW), níos airde tráth ar bith ná na huasleibhéil acmhainneachta le haghaidh an Bhallstáit sin arna suí i gcomhréir le hAirteagal 22(7) de Rialachán (AE) Uimh. 1380/2013 ó Pharlaimint na hEorpa agus ón gComhairle (6).

3.   Ní bheidh ceadúnas iascaireachta bailí ach amháin sna cásanna seo a leanas:

1.   Ní bheidh údarú iascaireachta bailí ach le haghaidh aon soitheach gabhála amháin de chuid an Aontais agus beidh an fhaisnéis a leagtar amach in Iarscríbhinn III ann, ar a laghad.

2.   Ní bheidh údarú iascaireachta bailí ach amháin má chomhlíontar fós na coinníollacha faoinar eisíodh é.

1.   Ní bheidh údaruithe eile bailí ach le haghaidh aon soitheach iascaireachta amháin de chuid an Aontais agus beidh an fhaisnéis a leagtar amach in Iarscríbhinn IV iontu, ar a laghad.

2.   Ní bheidh údaruithe eile bailí ach amháin má chomhlíontar fós na coinníollacha faoinar eisíodh iad.

1.   Gan dochar d’fhorálacha níos déine a leagtar amach le rialacha eile an Chomhbheartais Iascaigh, áiritheoidh na Ballstáit an méid seo a leanas maidir le gléasanna um fhaireachán soithí atá in úsáid:

2.   Is féidir nach mbeidh feidhm ag mír 1(a) maidir le soithí iascaireachta inar suiteáladh cheana féin agus ina n-úsáidtear, tráth theacht i bhfeidhm an Rialacháin seo, gléas um fhaireachán soithí nach ndéanfaidh faireachán ar shonraí suímh an tsoithigh agus iad a thaifeadadh uair amháin gach 10 nóiméad ar a laghad, ar choinníoll go gcumasaítear leis an ngléas na sonraí taifeadta a tharchur ar mhinicíocht agus faoi na coinníollacha a shonraítear in Airteagal 23.

3.   Is féidir nach mbeidh feidhm ag míreanna 1(d) agus (f) maidir le soithí iascaireachta ar lú ná 12 mhéadar a bhfad foriomlán agus a úsáideann gléas soghluaiste um fhaireachán soithí.

4.   Cuimseofar an méid seo a leanas ar shonraí suímh an tsoithigh a bheidh le taifeadadh agus le tarchur ag an ngléas um fhaireachán soithí:

1.   Beidh máistir soithigh iascaireachta de chuid an Aontais freagrach as gléas um fhaireachán soithí a oibriú ar bhealach éifeachtach agus ceart, agus áiritheoidh sé an méid seo a leanas:

2.   De mhaolú ar mhír 1(a), féadfaidh máistir soithigh iascaireachta de chuid an Aontais an gléas um fhaireachán soithí agus an soitheach i gcalafort nó ag áit cur i dtír, ar choinníoll go dtarchuirfear fógra chuig údaráis inniúla LFI an Bhallstáit brataí sula múchtar an gléas. Féadfaidh an máistir an fógra sin a ghiniúint go huathoibríoch nó de láimh agus léireofar ann go bhfuil an soitheach iascaireachta laistigh de limistéar an chalafoirt nó den áit cur i dtír.

3.   Mura bhforáiltear a mhalairt faoin dlí náisiúnta, ní bheidh feidhm ag mír 1(j) maidir le soithí iascaireachta de chuid an Aontais ar lú ná 12 mhéadar a bhfad foriomlán ar a bhfuil gléasanna soghluaiste um fhaireachán soithí, agus a iompraítear ar tír chuig limistéar cósta eile tar éis an gléas a mhúchadh.

1.   Gan dochar d’fhorálacha níos déine a leagtar amach i rialacha eile an chomhbheartais iascaigh, déanfaidh gléasanna faireacháin soithigh na sonraí maidir le suíomh an tsoithigh, lena n-áirítear an fhaisnéis a liostaítear in Airteagal 20(4), a tharchur chuig LFI an Bhallstáit brataí:

2.   De mhaolú ar mhír 1, féadfaidh na Ballstáit bhrataí:

3.   Déanfar sonraí suímh an tsoithigh a tharchur:

4.   I gcás soithí iascaireachta de chuid an Aontais ar lú ná 12 mhéadar a bhfad foriomlán agus a úsáideann gléasanna soghluaiste um fhaireachán soithí agus atá gan cumhdach líonra, déanfar sonraí suímh an tsoithigh a thaifeadadh ar na heatraimh a shonraítear i míreanna 1 nó 2 den Airteagal seo agus a tharchur i gcomhréir le hAirteagal 9(3) de Rialachán (CE) Uimh. 1224/2009.

1.   Áiritheoidh LFI gach Ballstáit brataí, maidir lena shoithí iascaireachta, go ndéanfar sonraí suímh an tsoithigh arna soláthar i gcomhréir le hAirteagal 21 a tharchur go huathoibríoch, díreach tar éis dó iad a fháil, chuig LFI Ballstáit cósta le linn dá shoithí iascaireachta a bheith in uiscí an Bhallstáit cósta.

2.   Tabharfaidh an Ballstát brataí rochtain don Bhallstát cósta, arna iarraidh sin, ar shonraí suímh uile an tsoithigh, mar a shonraítear in Airteagal 21 den Rialachán seo, i gcás soithí iascaireachta atá faoina bhratach le linn aon tréimhse ina mbeidh na soithí sin laistigh d’uiscí an Aontais sa Bhallstát cósta. Beidh an rochtain sin ar fáil go ceann 3 bliana ar a laghad ón dáta a taifeadadh gach suíomh.

1.   Gan dochar d’fhorálacha níos déine a leagtar amach i rialacha eile an Chomhbheartais Iascaigh, áiritheoidh na Ballstáit go mbeidh an méid seo a leanas indéanta leis an logleabhar iascaireachta leictreonach a bheidh in úsáid:

2.   Déanfar sonraí an logleabhair iascaireachta dá dtagraítear i mír 1 a tharchur:

1.   Tarchuirfidh na Ballstáit bhrataí teachtaireacht ar ais chuig an gcóras leictreonach taifeadta agus tuairiscithe ar bord an tsoithigh le haghaidh sonraí gníomhaíochta iascaireachta dá dtagraítear in Airteagail 14, 21 agus 23 de Rialachán (CE) Uimh. 1224/2009. Sa teachtaireacht fillte beidh admháil go bhfuarthas an teachtaireacht agus, i gcás inar féidir, faisnéis maidir le glacadh leis an teachtaireacht nó diúltú di, lena n-áirítear na cúiseanna leis an diúltú.

2.   Coinneoidh an córas leictreonach taifeadta agus tuairiscithe ar bord soitheach iascaireachta de chuid an Aontais na teachtaireachtaí a seoladh ar ais le haghaidh gach tuarascáil ar thuras iascaireachta a tharchuirtear, go dtí go gcuirfear tús le turas iascaireachta nua ar a laghad.

3.   I gcás ina gceanglaítear sin leis na rialacha arna nglacadh ag ERBInna, ar rialacha iad atá ina gceangal ar an Aontas, nó i gcás rialacha a glacadh i gcomhthéacs comhaontuithe comhpháirtíochta iascaigh inbhuanaithe (CCIInna) nó comhaontuithe iascaigh eile arna dtabhairt i gcrích ag an Aontas le tríú tír, coinneoidh an córas leictreonach taifeadta agus tuairiscithe ar bord soitheach iascaireachta de chuid an Aontais na teachtaireachtaí fillte breise uile le haghaidh tuarascálacha tarchurtha maidir le turas iascaireachta arna eisiúint ag ERBI nó ag an tríú páirtí go dtí go gcuirfear tús le turas iascaireachta nua.

1.   Déanfaidh máistir soithigh gabhála de chuid an Aontais sonraí an logleabhair iascaireachta a chomhlánú agus a chur isteach i bhfoirm leictreonach i gcomhréir leis na ceanglais a leagtar amach in Airteagail 14 agus 15 de Rialachán (CE) Uimh. 1224/2009 agus leis na treoracha a leagtar amach in Iarscríbhinn XV. Ina theannta sin, i gcás soithí gabhála ar cothrom le 12 mhéadar nó níos mó a bhfad foriomlán, tuairisceofar an dáta agus an t-am a tharchuirtear an fhaisnéis ón soitheach chuig an LFI.

2.   Cuirfidh máistir soithigh gabhála de chuid an Aontais tuarascáil imeachta chuig LFI an Bhallstáit brataí sula n-imeoidh sé ó chalafort nó ó áit cur i dtír. Is í an tuarascáil sin an chéad tuarascáil ar an turas atá ag tosú.

3.   Sula mbainfear amach an calafort nó áit cur i dtír, cuirfidh máistir soithigh gabhála de chuid an Aontais teachtaireacht um fhilleadh ar an gcalafort chuig LFI an Bhallstáit brataí.

4.   Féadfaidh an máistir ceartúcháin ar shonraí an logleabhair iascaireachta a tharchur suas go dtí an tíolacadh deireanach a dhéantar sula rachaidh sé isteach i gcalafort nó in áit cur i dtír. Áiritheoidh na máistrí gur féidir leis na húdaráis inniúla na ceartúcháin a aithint go héasca. Déanfaidh údaráis inniúla an Bhallstáit brataí sonraí leictreonacha bunaidh uile an logleabhair iascaireachta agus gach ceartúchán ar na sonraí sin a stóráil.

5.   De mhaolú ar mhíreanna 2 agus 3, déanfaidh máistrí soithí gabhála de chuid an Aontais ar lú a bhfad iomlán ná 12 mhéadar an teachtaireacht ábhartha maidir le himeacht agus na sonraí ábhartha a chur isteach, ar a dhéanaí tar éis an oibríocht iascaireachta dheireanach a bheith curtha i gcrích agus sula gcuirfear tús leis an tabhairt i dtír.

6.   Beidh feidhm ag na cóid a thugtar in Iarscríbhinn XVI chun an trealamh iascaireachta atá á úsáid a léiriú, faoi na ceannteidil iomchuí den logleabhar iascaireachta.

1.   Chun an logleabhar iascaireachta, an dearbhú trasloingsithe, agus an dearbhú maidir le gabhálacha a thabhairt i dtír a chomhlánú, beidh feidhm ag fachtóirí coinbhéartachta an Aontais a leagtar amach in Iarscríbhinní XII, XIII agus XIV maidir le meáchan éisc stóráilte nó phróiseáilte a thiontú ina bheomheáchan éisc, de bhun Airteagail 14(10), 21(5) agus 23(4) de Rialachán (CE) Uimh. 1224/2009. Beidh feidhm acu maidir le táirgí iascaigh atá ar bord nó trasloingsithe nó tugtha i dtír ag soithí iascaireachta de chuid an Aontais.

2.   De mhaolú ar mhír 1, beidh feidhm ag fachtóirí coinbhéartachta seachas na fachtóirí a shuitear in Iarscríbhinní XII, XIII agus XIV sna cásanna seo a leanas:

3.   Gan dochar do mhír 2, úsáidfidh údaráis inniúla na mBallstát fachtóirí coinbhéartachta an Aontais dá dtagraítear i mír 1 nuair a bheidh beomheáchan trasloingsithe agus beomheáchan gabhálacha arna dtabhairt i dtír á ríomh chun faireachán a dhéanamh ar ghlacadh an chuóta.

1.   Gheofar beomheáchan an éisc trí mheáchan an éisc phróiseáilte a iolrú faoi na fachtóirí coinbhéartachta dá dtagraítear in Airteagal 28 do gach speiceas agus gach cur i láthair.

2.   I gcás cur i láthair comhchoiteann, ní úsáidfear ach aon fhachtóir coinbhéartachta amháin a chomhfhreagraíonn do cheann amháin de chodanna den chur i láthair comhchoiteann éisc.

1.   Déanfar na corrlaigh lamháltais dá dtagraítear in Airteagal 14(3) agus (4) de Rialachán (CE) Uimh. 1224/2009 a shloinneadh mar chéatadán de na figiúirí logleabhair iascaireachta.

2.   I gcás gabhálacha atá le tabhairt i dtír gan sórtáil, féadfar na meastacháin a taifeadadh sa logleabhar iascaireachta a ríomh ar bhonn samplaí ionadaíocha nó trí úsáid a bhaint as teicneolaíochtaí lenar féidir meastachán níos cruinne a dhéanamh ar na cainníochtaí iomlána a choinnítear ar bord.

3.   Chun Airteagal 14(3) agus (4) de Rialachán (CE) Uimh. 1224/2009 a chur i bhfeidhm, measfar speiceas a ghabhtar mar bhaoite beo a bheith ina speiceas a gabhadh agus a coinníodh ar bord.

1.   Gan dochar do na díolúintí a bhunaítear faoi Airteagal 65 de Rialachán (CE) Uimh. 1224/2009 agus mura bhforáiltear a mhalairt faoi rialacha an Chomhbheartais Iascaigh, déanfaidh ceannaitheoirí cláraithe, ceantanna cláraithe nó eagraíochtaí táirgeoirí nóta díolacháin a chomhlánú agus a chur isteach go leictreonach i gcomhréir leis na ceanglais a leagtar amach in Airteagail 62 agus 64 de Rialachán (CE) Uimh. 1224/2009 agus leis na treoracha a leagtar amach in Iarscríbhinn XIX.

2.   Áireofar sa chineál cur i láthair dá dtagraítear in Airteagal 64(1) de Rialachán (CE) Uimh. 1224/2009 staid na próiseála mar a leagtar amach i dTábla 2 d’Iarscríbhinn I a ghabhann leis an Rialachán seo.

3.   Déanfar an praghas dá dtagraítear in Airteagal 64(1)(n) de Rialachán (CE) Uimh. 1224/2009 a chur in iúl san airgeadra is infheidhme sa Bhallstát ina ndéantar an díolachán.

1.   Déanfar na tuarascálacha faireachais dá dtagraítear in Airteagal 71(3) agus (4) de Rialachán (CE) Uimh. 1224/2009 a tharraingt suas agus a chur isteach, i gcás inar féidir, trí mheán leictreonach, i gcomhréir leis na treoracha agus na rialacha a leagtar amach in Iarscríbhinn VI a ghabhann leis an Rialachán seo.

2.   Déanfar na tuarascálacha cigireachta dá dtagraítear in Airteagal 76 de Rialachán (CE) Uimh. 1224/2009 a tharraingt suas agus a chur isteach go leictreonach i gcomhréir leis na treoracha agus na rialacha a leagtar amach sa mhodúl iomchuí a shuitear in Iarscríbhinn VII a ghabhann leis an Rialachán seo.

3.   I gcás ina bhraitear sárú amhrasta le linn faireachais nó cigireachta, cuirfear na heilimintí dlíthiúla agus ábhartha mar aon le haon fhaisnéis eile atá ábhartha don sárú san áireamh sa tuarascáil faireachais nó chigireachta chomhfhreagrach. I gcás ina bhraitear roinnt sáruithe amhrasta le linn faireachais nó cigireachta, déanfar gnéithe ábhartha de gach sárú a thabhairt ar aird sa tuarascáil faireachais nó chigireachta chomhfhreagrach.

4.   Beidh sonraí ó na tuarascálacha faireachais agus cigireachta ar fáil sa bhunachar sonraí go ceann 3 bliana ar a laghad.

1.   Beidh an tuarascáil chigireachta inléite agus déanfar taifead soiléir di. Ní scriosfar ná ní athrófar aon iontráil sa tuarascáil. Má dhéantar botún sa tuarascáil, déanfaidh an t-oifigeach lena mbaineann nóta soiléir den iontráil mhícheart agus déanfaidh sé í a thaifeadadh.

2.   Síneoidh an t-oifigeach a bheidh freagrach as an gcigireacht an tuarascáil nó déanfaidh sé í a eisiúint. Iarrfar ar an oibreoir a ndéanfar cigireacht air an tuarascáil a shíniú nó glacadh léi. I gcás nach mbeidh an t-oibreoir a ndéanfar cigireacht air in ann glacadh leis an tuarascáil chigireachta nó í a shíniú, nó i gcás ina ndiúltóidh sé glacadh léi nó í a shíniú, déanfaidh an cigire nóta den mhéid sin i roinn na mbarúlacha den tuarascáil. I gcás nach labhraíonn oifigigh an teanga chéanna a labhraíonn an t-oibreoir a ndéanfar cigireacht air, déanfaidh siad bearta iomchuí ionas go mbeidh a gcuid torthaí sothuigthe.

3.   Gan dochar don dlí náisiúnta, is é a bheidh i síniú an oibreora a ndéanfar cigireacht air nó glacadh an oibreora sin leis an tuarascáil, admháil go bhfuarthas an tuarascáil agus ní mheasfar gur glacadh le hinneachar na tuarascála a bheidh i gceist leis.

4.   Beidh sé de cheart ag an oibreoir a ndéanfar cigireacht air dul i dteagmháil lena ionadaí nó le húdaráis inniúla a Bhallstáit bhrataí, arna iarraidh sin.

1.   Ar bhonn na faisnéise ar thug na Ballstáit agus an Coimisiún fógra ina leith faoi Airteagal 38 den Rialachán seo, tarraingeoidh EFCA suas liosta cigirí de chuid an Aontais, lena n-áirítear oifigigh EFCA, a bheidh le cur faoi bhráid an Choimisiúin lena ghlacadh laistigh de 6 mhí ó dháta theacht i bhfeidhm an Rialacháin seo.

2.   Maidir leis na hoifigigh a chuimseofar ar an liosta cigirí de chuid an Aontais dá dtagraítear in Airteagal 38:

3.   Tar éis an liosta tosaigh dá dtagraítear i mír 1 a ghlacadh, tabharfaidh na Ballstáit agus an Coimisiún fógra do EFCA faoin 30 Meán Fómhair gach bliain maidir le haon leasú ar an liosta is mian leo a thabhairt isteach le haghaidh na bliana féilire dár gcionn. Cuirfidh EFCA modhnuithe den sórt sin in iúl don Choimisiún, a thabharfaidh an liosta cothrom le dáta dá réir sin faoin 31 Nollaig gach bliain. Ag brath ar an líon leasuithe a gheofar, féadfaidh an Coimisiún an liosta a thabhairt cothrom le dáta ag eatraimh níos giorra.

4.   Foilseofar an liosta agus aon leasú air ar shuíomh gréasáin oifigiúil EFCA.

1.   Agus a gcúraimí á gcomhlíonadh ag cigirí de chuid an Aontais, comhlíonfaidh siad dlí an Aontais Eorpaigh agus, a mhéid is infheidhme, dlí náisiúnta an Bhallstáit ina ndéanfar an chigireacht nó, i gcás ina ndéanfar an chigireacht lasmuigh d’uiscí an Aontais, dlí Bhallstát brataí an tsoithigh iascaireachta a ndéanfar cigireacht air agus na rialacha idirnáisiúnta ábhartha.

2.   Tíolacfaidh cigirí an Aontais cárta seirbhíse ina luafar a gcéannacht agus an acmhainneacht faoina n-oibríonn siad tráth na cigireachta d’aon duine lena mbaineann a gceanglaítear a gcéannacht ina leith. Chun na críche sin, soláthrófar doiciméad aitheantais dóibh arna eisiúint ag EFCA ina luafar a gcéannacht agus a n-inniúlacht.

3.   Éascóidh na Ballstáit feidhmiú a ndualgas ag cigirí an Aontais agus tabharfaidh siad cibé cúnamh dóibh a theastaíonn uathu chun a gcúraimí a chomhlíonadh.

1.   Déanfaidh cigirí de chuid an Aontais achoimre laethúil ar a ngníomhaíochtaí cigireachta, lena n-áireofar ainm agus uimhir aitheantais gach soithigh nó árthaigh iascaireachta a ndearnadh cigireacht air agus an cineál cigireachta a rinneadh, a chur faoi bhráid údaráis inniúla an Bhallstáit ar ina uiscí nó ar a chríoch a rinneadh an chigireacht nó, i gcás ina ndearnadh an chigireacht lasmuigh d’uiscí an Aontais, faoi bhráid Bhallstát brataí an tsoithigh iascaireachta de chuid an Aontais a ndearnadh cigireacht air, agus faoi bhráid EFCA.

2.   Má bhraitheann cigirí de chuid an Aontais sárú le linn cigireachta, cuirfidh siad tuarascáil chigireachta achoimrithe gan mhoill faoi bhráid údaráis inniúla an Bhallstáit cósta nó, i gcás ina ndearnadh an chigireacht lasmuigh d’uiscí an Aontais, faoi bhráid údaráis inniúla Stát brataí an tsoithigh iascaireachta a ndearnadh cigireacht air agus faoi bhráid EFCA. Sa tuarascáil chigireachta achoimrithe sin, sonrófar ar a laghad dáta agus áit na cigireachta, aitheantas an ardáin cigireachta, sainaithint an spriocshoithigh a ndearnadh cigireacht air agus an cineál sáraithe a braitheadh.

3.   Laistigh de 7 lá ó dháta na cigireachta, déanfaidh cigirí de chuid an Aontais cóip den tuarascáil chigireachta iomlán, i gcomhréir le hAirteagal 76 de Rialachán (CE) Uimh. 1224/2009, ina gcuirfear na hítimí ábhartha i modúl cigireachta iomchuí na tuarascála cigireachta in Iarscríbhinn VII a chur faoi bhráid údaráis inniúla Stát brataí an tsoithigh nó an árthaigh iascaireachta a ndearnadh cigireacht air agus údaráis inniúla an Bhallstáit ar ina uiscí a rinneadh an chigireacht.

1.   Gníomhóidh na Ballstáit de réir tuarascálacha arna gcur isteach ag cigirí de chuid an Aontais i gcomhréir le hAirteagal 42 den Rialachán seo ar an mbealach céanna ina ngníomhaíonn siad de réir thuarascálacha a n-oifigeach féin.

2.   Oibreoidh an Ballstát a d’ainmnigh an cigire de chuid an Aontais nó, i gcás inarb iomchuí, an Coimisiún nó EFCA i gcomhar leis an mBallstát atá ag gníomhú de réir na tuarascála arna cur isteach ag an gcigire de chuid an Aontais d’fhonn imeachtaí breithiúnacha agus riaracháin a éascú.

3.   Tabharfaidh cigire de chuid an Aontais cúnamh agus fianaise in imeachtaí um shárú a rachaidh aon Bhallstát ina mbun, arna iarraidh sin.

1.   Murab iad na húdaráis náisiúnta inniúla arna n-ainmniú i gcomhréir le hAirteagal 92(10) de Rialachán (CE) Uimh. 1224/2009 an t-údarás aonair dá dtagraítear in Airteagal 5(5) de Rialachán (CE) Uimh. 1224/2009, áiritheoidh na Ballstáit go gcuirfear an t-údarás aonair sin ar an eolas faoi aon chinneadh a dhéantar de bhun na Caibidle seo.

2.   Cuirfidh an Ballstát brataí lena mbaineann sealbhóir an cheadúnais iascaireachta agus an máistir ar an eolas faoi aon phointe a sannadh dóibh i gcomhréir le hAirteagal 92(2) agus (4) de Rialachán (CE) Uimh. 1224/2009.

3.   Suífidh na Ballstáit nósanna imeachta faoin dlí náisiúnta chun a áirithiú go dtabharfar fógra pras faoi na cinntí ábhartha do shealbhóir an cheadúnais iascaireachta agus don mháistir.

1.   Má chuirtear an ceadúnas iascaireachta ar fionraí nó má tharraingítear siar é go buan i gcomhréir le hAirteagal 92(6) de Rialachán (CE) Uimh. 1224/2009, déanfar an soitheach gabhála lena mbaineann an ceadúnas iascaireachta a cuireadh ar fionraí nó a tarraingíodh siar go buan a shainaithint mar shoitheach iascaireachta gan ceadúnas iascaireachta sa chlár cabhlaigh iascaigh náisiúnta dá dtagraítear in Airteagal 24(1) de Rialachán (AE) Uimh. 1380/2013. Déanfar an soitheach gabhála sin a shainaithint ar an mbealach sin freisin i gclár cabhlaigh iascaireachta an Aontais dá dtagraítear in Airteagal 24(3) de Rialachán (AE) Uimh 1380/2013.

2.   Ní dhéanfaidh scriosadh ceadúnais iascaireachta ó liostaí ábhartha, i gcomhréir le hAirteagal 92(6) de Rialachán (CE) Uimh. 1224/2009 difear d’uasteorainneacha acmhainneachta iascaireachta an Bhallstáit a eisíonn an ceadúnas amhail dá dtagraítear in Airteagal 22(7) de Rialachán (AE) Uimh. 1380/2013.

1.   Beidh córas bailíochtaithe sonraí i bhfeidhm agus á chur chun feidhme ag gach Ballstát lena gcuirfear ar a chumas dá údarás inniúil Airteagal 109 de Rialachán (CE) Uimh. 1224/2009 a chomhlíonadh.

2.   Beidh na híoscheanglais seo a leanas á gcomhlíonadh sa chóras bailíochtaithe sonraí dá dtagraítear i mír 1:

3.   Beidh an córas bailíochtaithe dá dtagraítear i mír 1 go hiomlán uathoibrithe agus úsáidfear algartaim agus sásraí uathoibríocha eile, lena n-áirítear feidhmeanna foláirimh, lena gcuirfear ar a gcumas do na húdaráis inniúla neamhréireanna sonraí, earráidí agus faisnéis a bheidh in easnamh a shainaithint agus a imscrúdú go pras, i gcomhréir le hAirteagal 109(3) agus (5) de Rialachán (CE) Uimh. 1224/2009.

1.   Áireofar sa bhunachar sonraí leictreonach feidhmiúlachtaí a mbeidh gá leo le haghaidh an bhailíochtaithe. Ina theannta sin, tacóidh an bunachar sonraí leictreonach leis na sonraí seo a leanas a liostú, a shórtáil, a scagadh agus a bhrabhsáil:

2.   Áiritheoidh na Ballstáit go mbeidh an bunachar sonraí leictreonach slán, go dtabharfar cothrom le dáta é go tráthrialta, go mbeidh inniúlacht scálaithe ann chun freastal ar mhéideanna méadaitheacha sonraí, agus, i gcás inar féidir, go mbeidh sé idir-inoibritheach le córais eile chun malartú agus comhtháthú sonraí a éascú.

3.   Áiritheoidh na Ballstáit go bhfaighidh a n-údaráis inniúla a bheidh freagrach as an mbunachar sonraí leictreonach a oibriú an oiliúint agus an tacaíocht theicniúil is gá chun a gcúraimí a dhéanamh go héifeachtach.

4.   Coinneofar sonraí a chuimseofar sa bhunachar sonraí leictreonach go ceann 3 bliana ar a laghad, mura bhforáiltear a mhalairt faoi rialacha an Chomhbheartais Iascaigh nó i gcás inar gá iad a choinneáil le haghaidh cigireachtaí, fíoruithe, iniúchtaí agus fiosrúchán, lena n-áirítear iad siúd a bhaineann le gearáin agus sáruithe, nó le himeachtaí breithiúnacha nó riaracháin.

5.   Aon uair nach stórálfar sonraí go huathoibríoch sa bhunachar sonraí mar a léirítear in Airteagal 109(7) de Rialachán (CE) Uimh. 1224/2009, áiritheoidh na Ballstáit go ndéanfar iontráil de láimh nó digitiú laistigh de 20 lá tar éis iad a fháil.

1.   Déanfaidh na Ballstáit na nósanna imeachta bailíochtaithe arna mbunú faoin dlí náisiúnta a chur i bhfeidhm, a choinneáil ar bun agus a athbhreithniú agus áiritheoidh siad go gcomhlíonfar iad. Cuimseofar sna nósanna imeachta bailíochtaithe sin, ar a laghad, na rialacha gnó a liostaítear i mír 2, a bheidh le forlíonadh le rialacha breise gnó bunaithe ar bhainistiú riosca, a chuimsítear sa phlean náisiúnta um chur chun feidhme an chórais bailíochtaithe, i gcomhréir le hAirteagal 109(8) de Rialachán (CE) Uimh. 1224/2009.

2.   Cuirfidh na Ballstáit uile na rialacha gnó seo a leanas chun feidhme agus sonraí arna dtaifeadadh faoi Rialachán (CE) Uimh. 1224/2009 á mbailíochtú acu:

3.   I gcás ina dtuairiscítear cainníochtaí táirgí iascaigh ó thuras iascaireachta aonair i ndearbhuithe iomadúla maidir le gabhálacha a thabhairt i dtír nó i ndearbhuithe trasloingsithe, nó i gcás ina dtuairiscítear cainníochtaí táirgí iascaigh ó aon tabhairt i dtír amháin i nótaí díolacháin iomadúla, i ndoiciméid iompair iomadúla nó i ndearbhuithe iomadúla maidir le glacadh freagrachta, tabharfar cuntas ar an méid sin sna nósanna imeachta bailíochtaithe dá dtagraítear i mír 1 trí úsáid a bhaint as aon uimhir aitheantais turais iascaireachta uathúil a bheidh ar fáil.

4.   Féadfaidh an Coimisiún treoirlínte teicniúla a fhorbairt le haghaidh bailíochtú sonraí, arna iarraidh sin do Bhallstát amháin nó níos mó.

1.   Bunófar malartú na dteachtaireachtaí uile ar an gcaighdeán NA/FLUX arna sholáthar ag Lárionad na Náisiún Aontaithe um Éascú Trádála agus um Ríomhghnó (NA/CEFACT). Bunófar na formáidí tuarascála a bheidh le húsáid le haghaidh gach fearainn sonraí ar na caighdeáin fearainn NA/FLUX ábhartha dá dtagraítear in Iarscríbhinn XVII.

2.   Agus teachtaireachtaí á malartú le haghaidh gach fearainn sonraí, úsáidfidh na Ballstáit, agus i gcás inarb infheidhme an Coimisiún agus EFCA, na formáidí tuarascála a bhunófar ar na caighdeáin fearainn NA/FLUX ábhartha dá dtagraítear in Iarscríbhinn XVII. Úsáidfidh siad na comhaid XSD (Sainmhíniú Scéimre XML) is infheidhme, chomh maith leis na liostaí cód agus na cóid a gheofar ar leathanach an Chláir Máistirshonraí ar shuíomh gréasáin Iascaigh an Choimisiúin Eorpaigh le haghaidh na dteachtaireachtaí uile.

3.   Úsáidfidh na Ballstáit, an Coimisiún agus EFCA na doiciméid cur chun feidhme is déanaí a gheofar ar shuíomh gréasáin Iascaigh an Choimisiúin Eorpaigh chun teachtaireachtaí a mhalartú.

4.   Áiritheoidh na Ballstáit, an Coimisiún agus EFCA go mbeidh aitheantóir uathúil ag gach tuarascáil agus teachtaireacht a tharchuirfear. Déanfar na dátaí agus na hamanna a thuairiscítear a tharchur in Am Uilíoch Lárnach (AUL).

5.   Nuair a chuimsítear faisnéis faoi shoithí iascaireachta de chuid an Aontais sna tuarascálacha, cuimseofar an uimhir CFR i ngach tarchur sonraí idir an Ballstát agus an Coimisiún a bhaineann leis an soitheach iascaireachta, mar a cheanglaítear le hAirteagal 8(4) de Rialachán Cur Chun Feidhme (AE) 2017/218.

6.   Gan dochar d’oibleagáidí faoi ghníomhartha dlí eile de chuid an Aontais, déanfaidh na Ballstáit an méid seo a leanas:

7.   Áiritheoidh an Coimisiún go mbeidh rochtain ag EFCA, de réir mar is iomchuí, ar na sonraí uile arna dtarchur ag na Ballstáit faoin gCaibidil seo. Beidh an fhoráil sin gan dochar d’oibleagáidí na mBallstát sonraí a mhalartú go leictreonach le EFCA i gcás ina gceanglaítear sin faoi ghníomhartha dlí eile de chuid an Aontais.

1.   I ngach Ballstát, beidh an t-údarás aonair dá dtagraítear in Airteagal 5(5) de Rialachán (CE) Uimh. 1224/2009 freagrach as sonraí uile na logleabhar iascaireachta a tharchur, a fháil, a bhainistiú agus a phróiseáil, i gcomhréir le hAirteagal 27 den Rialachán seo, agus, i gcás inar féidir, as na sonraí eile go léir a chumhdaítear leis an gCaibidil seo.

2.   Malartóidh na Ballstáit sonraí teagmhála an údaráis aonair agus cuirfidh siad an Coimisiún agus EFCA ar an eolas freisin faoi na sonraí teagmhála sin.

3.   Cuirfear aon athrú ar na sonraí agus ar na sonraí teagmhála dá dtagraítear i míreanna 1 agus 2, faoi seach, in iúl don Choimisiún, do EFCA agus do na Ballstáit eile sula dtiocfaidh siad i bhfeidhm

1.   Beidh gach tarchur lán-uathoibrithe agus láithreach, ag baint úsáid as an tsraith iompair.

2.   Sula dtarchuirfear teachtaireacht, déanfaidh an seoltóir seiceáil uathoibríoch chun a fhíorú go bhfuil an teachtaireacht ceart de réir an tacair íosta rialacha bailíochtaithe a thuairiscítear sna doiciméid cur chun feidhme ábhartha.

3.   Cuirfidh an faighteoir an seoltóir ar an eolas maidir leis an teachtaireacht a fháil trí theachtaireacht fhreagartha a tharchur bunaithe ar NA/FLUX P1000-1: Prionsabail Ghinearálta. Beidh an teachtaireacht freagartha i gcomhréir leis na sonraíochtaí a thuairiscítear sna doiciméid cur chun feidhme ábhartha agus léireofar inti ar a laghad ar glacadh leis an teachtaireacht nó ar diúltaíodh di. I gcás ina ndiúltaíonn an faighteoir do theachtaireacht, imscrúdóidh an seoltóir na cúiseanna leis an diúltú agus, i gcás inar gá, ceartóidh sé na sonraí de réir mar is gá gan mhoill. Seolfaidh an seoltóir teachtaireacht nua ansin ina mbeidh na sonraí ceartaithe, i gcomhréir leis na nósanna imeachta a thuairiscítear sna doiciméid cur chun feidhme. Ní bheidh teachtaireachtaí freagartha faoi réir freagra thairis sin.

4.   Nuair a tharlaíonn cliseadh teicniúil ar thaobh an tseoltóra agus nach féidir leis an seoltóir teachtaireachtaí a mhalartú a thuilleadh, cuirfidh an seoltóir gach faighteoir ar an eolas faoin bhfadhb agus déanfaidh sé bearta iomchuí láithreach chun an tsaincheist a cheartú. Déanfar gach teachtaireacht nach mór a sheachadadh chuig faighteoir a stóráil go dtí go réiteofar an fhadhb. Tar éis cliseadh teicniúil den sórt sin a dheisiú, tarchuirfidh an seoltóir teachtaireachtaí nár seoladh a luaithe is féidir.

5.   Nuair a tharlaíonn cliseadh teicniúil ar thaobh an fhaighteora agus nach féidir leis an bhfaighteoir teachtaireachtaí a fháil a thuilleadh, cuirfidh an faighteoir na páirtithe uile atá nasctha leis an tsraith iompair ar an eolas faoin bhfadhb agus déanfaidh sé bearta iomchuí láithreach chun an tsaincheist a cheartú. Tar éis cliseadh teicniúil den sórt sin a dheisiú, cuirfidh an seoltóir na teachtaireachtaí uile a bheidh ar iarraidh ar fáil arna iarraidh sin.

6.   I gcás ina gcliseann ar shraith iompair lena gcuirtear cosc ar mhalartuithe sonraí, tabharfaidh an Coimisiún fógra do na páirtithe uile dá ndéantar difear. Stórálfaidh na seoltóirí na teachtaireachtaí uile nár seachadadh go dtí go réiteofar an tsaincheist. A luaithe a dheiseofar an cliseadh, cuirfidh an Coimisiún na páirtithe nasctha uile ar an eolas, agus tarchuirfidh seoltóirí aon teachtaireacht atá ar feitheamh a luaithe is féidir.

7.   Bunóidh na Ballstáit agus an Coimisiún nósanna imeachta teipaistrithe le haghaidh leanúnachas gnó.

1.   Bunóidh agus oibreoidh na Ballstáit córais lenar féidir sonraí a mhalartú de réir an Airteagail seo.

2.   Úsáidfidh an Ballstát brataí Fearann Suímh an tSoithigh XSD (Sainmhíniú Scéimre XML) bunaithe ar NA/FLUX P1000-7 mar fhormáid chun sonraí suímh an tsoithigh a tharchur chuig Ballstáit eile, chuig an gCoimisiún, nó chuig EFCA.

3.   Áiritheoidh na Ballstáit bhrataí go ndéanfar sonraí suímh an tsoithigh arna soláthar i gcomhréir le hAirteagal 21 den Rialachán seo a tharchur go huathoibríoch chuig an gCoimisiún a luaithe a gheofar iad. Féadfaidh Ballstáit chósta a dhéanann faireachán go comhpháirteach ar limistéar ceann scríbe coiteann a shonrú i gcomhair tharchur na sonraí atá le soláthar i gcomhréir le hAirteagal 21 den Rialachán seo. Cuirfidh siad an Coimisiún agus na Ballstáit eile lena mbaineann ar an eolas.

4.   Tarchuirfidh na Ballstáit chuig an gCoimisiún sonraí suímh na soithí iascaireachta atá faoina mbratach, amhail dá dtagraítear in Airteagal 111(3) de Rialachán (CE) Uimh. 1224/2009. Coinneofar an rochtain sin ar bun go ceann 3 bliana ar a laghad ón dáta a taifeadadh gach suíomh, mura bhforáiltear a mhalairt faoi rialacha an Chomhbheartais Iascaigh nó i gcás ina bhfuil gá le sonraí le haghaidh cigireachtaí, fíoruithe, iniúchtaí agus fiosrúchán, lena n-áirítear na sonraí sin a bhaineann le gearáin agus sáruithe, nó le himeachtaí breithiúnacha nó riaracháin.

1.   Bunóidh agus oibreoidh na Ballstáit córais lenar féidir sonraí a mhalartú de réir an Airteagail seo.

2.   Úsáidfidh an Ballstát brataí Sainmhíniú Scéimre XML Fhearann na Gníomhaíochta Iascaireachta bunaithe ar NA/FLUX P1000-3 mar an fhormáid chun sonraí logleabhair iascaireachta, réamhfhógraí, dearbhuithe trasloingsithe agus dearbhuithe maidir le tabhairt i dtír a tharchur chuig Ballstáit eile, chuig an gCoimisiún nó chuig EFCA, dá dtagraítear in Airteagail 14, 17, 19a, 21, agus 23 a ghabhann le Rialachán (CE) Uimh. 1224/2009, i gcomhréir le hIarscríbhinn XV a ghabhann leis an Rialachán seo.

3.   Tar éis dóibh iad a fháil, déanfaidh na Ballstáit bhrataí sonraí an logleabhair iascaireachta, agus aon cheartú orthu, ó shoithí iascaireachta atá faoina mbratach, le haghaidh gach turais iascaireachta agus ag tosú leis an imeacht deireanach ón gcalafort, a chur ar aghaidh go pras chuig an mBallstát cósta a ndéantar gníomhaíochtaí iascaireachta ina uiscí, agus chuig an gCoimisiún.

4.   Tar éis dóibh iad a fháil, déanfaidh na Ballstáit bhrataí sonraí an dearbhaithe maidir le tabhairt i dtír nó trasloingsiú, agus aon cheartú orthu, ó shoithí iascaireachta atá faoina mbratach, a chur ar aghaidh go pras chuig an mBallstát cósta ar ina chalafort a tugadh na gabhálacha ábhartha i dtír nó a ndearnadh trasloingsiú, agus chuig an gCoimisiún.

5.   Tar éis dóibh iad a fháil, déanfaidh na Ballstáit bhrataí réamhfhógraí, agus aon cheartú orthu, ó shoithí iascaireachta atá faoina mbratach a chur ar aghaidh go pras chuig an mBallstát cósta ar ina chalafort a bhfuil sé beartaithe ag na soithí iascaireachta sin teacht isteach, agus chuig an gCoimisiún.

6.   Tar éis dóibh iad a fháil, déanfaidh na Ballstáit bhrataí sonraí an logleabhair iascaireachta, agus aon cheartú orthu, le haghaidh gach turais iascaireachta agus ag tosú leis an imeacht deireanach ón gcalafort, ó shoithí iascaireachta atá faoina mbratach, a oibríonn in uiscí atá faoi cheannasacht nó faoi dhlínse a mBallstát brataí nó lasmuigh d’uiscí an Aontais, a chur ar aghaidh go pras chuig an gCoimisiún.

7.   Tar éis dóibh iad a fháil, déanfaidh na Ballstáit bhrataí sonraí an dearbhaithe maidir le tabhairt i dtír nó trasloingsiú, agus aon cheartú orthu, ó shoithí iascaireachta atá faoina mbratach, cibé acu a rinneadh an tabhairt i dtír nó an trasloingsiú i gcalafort de chuid an Bhallstáit brataí nó i dtríú tír, a chur ar aghaidh go pras chuig an gCoimisiún.

8.   Tar éis dóibh iad a fháil, déanfaidh na Ballstáit bhrataí réamhfhógraí, agus aon cheartú orthu, ó shoithí iascaireachta atá faoina mbratach agus atá ag teacht isteach ina gcalafoirt nó i gcalafort tríú tír, a chur ar aghaidh go pras chuig an gCoimisiún.

9.   I gcás ina dtiocfaidh soitheach iascaireachta atá faoi bhratach Ballstáit isteach in uiscí an Aontais i mBallstát cósta eile le linn turas iascaireachta, tabharfaidh an Ballstát brataí rochtain don Bhallstát cósta ar na sonraí uile maidir leis an ngníomhaíocht iascaireachta uile agus malartóidh sé iad, ar sonraí iad dá dtagraítear in Airteagal 110 agus in Airteagal 111(1) de Rialachán (CE) Uimh. 1224/2009, don turas iascaireachta iomlán, ó imeacht go dtí an tabhairt i dtír. Coinneofar ar bun an rochtain sin go ceann 3 bliana ar a laghad tar éis thús an turais iascaireachta, mura bhforáiltear a mhalairt faoi rialacha an Chomhbheartais Iascaigh nó i gcás ina bhfuil gá le sonraí le haghaidh cigireachtaí, fíoruithe, iniúchtaí agus fiosrúchán, lena n-áirítear na sonraí sin a bhaineann le gearáin agus sáruithe, nó le himeachtaí breithiúnacha nó riaracháin.

10.   Tarchuirfidh na Ballstáit chuig an gCoimisiún na sonraí gníomhaíochta iascaireachta uile maidir le soithí iascaireachta atá faoina mbratach, dá dtagraítear in Airteagal 111(3) de Rialachán (CE) Uimh. 1224/2009, lena gcumhdaítear an turas iascaireachta iomlán ó imeacht go dtí go gcuirfear an tabhairt i dtír i gcrích. Coinneofar ar bun an rochtain sin go ceann 3 bliana ar a laghad tar éis thús an turais iascaireachta, mura bhforáiltear a mhalairt faoi rialacha an Chomhbheartais Iascaigh nó i gcás ina bhfuil gá le sonraí le haghaidh cigireachtaí, fíoruithe, iniúchtaí agus fiosrúchán, lena n-áirítear na sonraí sin a bhaineann le gearáin agus sáruithe, nó le himeachtaí breithiúnacha nó riaracháin.

11.   Déanfaidh Ballstát brataí soithigh iascaireachta a ndéanfaidh Ballstát eile cigireacht air i gcomhréir le hAirteagal 80 de Rialachán (CE) Uimh. 1224/2009, arna iarraidh sin don Bhallstát is cigire, sonraí leictreonacha na ngníomhaíochtaí iascaireachta dá dtagraítear in Airteagail 110 agus 111(1) de Rialachán (CE) Uimh. 1224/2009 le haghaidh thuras iascaireachta reatha an tsoithigh ó imeacht go ham na hiarrata a tharchur chuig an mBallstát sin.

12.   Léireofar sna hiarrataí dá dtagraítear san Airteagal seo ar cheart go soláthrófaí sa fhreagra na sonraí bunaidh mar aon le ceartúcháin nó nár cheart ach na sonraí comhdhlúite a sholáthar. Déanfaidh an Ballstát iarrtha an freagra ar an iarraidh a ghiniúint go huathoibríoch agus a tharchur gan mhoill.

13.   Beidh rochtain shlán ag máistrí soithí iascaireachta de chuid an Aontais, tráth ar bith, ar fhaisnéis a logleabhair iascaireachta féin, ar na sonraí maidir lena ndearbhú trasloingsithe féin, ar shonraí an réamhfhógra agus ar shonraí an dearbhaithe maidir le tabhairt i dtír, ar faisnéis í a stóráiltear i mbunachar sonraí an Bhallstáit brataí.

1.   Bunóidh agus oibreoidh na Ballstáit córais lena n-áiritheofar malartú sonraí de réir an Airteagail seo.

2.   Úsáidfidh na Ballstáit Sainmhíniú Scéimre XML an Fhearainn Díolacháin bunaithe ar NA/FLUX P1000-5 mar fhormáid chun sonraí nótaí díolacháin agus sonraí dearbhuithe maidir le glacadh freagrachta a tharchur chuig Ballstáit eile, chuig an gCoimisiún, nó chuig EFCA, dá dtagraítear in Airteagail 62 agus 66 de Rialachán (CE) Uimh. 1224/2009.

3.   Nuair a dhéanfar an chéad díolachán nó an chéad ghlacadh freagrachta i gcríoch Ballstáit seachas an Ballstát brataí, déanfaidh an Ballstát ar ar a chríoch a rinneadh an chéad díolachán nó an glacadh freagrachta na nótaí díolacháin agus sonraí an dearbhaithe maidir le glacadh freagrachta dá dtagraítear in Airteagal 64 agus in Airteagal 66 de Rialachán (CE) Uimh. 1224/2009 a chur ar aghaidh go pras, tar éis dó iad a fháil, chuig an mBallstát brataí agus chuig an gCoimisiún. Cuirfear na nótaí díolacháin ar aghaidh freisin chuig an mBallstát ar ina chríoch a tugadh na táirgí iascaigh i dtír.

4.   Nuair a dhéanfar an chéad díolachán i gcríoch an Bhallstáit brataí, cuirfidh an Ballstát brataí sonraí na nótaí díolacháin ar aghaidh go pras, tar éis dó iad a fháil, chuig an mBallstát ar ina chríoch a tugadh na táirgí iascaigh i dtír agus chuig an gCoimisiún.

5.   Nuair a dhéanfar an chéad díolachán lasmuigh den Aontas, cuirfidh an Ballstát brataí sonraí na nótaí díolacháin ar aghaidh chuig an gCoimisiún go pras tar éis dó iad a fháil.

6.   I gcás ina dtarlaíonn glacadh freagrachta i gcríoch an Bhallstáit brataí nó lasmuigh den Aontas, cuirfidh an Ballstát brataí sonraí an dearbhaithe maidir le glacadh freagrachta ar aghaidh chuig an gCoimisiún go pras tar éis dó iad a fháil.

7.   Maidir leis an mBallstát ar ina chríoch a rinneadh an chéad díolachán nó an chéad ghlacadh freagrachta, déanfaidh sé na nótaí díolacháin agus sonraí an dearbhaithe maidir le glacadh freagrachta dá dtagraítear i míreanna 3 agus 4 a chur ar fáil don Bhallstát brataí, don Bhallstát ar ina chríoch a tugadh na táirgí iascaigh i dtír, agus don Choimisiún, arna iarraidh sin. Coinneofar ar bun an rochtain sin go ceann 3 bliana ar a laghad tar éis an chéad díolacháin nó an chéad ghlacadh freagrachta, mura bhforáiltear a mhalairt faoi rialacha an Chomhbheartais Iascaigh nó i gcás ina bhfuil gá le sonraí le haghaidh cigireachtaí, fíoruithe, iniúchtaí agus fiosrúchán, lena n-áirítear na sonraí sin a bhaineann le gearáin agus sáruithe, nó le himeachtaí breithiúnacha nó riaracháin.

8.   Cuirfidh an Ballstát brataí na nótaí díolacháin agus sonraí an dearbhaithe maidir le glacadh freagrachta dá dtagraítear i míreanna 5 agus 6 ar fáil don Choimisiún. Coinneofar ar bun an rochtain sin go ceann 3 bliana ar a laghad tar éis an chéad díolacháin nó an chéad ghlacadh freagrachta, mura bhforáiltear a mhalairt faoi rialacha an Chomhbheartais Iascaigh nó i gcás ina bhfuil gá le sonraí le haghaidh cigireachtaí, fíoruithe, iniúchtaí agus fiosrúchán, lena n-áirítear na sonraí sin a bhaineann le gearáin agus sáruithe, nó le himeachtaí breithiúnacha nó riaracháin.

9.   Ginfear na hiarrataí dá dtagraítear san Airteagal seo go huathoibríoch agus tarchuirfidh an Ballstát iarrtha iad gan mhoill.

1.   Bunóidh agus oibreoidh na Ballstáit córais lenar féidir an méid seo a leanas a dhéanamh:

2.   Úsáidfidh na Ballstáit Sainmhíniú Scéimre XML an Fhearainn Díolacháin bunaithe ar fhormáid NA/FLUX P1000-5 chun sonraí doiciméid iompair, dá dtagraítear in Airteagal 68 de Rialachán (CE) Uimh. 1224/2009, a tharchur chuig Ballstáit eile, chuig an gCoimisiún nó chuig EFCA.

1.   Bunóidh agus oibreoidh na Ballstáit córais lenar féidir sonraí a mhalartú de réir an Airteagail seo.

2.   Úsáidfidh na Ballstáit Sainmhíniú Scéimre XML an Fhearainn Cigireachta agus Faireachais bunaithe ar NA/FLUX P1000-8 mar fhormáid chun sonraí tuarascálacha cigireachta agus faireachais a tharchur chuig Ballstáit eile, chuig an gCoimisiún, nó chuig EFCA, dá dtagraítear in Airteagail 71, 76, 78, 83, 110 agus 111 de Rialachán (CE) Uimh. 1224/2009.

3.   I gcás ina ndéanfaidh Ballstát seachas an Ballstát brataí cigireachtaí nó faireachas, cuirfidh an Ballstát is cigire na sonraí a bhaineann leis an tuarascáil chigireachta agus leis an tuarascáil faireachais ghaolmhar ar aghaidh go pras chuig an mBallstát brataí, chuig an mBallstát cósta (más éagsúil é ón mBallstát is cigire), agus chuig an gCoimisiún, tar éis dó iad a fháil.

4.   Nuair a dhéanfar cigireacht iascaireachta ar oibreoir atá ag iascaireacht gan soitheach i gcomhréir le hIarscríbhinn VII, modúl 7, nó cigireacht ar fheirm tuinníní gorma i gcomhréir le hIarscríbhinn VII, modúl 8, cuirfidh an Ballstát is cigire sonraí na tuarascála cigireachta ar aghaidh go pras chuig an gCoimisiún tar éis dó iad a fháil.

5.   I gcás ina ndéantar cigireacht mhargaidh i gcomhréir le hIarscríbhinn VII, modúl 4 in áitreabh a phróiseálann táirgí iascaigh ó Bhallstát seachas an Ballstát brataí, cuirfidh an Ballstát is cigire sonraí na tuarascála cigireachta ar aghaidh go pras chuig an mBallstát brataí, chuig an mBallstát cósta, chuig an mBallstát inar tugadh na gabhálacha i dtír (más éagsúil é ón mBallstát cósta), agus chuig an gCoimisiún, tar éis dó iad a fháil.

6.   I gcás ina ndéantar cigireacht iompair i gcomhréir le hIarscríbhinn VII, modúl 5, i mBallstát seachas an Ballstát brataí, cuirfidh an Ballstát is cigire sonraí na tuarascála cigireachta ar aghaidh go pras chuig an mBallstát brataí, chuig an mBallstát inar tugadh na gabhálacha i dtír, chuig an mBallstát cósta (más éagsúil é ón mBallstát is cigire), chuig an mBallstát nó na Ballstáit idirthurais, chuig Ballstát cheann scríbe na dtáirgí iascaigh, agus chuig an gCoimisiún, tar éis dó iad a fháil.

7.   I gcás ina ndéanfaidh an Ballstát brataí cigireacht nó faireachas, cuirfidh an Ballstát sin sonraí na tuarascála cigireachta agus faireachais ar aghaidh chuig an gCoimisiún go pras, tar éis dó iad a fháil.

8.   Maidir le sonraí na dtuarascálacha cigireachta agus faireachais:

Coinneofar ar bun rochtain ar shonraí den sórt sin go ceann 3 bliana ar a laghad tar éis na cigireachta nó an fhaireachais, mura bhforáiltear a mhalairt faoi rialacha an Chomhbheartais Iascaigh nó i gcás ina bhfuil gá le sonraí le haghaidh cigireachtaí, fíoruithe, iniúchtaí agus fiosrúchán, lena n-áirítear na sonraí sin a bhaineann le gearáin agus sáruithe, nó le himeachtaí breithiúnacha nó riaracháin.

9.   Gan dochar do chomhaontuithe idirnáisiúnta atá ina gceangal ar an Aontas:

10.   Ginfear freagraí go huathoibríoch ar aon iarraidh a dhéanfar faoin Airteagal seo agus déanfaidh an Ballstát iarrtha iad a tharchur gan mhoill.

1.   Úsáidfidh na Ballstáit Sainmhíniú Scéimre XML bunaithe ar chaighdeán NA/FLUX P1000-12 chun sonraí comhiomlánaithe gabhála agus iarrachta iascaireachta a tharchur chuig an gCoimisiún, dá dtagraítear in Airteagal 33(2) agus (4) de Rialachán (CE) Uimh. 1224/2009.

2.   Beidh cainníochtaí gabhálacha tuairiscithe bunaithe ar na cainníochtaí a thabharfar i dtír. Murar tugadh na gabhálacha i dtír go fóill, tuairisceofar cainníocht mheasta na gabhála, le léiriú ar ‘arna gcoinneáil ar bord’ nó le léiriú ar ‘thrasloingsiú’, le haghaidh gabhálacha a thrasloingsítear agus a choinnítear ar bord tar éis an trasloingsithe. Ní mór ceartúchán leis an meáchan beacht agus leis an tír ina dtabharfar i dtír iad a tharchur roimh an 15ú lá den mhí tar éis an tabhairt i dtír.

3.   Nuair a cheanglaítear, le reachtaíocht an Aontais, stoic nó speicis a thuairisciú i roinnt tuarascálacha maidir le gabhálacha ar leibhéil chomhiomlánaithe éagsúla, déanfar na stoic nó na speicis sin a thuairisciú sa tuarascáil is mionsonraithe arna héileamh.

1.   Úsáidfidh na Ballstáit an fhaisnéis íosta a leagtar síos in Iarscríbhinn XVIII le haghaidh na tuarascála bliantúla ar rialú agus ar chigireachtaí dá dtagraítear in Airteagal 93b de Rialachán (CE) Uimh. 1224/2009.

2.   Úsáidfidh na Ballstáit an fhaisnéis íosta a leagtar síos in Iarscríbhinn XI don tuarascáil 5 bliana dá dtagraítear in Airteagal 118(1) de Rialachán (CE) Uimh. 1224/2009.