(1)

Le Rialachán Cur Chun Feidhme (AE) 2023/265 (2) ón gCoimisiún, d’fhorchuir an Coimisiún Eorpach (‘an Coimisiún’) dleachtanna frithdhumpála cinntitheacha ar allmhairí tíleanna ceirmeacha de thionscnamh na hIndia agus na Tuirce.

(2)

San imscrúdú a raibh sé mar thoradh air dleachtanna frithdhumpála cinntitheacha a fhorchur, úsáideadh sampláil agus imscrúdú á dhéanamh ar tháirgeoirí onnmhairiúcháin, i gcomhréir le hAirteagal 17 den bhun-Rialachán.

(3)

I mí Iúil 2025, chuaigh grúpa Bien & Qua, grúpa de tháirgeoirí onnmhairiúcháin sampláilte de chuid na Tuirce ar cuireadh a dtáirgí faoi réir na dleachta frithdhumpála aonair 4,8 %, i dteagmháil leis an gCoimisiún, agus chuir siad earráid maidir leis an gcaoi a raibh ainmneacha a dtáirgeoirí onnmhairiúcháin le feiceáil sa bhun-Rialachán in iúl dó. Deimhníodh le hanailís nua ar na doiciméid a chuir an grúpa isteach cheana le linn an imscrúdaithe bunaidh, is é sin a nAirteagail Chomhlachais, gur mílitríodh ainmneacha na bpáirtithe sa bhun-Rialachán.

(4)

I bhfianaise an mhéid thuas, meastar gur gá an bun-Rialachán a leasú go cúlghabhálach ó lá a theacht i bhfeidhm chun ainmneacha cearta na dtáirgeoirí onnmhairiúcháin ábhartha a léiriú, is iad sin Qua Granite Hayal Yapi ve Ürünleri Sanayi Ticaret A.Ş. agus Bien Yapi Ürünleri Sanayi Turizm ve Ticaret A.Ş..

(5)

Tá na bearta dá bhforáiltear sa Rialachán seo i gcomhréir le tuairim an Choiste a bunaíodh le hAirteagal 15(1) de Rialachán (AE) 2016/1036,